26.02.2012 နေ့ဖတ်ရန်သတင်းများ

by Myanmar Journal on Sunday, February 26, 2012 at 8:22am ·

 

မန်ဒဲလား ဆေးရုံတင် ကုသခဲ့ရ
 မစ္စတာ မန်ဒဲလားဟာ ဝမ်းဗိုက်နဲ့ပတ်သက်တဲ့ ရောဂါကို ရေရှည်ခံစား နေရတာ ဖြစ်ပါတယ်
ဝမ်းဗိုက်နဲ့ ပတ်သက်တဲ့ ရောဂါကြောင့် ဆေးရုံတင် လိုက်ရတဲ့ တောင်အဖရိက သမ္မတဟောင်း နယ်လ်ဆင် မန်ဒဲလားဟာ အခုတော့ အခြေအနေ ပြန်လည် ကောင်းမွန်လာပြီ ဖြစ်ပြီး စကားလည်း ပြန်ပြောနိုင်ပြီ ဖြစ်ပါတယ်။

မစ္စတာ မန်ဒဲလားနဲ့ ပတ်သက်ပြီး တရားဝင် ကြေငြာချက် ထုတ်ပြန်ရာမှာ၊ အသက် ၉၃ နှစ် ရှိပြီဖြစ်တဲ့ မစ္စတာ မန်ဒဲလားဟာ၊ ဝမ်းဗိုက်နဲ့ ပတ်သက်တဲ့ ရောဂါကို ရေရှည်ခံစား နေရတာ ဖြစ်ပြီး၊ အထူးကူသဖို့ လိုအပ်နေတဲ့ အတွက် ဆေးရုံတင်ရတာ ဖြစ်ပြီး၊ ဒါဟာ အရေးပေါ် ခွဲစိတ်ကုသဖို့ ဆေးရုံ တင်လိုက်ရတာမျိုး မဟုတ်ဘူးလို့ ဖေါ်ပြထားပါတယ်။
တနင်္ဂနွေနေ့မှာ သူဟာ ဆေးရုံကနေ ပြန်ဆင်းနိုင်တော့မယ့်လို့ တောင်အာဖရိကမှ လာတဲ့ သတင်းတွေအရ သိရပါတယ်။
အခုတော့ သူဟာ နေကောင်းပြီး၊ စိတ်ဓာတ်ပိုင်းအရလည်း ကောင်းမွန်ကြောင်း သူ့ရဲ့ ပြောခွင့်ရသူက ပြောပါတယ်။ တနှစ်ကျော်အချိန် အတွင်း ဒါဟာ ဒုတိယမြောက် ဆေးရုံ တက် ကုသခဲ့ရတာလည်း ဖြစ်ပါတယ်။
မစ္စတာ မန်ဒဲလားဟာ ကျန်းမာရေးအခြေအနေကြောင့် ပြီးခဲ့တဲ့ ၈ နှစ်ကစလို့ အများ ပြည်သူနဲ့ သက်ဆိုင်တဲ့ အလုပ်တွေကနေ အနားယူခဲ့ပြီး မိသားစုနဲ့ပဲ နေထိုင်လာခဲ့တာ ဖြစ်ပါတယ်။

ချင်းပြည်နယ်က အဓမ္မ လုပ်အားပေး ခိုင်းစေမှု မြင်ကွင်းမြန်မာ လူ့အခွင့်အရေး ချိုးဖောက်မှု မလျော့
မြန်မာနိုင်ငံမှာအစိုးရက ပြုပြင်ပြောင်းလဲ မှုတွေ ဖော်ဆောင်နေတယ် ဆိုပေမယ့် လူ့ အခွင့်အရေး ချိုးဖောက်မှုတွေ လျော့မသွား ဘူးလို့ လူ့အခွင့် အရေးလေ့လာ စောင့်ကြည့် ရေး အဖွဲ့က ပြောလိုက်ပါတယ်။
တိုင်ရင်းသား လက်နက်ကိုင်အဖွဲ့တွေနဲ့ အပစ် ရပ် သဘောတူညီချက်တွေ လက်မှတ် ရေးထိုး နေပေမယ့် နယ်စပ် ဒေသတွေမှာ လူ့အခွင့်အရေး ချိုးဖောက်မှုတွေဟာ အရင်အတိုင်းပဲလို့ လူ့အခွင့် အရေးအဖွဲ့က ဒေးဗစ် မက်သရီဆင်က ပြောပါ တယ်။
သူဟာ မကြာခင်က မြန်မာ နိုင်ငံကို သွားရောက်ခဲ့ပြီး လူ့အခွင့်အရေး ချိုးဖောက်မှုတွေ အ ကြောင်း ကိုယ်တွေ့ ကြားသိခဲ့ရပါတယ်။
အထူးသဖြင့် ကချင် ပြည်နယ်မှာ ပြီးခဲ့တဲ့ ဇွန်လက တိုက်ပွဲတွေ စဖြစ်ချိန်က စပြီး အိုးအိမ်ပစ် ထွက်ပြေးရသူ ခုနှစ်သောင်း ဝန်းကျင် ရှိသွားပြီလို့ ဝါရှင်တန် ဒီစီမှာ ပြုလုပ်တဲ့ ရှင်းလင်းပွဲ မှာ ပြောပြခဲ့ပါတယ်။
တဘက်မှာ ရန်ကုန်လို မြို့ကြီး ပြကြီးတွေမှာတော့ လူ့အခွင့်အရေး ဖော်ဆောင်မှု အပိုင်းမှာ အပြောင်းအလဲ တချို့ တွေ့ရတယ်လို့ ဒီရှင်းလင်းပွဲကို တက်ရောက်ခဲ့တဲ့ US Campaign for Burma အဖွဲ့က ဂျနီဖာ ကွစ်ဂလီက ပြောပြပါတယ်။
အစိုးရ အဖွဲ့ထဲက လူတွေနဲ့ ဒေါ်အောင်ဆန်း စုကြည်တို့ စ စကား ပြောလာတာနဲ့ အမျှ နိုင်ငံရေး ပါတီတွေကို မဲဆွယ် စည်းရုံးခွင့် ပြုသလို မီဒီယာတွေကို တင်းတင်းကြပ်ကြပ် ချုပ်ကိုင်မှုတွေကို လျှော့ပေးတာတွေ ရှိပါတယ်။
လူ့အခွင့်အရေး ချိုးဖောက်မှုတွေ၊ ဥပဒေ စိုးမိုးမှု မရှိတာတွေ ဆက်တွေ့နေရတာဟာ မြန်မာ နိုင်ငံမှာ လွတ်လပ်တဲ့ တရား စီရင်ရေး စနစ် မရှိသေးတဲ့ အတွက် ဖြစ်တယ်လို့ မြန်မာနိုင်ငံ ကို မကြာခင်က သွားရောက်ခဲ့တဲ့ လူ့အခွင့်အရေး ဆိုင်ရာ ကုလသမဂ္ဂ အထူး ကိုယ်စားလှယ် တောမတ်စ ကင်တာနားက ပြောခဲ့ပါသေးတယ်။
တဘက်မှာ နယ်စပ် ဒေသတွေမှာ တိုင်းရင်းသား လက်နက်ကိုင် အဖွဲ့တွေရဲ့ လူ့အခွင့်အရေး ချိုးဖောက်မှုတွေလည်း တွေ့ရပါတယ်။
ဒီဒေသတွေက လူ့အခွင့်အရေး ချိုးဖောက်မှုတွေကို သိပ်မသိကြတာက ဒီနေရာတွေကို ကုလ သမဂ္ဂ အဖွဲ့အစည်းတွေ အပါအဝင် နိုင်ငံတကာ အဖွဲ့အစည်းတွေ အလွယ်တကူ မသွားနိုင် ပေမယ့် တိုင်းရင်းသား လက်နက်ကိုင် အဖွဲ့တွေက ခလေး စစ်သား စုဆောင်း တာတွေ၊ အစိုးရ စစ်တပ်က စစ်သားတွေကို မိရင် သတ်ပစ်တာတွေ လုပ်တယ်လို့ သတင်းတွေ ရပါ တယ်။ ဒါတွေဟာ စစ်ရာဇဝတ်မှု မြောက်ပါတယ်။
နောက်တခါ ခု ဧပြီ ရွေးကောက်ပွဲမှာ အင်အယ်ဒီ ပါတီက လစ်လပ်နေရာ အားလုံး ရရင် တောင် လွှတ်တော်မှာ စစ်တပ်နဲ့ ကြံ့ဖွံ့ ကြီးစိုးထားမှုက ၈၅ ရာခိုင်နှုန်းကနေ ၈၀ ရာခိုင် နှုန်းထိပဲ လျော့သွားမှာမို့ ဘာမှ ထူးခြား ပြောင်းလဲမှု ရှိမှာ မဟုတ်ဖူးလို့ သူက ပြောပါတယ်။
တဘက်မှာ ခုလို လူ့အခွင့်အရေး ချိုးဖောက်မှုတွေ ရှိနေသရွေ့ အမေရိကန် အစိုးရက ဒဏ်ခပ် ပိတ်ဆို့မှု ရုပ်သိမ်းတာမျိုး မြင်လာရစရာ မရှိဘူးလို့ US Campaign for Burma က ဂျနီဖာ ကွစ်ဂလီက ပြောပြခဲ့ပါတယ်။

