04.02.2012 နေ့ဖတ်ရန်သတင်းများ

by Myanmar Journal on Saturday, February 4, 2012 at 6:14am

 

 
ခမာနီထောင်မှူးကို ထောင်ဒဏ်တသက် ချမှတ်

သူဟာအမိန့်ကို လိုက်နာရတဲ့ အငယ်တန်း အရာရှိ သာ ဖြစ်ခဲ့တယ်လို့ Duch ကပြော
ကမ္ဘောဒီးယားနိုင်ငံမှာ ခမာနီ အကျဉ်း ထောင် တခုကို အုပ်ချုပ်ခဲ့သူဖြစ်တဲ့ Comrade Duch လို့ လူသိများတဲ့ Kaing Guek Eav ရဲ့ အယူခံကို ကုလသမဂ္ဂ ကျောထောက်နောက်ခံပြုထားတဲ့ ကမ္ဘောဒီးယားနိုင်ငံ တရားရုံးကနေ ပယ်ချလိုက် ပါတယ်။

လူသားတွေအပေါ် လူမဆန်တဲ့ သတ်ဖြတ်ခဲ့မှု စွဲချက်နဲ့ သူ့ကို ၂၀၁၀ ခုနှစ်က ထောင်ဒဏ် ၃၅ နှစ် ချမှတ်ထားတာ ဖြစ်ပါတယ်။
အယူခံတရားရုံးကနေ Kaing Guek Eav ကို ထောင်ဒဏ် တသက်တကျွန်း ချမှတ်လိုက်ပြီး၊ ပြစ်ဒဏ်ကို ၁၉၉၉ ခုနှစ် မေလ ၁၀ နေ့က စတွက်ရမယ်လို့ တရားသူကြီးက ဖတ်ကြားသွား ပါတယ်။
အသက် ၆၉ နှစ်ရှိနေပြီဖြစ်တဲ့ Duch က သူ့ရဲ့ အယူခံမှာ ရေးသားထားရာမှာ သူဟာ အမိန့် ကို လိုက်နာဆောင်ရွက်ရတဲ့ အငယ်တန်း အရာရှိတဦးသာ ဖြစ်ခဲ့တယ်လို့ ဖေါ်ပြထား ပါတယ်။
တရားသူကြီးအဖွဲ့ကတော့ ဒီအယူခံကို ပယ်ချလိုက်ပြီး တရားလိုဘက်က တောင်းဆိုထားတဲ့ ပိုမိုပြင်းထန်တဲ့ ပစ်ဒဏ်ချမှတ်ဖို့ကို သဘောတူခဲ့တာ ဖြစ်ပါတယ်။
၁၉၇၀ ခုနှစ်တွေအတွင်း Duch အုပ်ချုပ်တဲ့ အကျဉ်းထောင်မှာ လူပေါင်း ၁ သောင်းခွဲလောက် ညှင်းပန်း နှိပ်စက်ခံရပြီး သတ်ဖြတ်ခံလိုက်ရတာ ဖြစ်ပါတယ်။

အီရန်ဘာသာရေးခေါင်းဆောင်က အမေရိကန်ကို သတိပေး
အီရန်နျူကလီးယားစက်ရုံကို တိုက်ဖို့ အစ္စရေးပြော
အီရန်ဘာသာရေးခေါင်းဆောင်က အမေရိကန်တို့က တိုက်ခိုက်လာရင် ဒါမှမဟုတ် ပိတ်ဆို့ အရေးယူရင် ပြင်းပြင်းထန်ထန် တုံ့ပြန်မယ်လို့ အမေရိကန်နဲ့ အစ္စရေးကို ပြောသွား ပါတယ်။ အီရန်နျူကလီးယား အရေးနဲ့ ပတ်သက်ပြီး အီရန် နဲ့ အစ္စရေး ခေါင်းဆောင် ပိုင်းတွေရဲ့ အပြန်အလှန် ပြောဆိုမှု တွေ တဖက်က အရှိန်မြင့်လာပါတယ်။
အီရန် က လည်း သူ တို့ နျူကလီးယား လက်နက် လုပ်နေတာ မဟုတ်ဘူးလို့ ငြင်း သလို အစ္စရေး ဘက်ကလည်း အီရန် ကအဲဒီ အဆင့်ထိ လုပ်နေပြီ လို့ ယူဆ ထားပြီး အဲဒိ နေရာ ကို လေကြောင်း တိုက်ခိုက်မှု တွေ လုပ်နိုင်တဲ့ အနေအထား ထိ ကို စိုးရိမ်နေကြပါတယ်။
အီရန် က သူတို့ နျူကလီးယား စီမံ ကိန်း ကို မြေအောက် မှာ ထွင်းဖောက်ထားတဲ့ လှိုဏ် ခေါင်းတွေ ထဲမှာ လုပ်နေတာပါ။
အစ္စရေး နဲ့ အနောက်နိုင်ငံ တွေ က တော့ အီရန် က နျူကလီးယား လက်နက် အထိ လုပ်နေပြီ လို့ တွက်ဆ နေပါတယ်။
နိုင်ငံတကာ နျူကလီးယား စောင့်ကြည့်ရေး ကုလသမဂ္ဂ ဌာန တခုဖြစ်တဲ့ အိုင်အေအီးအေ ရဲ့ အခုနောက်ဆုံး ထွက်လာတဲ့ အစီရင်ခံစာ ကိုကြည့်ပြီး အမေရိကန်နဲ့ အီးယူ ဥရော ပသမဂ္ဂ နိုင်ငံတွေ က အီရန် ကို အရေးယူ ပိတ်ဆို့မှု တွေ ထပ်တိုးလုပ်လာနေပါပြီ။
အီရန် ဘက်က တော့ သူတို့ နျူကလီးယား လုပ်တာ က စစ်ပြုဖို့ လက်နက် အတွက် မဟုတ် ပဲ ငြိမ်းချမ်းတဲ့ လုပ်ငန်း တွေမှာသာ အသုံးချ ဖို့ လို့ အကြိမ်ကြိမ် ပြောဆိုထားပါတယ်
သူတို့ မဟာမိတ် ရုရှ ကလည်း အီရန် ကို နိုင်ငံတကာ က ဆန်ရှင် တွေ ထပ်မတိုး ဖို့ တောင်းဆို နေပါတယ်
အမေရိကန် ဘက် ကတော့ အစ္စရေး က အီရန် ကို လေကြောင်း က ၀င်တိုက်နိုင်တယ် ဆိုတာ ကို စိုးရိမ်ကြောင်း ပြောပေမယ့် လ အနည်းငယ် အတွင်းမှာ တော့ အဲသလို ၀င်တိုက်တာ မဖြစ်နိုင်သေး ပါဘူး လို့ လည်း ပြောနေပါတယ် ။

