<<<<< `` လူတစ်ယောက် လဲနေသည် ´´ >>>>>

ကွန်ဆူး မား

လူတစ်ယောက်လဲနေတယ်......
မှောက်လျှက်အနေအထားမျိုးနဲ့ စောင်းပြီး လဲနေတယ်...။
ကောင်လေးတစ်ယောက်က ဆိုင်ကယ်ရပ်ပြီး သူ့ကို သေချာကြည့်နေတယ်... ကျွန်တော်လည်း ဆိုင်ကယ်ရပ်လိုက်တယ်...။

ကျွန်တော်တို့နှစ်ယောက် ဆင်းပြီး ကြည့်နေတာကို ဖြတ်သွားတဲ့ ဆိုင်ကယ်နဲ့ ကားပေါ်က လူတွေလည်း ကြည့်သွားကြတယ်...။

မျက်နှာလည်း မမြင်ရဘူး...
ဝန်းကျင်မှာတော့ သွေးစ သွေးနမရှိဘူး...
ဒါကြောင့် ထိခိုက်ဒဏ်ရာနဲ့ လဲနေတာ မဖြစ်နိုင်ဘူး...။

မလှမ်းမကမ်းမှာတော့ အ၀တ်ထုပ်လေးလို့ ယူဆရတဲ့ အထုပ်လေးတစ်ထုပ်...။
အ၀တ်အစားက ညှိုးညှိုးနွမ်းနွမ်း...
လူကလည်း ပိန်ပိန်လိန်လိန်ဆိုတော့ ရောဂါသည်လား... ဒါမှမဟုတ် ထောင်ကလွတ်လာတဲ့ အကျဉ်းသားဟောင်းလား...
နောက်ပြီး ဆီအုန်းခြံ လုပ်သားလား.... စဉ်းစားစရာ။

ရောဂါကြောင့် လဲနေတာလား...၊ အဟာရပြတ်ပြီး လဲနေတာလား... စဉ်းစားရင်း ခန္ဓာကိုယ်ကို ဆွဲလှန်ကြည့်ပြီး ကိုယ်စမ်းကြည့်တော့ တော်တော်ပူနေတယ်... အဖျားတက်ပြီး သတိလစ်နေတာလို့ သိလိုက်တယ်...။ အသားအရည်ကလည်း ပြာနှမ်းနှမ်းမွဲခြောက်ခြောက်... သေချာတာကတော့ မလှပတဲ့ ဘ၀ထဲက လူတစ်ယောက်ပါပဲ....။

ဒီလူ ဘယ်အချိန်ကတည်းက လဲနေမှန်းမသိဘူး.....
လမ်းပေါ်မှာတော့ ကားတွေ ဆိုင်ကယ်တွေ ဖြစ်သွားနေကြတာပဲ...
အင်း..... အချို့လည်း မြင်ကြမှာပါပဲ...။

အချိန်က နေ့လည်နေ့ခင်း ထမင်းစားပြီး ခဏနားတဲ့ အချိန်လေးပေါ့... ဒီလမ်းကြီးက ဖြူးနေတယ်... ရပ်ကွက်တွေတစ်ဆက်တည်းမဟုတ်ပေမယ့် လမ်းဘေးဝဲယာမှာ ခြံလေးတွေ ခြံစောင့်အိမ်လေးတွေနဲ့... ဟိုဘက်ရပ်ကွက်နဲ့ ဒီဘက်ရပ်ကွက်က နှစ်မိုင်လောက်တော့ ခြားတယ်... ဆိုလိုတာက လူပြတ်တဲ့ လမ်းမကြီးလို့ပဲ ဆိုကြပါစို့။

လဲနေသူကို ကြည့်နေတဲ့ ကျွန်တော့်အရင်ရောက်နေတဲ့ကောင်လေးက

`` ဘယ်လိုလုပ်မလဲ ဦးလေး သေတော့ မသေသေးဘူးဗျ....´´

`` ဆိုင်ကယ်နဲ့ တင်သွားပြီး ဆေးရုံပို့မလား.... ရပ်ကွက်အုပ်ချုပ်ရေးမှူးရုံးကို အကြောင်းကြားမလား၊ ရဲကို အကြောင်းကြားမလား.... မင်းဘယ်လိုလုပ်ချင်လဲ´´

`` ဆေးရုံတင်ရင်တော့ လူနာရှင်ဖြစ်သွားမယ်... ဆေးဖိုးရှင်းရမယ်... သေသွားရင် သင်္ဂြီုလ်ရမယ်...၊ ကျွန်တော့်မှာ ပိုက်ဆံလည်းမရှိဘူးဗျ...´´

`` ဒါဆို ဒီနားက ရပ်ကွက်ရုံးအကြောင်းကြားရင်ကောကွာ´´

`` တဆင့်ဆင့်နဲ့ သေမယ့်လူနာဆို သေသွားမှာပေါ့.... စောင့်နေ ရတာနဲ့ ဆေးရုံမရောက်ခင် ကြွသွားဦးမယ်......´´

