လော်ဘီ လော်လည် လှော်ဘီ ညှော်ကြမည်

ပုံပြောကောင်းတဲ့ အန်ဂျီအို

လော်ဘီဆိုတာ ကိုယ့်ဘက်ပါအောင် ကိုယ်လိုတာပေါက်မြောက်အောင် ဟုတ်တာကော မဟုတ်တာကော ရောသမမွေပြီး မြူဆွယ်တရားဟောတဲ့ အင်္ဂလိပ်စကား Lobby ကိုပြောတာပါ။ အန်ဂျီအိုတွေ ငွေပေးပြီးပုံပြောကြတယ်။ ရေဒီယိုတွေကပြောတယ်။ ဆီမီနာတွေကပြောတယ်။ အလုပ်ရုံဆွေးနွေးပွဲဆိုတာတွေကပြောတယ်။ ဒါအတွက် သူတို့အမြတ်ထုတ်ရေးဈေးကွက်ထဲက ဘဝတွေကို လိုသလို အသုံးချနိုင်အောင်ပုံသွင်းပြန်ယူတယ်။

အမေရိကန်နိုင်ငံရေးပါတီကြီးနှစ်ခုထဲက ရီပတ်ဘလစ်ကန်ပါတီရဲ့ အတွေးအမြင်ပြန်ပွားရေး အန်ဂျီအို အိုင်အာအိုင် ( နိုင်ငံတကာ ရီပတ်ဘလစ်ကန် သိပ္ပံ- International Republcan Institute- IRI ) ကထုတ်ပြန်တဲ့ လူထုသဘောထားစစ်တမ်း သုတေသနပြုချက်အရ ကဏ္ဍနေရာအများစုမှာ အန်အယ်ဒီထက် ကြံ့ဖွတ်ကိုပိုသဘောကျထောက်ခံနေတယ်လို့ဆိုတယ်။
ကြံ့ဖွတ်ဆိုတဲ့ တိရိစ္ဆာန်နံမည်တွေကတော့ လူတကာသိတဲ့ နိုင်ငံတော်ရံပုံငွေတွေသုံး လူမှုရေးအသင်းလို့ဖွဲ့ခဲ့ပြီး ဗြောင်ခိုးဆိုင်းဘုတ်ပြောင်းပြီး နိုင်ငံရေးပါတီလို့နောက်ဖေး အိမ်သာထွက်ပေါက်က ဝင်လာတဲ့ ပြည်ထောင်ကြံ့ခိုင်ရေးနဲ့ ဖွံ့ဖြိုးရေးပါတီကိုပြောတာပါ။

ပြီးခဲ့တဲ့ရက်ပိုင်းလောက်ကပဲ အိန္ဒိယက နိုင်ငံတကာစာပေဆုရှင် အရွန်ဒါတီရွိုင်း (Arundhati Roy )ရဲ့ အိန္ဒိယ ရွေးကောက်ပွဲအကြို ဆွေးနွေးချက်လေးကို လက်ရှိဗမာပြည်တွင်းက အခြေနေတွေနဲ့ ချိန်ထိုးကြည့်နိုင်ဖို့ မိတ်ဆွေတွေကို မျှဝေခဲ့မိသေးတယ်။  အရွန်ဒါတီရွိုင်းရဲ့ဆွေးနွေးချက်က ဟိန္ဒူ အမျိုးသားရေးဝါဒီ ဘီဂျေပီပါတီရဲ့ဝန်ကြီးချုပ်လောင်းကို နိုင်ငံတကာနဲ့ နိုင်ငံတွင်း လက်ဝါးကြီးအုပ် ကုမ္ပဏီကြီးတွေက သူတို့အကွက်ရိုက်တည်ထောင်ထားတဲ့ လူမှုအဖွဲ့အစည်း (CSO) ဆိုတာတွေ သုတေသနအင်စတီကျူးရှင်းဆိုတာတွေ ပြီးတော့သူတို့ ခိုးကြောင်ခိုးဝှက်တမျိုး ဗြောင်တမျိုး ထောင်ထားတဲ့ သတင်းမီဒီယာတွေကနေဝိုင်းလှော်ပြီး အချိတ်အဆက်မိမိ လူထုကို လှည့်စား မျက်လှည့်ပြနေပုံတွေကို ဆွေးနွေးထားတာဖြစ်ပါတယ်။ ဗမာပြည်ထဲကအခြေနေတွေကို စောင်းပြောနေသလိုပဲ၊ အတော်စိတ်ဝင်စားဖွယ်ဆောင်းပါးတပုဒ်ပါ။

ဆွေးနွေးခန်းမှာ တိုင်းပြည်ရဲ့သယံဇာတအရင်းအမြစ်တွေကို နိုင်ငံရေးအာဏာနဲ့တွဲချိတ်ပြီး အသာစီးယူအမြတ်ထုတ်နေကြတဲ့ နိုင်ငံစုံနဲ့ ပြည်တွင်း ကော်ပိုရေးရှင်းကြီးတွေ ကုမ္ပဏီကြီးတွေ အချင်းချင်းကြားနိုင်ငံနယ်နိမိတ်ကိုကျော် လက်ဝါးရိုက်ပြီး သူတို့ထင်ရာစိတ်ကြိုက်ချယ်လှယ်ခွင့်ရမဲ့ လူမှုရေးနဲ့ နိုင်ငံရေးဝန်းကျင်တည်ဆောက်ကြပုံ၊ သူတို့လိုသလိုပုံသွင်းလို့ရမဲ့သူ သူတို့အကျိုးစီးပွားကို ပိုပြီးဆောင်ကြဉ်းပေးနိုင်မဲ့သူကို လူကြိုက်များအာဏာရအောင်ဝိုင်းလှော်ကြပုံကို လက်ရှိအိန္ဒိယ ရွေးကောက်ပွဲမှာ သူတို့ဘယ်လိုစည်းဝါးရိုက်ဖန်တီးနေကြတယ်ဆိုတာတွေကို ထောက်ပြဝေဖန်ရင်း ဖော်ထုတ်ရှင်းလင်းတင်ပြထားတယ်။