မြဝတီမြို့ထဲက လူထုတွေရဲ့ အိမ်မြေယာတွေ အသိမ်းခံနေရ
မြဝတီ မြို့က ဘိုးဘွားပိုင်မြေတွေ အသိမ်းခံ နေရ
ထိုင်းမြန်မာ နယ်စပ် မြဝတီမြို့မှာ ဒေသ ခံတွေရဲ့ အိမ်မြေ လယ်ယာတွေကို အစိုးရနဲ့ ငြိမ်းချမ်းရေး ယူထားတဲ့ လူမျိုးစု လက်နက်ကိုင် အဖွဲ့တွေကရော အစိုးရ အာဏာပိုင်တွေ ကပါ သိမ်းယူနေတာ ကြောင့် ဆင်းရဲသား လူထုတွေ ဒုက္ခ ရောက်နေ ကြတယ်လို့ မြို့ခံတွေက ပြောပါတယ်။
မနှစ်က စပြီး ခရိုင်အုပ်ချုပ်ရေးမှူးက မြေကွက်တွေကို အကွက်ရိုက်သွားခဲ့ပြီး မြဝတီမြို့ တဝက်နီးပါး၊ ရွှေညောင်ဦး၊ မြေနီကုန်း၊ ကားဝင်းဟောင်း အနောက်က ကရင်စုတွေကနေ ဖယ်ပေးရမယ်လို့ ပြောကြောင်း၊ တချို့ဆိုရင် တရား ဆိုင်နေရကြောင်း မြဝတီ မြို့ခံ အမျိုးသမီး တဦးက ပြောပါတယ်။
တရားဆိုင်ဖို့ အတွက် ရှေ့နေငှားရလို့ ငွေကုန်သလို ဖယ်ပေးရအောင်ကလည်း သွားစရာ နေစရာ မြေမရှိဘူးလို့ ဘီဘီစီကို ပြောပြပါတယ်။
တခါ KRF ဟောင်သရော ငြိမ်းချမ်းရေး အဖွဲ့ အလင်းဝင်လာချိန် ၂၀၀၂ ခုနှစ်တုန်းကလည်း မြဝတီမြို့ ကြံခင်းဖက်က မြေတွေကို KRF အဖွဲ့ပိုင်ဆိုပြီး သိမ်းသွားခဲ့တာ ခုချိန်ထိ ပြန်မရသေးဘူးလို့ နှစ်ပေါင်း အတော်ကြာ အစိုးရကို မြေခွန်သွင်းနေတဲ့ ဘိုးဘွားပိုင်မြေ အသိမ်းခံရသူ နောက်မြို့ခံ အမျိုးသမီး တဦးက ဘီဘီစီကို ပြောပြပါတယ်။
သူနဲ့ အတူ တခြား မြေသိမ်းခံထားရတဲ့ သူတွေက သူတို့မြေတွေ ပြန်ရဖို့ သက်ဆိုင်ရာကို နှစ်ပေါင်း အတော်ကြာ လိုက်လံ တိုင်တန်း နေရလို့ အချိန်ကုန် ငွေကုန်ပြီး စီးပွားပါ ပျက်သွားရပေမယ့် ခုချိန်ထိ သူတို့ရဲ့ မြေတွေကို ပြန်မရသေးဘူးလို့ ဆိုပါတယ်။
အရင် အစိုးရ လက်ထက်မှာ မြေယာ အသိမ်းခံရသူတွေရော၊ လက်ရှိ အစိုးရ လက်ထက်မှာ မြေယာ အသိမ်းခံရသူတွေပါ သူတို့မြေတွေ ပြန်ရရေးအတွက် နိုင်ငံတော် သမ္မတ၊ မြန်မာနိုင်ငံက လူ့အခွင့်အရေးအဖွဲ့အပြင် နိုင်ငံတကာ လူ့အခွင့်အရေး အဖွဲ့တွေကိုပါ တိုင်ကြားသွားမယ်လို့ သိရပါတယ်။

ဒေါ်အောင်ဆန်းစုကြည်ရဲ့ မန္တလေး ခရီးစဉ် ပျက်သွား
ထားဝယ် ခရီးစဉ်မှာ ဒေါ်အောင်ဆန်းစုကြည် ကို သောင်းသောင်း ဖျဖျ ကြိုဆိုခဲ့ကြ
ဖေဖေါ်ဝါရီလ ၄ရက်နေ့မှာ ပြုလုပ်ဖို့ စီစဉ်ထားတဲ့ NLD ပါတီဥက္ကဌ ဒေါ်အောင်ဆန်းစုကြည်ရဲ့ ပါတီ စည်းရုံးရေး မန္တလေး ခရီးစဉ် အခုအခါ ပျက်ပြယ်သွားပြီ ဖြစ်ပါတယ်။
မန္တလေးရောက်ရင် ဗထူးကွင်းမှာ လူထုနဲ့ တွေ့ဆုံဖို့ စီစဉ်ထားပေမယ့် အာဏာပိုင်တွေက ခွင့်မပြုခဲ့တဲ့အတွက် အခုလို ခရီးစဉ် ပျက်သွားခဲ့ ရတာလို့ ဒေါ်အောင်ဆန်းစုကြည်နဲ့ အတူ မန္တလေးကို လိုက်ပါသွားဖို့ စီစဉ်ထားတဲ့ NLD ပါတီရဲ့ မိတ္ထီလာ မဲဆန္ဒနယ်မြေ ကိုယ်စားလှယ်လောင်း ဦးဝင်းထိန်က ဘီဘီစီကို ပြောပါတယ်။
တခါ လာမယ့် ၇ရက်နေ့မှာ ပုသိမ်မြို့ကို ဒေါ်အောင်ဆန်းစုကြည် ပါတီစည်းရုံးရေး ဆင်းဖို့ စီစဉ်ထားရာမှာလည်း ပုသိမ်မြို့ အာဏာပိုင်တွေက မြို့နေ ကျောင်းသားတွေ အားလုံး အဲဒီနေ့မှာ ကျောင်းမပျက်ကြဖို့ မှာကြားထားတယ်လို့ ကြားရကြောင်း ဦးဝင်းထိန်က ပြောပါတယ်။
ဒါဟာ ဒေါ်အောင်ဆန်းစုကြည်ရဲ့ စည်းရုံးရေး ခရီးစဉ် ပျက်ပြားအောင် အာဏာပိုင်တချို့က တမင် ရည်ရွယ် လုပ်နေတယ်လို့ ယူဆစရာ ဖြစ်လာတယ်လို့ ဦးဝင်းထိန်က ပြောပါတယ်။
ဒေါ်အောင်ဆန်းစုကြည်ရဲ့ ထားဝယ် ခရီးစဉ် မှာ လူထုက သောင်းသောင်းဖျဖျ ကြိုဆိုခဲ့ ကြပြီး ဒေါ်အောင်ဆန်းစုကြည်ကလည်း ပါတီဝင်တွေ စုဆောင်းတာ၊ လာမယ့် ရွေးကောက် ပွဲမှာ မဲပေးတဲ့အခါ ဘယ်လို မဲပေးသင့်တယ် စတာတွေကို ဟောပြောခဲ့တာမို့ အာဏာပိုင်တွေ ဖက်က သဘောမကျ ဖြစ်ခဲ့ပုံရတယ်လို့ ဆိုပါတယ်။
သူ့အနေနဲ့ ၁၉၈၈-၈၉ ခုနှစ်က ဒေါ်အောင်ဆန်းစုကြည်ရဲ့ ခရီးစဉ်တွေမှာ အတူ လိုက်ပါသွား ခဲ့သလို ၁၉၉၅ ခုနှစ်မှာလည်း ဒေါ်အောင်ဆန်းစုကြည်ရဲ့ ရုံးကိစ္စတွေကို လုပ်ကိုင် ပေးခဲ့ဖူး တာမို့ အာဏာပိုင်တွေရဲ့ တုန့်ပြန်မှုတွေကို ကြုံခဲ့ဖူးတယ်လို့ ဦးဝင်းထိန်က ပြောပါတယ်။
အခု မန္တလေး ခရီးစဉ် ပျက်သွားအပြီး နောက်စီစဉ်ထားတဲ့ စည်းရုံးရေး ခရီးစဉ်တွေနဲ့ ပတ်သက်လို့လည်း အခြေအနေကို မူတည်ပြီး ဒေါ်အောင်ဆန်းစုကြည် ဆုံးဖြတ်မယ်လို့ ယူဆရကြောင်း ဦဝင်းထိန်က ဘီဘီစီကို ပြောပါတယ်။