တရုတ်-မြန်မာ နယ်စပ် လုံခြုံရေးအတွက် တရုတ်ပြော
တရုတ်ပြည်သူ့လွှတ်တော်ကော်မတီဥက္ကဌ ဝူဘန်ဂေါ က သူရဦးရွှေမန်းကို ဖိတ်ကြားခဲ့
တရုတ်နိုင်ငံကို အလည်အပတ်ရောက်ရှိ နေတဲ့ မြန်မာနိုင်ငံ ပြည်သူ့လွှတ်တော် ဥက္ကဌ သူရဦးရွှေမန်းဟာ တရုတ်နိုင်ငံ ကွန်မြူနစ်ပါတီရဲ့ ပေါ်လစ်ဗြူရို အရာရှိ လီယူအန်ချောင်းနဲ့ သောကြာနေ့မှာ တွေ့ဆုံခဲ့ပါတယ်။
မစ္စတာလီက တရုတ်နဲ့ မြန်မာတို့ဟာ လွန်ခဲ့တဲ့ နှစ်ပေါင်း ၆၀ ကျော်ကတည်းက နှစ်နိုင်ငံ သံတမန်ရေး ဆက်ဆံမှုတွေ စတင်ခဲ့ပြီး နောက်ပိုင်း နှစ်နိုင်ငံ ဆက်ဆံရေး တိုးတက် ခိုင်မာလာခဲ့တဲ့ အပေါ် ဂုဏ်ယူကြောင်း ပြောပါတယ်။
နောက်ပြီး မြန်မာနိုင်ငံနဲ့ အနာဂတ် ဆက်ဆံရေး ပိုမိုကောင်းမွန်လာစေရေး ရည်ရွယ်ပြီး ပူပေါင်းဆောင်ရွက်မှုတွေကို တိုးမြင့် လုပ်ဆောင်သွားမယ်လို့လည်း ကတိပြု ပြောကြား ပါတယ်။
သူရဦးရွှေမန်းကလည်း မြန်မာနိုင်ငံနဲ့ တရုတ်နိုင်ငံအကြား ဆက်ဆံရေးကို တိုးတက်အောင် ဆောင်ရွက်မှာဖြစ်ပြီး လုပ်ငန်းအများ အပြားအတွက်လည်း ပူပေါင်း ဆောင်ရွက်မှုတွေ တိုးချဲ့ဆောင်ရွက်မယ်လို့ ပြောကြားပါတယ်။
သူရဦးရွှေမန်းဟာ တရုတ်ပြည်သူ့လွှတ်တော်ကော်မတီ ဥက္ကဌ ဝူဘန်ဂေါရဲ့ ဖိတ်ကြားချက် အရ ၅ ရက်ကြာ ခရီးစဉ်အဖြစ် ဗုဒ္ဓဟူးနေ့က တရုတ်နိုင်ငံကို ရောက်ရှိသွားတာ ဖြစ်ပါတယ်။
ဗုဒ္ဓဟူးနေ့ကတော့ တရုတ်နိုင်ငံ နိုင်ငံရေးအကြံပေးကော်မတီ ဥက္ကဌ ဂျာရှင်းလင်နဲ့ သူရဦးရွှေမန်း တွေ့ဆုံခဲ့ရာမှာ မစ္စတာ ဂျာရှင်းလင်က နှစ်နိုင်ငံ နယ်စပ် လုံခြုံရေး ပိုမို ကောင်းမွန်အောင် လုပ်ဖို့ကို ပြောကြားခဲ့တယ်လို့ သိရပါတယ်။
ဒါဟာ တရုတ်-မြန်မာ နယ်စပ်ကုန်သွယ်ရေး မထိခိုက်စေဖို့နဲ့ နယ်စပ် ဒေသမှာ ဒုက္ခသည် ပြဿနာ မဖြစ်ရအောင် ရည်ရွယ် ပြောကြားတာ ဖြစ်တယ်လို့ တရုတ်-မြန်မာ နယ်စပ်က မြန်မာ့အရေး လေ့လာသူ ဦးအောင်ကျော်ဇောက ပြောပါတယ်။

အာဖဂန် ဆန္ဒပြမှု သေကြေမှု ဆက်ဖြစ်
အာဖကန်နစ္စတန် နိုင်ငံမှာ အမေ ရိကန်တပ် စခန်းတစ်ခု အတွင်း အကျဉ်းသားတွေ ဆီက ဖမ်းဆီး ရမိတဲ့ ကိုရမ် ကျမ်းတွေ မီးရှို့ခဲ့မှု အပေါ် မကျေနပ်ကြတဲ့ နောက်ထပ် ဆန္ဒပြပွဲတွေ ငါးရက်မြောက် နေ့အဖြစ် ဆက်ဖြစ် နေပါတယ်။
ကာဘူးမြို့တော်က ပြည်ထဲရေး ဝန်ကြီးဌာန အတွင်း နေတိုး ဦးဆောင်တဲ့ နိုင်ငံ တကာ တပ်ဖွဲ့ဝင် နှစ်ဦး ပစ်သတ် ခံခဲ့ရပါတယ်။ ဒါဟာဆိုရင် လုံခြုံရေးအထူးတင်းကျပ် ကောင်းမွန် ပါတယ်ဆိုတဲ့ နေရာမှာ ဖြစ်ပျက် ခဲ့တာပါ။
သေဆုံးသူတွေဟာ အမေရိကန် နိုင်ငံသား တွေလို့လည်း ယူဆရပါတယ်။ ဘယ်သူ့ လက်ချက်လဲ ဆိုတာတော့ ရှင်းရှင်း လင်းလင်း မသိရ သေးပါဘူး။
နိုင်ငံ အရှေ့မြောက်ပိုင်း ကွန်ဒတ်စ် ပြည်နယ် မှာလည်း ဆန္ဒပြ သမား ၅ ဦး သေကြေ ခဲ့ပါတယ်။ ဆန္ဒပြမှု တွေဟာ အာဖဂန် ပြည်နယ် သုံးခုမှာ ဖြစ်ပွားနေပြီး အာဖဂန် လုံခြုံရေးအဖွဲ့တွေအနေနဲ့လည်း ဒေါသထွက်နေကြတဲ့ ဆန္ဒပြသူတွေရဲ့ အခြေအနေကို ထိန်းသိမ်းနိုင်ဖို့ အခက်ကြုံနေကြပါတယ်။
လုံခြုံရေးဘက်ကလည်း မိုးပေါ်ကို သတိပေး သေနတ် ဖောက်တာတွေ ရှိနေပါတယ်။ တချို့ အခြေအနေမှာတော့ လူအုပ်ထဲထို ပစ်ခတ်တယ်လို့ သိရပါတယ်။ ရဲတပ်ဖွဲ့ ပြောတာ ကတော့ ဆန္ဒပြသူတွေက သတိပေး ပစ်ခတ်မှုတွေကို ဂရု မစိုက်ကြဘူးလို့ ဆိုပါတယ်။
နိုင်ငံ မြောက်ဖက်ပိုင်း ခွန်ဒူ့ဇ် မြို့မှာတော့ ဈေးဆိုင်တွေ ဖျက်ဆီးခံရပြီး၊ ကုလသမဂ္ဂ အဆောက်အဦး တခုရဲ့ တစိတ်တပိုင်းလည်း မီးရှို့ခံလိုက်ရပါတယ်။
အလယ်ပိုင်းဒေသ လိုဂါ ပြည်နယ်မှာတော့ ဒေါသဖြစ်နေကြတဲ့ လူအုပ်တွေဟာ အမေရိကန် ဆန့်ကျင်ရေး ကြွေးကြော်သံတွေကို အော်ဟစ်ခဲ့ကြပါတယ်။
အခု သီတင်း ပတ်ထဲ ဖြစ်ပွား ခဲ့တဲ့ ဆန္ဒပြမှုတွေ အတွင်း အခုအချိန် အထိ လူပေါင်း အနည်းဆုံး ၂၅ ဦးလောက် သေဆုံးခဲ့ ရပြီဖြစ်ပါတယ်။ အဲဒီအထဲမှာ အမေရိကန် စစ်သား ၂ ဦးလည်း ပါဝင်ပါတယ်။

