မိသားစု .. ပြီးတော့.. နိုင်ငံရေး ။

မြဝဿန်ရေ...

တစ်နေ့ က 7 July ရန်ပုံငွေ ဈေးရောင်းဖို့  ရတနာပုံ တ.က.သ က ညီလေးတစ်ယောက် ငါ့အိမ်ကိုလာခေါ်တယ်။ သူလာတဲ့ အချိန်မှာ အန်တီချို က "တိုင်းပြည်အတွက်လဲ လုပ်ကြ.. ကိုယ့်မိသားစုအတွက်လဲလုပ်.. ကိုယ်မိသားစု အတွက်တောင်မလုပ်နိုင်ရင် တိုင်းပြည်အတွက် လုပ်နိုင်မှာ မဟုတ်ဘူး" လို့ ပြောတယ်။ အမှန်တော့ တ.က.သ က ညီလေးကို ပြောချင်တာထက် ဒီရက်ပိုင်း 7 July ကိစ္စတွေ ၊ အလုပ်သမား ဆန္ဒဖော်ထုတ်ပွဲတွေ ၊ လယ်ယာမြေကိစ္စတွေ နဲ့  အိပ်ကိစ္စတွေ လုံးဝ လှည့်မကြည့်နိုင်တဲ့ ငါ့ကို ရည်ရွယ်တယ်လို့  ပဲ နားလည်ပါတယ်။

ဒီစကားကို လူအများစုပြောတာ  ကြားဖူးနေတာ ကြာပေမဲ့ တစ်ခါမှ သေချာ မစဉ်းစားကြည့်ဖူးပါဘူး။ ငါ့ အနေနဲ့ ကလဲ ငါလုပ်နေတဲ့ အလုပ် က တိုင်းပြည်အတွက်လား ဘာလား ညာလား ဆိုတာမျိုးလဲ ခံစားမနေမိပါဘူး။ လုပ်သင့်တဲ့ အလုပ်တစ်ခုကို ကြောက်ကြောက်နဲ့ လုပ်နေတာ လို့ ပဲ ငါ့ကိုယ်ငါ နားလည်ထားတာပါ။ ကိုယ့်မိသားစု အတွက် ဘာမှ မလုပ်နိုင်ဘူး ဆိုတဲ့ စကားကတော့ မှန်ပါတယ်။ ငါ ထောင်က လွတ်လာ ကတည်းက ထိထိရောက် ဘာမှ မလုပ်ဖြစ်တဲ့ အပြင် ငါ့ အသုံးစရိတ်ကိုတောင် အဒေါ်တွေ နားက လက်ဖြန့် သုံးနေတဲ့ ကောင်မဟုတ်လား။

အဲဒီနေ့ ကတော့ ( ၂၃-၆-၂၀၁၂) ရန်ပုံငွေ ဈေးရောင်းတာ ပြီးတဲ့ ၁၂ နာရီလောက်မှာ ရသာကောင်း စက်ရုံက အလုပ်သမားတွေ ဆန္ဒပြ တဲ့ ဆီ ငါ့တို့  ကို လာဖို့ ခေါ်လို့  သွားခဲ့တယ်။ တကယ်တမ်း တောင်းဆိုချက်တွေ ရသွားတာ ညနေ ၆နာရီလောက်မှ ဆိုတော့ ဒီအကြောင်း ကို အလကားနေရင် ထိုင်စဉ်းစား ဖို့  အချိန်အတော်အတန် ရတာပေါ့။  ဒီခေတ်နိုင်ငံအတွက် အလုပ်လုပ်နေသူတွေ လို ငါ တို့ နားလည်ထားတဲ့ လူတွေ ရော ၊ သူတို့ ကို သူတို့  နိုင်ငံအတွက် အလုပ်လုပ်ပါတယ် လို့  ပြောနေကြတဲ့ လူတွေ အကြောင်းကတော့ သက်ရှိ သမိုင်းတွေ ဖြစ်လို့  ငါတို့ စောင့်ကြည့်ဖို့  လိုလိမ့်ဦးမယ်လို့  ငါထင်တယ်။ အဲဒါကြောင့် ငါတို့ နိုင်ငံလွတ်လပ်ရေး သမိုင်းနဲ့ တွဲဆက် နေတဲ့ လူတွေ နဲ့  သူတို့  မျိုးဆက်တွေ အပေါ်မှာ ပဲ အခြေခံပြီးတွေးတယ်။ သူတို့  ဝါဒ၊ သူတို့  ရပ်ခံချက် အပေါ် သဘောတူချင်း မတူချင်း တွေဘေးဖယ်ထားပြီး သူ တို့  စီးပွားရေး ဘဝ အပေါ်မှာပဲ ငါ စဉ်းစားတယ်။ နင် သဘောတူနိုင်ပါ့မလား တော့ မသိဘူး မြဝဿန်။

ဒေါက်တာဘမော်  ဆိုရင် တချိန်က တိုင်းပြည်ခေါင်းဆောင်၊ ပါတီတစ်ခုရဲ့ခေါင်းဆောင်ဖြစ်ခဲ့တယ်။ ဒီ နေ့အထိ ဒေါက်တာဘမော် မျိုးဆက် က တိုင်းပြည်ရဲ့ သူဌေးသူကြွယ်တွေ အဖြစ်လဲ ရှိနေခဲ့တယ်။

