အာရှဖွံ့ဖြိုးရေးဘဏ်(ADB)၏ ၂၀၁၄ မြန်မာ့စီးပွားရေးအလားအလာသုံးသပ်ချက်

Khin Maung Nyo

          ရင်းနှီးမြှုပ်နှံမှု အားကောင်းခြင်း ကြောင့်ယခင်နှစ်က ဂျီဒီပီတိုးတက်မှု နှုန်း မြန်ဆန်လာခဲ့ပြီး ယခုနှစ်နှင့် နောင်လာ မည့်နှစ်တွင်လည်းပို၍တိုးတက်မှုရမည်ဟု မျှော်လင့်ရပါသည်။ အစိုးရကစီးပွားရေးပြုပြင်ပြောင်းလဲမှုအရှိန်အဟုန်ကိုဆက် လက်ထိန်းထားနိုင်သည်။ ပြုပြင်ပြောင်းလဲမှု လုပ်ငန်းစဉ်များ စဉ်ဆက်မပြတ်ဖြစ်ပေါ်ရေးသည်အစိုးရ၏အဆင့်အသီးသီးတွင် စွမ်း ဆောင်ရည်ဖွံ့ဖြိုး တိုးတက်လာရေးနှင့် စည်းမျဉ်းစည်း ကမ်းနှင့်အဖွဲ့အစည်းများ တောင့် တင်းခိုင်မာရေးတို့အပေါ်တွင် မူတည်သည်။ ထို့အပြင်အားလုံးဝိုင်းဝန်း၍ပြုပြင်ပြောင်းလဲမှု ပြုလုပ်ကြရန်နှင့် လျှပ်စစ်ဓာတ်အားပေးဝေမှု တိုးတက်ဖွံ့ဖြိုးလာ ရန်လည်းလိုအပ်သည်။


စီးပွားရေးတိုးတက်မှု

          ၂၀၁၄ ခုနှစ်၊ မတ်လ ၃၁ ရက် နေ့တွင် ကုန်ဆုံးသော၂၀၁၃ ဘဏ္ဍာ ရေးနှစ်၌ ဂျီဒီပီတိုးတက်မှု ၇.၅% ရှိမည်ဟု ခန့်မှန်းရာ ၂၀၁၂ခုဘဏ္ဍာရေးနှစ်က ခန့်မှန်းသော၇.၃%ထက်တက်လာခဲ့ခြင်းဖြစ် သည်။ စီးပွားရေးလုပ်ငန်းများ၏ ယုံ ကြည် စိတ်ချမှု တိုးပွားလာခြင်းကြောင့် ရင်းနှီးမြှုပ်နှံမှုများ မြင့်မားလာခြင်း၊ ကုန်ပစ္စည်းပို့ကုန်များ တိုးပွားလာခြင်း၊ကမ္ဘာလှည့် ခရီးသွားလုပ်ငန်း အားကောင်းလာခြင်း၊ ချေးငွေတိုး ပွားလာခြင်းတို့အပြင် အစိုးရကလည်း ရည်မှန်းချက်ကြီးမားစွာ စီးပွား ရေးအဆောက်အအုံ ပြုပြင်ပြောင်းလဲ မှုလုပ်ငန်းများဆောင်ရွက်နေခြင်းတို့ ၏ အထောက်အကူပြုမှုတို့ကြောင့် ဤတိုးတက်မှု နှုန်းကို ရရှိခဲ့ခြင်းဖြစ်သည်။
          အရင်းအနှီးကုန်စည်များ တင် သွင်းမှုမြင့်မားလာခြင်းကိုကြည့်လျှင်ရင်းနှီးမြှုပ်နှံမှုအရှိန်အဟုန် မြင့်မား လာခြင်းကို သိသိသာသာ တွေ့မြင်ရ သည်။ အရင်းအနှီးကုန်ပစ်္စည်းများတင်သွင်းမှုသည် ၂၀၁၃ တွင် ၅၉.၅% တိုးလာခဲ့သဖြင့် ဒေါ်လာ ၅.၈ ဘီလီယံအထိ တိုးပွားလာခဲ့သည်။