ICRC အကူအညီနဲ့ ဒဏ်ရာရသူတွေကို ကယ်ထုတ်ဒဏ်ရာ အပြင်းအထန် ရသူတွေကို ကယ်ထုတ်နိုင်ပြီ
ဆီးရီးယား နိုင်ငံ ဟော်မ်စ်မြို့ ဘာဘာ အာမီရာ ရပ်ကွက်ကနေ ဆေးကုသမှု အရေးတကြီး လိုအပ်နေတဲ့ လူရယောက်ကို ဒေသန္တရ ဆေးရုံ ဆီကို ပထမဆုံး ကယ်ထုတ် နိုင်ခဲ့တယ်လို့ နိုင်ငံတကာ ကြက်ခြေနီ အဖွဲ့က ပြောပါတယ်။
နိုင်ငံတကာ ကြက်ခြေနီ အဖွဲ့နဲ့ ဆီးရီးယား လခြမ်းနီ အဖွဲ့တို့ ပေါင်းပြီး အခုလို ဆောင်ရွက်နိုင်ခဲ့တာ ဖြစ်တယ်လို့ ဂျီနီဗာ မြို့က အရာရှိ တယောက် ဆိုပါတယ်။
ဒါဟာ ဆီးရီးယား အစိုးရ ၊ အတိုက်အခံတွေ စတဲ့ အဖွဲ့ အသီးသီးနဲ့ အချိန် အတန်ကြာ ဆွေးနွေး ညှိနှိုင်းမှုတွေ လုပ်ခဲ့ပြီး တဲ့နောက် အခုလို အပြုသဘောဆောင်တဲ့ ရလဒ်တွေ ပေါ်ထွက်လာတာ ဖြစ်တယ်လို့ အဲဒီ အရာရှိက ပြောပါတယ်။
ဟောမ်စ်မြို့မှာ အမြှောက်ဗုံးဆန် လက်နက်ကြီး တွေနဲ့ အပြင်းအထန် တိုက်ခိုက်မှုတွေ ဖြစ်နေတာ သီတင်းတပတ်ကြာ ခဲ့ပြီ ဖြစ်သလို နိုင်ငံခြား သတင်းထောက်နှစ်ယောက် အပါအဝင် ရေတွက်လို့ မရနိုင်တဲ့ ဆီးရီးယား လူမျိုးတွေ အရေးပေါ် ဆေးကုသမှု လိုအပ်နေတာ ဖြစ်ပါတယ်။

ဆီးရီးယား မိတ်ဆွေများ ညီလာခံက ကလင်တန်တရုတ်နဲ့ ရုရှား ဗီတိုသုံးတာ စက်ဆုပ် ရွံ့စရာကောင်းတယ်လို့ ကလင်တန်ပြော
ဆီးရီးယား နိုင်ငံမှာ စစ်တပ်က လူထုကို သတ်ဖြတ်နေချိန်မှာ ကုလသမဂ္ဂရဲ့ ဆီးရီးယား အစိုးရ အပေါ် အရေးယူမှုကို ရုရှားနဲ့ တရုတ်နိုင်ငံ က ဆန့်ကျင်တာဟာ စက်ဆုပ် ရွံ့ရှာစရာ ကောင်းတယ်လို့ ဆိုပြီး အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က ပြင်းပြင်းထန်ထန် တိုက်ခိုက်လိုက်ပါတယ်။
အမျိုးသမီးနဲ့ ကလေးတွေ ၊ ရဲရင့်ရဲ့ လူငယ်တွေ အသတ်ခံရပြီး အိမ်ယာတွေ မီးရှို့ခံနေရ ချိန်မှာ ကုလသမဂ္ဂ လုံခြုံရေး ကောင်စီ အမြဲတမ်း အဖွဲ့ဝင် နှစ်နိုင်ငံက သူတို့ရဲ့ ဗီတိုကို သုံးပြီး မျက်ကွယ်ပြုနေတာကို ကြည့်ရတာ တကယ့်ကို စိတ်ပျက်ဖို့ ကောင်းတယ်လို့ မစ္စက် ကလင်တန်က ပြောသွားခဲ့ပါတယ်။
ဒါ့အပြင် ရုရှားဟာ ဆီးရီးယားကို လက်နက် ထောက်ပံ့နေတာကြောင့် ရုရှားရဲ့ လက်မှာ သွေးတွေ စွန်းထင်းနေတယ်လို့ သူက ပြောပါတယ်။
ဆီးရီးယားရဲ့ မိတ်ဆွေများ လို့ အမည်ရတဲ့ အဖွဲ့ထဲမှာ နိုင်ငံပေါင်း ခြောက်ဆယ်လောက် ပါဝင်ကြပြီး တူးနစ်မြို့မှာ ကျင်းပတဲ့ အဲဒီအဖွဲ့ အစည်းအဝေးမှာ မစ္စက် ကလင်တန်က အခုလို ပြောကြားလိုက်တာ ဖြစ်ပါတယ်။
ဒီညီလာခံကို ရုရှားနဲ့ တရုတ် နိုင်ငံ ကိုယ်စားလှယ်တွေ တက်ရောက်တာ မရှိခဲ့ပါဘူး။

ရုရှားက ဆောက်ပေးတဲ့ အီရန်က နျူကလီးယား စက်ရုံအီရန် နျူကလီးယား ကိစ္စ အနောက်အုပ်စုကို ပူတင်ဝေဖန်
အီရန် နိုင်ငံက နျူကလီးယား အစီအစဉ်ကို အကြောင်းပြပြီး အီရန် အစိုးရ အပြောင်းအလဲ ဖြစ်သွားအောင် အနောက်အုပ်စုက ကြိုးစားနေတယ်လို့ ရုရှား ဝန်ကြီးချုပ် Vladimir Putin ဗလာဒီမာ ပူတင်က စွပ်စွဲ ပြောကြား လိုက်ပါတယ်။
ရုရှား ရပ်တည်ချက်က အနောက်အုပ်စုနဲ့ ကွဲပြားပြီး အနောက်အုပ်စုရဲ့ ကြိုးပမ်းချက် တွေကိုလည်း ဆန့်ကျင်တယ်လို့ မစ္စတာ ပူတင်က ဆိုပါတယ်။
ဒီနျူကလီးယား အစီအစဉ်ဟာ အရပ်ဖက်မှာ အသုံးချဖို့ပါလို့ အီရန်ရဲ့ တစိုက်မတ်မတ် ပြောနေပေမယ့် စစ်ဖက် အတွက် ပြောင်းလဲ အသုံးချမှာကို အလွန်အမင်း ဆက်ပြီး စိုးရိမ်မိတယ်လို့ နိုင်ငံတကာ အနုမြူ အေဂျင်စီ IAEA က ပြောကြား ခဲ့ပြီးတဲ့နောက် မစ္စတာ ပူတင်ရဲ့ အနောက်အုပ်စု အပေါ် ဝေဖန်ချက် ထွက်လာတာ ဖြစ်ပါတယ်။
အီရန် အစိုးရဟာ IAEA နဲ့ ပူးပေါင်း ဆောင်ရွက်ခဲ့ပြီး ဆက်လက် လုပ်ဆောင်သွား ပါလိမ့်မယ်လို့ IAEA အရာရှိက ပြောပါတယ်။
အီရန် နျူကလီးယား အစီအစဉ်ကို အရပ်ဖက်အတွက်သာ အသုံးချ စေချင်တဲ့ နိုင်ငံတကာရဲ့ ဖြစ်စေချင်တဲ့ ဆန္ဒကို လိုက်လျောဖို့ အီရန်ဖက် က ပျက်ကွက်နေတယ်လို့ ကုလသမဂ္ဂက ဆိုပါတယ်။