ဦးစော ဆိုရင်လဲ နိုင်ငံတော်လုပ်ကြံမှုနဲ့  အဖမ်းခံရတဲ့ အချိန် လူနေမှု အဆင့်အတန်းဟာ တကယ့်သူဌေး အဆင့်အတန်းပဲလို့ ငါ နားလည်တယ်။ ဂျပန် သိမ်းထားတဲ့ တစ်ချိန်လုံး ယူဂန္ဒာမှာ အကျယ်ချုပ်နဲ့ နေခဲ့တဲ့ နန်းရင်ဝန် တစ်ယောက်အနေနဲ့  စီးပွားရေး တစ်ခုခု လုပ်ခဲ့တယ် လို့ လဲ ငါ မှတ်မထားဖူးဘူး။ သူ့မျိုးဆက်တွေ ကလဲ တစ်စုံတစ်ရာ တင့်တောင်းတင့် တယ် နေနိုင်တုန်းပဲ လို့  ငါတော့ နားလည်တယ်။

ဗိုလ်နေဝင်း ဆိုရင်လဲ အခုထိ သူ့ အဆက်အနွယ်တွေ ချမ်းသာနေတုန်းပဲ။ ထောင်ဝင်စာ လှည်းတစ်စီးတိုက် ပို့ နိုင်နေတုန်းပဲ ။ ငါ အင်းစိန် ထောင်မကြီးမှာ ရှိတုန်းက သူ တို့  ထောင်ဝင်စား လှည်းနဲ့ ကြုံဖူးတယ်။ ငါတို့  နိုင်ငံရေးသမားတွေ ထဲက ထောင်ဝင်စာ အပို့  နိုင်ဆုံး အမှန်ဆုံး လူ ၄ ယောက် ရဲ့ထောင်ဝင်စား က သူ တို့  သားအဖ ၄ ယောက်ထောင်ဝင်စာ ရဲ့ ၄ ပုံ ၁ ပုံ မရှိဘူး လို့  ငါပြော ရဲ တယ်။ 

ဒီ သုံးယောက်ထဲမှာ ဒေါက်တာဘမော် က တော့ အစောကြီးကတည်းက ပြင်သစ်သွားပြီး ကိုယ့်စရိတ် ကိုယ်စား ဒေါက်တာဘွဲ့ ယူနိုင်လောက်တဲ့ မိသားစု စီးပွါးရေး ရှိလို့  မျိုးနဲ့ ရိုးနဲ့  ချမ်းသာတယ်လို နင်ပြောလို့ ရချင်ရမယ်။ ဦးစော တို့  ၊ ဦးနေဝင်း တို့  ကတော့ အုတ်ဖို ဘက်က သာမန် မိသားစု က ဆိုတာ နင်လက်ခံရလိမ့်မယ်။

မြဝဿန်ရေ...

ဗိုလ်ချုပ်အောင်ဆန်း အကြောင်းကတော့ ငါတို့  အားလုံး ဖန်တရာတေအောင်ကြားဖူးပြီးသားပါ။ အဲဒီအချိန် အခါက သူ့  ရာထူး သူ့  အရှိန် အဝါ နဲ့  သူ တို့  မိသားစု ကို ချိန်ထိုးကြည့်ရင် သူ လဲ သူ့  မိသားစု အတွက် ဘာမှ လုပ်မပေးနိုင်ခဲ့ဘူး လို့  ငါယုံတယ်။

နောက် မြယာပင်စာအုပ်တိုက် ကထုတ်တဲ့ စာအုပ်တွေ ၊ နောက်ပိုင်း Northern Star ဂျာနယ်မှာ ပါတဲ့ ပုံတွေ ကို ပြန်မြင်ကြည့်မိတယ်။ သ္ခင်းသန်းထွန်း ပေါ့ဟာ။ အမြဲပဲ စစ် အကျီင်္ တစ်ပတ်နွမ်းနဲ့  ဥက္ကဌ ကြီးဆို တဲ့ အရှိန်အဝါက လွဲလို့  ကျန်တဲ့ သူ့ လူတွေ နဲ့  သူနဲ့  ဓါတ်ပုံ တွေ ထဲမှာ အတူတူပဲ လို့  ငါခံစားရတယ်။ ငါ တောင်ငူမှာ ကျောင်းတက်တုန်းက သူ့ မြေး အရင်း တစ်ယောက်နဲ့ လဲ ခင်ခဲ့ဖူး တယ်။ ငါ သိသလောက်တော့ သူ့ မျိုးဆက်တွေ မချမ်းသာကြဘူး။

