((((( မျက်ဝန်းတစ်စုံ၏ အဓိပ္ပါယ် )))))

ကွန်ဆူး မား's photo.

``ခဏလေး ထိုင်မယ်နော်.....´´
အသံကြားရာကို မော့ကြည့်မိတော့ ရည်ရည်မွန်မွန်နဲ့ ကျွန်တော်နဲ့မတိမ်းမယိမ်းအရွယ်အမျိုးသမီးတစ်ယောက်။ အခြားစားပွဲတွေမှာက လူအပြည့်။

တခြားလူလည်း တစ်ယောက်မှ မရှိတာက ကျွန်တော့်စားပွဲဝိုင်းလေးပဲလေ၊ အစွန်ဆုံးမှာဆိုတော့နည်းနည်းလေး မျက်စိလဲ ရှင်းတယ်.... ဒါနဲ့ ...

`` ဟုတ်.... ဟုတ် ထိုင်ပါဗျ.....´´ လို့ ပြောရင်းစားပွဲပေါ်က ကျွန်တော့်ဖိုင်ကပ်လေးနဲ့
လွယ်အိတ်လေးကို လှမ်းယူပြီး ဘေးက ကုလားထိုင်မှာ တင်ထားလိုက်တယ်.... သူဝင်လာထိုင်လို့လည်း ပြဿာနာ သိပ်မရှိပါဘူး.....။

`` ယူက စာရေးနေတာလား..... ချက်တင် ၀င်နေတာလား...´´

အအေးသောက်ရာကနေ လှမ်းမေးလိုက်တော့.... မော့ကြည့်ရင်း

`` ဟုတ်.... အဲ ဟုတ်တယ်ဗျ.... စာရေးနေတာပါ.... ´´

သူ့ကိုမော့ကြည့်ရင်းပြောတော့ ပြုံးနေတာ မဟုတ်တဲ့ အပြုံးတစ်ခုကိုသတိထားမိလိုက်တယ်.... ။

ချက်ချင်းငုံ့ပြီး စာဆက်ရိုက်နေပေမယ့်.. စာထဲကို အာရုံက မရောက်ဖြစ်တော့ဘူး...... သူက မျက်နှာမပြုံးပဲနဲ့ မျက်ဝန်းတွေက ပြုံးနေတာလေ......။

အခုမှသတိထားမိလိုက်တယ်....
လှပတဲ့ မျက်ဝန်းလေးက ပြုံးနေသလိုလို... ရယ်နေသလိုလိုနဲ့.....

စာဆက်ရေးလို့ မရတော့ဘူး.... စိတ်ကူးလေး ဝေးလွင့်သွားတယ်........ သူကြောင့်ပေါ့.....။

==========================

``ခဏလေး ထိုင်မယ်နော်.....´´

ဘာကြောင့်မှန်း မသိ ဆတ်ကနဲ မော့ကြည့်မိသွားတယ်.....
အော... အရင်တစ်ခါက သူပဲ......။

ဒါကြောင့်ဆတ်ကနဲ ဖြစ်သွားတာ...... ပြုံးပြလိုက်တယ်..... ပြီးတော့ ခုံကို ညွှန်ပြပြီး အရင်တစ်ခါကလိုပဲ.....

`` ထိုင်ပါ....´´ လို့.. ပြောလိုက်မိတယ်။ ပြီးတော့ ထပ်ပြုံးပြလိုက်တယ်။ သူလည်း ပြန်ပြီး ပြုံးပြတယ်။

ဒီတစ်ခါ အပြုံးလေးက နှစ်ခု...တစ်ခုက မျက်နှာမှာ၊
တစ်ခုက သူ့မျက်ဝန်းထဲမှာပါပဲ......။

`` ၀တ္ထုတိုလား.... ၀တ္ထုရှည်လား.......´´

အရင်တစ်ခါကလိုပဲ အအေးသောက်ရာကနေ ပိုက်ကို ပါးစပ်မှာ တေ့ရင်း လှမ်းမေးတော့... သူ့ကို မကြည့်ပဲနဲ့ ပါးစပ်က ပြန်ဖြေလိုက်တယ်.....