အီဂျစ်မှာ ရဲနဲ့ ဆန္ဒပြသူ ထိပ်တိုက်တွေ့
ရဲနဲ့ ထိပ်တိုက် ရင်ဆိုင်မှုအတွင်း ဆန္ဒပြသူ ရာနဲ့ချီ ဒဏ်ရာရခဲ့
အီဂျစ်နိုင်ငံမှာ ဗုဒ္ဓဟူးနေ့က ဘောလုံးပွဲ အပြီး ဖြစ်ပွားခဲ့တဲ့ အကြမ်းဖက်မှုတွေ အတွင်း ဘောလုံးဝါသနာအိုး ၇၄ဦး သေဆုံးခဲ့ရတာနဲ့ ပတ်သက်လို့ လူထုအကြား အမျက်ဒေါသတွေ တိုးပွားလာနေချိန်မှာပဲ ကိုင်ရိုမြို့တော်မှာ ရဲတွေနဲ့ ဆန္ဒပြသူတွေ ထိပ်တိုက် တွေ့ခဲ့ကြ ပါတယ်။
တာဟီယာ ရင်ပြင်မှာ ဆန္ဒပြသူ အများအပြား ပြည်ထဲရေး ဌာနကို ဝင်စီးဖို့ ကြိုးပမ်းခဲ့ကြ ပေမယ့် မျက်ရည်ယိုဗုံး တွေ၊ ရာဘာကျည်ဆံ တွေကြောင့် ရှေ့မတိုးနိုင်ပဲ ဖြစ်ခဲ့ရပြီး လူနာတင်ယာဉ်တွေနဲ့ လူနာတွေ အဆက်မပြတ် တင်ဆောင်သွားနေတာကို တွေ့ခဲ့ရတယ်လို့ ဘီဘီစီ သတင်းထောက်က ပြောပါတယ်။
ဆန္ဒပြသူ ရာပေါင်းများစွာ ဒဏ်ရာရခဲ့ကြပါတယ်။
Port Said မြို့ ဘောလုံးကစားရုံမှာ ဖြစ်ခဲ့တဲ့ သေဆုံးမှုတွေဟာ စစ်တပ်ရဲ့ လက်ချက် ဖြစ်တယ်ဆိုပြီး ဆန္ဒပြသူတွေက ပြစ်တင် ပြောဆိုနေကြတယ်လို့ ဘီဘီစီ သတင်းထောက်က ပြောပါတယ်။
ကိုင်ရိုမြို့တော်ကနေ လာကြတဲ့ AL Ahli ဘောလုံး ဝါသနာအိုးတွေဟာ သမ္မတ မူဘာရက် ပြုတ်ကျစေခဲ့တဲ့ ဆူပူအုံကြွမှုတွေမှာ အထင်ကရ ပါဝင်လှုပ်ရှားခဲ့သူတွေ ဖြစ်တဲ့အတွက် သူတို့ကို တမင် ပစ်မှတ်ထား တိုက်ခိုက်ခဲ့တာလို့ ယူဆနေကြပါတယ်။
ဒါဟာ အရင် အစိုးရကလူတွေ လုပ်တဲ့ ရာဇဝတ်မှုဖြစ်တယ်လို့ AL Ahli ဘောလုံးအသင်း ဌာနချုပ်အပြင်ဖက်မှာ လာရောက်စုရုံးခဲ့ကြသူတွေထဲက ဘောလုံး ဝါသနာအိုးတဦးက ဘီဘီစီကို အခုလို ပြောပြပါတယ်။
အဲဒီလူတွေဟာ အီဂျစ်နိုင်ငံမှာ တော်လှန်ရေးကြီး အောင်မြင်တာကို မလိုလားဘူးလို့လည်း AL Ahli ဘောလုံး ဝါသနာအိုးက ပြောသွားပါတယ်။

ကြားဖြတ်ရွေးကောက်ပွဲကို စောင့်ကြည့်ခွင့်ပြုဖို့ တိုက်တွန်း
မြန်မာအစိုးရဘက်က စောင့်ကြည့်ခွင့် ပေးမယ် လို့ မျှော်လင့်ကြောင်း မစ္စတာပို့စနာပြော
မြန်မာနိုင်ငံမှာ ဧပြီလ ၁ ရက်နေ့ ကျင်းပ မယ့် ကြားဖြတ်ရွေးကောက်ပွဲအပေါ် ပြည်တွင်း ပြည်ပ အဖွဲ့အစည်းတွေကို စောင့်ကြည့်ခွင့်ပြုဖို့ အမေရိကန်က မြန်မာ အစိုးရကို တိုက်တွန်း လိုက်ပါတယ်။
မြန်မာအာဏာပိုင်တွေဘက်က စောင့်ကြည့်ခွင့် ပေးလိမ့်မယ်လို့လည်း အမေရိကန်အနေနဲ့ အများကြီး မျှော်လင့်ထားတယ်လို့ အမေရိကန် နိုင်ငံခြားရေး ဝန်ကြီးဌာန၊ ဒီမိုကရေစီ လူ့အခွင့်အရေးနဲ့ အလုပ်သမား ရေးရာ လက်ထောက် နိုင်ငံခြားရေးဝန်ကြီး မိုက်ကယ် ပို့စနာက ပြောပါတယ်။
အခုကျင်းပမယ့် ကြားဖြတ်ရွေးကောက်ပွဲကနေ လက်ရှိလွှတ်တော်ထဲမှာ အာဏာ ချိန်ခွင်ရှာ အပြောင်းအလဲ ဖြစ်လာမှာ မဟုတ်ပေမယ့် ဒီမိုကရေစီ အသွင်ကူးပြောင်းရေး အတွက် အရေးကြီးတဲ့ လမ်းခုလတ် ဖြစ်တယ်လို့ မစ္စတာ ပို့စနာက ပြောပါတယ်။
အမေရိကန်ပြည်ထောင်စု ဝါရှင်တန်ဒီစီ မြို့တော်က မြန်မာနိုင်ငံဒီမိုကရေစီအရေး အကူအညီ ပေးနေတဲ့ NED အဖွဲ့ရဲ့ ဆွေးနွေးပွဲ တခုမှာ မစ္စတာ ပို့စနာက ပြောကြား လိုက်တာ ဖြစ်ပြီး၊ မြန်မာနိုင်ငံအပေါ် ချမှတ်ထားတဲ့ ဒဏ်ခတ် ပိတ်ဆို့မှုတွေ လျော့ကျစေရေး အတွက် အခု ရွေးကောက်ပွဲဟာ လွတ်လပ်ပြီး တရားမျှတဖို့ လိုကြောင်း ကိုလည်း သူကပြောပါတယ်။
ဒီရွေးကောက်ပွဲမှာ ဒေါ်အောင်ဆန်းစုကြည် ခေါင်းဆောင်တဲ့ အမျိုးသားဒီမိုကရေစီအဖွဲ့ချုပ် NLD ကနေ လစ်လပ်နေရာ ၄၈ နေရာ စလုံးမှာ ဝင်ရောက်ယှဉ်ပြိုင်မှာ ဖြစ်ပါတယ်။