          စီးပွားရေးလုပ်ငန်းသစ်များ မှတ်ပုံတင်မှုလျင်မြန်စွာတိုးတက်နေသဖြင့်မကြာမီနှစ်များအတွင်းကစီးပွားရေးလုပ်ငန်း များ၏ ယုံကြည်စိတ် ချမှု သိသိသာသာ တက်လာကြောင်းတွေ့ရသည်။ ၂၀၁၃ ခုနှစ်၊ ဇန်န၀ါရီ လအထိ ဆယ်လအတွင်း လုပ်ငန်း ပေါင်း ၅၀၀၀ ကျော်တိုးလာခဲ့သည်။ယခင်ဘဏ္ဍာရေးနှစ်တစ်နှစ်လုံးတွင် မှတ်ပုံတင်ခဲ့သော လုပ်ငန်းအရေ အတွက် ထက်ပင် ကျော်လွန်သွားခဲ့သည်။နိုင်ငံခြားပိုင်လုပ်ငန်းသစ်များ မှတ်ပုံတင်မှု ၃၇၅ အထိ ရှိခဲ့သည်။ ပုဂ္ဂလိကကဏ္ဍ၏ချေးငွေသည် ၂၀၁၃ ဘဏ္ဍာနှစ်တွင် ၄၆% ၌ ဆက်လက်ထိန်းထားနိုင်ဆဲဖြစ်သည်။
          လုပ်သားတစ်ဝက်ကျော်ရှိရာ စိုက်ပျိုးရေးကဏ္ဍသည်၂၀၁၂ နှစ် လယ်တွင် ရေလွှမ်းမိုးမှုဒဏ်ခံရပြီး နောက် ၂၀၁၃ ဘဏ္ဍာနှစ်တွင်ပြန်လည် ဦးမော့လာခဲ့သည်။ရွှေနှင့် ဇောတိကရေနံနှင့် သဘာဝဓာတ်ငွေ့ တွင်းများ၊ စတင်ထုတ်လုပ်မှုပြုလာ ကြသဖြင့် သဘာဝဓာတ်ငွေ့အထွက်တိုးပွားလာခဲ့သည်။
          သဘာဝဓာတ်ငွေ့ တင်ပို့ရောင်း ချမှုသည် ၂၀၁၃၊စက်တင်ဘာလ အထိ ၁၂ လတာကာလအတွင်း ၆၈.၈% တိုးလာခဲ့သဖြင့် ၇.၇ ထရီလီယံကုဗပေအထိ ဖြစ်လာခဲ့သည်။ သဘာဝဓာတ်ငွေ့တင်ပို့မှု၏ တန်ဖိုးသည် ဒေါ်လာ ၃.၆ ဘီလီယံ ခန့်ရှိရာ ပို့ကုန်အားလုံး၏၄၀% ရှိ သည်။
          ၂၀၁၃ ဘဏ္ဍာနှစ်တွင် ငွေဖောင်းပွမှုနှုန်း ၅.၈%ရှိမည်ဟု ခန့်မှန်းရသဖြင့်ငွေဖောင်းပွမှုနှုန်း မြင့် တက်လာခြင်းဖြစ် သည်။ စားနပ်ရိက္ခာဈေးနှုန်းတွေတက်လာခြင်း၊မြန်မာကျပ်ငွေတန်ဖိုးကျဆင်းခြင်းကြောင့်ပြည်တွင်း၌ဈေးနှုန်းတွေလိုက်တက် ခြင်းတို့ကြောင့်ငွေဖောင်းပွမှုနှုန်းတက်လာခြင်းဖြစ်သည်။ ၂၀၁၂ ခုနှစ်၊ ဧပြီလတွင် စီမံခန့်ခွဲမှုရှိသောနှုန်းရှင်မျှော ငွေလဲလှယ် နှုန်းစနစ်ကို စတင်ကျင့်သုံးပြီးနောက် မြန်မာကျပ် ငွေသည် ဒေါ်လာနှင့်နှိုင်းယှဉ်လျှင်တန်ဖိုးကျလာခဲ့ရာ ၂၀၁၃၊ ဧပြီလမှ ၂၀၁၄ မတ်လအတွင်း ၁၁% ကျ ဆင်းခဲ့သည်။
          သာမန်စာရင်းလိုငွေသည် ၂၀၁၃ ဘဏ္ဍာနှစ်တွင် ၄.၈%အထိတိုးပွားလာခဲ့ရာ အရင်းအနှီးသွင်းကုန် တိုးပွားမှု များပြားလာခြင်းကို ညွှန်ပြ သည်။ ထိုလိုငွေကိုနိုင်ငံခြား တိုက် ရိုက်ရင်းနှီးမြှုပ်နှံမှုနှင့် ပြည်ပမှ လွှဲပို့ ငွေများ တိုးပွားလာခြင်းတို့က တစ် စိတ်တစ်ဒေသအားဖြင့် ကျခံသည်။ ပြည်ပငွေပေးငွေယူရှင်းတမ်းတွင် ဂျီဒီ ပီ၏ ၀.၆%သည် ညီမျှသော ပိုငွေ ကို စံချိန်တင်ပြသနိုင်ပြီး စုစုပေါင်း နိုင်ငံခြားသီးသန့်ရန်ပုံငွေသည်၂၀၁၃ ဘဏ္ဍာနှစ်တွင် ဒေါ်လာ ၄.၉ ဘီလီယံရှိရာ သွင်းကုန် ၃.၃ လစာ နှင့် ညီမျှသည်။
          ၂၀၁၃ အစိုးရဘတ်ဂျက်သည် ဒေါ်လာ ၁၉.၅ ဘီလီယံရှိရာဂျီဒီပီ ၏ ၃၂.၈% နှင့်ညီမျှသည်။ ပညာ ရေးအသုံးစရိတ် သည် ယခင်နှစ်က ထက် ၃၀%၊ ကျန်းမာရေးအသုံးစရိတ်သည် ၇၈% တိုးလာခဲ့သည်။ ၂၀၁၂ ခုနှစ် ဘဏ္ဍာနှစ်တွင် ဘတ် ဂျက်လိုငွေ ဂျီဒီပီ၏ ၃.၈%ရှိရာမှ ၂၀၁၃ ဘဏ္ဍာနှစ်တွင် ၄.၉% အထိ တိုးလာမည်ဟု ခန့်မှန်းရသည်။ ပြည်ပကြွေးမြီပမာဏ သည်ဒေါ်လာ ၁၀.၇ ဘီလီယံအထိ ကျဆင်းလာခဲ့ ရာ ဂျီဒီပီ၏ ၁၉% ရှိသည်။ တင်ရှိ နေသော ကြွေးမြီများပြန်ဆပ်ရေး အစီ အစဉ်နောက်ပိုင်းတွင် ၂၀၁၂ ဘဏ္ဍာနှစ်က ကြွေးမြီ ၁၃.၅ ဘီလီ ယံရှိရာမှ ကျဆင်းလာခဲ့ခြင်းဖြစ်သည်။


စီးပွားရေးအလားအလာ

          လွန်ခဲ့သည့်သုံးနှစ်က မြန်မာ အစိုးရသည် စီးပွားရေးအဆောက်အအုံကို တံခါးဖွင့်ကာ ရှင်သန် အောင်ဆောင် ရွက်လာခြင်းကြောင့် စီးပွားရေးလုပ်ငန်းများ၏ယုံကြည် စိတ်ချမှု တိုးပွားလာခဲ့ခြင်း၊ ရင်းနှီးမြှုပ် နှံမှု တိုးပွားလာခြင်းတို့ကြောင့်၂၀၁၄ နှင့် ၂၀၁၅ ဘဏ္ဍာနှစ်များတွင် ၇.၈% အထိ မြင့်မားသော စီးပွား ရေးတိုးတက်မှုနှုန်းကိုရရှိမည်ဟု ခန့် မှန်းတွက်ဆ ကြသည်။
          ဆက်သွယ်ရေးလိုင်စင် တယ်လီ နောနှင့် အော်ရီဒိုးတို့ကိုပေးခဲ့ခြင်း၊ လေဆိပ်များ ဖွံ့ဖြိုးတိုးတက်ရေးတို့ အတွက် ကိုရီးယားသမ်္မတနိုင်ငံ၊ စင်ကာပူနှင့်ဂျပန်တို့မှရင်းနှီးမြှုပ်နှံသူများကိုရွေးချယ်ခဲ့ခြင်း၊ အရှေ့အာရှဒေသဆိုင်ရာ ကမ္ဘာ့စီးပွားရေးဖိုရမ်ကို ကျင်းပနိုင်ခဲ့ခြင်းနှင့် အရှေ့တောင် အာရှ အားကစားပြိုင်ပွဲ ကျင်းပခဲ့ခြင်းအပါအ၀င် ယခင်နှစ်က တိုးတက် ဖြစ်ထွန်းမှုများကြောင့် နိုင်ငံတကာ တွင် မြန်မာနိုင်ငံကိုရင်းနှီးမြှုပ်နှံစရာ နေရာတစ်ခုအဖြစ် ရှုမြင်လာခဲ့ကြ သည်။
          ငွေဖောင်းပွမှုနှုန်းသည် ၂၀၁၄ ဘဏ္ဍာနှစ်တွင်၆.၆%၊ ၂၀၁၅ ဘဏ္ဍာနှစ်တွင် ၆.၉% အထိ တက် လာမည်ဟု မျှော်မှန်းတွက်ဆရပါ သည်။ ငွေဖောင်းပွမှုကိုဖြစ်စေနိုင် သော အကြောင်းတရားများတွင် ပြည်သူပိုင်ကဏ္ဍ လုပ်ခတိုးမြှင့် ခြင်း၊ လျှပ်စစ်ဓာတ်အားခများတိုးမြှင့်ခြင်း၊ မြို့ကြီးများတွင် အိမ်ရာဈေး မြင့်မား ခြင်းတို့ပါဝင်သည်။ ဗဟိုဘဏ်မှအစိုးရသို့ ထုတ်ချေးသောငွေလျော့ကျ လျှင် နှစ်လတ်ကာလတွင် ငွေဖောင်း ပွမည့်အလားအလာကိုထိန်းသိမ်းရာ၌ အထောက်အကူ ဖြစ်မည်။
          သွင်းကုန်တင်သွင်းရာ၌ သတ် မှတ်ထားသော စည်းမျဉ်းစည်းကမ်းများကို လျှော့ချခြင်း၊ နိုင်ငံခြားငွေ ထိန်းချုပ်မှုကို လျှော့ချခြင်းတို့ကြောင့် ၂၀၁၄နှင့် ၂၀၁၅ ဘဏ္ဍာနှစ်များ တွင် သာမန်စာရင်းလိုငွေသည် ဂျီဒီပီ ၏ ၅% ပတ်ဝန်းကျင်၌သာ ဆက်လက်ရှိနေနိုင်သည်။နိုင်ငံ၏ သီးသန့် နိုင်ငံခြားရန်ပုံငွေသည် သွင်းကုန် ၃.၆ လစာနှင့် ညီမျှသောဒေါ်လာ ၆ဘီလီယံ အထိ ၂၀၁၄ ဘဏ္ဍာနှစ် တွင် ရောက်သွားနိုင်သည်။
