(((((````` ပန်းချီ သရုပ်ဖော် အက်ဆေး´´´´´)))))

ကွန်ဆူး မား

ပန်းချီကားလေး တစ်ချပ် တွေ့ခဲ့ရပါတယ်...။
မိုးရေတွေထဲမှာ ဆင်မကြီးက သူ့ရဲ့ ၀မ်းဗိုက်အောက်မှာ သူ့သားလေးကို မိုးခိုထားစေတယ်...။
သူ့ရဲ့ အရှေ့မှာတော့ ဆင်ထီးကြီးက ပိန်းရွက်ကလေးကို ချိုးပြီး ချစ်ဇနီးကို မိုးပေးထားလေရဲ့....
သူကတော့ မိုးရေတွေထဲမှာပေါ့.....။

ဒီပန်းချီလေး ရေးဆွဲထားခဲ့တဲ့ ပန်းချီဆရာ ဘယ်သူလဲ ဆိုတာ ကျွန်တော် မသိပါဘူး...။
နောက်ပြီး ဘယ်အချိန်က သူရေးဆွဲခဲ့သလဲ ဆိုတာလည်း ကျွန်တော် မသိပါဘူး...။

ကျွန်တော် သိလိုက်တာကတော့ မိဘတွေက သားသမီးများအပေါ်မှာ ထားရှိတဲ့ မေတ္တာတရားနဲ့... ခင်ပွန်းဖြစ်သူက ဇနီးသည်ရဲ့ အပေါ်မှာ ထားရှိတဲ့ စာနာခြင်း၊ ညှာတာခြင်းနဲ့ တာဝန်ကျေပွန်ခြင်းများပါပဲ...။

မိခင်ဆင်မကြီးမှာ မိုးကာလှလှလေး မရှိပါဘူး...။
မိခင်ဆင်မကြီးမှာ မိုးကာဝယ်ဖို့ ပိုက်ဆံလည်း မရှိပါဘူး...။
ပိုက်ဆံက မိုးကာလှလှလေးတွေ ၀ယ်လို့ရတယ် ဆိုတာလည်း သူမသိပါဘူး...။

ဒါပေမယ့် သူ့မှာ သူ့သားလေး မိုးစိုရင် တစ်စုံတစ်ခုနဲ့ ချက်ချင်းကာကွယ်ရမယ်ဆိုတဲ့ အသိရှိပါတယ်..။

အဲဒီတစ်စုံတစ်ခုဟာလည်း သူ့ရဲ့ကြီးမားတဲ့ ခန္ဓာကိုယ်ကြီး ဖြစ်မယ်ဆိုတဲ့ အသိလေးလည်း သူ့မှာ ရှိပါတယ်...။

ဆင်မကြီးက သူ့သားလေး မိုးလွတ်စေဖို့ တိုင်းထွာ တွက်ချက်ခြင်း မရှိပါပဲ... သူ့သားလေးကို ချက်ချင်း မိုးလုံစေခဲ့တဲ့ သန့်စင် ကြီးမားတဲ့ မေတ္တာတရားတွေ ရှိနေခဲ့ပါတယ်...။

ဒီလိုပါပဲ....

ဆင်ကြီးမှာ ထီးလှလှလေး မရှိပါဘူး...။
ထီးဝယ်ဖို့ ပိုက်ဆံလည်း မရှိပါဘူး...။
ပိုက်ဆံက ထီးလှလှလေးတွေ ၀ယ်လို့ရတယ် ဆိုတာလည်း သူမသိပါဘူး...။

ဒါပေမယ့် သူ့မှာ မိုးစိုရင် တစ်စုံတစ်ခုနဲ့ ကာကွယ်ရမယ်ဆိုတဲ့ အသိရှိပါတယ်..။
အဲဒီတစ်စုံတစ်ခုဟာလည်း ပိန်းရွက်ကလေး ဖြစ်မယ်ဆိုတဲ့ အသိလေးလည်း သူ့မှာ ရှိပါတယ်...။

