25.06.2012 နေ့ဖတ်ရန်သတင်းများ

by Myanmar Journal on Sunday, June 24, 2012 at 7:05pm ·

တဟီရာ ရင်ပြင်မှာ စုရုံး နေကြသူများအီဂ်စ် ရွေးကောက္ပြဲ ရလဒ္ကို တဟီရာရင်ပြင္မွာ စုရုံးစောင့်မျှော်

အီဂျစ် နိုင်ငံက ကိုင်ရို မြို့တော်မှာ ရှိတဲ့ တဟီရာ ရင်ပြင်မှာ လွန်ခဲ့တဲ့ တပတ်က ပြုလုပ် ခဲ့တဲ့ သမ္မတ ရွေးကောက်ပွဲ ရဲ့ ရလဒ် တွေကို သိရဖို့ လူထောင်ပေါင်းများစွာ စုရုံးလို့ ညလုံးပေါက် စောင့်စား နေကြပါတယ်။

အဲဒီ အထဲက အများစုက မွတ်စလင် ညီအစ်ကို များအဖွဲ့က မိုဟာမက် မာဆီကို ထောက်ခံ ကြသူတွေ ဖြစ်ကြပါတယ်။ တချို့ နေရာတွေ မှာတော့ တခြား သမ္မတလောင်း ဖြစ်တဲ့ အရင် ဝန်ကြီးချုပ်ဟောင်း ဖြစ်သူ အာမက် ရှာဖစ်ခ် ကို ထောက်ခံသူ တွေက ချီတက်ပွဲတွေ လုပ်ခဲ့ကြပါတယ်။

အရင် သမ္မတဟောင်း မူဘာရက်ကို ဆန့်ကျင် ထကြွမှုတွေရဲ့ ဗဟိုချက် ဖြစ်ခဲ့ရာ ဒီတဟီရာ ရင်ပြင်မှာ အခြေအနေက ငြိမ်းချမ်းလျှက် ရှိနေတဲ့ အကြောင်း အဲဒီက သတင်းထောက်တွေက ပြောပါတယ်။ ဒါပေမယ့် အဲဒီမှာ ရှိကြသူတွေ ထဲက အများစုဟာ လက်ရှိ အုပ်ချုပ်နေတဲ့ စစ်ကောင်စီရဲ့ အကြံအစည်တွေနဲ့ ပတ်သက်လို့ စိုးရိမ်နေကြပါတယ်။

တဟီရာ ရင်ပြင် အတွင်းမှာ ရှိနေတဲ့ ဆန္ဒပြသူ တဉီး ဖြစ်တဲ့ အဗ္ဗဒဲလ် ဟာမစ် မိုဟာမက် ကတော့ သူ့အနေနဲ့ တော်လှန်ရေး တုန်းက တောင်းဆိုချက်တွေ အကုန်ပြည့်တဲ့ အထိ ဆန္ဒပြပွဲ တွေကို ဆက်ရှိ နေစေချင်တဲ့ အကြောင်း၊ နောက်တက်မယ့် သမ္မတက အာဏာမရှိဘဲ အုပ်ချုပ်ဖို့ မလွယ်ကြောင်း၊ သမ္မတသစ်ဟာ အာဏာအပြည့်နဲ့ တာဝန်ထမ်း ဆောင်နိုင်ဖို့ လိုအပ်ကြောင်း တွေကို ပြောကြား သွားပါတယ်။

အီဂျစ် ရွေးကောက်ပွဲ ရလဒ် ကြေညာ

ညလုံးပေါက် စောင့်ဆိုင်းနေခဲ့ကြတဲ့ မစ္စတာ မူဆီကို ထောက်ခံသူတွေ အောင်ပွဲခံ ခဲ့ကြပါတယ်

အီဂျစ်နိုင်ငံ Muslim Brotherhood မူဆလင် ညီနောင်များအဖွဲ့က မိုဟာမတ် မူဆီ ဟာ သမ္မတရွေးကောက်ပွဲမှာ အနိုင်ရရှိ သွားတယ်လို့ အီဂျစ်ရွေးကောက်ပွဲ ကော်မရှင်က ကြေညာလိုက်ပြီ ဖြစ်ပါတယ်။

