30.06.2012 နေ့ဖတ်ရန်သတင်းများ

by Myanmar Journal on Friday, June 29, 2012 at 6:23pm ·

ဂျာမနီ ဝန်ကြီးချုပ် အင်ဂလာ မာ့ကဲလ်ယူရိုဇုန်ငွေကြေးကိစ္စ မာ့ကဲလ် ပြည်တွင်းမှာ ဝေဖန်ခံရ

ဥရောပမှာ ဘဏ္ဍာရေးတည်ငြိမ်မှု ပြန်ရဖို့ ကြိုးစားတဲ့အနေနဲ့ ဒေသတွင်း အကြပ်အတည်းဆိုက်နေတဲ့ ဘဏ်တွေကို ဒေသတွင်း အထူးရံပုံငွေတွေထဲကနေ ငွေထုတ်ချေးမယ်လို့ သဘောတူခဲ့တဲ့အပေါ် ဂျာမနီ ဝန်ကြီးချုပ် အင်ဂလာ မာ့ကဲလ်ဟာ သူ့ပြည်တွင်းမှာ ဝေဖန်ခံနေရပါတယ်။

သက်ဆိုင်ရာ အစိုးရဆီက တဆင့် သွားစရာမလိုပဲ အခက်အခဲဖြစ်နေတဲ့ ဘဏ်တွေဆီကို တိုက်ရိုက် ငွေထုတ်ချေးဖို့ ယူရိုဇုန် ခေါင်းဆောင်တွေဟာ ကြာသပတေး နေ့တုန်းက သဘောတူခဲ့ကြပါတယ်။

အစောပိုင်းတုန်းကတော့ ဘဏ်တွေကို ငွေထုတ်ချေးရင် အစိုးရတွေဆီက တဆင့် ဖြတ်ရမယ်လို့ ဂျာမနီက ပြောခဲ့တာပါ။

ယူရိုဇုန်ခေါင်းဆောင်တွေရဲ့ အခု သဘောတူညီချက်ဟာ အထူးအားဖြင့် စပိန်က အကျပ်အတည်းဆိုက်နေတဲ့ ဘဏ်တွေကို ကယ်ဆယ်နိုင်ဖို့ ရည်ရွယ်ပါတယ်။ နောက်ပြီး ဥရောပတောင်ပိုင်း နိုင်ငံတွေအတွက် ငွေချေးစရိတ်တွေ သက်သာစေဖို့လည်း ဖြစ်ပါတယ်။

အခုသဘောတူညီချက်ကို ကြည့်ရင် ဝန်ကြီးချုပ် အင်ဂလာ မာ့ကဲလ်က အရှုံးပေးလိုက်တာ ဖြစ်တယ်လို့ ဂျာမနီ သတင်းစာတွေက ရေးကြပါတယ်။ ဝန်ကြီးချုပ်ကတော့ ဒါဟာ အရှုံးမဟုတ်ပဲ အောင်မြင်မှု တစ်ခုသာ ဖြစ်တယ်လို့ ဆိုပါတယ်။

ဒီနှစ်ကုန်လောက်ကျရင် ယူရိုဇုန် ဘဏ်တွေအတွက် ကြီးကြပ်ပေးမယ့် ဒေသတွင်းအဖွဲ့တခုလည်း ဖွဲ့ဖို့ သဘောတူခဲ့ကြပါတယ်။

အိန္ဒိယ အာသံပြည်နယ်မှာ မိုးများပြီး ရေကြီး

အာသံပြည်နယ်တွင်းမှာ ရေကြီးနေ

အိန္ဒိယနိုင်ငံ အရှေ့မြောက်ပိုင်းမှာ ရေကြီးနေတဲ့အတွက် လူတသန်းလောက်ဟာ အိုးအိမ်တွေကို စွန့်ခွာခဲ့ရပါတယ်။

ပြီးခဲ့တဲ့ ၁၀ နှစ်ကျော်လောက်အတွင်း အသည်းထန်ဆုံး မိုးရွာသွန်းခဲ့တဲ့အတွက် အာသံပြည်နယ်မှာ မိုးရေကြီးနေတာ ဖြစ်တယ်လို့ အာဏာပိုင်တွေက ပြောပါတယ်။

အိမ်အများအပြားဟာ ရေထဲကို မျောပါကုန်ခဲ့ပြီး သေကြေမှု အရေအတွက်က အခုချိန်ထိ လူ ၂၇ ဦး သေဆုံးခဲ့တယ်လို့ သိရပါတယ်။

လူတွေဟာ မြေမြင့်ရာကို ထွက်ခွာပြီး ဖြစ်သလို တဲထိုးနေကြပေမယ့် အစားအစာနဲ့ သန့်ရှင်း သောက်သုံးရေက အလုံအလောက် မရှိကြဘူးလို့လည်း သိရပါတယ်။

အမေရိကန် ကျန်းမာရေး ဥပဒေသစ် ထွက်

အမေရိကန် ဘဝ လုံခြုံရာ ရတဲ့ ပြည်သူ့ အောင်ပွဲ

အခြေခံ ဥပဒေ စိန်ခေါ်မှု တွေနဲ့ ရင်ဆိုင် နေရတဲ့ သမ္မတ အိုဘားမားရဲ့ ကျန်းမာရေး စောင့်ရှောက်မှု ဥပဒေ ကို အမေရိကန် တရား လွှတ်တော်ချုပ်က အတည်ပြု ခဲ့ပါတယ်။

