ဗုဒ္ဓဘာသာ ဇစ်မြစ် ( ၁၇ ) သီလပါရမီ ( ခ )

September 28, 2013 at 11:21am

အမှန်စင်စစ် ပါရမီသီလဟူသည် မည်သည့်စည်းစိမ်နှင့် မည်သည့်နတ်ဘုံ ဗြာဟ္မာ့ဘုံကုိုမျှ မတမ်းတမတွယ်တာဘဲ ဆောက်တည်ကျင့်သုံးသော သီလပင်ဖြစ်သည်။ စာအသုံးအရပြောရလျှင် ဘဝသမ္ဗတ္တိနှင့်ဘောဂသမ္ဗတ္တိတုို့ကုို မငဲ့ကွက်ဘဲ ကျင့်သုံးသောသီလဖြစ်သည်။
မှန်၏။ စည်းစိမ်ချမ်းသာနှင့်ဘုံဗိမာန်များ ဋ္ဌာနများကုိုတောင့်တ၍ စောင့်သုံးသောသီလသည် စိတ်အားဖြင့်အပြည့်အဝမဖြူစင် မဖြောင့်မတ်နုိုင်ချေ။ အကြောင်းကား စိတ်နှလုံးဖြူစင်မှု၊ ရုိုးသားဖြောင့်မတ်မှုနှင့် မတပ်မက်မလုိုချင်သောအလောဘကုိုအခြေခံ၍ စောင့်သုံးသော သီလသာလျှင်ဖြူစင်မြင့်မြတ်၍ ပါရမီသီလဖြစ်နုိုင်သော
ကြောင့်တည်း။ တနည်းအားဖြင့်ဆုိုသော် စည်းစိမ်ချမ်းသာကုိုတောင့်တခြင်းသည် လောဘဖြစ်၍ မတောင့်တဘဲ သီလ
စောင့်သုံးခြင်းသည် အလောဘဖြစ်သောကြောင့် ကုသုိုလ်စစ်စစ်ဖြစ်သဖြင့် မြင့်မြတ်၏။ ထုိုသုို့မြင့်မြတ်သောသီလဖြစ်သော
ကြောင့်ပင် ပါရမီသီလဖြစ်နုိုင်လေသည်။ သာမန်သီလတွင် ကုိုယ်မှုနှင့်နှုတ်မှုသည်သာ ပဓာနဖြစ်သည်။  ထုိုသာမန်သီလကုို
အကြောင်းပြု၍ လူ့စည်းစိမ်ကုိုလည်း တမ်းတနုိုင်သလုို နတ်စည်းစိမ်ကုိုလည်း တမ်းတနုိုင်သည်။ စိတ်ထဲတွင် မကောင်းသည့်
အရာများကုိုလည်း ကြံစည်နေနုိုင်သည်။ ကောက်ကျစ်စဉ်းလဲမှုသည်လည်း အဇ္ဈတ္တတွင်ဖြစ်နေနုိုင်သည်။ ကုိုယ်နှင့်နှုတ်နှစ်မျိူးကုိုသာ လုံခြုံအောင် အပြင်သုို့ပေါက်မထွက်အောင် စောင့်ထိန်းရခြင်းဖြစ်သည်။

   ပါရမီသီလသည်ကား ထုိုသုို့မဟုတ်ချေ။ ရုိုးသားဖြူစင်ဖြောင့်မတ်သော စိတ်နှလုံးကုိုအခြေခံ၍သာ ကုိုယ်မှုနှင့်နှုတ်မှုတုို့ကုို
စောင့်စည်းရသည်။ တနည်းဆုိုသော် ကုိုယ်မှု နှုတ်မှု စိတ်မှုဟူသော ကံအမှုသုံးပါးလုံးဖြင့်စောင့်ထိန်းရသော သီလသည်