လွန်ခဲ့တဲ့ ၂နှစ်က ငလျင်ဒဏ် အကြီးအကျယ် ခံရတဲ့ ဟေတီဟေတီ ဝန်ကြီးချုပ် ရုတ်တရက် နုတ်ထွက်
ဟေတီနိုင်ငံမှာ ဝန်ကြီးချုပ် Garry Conille ဟာ မမျှော်လင့်ဘဲ ရာထူးက နှုတ်ထွက်သွားတယ်လို့ သက်ဆိုင်ရာ အရာရှိ တွေက ပြောပါတယ်။
လက်ရှိ ရာထူးမှာ ငါးလတောင် မကြာသေးတဲ့ အချိန်အတွင်း မစ္စတာ ကာနီလ် ဟာ သမ္မတ မစ်ချယ်လ် မာတဲလီ ဆီမှာ နှုတ်ထွက်စာ တင်သွင်းခဲ့တာ ဖြစ်ပါတယ်။
လွန်ခဲ့တဲ့ နှစ်နှစ်တုန်းက ငလျင်ဒဏ် အကြီးအကျယ် ခံခဲ့ရတဲ့ ဟေတီနိုင်ငံဟာ ပြန်လည်ထူထောင်ရေး အတွက် ရုန်းကန် ကြိုးစား နေရချိန်မှာ အခုလို ဝန်ကြီးချုပ်ရဲ့ နှုတ်ထွက်မှုကြောင့် ကယ်ဆယ်ရေး လုပ်ငန်းတွေကို နှောက်နှေးကောင်း နှောက်နှေးသွားစေ ပါလိမ့်မယ်။
ပြည်ပက အလှူရှင်တွေဟာ ကုလသမဂ္ဂမှာ အရင်တုန်းက တာဝန် ထမ်းခဲ့ဖူးတဲ့ မစ္စတာ ကာနီလ်နဲ့ ဆက်ဆံရတာကို နှစ်သက် သဘောကျ ကြပြီး ဟေတီ အနေနဲ့ ပြည်ပ အလှူရှင်တွေ အပေါ် အလေးထား ရပ်တည် နေရတာ ဖြစ်ပါတယ်။
အစိုးရ အဖွဲ့ထဲမှာ အာဏာ လွန်ဆွဲမှုတွေ ဖြစ်နေတယ် ဆိုတဲ့ သတင်းတွေ သီတင်းပတ် အတော်ကြာ ကြားခဲ့ရ ပြီးတဲ့နောက် မစ္စတာ ကာနီလ်ရဲ့ နှုတ်ထွက်မှု ပေါ်ထွက်လာတာ ဖြစ်ပါတယ်။

လူငယ် (၃၀) ခန့်က တီရှပ်အင်္ကျီ ဆင်တူ ဝတ်ပြီး စက်ဘီးတွေနဲ့ မြို့ကိုပတ်ခဲ့ကြနိုင်ငံရေးအကျဉ်းသား လွတ်မြောက်ရေး ရခိုင်မှာဆုတောင်း
နိုင်ငံရေး အကျဉ်းသားများ လွတ်မြောက် ရေး အတွက် ငြိမ်းချမ်းစွာ ဆုတောင်းပွဲ အခမ်းအနားကို စစ်တွေမြို့မှာ စနေနေ့ နေ့လည်က ပြုလုပ်ခဲ့ကြရာမှာ လူပေါင်း တစ်ရာကျော် ပူးပေါင်း ပါဝင်ခဲ့ကြတယ်လို့ သိရပါတယ်။
ဒီဆုတောင်းပွဲကို စစ်တွေမြို့ ဂြိတ်ဖက် ဘုန်းတော်ကြီး ကျောင်းမှာ ပြုလုပ်ခဲ့ တာ ဖြစ်ပြီး၊ လူပေါင်း ၁၅၀ ခန့် တက်ရောက်ခဲ့ ပါတယ်။
အခမ်းအနားကို များမကြာမီက လွတ်မြောက်လာတဲ့ အရှင်ပညာစာရ အပါအဝင် နိုင်ငံရေး အကျဉ်းသားဟောင်းတွေ၊ နိုင်ငံရေး သမားတွေ၊ စာပေ သမား တွေနဲ့ လူငယ်တွေ တက်ရောက်ခဲ့ကြပါတယ်။
ရဲသတင်းတပ်ဖွဲ့ဝင်တွေနဲ့ ထောက်လှမ်းရေးအဖွဲ့ဝင် ၁၅ ဦးခန့်က လာရောက် သတင်း ယူခဲ့ ပေမယ့် အနှောင့်အယှက် လုပ်တာတော့ မရှိဘူးလို့ သိရပါတယ်။
အခမ်းအနားမှာ ရခိုင်နိုင်ငံရေး အကျဉ်းသားဟောင်းတွေက ထောင်ထဲမှာ ကျန်ရှိနေသေးတဲ့ ရခိုင်ကျောင်းသား ၄ ဦးနဲ့ မြန်မာ နိုင်ငံရေးအကျဉ်းသားတွေ အကုန်လုံးကို လွှတ်ပေးဖို့ အစိုးရကို တောင်းဆိုထားတဲ့ စာတစ်စောင်ကိုလည်း ထုတ်ပြန်ခဲ့တယ်လို့ ဆိုပါတယ်။
ဒီကနေ့ ပြုလုပ်တဲ့ ဆုတောင်းပွဲမှာ အကျဉ်းသားတွေ လွှတ်ပေးပါဆိုတဲ့ စာတန်းတွေ ရေးထိုး ထားတဲ့ တီရှပ် အင်္ကျီတွေကို ဆင်တူဝတ်ဆင်ပြီး ပြုလုပ်ခဲ့တာ ဖြစ်ပါတယ်။
ညနေပိုင်းမှာတော့ လူငယ် (၃၀) ခန့်က တီရှပ်အင်္ကျီတွေကို ဆင်တူဝတ်ဆင်ပြီး စက်ဘီး ကိုယ်စီ စီးကာ မြို့ကိုပတ်ပြီး နိုင်ငံရေး အကျဉ်းသားတွေ လွတ်မြောက်ရေး အတွက် လူပ်ရှားမှု ပြုလုပ်ခဲ့တယ်လို့ သိရပါတယ်။

