((((( ``` အမှန်တရားတစ်ခု တည်ဆောက်ခြင်း.....´´´ )))))

ကွန်ဆူး မား

`` မင်း ငါ့ကိုတော့ အမှန်အတိုင်းပြောပါ... ဒါမှ ငါကာကွယ်လို့ရမယ်...´´
သေသေချာချာမျက်နှာကို ကြည့်ပြီး ပြောမိသည်။
`` မဟုတ်ပါဘူးဆရာရယ်၊ ကျွန်တော် မသတ်ခဲ့ပါဘူး၊ ဘုရားစူးရပါစေ့ဗျာ၊ ကောင်မလေးကို ကျွန်တော် ကြိုက်နေတာတော့ မှန်ပါတယ်´´
လက်ဝါးနှစ်ဘက်ကို ပွတ်လျှက် ကျွန်တော့်မျက်နှာကို မကြည့်ဘဲပြောနေသည်။
သေချာပါပြီ ဒီကောင်သတ်လိုက်တာပါ လို့ စိတ်ထဲမှာတွေးနေမိသည်။
ဒီပုဂ္ဂိုလ်သည် ကြေးရည်တက်မိသားစုမှ ပေါက်ဖွားသည်။
ရွာလူမိုက်ဆန်သည်၊
နံမယ်ပျက်လည်းရှိသည်၊
ယခုလူသတ် မှုဖြစ်ပြီ.....
သူ တစ်ပါးရည်းစားအား ၀င်လုရာမှ ကောင်လေးကို ဓါးဖြင့် ထိုးသတ်ခဲ့သည်၊ အတွေ့အကြုံအရ ဒီ မောင် သာလျှင် သတ်ခဲ့ကြာင်းသိရသည်၊

ယခုဒီမောင်သည် မိမိကိုပင် ငြင်းဆန်နေသည်၊ မဟုတ်တရုတ်များ... ကျွေးမွေးမြှောက်ပင့်ပေးထားသောကလေ က၀များ (သူ၏တပည့်များကိုဆိုလိုသည်)ကို လွှဲချနေသည်။

မျက်လုံးလည်းမငြိမ်....
အသံလည်းမမှန်....

သို့သော် မိမိသည် ရှေ့နေ..
အင်မတန်တော်သည်ဟု နံမယ်ကြီးသော ရှေ့နေ တစ်ယောက်ဖြစ်ပါသည်။ သတ်မှတ်ကြေးအတိုင်း ငှားရမ်းခဲ့လျှင် လိုက်ပါ ဆောင်ရွက်ပေးရမည်သာဖြစ်သည်။

မိမိ၏အလုပ်သည် မိမိ အကျိုးဆောင်ပေးရသူအား သတ်မှတ်ထားသည့် ဥပဒေဘောင်အတွင်းမှ သက်သေများ၊ သံသယများဖြင့် ထုခြေလျှောက်လဲလျှက် အသာစီး ရယူရန်ပင်ဖြစ်သည်...

ဒီအတိုင်းလည်း ပဋိဥာဉ် ခံထားခဲ့သည်။
သတ်မှတ်ကြေးထက်များစွာ ပိုပေးမည်ဟု သူ့အိမ်မှလည်း သဘောတူပေး ထားသည်......

မိမိသည် အမှု အနည်းငယ်ကိုသာ အခကြေးငွေဖြင့် လိုက်ပါဆောင်ရွက်ပေးခဲ့သည်၊ များသောအားဖြင့် အစိုးရရှေ့နေ အဖြစ် ဆောင်ရွက်ခဲ့ရသည်က များသည်၊

အမှန်တကယ် မိမိကိုယ်တိုင်အကျိုးဆောင်ပေးရသူကို ယုံကြည်မှုရှိမှသာ အမှုကို လက်ခံခဲ့သည်၊ ယုံကြည်မှုဖြင့်သာ အချက်အလက်ရှာခဲ့သည်။

မိမိဆောင်ရွက်ချက်များ အောင်မြင်ခဲ့ပါကလည်း ပီတိဖြစ်နေတတ်သည်၊
ငွေကြေးဖြင့် ငှားရမ်းသူများ အနိုင်ရပါက ဂုဏ်ပြုခြင်းဖြင့် ငွေကြေး ဥစ္စာ များစွာ ရရှိပါသည်။

