ဖြစ်သမျှဇာတ်ကြောင်းတွေ အင်ယားကန်စောင်းဝယ်

Kyaw Ba Thit

ရန်ကုန်ကို ရန်ကုန်ရယ်လို့ အထင်ကရ ဖြစ်နေအောင် သဘာဝကျကျ ခြယ်သထားတဲ့အထဲမှာ သစ်ပင်ပန်းမာလ် အလှအပတွေစုံတဲ့ ကန်တော်ကြီးနဲ့ အင်ယားကန်လည်း ပါဝင်ပါတယ်။

ကန်ကြီးနှစ်ကန်ရဲ့ အပြုအပြင်မရှိ ရေညှိတွေ၊ ရေမှော်တွေ၊ အမှိုက်တွေ၊ ဒိုက်တွေ၊ ကန်စပ်က ပလပစ်စတစ်အိတ်တွေအပြင် စည်ပင်သာယာကျေးဇူးနဲ့ ကန်ပတ်လည်မှာ မီတာ ၂၀ ကို တစ်ခုံ မလောက်မငှ ချထားတဲ့ နှစ်ယောက်စာထိုင်ခုံလေးတွေကလည်း ကန်တွေကို တစ်နည်းတစ်ဖုံ ပိုပြီး ဆွဲဆောင်မှု ရှိစေပါတယ်။


သို့ကလို အလှအပ၊ ရှုခင်းပသာဒတွေနဲ့ ချယ်သထားတဲ့ ကန်တော်ကြီးနဲ့ အင်းယားကန်ဝန်းကျင်မှာ တနင်္ဂနွေလို နေ့မျိုးတွေဆို လူငယ်တွေ ကြိတ်ကြိတ်တိုး စည်ကားလေ့ရှိပါတယ်။ ခြုံကွယ်တွေမှာ နေရာယူရင်း တူတူပုန်းတမ်း ကစားကြ၊ ပွတ်ကြသပ်ကြ၊ ထီးအောက်မှာပဲ... အ၀ှာ...၊ အနုအလှ၊ ကညုကည.. ပြုကြဆွကြ။

"မြန်မာပြည်မှာ တစ်ခြားနိုင်ငံကလူတွေလို ဟိုတယ်တွေ၊ တည်းခိုခန်းတွေ ဈေးကြီးလို့ သွားခ၊ လားခ၊ တည်းခိုခ မတတ်နိုင်ကြလို့များ အခုလို လူမြင်ရာမှာ နုရွနေကြတာလား"

အတွေ့အကြုံစုံလှတဲ့ ကျွန်တော့်ဆရာတစ်ယောက်ကို အထက်ကအတိုင်း ကျွန်တော်က မေးကြည့်တော့ သူက...
"မဟုတ်ဘူး...၊ ဒီမှာက ယဉ်ကျေးမှုအရ အမျိုးသမီးတွေဘက်က တည်းခိုခန်းတို့ ဘာတို့ သွားဖို့ ချက်ချင်းကြီး မလုပ်ရဲကြဘူး" လို့ သူက ပြန်ပြောတယ်...။

"ကန်ပတ်လည်က ခြုံပုတ်နဲ့ ကျောင်းတုံးတွေပေါ်မှာ preliminary course ခေါ်တဲ့ ဇာတ်ပျိုးကို အရင် က,ကြရတာ၊ ပြီးလို့ အဆင်ပြေတော့မှ ဟိုတယ်တို့ ဘာတို့ ဆက်သွားကြတာ..." လို့ ထိုပုဂ္ဂိုလ်က အန်တိုစွာ ဆက်ပြောပါတယ်...။

"မိုးကြိုးပစ်သလို အချစ်တွေကို... ရင်ခွင်ထန်းလက်နဲ့ ကာလို့မရ..."
ဇော်ဝင်းထွဋ် ဆိုထားတဲ့သီချင်းတစ်ပုဒ် ရှိပါတယ်။ တကယ်တော့ အချစ်တင် ဟုတ်မယ်မထင်။ ခေတ်တွေ၊ စနစ်တွေ၊ အခြေအနေတွေအားလုံးကို ထန်းလက်နဲ့ ကာဖို့ မဖြစ်နိုင်ဘူး ထင်ပါတယ်။

ခေတ်တစ်ခုပေါ် ရောက်လာတဲ့ အရှိတရားကို ဇွတ်အတင်း ငြင်းဆန်ရင်း မလွဲမသွေ ရင်ဆိုင်ရမယ့် အဖြစ်အပျက်တွေကို ယဉ်ကျေးမှုစံ၊ ကိုယ်ကျင့်ပေတံတွေနဲ့ မျှတအောင် (balance) လုပ်ဖို့ မသင်ကြား၊ မဖြောင့်ဖြနိုင်ကြရင်ဖြင့် (နိုင်ငံရပ်ခြားတွေမှာတောင် မတွေ့ရတဲ့) ကိုးရိုးကားယားကိစ္စတွေ ထန်းလက်အောက်တွေမှာ ဆက်ဖြစ်နေကြဦးမယ် ထင်ပါတယ်။

"ဆရာသမားက အတွေ့အကြုံတော့ အစုံသားပဲ" လို့ ကျွန်တော်က အထင်တကြီးနဲ့ ဆက်ပြီး ဗျူးတော့ ဦးNavana က....
"ဟေ့ကောင်...၊ မင်း... ငါ ကိုယ်တိုင် ခြုံပုတ်ထဲ ထိုင်လာတယ်ဆိုပြီး လျှောက်မရေးနဲ့၊ ငါက ပညာရှိဆိုတော့ တွေးကြည့်ရုံနဲ့ သိနေတာ..." တဲ့။
နောက်ဆုံးမှာ သူ့ကိုယ်သူ ထီးနဲ့ ကာသွားပါတယ်...။

ကန်တော်ကြီးနဲ့ အင်ယားကန်ဟာ ရန်ကုန်မြို့ကို ချယ်သထားတဲ့ အလှအပတွေထဲက အကြီးမားဆုံးနေရာဌာနကြီးနှစ်ခု ဖြစ်ပါတယ်...။ ဒါပေမယ့် ဒီနေရာတွေဟာ
သားတွေ၊ သမီးတွေ၊ ရွှေမျိုးဥာတိ၊ မိသားစုတွေနဲ့ သွားလည်ဖို့ရာ သိပ်ကောင်းတဲ့နေရာတွေတော့ မဟုတ်ပါဘူး။ ။