ခေတ်သစ်သာသနာပြုမစ်ရှင်များ

လစ်ဘရယ်လက်သစ်ဝါဒအရ နိုင်ငံစုံနဲ့ သက်ဆိုင်ရာနိုင်ငံကပြည်တွင်း ကော်ပိုရေးရှင်းကြီးတွေ ကုမ္ပဏီကြီးတွေဟာ သူတို့ရဲ့ဓနအရင်းမြစ်တွေကို ပြန်လည်မြုတ်နှံရာမှာ အရင်က သာသနာပြုမစ်ရှင်တွေလုပ်ခဲ့သလို လူမှုရေးဘဝမြင့်တင်ရေး ( Social development ) နဲ့သုတေသနလေ့လာရေးစတဲ့ပညာရေးဘက်ဆိုင်ရာ အန်ဂျီအိုတွေ လေ့လာရေးသိပ္ပံဌာနတွေ တည်ထောင်ပြီး ပြောင်းလဲရင်းနှီးမြုတ်နှံလာကြတယ်။ အဲဒီကတဆင့် လူအများရဲ့အတွေးအမြင်နဲ့ ဘဝတွေကို သူတို့စိတ်တိုင်းကျ ဖြစ်စေမဲ့ပုံစံရောက်အောင် လမ်းကြောင်းပုံဖော်ကြတယ်။ တခါတရံမှာ ပညာရေးသင်ရိုးတွေကိုတောင်ဝင်စွက်ဖက်တတ်ပါတယ်။ တခါ သူတို့အန်ဂျီအိုတွေ လေ့လာရေးသိပ္ပံ ဌာနဆိုတာတွေက သူတို့ရည်မှန်းချက်နဲ့ကိုက်အောင်ဖော်ထုတ်ထားတဲ့ ရလာဒ်တွေကို ပကတိအဖြစ်မှန် သဘောတွေ အချက်အလက်တွေဖြစ်သယောင် သူတို့ချုပ်ကိုင်ထားတဲ့ သတင်းမီဒီယာတွေကနေ ဖြန့်ချီမှိုင်းတိုက်ပြီး လူအများရဲ့အတွေးအကြံတွေကို သူတို့လိုရာကို ကျုံးသွင်းရယူပါတယ်။ ဒီလိုနဲ့ ကမ္ဘာကြီးနဲ့ လူအဖွဲ့အစည်းတွေကို သူတို့ရင်းနှီးမြုတ်နှံ အမြတ်ထုတ်နိုင်မဲ့ ဈေးကွက်ကြီးဖြစ်စေပါတယ်။

ပိုပြီးစိုးရိမ်စိတ်ပျက်စရာကောင်းတာက သူတို့တည်ထောင်ထားတဲ့ အန်ဂျီအိုတွေ ဖောင်ဒေးရှင်းဆိုတာ တွေက လူထုတွေရဲ့ဘဝပေးအခြေအနေအရပေါ်ထွက်လာတဲ့ လူထုလှုပ်ရှားမှုတွေကို သူတို့အကျိုး စီးပွားနဲ့ မကိုက်ညီရင် အထက်ကပြောခဲ့တဲ့ယန္တယားတွေကိုသုံးပြီး ရပ်တန့်အောင်လုပ် လမ်းလွဲစေအောင် လုပ်ဆောင်ကြသလို သူတို့အကျိုးစီးပွားဖြစ်မဲ့ လူထုလှုပ်ရှားမှုအတုတွေကိုလည်း အုပ်ချုပ်ရေးယန္တယားပြောင်းရေး ( Regime Change ) ဆိုတဲ့ခေါင်းစဉ်နဲ့ ဖန်တီးတတ်ပါတယ်။

အာရတ်ကမ္ဘာက ဒီမိုကရေစီနွေဦးနိုးထမှုတွေမှာ သက်ဆိုင်ရာနိုင်ငံက အုပ်စိုးသူတွေအပေါ်မူတည်ပြီး သူတို့ရပ်တည်ချက်တွေနဲ့ ပါဝင်ပါတ်သက်ပုံက ကွဲပြားပါတယ်။ အုပ်စိုးသူတွေက သူတို့နဲ့ သောက်ဖော် စားဖက် ဖောက်သည်တွေဖြစ်နေရင် လူထုအုံကြွမှုတွေကို လမ်းလွဲတာတွေ မလုပ်နိုင်ရင်တောင် မသိကျိုးကျွံပြု လစ်လျူရှုပါတယ်။ သတင်းတောင်တင်ပေးလေ့မရှိပါဘူး။ သူတို့သောက်ဖော်စားဖက် ဖောက်သည်တွေအုပ်စိုးတဲ့ အိုမန်၊ ဘာရိန်းနဲ့ ယူအေအီးစတဲ့ နိုင်ငံတွေကလူထုလှုပ်ရှားမှုတွေကို ဆွန်နီဆော်ဒီအာရေးဗျ စစ်တပ်ခေါ်နှိမ်းနှင်းတာတောင် မသိဟန်ပြုပါတယ်။ သူတို့နဲ့ ပုလင်းတူ ဗူးဆို့မဟုတ်တဲ့ လစ်ဗျားနဲ့ ဆီးရီးယားမှာတော့ တိတ်တိတ်ပုန်းလက်နက်အကူကအစပေးပါတယ်။ အီဂျစ်ကတော့ တဘာသာပါ၊ အုပ်စိုးသူကသူတို့လူ သောက်ဖော်စားဖက် မူဘာရက်၊ ဆန့်ကျင်သူတွေက အစပိုင်းမှာ ဦးစီးခဲ့တာက အလယ်အလတ်လမ်းစဉ်သမားတွေဖြစ်ပြီး တကယ်အားကောင်းလာတော့ မတရားသင်းကျေညာထားတဲ့ မွတ်ဆလင်အစွန်းရောက် ညီနောင်းသား ( Brotherhood ) တွေကိုလွတ်ပေး ရောမွေခံလိုက်ရပြီး ဘေးရောက်သွားခဲ့တယ်။