မဂ္ဂင်ကျောင်း တခါ ထပ် ချိပ်ပိတ် ခံရမယ်
၂၀၀၇ ခုနှစ် သံဃာ့ လှုပ်ရှားမှု အပြီး မဂ္ဂင်ကျောင်း ချိပ်ပိတ် ခံခဲ့ ရပါတယ်
၂၀၀၇ ခုနှစ် က ချိတ်ပိတ် ခံခဲ့ရတဲ့ မဂ္ဂင် ကျောင်းကို ပြီးခဲ့တဲ့ လက ထောင်ကနေ ပြန်လွတ် လာခဲ့ကြတဲ့ သံဃာတော် တွေ က ဒေသခံ အာဏာပိုင် တွေနဲ့ ညှိနှိုင်းပြီး ပြန်ဖွင့်ခဲ့ ပေမဲ့ သာသနာရေး ဦးစီးဌာနရဲ့ အမိန့် အရ စနေနေ့မှာ တခါပြန် ချိတ်ပိတ် ခံရ တော့မှာ ဖြစ်ပါတယ်။
စနေနေ့ နေ့လည် ၁၂ နာရီ မှာ သာသနာရေး ဦးစီး ဌာနက ကျောင်း ကို ပြန် ချိတ်ပိတ် တော့မယ်လို့ ဇန်န်နဝါရီ လ က ပြန် လွတ်မြောက် လာခဲ့ပြီး အခု မဂ္ဂင်ကျောင်မှာ သီတင်းသုံး နေတဲ့ ဆရာတော် ဦးဣန္ဒက က ပြောပါတယ်။
အာဏာပိုင်တွေက ၂၀၀၇ ခုနှစ် သံဃာ့လှုပ်ရှားမှု နောက်ပိုင်း မဂ္ဂင်ကျောင်း ပဓာန နာယက ဆရာတော် ဖမ်းဆီး ထောင်ချ ခဲ့တဲ့ အပြင် ကျောင်းတိုက် ကို လည်း ချိပ်ပိတ် ထားခဲ့တာ ဖြစ်ပါတယ်။
ချိပ်ပိတ်ခဲ့စဉ် အချိန်က သံဃာ့ မဟာ နာယက အဖွဲ့ ဆရာတော်တွေ မပါဘဲ အဲဒီ အချိန်က သင်္ဃန်းကျွန်း မြို့နယ် အုပ်ချုပ်ရေးမှူး နဲ့ အဖွဲ့က ချိပ်ပိတ်ခဲ့တာ ဖြစ်တယ်လို့ သိရကြောင်း ဆရာတော် ဦးဣန္ဒက က ပြောပါတယ်။
ဒါကြောင့် ပြန်လွတ် လာတဲ့ အခါ လက်ရှိ မြို့နယ် အုပ်ချုပ်ရေးမှူး အသစ်ထံ ဆရာတော်က စာရေး အကြောင်းကြား တာကို အုပ်ချုပ်ရေးမှူးက လက်ခံ ပြီး လိုအပ်တဲ့ အကူ အညီတွေ ပံ့ပိုး ပေးခဲ့ တာကြောင့် အေးအေး ဆေးဆေး ဖြစ်နေပြီလို့ ဆရာတော်က ယူဆခဲ့ ကြောင်း ပြောပါတယ်။
ဒါပေမဲ့ သံဃာ့ မဟာ နာယက ဆရာတော်ကြီး တွေက သောကြာ နေ့က ဆင့်ခေါ်ပြီး စနေနေ့မှာ ဖယ်ရှား ပေးဖို့ ပြောခဲ့ တယ်လို့ ဆရာတော် ဦးဣန္ဒက က ပြောပါတယ်။
အဲဒီလို ဖယ်ရှားပေးရင် မဂ္ဂင်ကျောင်းမှာ လက်ရှိ နေထိုင် သီတင်းသုံး နေကြတဲ့ သံဃာ ခြောက်ပါးနဲ့ လူ လေးယောက်တို့ နေထိုင်ရေး အခက် အခဲ ရှိနိုင်တာ ကြောင့် သင်္ဃန်းကျွန်း မြို့နယ် သံဃာ့ မဟာ နာယက ဥက္ကဌ ဆရာတော်က သူ့ကျောင်းမှာ ၁၄ ရက်ကြာ နေထိုင်ခွင့် ပေးဖို့ သဘောတူ ခဲ့တယ်လို့လည်း ဆရာတော်က မိန့် ပါတယ်။
၁၄ ရက်ကျော်လို့ မဂ္ဂင် ကျောင်းကို ပြန်လည် ဖွင့်မပေး ရင်တော့ လက်ရှိ ကျောင်းမှာ နေသူတွေ အခက်အခဲ ရှိနိုင်တယ်လို့ ဆရာတော် ဦးဣန္ဒက က ပြောပါတယ်။
မဂ္ဂင် ကျောင်းတိုက်ကို စတင် ချိတ်ပိတ် ခဲ့တာ သာသနာရေး ဦးစီး ဌာန ဖြစ်တာမို့ ပြန်လည် ဖွင့်လှစ် ပေးတဲ့ အခါမှာလည်း သူတို့ ကသာ ပြန်ဖွင့် ပေးတယ် ဆိုတာ ဖြစ်စေ ချင်တဲ့ အတွက် အခုလို စီစဉ်တာလည်း ဖြစ်နိုင်တယ်လို့ ဆရာတော်က မျှော်လင့်ပါတယ်။

မစ္စတာကင်တားနား ဒေါ်စုနဲ့ တွေ့ဆုံ
အခု ခရီးစဉ်နဲ့ ပတ်သက်ပြီး တနင်္ဂနွေနေ့မှာ ကြေညာချက် ထုတ်ပြန်မယ်လို့ ပြောပါတယ်
မြန်မာနိုင်ငံကို ရောက်ရှိနေတဲ့ မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ် မစ္စတာ ကင်တားနားဟာ သောကြာနေ့မှာ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ တွေ့ဆုံ ဆွေးနွေးခဲ့ပါတယ်။
အဲဒီနောက် သတင်းစာ ရှင်းလင်းပွဲပြုလုပ်ရာမှာ ရွေးကောက်ပွဲနဲ့ ပတ်သက်ပြီး၊ ကမ္ဘာလုံးဆိုင်ရာ ပြဌာန်း ကျင့်သုံး ထားတဲ့ အခြေခံ လူ့အခွင့် အရေးတွေကို လေးစား လိုက်နာဖို့ လိုကြောင်း ပြောကြားသွားပါတယ်။
နောက်ပြီး သူက လွတ်လပ်စွာ ထုတ်ဖော်ပြောဆိုခွင့်၊ လွတ်လပ်စွာ မဲဆွယ် စည်းရုံးခွင့်ရှိရမှာ ဖြစ်ပြီး၊ ဘယ်သူတဦးတယောက်၊ ဘယ်အဖွဲ့အစည်းကမှ နှောင့်ယှက် ဟန့်တားတာမျိုး လုပ်လို့ မရဘူးလို့ ပြောကြားသွားပါတယ်။
ဒီကိစ္စတွေနဲ့ ပတ်သက်ပြီး ကြာသပတေးနေ့ကလည်း ပြည်ထောင်စုရွေးကောက်ပွဲ ကော်မရှင် ဥက္ကဌနဲ့ ဆွေးနွေးခဲ့ကြောင်းနဲ့ လာမယ့်ကြားဖြတ်ရွေးကောက်ပွဲကို သူ့အနေနဲ့ စောင့်ကြည့် သွားမယ်လို့ ပြောသွားခဲ့ပါတယ်။
မစ္စတာ ကင်တားနားဟာ ၈၈ မျိုးဆက် ကျောင်းသားခေါင်းဆောင်တွေ၊ ဗကသ ကျောင်းသားခေါင်းဆောင်တွေနဲ့ ရှမ်းတိုင်းရင်းသား ခေါင်းဆောင် ဦးခွန်ထွန်းဦး အပြင် မြန်မာနိုင်ငံအမျိုးသားလူ့အခွင့်အရေး ကော်မရှင်နဲ့လည်း တွေ့ဆုံခဲ့တာ ဖြစ်ပါတယ်။
သူ့ရဲ့ငါးကြိမ်မြောက် အခု ခရီးစဉ်နဲ့ ပတ်သက်လို့ လာမယ့် တနင်္ဂနွေနေ့ မှာ ကြေညာချက် ထုတ်ပြန်သွားမယ်လို့ ပြောပါတယ်။
မြန်မာနိုင်ငံကို အခုလို ကိုယ်တိုင်လာကြည့်ရှု လေ့လာခွင့်ရတာဟာ အင်မတန် ကောင်းမွန် ကြောင်းနဲ့ လာမယ့် မတ်လမှာ လူ့အခွင့်အရေးကောင်စီကို တင်ပြမယ့် သူ့ရဲ့ အစီရင်ခံစာ ကိုလည်း သမာသမတ်ကျအောင် ရေးသွားမယ်လို့ ပြောဆိုသွားပါတယ်။