`` ဟုတ်..... အဆင်ပြေသလိုပါပဲ..... ဆောင်းပါးလေးတွေလည်း ရေးဖြစ်ပါတယ်..... ဒါပေမဲ့တစ်ခုမှတော့ အဆင့်မမီသေးဘူးထင်တယ်.... နံမယ် မရသေးဘူးဗျ၊ ဂျာနယ်တွေ၊ မဂ္ဂဇင်းတွေမှာတော့ (၃ /၄)ပုဒ်လောက်ပါသွားပြီလေ.. ကြိုးစားနေဆဲပါ...´´

လိုလိုလားလား ရှည်ရှည်ဝေးဝေးကို ရှင်းပြလိုက်မိတယ်....
တစ်ခုသတိထားမိတာက သူမေးတာကိုစောင့်နေခဲ့တယ် ဆိုတာပါပဲ..... မသိစိတ်ထဲမှာ သူရောက်နေတယ်ဆိုတာ သိရတော့.....

ရင်တဖိုဖိုနဲ့ ၀တ္ထုထဲက ဆယ်ကျော်သက်ဇာတ်ကောင်လေးတစ်ယောက်လိုပဲလို့ တွေးလိုက်မိသေးတယ်.... ။

===========================

``ဟေး... ယူ..... ဒီမှာ လာထိုင်´´

ဒီတစ်ခါ သူအရင်ရောက်နေတယ်...
လူပြည့်နေလို့ ဆိုင်ထဲကို ဝေ့ကြည့်နေတုန်း ထောင့် စားပွဲလေးကနေ
သူ လှမ်းခေါ်လိုက်တာပါ...
ပြုံးပြရင်း ၀င်ထိုင်လိုက်မိတယ်....။
စကားတွေ အများကြီး မပြောဖြစ်ခဲ့ပါပဲနဲ့ တော်တော် ရင်းနှီးနေခဲ့ပြီ။

ဒီတစ်ခါ သူက အစ အဆုံးကြည့်နေတယ်.... ပြီးတော့

`` မေးရဦးမယ်..... ယူ ဒို့ကို သိလား..... ´´

သူ့စကားကြောင့် မော့ကြည့်ရင်းနဲ့ ...
`` အခုလို ဆုံတာကလွဲပြီး ကျန်တာ မသိပါဘူး....´´ လို့ပြောလိုက်တယ်.....။

`` ဒို့က မင်းမမ စကားဝါနဲ့ ဆိမ်းဘက်ခ်ျလေ....... တကယ် မသိတာလား..... ´´

သူ့စကားကြောင့် အံ့သြစိတ်နဲ့ မော့ကြည့်မိတယ်.... ပြီးတော့

`` ဟုတ်လား မမသူငယ်ချင်းဆိုတော့ ကျွန်တော့်ထက်ကြီးတာပေါ့..... ကျွန်တော် တကယ် မသိဘူးဗျ.......´´ လို့ ခပ်တိုးတိုးလေး ပြန်ပြောလိုက်မိတယ်....

သူကတော့ ထုံးစံအတိုင်း အပြုံးမျက်ဝန်းတွေနဲ့ ကြည့်ရင်း ခေါင်းညိတ် အသိအမှတ်ပြုပြီးတော့.....

`` မမနံမယ်က ငွေနှင်းတဲ့ ငွေနှင်းဖြူပေါ့...... မင်းကို ၀တ္ထုလေး တစ်ပုဒ် ရေးခိုင်းမလို့ကွ....´´

ဒီတစ်ခါလည်း ကျွန်တော် အံ့သြပြီး....

`` ဗျာ... ဘာ ၀တ္ထုလဲ မမ.....´´ လို့ ရည်ရွယ်ချက်မရှိပါပဲ မေးဖြစ်သွားတယ်.....။

`` ဒီလိုကွာ....................... ´´ မမငွေနှင်းဖြူရဲ့ အစချီလိုက်တဲ့ ၀တ္ထုဇာတ်လမ်းလေးကို နားထောင်ခဲ့တဲ့အဲဒီနေ့က အချိန်တွေ ကုန်တာ မြန်လိုက်တာ....

ဝတ္ထု ဇာမ်းလမ်းလေးက ဇာတ်လမ်းလို့ ပြောပေမဲ့ ဖြစ်ရပ်မှန်လေးပါတဲ့....

ဇာတ်လမ်းထဲမှာ တည်ကြည်ခန့်ငြားတဲ့ မရှိမရှား မိသားစုထဲက စီနီယာ ကိုကိုတစ်ယောက်ကို အင်မတန်ချမ်းသာတဲ့ ဂျူနီယာ ကောင်မလေးတစ်ယောက် တိတ်တခိုး စွဲလန်းနေခဲ့တဲ့ အကြောင်း....

ကိုကို့ မျက်ဝန်းတွေက အေးမြကြည်လင်တယ် ဆိုတဲ့ အကြောင်း....

