18.06.2012 နေ့ဖတ်ရန်သတင်းများ

by Myanmar Journal on Sunday, June 17, 2012 at 5:38pm 

ရခိုင်ပြည်နယ် ဒုက္ခသည်တွေ အကူညီမရ

ရခိုင် ဒုက္ခသည် အများအပြားဟာ စာသင်ကျောင်း နဲ့ ဘုန်းကြီးကျောင်း တွေမှာ ခိုလှုံ နေရ

ရခိုင်ပြည်နယ် စစ်တွေမြို့ ပတ်ဝန်းကျင်မှာ ဒုက္ခသည် အရေအတွက် ငါးသောင်းလောက် အထိရှိနေပြီး အဲဒီအထဲမှာ မူဆလင် ဒုက္ခသည် သုံးသောင်းလောက်နဲ့ ရခိုင်တိုင်းရင်းသား ဒုက္ခသည် နှစ်သောင်းလောက် ပါဝင်တယ်လို့ ရခိုင်ပြည်နယ် နယ်စပ်ရေးရာနဲ့လုံခြုံရေး ဝန်ကြီး ဗိုလ်မှူးကြီး ထိန်လင်းနဲ့ အတူ စနေနေ့က မူဆလင် ဒုက္ခသည် စခန်း တွေကို လှည့်လည် ကြည့်ရှုခဲ့တဲ့ ဘူးသီးတောင် မြို့နယ် လွှတ်တော် ကိုယ်စားလှယ် ဦးရွှေမောင်က ဘီဘီစီကို ပြောပါတယ်။

ရခိုင်တိုင်းရင်းသားများ တိုးတက်ရေးပါတီ က စစ်တွေ မြို့နယ် ပြည်နယ် လွှတ်တော်ကိုယ်စားလှယ် ဦးအောင်မြကျော် ကလည်း စစ်တွေမြို့က ဒုက္ခသည် စခန်း ၆၁ ခုမှာ ဒုက္ခသည် အရေအတွက် ၁၅၆၀၀ ကျော်ရှိတယ်လို့ ပြောပါတယ်။

ရခိုင် ဒုက္ခသည် အများဆုံး ရှိနေတဲ့ နေရာကတော့ လူသံချောင်း ဆိုတဲ့ ကျောင်းဖြစ်တယ်လို့ ဦးအောင်မြကျော် က ဆိုပြီး အောင်မင်္ဂလာ ရပ်ကွက်မှာ မူဆလင် ဒုက္ခသည် တွေ အများအပြား စုပြုံရောက်ရှိ နေတယ်လို့ ဦးရွှေမောင်က ပြောပါတယ်။

မြို့ပေါ်က ဒုက္ခသည် စခန်း တွေမှာ အမိုးအကာ နဲ့ လုံခြုံမှု ရှိပေမယ့် စားစရာ အတွက် အခက်အခဲရှိ နေတယ်လို့ ဦးရွှေမောင်က ဆိုပါတယ်။

နယ်တွေက လာကြသူတွေ နေရပ် ပြန်တာ ရှိပေမယ့် ဒုက္ခသည် စခန်းကို နေ့စဉ်လိုလို တိုးပြီး ရောက်လာ နေတဲ့ လူတွေက ပိုများတယ်လို့ ဦးအောင်မြကျော် ကပြောပါတယ်။

အစိုးရ သတင်းစာ တွေမှာ ဒုက္ခသည် တွေအတွက် အလှူငွေ သိန်း ထောင်နဲ့ချီပြီး ရရှိတယ် လို့ ဖော်ပြတာ ရှိပေမယ့် ရခိုင် ဒုက္ခသည် တွေအတွက် မြို့ပေါ်က လူမှုရေး အသင်းအဖွဲ့တွေနဲ့ နယ်ဝေးက ရခိုင် တိုင်းရင်းသား တွေပေးပို့တဲ့ အလှူလောက်သာ အကူအညီ ရရှိကြတယ်လို့ ဦးအောင်မြကျော်က ပြောပြခဲ့ပါတယ်။

ဂရိရွေးကောက်ပွဲ ပြန်ကျင်းပ

ဂရိနိုင်ငံဟာ တလခွဲ အချိန်အတွင်းမှာ ဒုတိယအကြိမ် ရွေးကောက်ပွဲကို ပြန်လည် ကျင်းပနေပြီး ဒီရွေးကောက်ပွဲဟာ ဂရိနိုင်ငံအတွက် သိပ်ထူးခြားသလို အရေးပါတဲ့ ရွေးကောက်ပွဲလည်း ဖြစ်ပါတယ်။

ပြီးခဲ့တဲ့ တလခွဲက ကျင်းပခဲ့တဲ့ ရွေးကောက်ပွဲအပြီး အစိုးရတရပ် မဖွဲ့နိုင်လို့ ရွေးကောက်ပွဲ ပြန်ကျင်းပတာ ဖြစ်ပါတယ်။

ပြီးခဲ့တဲ့ တလခွဲတုန်းက ကျင်းပခဲ့တဲ့ ရွေးကောက်ပွဲမှာ အနိုင်ရ ပါတီတွေဟာ ညွန့်ပေါင်း အစိုးရ တရပ် ဖွဲ့စည်းဖို့ အတွက် မညှိနှိုင်း နိုင်ခဲ့ကြလို့ အခုလို နောက်ထပ် ရွေးကောက်ပွဲ တရပ် ကျင်းပခဲ့တာ ဖြစ်ပါတယ်။ ညှိနှိုင်းလို့ မရကြတဲ့ အဓိက အကြောင်းကလည်း ဂရိ နိုင်ငံ စီးပွား ရေး အကြပ်ဆိုက် နေချိန်မှာ အများပြည်သူ အတွက် သုံးတဲ့ အသုံးစရိတ်တွေကို ချိုးခြံချွေတာ သုံးစွဲရေးဆိုတဲ့ ဥရောပသမဂ္ဂက ချမှတ်ပေးတဲ့ အစီအစဉ်ကို လက်ခံ မခံဆိုတဲ့ အကြောင်းအရာ အပေါ်မှာ သဘောထား ကွဲလွဲကြတဲ့ အတွက် ညှိနှိုင်းလို့ မရကြတာ ဖြစ်ပါတယ်။

အခု ဒီပွဲမှာလည်း ရှေ့က ပြေးနေကြတာက လက်ယာ ပါတီဖြစ်တဲ့ ဒီမိုကရေစီသစ်ပါတီနဲ့ လက်ဝဲပါတီဖြစ်တဲ့ ဆိရီဇာ ပါတီတို့ပါ။ လက်ယာ ဒီမိုကရေစီသစ်ပါတီက ချွေတာရေး အစီအစဉ်ကို လက်ခံချင်ပါတယ်။ လက်ဝဲ ဆိရီဇာ ပါတီက လက်မခံချင်သူ ဖြစ်ပါတယ်။

