မြန်မာနိုင်ငံကို ဂျပန်က ပုဂ္ဂလိက ဘဏ်တွေ အများကြီးလာဖို့ စိတ်ဝင်စားကြတယ်
|
6:54 AM |
No မှတ်ချက် |
မြန်မာနိုင်ငံတွင် ပင်လယ်ရပ်ခြား ဒေသများ ဖွံ့ဖြိုးတိုးတက်ရေး အထောက်အပံ့ (ODA) တိုးမြှင့်ပေးရေးနှင့် ပတ်သက်၍ ဂျပန်နိုင်ငံ၏ အနိုင်ရပါတီဖြစ်သော ဂျပန် ဒီမိုကရက်တစ် ပါတီ၏ အထက်လွှတ်တော် ကိုယ်စားလှယ် မစ္စတာ တိုချိအကိကိုအီဇုမိနှင့် မြန်မာနိုင်ငံသို့ အိုဒီအေ တိုးမြှင့်ပေးရန် အစီအစဉ်များနှင့် လက်ရှိ မြန်မာ့နိုင်ငံရေး အပေါ် သဘောထား အမြင်များကို ဇန်နဝါရီ ၁ ရက်က ရန်ကုန်တိုင်းမ် ဂျာနယ်နှင့် တွေ့ဆုံမေးမြန်းခဲ့သည်များကို ဖော်ပြလိုက်ပါသည်။
အခုလာရောက်တဲ့ ဂျပန်ဒီမိုကရက် တစ်ပါတီရဲ့ အထက်လွှတ်တော်အမတ်က ပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးဉာဏ်ထွန်းအောင်နဲ့ တွေ့ဆုံဆွေးနွေးခဲ့တဲ့ အကြောင်းအရာတွေကို သိချင်ပါတယ်။ နောက် ဂျပန်နိုင်ငံက အကူအညီပေးနေတဲ့ အိုဒီအေ အကြောင်းလဲ သိချင်ပါတယ်။ အခုလာတာလဲ အိုဒီအေနဲ့ ပတ်သက်ပြီး လာတယ်လို့ သိရပါတယ်။
ကျွန်တော်ဟာ ပို့ဆောင်ရေး၊ ဟိုတယ်ခရီး၊ အခြေခံအဆောက်အဦး စတဲ့ ဝန်ကြီးဌာနတွေမှာ ပြီးခဲ့တဲ့နှစ် ၉ လပိုင်းအထိ ဒုဝန်ကြီးအဖြစ် တာဝန်ထမ်းဆောင်ခဲ့တယ်။ မနှစ်က ကျင်းပတဲ့ အာဆီယံ ပို့ဆောင်ရေးမှာ အဲ့ဒီမှာ အရင်ဝန်ကြီးချုပ် ဗိုလ်ချုပ်ကြီး သိန်းစိန်နဲ့လဲ တွေ့ဆုံခဲ့တယ်။ အခု ကျွန်တော်ဟာ ဒုဝန်ကြီးအဖြစ် တာဝန် မထမ်းဆောင်တော့ပေမယ့် ဂျပန်ပါလီမန်မှာတော့ အထက်လွှတ်တော်အမတ် ဖြစ်ပြီး မြေယာ၊ အခြေခံ အဆောက်အအုံ၊ လမ်းပန်းဆက်သွယ်ရေးနှင့် ခရီးသွားလုပ်ငန်းရေးရာ ကော်မတီရဲ့ ဥက္ကဋ္ဌအဖြစ် တာဝန်ယူထားပါတယ်။ လက်ရှိ ဂျပန် အာဏာရ ပါတီရဲ့ ခေါင်းဆောင်ပိုင်းမှာ ပါဝင်တဲ့သူလဲ ဖြစ်တယ်။ ဂျပန်နိုင်ငံဟာ စစ်ပြီးကာလ ပြာပုံဘဝကနေပြီး အခြေခံ အဆောက်အအုံတွေဖြစ်တဲ့ တစ်တိုင်းပြည်လုံး ကွန်ရက်အနေနဲ့ လမ်းပန်းဆက်သွယ်ရေးဖြစ်တဲ့ ကားလမ်း၊ ရထားလမ်း၊ ဆိပ်ကမ်းတွေ၊ လေဆိပ်တွေကို အဓိကထားပြီး လုပ်ဆောင်ခဲ့တယ်။ ဒါတွေကို အောင်မြင်အောင် လုပ်နိုင်ခဲ့တဲ့အတွက် တိုင်းပြည်ဟာ ဒီနေ့ဒီအချိန်မှာ ဒီအခြေအနေထိ တိုးတက်လာတဲ့ အဓိက အကြောင်းအရင်း ဖြစ်တယ်။ ဒီလိုပဲ မြန်မာနိုင်ငံဟာ တိုးတက်ဖို့ဆိုရင် အခြေခံ အဆောက်အအုံတွေ အတွက် ဆောင်ရွက်တဲ့အခါမှာ နည်းပညာ၊ ငွေကြေးနဲ့ အတွေ့အကြုံတွေကို အကူအညီပေးဖို့ ရည်ရွယ်ပြီး လာခဲ့တာ ဖြစ်တယ်။
ပို့ဆောင်ရေး ဝန်ကြီးက ကျွန်တော့်ကို အာဂျင်နာ သုံးခု ပြောတယ်။ နာဂစ်မှာ လူဦးရေ တစ်သိန်းလေးသောင်းလောက် ဆုံးပါးခဲ့ရတာ ပြောတယ်။ မုန်တိုင်းနဲ့ ပတ်သက်ပြီး မုန်တိုင်း ကြိုတင်ခန့်မှန်းပေးမယ့် နည်းပညာတွေကို ဂျပန်အနေနဲ့ ပေးစေချင်တယ်ဆိုပြီး ပထမအချက် အနေနဲ့ တောင်းဆိုတယ်။ ဂျပန်မှာလဲ နှစ်စဉ်လိုလို တိုင်ဖွန်းမုန်တိုင်းတွေက တွေ့ကြုံနေရတယ်။ ကြိုတင်သိရှိနိုင်တဲ့ နည်းပညာဟာ ဂျပန်က နံပါတ် (၁)၊ (၂) လောက်မှာပါတော့ နည်းပညာ အကူအညီပေးဖို့ ပြောခဲ့တယ်။ ကျွန်တော်တို့ အနေနဲ့ ဂြိုဟ်တုက မုန်တိုင်း အခြေအနေတွေကို ဘယ်လို ပြင်းအားရှိတဲ့ မုန်တိုင်းလာမယ်။ ဘယ်လိုလာမယ်ဆိုတာကို လေ့လာဖို့ အတွက် မိုးလေဝသနှင့် ဇလဗေဒက တာဝန်ရှိတဲ့သူကို စေလွှတ်ဖို့အတွက် ကျွန်တော့်အနေနဲ့ သက်ဆိုင်တဲ့ဌာနကို ဂျပန်ရောက်တဲ့အခါမှာ တွေ့ဆုံပြီး တိုက်ရိုက် ချိတ်ဆက်ပေးဖို့ ဆွေးနွေးပေးသွားပါမယ်။
ကျွန်တော့်အနေနဲ့ တိုင်ဖွန်းမုန်တိုင်းတွေ တိုက်တဲ့အခါမှာ မြစ်ရေလျှံတာကြောင့် လူတွေ သေဆုံးရတဲ့အတွက် အဓိကကတော့ မြစ်ကြောင်းများ ရေကြီးရေလျှံမှုကို ဘယ်လို ထိန်းသိမ်းမလဲ ဆိုတဲ့ နည်းပညာလဲ လိုချင်တယ်လို့ ပြောပါတယ်။ ဂျပန်မှာလဲ မြစ်ရေကြီးတယ်ဆိုတာ နှစ်ပေါင်းနှစ်ရာ သုံးရာလောက် ကတည်းက