သို့သော် ပေးနိုင်သမျှ ပေးပြီး ပါက မေ့သွားတတ်ကြသည်၊
ဆင်းရဲနွမ်းပါးသူများ အမှန်တကယ်ဘ၀ကို တန်ဘိုးရှိရှိ ဖြတ်သန်းနေသူများ မတရားသဖြင့် ကြုံကြုက်သည့် အခါ ကူညီပေးနိုင်ခဲ့ပါက ဂါရ၀တရားနှင့် ကျေးဇူး တင်ခြင်းဟူသော အလှအပတရားကို ခံစားရရှိသည်....။

ထို့ထက်ပိုသော ပီတိကိုလည်းရရှိသည်၊ ပျောက်ပျက်မသွားတတ်ပါ......။

ဒီတစ်ခေါက် လုပ်ငန်းအတွက် ပင်ကိုယ်အားမရှိခဲ့...
ဒီတရားခံဟု သံသယရှိသူအား ယုံကြည်မှုမရှိခဲ့...၊
တရားလိုရှေ့နေသာ လုပ်လိုက်ချင်တော့သည်။ ဒီမောင် လုံးဝ ထောင်ကျသွားနိုင်သည်။

ရုံးချိန်းတစ်ပါတ်...... ထိရောက်သော လျှောက်လဲချက်မရှိ၊ အလီဘိုင်မပြနိုင်
နောက်တစ်ပါတ် ထိုနည်းလည်းကောင်း..
အမှန်အတိုင်းပြောရလျှင် ကျွန်တော် ဘာမှ မစုဆာင်းထားခဲ့......
အမှန်အတိုင်း မပြောသမျှ ကျွန်တော် စဉ်းစားမည်မဟုတ်ပါ....

အမှန်အတိုင်း သိရမှသာ ဥပဒေဘောင်အတွင်းမှ သက်ညှာမှုကို ကျွန်တော်သူ့အတွက် ရှာဖွေပေးချင်ပါသည်။

တရားလိုရှေ့နေနှင့် တရားခံ ရှေ့နေဖြစ်သော ကျွန်တော်၏ လျှောက်လဲချက် အခြေအနေကို တရားသူကြီးအဖွဲ့က ကောင်းစွာ သဘောပေါက်နေသည် ။

လိုပြ သက်သေများ၏ ထွက်ဆိုချက်ဖြင့် ဤပုဂ္ဂိုလ် မကြာမီ ထောင်နန်းစံရတော့မည်၊
ကျွန်တော့်ကိုခေါ်ယူ သတိပေးခဲ့သည်၊
ဘာဘဲဖြစ်ဖြစ် စည်းမပျက်စေနှင့် ရှေ့နေဘ၀အဆုံးသတ်သွားနိုင်သည်.... ဟု။

ကျွန်တော် နည်းနည်းမျှ မတုန်လှုပ်....
ဒီမောင် ထောင်ကျသွားလည်း ရှေ့နေလိုင်စင် အသိမ်းခံရစရာ အကြောင်းမရှိ..... အမှန်အတိုင်း သိရမှသာ ဆောင်ရွက်ချင်သည်။
ဒီအတိုင်းသွားလို့ကတော့ .........

တရားခံဘက် အသိုင်းအ၀ိုင်းမှ ခြိမ်းခြောက်မှုဆန်သော အပြောအဆိုများကို ထုတ်လွှင့်လာကြသည်၊

မည်သို့ရင်ဆိုင်ရမည်နည်းရင်ဆိုင်သွားပါမည်၊
ကျွန်တော် လိုက်ပါဆောင်ရွက်ရသော အမှုသည်သည် ယုတ်မာသည်ဟု ခံစားရသည်၊
နိုင့်ထက်စီးနင်း ပြုမူသည်ဟု ခံစားမိသည်၊
ဒီလိုကောင် မျိုးတွေကို အထဲမှာထားတာ လောကကြီးပို၍ ငြိမ်းချမ်းသည်ဟု ခံယူမိသည်၊

လူမိုက်များလည်း ကြုံဘူးပါသည် မိုက်တော့ မိုက်သည် တစ်ချို့မယုတ်မာကြပါ၊

လူ ယုတ်မာတစ်ချို့ တွေ့ဘူးသည်၊ အခွင့်ရေးရသမျှ မိဘကို ပင်မချန် ယုတ်မာကြသည်၊ သတ္တိ နည်းနည်းမျှမရှိ....