ပါရမီသီလဖြစ်သည်။ သုို့ဆုိုလျှင်မည်သည့်စည်းစိမ်ကုိုမျှ မတမ်းတမမက်မောဘဲ စင်ကြယ်သောစိတ်ကုိုသာအခြေခံ၍ ဆောက်တည်ရသော ပါရမီသီလသည် အဘယ်သုို့ဦးတည်ပါသနည်း။ အဖြေကား ဗောဓိဥာဏ်သုို့သာ ဦးတည်ပါသတည်း။ ထုိုဗောဓိဥာဏ်သည်လည်း သာဝကဗောဓိဥာဏ် ပစ္စေကဗောဓိဥာဏ် သမ္မာသမ္ဗောဓိဥာဏ် ဟူ၍သုံးမျိူးရှိလေသည်။ အမှန်စင်စစ် ထုိုဗောဓိဥာဏ်ကုိုရရှိမှသာလျှင် ဘေးထွက်ဆုိုးကျိူးလုံးဝကင်းစင်သော ပျော်ရွှင်မှု ငြိမ်းချမ်းမှု ပြည့်ဝမှုတုို့ကုို ရနုိုင်ပေသည်။ အဘယ့်ကြောင့်ဆုိုသော် ဤဗောဓိဥာဏ်ပညာတော်တုို့သည် ကုိုယ်မှု နှုတ်မှု စိတ်မှုတုို့ ဖြူစင်ဖြောင့်မတ်သော ပါရမီသီလကုိုအခြေခံ၍ ရှာဖွေရရှိခဲ့ခြင်းကြောင့်ပင်တည်း။ ဤအကြောင်း အနည်းငယ်ရှင်းပါမည်။ ကမ္ဘာပေါ်ရှိ ပညာရှင်အချို့ နှင့် စာရေးဆရာအချို့ တုို့က ယနေ့ခေတ်သည် Knowledge age ပညာခေတ်ဟုဆုိုကြ၏။ ထုိုသူတုို့ဆုိုသည့်အတုိုင်း ယနေ့ခေတ်သည် ပညာခေတ်ဟုဆုိုက တုိုးတက်လာသော ဝိဇ္ဖာသိပ္ဗံစသော ပညာရပ်များကုိုထောက်ထား၍ ငြင်း၍မရ မှန်လှ၏။

   သုို့သော် ထုိုထုိုတုိုးတက်လာသော ပညာရပ်များကြောင့် ဤကမ္ဘာကြီးပြည့်စုံသွားပြီလော၊ လူသားတုို့မျှော်မှန်းသော တည်ငြိမ်မှု အေးချမ်းမှု ပျော်ရွှင်မှုတုို့ကုိုရော အမှန်တကယ်ရရှိပါပြီလော၊ လူမှုလောကကြီးတစ်ခုလုံး ရည်မှန်းချက်တွေပြည့်ဝနေပြီလော စသည်ဖြင့် စဉ်းစားဘွယ်ပင်ဖြစ်သည်။ အမှန်စင်စစ် ထုိုရည်မှန်းချက်များ ပြည့်ဝဘုို့ဝေးစွ၊ ပြဿနားများ အတောမသတ်နုိုင်အောင်ပင် ဆက်ကာဆက်ကာ ဖြစ်ပွါးနေလေသည်။ တစ်ခုပြီးတစ်ခု ပုို၍ပုို၍လုိုအပ်လာနေသည်သာဖြစ်သည်။ အားလုံးပြီးပြည့်စုံသွားပြီဟူ၍ မရှိသေးချေ။ ကမ္ဘာ့နေရာများစွာ လုပ်ငန်းများစွာ ဋ္ဌာနများစွာဝယ် ထုိုထုိုလောကီပညာရပ်များကုို အသုံးပြု၍ စိတ်ထိခုိုက်ဘွယ်ရာများ၊ အနိဋ္ဌာရုံများ စိတ်နှလုံးနာစရာဖြစ်ရပ်ဆုိုးများ နေ့စဉ်နှင့်အမျှဖြစ်ပေါ်နေကြသည်။  နည်းပညာကုိုသုံး၍ ဘဏ်တွေကုိုဖောက်သည်။ သူတပါးနုိုင်ငံ၏ ထိပ်တန်းလျှိူ့ ဝှက်ချက်တုို့ကုို ဖောက်၍ခုိုးသည်။ သူတပါးစီးပွါးရေး ကြီးပွါးရေးလုပ်ငန်းများကုို နည်းပညာဖြင့် နည်းမျိူးစုံဖျက်သည်။ သည်ထက်မက ဘေးထွက်ဆုိုးကျိူးများကား များပြားလှပါဘိတော့သည်။ ဤသည်မှာ သီလကုိုအခြေမခံသော