မစ္စတာ မူဆီဟာ မဲအရေအတွက် ၅၁.၇ ရာခိုင်နှုန်းနဲ့ နိုင်ရရှိသွားတာ ဖြစ်ပြီး၊ အီဂျစ်နိုင်ငံရဲ့ ပထမဦးဆုံး အစ္စလာမ်မစ် ခေါင်းဆောင်အဖြစ် ရောက်ရှိလာခဲ့ပြီ ဖြစ်ပါတယ်။

ရလဒ်ကြေညာတဲ့အချိန်မှာ သူ့ကို ထောက်ခံသူ ကြီးမားလှတဲ့ လူအုပ်ကြီးဟာ တာဟီရာ ရင်ပြင်မှာ ပျော်ရွှင်စွာ အောင်ပွဲခံ ခဲ့ကြပါတယ်။

အခုလို ရွေးကောက်ပွဲ ရလဒ်ထွက်ပေါ်လာခဲ့ပြီးနောက် မစ္စတာ မူဆီက အီဂျစ်နိုင်ငံရဲ့ တရားရေး၊ ရဲတပ်ဖွဲ့နဲ့ စစ်တပ်တို့ကို ကျေးဇူးတင် အသိအမှတ်ပြုပါကြောင်း ထုတ်ဖေါ်ပြောကြားပါတယ်။

အရင်ကတော့ အဲဒီအဖွဲ့တွေဟာ ဒီမိုကရေစီရေး အကောင် အထည် ဖေါ်နေတဲ့ ဖြစ်စဉ်တွေကို ကာကွယ်တားဆီးနေတယ်လို့ မစ္စတာ မူဆီက ပြောခဲ့ဖူးပါတယ်။

သမ္မတရွေးကောက်ပွဲမှာ မစ္စတာ မူဆီရဲ့ ပြိုင်ဖက်ကတော့ အရင် ဗိုလ်ချုပ်ကြီးဟောင်း လည်းဖြစ်၊ သမ္မတမူဘာရက် လက်ထက်က ဝန်ကြီး ဖြစ်ခဲ့ဖူးသူ အာမတ် ရှဖစ်ခ် ဖြစ်ပါတယ်။

အခုလို ရွေးကောက်ပွဲ ရလဒ် ကြေညာဖို့ကိစ္စဟာ ၄ ရက်တောင် ကြန့်ကြာ နေခဲ့ရတာ ဖြစ်ပြီး၊ မူဆလင် ညီနောင်များ အဖွဲ့ကိုထောက်ခံသူ လူတွေဟာ အုပ်ကြီးအုပ်ငယ်နဲ့ ကိုင်ရိုမြို့လယ် တာဟီရာ ရင်ပြင်မှာ မနေ့ကတည်း စုရုံး ရောက်ရှိနေကြတာ ဖြစ်ပါတယ်။

အီဂျစ် ရွေးကောက်ပွဲကော်မရှင်က ရလဒ်ကို ကြာသပတေးနေ့မှာ ကြေညာရမှာ ဖြစ်ပေမယ့်လည်း နှစ်ဘက် ကိုယ်စားလှယ်လောင်းတွေရဲ့ တိုင်းတန်းချက်တွေကို ထည့်သွင်း စဉ်စားဖို့ အတွက် အချိန် ပိုယူရမယ် ဆိုပြီး ကြေညာဖို့ ရက်ရွှေ့လိုက်တာ ဖြစ်ပါတယ်။

သတင်းထောက်တွေပြောတာကတော့ အခုလို ရလဒ်ကြေညာဖို့ ကြံ့ကြာခဲ့ရတဲ့ အတွက် အီဂျစ်နိုင်ငံမှာ တင်းမာမှုတွေ ဖြစ်ပေါ်စေခဲ့ပြီး၊ ပြိုင်ဖက် ကိုယ်စားလှယ်လောင်းတွေ အကြား တိုင်းပြည်ရဲ့ အနာဂတ်နဲ့ ပတ်သက်ပြီး သဘောထား ကွဲလွဲမှုတွေ အကြီးအကျယ် ဖြစ်စေခဲ့တယ်လို့ ဆိုပါတယ်။

