19.02.2012 နေ့ဖတ်ရန်သတင်းများ
|
8:21 AM |
No မှတ်ချက် |
ကွယ်လွန်သွားပြီဖြစ်တဲ့ ဝှစ်တနီ ဟူစတန်ဝှစ်တနီ ဟူစတန် ရဲ့ ဇာပနကျင်းပ
အမေရိကန် ပြည်ထောင်စု၊ နယူးဂျာဆီ ပြည်နယ်က နီဝါခ့်မှာ တော့ အမေရိကန် အဆိုတော် ဝှစ်တနီ ဟူစတန် ရဲ့ ဇာပနကို ကျင်းပ ပြီးစီးခဲ့ပြီ ဖြစ်ပါတယ်။
အဲဒီ ဇာပနကို ဝှစ်တနီ ဟူစတန် ကလေး ဘဝမှာ စပြီး သီချင်းဆို ခဲ့တဲ့ ဘက်ပ်တစ္စ ဘုရားကျောင်း မှာ ကျင်းပ ခဲ့တာ ဖြစ်ပါတယ်။ နာမည်ကျော် အဆိုတော် တွေ ဖြစ်ကြတဲ့ စတီဗီ ဝမ်းဒါး နဲ့ အလီရှာ ကီးစ် တို့ ပါဝင်တဲ့ ဓမ္မ သီချင်း အဖွဲ့က တေး သီဆိုပြီး အခမ်း အနားကို စတင် ခဲ့ကြပါတယ်။
မိသားစုနဲ့ မိတ်ဆွေတွေ က ဂုဏ်ပြု စကားတွေ ၄ နာရီ နီးပါးလောက် ပြောကြားခဲ့ကြ အပြီး မှာတော့ ဝှစ်တနီ ဟူစတန်ရဲ့ အအောင်မြင်ဆုံး သီချင်းတပုဒ်ဖြစ်တဲ့ I will always love you နဲ့ အခမ်းအနား ကို အဆုံးသတ်ခဲ့ ကြပါတယ်။
ဝှစ်တနီ ဟူစတန်ဟာ ပြီးခဲ့တဲ့ သတင်းပတ် အတွင်းက လော့စ်အိန်ဂျယ်လိစ် မြို့က ဟိုတယ် တခုမှာ သေဆုံးခဲ့ ရတာ ဖြစ်ပြီး ကွယ်လွန်ချိန်မှာ အသက် ၄၈ နှစ် ရှိပြီ ဖြစ်ပါတယ်။ သူမ ဘယ်လို ဘယ်ပုံ သေဆုံး ခဲ့ရတယ်ဆိုတာ ကိုတော့ စုံစမ်း စစ်ဆေး နေဆဲ ပဲ ဖြစ်ပါတယ်။
ဆီးရီးယားမှာ အကြမ်းဖက်မှုတွေ ဆက်ဖြစ်ပွားအကြမ်းဖက်မှုတွေကို ရပ်တန့်ကြဖို့ နှစ်ဘက် စလုံးကို တောင်းဆိုလိုက်ပါတယ်
ဆီးရီးယားနိုင်ငံမှာ နောက်ထပ် အကြမ်း ဖက်မှု သတင်းတွေ ထွက်ပေါ်နေချိန် မှာပဲ တရုတ် လက်ထောက် နိုင်ငံခြားရေး ဝန်ကြီး ဂျိုင်ဂျွန်ဟာ ဆီးရီးယား သမ္မတ အားဆာ့ဒ်နဲ့ ဒမာ့စကပ်စ်မြို့မှာ တွေ့ဆုံ ဆွေးနွေးခဲ့ပါတယ်။
ဆီးရီးယားနိုင်ငံမှာ အကြမ်းဖက် တိုက်ခိုက်နေမှု တွေကို နှစ်ဘက်စလုံးက ရပ်ဆိုင်းကြဖို့ သူက တိုက်တွန်း ပြောဆိုခဲ့ပါတယ်။
ဖေဖေါ်ဝါရီလမှာ အစိုးရ ကျင်းပဖို့ စီစဉ်ထားတဲ့ ဖွဲ့စည်းပုံ အခြေခံ ဥပဒေသစ်အပေါ် လူထုသဘောထား ကောက်ခံပွဲနဲ့ အဲဒီနောက် ရက်ပေါင်း ၉၀ အတွင်း ကျင်းပမယ့် ရွေးကောက်ပွဲတွေနဲ့ ပတ်သက်လို့ မစ္စတာ ဂျိုင်ဂျွန် အနေနဲ့ ထောက်ခံကြောင်း ပြောသွား တယ်လို့ အစိုးရ ရုပ်မြင်သံကြားမှာ ထုတ်လွှင့်သွားပါတယ်။
အတိုက်အခံတွေကတော့ အကြမ်းဖက် တိုက်ခိုက်မှုတွေ ဆက်ရှိနေစဉ်အတွင်း လူထု သဘောထား ကောက်ခံပွဲ ကျင်းပမှာကို လက်မခံနိုင်ဘူးလို့ ပြောနေတာပါ။
စနေနေ့မှာပဲ Homs မြို့က အတိုက်အခံ စခန်းတွေကို အစိုးရတပ်ဖွဲ့တွေက ထပ် တိုက်ခိုက်ခဲ့တယ်လို့ အတိုက်အခံတွေက ပြောပါတယ်။
ဒမာ့စကပ်စ် မြို့မှာတော့ သမ္မတ အားဆာ့ဒ်ကို ဆန့်ကျင်တဲ့ ဆန္ဒပြမှုတွေအတွင်း သေဆုံးခဲ့သူ လူငယ် ၃ ဦးရဲ့ ဈာပနကို လူ ထောင်ပေါင်း များစွာ တက်ရောက်ခဲ့တယ်လို့ သတင်းတွေက ဆိုပါတယ်။
အဲဒီ ဆန္ဒပြမှုတွေကို အစိုးရ တပ်တွေက သေနတ်တွေနဲ့ ပစ်ခတ်ခဲ့တဲ့ အတွက် လူအတော် များများလည်း ဒဏ်ရာရသွားတယ်လို့ မျက်မြင် သက်သေတွေက ပြောပါတယ်။
ဆီးရီးယား သမ္မတ အားဆာ့ဒ်ကို ၁၁လကြာ အကြမ်းဖက်တိုက်ခိုက်မှုတွေ ရပ်ဆိုင်းပြီး ရာထူးကနေ ဆင်းပေးဖို့ တောင်းဆိုထားတဲ့ ကုလသမဂ္ဂ လုံခြုံရေး ကောင်စီရဲ့ ဆုံးဖြတ်ချက်ကို ရုရှားနိုင်ငံနဲ့အတူ တရုတ်နိုင်ငံက ဗီတို အာဏာ သုံးပြီး ပယ်ချခဲ့တာ ဖြစ်ပါတယ်။
တရုတ်အစိုးရရဲ့ သဘောထားက ဆီးရီးယား အစိုးရ၊ အတိုက်အခံနဲ့ လက်နက်ကိုင် အုပ်စုတွေအားလုံးအနေနဲ့ အကြမ်းဖက် တိုက်ခိုက်မှုတွေကို ချက်ချင်း ရပ်ဆိုင်းကြစေလိုတဲ့ သဘော ရှိတယ်လို့ မစ္စတာ ဂျိုင်ဂျွန်က ပြောကြောင်း ရုပ်မြင်သံကြားမှာ ထုတ်လွှင့်သွား ပါတယ်။