သူ့ဖောက်သည်နဲ့သူ

အဲလောက်မကြီးကျယ်ပေမယ့် အဓိကလူထုလှုပ်ရှားမှုတွေကို လမ်းလွဲစေမဲ့ လှုပ်ရှားမှုအတု အမျိုးသမီးအခွင့်အရေး၊ ဂန်ဒူးအခွင့်အရေး၊ လူမျိုးစုအခွင့်အရေးစတဲ့ခေါင်းစဉ်တွေနဲ့ ကျနော်တို့ ဗမာပြည်လို တခြားတတိယနိုင်ငံတွေမှာ အဓိကပစ်မှတ်ထားဖန်တီးတတ်ပါတယ်။ ဒီလိုဆိုတဲ့အတွက် ဒီအရေးတွေကို ဆန့်ကျင်တဲ့ သဘောမဟုတ်ပါ၊ လူတွေကြားမှာ ဓလေ့ထုံးတမ်းအရ အမြင်ကွဲလွဲနိုင်တဲ့ အရေးတွေကို ကိုင်တွယ်အသုံးချလေ့ရှိတာကို သတိချပ်ဖို့ပါ။ သက်ဆိုင်ရာ သူတို့နိုင်ငံတွေက လူထုတွေကိုလဲ အလွတ်မပေးပါဘူး။ ရည်မှန်းချက်က တကမ္ဘာလုံးက အဖိနှိပ်ခံ ဂုတ်သွေးစုတ်ခံ နင်းပြားလူတန်းစာတွေအကြား မတူကွဲပြာတဲ့ ဒေသ လူမျိုးဘာသာ ယဉ်ကျေးမှု  ဓလေ့ထုံးတမ်းတွေအပေါ် အခြေခံပြီး ညီညွတ်မှုပြိုကွဲနေစေရေးဖြစ်ပါတယ်။ ဒီလိုလှုပ်ရှားမှုတွေ အတွက် သူတို့လိုရာဆောင်ရွက်ပေးနိုင်မဲ့သူတွေကို စိတ်ကြိုက်ရွေးကောက်ပြီးဖြစ်စေ၊ ရှိပြီးသားထဲကလူတွေကို ကျုံးသွင်းဖျားယောင်ပြီးဖြစ်စေ မွေးမြူပြီး လူထုကြားမှာရေပန်းစားအောင် ဖန်တီးအသုံးပြုလေ့ရှိပါတယ်။ အဲဒီလိုဖွဲ့ထားတဲ့ အန်ဂျီအို အေဂျင်စီ သတင်းမီဒီယာတွေက လူဘောင်ဘဝမြှင့်တင်ရေးအတွက် အားလုံးအတွက်အားလုံးနဲ့ပူးပေါင်းဆောင်ရွက်မယ်လို့ ကြွေးကြော်ကြပေမယ့် တကယ်တန်းလုပ်ဆောင်ရာမှာတော့ သူဖောက်သည်နဲ့သူပါဘဲ။ လုပ်ငန်းဆောင်ရွက်မှုကိုးဆယ်ရာနှုန်းကို သူ့ဖောက်သည်နဲ့သူပဲလုပ်ပါတယ်။ ကျန်တာက စာရွက်ပေါ်က ကြွေးကြော်သံအတွက်၊ ဖောက်သည်သစ်ရှာတဲ့အခါနဲ့ သူတို့ဖောက်သည်နဲ့တင်လုပ်ကိုင်မဖြစ်တဲ့ ကိစ္စတွေမှသာ လူသစ်လူစိမ်းနဲ့ဆောင်ရွက်လေ့ရှိပါတယ်။

ကျနော်တို့ဗမာပြည်နိုင်ငံရေးမှာလည်း အလားတူပဲပါဝင်ပါတ်သက်ခဲ့ကြတယ်။ တချိန်တုန်းက ပြည်ပနဲ့ နယ်ခြားရောက် ဒီမိုကရေစီအင်အားစုတွေကြားမှာလည်း  အုပ်ချုပ်ရေးယန္တယားပြောင်းရေး ( Regime Change ) ဆိုတာ အတော်ခေတ်စားခဲ့ပါတယ်။ အမျိုးသမီးအခွင့်အရေး၊ ဂန်ဒူးအခွင့်အရေး၊ လူမျိုးစုအခွင့်အရေးစတဲ့ခေါင်းစဉ်တွေနဲ့ အလုပ်ရှုပ်ခဲ့ကြတယ်။ အုပ်ချုပ်ရေးယန္တယားပြောင်းရေး ( Regime Change ) ခေတ်စားလားခြင်းနဲ့အတူ ဒီမိုကရေစီတော်လှန်ရေးဆိုတဲ့စကားလုံးလည်း တစတစ မှေးမှိန်ပျောက်ကွယ်သွားတာ ခုဆိုအစအနတောင်ရှာမရတော့တဲ့အခြေနေကို ရောက်သွားရတယ်။ တလောက လူမျိုးစုလက်နက်ကိုင်အဖွဲ့အစည်းတွေရဲ့ဆွေးနွေးပွဲမှာ လူသိသူသိတိုင်းရင်းသား လူမျိုးစုခေါင်းဆောင်ကြီးတယောက်က လက်နက်ကိုင်တော်လှန်ရေးဆိုတဲ့ စကားလုံးမသုံးဖို့ ကန့်ကွက်တားမြစ်လိုက်တယ်ဆိုတဲ့ သတင်းလေးတပုဒ်ကို ရင်ထုမနာဖတ်လိုက်ရပါသေးတယ်။

