29.06.2012 နေ့ဖတ်ရန်သတင်းများ

by Myanmar Journal on Thursday, June 28, 2012 at 4:29pm ·

ဘာကလေ ဘဏ်ကို အတိုးနှုန်း ကစားမှု အတွက် ဒဏ်ငွေ ချမှတ်ခဲ့ဗြိတိသျှ ဘဏ္ဍာရေး စံနစ် အားနည်းချက် တွေရှိ

ဗြိတိသျှ ဘဏ်တွေ ပါဝင် ပတ်သက် နေတဲ့ အတိုးနှုန်း ဈေးကစား မှုကို စုံစမ်း စစ်ဆေးချက် အရ ဘဏ္ဍာရေး စံနစ်မှာ အတွင်း ကျကျ ယိုယွင်း မှုတွေ ရှိနေ တာကို တွေ့ရ တယ်လို့ ဗြိတိသျှ ဘဏ္ဍာရေး ဝန်ကြီး George Osborne က ပြောပါတယ်။

အတိုးနှုန်း ကစားမှု အတွက် Barclays ဘဏ်ကို ဒေါ်လာ သန်း ၄၅၀ ဒဏ်ငွေ ချမှတ်ပြီး နောက်တနေ့မှာ သူက အခုလို ပြောခဲ့ တာပါ။

လူတွေဟာ လောဘကို ရှေ့တန်းတင် နေကြ တယ်လို့ သူက ဆိုရင်း ဘာကလေ ဘဏ်ရဲ့ အမှုဆောင် အရာရှိ Bob Diamond အနေနဲ့ အလွန် လေးနက်တဲ့ မေးမြန်းချက် တွေကို ဖြေကြား ရလိမ့်မယ်လို့ ဆိုပါတယ်။

တခြား စစ်ဆေး ခံနေရတဲ့ ဘဏ်တွေထဲ မှာ Citigroup, JP Morgan နဲ့ Deutsche Bank တို့ ပါဝင် ပါတယ်။

ကြွေးမြီ ပြဿနာ ဖြေရှင်းရေးမှာ သဘောထား ကွဲပြားမှုတွေ ရှိနေကြွေးမြီ အရေး ဥရောပ ခေါင်းဆောင်တွေ ဆွေးနွေး

ယူရို ငွေကြေး သုံးစွဲတဲ့ နိုင်ငံတွေမှာ ကြုံတွေ့ နေရတဲ့ အကျပ်အတည်း တွေကို ဘယ်လို ကိုင်တွယ်မယ် ဆိုတာနဲ့ ပတ်သက်ပြီး အကြီးအကျယ် သဘောထား ကွဲလွဲ နေကြ တာကို ဖြေရှင်းဖို့ ဘရပ်ဆဲလ် မြို့မှာ ဥရောပ ခေါင်းဆောင်တွေ နှစ်ရက်ကြာ တွေ့ဆုံ ပွဲ စတင် နေပါပြီ။

ကြွေးမြီ တွေကို ဥရောပ နိုင်ငံ အားလုံးက မျှဝေ ကျခံဖို့ အဆိုကို ဂျာမနီ ဝန်ကြီးချုပ် အင်ဂလာ မာကဲလ် က ဆန့်ကျင် နေပြီး ကျန်တဲ့ နိုင်ငံတွေ ကတော့ ဒီနည်း အားဖြင့်သာ ယူရိုငွေကြေး စံနစ်ကို ကာကွယ်နိုင်မှာ ဖြစ်တယ်လို့ ဆိုနေ ပါတယ်။

ညီလာခံ တက်ဖို့ ရောက်လာ တဲ့ပြင်သစ် သမ္မတ ဖရန်ဆွာ အော်လန်းက၊ ဥရောပကို ဒီထက်ပိုပြီး ပေါင်းစည်းဖို့ ပြင်သစ် နိုင်ငံက အသင့်ဘဲလို့ ဆိုခဲ့ ပေမယ့် ဒီလိုလုပ်ဖို့ အတွက် အဆင့်တိုင်းမှာ စည်းလုံး ညီညွတ်ကြဖို့ လိုကြောင်း ပြောပါတယ်။

ဒီ အစည်းအဝေး မှာ စပိန်နဲ့ အီတလီ နိုင်ငံတို့က ငွေချေးငှားတဲ့ အခါ ပေးရတဲ့ အတိုးနှုန်းတွေ ကြီးမြင့် နေတာကို လည်း ဆွေးနွေး ကြဖို့ ရှိပါတယ်။

ဦးအောင်မင်း ထိုင်းအခြေစိုက် အဖွဲ့တွေနဲ့တွေ့

ဦးအောင်မင်း နဲ့ဦးခင်ရီ တို့ဟာ ရခိုင် လွတ်မြောက်ရေး ပါတီ နဲ့လည်း တွေ့ခဲ့

နယ်စပ်က တိုင်းရင်းသား လက်နက်ကိုင် အပါအဝင် ထိုင်းနိုင်ငံမှာ အခြေစိုက်တဲ့ နိုင်ငံရေး အဖွဲ့ တွေနဲ့ ငြိမ်ချမ်းရေး ဆွေးနွေးဖို့ ပြည်ထောင်စု ငြိမ်းချမ်းရေး ဖေါ်ဆောင်ရေး လုပ်ငန်းအဖွဲ့ ဒုတိယ ဥက္ကဌ ရထားဝန်ကြီး ဦးအောင်မင်းနဲ့ အဖွဲ့ဝင် ဖြစ်တဲ့ လူဝင်မှု ကြီးကြပ်ရေး ဝန်ကြီး ဦးခင်ရီနဲ့ ငြိမ်းချမ်းရေး အကျိုးဆောင် တွေဟာ မဲဆောက်နဲ့ ဘန်ကောက်မြို့ တွေမှာ ၄ ရက်ကြာ ဆွေးနွေးပွဲတွေ ပြုလုပ်ခဲ့ ပါတယ်။

ဦးအောင်မင်းက အခုလို လေးရက် အတွင်း အဖွဲ့ပေါင်း ၁၈ ဖွဲ့နဲ့ တွေ့ဆုံ ဆွေးနွေး နိုင်ခဲ့တာဟာ သမ္မတ ဦးသိန်းစိန်ရဲ့ မူဝါဒတွေ အပေါ် အခြေခံပြီး ဆောင်ရွက် ခဲ့တာ ဖြစ်တယ်လို့ ဘီဘီစီကို ပြောပါတယ်။

အရင်က အကြိမ်ကြိမ် တွေ့ဆုံခဲ့ သလို သဘော တူညီချက် တချို့လည်း ရထားတဲ့ KHU ကရင် အမျိုးသား အစည်း အရုံးနဲ့ သြဂုတ်လ ဆန်းပိုင်းမှာ တွေ့ကြဖို့ ဆွေးနွေးခဲ့တာ ရှိသလို၊ ABSDF ကျောင်းသား တပ်မတော်၊ ALP ရခိုင် လွတ်မြောက်ရေး ပါတီ တို့ကတော့ ပြည်ထောင်စု အဆင့်အထိ သဘော တူညီချက် တွေ လုပ်ဖို့ အလွတ် သဘော တွေ့ဆုံတာ ဖြစ်တယ်လို့ ဆိုပါတယ်။

ငြိမ်းချမ်းရေး လုပ်ငန်းစဉ် အတွက် အသစ် ဆွေးနွေးတဲ့ အထဲမှာ PNLO ပအိုဝ်း အမျိုးသား လွတ်မြောက်ရေး အဖွဲ့ ၊ WLB အမျိုးသမီး အဖွဲ့ချုပ်၊ FDB မြန်မာ့ ဒီမိုကရေစီ အင်အားစု၊ HREIB လူ့အခွင့် အရေး ပညာပေးဌာန ၊ Burma Fund စတဲ့ အဖွဲ့တွေ ပါဝင် ပါတယ်။

