" မောင်ဖိုးချို နှင့် ငယ်အိပ်မက်များ "

Yekkha Ye Jee

. . . . . . . တစ်နေ့ကတော့ မောင်ဖိုးချိုဟာ မူလတန်းပြဆရာမဖြစ်နေတဲ့ သူ့ သူငယ်ချင်းဟောင်းနဲ့ ပြန်ဆုံတွေ့ရတယ်။ သူ့အကြောင်း ကိုယ့်အကြောင်း စကားတွေဖလှယ်ရင်း ၀မ်းသာကြတာပေါ့။ သူ့လုပ်ငန်းခွင် ၊ ကိုယ့်လုပ်ငန်းခွင် ရပ်ဝန်းထဲက အတွေ့အကြုံတွေ ပြန်ဝေမျှရင်း တစ်ချက်မှာတော့ ဆရာမကလေးကပြောတယ်။


. . . . . . . " အခုကလေးတွေက ဗိုလ်ချုပ်အောင်ဆန်းကို ကောင်းကောင်း မသိကြတော့ဘူးဟ " တဲ့။ မောင်ဖိုးချိုဟာ ဆရာမလေးကို ပြူးကြောင်ကြောင်ပြန်ကြည့်ရင်း "အင်း"လို့ ဗလုံးဗထွေး ရေရွတ်တယ်။ သူ တွေးမြင်မထားမိတဲ့ ရှုထောင့်ကို အပြေးအလွှား ဖမ်းဆုပ်တယ်။ ဟုတ်ပါ့မလားပေါ့ ။

. . . . . . . " ကြီးရင်ဘာလုပ်မလဲလို့မေးတော့ တချို့ကလေးတွေက စစ်ဗိုလ်ကြီးလုပ်မယ်လို့ ဖြေတတ်တုန်းပဲဟ။ အံမယ် .. တစ်ချို့က ဗိုလ်ချုပ်မှုးကြီးလုပ်မယ်ဆိုပဲ။ အဲဒီလိုကလေးတွေကို ဗိုလ်ချုပ်အောင်ဆန်းလိုဖြစ်အောင် ကြိုးစားရမယ်နော် လို့ပြောရင် သူတို့နားမလည်ဘူးဟ။ နဝေတိမ်တောင် ၊ ပြူးကြောင်ကြောင်နဲ့ ပြန်ကြည့်နေကြတာပဲ " .. ဆရာမလေးက ဆက်ပြောတော့ မောင်ဖိုးချို ပြူးကြောင်ကြောင်မဖြစ်တော့ပါ။

. . . . . . . မောင်ဖိုးချိုစိတ်ထဲမယ် ငယ်စဉ် ပထမတန်းကျောင်းသားဘ၀ တောကျောင်းလေးမှာ ကြမ်းပြင်ပေါ်ဖင်ထိုင်ပြီး ခုံတန်းရှည်ကြီးတွေနဲ့ စာသင်ခဲ့ရတဲ့ တစ်နေ့ ကို ပြတ်ပြတ်ထင်ထင် သတိရလာတယ်။

. . . . . . . မောင်ဖိုးချိုနဲ့ ခုံတန်းနှစ်တန်းခြားမှာထိုင်တဲ့ ချာတိတ်ဟာ တစ်တန်းလုံးမှာ အဆိုးဆုံး ၊ အပေတေဆုံး ၊ စာအညံ့ဆုံး ၊ ဆရာမတွေအမုန်းဆုံး တစ်ယောက်ဖြစ်တဲ့
ဗညား ဆိုတဲ့ကောင်ပေါ့။ ညစ်ညစ်ပေပေနဲ့ ဆင်းလည်းဆင်းရဲသေးတယ်။ စာညံ့တဲ့အပြင် အကျင့်ကလဲ ခပ်ပုပ်ပုပ်။ ဗညားဟာ အဲဒီနေ့ကလည်း ထုံးစံအတိုင်း စာမလိုက်ပဲ ဘေးကကောင်တွေကို လိုက်စပြီး နှောင့်ယှက်နေတာပေါ့။

