အကြောင်းမြင်မှ အကျိုးထင်

ကျွန်တော်တို့သည် လူမှုဘ၀နယ်ပယ်အတွင်းတွင် လှုပ်ရှားရုန်းကန် နေရသောအခါ သိ၍ ဖြစ်စေ ၊ မသိဘဲလည်းဖြစ်စေ ဆောင်ရွက်နေတတ်မှုများရှိနေတတ်ပါသည် ။ အကြောင်းနှင့် အကျိုး၊ အဆိုးနှင့် အကောင်း၊ ဗီဇနှင့်ပတ်ဝန်းကျင်၊ ပုံသဏ္ဍန်နှင့် အတွင်းသရုပ်  ၊ ပုံဟန်နှင့် အနှစ်သာရ ၊ ကြိုတင်ပြင်ဆင်မှုနှင့် မမျှော်လင့်သော ဖြစ်ပေါ်မှု ၊ မဟာဗျူဟာနှင့် နည်းဗျူဟာ ၊ အဓိကနှင့် သာမည စသည်ဖြင့် ကျင်လည်ရာ အချိန်နှင့် အခြေအနေကိုလိုက်၍ ဆောင်ရွက်ခဲ့တတ်ကြပါသည် ။
မည်သို့ ဖြေရှင်းခဲ့ကြသည်ကို အမှတ်တမဲ့ ဖြစ်စေ ၊ အမှတ်တရဖြစ်စေဖြတ်သန်းခဲ့ကြသည်သာဖြစ်ကြပါသည်။ အနည်းငယ်စဉ်းစားကြည့်ကြပါလျှင်အကြောင်းနှင့်အကျိုးဟူသော သဘောက အခရာနေရာတွင်ရှိနေကြောင်းသိနိုင်ကြပါသည် ။ အဘယ်ကြောင့်ဆိုသော် ပညာနှင့် ဆက်စပ်နေသော ကြောင့် ဖြစ်ပါသည် ။ ပညာ၏အဓိပ္ပါယ်ကိုအကြောင်းအကျိုး၊အကောင်းအဆိုးခွဲခြားသိမြင်နိုင်သောညာဏ် ဟူ၍ ဖွင့်ဆိုကြစမြဲ ဖြစ်ပါသည် ။

မညင်းနိုင်ပါ ။ ဤသည်ကို အကျဉ်းချုပ်ပါက အကြောင်းနှင့် အကျိုးဆက်စပ်မှုကို ထင်ရှားလာစေပါသည် ။
သိင်္ဃသူ့သမီးကျောက်စာတွင် မဖြစ်လိုသည် ၊ ဖြစ်လိုသည်များကို ဆုတောင်းရာ ပညာမဲ့သော ၊ မိုက်သော ၊ ပညာရှိသော ၊အကြောင်းကို သိတတ်သော ဟူ၍ ပါရှိပါသည် ။ မြန်မာတို့အနေဖြင့် ပညာကို ရှေ့တန်းမှ ထားကြောင်းဗုဒ္ဓ ၏ အဆုံးအမများ ကိုသိမြင်လာကြကတည်းက ခိုင်မာလာခြင်းဖြစ်ပါမည် ။ ပညာအသိဖြစ်ပေါ်လာအောင် သတိ ဖြင့် ထိန်းကျောင်းခဲ့ကြပါသည် ။ ပညာဖြင့် လုပ်ဆောင်ခြင်းသည် အတ္တနှင့်ပရကိုလည်းမျှတစေနိုင်သောကြောင့်
မျက်လုံး နှစ်လုံးမြင်ခြင်းနှင့်တူကြောင်း ရှင်မဟာသီလ၀ံသ က အင်းဝခေတ်မှာပင် မြန်မာစကားပြေဖြင့် ဖွင့်ဆိုထားခဲ့ပြီးဖြစ်ပါသည် ။

အကျိုးတရားတစ်စုံတစ်ခု ရရှိလာစေရေးအတွက် အကြောင်းတစ်ခုမက ရှိတတ်ပါသည် ။ စာမေးပွဲ အောင်မြင်ခြင်းဟေူသော အကျိုးတရားမှာပင် မိဘ ( သို့မဟုတ် ) အုပ်ထိန်းသူများ၏ ပံ့ပိုးမှု ၊ ဆရာ ဆရာမများ၏ သင်ကြားပြသမှု ၊ သင်ယူသူ၏ ကြိုးစားအားထုတ်မှု ၊ ကျန်းမာရေးနှင့် ပြည့်စုံမှု စသော အကြောင်းတရားများ၏ပေါင်းဆုံမှုများက ပါဝင်နေခဲ့ပြီးဖြစ်ကြောင်းတွေ့နိုင်ပါသည် ။ ထိုအကြောင်း တရားများ၏ ညီညွတ်မှုကစာမေးပွဲ အောင်မြင်ခြင်း အကျိုးတရားကိုရရှိစေနိုင်ခြင်းဖြစ်ကာ စာမေးပွဲအောင်မြင်ခြင်း အကျိုးတရားသည် တက္ကသိုလ် ပညာသင်ကြားရေး ၊ အလုပ်ခွင်ဝင်ရေး စသောနောက်တစ်ဆင့်အတွက်အကြောင်းတရားတစ်ခုဖြစ်လာခဲ့ကြောင်း သိမြင်နိုင်ပါသည် ။