ဦးအောင်မင်းက အဓိက အားဖြင့် နိုင်ငံ တည်ဆောက်တဲ့ အခါ ပညာရှင်နဲ့ ပြည်သူ လူထု အားကို လိုအပ်တဲ့ အတွက် ပြန်လည် တည်ဆောက်ဖို့ ထိုင်းနိုင်ငံကို လာတာ ဖြစ်တယ်လို့ ပြောပါတယ်။

ထိုင်းနိုင်ငံမှာ တွေ့ဆုံ ဆွေးနွေး ကြတဲ့အခါ တွေ့ပြီးသား အဖွဲ့တွေနဲ့ နားလည်မှု ရပြီးဖြစ်တယ်၊ တချို့ အဖွဲ့ တွေကလည်း စဉ်းစား ဆွေးနွေးပြီးမှ ဆက်လုပ်မယ် လို့ဆို ကြတယ်၊ သဘာမတူတဲ့ အတွက် ခက်ခက်ခဲခဲ ဆွေးနွေးရတာမျိုး မရှိဘူးလို့ ဦးအောင်မင်းက ပြောပါတယ်။

ပြည်ပရောက် အဖွဲ့အစည်း တွေထဲမှာ အစိုးရမဟုတ်တဲ့ အန်ဂျီအို အလုပ်မျိုးကို လုပ်ချင်သူ တွေ ရှိသလို၊ ပါတီ ပြန်ထောင်ချင် သူတွေလည်း ရှိကြောင်း၊ ဒါတွေကို မလုပ်ပေးနိုင်စရာမရှိ ကြောင်းသူကပြောပါတယ်။

အားလုံးလုပ်လို့ ရမယ့်အခြေအနေ တွေဖြစ်တာမို့ ဘယ်လို ဆက်သွာမလဲ ဆိုတာကို ဆက်ပြီး ဆွေးနွေးဖို့သာ ကျန်တယ်လို့ ဦးအောင်မင်းက ဆိုပါတယ်။

လိုအပ်ချက် တွေကို ဆက်ပြီး အသေးစိတ်ညှိနှိုင်းမှု တွေတော့ လုပ်ရဦးမှာမို့ နောက်ထပ် တွေ့ဆုံမှုတွေ အများကြီး ဆက်လုပ်ရဦးမယ်လို့ ဦးအောင်မင်းက ပြောပါတယ်။

ရခိုင်ပြည်နယ်မှာ တည်ငြိမ်စ ပြုပေမဲ့ စိုးရိမ် နေကြဆဲ

ရခိုင် ပြည်နယ် အတွင်းမှာ တည်ငြိမ်စ ပြုနေပြီး စစ်တွေမြို့မှာ အခြေအနေတွေ အေးဆေး နေတယ်လို့ ရခိုင် ပြည်နယ် အစိုးရအဖွဲ့ ပြန်ကြားရေး အဖွဲ့ဝင် ဦးဝင်းမြိုင် က ပြောပါတယ်။

စစ်တွေမြို့ ဈေးကို ပြန်ဖွင့်တဲ့ အခါမှာ ရခိုင် တိုင်းရင်းသား တွေနဲ့ မွတ်ဆလင် တွေကြား ပြဿနာ တွေ ဖြစ်လာ နိုင်တာကို ကာကွယ်တဲ့ အနေနဲ့ နှစ်ဘက် ဘာသာရေး ခေါင်းဆောင်တွေ၊ ဈေးမိ ဈေးဖ တွေနဲ့ တိုင်ပင်ပြီး မွတ်ဆလင် ဆိုင်တွေထဲက ပစ္စည်းတွေကို ဝေသာလီ ဘောလုံး ကွင်းဆီ ပြောင်းရွှေ့ ပေးခဲ့တယ်လို့ ဦးဝင်းမြိုင် က ပြောပါတယ်။

စစ်တွေနဲ့ အနီး တဝိုက် အိုးမဲ့ အိမ်မဲ့ ဖြစ်နေသူ ဒုက္ခသည်တွေ အတွက် ကုလ သမဂ္ဂ လက်အောက်ခံ အဖွဲ့ အစည်းတွေ နဲ့ တခြား အဖွဲ့ တွေက လာရောက် လှူဒါန်း ကြပြီး သူတို့ကို မွတ်ဆလင် ဒုက္ခသည် စခန်းတွေဆီ သွားခွင့် မပြုဘူးလို့ ပြောနေကြတာ တွေ နဲ့ ပတ်သက်လို့တော့ ဦးဝင်းမြိုင်က အစိုးရ အနေနဲ့ ကန့်သတ်ချက် မရှိကြောင်း ဘယ် အဖွဲ့ပဲ လာလာ သွားခွင့် ပြုထားကြောင်း ဘီဘီစီကို ပြောပါတယ်။

တခါ မောင်းတော မြို့မှာ အကြမ်းဖက်မှု နောက်ပိုင်း ကျောင်းဆရာ ဆရာမတွေ ဘဏ် ဝန်ထမ်းတွေ မိမိတို့ နေရပ်ရင်းကို ပြန်သွား ခဲ့ကြ သလို ဒေသခံ ရခိုင် တိုင်းရင်းသား တချို့ဟာ စစ်တွေနဲ့ ရန်ကုန်မြို့ တို့ဆီ ပြောင်း ရွှေ့ သွားခဲ့ ကြတယ်လို့ မြို့ခံ တဦးက ပြောပါတယ်။

မောင်းတောမြို့မှာ လုံခြုံရေးတွေ ချထားပြီး ကျောက်ဖြူမြို့တို့မှာ သန်းခေါင် စာရင်း လိုက်စစ် နေတယ်လို့ ဒေသခံ တွေက ဘီဘီစီ ကို ပြောပါတယ်။

ဒီလို အခြေ အနေ ရှိနေချိန် မှာပဲ ရခိုင်ပြည်နယ် အတွင်းမှာ ဖြစ်ခဲ့တဲ့ ပဋိ ပက္ခ တွေနဲ့ ပတ်သက်လို့ ဗြိတိန် နိုင်ငံ ပါလီမန် ရဲ့ မြန်မာ နိုင်ငံ ဒီမို ကရေစီ ရရှိရေး ဆိုင်ရာ ပါတီပေါင်းစုံ အဖွဲ့ ရှေ့မှောက်မှာ BROUK မြန်မာ ရိုဟင်ဂျာ အဖွဲ့ အစည်း UK က ဦးစီးပြီး ရှင်းလင်း တင်ပြ ခဲ့ရာမှာ ရခိုင်ပြည်နယ်မှာ ပြဿနာတွေ ဖြစ်ပွားအောင် အစိုးရ အဖွဲ့တွင်းက သဘောထား တင်းမာသူတွေ၊ ရခိုင် တိုင်းရင်းသားများ တိုးတက်ရေး ပါတီ RNDP တို့က အကွက်ချ လုပ်ဆောင်တယ်လို့ စွပ်စွဲခဲ့ ပါတယ်။

BROUK ဥက္ကဌ ဦးထွန်းခင်ရဲ့ အဆို အရ ပြီးခဲ့တဲ့ ပဋိပက္ခမှာ သေဆုံးခဲ့သူ မွတ်ဆလင် အရေ အတွက်ဟာ အစိုးရက ထုတ်ပြန်ထားတဲ့ စုစုပေါင်း သေဆုံးသူ စာရင်းထက် ပိုများတယ်လို့ ရခိုင် ဒေသတွင်း မွတ်ဆလင် တွေကို ကိုးကားပြီး ပြော ပါတယ်။

RNDP ဘက်ကတော့ သူတို့ အနေနဲ့ BROUK ရဲ့ စွပ်စွဲချက်ထဲမှာ ပါသလို ပဋိပက္ခတွေ ဖြစ်အောင် လုပ်တယ် ဆိုတာ မဟုတ်ကြောင်း ငြင်းဆိုသွား ပါတယ်။