သောင်းနဲ့ချီ အောင်ပွဲ ဆင်နေဆဲအီဂျစ် မွတ်ဆလင် သမ္မတသစ် အောင်ပွဲခံ

ရွေးကောက်ပွဲ အနိုင်ရ အီဂျစ် သမ္မတ သစ် မွတ်ဆလင် ညီနောင်များ အဖွဲ့က မိုဟာမက် မူဆီ က ဘုရားသခင် ကျေးဇူးတော်နဲ့ အီဂျစ် ပြည်သူ တွေရဲ့ စွန့်လွှတ် အနစ်နာ ခံမှုကြောင့် အောင်နိုင်တာ လို့ ပြောကြား ခဲ့ပါတယ်။

ရုပ်သံက နေ မိန့်ခွန်း ပြောခဲ့ရာမှာ မစ္စတာ မူဆီက မူဘာရက်ကို ဖြုတ်ချ ခဲ့တဲ့ တော်လှန်ရေး ရည်မှန်းချက် တွေ မအောင်မြင် သေးရင် ဆက်တိုက်ပွဲ ဝင်သွားရမယ်လို့ ဆိုပါတယ်။

အီဂျစ် နိုင်ငံရဲ့ ပထမဆုံး အစ္စလာမ္မစ် ဝါဒီ သမ္မတက သူဟာ အီဂျစ် ပြည်သား တွေ အားလုံးအတွက် အုပ်ချုပ် သွားမယ်လို့ ပြောရင်း ညီညီညွတ်ညွတ် ရှိကြဖို့ ပန်ကြားခဲ့ပါတယ်။

အလွှာစုံက အီဂျစ် နိုင်ငံသားတွေ စည်းလုံး ညီညွတ်မှသာ သိက္ခာ ရှိတဲ့ လူနေမှု၊ လူမှု မျှတမှု၊ လူ့ဂုဏ်သိက္ခာ နဲ့ လွတ်လပ်မှု တွေ ခံစားကြရမယ်လို့ မစ္စတာ မူဆီ ပြောကြား ခဲ့ပါတယ်။

ကိုင်ရို မြို့တော် တာရန် ရင်ပြင်မှာတော့ လူသောင်းနဲ့ချီတဲ့ အီဂျစ် ပြည်သူတွေ အောင်ပွဲ ဆင်နေကြဆဲ ဖြစ်ပါတယ်။

အီဂျစ်မှာ အခြေခံ ဥပဒေ မရှိသေးလို့ သမ္မတမှာ အာဏာ ဘယ်လောက် ရှိမယ် ဆိုတာ မရှင်းလှဘူးလို့ ဘီဘီစီ အရှေ့ အလယ်ပိုင်း သတင်းထောက်က ဆိုပါတယ်။

အမေရိကန် သမ္မတ အိုဘားမားက မိုဟာမက် မူဆီကို ဖုန်းဆက်ပြီး အောင်မြင်မှုကို ဂုဏ်ပြု ချီးကျူး ခဲ့ပါတယ်။

အီဂျစ် နိုင်ငံရဲ့ ညီညွတ်ရေး ကိုလဲ တိုက်တွန်း ခဲ့ပါတယ်။

အီဂျစ် ဒီမို ကရေစီ အသွင် ကူးရေး အတွက် အမေရိကန်က ဆက်လက် အားပေး ထောက်ခံ သွားမယ်လို့လဲ သူက ဆိုပါတယ်။

အီဂျစ် အစိုးရသစ်မှာ အမျိုးသမီး တွေနဲ့ ဘာသာ မတူသူ လူနည်းစု တွေ အပါအဝင် မတူ ကွဲပြားတဲ့ အီဂျစ် နိုင်ငံသား တွေကို ကိုယ်စားပြု နိုင်တဲ့ တာဝန် နဲ့ တရားဝင် မှု နှစ်ခု စလုံး ရှိတယ် လို့ အိမ်ဖြူတော် ပြောခွင့်ရ ပုဂ္ဂိုလ်က ဆိုပါတယ်။

အီဂျစ်ရဲ့ အိမ်နီးချင်း အစ္စရေး နိုင်ငံကလဲ ရွေးကောက်ပွဲ ရလဒ်ကို လေးစားကြောင်း ပြောကြားတာ နဲ့အတူ အနှစ် ၃ဝ က ရေးထိုး ထားခဲ့တဲ့ ငြိမ်းချမ်းရေး သဘောတူ စာချုပ် အတိုင်း အစိုးရသစ် ဘက်က ပူးပေါင်း ဆောင်ရွက်သွားဖို့ မျှော်လင့်ကြောင်းလဲ ပြောကြား ခဲ့ပါတယ်။