ကင်တားနား မြန်မာ့ လူ့အခွင့်အရေး အကဲခတ် ကိုင်တွယ်မည်
By မစုမြတ်မွန်
လူ့အခွင့်အရေး အခြေအနေတွေအပေါ်မှာ အရေးပါတဲ့ သက်ရောက်မှုတွေ ရှိနိုင်တဲ့ ဆုံးဖြတ်ချက်တွေ မြန်မာအစိုးရ ချမှတ်နေတာကို တွေ့မြင်နေရတယ်လို့ မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် တောမတ်စ် အိုဟေး ကင်တားနား (Tomás Ojea Quintana) က ပြောလိုက်ပါတယ်။ မြန်မာနိုင်ငံမှာ ၆ ရက်ကြာ ခရီးစဉ်နဲ့ရောက်နေတဲ့ မစ္စတာ ကင်တားနားက ဒီကနေ့ ညနေပိုင်းမှာ အမျိုးသား ဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခဲ့အပြီးမှာ အခုလို ပြောလိုက်တာ ဖြစ်ပါတယ်။ အပြည့်အစုံကို ဘန်ကောက်ရုံးက မစုမြတ်မွန်က တင်ပြထားပါတယ်။
(၁၉) ကြိမ်မြောက် လူ့အခွင့်အရေးကောင်စီ အစည်းအဝေးမှာ တင်ပြမယ့် မြန်မာနိုင်ငံ လူ့အခွင့်အရေး ဆိုင်ရာ အစီရင်ခံစာအတွက် ကိုယ်တိုင်လာပြီး အခြေအနေတွေကို ဆန်းစစ်ပြုစုတဲ့ မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် တောမတ်စ် အိုဟေး ကင်တားနားက သူ့အနေနဲ့ ကိုင်တွယ်ရမယ့် လူ့အခွင့်အရေးကိစ္စတွေ အများကြီးရှိတယ်လို့ ခုလို သတင်းထောက်တွေကို ပြောပါတယ်။
“ကျနော့်အနေနဲ့ အရေးတကြီး ကိုင်တွယ် ဖြေရှင်းဖို့လိုတဲ့ လူ့အခွင့်အရေး ကိစ္စတွေ တော်တော်များများ ရှိပါတယ်။ လူ့အခွင့်အရေး အခြေအနေတွေအပေါ်မှာ အရေးပါတဲ့ သက်ရောက်မှုတွေ ရှိနိုင်တဲ့ ဆုံးဖြတ်ချက်တွေ အစိုးရက ချမှတ်နေတာကိုတော့ တွေ့မြင်နေရပါတယ်။ အခုခရီးစဉ်နဲ့ ပတ်သက်တဲ့ သဘောထား ထုတ်ပြန်ချက်ကိုလည်း ခရီးစဉ်ပြီးဆုံးတဲ့အခါမှာ ထုတ်ပြန်ပါမယ်။” - လို့ မစ္စတာ ကင်တားနားက ပြောသွားတာ ဖြစ်ပါတယ်။
ဘယ်လိုအရေးပါတဲ့ ဆုံးဖြတ်ချက်တွေကို ဆိုလိုတာလဲ ဆိုတာကိုတော့ ဒေါ်အောင်ဆန်းစုကြည်နဲ့ တွေ့ဆုံအပြီးမှာ လုပ်တဲ့ သတင်းစာရှင်းလင်းပွဲမှာ သူက ပြောမသွားပါဘူး။ ဒေါ်အောင်ဆန်းစုကြည်နဲ့ မစ္စတာကင်တားနား တို့ ၁ နာရီလောက်ကြာအောင် ဆွေးနွေးခဲ့ကြပေမဲ့ ဒေါ်အောင်ဆန်းစုကြည် ကလည်း ဆွေးနွေးပွဲအကြောင်း တစုံတရာ ပြောမသွားခဲ့ပါဘူး။ မစ္စတာ ကင်တားနား ကပဲ သူ့ရဲ့ မြန်မာနိုင်ငံ လူ့အခွင့်အရေး အခြေအနေဆိုင်ရာ အစီရင်ခံစာအတွက် အခြေအနေတွေ ဆန်းစစ်နိုင်ဖို့ အစိုးရက ခွင့်ပြုတဲ့အတွက်ကိုတော့ ဝမ်းသာတယ်လို့ ခုလို သတင်းထောက်တွေကို ပြောပါတယ်။
“အခုခရီးစဉ်ကို အစိုးရက ခွင့်ပြုတဲ့အတွက်ကို ဝမ်းသာပါတယ်။ ကျနော့် ခရီးစဉ်တွေနဲ့ ပတ်သက်လို့ အစိုးရဘက်က တော်တော်လေး လိုက်လိုက်လျောလျော ရှိပါတယ်။ အခုနေ့လယ်ကပဲ ကျနော် အင်းစိန်ထောင်ကို သွားခဲ့ပြီး ယုံကြည်ချက်ကြောင့် အကျဉ်းကျနေတဲ့သူ ၃ ယောက်ကို တွေ့ဆုံ မေးမြန်းနိုင်ခဲ့ပါတယ်။ နေပြည်တော်မှာလည်း ဝန်ကြီးတချို့နဲ့ တွေ့ဆုံ ဆွေးနွေးခဲ့ပါတယ်။ ဒီလိုတွေ့နိုင်အောင် စီစဉ်ပေးတဲ့အတွက် အစိုးရကို ကျေးဇူးတင်ပါတယ်။ ကုလသမဂ္ဂ အဖွဲ့ဝင်နိုင်ငံတွေကို တင်ပြရမယ့် မြန်မာနိုင်ငံဆိုင်ရာ အစီရင်ခံစာ မျှမျှတတ ဖြစ်ဖို့အတွက်က နိုင်ငံထဲမှာ ကိုယ်တိုင်အချက်အလက်တွေကို စုဆောင်းနိုင်ရေးက အင်မတန် အရေးကြီးတဲ့အတွက် မြန်မာနိုင်ငံကို ကျနော်လာနိုင်ဖို့က သိပ်ကို အရေးကြီးတယ်။” - လို့ မစ္စတာ ကင်တားနားက ပြောသွားတာ ဖြစ်ပါတယ်။
ဇန်န၀ါရီလ ၃၁ ရက် အင်္ဂါနေ့ကတည်းက မြန်မာနိုင်ငံမှာ ရောက်နေတဲ့ မစ္စတာ ကင်တားနားဟာ နေပြည်တော်မှာ တရားရေးဆိုင်ရာ သမ္မတအကြံပေး အဖွဲ့ဝင် ဦးစစ်အေး၊ ပြည်ထောင်စု တရားသူကြီးချုပ် ဦးထွန်းထွန်းဦး အပြင် ပြည်ထဲရေးဝန်ကြီး၊ ကာကွယ်ရေးဝန်ကြီး စတဲ့ အစိုးရဝန်ကြီး တချို့နဲ့လည်း တွေ့ဆုံခဲ့ပါတယ်။ ဒါ့အပြင် ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ၊ ပြည်သူ့လွှတ်တော် ဥက္ကဋ္ဌတို့နဲ့လည်း တွေ့ဆုံခဲ့ပါတယ်။ ထူးခြားတဲ့ အပြောင်းအလဲတွေ ဖြစ်နေတာကို မြန်မာနိုင်ငံမှာ မြင်တွေ့နေရတဲ့ အရေးကြီးတဲ့ အခုလိုအချိန်မျိုးမှာ မြန်မာနိုင်ငံရဲ့ လူ့အခွင့်အရေး အခြေအနေတွေကို သုံးသပ်ဖို့ မြန်မာနိုင်ငံကို သွားတာဖြစ်တယ်လို့ သူ့ရဲ့ ခရီးစဉ်မစခင်မှာ မစ္စတာ ကင်တားနားက ပြောထားပါတယ်။ လပိုင်းအတွင်းမှာ ကျင်းပဖို့ရှိတဲ့ ကြားဖြတ် ရွေးကောက်ပွဲကိုလည်း သူ့အနေနဲ့ အနီးကပ် စောင့်ကြည့်နေမှာဖြစ်တယ်လို့ ခုလို ဆိုပါတယ်။
“ဘယ်ရွေးကောက်ပွဲပဲ ဖြစ်ဖြစ် နိုင်ငံတကာ လူ့အခွင့်အရေး ပဋိညာဉ်ထဲမှာပါတဲ့ အခြေခံ လူ့အခွင့်အရေးတွေကို လေးစားဖို့ အရေးကြီးပါတယ်။ လူ့အခွင့်အရေး ပဋိညာဉ်ထဲမှာပါတဲ့ လွတ်လပ်စွာ ထုတ်ဖော်ပြောဆိုခွင့်အရ အနှောင့်အယှက်မရှိ လွတ်လွတ်လပ်လပ် မဲဆွယ် စည်းရုံးနိုင်ရပါမယ်။ ပြည်ထောင်စုရွေးကောက်ပွဲ ကော်မရှင်ဥက္ကဋ္ဌနဲ့ ကျနော် မနေ့တုန်းက တွေ့ဆုံခဲ့တုန်းက ဒီကိစ္စတွေကို ဆွေးနွေးခဲ့ပါတယ်။ ကြားဖြတ်ရွေးကောက်ပွဲ လုပ်ငန်းစဉ်တွေကို ကျနော် အနီးကပ် စောင့်ကြည့်နေမှာ ဖြစ်ပါတယ်။” - လို့ ပြောသွားတာဖြစ်ပါတယ်။
တနင်္ဂနွေနေ့ကျမှ မြန်မာနိုင်ငံကနေ ပြန်လည်ထွက်ခွာမယ့် မစ္စတာ ကင်တားနား ဟာ မနက်ဖြန်မှာ ကရင်ပြည်နယ်နဲ့ မွန်ပြည်နယ်တွေကို သွားမှာဖြစ်ပါတယ်။ မြန်မာနိုင်ငံခရီးစဉ် နောက်ဆုံးနေ့ဖြစ်တဲ့ ဖေဖော်ဝါရီလ ၅ ရက်၊ တနင်္ဂနွေနေ့ကျမှ သူ့ခရီးစဉ်တစ်ခုလုံးနဲ့ ပတ်သက်တဲ့ သတင်းစာရှင်းလင်းပွဲကို ရန်ကုန်မှာ လုပ်မှာဖြစ်ပါတယ်။ မစ္စတာ ကင်တားနား ဟာ အခုခရီးစဉ်မတိုင်ခင် ၂၀၁၁ ခုနှစ် သြဂုတ်လကတုန်းက မြန်မာနိုင်ငံကို သွားခဲ့ပြီးတော့ အဲဒီခရီးစဉ်မှာ သူ အကြံပြု တောင်းဆိုခဲ့တာတွေ အတိုင်း အစိုးရက ဆောင်ရွက်ခြင်း ရှိ မရှိ ဆိုတာကို အခုခရီးစဉ်မှာ ဆန်းစစ်မယ်လို့ ပြောထားပါတယ်။ အခုတခေါက်  မြန်မာနိုင်ငံခရီးစဉ်မှာ တွေ့ရှိတဲ့ လူ့အခွင့်အရေး အခြေအနေ အပြည့်အစုံကိုတော့ ဖေဖော်ဝါရီလ ၂၇ ရက်နေ့ကနေ မတ်လ ၂၃ ရက်နေ့အထိ ဂျနီဗာမှာလုပ်မယ့် (၁၉) ကြိမ်မြောက် လူ့အခွင့်အရေးကောင်စီ အစည်းအဝေးမှာ မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ အထူး ကိုယ်စားလှယ် တောမတ်စ်အိုဟေးကင်တားနား က တင်ပြဆွေးနွေးပါမယ်။

