01.07.2012 နေ့ဖတ်ရန်သတင်းများ

by Myanmar Journal on Saturday, June 30, 2012 at 6:33pm 

မြန်မာအစိုးရ စစ်တပ်အတွက် ကလေးစစ်သား စုဆောင်းနေဆဲ

ကလေးစစ်သား ပပျောက်ရေး ကုလနဲ့ သဘော တူချက်ကို ဒုတိယဗိုလ်ချုပ်ကြီး လှမင်း လက်မှတ် ရေးထိုးခဲ့ပြီးဖြစ်

မြန်မာအစိုးရ စစ်တပ်ထဲမှာ ကလေးစစ်သား တွေ အသုံးပြု နေတာတွေကို လုံးဝ ပပျောက်ဖို့ အမှန်တကယ် လုပ်ဆောင် တော့မယ်လို့ ကုလသမဂ္ဂကို ပြီးခဲ့တဲ့ ၃ ရက် လောက်က စစ်တပ် တာဝန် ရှိသူတွေက ကတိပေးပြီး ပေမယ့်လည်း ခုချိန်ထိ အရွယ် မရောက်သေးတဲ့ ကလေးငယ်တွေကို စစ်သား အဖြစ် စုဆောင်းဆဲ ရှိနေပါသေးတယ်။

စစ်သားစုဆောင်းဖို့ အတင်း အဓမ္မ ဖမ်းခေါ်သွားခံရသူ ကတော့ မန္တလေး မဟာအောင်မြေ မြို့နယ်က ဦးမောင်မောင်လှိုင် နဲ့ ဒေါ်နန်းကေသီဟန်တို့ရဲ့သား မောင်ကျော်သက်ခိုင် အသက် ၁၇ နှစ် ဖြစ်ပါတယ်။

သူ့ကို ဇွန်လ ၇ ရက်ညက မန္တလေးမြို့ ၈၂ လမ်း နဲ့ ၄၅ လမ်း ဘုရားကြီး မြောက်ဘက်မုခ်နားမှာ ပုသိမ်ကြီး အခြေစိုက် ခလရ ၁၁၉ က တပ်သား ချစ်ဦးမောင်နဲ့ သက်ထွေးတို့က ဖမ်းဆီး သွားခဲ့တာပါ။

အဲဒီနောက် သူ့ကို ခလရ ၁၁၉ အချုပ်ခန်း ထဲမှာ ၂၁ ရက် ထည့်ထားခဲ့ပြီး စစ်ထဲဝင်ဖို့ အကြမ်းနည်း၊ အနုနည်းတွေနဲ့ စည်းရုံးခဲ့တဲ့ အကြောင်းနဲ့ နောက်ဆုံး သူထွက်ပြေး လွတ်မြောက်လာခဲ့တာ ဖြစ်တယ်လို့ မောင်ကျော်သက်ခိုင်က ပြောပါတယ်။

သူ့ကို ထမင်းစားဖို့ လာခေါ်တဲ့အချိန်မှာ အိမ်သာ သွားတက် လိုက်အုံးမယ် ဆိုပြီးတော့ ထွက်ပြေးလာတာ ဖြစ်ကြောင်း မောင်ကျော်သက်ခိုင်က ရှင်းပြပါတယ်။

အချုပ်ထဲမှာ သူအပါအဝင် ကလေး ၁၁ ယောက်လောက် ရှိပြီး၊ စစ်တပ်ထဲ မဝင်ဘူးလို့ ပြောတဲ့သူကို ထိုးကြိတ် ကန်ကျောက် မှုတွေ လုပ်ကြောင်းလည်း သူက ပြောပါတယ်။

သူ့ကို ပြန်လည် ဖမ်းဆီဖို့ လိုက်ရှာနေတဲ့ ခလရ ၁၁၉ က တပ်သားတချို့ ဟာ သူ့အိမ်နားမှာ စောင့်ဆိုင်း နေတာကြောင့် အိမ်မှာ မနေရဲဘဲ မဟာအောင်မြေ မြို့နယ် အန်အယ်လ်ဒီ ပါတီကို တိုင်ကြားပြီး ပုန်းခို နေရတယ်လို့ ပြောပါတယ်။

မဟာအောင်မြေ အန်အယ်လ်ဒီပါတီ အနေနဲ့ မောင်ကျော်သက်ခိုင်ရဲ့ ကိစ္စကို ရန်ကုန် အပြည်ပြည်ဆိုင်ရာ အလုပ်သမား အဖွဲ့ချုပ်ရုံးခွဲ ရန်ကုန် အိုင်အယ်အိုကို တိုင်ကြားထားတယ်လို့ ပြောပါတယ်။

ပြီးခဲ့တဲ့ ဇွန် လ ၂၇ ရက်နေ့ ကဘဲ ကုလသမဂ္ဂ အထွေထွေ အတွင်းရေးမှူးချုပ်ရဲ့ ကလေးသူငယ်နဲ့ လက်နက်ကိုင် ပဋိပက္ခ ဆိုင်ရာ အထူး ကိုယ်စားလှယ် မစ္စရာဒီကာ ကုမာရာဆွာမိနဲ့ ကာကွယ်ရေး ဒုဝန်ကြီး ဒုတိယ ဗိုလ်ချုပ်ကြီး လှမင်းတို့ဟာ ကလေးစစ်သား အမှန်တကယ် ပပျောက်ရေးနဲ့ ကလေးစစ်သား ရှိမရှိ တပ်စခန်းတွေ ကို ကုလသမဂ္ဂ ကိုယ်စားလှယ်တွေ သွားရောက် စစ်နိုင်ရေး၊ ကလေး စစ်သားတွေကို မိဘ ဆွေမျိုးတွေဆီ ပြန်လည် ပို့ဆောင် ပျိုးထောင်ပေးရေး စတဲ့ အချက်တွေကို နေပြည်တော်မှာ သဘောတူ လက်မှတ်ရေးထိုး ခဲ့ပေမယ့်လည်း ကလေးစစ်သား စုဆောင်းမှုတွေ ရှိနေဆဲဆိုတာ မောင်ကျော်သက်ခိုင်ရဲ့ ဖြစ်ရပ်က ဖေါ်ပြနေပါတယ်။