စစ်တွေမြို့မှာ ဖျက်ဆီးခံရမှုတွေအပြီးနောက်မှာ တွေ့ရတဲ့ မြင်ကွင်းရခိုင်မှာ ကျောင်းသွား၊ ဈေးသွားနိုင်ပြီလား

ရခိုင်ပြည်နယ်မှာ ရခိုင်နဲ့ မွတ်ဆလင်တွေကြား တင်းမာမှုတွေ ဖြစ်ခဲ့တာ တလပြည့်ဖို့ နီးလာချိန်မှာ အခြေအနေတွေ ပြန်အေးလာပြီလို့ ရခိုင်ပြည်နယ် အရေးကိစ္စတွေကို ဆောင်ရွက်ပေးနေတဲ့ ထူထောင်ရေးအဖွဲ့က ပြန်ကြားရေး တာဝန်ခံ ဦးဝင်းမြိုင်က ဘီဘီစီကို ပြောပါတယ်။

ကျောင်းသားတွေလည်း ကျောင်းတက်နိုင်ပါပြီ၊ မိဘတွေက စိုးရိမ်လို့သာ မလွှတ်ကြတာပါလို့ သူက ဆိုပါတယ်။ စားရေး သောက်ရေးအတွက် ဈေးဝယ်ထွက်ဖို့လည်း အဆင်ပြေနေပါပြီလို့ ဦးဝင်းမြိုင်က ဘီဘီစီကို ပြောပါတယ်။

ဒါပေမဲ့လည်း ရခိုင်နဲ့ မွတ်ဆလင် လွှတ်တော် အမတ်တွေကတော့ ဦးဝင်းမြိုင်နဲ့ အမြင် လုံးလုံး မတူကြပါဘူး။ ကြံ့ခိုင်ရေးပါတီရဲ့ ဘူးသီးတောင် မြို့နယ် ကိုယ်စားပြု မွတ်ဆလင် အမတ် ဦးရွှေမောင် ကတော့ မွတ်ဆလင်တွေဟာ အပြင်သွားဖို့၊ ဈေးဝယ်ထွက်ဖို့ကို စိုးရိမ် နေကြတုန်းလို့ ဘီဘီစီကို ပြောပါတယ်။

စစ်တွေမြို့နယ်က ပြည်နယ် လွှတ်တော် အမတ် ဦးအောင်မရကျော်ကလည်း ကျောင်းတွေကို အစိုးရက ဖွင့်ထားပေမယ်လို့ မိဘတွေက သားသမီးတွေကို စိတ်ချလက်ချ ကျောင်းမလွှတ်ရဲသေးဘူးလို့ ဘီဘီစီကို ပြောပါတယ်။ စစ်တွေမြို့ ဈေးကြီးကိုလည်း ဖွင့်ထားပေမယ့်လို့ သေသေချာချာ တာဝန်ယူ စောင့်ရှောက် ပေးထားတာမျိုး မဟုတ်ဘူးလို့လည်း သူက ထောက်ပြပါတယ်။

ရခိုင်ပြည်နယ်က အစကတည်းက ငြိမ်းချမ်းနေတဲ့ ပြည်နယ် ဖြစ်တယ်၊ အခန့်မသင့်လို့သာ အခုလို ပြဿနာတွေ ဖြစ်သွားတာ ဖြစ်တယ်၊ ဒုက္ခရောက်သူတွေကို အစိုးရဘက်ကရော ကုလသမဂ္ဂ ယူနီဆက်ဖ်ကပါ ကူညီမှုတွေ နိုင်သလောက် ပေးနေကြတယ်၊ မြစ်ချောင်း ဖြတ်သန်း သွားရတဲ့ ဒေသတွေဆီသာ အကူအညီတွေ ရောက်တာ နောက်ကျတာမျိုးပါလို့ ဦးဝင်းမြိုင်က ဘီဘီစီကို ပြောပါတယ်။