မြန်မာအပြောင်းအလဲ စိတ်မချရသေး
By ဦးရော်နီညိမ်း
အမေရိကန်ပြည်ထောင်စုကို ရောက်နေကြတဲ့ မြန်မာနိုင်ငံက ထင်ရှားကျော်ကြားတဲ့ တက်ကြွ လှုပ်ရှားသူတွေက မြန်မာနိုင်ငံမှာ အပြောင်းအလဲတွေ ဖြစ်နေတယ်ဆိုတာဟာ လုံးလုံးလျားလျား ပြောင်းလဲသွားတာ မဟုတ်သေးဘဲ ပြောင်းလဲဖို့ အစပျိုးတဲ့ အခြေအနေမှာသာ ရှိနေတာဖြစ်ပြီးတော့ နိုင်ငံခြားတိုင်းပြည်တွေက ထင်နေသလိုမျိုး တနိုင်ငံလုံး အတိုင်းအတာနဲ့ ပြောင်းလဲတာမျိုးလည်း မဟုတ်သေးဘူးလို့ ဖေဖော်ဝါရီလ ၂ ရက်က ဝါရှင်တန်ဒီစီမှာ ပြုလုပ်တဲ့ အခမ်းအနားတခုမှာ ပြောကြားခဲ့ပါတယ်။
National Endowment for Democracy အဖွဲ့ရဲ့ ဖိတ်ကြားချက်နဲ့ ရောက်လာကြတဲ့ နိုင်ငံရေး အကျဉ်းသားဟောင်း အနုပညာရှင် ဇာဂနာ၊ အမျိုးသား ဒီမိုကရေစီအင်အားစုပါတီက ဒေါ်ဘောက်ဂျာ၊ အမျိုးသား ဒီမိုကရေစီအဖွဲ့ချုပ်က ဒေါ်ခင်သန်းမြင့်တို့နဲ့ ဝါရှင်တန်ဒီစီ အခြေစိုက် အမေရိကန်အစိုးရနဲ့ အစိုးရမဟုတ်တဲ့ အဖွဲ့အစည်းတွေရဲ့ တွေ့ဆုံပွဲမှာ အခုလို ပြောသွားခဲ့တာ ဖြစ်ပါတယ်။ ဒီတွေ့ဆုံပွဲ အကြောင်းကို ကိုယ်တိုင် သွားရောက်သတင်းယူခဲ့တဲ့ ဦးရော်နီညိမ်းက တင်ပြပေးထားပါတယ်။
ဒီအခမ်းအနားကို ရောက်လာတဲ့ ကိုဇာဂနာက သူ့ရဲ့ အမေရိကန်ကိုလာရင်း ရည်ရွယ်ချက်ကို ဗွီအိုအေကို အရင်ဆုံး အခုလို ရှင်းပြပါတယ်။
“ကျနော်ဒီကိုလာတာ နံပါတ် ၁ - အလည်လာတာ မဟုတ်ဘူးပေါ့။ နောက်တခုက မြန်မာပြည်မှာ ခေတ်စားနေကြသလို shoping ထွက်တာလည်း မဟုတ်ဘူး၊ နောက် တတိယတချက်ကတော့ ကျနော် ဒီကိုလာတာ ဖျော်ဖြေပွဲလုပ်ဖို့ လာတာလည်း မဟုတ်ဘူးပေါ့။ ရောက်တဲ့နေ့ကတည်းက ပြောလိုက်၊ ဆိုလိုက်၊ ဆွေးနွေးလိုက်ရတာတွေ အားလုံးဟာ ကျနော်တို့ မြန်မာနိုင်ငံနဲ့ မြန်မာ ပြည်သူတွေရဲ့ အကျိုးအတွက်ပဲ ကျနော် ပြောနေရတာပါ”
ဒီကနေ့ပြုလုပ်တဲ့ပွဲမှာ မကြာခင်က မြန်မာနိုင်ငံကို ၂ ခေါက်သွားရောက်ခဲ့ဖူးတဲ့ အမေရိကန် လက်ထောက် နိုင်ငံခြားရေးဝန်ကြီး မိုက်ကယ်လ် ပို့စနာလည်း တက်ရောက်ခဲ့ပါတယ်။ မစ္စတာ ပို့စနာက မြန်မာနိုင်ငံခရီးစဉ်မှာ ကိုဇာဂနာအပါအဝင် တခြားသော နိုင်ငံရေးအကျဉ်းသားဟောင်းတွေ၊ တက်ကြွလှုပ်ရှားသူတွေကို သူတွေ့ခဲ့ဖူးကြောင်းနဲ့ သူ့အနေနဲ့ အရင်က မြန်မာနိုင်ငံအကြောင်း ကောင်းကောင်းမသိခဲ့ဘဲ ဝန်ကြီး ဟီလာရီကလင်တန်နဲ့တခေါက်၊ မြန်မာနိုင်ငံဆိုင်ရာ အထူးသံတမန်နဲ့ မူဝါဒညှိနှိုင်းရေးမှူး ဒဲရက် မစ်ချဲလ်နဲ့တခေါက် သွားရောက်ခဲ့ပြီးတဲ့ နောက်မှာတော့ မြန်မာနိုင်ငံ အခြေအနေကို တဖြည်းဖြည်း သဘောပေါက်လာခဲ့ကြောင်းတွေ ပြောပြသွားခဲ့ပါတယ်။
ဒါ့အပြင် အမေရိကန်ပြည်ထောင်စုအနေနဲ့ မြန်မာ့အရေးကို ဆက်ပြီးပံ့ပိုးသွားမယ်လို့ အခုလို ဆိုပါတယ်။
“ဒီမိုကရေစီစနစ်ကို ပြောင်းလဲရာမှာ လုပ်ရကိုင်ရတာ ဘယ်လောက်ခက်ခဲတယ်ဆိုတာ နမူနာတွေ ကျနော်တို့ တွေ့ခဲ့ကြရပါပြီ။ အီဂျစ်နိုင်ငံသားတွေဟာ သူတို့ရဲ့ အနာဂတ်ကို သူတို့ ပိုင်ဆိုင်ဖို့နဲ့ သူတို့ရဲ့ တိုင်းပြည်ကို ဒီမိုကရေစီနိုင်ငံအဖြစ် ထူထောင်ဖို့ ကြိုးပမ်းခဲ့ကြတာ မလွယ်ကူဘူးဆိုတာ ကျနော်တို့ မြင်ခဲ့ကြရပါပြီ။ ထိုနည်းတူပဲ မြန်မာနိုင်ငံဟာလည်း အီဂျစ်တို့လို၊ အာရပ်နိုင်ငံတွေနဲ့မတူ ကွဲပြား ခြားနားစွာနဲ့ ဒီမိုကရေစီ အခင်းအကျင်းတွေ ခက်ခက်ခဲခဲ တည်ဆောက်နေတာကို ကျနော်တို့က ပံ့ပိုး အားပေး ထောက်ခံသွားကြရပါမယ်”