ဆီးရီးယား အရေး ဂျနီဗာ ညီလာခံ ကျင်းပ

အကြမ်းဖက်မှုတွေ များလာ တာကြောင့် ကိုဖီ အာနန်က ဂျီနီဗာ ညီလာခံကို ကျင်းပဖို့ တောင်းဆို ခဲ့တာပါ

ဆီးရီးယား နိုင်ငံ အရေးနဲ့ ပတ်သက်တဲ့ ဆွေးနွေးပွဲ တရပ်ကို စနေနေ့က ဂျနီဗာမြို့မှာ စတင် ကျင်းပ နေရာ၊ ဆီးရီးယား ပြဿနာကို သံတမန် နည်းလမ်းနဲ့ ဖြေရှင်းဖို့ ဆိုရင် ရုရှားရဲ့ ကျောထောက် နောက်ခံ မပါဘဲ ဘယ်လိုမှ မဖြစ်နိုင်ဘူးလို့ မော်စကိုမြို့မှာ ရှိတဲ့ ဘီဘီစီ သတင်းထောက် Steve Rosenberg က ပြောပါတယ်။

ဘာကြောင့်လဲ ဆိုတော့ ဆီးရီးယား အစိုးရ အပေါ် တခြား ဘယ်အစိုးရကမှ ရုရှားလောက် သြဇာ သက်ရောက်မှု မရှိတဲ့ အတွက် ဖြစ်တယ်လို့ သူက သုံးသပ် ပါတယ်။

ဂျီနီဗာ အစည်းဝေး မတိုင်ခင်မှာ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ဟာ ရုရှား နိုင်ငံခြားရေး ဝန်ကြီး ဆာဂီ လက်ဗ်ရော့ဗ်နဲ့ စိန့်ပီတာ စဘတ်ခ်မြို့မှာ ကြိုတင် တွေ့ဆုံခဲ့တဲ့ အချက်က ဒီကိစ္စမှာ ရုရှားရဲ့ အရေးပါမှုကို ဖော်ပြနေပါတယ်။

ရုရှားဟာ ကုလသမဂ္ဂ လုံခြုံရေး ကောင်စီမှာ ဆီးရီးယားနဲ့ ပတ်သက်တဲ့ ဆုံးဖြတ်ချက်ကို ဗီတို အာဏာသုံးပြီး ပယ်ချခဲ့တာမျိုး ဆီးရီးယား အစိုးရကို နိုင်ငံရေး အရ ကျောထောက်နောက်ခံ ပြုထားရုံတင် မကဘဲ လက်နက်တွေလည်း ထုတ်ရောင်းနေပါတယ်။

အမေရိကန် နိုင်ငံခြားရေး ဝန်ကြီးနဲ့ တွေ့ဆုံပြီးတဲ့ နောက်မှာတော့ မစ္စတာ လက်ဗ်ရော့ဗ်က ဂျီနီဗာ အစည်းဝေးမှာ နှစ်ဘက် ဘုံသဘော ထားချင်း ကိုက်ညီတဲ့ အပိုင်းတွေ တွေ့ရဖို့ အခွင့်အလမ်း ရှိကြောင်း ထုတ်ဖော် ပြောခဲ့ပါတယ်။

ဒါပေမယ့် ဒီပဋိပက္ခကို ဖြေရှင်းရာမှာ သမ္မတ အာဆတ်ကို ရာထူးက ဖယ်ရှားရေး ဆိုတာမျိုး ပါလာလို့ ကတော့ ရုရှားက လုံးဝသ ဘောတူမှာ မဟုတ်ပါဘူး။

ရုရှားရဲ့ ဒီသဘောထားကြောင့် ဆီးရီးယားမှာ အသွင်ကူး ပြောင်းရေး အစိုးရ တရပ်ဖွဲ့စည်းဖို့ အတွက် အားလုံး သဘောတူ ဆုံးဖြတ်ချက်ချနိုင်ရေးဟာ အတော်ကို ခက်ခဲပါလိမ့်မယ်။

အကြမ်းဖက် မှုတွေ ပိုများလာနေ တာကြောင့် ဆီးရီးယား ငြိမ်းချမ်းရေး အစီအစဉ် အတွက် ကြားဝင် ဆောင်ရွက်နေတဲ့ ကိုဖီအာနန်က ဂျနီဗာ ညီလာခံကို ကျင်းပပေးဖို့ တောင်းဆိုခဲ့တာပါ။

ဆီးရီးယား လူ့အခွင့်အရေး အဖွဲ့တွေရဲ့ အပြောအရ အစိုးရ ဆန့်ကျင် အုံကြွမှုတွေ ဖြစ်ခဲ့တဲ့ ၁၆ လ ကြာကာလ အတွင်းလူ ၁၆၀၀၀ နီးပါး သေဆုံး ခဲ့ရပြီလို့ ဆိုပါတယ်။