အကူအညီ ဖြတ်တောက် ခံရလို့ အခက်ကြုံဥရောပ ကြွေးပူလို့ အကူအညီလျှော့

ဥရောပ နိုင်ငံ တွေက ဆင်းရဲတဲ့ တိုင်းပြည် တွေကို ထောက်ပံ့တဲ့ ငွေအင်အား ဆယ်စု နှစ် အတွင်း ပထမဆုံး ကျဆင်း လာတယ်လို့ နိုင်ငံတကာ အကူအညီ ပေးရေး ကျွမ်းကျင်သူ တွေက ဆိုပါတယ်။

ဥရောပ ကြွေးမြီ ပြဿနာ ကြောင့် နိုင်ငံ အများ အပြား အကူအညီ ခွဲတမ်းတွေ လျှော့ချ ခဲ့ရတယ်လို့ ဒေတာ စောင့်ကြည့် အဖွဲ့က ထုတ်တဲ့ အစီရင်ခံစာက ဆိုပါတယ်။

စပိန်နဲ့ ဂရိမှာ အဆိုးရွားဆုံး ဖြတ်တောက်ခဲ့ပါတယ်။

ဥရောပရဲ့ နိုင်ငံတကာ အတွက် အကူငွေရဲ့ ၁ ဒသမ ၅ ရာခိုင်နှုန်း ယေဘုယျ ဖြတ်တောက်ခဲ့တယ် လို့ သိရပါတယ်။

စပိန် ဘဏ်တွေကို ထောက်ပံ့မယ်လို့ မကြာခင်က သဘောတူ ခဲ့တဲ့ ဘီလျံ ရာနဲ့ချီတဲ့ ယူရို ငွေတွေနဲ့ စာရင် ဒီ ကူညီရေး ခွဲတမ်း အတွက် ဥရောပမှာ လျာထား ခဲ့တဲ့ ငွေပမာဏက နည်းပါတယ်လို့ ဒေတာ အဖွဲ့က ဆိုပါတယ်။

လက်နက်ကိုင် ပေါတဲ့ နယ်စပ် မြဝတီမြဝတီ ရွှေဆိုင် ဝင်စီး

ထိုင်း - မြန်မာနယ်စပ် မြဝတီ မြို့လယ် ဘုရင်နောင် ဈေးကြီး အရှေ့က အင်ပါယာ ရွှေဆိုင်ကို ဓားပြ သုံး ယောက် က နေ့ခင်းကြီး သေနတ်တွေ ဖောက်ပြီး ရွှေတွေ ဝင်လု သွားပါတယ်။

ဓားပြတွေက ရွှေထည် ထည့်တဲ့ မှန်သေတ္တာ တွေကို ရိုက်ခွဲပြီး အထည်ရွှေ ၃ ပိဿာနီး ပါး လုယူသွား တယ်လို့ အာဏာပိုင်တွေနဲ့ နီးစပ်တဲ့ မြို့ခံတွေက ပြောပါတယ်။

မှန်သေတ္တာတွေ ရိုက်ခွဲတဲ့ အချိန်မှာ မှန်စတွေ ထိတဲ့ ဆိုင်က အရောင်း ဈေးသည် မိန်းကလေး ၆ ယောက် ဒဏ်ရာရ သွားတယ်လို့ ဆိုပါတယ်။

ရွှေဆိုင် ပိုင်ရှင်တွေကို ဆက်သွယ် ပေမယ့် မှတ်ချက် မပေးပါဘူး။

မြဝတီ ရဲစခန်းကို ဆက်သွယ် တော့လဲ ဖုန်းမကိုင် ပါဘူး။

လက်နက်ကိုင် တပ်ဖွဲ့တွေ စုံတဲ့ မြ၀တီမှာ ပြီးခဲ့တဲ့ ၂ နှစ်လောက်က လက်နက်တွေ နဲ့ ရွှေဆိုင် ဓားပြတိုက် ခံရဖူး ပါတယ်။

ဒါပေမဲ့ အဲဒီဓါးပြတွေကို အခု အချိန်အထိ မဖမ်းနိုင် သေးဘူးလို့ အာဏာပိုင်တွေနဲ့ နီးစပ်တဲ့ သူတွေက ပြောပါတယ်။

ထိုင်းဘက်က မဲဆောက်မှာလို ရဲစခန်းက ရွှေဆိုင်တွေကို လုံခြုံရေး ပေးတာမျိုး မရှိဘူးလို့ သိရပါတယ်။