ဒီမျက်ဝန်းတွေက ကောင်မလေးရဲ့ အတွေးထဲမှာ အမြဲနေရာယူထားခဲ့တယ်ဆိုတဲ့အကြောင်း......။

ကိုကို့အကြောင်းကို တွေးတောနေခဲ့တဲ့ အချိန်တွေက ကောင်မလေးအတွက် အဓိပ္ပါယ် ပြည့်စုံနေတဲ့ အချိန်တွေ ဖြစ်ခဲ့ကြောင်း......၊

တစ်နေ့မှာ ကောင်မလေးကရင်းနှီးခွင့်လေးရှာပြီး ရင်းနှီးအောင်ကြိုးစားခဲ့တဲ့ အကြောင်း.....

နောက်တော့ ရင်းနှီးသွားကြကြောင်း....၊

ရင်းနှီးပြီးတဲ့ နောက်ပိုင်းမှာလည်း ဆုံဆည်းနိုင်ဖို့ အခွင့်အလန်းတွေကို ကောင်မလေးက ရှာဖွေခဲ့တဲ့ အကြောင်း...၊

နှစ်ယောက်ဆုံပြီး တစ်ခုခု စားသောက်ဖြစ်ခဲ့တဲ့ အခါတိုင်းမှာလည်း ကိုကို့မျက်ဝန်းတွေကို ငေးကြည့်နေတတ်ကြောင်း..၊

ကိုကိုကတော့ တစ်ခါတလေ ခိုးကြည့်နေတတ်တာကို တွေ့ဖြစ်ကြောင်း.....၊

ဒီလိုအချိန်တွေမှာ ကောင်မလေး သိပ်ကို ကြည်နူးနေတတ်ကြောင်း...၊

တစ်ခါတော့ ကိုကိုက အမှတ်မထင် ကောင်မလေးရဲ့ ပြုံးနေတတ်တဲ့ မျက်ဝန်းတွေကို သဘောကျတယ်လို့ ပြောခဲ့ကြောင်း......၊

သူ အရမ်းကျေနပ်ပြီး ကြည်နူးနေခဲ့ကြောင်း......

ဒီလိုနဲ့ ကျောင်းတွေ ပြီးလို့ ကိုကို နှုတ်ဆက်ထွက်ခွါသွားတော့... သူလွမ်းပြီး ကျန်ရစ်နေတာရယ်....

အမြဲတမ်းတွေ့ရလိမ့်နိုးနဲ့ ရောက်ရာအရပ်မှာ ရှာဖွေနေမိကြောင်း၊

ဒါပေမဲ့ အချိန်တွေသာ ကြာသွားတယ် မဆုံဖြစ်သေးတဲ့အကြောင်းတွေကို မြတ်နိုး ကြည်နူးစရာလေးအဖြစ် ရေးပေးပါတဲ့....

စိတ်ကူးထဲကအတိုင်းရေးပေးနိုင်ရင် ကြိုက်သလောက်ပေးမယ်တဲ့.....။

ချမ်းသာတဲ့ မိသားစုက မွေးဖွားကြီးပြင်းလာတဲ့ ဒီမမက ကြိုက်သလောက် ပေးမယ်ဆိုတာ သိပ် အဆန်းကြီးတော့ မဟုတ်ပါဘူး.....

`` ဒါနဲ့ မမ.... ဇာတ်လမ်းကို ဘယ်လို အဆုံးသတ်ရမှာလည်း..... ဆုံတွေ့ကြမှာလား.... ဒါမှမဟုတ်.....´´

ပြောလက်စ စကားကိုရပ်ထားလိုက်တယ်.....။

မမက ယဲ့ယဲ့လေးပြုံးရင်း `` အဆုံးသတ်လေးကို ထားထားလိုက်၊ နောက်မှ မမ
ပြောပြမယ်....နော်´´

`` ဟုတ်.... ဒါနဲ့ မမ ရေးခိုင်းပြီး ဘာလုပ်မှာလဲ... စာအုပ်ထုတ်မလို့လား.... ´´

သိချင်တာလေးကို မေးကြည့်မိတော့ မမက
`` အင်း... စာအုပ်ထုတ်လို့ရလောက်အောင် အဆင့်မီရင်လည်း ထုတ်မယ်.... ဒီထက်ပိုကောင်းရင်လည်း.... ဇာတ်လမ်းရိုက်ချင် ရိုက်မှာပေါ့....´´

`` တကယ်လို့ အဆင့်မမီရင်ရော.......´´

`` အဆင့် မမီရင်လည်း မောင်လေးရေးပေးထားတာလေးကို အမှတ်တရ သိမ်းထားလိုက်မယ်.... ကိစ္စ မရှိပါဘူး..... အဓိက က မမရဲ့ ခံစားချက်ကို တခြားလူတစ်ယောက်က ဘယ်လောက်အထိ ခံစားနားလည်ပေးနိုင်သလဲ သိချင်တာလေဟုတ်ဖူးလား....´´

မမရဲ့ ရည်ရွယ်ချက်လေးကို သိရတာ တော်တော် အံ့သြမိသွားတယ်....

