09.02.2012 နေ့ဖတ်ရန်သတင်းများ

by Myanmar Journal on Thursday, February 9, 2012 at 6:36am ·

 

 
ဆီးရီးယား အရေး ပူတင် သတိပေး
ဒါမျိုး ရုရှမှာ အဖြစ်မခံဘူးလို့ ပြည်ပ စွက်ဖက်မှုတွေကို သတိပေး

ရုရှ သမ္မတ ဗလာဒီမာ ပူတင်က နိုင်ငံတကာ အရေးမှာ သွေးထွက်သံယို ဖြစ်ရပ်တွေ ကြီးထွား လာနေတယ်၊ ဒါမျိုး ရုရှမှာ အဖြစ်မခံဘူးလို့ လို့ ဆီးရီးယား အရေး ပြည်ပ စွက်ဖက်မှုတွေကို သတိပေး လိုက်ပါတယ်။
အရင်ပတ်က ကုလသမဂ္ဂ ဆုံးဖြတ်ချက်ကို ဗီတိုအာဏာနဲ့ ပယ်ချပြီး ဆီးရီးယား အရေး နိုင်ငံတကာ ကြိုးပမ်းမှုကို ပျက်ပြားအောင် လုပ်လို့ ရုရှကို ဝေဖန်နေကြပါတယ်။
ဟွမ်းစ်မြို့မှာတော့ ဒီကနေ့ မနက်မှာ ဆီးရီးယား အစိုးရတပ်တွေက ၅ ရက်အတွင်း အဆိုးဝါးဆုံး ဗုံးကြဲ ပစ်ခတ်နေတယ်လို့ ဒေသခံတွေက ဆိုပါတယ်။
နိုင်ငံတကာ အသိုင်းအဝိုင်းက မြို့ကို လျစ်လျူရှု ထားတယ် ဆိုပြီး မြို့သူ မြို့သားတွေကြား စိတ်ပျက်လက်ပျက် ဖြစ်နေကြတယ်လို့ တိုက်ခိုက်မှုကို ကိုယ်တွေ့ ကြုံနေတဲ့ ဘီဘီစီ သတင်းထောက်က ဆိုပါတယ်။
ကနေ့ လူ ၄၀ လောက် သေဆုံးတယ်လို့ နိုင်ငံရေး လှုပ်ရှားသူတွေက ဆိုပါတယ်။
မြို့ထဲမှာလည်း လျှပ်စစ် ဖြတ်တောက်ခံ နေရပြီး ဒါကြောင့် ဆေးရုံတွေမှာ လမစေ့တဲ့ မွေးကင်းစ ကလေးတွေ အတော်များများ သေဆုံးနေကြတယ်လို့ အတိုက်အခံတွေက ပြောပါတယ်။
တူရကီ အစိုးရက ဆီးရီးယား အပစ်အခတ်တွေ ရပ်စဲဖို့ သံတမန် နည်းနဲ့ ဖြေရှင်းဖို့ ကြိုးစားနေပြီး တူရကီ ကြီးကြပ်မှုနဲ့ ဆီးရီးယား အရေး နိုင်ငံတကာ စည်းဝေးပွဲ လုပ်ဖို့ ရှိတယ်လို့ သိရပါတယ်။

မြန်မာ့လေကြောင်း ခြိမ်းခြောက်စာရ
MAI လေကြောင်းကို ခြိမ်းခြောက်စာ ဘန်ကောက် မြန်မာသံရုံးကို ရောက်လာ
အလ္လာ သားတော်အဖွဲ့ ဆိုတဲ့ နာမည်နဲ့ MAI လေကြောင်းလိုင်းကို ဗုံးခွဲမယ်ဆိုတဲ့ ခြိမ်းခြောက်စာ ဘန်ကောက် မြန်မာ သံရုံးကို ရောက်လာတယ်လို့ သံရုံးဘက်က ဆိုပါတယ်။
သံရုံးက ထိုင်း နိုင်ငံခြားရေး နဲ့ လုံခြုံရေး ဌာနကို အကြောင်းကြား ထားပြီး ထိုင်းဘက်က လိုအပ်တဲ့ စုံစမ်းမှုတွေ လုပ်နေပါတယ်။
ဒီစာ မလာခင်က ဘန်ကောက် ဈေးတဈေးက မြန်မာ မိသားစုနဲ့ အစ္စလာမ် ဘာသာဝင်ကြား စကားများရာက မြန်မာ မိသားစု အဖမ်းခံရ တာကို သံရုံးကို ဖြေရှင်းပေးဖို့ စာရောက်လာ ပြီးမှ ဗုံးခွဲမယ်ဆိုတဲ့ စာရောက် လာတာမို့ ဒါဟာ အစ္စလာမ် ဘာသာဝင်ကို ဒုက္ခရောက်အောင် ဖန်တီးတာ ဖြစ်နိုင်တယ်လို့ သံရုံးတာဝန်ရှိသူက ပြောပါတယ်။
ဒီစာနဲ့ ပတ်သက်ပြီး မြန်မာပြည်က ကုလသမဂ္ဂ ဝန်ထမ်းတွေကို သတိပေးထားတယ် ဆိုတဲ့ သတင်းတွေ ထွက်လာပေမယ့် ကုလသမဂ္ဂ ပြောခွင့်ရ ပုဂ္ဂိုလ်က ထင်မြင်ချက် ပေးဖို့ ငြင်းဆို ပါတယ်။