တရုတ် အာကာသ ယာဉ်မှူးတွေ အာကာသယာဉ်နဲ့ ချိတ်ဆက်ပြီ

တရုတ် အာကာသ ယာဉ်မှူးတွေဟာ သူတို့ရဲ့ အာကာသယာဉ်နဲ့ ကမ္ဘာပတ် လမ်းထဲမှာ ရှိနေတဲ့ တရုတ် အာကာသ ယာဉ်ငယ် တခုကို အောင်မြင်စွာ ချိတ်ဆက် နိုင်လိုက်ပြီ ဖြစ်ပါတယ်။

လူရဲ့ ထိန်းချုပ်မှုနဲ့ တဆင့်ချင်း ချိတ်ဆက် နိုင်မှုဟာ တရုတ်နိုင်ငံ အတွက် ဒါ ပထမဦးဆုံး ဖြစ်ပါတယ်။

ကွန်ပြူတာနဲ့ ထိန်းချုပ် ချိတ်ဆက်မှုမျိုး မဟုတ်ဘဲ အခုလို ခက်ခဲရှုပ်ထွေးပြီး အနုစိတ် လုပ်ရတဲ့ ချိတ်ဆက်နိုင်မှု အစီအစဉ်ဟာ တရုတ်တို့ ရည်မှန်းထားတဲ့ အာကာသ စခန်းတခု တည်ဆောက်ရေး အတွက် အဓိက ခြေလှမ်း တရပ် အဖြစ် တွေ့မြင်ရပါတယ်။

ကွန်ပြူတာ control နဲ့ ချိတ်ဆက်တဲ့အခါ မှာယွင်းမှုတွေရှိတဲ့အခါ၊ Manual docking လို့ခေါ်တဲ့ အခုလို လူရဲ့ ထိန်းချုပ်မှုနဲ့ တဆင့်ချင်း ချိတ်ဆက်မှုဟာ မဖြစ်မနေ လိုအပ်မှာ ဖြစ်ပါတယ်။

လူထိန်းချုပ်မှုနဲ့ အာကာသယာဉ် ချိတ်ဆက်မှုကို ၁၉၆၀ ခုနှစ်များ အတွင်း အမေရိကန်နဲ့ ဆိုဗီယက် တို့က လုပ်ဆောင်ခဲ့ကြတာ ဖြစ်ပါတယ်။

ရခိုင် ယူနန် ဓာတ်ငွေ့ ပိုက်လိုင်း ကိစ္စ သတင်းစာ ရှင်းလင်းပွဲ

သဘာဝပတ်ဝန်းကျင် ပျက်ဆီးမှုတွေလည်း အများ အပြား ရှိခဲ့တယ်လို့ ဆိုပါတယ်

ရခိုင်ပြည်နယ်ကနေ ယူနန်ပြည်နယ်ကို သွယ်တန်းထားတဲ့ သဘာဝဓာတ်ငွေ့ ပိုက်လိုင်းနဲ့ ပတ်သက်ပြီး သက်ဆိုင်တဲ့ တရုတ်ကုမ္ပဏီ တခုက ရန်ကုန်မြို့ ဆီဒိုးနား ဟိုတယ်မှာ တနင်္ဂနွေနေ့က သတင်းစာ ရှင်းလင်းပွဲ ပြုလုပ်ခဲ့ပါတယ်။

သတင်းစာရှင်းလင်းပွဲမှာ တရုတ် ကုမ္ပဏီကနေ ရှင်းပြရာမှာ ပိုက်လိုက် ဖေါက်လုပ်တဲ့ နေရာတွေ တလျှောက် မြေယာတွေ သိမ်းတဲ့ နေရာမှာ လျော်ကြေး ပေးခဲ့တယ်လို့ ပြောပါတယ်။ လျော်ကြေး အတွက် ဈေးနှုန်း သတ်မှတ်ရာမှာ အစိုးရ သတ်မှတ်ချက်၊ ကုမ္ပဏီရဲ့ သတ်မှတ်ချက်နဲ့ လယ်သမားတွေ လိုချင်တဲ့ဈေး၊ သုံးခုစလုံးကို ညှိနှိုင်းပြီး လျော်ကြေး ပေးခဲ့တာ ဖြစ်တယ်လို့ ပြောပါတယ်။