ကုိုယ်ကျင့်သီလမဲ့သော ပညာရပ်တုို့၏ ဘေးထွက်ဆုိုးကျိူးတုို့ပင်ဖြစ်သည်။ ဝိဇ္ဖာသိပ္ဗံပညာရပ်များနှင့် နည်းပညာများတုိုးတက်
လာမှုကြောင့် လူမှုလောကကြီးတစ်ခုလုံးကုို အလျှင်အမြန်အပြောင်းအလဲဖြစ်စေပြီး လူမှုဝန်ဆောင်မှုကိစ္စအဝဝတုို့တွင်လည်း အဆင်ပြေချောမွေ့လွယ်ကူမြန်ဆန်လာသည်ကုိုတော့ ကြိူဆုိုဝမ်းမြောက်ရမည့်ကိစ္စပင်ဖြစ်သည်။ မိမိဆုိုလုိုသည်မှာသီလကုို
အခြေမခံလျှင် ပညာရပ်များမည်မျှပင်တုိုးတက်ပါစေ၊ လူသားတုို့မျှော်မှန်းသော အရာရာပြီးပြည့်စုံပြီး  ဘေးထွက်ဆုိုးကျိူးလုံးဝ
ကင်းသော အခြေအနေသုို့လုံးဝမရောက်နုိုင်ဟုဆုိုလုိုခြင်းဖြစ်ပါသည်။

   ထုို့ပြင် တုိုးတက်လာပါသည်ဆုိုသော ပညာရပ်များကိုအကြောင်းပြု၍ ကုိုယ်ကျိူးရှာ ဝိသမလောဘသများအတွက်လည်း အခွင့်အလမ်းများပုို၍ပုို၍ပေါ်ပေါက်လာစေပြန်သည်။ တစ်ဖန် ထုိုပညာရပ်များကိုအသုံးပြု၍ နျူကလီးယားလက်နက်များနှင့် အခြားစွမ်းအားပြင်းလက်နက်များထုတ်လုပ်ကာ ကမ္ဘာကုိုမင်းမူ၍ ခြိမ်းခြောက်နေသော ဝိသမလောဘသမားနှင့်ဒေါသသမား
များလည်း ဒုနှင့်ဒေးပင်။ အဆုိုးဆုံးမှာ အမှားကုိုအမှန်ဟုသိကာ အမှန်ကုိုအမှားဟုပြောင်းပြန်သိနေသော မောဟဖြင့် ထုိုထုိုလောကီပညာရပ်များကုို အသုံးပြုလျှက် လူမှုလောကကြီးတစ်ခုလုံးကုို ကစဥ့်ကလျားဖြစ်အောင် တည်ငြိမ်မှုပျက်ပြားအောင် ကြံဆောင်လုပ်ကုိုင်နေကြခြင်းပင်ဖြစ်သည်။ တစ်ဖက်နှင့်တစ်ဖက် တုိုက်ခုိုက်နေကြခြင်းပင်ဖြစ်သည်။ ဆုိုလုိုသည်မှာ ယနေ့တုိုးတက်လာသော ပညာရပ်များကုို လောဘနှင့်လည်းရှာခဲ့သည်။ ဒေါသဖြင့်လည်း ကြိူးစားခဲ့သည်။ မောဟဖြင့်လည်း ပြောင်းပြန်တွေဖြစ်အောင် ကျင့်ဆောင်ခဲ့သည်။ နုိုင်ထက်စီးနင်း မတရားလွှမ်းမုိုးရာ၌ မရှက်မကြောက်ခြင်းဟူသော အဟီရိက အနောတ္တပ္ဗတုို့ဖြင့်လည်း ရက်စက်ခဲ့သည်။ ထုို့ကြောင့် သီလကုိုသာအခြေမခံလျှင် မည်သည့်လောကီပညာရပ်မဆုို ဘေးထွက်ဆုိုးကျိူးများ အနည်းနှင့်အများပါရှိမြဲပင်ဖြစ်သည်။