ဘင်လာဒင်ရဲ့ အိမ်ခြံဝန်းကို ဖြိုချ ဖျက်ဆီး
By ဗွီအိုအေ (မြန်မာဌာန)
ပါကစ္စတန်နိုင်ငံ Abbottabad မြို့က အယ်လ်ခိုင်းဒါး ခေါင်းဆောင် ဘင်လာဒင် နောက်ဆုံးနေခဲ့တဲ့ အိမ်ကို ပါကစ္စတန် လုံခြုံရေးတပ်ဖွဲ့တွေက စတင် ဖြိုချနေပြီလို့ ပါကစ္စတန်ကလာတဲ့ သတင်းတွေက ဆိုပါတယ်။ အဲဒီအိမ်ဟာ အမေရိကန် အထူးတပ်ဖွဲ့တွေ ပြီးခဲ့တဲ့နှစ် မေလတုန်းက ၀င်ရောက် မသုတ်သင်ခင် ဘင်လာဒင် နောက်ဆုံးနေခဲ့တဲ့အိမ် ဖြစ်ပါတယ်။
လုံခြုံရေးတွေ အတင်းအကျပ်ချထားတဲ့ အဲဒီအိမ်ကို ပါကစ္စတန်အစိုးရက စနေနေ့မှာ ယန္တယား အကြီးကြီးတွေ ပို့ပြီး ဖြိုချနေတာလို့ မြို့ခံတွေက ပြောပါတယ်။ ဒီအိမ်ကို ဘာကြောင့် ဖြိုချပစ်တယ်ဆိုတဲ့ အကြောင်းပြချက်တော့ အစိုးရဘက်က မပေးပါဘူး။
ဘင်လာဒင် နေခဲ့တဲ့ အဲဒီ ၃ ထပ်အိမ်ကို ကာထားတဲ့ တံတိုင်းတွေကို ပါကစ္စတန်စစ်တပ် အင်ဂျင်နီယာတပ်ဖွဲ့က ဖြိုချနေပြီး အရပ်သား ဆောက်လုပ်ရေး ပညာရှင်တွေက ကြီးကြပ် ကွပ်ကဲနေတယ်လို့ ဒေသခံ သတင်းထောက်တစ်ဦးက ဗွီအိုအေကို ပြောပြခဲ့ပါတယ်။
၂၀၁၁ ခုနှစ် မေလတုန်းက အမေရိကန် အထူးတပ်ဖွဲ့တွေ အဲဒီအိမ်ထဲ ၀င်စီးပြီး ဘင်လာဒင်ကို သုတ်သင်လိုက်ပြီးတဲ့နောက် ဘယ်သူ့ကိုမှ ၀င်ခွင့်မပေးဘဲ အဲဒီအိမ်ကို စစ်တပ်က အစောင့်အကြပ်တွေ တင်းကျပ်စွာ ချထားခဲ့တာပါ။
အမေရိကန်တို့ အဲဒီလို ၀င်ရောက်တိုက်ခိုက်မယ့် အစီအစဉ်ကို ကြိုတင် သိရှိခြင်းမရှိတဲ့အတွက် ပါကစ္စတန် အစိုးရအတွက် အရှက်ရစရာ ဖြစ်စေခဲ့ပါတယ်။

ယီမင်မှာ အသေခံတိုက်ခိုက်မှုကြောင့် ၂၆ ဦး သေဆုံး
By ဗွီအိုအေ (မြန်မာဌာန)
တောင်ပိုင်းယီမင်မှာရှိတဲ့ သမ္မတ အိမ်တော်ဝန်းအပြင်ဘက်မှာ ကားထောင်ဗုံးတစ်လုံးပေါက်ကွဲတာကြောင့် လူပေါင်း ၂၆ ဦး သေဆုံးသွားပါတယ်။ နှစ်ပေါင်းများစွာ ယီမန်နိုင်ငံ သမ္မတဖြစ်ခဲ့တဲ့ အက်ဒ်ရာဘူ မန်ဆော် ဟာဒီ (Abd-Rabbu Mansour Hadi) ဟာ ယီမန်နိုင်ငံ ခေါင်းဆောင်သစ်အဖြစ် ကျမ်းသစ္စာဆိုခဲ့တဲ့ နာရီပိုင်းအတွင်းမှာ အခုလို ပေါက်ကွဲမှုဖြစ်ပွားခဲ့တာပါ။ သေဆုံးတဲ့အရေအတွက်ဟာ တိုးလာနိုင်တယ်လို့ ယီမင် လုံခြုံရေး တာဝန်ရှိသူတွေက ပြောပါတယ်။ အဲဒီအရပ်ဟာ မြို့တော် ဆာနား ကနေ မိုင် ၂၅၀ လောက် အကွာမှာ တည်ရှိတာပါ။
ဒါဟာ နိုင်ငံအတွင်း တောင်ပိုင်းမှာ ခွဲထွက်ရေးသူပုန်တွေ၊ မြောက်ပိုင်းမှာ ရှီးအိုက် သူပုန်တွေနဲ့ အယ်လ်ခိုင်းဒါးတွေ ရှိနေတယ်ဆိုတာ သမ္မတအသစ်ကို သတိပေးလိုက်တာလည်း ဖြစ်ပါတယ်။
မစ္စတာ Hadi သမ္မတအဖြစ် တရားဝင် ကျမ်းသစ္စာ ကျိန်ဆိုတဲ့ အခမ်းအနားကို ပါလီမန်လွှတ်တော်မှာ ဒီကနေ့ကျင်းပခဲ့ပါတယ်။ သူက နိုင်ငံကို ရုပ်သံကနေ မိန့်ခွန်းပြောဆိုရာမှာ အယ်လ်ခိုင်းဒါး အဖွဲ့ကို ဆက်လက် ဆန့်ကျင်တိုက်ပွဲဝင်ဖို့နဲ့ နေအိမ်တွေကနေ ထွက်ပြေး တိမ်းရှောင်နေရသူတွေ၊ ကိုယ့်အိမ်ကိုယ် ပြန်နိုင်ဖို့ ဆောင်ရွက်မယ် ဆိုပြီးတော့ ကတိပြုလိုက်ပါတယ်။
မစ္စတာ Hadi ဟာ အခုသီတင်းပတ်အတွင်း တကိုယ်တော် သမ္မတရွေးကောက်ပွဲမှာ ဆန္ဒမဲ ၉၉ % ကျော်နဲ့ ရွေးကောက်တင်မြှောက် ခံခဲ့ရပါတယ်။ ဒါဟာ သူ့ကို ၂ နှစ်တာ နိုင်ငံရဲ့ အသွင်ကူးပြောင်းမှုကာလကို ကြီးကြပ်ဖို့ တာဝန် ပေးအပ်လိုက်တာလည်း ဖြစ်ပါတယ်။

ကိုရမ်ကျမ်းစာ မီးရှို့မှုအပေါ် အာဖဂန်မှာ ၅ ရက်မြောက် ဆန္ဒပြ
By ဗွီအိုအေ (မြန်မာဌာန)
အာဖဂန်နစ္စတန်နိုင်ငံမှာ ကိုရမ်ကျမ်းစာမီးရှို့တာကို ဆန္ဒပြမှုတွေ ၅ ရက်မြောက် ဆက်ဖြစ်နေချိန်မှာ သေနတ်သမားတွေက အနောက်နိုင်ငံသား ၂ ဦးကို ပြည်ထဲရေးဝန်ကြီးဌာန အဆောက်အဦးထဲမှာ ပစ်သတ်လိုက်တယ်လို့ အာဖဂန် အရာရှိတွေက ဆိုပါတယ်။
နိုင်ငံမြောက်ပိုင်းက ရာနဲ့ချီတဲ့ နိုင်ငံသားတွေက ကုလသမဂ္ဂ ဝန်းထဲကို ခဲတွေနဲ့ပစ်ပေါက် ဆန္ဒပြခဲ့ကြပါတယ်။ အရာရှိတွေကတော့ Kanduz ဒေသမှာ ရုန်းရင်းဆန်ခတ်မှုအတွင်း အနည်းဆုံး လူ ၃ ဦးသေဆုံးခဲ့ပြီး ၄၇ ဦး ဒဏ်ရာတွေ ရသွားကြတယ်လို့ ဆိုပါတယ်။
ဒီအရာရှိတွေကပဲ မူစလင် ဘာသာဝင်တွေရဲ့ အထွဋ်အမြတ် ကိုရမ်ကျမ်းစာအုပ်တွေကို ကဘူးမြို့နားက Bagram လေတပ်စခန်းမှာရှိတဲ့ နေတိုးတပ်ဖွဲ့က မီးရှို့ခဲ့တာကြောင့် ဆန္ဒပြပွဲတွေ စဖြစ်လာတဲ့ အင်္ဂါနေ့ကတည်းကဆိုရင် သေဆုံးရသူ စုစုပေါင်းက ၂၇ ဦးတောင် ရှိသွားပြီလို့ ဆက်ပြောပါတယ်။
အမေရိကန်သမ္မတ ဘရက်အိုဘားမား (Barack Obama) နဲ့ အခြား အရာရှိတွေဘက်က မူစလင် ဘာသာဝင်တွေရဲ့ အထွဋ်အမြတ် စာအုပ်တွေကို မီးရှို့ခဲ့တဲ့အပေါ် တောင်းပန်လာခဲ့ပေမဲ့ အာဖဂန်နိုင်ငံနဲ့ အိမ်နီးချင်း ပါကစ္စတန်နိုင်ငံတွေက ဒေါသူပုန်ထမှုတွေကိုတော့ ဖြေလျော့ပေးနိုင်ခြင်း မရှိသေးပါဘူး။
တချိန်တည်းမှာပဲ အာဖဂန်ကာကွယ်ရေး ဝန်ကြီးဌာနက လမ်းဘေးထောင်ဗုံးတစ်ခုကို စနက်တန်ဖြုတ်ပစ်ဖို့ ကြိုးပမ်းခဲ့စဉ်မှာ အာဖဂန်စစ်သား ၆ ဦး သေဆုံးခဲ့ပြီး နောက်ထပ် ၁၆ ဦးလည်း ဒီနေ့ စနေနေ့မှာပဲ ဒဏ်ရာတွေ ရသွားကြတယ်လို့ ဆိုပါတယ်။