ဂျီနီဗာမှာ ကျင်းပတဲ့အစည်း အဝေးကို အနောက်နိုင်ငံတွေနဲ့ အတူရုရှား၊ တူရကီနဲ့ ကာတာ အပါအဝင် အာရပ်နိုင်ငံတွေ တက်ရောက်နေကြတာ ဖြစ်ပါတယ်။

ဒဲရက်ခ်မစ်ချဲလ်ကို မြန်မာနိုင်ငံ သံအမတ် အဖြစ်ခန့်အပ်

မစ္စတာ ဒဲရက်ခ် မစ်ချဲလ်ကို မြန်မာနိုင်ငံ ဆိုင်ရာ သံအမတ်အဖြစ် ခန့်အပ်လိုက်တာ ဖြစ်ပါတယ်

နှစ်ပေါင်း ၂၂ နှစ် ကာလတာအတွင်း မြန်မာနိုင်ငံအတွက် ပထမဦးဆုံး အမေရိကန်သံ အမတ်ကို အမေရိကန် ဆီးနတ် လွှတ်တော် ကနေ အတည်ပြု ခန့်အပ် လိုက်ပြီ ဖြစ်ပါတယ်။

သမ္မတ အိုဘားမားရဲ့ မြန်မာနိုင်ငံ ဆိုင်ရာ အထူး ကိုယ်စားလှယ် အဖြစ် ပြီးခဲ့တဲ့နှစ် သြဂုတ်လ ကစလို့ တာဝန်ယူခဲ့သူ မစ္စတာ ဒဲရက်ခ် မစ်ချဲလ်ကို မြန်မာနိုင်ငံ ဆိုင်ရာ သံအမတ်အဖြစ် ခန့်အပ်လိုက်တာ ဖြစ်ပါတယ်။

မစ္စတာ မစ်ချဲလ်ဟာ မြန်မာနိုင်ငံမှာ ဒီမိုကရေစီရေး အပြောင်းအလဲ တွေလုပ်ဖို့ မြန်မာအစိုးရကို ညှိနှိုင်း တိုက်တွန်း မှုတွေ လုပ်ခဲ့သူလည်း ဖြစ်ပြီး၊ သူဟာ အာရှ ပစိဖိတ်ဆိုင်ရာ ထိပ်တန်း ကာကွယ်ရေး အရာရှိ အဖြစ် အရင်က တာဝန် ယူခဲ့သူလည်း ဖြစ်ပါတယ်။

ဒါဟာ နှစ်ပေါင်း နှစ်ဆယ်ကျော် ကာလ အတွင်းမှာ မြန်မာနိုင်ငံနဲ့ ပုံမှန် သံတမန် ဆက်ဆံရေး ပြန်လည် ထူထောင် တာလည်း ဖြစ်ပါတယ်။

မြန်မာ မိခင်နဲ့ကလေးအတွက် UNOPS က စီမံကိန်းချမည်

မြန်မာနိုင်ငံမှာ ကိုယ်ဝန်ဆောင် မိခင်နဲ့ကလေးတွေကို ကျန်းမာရေး စောင့်ရှောက်မှုတွေ ပေးဖို့အတွက် 3MDG ဆိုတဲ့ ထောင်စုနှစ် ရည်မှန်းချက် သုံးခုဆိုင်ရာ ရံပုံငွေအဖွဲ့ကို ရံပုံငွေဒေါ်လာ သန်းသုံးရာနဲ့ စတင်ထူထောင်တော့မှာ ဖြစ်ပါတယ်။ ဥရောပသမဂ္ဂ အပါအဝင်၊ သြစတြေးလျ၊ ဒိန်းမတ်၊နယ်သာလန်၊ နော်ဝေ၊ဆွီဒင်နဲ့ ဗြိတိန်နိုင်ငံတွေက ထည့်ဝင်ဖို့ကတိပြုထား တဲ့ဒီရန်ပုံငွေတွေကို စီမံခန့်ခွဲ့တဲ့ ကုလသမဂ္ဂစီမံကိန်း ဝန်ဆောင်မှုဆိုင်ရာအဖွဲ့ UNOPS ကစီမံကိန်းဆိုင်ရာ အကြီးအကဲ Mr Neils Guenther ကို ဘီဘီစီက ဆက်သွယ်ပြီး ဒီစီမံကိန်းနဲ့ပတ်သက်လို့ မေးကြည့်တော့ သူကခုလိုစရှင်းပြပါတယ်။