မြန်မာနိုင်ငံ ကို ရင်းနှီးမြှုပ်နှံမှုတွေ လာမယ့် အခြေအနေ
တရုတ်မှာ လာရောက်ရင်းနှီးတဲ့ ကားစက်ရုံ တခု
မြန်မာနိုင်ငံ နဲ့ဆက်သွယ်ပြီး ကုန်သွယ်ရေး တွေ လုပ်ဖို့ ရင်းနှီးမြှုပ်နှံမှု တွေ လုပ်ဖို့ နိုင်ငံရပ်ခြား ကုမ္ပဏီ တွေ က စိတ်ဝင် တစား ရှိနေကြောင်း ကုန်သည် နှင့် စက်မှုလက်မှု လုပ်ငန်းရှင်များ အသင်း က ပြောပါတယ်။
ကုန်သည် နှင့် စက်မှုလက်မှု လုပ်ငန်းရှင်များ အသင်း ဥက္ကဌ ဦးဝင်းအောင် က ဒေသတွင်း နိုင်ငံတွေက ကုမ္ပဏီတွေရော၊ ဥရောပ နိုင်ငံတွေ က ကုမ္ပဏီတွေ ကပါ မြန်မာနိုင်ငံ ကို အခုအချိန် မှာ စိတ်ဝင်စား နေကြပြီး စီးပွားရေးဆိုင်ရာ အခွင့်အလမ်း တွေကို လာရောက် ကာ စုံစမ်း နေကြတယ်လို့ ဘီဘီစီ ကို ပြောပါတယ်။
စွမ်းအင်ပိုင်း ဆိုင်ရာ၊ သဘာဝဓာတ်ငွေ့ ဆိုင်ရာ ကဏ္ဍ တွေ၊ ကုန်ကြမ်း ကနေ ကုန်ချော ထုတ်လုပ်ရေး လုပ်ငန်းတွေ အပြင် နိုင်ငံခြား ကုန်ပစ္စည်းတွေ မြန်မာနိုင်ငံမှာ ရောင်းချ နိုင်ဖို့ ဈေးကွက် လာရှာတဲ့ ကုမ္ပဏီတွေ က အစ လာရောက် စုံစမ်းနေကြကြောင်း နဲ့ ဒီကုမ္ပဏီ တွေထဲမှာ နိုင်ငံတကာ ကုမ္ပဏီ တွေ လည်း ပါဝင်သလို အသေးစားနဲ့ အလတ်စား ကုမ္ပဏီ တွေလည်း ပါဝင်တယ် လို့ ဦးဝင်းအောင် က ပြောပါတယ်။
သူ က ဒီကုမ္ပဏီတွေဟာ လာရောက် စုံစမ်းရုံသက်သက် မဟုတ်ပဲ လက်တွေ့ လာရောက် လုပ်ကိုင်ဖို့ အတွက် လာရောက်နေကြတာ ဖြစ်ကြောင်း ပြောပါတယ်၊ အထူးသဖြင့် ဂျပန်နိုင်ငံ က ကုမ္ပဏီ တွေ မဝေးတဲ့ အနာဂတ်မှာ လာရောက် လုပ်ကိုင် ကြလိမ့်မယ် လို့ မှန်းဆ ထားတယ် လို့ ဆိုပါတယ်။
မြန်မာနိုင်ငံ က စီးပွားရေး လုပ်ငန်းရှင်ကြီး တဦး ကတော့ နိုင်ငံခြား ကုမ္ပဏီ တွေ လာစုံစမ်း နေပေမယ့် လက်တွေ့ ရင်းနှီးမြှုပ်နှံ လုပ်ကိုင်မယ့် သဘောတူညီ မှု တွေ ဘာမျှ မလုပ်ကြ သေးဘူး လို့ ပြောပါတယ်။
နိုင်ငံခြား ကုမ္ပဏီတွေ ရင်းနှီးမြှုပ်နှံမှု တွေ လုပ်ရင် ဥပဒေပိုင်းဆိုင်ရာ အကာအကွယ် လုံခြုံမှု ကင်းဝေးတဲ့ နိုင်ငံတွေ စာရင်းမှာ မြန်မာနိုင်ငံ က ထိပ်ဆုံး နိုင်ငံ ဖြစ်နေတဲ့ အကြောင်း ဗြိတိန် အခြေစိုက် Maplecroft အဖွဲ့ ဗုဒ္ဓဟူး နေ့ က အစီရင်ခံစာ ထုတ်ပါတယ်။
ကုန်သည် နှင့် စက်မှုလက်မှု လုပ်ငန်းရှင်များ အသင်းဥက္ကဌ ကတော့ မြန်မာနိုင်ငံ ဟာ အသွင်ကူးပြောင်းရေး ကာလမှာ ရှိနေပြီး ပြုပြင်သင့်တဲ့ ဥပဒေတွေ ကို ပြုပြင် နေကြောင်းနဲ့ မဝေးတဲ့ အနာဂတ်မှာ စီးပွားရေး လောက က ပိုမို လက်ခံနိုင်မယ့် ရင်းနှီးမြှုပ်နှံမှု ဆိုင်ရာ ဥပဒေ အသစ် ထွက်လာတော့မှာ လို့ ပြောပါတယ်။

မော်လဒိုက်ဗ် နိုင်ငံရေး ပဋိပက္ခ
အာဏာသိမ်းမှုနဲ့ မပတ်သက်ဘူးလို့ သမ္မတသစ် ငြင်းဆို
မော်လဒိုက်ဗ် နိုင်ငံ မြို့တော် မာလီမှာ ဒီအပတ် အစောပိုင်းက နှုတ်ထွက်ဖို့ ဖိအားပေးလို့ ဆင်းသွားရတဲ့ ပထမဆုံး အရွေးကောက်ခံ သမ္မတ ထောက်ခံသူတွေနဲ့ ရဲအကြား ပဋိပက္ခ ဖြစ်ပွားနေပါတယ်။
မော်လဒိုက်ဗ် သမ္မတဟောင်း မိုဟာမက် နာရှိ ထောက်ခံသူတွေက စစ်အာဏာ သိမ်းမှုကြောင့် သမ္မတ ထွက်ပေးရတယ် ဆိုပြီး သူ့ကို ဆက်ခံတဲ့ သမ္မတသစ် နှုတ်ထွက်ပေးဖို့ ချီတက် တောင်းဆို နေကြပါတယ်။
သမ္မတသစ် ဖြစ်လာတဲ့ မိုဟာမက် ဟာဆန်ကတော့ ဘယ်အာဏာသိမ်းမှုနဲ့မှ မပတ်သက်ဘူး လို့ ငြင်းဆိုပါတယ်။
ထိပ်တန်း တရားသူကြီး တယောက်ကို ဖမ်းဆီးလို့ ဆင်းပေးဖို့ တောင်းဆိုနေတဲ့ အတိုက်အခံ ဆန္ဒပြ သမားတွေနဲ့ စစ်အရာရှိတွေ ပူးပေါင်းသွားပြီးနောက် အင်္ဂါ နေ့မှာ မစ္စတာ နာရှိဒ် နှုတ်ထွက်ကြောင်း ကြေညာခဲ့တာပါ။

တိုင်ရီ စက်ရုံ ဆန္ဒပြမှု ဆက်ဖြစ်နေဆဲ
မကြာသေးခင် နှစ်တွေ အတွင်း အလုပ်သမား ဆန္ဒပြမှု တွေ မကြာခဏ ဖြစ်ပေါ်ခဲ့
ရန်ကုန်တိုင်း လှိုင်သာယာ မြို့နယ်က တိုင်ရီ ဖိနပ်ချုပ် စက်ရုံမှာ အလုပ်သမား ၂၀၀၀ ကျော် ဆန္ဒပြနေ ကြတာ သုံးရက် ကြာပြီ ဖြစ်ပေမယ့် အခုထိ အလုပ်ရှင်နဲ့ ပြေလည်မှု မရသေး ပါဘူး။
တရုတ်နှစ်သစ်ကူး ကာလ တုန်းက အလုပ်ရှင် က သူ့သဘောနဲ့သူ စက်ရုံကို ပိတ်လိုက်တဲ့ ရက်တွေအတွက် လခပေးဖို့ အလုပ်သမား တွေဖက်က တောင်းဆို နေကြ တာပါ။
အလုပ်ရှင်ဖက်က အလုပ်သမားတွေကို ရက်မှန်ကြေး ၁၀၀၀ ပေးမယ်လို့ဆိုပြီး သုံးရက်အတွင်း အလုပ်ပြန်ဆင်း ခိုင်းနေတယ်လို့ ဆန္ဒပြ နေတဲ့အလုပ် သမား တွေက ပြောပါတယ်။
တကယ်လို့ အလုပ်မဆင်းရင် စက်ရုံက ထုတ်ပစ်မယ် လို့လည်း ခြိမ်းခြောက် ခဲ့တယ်လို့ အလုပ်သမ တဦးက ပြောပါတယ်။
အလုပ်သမား တွေ ဘက်ကတော့ ဒါကို လက်မခံဘဲ ဆက်လက် ဆန္ဒပြမယ် လို့ ဆိုနေ ပါတယ်။
ဒီကိစ္စမှာ အလုပ်သမား ခေါင်းဆောင်တွေ အဖြစ် ကြားဝင် ဆွေးနွေး ပေးနေသူ တွေဟာ လည်း အလုပ်ရှင် ဖက်က လူတွေသာ ဖြစ်တယ်လို့ အလုပ်သမားတွေ ဖက်က ပြောပါတယ်။
အရင် အတွေ့အကြုံတွေ အရ တကယ့် အလုပ်သမား ကိုယ်စားလှယ် တွေ သွားပြီး ဆွေးနွေး ခဲ့ရာမှာ အလုပ် ရှင်က ထုတ်ပစ် ဘူးတာကြောင့်၊ ကိုယ်စား လှယ် အစစ်အမှန်တွေ မသွားရဲ ကြဘူး လို့ သူတို့က ဆိုပါတယ်။
ဒီကိစ္စကို လှိုင်သာယာ အလုပ်သမား ဌာနက လာရောက် ဖြေရှင်းပေး နေပေမယ့် အခုချိန် အထိတော့ မပြေလည်နိုင် သေးဘဲ ဖြစ်နေ ပါတယ်။