သူတို့ နှစ်ပါတီ အနိုင်ရကြဖို့ များပေမဲ့ ဘယ်သူက အများစုရမလဲဆိုတာ မသေချာသေးပါဘူး။ ကြိုတင်ခန့်မှန်းမဲ ကောက်ယူခွင့်ကို တားမြစ် ပိတ်ပင်ထားတဲ့ အတွက် ပိုပြီး အမှန်းရ ခက်ပါတယ်။ တရားမဝင် ကောက်ယူထားတဲ့ ကြိုတင် ခန့်မှန်း မဲအရကလည်း နှစ်ပါတီကို ပေးမယ့် မဲအရေအတွက်ဟာ သိပ်နီးကပ် နေတယ်လို့ ဆိုပါတယ်။

ဥရောပခေါင်းဆောင်တွေကတော့ တကယ်လို့ ဂရိ အနေနဲ့ ချွေတာရေး အစီအစဉ်နဲ့ ယူရိုက ထုတ်ပေးမဲ့ ကယ်ဆယ် ကူညီငွေတွေကို ငြင်းဆန်ခံရင် ယူရိုဇုန်ကပါ ထွက်ရ ကောင်း ထွက်ရနိုင်တယ်လို့ ဆိုနေပါတယ်။

ယူရိုဇုန်နိုင်ငံတွေထဲမှာ စီးပွားရေး အင်အား အကြီးဆုံး နိုင်ငံ ဖြစ်တဲ့ ဂျာမနီကတော့ နိုင်ငံတကာ ကူညီငွေကို ပထမအကြိမ်ရယူခဲ့ပြီး ဖြစ်တဲ့ ဂရိနိုင်ငံအနေနဲ့ အဲဒီအကြွေးနဲ့ ချည်နှောင်ထားတဲ့ ချွေတာရေး အစီအစဉ်ကို လက်ခံရမယ်လို့ အခိုင်အမာ ပြောဆိုနေပါတယ်။

ဂရိရဲ့ ကယ်ဆယ်ရေး အကူအညီငွေက ပထမတပိုင်းအနေနဲ့ ယူရို ၁၁၀ ဘီလျံဖြစ်ပြီး အဲဒီငွေကို ၂၀၁၀ ခုနှစ်က လက်ခံရယူခဲ့ပြီး ဖြစ်ပါတယ်။ ဒုတိယပိုင်းဖြစ်တဲ့ ယူရို ၁၃၀ ဘီလျံကိုတော့ နောက်နှစ်မှာ ရယူဖို့ ရှိပါတယ်။

ဒါပေမဲ့ အဲဒီ ၁၃၀ ဘီလျံကို ရယူရင် ယူရိုဇုန်က သတ်မှတ်တဲ့ အတိုင်း ချိုးခြံချွေတာရေး အစီအစဉ်ကို လက်ခံရမှာ ဖြစ်ပါတယ်။ ချိုးခြံချွေတာရေး အစီအစဉ်ဆိုတာဟာ အများပြည်သူအတွက် အသုံးပြုတဲ့ အသုံးစရိတ်တွေကို လျော့ချရမှာ ဖြစ်တဲ့ အတွက် လူအများက ကန့်ကွက် ဆန့်ကျင် ဆန္ဒပြနေတာတွေရှိပါတယ်။

ဘဏ်ကြီးတွေ ကော်ပိုရေးရှင်းကြီး တွေကြောင့် တင်တဲ့ ကြွေးကို လူထုက မဆပ်နိုင်ဘူးလို့ ဆိုနေတာ ဖြစ်ပါတယ်။ လက်ဝဲ ပါတီတွေကလည်း ငြင်းဆန်နေပါတယ်။ ဒါပေမဲ့ အဲသလို လက်ဝဲပါတီတွေ အနိုင်ရခဲ့ရင် ချိုးခြံရေးအစီအစဉ်ကို ငြင်းဆန်ခဲ့ရင် နောက်ရမယ့် ကူညီငွေကို ဆုံးရှုံးရမှာ ဖြစ်သလို ဂျာမဏီက ခြိမ်းခြောက်နေသလို ယူရိုဇုန်ကပါ ထွက်ပေးရတာမျိုး ဖြစ်နိုင်ပါတယ်။ ဒါဆိုရင် ဂရိနိုင်ငံရဲ့ စီးပွားရေးကို ဘယ်လို နာလန်ထူအောင်လုပ်မလဲဆိုတာဟာ ပြဿနာပါ။

ဒါ့ကြောင့်လည်း ဒီရွေးကောက်ပွဲမှာ ပါတီတခုခုက အပြတ်အသတ် အနိုင်ရမလား၊ တကယ်လို့ အနိုင်ရခဲ့ရင် အဲဒီပါတီဟာ ချိုးခြံရေး အစီအစဉ်ကို လက်ခံမလား ဆိုတာဟာ ဂရိနိုင်ငံအတွက် သေရေးရှင်ရေး အဆုံးအဖြတ် ဖြစ်ပါတယ်။

တိုက်တိုက်ဆိုင်ဆိုင် ဖြစ်လာတာတခုကတော့ ဂရိနိုင်ငံမှာ အခုမဲရုံတွေ မဖွင့်ခင်က လေးမှာတင်ပဲ ဥရောပ ဖလား ဘောလုံးပွဲမှာ ဂရိအသင်းဟာ ရုရှားအသင်းကို တဂိုး ဂိုးမရှိနဲ့ အနိုင်ရပြီး အုပ်စုပွဲကနေ တက်သွားပါပြီ။ ဒါကို နိုင်ငံအတွက် ဂုဏ်ယူစရာ တခုအဖြစ် ရွေးကောက်ပွဲ မတိုင်ခင်မှာပဲ အောင်ပွဲခံသူက အောင်ပွဲခံနေကြပါတယ်။

ရခိုင်ပြည်နယ်အခြေအနေ စိတ်မချရသေး

By မနန္ဒာချမ်း

• အကြမ်းဖက် အဓိကရုဏ်းတွေ သီတင်းပတ်နဲ့ချီ ဖြစ်ပွားခဲ့တဲ့ ရခိုင်ပြည်နယ်မှာ အခြေအနေတွေ တည်ငြိမ်လာပြီဆိုပေမဲ့ အစိုးရက ထုတ်ပြန်ထားတဲ့ ညမထွက်ရအမိန့်ကို ရုပ်သိမ်းနိုင်လောက်တဲ့အထိတော့ စိတ်မချရသေးဘူးလို့ ဒေသဆိုင်ရာ တာဝန်ရှိသူတဦးက ပြောဆိုပါတယ်။ ဒီရက်ပိုင်းအတွင်း စစ်တွေမြို့ကို ဒုက္ခသည်တွေ ထပ်မံရောက်ရှိလာသလို - အကူအညီတွေဟာလည်း မလုံလောက်ဘူးလို့ ဒုက္ခသည်အရေး ကူညီဆောင်ရွက်သူတွေက ပြောပါတယ်။ ဒါ့အပြင် ဒုက္ခသည်တွေဟာ နေရေး၊ ထိုင်ရေးအခက်အခဲကြောင့် ၀မ်းလျှောရောဂါ ဖြစ်တာတွေလည်း ရှိလာနေတယ်လို့ ဆိုပါတယ်။ အသေးစိတ်ကိုတော့ ဆက်သွယ်မေးမြန်းထားတဲ့ မနန္ဒာချမ်း က တင်ပြထားပါတယ်။

