ဘလ္လာတိယဇာတ်၊ ဗိုလ်ချုပ်၏သမိုင်းတင်စကားနှင့် ကျွန်တော့်နှလုံးသားတွင် စွဲစွဲထင်ထင်

by Ko Myo on Monday, February 14, 2011 at 5:37pm

    စားပွဲရှေ့က အ၀ါရောင်စာရွက်ပိုင်းလေးတွေကိုအကြည့်
ရောက် တော့“ဖေဖော်ဝါရီ ၁၄ အချစ်ဂျာနယ်” ဟူသည့်စာ
သားလေး မှတ် ထားချက်ကိုမြင်မိသည်။Valentine Day
အတွက် အချစ်အကြောင်း တစ်စုံတစ်ရာရေးဖို့ မှတ်ထားတာ
ပါလားဆိုသည်အား ပြန်အမှတ်ရ သည်။ စာရေးသူဆို
သည်မှာ ရာသီစာလိုက်၍ ရေးရသည်လည်းရှိ သည်။
    တကယ်ဆို ဖေဖော်ဝါရီလအတွင်းမှာ ၁၄ ရက်နေ့ဆိုသည့်
နေ့တစ်နေ့အတွက်သာ ကျွန်တော်တို့ အမှတ်တရ စာရေးကြမည်
ဆိုလျှင်တော့ လွန်စွာရှက်ဖွယ်ကောင်းပါမည်။