ဆီးရီးယားက ပြုပြင်မယ်လို့ပြောကြောင်း ရုရှဆို
ဆီးရီးယား သမ္မတ ဘာရှား အယ်လ် အာဆတ် က ကတိအသစ်တွေ ထပ်မံပေးတဲ့ အထဲမှာ နိုင်ငံတွင်း အကြမ်းဖက်မှု တွေ ရပ်ဆိုင်းပစ်ရေး၊ အတိုက်အခံ နဲ့ တွေ့ဆုံဆွေးနွေးမှု၊ ပြုပြင်ပြောင်းလဲရေး တွေ အကောင် အထည်ဖေါ်ရေး စတာ တွေ ပါဝင် ပါတယ်။ ဒီ အာမခံ စကားတွေ ကိုလည်း ဒမာ့စ်ကပ်စ် မြို့တော် ကို ရောက်နေတဲ့ ရုရှ နိုင်ငံခြားရေး ဝန်ကြီး ဆာဂေး လပ်ဗ့်ယောဗ့် ကို သမ္မတ အာဆတ် က ပေးခဲ့တါပါ။
မစ္စတာ လပ်ဗ့်ယောဗ့် ကလည်း သမ္မတ အနေနဲ့ ဒီကိစ္စ တွေကို အမြန်ဆုံး ဆောင်ရွက်ဖို့ လိုအပ်တယ် ဆို တာကို နားလည်တယ် လို့ ယုံကြည်ကြောင်း ပြောပါတယ်။ ဒါပေမယ့် ဆီးရီးယား က အတိုက်အခံတွေ ကတော့ သူတို့ရဲ့ ခြေကုပ် ဟုမ်းစ်မြို့ ကို လေးရက်ဆက်တိုက် တိုက်ခိုက်မှု ပြုနေတဲ့ သမ္မတ ဟာ အနှစ်သာရ ကင်းမဲ့တဲ့ ကတိစကား တွေ ပေးနေတာ လို့ စွပ်စွဲ လိုက်သလို အမေရိကန် ဘက်က တော့ အယုံအကြည် ရှိပုံ မရပါဘူး။
တချိန်ထဲ မှာပဲ ပင်လယ်ကွေ့ ပူးပေါင်းဆောင်ရွက်ရေး အဖွဲ့ ၆ နိုင်ငံ အစိုးရ တွေက ဆီးရီးယား နိုင်ငံ ကနေ သူတို့ သံအမတ်တွေ ကို ပြန်ခေါ် လိုက်သလို ၊ ဆီးရီးယား သံအမတ် တွေကို လည်း နှင်ထုတ် လိုက်ပါပြီ။
ဆီးရီးယား စစ်တပ်ဘက် ကတော့ ဟုမ်းစ် မြို့ လူထု ကို မော်တာတွေ အမြောက် လက်နက် တွေနဲ့ ဆက်လက် ပစ်ခတ်ဆဲ ဖြစ်ပါတယ်။ ဒီတိုက်ခိုက်မှု တွေရဲ့ ပစ်မှတ်က ဘာဘာအမာရ် အရပ်ကို ဖြစ်ပါတယ်။ အဆိုပါ ဒေသ တဝိုက်မှာ ရုရှ လုပ် တင့်ကားတွေ လည်း တွေ့ရတယ်လို့ မျက်မြင်သက်သေ တွေက ပြောပါတယ်။
ဟုမ်းစ် မြို့ မှာ ရောက်နေတဲ့ ဘီဘီစီ သတင်းထောက် က မြို့လူထု ဟာ စားနပ်ရိက္ခာ နဲ့ လိုအပ်တဲ့ ပစ္စည်း တွေ ရရေး အတွက် အသည်းအသန် ကြိုးပမ်းနေရ သလို မြို့တွင်းက ထွက်ပြေး ဖို့ ကြိုးပမ်းသူ တွေ အနေနဲ့ လည်း လက်ဖြောင့် သေနတ်သမား ရန် ကြောက်နေရတဲ့ အကြောင်း ပြောပြပါတယ်။

 
ဂရိနိုင်ငံ ခြွေတာရေး အစီအစဉ်
ဂရိအစိုးရ ဘက်ကနေ ခြိုးခြံ ချွေတာရေး အစီအစဉ်သစ် ကိုချပြ ပေမယ့် ညွန့်ပေါင်း ပါတီခေါင်းဆောင်ပိုင်း နဲ့ အရေးပါတဲ့ အစည်းအဝေး ကျင်းပ ရာမှာ သဘောတူညီမှု မရကြလို့ နောက်ထပ် တရက် နှောင့်နှေး သွားပါတယ်။ ဒါပေမယ့် ဝန်ကြီးချုပ်ရုံး ကတော့ ပြုပြင်ပြောင်းလဲမှု တွေနဲ့ ပတ်သက်တဲ့ သဘော တူညီချက် မူကြမ်းကို အပြီးသတ်ရေးဆွဲ ပြီးပြီ မို့ ဒီကနေ့ ဗုဒ္ဓဟူးနေ့ မှာ တော့ တရားဝင် လက်မှတ်ရေးထိုးဖြစ်ဖို့ ရှိတဲ့ အကြောင်း ဘီဘီစီ ကို ပြောပါတယ်။
အဆိုပါ ခြိုးခြံချွေတာရေး ဆိုင်ရာ အရေးယူ ဆောင်ရွက်မှု အရ လစာငွေ ၂ဝ ရာခိုင်နှုန်း လျှော့ချရေး၊ ပင်စင်လစာငွေ ဖြတ်တောက်ခြင်း၊ အစိုးရ ဝန်ထမ်းပေါင်း တသောင်း ငါးထောင် ခန့် အလုပ်ပြုတ်ဖို့ အခြေအနေ ရှိနေတာတွေ ပါဝင်ပါတယ်။
ဒီလိုမှ ပြုပြင်မှု မလုပ်ရင်၊ နိုင်ငံတကာ က ဂရိနိုင်ငံ ကို လိုအပ်တဲ့ အကူငွေ ထပ်မံ ချေးငှားခြင်းပြုမှာ မဟုတ်ဖူးလို့ ဆိုနေကြပါတယ်။


Republican သမ္မတလောင်းရွေးပွဲ Santorum ၃ ပြည်နယ်မှာ အနိုင်ရ
By ဗွီအိုအေ (မြန်မာဌာန)
Minnesota, Missouri နဲ့ Colorado ပြည်နယ် ၃ ခုမှာ အင်္ဂါနေ့ကကျင်းပခဲ့တဲ့ Republican သမ္မတလောင်း ပဏာမရွေးပွဲ တွေမှာ Rick Santorum က မဲအများဆုံးနဲ့ အနိုင်ရရှိသွားပါတယ်။
Rick Santorum က အမေရိကန်ပြည်ထောင်စုမှာ အစဉ်အလာ ထိန်းတဲ့ သမားရိုးကျဝါဒီဟာ ကောင်းကောင်း ရှင်သန်နေပါတယ်လို့ အင်္ဂါနေ့ညက အောင်ပွဲခံ မိန့်ခွန်းမှာ ပြောဆိုသွားပါတယ်။
Minnesota ပြည်နယ် Republican ပါတီဝင်တွေရဲ့ သမ္မတလောင်း ပဏာမ ရွေးချယ်ပွဲမှာ Pennsylvania ပြည်နယ် အထက်လွှတ်တော် အမတ်ဟောင်း Rick Santorum က မဲအရေအတွက် ၄၅% နဲ့ အနိုင်ရခဲ့တာပါ။ အောက်လွှတ်တော် အမတ် Ron Paul ကတော့ ၂၇%၊ ထိပ်ဆုံးက တစ်ပြေးနေတဲ့ မက်ဆာချူးဆက်ပြည်နယ် အုပ်ချုပ်ရေးမှူးဟောင်း Mitt Romney ကတော့ ၁ရ% နဲ့ တတိယ လိုက်ခဲ့ပါတယ်။ အောက်လွှတ်တော် ဥက္ကဋ္ဌဟောင်း Newt Gingrich ကတော့ ဒီပြည်နယ်မှာ ဝင်မပြိုင်ခဲ့ပါဘူး။
Missouri ပြည်နယ်မှာလည်း Rick Santorum က ၅၅%၊ Mitt Romney က ၂၅% နဲ့ ဒုတိယ၊ Ron Paul က ၁၂% နဲ့ တတိယ၊ Newt Gingrich က စတုထ္ထနေရာ ရရှိခဲ့ပါတယ်။ Colorado ပြည်နယ်မှာတော့ Santorum က ၄ဝ% ကျော်၊ Romney က ၃၅%နဲ့ Newt Gingrich က ၁၃% အသီးသီး ရရှိခဲ့ပါတယ်။
ပြည်နယ် ၃ ခုစလုံးမှာ အနိုင်ရခဲ့တဲ့ Rick Santorum က သူဟာ Mitt Romney နဲ့ ဒီမိုကရက် သမ္မတ အိုဘားမားတို့ထက်စာရင် အမေရိကန်တို့ရဲ့ တန်ဘိုးနဲ့ အစဉ်အလာကို ထိန်းသိမ်းတဲ့ တကယ့် Conservative တယောက်ဖြစ်တယ်လို့ ပြောဆိုလိုက်ပါတယ်။
နိုဝင်ဘာလ သမ္မတ ရွေးကောက်ပွဲမှာ သမ္မတအိုဘားမားကို ယှဉ်ပြိုင်နိုင်ဖို့ဆိုရင် August အတွင်း ဖလော်ရီဒါပြည်နယ်မှာ ကျင်းပမယ့် Republican ပါတီ ညီလာခံမှာ သမ္မတလောင်းတဦးအနေနဲ့ ကိုယ်စားလှယ် ၁,၁၄၄ ယောက်ရဲ့ ထောက်ခံမဲ ရရှိဖို့ လိုအပ်ပါတယ်။