ရခိုင်ပြည်နယ်မှာ အစိုးရကနေ ပုဒ်မ ၁၄၄ ညမထွက်ရအမိန့် ထုတ်ပြန်ထားတာ အခုဆိုရင် ၈ ရက် ရှိသွားပြီဖြစ်ပါတယ်။ ဒီလို ညမထွက်ရအမိန့် ထုတ်ပြန်ပြီးနောက်ပိုင်းမှာ ဆူပူအကြမ်းဖက်မှုတွေဟာ အတော်လေး တည်ငြိမ်မှု ရှိလာပြီဖြစ်ပေမဲ့ အခြေအနေက စိတ်မချရသေးတာမို့ အစိုးရက ထုတ်ပြန်ထားတဲ့ ညမထွက်ရအမိန့်ကို ရုပ်သိမ်းနိုင်လောက်တဲ့အဆင့်တော့ မဟုတ်သေးဘူးလို့ စစ်တွေ ထိန်းသိမ်းကွပ်ကဲရေးအဖွဲ့ ပြန်ကြားရေးအဖွဲ့ဝင် ဦးဝင်းမြိုင် က ဗွီအိုအေ ကို အခုလို ပြောပြပါတယ်။

“အဲဒါကတော့ လုံခြုံရေးဝန်ကြီးနဲ့ ဒီကနေအခြေအနေတွေ ညှိပြီးလုပ်ကြရင်တော့ ချက်ချင်းကြီး ရုပ်တာထက်စာရင် တစတစပေါ့။ ဖြည်းဖြည်းချင်း ရုပ်တာက ပိုကောင်းမယ်လို့တော့ ကျနော်တို့ ထင်တယ်လေ။ ဘာလို့လဲ ဆိုတော့ ရုတ်တရက်ကြီး ရုပ်လိုက်ပြန်တော့လည်း ဆူပူလိုတဲ့သူတွေက တခါတည်း ၀င်လာမှာစိုးလို့။ ဟိုးအရင်တုန်းကလည်း အဲဒီလိုပေါ့။ ပထမတုန်းကတော့ ည ၆ နာရီ၊ နောက် ၆ နာရီကနေ ၁၀ နာရီ။ ၁၀ နာရီကနေ ၁၂ နာရီ။ နောက်ပိုင်းကျတော့ ရုပ်သွားတယ်လို့ သိရပါတယ်။”

ဒါ့အပြင် အခုအချိန်မှာ မြန်မာနိုင်ငံမှာ ကျောင်းပြန်ဖွင့်နေတဲ့ရာသီ ဖြစ်ပေမဲ့ စစ်တွေမြို့ပေါ်မှာတော့ အဓိကရုဏ်း အကြမ်းဖက်မှုတွေ ဆိုးလာပြီး နောက်ပိုင်းကတည်းက စာသင်ကျောင်းတွေကို ပိတ်ထားရတာဟာ အခုဆိုရင် သီတင်းတပတ် ကျော်သွားပါပြီ။ တချို့နေရာတွေမှာ အခြေအနေတွေ စိတ်မချရသေးတဲ့အတွက် လာမယ့်တပတ်ထဲအထိတော့ စာသင်ကျောင်းတွေ ပြန်ဖွင့်ဖို့ မရှိသေးဘူးလို့ ဦးဝင်းမြိုင် က ပြောပါတယ်။ တခါ စစ်တွေမြို့မှာရှိတဲ့ RNDP ရခိုင်အမျိုးသားတိုးတက်ရေးပါတီရဲ့ ပြည်နယ်လွှတ်တော်အမတ် ဦးအောင်မြတ်ကျော် ကလည်း - စာသင်ကျောင်းတွေ ပိတ်ထားရတဲ့အခြေအနေနဲ့ပတ်သက်ပြီး အခုလို ပြောပြပါတယ်။

“ကျောင်းတွေကတော့ လွန်ခဲ့တဲ့ တပတ်ကျော်လောက်ကနေ အကုန်လုံး ပိတ်ထားကြတာပါပဲ။ မိဘတွေကလည်း ကလေးတွေကို အပြင်ကို မလွှတ်ရဲဘူးပေါ့။ အဲဒီလိုမျိုး ရှိနေတယ်ဆိုတော့ ဆရာမတွေလည်း ကျောင်းမသွားရဲဘူး၊ မလာရဲဘူး။ မြို့ပေါ်မှာ အဲဒီလို အခြေအနေမျိုး ရှိနေတယ်။ မနက်ဖြန်လည်း အဲဒီလိုမျိုး ပြန်ဖွင့်နိုင်တဲ့ အတိုင်းအတာ ရှိမှာမဟုတ်ပါဘူး။ ဖွင့်ရင်လည်း ကျောင်းသားတွေက လာရဲမှာမဟုတ်ဘူး။ တော်တော်များများ ကလေးတွေက ဒုက္ခသည်စခန်းမှာ ရောက်နေတော့ ကျောင်းဘက်ကို လှည့်နိုင်မယ်မထင်ပါဘူး။”

တခါ စစ်တွေမြို့ပေါ်မှာ အခုဆိုရင် ဒုက္ခသည်စခန်းတွေဟာ အရင်က ရှိနေတာထက်ကို ထပ်တိုးလာပြီး အသစ်ထပ်ရောက်လာကြတဲ့ ဒုက္ခသည်တွေလည်းရှိသလို ပြန်သွားကြသူတချို့လည်း ရှိတယ်လို့ ဦးအောင်မြတ်ကျော်က ပြောပါတယ်။ ဒါပေမဲ့လည်း ပြန်သွားတဲ့ အရေအတွက်ထက် အသစ်ရောက်လာကြတဲ့ ဒုက္ခသည်အရေအတွက် ပိုများနေတာကြောင့် နေရာထိုင်ခင်း မလုံလောက်တဲ့ပြဿနာ၊ အမိုးအကာတဲ မရှိတာနဲ့ အိမ်သာ အလုံအလောက် မရှိတာတွေကြောင့် အညစ်အကြေးတွေကို ကြုံသလို စွန့်ပစ်နေကြတဲ့အတွက် အခုဆိုရင် ၀မ်းလျှောရောဂါ ဖြစ်တဲ့သူတွေ ရှိလာနေတယ်လို့ ဦးအောင်မြတ်ကျော် က ဆက်ပြောပြပါတယ်။