ဖြေ။ ဒီရံပုံငွေအဖွဲ့ရဲ့ အဓိကရည်ရွယ်ချက်ကတော့ မြန်မာနိုင်ငံရဲ့ထောင်စုနှစ်ရည်မှန်းချက်တွေထဲက ကျန်းမာရေးနဲ့ပတ်သက်တဲ့အပိုင်း ၃ ခုကို တိုးတက်အောင်ဆောင်ရွက်ဖို့ပါ။ စီမံကိန်းမှာပါဝင်တဲ့ အပိုင်း သုံးခုရှိတဲ့အနက် အရေးအကြီးဆုံးအပိုင်းကတော့ ကိုယ်ဝန်ဆောင် မိခင်နဲ့ကလေးသူငယ်တွေကို စောင့်ရှောက်ဖို့ဖြစ်ပါတယ်။ ဒီအတွက်မရှိမဖြစ် လိုအပ်တဲ့ဝန်ဆောင်မှု တွေကို မြို့နယ်အဆင့်မှာ ရွေးချယ်ပြီး ဆောင်ရွက်သွားဖို့ ရှိပါတယ်။ ဒုတိယအပိုင်းကတော့ အဆုတ်ရောဂါ၊ ငှက်ဖျားရောဂါ နဲ့ အိတ်ခ်ျအိုင်ဗွီ၊အေ့စ် ရောဂါတိုက်ဖျက်ရေးအတွက် အကူအညီ မရကြသေးတဲ့နေရာတွေကို ဆက်ပြီး ကူညီနိုင်ဖို့ဖြစ်ပြီး၊ တတိယအပိုင်းကတော့ ကျန်းမာရေးဝန်ဆောင်မှုပေးတဲ့ ကဏ္ဍကိုအားကောင်းလာအောင် အစိုးရကျန်းမာရေးဌာနနဲ့ပူးပေါင်း ဆောင်ရွက်ဖို့ဖြစ်ပါတယ်။

မေး။ အခုရရှိမယ့်ရံပုံငွေဟာဒေါ်လာသန်း ၃၀၀ ဆိုတော့အများကြီးလို့ထင်ရပေမယ့်မြန်မာတနိုင်ငံလုံးအတွက်ကျတော့ ဘယ်လောက်ထိရောက်အောင်ဆောင်ရွက်နိုင်မှာပါလဲ။

ဖြေ။ ဟုတ်ပါတယ်။ တချို့အလှူရှင်နိုင်ငံတွေမှာ ဏ္ဍာရေးအကျပ်အတည်းတွေ ရှိနေတဲ့ကြားမှာဘဲ လှူဒါန်းကြတာဖြစ်တဲ့ ဒီဒေါ်လာသန်း ၃၀၀ ဆိုတာအများကြီးလို့ထင်ရပေမယ့် မြန်မာနိုင်ငံနဲ့လူဦးရေနဲ့နှိုင်းယှဉ်ကြည့်လိုက်တဲ့အခါမှာတော့ ကျွန် တော်တို့အနေနဲ့ အဓိကလိုအပ်တဲ့နေရာတွေမှာ အာရုံစိုက်ပြီးကူညီသွားရမှာဖြစ်ပါတယ်။ဒီတော့ဒေသအလိုက်ကျန်းမာရေး စောင့်ရှောက်မှုတွေတိုးတက်လာအောင်ကုလသမဂ္ဂနဲ့အတူလုပ်ဖော်ကိုင်ဖက်အဖွဲ့အစည်းတွေ၊ အစိုးရဌာနတွေပူးပေါင်းပြီး ဆောင်ရွက်ရမှာပါ။ တချိန်ထဲမှာဘဲ ကလေးမီးဖွားတဲ့ အမျိုးသမီးတွေ စောင့်ရှောက်တာမျိုးကိုဦးစားပေးပြီး မြို့နယ် အတော်များများမှာဆောင်ရွက်ပေးသွားဖို့ရှိပါတယ်။ ဒါပေမယ့်ဒီလိုဦးစားပေးအစီအစဉ်ကိုဘယ်လိုဆောင်ရွက်ကြမယ်ဆို တာတော့မဆုံးဖြတ်ရသေးပါဘူး။ အခုအခါကနဦးရနိုင်မယ့်ရံပုံငွေဆိုင်ရာသဘောတူညီချက်ကိုလက်မှတ်ထိုးလိုက်ပြီးပြီ ဖြစ်လို့ပထမအဆင့်အနေနဲ့ဝန်ကြီးဌာနတွေ၊ ဒေသဆိုင်ရာပူးပေါင်းဆောင်ရွက်သူတွေ၊ အန်ဂျီအိုတွေနဲ့ယူအန်အဖွဲ့အစည်း တွေကြားမှာဆွေးနွေးအကြံဉာဏ်ရယူမှုတွေလုပ်ပြီးဆုံးဖြတ်ကြမှာပါ။ အခုချိန်မှာတော့ဘယ်နေရာတွေကိုဦးစားပေးမယ် ဆိုတာကိုမဆုံးဖြတ်ရသေးပါဘူး။

မေး။ ဒါဆိုရင် ဒီရံပုံငွေတွေနဲ့ ဘယ်လိုဝန်ဆောင်မှုမျိုးတွေကိုပေးမှာပါလဲ။ ဥပမာ ကိုယ်ဝန်ဆောင်မိခင်နဲ့ကလေးသူငယ် တွေကိုဘယ်လိုအကူညီမျိုးတွေပေးမှာပါလဲ။

