မြန်မာနိုင်ငံတွင် ငွေသုံးစွဲနေသော လုပ်ငန်း၊ ဘတ်ဂျတ်များနှင့် ရည်မှန်းချက်များ (2013)
အကြမ်းဖျင်းလေ့လာရန်ဖြစ်သည်။ ၂၀၁၃ တွင် Hot Topic အဖြစ် ပေါ်ပင်၊ ဂွင်လုပ်ငန်း လုပ်သူများသည် အစိုးရ ပေါ်လစီချမှတ်ထားသော ကဏ္ဍများတွင် ပြေးလွှား လုပ်ကိုင်လေ့ရှိကြသည်။ ထားဝယ်ရေနက်ဆိပ်ကမ်း ဘတ်ဂျတ်ခေတ်စားစဉ်က ... တ၀ုန်းဝုန်းနှင့် ထားဝယ်သို့ခရီးသွား၊ မြေယာဝယ် ..ကောက်ရိုးမီး၊ ပြေးကြည့်သည်။ ကာလီဖိုးနီးယား ရွှေတူးဖေါ်ခရီး၊ ကချင်ပြည်၊ဖားကန့်ကျောက်စိမ်းခရီး ကဲ့သို့ စီးပွားရေးလုပ်ကိုင်မရသောအခါ မြေယာများကို လိုက်ဝယ်/ရောင်းလုပ်ရင်း ဒေသခံများ အချောင်စိတ်ကြီးဝင်သွားကြသည်။ နယူးယောက်၊ဥရောပ၊ဂျပန်ထက်ပင် ဈေးကြီးအော်ဟစ်၊ စိတ်ကြီဝင်ပြီး ကျန်နေရစ်သည်။ ယခုတော့ အစိုးရက စီမံကိန်းရင်းနှီးမည့်သူမရှိသောကြောင့် နှောင့်နှေးသွားသည်။
အစိုးရဦးစားမှုအရ ဖြစ်ပေါ်လာသော (ပေါ်ပင်)လုပ်ငန်းများမှာ (ref: The Voice Myanmar)
- အိမ်မြေခြံ၊
(အိမ်မြေဈေးကြီးမှုမှာ အစိုးရ ဘုမသိ၊ဘမသိ ဖြစ်နေစဉ် ခရိုနီများဖန်တီးသွားခြင်းဖြစ်သည်။ အိမ်မြေ၊စက်မှုကွက်သစ်များ ဖေါ်ထုတ်ရန် အစိုးရကလဲမလုပ်နိုင်၊ နိုင်ငံခြားကုမဏီများကိုလည်း ကန်ထရိုက်မပေးနိုင်၊ အားလုံး ခရိုနီနှင့်ကိုယ်ကျိုးဝါဒီများဖြစ်နေသောအကြောင့် သန့်ရှင်းအစိုးရအတွက် အလွန်ခက်ခဲသောကာလ ဖြစ်သည်)။
- နိုင်ငံခြားရင်းနှီးမြှတ်နှံမှု
- ဆက်သွယ်ရေး (ဖုန်းနှင့်အင်တာနက်)
- ဘဏ်လုပ်ငန်း
- အရောင်းအ၀ယ် (Trading)
- နိုင်ငံတကာဆက်ဆံရေး (Gov & Large Company, NGO ..etc)
- ခရီးသွားလုပ်ငန်း (ဟိုတယ်နှင့်ကမ္ဘာလှည့်ခရီးသည်)
- ပတ်ဝန်းကျင်ထိန်းသိမ်းရေး
- ပညာရေး၊ (အစိုးရကျောင်းများ၊ ပုဂ္ဂလိကကျောင်း အကြီးအသေးများ၊ ဥပမာ ILBC, SR International, Heart Land ..
- ကျန်းမာရေး (အစိုးရဆေးရုံ၊ ဆေးပေးခန်းများ၊ ပုဂ္ဂလိကဆေးရုံများ ၀ိတိုရိယ၊ အာရှတော်ဝင်၊ ...)