ဒါဟာ အိုဘားမား အတွက် သမိုင်းဝင် နိုင်ငံရေး ဆောင်ရွက်ချက်လဲ ဖြစ်ပါတယ်။

အမေရိကန် နိုင်ငံသား အားလုံး ကျန်းမာရေး အာမခံ ရှိရမယ် ဆိုတဲ့ ဥပဒေ ပါ တောင်းဆိုချက်ဟာ မဖြစ်နိုင်ဘူး ဆိုတဲ့ စောဒက ထုတ်မှု တွေကို တရား ရုံးချုပ်က ပယ်ချ ခဲ့ပါတယ်။

ဒါဟာ အမေရိကန် တွေရဲ့ ဘဝကို ပိုမို လုံခြုံမှု ရှိအောင် လုပ်ပေး လိုက်တာပဲမို့ ဒီဆုံးဖြတ်ချက်ဟာ ပြည်သူ့ အောင်ပွဲ လို့ အိုဘားမားက ကြေညာ လိုက်ပါတယ်။

ရီပတ် ဘလစ်ကန် သမ္မတလောင်း မစ်တ် ရွန်နီကတော့ သူသာ သမ္မတ ဖြစ်ရင် ပြန်ပြင်ရမယ့် ဥပဒေဆိုးလို့ မှတ်ချက် ချပါတယ်။

မြစ်ဆုံအောက်က ရွာတွေ ရွာလုံးကျွတ် ရွှေ့ပြောင်းရေစကြို မြစ်ဆုံမှာ ရေကြီး မြေပြို

ချင်းတွင်း ဧရာ မြစ် နှစ်ခွဆုံတဲ့ ရေစကြို မြို့နယ်မှာ မိုးဦးကျ မြစ်ရေကြီး ချိန်မှာ မြစ်ကြီး နှစ်ခုလုံးက ရေတက်လာပြီး ရေတိုက်စားလို့ မြစ်ဆုံအောက် ဧရာဝတီ မြစ်မကြီးဘေးက ကျေးရွာတွေမှာ ရွာလုံးကျွတ် ရွှေ့ပြောင်း နေရပါတယ်။

ရေစကြို မြို့နယ်က အိမ်ခြေ ၂ဝဝ ကျော်စီရှိတဲ့ ငါးလံ၊ လေးရာပြည့် ၊ ငမြာကြီး ဆိုတဲ့ ရွာတွေမှာ လူနေအိမ် တွေကို အင်နဲ့အားနဲ့ ရွှေ့ နေရတယ်လို့ သိရပါတယ်။

ငမြာကြီးရွာက အိမ် ၇ဝ ကျော် ရွှေ့ပြေး ရပြီလို့ ဒေသခံ တွေက ဆိုပါတယ်။

ရတဲ့ နေရာမှာလဲ တဧက ၁၅ သိန်း ပေးပြီး မြေဝယ် နေရတာမို့ မဝယ်နိုင်သူ တွေ ဒီတိုင်း နေရာမရဘဲ နေနေရတယ်လို့ ဆိုပါတယ်။

ရေဦးတိုက် ရေစီး သန်သန်နဲ့ ပြိုနေတာမို့ လုပ်စားဖို့ မြေလဲ မကျန်တဲ့ အပြင် မြေနု ကျွန်းတွေလဲ မပေါ် သေးတာမို့ သူများ ရွာတွေမှာ လိုက်ပြီး လုပ်ကိုင် စားရမယ်လို့ သိရပါတယ်။

မြစ်ကြီးနား ဘောလုံးကြင်းအနီး ဗုံးကြဲ

ကချင်ပြည်နယ်အတွင်း မတည်ငြိမ်မှု ဖြစ်နေတာ ၁ နှစ်လောက်ရှိလာ

မြစ်ကြီးနားမြို့ ဧရာရပ်ကွက်က မိုးလုံလေလုံ အားကစားကွင်းအနီး လဝကရုံးနားမှာ သောကြာနေ့ ညနေ ၆နာရီ ကျော်ကျော်က ဗုံးတလုံးကွဲလို့ လူတယောက် သေဆုံးသွားတယ်လို့ မြစ်ကြီးနား အမှတ် ၁ ရဲစခန်းက အတည်ပြု ပြောကြားပါတယ်။

ဘောလုံးကွင်းနားမှာနေတဲ့ ဒေသခံ တယောက်ကတော့ သူ့အိမ်ကနေ ပေါက်ကွဲတဲ့ အသံ အကျယ်ကြီး ကြားရတယ်လို့ ပြောပါတယ်။

ဗုံးကွဲချိန်ဟာ စီတာပူ ဘောလုံးအသင်းနဲ့ သီတာအသင်းတို့ နောက်ဆုံး ဗိုလ်လုပွဲအပြီး အားကစားကွင်း အပြင်ဘက်မှာ ကွဲတာမို့ လူအများ ကံသီလို့ ဘေးလွတ်သွားတယ်လို့ ပြောပါတယ်။

ဒီဗုံးကိုတော့ ဘယ်သူဘယ်ဝါ ခွဲတယ်ဆိုတာ မသိရသေးဘူးလို့ ဒေသခံတွေနဲ့ ရဲစခန်းဘက်က ပြောပါတယ်။

တရုတ်အာကာသ ယာဉ်မှူးများပတမဆုံးလူစီး တရုတ်အာကာသ လေ့လာရေးအောင်မြင်

ဒီမနက် ဒေသစံတော်ချိန် မနက် ၁၀ နာရီ ၅ မိနစ်မှာ အာကာသယာဉ်မှူး သုံးဦးလိုက်ပါလာတဲ့ ယာဉ်အစိတ်အပိုင်း မွန်ဂိုလီးယားအလယ်ပိုင်းဒေသကို ဆင်းသက်လာတာကို တရုတ်နိုင်ငံတခုလုံးမှာ ဂုဏ်ယူဝင့်ကြွားစွာနဲ့သတင်းတွေ ထုတ်ပြန်ခဲ့ပါတယ်။ အာကာသထဲမှာ ၁၃ ရက်ကြာနေခဲ့တဲ့ဒီခရီးစဉ်မှာ အသက် ၃၃ နှစ်အရွယ် အမျိုးသမီး အာကာသ ယာဉ်မှူး Liu Yang လည်းလိုက်ပါသွားခဲ့ပါတယ်။