အီရန် ပြဿနာကြောင့် ကမ္ဘာ့ ရေနံဈေးတက်
By ဗွီအိုအေ (မြန်မာဌာန)
ရေနံထုတ်လုပ်တဲ့ အီရန်နိုင်ငံရဲ့ နျူကလီးယား အစီအစဉ်တွေ ရပ်ဆိုင်းအောင် အနောက်နိုင်ငံတွေက ကြိုးပမ်းနေချိန်မှာပဲ ရေနံဈေးနှုန်းကတော့ ကမ္ဘာ့ဈေးကွက်မှာ ထပ် တက်သွားပါတယ်။ အမေရိကန် ရေနံစိမ်းဟာ နယူးယောက်ဈေးကွက်မှာ နှစ်ကြိမ်ဆက်တိုက် မြင့်တက်လာပြီး အခု သတင်းပတ်ကုန်ချိန်မှာတော့ တစ်ပီပါကို ၁၀၉.၇၄ ဒေါ်လာနှုန်းနဲ့ ၉ လအတွင်း အမြင့်ဆုံး ဖြစ်သွားပါတယ်။
ဘရန့် ရေနံစိမ်းဟာလည်း လန်ဒန်ဈေးကွက်မှာ တစ်ပီပါကို ၁၂၅.၄၇ ဒေါ်လာအထိ မြင့်တက်သွားပါတယ်။ အမေရိကန် ရေနံအကဲခတ်တစ်ဦး ဖြစ်တဲ့ စတီဖင်ရှော့ ကတော့ ဈေး ဆက်တက်လိမ့်မယ်၊ အီရန် နျူကလီးယား အစီအစဉ်ကို အမေရိကန်၊ အစ္စရေးနဲ့ ဥရောပနိုင်ငံတွေက ကြိုးပမ်းနေရင်းနဲ့ အရှေ့အလယ်ပိုင်းဒေသမှာ စစ်ပွဲသစ်တစ်ရပ် ဖြစ်လာမယ့်အရေးကိုလည်း ကုန်သည်တွေ စိုးရိမ်နေကြတဲ့အကြောင်း ပြောပါတယ်။
အီရန်နိုင်ငံကတော့ သူ့ရဲ့ နျူကလီးယား ဟာ အရပ်ဖက်မှာ သုံးဖို့အတွက်သာ ဖြစ်တယ်၊ စိုးရိမ်စရာ မရှိဘူးလို့ ပြောဆိုထားတာပါ။ အီရန်အစိုးရဟာ ဗြိတိန်နဲ့ ပြင်သစ်တို့ကို ရေနံရောင်းချမှု ဒီတပတ် အစောပိုင်းမှာပဲ ဖြတ်တောက်ခဲ့တာ ဖြစ်ပါတယ်။ တခြား ဥရောပနိုင်ငံတွေဆီ ရောင်းချတာတွေကိုလည်း ရပ်ဆိုင်းပစ်မယ်ဆိုပြီး ခြိမ်းခြောက်နေတာလည်း ဖြစ်ပါတယ်။

လူ့အခွင့်အရေး ချိုးဖောက်မှုအတွက် အာဆဒ်ကို အမေရိကန် သတိပေး
By ဗွီအိုအေ (မြန်မာဌာန)
ဆီးရီးယားနိုင်ငံမှာ အကြမ်းဖက်မှုတွေ တိုးလာနေတာနဲ့ ပတ်သက်ပြီး အမေရိကန် သမ္မတ ဘရက်အိုဘားမားနဲ့ နိုင်ငံခြားရေးဝန်ကြီး ဟီလာရီကလင်တန်တို့က ပြင်းပြင်းထန်ထန် ဝေဖန်လိုက်ကြပါတယ်။ ဆီးရီးယားနိုင်ငံမှာ အပစ်မဲ့ ပြည်သူတွေကို သတ်ဖြတ်မှုတွေ ရပ်ဆိုင်းသွားစေဖို့အတွက် လုပ်ဆောင်နိုင်မယ့် ကိစ္စအားလုံးကို အမေရိကန်နဲ့ မဟာမိတ်တွေက စဉ်းစားရမှာဖြစ်ပြီး ဆီးရီးယားသမ္မတ ဘက်ရှာအယ်လ်အာဆဒ်ကို နိုင်ငံတကာ အသိုင်းအ၀ိုင်းကနေ ပြတ်ပြတ်သားသား ပြောရမယ့် အနေအထား ရောက်နေပြီလို့ သမ္မတ အိုဘားမားက ပြောပါတယ်။
ဆီးရီးယား နိုင်ငံသားတွေရဲ့ ရပိုင်ခွင့်တွေကို ချိုးဖောက်နေမှုတွေနဲ့ အတိုက်အခံတွေကို မချေမုန်းဖို့အတွက် နိုင်ငံတကာရဲ့ တောင်းဆိုမှုတွေကို လစ်လျူရှုနေတဲ့ ဆီးရီးယားသမ္မတ အနေနဲ့ ကြီးကြီးမားမား ပေးဆပ်ရဖို့ရှိတယ်လို့ အမေရိကန် နိုင်ငံခြားရေးဝန်ကြီး ဟီလာရီကလင်တန်က ပြောပါတယ်။ ဆီးရီးယားမှာ အစိုးရ ဆန့်ကျင် ဆန္ဒပြမှုတွေကြောင့် ထောင်နဲ့ချီ သေဆုံးရမှုတွေ အဆုံးသတ်စေဖို့အတွက် ထပ်မံကြိုးစားတဲ့အနေနဲ့ တူနီးရှားနိုင်ငံမှာ သောကြာနေ့က နိုင်ငံပေါင်း ၇၀ ကျော်က ကိုယ်စားလှယ်တွေနဲ့ နိုင်ငံတကာ အဖွဲ့အစည်းတွေ တွေ့ဆုံ ဆွေးနွေးပွဲမှာ ၀န်ကြီးကလင်တန်က ပြောသွားတာပါ။
Friends of Syria လို့ခေါ်တဲ့ အနောက်နိုင်ငံတွေနဲ့ အာရပ်နိုင်ငံတွေ ဦးဆောင်တဲ့ အဖွဲ့ဟာ တူနီးရှားနိုင်ငံ တူးနစ် မြို့မှာ စုဝေး တွေ့ဆုံကြပြီး ဆီးရီးယား အစိုးရအနေနဲ့ အကြမ်းဖက်မှုတွေ အားလုံးကို ချက်ချင်း ရပ်ဆိုင်းပစ်ဖို့နဲ့ ဆိုးဆိုးရွားရွား ထိခိုက်မှုရှိနေတဲ့ ဒေသတွေအတွက် နိုင်ငံရပ်ခြားက လူသားချင်းစာနာမှု အကူအညီတွေ ပေးခွင့်ပြုဖို့အတွက် တောင်းဆိုလိုက်ပါတယ်။ တကယ်လို့ မစ္စတာ အာဆဒ် အစိုးရအနေနဲ့ ဆီးရီးယား ပြည်သူတွေ အပေါ် အကြမ်းဖက် တိုက်ခိုက်မှုတွေ ရပ်ဆိုင်းဖို့ အာရပ်နိုင်ငံများ အဖွဲ့ချုပ်ရဲ့ တင်ပြချက်ကို လိုက်နာဖို့ ငြင်းဆန်နေမယ်ဆိုရင် အတိုက်အခံအဖွဲ့ကို လက်နက် တပ်ဆင်ပေးဖို့ကိုလည်း တက်ရောက်လာတဲ့ နိုင်ငံတွေက စဉ်းစားကြဖို့ ဆီးရီးယား အမျိုးသားကောင်စီက တိုက်တွန်းခဲ့ပါတယ်။