`` ဒါဆို ရဲစခန်းကို ဖုန်းဆက်မယ်ကွာ...´´

`` အာ... အဲဒါ ပိုဆိုးမှာ.... ကနဦးသတင်းပေးတဲ့သူက ဘယ်သူလဲ... လဲနေတဲ့လူရဲ့... နံမယ်က ဘယ်လိုခေါ်လဲ... အသက်ဘယ်လောက်လဲ... ဘာလူမျိူးလဲ.... မင်းနဲ့ဘာတော်လဲ.... ဘယ်အချိန်က စတွေ့တာလဲနဲ့ ပြန်ရစ်နေတာနဲ့ လူနာလည်းသေ.... ကျွန်တော်လည်း အလုပ်ပျက်ဦးမယ်...´´

`` ဒါဆိုလည်း ကြည့်လုပ်မယ်ကွာ... မင်းဆိုင်ကယ်နဲ့ တင်လာခဲ့... အရင်ဆုံး ရပ်ကွက်ရုံးမှာ ၀င်ပြောမယ်... ရပ်ကွက်ရုံးအစီအစဉ်နဲ့ ဆေးရုံပို့မယ်... ပြီးရင် ရဲစခန်းကို ငါဝင်ပြောလိုက်မယ်ကွာ... ဘယ်လိုလဲ´´

`` ဦးလေးမှာ ဆိုင်ကယ်ဦးထုပ်အပိုပါလား...´´

`` ဟေ ဘယ်ပါမလဲကွ.... ဘာလုပ်ဖို့လဲ မင်းက´´

`` ဟား..... မြို့ အ၀င် ဆိုင်းဘုတ်နားမှာ ဆိုင်ကယ်ဖမ်းနေတယ်ဗျ...... ကညနက အဖွဲ့တွေပါ ပါတယ်... ဦးထုပ်တစ်ခုတည်း မဟုတ်ဘူး.... လိုင်စင်ရော.... ဘာရော ညာရော အကုန်စစ်နေတာ.... သူ့ကို ဦးထုပ်ဆောင်းပေးပြီးမှ ခေါ်သွားလို့ရမှာ.... မဟုတ်ရင် တစ်သောင်းမိသွားဦးမယ်...´´

`` ဟိုက်....´´

ဘယ်လိုလုပ်ရမှန်းတောင် မသိတော့ဘူး...
ကျွန်တော်ကလည်း ခေတ်လူငယ်တွေလို အဖျားတက်ပြီး သတိလစ်နေတဲ့ လူနာတစ်ယောက်ကို နောက်ကတင်ပြီး မောင်းနိုင်လောက်အောင်လည်း ဆိုင်ကယ်စီးတာ မကျွမ်းကျင်ဘူး...။

တင်ပေးချင်တဲ့ကောင်လေးကလည်း ဦးထုပ်မဆောင်းတဲ့ အမှုကို ကြောက်နေရတယ်...။

တစ်ချို့လည်း ပြောပြလို့ရနိုင်ပါတယ်... ဒါပေမယ့် လုပ်ချင်တဲ့အခါ.... ``ဥပဒေဟာ ဥပဒေပဲ´´ဆိုတဲ့ ကိုတိကျတွေကလည်း ရှိသေးတယ်...။

ကားလေးနဲ့သာ ဆိုရင်တော့ ပထမအဆင့်က ပြဿနာမရှိတော့ဘူး...
ဆေးရုံတင်ဖို့နဲ့ လူနာရှင်လုပ်ဖို့ပဲ အခက်အခဲ နည်းနည်းရှိမယ်...။

နာရေးကူညီမှု အသင်းတော့ရှိပါရဲ့... ဒါပေမယ့် အခုလမ်းဘေးမှာ လဲနေတာက လူနာဆိုတော့ မဖြစ်ပြန်ဘူး...။

အင်အားပြည့်တဲ့ ကြက်ခြေနီတပ်ဖွဲ့လေးတစ်ခုလောက် အဆင်သင့်ရှိနေရင်... ဒီလိုကိစ္စတွေအတွက် ချက်ချင်းဆက်သွယ်နိုင်ရင်...
သူတို့လည်း သင့်လျော်ရာ ယာဉ်တစ်စီးစီးနဲ့ ချက်ချင်းလာနိုင်အောင် စီစဉ်ပေးထားရင်.... ဘယ်လောက်ကောင်းလိုက်မလဲ.... လို့ လူနာကိုကြည့်ရင်း စဉ်းစားဖြစ်တယ်..။

ကျွန်တော် ပိုက်ဆံချမ်းသာလာရင် ဒီလိုတပ်ဖွဲ့လေးတစ်ခု တကယ်လုပ်ထားမယ်ဗျာ...။

အော်... ဒုက္ခ... ဒုက္ခ..... အခုလောလောဆယ်တော့ လဲနေတဲ့သူကို သူ့ကံနဲ့သူဆိုပြီး ဒီအတိုင်းထားခဲ့တာက ကိုယ့်အတွက်တော့ အကောင်းဆုံးပါပဲ...

ဒါပေမယ့် သူဟာ လူတစ်ယောက်ဖြစ်နေတယ်ဗျာ.....

ကဲ... ၀ိုင်းပြီး စဉ်းစားပေးကြပါဦး.... ကျွန်တော် ဘယ်လို လုပ်ရင်ကောင်းမလဲလို့....။

(ကွန်ဆူးမား)(၂၇-၁၁-၂၀၁၃)