“ကျန်းမာရေး အခြေအနေကတော့ ကျနော်တို့ ဘယ်လိုပြောမလဲ၊ မိုးတွေကလည်းရွာ၊ အခန်းတခုမှာဆိုရင် လူက ၅၀၀ နဲ့ ၁,၀၀၀ ကြားမှာ ရှိတော့ အဲဒီ ၅၀၀၊ ၁,၀၀၀ ရဲ့ အလေးအပေါ့တွေကို နေရာစုံမှာ စွန့်ပစ်ကြတယ်။ အဲဒီအချိန်မှာ မိုးက တအားရွာလိုက်တော့ မိုးရေတွေရော မစင်တွေရော အကုန်လုံး အဲဒါတွေက ၀မ်းရောဂါတွေနဲ့ ကလေးတွေအနေနဲ့ ဆိုရင် မိုးအရမ်းရွာတော့ နမိုးနီးယား တို့၊ အအေးမိ၊ ချောင်းဆိုး အဲဒါတွေ တော်တော်ကို ဖြစ်နေတဲ့သဘောမျိုး ရှိပါတယ်။”

ဒီဒုက္ခသည်တွေအတွက် RNDP က တတ်နိုင်တဲ့အတိုင်းအတာနဲ့ ဆေးခန်း ၂ ခု ဖွင့်လှစ်ထားပေးသလို နယ်မြေ အာဏာပိုင်တွေကလည်း ရပ်ရွာသန့်ရှင်းရေးနဲ့ ဒုက္ခသည်တွေအတွက် နေရာထိုင်ခင်း တဲတချို့ ဆောက်လုပ်ပေးခဲ့ပါတယ်။ ဒါပေမဲ့ အပြင်က အကူအညီတွေ မလာတဲ့ အတွက် ဒီဒုက္ခသည်တွေကို ကူညီဖို့ ဒုက္ခအများကြီးဖြစ်ရတယ်လို့ RNDP ကရော နယ်မြေဒေသခံတာဝန်ရှိသူတွေကပါ ပြောဆိုပါတယ်။ လောလောဆယ် ဒီဒုက္ခသည်တွေကို ကူညီပေးနေတာ WFP ကမ္ဘာ့စားနပ်ရိက္ခာ အဖွဲ့တခုပဲ ရှိတယ်လို့လည်း စစ်တွေ ထိန်းသိမ်းကွပ်ကဲရေးအဖွဲ့ ပြန်ကြားရေးအဖွဲ့ဝင် ဦးဝင်းမြိုင် က ပြောခဲ့ပါတယ်။

ရခိုင်ပြည်နယ်တွင်း မြို့နယ်အသီးသီးမှာ ဒုက္ခသည်တွေအတွက် ယာယီစခန်း ၃၇ ခု ဖွင့်ထားပြီး စုစုပေါင်း ဒုက္ခသည်ဦးရေ ၃ သောင်းကျော် ရှိသွားပြီလို့ ပြည်နယ်အစိုးရကရော UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးကရော ပြောဆိုထားတာပါ။

ရခိုင်ပြည်နယ် နယ်စပ်ဒေသနဲ့ လုံခြုံရေးဝန်ကြီး ဗိုလ်မှူးကြီးထိန်လင်းရဲ့ အဆိုအရ ဇွန်လ ၈ ရက်နေ့ကနေ ၁၃ ရက်နေ့အထိ ရခိုင်ပြည်နယ် တ၀ှမ်း သေဆုံးသူ ၂၉ ဦး၊ ဒဏ်ရာရသူ ၃၈ ဦး ရှိပြီး မီးလောင်ဖျက်ဆီးခံခဲ့ရတဲ့ နေအိမ်ပေါင်း ၂,၅၂၈ လုံး၊ ဗလီဝတ်ကျောင်း ၇ လုံး၊ ဘုန်းကြီးကျောင်း ၉ ကျောင်း၊ စာသင်ကျောင်းတကျောင်းတို့ ဖြစ်ပါတယ်။ ရခိုင်ပြည်နယ် တရားရေးဝန်ကြီး ဦးလှသိန်းကလည်း ပြန်လည်ထူထောင်ရေးအတွက် ဘယ်လို စီမံဆောင်ရွက်မယ်ဆိုတာ အခုအချိန်မှာ ပြောဖို့ရာ သိပ်စောနေသေးပြီး ခန့်မှန်းထားတာထက်ကို ဆုံးရှုံးမှု ပမာဏက သိပ်များနေတယ်လို့ ပြောဆိုခဲ့ပါတယ်။ ဒါ့အပြင် လုံခြုံရေးအခြေအနေ ပြန်လည်ကောင်းမွန်အောင် ဆောင်ရွက်ဖို့ကိုလည်း စစ်တပ်နဲ့ ရဲလုံခြုံရေးကလည်း လုံလုံလောက်လောက် မရှိသေးဘူးလို့ ပြောဆိုခဲ့ပါတယ်။

ဇွန်လ ၁၈ ရက် တနင်္လာနေ့ကျရင်တော့ ကျောက်ဖြူမြို့တရားရုံးမှာ ရမ်းဗြဲမြို့နယ်၊ သပြေချောင်းကျေးရွာသူ မသီတာထွေး အသတ်ခံခဲ့ရတဲ့အမှုနဲ့ပတ်သက်ပြီး စွပ်စွဲခံရသူတွေကို စီရင်ချက် ချမှတ်မှာလည်း ဖြစ်ပါတယ်။

ဆီးရီးယား အကြမ်းဖက်တိုက်ခိုက်မှု ပိုမိုပြင်းထန်

By ဗွီအိုအေ (မြန်မာဌာန)

• ဆီးရီးယားနိုင်ငံကို စောင့်ကြည့်လေ့လာဖို့ ရောက်ရှိနေတဲ့ ကုလသမဂ္ဂအဖွဲ့ဝင်တွေက သူတို့အနေနဲ့ ဆီးရီးယားနိုင်ငံအတွင်း လုပ်ဆောင်နေတဲ့ တာဝန်တွေကို ရပ်ဆိုင်းလိုက်အပြီး နောက်တရက်မှာ ဆီးရီးယားအစိုးရတပ်တွေက သူပုန်တပ်တွေ ရှိနေတဲ့ ဟုမ်းစ် မြို့အနီးတ၀ိုက်ကို လက်နက်ကြီးတွေနဲ့ ပိုမိုပြင်းပြင်းထန်ထန် တိုက်ခိုက်နေတဲ့ အတွက် အနည်းဆုံး လူ ၁၁ ယောက်ထက် မနည်း သေဆုံး သွားရကြောင်း ဆီးရီးယားအတိုက်အခံ တက်ကြွလှုတ်ရှားသူတွေက ပြောပါတယ်။