ဒါ့အပြင် ရခိုင်ပြည်နယ် အတွင်းမှာ နေထိုင်တဲ့ ရခိုင်တိုင်းရင်းသား တွေဟာ အဘက်ဘက်က စော်ကား ခံနေရတဲ့ အတွက် နစ်နာမှုတွေကို စာနာ သင့်တယ်လို့ ရခိုင် တိုင်းရင်းသားများ တိုးတက်ရေး ပါတီ အထွေထွေ အတွင်း ရေးမှူး ဦးဦးလှစောက တုံ့ပြန် ပါတယ်။

ဆီးရီးယားနယ်စပ်ကို လက်နက်များ သယ်ဆောင်တူရကီက ဆီးရီးယား နယ်စပ်မှာ လက်နက်တပ်ဆင်

ဆီးရီးယားနယ်စပ်ကို ပို့နေ့တဲ့ စစ်သုံးယာဉ်တွေကတော့ အစ်ကန်ဒါရန် နဲ့ ဒီယာဘာကီယာမြို့တွေမှာရှိတဲ့ စစ်အခြေစိုက် စခန်းတွေက ယာဉ်တွေ ဖြစ်ပါတယ်။ အဲဒီထဲမှာ သံချပ်ကာ ကားတွေ၊ ဝေဟင်ပစ် လက်နက်တွေ နဲ့ မစ်ဇိုင်း ဒုံးကျည်စင်တွေ ပါဝင်ပါတယ်။ လက်နက်တချို့ကိုတော့ တူရကီ-ဆီးရီးယား နယ်စပ်မြို့ဖြစ်တဲ့ ယေလဒဂီ မြို့မှာ တင်ဆင် ထားပါတယ်။ ဒီမြို့ဟာ ဆိုရင် ပြီးခဲ့တဲ့ သတင်းပတ်က တူရကီ တိုက်လေယာဉ်ကို ဆီးရီးယားဘက်က ပစ်ချခဲ့တဲ့ နေရာအနီးမှာ ဖြစ်ပါတယ်။

တိုက်လေယာဉ် ပျက်ကျခဲ့တဲ့ နေရာကတော့ နိုင်ငံတကာ ရေပိုင်နက်ထဲမှာ ဖြစ်တယ်လို့ တူရကီဘက်က ပြောပါတယ်။ လေယာဉ်မှူး နှစ်ဦးကတော့ ပျောက်ဆုံးနေဆဲ ဖြစ်ပါတယ်။ အခု လက်နက်တွေ တပ်ဆင်ထားတဲ့ ယေလဒဂီ နယ်စပ်မြို့ဟာ ဆီးရီးယားဘက်က ထွက်ပြေးလာတဲ့ ဒုက္ခသည် ၃ သောင်း ၃ ထောင်ကျော် နဲ့ ဆီးရီးယား အတိုက်အခံ တက်ကြွ လှုပ်ရှားသူတွေ ခိုလှုံရာ နေရာလည်း ဖြစ်ပါတယ်။

တူရကီ တိုက်လေယာဉ် ပစ်ချခံရတဲ့ ဖြစ်ရပ်အပြင် တူရကီလေကြောင်း ပိုင်နက်အတွင်း ဆီးရီးယားဘက်က ချိုးဖောက်လုပ်ဆောင်တာတွေဟာ ဒီနှစ်အတွင်း အကြိမ် ၁၀၀ မက ရှိပြီလို့လည်း တူရကီဘက်က ပြောပါတယ်။ ဆီးရီးယားဟာ ခြိမ်းခြောက်မှုတစ်ခု ဖြစ်နေပြီလို့ တူရကီ ဝန်ကြီးချုပ် ရီဆက် တာယစ် အာဒိုဂန်က အင်္ဂါနေ့တုန်းက ပြောပါတယ်။

နောက်ပြီး ဆီးရီးယား အရေးနဲ့ပတ်သက်ပြီး တူရကီအစိုးရဘက်က စေ့စပ်ညှိနှိုင်းဖို့အတွက် စည်းမျဉ်း အသစ်တွေကို ဝန်ကြီးချုပ် ရီဆက် တာယစ် အာဒိုဂန်က ကြေငြာခဲ့ပါတယ်။ အဲဒီ စည်းမျဉ်း တွေထဲမှာဆိုရင် တူရကီနယ်စပ်ကို ချဉ်းကပ်လာတဲ့ ဘယ်ဆီးရီးယားတပ်ကိုမဆို ရန်လိုမှုအဖြစ် ရှုမြင်ခံရမှာ ဖြစ်ပြီး ပစ်မှတ်အဖြစ်လည်း သဘောထားမှာ ဖြစ်တယ်လို့ တူရကီအစိုးရက ကြေငြာပါတယ်။

ဒီလို ကြေငြာလိုက်တဲ့အတွက် ဆီးရီးယား ပိုင်နက်အတွင်းမှာ တူရကီက စစ်ပွဲကြား ခံဇုန်တစ်ခုအဖြစ် သတ်မှတ်လာနိုင်ပြီး ဒီလို သတ်မှတ်မှုဟာ တိုက်ပွဲတွေ ဖြစ်ပွားလာနိုင်စရာ အန္တရာယ် အလွန်လည်း ကြီးတဲ့ ဗျူဟာတရပ် လည်း ဖြစ်ပါတယ်။ ဒါပေမယ့် တူရကီဘက်ကတော့ အခုချိန်ထိ သူတို့ဟာ ဆီးရီးယားနဲ့ ပဋိပက္ခ ဖြစ်ပွားအောင် ရန်စလုပ်ဆောင်တာမျိုး မလုပ်လိုဘူးလို့ ပြောနေတုန်းပါပဲ။

၂ဝ၁၄ မတိုင်မီ လွှတ်တော်ပြင်ပ တွေ့ဆုံပွဲ လုပ်မည်ဟု ဝန်ကြီးပြော

ဟင်္သာနီ (မွန်မြေ) | ကြာသပတေးနေ့၊ ဇွန်လ ၂၈ ရက် ၂၀၁၂ ခုနှစ် ၁၉ နာရီ ၃၈ မိနစ်

စံခလပူရီ (မဇ္ဈိမ) ။      ။ အစိုးရမှ ‘ပင်လုံကဲ့သို့ ကျယ်ပြန့်သော ညီလာခံ’ ဟု ခေါ်ဆိုနေသည့် လွှတ်တော်ပြင်ပနိုင်ငံရေး တွေ့ဆုံဆွေးနွေးပွဲ တရပ်အား ၂ဝ၁၄ ခုနှစ် မတိုင်မီ ပြုလုပ်သွားရန် ရှိကြောင်း ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ ဦးအောင်မင်း က မဲဆောက်၌ ဒီမိုကရေစီ အင်အားစုများ၌ တွေ့ဆုံစဉ်ပြောကြားသွားသည်။

“၂ဝ၁၂ ဒီဇင်ဘာ မတိုင်မီ စနိုင်ဖို့ ကြိုးစားမယ် နောက်အကျဆုံး ၂ဝ၁၄ မှာ ဖြစ်ရမယ်လို့ ပြောသွားတယ်။ အဲဒီ အစည်းအဝေးမှာ ငြိမ်းချမ်းရေးအဆင့် ဒုတိယ အဆင့်မှာ မကြေလည်တဲ့ ကိစ္စတွေကို ဆက်ဆွေးနွေးမယ်။ အစိုးရက ဆုံးဖြတ်ပေးလို့ ရတဲ့ဟာ တခါတည်း သဘောတူမယ်၊ အဆုံးအဖြတ် ပေးခွင့် မရှိတဲ့ဟာကို လွှတ်တော်ကို ဆက်လက် တင်ပြမယ်” ဟု မြန်မာ့ဒီမိုကရေစီအဖွဲ့ချုပ် FDB မှ ဒေါက်တာ နိုင်အောင်က ပြောသည်။

ဇွန်လ ၂၆ ရက်နေ့က မြန်မာ့ဒီမိုကရေစီအဖွဲ့ချုပ် FDB အပါအဝင် အခြား ဒီမိုကရေစီ အင်အားစုများနှင့် ဦးအောင်မင်း ဦးဆောင်သည့် အစိုးရ ငြိမ်းချမ်းရေးကိုယ်စားလှယ်အဖွဲ့တို့ တွေ့ဆုံခဲ့သည်။