အောက်ဖေါ်ပြပါ ပြည်သူ့လွှတ်တော်မှ အချက်အလက်များကို သက်ဆိုင်ရာ ကဏ္ဍအသီးသီးတွင် မှန်ကန်စွာ စီးပွားရေးလုပ်ငန်း လုပ်လိုသူများအတွက် ဒေါင်းလုပ်ကြည့်ရန် ရည်ရွယ်ပါသည်။ သူများမလုပ်သော အလုပ်ကို လုပ်မှ ရေရှည်အကျိုးရှိမည်။ အကျိုးဆောင်လုပ်ငန်းတွင် လူများစုပုံတိုးနေကြသည်။ လယ်ယာနှင့်စက်မှုတွင် မလုပ်လိုကြ။ နည်းပညာနှင့်ရင်းနှီးမှု ကြီးပြီး၊ ရေတိုအမြတ်မရှိ။ ပညာရေးနှင့်ကျန်းမာရေး၊ ရပ်ရွာမြို့ပြစည်ပင် စီမံကိန်းများတွင် လူများကြပ်နေအောင် လုယက်လုပ်ကိုင်နေကြသည်။ ရေတို၊ ချက်ချင်းငွေရသော ကျူရှင်နှင့်ဆေးခန်း လုပ်ငန်းများအတွက် ပညာရေး၊ကျန်းမာရေးဝန်ထမ်းများ အကျင့်ပျက်ရတော့သည်။ ပညာရေးနှင့်ကျန်းမာရေးမှာ ကုသိုလ်လဲရ၊ ကုသိုလ်လဲရ .. ၂ခါကုသိုလ်ရသည်။ ၀မ်းမဝသောကြောင့် ၀န်ထမ်းများ ကျူရှင်နှင့်ဆေးခန်း မလုပ်မဖြစ် လုပ်ရတော့သည်။ ထိုကဏ္ဍ၂ခုတွင် လပ်စားနိုင်ခွင့်ရှိသူ (လက်မှတ်ထိုးပေးသူ)သည် တယောက်တစ်လေသည် ငခုံးမတစ်ကောင်ကဲ့သို့ အကြီးကျယ် အကျင့်ပျက်တော့သည်။ ကျန်းမာရေးဘတ်ဂျတ်များ ချပေးလိုက်ရာ ၂လအတွင်း အပြီးသုံးရမည်၊ မသုံးလျှင် နောက်နှစ်မပေးတော့...ဟု ငွေချပေးလိုက်သောအခါ ဆရာဝန်ကြီးက အကျိုးဆောင်ကုမ္မဏီကို ပြေးကပ်ရတော့သည်။ ဆရာဝန်ကြီးက ဘတ်ဂျတ်ကို မသုံးတတ်ပါ။ သိန်း ၁၀၀၀ ဘတ်ဂျတ်ကို ၂လအတွင် အမြန်ဆုံး၊ အကျိုးရှိဆုံး သုံးရန် နိုင်ငံခြားမှ လူနာကုတင်များကို ၀ယ်ယူဖို့ဖြစ်လာသည်။ ပစ္စည်းကို ပြနိုင်မှသာ နိုင်ငံတော်စာရင်းစစ်များ လာစစ်သောအခါ အိုကေမည်။ ဒီတော့စင်ကာပမူ Quotation $3000 per bed ရယူထားပြီး၊ ဆေးရုံဂိုထောင်တွင် နိုင်ငံခြားဖြစ် ကုတင် ၁၀လုံးခန့် တင်ထားသည်။ P.O , LC documents များကို အကျိုးဆောင်က လုပ်ပေးသည်။ နောက် ၃လကြာလျှင် ပစ္စည်းအားလုံးရောက်မည်။ ကျပ်သိန်း ၂၀၀၀ နှင့်ညီမျှသော ဒေါ်လာငွေကို နိုင်ငံခြားကုမ္မဏီသို့ TT ဖြင့်အပြည့်ပေးပြီးကြောင်း ဘဏ်စာရွတ်စာတန်းများကို စာရင်းစစ်ကိုပြရန် အမှန်အကန်လုပ်ထားသည်။