          ၂၀၁၄ ဘဏ္ဍာနှစ်တွင် ဘတ် ဂျက်လိုငွေသည် ဂျီဒီပီ၏၄.၅% အထိ ကျဆင်းသွားနိုင်သည်။ ဆက် သွယ်ရေးလိုင်စင် မှ တစ်လုံးတစ်ခဲ တည်းဝင်ငွေများရရှိနိုင်ခြင်း၊သဘာဝ ဓာတ်ငွေ့ရောင်းရငွေ တိုးလာနိုင်ခြင်း တို့ကြောင့် ထိုသို့ကျဆင်းသွား နိုင်ခြင်းဖြစ်သည်။ ဂျပန်၊ ကမ်္ဘာ့ဘဏ်နှင့် အာရှဖွံ့ဖြိုးရေးဘဏ်တို့နှင့် သဘော တူညီချက်ရရှိခဲ့သောကြွေးမြီပြန်ဆပ် ရေးအစီ အစဉ်သစ်အရ အစိုးရအနေ ဖြင့် ချေးငွေအသစ်များ ရရှိနိုင်ရန် လမ်းပွင့်သွားပြီဖြစ်သည်။
          ပြည်ပကြွေးမြီသည် ၁၁.၇ ဘီ လီယံ၊ ဂျီဒီပီ၏၁၉.၄% အထိ တိုး လာနိုင်သည်။ မြန်မာ၏ ကြွေးဆပ် နိုင်စွမ်းမှာ ကောင်းမွန်ဆဲဖြစ်ပြီး ဈေးကွက်မှ ချေးငွေများအပေါ် အားကိုး မှုနည်းခြင်း၊ ကျန်ရှိသောကြွေးများကို ရှင်းလင်းပြီးနောက်အတိုးနှုန်းသက် သာသောချေးငွေများ ရရှိနိုင်ခြင်းတို့ ကြောင့်ဖြစ်သည်။
          အစိုးရက စီးပွားရေးပြုပြင် ပြောင်းလဲမှုများစွာကိုပြုလုပ်ခဲ့သည်။ ငွေလဲလှယ်နှုန်းတစ်ခုတည်းဖြစ်အောင် ဆောင်ရွက် ခြင်း၊ ငွေကြေးမူဝါဒ ပိုမိုကောင်းမွန်အောင်ဆောင်ရွက်ခြင်း၊ အခွန်ငွေရရှိမှု မြင့်မားလာခြင်း၊ ပြည် သူ့အသုံးစရိတ်ကိုလူမှုနှင့် ရုပ်ပိုင်းဆိုင်ရာ အခြေခံအဆောက်အအုံများ အတွက် ပို၍အသုံးပြုခြင်း၊ ဘဏ္ဍာ ရေးကဏ္ဍဖွံ့ဖြိုးတိုးတက်အောင် ဆောင်ရွက် ခြင်း၊ စီးပွားရေးနှင့် ရင်း နှီးမြှုပ်နှံမှုပတ်ဝန်းကျင်ပိုမိုကောင်း မွန်အောင် ဆောင်ရွက်ခြင်း၊ စိုက်ပျိုး ရေးနှင့် ကုန်သွယ်ရေးကို လွတ်လပ်ခွင့်ပြုခြင်းတို့ ဆောင်ရွက်ခဲ့သည်။ ဗဟိုဘဏ်ဥပဒေသစ်အရ ဗဟိုဘဏ် သည် ပိုမို၍ လွတ်လပ်စွာဆောင် ရွက်ခွင့် ရှိသည်။ အစိုးရက ပြည်သူ့ဘဏ္ဍာရေးစီမံခန့်ခွဲမှုဘက်စုံပြုပြင်ပြောင်းလဲရေးအတွက်ရှေ့နောက်အချိတ်အဆက်ရှိမဟာဗျူဟာတစ်ရပ်ကို ပြင်ဆင်ရေးဆွဲလျက်ရှိသည်။