ဒါ့အပြင် ဆီးရီးယား လွတ်မြောက်ရေး သူပုန် တပ်ဖွဲ့ဝင်တွေ တပ်စွဲထားရာ နေရာတွေ တဝိုက် အထူးသဖြင့် Homs မြို့ Baba Amr ရပ်ကွက်ကို အစိုးရက အဓိကထား တိုက်ခိုက်နေပါတယ်။
အဲဒီ ဒေသတွေကို အကြီးအကျယ် ထိုးစစ်ဆင် တိုက်ခိုက်ဖို့ အစိုးရက ပြင်ဆင်နေတယ်လို့ အတိုက်အခံတွေနဲ့ လူ့အခွင့်အရေး လှုပ်ရှားသူ အုပ်စုတွေက ယူဆနေကြပြီး လူအစုလိုက် အပြုံလိုက် အသတ်ခံရမှုကြီး ဖြစ်လာမှာကို စိုးရိမ်နေကြပါတယ်။
မွန်ပြည်သစ်ပါတီ အရေးပေါ် အစည်းအဝေး ခေါ်ယူအခုလ တရက်နေ့က အစိုးရနဲ့ ဆွေးနွေးခဲ့တဲ့ အချက် (၅) ချက် ကို ချပြဆွေးနွေးမှာ ဖြစ်
မြန်မာအစိုးရနဲ့ အပစ်အခတ် ရပ်စဲရေး ကိစ္စဆွေးနွေးဖို့ အတွက် မွန်ပြည်သစ်ပါတီ အရေးပေါ် ဗဟိုကော်မီတီ အစည်းအဝေး စနေနေ့မှာ စတင် ခေါ်ယူခဲ့တယ်လို့ မွန်ပြည်သစ်ပါတီ အထွေထွေ အတွင်းရေးမှူး နိုင်ဟံသာက ပြောပါတယ်။
အခုလထဲမှာ အစိုးရနဲ့ တွေ့ဆုံဖို့ရှိတဲ့ ကိစ္စနဲ့ ပတ်သက်ပြီး တိုင်ပင်ဆွေးနွေးဖို့ အတွက် ပါတီ အရေးပေါ်အစည်းအဝေး ခေါ်ယူခဲ့တာ ဖြစ်ကြောင်း နိုင်ငံဟာက ဘီဘီစီကို ပြောပါ တယ်။
ဒါပေမယ့်လည်း အစိုးရနဲ့ ဆွေးနွေးမယ့်ရက် အတိအကျကိုတော့ မပြောနိုင် သေးဘူးလို့ ဆိုပါတယ်။
ပြီးခဲ့တဲ့ ဖေဖေါ်ဝါရီလ (၁) ရက်နေ့ က အစိုးရရဲ့ ပြည်ထောင်စုငြိမ်းချမ်းရေး ဖေါ်ဆောင်ရေး ကော်မီတီနှင့် မွန်ပြည်သစ်ပါတီတို့ ဆွေးနွေးထားခဲ့တဲ့ အချက် (၅) ချက် ကို အခု အရေးပေါ် အစည်းအဝေးမှာ တင်ပြ ဆွေးနွေးကြမှာ ဖြစ်တယ်လို့ သိရပါတယ်။
အခု အရေးပေါ် အစည်းအဝေးရဲ့ ဆုံးဖြတ်ချက်အတိုင်း အစိုးရနဲ့ ဆက်ဆွေးနွေးရေးကို ဆောင်ရွက်သွားမှာ ဖြစ်တယ်လို့ အစည်းအဝေးကို တက်ရောက်တဲ့ ဗဟိုကော်မီတီဝင် တဦးက ပြောပါတယ်။
ဒေါ်အောင်ဆန်းစုကြည် စိန်ခေါ်ခံရ
ဒေါ်အောင်ဆန်းစုကြည်ရဲ့မဲဆန္ဒနယ် ယှဉ်ပြိုင်ခွင့်ကို ပြိုင်ဘက်တဦးက ကန့်ကွက်လာတယ်လို့ အမျိုးသား ဒီမိုကရေစီ အဖွဲ့ချုပ်က ဆိုပါတယ်။
မြန်မာ ရွေးကောက်ပွဲ ဥပဒေ အရ ပြည်ပ အထောက်အပံ့ နဲ့ ပိုင်ဆိုင်မှု ရယူ ခံစားခွင့် ရှိသူများကို ယှဉ်ပြိုင်ခွင့် မပြုပါဘူး။
ဒေါ်အောင်ဆန်းစုကြည်ရဲ့ မိသားစုဟာ ဗြိတိန်မှာ နေထိုင်တာပါ။ ပါတီ ပြောခွင့်ရ ဦးဉာဏ်ဝင်းကတော့ ဒီစွပ်စွဲချက်ဟာ အခြေအမြစ် မရှိဘူးလို့ ဆိုပါတယ်။
ကန့်ကွက်ချက်ကို တိုင်း ရွေးကောက်ပွဲ ကော်မရှင်က စီရင် ဆုံးဖြတ်မှာ ဖြစ်ပါတယ်။
ဒေါ်အောင်ဆန်းစုကြည်နဲ့ ဧပြီ ကြားဖြတ် ရွေးကောက်ပွဲမှာ ကော့မှူးက ဝင်အရွေးခံမယ့် ညီညွတ်ရေးနှင့် ငြိမ်းချမ်း ရေးပါတီက ဦးတင်ရီက ကန့်ကွက်ခဲ့တာ ဖြစ်ပါတယ်။
အီရန်ကြောင့် စစ်အေးတိုက်ပွဲ ဖြစ်လာနိုင်အီရန်အပေါ် စစ်ရေးအရ တုံ့ပြန်တာတွေကို သူ့အနေနဲ့ အားပေးမှာ မဟုတ်ဘူးလို့ပြော
အီရန်နိုင်ငံရဲ့ နျူးကလီးယား ရည်မှန်းချက် တွေကြောင့် အရှေ့အလယ်ပိုင်းဒေသမှာ စစ်အေး တိုက်ပွဲသစ် တခု ဖြစ်လာနိုင်တယ် လို့ ဗြိတိန် နိုင်ငံခြားရေးဝန်ကြီး ဝီလီယံဟိတ်က ပြောကြား လိုက်ပါတယ်။
အီရန်အနေနဲ့ နျူးကလီးယား လက်နက် ထုတ်လုပ် နိုင်တဲ့ အခြေအနေ ရရှိ သွားမယ် ဆိုရင် အဲဒီဒေသတွင်း တခြားနိုင်ငံတွေ ကလည်း နျူကလီးယား လက်နက် လိုက်ထုတ် ချင်ကြလိမ့်မယ်လို့ မစ္စတာ ဟိတ်ကပြော ပါတယ်။
ဒါဆိုရင်တော့ ၁၉၄၀ ခုနှစ်တွေအတွင်းက စတင်ခဲ့တဲ့ နျူးကလီးယားလက်နက် ထုတ်လုပ်မှု ဟာ အခုအချိန်မှာ ထုတ်လုပ်မှု အမြင့်မားဆုံး အနေအထားကို ရောက်ရှိစေနိုင် ပါတယ်။
မစ္စတာဟိတ်က အီရန်ကို စစ်ရေးအရ တုံ့ပြန်မှုတွေလုပ်တာကို သူ့အနေနဲ့ အားပေးမှာ မဟုတ်ဘူးလို့ the Daily Telegraph သတင်းစာနဲ့ မေးမြန်းခန်းမှာ ပြောကြားသွားပါတယ်။
