ဗုဒ္ဓဘာသာ ဇစ်မြစ် ( ၇ )
|
5:10 PM |
No မှတ်ချက် |
September 8, 2013 at 1:37pm
ဒီပင်္ကရာဘုရားရှင်အား ဖူးမြှော်ကြည်ညုိုကြကုန်သော လူနတ်ဗြာဟ္မာသတ္တဝါ အပေါင်းသည် ဤသုို့သောဗျာဒိတ်တော်ကုို ကြားသိကြရသောအခါ အနာဂတ်အတွက် စကြာဝဠာ၏ခေါင်းဆောင် သုို့မဟုတ် သုံးဆယ့်တစ်ဘုံသားတုို့၏ခေါင်းဆောင်သည် ယခုပေါ်ပေါက်ချေပြီဟူ၍ များစွာနှစ်ထောင်းအား ရဖြစ်ကြတော့သည်။ အလွန်အားကြီးသော ဝမ်းသာပီတိကုို ခံစားကြရလေသည်။ ထုိုဝမ်းသာမှုသည် အလွန်တရာမြင့်မြတ်ဖြူစင်၏။ သဂြိုဟ်စကားဖြင့်ပြောရလျှင် သောမနဿသဟဂုတ် ဥာဏသမ္ဗယုတ် အသခါင်္ရိက မဟာကုသုိုလ်စိတ်ပင်ဖြစ်၏။ အဘယ့်ကြောင့်ဆုိုသော် ကိလေသာအားကြီး ပွါးစီးရေးအတွက် ဝမ်းမြောက်ခြင်းမဟုတ်ဘဲ ကိလေသာကုန်ခန်း မြတ်ရဟန်း ( ဘုရား ) ဖြစ်ရေးအတွက် ဝမ်းမြောက်ခြင်းကြောင့်ပင်ဖြစ်လေသည်။
ထုို့ပြင် နတ်ဗြာဟ္မာအပေါင်းတုို့သည် ဤသုို့လည်း မျှော်လင့်ကြပြန်၏။ အကယ်၍ မိမိတုို့သည် ဒီပင်္ကရာဘုရားရှင်လက်ထက်တော်၌ တရားထူးကုို မရခဲ့လျှင် နောင်အခါဝယ် ဂေါတမဘုရားရှင်လက်ထက်တော်အခါ၌ တရားထူးကုို ရရှိကြမည်ဟူ၍။ သူတုို့၏ မျှော်လင့်တမ်းတချက်သည် မြင့်မြတ်၍ အတုယူအားကျထုိုက်သလုို စံလည်းပြုထိုက်၏။ ယနေ့သာသနာတော်၏ ဖြစ်ဖျားခံရာ အစဦးဆုံးအခမ်းအနားသည် ဤမျှသာဖြစ်၏။ အမှန်စင်စစ် ဤအခမ်းအနားသည် ယနေ့သာသနာတော်၏ အုတ်မြစ်ချအခမ်းအနားလည်းဖြစ်ပေသည်။ လောကတွင် အကျိူးရလာဒ်တစ်ခုဖြစ်ပေါ်ရေးအတွက် အဖက်ဖက်မှ အကြောင်းတရားများ ပြည့်စုံညီညွတ်ဘုို့သည် အရေးကြီးလှပါသည်။ ထုို့အတူ သဗ္ဗညုတဥာဏ်တော်ရရှိရေးတွင်လည်း အကြောင်းတရားများပြည့်စုံဘုို့ အလွန်ပင်လုိုအပ်ပါသည်။ ထုိုအကြောင်းတရားများကား ပါရမီဆယ်တန်ပြည့်စုံဘုို့ပင်ဖြစ်သည်။ ပါရမီမပြည့်စုံပါဘဲနှင့် မည်သုို့မျှဘုရားဖြစ်နုိုင်မည်မဟုတ်ချေ။ တဖန် ထုိုပါရမီဆယ်တန်ပြည့်စုံရေးအတွက်လည်း ဘုရားအလောင်းတော် တစ်ယောက်တည်းအနေဖြင့် ဖြည့်ဆည်းနုိုင်လိမ့်မည်မဟုတ်ပေ။ သုို့မဟုတ် ဖြည့်ဆည်းဘုို့ခက်ခဲနေမည်မှာ အမှန်ပင်ဖြစ်သည်။ အကြောင်းမှာ ခေါင်းဆောင်ရှိလျှင် ဖြည့်ဆည်းပေးသူ နောက်လုိုက်ရှိရမည်ဖြစ်သလုို နောက်လုိုက်ဖြည့်ဆည်းသူမရှိလျှင်လည်း လောကခေါင်းဆောင်သည် မဖြစ်ပေါ်နုိုင်သောကြောင့်ပင်ဖြစ်သည်။