          အဆင့်မြင့်အကျင့်ပျက်မှု တိုက်ဖျက်ရေးကော်မတီကိုဖွဲ့စည်းကာ မြင်သာထင်သာရှိရေးနှင့် တာဝန်ယူမှု ရှိရေး အတွက် ကြိုးပမ်းအားထုတ် လျက်ရှိသည်။ကမ်္ဘာ့သယံဇာတထုတ် ယူမှု မြင်သာထင်သာရှိရေး EITI အစီအစဉ်တွင်ပူးပေါင်း ပါဝင်ရန် အစိုးရကသန်္နိဋ္ဌာန်ချမှတ်ဆောင်ရွက်လျက်ရှိသည်။ ဆက်သွယ်ရေးလိုင်စင် လေလံပစ်ချထားမှုကြောင့် နိုင်ငံတကာ ကုမ္ပဏီများသည်ပြည် တွင်းလုပ်ငန်းများနှင့် လက်တွဲစရာ မလိုဘဲ အခြေချဆောင်ရွက်နိုင်ကြသည်။
          သို့သော်လည်း ကမ္ဘာ့ဘဏ်၏ ၂၀၁၄ခုနှစ် စီးပွားရေးလုပ်ကိုင်မှုအစီရင်ခံစာတွင် စီးပွားရေးလုပ်ကိုင်ရ လွယ်ကူသော နိုင်ငံ ၁၈၉အနက် အမှတ် ၁၈၂ချိတ်နေခြင်းသည်စီးပွားရေးပတ်ဝန်းကျင်ကောင်းမွန်ရေး အတွက် ဖြေရှင်းစရာ စိန်ခေါ်မှုများ ရှိနေသည်ကို ပြသည်။စီးပွားရေးပြု ပြင်ပြောင်းလဲမှုများကို စဉ်ဆက် မပြတ် ဆက်လက်ဆောင်ရွက်ရေး သည် အစိုးရ၏အထက်အောက် အဆင့်အသီးသီးတွင် စွမ်းရည်မြင့်မားရေး၊ စည်းမျဉ်းစည်းကမ်းနှင့် အဖွဲ့အစည်းများတောင့်တင်းခိုင်မာရေး အပေါ်တွင် မူတည်သည်။ စီးပွားရေး ပြုပြင်ပြောင်းလဲမှုတွင် တိုးတက်မှုရှိရေး၊ အထူးသဖြင့် ကျေးလက်နှင့် အခွင့်အလမ်းများ ရရှိရေးတို့တွင် တိုး တက်မှုဖြစ်စဉ်တွင်အားလုံးပါဝင်ခွင့် ရရှိစေရန် ဆောင်ရွက်ပေးနိုင်ပါ သည်။
          စီးပွားရေးအလားအလာနှင့် ပတ် သက်၍ တွေ့ကြုံနိုင်စရာရှိသည့်အခက်အခဲများမှာ တိုင်းရင်းသားနှင့် အုပ်စုများ အကြား တင်းမာမှုများ၊ ရာသီဥတုဆိုးဝါးမှုများကြောင့်ပေါ်ပေါက်လာနိုင်ပါသည်။

မူဝါဒဆိုင်ရာ စိန်ခေါ်မှုများ
စီးပွားရေးအဆောက်အအုံကိုစွမ်းအင်ဖြည့်ပေးခြင်း

          မြန်မာနိုင်ငံတွင် အထူးသဖြင့် ရေအားလျှပ်စစ်နှင့်သဘာဝဓာတ် ငွေ့အပါအ၀င် စွမ်းအင်သယံဇာတ အလွန်တရာ ပေါများကြွယ်ဝသည်။ သို့သော်လည်း ဓာတ်အားကဏ္ဍသည်အရှေ့တောင်အာရှတွင် ဖွံ့ဖြိုးမှု အနည်းဆုံးကဏ္ဍတစ်ခု ဖြစ် သည်။ စုစုပေါင်းတပ်ဆင်ထားသောစွမ်း အား ၃၅၉၃ မီဂါဝပ်၏ တစ်ဝက် ကျော်သော ခိုင်ခိုင်မာမာ စိတ်ချ လက်ချသုံးစွဲနိုင်သည်။ မိုးလေ၀သကို အားကိုးနေရသော ရေအားလျှပ်စစ် ထုတ်လုပ်မှုသည် စုစုပေါင်း လျှပ်စစ် ထုတ်လုပ်မှု၏၇၅% အထိ ရှိနေသည်။ သို့ဖြစ်ရာ လျှပ်စစ်ဓာတ်အား ထုတ်လုပ်မှုသည် အကန့်အသတ်နှင့် ရှိနေပြီးစိတ်ချအားကိုးရခြင်းမရှိပေ။
