စိတ်ဓာတ်ဆင့်ကဲဖြစ်စဉ် (နှစ်သစ်ကူးအက်ဆေး)

Kyaw Ba Thit

“လူရှေ့သူရှေ့ တံတွေးထွေးတာ လူကြားထဲ သေးပေါက်ပြတာနဲ့ အတူတူပဲ...” တဲ့။ သူငယ်ချင်းတစ်ယောက်က ပြောဖူးတယ်။ သူပြောသလို သေးနဲ့တံတွေး လုံးလုံးမတူဘူးဆိုရင်တောင်မှ ရွံဖို့ကောင်းတာတော့ အမှန်ပဲ။ ဟုတ်ကဲ့.. ကျွန်တော်လည်း တစ်ခါတစ်ခါတော့ ထွေးမိတယ်။
သတ္တ၀ါမှန်ရင် ပုရွက်ဆိတ်အစ ဂေါ်ဇီလာအဆုံး စိတ်ချမ်းသာချင်ကြတာချည်းပဲ။
လူကတော့ ထိပ်ဆုံးကပေါ့လေ။ စိတ်ချမ်းသာခြင်းအကြောင်းရင်းတွေထဲမှာ လူတစ်ယောက်ရဲ့ဘ၀ လွတ်လွတ်လပ်လပ် ရှင်သန်ဖြစ်တည်ခွင့်ရမှုလည်း ပါဝင်နေလိမ့်မယ်။ တစ်ယောက်ကို တစ်ယောက်က ကြိုးနဲ့ မချည်၊ တစ်ယောက်ဖြစ်တည်မှုကို တစ်ယောက် လေးစား။
အခြားတစ်ယောက်က ကိုယ့်ရဲ့ ကိစ္စတိုင်းမှာ ဘေးကနေ ၀င်ဝင်ပါနေရင်၊ စီရင်ချက်တွေ ဖတ်ကြားနေရင်၊ ဆုံးဖြတ်ချက်တွေ ၀င်ချပေးနေရင်၊ ကိုယ့်ကံကြမ္မာကို အုပ်မိုးချုပ်ကိုင်ထားရင် ချုပ်သူ၊ အချုပ်ခံ နှစ်ယောက်လုံးပဲ မလွတ်မလပ် ဖြစ်ရ၊ အသက်ရှူ ကြပ်ရ၊ ချည်သူရော၊ အချည်ခံပါ တိုင်ပတ်ကြရတော့တယ်။ ဆိုတော့ကာ... တစ်ဘက်သားဖြစ်တည်မှုအပေါ် ကျူးကျော်ဝင်ရောက်ချင်တဲ့ ဥာဉ်မျိုးကိုလည်း ကျွန်တော်အပါအ၀င် ဆင်ခြင်ဖို့လိုဦးမယ်။
ပြဿနာတစ်ရပ်၊ အခက်အခဲတစ်ခုနဲ့ ကြုံကြရတဲ့အခါ အဲဒီ့ပြဿနာရဲ့အကြောင်းရင်းကို ရှာလိုက်တိုင်း ကိုယ်တိုင်က လွတ်လွတ်နေလေ့ရှိတယ်။ ဆက်ဆံရေးတစ်ခု ပျက်သုဉ်းသွားတော့၊ စီးပွားရေးတစ်ခု ကျရှုံးသွားတော့၊ အန္တရာယ်တစ်စုံတစ်ရာ ရင်ဆိုင်ကြုံတွေ့ရတော့၊ မမြင်ရတဲ့ အခြေအနေတွေက ဘ၀တွေကို ကိုင်လှုပ်ခံရတော့ ကိုယ်ကတော့ မှန်နေတာချည်းပဲ။ တစ်ခြားတစ်ယောက်ကို လက်ညှိုးငေါက်ငေါက်ထိုးတယ်...(တစ်ခါတစ်ခါတော့လည်း) ကံပဲပေါ့လကွာ...လို့ လွယ်လွယ်ကူကူ နိဂုံးချုပ်လိုက်ကြတယ်။
တစ်ခြားလူကို လက်ညှိုးငေါက်ငေါက်ထိုးသူရော၊ ကံပဲပေါ့လကွာသမားမှာပါ တူညီတဲ့အချက်က ဒီကိစ္စအတွက် ကိုယ့်မှာ တာဝန်မရှိဘူးလို့ ခံယူကြတာပါပဲ။ ကိုယ့်ကိုယ်ကို တာဝန်မယူလိုတာနဲ့ အခြားသူနဲ့ ကံကြမ္မာကို ရိုးမယ်ဖွဲ့လိုခြင်းဟာ ကျွန်တော်တို့ အခုလက်ရှိ အုံလိုက်ကျဉ်းလိုက်၊ တစ်သိုင်းတစ်ဝိုင်းကြီး ရင်ဆိုင်ခံစားနေရတဲ့ ဒုက္ခသုက္ခတွေရဲ့ လက်သည်လို့ ယူဆမိပါတယ်။