      ဤလအတွင်း၊ ဤရက် ၀န်းကျင်အတွင်း ကျွန်တော်တို့နိုင်ငံ
အတွက်အထင်ကရနေ့တွေက စီတန်းနေသည်မဟုတ်ပါလား။
     ဖေဖော်ဝါရီ ၁၂ ရက်နေ့က ကျွန်တော် တို့တိုင်းပြည်ကြီး
စုစည်းအားဖြင့်လွတ်လပ်ရေးကို တောင်းဆိုနိုင်ဖို့ ပင်လုံစာချုပ်
ချုပ်ဆိုခဲ့သော နေ့ရက်၊တစ်နည်းဆိုသော် ပြည်ထောင်စု စိတ်
မွေးမြူခဲ့သော ပြည်ထောင်စုနေ့။ထို့နည်းတူ ဖေဖော်ဝါရီ ၁၃ ဆို
သည့် နေ့ထူးနေ့မြတ်မှာလည်း မြန်မာ့လွတ်လပ်ရေးဗိသုကာကြီး
ဗိုလ်ချုပ်အောင်ဆန်းအား ဖွားမြင်ခဲ့သောနေ့ရက်“ဗိုလ်ချုပ်မွေးနေ့”။
     မည်သို့ဆိုစေ ကျွန်တော်ကတော့ ခေတ်ကာလနှင့်အညီ
ချစ်ခြင်းဖွဲ့သီ နေကြသော ဖေဖော်ဝါရီ(၁၄)၏ ချစ်ခြင်းမေတ်္တာချယ်
်မှုန်းမှုအားလည်းအမြင်မစောင်းလို မရှုတ်ချလိုပါ။ တိုင်းတစ်ပါးက၊
နိုင်ငံတကာက ကူးဆက်လာသည့်နေ့ရက်တစ်ရက်ကို လူငယ်
တွေကြား ရေပန်းစား စေခဲ့ခြင်းမှာ ကျွန်တော်တို့မီဒီယာ၏ပယောဂ
လည်း မကင်းပါဟု ခံယူရင်း ဖေဖော်ဝါရီ ၁၄ မတိုင်မီ ဖေဖော်ဝါရီ
၁၃ ဗိုလ်ချုပ်မွေးနေ့၊ဖေဖော်ဝါရီ ၁၂ ပြည်ထောင်စုနေ့တို့ကိုလည်း
ချစ်မြတ်နိုးနေစေလို ကြောင်း ချစ်ပရိသတ်အားချစ်ခြင်းစကားဖြင့်
တိုက်တွန်းလိုပါ၏။
    ကျွန်တော်၏နှလုံးသားထဲမှာ ချစ်ခြင်းတို့နှင့်အတူ အထူးကိန်းဝပ်
သည့်စာပေလင်္ကာတွေထဲ ဘလ်္လာတိယပျို့သည် ထိပ်တန်းက
ပါသည် ဟုဆိုနိုင်၏။တွင်သင်းမင်းကြီးဦးထွန်းညိုရေးသော ဘလ္လာ
တိယပျို့ ဖြစ်သည်။ ဘိုးတော်မင်းတရားကြီးလက်ထက် အိမ်ရှေ့
မိဖုရားအလိုရှိ သဖြင့် ဤပျို့ကိုရေးကြောင်းမှတ်သားဖူးသည်။
    ဤပျို့သည်လည်း အစဉ်အလာအတိုင်း ဘုရားဟောနိပါတ်
တွေကို အခြေခံပြီး ဘလ်္လာတိယ ၀တ်္ထုကို ပျို့လင်္ကာစပ်နည်းဖြင့်
သာယာအောင်အလှဆင်ခြယ်မှုန်း ထားခြင်းပင်။ ကျွန်တော်ချစ်
သည့် ဤပျို့၏လက်ဦးမစွဘလ္လာတိယ ၀တ္ထုမှာ ကောသလ
မင်းကြီးနှင့်မဏ္ဍိကာမိဖုရားတို့ အငြင်းပွားကာတစ်ဦး နှင့်တစ်ဦး
မကြည့်ချင်မမြင်ချင်လောက်အောင်ဖြစ်ရစဉ် သာသနာတော်
ကို စောင့်ရှောက်နေသောဒါယကာမင်းနှင့် မင်းမိဖုရား တရားရစေရန်
မြတ်စွာဘုရားက ဟောကြားသော နိပါတ်ဖြစ်သည်။ ထို့အတူ
ကျွန်တော်ချစ်သောပျို့တစ်ပိုဒ်လောက်ကိုလည်း မျှဝေလို၏။
    “နောင်သံသရာ၊ ဆများစွာနှိုက်၊ မေတ်္တာမယို၊ တကိုယ်ညီစေ၊
ဖြစ်လိုလေဟု၊နေ့ရေမခြား၊ ငါဘုရားဝယ်၊ နှံထားဆုစက်၊ ယူသည်
လျက်တည့်၊ မပျက်စရာ၊သင်္ချာသင်္ချေ၊ နှစ်ရေရှည်ရင့်၊ ဝေးခေါင်မြင့်
သား၊ ယခင့်ရှေးခါ၊ ကိန်္နရာဖိုမ၊ သက်ချင်းမျှလျက်၊ တကွမကွာ၊
ဖြစ်ကြရာ တွင်၊ စေတနာရှက်ကူး၊ ချစ်ဘူးသည်များ၊နှလုံးထားလော့၊
ချောင်းခြား လှည့်တုံ၊ တညရုံကို၊ တစုံမက်မက်၊ ချစ်သက်ရွှင်ဖြိုး၊
ချစ်ညွန့်တိုး၍ ချစ်ကြိုးတင့်လွန်း၊ ချစ်ရည်သွန်းလျက်၊ ချစ်ပန်းပွင့်ကြ
သည်တကား”