ကြားဖြတ်ရွေးကောက်ပွဲ နိုင်ငံတကာ စောင့်ကြည့်ခွင့်ရဖို့ ကုလမျှော်လင့်
By ကိုအောင်လွင်ဦး
မြန်မာနိုင်ငံမှာ မကြာခင်ကျင်းပမယ့် ရွေးကောက်ပွဲတွေ လွတ်လပ်မျှတမှု ရှိစေရေး ပြင်ပက အကဲခတ်တွေ စောင့်ကြည့်ခွင့်ရမယ်လို့ မျှော်လင့်တဲ့အကြောင်း ကုလသမဂ္ဂရဲ့ မြန်မာနိုင်ငံဆိုင်ရာ အထူးကိုယ်စားလှယ်က ပြောလိုက်ပါတယ်။ မြန်မာအစိုးရက ပြုပြင်ပြောင်းလဲမှုတွေ လုပ်ပါမယ်လို့ ကတိက၀တ် ပြုထားရာမှာ အဓိကစမ်းသပ်ချက် တစ်ခုအဖြစ် မြင်နေကြတဲ့ ကြားဖြတ် ရွေးကောက်ပွဲတွေကို လေ့လာသူတွေ ၀င်ခွင့်ပြုဖို့ ကမ်းလှမ်းချက်တွေ ထွက်ပေါ်နေချိန်မှာပဲ ကုလသမဂ္ဂ အတွင်းရေးမှူးချုပ်ရဲ့ အထူးအကြံပေးပုဂ္ဂိုလ် ဗီဂျေးနမ်ဘီးယား (Vijay Nambiar) က ပြောလိုက်တာပါ။ အပြည့်အစုံကိုတော့ ကိုအောင်လွင်ဦးက တင်ပြထားပါတယ်။
မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းစဉ်မှာ ပြည်တွင်းပြည်ပက မြင်တွေ့လိုတဲ့ အဓိက ကိစ္စရပ် တစ်ခုအဖြစ် လွှတ်တော် ကြားဖြတ် ရွေးကောက်ပွဲတွေ လွတ်လပ်မျှတမှု ရှိစေရေး သေချာအောင် လုပ်ဖို့လိုမယ်လို့ ကုလသမဂ္ဂ အထူးကိုယ်စားလှယ်က ပြောလိုက်တာပါ။ မြန်မာနိုင်ငံကို ၅ ရက်ကြာ ခရီးစဉ်အတွင်း ဆွေးနွေးခဲ့တာတွေနဲ့ ပတ်သက်ပြီး နယူးယောက် ကုလသမဂ္ဂ ရုံးချုပ်မှာ သောကြာနေ့က သတင်းစာ ရှင်းလင်းပွဲတစ်ရပ် ပြုလုပ်ရင်းနဲ့ ပြုပြင်ပြောင်းလဲရေး လုပ်ငန်းစဉ်မှာ အရေးကြီးတဲ့ ခြေလှမ်းတစ်ရပ်အဖြစ် ကုလသမဂ္ဂ အတွင်းရေးမှူးချုပ်ရဲ့ အထူးအကြံပေးပုဂ္ဂိုလ် ဗီဂျေးနမ်ဘီးယား က ထည့်သွင်း ပြောဆိုသွားတာ ဖြစ်ပါတယ်။
“ဧပြီလ ၁ ရက်နေ့ ကြားဖြတ်ရွေးကောက်ပွဲတွေဟာ ထူးခြားတယ်လို့ ယူဆရပါလိမ့်မယ်။ ဒီရွေးကောက်ပွဲတွေကို အများက ယုံကြည် လက်ခံနိုင်ဖို့ အတွက်ကတော့ လွတ်လပ်မျှတမှု ရှိဖို့နဲ့ အားလုံး အတူတကွ ပါဝင်တာတွေ့ရဖို့ လိုပါတယ်။ ဒီနေရာမှာ ပါတီတွေ အားလုံး လွတ်လွတ်လပ်လပ် တန်းတူရည်တူ ယှဉ်ပြိုင်နိုင်ခွင့် ရှိဖို့နဲ့ ပြီးပြည့်စုံပြီး ပွင့်လင်းမြင်သာမှု ရှိရပါလိမ့်မယ်။ ဒီကိစ္စကိုလည်း တွေ့ဆုံခဲ့သူ အားလုံးနဲ့ ကျနော် ဆွေးနွေးဖြစ်ပါတယ်။”
ကုလသမဂ္ဂ အထူးကိုယ်စားလှယ်ရဲ့ ပြီးခဲ့တဲ့ သီတင်းပတ်ထဲ မြန်မာနိုင်ငံ ခရီးစဉ် အတွင်းမှာတော့ အစိုးရ တာဝန်ရှိသူတွေနဲ့ သာမက၊ ဒေါ်အောင်ဆန်းစုကြည် အပါအ၀င် မြန်မာ့ဒီမိုကရေစီရေး လှုပ်ရှားသူတွေ၊ တိုင်းရင်းသား အဖွဲ့အစည်းတွေနဲ့ လူမှုအသိုင်းအ၀ိုင်းက ပုဂ္ဂိုလ်တွေနဲ့လည်း တွေ့ဆုံခဲ့တာပါ။ ရွေးကောက်ပွဲ အကြိုအဖြစ် ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီ အဖွဲ့ချုပ် (NLD) ပါတီက စည်းရုံးလှုပ်ရှားမှုတွေအတွင်း အဟန့်အတားတချို့ ရှိခဲ့တယ်ဆိုတဲ့ သတင်းတွေ ထွက်ပေါ်ခဲ့တာကြောင့် ရွေးကောက်ပွဲမှာ လွတ်လပ်မျှတမှု အခြေအနေတွေအပေါ် စိုးရိမ်မကင်းသံတွေလည်း ထွက်ပေါ်ခဲ့တာပါ။ ကုလသမဂ္ဂ အတွင်းရေးမှူးချုပ်ရဲ့ အကြံပေးပုဂ္ဂိုလ်ကတော့ ရွေးကောက်ပွဲတွေ အများအမြင်မှာ လက်ခံနိုင်တဲ့ အခြေအနေဖြစ်အောင် ပြင်ပက လွတ်လပ်တဲ့ အကဲခတ်တွေကို လက်ခံလိမ့်မယ်လို့ မျှော်လင့်တဲ့အကြောင်း ပြောပါတယ်။
“ဧပြီလ ၁ ရက်နေ့ ကျင်းပမယ့် လက်ရှိ ရွေးကောက်ပွဲအတွက် ပံ့ပိုးမှုတွေ အကူအညီတွေ အခုအချိန်အထိတော့ ကုလသမဂ္ဂဆီက တောင်းခံတာမျိုး မရှိသေးပါဘူး။ အခုအချိန်အထိ ဘာမှ ကမ်းလှမ်းတာမျိုးလည်း မရှိသေးပါဘူး။ မကြာသေးခင်က သမ္မတ ပြောတဲ့ အထဲမှာတော့ အာဆီယံကနေ တချို့ အကဲခတ်တွေကို လက်ခံသွားဖို့ ဆန္ဒရှိတဲ့ သဘောထားရှိတယ်လို့ ကျနော် နားလည် ထားပါတယ်။ အာဆီယံ အသင်းကလည်း ကမ်းလှမ်းထားပါတယ်။ မြန်မာအာဏာပိုင်တွေ အနေနဲ့ အာဆီယံက အကဲခတ် တချို့ကို ကြိုဆိုမယ်လို့လည်း ကျနော်တို့ မျှော်လင့်ပါတယ်။”
အခုအချိန်အထိ ရွေးကောက်ပွဲအတွက် ကုလသမဂ္ဂက အကူအညီ တောင်းခံတာမျိုး မရှိပေမဲ့၊ ၂၀၁၅ ခုနှစ် အထွေထွေ ရွေးကောက်ပွဲတွေ ကျရင်တော့ ကုလသမဂ္ဂက ကူညီပံ့ပိုးမှုတွေ ပေးနိုင်မယ့် အစီအစဉ်တွေကိုတော့ ဆွေးနွေး ဖြစ်တယ်လို့လည်း အထူးကိုယ်စားလှယ်က ပြောပါတယ်။ ကြားဖြတ်ရွေးကောက်ပွဲအပြင် မြန်မာနိုင်ငံရဲ့ အသွင်ကူးပြောင်းရေး လုပ်ငန်းစဉ်မှာ အရေးတကြီး ဆောင်ရွက်ဖို့ ကျန်နေတဲ့ ကိစ္စတွေ အဖြစ်နဲ့ တိုင်းရင်းသား လက်နက်ကိုင်တွေနဲ့ ငြိမ်းချမ်းရေး ရယူပြီး ပြန်လည် သင့်မြတ်မှုရအောင် ဆောင်ရွက်သွားဖို့၊ အထူးသဖြင့်ကတော့ ပဋိပက္ခတွေ ဖြစ်ပွားနေတဲ့ ကချင်ပြည်နယ်တွင်းက အိုးအိမ်စွန့်ခွာ ထွက်ပြေးနေရသူတွေ အရေးကို ဖြေရှင်းဖို့တွေလည်း လိုအပ်နေတယ်လို့ ပြောသွားတာပါ။ ဒီလိုပဲ တိုင်းပြည်ရဲ့ လူမှုရေးနဲ့ စီးပွားရေး ကဏ္ဍတွေမှာ ဖွံ့ဖြိုးတိုးတက် လာစေဖို့အတွက် ကျန်းမာရေး ပညာရေးနဲ့ အလုပ်အကိုင် ရရှိရေး ကိစ္စတွေကို ဖန်တီးပေးရလိမ့်မယ်လို့လည်း တိုက်တွန်းသွားတာပါ။
တချိန်တည်းမှာပဲ မြန်မာအစိုးရရဲ့ ပြုပြင်ပြောင်းလဲမှုတွေကို တုံ့ပြန်တဲ့ အနေနဲ့ နိုင်ငံတကာ အသိုင်းအ၀ိုင်းက အရေးယူ ကန့်သတ် ထားတာတွေကိုလည်း ဖယ်ရှားသွားဖို့ လိုမယ်လို့ ကုလသမဂ္ဂ အတွင်းရေးမှူးချုပ်ရဲ့ အထူးအကြံပေး ပုဂ္ဂိုလ် နမ်ဘီယား က ပြောပါတယ်။ မြန်မာအစိုးရအပေါ် ဆယ်စုနှစ်တွေနဲ့ချီ အရေးယူဒဏ်ခတ်မှုတွေ ချမှတ်ထားတဲ့ အမေရိကန် ပြည်ထောင်စုကတော့ အရေးယူ ဒဏ်ခတ်မှုတချို့ကို လျှော့ပေါ့တဲ့ အနေနဲ့ နိုင်ငံတကာ ဘဏ္ဍာရေး အဖွဲ့အစည်းတွေ မြန်မာနိုင်ငံကို နည်းပညာပိုင်းအရ ကူညီခွင့်ပြုတဲ့အကြောင်း ဖေဖော်ဝါရီ လဆန်းပိုင်းမှာပဲ ကြေညာခဲ့တာ ဖြစ်ပါတယ်။