လူတစ်ယောက်ရဲ့ (လမ်းမပေါ် တံတွေးထွေးချင်တာ၊ လူတွေအပေါ် သိမ်းပိုက်ချင်တာ၊ ကိုယ့်ကိုယ်ကို တာဝန်ရှောင်ချင်တာ.. အပါအ၀င်... များစွာသော) အပြုအမူတွေဆိုတာ ကိုယ် တစ်ကြိမ်တစ်ခါ ပြုလုပ်မိ (ပြောဆို၊ ခံစားမိ)တဲ့ အပြုအမူတစ်ခုကနေ ရလာတဲ့ ခံစားမှုဆုလာဘ်အပေါ် အရသာတွေ့သွား (craving ဖြစ်) ရာက အလားတူ အခြေအနေမျိုး ကြုံတဲ့အခါ အလားတူအရသာမျိုး ရှာရင်းရှာရင်းက အဆက်မပြတ် လည်ပတ်ဖြစ်ပွားကျန်ရစ်တဲ့ ဦးနှောက်အခန်းတစ်နေရာက လျှို့ဝှက်အင်ဂျင်တွေပါ...တဲ့၊ (Charles Duhigg က ဆိုပါတယ်)။
ကိုယ်ပေါ်မှာလည်ပတ်နေတဲ့ ဥာဉ်တွ၊ စရိုက်တွေ၊ ခွစီးထားတဲ့ အကျင့်ဆိုးတွေရဲ့ ဖိအားကြောင့် ကိုယ်လုပ်နေတဲ့ အပြုအမူတစ်ခုကနေ ဆိုးကျိုးရလာဒ်တွေ တွေ့ကြုံရမယ်ဆိုရင်တောင် ခံစားရမယ့်အကျိုးဆက်က မမြင်ရတဲ့ အနာဂတ် ခပ်ဝေးဝေးမှာ ရှိပြီး ရရှိမယ့် သာယာမှုက လက်ငင်းဖြစ်နေတာကြောင့် လတ်တလောသာယာမှုဘက် ရွေးပြီး အပြုအမူတွေကို ဆက်လုပ်မြဲ လုပ်ကြလေ့ရှိတယ်.. တဲ့၊ (ရှင်ဥာဏက ဆိုပါတယ်)။
သို့သော်... ရှင်ဥာဏတရားမှာရော၊ ချားလ်စ်ဒူးဟဂ်ရဲ့ အဆိုမှာပါ တူညီတာတစ်ခုက ကျွန်တော်တို့ရဲ့ အလေ့အကျင့်တွေဆိုတာ မွေးရာပါ ၀ဋ်နာကံနာတွေတော့ မဟုတ်ကြဘူး...တဲ့။ အကျင့်ဆိုးကို အကျင့်ကောင်းနဲ့ ပြောင်းလဲတပ်ဆင်နိုင်သလို အကျင့်တွေ အဆင့်ဆင့် မြင့်တက်လာဖို့ အမြင်၊ အတွေး၊ အပြောအဆို၊ အပြုအမူကောင်းတွေကို ပွားများအားထုတ်ယူလို့လည်း ရတယ်လို့ ဆိုကြပါတယ်။ စိတ်အားစိုက်ထုတ်မှုတော့ အကြီးအကျယ် လိုတာပေါ့လေ....။
လူတစ်ဦးချင်းရဲ့ စထားခဲ့မိတဲ့ အလေ့အကျင့်တစ်ခုဟာ ပေါ့သေးသေးအရာ မဟုတ်ပါဘူး။ ကောင်းတဲ့အကျင့်၊ မကောင်းတဲ့အကျင့် အားလုံးဟာ အခြားသူတွေရဲ့ အလေ့အကျင့်တွေအပေါ် တဖွဲဖွဲ ကူးစက်သက်ရောက်စေပါတယ်။ အချိန် ကြာလာတာနဲ့အမျှ အလေ့အကျင့်တွေဟာ အပြန်အလှန် ကူးလူးဆက်နွယ်ပြီး ထုထည်ကြီးမားတဲ့ လူမျိုးစု အမူအကျင့်တွေ၊ စရိုက်လက္ခဏာတွေ၊ အမှတ်အသားတွေ ဖြစ်လာပါတယ်။
ခေါင်းဆောင်ရဲ့ အမူအကျင့်မှသည် နောက်လိုက်သို့၊ ဆရာရဲ့အမူအကျင့်မှသည် တပည့်သို့၊ မိသားစုထဲမှာဆိုရင် မိဘတွေ ပြုမူပြသထားတဲ့ အမူအကျင့်တွေက သားသမီးမြေးမြစ်တွေအထိပါ လက်ဆင့်ကမ်း မျိုးရုိုးလိုက်သွားကြတယ်...။
လူဆိုတာ လူတူ၊ မျောက်တူသတ္တ၀ါမျိုးစိပ်ကနေ ဆင့်ကဲဖြစ်လာကြရင်း အခုလက်ရှိ လူပုံစံဆီ ရောက်ရှိလာကြသတဲ့။ စိတ်ဓာတ်၊ အမူအကျင့်တွေပါ အဆင့်ဆင့်တိုးတက် ပြောင်းလဲလာမယ်ဆို လူတွေဟာ တစ်နှစ်ထက်တစ်နှစ် ပိုပြီး "လူ"ဖြစ်လာကြမယ်။
...............................................
နှစ်သစ်မှာ ဘော်ဒါအားလုံးပဲ ငြိမ်းချမ်းကြစေခလို.....။