  ဤသုို့ဆုိုခြင်းကြောင့် လောကီပညာရပ်များသည် လောကအတွက် အန္တရာယ်သက်သက်သာဖြစ်သည်ဟု မဆုိုလုိုပါ။ လောကီပညာရပ်များကြောင့် ကောင်းကျိူးများဖြစ်ထွန်းခဲ့သည်မှာလည်း လက်တွေ့အထင်အရှားပင်ဖြစ်သည်။ လောကအတွက် လောကီပညာရပ်များသည် လုိုအပ်ပါသည်။ ကျေးဇူးများပါသည်။ ကုိုယ်ကျင့်သီလမပါလျှင် တွေ့ကြုံဖြစ်ပျက်နုိုင်သော အခြေအနေ
တုို့ကုိုသာဆုိုလုိုခြင်းဖြစ်သည်။ အကယ်၍ သီလတရားကုိုသာ အခြေခံ၍အသုံးချပါက ထုိုထုိုလောကီပညာရပ်တုို့သည် လူမှုလောကကြီး
တစ်ခုလုံးအတွက် ယခုထက်ပုို၍ပုို၍ အလွန်တရာပင်တန်ဘုိုးရှိမည်ဖြစ်သည်။ လူလောကကြီးသည်လည်း ဒီထက်ပုို၍ လှပလာမည်မှာ အမှန်မုချပင်ဖြစ်သည်။ ထုို့ကြောင့် ကုိုယ်ကျင့်နှုတ်ကျင့်ဟူသော သီလတရားကုိုအခြေခံထားသော ပညာရပ်တုို့သာလျှင် လူသားတုို့
မျှော်မှန်းသော ပြီးပြည့်စုံသည့် အခြေအနေသုို့ရောက်နုိုင်လေသည်။ ထုို့ထက် ပါရမီသီလကုိုအခြေခံ၍ ကျင့်သုံးခြင်းဖြင့် ကြိူးစားရှာဖွေ
ရယူခဲ့သော ဗောဓိဥာဏ်ပညာသည် မည်သည့်ဘေးထွက်ဆုိုးကျိူးမျှမရှိဘဲ အလုံးစုံကုိုပြီးပြည့်စုံစေနုိုင်လေသည်။

   အမှန်စင်စစ် ပါရမီသီလကုိုအခြေခံ၍ရရှိလာသော ဤဗောဓိဥာဏ်ပညာတော်သည် ပုဂ္ဂိုလ်တစ်ဦးတစ်ယောက်အတွက်ဖြစ်စေ၊ မိသားတစ်စုအတွက်ဖြစ်စေ၊ လူမှုအဖွဲ့အစည်းအတွက်ဖြစ်စေ၊ ကမ္ဘာလောကအတွက်ဖြစ်စေ၊ အေးချမ်းမှု ပျော်ရွှင်မှု တည်ငြိမ်မှု