ဆီးရီးယားအစိုးရနှိပ်ကွပ်မှုကြောင့် အရပ်သား သေဆုံးမှုတိုး
By ဗွီအိုအေ (မြန်မာဌာန)
ဆီးရီးယားနိုင်ငံ ဟုမ်းစ်မြို့မှာ အစိုးရတပ်ဖွဲ့တွေရဲ့လက်ချက်နဲ့ အရပ်သူအရပ်သား သေဆုံးမှုတွေ တိုးလာနေတယ်လို့ ဆီးရီးယားအရေး တက်ကြွလှုပ်ရှားသူတွေကပြောပါတယ်။
ဟုမ်းစ်မြို့ဟာ ဆီးရီးယားသမ္မတ ဘက်ရှာအလ်အာဆဒ်ကို အကြီးအကျယ် ဆန့်ကျင်ကန့်ကွက်နေတဲ့ မြို့တခုဖြစ်ပြီး စီးနင်းတိုက်ခိုက်မှုတွေ တလကြာ ဆက်တိုက်ခံနေရတဲ့ မြို့လည်း ဖြစ်ပါတယ်။ လက်နက်ကြီးတွေနဲ့ ပစ်ခတ် တိုက်ခိုက်မှုတွေ ဒီကနေ့အထိ လုပ်နေတာကြောင့် သေဆုံးသူတွေ ရာနဲ့ချီ ရှိနေပြီလို့လည်း လှုပ်ရှားသူတွေကပြောပါတယ်။
လူတွေ ဘယ်လောက် ထိခိုက်သေဆုံးသလဲဆိုတဲ့ အရေအတွက်ကတော့ အတည်ပြုဖို့မဖြစ်နိုင်သေး ပါဘူး။ ဘာကြောင့်လဲဆိုတော့ ဆီးရီးယားနိုင်ငံမှာ လွတ်လပ်တဲ့ သတင်းလုပ်ငန်းတွေကို တင်းကျပ် ချုပ်ချယ်ထားလို့ပါ။ ဗြိတိန်အခြေစိုက် ဆီးရီးယားအရေး စောင့်ကြည့်လေ့လာနေတဲ့ လူ့အခွင့်အရေး အဖွဲ့ကတော့ ဒီကနေ့ တိုက်ခိုက်မှုတွေကြောင့် အဆောက်အဦး ၂၀ ကျော် အကြီးအကျယ် ပျက်စီးခဲ့ရတယ်လို့ ဆိုပါတယ်။
ဆီးရီးယားနိုင်ငံက အကျပ်အတည်းတွေကို ဆီးရီးယားနိုင်ငံသားတွေ အချင်းချင်းတွေ့ဆုံ ဆွေးနွေးပြီး အဖြေရှာသင့်တယ်။ ဆီးရီးယားက အခြေအနေတွေ ဘာဖြစ်မယ်ဆိုတာကို နိုင်ငံတကာက ကြိုပြီး ဆုံးဖြတ်တာမျိုး မဖြစ်သင့်ဘူးလို့ ရုရှားနိုင်ငံခြား ရေးဝန်ကြီး ဆာဂီ လာဗ်တော့ဗ်က ဒီကနေ့ ပြောပါတယ်။ ဆီးရီးယားသမ္မတ မစ္စတာ အာဆဒ်ကတော့ အတိုက်အခံတွေနဲ့ ပြောဆို ဆွေးနွေးမှုတွေ လုပ်ဖို့ ဒုသမ္မတကို ဦးဆောင်စေချင်တယ်လို့ မနေ့က ပြောပါတယ်။