မုံရွာစက်မှုဇုံသို့ ရောက်ရှိပြီး၊ သံရည်ကျို၊ ရေပန့်လုပ်ငန်းရှင် ဦးစံအောင်တို့နှင့် သူတို့လုပ်ငန်းကို လေ့လာစဉ်က၊ လူနာကုတင် နိုင်ငံခြားမှာ ဒေါ်လာ၅ထောင်ပေးရတယ်ဆိုတာ ကျွန်တော် ဆေးရုံမှာသေချာလေ့လာကြည့်တယ်။ အဲဒီပုံအတိုင်း၊ အဲဒီဖန်ရှင်အတိုင်း တစ်ပုံစံတည်းလုပ်တာ ကျပ်၃သိန်းတောင်မကုန်ဘူး။ အနောက်မြောက်တိုင်း စက်မှုပြပွဲမှာ သေသေချာချာ ခင်းကျင်းပြသထားတယ်။ တိုင်းမှုး၊ ဗျူဟာမှုးနဲ့လူကြီးတွေ မေးလာရင် ရှင်းပြမလို့ အားခဲထားတယ်။ ဒီလူကြီးတွေက ဖိုးဝရုပ်လုပ်တဲ့ အရုပ်ကြီးကိုပဲ စိတ်ဝင်စားစွာ မေမြန်း၊ရယ်မောနေတယ်ဗျာ.. ကျွန်တော်တို့လို စက်မှုလုပ်ငန်းကို သူတို့နားမလည်လို့လားမသိ၊ သူတို့အတွက် အကျိုးမရှိလို့လားမသိ.. ဂရုကိုမစိုက်ဘူး... ဟု ပြောပြခဲ့ပါသည်။ အောက်ဖေါ်ပြပါ လွှတ်တော်ကိုယ်စားလှယ် ဒေါ်ဝင်းမော်ထွန်း (နေနံချောင်း၊ Founder of Star မော်တော်ဆိုင်ကယ်စက်ရုံ) လူကြီးများက လွှတ်တော်တွင် စက်မှုလက်မှုအခြေအနေကို တင်ပြရန် Jan 2013 စာတန်းရေးသား၊ ဖတ်ကြားစေသောအခါ အောက်မှာထိုင်နေသူ ကိုယ်စားလှယ်များက သူတို့နားမလည်လို့လားမသိ၊ သူတို့အတွက် အကျိုးမရှိလို့လားမသိ.. မေးမြန်းသူမရှိပါ။
စက်မှုလုပ်ငန်းသာလျှင် ကမ္ဘာနှင့်ယှဉ်ရေးအတွက် ရေရှည်လုပ်ငန်းဖြစ်သည်။
စက်မှုလုပ်ငန်းအတွက် လျှပ်စစ်၊ ပို့ဆောင်၊ ဆက်သွယ်လုပ်ငန်းများ အစိုးရက ဈေးနှုန်းချိုအောင်လုပ်ပေးရမည်။
စက်မှုလုပ်ငန်းများ SME အသေး၊ အလတ်စားများအတွက် မြေ၊နေရာ ဈေးနှုန်းချိုအောင် အစိုးရမှာတာဝန်ရှိသည်။