ယခု အစိုးရသည် ၂ဝ၁၅ ခုနှစ်၌ သက်တမ်း ကုန်ဆုံးမည် ဖြစ်၍ ထိုမတိုင်ခင် လွှတ်တော်ပြင်ပ ဆွေးနွေးပွဲအား မဖြစ်မနေ လုပ်ဆောင် သွားရန် ဆန္ဒရှိကြောင်း ဝန်ကြီးက ပြောသည်။

အဆိုပါ လွှတ်တော်ပြင်ပ တွေ့ဆုံပွဲ၌ မြန်မာနိုင်ငံရှိ တိုင်းရင်းသား ၁၃၅ မျိုးကို ကိုယ်စားပြုသည့် အဖွဲ့အစည်းများ၊နိုင်ငံရေး ပါတီများ၊ NGO အဖွဲ့အစည်းများ၊ လူထု လူတန်းစား အလွှာပေါင်းစုံမှ ကိုယ်စားလှယ်များ တက်ရောက်ကြဖွယ် ရှိသည်ဟု ဝန်ကြီးမှ ပြောကြားခဲ့သည်။

ပထမအဆင့်အဖြစ် အဖွဲ့အစည်း အားလုံးနှင့် အပစ်အခတ် ရပ်စဲရေး သဘောတူညီချက် ရရှိရေးကို ဦးစားပေးဆောင်ရွက်သွားမည်ဟု ဦးအောင်မင်းမှ ပြောသည်။ ပြီးမှသာလျှင် လွှတ်တော် ပြင်ပ ဆွေးနွေးပွဲအား ဆက်လက် အကောင်အထည် ဖော်သွားရန် ရှိသည်ဟု ဆိုပါသည်။

တိုင်းရင်းသား အဖွဲ့အစည်းများ၊ ပြည်တွင်း နိုင်ငံရေး အဖွဲ့အစည်းများနှင့် ပြည်ပရောက် ဒီမိုကရေစီ အင်အားစုများကမူ အဆိုပါ လွှတ်တော်ပြင်ပ ဆွေးနွေးပွဲအား အစောဆုံး လုပ်စေလိုသည့် သဘောထား ရှိကြသည်။

သို့သော် စစ်မှန်သည့် အမျိုးသား ရင်ကြားစေ့ရေးအား အပီအပြင် ဖော်ဆောင် နိုင်ရန်အတွက် လုပ်ထုံး လုပ်နည်းများ ရှင်းလင်း တိကျရန် လိုသေးကြောင်း ဒေါက်တာနိုင်အောင် က ပြောသည်။

“အခု သူတို့ပြောတာက လွှတ်တော် ပြင်ပမှာ လုပ်မယ့် ဆွေးနွေးပွဲကြီးကို ပြောတာ။ ကျနော်တို့ ပြောချင်တာက Process (လုပ်ငန်းစဉ်)အရ ဘယ်လို လုပ်ရမလဲ ဆိုတာနဲ့ ပတ်သက်ပြီး သူတို့ဘက်က ရှင်းရှင်းလင်းလင်း ဖြေကြား သွားတာတော့ မရှိသေးပါဘူး။ နိုင်ငံရေး အနှစ်သာရအားဖြင့် အားလုံး ပူးပေါင်းပါဝင်နိုင်ဖို့ လိုအပ်ပါတယ်။ တိုင်းပြည်ကိုပြန်လည် တည်ဆောက်ဖို့ဆိုတဲ့ ကိစ္စမှာ အားလုံးက တန်းတူညီတူနဲ့ ပီပီပြင်ပြင် ပူးပေါင်း ပါဝင်တဲ့ အနှစ်သာရ ရှိရမယ်။ ဒါမှသာလျှင် စစ်မှန်တဲ့ နိုင်ငံတော် တည်ဆောက်ရေးကို သွားလို့ရမယ်” ဟု မဇ္ဈိမကို ပြောသည်။

သို့သော် လိုအပ်သည့် လုပ်ငန်းစဉ်များမှာ လုပ်နည်းလုပ်ဟန်သာ ဖြစ်၍ နှစ်ဦးနှစ်ဖက် နားလည်မှု ရှိပြီးလျှင် အကောင်အထည် ဖော်နိုင်ဖွယ်ရှိကြောင်း ငြိမ်းချမ်းရေး အကျိုးဆောင် ဦးညိုအုန်းမြင့် က ပြောသည်။

“အခုမှစပြီး ဘယ်လို ပူးပေါင်းဆောက်ရွက်မယ် ဆိုတဲ့အပေါ် အခြေခံအမြင်နဲ့ ယူဆချက် တွေကို ဆွေးနွေးကြတဲ့ အဆင့်ပဲ ရှိပါတယ်။ နိုင်ငံ ပြန်လည် ထူထောင်ရေးအတွက် ချမှတ်ထားတဲ့ Building Process သုံးရပ်မှာ တယောက်နဲ့ တယောက် ယုံကြည်မှု တည်ဆောက်မှုက အင်မတန် မှလည်း အရေးကြီးပါတယ်။ ကျန်တဲ့ လုပ်ထုံး လုပ်နည်းတွေ က ဆွေးနွေးညှိနှိုင်း အကောင်အထည် ဖော်ကြရင် ဖြစ်လာနိုင်တဲ့ ကိစ္စတွေ။ ဒါပေမယ့် တဖက်နဲ့တဖက် ယုံကြည်မှု မရှိသေးဘဲနဲ့တော့ ဘယ်လိုမှ ညှိနှိုင်းနိုင်ကြမှာ မဟုတ်ပါဘူး။ ဒီယုံကြည်မှု တည်ဆောက်တဲ့ လုပ်ငန်းစဉ်ကလည်း အရေးကြီးတဲ့ လုပ်ငန်းစဉ်တရပ်လို့ ကျနော် မြင်ပါတယ်” ဟု မဇ္ဈိမကို ပြောသည်။

လွှတ်တော်ပြင်ပ ဆွေးနွေးပွဲ မတိုင်မီ လုပ်ငန်းခွဲသဘော သက်ဆိုင်ရာ ကဏ္ဍအလိုက် အကြို ဆွေးနွေးမှုများ ပြုလုပ် သွားရန် ရှိကြောင်း သိရသည်။ သို့သော် ထိုလုပ်ငန်းစဉ်များ ဖြစ်မြောက် လာရန်အတွက် အစိုးရ၌ ခက်ခဲမှု ရှိနိုင်သလို ဒီမိုကရေစီ အင်အားစု၊ တိုင်းရင်းသားများ ဘက်၌လည်း အခက်အခဲ ရှိနိုင်ကြောင်း နှစ်ဖက် စလုံးမှ သုံးသပ် ထားသည်။

ဝန်ကြီး ဦးအောင်မင်းနှင့် ဝန်ကြီး ဦးခင်ရီတို့ ဦးဆောင်သည့် ခုနှစ်ဦးပါ အဖွဲ့သည် ထိုင်းနိုင်ငံ လေးရက် ခရီးစဉ်အတွင်း ဒီမိုကရေစီ အင်အားစုများ၊ လူမှုရေး အဖွဲ့အစည်း၊ အမျိုးသမီး အဖွဲ့အစည်းများ စုစုပေါင်း ၁၈ ဖွဲ့နှင့် တွေ့ဆုံခဲ့သည်ဟု အကျိုးဆောင် ဦးညိုအုန်းမြင့်က ဆိုပါသည်။ ကြာသပတေးနေ့ ညနေ၌ ဝန်ကြီးနှင့်အဖွဲ့သည် ထိုင်းနိုင်ငံမှ မြန်မာနိုင်ငံ သို့ လေကြောင်း ခရီးဖြင့် ပြန်လည် ထွက်ခွာမည် ဖြစ်သည်။