အစိုးရတပ်တွေက ဆီးရီးယားနိုင်ငံ အလယ်ပိုင်းက မြို့ကြီးအတွင်း ပစ်ခတ်တိုက်ခိုက်နေတာကို ရိုက်ကူးထားတဲ့ ဗီဒီယို ရုပ်ပုံတွေကို တက်ကြွလှုပ်ရှားသူတွေက ဖြန့်ချိ ပြသခဲ့ကြပါတယ်။ စနေနေ့ကလည်း မြို့အတော်များများမှာ အစိုးရ တပ်တွေရဲ့ ပစ်ခတ်တိုက်ခိုက်မှုကြောင့် လူပေါင်း ၅၀ ထက်မနည်း သေဆုံးခဲ့ရတယ်လို့ အတိုက်ခံတွေက ပြောပါတယ်။

ဟုမ်းစ်မြို့ဟာ လွန်ခဲ့တဲ့ တနှစ်ကျော်က ဖြစ်ပွားခဲ့တဲ့ အစိုးရဆန့်ကျင်ရေး လှုပ်ရှားမှုကြီးကို ဗဟိုပြုလှုတ်ရှားခဲ့တဲ့ အချက်အချာအရပ် ဖြစ်ပါတယ်။

အတိုက်အခံတွေဖြန့်နေတဲ့ ဗီဒီယိုကိုတော့ မှန်ကန်မှုရှိမရှိ အတည်မပြုနိုင်သေးပါဘူး။

ဆီးရီးယားအစိုးရကတော့ အခုလို အကြမ်းဖက်တိုက်ခိုက်မှုတွေကို အကြမ်းဖက်သမားတွေက ပြုလုပ်နေတာသာ ဖြစ်တယ်လို့ ပြောနေတာပါ။

လက်နက် တပ်ဆင်ထားခြင်းမရှိတဲ့ ကုလသမဂ္ဂ လေ့လာစောင့်ကြည့်ရေး အဖွဲ့ဝင်တွေက သူတို့ရဲ့လုပ်ဆောင်နေတဲ့ တာဝန်ကို ရပ်ဆိုင်းခဲ့အပြီး တရက်အကြာမှာ အခုလို အကြမ်းဖက် တိုက်ခိုက်မှုတွေ ပိုမို ပြင်းထန်လာတာ ဖြစ်ပါတယ်။

ကုလသမဂ္ဂ လေ့လာစောင့်ကြည့်ရေးအဖွဲ့ အကြီးအကဲ ဗိုလ်ချုပ် ရောဘန် မုဒ် ကတော့ သူ့ရဲ့အဖွဲ့ဝင်တွေဟာ နိုင်ငံအတွင်းကနေ ထွက်ခွာသွားမှာ မဟုတ်သေးဘူးလို့ တနင်္ဂနွေနေ့မှာ ပြောဆိုပါတယ်။

Syira မှာ ကုလစောင့်ကြည့်ရေးလုပ်ငန်း ဆိုင်းငံ့

By မသင်းသီရိ

• Syria နိုင်ငံမှာ အကြမ်းဖက်တိုက်ခိုက်မှုတွေ ပိုမို ဖြစ်ပွါးနေတာကြောင့် လက်နှက်ကိုင်ဆောင်မထားတဲ့  ကုလသမဂ္ဂစောင့်ကြည့်အကဲခတ်တွေ ဟာ အပြင်ထွက်ပြီး လိုက်လံလှည့်လည် ကြည့်ရှုတော့မှာ မဟုတ်တော့ပါဘူး။ အစိုးရရော အတိုက်အခံရော နှစ်ဖက်လုံးက ပဋိပက္ခကို ပိုကြီးထွားအောင်လုပ်နေကြတာကြောင့် အပစ်အခတ်ရပ်စဲရေးကို သူတို့စောင့်ကြည့်တာဟာ အကျိုးထူးမှာ မဟုတ်ဘူးလို့ ကုလသမဂ္ဂစောင့်ကြည့်အကဲခတ်အဖွဲ့ရဲ့ ခေါင်းဆောင် ဗိုလ်ချုပ် Robert Mood က ပြောပါတယ်။

အခုလို သူတို့ ဆုံးဖြတ်လိုက်တာ အံ့သြစရာမရှိဘူးလို့  တူရကီနိုင်ငံ Istanbul မြို့တော်မှာ စည်းဝေးနေကြတဲ့ Syria အမျိုးသားကောင်စီက ဘာဆမ် အီမာဒီ အပါအဝင် Syria အတိုက်အခံ အရာရှိတွေက ပြောပါတယ်။ Syria အစိုးရကလည်း ဒီလို ဆုံးဖြတ်ရတာနားလည်ပါကြောင်း သူ့အဆို အကြမ်းဖက် အဖွဲ့တွေရဲ့ တိုက်ခိုက်မှုတွေကြောင့် ဖြစ်ရတာလို့ အဖြစ်တင်ပါတယ်။

ဒီအတောအတွင်းမှာပဲ internet ပေါ်တက်လာတဲ့ အရပ်သားတွေရိုက်ထားတဲ့ internet ပေါ်က video တခုမှာတော့ Damascus မြို့တော် ဆင်ခြေဖုံးရပ်ကွက်တခုမှာ အကြီးအကျယ် တိုက်ပွဲပြင်းထန်နေပုံနဲ့ နိုင်ငံအလယ်ပိုင်းက Homs ခရိုင်မှာ လက်နှက်ကြီးတွေနဲ့ အကြီးအကျယ် ပစ်ခတ်ခံနေရတာကို တွေ့ရပါတယ်။

ကုလသမဂ္ဂနဲ့ အာရပ် အဖွဲ့ချုပ်တို့ရဲ့ အထူးကိုယ်စားလှယ် Kofi Annan ဝင်ရောက် စေ့စပ်ပေးထားတဲ့ အပစ်အခတ်ရပ်စဲရေး အကောင်အထည်ဖေါ်တာကို စောင့်ကြည့်ဖို့အတွက် ကုလသမဂ္ဂက လက်နှက်ကိုင်ဆောင်မထားတဲ့ စောင့်ကြည့်အကဲခတ် ၃၀၀ နီးပါးကို Syria ကို ပို့ထားတာပါ။ ဒါပေမယ့် ဒီ အပစ်အခတ်ရပ်ဆဲရေးက စအကောင်အထည်မပေါ်သေးပဲ ပြီးခဲ့တဲ့ ရက်ပိုင်းက သူတို့တွေ လမ်းဘေးထောင်ဗုံးခွဲ တိုက်ခိုက်ခဲခဲ့ရပါတယ်။

အခုလို ကုလသမဂ္ဂက စောင့်ကြည့်မှုကို ရပ်ဆဲလိုက်ရင် နောက်ဘာတွေ ဆက်ဖြစ်မလဲဆိုတာအတွက် အမေရိကန်ပြည်ထောင်စုက သူ့မဟာမိတ်တွေနဲ့ ဆွေးနွေးခဲ့ပါတယ်။