. . . . . . . နောက်တော့ ဆရာမရောက်လာပါရော။ မောင်ဖိုးချိုတို့ ပထမတန်း(က)ရဲ့ အတန်းပိုင်ဆရာမပေါ့။ ဆရာမက အရပ်မြင့်မြင့်၊ တုတ်တုတ်ခိုင်ခိုင်နဲ့ စိတ်ကလည်း တော်တော်ဆတ်တယ်။ ဒါပေမယ့် မကြီးသေးဘူး။ ကလေးမျက်စိထဲမယ် အပျိုကြီးဆိုပေမယ့် ဆရာမအသက်ဟာ အစိတ်ဝန်းကျင်လောက်ပဲ ရှိလိမ့်မယ် မောင်ဖိုးချိုထင်တယ်။ စိတ်သိပ်ဆတ်တော့ မာန်တာ၊ အော်ငေါက်တာကတော့ ပုံမှန်လိုဖြစ်နေပြီ။ အရိုက်လည်း ကြမ်းသေး။ တစ်တန်းလုံး ကြောက်ကြရတာပေါ့။ ဒါပေမယ့် ဆရာမကို ဘယ်သူမှမမုန်းကြဘူး။ ပြောရရင် အရိုက်ခံရဆုံး ၊ အဆူငေါက်ခံရဆုံးဆိုတဲ့ ဗညားတောင် ဆရာမကိုမမုန်းဘူးဆိုတာ အားလုံး သိတယ်။ ဟုတ်ပါတယ်။ ဆရာမဟာ သူ့တပည့်တွေအပေါ် ချစ်ခင်စိတ်နဲ့ စေတနာ လည်းရှိတယ်ဆိုတာကို ပြောမပြတတ်ပေမယ့် မောင်ဖိုးချိုတို့အားလုံး နားလည်ကြတယ်ထင်တာပဲ။

. . . . . . . ဆရာမက စိတ်ကြည်လင်ပြီး စိတ်ကောင်းဝင်နေထင်ပါရဲ့။ အားလုံးကိုချိုချိုသာသာနဲ့ တစ်ယောက်စီလိုက်ပြီး " ကြီးလာရင် ဘာလုပ်မလဲ " ဆိုတဲ့ မေးခွန်းကို မေးတယ်။ တစ်ယောက်တစ်မျိုး စုံလို့ပါပဲ ဖြေကြ ဆိုပါတော့။ မိန်းကလေးတွေက ဆရာမကြီးလုပ်မယ်လို့ အများဆုံးဖြေကြတယ်။ ဆရာမကလည်း ပြုံးလို့။ တစ်တန်းလုံး မင်္ဂလာအပြည့်နဲ့ရှိနေတဲ့အချိန်ကလေးဟာ ဗညားအလှည့်ရောက်တဲ့အချိန်မှာ အဆုံးသတ်သွားပါတော့တယ်။
" ပြော .. ကြီးရင်ဘာလုပ်မလဲ "
" ဗိုလ်ချုပ်အောင်ဆန်းလုပ်မယ် "
" ဘာလုပ်မယ် ... "
" ဗိုလ်ချုပ်အောင်ဆန်းလုပ်မယ် "
" ဘာ ဗိုလ်ချုပ်အောင်ဆန်းလုပ်မယ်လဲ ... နင့်နာမည်ကဘာလဲ "
" ဗညားပါ ဆရာမ "
" အေးလေ .. အဲဒီတော့ .. ဘာလုပ်မှာလဲ "
" ဗိုလ်ချုပ်အောင်ဆန်းလုပ်မယ် "
" နင့်နာမည်က ဗညားမဟုတ်လား .. ဘယ်လိုလုပ် ဗိုလ်ချုပ်အောင်ဆန်းဖြစ်မှာလဲ "

. . . . . . . ဗညားမျက်နှာမှာ ချွေးတွေပြန်နေတာကို မောင်ဖိုးချိုမြင်နေရတယ်။ ဒီကောင် အရိုက်ခံထိတော့မယ်ထင်ပြီး မျက်နှာလည်းပျက်နေပြီ။ ဆရာမလိုချင်တာကို မောင်ဖိုးချို စိတ်ထဲကသိပါတယ်။ 'ဗိုလ်ချုပ်ကြီးလုပ်မယ်' ဒါမှမဟုတ် ၊ ' ဗိုလ်ချုပ်အောင်ဆန်းလို(ဖြစ်အောင်)လုပ်မယ်' ဆိုတဲ့အဖြေမျိုးကို ဆရာမက ကြားချင်တာ။ တချို့ကောင်တွေလည်း သိကြမယ်ထင်တာပဲ။ ဒီ ဗညားဆိုတဲ့ကောင်ကိုက ဒါမျိုးကျ သိပ် နလပိန်းတုံးနိုင်လို့ မသိတာနေမှာပဲ။