အနောက်နိုင်ငံတွေကလည်း ပိတ်ဆို့အရေးယူမှုနဲ့ ဖိအားပေးမှု ဗျူဟာတွေကို ဆက်လက် လုပ်ဆောင်သင့်ကြောင်းနဲ့ တချိန်တည်း မှာပဲ စေ့စပ်ဆွေးနွေးရေးကိုလည်း လုပ်ဆောင်သင့် တယ်လို့ မစ္စတာဟိတ်က ပြောကြားသွားပါတယ်။
ကန်အစိုးရ ငွေချေး စာချုပ် အတုများ ဖမ်းဆီးရမိသန်းပေါင်း သန်းဂဏန်းရှိ ကန် အစိုးရ ငွေချေး စာချုပ်များ ဖမ်းမိ
အမေရိကန် ဒေါ်လာ သန်းပေါင်း သန်းဂ ဏန်း ရှိတဲ့ အမေရိကန် အစိုးရ ငွေချေး စာချုပ် အတုတွေကို အီတလီ ရဲတွေက ဖမ်းဆီး ရမိခဲ့ပါတယ်။
ငွေချေးစာချုပ် အတုတွေရဲ့တန်ဖိုးဟာ ကန်ဒေါ် လာ သန်းပေါင်း ခြောက်သန်း ရှိပြီး အမေရိကန် အစိုးရရဲ့ လက်ရှိ စုစုပေါင်း အကြွေး ပမာဏရဲ့ တဝက်နဲ့ ညီမျှပါတယ်။
အရင်ကလည်း ဒီလို စာချုပ် အတုတွေ မိဖူးပြီး ငွေချေး စာချုပ်တွေကို သံသေတ္တာ သုံးလုံးထဲ ထည့်ထားတာ တွေ့ရပြီး ငွေချေး စာချုပ် တစောင်ဟာ အမေရိကန် ဒေါ်လာ သန်းတထောင် တန်ပါတယ်။
ဒီငွေချေးစာချုပ် အတုတွေ ထည့်ထားတဲ့ သံသေတ္တာသုံးလုံးကို ဆွတ်ဇာလန်ရဲ့ ဘဏ္ဍာရေး မြို့တော် ဖြစ်တဲ့ ဇူးရစ်က ဂိုဒေါင် တခုမှာ ဖမ်းဆီး ရမိခဲ့ပါတယ်။
ဒီငွေချေးစာချုပ် အတုတွေ ပြန့်ပွားရင် ကမ္ဘာ့ အကြွေး အရောင်းအဝယ် လုပ်တဲ့ စနစ်ကို အကြီးအကျယ် သွားထိခိုက်နိုင်တယ်ဆိုပြီး အီတလီ အာဏာပိုင်တွေက ပြောပါတယ်။
ဒီသန်းပေါင်း ခြောက်သန်းဆိုတဲ့ ပမာဏဟာ တရုတ်နိုင်ငံရဲ့ တနှစ် ဂျီဒီပီနဲ့ ညီမျှပါတယ်။
အီတလီရဲကတော့ ဒီငွေချေး စာချုပ်တွေကို ဖွံဖြိုးဆဲ နိုင်ငံတွေကို နည်းနည်းချင်း ဖဲ့ဖဲ့ ရောင်းဖို့ ကြံစည်နေတာ ဖြစ်နိုင်တယ်လို့ ထင်ကြေး ပေးပါတယ်။
၂၀၁၀ ခုနှစ်တုန်းကလည်း ခုလို ငွေချေး စာချုပ် အတုတွေ မိဖူးပြီး အဲဒိတုန်းကတော့ သန်း ငါးရာဖိုးပဲ ရှိပါတယ်။
ဒီအဖြစ်အပျက် နှစ်ခု ဆက်စပ်နေတဲ့ ဖြစ်နိုင်ချေကို ရဲက စဉ်းစားနေပြီး မာဖီးယား ဂိုဏ်းတွေ လက်ချက် ဖြစ်နိုင်တယ်လို့လည်း ရဲက ယူဆနေပါတယ်။
ယူဆနေရုံ မက သူတို့ မှတ်တမ်း မှတ်ရာတွေထဲက မာဖီးယား ဂိုဏ်းတချို့ကို စပြီး စုံစမ်း စစ်ဆေးတာတွေ လုပ်နေတယ်လို့ သတင်းရရှိပါတယ်။
စိတ်ဝင်စားဖို့ ကောင်းတဲ့ အချက် တချက်က ခုအမှုနဲ့ ပတ်သက်ပြီး မသင်ကာသူတွေဟာ အရင်တုန်းက နိုက်ဂျီးရီးယားကို နယူးကလီးယား လက်နက် ထုတ်လုပ်ရာမှာ သုံးတဲ့ ပလူ တိုနီယံ ဒြပ်စင်တွေ ရောင်းချဖို့ ကြိုးစားခဲ့ဖူးသူတွေ ဖြစ်နေတာ တွေ့ရတယ်လို့ ဘီဘီစီ စီးပွားရေး သတင်းထောက် မတ် ဂရေဂါက သတင်း ပေးပို့ထား ပါတယ်။
ကြက်တုပ်ကွေးပိုး အကြောင်း မထုတ်သေးအချက်အလက်ကို အကြမ်းဖက် သမားတွေ အသုံးချမှာ စိတ်ပူ
H5N1 ကြက်ငှက် တုပ်ကွေး ရောဂါ ဗိုင်းရပ်ပိုး ရဲ့ အန္တရာယ်ကို နောက်ထပ် လေ့လာ သုံးသပ် ပြီးမှသာ ရိုက်နှိပ် ထုတ်ဝေ သင့်တယ်လို့ ကမ္ဘာ့ ကျန်းမာရေး အဖွဲ့ ကဆိုပါတယ်။
ကြက်ငှက် တုပ်ကွေး ဗိုင်းရပ်ပိုးကို သုတေသီတွေက အသွင်ပြောင်း ပေးခဲ့တဲ့ အတွက် လူအချင်းချင်း ကူးစက်တဲ့ အဆင့် ရောက်သွားနိုင် ပါတယ်။
အမေရိကန် လုံခြုံရေး ကျွမ်းကျင်သူ တွေက သူတို့ တွေ့ရှိချက်ကို ဖြန့်ဝေပေး ချင်ပေမယ့် ဒီအချက်အလက်ကို အကြမ်းဖက် သမားတွေက အသုံးချပြီး ကမ္ဘာပတ် ကပ်ရောဂါကြီး အဆင့် ရောက်အောင် ဖြန့်ပစ်မှာကို စိတ်ပူ နေကြပါတယ်။
ကြက်တုပ်ကွေး သုတေသန ထုတ်ဝေမှုကို ဆိုင်းငံ့ထားဖို့ ဂျီနီဗာ အစည်းအဝေးမှာ သဘောတူ ခဲ့ကြပေမယ့် ဘယ်သူမှ ဘဝင်မကျ နိုင်မယ့် သဘောတူညီ ချက်ပဲလို့ ဘီဘီစီ ဂျီနီဗာ သတင်းထောက် က ဆိုပါတယ်။
မွန်ပြည်သစ်ပါတီ အရေးပေါ်အစည်းအဝေး ကျင်းပမွန်ပြည်သစ် တပ်သားများ စစ်ရေး လေ့ကျင့်
မွန်ပြည်သစ် ပါတီရဲ့ အရေးပေါ် ဗဟို ကော်မတီ အစည်းအဝေး ကျင်းပနေရာမှာ ဖေဖော်ဝါရီ ၁ ရက် ကဆွေးနွေးထားတဲ့ အ စိုးရနဲ့ ဘဘော တူညီချက်တွေကို ဆွေးနွေး နေပါတယ်။