ဆီးရီးယား ဒဏ်ရာရသူများကို ကြက်ခြေနီအဖွဲ့ မကယ်နိုင်
By ဗွီအိုအေ (မြန်မာဌာန)
ဆီးရီးယားနိုင်ငံ ဟုမ်းစ် (Homs) မြို့မှာ ပိတ်မိနေကြတဲ့ ဒဏ်ရာရ ဒုက္ခသည်တွေ အတွက် အရေးပေါ် ကယ်ဆယ်ရေး လုပ်ငန်းတွေ စနေနေ့မှာ ပြန်စနိုင်ခြင်း မရှိဘူးလို့ နိုင်ငံတကာ ကြက်ခြေနီအဖွဲ့ ICRC က ပြောပါတယ်။
အစိုးရနဲ့ အတိုက်အခံ အင်အားစုတွေနဲ့ စနေနေ့က ပြုလုပ်ခဲ့တဲ့ တွေ့ဆုံ ဆွေးနွေးမှုက သိသာတဲ့ ရလဒ်တွေ ထွက်မလာဘူးလို့ ICRC ပြောခွင့်ရပုဂ္ဂိုလ်က ပြောပါတယ်။ ဟုမ်းစ်မြို့ထဲဝင်ပြီး ကယ်ဆယ်ရေး လုပ်ငန်းတွေ လုပ်နိုင်ရေးအတွက် ဆွေးနွေးမှုတွေကို တနင်္ဂနွေနေ့မှာ ဆက်လက် ပြုလုပ်သွားမယ်လို့ ICRC ပြောခွင့်ရပုဂ္ဂိုလ်က ပြောပါတယ်။
မြို့တွင်းမှာ ပိတ်မိနေကြတဲ့ ဒုက္ခသည်တွေကို အကူအညီတွေ ပေးနိုင်ရေးအတွက် ဆီးရီးယား အစိုးရဘက်က တနေ့မှာ ၂ နာရီလောက် အပစ်အခတ် ရပ်စဲပေးဖို့ သူတို့အနေနဲ့ တောင်းဆိုနေတာ ဖြစ်တဲ့အကြောင်း ICRC ပြောခွင့်ရပုဂ္ဂိုလ်က ဗွီအိုအေကို ပြောပါတယ်။
သောကြာနေ့တုန်းကတော့ ဟုမ်းစ်မြို့ Baba Amr အရပ်ကနေ ဒဏ်ရာရ ကလေးငယ်နဲ့ အမျိုးသမီး ၂၀ လောက်ကို ICRC နဲ့ ဆီးရီးယား အာရပ် လခြမ်းနီအဖွဲ့တို့က ကယ်ထုတ်နိုင်ခဲ့ပါတယ်။ သူတို့အနေနဲ့ ဒဏ်ရာရနေကြတဲ့ အနောက်တိုင်း သတင်းထောက် ၂ ယောက်နဲ့ သေဆုံးသွားကြတဲ့ အနောက်တိုင်းသတင်းထောက် ၂ ယောက်တို့ကို အခုချိန်ထိ အပြင်ကို ကယ်ထုတ်နိုင်ခြင်း မရှိသေးပါဘူး။
ဆီးရီးယားအစိုးရက စနေနေ့မှာ ဟုမ်းမြို့ကို ထပ်မံ ဗုံးကျဲ တိုက်ခိုက်ခဲ့တဲ့အတွက် အထဲမှာ ပိတ်မိနေကြတဲ့ ထောင်ပေါင်းများစွာသော ဒုက္ခသည်တွေဟာ အပြင်ကို မထွက်နိုင်ဘဲ ဖြစ်နေကြတာပါ။