ဆောက်လုပ်ရေး လုပ်သားများ တော်ဝင်ကုမ္ပဏီကို ဆန္ဒပြ

မျိုးသန့် | ကြာသပတေးနေ့၊ ဇွန်လ ၂၈ ရက် ၂၀၁၂ ခုနှစ် ၁၉ နာရီ ၅၈ မိနစ်

ရန်ကုန် (မဇ္ဈိမ) ။       ။ လုပ်အားခ တိုးမြှင့်ပေးရန်၊ လုပ်အားခ အချိန်မှန်ပေးချေရန်နှင့် လုပ်ငန်းခွင် သာယာရေးဆောင်ရွက်ပေးရန်တို့ ပါဝင်သည့် တောင်းဆိုချက် ၁၆ ချက်ဖြင့် ရန်ကုန်တိုင်း၊ အင်းစိန်မြို့နယ် တော်ဝင် ဆောက်လုပ်ရေးကုမ္ပဏီ လုပ်သားများက ကြာသပတေးနေ့တွင် ဆန္ဒပြကြသည်။

အင်းစိန်မြို့နယ်၊ ပေါက်တောရပ်ကွက် ဖန်စက်လမ်း မုဒိတာအိမ်ယာ အမှတ် ၂ မှ ဆောက်လုပ်ရေးလုပ်သား ၇ဝဝ ခန့်က တော်ဝင် ကုမ္ပဏီသို့ တောင်းဆိုကြခြင်း ဖြစ်သည်။

အလုပ်ရှင်မှ လုပ်အားခ ပုံမှန်မပေးခြင်းကြောင့်လည်း အခက်အခဲများ ဖြစ်ပေါ်နေရသည်ဟု ဆန္ဒပြ အလုပ်သမားတဦး က မဇ္ဈိမကို ပြောသည်။

အင်းစိန်မြို့နယ် ပေါက်တောရပ်ကွက် မုဒိတာအိမ်ယာ အမှတ် ၂ မှ လုပ်သား ၇ဝဝ ခန့်က လုပ်အားခ တိုးမြှင့်ပေးရန်၊ လုပ်အားခများ အချိန်မှန်ပေးချေရန်၊ လုပ်ငန်းခွင် သာယာရေးဆောင်ရွက်ပေးရန် တော်ဝင် ဆောက်လုပ်ရေးကုမ္ပဏီအား ဇွန်လ ၂၈ ရက်နေ့က ဆန္ဒပြနေကြစဉ်။ (ဓါတ်ပုံ - မျိုးသန့် ၊ မဇ္ဈိမ)

“သမီးတို့က တနေ့လုပ်မှ တနေ့စားရတာ သမီးတို့မှာ အကြွေးတွေ ဝိုင်းနေပြီ။ အမှန်အတိုင်း ပြောပြတာ။ သမီးတို့ကို မရှင်းပေးတာ သုံးပတ်ရှိပြီ။ သမီးတို့ အခန်းတွေလည်း ပြန်ပြင်ပြီးနေရတာ တသောင်းကျော် ကုန်တယ်။ လိုင်းခန်းကြေး ကလည်း တသောင်းကျော် ပေးရတယ်။ မပေးနိုင်တော့ သမီးတို့ကို လိုင်းခန်းကနေ ဆင်းခိုင်းတယ်” ဟု မဇ္ဈိမကိုပြောသည်။

အလုပ်သမားတို့၏ တောင်းဆိုချက်များတွင် အလုပ်ပိတ်ရက်ကို ကြိုတင် အကြောင်းကြားရန်၊ ကြိုပို့ကားများ စီစဉ်ဆောင်ရွက်ပေးရန်၊ လုပ်ငန်းခွင်အတွင်း ခွဲခြားဆက်ဆံခြင်း မပြုရန်၊ သက်ကြီး အလုပ်သမားများနှင့် ကိုယ်ဝန်ဆောင် အလုပ်သမား အမျိုးသမီးများအတွက် ခံစားခွင့်များပေးရန်တို့လည်း ပါဝင်သည်။

အဆိုပါ ဆန္ဒပြပွဲကို အလုပ်သမားညွှန်ကြားမှုဦးစီဌာန ဦးစီးအရာရှိ၊ မြို့နယ် ညှိနှိုင်းဖြန်ဖြေရေးအဖွဲ့ အတွင်းရေးမှူး ဦးတင်နိုင် က အလုပ်သမားနှင့်အလုပ်ရှင်တို့ကြား ညှိနှိုင်းပေးခဲ့ပြီး ဆန္ဒထုတ်ဖေါ်မှုကို ခေတ္တရပ်ဆိုင်းထားလိုက်သည်။

ဆန္ဒထုတ်ဖေါ်ပွဲသို့ တိုင်းရင်းသား စည်းလုံးညီညွတ်ရေးပါတီမှ ရန်ကုန်တိုင်း အလုပ်သမားရေးရာ ဒုတိယ တာဝန်ခံ ဦးအောင်စိုး လည်း လာရောက်ညှိနှိုင်းပေးခဲ့သည်။

“သူတို့ရဲ့ လိုလားချက်တွေကို ငြိမ်းချမ်းစွာ တင်ပြပါ။ အလုပ်သမားနဲ့ ပိုင်ရှင်နဲ့ ပြဿနာ မဖြစ်အောင်၊ အလုပ်သမားတွေ ကလည်း တည်ဆဲဥပဒေတွေ မဖေါက်အောင် ကျနော်တို့ လာရောက် ညှိနှိုင်းတာပါ။ ကျနော်တို့ ပါတီတွေကိုလည်း အလုပ်သမား အလုပ်ရှင် ပြဿနာရှိရင် သွားရောက်ညှိနှိုင်းပေးပါဆိုတဲ့ တာဝန်ပေးချက်ရှိပါတယ်” ဟု ဦးအောင်စိုးက မဇ္ဈိမကို ပြောသည်။

၈၈ မျိုးဆက်ကျောင်းသားများအဖွဲ့မှ ကိုဇော်ဇော်မင်းလည်း အဆိုပါ ဆန္ဒထုတ်ဖေါ်ပွဲသို့ ရောက်ရှိ ညှိနှိုင်းပေးခဲ့ပြီး “လောလောဆယ်မှာတော့ ခိုင်မာတဲ့ဥပဒေတရပ် မရှိသေးသရွေ့ ဒီအလုပ်ရှင် အလုပ်သမားပြဿနာတွေ ဖြစ်နေဦး မှာပဲ။ အလုပ်သမားတွေရဲ့ အခြေခံလစာနဲ့ ပတ်သက်ပြီးတော့ ခိုင်မာတဲ့ ဥပဒေ မရှိသေးတဲ့အတွက်လည်း ပါတယ်။ လွှတ်တော်ကနေ ဥပဒေတွေကို မြန်မြန်လေး ချမှတ်ဖို့လိုတယ်” ဟု ပြောသည်။

မုဒိတာအိမ်ယာ အမှတ် (၂) ကို ဇန်နဝါရီလမှစ၍ တော်ဝင် ဆောက်လုပ်ရေး ကုမ္ပဏီမှ စတင်ဆောက်လုပ်ခဲ့ပြီး အခန်းပေါင်း တထောင်ကျော် ပါဝင်ဖွဲ့စည်းထားသည်။ ရှစ်ထပ် အမြင့်ရှိမည်ဖြစ်သည့် အဆိုပါ အဆောက်အဦးကို အဆောင် A နှင့် B ဟူ၍ အဆောင် နှစ်ဆောင် ခွဲထားသည်။

Famoso အလုပ်သမားများ လစာ တိုးပေးရေး ပြေလည်မှုမရသေး

နေမျိုး | ကြာသပတေးနေ့၊ ဇွန်လ ၂၈ ရက် ၂၀၁၂ ခုနှစ် ၂၃ နာရီ ၁၈ မိနစ်

နယူးဒေလီ (မဇ္ဈိမ) ။        ။ ရန်ကုန်တိုင်း၊ မင်္ဂလာဒုံ စက်မှုဇုန် ၁ ရှိ Fsmoso စက်ရုံဆန္ဒပြ အလုပ်သမားများ၏ လစာတိုးပေးရေး ကိစ္စကို ဇွန်လ၂၈ ရက်နေ့က ဗိုလ်တထောင်မြို့နယ် အလုပ်သမား ခုံသမာဓိရုံးတွင် ကြားနာခဲ့ရာပြေလည်မှု မရရှိသေးကြောင်း သိရသည်။