ဖြေ။ ကိုယ်ဝန်ဆောင်မိခင်နဲ့ကလေးသူငယ်တွေကိုကူညီမယ့်အထဲမှာမိသားစုစီမံကိန်းနဲ့ပတ်သက်တာတွေ၊ မီးဖွားပေး တဲ့အပိုင်းတွေ၊ အရေးပေါ်ကုသမှုပေးတာတွေ၊အဟာရပြည့်စုံရေး၊ စိတ်ချရတဲ့သွေးရရှိရေး၊ မွေးကင်းစကလေးငယ်တွေ ကိုစောင့်ရှောက်မှု၊ ငှက်ဖျားရေးဂါကာကွယ်ကုသရေး၊ ပြီးတော့သန့်ရှင်းတဲ့ရေရရှိရေးနဲ့တကိုယ်ရေသန့်ရှင်းရေးစတာ တွေကိုလုပ်ပေးနိုင်ဖို့မျှော်လင့်ပါတယ်။ ဒီလိုဝန်ဆောင်မှုတွေကိုပေးရာမှာလည်းအရင်က 3D Fund လိုရံပုံငွေနဲ့လုပ်ငန်း ဆောင်ရွက်ခဲ့တုန်းကအတွေ့အကြုံတွေကိုအခြေခံပြီးပိုကောင်းအောင်ဆောင်ရွက်သွားမှာပါ။ လုပ်ငန်းဆောင်ရွက်မှုပုံစံ မှာလည်း အထူးသဖြင့်မြို့နယ်အဆင့်ကျန်းမာရေးဝန်ထမ်းတွေကဦးဆောင်ပြီးကျန်တဲ့ယူအန်၊ အန်ဂျီအို စတဲ့အဖွဲ့အစည်း တွေကပူးပေါင်းဆောင်ရွက်သွားမှာပါ။

မေး။ အခုအချိန်မှာအခြေအနေတွေကလည်းအတော်ပြောင်းလဲလာပြီဆိုတော့ ဒီကျန်းမာရေးစောင့်ရှောက်မှုတွေဟာအရင် ကမရောက်နိုင်သေးတဲ့နေရာတွေ၊ ဥပမာ ကရင်တို့ကချင်တို့လိုဒေသတွေဆီ ရောက်နိုင်လိမ့်မယ်လို့ ထင်သလား။

ဖြေ။ ဒီလိုရောက်နိုင်ဖို့ဆိုတာကတော့အခုချိန်အထိစိန်ခေါ်မှုတခုအနေနဲ့ရှိနေပါသေးတယ်။ ဒါပေမယ့်အဆုတ်ရောဂါ၊ ငှက်ဖျားရောဂါနဲ့ အိတ်ခ်ျအိုင်ဗွီအေ့စ်စတဲ့ရောဂါသုံးမျိုးတိုက်ဖျက်ရေးစီမံကိန်းကိုလုပ်ကတည်းက တတ်နိုင်သမျှ နေရာ အနှံ့ဆီရောက်နိုင်ရေးကိုရည်ရွယ်ချက်ထားခဲ့ပါတယ်။ အလွယ်တကူရောက်နိုင်တဲ့နေရာတွေမှာလည်းတခြားဆောင်ရွက် နေတဲ့စီမံကိန်းတွေနဲ့ အပြန်အလှန်အထောက်အကူပြုနိုင်ဖို့ကြိုးစားခဲ့ပါတယ်။ လက်တွေ့ကျကျဘယ်နေရာတွေအထိသွား နိုင်မလဲဆိုတာကိုလည်းထည့်စဉ်းစားရပါတယ်။ ဒါပေမယ့် အကူညီအလိုအပ်ဆုံးနေရာတွေကိုကျွန်တော်တို့ဦးစားပေး သွားမှာပါ။ ရံပုံငွေစီမံခန့်ခွဲရသူတဦးအနေနဲ့ပြောရရင်ဒီစီမံကိန်းတွေအောင်မြင်ရေးမှာအစိုးရရဲ့ပူးပေါင်းဆောင်ရွက်မှု ဟာသိပ်အရေးကြီးပါတယ်။ အခုအချိန်အထိအစိုးရဖက်ကအလွန်အပြုသဘောဆောင်တဲ့တုံ့ပြန်မှုတွေရှိပါတယ်။ဒီတော့ စိန်ခေါ်မှုတွေရှိနေတဲ့ကြားမှာဘဲအောင်မြင်ဖို့မျှော်လင့်ချက်တွေလည်းရှိနေတယ်ဆိုတာကိုပြောချင်ပါတယ်။

ဂျာမန် လွှတ်တော်မှာ ယူရိုဇုံအတွက် အရေးကြီး ဆုံးဖြတ်ချက်တချို့ချမှတ်

ယူရိုဇုံမှာ ကြွေးမြီ ပြဿနာ ဆက်လက် ရှိနေဆဲ

ယူရိုဇုန်ရဲ့ ငွေးကြေးပဋိပက္ခတွေကို ကျော်လွှားနိုင်ဖို့ ဂျာမန် ဘဏ္ဍာရေးဝန်ကြီး အန်ဂလာ မာခဲလ်ရဲ့ ဘဏ္ဍာငွေတိုးမြှင့်ရေး ဆိုင်ရာ အရေးကြီးမူဝါဒ ၂ ရပ်ကို ဂျာမန် အောက်လွှတ်တော်က ထောက်ခံလိုက်ပါတယ်။

ယူရိုငွေကြေးသုံးစွဲတဲ့နိုင်ငံတွေမှာ အလွန်အကျွံ အကြွေးတင်မှုတွေ မဖြစ်အောင် ဘတ်ဂျက်စည်းမျဉ်းတွေပါဝင်တဲ့ ဘဏ္ဍာရေး သဘောတူညီချက်တွေကို ဂျာမန်အောက်လွှတ်တော်က မဲပေးပြီးထောက်ခံခဲ့တာပါ။

ဒါ့အပြင် ယူရိုဇုန်မှာ အမြဲတမ်း ကယ်ဆယ်ရေး ရံပုံငွေထားရှိဖို့ကိုလည်း ဂျာမန်ပါလီမန်က သဘောတူခဲ့ပါတယ်။