ဒီပွဲကို တက်ရောက်လာကြတဲ့ အမေရိကန်အစိုးရအဖွဲ့အစည်းတွေနဲ့ အစိုးရမဟုတ်တဲ့ အဖွဲ့ အစည်းတွေက မြန်မာနိုင်ငံမှာ ဖြစ်ပျက်နေတာတွေ သိလိုသမျှ မေးမြန်းကြတာကို တက်ကြွ လှုပ်ရှားသူတွေက ပြန်လည်ဖြေကြားကြပါတယ်။
ကချင်အမျိုးသမီးရေးရာတွေကို ဆောင်ရွက်နေတဲ့ ဒေါ်ဘောက်ဂျာက တနိုင်ငံလုံး ပြောင်းလဲကုန်ပြီလို့ ပြည်ပက ထင်နေကြမှာကို သူ့အနေနဲ့ စိုးရိမ်ကြောင်း အခုလို ပြောပြပါတယ်။
“တိုင်းရင်းသားဒေသတွေမှာ မဖွံ့ဖြိုးမချင်း၊ မအေးချမ်းမချင်းကတော့ မြန်မာနိုင်ငံ ဒီမိုကရေစီဆိုတာ အလှမ်းဝေးနေပါသေးတယ်။ ဘယ်လိုပဲ ပြောင်းလဲပါတယ်လို့ ပြောနေပေမယ့် ပြောင်းလဲနေတာက နေပြည်တော်နဲ့ မြို့ပေါ်ဖြစ်တဲ့ ရန်ကုန်မြို့လောက်ပဲ ပေါ့နော်- အဲလောက်ပဲ နည်းနည်းလေး လှုပ်တာပါ။ ကြီးကြီးကျယ်ကျယ် ပြောင်းလဲခြင်း ဆိုတာတွေလည်း မရှိခဲ့ပါဘူး။
အဲဒါကြောင့် ကျမတို့ရဲ့ တိုင်းရင်းသားဒေသမှာ ဖြစ်နေတဲ့ အဓိက လိုအပ်ချက်ဟာ ငြိမ်းချမ်းရေးလည်း ဖြစ်သလို တိုင်းရင်းသားဒေသမှာ သူတို့တောင်းဆိုနေတဲ့ ကိုယ်ပိုင်အုပ်ချုပ်ခွင့် ကိုယ်ပိုင်ပြဌာန်းခွင့်ကို ရရှိမယ်ဆိုရင် ကျန်တာက အလိုလိုနေရင်းနဲ့ ပြောင်းလဲသွားနိုင်မယ်လို့လည်း ကျမယုံကြည်ပါတယ်”
အရေးယူပိတ်ဆို့ ဒဏ်ခတ်တာတွေကို သူ့အနေနဲ့ မထောက်ခံပေမယ့် အရေးယူဒဏ်ခတ်ပိတ်ဆို့မှုက မြန်မာ့အရေးမှာ လက်နက်ကိရိယာတခု ဖြစ်တယ်ဆိုတာကိုတော့ သူ သဘောတူကြောင်းကိုလည်း ကိုဇာဂနာက ဒီပွဲမှာ ပြောပါတယ်။ ဘာကြောင့် သူမထောက်ခံရသလဲဆိုတာ ဗွီအိုအေကို ကိုဇာဂနာက အခုလို ရှင်းပြပါတယ်။
“ပိတ်ဆို့ခြင်းကို ကျနော့ရဲ့ တဦးတည်း ပုဂ္ဂလိကဆန္ဒအရ ပြောရမယ်ဆိုရင် နည်းမျိုးစုံ လျှောက်ရှာ နေရတဲ့အတွက် အခြား မလိုလားအပ်တဲ့ထွက်ပေါက်တွေ ဖြစ်ကုန်မယ်။ အဲလိုမျိုး အလားသဏ္ဍန်နဲ့ ကျနော် နမူနာရှင်းတာပါ။ ကျနော် ဘယ်လိုပိတ်ပိတ်မကြိုက်ဘူး။ မကြိုက်တဲ့အတွက် ပိတ်တာမှန်ရင် ဘယ်ပိတ်တာကိုမှ ကျနော်မကြိုက်ဘူး ဆိုတဲ့ သဘောနဲ့ပြောတာပါ”
ကိုဇာဂနာအနေနဲ့ နယ်ပယ်အနှံ့ကလူတွေနဲ့ ထိတွေ့ဆက်ဆံနေသူဖြစ်တာကြောင့် အတွေ့အကြုံ၊ အကြားအမြင် အားလုံးအပေါ်မှာ ခြုံငုံပြီး မြန်မာနိုင်ငံမှာ တကယ်ပဲ ပြောင်းလဲနေပါပြီလားလို့ ဗွီအိုအေက မေးတဲ့အခါမှာတော့ -
“ကျနော်က အပြောင်းအလဲကို လုံးလုံးလျားလျား ပြောင်းလဲနေပြီလို့ ကျနော် မပြောနိုင်ဘူး။ သေချာတယ်။ မပြောင်းလဲသေးဘူး၊ ပြောင်းလဲမှုရဲ့ အစပျိုးနေတုန်းပဲ ရှိသေးတယ်။ ရောင်နီသန်း လာစလေးပဲ။ သို့သော် အဲဒီကနေ အမှောင်ထဲ ပြန်မရောက်သွားအောင် ရှေ့လျှောက်ပြီးတော့ အလင်းထဲပဲ ဆက်သွားမယ်။ အခုမှ ကျနော်တို့ ရောင်နီသန်းတာကို။
ရောင်နီသန်းပြီး နေ့ခင်း အလင်းရောင်ကို ကျနော်တို့ သွားရမယ်ဆိုရင် အဲဒီအချိန်မှာ တယောက်ကို တယောက် အညှိုးအတေးတွေ မရှိအောင် ဒီလူတွေကို network စမယ်။ ဒီလူတွေကို စုပြီးတော့ ရွှေ့သွားရင် တဖြည်းဖြည်းချင်းနဲ့ အလင်းထဲရောက်သွားရင် ကျနော်တို့တိုင်းပြည် ကောင်းလာမှာပေါ့။ ကျနော်တို့က သစ်ပင်ပေါ် မတက်ရဲတဲ့ရှင်လောင်း၊ ရေထဲတောင် မဆင်းရဲတဲ့ရှင်လောင်းလို ဖြစ်နေတယ်။ သိပ်ဂရုစိုက်ပြီး သိပ် fragile ဖြစ်နေတယ်။ အချိန်မရွေး ကျကွဲနိုင်တယ်”
ကိုဇာဂနာနဲ့အဖွဲ့ဟာ အမေရိကန်ပြည်ထောင်စုက တခြားသောမြို့ကြီးတွေမှာလည်း သွားရောက်ပြီးတော့ အလားတူ မြန်မာနိုင်ငံအကြောင်း မေးမြန်းဆွေးနွေး ဟောပြောပွဲတွေ တက်ရောက်မှာဖြစ်တယ်လို့ သိရပါတယ်။