ကြောင်လက်နဲ့ပြာပူယက်

ဒီလိုဖန်တီးလုပ်ဆောင်တဲ့ လှုပ်ရှားမှုတွေက သက်ဆိုင်ရာလူအဖွဲ့အစည်းမှာ ပြဿနာတွေပဲ ရလာဒ်အဖြစ်ထွက်ပေါ်လာတတ်ပြီး ပြဿနာကမထိန်းနိုင်မသိမ်းနိုင်အခြေနေ ရောက်သွားခဲ့ရင်လည်း ထဲဝင်နစ်နာခံ ဖြေရှင်းပေးလေ့မရှိပါ။ ကျေညာချက်တခုထုတ်ပေးတာလောက်နဲ့ပြီးသွားတာပါဘဲ။ ကြောင်လက်နဲ့ ပြာပူယက်တာပါ။ ဒီလိုကြောင်လက်နဲ့ ပြာပူယက်သလို လူထုလှုပ်ရှားအတုတွေကို အရှေ့ဥရောပနဲ့ အရင်ဆိုဗီယက် နိုင်ငံဟောင်းတွေမှာတွေ့နိုင်ပါတယ်။ တချိန်ကပြိုင်ဖက်ဟောင်း ပြိုကွဲသွားခဲ့တဲ့ဆိုဗီယက် ပြည်ထောင်စုဟာင်း အမွေခံ ရုရှားဝက်ဝံကြီးကို နိမ့်ပါးစဉ်အခွင့်ရတုန်း အပိုင် ဝိုင်းပတ် ချည်တုပ်နိုင်ရေး ရည်မှန်းချက်တွေနဲ့ အရင်က ဝါဆောစစ်အုပ်စုနဲ့ ဆိုဗီယက်ပြည်ထောင်စု အဖွဲ့ဝင်ဟောင်းနိုင်ငံတွေမှာ သူတို့သြဇာညောင်မဲ့သူတွေတွေအာဏာရဖို့ အရောင်တော်လှန်ရေးတွေကို ဖန်တီးကြတယ်။ ဂျော်ဂျီယာ၊ ယူကရိန်းတို့မှာ ရေတိုခဏတာ အောင်မြင်မှုရခဲ့ပေမယ့်ရေရှည်မထိန်းသိမ်းနိုင်ခဲ့ပါဘူး။ ရုရှားနဲ့ထိပ်တိုက်တိုးခဲ့ကြရတဲ့ ၂၀၀၈ခုနှစ်က ဂျော်ဂျီယာပြဿနာနဲ့ လောလောလတ်လတ် ယူကရိန်းပြဿနာက သက်သေပါ။ အခြေအနေမဟန်ရင်နင့်ထိုက်နဲ့ နင့်ကံ အဆင်ပြေတုန်းတော့ ငါ့ကိုကျေးဇူးတင်ကျေးဇူးဆပ် ဒါလက်သစ်လစ်ဘရယ်ဝါဒပဲ။

သူတို့လုပ်ပုံလုပ်ဟန်တွေကို သိလို့မြင်လို့ ဖွင့်ချမယ်ဖော်ထုတ်မယ်မကြံနဲ့ခွက်ပျောက်သွားမယ်။ ကမ္ဘာတလွားက အမေရိကန်သံရုံးတွေက ထောက်လှမ်းရေးသတင်းတွေကို ဝီကီလိကိုဖောက်ချခဲ့တဲ့ အမေရိကန်ရေတပ်က တပ်ကြပ် ဘရက်ဒလေ မန်းနင်း (Bradley Manning )  တို့ အမျိုးသားလုံခြုံရေး အေဂျင်စီက စနိုးဒင် (  Edward Snowden  ) တို့ကိုကြည့်၊ နေစရာတောင်မရှိတော့တဲ့ဘဝ ရောက်သွားရတယ်။ ဘရက်ဒလေ မန်းနင်းက နိုင်ငံတော်သစ္စာဖောက်မှုနဲ့ရုံးတင်ခံနေရတယ်။ သတင်းမီဒီယာ ယန္တယားကိုလည်းသူတို့ပဲ လက်ဝါးကြီးအုပ်ထိန်းချုပ်ထားတော့ ဖြောင့်ဖြောင့်မတ်မတ် သတင်းသမားတယောက်ဘဝဆိုတာ တကယ့်ကို ဆူးကြားကဗူးခါးဘဝမျိုးပါဘဲ။ အသက်သေတဲ့အထိ အန္တရာယ်မျိုးနဲ့ရင်ဆိုင်ရနိုင်ပါတယ်။