အခက်အခဲ ကြုံတွေ့နေကြရတဲ့ ဘဏ်တွေဟာ ယူရိုဇုံကနေ ကယ်ဆယ်ကူညီငွေ တိုက်ရိုက်ရယူနိုင်ကြောင်း သဘောတူညီခဲ့ကြတဲ့ ဘရပ်ဆဲလ် မြို့ ဥရောပထိပ်သီး ညီလာခံကနေ မကြာခင်ကပဲ အန်ဂလာ မာခဲလ် ပြန်ရောက်ပြီးနောက် အခုလို လွှတ်တော်မှာ ဆုံးဖြတ်ခဲ့တာလည်း ဖြစ်ပါတယ်။

UEFA ရဲ့ တိုက်ရိုက် ထုတ်လွှင့်ချက် တခုကို ဂျာမဏီ တိုင်းတန်းမယ်

ဒီပွဲမှာ အီတလီ အသင်းက ၂ ဂိုး ၁ ဂိုးနဲ့ အနိုင်ရ ရှိပြီး ဗိုလ်လုပွဲ တက်သွားပါတယ်

ယူရို ၂၀၁၂ ဘောလုံးပြိုင်ပွဲ၊ ဂျာမဏီနဲ့ အီတလီတို့ ဇွန်လ ၂၈ ရက်နေ့က ယှဉ်ပြိုင်ကြတဲ့ အကြိုဗိုလ်လုပွဲ အတွက် UEFA ရဲ့ တိုက်ရိုက် ထုတ်လွှင့်ချက် ဖြစ်စဉ် တခုနဲ့ ပတ်သက်ပြီး၊ ဂျာမန် ရုပ်မြင်သံကြား ဌာန တခုကနေ ဥရောပ ဘောလုံး အာဏာပိုင် တွေထံ တိုက်ကြားမယ်လို့ ပြောကြား လိုက်ပါတယ်။

အီတလီ အသင်းက ဒုတိယဂိုး သွင်းယူ လိုက်တဲ့ အချိန်မှာ ဂျာမန် အမျိုးသမီး ပရိတ်သတ် တဦးငိုနေတာကို UEFA ရုပ်မြင်သံကြားကနေ တိုက်ရိုက် ထုတ်လွှင့်သွားခဲ့ တာနဲ့ ပတ်သက်ပြီး အခုလို တိုင်ကြားမယ် ဆိုတဲ့ သတင်း ထွက်ပေါ် လာတာ ဖြစ်ပါတယ်။

ဖြစ်ရပ် အမှန်ကတော့၊ ဘောလုံးပွဲ မစခင် ကွင်းထဲကို ဂျာမဏီအသင်း ဘောလုံး ကစာသမားတွေ ရောက်လာတဲ့အချိန်မျာ အဲဒီ အမျိုးသမီး မျက်ရည်ကျခဲ့တာ ဖြစ်တယ်လို့ ကာယကံရှင် ကိုယ်တိုင်က ပြောပါတယ်။

ဒီအတွက် အခုလို အီတလီ အသင်းက ဒုတိယဂိုးသွင်းလိုက်တဲ့ အချိန်နဲ့ ဒီအမျိုးသမီးရဲ့ ဖြစ်ရပ်ကို တွဲပြီး UEFA က တိုက်ရိုက် ထုတ်လွှင့် သွားတာဟာ၊ လက်ခံနိုင် စရာ မရှိဘူးလို့ အဲဒီ ဂျာမန် ရုပ်မြင် သံကြား ဌာနက ပြောပါတယ်။

အီဂျစ် သမ္မတသစ် ကျမ်းသစ္စာ ကျိန်ဆို

သမ္မတ မော်ဆီက မကြာခင်က ဖျက်သိမ်း လိုက်တဲ့ ပါလီမန်ကို အလျင်အမြန် ပြန် ဖွဲ့ဖို့ တောင်းဆို

အီဂျစ်နိုင်ငံမှာ ပထမဦးဆုံး အရပ်သား အစ္စလာမ်မစ် သမ္မတ အဖြစ် ရွေးကောက် တင်မြောက်ခံရသူ မိုဟာမတ် မော်ဆီဟာ သမ္မတ အဖြစ် ကျမ်းသစ္စာ ကျိန်ဆို လိုက်ပြီ ဖြစ်ပါတယ်။

အရင်တုန်းက ပိတ်ပင်တားမြစ်ထားတဲ့ Muslim Brotherhood မူဆလင် ညီနောက်များ အဖွဲ့က ဖြစ်တဲ့ မစ္စတာ မော်ဆီဟာ စစ်တပ်နဲ့ ဘာမှာ ပတ်သက်မှု မရှိတဲ့ အီဂျစ်နိုင်ငံရဲ့ ပထမဦးဆုံး အရပ်သား ခေါင်းဆောင် တဦးလည်း ဖြစ်လာ ခဲ့ပါပြီ။

သမ္မတ မော်ဆီက မကြာသေးခင်က ဖျက်သိမ်း လိုက်တဲ့ ပါလီမန်ကို အလျင်အမြန် ပြန် ဖွဲ့စည်းဖို့ကို တောင်းဆိုလိုက်ပါတယ်။