အရင်ကဘယ်သူမှသိပ်မသိခဲ့ကြတဲ့ Liu Yang ဟာအခုတော့ တရုတ်ပြည်မှာလူသိ အများဆုံးသူတဦးဖြစ်လာပါပြီ။ သူက Tiangong 1 အာကာသယာဉ်ဟာ သူ့အတွက် ဟင်းလင်းပြင်ထဲက ဒုတိယအိမ် ဖြစ်တဲ့အကြောင်း၊ အဲဒီမှာ နေရ တာအဆင်ပြေ ကြောင်းနဲ့ သူ့မိခင် တရုတ်နိုင်ငံအတွက်လည်း သိပ်ဂုဏ်ယူကြောင်း ကမ္ဘာမြေပေါ်အရောက်မှာ ပြောခဲ့ တာပါ။ ဒီခရီးစဉ်အတွင်း တရုတ်အာကာသ ယာဉ်မှူးတွေဟာ ဟင်းလင်းပြင်ထဲမှာ အာကသယာဉ်အချင်းချင်းချိတ် ဆက်တာကို လူကိုယ်တိုင်ရော၊ အော်တိုမက်တစ် စက်ကိရိယာနည်းလမ်းနဲ့ရော ဆောင်ရွက် အောင်မြင်ခဲ့ပါတယ်။

ဒါဟာ ၂၀၂၀ ခုနှစ်မှာ တရုတ်နိုင်ငံရဲ့ အာကာသစခန်း တခုတည်ဆောက်ဖို့အတွက် တဆင့် အောင်မြင်ခဲ့တာဖြစ်ပါတယ်။ ဒါပေမယ့် တရုတ်နိုင်ငံရဲ့ အာကာသ နည်းပညာဟာ အမေရိကန်နဲ့ ရုရှတို့ထက်စာရင် နောက်ကျနေသေးတယ်လို့ ဘေကျင်းမှာရှိတဲ့ ဘီဘီစီသတင်းထောက် မာတင်ပေးရှင့်ကပြောပါတယ်။ ဒါပေမယ့် တရုတ်နိုင်ငံရဲ့ ငွေအင်အားနဲ့ တက်ကြွမှု အရှိန်အဟုန် ကတော့သိပ်ကို အားကောင်းနေတယ်လို့ သူကဆိုပါတယ်။

ဗကသ (အထက်ဗမာပြည်)အား မန္တလေး ထွေ/အုပ် ခေါ်ယူသတိပေး

နေမျိုး | သောကြာနေ့၊ ဇွန်လ ၂၉ ရက် ၂၀၁၂ ခုနှစ် ၂၂ နာရီ ၄၅ မိနစ်

နယူးဒေလီ (မဇ္ဈိမ) ။        ။ ဗကသများ အဖွဲ့ချုပ် (အထက်ဗမာပြည်) အား မန္တလေးတိုင်း အထွေထွေအုပ်ချုပ်ရေးမှူးက ၎င်း၏ရုံးတွင် သောကြာနေ့က ခေါ်ယူ သတိပေးခဲ့ကြောင်း သိရသည်။

တိုင်း ထွေ/အုပ် ညွှန်ကြားရေးမှူးမှူး ဦးအုန်းလွင် ဦးဆောင်သည့် တိုင်း ဥပဒေအရာရှိ၊ ရဲမှူး တို့ပါဝင်သည့် အဖွဲ့က ဗကသ များအဖွဲ့ချုပ်မှ ကိုရဲရင့်ကျော် အပါအဝင် ကျောင်းသား ခေါင်းဆောင် လေးဦးအား မှတ်ပုံတင်မထားသည့် ဗကသ ၏ တရားမဝင်မှုနှင့် ကျောင်းသားသမဂ္ဂ အဆောက်အအုံ ဖြိုခွဲခံခဲ့ရသည့် 7 July ရွှေရတုနေ့ ကျင်းပခြင်းကို ခွင့်မပြုနိုင်ကြောင်း ဗကသ (အထက်ဗမာပြည်) ပြန်ကြားရေး တာဝန်ခံ ကိုရဲရင့်ကျော်က ပြောသည်။

“ဗကသ ဆိုတာ တရားဝင်ဖွဲ့စည်းထားခြင်း မရှိသေးတဲ့အတွက် နောက်တခါ 7 July ဆိုတာ အာဇာနည်နေ့လိုဂေဇက်ဝင် တရားဝင် သတ်မှတ်ပေးထားတဲ့ရက် မဟုတ်တဲ့အတွက် တရားမဝင်တဲ့ ရက်မှာ တရားမဝင်တဲ့ အဖွဲ့အစည်းက ကျင်းပမယ့်ပွဲမို့လို့ သူတို့ ခွင့်မပြုနိုင်ကြောင်း အသိပေးတာ” ဟု မဇ္ဈိမကို ပြောသည်။

ဇွန်လ ၆ ရက်နေ့ကလည်း ဗကသ များအဖွဲ့ချုပ် ပြန်လည်ပေါ်ပေါက်ရေး ကြိုးပမ်းနေကြသည့် ကျောင်းသားများအား ရန်ကုန်တိုင်း အထွေထွေ အုပ်ချုပ်ရေးမှူးက ခေါ်ယူ၍ ထိုကဲ့သို့ပင် အသင်းအပင်း ဖွဲ့စည်းခြင်း ဥပဒေအား ဖတ်ပြကာ သတိပေးခဲ့ဖူးသည်။