တုိုးတက်မှု ရင့်ကျက်မှု ပြည့်ဝမှု ချမ်းသာမှုအားလုံးတုို့ပါဝင်သော ပြီးပြည့်စုံမှုတုို့ကုိုသာ အတိပေးလေသည်။  ဤပါရမီသီလသည် ထုိုသုို့သော ဂုဏ်ပေါင်းခသည့် ဗောဓိဥာဏ်သုို့သာ ဦးတည်ချေသည်တကား။ သုို့သော်လည်း ဘုရားအလောင်းတော်သည်ပင် နုစဉ်ကာလ ပါရမီဖြည့်စဉ်ဝယ် မကောင်းမှုများ အားလုံးကင်းစင်ခဲ့သည်တော့မဟုတ်ချေ။ အကြောင်းမှာ မကောင်းမှုများ အားလုံးကင်းစင်သွားလျှင် သမ္မာသမ္ဗောဓိဥာဏ်တော်ကုိုရရှိကာ ဘုရားအဖြစ်သုို့ရောက်ရှိမည်ဖြစ်သောကြောင့်ပင်တည်း။ ထုို့ကြောင့် စာဖတ်သူတုို့လည်း သီလပါရမီကုိုဖြည့်ကျင့်ရာဝယ် နုိုင်သလောက်တဖြည်းဖြည်း ဖြည့်ကျင့်ရမည်ပင်ဖြစ်သည်။ တစ်ကြိမ်တည်း တစ်ဘဝတည်းဖြင့် စင်ကြယ်ပြည့်စုံစေရန်ဖြစ်နုိုင်လိမ့်မည်မဟုတ်ချေ။ ဘုရားအလောင်းတော်သည် ပါရမီဖြည့်စဉ်ကာလဝယ် မုသာဝါဒသိက္ခာပုဒ်မှလွဲ၍ အခြားသော မကောင်းမှုတုို့ကိုကျူးလွန်ခဲ့ဖူးသည်။ သုို့သော် ထုိုကျူးလွန်မှုတုို့သည် သူ့ကုိုယ်ကျိူးအတ္တ သူ့မိသားစုအတွက်သက်သက်မဟုတ်ချေ။ လောကကောင်းကျိူးအတွက် အနစ်နာခံ၍ မဖြစ်မနေကျူးလွန်ခဲ့ရသော အကုသိုလ်
တုို့သာဖြစ်သည်။ သုို့ဖြစ်သောကြောင့်ပင် ပါရမီဖြည့်စဉ်ဝယ် အကုသုိုလ်ကံကြောင့် အပါယ်ဘုံတိရစ္ဆာဘဝတုို့၌ဖြစ်ရသော်လည်း အကြီးအကဲဘုရင်အဖြစ်နှင့်သာ ကျင်လည်ခဲ့ရသည်။

  ထုို့ပြင် အလောင်းတော်သည် သီလကုိုအသက်ထက်ပင်ချစ်မြတ်နုိုးတော်မူခဲ့သည်။ မှန်၏။ လောကကုိုအလွန်ချစ်မြတ်နုိုးတော်မူ
သောကြောင့် အသက်စွန့်၍ သီလကုိုဖြည့်ကျင့်ခဲ့သည်။ အကြောက်တရားကြောင့်လည်း သီလမပျက်၊ အခြောက်တရားကြောင့်လည်း သီလမညှိုးနွမ်းခဲ့ပေ။ ထုို့ပြင် ရာထူး အာဏာ စည်းစိမ် ဂုဏ်ပကာသနစသော လာဘ်လာဘဖြင့်စွဲဆောင်ခြင်းကြောင့်လည်း သီလကုို
အပျက်မခံ၊ လူအများစု၏ မြှင့်တင်မြှောက်စားမှုကြောင့်လည်း အောက်ခြေလွတ်ကာ သီလမပျက်ပြယ်၊ ဂုဏ်သတင်းထင်ပေါ်ကျော်စော
မှုကြောင့်လည်း ဘဝင်သွေး နားထင်ရောက်ကာ သီလကုိုအညှိုးနွမ်းမခံပေ။ ပါဠိလုိုဆုိုရသော် လာဘ သက္ကာရ သိလောကတုို့ကြောင့် သီလကုိုအပျက်မခံ အထိခုိုက် အညှိုးနွမ်းမခံခဲ့ပေ။ အသက်နှင့်သီလထုိုနှစ်မျိူးတွင် တစ်ခုခုကုိုရွေးချယ်ရမည့်အခြေအနေသုို့