ကားဟောင်းအပ်နှံ ကားတင်သွင်းသူများအား အခွန်လျှော့ပေါ့လိုက်

အောင်ဝင်း | တနင်္ဂနွေနေ့၊ ဇွန်လ ၁၇ ရက် ၂၀၁၂ ခုနှစ် ၁၀ နာရီ ၅၅ မိနစ်

ရန်ကုန် (မဇ္ဈိမ)။     ။ ကားဟောင်းအပ်နှံကာ ကားတင်သွင်းမည့် သူများနှင့် အငှားယာဉ် Taxi အဖြစ် တင်သွင်းမည့် ယာဉ်များအတွက် အခွန်နှုန်းထားများကို လျှော့ပေါ့ပေးမည့် အစီအစဉ်ကို ကုန်းလမ်းပို့ဆောင်ရေး ညွှန်ကြားမှု ဦးစီးဌာန (ကညန)မှ နိုင်ငံပိုင် ရုပ်မြင်သံကြားဌာနကတဆင့် ဇွန်လ ၁၅ ရက်နေ့ညက ကြေညာသွားသည်။

ကညန တွင် မှတ်ပုံတင် သတ်တမ်း နှစ် ၂ဝ နှင့်အထက် ယာဉ်များကို အပ်နှံကာ ကားသစ်တင်သွင်းခွင့် ပေးမည့် အစီအစဉ်သစ်ကို လွန်ခဲ့သော မေလက ကြေညာထားခဲ့ရာ ယခုအခါတွင် “ဗ” အက္ခရာမှ စ၍ အနှစ် ၂ဝ ကျော် ယာဉ်ဟောင်များကို ကောင်း/ညံ့ မခွဲခြားတော့ဘဲ အခွန် ၆ဝ ရာခိုင်နှုန်း လျှော့ချကောက်ခံမည် ဖြစ်သည်။

ဌာနဆိုင်ရာများမှ အသုံးပြုပြီးသော ကားများကို ပုဂ္ဂလိကသို့ လေလံစနစ်ဖြင့် ရောင်းချထားသော အက္ခရာမြင့် လေလံယာဉ်များအား ပိုင်ရှင်ဆန္ဒအရ ဖျက်သိမ်း၍ အစားထိုး တင်သွင်းလိုလျှင် ကောင်း/ညံ မခွဲခြားဘဲ ၆ဝ ရာခိုင်နှုန်း လျှော့ချ၍ အခွန်ကောက်မည် ဟုလည်း ဆိုသည်။

ကားဟောင်း တက္ကစီယာဉ်ပိုင်ရှင်များအားလည်း တက္ကစီယာဉ်များအား ကိုယ်ပိုင်ယာဉ်အဖြစ် ပြောင်းလဲခွင့် မပြုဟုသော ကန့်သတ်ချက်ဖြင့် ၈ဝ ရာခိုင်နှုန်း အခွန် လျှော့ချ ကောက်ခံပါမည် ဖြစ်သည်ဟု ဖော်ပြပါရှိသည်။

ပြည်နယ်/တိုင်း အစိုးရအဖွဲ့၏ ထောက်ခံမှုဖြင့် တက္ကစီအဖြစ် အသုံးပြုရန် တင်သွင်းသော တက္ကစီယာဉ်များအား နယ်မြေ မပြောင်းရ ကိုယ်ပိုင်ယာဉ် အဖြစ် ပြောင်းလဲခွင့် မပြုဟုသော ကန့်သတ်ချက်များဖြင့် ၅ဝ ရာခိုင်နှုန်း လျှော့ချကောက်ခံပါမည် ဟုလည်း ဆိုသည်။

ရန်ကုန်တိုင်းအစိုးရ ခွင့်ပြုချက်ဖြင့် တက္ကစီ ယာဉ်များ တင်သွင်းခွင့် ပြုထားသည့် မြန်မာ့ စီးပွားရေး ဦးပိုင်လီမီတက် အပါအဝင် ကုမ္ပဏီပေါင်း ၁၁ ခုရှိကြောင်း ကူးသန်း ရောင်းဝယ်ရေး ဝန်ကြီးဌာနက မေလ နောက်ဆုံးပတ်က ထုတ်ပြန်ထားခဲ့သည်။

ဇွန်လ ၁၅ ရက်နေ့ နေ့စွဲဖြင့် ရထားပို့ဆောင်ရေး ဝန်ကြီးဌာန ထုတ်ပြန်ချက်တွင် အစိုးရနှင့် ပုဂ္ဂလိက အဖွဲ့အစည်း ကုမ္ပဏီတို့ အကျိုးတူပူးပေါင်း၍ တက္ကစီအဖြစ် အသုံးပြုရန် တင်သွင်းသော ယာဉ်များအား ကိုယ်ပိုင်ယာဉ်အဖြစ် ပြောင်းလဲခြင်း၊ ရောင်းချ၍ အမည် ပြောင်းလဲခြင်း မပြုရဟုသော ကန့်သတ်ချက်ဖြင့် ၅ဝ ရာခိုင်နှုန်း လျှော့ချ ကောက်ခံမည်ဟု ဆိုသည်။

ကားဟောင်းအပ်နှံ ကားသစ်တင်သွင်းသည့် မူလအစီအစဉ်အရ အပ်နှံရမည့် “ပ” အက္ခရာအထိ ကားများကိုလည်း ကားကောင်း/ညံ့ မခွဲခြားတော့ဘဲ မူလက ၁ဝဝ ရာခိုင်နှုန်း အခွန် သတ်မှတ်ထားရာမှ ၄ဝ ရာခိုင်နှုန်း အခွန်လျှော့ချကောက်ခံမည် ဖြစ်ကြောင်းလည်း အဆိုပါ ထုတ်ပြန်ချက်တွင် ဖော်ပြပါရှိသည်။

မှုလက ကားဟောင်းအပ်နှံသည့် အစီအစဉ်အရ အပ်နှံမည့် ကားများကို ကားဟောင်း ကားသစ် ခွဲခြားကာ ကညန အခွန် ၁ဝ ရာခိုင်နှုန်းမှ ၃ဝ ရာခိုင်နှုန်းအထိသာ လျှော့ချပေးခဲ့ပြီး ၁၉၉၆ ခုနှစ်မော်ဒယ်မှ ၂ဝဝ၆ ခုနှစ် မော်ဒယ်အထိ တပတ်ရစ်ကားများကို တင်သွင်းခွင့် ပြုခဲ့သည်။