နောက်ပြီး သူ့သားလေးကို ကာကွယ်ပေးထားတဲ့ သူ့ဇနီးကို မိုးပေးထားရမယ်ဆိုတဲ့ အသိလေး သူ့မှာ ရှိပါတယ်....။

သူ့ဇနီး ကျန်းမာတည်တံ့နေခြင်းက သူ့သားလေးအတွက် အကောင်းဆုံးအကာအကွယ်ဖြစ်တယ်ဆိုတာကိုလည်း သူတွက်ချက်တတ်ခဲ့မှာပါ...။

ဒီလိုပါပဲ...
ဒီလောကကြီးထဲမှာ မိုးတွေလည်း အဆက်မပြတ်ရွာသွန်းနေမှာပါ...။
မိသားစုတွေလည်း အဆက်မပြတ် ဖြစ်ပေါ် နေမှာပါ...။

မိသားစုဆိုတဲ့ နွေးထွေးအေးမြတဲ့ ဘ၀တွေလည်း အဆက်မပြတ် ရှင်သန်နေမှာပါ...။

ဒီပန်းချီကားလေးကို ကြည့်ရင်းနဲ့ ကျွန်တော့်ရဲ့ မိဘများကိုလည်း သတိရမိပါတယ်...။

ဒီပန်းချီကားလေးကိုကြည့်ရင်းနဲ့ပဲ ကျွန်တော့်မိသားစုလေးအတွက် ကျွန်တော့်ရဲ့ ဆောင်ရွက်ချက်တွေကို တွက်ချက်ရင်း ကျွန်တော် ကျေနပ်ပီတိဖြစ်ခဲ့ရပါတယ်...။

ကျွန်တော့်မှာလည်း ဆင်ထီးကြီးလို မိသားစုတွေအတွက် လုံလောက်တဲ့ ငွေကြေး ပြည့်စုံမှုတွေ မရှိခဲ့ပါဘူး...။

ငွေဟာ အရာရာတိုင်းကို ပြည့်စုံစွာ ဖန်တီးပေးနိုင်တယ်လို့လည်း တစ်ထစ်ချ ကျွန်တော် တွက်ချက် မထားပါဘူး....။

နောက်ပြီး ကျွန်တော့်ရဲ့ စာနာနားလည်တတ်ခြင်းတွေက ငွေထက်ပိုပြီး စွမ်းအားပြည့်မယ်ဆိုတာလည်း ကျွန်တော် နားလည်ထားပါတယ်...။

ကျွန်တော် မပြည့်စုံတဲ့ ဘ၀ထဲမှာတင် မိုးတွေရွာနေတဲ့အချိန်မှာ အနည်းဆုံးတော့ ဆင်ထီးကြီးလို ပိန်းရွက်ကလေးနဲ့ဖြစ်ဖြစ် မိုးကာပေးလို့ရတယ်ဆိုတဲ့ အသိတရားလေးတစ်ခု ထပ်မံရရှိပါတယ်...။

မိုးတွေ ဘယ်လောက်ရွာရွာ ဒီမိုးတွေကို ကာကွယ်ဖို့ မိသားစုတိုင်းမှာ သန့်စင်တဲ့ စာနာနားလည်ခြင်းတွေကို ပိုင်ဆိုင်ထားနိုင်ကြောင်းလည်း ကျွန်တော် တင်ပြလိုပါတယ်...။

ပန်းချီကားလေးထဲမှ ရရှိသော အသိတရားနှင့် ကြည်နူးခြင်းများအား ပြန်လည် မျှဝေရင်း ပန်းချီရေးဆွဲခဲ့သည့် မေတ္တာရှင်လည်း ချမ်းမြေ့ပါစေကြောင်းခင်ဗျာ......

(ကွန်ဆူးမား)(၂၉-၉-၂၀၁၃)