    မည်မျှလှသော၊ အေးသော  သန္တ ရသပါလဲ။ဘလ္လာတိယပျို့၏
သန္တရသသည် အေးမြရုံမက ဘလ်္လာတိယဇာတ်နိပါတ်သည်လည်း
ဘုရားဟောမို့ညွှန်လိုခြင်းမဟုတ် လွန်စွာမှအချစ်၏ သဘောကို
ပေါ်လွင်စေသည်ဟုကျွန်တော်မြင်၏
    ကောသလမင်းကြီးနှင့် မလ်္လိကာမိဖုရားကြီးတို့ကို အကြောင်းပြု
သည်ပဲဆိုဆို၊ကိန္တွရာဖိုနှင့်ကိန္တွရီမတို့၏အချစ်ကို ဖော်ကျူးသည်ပဲ
ပြောပြော ထိုနှစ်စုံနှစ်ဖက်၏အချစ်ကို ဘလ်္လာတိယဇာတ်မှာ ဖော်
်ကျူး ထားရာ ဘလ်္လာတိယမင်းကြီး တောကစားထွက်ရင်း ပစ်ကွင်း
အတွင်း ကိန္တွရာဖိုနှင့် ကိန္တွရီမတို့ ပွေ့ပိုက်ငိုကြွေးနေပုံနှင့်၎င်းတို့ငို
ကြွေးရခြင်း အကြောင်းရင်းက ရှေ့မှာ ဆိုခဲ့သလိုပင် အချစ်၏
သဘောကိုပေါ်လွင် စေခြင်းပင်။ ဘလ်္လာတိယမင်းကြီး၏အမေးကို
ကိန္တွရီမဖြေသည်က“ငါတို့သည် တညဥ့်မျှ ကွေကွင်းခဲ့ရသောကြောင့်
ငိုကြွေးကြခြင်းဖြစ်၏” ဟူ၍။တစ်ညဥ့်တာကွေကွင်းရခြင်းကိုတော့ ပျို့
မှာဤသို့ဖွဲ့၏။
    “ဝေသီမြင့်ခေါင်၊ တောင်နှစ်လုံးကြား၊ စီးရစ်သွားသည်၊ မြစ်ကား
လယ်ကောင်၊ဖောင်ကားထိုးဝယ်၊ မယ်ကားသည်ဖက်၊ လှိုင်းကတက်
၍၊ရက်လည်းသဲသဲ၊၀ဲလည်းရစ်ခွေ၊ ရေလည်းတင်းကျမ်း၊ ကမ်းကိုမမြင်၊
ယဉ်ဖျင်ဖျင်နှင့်၊ ကြောက်ချင်ဖွယ်လိ၊မျက်စိဝေမှောင်၊ တောင်ကား
အနောက်၊မြောက်ကားရှေ့ထင်၊ မဲ့ရွှေရင်မှာ ပူပင်လှ၏”(ဘလ်္လတိယ
ပျို့၊ စာပိုဒ် ၂၁)။
    မချစ်တတ်သူတို့ကတော့ ဤအဖြစ်ကို ပိုသည်ထင်မည်။ မိုးရွာ
စဉ် တောင်ကျရေကြောင့် ကိန်္နရာချောင်းခြားအဖြစ်က တစ်ညတာ
ဝေးသည်အား အနှစ်ခုနစ်ရာ ငိုကြွေးကြသည်ဟုဆို သည်ကြောင့်
လည်း ထင်ဖွယ်ရာ။ ဘလ်္လာတိယမင်းကြီးကိန္တွရာ၊ ကိန္တွရီတို့ဆုံစဉ်မှာ
သူတို့ ငိုကြွေး၍ အနှစ် ခုနစ်ရာပြည့်ရန် သုံးရက်အလို။ကျွန်တော်က
တော့ဘုရားဟောနိပါတ်ကို မပိုမလိုဟုသဘောချပ်နိုင်ပါ၏။
      လက်နက် နိုင်ငံကြီးကို အစိုးရသောလက်ရုံး ရှင်ဘလ်္လာတိယ
မင်းကြီးပင်ကိန်္နရီမ၏အဖြေကြောင့် နန်းရပ်ကို သတိရ၊နန်းတော်ရှိကြင်
ယာမိဖုရား သခင့်ထံအပြေးပြန်ရသည်ကြောင့် အချစ်ဥပမာဥပမေယျ
တကာ တို့နက် အနောက်မှာအာဒံ၊ ဧ၀၊ ကျွန်တော်တို့ဆီမှာ ကိန္တွရီ၊
ကိန္တွရာရယ်ဟု ကျော်ကြားခြင်းပေတည်းဟု နားလည်လက်ခံမိပါ၏။
    ဤသို့ လှသော၊ နုသော ဘလ်္လာတိယပျို့၊ ဘလ်္လာတိယဇာတ်ကို
နှစ်ခြိုက်ချစ်မြတ်နိုးမှုနည်းတူ ကျွန်တော်အလေးဂရုပြုရပါသော ချစ်ရ
သောကျွန်တော်တို့မြန်မာနိုင်ငံတွင် သမိုင်းတင်သည့်စာလေး တစ်စောင်
ကိုလည်းမှတ်မှတ်ရရချစ်ခြင်းဖွဲ့စာမှာ အမှတ်တရ ဆိုလိုချင်သေး၏။
ထိုစာကား အခြားမဟုတ်၊မြန်မာ့သမိုင်းနှင့် လွတ်လပ်ရေးသမိုင်းကြောင်း
ကိုစိတ်ဝင်စားသူတိုင်းသိရှိမှတ်မိနေကြ မည့် ဗိုလ်ချုပ်အောင်ဆန်းမှ ဇနီး
ဖြစ်သူထံ ပေးစာတစ်စောင်။(လက်ရေးမူတင်ပြထား)