ဆုိုက်ရောက်လာလျှင် အသက်ကုိုစွန့်လွှတ်ကာ သီလကုိုပင်ရွေးချယ်လေသည်။ ဥပမာအားဖြင့် စမရီမည်သော သားကောင်သည် သူ၏အသက်ကုိုစွန့်ကာ အမြီးကုိုစောင့်ရှောက်သကဲ့သုို့လည်းကောင်း၊ ယစ်မသည်သူ၏အသက်ကုိုစွန့်ကာ ဥကုိုစောင့်ရှောက်
သကဲ့သုို့လည်းကောင်း၊ သားတစ်ယောက်တည်းသာရှိသောမိခင်သည် ထုိုသားကုိုယုယုယယစောင့်ရှောက်သကဲ့သုို့လည်းကောင်း၊ မျက်စိတစ်ဖက်သာရှိသောသူသည်လည်း ထုိုမျက်စိတစ်ဖက်ကုို ဂရုတစုိုက်စောင့်ရှောက်သကဲ့သုို့လည်းကောင်း ဘုရားအလောင်းတော်
သည်လည်း သီလကုို အသက်နှင့်လဲ၍စောင့်ရှောက်တော်မူခဲ့သည်။ ဤသည်မှာလည်း လောကအတွက်ပင်ဖြစ်သည်။ အံ့သြဘနန်း ချီးမွမ်း၍ ကြည်ညုိုလေးစားထုိုက်လှပါဘိ။ သုို့သော် မိမိတုို့သာမန်လူမှုလောကအမြင်တွင်မူ အသက်ထက်မြတ်တာဘာမျှမရှိဟူသော
စကားအတုိုင်း အသက်ရှင်သန်ရေးကုိုသာဦးစားပေးကြလေသည်။ ပြောင်းပြန်လန်၍ ကွာချင်တုိုင်းကွာခြားလှချေ၏တကား။

ထုို့ပြင် အဘယ်တရားတုို့ကား သီလမည်သနည်းဟူမူ ၁။ ကာယဒုစရုိုက် ဝစီဒုစရုိုက်တုို့မှရှောင်ကြဉ်သောသူ၏ သန္တာန်၌ဖြစ်သော စေတနာ၊ ၂။ ဝတ်ကြီးဝတ်ငယ်တုို့ကုို ဖြည့်ကျင့်သောသူ၏ သန္တာန်၌ဖြစ်သော စေတနာ၊ ကာယဒုစရုိုက် ဝစီဒုစရုိုက်တုို့မှ ရှောင်ကြဉ်သော ဝိရတီစေတသိက် သုံးပါး၊ ၃။ အနဘိဇ္ဈာ အဗျာပါဒ သမ္မာဒိဋ္ဌိတည်းဟူသော မနောသုစရုိုက်တရားသုံးပါး၊ ၄။ သံဝရတရားငါးပါး၊ ၅။ အဝီတိက္ကမခေါ်သည့် စောင့်ထိန်းအပ်သောသိက္ခာပုဒ်ကုို မလွန်ကျူးသောအခါ၌ဖြစ်သော ကုသုိုလ်စိတ် စေတသိက်အားဖြင့် ဤတရားငါးစုတုို့သည် သီလမည်သည်။ ဤတရားစုတုို့ကုို သီလဟုခေါ်ဆုိုရသည်။  အဘယ့်ကြောင့် သီလခေါ်သနည်းဟူမူ ၁။ ကာယကံမှု ဝစီကံမှုတုို့ကုို ရုန့်ရင်းကြမ်းတမ်းစွာ ဖြစ်ခွင့်မပေးဘဲ သိမ်မွေ့နူးညံ့အောင် ကောင်းစွာ
ထားတတ်သောကြောင့်လည်းကောင်း၊ ၂။ ကာမကုသိုလ် ရူပကုသုိုလ် အရူပကုသုိုလ် လောကုတ္တရာကုသုိုလ်တည်းဟူသော ကုသုိုလ်လေးမျိူးတုို့ အဆင့်ဆင့်ဖြစ်ပွါးအောင် အခြေခံအကြောင်းရင်းအဖြစ်ဖြင့် ကောင်းစွာရွက်ဆောင်တတ်သောကြောင့်