အိန္ဒိယက လက်သစ်လစ်လရယ်ဝါဒ

အရွန်ဒါတီရွိုင်းရဲ့ အိန္ဒိယရွေးကောက်ပွဲအကြို ဆွေးနွေးချက်ကိုပြန်ကောက်ပါမယ်။ အရွန်ဒါတီရွိုင်းက သူ့ရဲ့လေ့လာသုတေသနပြုတွေ့ရှိချက်က အိန္ဒိယဓနရှင်ကော်ပိုရေးရှင်းကြီးတွေဖြစ်တဲ့ ရီလိုင်းရင့်၊ တာတာ၊ အက်ဆာ နဲ့ အင်ဖိုစီ( Reliance, Tata, Essar, and Infosys ) တို့ဟာ တချိန်က ရော့ကဲဖဲလားနဲ့ ဖို့ဒ် ဖောင်ဒေးရှင်း( Rockefeller Foundations. and Ford Foundation )  တို့လို အမေရိကန်နိုင်ငံခြားရေးဌာနနဲ့ ထောင်လှမ်းရေးအေဂျင်စီ စီအိုင်အေတို့နဲ့အကျိုးတူပူးပေါင်းပြီး သူတို့စီးပွားရေးဈေးကွက်လက်ဝါးကြီးအုပ်ခွင့်ရအောင် လုပ်ဆောင်ခဲ့တဲ့နည်းနာအတိုင်းပုံတူကူး ဆောင်ရွက်နေတယ်လို့ဆိုတယ်။ လောလောကျင်းပနေတဲ့ အိန္ဒိယအထွေထွေရွေးကောက်ပွဲမှာ အိန္ဒိယဓနရှင်ကော်ပိုရေးရှင်းကြီးတွေက ဟိန္ဒူအမျိုးသားရေးဝါဒီ အိန္ဒိယ(ဘာရတ်) အမျိုးသားပါတီ-ဘီဂျေပီ ( Bharatia Janata Party-BJP ) ခေါင်းဆောင် လက်ရှိ ဂူဂျရတ်ပြည်နယ်ဝန်ကြီးချုပ်မစ္စတာ နရင်ဒရာမိုဒီး ( Mr. Narendra Modi ) ဝန်ကြီးချုပ်ဖြစ်ရေးအတွင် သူတို့ရဲ့သတင်းမီဒီယာနဲ့သတင်း ဆက်သွယ်ရေးအန်ဂျီအိုတွေကတဆင့် ကြိတ်ပုန်းလှုံဆော်နေကြတယ်။ မိုဒီးဟာ (၂၀၀၂) ခုနှစ်က သူ့အုပ်ချုပ်မှုအောက်က ဂူဂျရတ်ပြည်နယ်မှာဖြစ်ခဲ့တဲ့ မွတ်ဆလင်ဆန့်ကျင်ရေး အဓိကရုဏ်းများနဲ့ အစုလိုက်အပြုံလိုက်သတ်ဖြတ်မှုတွေမှာ တာဝန်ရှိတယ်လို နိုင်ငံသားနဲ့ လူ့အခွင့်အရေးအဖွဲ့တွေက စွဲချက်တင်သလို တရားရုံးမှာလည်းအဲဒီစွဲချက်အတွက်တရားရင်ဆိုင်နေရဆဲဖြစ်ပါတယ်။

လက်ရှိအာဏာရကွန်ကရက်ပါတီနဲ့ ဘီဂျေပီတို့ဟာ အိန္ဒိယဓနရှင်ကော်ပိုရေးရှင်းကြီးတွေနဲ့ သောက်ဖော်စားဖက် ပလဲနံပသင့်ကြပြီး လူအများစုအကျိုးစီးပွားနဲ့ လူတိုင်းရဲ့ အခန်းကဏ္ဍကို ပြဌာန်းအာမခံတဲ့ ဗဟုနိုင်ငံရေးနဲ့ ဆန်ကျင်တဲ့ ဓနရှင်ကိုယ်စားပြုပါတီတွေ ဖြစ်ကြပြီး ဒင်္ဂါးပြားရဲ့ခေါင်းနဲ့ပန်းလိုပဲဖြစ်တယ်။ လူထုအကျိုးစီးပွားဆန့်ကျင်ရေးအလုပ်တွေကို ဘီဂျေပီက နေ့ဖက်မှာဗြောင်လုပ်ပြီး ကွန်ကရက်က ညဖက်မှာခိုးကြောင်ခိုးဝှက်လုပ်တာပဲကွာတယ်လို့ ရွိုင်းကရှုမြင်တယ်။

ခုမှ အိန္ဒိယဓနရှင်ကော်ပိုရေးရှင်းကြီးတွေ ကွန်ကရက်ပါတီအစိုးရနဲ့ ပေါင်းစားနေရာကနေ ဘီဂျေပီကို ပြောင်းလဲထောက်ခံလာရတဲ့ အခြေခံအကြောင်းရင်းက အိန္ဒိယဓနရှင်ကော်ပိုရေးရှင်းကြီးတွေရဲ့ သဘာဝအရင်းအမြစ်တူးဖော်ရေး စီးပွားရေးလုပ်ငန်းတွေကို ဆန့်ကျင်အာခံနေတဲ့ ဒေသခံလူထု လှုပ်ရှားမှုတွေကို  မစ္စတာ မန်မိုဟန်ဆင်း ( Mr. Manmohan Singh ) ကွန်ကရက်အစိုးရက ထိထိ ရောက်ရောက် ရက်ရက်စက်စက် နှိမ်နှင်းတာတွေလုပ်မပေးခဲ့လို့ဖြစ်တယ်။ လက်ဝဲမော်ဝါဒီတွေ ထိန်းချုပ်သြဇာပြန့်တဲ့ ပြည်နယ်တွေက ဓါတ်သတ္တုတူးဖော်ရေးလုပ်ငန်းတွေအတွက် (၂၀၀၄ ) ခုနှစ်လောက်တည်းက သဘောတူစာချုပ်တွေ ချုပ်ထားပေမယ့် နယ်ခံလူထုတွေရဲ့ဆန့်ကျင်မှုကြောင့် လုပ်ငန်းတွေ ခုထိ မစတင်နိုင်သေးပါဘူး။ ဒီလိုလုပ်ငန်းတွေ ကာလကြာရှည် ကြန့်ကြာနေတာကြောင့် ရင်းနှီးမြုတ်နှံမှုတွေမှာ အရှုံးပြလာတယ်။ ဒီလိုအရှုံးပြနေတာကို အထက်ကပြောခဲ့တဲ့ အိန္ဒိယဓနရှင်ကော်ပိုရေးရှင်းကြီးတွေက သည်းမခံနိုင်တော့တဲ့အတွက် လူထုရဲ့ဆန့်ကျင် အာခံမှုတွေကို ထိထိရောက်ရောက် နှိမ်နှင်းပေပြီး သူတို့အကျိုးစီးပွားကိုပိုပြီး အကာအကွယ်ပေးနိုင်မဲ့ ဘီဂျေပီရဲ့ မိုဒီကိုပြောင်းလဲအားပေးလာရတာဖြစ်ပြီး မိုဒီးဟာ သူတို့အကျိုးစီးပွားအတွက် သူတို့လိုသလိုပုံသွင်းလို့ရမယ်လို့လဲမြင်ကြတာကြောင့်ဖြစ်တယ်။