အပစ် အခတ် ရပ်စဲရေး နဲ့ ပတ်သက်ပြီး မွန် ပြည်သစ် ပါတီရဲ့ အဌမအကြိမ် ပါတီ ညီလာခံရဲ့ မူ ၃ ချက်ရှိပါတယ်။
တပြည်လုံး အပစ်အခတ် ရပ်ဆဲရေး၊ နိုင်ငံရေး အရ အမြန်ဆုံး တွေ့ဆုံရေး နဲ့ တိုင်းရင်းသား အဖွဲ့တွေ စုပေါင်း တွေ့ဆုံရေးတွေ ဖြစ်ပါတယ်။
ဒီအချက်တွေကို စံထားပြီးတော့ အခု အစိုးရနဲ့ သဘော တူထားတဲ့ အချက်တွေကို ဆွေး နွေးကြမှာ ဖြစ်တယ်လို့ မွန်ပြည်သစ် ပါတီ အထွေထွေ အတွင်းရေးမှူး နိုင်ဟံသာ က ပြောပါတယ်။
နိုင်ဟံသာက အစိုးရနဲ့ ဆက်ပြီး ဆွေးနွေး သွားမယ့် အကြောင်း နဲ့ ဗဟို ကော်မတီ အစည်း အဝေးရဲ့ ဆုံးဖြတ်ချက် ပေါ်မှာ မူတည် ပြီး အပစ် အခတ်ရပ်စဲရေး ဆက်လုပ် မလုပ်ကို ဆုံးဖြတ်မယ်လို့ ပြောသွား ပါတယ်။
အစိုးရ ဘက်ကလဲ ဒီ ဖေဖော်ဝါရီ လ အတွင်းမှာ ထပ်မံ တွေ့ဆုံ ဖို့ လိုလား နေတာ ဖြစ်ပါ တယ်။
မွန်ပြည်သစ် ပါတီဘက်က မွန် အမျိုးသား နေ့ ကျင်းပရေး ကိစ္စ အတွက် အလုပ်များ နေလို့ အခုမှ အစည်းအဝေးကို ကျင်းပနိုင်ခဲ့ တာ ဖြစ်ပါတယ်။
အစိုးရနဲ့ ပဏာမ သဘောတူ ထားတဲ့ ၅ ချက်ကတော့ အပစ်အခတ် ရပ်ဆဲရေး၊ ပြည်ထောင်စု အဆင့် ငြိမ်းချမ်းရေး ဆွေးနွေးရေး အဖွဲ့နဲ့ ဆွေးနွေးဖို့ မွန်ပြည်သစ် ပါတီ ကိုယ်စားလှယ် အဖွဲ့ တရားဝင် ဖွဲ့စည်းဖို့ နဲ့ ဆွေးနွေးမယ့် နေ့ရက် နဲ့ အချိန်၊ နေရာတွေကို ညှိနှိုင်းဖို့ ဖြစ် ပါတယ်။
ဒါတွေကို ဆွေးနွေးရမယ့် အကြောင်းနဲ့ အခြေအနေ အားလုံးကို သုံးသတ်ပြီး မှ ဆုံးဖြတ် နိုင်မယ်လို့ လဲ နိုင်ဟံသာက ပြောပါတယ်။
တကယ်တော့ မွန်ပြည်သစ် ပါတီဟာ ၁၉၉၅ ခုနှစ် မှာ အစိုးရနဲ့ အပစ် ရပ်စဲခဲ့ ပြီး ၂၀၁၀ ခုနှစ် အောက်တိုဘာလ မှာ နယ်ခြားစောင့် တပ်ပြဿနာ ကြောင့် အပစ်အခတ် ရပ်ဆဲရေး ပျက်ပြား သွားခဲ့ ပါတယ်။
ဒီအခြေအနေ ကနေ ၂၀၁၁ ခုနှစ် အောက်တိုဘာ လမှာ မွန်ပြည်နယ် ရေးမြို့မှာ နှစ်ဖက် ပြန်လည် ဆွေးနွေး ခဲ့ကြရာက အခုလို ပဏာမ သဘောတူ ညီချက်တွေ ပြန်လည် ရရှိခဲ့တာ ဖြစ်ပါတယ်။
ဆီးရီးယားမှာ နှစ်ဘက် ဆွေးနွေးဖို့ တရုတ်ပြောသမ္မတ အာဆတ်ဒ်နဲ့ ဆွေးနွေးနေတဲ့ တရုတ်ကိုယ်စားလှယ် အဖွဲ့
ဆီးရီးယား နိုင်ငံက ဒမတ်စကတ်စ် မြို့တော်မှာ ရောက်ရှိနေတဲ့ တရုတ် ကိုယ်စားလှယ် အဖွဲ့ဟာ သမ္မတ ဘာရှာ အဲလ် အာဆတ်ဒ်နဲ့ တွေဆုံခဲ့ပြီး သူ့ရဲ့ တပ်တွေနဲ့ အတိုက်အခံတွေ ရင်ဆိုင် နေကြတဲ့ အပေါ်မှာ ထိန်းထိန်းသိမ်းသိမ်း ရှိကြဖို့ အတွက် တိုက်တွန်း လိုက်ပါတယ်။
တရုတ် ကိုယ်စားလှယ် တွေက ဆီးရီးယားမှာ သူပုန်တွေ ဘက်ကရော အစိုးရ တပ်တွေဘက် ကပါ တိုက်ခိုက် နေကြ တာတွေကို ရပ်တန့်ပြီး ဖွဲ့စည်းပုံ မှာပြောင်းလဲမှုတွေ လုပ်ဖို့ အတွက်ကို ဆန္ဒ ခံယူပွဲ လုပ်ဖို့ ကိုလဲ တိုက်တွန်းလိုက် ပါတယ်။
တရုတ် ကိုယ်စားလှယ် ကျိုင်း ဂျုံက တရုတ်နိုင်ငံ အနေနဲ့ တိုက်ခိုက် နေကြတာကို ရပ်တန့်ဖို့နဲ့ နိုင်ငံရေး ပြုပြင် ပြောင်းလဲမှုတွေ လုပ်ဖို့ အတွက် နှစ်ဘက်စလုံးက တွေ့ဆုံဆွေးနွေး မှုတွေ လုပ်ဖို့ ကို တိုက်တွန်းကြောင်း ကို ပြောကြား သွားပါတယ်။
အဲဒီလို တွေ့ဆုံ နေကြစဉ်မှာ ဒမတ်စကတ်စ် မြို့တွင်းမှာလဲ တိုက်ခိုက်မှုတွေ ဆက်လက် ဖြစ်ပွား နေခဲ့ပါတယ်။ အဲဒီ ဒမတ်စကတ်စ် မြို့မှာ ပြုလုပ်ခဲ့တဲ့ အသုဘ တခုကနေ မြို့တွင်းမှာ အကြီးမားဆုံး ဆန္ဒပြပွဲကြီး တခု ဖြစ်ခဲ့တယ်လို့လဲ ဆိုပါတယ်။ လုံခြုံရေး တပ်တွေက ပစ်ခတ်ခဲ့တဲ့ အတွက် အနည်းဆုံး လူတဦး သေဆုံးခဲ့ပြီး နိုင်ငံတွင်း က တခြား ဒေသတွေမှာလဲ နောက်ထပ် ၁၂ ဦး အသက် ဆုံးရှုံး ခဲ့တယ်လို့ အတိုက်အခံ တွေဘက်က ပြောပါတယ်။