လည်းကောင်း သီလဟုခေါ်သည်။

  သီလ၏သဘောလက္ခဏာသည် ကုိုယ်မှု နှုတ်မှု စိတ်မှုတုို့ကုို ဖရုိုဖရဲမရှိရဘဲ တည်ငြိမ်သေသပ်အောင် ယဉ်ကျေးသိမ်မွေ့အောင် ကောင်းစွာထားပေးခြင်းသဘောလက္ခဏာရှိသည်။ မှန်၏။ ကုိုယ်ကျင့်သီလရှိသောသူ၏ အပြုအမူ အပြောအဆုိုမှန်သမျှတုို့သည်
ယဉ်ကျေး တည်ငြိမ် သေသပ်လှသည်။  တနည်းအားဖြင့်ဆုိုသော် ကုသိုလ်တရားများ ဖြစ်ပွါးရခြင်း၏ မူလအခြေခံအကြောင်းရင်း
သဘောလက္ခဏာရှိသည်။ သီလ၏ အလုပ်ကိစ္စသည် ကုိုယ်မစောင့်စည်းခြင်း နှုတ်မစောင့်စည်းခြင်း အစရှိသောသီလကင်းမဲ့သူ၏
အဖြစ်ကုို ဖျက်ဆီးခြင်းအလုပ်ကိစ္စဖြစ်သည်။ သီလဆောက်တည်သူကုို သီလတည်မြဲအောင်ဆောင်ရွက်သည့်အလုပ်ကုိုလုပ်သည်၊ ရုိုင်းပြသူကုို ယဉ်ကျေးသူဖြစ်အောင်ဆောင်ရွက်သည် ဟုဆုိုလုိုသည်။ အပြစ်ကင်းသောဂုဏ်နှင့်ပြည့်စုံအောင် ဆောင်ရွက်တတ်သည့် သမ္ဗတ္တရသ ( ကိစ္စ ) လည်းဖြစ်သည်။ သီလကုိုပညာရှိသူတော်ကောင်းတုို့ဆင်ခြင်သောအခါ ထုိုသူတော်ကောင်းတုို့၏ဥာဏ်၌
သီလဟူသည် ကာယကံ ဝစီကံ မနောကံမှုတုို့၏ စင်ကြယ်ခြင်းပါကလားဟု သိမြင်လာတတ်သည်။ သီလကျင့်သုံးဘုို့ရန်အနီးကပ်ဆုံး
သောအကြောင်းမှာ မကောင်းမှုပြုလုပ်ပြောဆုိုရမည်ကုို ရှက်ခြင်း ဟိရီ၊ မကောင်းမှုကုိုပြုလုပ်ပြောဆုိုရမည်ကုိုကြောက်ခြင်း သြတ္တပ္ဗ
တရားနှစ်ပါးသာလျှင်ဖြစ်သည်။ မှန်၏။ မကောင်းမှုကုိုမကြောက်မရှက်သောသူသည် ကုိုယ်ကျင့်သီလကုိုကျင့်သုံးနုိုင်မည်မဟုတ်ချေ။ မကောင်းမှုကျူးလွန်ရမည်ကုို ရှက်ခြင်းကြောက်ခြင်းဖြစ်မှသာ ကုိုယ်ကျင့်တရားကုိုကျင့်သုံးနုိုင်မည်ဖြစ်ပေသည်။

ကုိုယ်ကျင့်သီလကုိုကျင့်သုံးခြင်းကြောင့် ရရှိမည့်အကျိူးအာနိသင်ကားများပြားလှသည်။ ၎င်းတုို့မှာ ကုိုယ်ကျင့်သီလကုိုစောင့်ထိန်းသူ၏ စိတ်နှလုံးကုိုသာယာရွှင်လန်းစေနုိုင်ခြင်းဟူသော နုသောပီတိပါမောဇ္ဖ၊ ထုိုမှတစ်ဆင့် ရင့်သောပါမောဇ္ဖနှစ်သက်ခြင်းကုိုခံစားရရှိသည်။  