. . . . . . . ဆရာမ စိတ်တိုသွားပြီ။ ဗညားလည်း ဘာပြောရမှန်းမသိတော့ဘူး။ အမှန်တော့ သူပြောချင်တာလည်း ဒါပဲ။ ဆိုလိုရင်းကို အားလုံးလည်းသိကြပါတယ်။ လွန်ခဲ့တဲ့ ဆယ်စုနှစ် နှစ်ခုကျော်က ပထမတန်းကျောင်းသူကျောင်းသားလေးတွေ အားလုံး " ဗိုလ်ချုပ်အောင်ဆန်းလုပ်မယ် " ဆိုတာ ဘာကိုပြောချင်မှန်း နားလည်ကြတယ် ပြောရမယ်။ ဆရာမလည်း သိတာပါပဲ။ ဒါပေမယ့် ခပ်ငယ်ငယ်အသက်နဲ့ ခပ်ဆတ်ဆတ်စိတ်ထဲမယ် ခပ်ချဉ်ချဉ်ဖြစ်နေတဲ့ကောင်မို့လို့ စိတ်ကလေးမြန်မြန်တိုသွား ထင်ပါရဲ့။

. . . . . . . " ဒေါက် " .. ဆရာမရဲ့လက်ကဗညားခေါင်းပေါ်ရောက်သွားပြီး ပါးစပ်ကလည်းပြောတယ်။ " ဗိုလ်ချုပ်ကြီးလုပ်မယ်ဆိုလည်း ဗိုလ်ချုပ်ကြီးလုပ်မယ်ပေါ့။ ဗိုလ်ချုပ်အောင်ဆန်းလိုလုပ်မယ်ဆိုလည်း ဗိုလ်ချုပ်အောင်ဆန်းလိုလုပ်မယ်ပေါ့။ စကားပြောတာကအစ မှန်အောင်မပြောနိုင်ဘူး။ ထိုင် " ..။ဗညားလည်း ခေါင်းကိုပွတ်ပြီး ထိုင်သွားတော့တယ်။

. . . . . . . "ဘာတွေစဉ်းစားနေတုန်း" ဆိုမှပဲ မောင်ဖိုးချိုဟာ သတိပြန်ကပ်တော့တယ်။ "ငါတို့ ငယ်ငယ် တစ်တန်းတုန်းကအကြောင်း စဉ်းစားမိလို့" ဆိုတော့ ဆရာမကလေးက ရယ်တယ်။
" ကွာကုန်ပြီဟ .. တခြားစီပဲ "
" နင် ဗညားကို မှတ်မိလား "
. . . . . . . မောင်ဖိုးချိုဟာ ဟိုးတစ်ရက်ကို မှတ်မိလိမ့်မလားတွေးမိပြီး ဆရာမလေးမျက်နှာကို လှမ်းဖတ်တယ်။ဗညားကို မှတ်မိပေမယ့် အဲဒီတစ်ရက်ကိုတော့ ဆရာမလေးဟာ မမှတ်မိဘူးထင်ပါရဲ့။ ၀မ်းသာအားရနဲ့ ပြန်ပြောတယ်။
" မှတ်မိတာပေါ့ .. အခု ဗိုလ်ကြီးလား ဗိုလ်မှုးလား ဖြစ်နေပြီဆိုပဲ "
" ဟုတ်လား " .. မောင်ဖိုးချိုရဲ့ အံ့သြမှုက သိသိသာသာပါပဲ။
" တော်တော် အဆင်ပြေနေသတဲ့ဟဲ့။ တိုက်နဲ့ ကားနဲ့ ဖြစ်နေပြီဆိုပဲ "
" .......... "
. . . . . . . အရောင်ပြောင်းသွားတဲ့ မောင်ဖိုးချိုရဲ့မျက်နှာကို သူ့ သူငယ်ချင်းက ဘယ်လိုဖတ်လိုက်မိသလဲ မသိဘူး။ စကားများ မှားသလားလို့ သူ့ဘာသာ ပြန်ဆန်းစစ်နေပုံ ရတယ်။
. . . . . . . မောင်ဖိုးချိုက "ကောင်းတာပေါ့ဟာ" လို့ ပြန်ပြောပြီး နောက်တော့ နှစ်ဦးသား နှုတ်ဆက်ခဲ့ကြပါရော။

. . . . . . . အပြန်လမ်းမှာတော့ မောင်ဖိုးချိုဟာ ဆရာမမေးခွန်းကို ပြန်ဖြေတဲ့ နှပ်တွဲလောင်းနဲ့ ချွေးပြန်နေတဲ့ ဗညားမျက်နှာ ကိုချည်း မြင်နေမိတယ်။ နောက်ပြီး သူငယ်ချင်းဆရာမရဲ့အမေးကို "စစ်ဗိုလ်ကြီးလုပ်မယ်" လို့ ပြန်ဖြေတဲ့ ကျောင်းသားလေးတွေရဲ့ မျက်နှာကိုလည်း တော်တော်ကြီး မြင်တွေ့ချင်နေမိတယ်။ ။


(ယက္ခ)ရဲကြီး ။ ၂၆.၉.၁၃ ။
http://yekkhayejee.blogspot.com/

https://www.facebook.com/yekkha.yegyii.fanpage

—