ရွှေညဝါဆရာတော် တရားပြန်ဟောခွင့်မရသေး
By မနန္ဒာချမ်း
ဘာသာရေးတရားဟောခွင့် ၁ နှစ် ပိတ်ပင်ခံထားရတာ လာမယ့် သောကြာနေ့မှာ ပြည့်မှာဖြစ်ပေမဲ့ - တရားဟောခွင့်ကတော့ မရရှိသေးဘူးလို့ ရွှေညဝါဆရာတော် ဦးပညာသီဟ က မိန့်ကြားပါတယ်။ ဒါကြောင့် ဟောကြားဖို့ရာ လက်ခံထားခဲ့တဲ့ တချို့တရားပွဲတွေကို ဖျက်ခဲ့ရတယ်လို့ ဆိုပါတယ်။ ဒီအခြေအနေ အသေးစိတ်ကိုတော့ ရွှေညဝါဆရာတော်ကို ဆက်သွယ်မေးမြန်းထားတဲ့ မနန္ဒာချမ်း က တင်ပြပေးထားပါတယ်။
ရန်ကုန်၊ ကြည့်မြင်တိုင်မြို့နယ် သာဓု ပရိယတ္တိ စာသင်တိုက်မှာ ရွှေညဝါဆရာတော် ဦးပညာသီဟကို တရားဟောကြားခွင့် နိုင်ငံတော် သံဃာ့မဟာနာယက-က ၁ နှစ်ပိတ်ပင်ထားခဲ့တာ ဖေဖော်ဝါရီလ ၁ဝ ရက်နေ့မှာ ပြည့်မှာဖြစ်ပေမယ့် သာသနာရေးဝန်ကြီးဌာနက ခွင့်မပြုတာကြောင့် လက်ခံထားတဲ့ တရားပွဲတွေကို ဖျက်ခဲ့ရတာဖြစ်တယ်လို့ ရွှေညဝါဆရာတော်က ဗွီအိုအေကို မိန့်ကြားပါတယ်။
“ဘုန်းကြီးက ၁၁ ရက် ၁၂ ရက်နေ့ဆိုရင် တရားပွဲတွေကို လက်ခံထားတယ်။ ပထမဆုံး ကြွရမယ့်နေရာက တာချီလိတ်။ ဒီတာချီလိတ်က သာသနာရေး ဦးစီးမှူးကနေ တရားပွဲက ပိတ်ထားတယ်ဆိုရင် ဖွင့်တဲ့စာလေးလည်း လိုပါတယ်ဘုရားတဲ့။
အဲ့လိုနဲ့ နိုင်ငံတော် သံဃာ့မဟာနာယက ဆရာတော်ကြီးရဲ့ ထောက်ခံချက် လက်မှတ်ကလေး ရရင်တော့ ပြည့်စုံပါပြီဘုရားဆိုတော့ တာချီလိတ်မြို့နယ် သာသနာရေးမှူးရဲ့ အဲ့ဒီလို လျှောက်ထားချက်အရ ဘုန်းကြီးက- ရိုးရိုးကလေးပါ၊ ဒီ ၁၁ ရက် ၂ လ ၂ဝ၁၂ ကစ၍ တရားပွဲများကို ဗမာတပြည်လုံး ပြန်လည်ဟောကြားလို့ ရပါပြီဆိုတဲ့အကြောင်းကို လက်မှတ်သွားထိုးခိုင်းတော့ ဆရာတော်ကြီးကလည်း ထိုးပေးပါတယ်။ သူ့ရဲ့ စည်းတံဆိပ်လည်း ရိုက်ပေးပါတယ်။ ဒါပေမဲ့ သာသနာရေး ဝန်ကြီးဌာနက အဲ့ဒီစာရွက်ဟာ အကျုံးမဝင်ဘူး၊ တရားမဝင်ဘူး ဆက်လက်ပြီးတော့ အစည်းအဝေးထိုင် ဆုံးဖြတ်ရဦးမှာဖြစ်တယ်၊ ဆက်လက်ဆောင်ရွက်မှု မပြုဖို့ဆိုပြီးတော့ အဲ့ဒါနဲ့ တာချီလိတ်ကို ဘုန်းကြီးကြွဖို့ အစီအစဉ်ကို ဘုန်းကြီး ဖျက်လိုက်တယ်လေ”
ရွှေညဝါဆရာတော် ဦးပညာသီဟဟာ ဖေဖော်ဝါရီ ၁၁ နဲ့ ၁၂ ရက်နေ့ကစလို့ ဧပြီလဆန်းအထိ တရားပွဲတွေကို လက်ခံထားတာပါ။ ဒါပေမဲ့လည်း ဆရာတော်ကို နောက်ထပ် တနှစ် တရားဟောခွင့် ပိတ်ပင်ခဲ့ကြောင်း တရားဝင်သဘောမဟုတ်ဘဲ အကြောင်းကြားတာတွေ ရှိနေတယ်လို့ ဆရာတော်က အခုလို ဆက်မိန့်ပါတယ်။
“ကျန်တဲ့တရားပွဲတွေလည်း ဘုန်းကြီးဆီကို ဖုန်းဆက် အကြောင်းပါတယ်။ သက်ဆိုင်ရာမြို့နယ်တွေကို ပါမစ်တင်တဲ့အခါမှာ ချမပေးပါဘူးလို့ ဘုန်းကြီးဆီကို အကြောင်းကြားပါတယ်။ ဘုန်းကြီးကို ပင့်ထားတဲ့ အခြားမြို့နယ်တွေ၊ တခြားမြို့ရွာတွေကလည်း အဲ့ဒီလို ဖုန်းနဲ့ အကြောင်းကြားပါတယ်။ ဘာကြောင့်လဲလို့ မေးတဲ့အခါကျတော့ ထောက်ကြံ့မြို့နယ်က ဘုန်းကြီးကိုပင့်ထားတာ ဒီ ၂ လပိုင်းထဲမှာပဲရှိတယ်လေ။ နေ့ခင်းပိုင်းကပဲ ဘုန်းကြီးကို အကြောင်းကြားပါတယ်။ ဆရာတော် ဒီကနေ့ တပည့်တော်တို့ ပါမစ်သွားတင်တဲ့အခါမှာ မြို့နယ်ကနေပြီးတော့ ရွှေညဝါဆရာတော် ပါမစ်တင်လို့မရဘူး။ နောက်ထပ် တနှစ်ပိတ်လိုက်တယ်လို့ အဲ့ဒီလို ပြောလွှတ်လိုက်ပါတယ်တဲ့။ အဲ့တော့ တပည့်တော်တို့လည်း ပါမစ်မတင်ဘဲနဲ့ ပြန်လာရပါတယ်လို့ ဖုန်းဆက်ပြီး လျှောက်လာပါတယ်။ ဟုတ်တာ မဟုတ်တာတော့ ဘုန်းကြီးအနေနဲ့ တရားဝင်စာ မရသေးတဲ့အတွက် တိတိကျကျ မသိရသေးပါဘူး။”
ရွှေညဝါဆရာတော် ဦးပညာသီဟရဲ့ ဟောကြားချက်တွေကို သက်ဆိုင်ရာ သံဃာအဖွဲ့အစည်းက သဘောမတူတဲ့အတွက် မြန်မာနိုင်ငံအနှံ့ တရားဟောကြားခွင့်တွေကို ၂ဝ၁၁ ခုနှစ်၊ ဖေဖော်ဝါရီလ ၁၁ ရက်ကနေပြီး - ၂ဝ၁၂ ခုနှစ် ဖေဖော်ဝါရီလ ၁ဝ ရက်နေ့အထိ ပိတ်ပင်ခဲ့တာပါ။ ဒါ့ကြောင့်လည်း ပြီးခဲ့တဲ့နှစ်က မန္တလေးတိုင်း၊ မျိုးသားဒီမိုကရေစီ အဖွဲ့ချုပ်ရုံးမှာ သြဝါဒတရား ဟောကြားခဲ့တာနဲ့ ပတ်သက်ပြီး - တရားဟောခွင့် ပိတ်ပင်ထားတာကို မလိုက်နာဘဲ တရားဟောခဲ့တဲ့အတွက်ဆိုပြီး နိုင်ငံတော် သံဃာ့မဟာနာယက ကနေ - ဆရာတော် သီတင်းသုံးနေထိုင်တဲ့ သာဓု ပရိယတ္တိစာသင်တိုက်ကနေ - ဖယ်ရှားပေးဖို့ ဆုံးဖြတ်ခဲ့ပါတယ်။
ဒီလို ဆုံးဖြတ်ချက်ကို ဒီဇင်ဘာလ ၁၂ ရက်နေ့နေ့စွဲနဲ့ ရွှေညဝါဆရာတော်ဆီ ပေးပို့ခဲ့တာပါ။ ဒါကြောင့်လည်း ရွှေညဝါ ဆရာတော် ဦးပညာသီဟ ကနေ ဖေဖော်ဝါရီလ ၁၉ ရက်နေ့ ညနေ ၄ နာရီ နောက်ဆုံးထားပြီး ဖယ်ရှားပေးမယ့်အကြောင်း ခံဝန်ကတိလက်မှတ်ထိုးခဲ့ရပါတယ်။ ဒါ့အပြင် ဆရာတော်ဟာ အခုဖယ်ရှားပေးရ မယ့် သာဓု ပရိယတ္တိ စာသင်တိုက်ဟာ မြန်မာနိုင်ငံ တဝှမ်းလုံးမှာရှိတဲ့ သံဃာပေါင်း ၁ဝဝဝ ကျော်ကို နှစ်စဉ် အဘိဓမ္မာသင်တန်းတွေ ပို့ချပေးနေတာလည်း ဖြစ်ပါတယ်ရှင်။