 လယ်ယာမြေ အသိမ်းခံလိုက်ရတဲ့ လယ်သမားတွေက တကယ်တော့ ကျေနပ်မှု မရှိခဲ့ကြဘူးလို့ ပြင်ဦးလွင်မြို့နယ် ပြည်သူ့လွှတ်တော် အမတ် ဦးကျော်သီဟက ပြောပါတယ်။ အခုလို ညှိနှိုင်းပြီး လျော်ကြေး ပေးခဲ့တယ် ဆိုတာလည်း မဟုတ်ဘူးလို့ သူက ဆက်ပြောပါတယ်။

လယ်သမားတွေဟာ လျော်ကြေးငွေကို လိုချင်ကြတာ မဟုတ်ဘဲ အစိုးရနဲ့ လုပ်နေတဲ့ စီမံကိန်းဖြစ်လို့ မဖြစ်မနေ ပေးအပ်လိုက်ရတာ ဖြစ်တယ်လို့လည်း သူက ပြောပါတယ်။

သဘာဝပတ်ဝန်းကျင် ပျက်ဆီးမှုတွေကလည်း အများအပြားရှိခဲ့တယ်လို့ ဆိုပါတယ်။

ဦးကျော်သီဟဟာ ပြင်ဦးလွင်မြို့နယ်အတွင်း ပိုက်လိုင်း လမ်းကြောင်းမှာပါတဲ့ လယ်သမားတွေရဲ့ တိုင်းကြားချက်တွေကို လေ့လာသိရှိနေတဲ့ သူ ပြည်သူ့လွှတ်တော်အမတ် ဖြစ်ပါတယ်။

တရုတ်အာကာသယာဉ်နဲ့ အာကာသစခန်းငယ် ပထမဆုံးအကြိမ် အောင်မြင်စွာ ချိတ်ဆက်နိုင်

By ဗွီအိုအေ (မြန်မာဌာန)

• ကမ္ဘာပတ်လမ်းကြောင်းမှာ လည်ပတ် ပျံသန်းနေတဲ့ အာကာသစခန်းငယ်နဲ့ အာကာသယာဉ်ကို တရုတ်နိုင်ငံက ပထမဆုံးအကြိမ် အောင်မြင်စွာ စမ်းသပ် ချိတ်ဆက်လိုက်ပါတယ်။ Shenzhou – 9 လို့ခေါ်တဲ့ အာကာသယာဉ်ပေါ်က ယာဉ်မှူး သုံးယောက်တို့ဟာ Tiangong-1 လို့ခေါ်တဲ့ အာကာသ စမ်းသပ်စခန်းငယ်နဲ့ အလိုအလျောက် စက်ကိရိယာကို သုံးပြီးတော့ တနင်္ဂနွေနေ့က အောင်မြင်စွာ ချိတ်ဆက်နိုင်ခဲ့ကြပါတယ်။

အာကာသယာဉ်မှူး သုံးဦးအနက် တစ်ဦးဟာ တရုတ်ပြည်ရဲ့ ပထမဦးဆုံး အမျိုးသမီး အာကာသယာဉ်မှူး Liu Yang ဖြစ်ပါတယ်။ Shenzhou – 9 အာကာသယာဉ်ကို ဇွန်လ ၁၆ ရက်နေ့က လွှတ်တင်ခဲ့တာ ဖြစ်ပြီးတော့ နှစ်ရက်အကြာမှာ အခုလို အောင်မြင်စွာ ချိတ်ဆက်နိုင်ခဲ့တာ ဖြစ်ပါတယ်။

ပိုပြီးတော့ ကြီးမားတဲ့ အာကာသစခန်းနဲ့ ချိတ်ဆက်ရမယ်ဆိုရင် ဒီထက် ခက်ခဲရှုပ်ထွေးတဲ့ စိန်ခေါ်မှုတွေ ရှိလာနိုင်လိမ့်မယ်လို့ တရုတ်အရာရှိကြီးတွေက ပြောပါတယ်။ တရုတ်နိုင်ငံဟာ အဲဒီ စခန်းကြီးကို ၂၀၂၀ ခုနှစ်မှာ အပြီး ဆောက်လုပ်မယ်လို့ သိရပါတယ်။ Tiangong-1 အာကာသစခန်းငယ်ဟာ စမ်းသပ်လုပ်ငန်း ဖြစ်ပြီး ကမ္ဘာပတ်လမ်းကြောင်းမှာ ၂၀၁၃ ခုနှစ်အထိ ရှိနေမှာဖြစ်ပါတယ်။