အိုင်အာအိုင်ရဲ့ယုံတမ်းပုံပြင်

ပြင်ပကမ္ဘာနဲ့ပြန်ချိတ်ဆက်မိလာတဲ့ ဗမာပြည်မှာလည်း အထက်ကတင်ပြခဲ့တဲ့ နိုင်ငံစုံနဲ့ ပြည်တွင်း ကော်ပိုရေးရှင်းကြီးတွေ ကုမ္ပဏီကြီးတွေ အချင်းချင်းကြားနိုင်ငံနယ်နိမိတ်ကိုကျော် လက်ဝါးရိုက်ပြီး လူထုအတွေးအကြံတွေကို မြင်းပါးချပ်တပ်သလို ကျုံးသွင်းပြုပြင်ရေး အစီအမံတွေ ထဲထဲဝင်ဝင်ပေါ်ထွက်လာပါပြီ။ ဧပြီလ (၃)ရက်နေ့စွဲနဲ့ထုတ်ပြန်တဲ့ အိုင်အာအိုင် ( နိုင်ငံတကာ ရီပတ်ဘလစ်ကန် သိပ္ပံ- International Republcan Institute- IRI ) ရဲ့ လူထုသဘောထား သုတေသနပြုချက်စစ်တမ်းထွက်ပေါ်လာပါတယ်။ ဆွဲထားပြီးနိဂုံးကို လိုအပ်တဲ့နိဒါန်းတွေ ရှာဖြည့်ထားတဲ့ ရလာဒ်လား၊ အမှန်တကယ်တွေ့ရှိတဲ့နိဒါန်းတွေကို ကောက်ချက်ယူနိဂုံးထုတ်ထားတဲ့ ရလာဒ်လား (သို့မဟုတ်) အထက်ကလာတဲ့အဖြေလား အမှန်တကယ်လူထုကြား အောက်ခြေက လာတဲ့အဖြေလား သူတို့နဲ့ဘုရားသခင်ပဲသိမယ်။ သူတို့စစ်တမ်းအရ ကဏ္ဍနေရာအများစုမှာ အန်အယ်ဒီထက် ကြံ့ဖွတ်ကိုပိုသဘောကျထောက်ခံနေတယ်လို့ဆိုတယ်။ ပညာရေး၊ ကျန်းမာရေး၊ လူမျိုးစုအရေး၊ စီးပွားရေး၊ နိုင်ငံတောင့်တင်းခိုင်မာရေးနဲ့ လုံခြုံရေးစတဲ့ ကဏ္ဍ ( ၆ )ခုမှာ လူထုယုံကြည်အားကိုမှုက ပညာရေးမှာပဲအန်အယ်ဒီကိုထောက်ခံပြီး၊ ကျန်းမာရေးမှာ ကြံ့ဖွတ်နဲ့တန်းတူထောက်ခံကာ ကျန်လေးကဏ္ဍလုံးကို ကြံ့ဖွတ်ကိုပဲ လူထုကထောက်ခံသတဲ့။

နောက်စီးပွားရေးဟာလည်း မနှစ်က သူတို့စစ်တမ်းအရ (၈၅ ) ရာခိုင်နှုန်းက ထူးမခြားနားပဲလို့ သဘောထားပေးကြပေမယ့် ဒီနှစ်မှာတော့ ( ၈၅ ) ရာခိုင်နှုန်းက အလွန့်အလွန်ကောင်းတယ်လို့ သဘောထားပေးကြတယ်လို့ဆိုတယ်။ နောက်နှစ်မှာလဲ ဒီ (တိုးတက်မှု)အတိုင်းပဲရှိနေအုံးမယ်လို့ ( ၈၁ ) ရာခိုင်နှုန်းက ယုံကြည်ကြသတဲ့။ တနှစ်အတွင်း ပြောင်းလဲသွားလိုက်ပုံများ ဘယ်လိုတန်ခိုးရှင်က ဥုံဖွ မန်းမှုတ်ပေးလိုက်လဲ မသိပါဘူး။ ပြီးတော့လယ်သိမ်းခံလယ်သမားတွေနဲ့ လုပ်ခလစာ မလုံလောက်လို့ တခြိမ်းခြိမ်းဆန္ဒပြနေကြတဲ့ အလုပ်သမားတွေကို လူစာရင်းထဲထဲ့ဖို့ မေ့လျော့သွားကြဟန်တူပါတယ်။ ဒီလိုအရူးချီးပန်းစစ်တမ်းကြီးထွက်လာဖို့ ပစ်သုတ်ကရ အချက်အလက်တွေရဲ့ ဇာစ်မြစ်က အိုင်အာအိုင် ကြီးကြပ်မှုခံ မြန်မာ စစ်တမ်း သုတေသနအဖွဲ့ ( Myanmar Survey Research ) ကပြည်နယ် တိုင်း ( ၁၄ ) ခုက ကျား/မ လူပေါင်း ( ၃၀၀၀ ) ကိုကွင်းဆင်း မေးမြန်းကောက်ယူထားတာဆိုပဲ။