သ္ခင်စိုး ဆိုရင်လဲ ဘုံဘဝမှာဖြင့် ထပ်ချပ်မကွာ စာအုပ်ထဲမှာ ဖတ်ရသလောက် သူ ရဲဘော်တွေ နဲ့  ကိုယ်တိုင်အရက် ချက်သောက်တယ် မဟုတ်လား။ သူ တို့  အဲဒီအချိန်တုန်း က ပြေးနေရတာပဲဖြစ်ဖြစ် ၊ ပုန်းနေရတာပဲ ဖြစ်ဖြစ်၊ ကျဆုံးနေပြီပဲပြောပြော သူ တို့  မှာ အခြေခံ လက်နက် ကိုင်နယ်မြေရှိသေးတယ်လို့  ငါ နားလည်တယ်။ အဲဒီ နယ်မြေတွေ က တဆင့် အနိုင်ကျင့်ပြီးပဲဖြစ်ဖြစ် မြို့ပေါ်က အရက်တွေ သူ့အတွက်တော့ ရနိုင်ပါတယ်။

အခု ငါ ရေးတဲ့ ပုဂ္ဂိုလ် ၆ ယောက် မဟုတ်ပဲ တစ်ခြားလူတွေ အကြောင်းလဲ နင် ဟာနင် စဉ်းစားပေါ့။ ဦးနု၊ ဦးကျော်ငြိမ်း၊ ဦးဗဆွေ၊ ဦးရာရှစ် တို့  က အစ ဗိုလ်ချုပ်စောမောင်၊ ဗိုလ်ချုပ်သန်းရွှေ တို့  လို အစိုးရအဖွဲ့တစ်ခုကို ဦးဆောင်တာ ဝန်ယူခဲ့ဖူးတဲ့ လူတွေ ပေါ့။ နောက် လေထီးဗိုလ်အုန်းမောင်၊ သ္ခင်ဖေဌေး တို့ က အစ ဦးသိန်းဖေမြင့်၊ သ္ခင်တင်မြတို့ လို အစိုးရမဟုတ်တဲ့ နိုင်ငံရေး သမားကြီးတွေ ပေါ့။

နင် သိထားတဲ့ ၊ ဒါမှမဟုတ် နင် မသိတဲ့ သမိုင်းကြောင်းတွေ တောင်သိပ်မလိုပါဘူး။ သူ တို့  ဘဝကို ထင်ဟပ်နိုင်တဲ့ ဓါတ်ပုံတွေ ကို ကြည့်ယုံနဲ့  သူတို့  မိသားစု အခြေအနေကို နင် ခန့် မှန်းနိုင်ပါလိမ့်မယ်။ ငါ ရေးခဲ့တဲ့ လူတွေ အားလုံးကတော့ ငါတို့  တိုင်းပြည် သမိုင်း မှာ ဘယ်အကြောင်းနဲ့ မှ ဖယ်ထုတ်လို့  မရတဲ့လူတွေ ပါ။ ငါတို့  မေ့မရတဲ့ လူတွေ ပါ။ ဒါပေမဲ့ ငါတို့  ဘယ်လို သတိရကြသလဲ၊ သူတို့  သမိုင်း ကို ငါတို့  ဘယ်လို မှတ်တမ်းတင်ခဲ့ရသလဲ ဆိုတာ တော့ ငါတို့  စဉ်းစားဖို့  လို တယ်။ 

မြဝဿန်ရေ....

ဘယ်လိုပဲတွေးတွေး ဘယ်လောက်ပဲ တွေးတွေး  နိုင်ငံရေးသမားကြီးတွေ ထဲက ငါ သဘောကျလေးစားတဲ့ သူတွေ ကတော့  သူ တို့  မိသားစု အတွက် ဂုဏ်သိက္ခာကလွဲလို့ ဘာမှ ချန်မထားနိုင်ခဲ့ဘူးလို့ ပဲ နားလည်တယ်။ 

တချို့ ဗိုလ်ချုပ်ကြီး၊ နောက် ပါတီဥက္ကဌ ကြီး ၊ နိုင်ငံတော် သမ္မတကြီး တာဝန်တွေ ယူထားတဲ့ ကြားက မိသားစု ကို ချမ်းသာအောင် တာဝန်ကြေတာထက် ကို မင်းမျိုးမင်းနွယ် ကပြားမ တစ်ယောက်ကို တင့်တောင်းတင့်တယ် မိဘုရားငယ်မြောက်ဖို့  ငွေပိုငွေလျှံ ရှာနိုင်တဲ့ နိုင်ငံအတွက် အလုပ်လုပ်သူ တွေလဲ ရှိတာပေါ့။

ဒီကနေ့  လိုအပ်ချက်တွေ အများကြီးရှိတဲ့ ငါတို့  နိုင်ငံမှာလဲ နိုင်ငံအတွက် အလုပ်လုပ်မယ် ဆိုရင် မိသားစု ကိစ္စ လှည့်ကြည့်ဖို့  မလွယ်ဘူး လို့ ပဲ ငါတော့ ယုံတယ်။ 

ငါကတော့ ဘယ်သူ့အတွက်မှ အများကြီးလုပ်ပေးနိုင်စွမ်း မရှိတဲ့ Existentialism ပဲ ဖြစ်နေလိမ့်မယ်ထင်ပါတယ်။ နင် ငါ့ကို စွပ်စွဲခဲ့ ဖူး သလို ပေါ့။

မိုးထက်နေ