မလေးရှားမှမြန်မာများအတွက် ရတက်မ အေးစရာ

Min Aung Khine shared Sa Maung's photo.

By မလေးရှားရောက် မြန်မာ စီးပွားရေးလုပ်ငန်းရှင်များအသိုင်းအဝိုင်း
၂၈၊ ၉၊ ၂၀၁၃

ယနေ့မလေးရှားနိုင်ငံဆိုင်ရာမြန်မာသံရုံးတွင် မြန်မာနိုင်ငံမှပြည်သူ့လွတ်တော် ဥက္ကဌကြီး သူရရွှေမန်းသည် နိုင်ငံတော်ခရီးစဉ်အနေဖြင့်မဟုတ်ဘဲ စီးပွားရေးလုပ်ငန်းရှင်ဦးတေဇတို့နှင့် အတူရောက်ရှိလာ၍ မည်သည့် အကြောင်းကိစ္စ နှင့်လာရောက်သည်ကိုမသိရှိရသည့် အတွက် မလေးရှားရှိုမြန်မာအသိုင်းအဝိုင်းများမှ များစွာအံ့အားသင့်မိပါသည်။

မလေးရှားရှိစီးပွားရေးလုပ်ငန်းရှင်များနှင့်အလုပ်သမားAgentများ၏ အဆိုအရ ပြည်သူ့လွတ်တော် ဥက္ကဌကြီး သူရရွှေမန်းနှင့်ဦးတေဇတို့မှပံ့ပိုးပေးထားသော Ever Fine SDN BND နှင့်မြန်မာနိုင်ငံ ရှိ ကြံ့ခိုင်ရေးနှင့် ဖွံ့ဖြိုးရေး ပါတီ၏ စီးပွားရေးလုပ်ငန်းခွဲ တစ်ခုဖြစ်သော Diamond Star Co., တို့ပူးပေါင်း၍ မလေးရှားနိုင်ငံရှိ Over Stay နှင့်နေထိုင်သည့်မြန်မာနိုင်ငံသားများအတွက်တရားဝင်ဖြစ်ရန်
လုပ်ဆောင်သည့်ကိစ္စတွင် ဌင်းတို့ ကုမ္ပဏီက မြန်မာနိုင်ငံသံရုံး၏ တရားဝင် Passport Agent အနေဖြင့် တစ်ဦးတည်း မူပိုင်လက်ဝါးကြီး အုပ်လိုသည့်အတွက် ရောက်ရှိလာသည် ဟုပြောကြားနေကြပါသည်။

ဌင်း Ever Fine ကုမ္ပဏီကို မလေးရှားနိုင်ငံဆိုင်ရာ မြန်မာနိုင်ငံ သံအမတ်ကြီးဦးတင်လတ်၏ဇနီးနှင့် ဗိုလ်မှူးသိန်းသန်းတို့ အတူပူးတွဲဦးစီးလုပ်ကိုင်နေသည် ဟုသိရပါသည်။ ဌင်းEver Fine ကုမ္ပဏီအားတရားဝင်လုပ်ကိုင်ခွင့်ကို အလုပ်သမားရေးဝန်ကြီး လာစဉ်ကာလကပင် တရားဝင် ခွင့်ပြုပြီးဖြစ်ကြောင်း သိရပါသည်။ လက်ရှိတွင် မြန်မာနိုင်ငံသံရုံး၏ Passport ဈေးနှုန်းသည် အခြားသံရုံး များနှင့် များစွာကွာဟချက်ရှိနေပြီးလွန်စွာအချိန်ကြန့်ကြာသဖြင့် ယခုလုပ်ဆောင်မည့် Ever Fine ကုမ္ပဏီ အနေဖြင့်လည်းမည်သည့်ဈေးနှုန်းဖြင့်မည်သို့အမြန်ဆုံးနည်းလမ်းဖြင့်
ရက်ချင်းပြီးဝန်ဆောင်မှုပေးမည်ဆိုသည်ကိုအားလုံးမှ စိတ်ဝင်စားစွာစောင့်ကြည့်နေကြပြီး ကာယကံရှင်အလုပ်သမားများကမူ Ever Fine ကုမ္ပဏီ အနေဖြင့် တစ်ဦးတည်း လုပ်ကိုင်ခွင့်ရထား သည့်အတွက် ဈေးနှုန်းများစွာမြင့်မားမည်ကို ပူပန်၍ ရတက်မအေး နိုင်ဖြစ်နေရသည်ဟုသိရပါသည်။


မလေးရှားရောက် မြန်မာ စီးပွားရေးလုပ်ငန်းရှင်များအသိုင်းအဝိုင်း