တောင်းဆိုချက်များအနက် အဓိကကျသည့် အခြေခံလစာနှင့် ရှားပါးစားရိတ် တိုးပေးရေး တောင်းဆိုချက် အား ခုံသမာဓိရုံးမှ ဆုံးဖြတ်နိုင်ခြင်းမရှိ၍ ဖြစ်ကြောင်း အလုပ်သမား ကိုယ်စားလှယ် မဟေမာန်ချစ်က ပြောသည်။

“ခုံသမာဓိက ၃ ခုပဲကြားနာပေးမယ်ပြောတာလေ။ ပထမ အချက်က Supervisor(အလုပ်သမားကြီးကြပ်သူ) တွေက ကြမ်းတမ်းစွာ ပြောဆိုတာ၊ မပြောဆိုဖို့။ နောက်တချက်က ခွင့်ကိစ္စ။ အဲဒီအချက်တွေ ပြေလည်တယ်။ နောက်ဆုံး အချက် အခြေခံလစာ တိုးပေးရေးကိစ္စကတော့ သူတို့ ဆုံးဖြတ်လို့မရဘူး ဖြစ်နေတယ်တဲ့။ မင်္ဂလာဒုံမြို့နယ်ရုံးကို ချပေးလိုက်တယ်” ဟု မဇ္ဈိမကို ပြောသည်။

ဇွန်လ ၂၆ ရက်နေ့ အင်္ဂါနေ့က အလုပ်သမားရေးဌာနမှ ညွှန်မှူး ဦးဝင်းရှိန်၏ တိုက်တွန်းချက်ဖြင့် ဆန္ဒပြ အလုပ်သမား များ စက်ရုံးအတွင်း ပြန်ဝင်ကာ ပုံမှန် အလုပ်လုပ်ကိုင်ခဲ့ပြီး ခုံသမာဓိအဖွဲ့၏ ဆုံးဖြတ်ချက်ကို စောင့်ဆိုင်းနေကြခြင်းဖြစ်သည်။

ညွန်ကြားရေးမှူး ဦးဝင်းရှိန် အလုပ်သမားများ၏ သဘောတူညီချက်ဖြင့် ပထမအဆင့်က အမြင့်ဆုံးလုပ်ခ ၈ သောင်းကျော်၊ ဒုတိယအဆင့် ၇ သောင်းကျော်၊ အနိမ့်ဆုံးလုပ်ခလစာ ၆ သောင်းကျော်နဲ့  တိုးမြှင့်ပေးရန် ဇွန်လ ၈ ရက်နေ့က ညှိနှိုင်းခဲ့သော်လည်း လုပ်ငန်းရှင်ဘက်မှ တိုးမပေးနိုင်ကြောင်း အကြောင်းပြန်ခဲ့၍ ခုံသမာဓိအဖွဲ့သို့ တင်ပြကြခြင်းဖြစ်သည်။

“အခြေခံလစာကို တရက် တထောင်နှုန်းေ တာင်းထားတာ။ သူ ပေးလောက်တယ်လို့ တွက်ထားတာ။ ဘာဖြစ်လို့ မပေးလဲမသိဘူး။ လူကြီးတွေက သူတို့ ဆုံးဖြတ်လို့ မရဘူး ပြောတယ်။ လူကြီးတွေက ကိုယ့်ဘက်ကနေ ရှင်းပေးမှာလို့ တွက်ထားတာ။ ထင်သလို ဖြစ်မလာတော့ အားလုံးက စိတ်ဓါတ်ကျတယ်။ ဆက်လုပ်သွားမှာပါ။ နောက်ဆုံးအဆင့်နေပြည်တော်ခုံသမာဓိအထိ တက်မှာပါ။ အလုပ်သမား သမဂ္ဂဖွဲ့ဖို့ရှိတယ်။ စာရွက်စာတမ်းတွေ၊ အလုပ်သမားထောက်ခံချက်တွေ သက်ဆိုင်ရာကို တင်ပြသွားမယ်” ဟု မဟေမန်ချစ်က ဆိုသည်။

စက်ရုံမန်နေဂျာနှင့် အလုပ်သမားများ မင်္ဂလာဒုံမြို့နယ် အလုပ်သမားရုံးတွင် ဆက်လက် ဆွေးနွေးသွား မည်ဖြစ်ကာ မန်နေဂျာဘက်မှ ပြန်လည်တိုင်ပင်ဦးမည်ဟု ပြောဆိုကြောင်း သိရသည်။

အလုပ်သမားများကလည်း အလုပ်သမားရေးရာ တတ်ကျွမ်းနားလည်သည့် အလုပ်သမားများနှင့် တိုင်ပင်ကာ အကြံဉာဏ် ရယူဆောင်ရွက်သွားမည်ဖြစ်ပြီး အလုပ်ရှင်ဘက်မှ အခြေခံလစာ တိုးမြှင့်ပေးမယ်လို့ မျှော်လင့်ကြောင်း မဇ္စျိမကို ပြောဆိုသွားသည်။

ဂျပန်နိုင်ငံသားပိုင် Famoso စက်ရုံတွင် အလုပ်သမား ၆၅၄ ဦး ရှိပြီး လုပ်ခ တိုးမြှင့်ရေးအတွက် ဇွန်လ ၈ ရက်နေ့မှ စတင်ဆန္ဒပြ တောင်းဆိုခဲ့ခြင်း ဖြစ်သည်။

ဘော့စနီးယား ဆာဗ့် ခေါင်းဆောင်ဟောင်းအပေါ် စွဲချက် ၁၀ ခုအနက် တခု ရုပ်သိမ်း

By VOA (မြန်မာပိုင်း)

• လူမျိုးတုံးသတ်ဖြတ်မှုနဲ့ စစ်ရာဇ၀တ်မှုတွေ ကျူးလွန်ခဲ့တယ်လို့ စွပ်စွဲခံရတဲ့ Radovan Karadzic ကို လူမျိုးတုံး သတ်ဖြတ်မှု ဆိုင်ရာ စွဲဆိုမှု တမှုအတွက် အပြစ်မရှိကြောင်းဆုံး The Hague  အပြည်ပြည်ဆိုင်ရာ တရားရုံးတော်က ဆုံးဖြတ်ချက် ချခဲ့ပါတယ်။

စစ်ရာဇ၀တ်မှု အတွက်စွဲဆိုထားတဲ့ ပြစ်မှု ၁၀ မှုနဲ့ Bosnian Serb ခေါင်းဆောင်ဟောင်းအပေါ် စွဲဆိုထားတဲ့ လူမျိုးတုံး သတ်ဖြတ်မှု တွေကိုတော့ ထဲ့သွင်း ဆုံးဖြတ်မှု မလုပ်ရသေးပါဘူး။ ၁၉၉၂ ခုနှစ်က Bosnia မှာ Bosnian Serb တပ်ဖွဲ့တွေ ကျူးလွန်ခဲ့တဲ့ လူမျိုးတုံး သတ်ဖြတ်မှုအတွက် လုံလောက်တဲ့ သက်သေ အထောက်အထား မပြနိုင်တာကြောင့် ရုံးတော်က ခုလိုဆုံး ဖြတ်ချက်ချခဲ့ တာဖြစ်ပါတယ်။

ဒါပေမဲ့ ဒုတိယ ကမ္ဘာစစ်အပြီး ဥရောပမှာ အဆိုးဆုံး အစုလိုက် အပြုံလိုက် သတ်ဖြတ်မှုဖြစ်တဲ့ ၁၉၉၅ ခုနှစ် က Srebrenica မွတ်စလင် စုစုပေါင်း ၈,၀၀၀ ထောင်ကို သတ်ဖြတ်ခဲ့တဲ့ အမှု အပါအ၀င် ကျန်တဲ့ စွဲဆိုချက် ၁၀ မှု အတွက် အပြီးသတ် ပလပ်ပေးဖို့ တရားခံရှေ့နေဖက်က သက်သေ တင်ပြချက်ကိုတော့ ရုံးတော်က  ပယ်ချခဲ့ပါတယ်။