တရားစွဲခံရမည့်ကိစ္စ ပါကစ္စတန်ဝန်ကြီးချုပ် အယူခံ
By VOA
မထေမဲ့မြင်မှု စွပ်စွဲချက်နဲ့ တရားရုံးရှေ့မှောက် ဆင့်ခေါ်ထားတဲ့ အမိန့်အပေါ် ပါကစ္စတန် ၀န်ကြီးချုပ် Yousuf Raza Gilani က တရားရုံးချုပ်မှာ အယူခံတင်သွင်း လိုက်ပါတယ်။
သမ္မတ Asif Ali Zardari အပါအ၀င် လူရာပေါင်းများစွာ အပေါ် အကျင့်ပျက် ခြစားမှု အမှုဟောင်းတွေကို ပြန်လည်ဖွင့်လှစ် စစ်ဆေးဖို့ တရားရုံးချုပ်က အစောပိုင်းမှာ ဆုံးဖြတ်ထားတဲ့ ကိစ္စနဲ့ ဆက်နွယ်ပြီး ၀န်ကြီးချုပ် အပေါ် မထေမဲ့မြင်မှုနဲ့ စွပ်စွဲထားတာပါ။
အမှုတွေအတွက် ၀န်ကြီးချုပ်ကို ဒီလ ၁၃ ရက်နေ့ တရားရုံးရှေ့မှောက် လာရောက်ဖို့လည်း တရားရုံးချုပ်က ပြီးခဲ့တဲ့ အပတ်ထဲမှာပဲ ညွှန်ကြားထားတာ ဖြစ်ပါတယ်။ ဗုဒ္ဓဟူးနေ့က တင်သွင်းတဲ့ အယူခံထဲမှာတော့ မထေမဲ့မြင်မှု စွပ်စွဲချက်ဟာ ခိုင်လုံမှု မရှိကြောင်း ချေပချက်တွေလည်း ပါဝင်တယ်လို့ ၀န်ကြီးချုပ်ရဲ့ အကျိုးဆောင် ရှေ့နေ Aitzaz Ahsan ကပြောခဲ့တာပါ။
အယူခံကိုတော့ ဒီကနေ့ ကြာသပတေးနေ့မှာ တရားသူကြီး ၈ ဦး ပါဝင်တဲ့ အဖွဲ့က ကြားနာမှာ ဖြစ်တဲ့အကြောင်း တရားရုံးချုပ်က ပြောပါတယ်။
တရားရုံး မထေမဲ့မြင်မှုအတွက် အပြစ်ရှိကြောင်း တရားရုံးက ဆုံးဖြတ်မယ် ဆိုရင်တော့ ၀န်ကြီးချုပ်ဟာ ရာထူးက ပြုတ်ပြီး ပြစ်ဒဏ် ကျခံရမှာပါ။ ၁၉၉၀ ပြည့်လွန်နှစ်တွေတုန်းက သမ္မတ Zardari နဲ့ ပါကစ္စတန် အရာရှိ အတော်များများအပေါ် အဂတိလိုက်စားမှု စွပ်စွဲချက်တွေကိုတော့ ၂၀၀၇ ခုနှစ်တုန်းက အချေအတင် ဖြစ်စရာ လွတ်ငြိမ်းချမ်းသာခွင့်နဲ့ ပလပ်ပေးခဲ့တာ ဖြစ်ပါတယ်။ ဒါပေမဲ့လည်း တရားရုံးချုပ်က လွတ်ငြိမ်း ချမ်းသာခွင့်ကို ပယ်ဖျက်လိုက်ပြီး ၂၀၀၉ ခုနှစ်မှာ အမှုတွေကို ပြန်လည်စစ်ဆေးဖို့ အစိုးရကို ညွန်ကြားခဲ့တာပါ။
ဝန်ကြီးချုပ်ကတော့ အခြေခံဥပဒေမှာ သမ္မတတာဝန် ယူထားသူအပေါ် အရေးယူဖို့ ခွင့်ပြုမထားဘူးဆိုပြီး ဆုံးဖြတ်ချက်ကို အကောင်အထည်ဖော်ဖို့ ငြင်းဆန်ထားတာ ဖြစ်ပါတယ်။

ဆီးရီးယားအရေး နိုင်ငံတကာညီလာခံ တူရကီခေါ်မည်
By VOA (မြန်မာပိုင်း)
ဆီးရီးယားနိုင်ငံ Homs မြို့မှာ အစိုးရတပ်ဖွဲ့တွေရဲ့ ဆက်လက် တိုက်ခိုက်မှုတွေကြောင့် အရပ်သားပေါင်း ဒါဇင်နဲ့ချီ သေဆုံးတဲ့ သတင်းတွေ ထွက်ပေါ်နေတဲ့ တချိန်တည်းမှာပဲ အိမ်နီးချင်း တူရကီနိုင်ငံကတော့ ဒေသတွင်း နိုင်ငံတွေနဲ့ ကမ္ဘာ့အင်အားကြီး တိုင်းပြည်တွေ ပူးပေါင်း ဆောင်ရွက်နိုင်မယ့် အစီအစဉ်တရပ်ကို အမြန်ဆုံး ရေးဆွဲနိုင်ဖို့ ပြင်ဆင်နေတယ်လို့ ပြောလိုက်ပါတယ်။

ဗြိတိန်အခြေစိုက် ဆီးရီးယား လူ့အခွင့်အရေး စောင့်ကြည့်အကဲခတ် အဖွဲ့ကတော့ စစ်တပ်က သံချပ်ကာ ကားတွေ၊ ရော့ကက်နဲ့ မော်တာအမြောက်တွေ အသုံးပြုပြီး Homs မြို့မှာ ဗုဒ္ဓဟူးနေ့က နှိမ်နင်းရာက လူ ၅၀ ထက်မနည်း သေဆုံးပြီး၊ သူပုန်တွေရှိရာ နယ်မြေ အတော်များများက အဆောက်အဦး ၂၀ လောက် ထိခိုက် ပျက်စီးခဲ့ရတယ်လို့ ပြောဆိုခဲ့တာပါ။ Homs မြို့မှာ ၅ ရက် ဆက်တိုက် အပြင်းအထန် ထိုးစစ်ဆင်ရာမှာ လူပေါင်း ရာချီ သေဆုံးခဲ့ရကြောင်းလည်း တက်ကြွ လှုပ်ရှားသူတွေက ပြောပါတယ်။

လွတ်လပ်တဲ့ မီဒီယာတွေကို အစိုးရက ခွင့်မပြုတဲ့အတွက် ထိခိုက်သေဆုံးမှု ကိန်းဂဏန်း အတိအကျကိုတော့ အတည်ပြုလို့ မရပါဘူး။ မြောက်ပိုင်း Idlib ပြည်နယ်၊ သူပုန်တွေ ထိန်းချုပ်ထားတဲ့ ဒမတ်စကတ်မြို့တော်အနီး Zabadani နဲ့ တောင်ပိုင်း Daraa ပြည်နယ်တွေက အစိုးရနဲ့ စစ်တပ်က ဘက်ပြောင်း လာသူတွေကြား အပြင်းအထန် တိုက်ခိုက်မှုတွေကိုလည်း တက်ကြွသူတွေက မှတ်တမ်း တင်ခဲ့ကြတာပါ။

ဒီအတောအတွင်း ဆီးရီးယား လူထုကို အားပေးကြောင်းနဲ့ အတိုက်အခံတွေအပေါ် ၁၁ လကြာ နှိမ်နင်းနေတဲ့ သမ္မတ Bashar al-Assad အစိုးရကို သတင်းစကားပါးနိုင်မယ့် နိုင်ငံတကာ ညီလာခံတခု ကျင်းပဖို့ ပြင်ဆင်နေကြောင်း တူရကီ နိုင်ငံခြားရေးဝန်ကြီး Ahmet Davutoglu ကပြောလိုက်ပါတယ်။