ဆက်စပ်မှုက ကွင်းဆက်များ သဖွယ် ဆက်၍ ဖြစ်ပေါ်နေတတ်ပါသည် ။ အချို့သော ကိစ္စများမှာမူ အကျိုးတရားကို မြင်သာနေသော်လည်း အကြောင်းတရားကို မမြင်သာနိုင်သော အခြေအနေများဖြင့် ကြုံတွေ့ရနိုင်ပါသည် ။ လူသားတို့ အလယ်တွင်မွေးဖွားလာကြခြင်း၊သေဆုံးခြင်းအကျိုးတရားများကို လူသားတိုင်းခံစားကြရသော်လည်း သတိပြု၍ အကြောင်းရင်းကို မရှာကြံခဲ့ ကြ၊ မရှာဖွေနိ်ုင်ခဲ့ကြပါ ။ ဗုဒ္ဓ ဘုရားရှင်က ရှာဖွေဖော်ထုတ် ကျင့်ကြံ သင်ကြား ပေးခြင်းမှ မွေးဖွားခြင်း နှင့် သေဆုံးခြင်း တို့၏ လွတ်မြောက်ရာ နိဗ္ဗာန်လမ်းကို သတိပြုနိုင်ခဲ့ကြခြင်း ဖြစ်ပါသည် ။
ထို့ အတူ လူမှုနယ်ပယ်တွင် လေရှိကြောင်း သိ၍ ရွက်ကို အသုံးချနိုင်ခြင်း ၊လျှပ်စစ်ဓါတ်သဘောကို သိမြင်လာ၍ အလင်းရောင်ထုတ်လွှင့်မှုမှသည် တိုးတက်တီထွင် အသုံးချကြခြင်းဖြင့် လူတို့၏ အတောမသတ် နိုင်သောလိုအင်ဆန္ဒ များကို တတ်နိုင်သမျှ ဖြည့်ဆည်းနိုင်ရန် သိပ္ပံ ပညာရှင်များက ကြိုးစားကြံဆောင် နေကြပါသည် ။

ဇာစ်မြစ်ဟူသော ဖြစ်စဉ်၏ အကြောင်းရင်းမှ အသုံးချနိုင်ရန် လူသားတို့၏ စိတ်ကူးအကောင်အထည်မှာ အံ့မခန်းပင်ဖြစ်ပါသည်။ ထိုသို့ ပညာရှင်များက လိုအပ်သလို ကြံဆောင်နေမှုများလာသော အခါ အချို့သော အသုံးပြုသူများမှာ အကြောင်းရင်းနှင့်
ဝေး၍ ဝေး၍ သီးခြားသဖွယ်ဖြစ်လာသည်ကို တွေ့မြင်လာရပါသည်။ လူသား၏ စ်ိတ်ဓာတ်ဖွံ့ဖြိုးမှုကို အကန့်ပိုင်းခြားလိုက်သကဲ့သို့ ဖြစ်လာရပါသည် ။ အခြားသော မက်မောဖွယ်အရာများတွင်သာ စိမ့်ဝင်နေကြခြင်းဖြင့်၎င်း ၊ ကြိုးစားရှာဖွေခြင်းမလိုပဲ အလွယ်ဖြင့် ခံစားမှုကို မြှင့်တင်နိုင်ခြင်းကြောင့်၎င်း ၊ သီးခြား လူသားအ၀န်းအ၀ိုင်းတွင် ကျင်လည်နေတတ်ခြင်းဖြင့်၎င်း ပညာနှင့် ဝေးရာဆီသို့ ရောက်သွားနိုင် ကြသည်မှာ အထင်အရှား ဖြစ်လာပါတော့သည် ။
ထိုမှ စည်းစိမ်ခံစား ယစ်မူးမှုများဖြစ်ပေါ်လာပါတော့သည် ။ စည်းစိမ်ကိုတွယ်တာမက်မောစိတ်ကြီးလာသော အခါ မိမိ၏ စည်းစိမ်ချမ်းသာ မြင့်မားမှုအတွက် တရားနည်းလမ်းကျခြငိ်း ၊ မကျခြင်းတို့ကိုဂရုမစိုက်ဘဲရ
အောင်ယူတတ်လာပါတော့သည် ။ အခြားသူများကို ထိခိုက်နိုင်  မထိခိုက်နိုင် မစဉ်းစားတော့ပါ ။ အတ္တစိတ်များကြီးထွားလာပါတော့သည် ။