Karadzic ဟာ Yugoslavia ခွဲထွက်အပြီး ၁၉၉၂ ခုနှစ် က Bosnia မှာဖြစ်ခဲ့တဲ့ ၃ နှစ်တာ စစ်ပွဲအတွင်း Bosnian Serb အစိုးရ ခေါင်းဆောင် တာဝန်ယူခဲ့သူ ဖြစ်ပါတယ်။

၁၉၉၅ ခုနှစ်က အရင် Yougoslavia မှာ Karadzic ကို စစ်ရာဇ၀တ်မှုနဲ့ လူမျိုးတုံး သတ်ဖြတ်မှု ကျူးလွန်ခဲ့တယ် ဆိုပြီး နိုင်ငံတကာ ရာဇ၀တ်ခုံရုံး ICC မှာ တရားစွဲဆိုခဲ့ပြီး နောက် ၁၃ နှစ်ကြာမှာ The Hague တရားရုံးကို ပို့ခဲ့တာပါ။ သူ့ကို တရားစစ်ဆေးမှုကို ၂၀၀၉ ခုနှစ်ကစခဲ့ပြီး ဒီနှစ်နှောင်းပိုင်းမှာ သူ့ရှေ့နေတွေရဲ့ လျောက်လဲချက်တွေနဲ့ ဆက်ပြီး စစ်ဆေးခဲ့တာ ဖြစ်ပါတယ်။

မြန်မာသံအမတ်နေရာအတွက် အမေရိကန် အထက်လွှတ်တော်မှာ ကြားနာ

By ကိုသိန်းထိုက်ဦး

• မြန်မာနိုင်ငံအတွင်းမှာ ပြုပြင်ပြောင်းလဲမှုတွေ ပေါ်လာပြီဆိုပေမယ့် စိုးရိမ်ရဆဲ အခြေအနေနဲ့ လူ့အခွင့်အရေး ချိုးဖောက်မှုတွေ ရှိနေဆဲ ဖြစ်တဲ့ အကြောင်း မြန်မာနိုင်ငံဆိုင်ရာ အမေရိကန် သံအမတ်ကြီးအဖြစ် အဆိုပြု ခံထားရတဲ့ အမေရိကန် မူဝါဒညှိနှိုင်းရေးမှူး Derek Mitchell က သူ့ကို သံအမတ်ကြီးအဖြစ် အဆိုပြုတာနဲ့ ပတ်သက်ပြီး အထက်လွှတ်တော် နိုင်ငံခြားဆက်ဆံရေးကောက်မတီ ရှေ့မှောက်ကြားနာပွဲမှာ  မနေ့က ပြော ဆိုပါတယ်။ အမေရိကန် စီးပွားရေးလုပ်ငန်းတွေ မြန်မာနိုင်ငံမှာ ရင်းနှီးမြှုပ်နှံမယ်ဆိုရင် အမေရိကန်ပြည်ထောင် စုရဲ့ ဂုဏ်သိက္ခာကို ထိန်းသိမ်းတဲ့ ရင်းနှီးမြှုပ်နှံမှုတွေဖြစ်ဖို့ သူ့အနေနဲ့ အားပေးလုပ်ဆောင်သွားမယ်လို့ ပြောပါ တယ်။ အပြည့်အစုံကို ကိုသိန်းထိုက်ဦးက ဆက်ပြီး တင်ပြပါလိမ့်မယ်။

မြန်မာနိုင်ငံနဲ့ အမေရိကန်ပြည်ထောင်စုအကြား ထိတွေ့ဆက်ဆံရေးမူဝါဒတွေဟာ အကျိုးဖြစ်ထွန်းပြီး ဒီ ထက်ပို ရှေ့ဆက် လုပ်ဆောင်ဖို့ လိုတဲ့အကြောင်း မြန်မာနိုင်ငံဆိုင်ရာ အမေရိကန် သံအမတ်ကြီးအဖြစ် အဆိုပြုခံထားရတဲ့ မစ္စတာ Derek Mitchell က အထက်လွှတ်တော် နိုင်ငံခြား ဆက်ဆံရေးကော်မတီရှေ့မှောက် ကြားနာပွဲမှာ ပြောဆိုသွားပါတယ်။

“ပြီးခဲ့တဲ့ နှစ်ပိုင်းတွေအတွင်း မြန်မာအစိုးရဘက်က ပြောင်းလဲလာတဲ့ ခြေလှမ်းတွေ တော်တော်များများကို တွေ့နေရပါတယ်။ အမေရိကန် ပြည်ထောင်စုဘက်ကလည်း လှုပ်ရှားမှုတခုချင်းဆီပေါ် တုံ့ပြန်သွားမယ်ဆိုတဲ့အတိုင်း ဆက်ပြီး ဆောင်ရွက်ဖို့လိုပါတယ်။ ကျနော်တို့ဘက်က ဆောင်ရွက်ချက်တွေဟာ မြန်မာပြည်သူတွေအတွက် အကျိုးဖြစ်စေရေးနဲ့ စနစ်အတွင်းက ပြုပြင်ပြောင်းလဲရေးကို လိုလားသူတွေ၊ ပြုပြင် ပြောင်းလဲမှုတွေကို အားကောင်းလာအောင် ရည်ရွယ်လုပ်ဆောင်ခဲ့ကြတာပါ။ ဒီ ထိတွေ့ဆက်ဆံရေးကို ဆက်လက်ပြီး တိုးချဲ့ ဆောင်ရွက်သင့် ပါတယ်။

“ပြီးခဲ့တဲ့နှစ်အတွင်း အထူးခြားဆုံး ဖြစ်ပေါ်တိုးတက်မှုတခုကို ပြောရရင် သဘာပတိကြီးပြောတဲ့ အတိုင်း ဒေါ်အောင်ဆန်းစုကြည်နဲ့ သမ္မတ ဦးသိန်းစိန်တို့ အကြား လက်တွဲဆောင်ရွက်ဖို့ ပြင်ဆင်လာနိုင် တာကို ပြရပါလိမ့်မယ်။ သမ္မတဦးသိန်းစိန်ဟာ ထူးခြားတဲ့ ဦးစီး ဦးဆောင် တယောက် ဆိုတာကို သက်သေပြနိုင်ခဲ့ပါတယ်။ သူ့ရဲ့ ထူးခြာပြောင်မြောက်တဲ့ အမြော်အမြင်နဲ့ ဦးဆောင်မှုကို ကျနော်တို့ ဘယ်လိုမှ အသိအမှတ်ပြုဖို့ မပျက်ကွက်သင့်ပါဘူး။ ပြီးခဲ့တဲ့နှစ်အတွင်း ဆောင်ရွက်ခဲ့တဲ့ သမ္မတဦးသိန်းစိန်၊ သူနဲ့ သူ့ရဲ့ လုပ်ဖော်ကိုင်ဘက်တွေရဲ့ ပြုပြင် ပြောင်းလဲရေးလုပ်ဆောင်ချက်တွေဟာ သန်းနဲ့ချီတဲ့ မြန်မာပြည် သူတွေ နှစ်ပေါင်းများစွာ ပေးဆပ် အနစ်နာခံမျှော်မှန်းခဲ့တဲ့ မျှော်မှန်းချက်တွကို ထင်ဟပ်နေပါတယ်။”