ရင်းနှီးမြုပ်နှံမှု ဥပဒေအရ အကာအကွယ်ပေးမှု မြန်မာ အားနည်းလွန်း
By သားညွန့်ဦး | ၀ါရှင်တန် ဒီစီ
မြန်မာနိုင်ငံဟာ ရင်းနှီးမြုပ်နှံမှုတွေနဲ့ စီးပွားရေးလုပ်ငန်းတွေအပေါ် ဥပဒေအရ အကာအကွယ်ပေးမှု အနည်းဆုံး နိုင်ငံတနိုင်ငံဖြစ်တယ်လို့ အင်္ဂလန်အခြေစိုက် Maplecroft စီးပွားရေးလုပ်ငန်းများဆိုင်ရာ သုတေသနအဖွဲ့တခုရဲ့ အစီရင်ခံစာမှာ ဖော်ပြထားပါတယ်။
ဒါပေမယ့် မြန်မာနိုင်ငံတွင်း ရင်းနှီးမြုပ်နှံမှုတွေကို အကာအကွယ်ပေးတဲ့ ဥပဒေတွေ ရှိပြီးသားဖြစ်ပြီး၊ ဒီ ဥပဒေတွေကို လက်တွေ့အကောင်အထည်ဖော်မှုပိုင်း အားနည်းချက်သာ ဖြစ်တယ်လို့ စီးပွားရေးလုပ်ငန်းရှင်တဦးကတော့ သုံးသပ်ပြပါတယ်။ ကိုသားညွန့်ဦးက စုံစမ်းမေးမြန်းထားပါတယ်။
ကမ္ဘာနိုင်ငံပေါင်း ၁၉၇ ခုနှစ်ကို လေ့လာထားတဲ့ Maplecroft သုတေသနအဖွဲ့ရဲ့ အစီရင်ခံစာထဲ၊ နိုင်ငံခြားရင်းနှီးမြုပ်နှံမှုတွေအပေါ် အကာအကွယ်ပေးမှု အား အနည်းဆုံး နိုင်ငံတွေထဲမှာ ရေနံနဲ့သဘာဝဓါတ်ငွေပေါကြွယ်တဲ့ မြန်မာ၊ တောင်ဆူဒန်၊ Turkmenistan လစ်ဗျား၊ အင်ဂိုလာနဲ့ အီရတ်နိုင်ငံတို့ စာရင်းထဲ ပါဝင်နေတာတွေ့ရပါတယ်။
စီးပွားရေးလုပ်ငန်းတွေအတွက် အန္တရာယ်များတဲ့ ဥပဒေစိုးမိုးမှုအားနည်းတဲ့အခြေအနေကို အဓိကဇောင်းပေး ဖော်ပြတဲ့ အစီရင်ခံစာဖြစ်ပါတယ်။ မြန်မာအပါအ၀င် အဲဒီလို ဥပဒေစိုးမိုးမှုအားနည်းတဲ့ နိုင်ငံတွေမှာ ရင်းနှီးမြုပ်နှံကြမယ့် အဖွဲ့အစည်းတွေ လုပ်ငန်းတွေအဖို့ အတော်လေး သတိထားရမယ့် အခြေအနေဖြစ်တယ်လို့ အစီရင်ခံစာရဲ့ ထုတ်ပြန်ချက်မှာ ဖော်ပြပါတယ်။
ဒါပေမယ့်လည်း မြန်မာနိုင်ငံတွင်းမှာ ရင်းနှီးမြုပ်နှံမှုဥပဒေရှိပြီးသားဖြစ်ပြီး၊ အဲဒီအပေါ်မှာ ဥပဒေစိုးမိုးမှု ကင်းမဲ့နေတာဟာ အဓိကပြဿနာဖြစ်တယ်လို့ စီးပွားရေးစီမံခန့်ခွဲပညာရပ်ဆိုင်ရာ မဟာဘွဲရ၊ လက်ရှိလည်း လုပ်ငန်းရှင်တဦးဖြစ်သူ ဦးမင်းခင်က ပြောပါတယ်။ လက်ရှိ နိုင်ငံတွင်း စီးပွားရေးလုပ်ငန်းအများစုကို တရားဝင်ဘောင်အတွင်း လုပ်နိုင်ကိုင်နိုင်ခွင့် ယှဉ်ပြိုင်နိုင်ခွင့် ရှိဖို့ အခြေအနေလိုမယ်လို့ သူက ထောက်ပြပါတယ်။
“ရှိထားတဲ့ နိုင်ငံခြားရင်းနှီးမြုပ်နှံမှုဥပဒေနဲ့ တည်ဆဲဥပဒေအရတော့ အထိုက်အလျောက်ကာကွယ်မှုက နဂိုလ်ကတည်းက ရှိပြီးသားပဲ။ အဲဒါတွေကို လက်တွေ့ကျင့်သုံးပြီး အကာအကွယ်မပေးနိုင်တာက တကယ့်ပြဿနာလို့ ထင်တယ်။ တတိုင်းပြည်လုံးမှာလည်း ယေဘူယျ ဥပဒေစိုးမိုးမှု အားနည်းလာတာ တောက်လျှောက်ဖြစ်လာခဲ့တယ်လေ။ အဲဒါတွေရဲ့ သက်ရောက်မှုရှိတယ်။ နောက်တခု လက်တွေ့စီးပွားရေးလုပ်တဲ့အခါမှာ စီးပွားရေးလုပ်ရခက်တဲ့ ကိစ္စတွေပေါ့၊ မလိုလားအပ်တဲ့ စရိတ်စကတွေ အရမ်းများပြီးတော့ လုပ်ငန်းတွေ လုပ်ရကိုင်ရ ခက်လာတာ၊ legally သွားလို့ မရတာတွေ၊ ပိုပြီး များလာတာပေါ့။ အဲဒါတွေက အခက်အခဲတွေဖြစ်လာတယ်။ အဲလိုဖြစ်လာတော့ ဒါတွေကို ရှောင်နိုင်တဲ့ နည်းလမ်းတွေ ရှာလာကြာတာတွေလည်းရှိတယ်။ ပိုပြီးတော့ legally ဥပဒေကြောင်းအရ အကာအကွယ်ပေးဖို့ ခက်လာတဲ့ အကြောင်းရပ်တွေလည်း ရှိလာပါတယ်။”
စီးပွားရေးဆောင်းပါးရှင် ခင်မောင်ညို(ဘောဂဗေဒ)ကတော့ စီးပွားရေးလုပ်ငန်းတွေကို အကာအကွယ်ပေးနိုင်တဲ ဥပဒေပြောရင် အခြေခံကအစ ပြောင်းလဲစရာတွေ အတော်များများရှိနေသေးတယ်လို့ မြင်ပါတယ်။
“အခြေခံကစပြောရမှာပဲ။ တကယ်တမ်း ဒီမှာက ပုဂ္ဂလိကပိုင်ဆိုင်မှုဆိုတာလည်း ပြောရမှာခက်တယ်။ အချို့နေရာတွေမှာ ပုဂ္ဂလိက ပိုင်ဆိုင်ခွင့်ကိုက မရှိဘူး။ ဥပမာပြောရရင် စိုက်ပျိုးရေးဆိုရင် ကိုယ်စိုက်ချင်ရာစိုက်မယ် ကိုယ်ရောင်းချင်တဲ့သူကို ရောင်းမယ် ၀ယ်ချင်တဲ့သူ ၀ယ်မယ်ပေါ့ ဒါမျိုးလေးတွေကအစ ဒီမှာတော့မရှိဘူး။ အခြေခံမှာကိုက အတော်လေး လိုသေးတာပေါ့။ လယ်ယာမြေ ပိုင်ဆိုင်ခွင့်တောင် ရှိသေးတာမဟုတ်ဘူးလေ။”
မြန်မာနိုင်ငံအပေါ် စီးပွားရေးအရ ပိတ်ဆို့အရေးယူတာတွေ ဖယ်ရှားပြီး၊ နိုင်ငံတကာရင်းနှီးမြုပ်နှံမှုတွေ ၀င်ရောက်ခွင့်ရဖို့အတွက် လက်ရှိ အစိုးရသစ်နဲ့ ပြုပြင်ပြောင်းလဲလိုသူတွေက လိုလားနေတာပါ။ မြန်မာအာဏာပိုင်တွေအနေနဲ့ နိုင်ငံခြားရင်းနှီးမြုပ်နှံသူတွေကို အခွင့်အရေးတွေ မက်လုံးတွေပေးပြီး စည်းရုံးတာမျိုးရှိပေမယ့်၊ တကယ်တမ်း ကိုယ့်အတွင်းက ပြင်ဆင်စရာတွေကို ဦးစွာဆောင်ရွက်ဖို့လိုမယ်လို့ ဦးမင်းခင်ကတော့ မြင်ပါတယ်။
“ဒီနေ့အထိက ဥပဒေစိုးမိုးရေး ဥပဒေအရ တရားဝင် လုပ်တဲ့ကိုင်တဲ့သူတွေကို အကာအကွယ်ပေးရေး တရားသဖြင့် ယှဉ်ပြိုင်ပြီး လုပ်နိုင်ရေးပေါ့ဗျာ၊ အဲဒါတွေ တဖက်က ရှိဖို့လိုတယ်။ ပြီးတော့ နိုင်ငံခြားရင်းနှီးမြုပ်နှံတဲ့သူတွေတင် မကဘူးပေါ့၊ စီးပွားရေးကို တရားသဖြင့် မှန်မှန်ကန်ကန် လုပ်တဲ့သူတွေကို သက်ဆိုင်ရာဌာနတွေက တာဝန်ခံနိုင်တဲ့ responsiblity accountability ရှိရှိ ဆောင်ရွက်ပေးနိုင်ဖို့လိုတယ်။ အဲဒါတွေ မရှိပဲ အခုနကလို အခွင့်အရေးတွေ ပေးလည်းပဲ၊ တကယ့် စီးပွားရေးလုပ်ငန်းကြီးတွေ အားကိုးလောက်တဲ့ ရင်းနှီးမြုပ်နှံမှုတွေ လာဖို့ သိပ်မလွယ်သေးဘူး။ အဲဒီအပိုင်းကိုလည်း အခုအထိ ထင်ထင်ရှားရှား မြင်ပုံမရသေးဘူးဗျ။”
Maplecroft အဖွဲ့ရဲ့ နှစ်စဉ်အစီရင်ခံစာ ငါးနှစ်တလျှောက်လုံးမှာ မြန်မာနိုင်ငံဟာ စီးပွားရေးလုပ်ငန်းတွေအတွက် စိတ်မချရတဲ့ ဥပဒေစိုမိုးမှုအနည်းဆုံး နိုင်ငံစာရင်းထိပ်ဆုံးမှာ ရှိနေခဲ့တာပါ။ မြန်မာအစိုးရဟာ မူဝါဒပိုင်းဆိုင်ရာကို ချုပ်ကိုင်ထားပြီး တရားရေးဆိုင်ရာကိစ္စရပ်တွေမှာ ၀င်ရောက်စွတ်ဖက်မှုရှိတယ်လို့ အစီရင်ခံစာမှာဖော်ပြပါတယ်။
ဒါကြောင့် စီးပွားရေးလုပ်ငန်းအခြေအနေတွေ ရေရှည်တည်တံပြီး အားကောင်းလာဖို့ဆိုရင်တော့ တရားရေးဆိုင်ရာလွတ်လပ်ခွင့်ရှိဖို့၊ လုပ်ငန်းလုပ်ကိုင်ခွင့်ဆိုင်ရာ လုပ်ငန်းပိုင်းဆိုင်ရာ လုပ်ထုံးလုပ်နည်းတွေ ပိုပြီး ပွင့်လင်းမြင်သာဖို့အပါအ၀င် ဥပဒေစိုးမိုးမှုကိစ္စရပ်တွေမှာ သိသာထင်ရှားတဲ့ တိုးတက်မှုတွေရှိလာဖို့ လိုမယ်လို့ အစီရင်ခံစာမှာ ထောက်ပြအကြံပေးထားပါတယ်။