တွေ့ကြုံနေရတဲ့အတွက် ရေကြီးရေလျှံမှု မဖြစ်အောင် ဘယ်လို ကာကွယ်မလဲ၊ သဘာဝ မြစ်ကြောင်းတွေကိုပဲ ရေကြီးရေလျှံမှု မဖြစ်အောင် ထိန်းသိမ်းမလား၊ မြစ်ဘေးတွေမှာ ရေလျှံမှု မဖြစ်အောင် ရေထိန်းနံရံတွေ လုပ်မလား ဆိုတာတွေ ဆွေးနွေးခဲ့ကြတယ်။ ဟိုရောက်တာနဲ့ မြစ်ကြောင်း ထိန်းသိမ်းရေးနဲ့ သက်ဆိုင်တဲ့ဌာနနဲ့ သွားရောက် ဆွေးနွေးသွားပါမယ်။ မြစ်တွေ တိမ်ကောမှု မဖြစ်စေဖို့နဲ့ မြစ်ကြောင်း ထိန်းသိမ်းဖို့အတွက် နည်းပညာတွေပေးဖို့ တိုက်တွန်းပေးသွားမယ်။
တတိယ အချက်ကတော့ ရန်ကုန် အပြည်ပြည်ဆိုင်ရာ လေဆိပ်နဲ့ ပြည်တွင်း လေဆိပ်တွေက သီးသန့်ဖြစ်နေတယ်။ အဲ့ဒါကို တစုတဝေးတည်းဖြစ်အောင် လုပ်ပေးဖို့နဲ့ ထပ်မံ တိုးချဲ့ဖို့အတွက် ငွေကြေး အကူအညီတွေကိုလဲ ပေးဖို့ ဆွေးနွေးထားတယ်။ မြန်မာနဲ့ ဂျပန်အစိုးရတို့ သဘောတူညီထားခဲ့ကြတာ ရှိခဲ့တယ်။ ဒီလေဆိပ်နဲ့ ပတ်သက်ပြီး face-1, face-2 ဆိုပြီး ပရောဂျက်တွေကို လုပ်ခဲ့တယ်။ face-3 မှာ ပရောဂျက် ဆက်မလုပ်ဖြစ်ဘဲ ရပ်ထားခဲ့တာ ရှိတယ်။ ဒီစာချုပ်ကို အကောင်အထည် ဖော်ပေးစေချင်တယ်လို့လဲ တောင်းဆိုခဲ့တယ်။ အဲ့ဒီစာချုပ်ဟာ လွန်ခဲ့တဲ့ နှစ်ဆယ့်ခြောက်နှစ်က ချုပ်ခဲ့တာဖြစ်ပြီး အဲ့ဒီတုန်းက စာချုပ်ချုပ်ခဲ့တဲ့ အရာရှိတွေကလဲ အခုဂျပန်မှာ အဲ့ဒီဌာနတွေမှာ မရှိကြတော့ဘူး။ ဒါကြောင့် ကျွန်တော့်အနေနဲ့ အဲ့ဒီစာချုပ်မိတ္တူကို တောင်းထားပါတယ်။ အဲ့ဒီဌာနကလဲ ပေးမယ်လို့ ဆိုပါတယ်။ ကျွန်တော့်အနေနဲ့ အရင်က ထားခဲ့တဲ့ ကတိကို အကောင်အထည်ဖော်ဖို့ ဆက်လက်လုပ်ပေးမှာပါ။
သူတို့အနေနဲ့ တရုတ်ပြည်ကို ယန်း ၃ ဒသမ ၄ ဘီလီယံ၊ အင်ဒိုနီးရှားကို ယန်း ၄ ဒသမ ၃ ထရီလီယံ၊ ဗီယက်နမ်ကို ယန်း ၁ ဒသမ ၃ ထရီလီယံကို ဂျပန်က အိုဒီအေ အနေနဲ့ ကူညီပေးခဲ့တယ်။ အဲ့ဒီမှာ စနစ်နှစ်ခုနဲ့ ပေးခဲ့တယ်။ တစ်ခုက အတိုးနဲ့ ချေးခဲ့ပြီး တစ်မျိုးမှာ အတိုးမဲ့ ချေးခြင်းတို့ဖြင့် အကူအညီများ ပေးခဲ့ပါတယ်။ မြန်မာအစိုးရနဲ့ ဂျပန်အစိုးရတို့ရဲ့ ဆက်ဆံရေးဟာ ဒီ့ထက်ပိုတိုးတက်လာမှာ ဖြစ်တဲ့အတွက် အရင်အစိုးရ လက်ထက်က ဂျပန်နိုင်ငံက ပေးခဲ့တဲ့ အတိုးနဲ့ အိုဒီအေ ယန်းသန်းခြောက်ထောင်ကို ခဏထားပြီး နောက်ထပ်လဲ အတိုးမဲ့ အိုဒီအေကို ဆက်လက်ပေးနိုင်ဖို့ ကျွန်တော့်အနေနဲ့ ကြိုးစားပြီး လုပ်သွားပါမယ်။ လက်ရှိပေးနေတာထက် တိုးချဲ့ပေးနိုင်အောင် ကြိုးစားသွားပါမယ်။ ဟိုရောက်ရင်လဲ ဂျပန်-မြန်မာ ချစ်ကြည်ရေးအမတ် အသင်းမှာလဲ ဥက္ကဋ္ဌဖြစ်တဲ့အတွက် တွန်းအားပေးပြီး လုပ်ဆောင်ပေးသွားပါ့မယ်။ ဒီလို အကူအညီတွေ ပေးဖို့လဲ အဲ့လိုပေးနိုင်တဲ့ ပတ်ဝန်းကျင်ကို ဖန်တီးပေးဖို့ လိုပါတယ်။ ဒီလို ဖန်တီးနိုင်ဖို့ဆိုရင် မြန်မာနိုင်ငံ အနေနဲ့ ဂျပန်နဲ့ ပူးပေါင်းပြီး မြန်မာနိုင်ငံရဲ့ သဘာဝ အရင်းအမြစ် သယံဇာတတွေကို တတ်နိုင်သမျှ ဂျပန်ကို အိပ်စ်ပို့ လုပ်ပေးဖို့လိုပါတယ်။ တရုတ်ကိုပဲ ပို့နေတဲ့အတွက် ဂျပန် အပါအဝင် အနောက်နိုင်ငံတွေကိုလဲ တင်ပို့ပေးဖို့ လိုပါတယ်။ ပြည်ပပို့ကုန် အနေနဲ့ ရောင်းပေးဖို့ လိုအပ်ပါတယ်။ ဒါဟာ မြန်မာအစိုးရ အနေနဲ့ စီးပွားရေး ဖွံ့ဖြိုးတိုးတက်မှုမှာ၊ နိုင်ငံခြား ဝင်ငွေရှာတဲ့ နေရာမှာ အမြန်ဆုံး နည်းလမ်း တစ်ခုလို့ မြင်ပါတယ်။
ပထမဆုံး အနေနဲ့ ကိုယ့်နိုင်ငံက သဘာဝ သယံဇာတ ပစ္စည်းတွေဟာ ဘယ်နေရာမှာ ဘယ်လောက်ရှိတယ်ဆိုတာ တိတိကျကျ သိဖို့လိုပါတယ်။ အဲ့ဒီအတွက် ရှာဖွေတဲ့ နည်းပညာကိုလဲ ကျွန်တော်တို့ နိုင်ငံကနေ အကူအညီ ပေးချင်တယ်ဆိုတာကို ဝန်ကြီးကို ပြောခဲ့ပါတယ်။ အဲ့ဒါကို ပြည်ထောင်စုဝန်ကြီးက သမ္မတဆီကို ထပ်မံ တင်ပြပေးမယ်လို့လဲ သိရပါတယ်။ ကျွန်တော် ပြန်ရောက်တဲ့ အခါမှာ မြန်မာနိုင်ငံက တောင်းဆိုထားတဲ့ အချက်သုံးချက်ကို လွှတ်တော်အမတ် တစ်ယောက် အနေနဲ့ သက်ဆိုင်ရာ ဝန်ကြီးဌာနတွေကို တင်ပြတောင်းဆိုပေးသွားမှာပါ။ ပြည်ထောင်စုဝန်ကြီးနဲ့ မပြောလိုက်ရတာက မြန်မာနိုင်ငံမှာ ရင်းနှီးမြှုပ်နှံမှုတွေ ဝင်လာမယ်ဆိုရင် အရေးကြီးတာက လျှပ်စစ် ဖြစ်ပါတယ်။ ရေအားလျှပ်စစ် လုပ်နေတယ်ဆိုတာလဲ သိရပါတယ်။ မြန်မာပြည် အနေနဲ့ သဘာဝဓာတ်ငွေ့လဲ အလျှံပယ် ထွက်တယ်လို့လဲ သိရပါတယ်။ လျှပ်စစ်ဓာတ် ထုတ်တဲ့အခါမှာ သဘာဝဓာတ်ငွေ့ဟာ အရေးကြီးပါတယ်။ ဒီမှာ လျှပ်စစ် ဓာတ်အား မလုံလောက်တာနဲ့ ဘယ်လိုမှ လာနိုင်မှာ မဟုတ်ဘူး။ ပြည်ထောင်စုဝန်ကြီးကိုလဲ ယုံကြည်ပါတယ်။ ဂျပန် အနေနဲ့ ဓာတ်ငွေ့ကနေ လျှပ်စစ်ဓာတ်အား ထုတ်လုပ်ဖို့ နည်းပညာရော၊ ငွေကြေးပါ အကူအညီ ပေးဖို့ စီမံကိန်းချပြီး ဆောင်ရွက်ဖို့ လုပ်သွားပါမယ်။ ပြာပုံထဲကနေ ရုန်းထွက်နိုင်အောင် လုပ်ခဲ့တာဟာ အခြေခံ အဆောက်အအုံတွေဖြစ်တဲ့ လမ်းပန်းဆက်သွယ်ရေးအပြင် လျှပ်စစ်ဓာတ်အားကို နှစ်စဉ် တိုးပေးနိုင်တာဟာလဲ ဂျပန်နိုင်ငံ ဖွံ့ဖြိုးတိုးတက်ရတဲ့ အရေးကြီးတဲ့ အချက်တစ်ချက် ဖြစ်ပါတယ်။
အခုနောက်ပိုင်းမှာတော့ နိုင်ငံ ဖွံ့ဖြိုးတိုးတက်မှုမှာ နည်းပညာဟာလဲ အရေးကြီးတဲ့ အချက်တစ်ချက် ဖြစ်လာပါတယ်။ ဂျပန်နိုင်ငံရဲ့ အထွေထွေ အုပ်ချုပ်ရေး ဝန်ကြီးဌာနက အရာရှိလဲ ဒီကိုလာသွားပါတယ်။ မြန်မာနိုင်ငံကို အိုင်တီနဲ့ ပတ်သက်တဲ့ အကူအညီတွေကို ပေးသွားဖို့ ဆွေးနွေးသွားခဲ့ပြီး ဖြစ်ပါတယ်။ ကျွန်တော့်အနေနဲ့ အကူအညီပေးဖို့ ဘယ်ကဏ္ဍကို ဦးစားပေးရမလဲ ဆိုတာတော့ စဉ်းစားရပါမယ်။ မြန်မာနိုင်ငံရဲ့ သမ္မတကနေပြီး အကူအညီပေးဖို့ ဦးစားပေး အဆင့်တွေကို သတ်မှတ်ပေးပြီး ဂျပန် စက်မှုဝန်ကြီးရယ်၊ နောက်လာမယ့် ကျွန်တော့်အရင် လုပ်ခဲ့တဲ့ ဝန်ကြီးဌာနတွေက ဒုတိယဝန်ကြီးတွေလဲ လာဖို့ရှိတော့ အကူအညီတွေ ပေးနိုင်အောင် နောက်ကွယ်ကနေ တိုက်တွန်းပေးသွားမှာပါ။ ဒီဘက်ကသာ တောင်းဆိုသွားမယ်ဆိုရင် ပိုပြီး