ဒေါ်စုရောက်မယ့်နေ့ ပုသိမ်တက္ကသိုလ် မဖြေမနေရစာမေးပွဲ စစ်မည်
By မသင်းသီရိ
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ပါတီစည်းရုံးရေး ခရီးစဉ်အဖြစ် ပုသိမ်နဲ့ မြောင်းမြမြို့တွေကို ဖေဖော်ဝါရီ ၇ ရက်နေ့မှာ သွားဖို့ စီစဉ်ထားပြီး အဲဒီနေ့မှာပဲ ပုသိမ်တက္ကသိုလ်မှာ Pre Exam ဆိုတဲ့ စာမေးပွဲကို စစ်မယ်လို့ ဖော်ဖော်ဝါရီ ၂ ရက်နေ့က ကြေညာလိုက်ပါတယ်။ ဒီလိုစာမေးပွဲမျိုး ပုသိမ်တက္ကသိုလ်မှာ တခါမှမရှိခဲ့ဖူးသလို ဒီစာမေးပွဲကို မဖြေရင် မတ်လမှာကျင်းပမယ့် Fial Exam ကိုလည်း ဖြေဆိုခွင့်မရဘူးဆိုတဲ့ စည်းကမ်း တင်းကျပ်မှုလည်း ပါဝင်နေပါတယ်။ ပုသိမ်တက္ကသိုလ် ပါမောက္ခချုပ်ရဲ့ ညွှန်ကြားချက်အရ ဆိုပြီး ဆရာဆရာမတွေက ကျောင်းသူကျောင်းသားတွေကို အသိပေးတာ ဖြစ်ပြီး ကျောင်းသားအများစုကတော့ ဒေါ်အောင်ဆန်းစုကြည် ပုသိမ်ကိုလာမယ့်အတွက် လူထုနဲ့တွေ့ဆုံပွဲကို မသွားစေချင်တာကြောင့် ဖြစ်တယ်လို့ ယူဆကြပြီး မကျေမနပ် ဖြစ်နေကြတယ်လို့ ပုသိမ်တက္ကသိုလ် ကျောင်းသားတွေက အခုလိုပြောပြပါတယ်။
“အခု တစ်ရက် နှစ်ရက်ပဲ ရှိသေးတယ်အစ်မ၊ အဲဒီလိုပြောတာလေ။ ပါမောက္ခတွေက ပြောတာ။ ၆ ရက်နဲ့ ၇ ရက်နေ့ကို၊ ၆ ရက်နေ့ကို ဧရာဝတီတိုင်း ၀န်ကြီးချုပ် လာမယ်တဲ့။ ၇ ရက်နေ့ကျရင် ၈ နာရီခွဲကနေ ညနေ သူတို့ပြီးတဲ့အထိပေါ့နော် စာမေးပွဲ စစ်မယ်တဲ့။”
“၇ ရက်နေ့ကျတော့ စာမေးပွဲရှိတယ်တဲ့။ အဲဒါ ၈ နာရီအရောက်တဲ့ ကျောင်းကို။ ၈ နာရီခွဲကနေ စ စစ်မှာ။ တကယ်လို့ ဒီ စာမေးပွဲကြီးကို မဖြေရင် စာမေးပွဲ တကယ် အစစ်ကြီးကျရင် ဖြေဆိုခွင့်မရှိဘူး။ စာမေးပွဲ အစစ်ကြီးက ၃ လပိုင်းထဲမှာ။ ကျနော်တို့က အဲဒါသွားမှာစိုးလို့ (ဒေါ်အောင်ဆန်းစုကြည်ပွဲ သွားမှာစိုးလို့) လုပ်တာလားပေါ့။ ကျောင်းသားတွေကတော့ အဲဒါ မရှိရင်တော့ သွားကြမှာ။ နည်းနည်းတော့ ကသိကအောက်ဖြစ်တာပေါ့နော်။”
ပုသိမ် တက္ကသိုလ်ကျောင်းသားတွေ ပြောပြခဲ့တာ ဖြစ်ပါတယ်။