          မြန်မာနိုင်ငံတွင် လူဦးရေ သန်း ၆၀ ခန့်ရှိသည်ဟုခန့်မှန်းရာမြန်မာ နိုင်ငံ၏ ၂၀၁၁ ခုနှစ် တစ်ဦးကျ လျှပ်စစ်သုံးစွဲမှု သည် ၁၆၀ ကီလိုဝပ် နာရီမျှသာဖြစ်၍အရှေ့တောင်အာရှ  တွင် အနိမ့်ဆုံးဖြစ်သည်။ ၂၀၁၁ခုနှစ်တွင် လူဦးရေ၏ ၂၈% ကိုသာ လျှပ်စစ်ဓာတ်အားပေးနိုင်ခြင်း၊ စက်မှု လက်မှုဖွံ့ဖြိုးမှုနည်းပါးခြင်း၊ရင်းနှီး မြှုပ်နှံမှုနည်းခြင်းတို့၏ ရလဒ်ပင်ဖြစ် သည်။ မြို့ကြီးအတော်များများ၌သာ လျှပ်စစ်ဓာတ်အားရရှိသည်။
          စရိတ်ဘက်ကကြည့်လျှင် လျှပ်စစ်ဓာတ်အားခများကိုအစိုးရကအများအပြားထောက်ပံ့ကြေးပေးသဖြင့်အရှေ့တောင် အာရှတွင် အနည်းဆုံး အခကြေးငွေဖြစ်နေသည်တွေကို တွေ့ရသည်။ သို့သော်လည်း ၂၀၁၄ခုနှစ်၊ မတ်လတွင် အစိုးရက လျှပ် စစ်ဓာတ်အားဈေးနှုန်းပြုပြင်ပြောင်း လဲမည့်အစီအစဉ်ကိုကြေညာခဲ့ပြီး ၀င်ငွေနိမ့်သူများအတွက် သက်သာသောနှုန်း ရရှိစေကာ ရေရှည်တွင် ဆက်လက်ပေးခြင်းမပြုနိုင်သည့်ထောက်ပံ့ကြေးအများစုကို ပယ်ဖျက် မည်ဖြစ်သည်။
          ဖွံ့ဖြိုးရေးလုပ်ငန်းများ တွဲဖက် ဆောင်ရွက်နေသူတို့၏ခန့်မှန်းချက် အရ ၂၀၃၀ တွင် နှစ်စဉ် စီးပွားရေး တိုးတက်မှု နှုန်း ၇.၅% ရရှိနိုင်ရန်အတွက်ဒေါ်လာ ၁၈ဘီလီယံခန့် ရင်းနှီးမြှုပ်နှံမှုလိုအပ်သည်။ အစိုးရ နှင့် ဖွံ့ဖြိုးရေးလုပ်ငန်းများတွဲဖက် ဆောင်ရွက်နေသူတို့က စွမ်းအင် ကဏ္ဍ၏ လိုအပ်ချက်များကို ဖြည့် ဆည်းရန် ကြိုးပမ်းရာတွင်စီမံကိန်း များ ပြင်ဆင်ခြင်း၊ စည်းမျဉ်းစည်း ကမ်းများနှင့် ဥပဒေပြင်ဆင်ခြင်းတို့ ပြုလုပ်ကာဓာတ်အားဖြန့်ဖြူးမှု ပိုမို ကောင်းမွန်ရေး၊ လျှပ်စစ်ဓာတ်အား ဆုံးရှုံးမှု လျှော့ချရေး၊ပြည့်ဖြိုးမြဲ စွမ်းအင်အရင်းအမြစ်များ ပေါ်ပေါက်ရေးအတွက် အကူအညီပေးရေး၊ လက်ရှိအခြေခံအဆောက်အအုံကို အင်အားဖြည့်တင်းပေးခြင်း၊ ထုတ် လုပ်မှုနှင့် ဖြန့်ဖြူးမှုစွမ်းအားတိုးပွားရန်လှုံ့ဆော်ခြင်းတို့ ပါဝင်သည်။
          လိုအပ်သော ရင်းနှီးမြှုပ်နှံမှုပမာ ဏသည် အစိုးရနှင့်နိုင်ငံတကာအဖွဲ့ အစည်းများက ဖြည့်ဆည်းနိုင်သော ပမာဏ ထက် ကျော်လွန်နေသဖြင့် ပြည်သူပိုင်ကဏ္ဍနှင့်ပုဂ္ဂလိကကဏ္ဍ လက်တွဲသည့်နည်းဖြင့် ဆောင်ရွက် နိုင်ရန် စီစဉ်လျက်ရှိ သည်။ အထူး သဖြင့် လျှပ်စစ်ဓာတ်အားထုတ်လုပ်မှုနှင့်ပတ်သက်၍ နိုင်ငံတကာစံချိန် စံညွှန်းများနှင့် ကိုက်ညီသော ဓာတ် အားဝယ်ယူရေးစာချုပ်များပြင်ဆင်ချုပ်ဆိုခြင်း၊အစိုးရအဖွဲ့အစည်းများက ပွင့်လင်းပြီးမြင်သာထင်သာရှိတင်ဒါလုပ်ငန်းစဉ်များ ဆောင်ရွက်တတ်စေရန် လေ့ကျင့်ပျိုးထောင်ပေး ခြင်း၊ ပုဂ်္ဂလိကရင်းနှီးမြှုပ်နှံမှုများ ပေါ် ပေါက်လာစေရန်အားပေးခြင်းတို့ကို ဆောင်ရွက်လျက်ရှိသည်။
          မြို့ပြဒေသနှင့် ကျေးလက်၊ ဝေး လံသောဒေသများအကြားတွင်လျှပ် စစ်ဓာတ်အားရရှိမှု၊ ကွာဟချက်ကြီး မားသဖြင့် ပင်မလျှပ်စစ်ဓာတ်အား လိုင်းကြီး၏ပြင်ပတွင်အသေးစားရေ အားလျှပ်စစ်၊ ဇီဝဓာတ်ငွေ့၊ ရေအား နှင့် နေရောင်ခြည်သုံး လျှပ်စစ်ဓာတ် စနစ်ကဲ့သို့သောအရင်းအမြစ်များ ဖွံ့ ဖြိုးတိုးတက်ရေးကိုလည်း အလေးထား ဆောင်ရွက်လျက်ရှိသည်။
          ဆင်းရဲနွမ်းပါးမှု လျှော့ချရေးနှင့် ဒေသဆိုင်ရာဖွံ့ဖြိုးတိုးတက်မှုရရှိရေး တို့အတွက် စွမ်းအင်ဆိုင်ရာ စိန်ခေါ် မှုများကို ဖြည့်ဆည်းပေးရေးသည်။အရေးပါသည်။ ထို့အပြင် တိုင်းရင်း သားအုပ်စုများအား ပိုမိုကောင်းမွန် သော လျှပ်စစ်ဓာတ်အားဖြည့်တင်း ပေးနိုင်လျှင်လည်း ငြိမ်းချမ်းရေးအသီး အပွင့်များ ခံစားရရှိရေးကို အထောက်အကူပြုနိုင်သည်။