ကိုယ်ကျိုးစီးပွားပဓါနသာ ယနေ့ကမ္ဘာ

ဒါက လစ်ဘရယ်ဒီမိုကရေစီရဲ့အမြည်းပဲရှိပါသေးတယ်။ တိုင်းပြည်ထဲမှာ ငွေပင်ငွေရင်း အထုပ်အထည်နဲ့ ဝင်လာသူမှန်သမျှ၊ ပြီးတော့ စစ်အာဏာရှင်နဲ့ သူတို့အပေါင်းအပါ သောက်ဖော်စားဖက် ခရိုနီတွေ လူထုတွေရဲ့ ဘိုးဘွားပိုင်မြေယာအိမ်ခြေကအစ ဒမြတိုက်သိမ်းယူ၊ လူမိုက်မွေး လူသတ်ခွင့်ပါရထား အခွင့်ထူးခံနေကြသလောက် သာမန်ပြည်သူတွေရဲ့ ဘဝတွေက ထားရာနေ စေရာသွား ထင်ရာလုပ်ခံနေရတဲ့ မြေဇာမြက်တပင်လောက်တောင် တန်ဖိုးမရှိတဲ့ အခြေနေမှာ ကူကယ်ရာကို မျှော်မှန်းတတ်တာ သဘာဝပါ။ မျက်နှာအပြုံးနဲ့ စကားချိုချိုဆိုလာသူကို ကယ်တင်ရှင်ထင်တာ သဘာဝပါ။ ဒါပေမယ့် သူတို့နိုင်ငံသူတို့တိုင်းပြည်တွေမှာ စည်းစနစ်ဘောင်တွေနဲ့ လူတိုင်းရဲ့ အခွင့်အရေးတွေကို တန်းတူပြဌာန်းပေးထားတဲ့ စနစ်တွေရှိတယ်ဆိုယုံနဲ့ ကိုယ့်ကိုလည်း ဒီလိုဖြစ်အောင်လုပ်ပေးကြလိမ့်မယ်လို့ သူတို့အပြောမှာမြောသွားရင်တော့ အထက်မှာတင်ပြခဲ့တဲ့ စံနမူနာ တိုင်းပြည်တွေလိုပဲ ငါးပါးမှောက်ကုန်ပါလိမ့်မယ်။

ကိုယ့်ပြည်သူကိုစစ်ခင်းပြီး အာဏာကိုဆုတ်ကိုင်ဖို့လုံးပမ်းနေရတဲ့ မျိုးဖျက်စစ်အာဏာရှင်တွေကို အကာအကွယ်ပေးပြီး ဘာသာရေး ယဉ်ကျေးမှု အမွေအနှစ်ကိုတောင် ချမ်းသာမပေးပဲ လိုချင်တာမှန်သမျှ လက်ညိုးထိုးတောင်း ဝါးမြိုနေတဲ့ တရုတ်ရန်ကြောင့် အနောက်တိုင်း လစ်ဘရယ်ဒီမိုကရေစီက လုပ်ဟန်လုပ်ကွက်တွေကို မျက်စေ့မှိတ်ယုံ ပုံအပ်ပြီးလိုက်လုပ်မိရင်တော့ အိုးပူကလွတ်လာပြီး ပြာပူထဲကျတဲ့ ပုဇွန်လုံးလိုပဲဖြစ်ဖို့ရှိပါတယ်။ လောလောလတ်လတ်ဖြစ်ပွားနေတဲ့ ယူကရိန်းဖြစ်စဉ်ကို သင်ခန်းစာယူလေ့လာသင့်ပါတယ်။ အမေရိကန်နဲ့ အီးယူကို အားကိုးယုံစားပြီး ရုရှားနဲ့ငြိတွယ်နေတဲ့ ပထဝီနိုင်ငံရေး ( Geo-politic )နဲ့ ကိုယ့်နိုင်ငံတွင်းက လူမှုနိုင်ငံရေး ( Socio-politic ) အခြေအနေတွေကိုထဲ့မတွက်ပဲ အစွန်းရောက်အမျိုးသားရေးအမြင်ကို ရှေ့တန်တင်ခဲ့အတွက် ပေးဆပ်ရတဲ့အရင်းအနှီးကကြီးလှတာ မျက်မြင်ဖြစ်ပါတယ်။ ပေးဆပ်ရတဲ့အရင်းအနှီးက ခရိုင်းမီးယားဒေသဆုံးရှုံးမှုနဲ့ တင်မလုံလောက်ပဲ ရုရှားစကားပြောလူများစုနေထိုင်ရာ ယူကရိန်း အရှေ့ပိုင်းဒေသတွေမှာပါ ခွဲထွက်ရေးလှုပ်ရှားမှုတွေဆက်ဖြစ်နေဆဲဖြစ်တယ်။ (၂၀၀၈) ခုနှစ်က ဂျော်ဂျီယာနိုင်ငံကြုံခဲ့ရသလိုပဲ သူတို့ အားကိုးယုံစားခဲ့တဲ့ အမေရိကန်နဲ့ အီးယူဆီက ဘာမှထိရောက်တဲ့ အရေးယူဆောင်ရွက်မှု အကူအညီမရခဲ့ပါဘူး။ ကုလသမဂ္ဂမှာ မဲခွဲဆုံးဖြတ် အရေးဆိုကြတာကလဲ ဘာမှအရာမရောက်တော့ပါဘူး။