ကိုင်ရို တက္ကသိုလ်မှာ ပထမဦးဆုံး အနေနဲ့ ကျယ်ကျယ်ပြန့်ပြန့် ပြောကြားသွားတဲ့ မိန့်ခွန်းမှာ မစ္စတာ မော်ဆီက အီဂျစ် စစ်တပ်ကို အဖွဲ့အစည်း တခုအနေနဲ့ အကာအကွယ် ပေးသွားမယ်လို့ ပြောကြား ပါတယ်။ ဒါပေမယ်လို့ ပြည်သူတွေရဲ့ ဆန္ဒကို ဘာနဲ့မှ အစားထိုး စရာ မရှိဘူးလို့လည်း သူက သတိပေး ပြောကြား လိုက်ပါတယ်။

ဒီကနေ့ဟာ အီဂျစ်နိုင်ငံ အတွက် ကြီးမြတ်တဲ့ နေ့တနေ့ ဖြစ်ပြီး၊ ဒီကနေ့က စလို့ နိုင်ငံမှာ ဂုဏ်သိက္ခာနဲ့ ကျက်သရေ မင်္ဂလာရှိတဲ့ စာမျက်သစ် ဖြစ်စေရမယ်လို့ သူက ကတိပေး ပြောကြားသွားပါတယ်။

သူမိန့်ခွန်း ပြောကြားနေတဲ့ အချိန်မှာ သမ္မတ မူဘာရက် လက်ထက်က ဆန္ဒပြမှုတွေ အတွင်း သေဆုံးသွားခဲ့ သူတွေရဲ့ မိခင်တွေဟာ သူတို့သားတွေရဲ့ ဓာတ်ပုံတွေကို ကိုင်မြောက် ထားကြပါတယ်။

မစ္စတာ မော်ဆီက တော်လှန်းရေးကို အလွဲသုံးစား လုပ်မှာ မဟုတ်ဘူးလို့လည်း ပြောကြားသွားပါတယ်။ 

အီဂျစ် သမ္မတသစ် ကျမ်းသစ္စာကျိန်ဆို

By ဗွီအိုအေ (မြန်မာဌာန)

အီဂျစ်နိုင်ငံမှာ စစ်အစိုးရအုပ်ချုပ်မှု စာမျက်နှာကို ပိတ်လိုက်နိုင်ပြီလို့ သမ္မတသစ် မိုဟာမတ် မော်စီ (Mohamed Morsi) က ပြောကြားပြီး အီဂျစ်နိုင်ငံရဲ့ အနာဂတ် ပိုမိုကောင်းမွန်ရပါစေမယ်လို့ ကတိပြုခဲ့ပါတယ်။ အီဂျစ်နိုင်ငံမှာ ရွေးကောက်ခံရတဲ့ ပထမဆုံး အရပ်သား သမ္မတအဖြစ် ဖွဲ့စည်းအုပ်ချုပ်ပုံ အခြေခံဥပဒေတရားရုံးမှာ ကျန်းသစ္စာ ကျိန်ဆိုပြီး နာရီပိုင်းအကြာမှာပဲ မစ္စတာ မော်စီ က ကိုင်ရို (Cairo) တက္ကသိုလ်မှာ သမ္မတမိန့်ခွန်း ပြောကြားခဲ့ပါတယ်။

အီဂျစ်နိုင်ငံကို ပြန်လည် မွေးဖွားခဲ့ပြီလို့ မော်စီ က မိန့်ခွန်းထဲမှာ ဖော်ပြ ပြောဆိုသွားပါတယ်။ အီဂျစ်နိုင်ငံမှာ ကစဥ့်ကလျားဖြစ်နေတဲ့ အခြေအနေတွေ အဆုံးသတ်အောင် လုပ်ကြပါလို့လည်း အီဂျစ်လူမျိုးတွေကို တိုက်တွန်းသွားပါတယ်။ သမ္မတသစ်ကပဲ လူမှုရေး တရားမျှတမှုတွေ ရရှိအောင် ဆောင်ရွက်ပေးပါမယ်လို့လည်း ကတိပြုသွားပါတယ်။

စစ်တပ်အနေနဲ့ အဓိက တာဝန်ဖြစ်တဲ့ ပြည်ပရန်ကာကွယ်ရေးကို ပြန်လည် တာဝန်ယူဖို့လည်း တောင်းဆိုခဲ့ပါတယ်။ နိုင်ငံခြားရေးရာပိုင်းနဲ့ ပတ်သက်လို့လည်း သူ့အဆို ပါလက်စတိုင်း ပြည်သူတွေရဲ့ တရားဝင် အခွင့်အရေးတွေ ရရှိရေးအတွက် ထောက်ခံသွားမယ်လို့ ကတိပြုခဲ့သလို ဆီးရီးယားမှာဖြစ်နေတဲ့ သွေးထွက်သံယိုမှုတွေ အဆုံးသတ်ဖို့ကိုလည်း တောင်းဆိုခဲ့ပါတယ်။

အရင်သမ္မတဟောင်း ဟိုစနီမူဘာရက် (Hosni Mubarak) လက်ထက်မှာ တရားမဝင်အသင်းအဖြစ် ကြေညာခံထားရတဲ့ Muslim Brotherhood အဖွဲ့ကိုယ်စားပြုပြီး မစ္စတာ မော်စီ သမ္မတဖြစ်လာတာဖြစ်ပါတယ်။ ဒါပေမဲ့ ရွေးကောက်ပွဲ အနိုင်ရသူဖြစ်တယ် ဆိုတဲ့ တရားဝင် မဲရလဒ်တွေ ထွက်ပေါ်လာခဲ့ပြီးနောက်မှာ မစ္စတာ မော်စီ က Brotherhood အဖွဲ့ဝင်အဖြစ်ကနေ နှုတ်ထွက်လိုက်ပါတယ်။ သူသမ္မတ တာဝန်ထမ်းဆောင်နေစဉ် ကာလအတွင်း အီဂျစ်ပြည်သူတွေကို ကိုယ်စားပြုပြီး ဆောင်ရွက်သွားပါမယ်လို့ ကတိပြုခဲ့ပါတယ်။