၁၉၈၈ ခုနှစ် စက်တင်ဘာလက ထုတ်ပြန်ခဲ့သည့် အသင်းအပင်း ဖွဲ့စည်းခြင်းဆိုင်ရာ ဥပဒေအရ သက်ဆိုင်ရာ၏ ခွင့်ပြုချက် မရရှိဘဲ သမဂ္ဂ၊ အစည်းအရုံး၊ ကလပ်၊ တပ်ဦး စသဖြင့် ဖွဲ့စည်းလှုပ်ရှားပါက ထောင်ဒဏ် ၅ နှစ်အထိ ချမှတ်နိုင်သည်။

ဗကသများအဖွဲ့ချုပ် အထက်ဗမာပြည် အနေဖြင့် “ကျနော်တို့ကတော့ လုပ်ရမယ်လို့ ယူဆတဲ့၊ လုပ်သင့်တယ်လို့ ယူဆတဲ့ အရာတွေကို ဒီလိုဖိအားကြောင့် ဆက်မလုပ်ရဲစရာ မရှိပါဘူး။ ဆက်လုပ်မယ်။ အဆင်ပြေမယ့် နေရာ၊ အချိန်ရွှေးချယ် မယ်။ သေချာတာကတော့ ကျင်းပဖြစ်အောင် ကျင်းပမယ်” ဟု ကိုရဲရင့်ကျော် က ဆိုသည်။

“ပြောင်းလဲမှုတွေကို အထက်ကဘဲပြောနေပြီး အောက်ခြေမှာ ပြောင်းလဲမှု အားနည်းနေတာရယ်၊ အရင်အကျင့်တွေ၊ ထိန်းချုပ်မှုတွေ မပြောင်းလဲသေးဘဲနဲ့ ဆက်လက်ဆုပ်ကိုင်နေတာကိုက ပြောင်းလဲမှုက အားမရစရာပဲ။ ပွင့်လင်းမြင်သာ တဲ့ လမ်းကြောင်းကနေ လျှောက်ဖို့အတွက် အသိပေးတာ၊ ခွင့်တောင်းတာ တွေ လုပ်တယ်။ ကျနော်တို့က ပွင့်လင်းအောင်လုပ်တယ်။ ဗကသ ကို တရားမဝင်ဘူးလို့ ဘယ်သူကမှ အဆုံးအဖြတ်ပေးလို့ မရဘူး။ ကျနော်တို့ဟာ မှတ်ပုံတင်ခြင်း၊ မတင်ခြင်းတွေနဲ့ တိုက်ရိုက် မပါတ်သက်ဘူး။ ကျနော်တို့အနေနဲ့ ညှိနှိုင်းဆောင်ရွက်ဖို့ မလိုသေးဘူးလို့ တုံ့ပြန်ခဲ့တယ်” ဟု ၎င်းက ဆက်လက် ပြောဆိုသည်။

အကျဉ်းထောင် အသီးသီးမှ ပြန်လည်လွတ်လာခဲ့ကြသည့် ကျောင်းသား ခေါင်းဆောင်များသည် ဗမာနိုင်ငံလုံးဆိုင်ရာကျောင်းသားသမဂ္ဂများ အဖွဲ့ချုပ် ဗဟိုစည်းရုံးရေး ကော်မတီကို ၂ဝ၁၂ ခုနှစ်၊ ဇန်နဝါရီလ ၁၈ ရက်နေ့တွင် ပြန်လည် ဖွဲ့စည်းခဲ့ကြသည်။

၁၉၆၂ ခုနှစ်က အာဏာပိုင်အစိုးရမှ ဖြိုချဖျက်ဆီးခြင်းခံခဲ့ရသည့် ရန်ကုန်တက္ကသိုလ် တကသ အဆောက်အဦးပြန်လည် တည်ဆောက်ရေးအတွက် ၈၈ မျိုးဆက် ကျောင်းသားများ၊ ၆၂ မျိုးဆက် ကျောင်းသားများ၊ ရှေ့နေများ၊ ဆရာဝန်များ၊ စာရေးဆရာများက ဗကသနှင့် ပူးပေါင်းဆောင်ရွက်လျက်ရှိသည်။

အစိုးရနှင့် KIO တိုက်ပွဲ ပြင်းထန်နေစဉ် KIO နှင့် UKA ပူးပေါင်း

ဖနိဒါ | သောကြာနေ့၊ ဇွန်လ ၂၉ ရက် ၂၀၁၂ ခုနှစ် ၁၉ နာရီ ၁၉ မိနစ်

ချင်းမိုင်(မဇ္စျိမ) ။        ။ ကချင်လွတ်လပ်ရေးအဖွဲ့ KIO ဌာနချုပ်တည်ရှိရာ လိုင်ဇာမြို့နှင့် ခြောက်မိုင်အကွာရှိဒေါ့ဖုန်းယန် မြို့နယ်ခွဲတွင် အစိုးရတပ်နှင့် KIO တပ်တို့ နှစ်ရက်ကြာ တိုက်ပွဲများ ဖြစ်ပွားနေကြောင်း သိရသည်။

ဒေါ့ဖုန်းယန်မြို့နယ်ခွဲ လဂျားယန်ကျေးရွာနှင့် နားလုံကျေးရွာ အကြားတွင် အစိုးရ၏ တပ်အင်အား ၁၀၀ ကျော်ခန့် တက်လာရာမှ တိုက်ပွဲများ ဖြစ်ပွားခဲ့သည်ဟု KIO မှ ဒု-ဗိုလ်မှူးကြီး ဂျီးနောင်က ပြောသည်။