အီဂျစ်သမ္မတအဖြစ် မူစလင်ညီအစ်ကိုအဖွဲ့ ခေါင်းဆောင် အနိုင်ရ

By ဗွီအိုအေ (မြန်မာဌာန)

• အီဂျစ်နိုင်ငံမှာ အငြင်းပွားဖွယ်ရာ ဖြစ်နေတဲ့ သမ္မတရွေးကောက်ပွဲ ရလဒ်တွေကို ဒီကနေ့ ကြေညာသွားတာမှာ မူစလင် ညီအစ်ကိုတော်များအဖွဲ့က သမ္မတလောင်း မိုဟာမက် မော်စီ (Mohammed Morsi) အနိုင်ရကြောင်း ရုပ်မြင်သံကြားကနေ တိုက်ရိုက် ကြေညာသွားပါတယ်။

အီဂျစ်ရွေးကောက်ပွဲ ကော်မရှင်က မိုဟာမက် မော်စီ အနိုင်ရကြောင်း ကြေညာလိုက်တယ်ဆိုရင်ပဲ ကိုင်ရိုမြို့လယ်က တဟီရာ (Tahrir) ရင်ပြင်မှာ စုဝေး ဆန္ဒပြနေကြတဲ့ ထောင်ပေါင်းများစွာသော အီဂျစ်ပြည်သူတွေက လက်ခုပ် သြဘာတွေပေး၊ အလံတွေ ဝှေ့ယမ်းပြီး ကြိုဆိုလိုက်ကြပါတယ်။ Tahrir ရင်ပြင်ဟာ သမ္မတဟောင်း ဟိုစနီမူဘာရက် (Hosni Mubarak) ပြုတ်ကျရေးအတွက် ထောင်ပေါင်းများစွာသော အီဂျစ်ပြည်သူတွေ လနဲ့ချီ စုဝေးဆန္ဒပြခဲ့တဲ့ သမိုင်းဝင် ရင်ပြင် ဖြစ်ပါတယ်။

ဒီရွေးကောက်ပွဲ ရလဒ်တွေကို ပြီးခဲ့တဲ့ ကြာသပတေးနေ့ကတည်းက ကြေညာရမှာ ဖြစ်ပေမဲ့လည်း မဲမသမာမှုတွေနဲ့ ပတ်သက်ပြီး နှစ်ဘက် ကိုယ်စားလှယ်လောင်းတွေက တိုင်ကြားလာတာတွေကို စုံစမ်း စစ်ဆေးဖို့ အချိန်လိုတယ်ဆိုပြီး ဒီကနေ့မှ ကြေညာဖို့ ရွေးကောက်ပွဲ ကော်မရှင်က ရက်ရွေ့ဆိုင်းလိုက်တာပါ။ အီဂျစ်သမ္မတ ရွေးကောက်ပွဲကို မူစလင် ညီအစ်ကိုတော်များအဖွဲ့က သမ္မတလောင်း မိုဟာမက် မော်စီ နဲ့ ၀န်ကြီးချုပ်ဟောင်း အာမစ်ရှာဖစ် (Ahmed Shafiq) တို့ ယှဉ်ပြိုင်နေကြတာပါ။

ရွေးကောက်ပွဲရလဒ်တွေ မကြေညာခင် ကိုင်ရိုမြို့တော်က လမ်းတွေ၊ အထင်ကရ အစိုးရအဆောက်အဦးတွေမှာ အီဂျစ်အာဏာပိုင်တွေက လုံခြုံရေးတွေ တိုးမြင့် ချထားပါတယ်။သူတို့ ကိုယ်စားလှယ်လောင်း ရှုံးနိမ့်ရင် တန်ပြန် လက်စားချေမှုတွေ ပြုလုပ်မယ်လို့ ကိုယ်စားလှယ်လောင်း ၂ ယောက်စလုံးကို ထောက်ခံသူတွေက အသီသီး ခြိမ်းခြောက်ထားကြတာပါ။