ဒါပေမယ့်လည်း မြန်မာနိုင်ငံရဲ့ အခြေအနေဟာ နိုင်ငံခြားရေး ၀န်ကြီး ဟီလာရီ ကလင်တန် ပြော သလို နောက်ကြေင်း ပြန်လှည့်မသွားနိုင်တဲ့ အခြေအနေမျိုး မဟုတ်တဲ့အတွက် ရှေ့မှာ ရင်ဆိုင်နေရတဲ့ အခက်အခဲတွေ ရှိမယ်ဆိုတာကို သတိရဖို့လည်း မစ္စတာ Derek Mitchell က ပြောဆိုသွားပါတယ်။ အကျဉ်းထောင်ထဲမှာ နိုင်ငံရေးအကျဉ်းသားတွေ ရှိနေဆဲဖြစ်သလို လွတ်မြောက်လာသူတွေအပေါ်မှာလည်း ကန့်သတ်ချက်တွေ ရှိနေဆဲဖြစ်တဲ့ အကြောင်း၊ တရားဥပဒေစိုးမိုးရေးနဲ့ ဖွဲ့စည်းပုံအခြေခံ ဥပဒေပါ စစ်တပ်ရဲ့ အခန်းကဏ္ဍနဲ့ လူမျိုးစုဒေသ လူ့အခွင့်အရေး ချိုးဖေါက်မှုတွေနဲ့ ပတ်သက်လို့ စိုးရိမ်စရာတွေရှိတဲ့ အကြောင်း ပြောဆိုသွားတာပါ။ သူသံအမတ်ကြီးအဖြစ် တာဝန် ထမ်းဆောင်ခွင့်ရတဲ့အခါ မြန်မာနဲ့ မြောက် ကိုရီးယား နှစ်နိုင်ငံ ဆက်ဆံရေးအခြေနေအပေါ် စိုးရိမ်မှုတွေကို အလေးပေးပြောဆိုမယ်လို့ ဆိုပါတယ်။

“မကြာသေးခင်က ရခိုင်ဒေသအတွင်း အုပ်စုဂိုဏ်းဂဏတွေအကြား အကြမ်းဖက် တိုက်ခိုက်မှုတွေ ပေါ်ပေါက်ခဲ့ တာကိုကြည့်ရင် မြန်မာနိုင်ငံမှာ ရေရှည်တည်တန့်တဲ့ ငြိမ်းချမ်းရေးနဲ့ အမျိုးသားပြန်လည်သင့်မြတ်ရေးကို တည်ဆောက်နိုင်ဖို့ ရာစုနှစ် မဟုတ်ရင် ဆယ်စုနှစ်ချီ အမြစ်တွယ်ခဲ့တဲ့ ကွဲလွဲချက်တွေကို ပြေလည်အောင် ဖြေ ရှင်းဖို့ လိုနေတယ်ဆိုတာကို ပြသနေပါတယ်။

“မြန်မာနဲ့ မြောက်ကိုရီးယား နှစ်နိုင်ငံအကြား စစ်ရေး ဆက်ဆံမှုတွေ ထင်သာမြင်သာမရှိတဲ့အပေါ် စိုးရိမ်တယ် ဆိုတာကို ကျနော်တို့ ဘက်က လူသိရှင်ကြားရော၊ သီးခြားတွေ့ဆုံပွဲတွေမှာပါ အမြဲတစေ ပြောဆိုခဲ့ပါတယ်။ တိတိကျကျအနေနဲ့ မြန်မာအစိုးရဘက်က ကုလသမဂ္ဂ လုံခြုံရေး ကောင်စီရဲ့ ဆုံးဖြတ်ချက်နဲ့ လက်နက် မပြန့်ပွားရေး နိုင်ငံတကာ သဘောတူညီချက်တွေကို လိုက်နာဖို့ ပြောဆိုခဲ့တာပါ။ သံအမတ်ကြီးအဖြစ် အတည်ပြုချက်ရပြီးရင် မြန်မာအစိုးရနဲ့ ပြောဆိုဆွေးနွေးမှုတွေမှာ ဒီကိစ္စကို အဓိက ဦးစားပေးအဖြစ် ကျနော် ဆွေးနွေးပြောဆိုမှာပါ။ မြန်မာနဲ့ မြောက်ကိုရီးယား နှစ်နိုင်ငံ လျို့ဝှက်ဆက်ဆံမှုတွေ ရှိတယ်ဆိုပြီး ကျနော်တို့ဘက်က မကြေမနတ်ဖြစ်နေသမျှ၊ ဒီဆက်ဆံမှုကို ချက်ချင်း အပြီးသတ် အဆုံးမသတ်မချင်း မြန်မာနဲ့ အမေရိကန် နှစ်နိုင်ငံ ဆက်ဆံရေးဟာ အပြည့်အ၀ ပုံမှန်ဖြစ်မှာ မဟုတ်ဘူးဆိုတာ ကျနော် ရှင်းရှင်း လင်းလင်း ပြောဆိုမှာပါ။”

ပြည်သူ့လွှတ်တော် ဥက္ကဋ္ဌ သူရဦးရွှေမန်း အပါဝင် စစ်မှန်တဲ့ အပြောင်းအလဲတွေ မဖြစ်မနေဆောင်ရွက်ဖို့ သံန္နိဋ္ဌာန် ခိုင်မာတဲ့သူတွေ အများအပြားရှိနေပြီး မြန်မာနိုင်ငံရဲ့ အခြေအနေဟာ အခွင့်အလမ်းတွေ မြင်တွေ့ နေရပြီဆိုပြီး Mr. Derek Mitchell က ပြောသွားပါတယ်။

“သမ္မတအနေနဲ့ရော သူနဲ့လုပ်ဖော်ကိုင်ဘက် ၀န်ကြီးဌာနအရာရှိတွေက အပြောင်းအလဲတွေအတွက် တကယ်ပဲ သံန္နိဋ္ဌာန်ခိုင်မာတဲ့ သူတွေပါ။ သူတို့မှာ ရှေ့ကို တိုးတက်တဲ့ အစီအစဉ်တွေ ချထားပါတယ်။  ဒီ ခေါင်းဆောင်တွေ ဘယ်လောက်ကြာကြာ ဆက်ပြီး ဦးဆောင်နိုင်မလဲ၊ မျှော်မှန်းချက်တွေကပဲ သိပ်ကို မြင့်နေသလား၊ စိန်ခေါ်မှုတွေကို ဖြည့်ဆည်းပေးနိုင်ပါ့မလားဆိုတာ ကျနော်တို့ အတိအကျ မသိပါဘူး။ ဒါပေမယ့် ကျနော်အပါအ၀င် အမေရိကန် အစိုးရအရာရှိတွေဘက်ကတော့ မြန်မာပြည်ရဲ့ အခြေအနေဟာ အခွင့်အလမ်းတွေ ရလာနေပြီ၊ တံခါးတွေ ပွင့်လာနေတဲ့ အနေအထားလို့ မြင်ပါတယ်။”

အမေရိကန် အထက်လွှတ်တော နိုင်ငံခြားဆက်ဆံရေးကော်မတီရှေ့မှောက် ကြားနာပွဲမှာ ဗာဂျီးနီးယား ပြည် နယ်၊ အထက်လွှတ်တော်အမတ် Jim Webb က သဘာပတိအဖြစ် ဆောင်ရွက်ခဲ့တာပါ။ သူက အမေရိကန် စီးပွားရေးကုမ္ပဏီတွေ မြန်မာနိုင်ငံအတွင်း ရင်းနှီးမြှုပ်နှံရေး ကိစ္စတွေကို အဓိက ဆွေးနွေးပြောဆိုသွားခဲ့ပါယ်။

“ဒီတိုင်းပြည်ရဲ့ နိုင်ငံရေးစနစ် ဟာ စိန်ခေါ်အကဲစမ်းမှုတွေ အများအပြား ရှိနေဆဲပါ။ ဒါပေမယ့်လည်း အပြု သဘောဆောင်တဲ့ လုပ်ရပ်တွေ အတွက် အပြန်အလှန် တုံ့ပြန်အချက်ပြဖို့ တောင်းဆိုမှုတွေ ရှိနေတာပါ။ ကျနော်တို့အနေနဲ့ နိုင်ငံရေး လွတ်လပ်ခွင့်တွေနဲ့ လူတဦးချင်းစီရဲ့ အခွင့်အရေးဆိုတာတွေကို ဘေးဖယ် မထားသင့်ပါဘူး။"