“မနေ့က နားလုံဘက်မှာ မနက်ကနေ ည ၈ နာရီထိ တိုက်နေတယ်။ ဗန်းမော် ဘက်ကရော၊ မြစ်ကြီးနားဘက်က (အစိုးရတပ်များ) တက်လာလို့ တိုက်ပွဲဖြစ်တယ်။ ဒီမနက်ပိုင်းလည်း ဆက်ဖြစ်နေတယ်” ဟု မဇ္ဈိမကို ပြောသည်။

နှစ်ရက်ကြာ တိုက်ပွဲအတွင်း နှစ်ဖက်လုံးမှ ကျဆုံး ဒဏ်ရာရမှုများ ရှိသည်ဟု KIO ၏ ရှေ့တန်းမှ အရာရှိတဦးက ပြော သည်။

“ကျနော်တို့ဘက်က ဒီမနက် ၈ နာရီ ၁၁ မိနစ်မှာ ဗိုလ်တဦး ကျသွားပြီ။ အစိုးရဘက်ကလည်း တော်တော် ကျတယ်။ တချို့က ဒေါ့ဖုန်းဘက်ကနေ လာတယ်။ တချို့က ရှထန်ပါ ဘက်ကနေ တက်လာတယ်။ မနေ့က တိုက်ပွဲမှာက တဦးကျ၊ တဦး ဒဏ်ရာရတယ်” ဟု သူက မဇ္စျိမကို ပြောသည်။

ထိုသို့ အစိုးရတပ်နှင့် KIO တပ်အကြား တိုက်ပွဲများ နေ့စဉ်လို ဖြစ်ပွားနေစဉ် KIO နှင့် ပြည်ပ အခြေစိုက် ကချင် အမျိုးသားအစည်းအရုံး KNO တို့ ပူးတွဲ လုပ်ဆောင်သွားရန် လိုင်ဇာဌာနချုပ်တွင် နှစ်ရပ်ကြာ တွေ့ဆုံ ဆွေးနွေးခဲ့ကြ သည်။ ထို့နောက် KNO ၏ United Kachinland Army - UKA တပ်ဖွဲ့ကို ရုတ်သိမ်းလိုက်ပြီး KIA တပ်ဖွဲ့နှင့်အတူ ပူးပေါင်းဖွဲ့စည်းလိုက်ကြောင်း ဇွန်လ ၂၈ ရက်စွဲဖြင့် ကြေညာချက် ထုတ်ပြန်လိုက်သည်။

“KIO နှင့် KNO သည် ကချင်အမျိုးသားရေးတွင် အတူလက်တွဲပြီးကာ ပူးပေါင်းလုပ်ဆောင်သွားမှာ ဖြစ်ပြီး လုပ်ကိုင်ရ မယ့် လုပ်ငန်းစဉ်တွေကို စုပေါင်းညှိနှိုင်းပြီ လုပ်ဆောင်သွားမည်။ သဘောတူညီချက်အတိုင်း KNO ကနေ ဖွဲ့စည်းထား တဲ့ UKA ကို ရုပ်သိမ်းလိုက်ပြီး KIA နဲ့အတူ ပူးပေါင်းသွားမည်” ဟု ကချင်ဘာသာဖြင့် ဖော်ပြပါရှိသည်။

အင်အား ရာဂဏန်းရှိ UKA တပ်ဖွဲ့များသည် အများအားဖြင့် အိန္ဒိယ-မြန်မာ နယ်စပ်တွင် လှုပ်ရှားနေသည်ဟု သိရသည်။

ထိုသို့ ပူးပေါင်းလိုက်ခြင်းနှင့် ပတ်သက်၍ “အမျိုးသားရေးအတွက် ပေါင်းလိုက်တာ။ တခုပဲ ဖြစ်အောင် ပေါင်းဖို့ ဆုံးဖြတ်လိုက်တယ်။ ကျနော်တို့က အဖွဲ့တွေ အများကြီး အားလုံး စုစည်းသင့်နေပြီဆိုတာ ကချင်တိုင်းက သိသင့်နေပြီ” ဟု ဒု-ဗိုလ်မှူးကြီး ဂျီးနောင်က ပြောသည်။   

ကချင်တိုင်းရင်းသားအရေး နိုင်ငံတကာတွင် ဆောင်ရွက်ရန် KNO ကို ၁၉၉၉ ခုနှစ်က ထူထောင်ခဲ့ပြီးသော်လည်းနောက်ပိုင်းတွင် KIO နှင့် KNO အကြား သဘောထားများ ယှဉ်ပြိုင်သလို ဖြစ်လာခဲ့ရာမှ ၂ဝ၁၁ ခုနှစ် ဇန်နဝါနရီလက သဘောထား ပြန်လည် ညှိနှိုင်းခဲ့ကြသည်။

KNO ကို ကချင်ကျောက်စိမ်းလုပ်ငန်းရှင် ဒူဝါဘောမ်ဝမ် လရော်က ထိုင်းနိုင်ငံ ဇင်းမယ်မြို့တွင် စတင်ဖွဲ့စည်းခဲ့ခြင်းဖြစ်ပြီး အဖွဲ့ဝင်များမှာ အမေရိကန်၊ ဂျပန်၊ သြစတြေးလျ၊ ဒိန်းမတ်၊ မလေးရှား၊ အိန္ဒိယ၊ ကနေဒါ၊ ဗြိတိန်၊ နော်ဝေ၊ ဆွီဒင်၊ တရုတ်နှင့် ထိုင်း စသည့် နိုင်ငံများတွင် ရှိသည်။