ဒီထက်ပိုတာကတော့ သူ့ ကိုကို ကို သူဘယ်လောက်အထိ..... တွေးတော စဉ်းစားနေခဲ့သလဲဆိုတဲ့ အကြောင်းပါပဲ.....။

ကျွန်တော် သိနေခဲ့တယ်လေ.. မမပြောပြတဲ့ အကြောင်းလေးကို ကျွန်တော့်ရဲ့ လက်ခံနိုင်မှုထက် သူ့ကိုကိုကပိုပြီး လက်ခံနားလည်ခဲ့မယ် ဆိုတာကိုပေါ့..... ။

အဲဒီနောက်မှာ....... မမရဲ့ဇာတ်လမ်းလေးကို ကျွန်တော် အပြည့်အ၀ ခံစားပြီးရေးဖြစ်ခဲ့တယ်....

မမနဲ့လည်းမကြာမကြာဆုံဖြစ်ကြပါတယ်.....
ဆုံဖြစ်တိုင်းမှာလည်း ၀တ္ထု ဇာတ်လမ်းလေးအတွက် ကုန်ကြမ်းတွေကို ကျွန်တော်ရယူခဲ့တယ်...

အဓိက ဇာတ်လမ်းရဲ့ အသက်ကလေးက ကိုကိုက မမရဲ့ ပြုံးနေတဲ့ မျက်ဝန်းလေးကို သဘောကျတာရယ်.....

မမက ကိုကိုရဲ့ အေးမြတဲ့ မျက်ဝန်းတွေကို စွဲလန်းနေတာရယ်ပေါ့........။

ကျွန်တော် မမ မျက်ဝန်းတွေကို သေသေချာချာ ကြည့်ပြီးရေးတယ်...
နောက် ကိုကို့ရဲ့ နူးညံ့တဲ့ မျက်ဝန်းတွေကို ခံစားပြီးရေး ဖွဲ့ခဲ့တယ်။
(၂)လလောက် အမျိုးမျိုး အခေါက်ခေါက် အခါခါ ဖတ်ရင်း ပြင်ရင်းနဲ့ ရေးဖွဲ့မိတော့... မမကျေနပ်လောက်တဲ့ ၀တ္ထု ဇာတ်လမ်းလေး ဖြစ်ခဲ့တယ်....

ဇာတ်လမ်းထဲမှာလည်း ဖွင့်မပြောဖြစ်ခဲ့ပေမယ့် စိတ်ကူး ပုံဖော်ထားတဲ့ ကိုကို့ရဲ့ အတွေးလေးတွေကို စာမျက်နှာပေါင်းများစွာ ရေးဖွဲ့ဖြစ်ခဲ့တယ်....

ကိုကိုက မမကို မြတ်မြတ်နိုးနိုးနဲ့ တိတ်တခိုးလေး စွဲလန်းနေခဲ့တဲ့အကြောင်း နောက်ပြီး တစ်သက်တာအတွက် ရည်ရွယ်ထားခဲ့တယ် ဆိုတဲ့ အကြောင်း.....၊

တစ်နေ့မှာ ပြန်ဆုံနိုင်ဖို့ အားတင်းထားတယ် ဆိုတဲ့အကြောင်းပေါ့.......။

မမက မေးလာတယ်.....
`` ကိုကို့ စိတ်ကူးလေးကို ဘယ်လို မြင်ရတာလဲ......´´ တဲ့၊

အဖြေကို ခပ်မြန်မြန်ပြန်ပေးလိုက်မိတယ်.....

`` ကျွန်တော် စိတ်ကူးထားတဲ့ အတိုင်းပါ....´´လို့။

ကျွန်တော့် စကားကို နားထောင်ရင်း မမ ငြိမ်သက်သွားတယ်...... တော်တော် ကြာတဲ့ အထိပါပဲ.....

အဲဒီအချိန်မှာ မမရဲ့ မျက်ဝန်းတွေကို ကျွန်တော် အကြာကြီး စိုက်ကြည့်နေခဲ့တယ်။ မမရဲ့ မျက်ဝန်းတွေထဲမှာ ကရုဏာ အရိပ်လေးတွေဖြတ်သန်း စီးဆင်းနေတယ်လေ.....