စက်တင်္ဘာလမှ စတင်ကာ လုပ်ဆောင်လျက်ရှိသော ကားဟောင်းအပ်နှံ ကားသစ်တင်သွင်းခွင့် အစီအစဉ်အရ ကားဟောင်းအပ်နှံမှုများကို ကညန က မူလက ကြေညာထားသည့် အတိုင်း ”ပ” အက္ခရာအထိ ယာဉ်ဟောင်းများကို လက်ခံသည့် အစီအစဉ်ကို ဆောင်ရွက်ပေးလျက်ရှိရာ မေလမှ စတင်ကာ နိုင်ငံသားတိုင်း နိုင်ငံခြားငွေ ဘဏ်စာရင်း ဖွင့်လှစ်ကာ ၂ဝဝ၇ ခုနှစ်မော်ဒယ်နှင့်အထက် ယာဉ်များကို တင်သွင်းခွင့် ပြုခဲ့ရာ ကားဟောင်းအပ်နှံမည့် သူများ မရှိသလောက် နည်းပါးသွားခဲ့သည်။

အဆိုပါ အခွန် အရပ်ရပ် ကောက်ခံရရှိငွေများကို ယာဉ်အန္တရာယ် ကင်းရှင်းရေး၊ ယာဉ်ကြော ပိတ်ဆို့မှု လျော့နည်းစေရေး အတွက် တည်ဆောက်မည့် ခုံးကျော်တံတားများ တည်ဆောက်ရာတွင် ကျခံသုံးစွဲသွားမည် ဖြစ်သည်ဟု ဆိုသည်။

အဆိုပါ ကြေညာချက်တွင် ကိုယ်ပိုင် ယာဉ်မောင်းလိုင်စင်နှင့် စပယ်ယာ လက်မှတ်များကို သုံးနှစ်မှ ငါးနှစ်သို့ တိုးမြှင့်ပေးပါမည်။ အငှားယာဉ်မောင်း လိုင်စင်များကို သုံးနှစ်သို့ ထားရှိမည် ဟုလည်း ဆိုသည်။

နိုင်ငံခြား ကုမ္ပဏီ ၃၀၀ မြန်မာရင်းနှီးမြှုပ်နှံမှု ညီလာခံ တက်မည်

အောင်ဝင်း | သောကြာနေ့၊ ဇွန်လ ၁၅ ရက် ၂၀၁၂ ခုနှစ် ၁၆ နာရီ ၄၈ မိနစ်

ရန်ကုန် (မဇ္ဈိမ) ။        ။ အမေရိကန်၊ ကနေဒါ၊ သြစတြေးလျနှင့် ဥရောပနိုင်ငံများမှ ပိတ်ဆို့မှုများ ရုတ်သိမ်းလိုက် ပြီးနောက် မြန်မာနိုင်ငံတွင် ပထမဆုံး ကျင်းပမည့် ရင်းနှီး မြှုပ်နှံမှုဆိုင်ရာ ထိပ်သီး အစည်းအဝေးသို့ မြန်မာနိုင်ငံတွင် ရင်းနှီးမြှုပ်နှံရန် စိတ်ဝင်စားသော နိုင်ငံခြား ကုမ္ပဏီ ၃ဝဝ နီးပါးမှ ကိုယ်စားလှယ်များ တက်ရောက်ကြမည်ဟု သိရသည်။  

New Myanmar Investment Summit 2012 ကို ဇွန်လ ၂ဝ ရက်နေ့နှင့် ၂၁ ရက်နေ့ တို့တွင် ရန်ကုန်မြို့၊ ပတ်ခ်ရိုင်ရယ် ဟော်တယ်၌ ကျင်းပမည် ဖြစ်ကြောင်း စီစဉ်ကျင်းပမည့် စင်္ကာပူ အခြေစိုက် Centre for Management Technology (CMT) ကုမ္ပဏီမှ အဆင့်မြင့် အရာရှိတဦးက ပြောကြားသည်။“မြန်မာနိုင်ငံမှာ ရင်းနှီးမြှုပ်နှံဖို့ စိတ်ဝင်စားတဲ့ ကဏ္ဍစုံ၊ နိုင်ငံပေါင်းစုံက နိုင်ငံခြားကုမ္ပဏီ ၃ဝဝ နီးပါးက ကိုယ်စားလှယ်တွေ တက်ရောက်လာပါလိမ့်မယ်။ အမေရိကန်၊ တရုတ်၊ ကနေဒါ၊ ဂျပန်၊ အိန္ဒိယ၊ ယူကေ၊ အီတလီ၊ ဗီယက်နမ်၊ စင်္ကာပူ၊ ထိုင်း၊ ကမ္ဘောဒီးယား၊ ဟောင်ကောင်၊ မလေးရှား၊ သီရိလင်္ကာ၊ အင်ဒိုနီးရှားနဲ့ ဘင်္ဂလားဒေ့ရှ် စတဲ့နိုင်ငံတွေက ကုမ္ပဏီ ကိုယ်စားလှယ်တွေပါ” ဟု CMT ကုမ္ပဏီမှ ပြောရေးဆိုခွင့် ရှိသူ အရာရှိတဦးက ဆိုသည်။

တက်ရောက်လာမည့် ကုမ္ပဏီများ၏ ၂၂ ရာခိုင်နှုန်းမှာ စိုက်ပျိုးရေး လုပ်ငန်းတွင် ရင်းနှီးမြှုပ်နှံလိုသူများဖြစ်ပြီး ၁ဝ ရာခိုင်နှုန်းမှာ ဆောက်လုပ်ရေးနှင့် ဆောက်လုပ်ရေး လုပ်ငန်းသုံး ပစ္စည်းများ ကဏ္ဍအတွက် ဖြစ်သည်။ ၂၅ ရာခိုင်နှုန်း မှာ စီးပွားရေး ကော်ပိုရေးရှင်းကြီးများ၊ ရင်းနှီးမြှုပ်နှံမှုဆိုင်ရာ အတိုင်ပင်ခံများ၊ ငွေကြေးဆိုင်ရာ အဖွဲ့အစည်များနှင့် ဥပဒေရေးရာ ကုမ္ပဏီများမှ ဖြစ်သည်ဟု ၎င်းက ဆိုသည်။