အီရန် နယူးကလီးယား အစီအစဉ် တိုးချဲ့မယ့်ပုံရှိအီရန် သမ္မတ နယူး ကလီးယား စက်ရုံတွေ လှည့်လည် ကြည့်ရှု
အီရန်က ယူရေနီယံ သန့်စင်ရာမှာ မရှိ မဖြစ် လိုအပ်တဲ့ စက်ပစ္စည်း အမြောက် အမြားကို ကွမ်းမြို့နားက မြေအောက် နယူး ကလီးယား စက်ရုံ တခုမှာ တပ်ဆင်ဖို့ အသင့် ဖြစ်နေပြီလို့ အိုင်အေအီးအေ သံတမန် တယောက်က ပြောလိုက်ပါတယ်။
ရာနဲ့ချီတဲ့ စင်ထရီဖြူ ကိရိယာတွေကို တပ်ဆင် ပြီးတဲ့ အခါ အီရန် အနေနဲ့ ယူရေနီယံ သြဇာ ဖြည့် လုပ်ငန်းတွေကို သိသိသာသာ အရှိန်မြှင့် လုပ်ဆောင်နိုင်မှာ ဖြစ်ပါတယ်။
အစောပိုင်းကတော့ ဗြိတိသျှ နိုင်ငံခြားရေး ဝန်ကြီး ဝီလီယံဟိတ်က အီရန်မှာ နယူးကလီး ယား နည်းပညာ ရှိသွားပြီ ဆိုရင် အရှေ့ အလယ်ပိုင်းက တခြား နိုင်ငံတွေကလည်း နယူးကလီးယား အပြိုင် တပ်ဆင်တာမျိုး ဖြစ်လာနိုင်တယ်လို့ သတိပေးလိုက်ပါတယ်။
သန့်စင်ထားတဲ့ ယူရေနီယံဟာ စွမ်းအင် ထုတ်လုပ်တဲ့ နေရာမှာ သုံးနိုင်သလို လက်နက် ထုတ်လုပ်ဖို့လည်း သုံးနိုင်ပါတယ်။
တဘက်မှာ ခုရက်ပိုင်းတွေ အတွင်းမှာ အီရန် သမ္မတ အာမက် ဒီနေဂျက်က အီရန်ဟာ တိုးတက်မှုကြီးတွေ ရနေပြီဆိုပြီး ထုတ်ဖော် ပြောဆိုခဲ့ပါတယ်။
နိုင်ငံတကာက အီရန်ကို နယူးကလီးယား သန့်စင်မှုတွေ ရပ်ဖို့ ဖိအား ပေးနေပေမယ့် ခု ရထားတဲ့ စင်ထရီဖြူ ကိရိယာတွေ တပ်ဖို့ ပြင်နေပြီဆိုတဲ့ သတင်းတွေ အတည်ဆိုရင် အီရန်ဟာ နိုင်ငံတကာက ဖိအားပေးမှုတွေကို နားထောင်ပုံ မရတာကို ပြနေပါတယ်။
အီရန် နိုင်ငံသား အများ အပြားကတော့ သူတို့ နိုင်ငံ နယူးကလီးယား နည်းပညာ ပိုင်တဲ့ နိုင်ငံ ဖြစ်လာမှာကို ဂုဏ်ယူနေပါတယ်။
တချို့ကလည်း ဂျပန်ပုံစံမျိုး၊ နယူးကလီးယားလက်နက် လက်ဝယ်ပိုင်ဆိုင်တာမျိုး မဟုတ်ပဲ နည်းပညာ ပိုင်ထားပြီး ထုတ်ချင်တဲ့ အချိန် ကောက်ထုတ်လို့ ရတဲ့ အနေ အထားကိုလည်း စဉ်းစားကောင်း စဉ်းစားနေနိုင်ပါတယ်။
အီဂျစ် ဒီမိုကရေစီရေး လှုပ်ရှားသူများကို စစ်ဆေးမယ့်ရက် သတ်မှတ်
By ဗွီအိုအေ (မြန်မာဌာန)
အီဂျစ်နိုင်ငံမှာ ပြည်ပက အစိုးရမဟုတ်တဲ့ အဖွဲ့အစည်းတွေကို တရားမ၀င် ရန်ပုံငွေ ထောက်ပံ့မှုနဲ့ ဆက်နွယ်ပြီး အမေရိကန် နိုင်ငံသား ၁၉ ယောက် အပါအ၀င် နိုင်ငံခြားသား ဒီမိုကရေစီရေး လှုပ်ရှားသူ ၄၃ ယောက်ရဲ့ အမှုကို ဒီလ ၂၆ ရက်နေ့မှာ စတင်ကြားနာမယ်လို့ အစိုးရက ကြေညာလိုက်ပါတယ်။ သူတို့အားလုံးကိုတော့ နိုင်ငံတကာ အဖွဲ့အစည်းတွေရဲ့ လုပ်ငန်းတွေကို ခွင့်ပြုချက် လိုင်စင်မရဘဲ ဆောင်ရွက်နေကြပြီး ပြည်ပကနေ ထောက်ပံ့ငွေတွေ ရယူခဲ့တယ်ဆိုတဲ့ စွပ်စွဲချက်တွေနဲ့ အရေးယူ ထားတယ်လို့လည်း နိုင်ငံပိုင် MENA သတင်းဌာနက စနေနေ့မှာ ကြေညာသွားတာပါ။
သမ္မတဟောင်း ဟိုစနီမူဘာရက် (Hosni Mubarak) ကို ရာထူးက ဖယ်ရှားပြီး အာဏာရလာတဲ့ အီဂျစ်စစ်ကောင်စီနဲ့ ဆက်ဆံရေးတွေ တိုးမြှင့်ဖို့ အမေရိကန်က ကြိုးပမ်းနေချိန်မှာပဲ နှစ်ဘက်အကြား ရှိနှင့်ပြီးသား တင်းမာမှုတွေဟာ ဒီကြေညာချက်ကြောင့် ပိုပြီး ကြီးထွားလာပါတယ်။ စွပ်စွဲခံထားရတဲ့ အမေရိကန် နိုင်ငံသားတွေထဲက တချို့ဟာ အီဂျစ်နိုင်ငံ ထွက်ခွာခဲ့ကြသလို တချို့လည်း ကိုင်ရိုမြို့တော်က အမေရိကန် သံရုံးမှာ ခိုလှုံခဲ့ကြပြီးနောက်မှာတော့ ကျန်သူတွေကို တိုင်းပြည်က ထွက်ခွာခွင့် မပေးဖို့ တားမြစ်ခဲ့တာပါ။
စွပ်စွဲခံထားရသူတွေထဲမှာ အမေရိကန် သယ်ယူပို့ဆောင်ရေးဝန်ကြီး Ray LaHood ရဲ့ သားဖြစ်သူ၊ International Republican Institute (IRI) ရဲ့ အီဂျစ်နိုင်ငံဆိုင်ရာ ညွှန်ကြားရေးမှူး Sam LaHood လည်း ပါဝင်ပါတယ်။ ကျန်နိုင်ငံခြားသား ၂၄ ယောက်ကတော့ ဂျာမန်၊ ပါလက်စတိုင်း၊ ဂျော်ဒန်နဲ့ အီဂျစ်နိုင်ငံသားတွေပါ။ အမေရိကန်ကတော့ တရားခွင်ကို ဆက်လုပ်မယ်ဆိုရင် နှစ်စဉ် အီဂျစ်ကို ပေးအပ်နေတဲ့ စစ်ရေးအကူအညီ ဒေါ်လာသန်းပေါင်း ၁,၃၀၀ ကို ဖြတ်တောက်မယ်လို့ သတိပေးထားတာ ဖြစ်ပါတယ်။