ကျွန်တော်သေသေချာချာ မြင်တွေ့ခဲ့တာပါ.... ဘာကြောင့်လည်းဆိုတော့ ကျွန်တော်က မမရဲ့မျက်ဝန်းတွေကို နားလည်ခံစားတတ်နေခဲ့ပြီလေ......။

သက်ပြင်း မျှင်းမျှင်းလေးကို ဖြေးဖြေးလေး ချရင်း မမက

`` မောင်လေး.. စာမူခ ဘယ်လောက် လိုချင်လဲ´´

တဲ့...... ကျွန်တော် မမ မျက်နှာကို မကြည့်ပဲနဲ့ ``နောက်မှ ပြောမယ်လေ.......´´လို့ ပြန်ပြောလိုက်မိတယ်.... ။

စကားအဆုံးမှာ မမဖြည်းဖြည်းလေး ထရပ်လိုက်တာကိုလည်း မျက်ဝန်းထောင့်ကနေ တွေ့နေရတယ်......

ပိုက်ဆံအိတ်လေးကို လွယ်လိုက်တာလည်းတွေ့လိုက်ရတယ်....ပြီးတော့.....

`` ဒါဆို မမ သွားဦးမယ်.... နော်´´ တဲ့ ပြောရင်းညင်ညင်သာသာလေး ထွက်ခွါသွားတယ်။

ကျွန်တော် မမကို နှုတ်မဆက်ဖြစ်ခဲ့ပါဘူး....

မမ ကျွန်တော့်ကို ကရုဏာမျက်ဝန်းတွေနဲ့ ကြည့်သွားတာကိုကျွန်တော် မခံယူချင်ဘူးဗျာ....

ကျွန်တော်က ပြုံးနေတဲ့ မမရဲ့ မျက်ဝန်းတွေကိုပဲ ကြည့်နေချင်တာပါ......

ကျွန်တော်ကိုယ်တိုင်ရေးခဲ့တဲ့ အဆုံးသတ်မပါတဲ့ ၀တ္ထုဇာတ်လမ်းလေးထဲက ကိုကို့ရဲ့ စိတ်ဆန္ဒလေးအတိုင်းပေါ့....

မမရဲ့ ပိုင်ဆိုင်မှု ကြေငြာချက်ထဲမှာ...... ကျွန်တော် မပါပေမဲ့..... ကျွန်တော် သေသေချာချာ ပြောနိုင်တာလေးတစ်ခုကတော့ မမကို ကိုကို ချစ်တာထက်တော့ ကျွန်တော်ပိုချစ်နေခဲ့တယ် ဆိုတာပါပဲ......။

အပြန်လမ်းမှာတော့.... မမရဲ့ အကြောင်းလေးတွေ ရိုက်နှိပ်ဖြစ်ခဲ့တဲ့ ကျွန်တော့်ရဲ့ လက်ပ်တော့လေးကို ဘာကြောင့်မှန်းမသိ ကျွန်တော် ငုံ့ကြည့်နေမိတယ်....

ကျွန်တော် မမကို ချစ်မိခဲ့တဲ့ တစ်ခုတည်းသော သက်သေက ဒီကွန်ပြူတာလေးပဲလေ.... ။

တကယ်လို့ မမက တစ်နေ့မှာ စာမူခ ပေးဖို့ ရောက်ရှိလာခဲ့ရင်... ကျွန်တော့်ရဲ့ ရေးသားခ အဖြစ် နဖူးလေးကိုနမ်းပြီး နှုတ်ဆက်ပါလို့... ကျွန်တော် ပြောပါ့မယ်....။

အဲဒီအချိန်ကျရင် မမ သိမ်းဆည်းထားခဲ့တဲ့ ကျွန်တော်ရဲ့ စာမူကြမ်းလေးမှာ ဇာတ်သိမ်းခန်းလေးကို မမကိုယ်တိုင်ရေးပြီးလောက်ရောပေါ့........။

မမရေ.... ကောင်းကင်ကြီးကို မော့ကြည့်မိတော့လည်း မမရဲ့ပြုံးနေတဲ့ မျက်ဝန်းတွေကို မြင်နေရတယ်ဗျာ...

မမ တကယ်ပြုံးပြနေခဲ့တာလားဟင်။
ဘယ်အချိန်မှာပဲ ဖြစ်ဖြစ် မမရဲ့ အပြုံးမျက်ဝန်းတွေက တကယ်ကို လှပနေတယ်ဆိုတာ...။

(ကွန်ဆူးမား)(၂၂-၉-၂၀၁၃)