မြန်မာနိုင်ငံဆိုင်ရာ အမေရိကန်သံအမတ် ခန့်အပ်မှု ဆီးနိတ်အတည်ပြု

By ဗွီအိုအေ (မြန်မာဌာန)

• မြန်မာနိုင်ငံဆိုင်ရာ အမေရိကန် သံအမတ်ကြီးအဖြစ် ခန့်အပ်ဖို့ အမေရိကန်သမ္မတ ဘရက်အိုဘားမား (Barack Obama) အဆိုပြုထားသူ ဒဲရက်မစ်ချဲလ် (Derek Mitchell) ကို အထက်လွှတ်တော်က အတည်ပြု ထောက်ခံလိုက်ပါပြီ။ သောကြာနေ့က အထက်လွှတ်တော်မှာ မဲခွဲဆုံးဖြတ် အတည်ပြုခဲ့တာ ဖြစ်တဲ့အတွက် မစ္စတာ မစ်ချဲလ် ဟာ ၂၂ နှစ်အတွင်း ပထမဆုံး မြန်မာနိုင်ငံဆိုင်ရာ အမေရိကန်သံအမတ်ကြီး ဖြစ်လာတော့မှာဖြစ်ပါတယ်။

မြန်မာနိုင်ငံဆိုင်ရာ အမေရိကန် မူဝါဒရေးရာ ညှိနှိုင်းရေးမှုးနဲ့ အမေရိကန်သမ္မတရဲ့ မြန်မာနိုင်ငံဆိုင်ရာ အထူး ကိုယ်စားလှယ် တာဝန်ယူခဲ့ရသူ ဒဲရက်မစ်ချဲလ်ဟာ သူရဲ့တာဝန်တွေကို အထူး ကျေပွန်အောင် ထမ်းဆောင်ခဲ့သူတယောက် ဖြစ်ပြီး သူ့ရဲ့ အတွေ့အကြုံတွေက ဒေသတွင်းအမေရိကန်ရဲ့ အကျိုးစီးပွားကို တိုးမြှင့်နိုင်မယ်လို့ ယုံကြည်ကြောင်း အထက်လွှတ်တော် လူနည်းစုခေါင်းဆောင် ရီပက်ပလီကန် အမတ် မစ်ခ်ျမက်ကောနဲလ် (Mitch McConnell) က ပြောပါတယ်။

မစ္စတာ မစ်ချဲလ်ကို သံမတ်အဖြစ် ခန့်သင့် မသင့်ကို ဗုဒ္ဓဟူးနေ့က အထက်လွှတ်တော် နိုင်ငံခြားဆက်ဆံရေး ကော်မတီမှာ စစ်ဆေးကြားနာခဲ့စဉ်တုန်းက မစ္စတာ မစ်ချဲလ် က မြန်မာနိုင်ငံနဲ့ အမေရိကန်ပြည်ထောင်စုကြား ထိတွေ့ဆက်ဆံရေး မူဝါဒဟာ အကျိုးဖြစ်ထွန်းပြီး ဒီထက်ပို ရှေ့ဆက် လုပ်ဆောင်ဖို့ လိုတဲ့အကြောင်း ပြောကြားခဲ့ပါတယ်။ သမ္မတ ဦးသိန်းစိန် အစိုးရဟာ အပြောင်းအလဲတွေ လုပ်ဖို့ သန္နိဌာန်ချထားကြတယ် ဆိုတာ ယုံကြည်တယ်လို့လည်း ကြားနာပွဲမှာ သူက ပြောကြားသွားခဲ့ပါတယ်။

မြန်မာနိုင်ငံမှာ ၁၉၈၈ ခုနှစ် လူထု အုံကြွမှုကြီးကို စစ်တပ်က ရက်ရက်စက်စက် နှိမ်နှင်းခဲ့တာကြောင့်ရော၊ ၁၉၉၀ ရွေးကောက်ပွဲမှာလည်း အနိုင်ရ အမျိုးသားဒီမိုကရေစီအဖွဲ့ချုပ်ကို အာဏာလွှဲ မပေးတာကြောင့်ပါ ၁၉၉၀ ခုနှစ်ကတည်းက စပြီး အမေရိကန်က မြန်မာနိုင်ငံမှာ သံအမတ်ကြီးအဆင့် ထားရှိမှုကို ရပ်စဲခဲ့တာဖြစ်ပါတယ်။ ဒါပေမဲ့ သမ္မတ ဦးသိန်းစိန်အစိုးရက ပြုပြင်ပြောင်းလဲမှုတွေ လုပ်လာတဲ့နောက်ပိုင်း အမေရိကန် နိုင်ငံခြားရေးဝန်ကြီး ဟီလာရီကလင်တန် (Hillary Clinton) ရဲ့ သမိုင်းဝင် မြန်မာနိုင်ငံ ခရီးစဉ်အတွင်းမှာ သံအမတ်ကြီးအဆင့် ပြန်လည်ထားရှိဖို့ ပြန်လည် ဆွေးနွေးခဲ့တာဖြစ်ပါတယ်။