ယခု ဤအခမ်းအနားတွင် လောကအတွက် ဦးဆောင်ပါရမီဖြည့်မည့် သုမေဓာရှင်ရသေ့လည်းရှိပြီ။ နောက်လုိုက်ဖြည့်ဆည်းပေးမည့် ပါရမီဖြည့်ဖက် သုမိတ္တာလည်းရှိပြီ။ ပါရမီဆယ်ပါးကုိုလည်း မလျှော့သော ဇွဲလုံလတုိ့ဖြင့် ဘုရားဖြစ်သည်အထိ အမှန်ပင်ဖြည့်ကြတော့မည်။ အခြေခံအကြောင်းတရားကား စုံလေပြီ။ ထုိုအခြေခံအကြောင်းတရားသည်လည်း နောင်လေးအသင်္ချေနှင့်ကမ္ဘာတစ်သိန်းကြာမြင့်သောကာလဝယ် အထွဋ်အထိပ်သုို့ရောက်၍ အမှန်ပင်ဖူးပွင့်ကာ သီးပေတော့မည်။ ထုိုအသီးသည် သဗ္ဗညုတဥာဏ်တော် အသီးပင်ဖြစ်လေသည်။ ထုိုအသီးမှ အမျိူးမျိူးသော သာဝကတုို့၏ မဂ်ဥာဏ် ဖုိုလ်ဥာဏ် ဗောဓိဥာဏ်တော်ဟူသော အသီးတုို့ကုိုလည်း ထပ်မံ၍သီးစေပေလိမ့်မည်။ သုို့သော် ထုိုအသီးများသည် နောက်တစ်ဖန်ပြန်၍ အပင်ပေါက်ကာ ဖူးပွင့်ကြမည်မဟုတ်သလုို သီးလည်းသီးကြတော့မည်မဟုတ်ချေ။ အမှန်စင်စစ် ထုိုထုို ဗောဓိဥာဏ်တော်ဟူသော အသီးများသည် လောကအတွက် သက်သက်သာသာလျှင်ဖြစ်လေသည်။ အကြောင်းမှာ ဗောဓိဥာဏ်အသီးကုို သီးပြီးကြကုန်သော အဂ္ဂသာဝကစသော သာဝကအမျိူးမျိူးတုို့သည် သူတုို့အတွက် ပြုစရာအသစ်ဟူ၍ ဘာမှမရှိကြတော့ဘဲ အားလုံးပြီးပြည့်စုံကာ သံသရာဇာတ်သိမ်းကြတော့မည်ဖြစ်သောကြောင့် ပင်ဖြစ်သည်။
သုံးဆယ့်တစ်ဘုံသားတုို့အား ကယ်တင်ရေးအတွက် သဗ္ဗညုတဥာဏ်တော်ရရှိရေး ရည်မှန်းချက်ဖြင့် ဗျာဒိတ်တော်ကုို ခံယူလျှက်ပါရမီတော်ဆယ်ပါးကို ကုိုယ်တော်တုိုင်ဖြည့်ကျင့်တော့မည်ဖြစ်သော အလောင်းတော်သုမေဓာရှင်ရသေ့သည် သုမိတ္တာမည်သော အမျိူးသမီးကောင်းလေးပါဝင်လာသည်ကုို အလွယ်တကူပင် ကြည်ကြည်ဖြူဖြူလက်ခံခဲ့သည်။ ဒီပင်္ကရာဘုရားရှင်သည်လည်း တစ်ဦးတည်းမခွဲဘဲ နှစ်ဦးတွဲ၍ ဗျာဒိတ်ပေးခဲ့သည်။ ဤသည့်အကြောင်းများကား အသုို့နည်း။ အထူးသဖြင့် အလွန်ရှည်ကြာလှသော လေးအသင်္ချေနှင့် ကမ္ဘာတစ်သိန်းကာလအတွင်းဝယ် သူတုို့နှစ်ဦး၏ ချစ်ခြင်းမေတ္တာတရားသည် အလွန်ပင်ကြီးမားလှသည်ကုို ပိဋကတ်စာပေများတွင် တွေ့နုိုင်ပေသည်။ ထုိုကြီးမားလှသော ချစ်ခြင်းမေတ္တာတရားသည် အတူတွဲ၍ဖြည့်ဆည်းခဲ့ရသော ပါရမီတော်တုို့ကြောင့် ကြီးမားလာလေသလော သို့မဟုတ် သူတုို့နှစ်ဦး၏ ချစ်ခြင်းမေတ္တာကြောင့်ပင် ပါရမီတော်တုို့ကုို အတူတွဲကာ ဖြည့်ဆည်းနုိုင်ခဲ့လေသလော။
( ဆက်လက်ဖေါ်ပြပါမည် )
Director of Religious Education
0 comments:
Post a Comment