UNHCR ဝန်ထမ်းတွေ ရခိုင်ပြည်နယ်မှာ ပြန်လည်တာဝန်ထမ်းဆောင်

By ဗွီအိုအေ(မြန်မာဌာန)

• ရခိုင်ပြည်နယ် မြောက်ပိုင်းမှာ ဇွန်လ (၂၉) ရက်နေ့က စပြီး ဒုက္ခသည်များဆိုင်ရာ ကုလသမဂ္ဂ မဟာ မင်းကြီးရုံး (UNHCR) ၀န်ထမ်းတွေရဲ့ တ၀က်လောက်ဟာ  တာဝန်တွေ ပြန်ပြီး ထမ်းဆောင်နေပြီလို့ ဂျနီဗာမြို့ UNHCR ရုံးချုပ်က ပြောရေးဆိုခွင့်ရှိသူ အေဒရီယင် အက်ဒ်ဝပ်စ် (Adrian Edwards) က မနေ့က ပြောကြားလိုက်ပါတယ်။

အကြမ်းဘက်မှုတွေကြောင့် အိုးအိမ်စွန့်ခွာ ထွက်ပြေးနေကြသူ ထောင်ပေါင်းများစွာ ရှိနေတဲ့ ဒီဒေသမှာ ဇွန်လ (၂၀) ရက်နေ့က စပြီး UNHCR ၀န်ထမ်းတစ်ဖွဲ့ ဟာ အလုပ်တွေလုပ်နေပြီလို့လည်း သူက ပြော ပါတယ်။ မြန်မာအစိုးရ၊ UNHCR ၊ NGO တွေနဲ့ အလှူရှင်နိုင်ငံတွေက ကိုယ်စားလှယ်တွေ ပူးပေါင်းပြီး ရခိုင်ပြည်နယ်အတွင်းမှာ အတူတကွ နှစ်ရက် သို့မဟုတ် သုံးရက် ဒုက္ခသည်စခန်းတွေဆီ ခရီးလှည့်ကြ မှာ ဖြစ်ပါတယ်။ ကူညီကယ်ဆယ်ရေး စခန်းတွေဆီ UNHCR အဖွဲ့တွေ ရောက်ရှိခဲ့ပြီးတော့ အဲဒီကနေ တဆင့် ဒုက္ခသည်စခန်းပေါင်း (၃၀) က လူဦးရေ ၅ ထောင်လောက်ကို စောင်တွေ၊ ခြင်ထောင်တွေ၊ တာပေါ်လင်စတွေ၊  အိုးခွက်တွေ ပေးဝေခဲ့ပြီးပြီလို့လည်း မစ္စတာ အက်ဒ်ဝပ်က ပြောပါတယ်။

ရှေ့သီတင်းပတ်အစောပိုင်းမှာ လူပေါင်း ၃ သောင်း ၅ ထောင် အတွက် ကူညီကယ်ဆယ်ရေးပစ္စည်းတွေ စစ်တွေမြို့ကို ရောက်ရှိလာမယ်လို့လည်း မစ္စတာ အက်ဒ်ဝပ်က ဆိုပါတယ်။ မိုးသည်းထန်စွာ ရွာလာတဲ့ အချိန်မှာ သောက်သုံးရေပေးဝေနိုင်မှု မလွယ်ကူတာနဲ့ အညစ်အကြေးစွန့်တဲ့စနစ် မကောင်းမွန်တာကြောင့် ဒုက္ခသည်စခန်းတွေထဲမှာ ကူးစက်ရောဂါ တွေ ဖြစ်ပွားလာမှာကို UNHCR က စိုးရိမ်နေပါတယ်။

လောလောဆယ်မှာတော့ ကုလသမဂ္ဂအဖွဲ့အစည်း တစ်ခုဖြစ်တဲ့ ကမ္ဘာ့စားနပ်ရိက္ခာအစီအစဉ် (WFP) ကလည်း ဒုက္ခသည်ပေါင်း ၉ သောင်း၊ ၂ ထောင် အတွက် ဆန်တန်ချိန် ၁,၀၀၀ နဲ့ အခြား စားသောက် ကုန်ပစ္စည်းတွေ တန်ချိန် (၄၄၀)ကို စစ်တွေမြို့ကို ပေးပို့ခဲ့ပြီးပြီလို့ WFP ရဲ့ ပြောရေးဆိုခွင့်ရှိသူ အဲလစ္စဘက်ဘိုင်ယာစ် (Elisabeth Byrs)က ပြောကြားခဲ့ပါတယ်။

မြောက်ကိုရီးယားက မြန်မာနဲ့ စစ်လက်နက်အပေးအယူ လုပ်ခဲ့ဖွယ်ရှိ

By ဗွီအိုအေ(မြန်မာဌာန)

• More Sharing Services

• 
  

မြောက်ကိုးရီးယားက ဆီးရီးယားနဲ့ မြန်မာနိုင်ငံတို့နဲ့ စစ်လက်နက်ဆိုင်ပစ္စည်းရာ အပေးအယူတွေ လုပ်ခဲ့ဖွယ်ရှိတယ်ဆိုတဲ့ လွတ်လပ်တဲ့ကျွမ်းကျင်သူတွေရဲ့ အဖွဲ့တစ်ဖွဲ့က စုံစမ်းစစ်ဆေးရေးသားထားတဲ့ အစီရင်ခံစာတစ်စောင်ကို ကုလသမဂ္ဂက ဇွန်လ (၂၉) ရက်နေ့စွဲနဲ့ ထုတ်ပြန်ခဲ့ပါတယ်။ ဒီအစီရင်ခံစာကို Reuters သတင်းဌာနက လွန်ခဲ့တဲ့ မေလကတည်းက ကြည့်ခွင့်ရခဲ့တယ်လို့ ဆိုပါတယ်။