ယခု တရားခံသည်လည်း ယုတ်မာသည်။
ဒီအတိုင်းထား၍မဖြစ်ဟု ကျွန်တော် ဆုံးဖြတ်လိုက်သည်....
ကျွန်တော် ညံ့သည်ဆိုသော စကားကို လက်ခံလိုက်မည်.... သွားပေရော့... ဟု တွေးမိပြီး ပြုံးနေခဲ့သည် တစ်ဦးတည်းပါပဲ။

တရားစီရင်ရေးစနစ်ကို ကျွန်တော် သဘောမကျ... တရားသူကြီးအား ရှေ့တွင်ထား၍ ရှေ့နေနှစ်ဦး အပြန်အလှန်ငြင်း ဆန်ကြသည်၊ ယုတ္တိရှိရှိ အချက်အလက်နှင့် ငြင်းဆန်နိုင်သူသည် အနိုင်ရသည်...

မိမိအမှုသည်သည် တရားခံအစစ်ဖြစ်မှန်းသိလျှက်နှင့် ကြိုးစား၍ အကိုးအကားရှာဖွေတင်ပြသူသည် အနိုင်ရသည်...။

ဤသို့ဖြင့် တရားခံစစ်များ လွတ်မြောက်သွားသည်မှာ အများကြီး ရှိခဲ့ပြီ။

မသိနားမလည်ခြင်း၊ ငွေကြေးမတတ်နိုင်ခြင်း၊ အသိုင်းအ၀ိုင်း ကျောထောက်နောက်ခံ အင်အားမဲ့သူများ မဖြစ်စလောက်သော အမှားများဖြင့် တရားခံကြီးများ ဖြစ်သွားသည့် သာဓကများလည်းရှိသည်။

ကျွန်တော် လူမိုက်ထက် လူယုတ်မာကို ပိုမုန်းပါသည်။

ကျွန်တော်၏ လုပ်ဆောင်ချက်ဖြင့် လူယုတ်မာတစ်ယောက်ကို ရှင် သန်ခွင့် နှင့် နောက်တစ်ဆင့် ပါဝါတက်ခြင်းကို မပေးနိုင်......

ဘ၀နာချင်နာသွားပါစေ၊ ဖြစ်ချင်ရာ ဖြစ်ပါစေဟု ဆုံးဖြတ်လိုက်သည်။

ဟိုတွေး ဒီတွေးဖြင့် အမိန့်ချရန် နီးကပ်လာသော အချိန်တွင် အခြေအနေတစ်ခု ကို သတိရမိသေးသည်..

အကယ်၍ကျွန်တော့် ထင်မြင်ယူဆချက် မှားနေခဲ့လျှင်...ဟု

ကျွန်တော် သံသယဖြစ်သွားသည်....။
ဥပဒေကြောင်းအရ သံသယအကျိုးကို တရားခံမှ ခံစားခွင့်ရှိသည်.....

ဤသို့ဆိုလျှင် တရားခံအဖြစ် စွပ်စွဲခံရသူသည် လွတ်ထွက်သွားနိုင်သည်.....

စိတ်မှန်းဖြင့် ကျွန်တော်တည်ဆောက်ခဲ့သော အမှန်တရားတစ်ခုကို ကျွန်တော် ပြန်လည် ပြင်ဆင်ရမည်လား ဆိုသည်ကိုတော့.....။

အဲဒီညက ကျွန်တော် ဆုတောင်းဖြစ်ခဲ့သည်....
``တရားကို နတ်စောင့်ပါစေ...´´ဟု။

တိတ်ဆိတ်သော ညတွင် ဆရာဖြစ်သူ၏ စကားသံတစ်ချို့ကို မသဲကွဲသော်လည်း သေသေချာချာ ကြားယောင်မိသည်။

`` တစ်ခါတလေ ကိုယ် မဆုံးဖြတ်နိုင်လို့ သမ္မာဒေ၀ နတ်ကောင်း နတ်မြတ်တွေဆီမှာ တိုင်တည် ဆုတောင်းရတဲ့ အခါမျိုးတွေလည်း ရှိခဲ့တယ် တပည့်ရေ.... သူများဘ၀တွေအတွက် ကိုယ်က အမှားတွေ မဆုံးဖြတ်ချင်လို့ပါ....´´တဲ့။

(ကွန်ဆူးမား)(၂၀-၉-၂၀၁၃)

(၈-၉-၂၀၁၁)ရက်နေ့တွင် ရေးဖြစ်ခဲ့သော ပို့စ်လေးအား ပြန်လည် တင်ပြပါသည်။