ပြည့်ပြည့်စုံစုံနဲ့ အကောင်အထည် ဖော်လာနိုင်မှာ ဖြစ်ပါတယ်။ အခု ပထမဆုံး တွေ့ဆုံမှုမှာ အများကြီး ကျေနပ်အားရမှု ရှိခဲ့ပါတယ်။ မကြာခင်မှာလဲ ပြည်ထောင်စုဝန်ကြီးကို ဂျပန်နိုင်ငံကို ဖိတ်ခေါ်ဖို့ ရှိပါတယ်။ ဆွေးနွေးခဲ့တဲ့ လုပ်ငန်းများ အကောင်အထည် ပေါ်လာနိုင်ဖို့ ပြည်ထောင်စုဝန်ကြီး လာတဲ့အခါမှာ ဂျပန်နိုင်ငံက သက်ဆိုင်ရာ ဝန်ကြီးချုပ်တွေနဲ့ရော ပါတီက ဝန်ကြီးချုပ်ဟောင်းနဲ့ရော အကောင်အထည်ဖော် ဆောင်ရွက်မယ့် ဂျပန်က ကုမ္ပဏီကြီးတွေနဲ့ရော တွေ့ဆုံပေးသွားဖို့ ရှိပါတယ်။
မြန်မာနိုင်ငံမှာ အိုဒီအေ ရပ်ဆိုင်းထားပါသလား။ ပြီးတော့ ပြောသွားခဲ့တဲ့ အထဲမှာ ပါသလို မြန်မာနိုင်ငံရဲ့ ကြွေးမြီတွေကြောင့် အိုဒီအေ တိုးမြှင့်ပေးဖို့ရော အစီအစဉ် ရှိပါသလား။ မကြာမီက လာသွားတဲ့ ဂျပန် နိုင်ငံခြားရေးဝန်ကြီးကလဲ အိုဒီအေကို တိုးမြှင့်ပေးမယ်လို့ ပြောသွားတယ်ဆိုတာ သိရပါတယ်။ အခုလာတာဟာ အဲ့ဒီအစီအစဉ်ရဲ့ နောက်ဆက်တွဲ အတွက်ပါလား။
မြန်မာနိုင်ငံကို ပေးတဲ့ အိုဒီအေကတော့ လုံးဝ ရပ်ဆိုင်းလိုက်တာ မဟုတ်ပါဘူး။ အခြေခံ လူတန်းစားတွေ အတွက် ထောက်ပံ့ပေးနေတဲ့ အိုဒီအေကတော့ တစ်နှစ်ကို ယန်းသန်း ၃၀ လောက် နှစ်စဉ် ထောက်ပံ့ခဲ့ပါတယ်။ အိုဒီအေရပ်ရတဲ့ အကြောင်းကတော့ အရင်က ဒေါ်အောင်ဆန်းစုကြည် အကျယ်ချုပ်ထားခဲ့တာကတော့ အဓိက အကြောင်းရင်း တစ်ရပ် ဖြစ်ပါတယ်။ ငွေပြန်မဆပ်နိုင်တာလဲ တစ်ချက် ပါပါတယ်။ မြန်မာနိုင်ငံကိုလဲ နှစ်စဉ် ယန်းသန်း ၃၀ နဲ့ ၄၀ ကြားလို့တော့ ထင်တယ်။ ပေးနေပါတယ်။ နှစ်စဉ်တော့ အခြားနိုင်ငံတွေကို အိုဒီအေ တိုးမြှင့်ပေးနေပါတယ်။ မြန်မာနိုင်ငံကိုလဲ ပုံမှန်ပေးနေတဲ့ အတိုင်းတော့ ဆက်ပေးနေပါတယ်။ ဒါပေမဲ့ အကြွေးကျန်တာက တစ်ပိုင်း တိုးမြှင့်ပေးသွားဖို့ လုပ်ဆောင်သွားပါမယ်။ အဲ့ဒီအပြင် အခြား အတိုးနဲ့ မဟုတ်ဘဲနဲ့လဲ အကူအညီ ပေးသွားဖို့ ရှိပါတယ်။ နောက်တစ်ခုက အိုဒီအေနဲ့ မသက်ဆိုင်ဘဲ ဂျပန် အင်တာနေရှင်နယ်ဘဏ်ကနေပြီး ဂက်စ်နဲ့ ပတ်သက်ပြီး လျှပ်စစ်ထုတ်မယ့် တာဘိုင်တွေအတွက် ငွေချေးပေးဖို့အတွက် ဒါကို အကောင်အထည်ဖော်မယ့် ဂျပန်က ကုမ္ပဏီနဲ့ မြန်မာမှာ တွဲလုပ်မယ့် အစိုးရဌာနကိုလဲ ငွေချေးပေးဖို့လဲ ဆောင်ရွက်ပေးသွားဖို့ ရှိတယ်။ အခုလက်ရှိမှာလဲ ဂက်စ်တာဘိုင်နဲ့ လျှပ်စစ်ဓာတ်အား ထုတ်တဲ့ ကိစ္စကိုလဲ အဲ့ဒီဘဏ်ကနေ ချေးငွေ ထုတ်ပေးထားပါတယ်။ မြန်မာနိုင်ငံမှာ သဘာဝ သယံဇာတတွေ ဘယ်လောက်ရှိတယ်ဆိုတာ တွက်ချက်ပြီး အမြန်ဆုံး ဂျပန်ကို အိတ်စ်ပို့ လုပ်နိုင်အောင် နည်းပညာနဲ့ ငွေကြေး အကူအညီယူပြီး ဆောင်ရွက်ပြီး နိုင်ငံခြား ငွေကြေး အမြန်ဆုံးရှာတဲ့ နည်းလမ်းကို အသုံးပြုစေချင်ပါတယ်။ အိတ်စ်ပို့ လုပ်တာနဲ့ နိုင်ငံခြားငွေ ဝင်လာပြီဆိုရင် ရင်းနှီးမြှုပ်နှံမှုတွေလဲ ပိုဝင်လာမယ်။ အိုဒီအေတွေလဲ ပိုဝင်လာမှာ ဖြစ်တယ်။ မြန်မာနိုင်ငံကို ကူညီတဲ့ အခါမှာလဲ ကူညီနိုင်တဲ့ အနေအထားမျိုးကို ဖန်တီးပေးဖို့ လိုအပ်ပါတယ်။
မြန်မာနိုင်ငံမှာ ယန်းသန်း ၃၀ ကူညီခဲ့တယ်ဆိုတာ ဘယ်ကဏ္ဍတွေမှာ အကူအညီတွေ ပေးခဲ့တာလဲ။
ယန်းသန်း ၃၀၊ ၄၀ ဆိုတာ အရင်က ကျွန်တော်ကိုယ်တိုင် ရပ်ဆိုင်းထားတယ်လို့ ထင်တာ။ ကျွန်တော့်အနေနဲ့ နိုင်ငံခြားဝန်ကြီးဌာနမှာ စုံစမ်းတဲ့ အခါမှာ အခြားနိုင်ငံတွေကတော့ တိုးမြှင့်ရနေပေမယ့် မြန်မာနိုင်ငံကတော့ ကျောင်းတွေ ဆောက်ပေးတာ၊ ရေတွင်းတွေ တူးပေးတာပဲ ရှိခဲ့ပါတယ်။ နောက်ဆိုရင် မြန်မာနိုင်ငံဟာ အိုဒီအေ မြှင့်ပေးနိုင်တဲ့ အခြေအနေကို ရောက်ရှိလာပြီ ဖြစ်တဲ့အတွက် ဆက်လက်တိုးပေးသွားဖို့ပဲ ရှိပါတယ်။
အိုဒီအေကို ဘယ်လို အဖွဲ့အစည်းတွေကနေ ထောက်ပံ့ပေးနေပါလဲ။ ဒီနှစ်ထဲမှာ မြန်မာနိုင်ငံ အနေနဲ့ အိုဒီအေ တိုးမြှင့်ခံစားရနိုင်မလား။