ဟောလိဝုဒ်ရုပ်ရှင်တွေ တရုတ်ဈေးကွက် ပိုဝင်နိုင်တော့မည်
By ဗွီအိုအေ (မြန်မာဌာန)
အမေရိကန်က ရုပ်ရှင်တွေကို တရုတ်နိုင်ငံ ဈေးကွက်ထဲ ပိုပြီး ကျယ်ကျယ်ပြန့်ပြန့် ဖြန့်ချိခွင့်ရမယ့် သဘောတူညီချက် တစ်ရပ်ကို တရုတ်နိုင်ငံက လက်ခံလိုက်တဲ့အပေါ် သမ္မတ ဘရက်အိုဘားမား အစိုးရနဲ့ အမေရိကန် ရုပ်ရှင် ထုတ်လုပ်သူတွေက ချီးကျူး လိုက်ကြပါတယ်။ သဘောတူညီချက်ကိုတော့ တရုတ် ဒုသမ္မတ ရှီကျင်ပင်း (Xi Jinping) ရဲ့ ၄ ရက်ကြာ အမေရိကန် ခရီးစဉ် နောက်ဆုံးနေ့ ဖြစ်တဲ့ သောကြာနေ့က ကယ်လီဖိုးနီးယားပြည်နယ် လော့စ်အိန်ဂျလိစ်မြို့မှာ ကြေညာလိုက်တာပါ။
တရုတ် ဒုသမ္မတနဲ့အတူ လိုက်ပါသွားတဲ့ အမေရိကန် ဒုသမ္မတ ဂျိုးဘိုင်ဒန် (Joe Biden) ကတော့ ဒီသဘောတူညီချက်ကြောင့် အမေရိကန် ရုပ်ရှင်လုပ်ငန်းက လူတွေ အနေနဲ့ ကြီးထွားလာနေတဲ့ တရုတ်ပရိသတ်ကို အရင်ကထက် ပိုပြီး လက်လှမ်းမီနိုင်တော့မှာ ဖြစ်တဲ့အကြောင်း ပြောသွားပါတယ်။ အမေရိကန် ရုပ်ရှင်လုပ်ငန်းအသင်း (MPAA) ရဲ့ အကြီးအကဲ အထက်လွှတ်တော် အမတ်ဟောင်း ခရစ်ဒေါ့ (Chris Dodd) ကတော့ တရုတ်နိုင်ငံက ပရိသတ်တွေဟာ အမေရိကန် ရုပ်ရှင်တွေကို နောက်ထက် ၅၀% တိုးပြီး ကြည့်ရှုလာလိမ့်မယ်လို့ ခန့်မှန်းကြောင်း ပြောဆိုခဲ့တာပါ။
တရုတ်နိုင်ငံဟာ နိုင်ငံခြားရုပ်ရှင် ပြသခွင့်ကို ခွဲတမ်းစနစ်နဲ့ ထိန်းချုပ်ထားတာဖြစ်ပြီး နှစ်စဉ် နိုင်ငံခြားရုပ်ရှင်ကား ၂၀ သာ တင်သွင်းခွင့် ပြုထားတာ ဖြစ်ပါတယ်။ တရုတ် ဒုသမ္မတ အမေရိကန်ကနေ နောက်ထပ် ခရီးဆက်ခဲ့တဲ့ အိုင်ယာလန်မှာလည်း ၃ ရက်ကြာ ခရီးစဉ်အတွင်း နှစ်ဘက်အကြား ပူးပေါင်း ဆောင်ရွက်မှုဆိုင်ရာ သဘောတူညီချက် အများအပြား ချုပ်ဆိုဖို့ ရည်ရွယ်ထားတာ ဖြစ်ပါတယ်။
ဆီးရီးယားမြို့တော်မှာ ဆန္ဒပြသူတွေကို ပစ်ခတ်
By ဗွီအိုအေ (မြန်မာဌာန)
ဆီးရီးယားမြို့တော် ဒမတ်စကက်စ်က ဈာပနအခမ်းအနားတစ်ခုမှာ ဆန္ဒပြသူတွေကို အစိုးရ လုံခြုံရေး တပ်ဖွဲ့တွေက ပစ်ခတ်ခဲ့တယ်လို့ ဆီးရီးယားအရေး တက်ကြွလှုပ်ရှားသူတွေက ပြောပါတယ်။ ဒီကနေ့ ဖြစ်ပွားတဲ့ အဲဒီပစ်ခတ်မှုကြောင့် လူ ၃ ဦး သေဆုံးခဲ့ပြီး ဒဏ်ရာရသူတွေလည်း ရှိခဲ့တယ်ဆိုပေမဲ့ ဘယ်နှစ်ဦးရှိသလဲ ဆိုတာတော့ အတိအကျ မသိရသေးပါဘူး။
ဆီးရီးယားနိုင်ငံက အကြမ်းဖက်မှုတွေကို အဆုံးသတ်ဖို့နဲ့ ရွေးကောက်ပွဲ လုပ်ငန်းစဉ်တွေကို ငြိမ်းငြိမ်းချမ်းချမ်း လုပ်ခွင့်ပေးဖို့ အစိုးရဘက်ရော အတိုက်အခံ ဘက်ရော ဘက်ပေါင်းဆုံက ၀ိုင်းလုပ်ကြဖို့ တရုတ်နိုင်ငံ ဒုတိယ နိုင်ငံခြားရေး ၀န်ကြီး ဇိုင်အီ ဂျွန်းက တိုက်တွန်းလိုက်ပါတယ်။ ဆီးရီးယားသမ္မတ ဘက်ရှာအယ်လ်အာဆဒ် နဲ့ တရုတ်နိုင်ငံ ဒုနိုင်ငံခြားရေး ၀န်ကြီးတို့ မြို့တော် ဒမတ်စကက်စ်မှာ တွေ့ဆုံခဲ့ကြပြီး အခုလို ပြောခဲ့တာပါ။
မစ္စတာ ဇိုင်အီဂျွန်းက ဆီးရီးယားက အကြမ်းဖက်မှုတွေ အားလုံးကို ချက်ချင်း ရပ်တန့်ဖို့လည်း တိုက်တွန်းခဲ့တယ်လို့ ဆိုပါတယ်။ ဆီးရီးယားမှာ အခြေခံ ဥပဒေသစ် ရေးဆွဲဖို့ လူထုဆန္ဒခံယူပွဲတွေ ပေါ်လာမယ်၊ လွှတ်တော် ရွေးကောက်ပွဲတွေလည်း အေးအေးချမ်းချမ်း ဖြစ်လာလိမ့်မယ်လို့ တရုတ်နိုင်ငံက မျှော်လင့်တယ်လို့ ဆိုပါတယ်။ ပြီးခဲ့တဲ့နှစ် မတ်လကတည်းက ဖြစ်ပွားနေခဲ့တဲ့ ဆီးရီးယားနိုင်ငံက အစိုးရ ဆန့်ကျင်ရေး လှုပ်ရှားမှုတွေနဲ့ အစိုးရဘက်က နှိမ်နင်းမှုတွေကြောင့် လူပေါင်း ခြောက်ထောင်ကျော် သေဆုံးခဲ့ရတာနဲ့ ပတ်သက်ပြီး တရုတ်နိုင်ငံကရော ရုရှား နိုင်ငံဘက်ကပါ ဆီးရီးယားအစိုးရကို အပြစ်တင် ရှုတ်ချဖို့ ငြင်းဆန်နေခဲ့ကြတာပါ။