ခေတ်အဆက်ဆက် ကျောင်းသား ခေါင်းဆောင်တွေ တွေ့ဆုံ
2012-02-08
လွန်ခဲ့တဲ့ နှစ် ၅၀ ကျော်ကစပြီး ခေတ်အဆက်ဆက် ကျောင်းသား လှုပ်ရှားမှုတွေမှာ ပါဝင်ခဲ့တဲ့ ကျောင်းသား ခေါင်းဆောင်တွေ တွေ့ဆုံပွဲကို ဒီကနေ့ ရန်ကုန်မြို့မှာ ပထမဆုံးအကြိမ် ကျင်းပခဲ့ပါတယ်။
ခေတ်အဆက်ဆက် ကျောင်းသား လှုပ်ရှားမှုတွင် ပါဝင်ခဲ့သည့် ကျောင်းသား ခေါင်းဆောင်တွေ့ဆုံပွဲ ဖိတ်ကြားလွှာ
ဒီတွေ့ဆုံပွဲနဲ့ ပတ်သက်တဲ့ ထူးခြားချက်ကတော့ လွတ်လပ်ရေး တိုက်ပွဲဝင် ခွပ်ဒေါင်းအလံကို ကျောင်းသားမျိုးဆက် အသီးသီးက လက်ဆင့်ကမ်း သယ်ဆောင်ခဲ့တာဟာ သမိုင်းပြရုပ်တစ်ခုပဲလို့ ၈၈ မျိူးဆက် ကျောင်းသား ခေါင်းဆောင် ကိုမင်းကိုနိုင်က ပြောပါတယ်။“အစိုးရ အဆက်ဆက်က ကျွန်တော်တို့ကို နာလန်မထူအောင်၊ ဒေါင်းအလံတွေ မထူနိုင်အောင် ကြိုးစားခဲ့တာပဲ။ ဒါပေမယ့် ကျွန်တော်တို့ဘက်ကလည်း ဒေါင်းအလံကို လက်ဆင့်ကမ်းနိုင်ခဲ့တာ မှန်တယ်။ ဘာကြောင့်လဲဆိုတော့ ကျောင်းသားမှာ ကျောင်းသားသွေး ရှိတယ်ဗျ။ အဲဒီသွေးက ဘယ်တော့မှ မခန်းသွားဘူး။ ကျောင်းသားတွေ ခေတ်အဆက်ဆက် စီးဆင်းခဲ့တဲ့ သွေးတွေဟာ ကျွန်တော်တို့ လက်ထက်ကနေတစ်ဆင့် အခု နောက်ဆုံး မျိုးဆက်အထိပေါ့ဗျာ၊ အဲဒါ ဆက်ပြီးတော့ စီးဆင်းနေဆဲပဲ။ ကျွန်တော်တို့က မြစ်ကြီးတစ်စင်းနဲ့တူတယ်လေ။ ဒါကြောင့် ဒီမြစ်ရေဟာ ဘယ်တော့မှ မခန်းသွားဘူး။ ရှေ့က မြစ်ရေတွေ ပင်လယ်ထဲ ရောက်သွားပေမယ့် နောက်က မြစ်က ဆက်စီးနေဆဲပဲဆိုတာ ကျွန်တော်တို့ သက်သေ ပြနိုင်ခဲ့တာပါ”ဒီတွေ့ဆုံပွဲကို ၁၉၆၂ ဆဲဗင်း ဂျူလိုင်လှုပ်ရှားမှု၊ ၁၉၇၄ ဦးသန့် အရေးအခင်းအပြင် ၁၉၈၈၊ ၁၉၉၆၊ ၁၉၉၈ နဲ့ ၂၀၀၇ ကျောင်းသား လှုပ်ရှားမှုတွေက ခေါင်းဆောင် အများအပြား တက်ရောက်ခဲ့ကြပါတယ်။ အဲဒီထဲမှာ ၁၉၆၂ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် ဥက္ကဋ္ဌဟောင်း ဦးလှရွှေနဲ့ ၁၉၇၄ ကျောင်းသား ခေါင်းဆောင် ဦးလှစောတို့လည်း ပါဝင်ကြပါတယ်။ဒီပွဲကို တက်ရောက်လာတဲ့ ကျောင်းသား ခေါင်းဆောင်အားလုံးဟာ စစ်အစိုးရ အဆက်ဆက်မှာ နှစ်ရှည်ထောင်ဒဏ် အသီးသီး ချမှတ်ခံခဲ့ရသူတွေ ဖြစ်ကြပါတယ်။