လွတ်လပ်တဲ့ကျွမ်းကျင်သူအဖွဲ့က စာမျက်နှာ (၇၄) မျက်နှာပါတဲ့ ဒီအစီရင်ခံစာကို ပြီးခဲ့တဲ့ မေလက ကုလ သမဂ္ဂလုံခြုံရေးကောင်စီရဲ့ မြောက်ကိုးရီးယားကို အရေးယူပိတ်ဆို့ဒဏ်ခတ်ရေး ကော်မတီဆီ တင်သွင်း ခဲ့ပြီးတော့ ဒီအစီရင်ခံစာ ထုတ်ပြန်ရေးကို တရုတ်က ကန့်ကွက်နေတာကြောင့် တစ်လကျော် နောက် ကျပြီးမှ ထွက်လာရတာဖြစ်တယ်လို့ Reuters သတင်းမှာ ဖော်ပြထားပါတယ်။

မြောက်ကိုးရီးယားဟာ စစ်လက်နက်တွေ တင်ပို့နေတာမှာ တရုတ်နိုင်ငံကို ကြားစခန်းအဖြစ်ထားပြီး တင်ပို့နေတာဖြစ်တယ်လို့ ဒီအစီရင်ခံစာမှာ ဖော်ပြထားတာကြောင့် တရုတ်က အရင် အစီရင်ခံ စာဟောင်းတွေကို မထုတ်ပြန်ဖို့ လုံခြုံရေးကောင်စီမှာ တားဆီးခဲ့ကြောင်း၊ နောက်ဆုံးမှာ တရုတ်က သဘောတူညီခဲ့ တာကြောင့်၊ အစီရင်ခံစာကို အခုအခါ ထုတ်ပြန်နိုင်ခဲ့တာလို့ ကုလသမဂ္ဂ သံတမန်တွေက Reuters ကို ပြောပြခဲ့ပါတယ်။

နျူကလီးယားဆိုင်ရာ အစုလိုက်အပြုံလိုက်သေစေနိုင်တဲ့ WMD လက်နက်ဆိုင်ရာ ပဲ့ထိန်းတပ် ဒုံးကျည် ဆိုင်ရာ အစိတ်အပိုင်းတွေကို တင်ပို့တဲ့ သတင်း အချက်အလက်တွေ မတွေ့ရပေမယ့်လည်း တခြားနိုင်ငံတွေကို စစ်လက်နက်ပစ္စည်းရောင်းချတာကို မလုပ်ရဆိုတဲ့ ကုလသမဂ္ဂရဲ့ဆုံးဖြတ်ချက်တွေ ကို မြောက်ကိုးရီးယားက ဆက်ပြီး ချိုးဖောက်နေတယ်လို့ ဒီအစီရင်ခံစာက ဆိုပါတယ်။

ကုလသမဂ္ဂရဲ့ အရေးယူပိတ်ဆို့ဒဏ်ခတ်မှုက မြောက်ကိုးရီးယားရဲ့ တခြားနိုင်ငံတွေကို စစ်လက်နက် ပစ္စည်းရောင်းချတာကို မတားဆီးနိုင်ခဲ့ပေမယ့် ဒီလိုရောင်းချနေမှုကို နှေးကွေးသွားစေ၊ ပိုပြီး ခက်ခဲ သွားစေသလို ပိုပြီးတော့လည်း အကုန်အကျများစေခဲ့တယ်လို့ အစီရင်ခံစာမှာ ဖော်ပြထားပါ တယ်။ မြောက်ကိုးရီးယားဟာ ၂၀၀၇ ခုနှစ်က SCUD ဒုံးကျည်တွေမှာ တပ်ဆင်တဲ့ ပန်ကာဒလက်တွေနဲ့ ပဲ့ထိန်းတပ်ဒုံးကျည်တွေ မှာ တပ်ဆင်တဲ့ တခြား အစိတ်အပိုင်းတွေ ဆီးရီးယားကို တရုတ်နိုင်ငံကတဆင့် တင်ပို့ခဲ့သလို မြန်မာနိုင်ငံနဲ့လည်း သမားရိုးကျလက်နက်တွေ ပူးပေါင်းထုတ်လုပ်ရေး အပေးအယူ လုပ်ခဲ့ဖွယ်ရှိတယ်လို့  ဒီအစီရင်ခံစာက ဆိုပါတယ်။ ဒီအစီရင်ခံစာကို ရေးသားခဲ့တဲ့ အဖွဲ့ကပဲ မကြာခင်မှာ အီရန်နိုင်ငံဆိုင်ရာ အစီရင်ခံစာ ကို ထုတ်ပြန်ဖို့ ရှိနေတယ်လို့ သံတမန်တွေက ဆိုကြောင်း Reuters သတင်းမှာ ဖော်ပြထားပါတယ်။

စစ်ရဟတ်ယာဉ်ပစ္စည်း တရုတ်ကို ရောင်းတဲ့ကုမ္ပဏီ တရားစွဲခံရ

By ဗွီအိုအေ (မြန်မာဌာန)

စစ်ဘက်တိုက်ခိုက်ရေးရဟတ်ယာဉ် တည်ဆောက်နိုင်တဲ့ စက်ပစ္စည်းတွေ တရုတ်နိုင်ငံဆီ ရောင်းချခဲ့တယ် ဆိုတဲ့ ပြစ်မှုဆိုင်ရာ စွဲချက်တွေအတွက် အမေရိကန် ကာကွယ်ရေးဆိုင်ရာ ပုဂ္ဂလိက ကန်ထရိုက်တာ United Technologies Corporation UTC ရဲ့ လုပ်ငန်းခွဲတခုက အပြစ်ရှိကြောင်း ၀န်ခံလိုက်ပါတယ်။