အထက်ပါလုပ်ငန်းများ ပေါ်လစီများ၊ စာရွတ်ပေါ်တွင်ရှိနေပြီးဖြစ်သည်။ ၇၅% အောင်မြင်ရန် လူတော်၊လူကောင်းများ အစိုးရမှဖြစ်မည်။
(Link : http://mingalaronline.biz/nation
-
2013.nation.plan.appex.III.page1-66.pdf (6.9MB)
- ကဏ္ဍ၁၄ခု ရည်မှန်းချက်များ
- လယ်ယာကဏ္ဍ (သီးနှံ၊ မြေယာ၊ ဓါတ်မြေသြဇာ၊ ရေ)
- သားငါး
- သစ်တော
- စွမ်းအင် (ရေနံစိမ်း၊သဘာဝဓါတ်ငွေ့ )
- သတ္တု၊တွင်းထွက်
- စက်မှုလက်မှု
- လျှပ်စစ်
-
2013.nation.plan.appex.III.page67-128.pdf (5.6MB)
- ဆောက်လုပ်ရေး
- ပို့ဆောင်ရေး
- ဆက်သွယ်ရေး
- ငွေရေးကြေးရေး
- လူမှုရေးနှင့်စီမံခန့်ခွဲရေး
- ငှားရမ်းခနှင့်ဝန်ဆောင်မှုများ
- ကုန်သွယ်ရေး
-
2013.national.plan.draft.law.pdf (1.3MB)
- ဘတ်ဂျတ် ကိန်းဂဏန်းများ၊ စုစုပေါင်း ဂျီဒီပီ ကျပ်ငွေ ၄၉၆၃၂၄၃၀.၉ ကို ခွဲဝေသုံးစွဲမှု
- အများဆုံး လယ်ယာကဏ္ဍ ၂၄.၈%၊ ၂၀၁၃တွင် ၂.၈% တိုးတက်ရန်
- ဒု အများဆုံး စက်မှုလက်မှု ၂၁.၂%၊ ၂၀၁၃တွင် ၉.၄% တိုးတက်ရန်
- တတိယ အများဆုံးမှာ ကုန်သွယ်ရေးကဏ္ဍ Trading ၁၉.၆%ရှိသည်။ ၆.၂% တိုးတက်ရန်ရှိသည်။
- ငွေကြေးလုပ်ငန်း ၀.၁% သာရှိသော်လည်း ၉၂.၇% တိုးတက်ရန်မှန်း
- ဆက်သွယ်ရေးကဏ္ဍ ၂.၁%၊ ၅၇.၂% တိုးတက်ရန်မှန်
- ဆောက်လုပ်ရေးကဏ္ဍ ၄.၅%သာရှိ၊ ၂၂.၂% တိုးတက်ရင်းနှီးရန်
- သတ္တုတွင်းကဏ္ဍ ၀.၇% တန်ဘိုးနည်းသော်လည်း ၁၉.၅% တိုးတက်ရင်းနှီးရန်
- လူမှုစီမံ (ပညာရေး၊ ကျန်းမာရေး) ၂.၀% သာရှိသည်။ ၂၇.၈% တိုးတက်သုံးစွဲရန်
-
industry.status.jan2013.by.daw.win.maw.tun.pdf (0.6MB)
- မြန်မာနိုင်ငံ စက်မှုလက်မှုလုပ်ငန်းများအား သုံးသပ်သော Short & Precised report ဖြစ်သည်။
- သမိုင်းနောက်ခံနှင့်ယနေ့ခေတ်ကာလ
- အကောင်းထည်ဖေါ်အဖွဲ့အစည်းများ (ရင်းနှီးကော်မရှင်၊ တိုးတက်ရေးကော်မတီများ၊ စက်မှုဝန်ကြီးဌာန...)