တိမ်တောင်သဖွယ် နိုင်ငံကြီးတို့ပရိယာယ်

ကရိုင်းမီးယားအရေးနဲ့ပါတ်သက်ပြီး ရုရှားဒုနိုင်ငံခြားရေးဝန်ကြီး ( Sergai Ryabkov ) က အမေရိကန်တွေကို မခိုးမခန့်ပြောပုံက “ သင်္ဘောကြီးကထွက်သွားပြီဆိုတာကိုလက်ခံလိုက်ပါ၊ ကလေးလို စိတ်ကောက်ထိုင်ချခြေဆောင့်ငိုကြွေးနေလို့ ဘာမှအကျိုးမရှိဘူး။ ဟင်းလင်းပြင်မှာအချိန်ကြာကြာထွက်နေပါ၊ အစားခြိုးခြံမှုကိုကျင့်ပါ၊ ယောဂကျင့်ပါ၊ ဒါမှမဟုတ် တီဗီကလာတဲ့ ဟာသတွေနဲ့အချိန်ဖြုန်းပါ ” တဲ့။ အဓိပ္ပာယ်က သူတို့ချင်းကြားက ကစားပွဲ၊ ကျန်တာကနယ်ရုပ်တွေ။ လက်တန်ရှေကျယ်၊ အရင်းအနှီးကြီးကြီးနဲ့ ကစားနေကြတဲ့ နိုင်ငံကြီးတွေရဲ့ နိုင်ငံရေး သံတမန်ရေး ပရိယာယ်မာယာကို နိုင်ငံငယ်လေးတွေ နားလည်ခြေရာကောက်နိုင်ဖို့ ခက်ပါတယ်။ အနှစ်ခြောက်ဆယ်ကျော် ခရုအဆံပိတ်နေခဲ့ရတဲ့ ဗမာပြည်လိုဆို  ပိုတောင် အခြေနေဆိုးပါတယ်။

ဒီနေ့ကမ္ဘာကြီးကို ကြီးစိုးနေတာက ကိုယ်ကျိုးစီးပွား ပဓါနဝါဒသာလျင်ဖြစ်ပါတယ်။ ဟိုဝါဒ ဒီစနစ်ဆိုတာတွေက သူ့သက်ဆိုင်ရာနိုင်ငံထဲ့မှာပဲ ပြဌာန်းထားသလိုကျင့်ကြံနေကြပြီး ပြင်ပနဲ့ဆက်ဆံရာမှာတော့ ကိုယ်ကျိုးစီးပွားပဓါနဝါဒအတိုင်း ကျင့်ကြံနေကြတယ်။ လူမျိုးဘာသာ ဝါဒမခွဲခြားပဲ ကိုယ်ကျိုးစီးပွားကိုအခြေခံပြီး နိုင်ငံတိုင်းက နိုင်ငံတိုင်းနဲ့ပေါင်းပြီး တခြားနိုင်ငံအပေါ်မှာ အမြတ်ထုတ်ဖို့လုပ်ဆောင်တာဟာ ဒီနေ့ခေတ်နိုင်ငံတကာ သံတမန်ဆက်ဆံရေးရဲ့ အနှစ်သာရပဲဖြစ်တယ်။ ကျားကြောက်လို့ပဲ ရှင်ကြီးကိုးကိုး၊ ရှင်ကြီးကိုလိုလို့ပဲ ကျားကိုကန်ကန် ကိုယ့်အကျိုးကိုယ့်အရေးကတော့ အနည်းနဲ့အများနစ်နာရမှာ မလွဲဖြစ်ပါတယ်။ ဒါကြောင့် ကိုယ့်အကျိုးကိုယ့်အရေးအောင်ဖို့ရာ ဘယ်သူနဲ့ပဲပေါင်းပေါင်း ကိုယ်ကျိုးနည်းမဲ့အဖြစ်တွေ နည်းနိုင်သမျှနည်းအောင် နိုင်ငံတကာအခြေနေတွေကို မျက်ခြေမပြတ် လေ့လာရင်း ကိုယ့်အမျိုးသား အကျိုးစီးပွားပဓါနအမြင်ကို အခိုင်အမာ ဆုတ်ကိုင်ထားနိုင်ဖို့လိုပါတယ်။

( စာက ခပ်ငေါ့ငေါ့ ခပ်သောသောနဲ့ တိုတိုရေးမယ်လို့ စခဲ့ပေမယ့် အကြောင်းအရာအရ ဟိုဟာလေးထဲ့ပြောမှ ဒါလေးလည်းထဲ့ပြောမှ တော်အုံးမယ်နဲ့ရှည်သွားပါတယ်။ စာကလည်း ရေးဟန် မသောမငေါ့ မခန့်မတည်နဲ့ အီလည်လည်ကြီးဖြစ်သွားပါတယ်။)

ရဲဘော်ကျော်သန်း

 

 

Arundhati Roy explains how corporations run India and why they want Narendra Modi as prime minister

<http://www.straight.com/life/616401/arundhati-roy-explains-how-corporations-run-india-and-why-they-want-narendra-modi-prime-minister?fb_action_ids=1476591139225686&fb_action_types=og.likes>

IRI Survey: Burmese Strongly Support Democracy, Express Satisfaction over Country’s Current Trajectory

<http://www.iri.org/news-events-press-center/news/iri-survey-burmese-strongly-support-democracy-express-satisfaction-ove>