မနေ့တုန်းကလည်း ဆီးရီးယားနိုင်ငံ ဟုမ်းစ်မြို့က သူပုန်တွေရှိတဲ့နေရာကို အစိုးရတပ်ဖွဲ့တွေက လက်နက်ကြီးတွေနဲ့ ပစ်ခတ်နေကြတယ်လို့ တက်ကြွ လှုပ်ရှားသူတွေက ပြောပါတယ်။ ဆီးရီးယား အစိုးရက လူ့အခွင့်အရေးတွေကို ချိုးဖောက်ပြီး အစိုးရ ဆန့်ကျင်သူတွေကို နှိမ်နင်းနေတာနဲ့ ပတ်သက်လို့ ကုလသမဂ္ဂ လုံခြုံရေးကောင်စီက အပြစ်တင်ရှုတ်ချလိုက်ပြီး နောက်တစ်ရက်မှာပဲ ဟုမ်းစ်မြို့မှာ လက်နက်ကြီးတွေနဲ့ တိုက်ခိုက်မှုတွေ မနေ့က ဖြစ်ပွားနေခဲ့တာပါ။ အစိုးရတပ်ဖွဲ့တွေဘက်က တင့်ကားတွေနဲ့ရော အမြောက်တွေနဲ့ပါ ပစ်ခတ်ခဲ့လို့ ဟုမ်းစ်မြို့က ရပ်ကွက်လေးခုကို ထိမှန်ခဲ့တယ်လို့ တက်ကြွလှုပ်ရှားသူတွေက ပြောပါတယ်။
အဆိုတော် Whitney Houston ဈာပန
By ဗွီအိုအေ (မြန်မာဌာန)
ကွယ်လွန်သူ ဂရမ်မီ ဂီတဆုရှင် ၀စ်တ်နီဟူစတန် (Whitney Houston) ရဲ့ဆွေမျိုး မိတ်သင်္ဂဟတွေပဲ တက်ရောက်မယ့် သီးသန့် ဈာပနအခမ်းအနားကို သူ့ရဲ့မွေးရပ်မြေ Newark မြို့က ဘုရားရှိခိုးကျောင်းမှာ ဒီကနေ့ စနေနေ့ ဒေသစံတော်ချိန် မွန်းတည့်မှာ ကျင်းပမှာဖြစ်ပါတယ်။ သူ့ရုပ်အလောင်းကို တင်ဆောင်လာတဲ့ အသုဘယာဉ်က ဘုရားရှိခိုးကျောင်းကို အခုပဲ ဆိုက်ရောက်လာတာကို ရုပ်မြင်သံကြားသတင်းမှာ တွေ့ရပါတယ်။
သူ ဆယ်ကျော်သက်တုန်းက ၀စ်တ်နီဟူစတန် ဓမ္မတေးသီဆိုခဲ့တဲ့ New Hope Baptist ဘုရားကျောင်းမှာ ကျင်းပမယ့် ဇာပနအခမ်းအနားကို ဂီတအကျော်အမော်တွေ အပါအဝင် နံမည်ကြီးတွေ တက်ရောက်ကြမှာ ဖြစ်ပါတယ်။ မိသားစုဝင်တွေကတော့ Newark က အသုဘဂေဟာမှာ မနေ့ ညနေကကျင်းပတဲ့ အသုဘရှုအခမ်းအနားကို တက်ရောက်ခဲ့ကြပါတယ်။ သူ့ရဲ့မိခင်ဖြစ်သူ Cissy Houston ၊ သူ့သမီးဖြစ်တဲ့ Bobbi Kristina Brown တို့နဲ့ ဆွေမျိုးတွေအပြင် သူ့ရဲ့ ဝမ်းကွဲအစ်မ တော်စပ်သူ အဆိုတော် Dionne Warwick နဲ့ သူ့ရဲ့ ဂီတဆရာလည်းဖြစ်၊ တေးဂီတထုတ်လုပ်ရေး လုပ်ငန်းတွေမှာ ခေါင်းဆောင်တစ်ဦးဖြစ်တဲ့ Clive Davis လည်း တက်ရောက်ခဲ့ကြပါတယ်။
အသက် ၄၈ နှစ်အရွယ် ၀စ်တ်နီဟူစတန် ကို လော့စ်အိန်ဂျဲလိစ် မြို့Beverly Hilton hotel က သူ့အခန်းရဲ့ ရေချိုးကန်ထဲမှာ သေဆုံးနေတာကို တွေ့ခဲ့ရပြီး တစ်ပတ်အကြာ ဒီကနေ့ စနေနေ့မှာပဲ သူ့အတွက် ဇာပန အခမ်းအနား ကျင်းပကြမှာ ဖြစ်ပါတယ်။ ဖိတ်ကြားခံရသူပဲ တက်ရောက်ခွင့်ရမယ့် ဒီဈာပန အခမ်းအနားမှာ ဂီတလောကမှာ တကယ်သမိုင်းဝင်သူတွေ ဖြစ်ကြတဲ့ Stevie Wonder နဲ့ Aretha Franklin တို့ သီချင်းသီဆို ဖျော်ဖြေကြမှာပါ။
သူ့ရဲ့ ခင်ပွန်းဟောင်း အဆိုတော် Bobby Brown လည်း ဒီအခမ်းအနားးကို တက်ရောက်ဖို့ရှိပါတယ်။ ဒီဈာပန အခမ်းအနားက သီးသန့် ကျင်းပမှာဖြစ်ပေမဲ့ အများပြည်သူကို ရုပ်မြင်သံကြားကနေ တိုက်ရိုက် ထုတ်လွှင့်ပြသမှာပါ။ သူ့ရဲ့ ရုပ်အလောင်းကို နယူးဂျာဇီ သုဿန်မှာ သူ့ရဲ့ဖခင် ရဲ့ ရုပ်အလောင်းဘေးမှာ မြှုပ်နှံမှာဖြစ်ပါတယ်။ သူ ဘာကြောင့် သေဆုံးရလဲ ဆိုတဲ့ အကြောင်းရင်းကိုတော့ နောက်သီတင်းပတ် အတော်ကြာတဲ့အထိ သိနိုင်ဦးမှာ မဟုတ်ပါဘူး။
ထိုင်းဝန်ကြီးချုပ်ဟောင်း အဘီဆစ် ဒေါ်စုနဲ့ တွေ့ဆုံ
By မသင်းသီရိ
မြန်မာနိုင်ငံရဲ့ ဒီမိုကရေစီ ပြုပြင် ပြောင်းလဲမှုတွေကို ထောက်ခံ အားပေးသွားမယ်လို့ ထိုင်းဝန်ကြီးချုပ်ဟောင်း အဘီဆစ်ဝိဂျာဂျီဝ (Abhisit Vejjajiva) ကပြောသလို ဒါဟာ မြန်မာနိုင်ငံရဲ့ ရှေ့အနာဂတ် အတွက်သာမက အိမ်နီးချင်း ဒေသတွင်း နိုင်ငံတွေ အတွက်ပါ အရေးကြီးတယ်လို့လည်း ပြောပါတယ်။ မြန်မာနိုင်ငံကို ရောက်နေတဲ့ ထိုင်းဝန်ကြီးချုပ်ဟောင်း အဘီဆစ် ဟာ ဒီကနေ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံအပြီး အခုလို ပြောလိုက်တာ ဖြစ်ပါတယ်။ ဒီတွေ့ဆုံမှုအကြောင်းကိုတော့ မသင်းသီရိက တင်ပြထားပါတယ်။