    “ကြည့့် 
    ပဲပြုတ်နဲ့နံပြားရရင် စားချင်တယ်” ဟူသည့် ဗိုလ်ချုပ်၏ရိုးသားမှုကိုပြ
သော၊ဇနီးအပေါ် အလေးထားမှုကိုညွှန်သော မိသားစုချစ်ခြင်းပြယုဂ်
စာကြောင်းလေးတွေကိုဖြင့် ကျွန်တော် မချစ်ဘဲ၊ အလေးဂရုမပြုဘဲ
မနေနိုင်။ စာရှုသူတိုင်းလည်းကျွန်တော့်လိုပင် ချစ်ကြ အလေးဂရုပြု
ကြမှာမလွဲ။ ဤသည်ကပဲ ခင်ပွန်းနှင့်ဇနီးတစ်ဦးအပေါ်တစ်ဦး အားကိုး
တိုးတိုးချစ်သည့် အိမ်ထောင်ဘက်အချစ်၏ပြယုဂ်ဟုဆိုပါမည်။ ကိုယ်
တွေ လေးစားအားကျသော ပုဂ်္ဂိုလ်ကြီးက အိမ်ထောင့်အရသာ၊
မိသားစု ဘ၀ သာဓကလေးတစ်ခု ထားရစ်သွားခြင်းအဖြစ်နှင့်လည်း
ကျွန်တော်သဘောကျမိရုံမက နိုင်ငံလွတ်လပ်ရေးသာ ပထမ၊
နိုင်ငံလွတ်လပ်ရေး သာ ဒုတိယ၊နိုင်ငံလွတ်လပ်ရေးသာ တတိယဟု
အချိန်ပြည့် နိုင်ငံလွတ် မြောက်ရေးအတွက်ကိုသာစိတ်နစ်ဇွဲသန်ဆောင်
ရွက်နေသူကြီးထံမှ ဤသို့ဇနီးထံအလေး ဂရုပြုသော စာလေးကျန်ရစ်
စေနိုင်ခဲ့သည့်အဖြစ် ကို ကျွန်တော်တို့ မြန်မာရေမြေရှိ တိုင်းရင်းသားလူ
မျိုးတို့၏အိမ်ထောင်ရေးသစ်္စာတရား ကြီးမားစေမှုအတွက် ကျေနပ်စရာဟု
လည်း ကျွန်တော်ခံစားလိုသည်။ ကိုယ်တွေ မည်မျှပင် အလုပ်များမြောင်
ပါစေ။ အိမ်သူသက်ထားဇနီးမယားကိုတော့  အလေးဂရုမပြုဘဲ မထား
အပ်ကြောင်းကိုယ်လိုရာ တွေးမိပါ၏။ဇနီးမယားကိုပေးသည့် စာလေးမှာပင်
ကျွန်တော်တို့အဖ ဗိုလ်ချုပ်က ပဲပြုတ်နံပြားရရင်စားချင်တယ်ဟူ၍ ရရင်ဆို
သော အသုံးလေးသုံးကာ ရိုးရိုးသားသား ဆန်္ဒပြုတောင်းခံထားပုံမှာဖြင့်
ပီတိမျက်ရည်လည်စရာပင် မဟုတ်ပါလား။

ကိုမျိုး(မြန်မာစာ)
အချစ်ဂျာနယ်၊၁၄ ဖေဖေါ်ဝါရီ၂၀၁၀မှာဖေါ်ပြခဲ့ သော
ဆောင်းပါးကိုပြန်အမှတ်ရမိပါ၍.....................။

    “ကြည့့် 
    ပဲပြုတ်နဲ့နံပြားရရင် စားချင်တယ်

 

“ကြည့့် 

ပဲပြုတ်နဲ့နံပြားရရင် စားချင်တယ်”

Valentine's Day အမီစာမူ
soft copy ပြန်လည်ရိုက်ပေးသော
အချစ်ဂျာနယ်အယ်ဒီတာချုပ် ဆရာမနီနီ(ဥပဒေ)
နှင့်အဖွဲ့ အားကျေးဇူးတင်ရှိပါ၏