ဒီနှစ်ထဲမှာလို့တော့ မပြောနိုင်ဘူး။ ဂျပန်က အမတ်တွေ၊ အဆင့်မြင့် အရာရှိတွေ ဒီနှစ်ထဲမှာ လာဖို့ရှိပါတယ်။ နှစ်ဦးနှစ်ဖက် ညှိနှိုင်းပြီး ပြေလည်ပြီဆိုရင် အိုဒီအေ တွက်စလို့ရပါပြီ။ ဒီကိစ္စမှာ အောက်ခြေအဆင့်ကပဲ လုပ်တာဖြစ်တဲ့အတွက် နှစ်နိုင်ငံ လွှတ်တော်အမတ်တွေ အချင်းချင်း ရင်းနှီးယုံကြည်ပြီဆိုရင် လုပ်လို့ရပါပြီ။ ကျွန်တော့်အနေနဲ့လဲ ဂျပန်မှာ နောက်ကွယ်ကနေပြီး အိုဒီအေ တိုးမြှင့်ပေးဖို့ တွန်းအားပေးသွားပါမယ်။
ဂျပန်က အာဏာရပါတီက အထက်လွှတ်တော်အမတ် ဆိုတော့ မြန်မာနိုင်ငံရဲ့ အာဏာရ ပါတီဖြစ်တဲ့ USDP ပါတီက တာဝန်ရှိသူတွေနဲ့ရော တွေ့ခဲ့ပါသလား။
ဒီတစ်ခေါက်က အချိန်လဲမရလို့ မတွေ့ဖြစ်ပါဘူး။ ကျွန်တော်တို့ နောက်တစ်ခေါက်လောက်မှာတော့ အခြား ဂျပန်က အမတ်တွေကိုလဲ ခေါ်လာပြီးမှပဲ တွေ့ဆုံသွားမယ်။
လက်ရှိမြန်မာ့နိုင်ငံရေး အပေါ် ဘယ်လို သုံးသပ်ချင်ပါသလဲ။
မြန်မာနိုင်ငံကို ရောက်တော့မှ သိရတာတော့ မြန်မာနိုင်ငံရေးရဲ့ အရှိန်က အရမ်းကို မြန်နေပါတယ်။ အာရှက နိုင်ငံတော်တော်များများကို ရောက်ခဲ့ပါတယ်။ မြန်မာနိုင်ငံရဲ့ နေပြည်တော်ရော ရန်ကုန်ရော သန့်ရှင်းသပ်ရပ်မှု ရှိပါတယ်။
သွားနေတဲ့ လမ်းကြောင်းက အရမ်းမြန်နေတယ်လို့ ပြောပါတယ်။ ဘာတွေ သတိထားဖို့ လိုပါသလဲ။
ပြောင်းတဲ့ အခါမှာ အရမ်းမြန်တဲ့အတွက် ဂရုစိုက်ဖို့တော့ လိုပါတယ်။ ပြောင်းတဲ့အခါ ပြင်ဖို့ပြုဖို့ လိုတာတွေကို ပြုပြင်သွားရင် ကောင်းပါတယ်။ အထူးသဖြင့် ပညာရေး ကဏ္ဍကို အထူးဂရုစိုက်ပြီး လုပ်သွားဖို့ လိုပါတယ်။
အခုလိုဖြေကြားပေးတဲ့အတွက် ကျေးဇူးတင်ပါတယ်။
အထက်လွှတ်တော်အမတ် မစ္စတာတိုချိအကိကိုအီဇုမိနှင့် မေးမြန်းဆွေးနွေးရာတွင် ဘာသာပြန် အဖြစ် ကူညီဆောင်ရွက်ပေးသော Silver Wave Energy မှ Coordinator ဦးရန်ကျော်အား ကျေးဇူးတင်ရှိပါသည်။
ဝေမာသိမ့်
0 comments:
Post a Comment