- UMFCCI, MIA ပုဂ္ဂလိကအဖွဲ့များ
- မူဝါဒ၊ ကြုံတွေ့ရသည့် စိန်ခေါ်မှုများ
- ပြန်လည်ဆန်းစစ်သင့်သည့်အချက်များ (တစ်မျက်နှာ)
- ခြုံငုံတင်ပြချက် (လုပ်ပိုင်ခွင့်နှင့်မြေ/အဆောက်ဦ)..စသည်တို့ တစ်မျက်နှာခွဲ
- တင်ပြသူ (ဒေါ်ဝင်းမော်ထွန်း၊ လွှတ်တော်ကိုယ်စားလှယ်၊ ပထမဆုံး မြန်မာပြည်တွင် မော်တော်ဆိုင်ကယ်စက်ရုံတည်ခဲ့သူ)
-
ဥပဒေမရှိလျှင်၊ ရှိပြီး ဥပဒေစိုးမိုးမှုရမှသာ ပြည်သူများ၊
အသေး၊အကြီးလုပ်ငန်းရှင်များ၊ ရင်းနှီးမြှတ်နှံသူများ အိုကေမည် ဖြစ်သည်။
ခြစားမှုများလွန်နေချိန်တွင် အနစ်နာခံမည့် လူကောင်းများစွာလိုအပ်နေပါသည်။ ရင်းနှီးမြှတ်နှံမှုဥပဒေများကို ဒေါင်းလုပ်ယူနိုင်ပါသည်၊
MYANMAR Business Investment Laws, Knowledge of Myanmar Legal System & Culture to download
http://mingalaronline.biz/myanmar.htm
ယခု အချက်လက်များတွင် စစ်အသုံးစရိတ် ၂၂% မပါသေးပါ။ Facts Data သည် ကဏ္ဍအသီးသီးတွင် အလွန်အရေးကြီးပါသည်။ နိုင်ငံတော်အစိုးရသည် အချက်အလက်များကို စာရင်းမှန်ကောက်ယူ၊ ဖေါ်ထုတ်ပေးရန် ဖြစ်သည်။ အထက်ပါစာရင်းသည် အမှားဖြစ်သည်ဟု မကြည့်လိုလျှင်၊ အမှာကိုမြင်မှ အမှန်ကိုပြင်နိုင်မည်ဖြစ်သည်..ဆိုစကားအား သတိရရန်ဖြစ်၏။ GDP ခန့်မှန်းချက်မှာ ကျပ်သန်းပေါင် ၄၅၇၇၉၁၇၉.၈ (US$1=K800, US$57 billion) ဖြစ်သောကြောင့် ကမ္ဘာငွေကြေး၊ အမေရိကန်စီအိုင်အေ မှန်းချက်နှင့် သိပ်မကွာလှပါ။ အတော်သင့်မှန်သည်ဟု ယူဆပါသည်။ စာရင်းမှားကြီးကို ကြည့်ပြီး သိရက်နှင့်လက်မှတ်ထိုးပေးနေသော စိတ်ရင်းကောင်းရှိသော မြန်မာ့ဌာနဆိုင်ရာလူကြီးများအတွက်လည်း ၀မ်းနည်းပါသည်။ ဒီမြေကွက် သိန်း၁၀၀တန်ဖိုးရှိပါက၊ တစ်နှစ်လျှင် ငှားရမ်းခ ၄% အနည်းဆုံး ရမှ တန်ဖိုးမှန်ဖြစ်သည်။ အိမ်ကို တစ်နှစ်၎% ငှားမည့်လူမရှိပဲ သိန်းတစ်ထောင်၊ သိန်း၅၀၀၀ အော်ဟစ်နေသူများမှာ စိတ်ကြီးဝင်နေသူများဖြစ်သည်။ ပါမစ်ရထာသောဓါတ်ဆီကို တစ်ဂါလံကျပ်၂၀၀၀ဖြင့် ပြည်ပမှောင်ခိုဝယ်ယူပြီး၊ ပြည်တွင်းတွင် တဂါလံကျပ်၄၀၀၀ ၂ဆ ပုန်းရှိုး၊ ခွက်ရှိုး လုပ်ရောင်းနေသရွေ့ ၀န်ထမ်းများနှင့်၊ အာဏာပိုင်များအတွက် ခွင့်ပြုရလဲခက်၊ မတောင်းမဖြစ်၊ လပ်တောင်းရသော အခြေအနေဖြစ်နေပါသည်။ ဖြေရှင်းနိုင်ပါစေ။
ဇော်အောင် (သြဂုတ်လ-၂၀၁၃)
MDG Series (Daily Hope - Quiet Time)
0 comments:
Post a Comment