ထုိုမှ ကုိုယ်ရောစိတ်ပါ ငြိမ်းချမ်းခြင်း ပဿဒ္ဓိတရားကုိုခံစားရသည်။ ထုိုမှဆက်၍ ကုိုယ်ရောစိတ်ပါ ချမ်းသာခြင်းသုခကုိုခံစားရသည်။ ထုိုကုိုယ်ရောစိတ်ပါ ချမ်းသာသူမှာ တည်ကြည်ခြင်းသမာဓိကုို ရရှိနုိုင်သည်။ သမာဓိရှိသောသူမှာ သဘာဝကုိုဟုတ်တုိုင်းမှန်စွာသိသော ယထာဘူတဥာဏ်ကုိုရရှိနုိုင်သည်။ ထုိုဥာဏ်ဖြစ်သူသည် ဝဋ်ဒုက္ခ သင်္ခါရတို့၌ ငြီးငွေ့ခြင်း နိဗ္ဗိန္ဒတည်းဟူသော ဗလဝဝိပဿနာဥာဏ်ကုို
ဖြစ်စေနုိုင်သည်။  ထုိုအားကောင်းသောဝိပဿနာဥာဏ်ဖြစ်သူသည် တပ်မက်စွဲလမ်းခြင်းကင်းသော မဂ်တရားကုိုဖြစ်စေနုိုင်သည်။  ထုိုမဂ်တရားဖြစ်သူသည် ဝိမုတ္တိဟုဆုိုအပ်သော အရတ္တဖုိုလ်ကုိုရစေ ဖြစ်စေနုိုင်သည်။ ထုိုအရဟတ္တဖုိုလ်တရားကုိုရသူသည် မဂ်ဖုိုလ်နိဗ္ဗာန်တုို့ကုို ဆင်ခြင်ခြင်း ပေစ္စဝေက္ခဏာဥာဏ်ဖြစ်လေတော့သည်။ ထုိုပေစ္စဝေက္ခဏာဥာဏ်ဖြစ်သူသည် ခန္ဓာအကြွင်းမရှိ
တော့ဘဲ ပရိနိဗ္ဓာန်ကုို မျက်မှောက်ပြုနုိုင်လေတော့သည်။  ဤသုို့လျှင် သီလ၏အာနိသင်ကား နိဗ္ဗာန်ရောက်သည်အထိ ကြီးမားများပြားလှသည်။ ထုို့ပြင် လောကီကောင်းကျိူးများလည်းမျာစွာရှိသေးလေ၏။ သီလ၏ကောင်းကျိူးတုို့ကား ဤသုို့ပင်
များပြားလှပါဘိ။ ဤနေရာ၌ သီလ၏အကျိူးကျေးဇူးတုို့ကုို အကုန်အစင်မဖေါ်ပြနုိုင်တော့ပါ။ ဤမျှဆုိုလျှင် သီလ၏အကျိူးကျေးဇူးသည်
အလွန်တရာကြီးမားကြောင်း စာဖတ်သူများ သိနုိုင်ကြပေပြီ။ အချုပ်အားဖြင့် ပါရမီသီလဟူသည် မိမိအတွက် မည်သည့် စည်းစိမ်
ချမ်းသာကောင်းကျိူးကုိုမျှ မမျှော်ကုိုး မတမ်းတဘဲ လောကကောင်းကျိူးအတွက် အနစ်နာခံကာ ဖြည့်ဆည်းခြင်းပင်ဖြစ်သည်။ ထုို့ကြောင့် ရုိုးရုိုးသာမန်သီလကုိုဖြစ်စေ ပါရမီသီလကုိုဖြစ်စေ မိမိနှင့်လောက၏ ကောင်းကျိူးကုို လုိုလားသူမှန်သမျှကျင့်ဆောင်
အပ်ပါ၏။ ကျင့်ဆောင်ကြပါရန်လည်း တုိုက်တွန်းအပ်ပါ၏။

 ( ဆက်လက်ဖေါ်ပြပါမည် )

Ven Pannasami

Director of Religious Education