“ကျန်တဲ့ ကုမ္ပဏီတွေကတော့ ရေနံနဲ့ သဘာဝဓါတ်ငွေ့လုပ်ငန်းက ၁၁ ရာခိုင်နှုန်း၊ အိမ်ခြံမြေဆိုင်ရာ ကဏ္ဍက ၈ ရာခိုင်နှုန်း၊ သတ္တု တူးဖော်ရေးနဲ့ စွမ်းအင်ကဏ္ဍက ၇ ရာခိုင်နှုန်းစီ၊ ဆက်သွယ်ရေးကဏ္ဍက ၁ ရာခိုင်နှုန်းနဲ့ အခြား ကဏ္ဍစုံက ၉ ရာခိုင်နှုန်း ရှိပါတယ်” ဟု CMT အရာရှိက ဆိုသည်။အစည်းအဝေးတွင် နိုင်ငံခြား ရင်းနှီးမြှုပ်နှံသူများ အဓိက စိတ်ဝင်စားမည့် နိုင်ငံခြား ရင်းနှီးမြှုပ်နှံမှုဆိုင်ရာ ဥပဒေသစ်၊မြေယာ အသုံးပြုခွင့်၊ ရင်းနှီးမြှုပ်နှံမှုဆိုင်ရာ ငွေကြေးကဏ္ဍ၊ နိုင်ငံခြား ချေးငွေတို့အပြင်နိုင်ငံခြား ရင်းနှီးမြှုပ်နှံသူများ မြန်မာကုမ္ပဏီများတွင် အစုရှယ်ယာ ဝယ်ယူခွင့်၊ နိုင်ငံခြား ရင်းနှီးမြှုပ်နှံသူများကိုယ်စားပြည်တွင်းလုပ်ငန်းရှင်များက ကိုယ်စားပြု လုပ်ကိုင်နိုင်မည့် အတိုင်းအတာနှင့် မည့်သည့် ရင်းနှီးမြှုပ်နှံမှု ကဏ္ဍများတွင်ပြည်တွင်း ကုမ္ပဏီများနှင့် ပူးပေါင်းလုပ်ကိုင်ဖို့ လိုမလို စသည့် ကိစ္စရပ်များကို ထည့်သွင်း ဆွေးနွေးဖွယ်ရှိသည်ဟု ဆိုသည်။

အဆိုပါ အစည်းအဝေးတွင် အမျိုးသား စီမံကိန်းနှင့် စီးပွားရေး ဖွံ့ဖြိုးတိုးတက်ရေး ဝန်ကြီးဌာနမှ ဒုဝန်ကြီး ဒေါက်တာ ကံဇော် က အဖွင့်မိန့်ခွန်း ပြောကြားမည် ဖြစ်သည်။

၎င်းနောက် ‘ရင်းနှီးမြှုပ်နှံမှုဆိုင်ရာ ဥပဒေသစ်နှင့် နိုင်ငံခြားကုမ္ပဏီများအတွက် အခွင့်အလမ်းများ’ အကြောင်းကို ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှု ဦးစီးဌာနမှ ညွှန်/ချုပ် ဦးအောင်နိုင်ဦး က ဆွေးနွေးမည် ဖြစ်သည်။

ထို့ပြင် စက်မှုဝန်ကြီးဌာနမှ ဒုညွှန်/မှုး ဒေါ်တင်တင်ထူး၊ စွမ်းအင်စီမံကိန်း ဌာနမှ ညွှန်/ချုပ် ဦးထင်အောင်၊ သတ္တုတွင်း ဝန်ကြီးဌာနမှ ညွှန်/မှူး ဦးဝင်းထိန်နှင့် ညွှန်/မှုး ဦးကျော်သက်တို့လည်း စာတမ်းများ ဖတ်ကြားကြမည် ဖြစ်သည်။

အစည်းအဝေးပြီးနောက် ဖက်စပ် ရင်းနှီးမြှုပ်နှံမှုဆိုင်ရာ လုပ်ထုံးလုပ်နည်းများနှင့် ရင်းနှီးမြှုပ်နှံမှု ဥပဒေသစ်ဆိုင်ရာ သဘောတူညီချက်များအကြောင်း အလုပ်ရုံဆွေးနွေးပွဲကို အာရှပစိဖိတ် စီးပွားရေးဆိုင်ရာ ဥပဒေအကျိုးဆောင် ရှေ့နေ Alessio Polastri က ဦးဆောင် ဆွေးနွေးမည် ဖြစ်သည်။

“နိုင်ငံခြား ကုမ္ပဏီတွေက ကိုယ်စားလှယ်တွေအနေနဲ့ ပြည်တွင်း စက်မှုလုပ်ငန်းရှင်တွေ၊ ကုမ္ပဏီကြီးတွေ၊ ကိုယ်စားလှယ်ကြီးတွေနဲ့ ဖြန့်ချိရေး ကုမ္ပဏီတွေနဲ့ တွေ့ဆုံပြီး ဖက်စပ်ကုမ္ပဏီ တည်ထောင်လုပ်ကိုင်ဖို့ ဆွေးနွေးတာတွေ လုပ်ပါလိမ့်မယ်” ဟု ဟောင်ကောင် အခြေစိုက် မြန်မာနိုင်ငံဆိုင်ရာ ရင်းနှီးမြှုပ်နှံမှုနှင့် စီးပွားရေးဆိုင်ရာ အကြံပေး ကုမ္ပဏီ Bagan Capital မှ ဒါရိုက်တာ မစ္စတာ အီဗလင် ပက်ကော့ က ဆိုသည်။

ထိုဆွေးနွေးပွဲတွင် ဖက်စပ်ကုမ္ပဏီ တည်ထောင် လုပ်ကိုင်ခြင်းဆိုင်ရာ သဘောတူညီချက်များ၊ သင့်တော်မည့် ဖက်စပ် ကုမ္ပဏီများနှင့် တွဲဖက်လုပ်ကိုင်နိုင်ရေးနှင့် အသိပညာ အတတ်ပညာဆိုင်ရာ မူပိုင်ခွင့်များ၊ ပြည်တွင်းနှင့် နိုင်ငံတကာ ဖက်စပ် ကုမ္ပဏီများကို အကာအကွယ်ပေးမှုဆိုင်ရာများ၊ ကိုယ်စားလှယ် ကုမ္ပဏီများနှင့် ကုန်ပစ္စည်း ဖြန့်ချိရေးဆိုင်ရာ များကို ထည့်သွင်းဆွေးနွေးဖွယ် ရှိကြောင်း မစ္စတာ အီဗလင် ပက်ကော့ က ဆိုသည်။

မြန်မာ့ စိုက်ပျိုးရေးနှင့်ပတ်သက်သည့် ကုန်သွယ်မှု၊ ရင်းနှီးမြှုပ်နှံမှုနှင့် အခြေခံ တည်ဆောက်မှုပိုင်းဆိုင်ရာ ထိပ်တန်းဆွေးနွေးပွဲ Into Myanmar: Agri Trade, Investments & Infrastructure Global Summit 2012 ကို ဇူလိုင်လ ၂၅ နှင့် ၂၆ ရက်နေ့များတွင် ရန်ကုန်မြို့၌ ကျင်းပရန်ရှိပြီး အစိုးရ အရာရှိများနှင့် ကဏ္ဍအလိုက် ကျွမ်းကျင်သူများ တက်ရောက်ဆွေးနွေးကြမည် ဖြစ်သည်။

အဆိုပါ ဇွန်လနှင့် ဇူလိုင်လ မြန်မာရင်းနှီးမြှုပ်နှံမှုဆိုင်ရာ ထိပ်သီးဆွေးနွေးပွဲများတွင် မဇ္ဈိမ အနေနှင့် မီဒီယာ မိတ်ဖက် အဖြစ် ပူးပေါင်းဆောင်ရွက်သွားမည် ဖြစ်သည်။