တရုတ်နိုင်ငံရဲ့ Z-10 တိုက်ခိုက်ရေးရဟတ်ယာဉ် တည်ဆောက်ဖို့အတွက် စက်ပစ္စည်းတွေကို UTC ရဲ့ ကနေဒါအခြေစိုက် လုပ်ငန်းခွဲ Pratt & Whitney Canada က ရောင်းခဲ့တယ်ဆိုပြီးတော့ အမေရိကန် တရားရေးဌာနက စွဲချက်တင်ခဲ့တာပါ။ အဲဒီ လို ရောင်းတာဟာ အမေရိကန် လက်နက်တင်ပို့ရောင်းချမှု ထိန်းချုပ်ခြင်းဆိုင်ရာဥပဒေကို ချိုးဖောက်တယ်လို့ ဆိုပါတယ်။

အမေရိကန်အစိုးရကို ပေးဆောင်ရမယ့် ဒဏ်ကြေးငွေ တစိတ်တပိုင်း အမေရိကန်ဒေါ်လာ ၇၅ သန်း ကို ပေးဆောင်ဖို့ UTC ကုမ္ပဏီ၊ သူ့ရဲ့ အမေရိကန်အခြေစိုက်လုပ်ငန်းခွဲ Hamilton Sundstrand Corporation နဲ့ Pratt & Whitney Canada ကုမ္ပဏီတို့က သဘောတူထားပါတယ်။

ဒဏ်ကြေးငွေတစိတ်တပိုင်းဟာ အမေရိကန်တာဝန်ရှိသူတွေကို မှားယွင်းတဲ့ ထွက်ဆိုချက်တွေ ပြော ခဲ့လို့ ပေးဆောင်ရတာပါ။ တရုတ်တို့အနေနဲ့ အရပ်ဘက်ရဟတ်ယာဉ် တည်ဆောက်နိုင်အောင် သူတို့က လုပ်ပေးခဲ့တာလို့ ထင်ခဲ့ကြောင်း ကန်ထရိုက်တာ ကုမ္ပဏီတွေက ပြောပါတယ်။

၁၉၈၉ ခုနှစ်က Tiananmen ရင်ပြင်မှာ ဒီမိုကရေစီလိုလားတဲ့ ဆန္ဒပြသူတွေကို တရုတ်အစိုးရက အကြမ်းဖက်နှိမ်နင်းလို့ သေဆုံးခဲ့ကြရပြီးကတည်းက စစ်ဘက်ဆိုင်ရာပစ္စည်းကိရိယာတွေ တရုတ်နိုင်ငံဆီ မရောင်းချဖို့ အမေရိကန်က ပိတ်ပင် ကန့်သတ်ထားပါတယ်။

အိန္ဒိယရေကြီးမှု လူသေ ရွာပျက်

By ဗွီအိုအေ (မြန်မာဌာန)

အိန္ဒိယနိုင်ငံ အရှေ့မြောက်ပိုင်းမှာ မုတ်သုန်မိုးအပြင်းအထန်ရွာပြီး ရေကြီးတဲ့အတွက် လူ ၂၇ ယောက်ထက် မနည်း သေဆုံးခဲ့ပြီ ဖြစ်ပြီး ရာပေါင်းများစွာသောလူတွေ အိုးအိမ်စွန့်ပြီး ထွက်ပြေးခဲ့ကြရပါတယ်။

အာသန်ပြည်နယ်က ရွာပေါင်း ၂,၀၀၀ လောက် ရေနစ်မြုပ်နေတယ်လို့ အာဏာပိုင်တွေကပြောပါတယ်။ အဲဒီပြည်နယ်မှာ ရက်ပေါင်းများစွာ မိုးအပြင်းအထန်ရွာခဲ့ပြီးတဲ့နောက် မြေပြိုကျတာတွေ၊ ရေကြီး တာတွေ ဖြစ်ခဲ့တာပါ။

ဒေသတွင်းက အဓိကမြစ်ကြီး အတော်များများမှာ မြစ်ရေလျှံတက်နေတဲ့အတွက် အိုးအိမ်စွန့်ထွက်ပြေးနေကြရတဲ့ ရွာသားတွေ ဟာ ကုန်းမြင့်တွေနဲ့ ရွက်ဖျင်တဲတွေမှာ နေထိုင်နေကြရပါတယ်။

တချို့ဒေသတွေမှာ ကူညီထောက်ပံ့ရေးပစ္စည်းတွေ အရမ်းကိုနည်းနေတယ်လို့ တာဝန်ရှိသူတွေကဆိုပါတယ်။ ကယ်ဆယ်ရေး လုပ်သားတွေဟာ ခြောက်သွေ့မြေကွက်လေးတွေမှာ ရောက်နေတဲ့ တချို့ရွာသားတွေအတွက် စားနပ်ရိက္ခာထုပ်တွေကို ပစ်ချ ပေးခဲ့ကြရပါတယ်။

အိမ်နီးချင်း ဘင်္ဂလားဒေ့ရ်ှနိုင်ငံမှာလည်း မကြာသေးခင်ရက်တွေအတွင်းက မြေပြိုတာ၊ ရေကြီးတာတွေဖြစ်ခဲ့ တာကြောင့် လူ အယောက် ၁၁၀ ထက်မနည်း သေဆုံးခဲ့ရပါတယ်။