ပုဂံခေတ်မှာပင် ဤအဖြစ်မျိုးနှင့် ကြုံတွေ့ခဲ့ဖူးပါသည်။ နရသီဟပတေ့မင်းသည် ရှေးအစဉ်အဆက် မင်းများ၏ လုံ့လ ကြိုးစားမှု ၊ အမျှော်အမြင်ကြီးမားမှုများကြောင့် စည်းစိမ်ချမ်းသာကို အလွယ်တကူ ခံစားနိုင်ခဲ့သော မင်းဖြစ်ခဲ့ပါသည် ။
အစားကျူးခြင်း ၊ ပညာရှင်များကို ဖျက်ဆီးခြင်း ၊ မိမိ စိတ်အလိုအတိုင်း ပြုကျင့်ရာတွင် တစ်ပါးသူ ထိခိုက်သော်လည်း ဂရုမပြုခြင်း ( သား - သီဟသူ အပေါ်တွင် မထေမဲ့မြင် ကျီစားခြင်း ၊ မိဖုရား စောလုံကို ကာအိနြေ္ဒပျက်ပြားအောင် ပြုမူခြင်း ) များပြုခဲ့ပါသည် ။

တိုင်းပြည်ရေးရာများတွင်လည်း မိမိ မထိခိုက်လျှင် ပြီးစတမ်း သဘောထား၍ စီမံခန့်ခွဲမှုများကို လျစ်လျှုရှုခဲ့ခြင်းလည်း ရှိပါသည် ။ တိုင်းသူပြည်သားများ၏လိုအပ်ချက်ကို မကြည့်မြင်နိုင်ဖြစ်ခဲ့ရပါသည် ။
လာဘ်ပေးလာဘ်ယူမှုများ ၊ အကျင့်ပျက်ခြစားမှုများ ရှိနေသကဲ့သို့ တရားစီရင်ရာတွင်လည်း မိမိ၏ အလိုကျအတိုင်း စီရင်ခဲ့ခြင်းများ ဖြစ်လာပါတော့သည် ။ မာန်မာန ဖြင့်ထင်တိုင်းကြဲလာသောအခါ ၀ါးအစည်းပြေသကဲ့သို့ စည်းလုံးညီညွတ်မှု ပျက်ပြားရေးကို ဦးတည်ခဲ့ပါတော့သည် ။ နရသီဟပတေ့ လွန်၍ စောနစ် ၊ စောမွန်နစ် မင်းတို့ နန်းတက်လာသောအခါ ထိန်းမနိုင်သောကြောင့် ပုဂံပြည်ကြီး ပျက်ပြားလာရ သည်မှာ အထင်အရှားဖြစ်ပါတော့သည်။

သမိုင်းကို လိမ်လည်၍ မရပါ ။ အခြေအနေ ၊ အချိန်အခါ မတူညီ၍လည်း အကျိုးဆက် မတူဟုယူဆ၍မရပါ။ အကြောင်းရင်းခံများ တူညီလာခဲ့ပါလျှင် အကျိုးဆက်လည်း တူညီလာနိုင်သည်သာဖြစ်ပါသည် ။ ယနေ့မြန်မာနိုင်ငံတွင် ပညာရေး မှာ နိမ့်ပါးလျက်ရှိကြောင်း ထင်ရှားနေပါသည် ။ ပညာကို တိုးတက်မြင့်မား စေပြီး စည်းစိမ်ချမ်းသာ မက်မောမှုကို ထိန်းချုပ်နိုင်မှ တိုးတက်မှု တီထွင်ကြံဆမှုများဖြင့် ကမ္ဘာ အလည်တွင် ရပ်တည်မှုခိုင်မာလာမည်ဖြစ်ပါသည် ။ စည်းစိမ်ချမ်းသာကိုသာ မက်မောပြီး ဖြည့်ဆည်းကြံဆနိုင်သော စိတ်များ မရှိပါက တဖြည်းဖြည်းလုံပါးပါး၍ သွားမည်မှာ သေချာလှပေသည် ။ ပညာတိုးတက်ရေးအတွက် ဆောင်ပုဒ်များ ၊ အမိန့်များကိုထုတ်ပြန်နေရုံနှင့် မရနိုင်ပါ ။ ကြီးကြပ်ကွပ်ကဲမှုများ ၊ စနစ်တကျ စီမံခန့်ခွဲမှုများ လုပ်ဆောင်နိုင်ရန် တတ်ကျွမ်းသူများ၏ အကူအညီ အကြံပေးချက်များကို လိုက်နာဆောင်ရွက်ရပေလိမ့်မည် ။ ပညာရေးကို အမြင်ကျဉ်းမြောင်း၍ မရနိုင်ပါ ။ ပွင့်လင်းမြင်သာမှုဖြင့် ကြိုးစားဆောင်ရွက်မှသာ အောင်မြင်နိုင်မည်ဟု ယုံကြည်နေမိပါတော့သည် ။

ငြိမ်းချမ်းမှုများစိုးမိုးလျက် ပညာဖြင့် ဦးဆောင်နိုင်ကြပါစေ
ငြိမ်းစိုးဦး
( April ; 20 ; 2011 )