ထိုင်းဝန်ကြီးချုပ်ဟောင်း အဘီဆစ်ဝိဂျာဂျီဝ ဟာ ဒီကနေ့ ဖေဖော်ဝါရီလ ၁၈ ရက် စနေနေ့ ညနေက ဒေါ်အောင်ဆန်းစုကြည်ရဲ့ နေအိမ်မှာ ဒေါ်အောင်ဆန်းစုကြည်နဲ့ ၁ နာရီ နီးပါးကြာ တွေဆုံခဲ့ပါတယ်။ ဒါဟာ ထိုင်းဝန်ကြီးချုပ်ဟောင်း အဘီဆစ်နဲ့ ဒေါ်အောင်ဆန်းစုကြည်တို့ တွေ့ဆုံမှုဟာ ပထမဆုံးအကြိမ် ဖြစ်သလို မစ္စတာ အဘီဆစ်နဲ့အတူ အရင်က နိုင်ငံခြားရေး ၀န်ကြီးဌာနက ၀န်ကြီးဟောင်းတစ်ဦး၊ ထိုင်းဝန်ကြီးချုပ်ရုံးက ၀န်ကြီးဟောင်းတစ်ဦးနဲ့ လက်ရှိ ထိုင်းသံရုံးက တာဝန်ရှိသူတွေနဲ့ပါဆိုရင် ဧည့်သည် ၇ ဦး လာခဲ့ကြတယ်လို့ ဒေါ်အောင်ဆန်းစုကြည် ရုံးက တာဝန်ခံ ဦးထင်ကျော်က ပြောပါတယ်။
ဒီတွေ့ဆုံအပြီး နေအိမ်ရှေ့မှာ သတင်းထောက်တွေကို ထွက်တွေ့ရာမှာတော့ မြန်မာနိုင်ငံထဲက ဒီမိုကရေစီရေး ကြိုးပမ်းမှုတွေကို သူ့အနေနဲ့ ထောက်ခံ အားပေးသွားမှာ ဖြစ်သလို မြန်မာပြည်ရဲ့ ပြုပြင်ပြောင်းလဲမှုတွေဟာ နိုင်ငံတွင်းမှာသာမက ဒေသတွင်းအတွက်ပါ အရေးကြီးတဲ့အကြောင်း သတင်းထောက်တစ်ဦးရဲ့ အမေးကို အခုလို ဖြေသွားပါတယ်။
“မြန်မာနိုင်ငံရဲ့ ဒီမိုကရေစီရေး လုပ်ငန်းစဉ်တွေကို ထောက်ခံပါတယ်။ ဒါဟာ မြန်မာနိုင်ငံ အတွက်ရော ဒေသအတွက်ပါ အရေးကြီးတဲ့ ကိစ္စရပ်ပါ။ ထိုင်းနိုင်ငံအနေနဲ့ အိမ်နီးချင်းနိုင်ငံ ဖြစ်တော့ မြန်မာနိုင်ငံ ငြိမ်းချမ်းပြီး အလားအလာ ကောင်းတဲ့ ဒီမိုကရေစီ အနာဂတ်ကို မျှော်ကြည့်ရပါတယ်။ အခြား ကမ္ဘာ့နိုင်ငံတွေလိုပါပဲ၊ ထိုင်းနိုင်ငံအနေနဲ့ မြန်မာ့နိုင်ငံတွင်းက ဖြစ်ထွန်း တိုးတက်မှုတွေကို အနီးကပ် စောင့်ကြည့် အကဲခတ်နေပါတယ်။ ပြီးခဲ့တဲ့ ဖြစ်ထွန်းမှုတွေ အတွက်လည်း ကျေနပ်အားရမိပါတယ်။ ဒီလို တိုးတက်မှုတွေ ဆက်ဖြစ်လိမ့်မယ်လို့လည်း မျှော်လင့်ပါတယ်။”
ထိုင်းနိုင်ငံ နယ်စပ်တွေမှာ နေထိုင်နေကြရတဲ့ မြန်မာဒုက္ခသည်အရေးနဲ့ ပတ်သက်လို့လည်း ၀န်ကြီးချုပ်ဟောင်း အဘီဆစ် က ပျော်ရွှင်မှုတွေနဲ့အတူ အာမခံချက်ရှိတဲ့ ဘ၀တွေနဲ့ ကိုယ့် ဒေသရင်းကို ပြန်နိုင်မယ့်နေ့ တနေ့ ရှိမယ်ဆိုတာကို သူ မျှော်လင့်ထားတယ် လို့လည်း ပြောပါတယ်။
“ထိုင်းနိုင်ငံတွင်းမှာ မြန်မာနိုင်ငံက ရွှေ့ပြောင်းဒုက္ခသည်တွေ အတော်များများ နှစ်ရှည်လများ ကတည်းက ရှိနေပါတယ်။ သူတို့တွေ တနေ့ အိမ်ကို ပြန်နိုင်ကြမယ်လို့ မျှော်လင့်ပါတယ်။ ဒါပေမဲ့လည်း ပြန်တယ်ဆိုတဲ့ နေရာမှာလည်း ဒီလူတွေအနေနဲ့ သူတို့နေရာမှာ ကောင်းကောင်းမွန်မွန် ပျော်ပျော်ရွှင်ရွှင် ဘ၀ရပ်တည်နေနိုင်တဲ့ အခွင့်အလမ်းတွေ ရှိဖို့လိုပါတယ်။”
ထိုင်းနိုင်ငံ ၀န်ကြီးချုပ်ဟောင်း အဘီဆစ်ဝိဂျာဂျီဝ က သတင်းထောက်တွေကို ဖြေသွားတဲ့ မြန်မာပြည် ဆိုင်ရာ သူ့သဘောထားတွေ ဖြစ်ပါတယ်။ ဒါ့အပြင် ဒေါ်အောင်ဆန်းစုကြည် ကလည်း လက်ရှိ မြန်မာနိုင်ငံ အခြေအနေတချို့ နဲ့အတူ ထိုင်းနဲ့ မြန်မာနိုင်ငံ တို့ရဲ့ ဒီမိုကရေစီရေး ကြိုးပမ်းမှုတွေထဲက သူတို့ တွေ့ကြုံခဲ့ရတဲ့ အတွေ့အကြုံတွေကို ဆွေးနွေး ဖလှယ်ဖြစ်တယ်လို့လည်း ပြောပါတယ်။
မစ္စတာ အဘီဆစ်ဟာ ထိုင်းဝန်ကြီးချုပ်အဖြစ် ၂၀၀၈ ခုနှစ်ကနေ ၂၀၁၁ ခုနှစ်ထိ ထိုင်းနိုင်ငံမှာ တာဝန်ယူ လုပ်ဆောင်ခဲ့သလို မြန်မာနိုင်ငံကို သူ ၀န်ကြီးချုပ်အဖြစ် တာဝန်ယူချိန်တွင်း ၂၀၁၀ ခုနှစ်ထဲမှာ တစ်ရက်တာခရီးစဉ် လာရောက်ခဲ့ဖူးပါတယ်။
0 comments:
Post a Comment