03.02.2012 နေ့ဖတ်ရန်သတင်းများ

by Myanmar Journal on Friday, February 3, 2012 at 6:55am

 

 
ဗကသ အလံ
 ဗကသ ဖြစ်မြောက်ရေး ကော်မတီ ဖွဲ့စည်း

ဗမာ နိုင်ငံလုံး ဆိုင်ရာ ကျောင်းသားများ သမဂ္ဂ ဖြစ်မြောက်ရေး ယာယီ ကော်မတီကို မန္တလေး မစိုးရိမ် ကျောင်းတိုက်မှာ ဖွဲ့စည်း လိုက်ကြောင်း ကော်မတီ ပြန်ကြားရေး တာဝန်ခံက ဘီဘီစီကို ပြောပါတယ်။
လောလောဆယ် ကော်မတီ အဖွဲ့ဝင် ကိုးဦးရှိပြီး သူတို့ အားလုံးဟာ အရင် ဗကသ၊ အကသ စစ် အစိုးရ ဆန့်ကျင်ရေး ကျောင်းတွင်း တိုက်ပွဲ တွေမှာ ပါဝင် ခဲ့သူတွေ ဖြစ်ပါတယ်။
ဥက္ကဌ၊ အတွင်းရေးမှုး မရှိဘဲ ကော်မတီ ပုံစံနဲ့ ဖွဲ့ထားတာ ဖြစ်ပါတယ်။

ကျောင်းတိုင်းမှာ ကျောင်းသားထုကို ကိုယ်စား ပြုနိုင်တဲ့ ကျောင်းသား သမဂ္ဂတွေ ပေါ် လာရေးကနေ တနိုင်ငံလုံးကို ကိုယ်စား ပြုနိုင်တဲ့ ကျောင်းသား သမဂ္ဂကြီး ဖွဲ့စည်းဖို့ ကျောင်းသား ညီလာခံကြီး ခေါ်ယူ နိုင်ဖို့ထိ ရည်ရွယ်ထားတယ်လို့ ပြန်ကြားရေး တာဝန်ခံ ကိုအောင်ကျော်မိုးက ဘီဘီစီကို ပြောပြပါတယ်။
ကျောင်းသားထုကြားမှာ သမဂ္ဂ ဖွဲ့စည်းရေးကို စိတ်ဝင်စားမှု ကြီးကြီး မားမားရှိတာ တွေ့ ရတယ်လို့ ပြောပါတယ်။
ဗကသဟာ ကျောင်းသား အဖွဲ့အစည်း ဖြစ်သလို ကိုလိုနီ ခေတ်ကနေ လွတ်လပ်ရေး ရပြီး ၁၉၆၂ အာဏာ သိမ်းချိန်ထိ တရားဝင် ရပ်တည်ခဲ့တဲ့ အဖွဲ့အစည်း ဖြစ်သလို ဗကသ အဆောက်အဦကို စစ်အာဏာပိုင်တွေက ဗုံးခွဲ ဖျက်ဆီးခဲ့ပေမယ့် တရားဝင် ပိတ်ပင်ခဲ့ခြင် မရှိပါဘူး။
ကျောင်းသားရှိရင် ကျောင်းသား သမဂ္ဂ ရှိရမယ် ဆိုတဲ့ နားလည်ချက်နဲ့ ဖွဲ့စည်းတာ ဖြစ်ပြီး အဖွဲ့အစည်း တရားဝင်မှု အတွက် ဘယ်သူ့ဆီမှာမှ မှတ်ပုံ တင်စရာ မလိုဘူးလို့ ပြန်ကြားရေး တာဝန်ခံက ပြောပါတယ်။
လက်ရှိ ကျောင်းတက်နေဆဲ ကျောင်းသား ဖြစ်ရင်ကို ကျောင်းသား သမဂ္ဂမှာ ပါဝင်လှုပ်ရှား ခွင့် ရှိစေရမှာ ဖြစ်တယ်လို့ ပြောပါတယ်။
ဒါ့အပြင် ကျောင်းသား သမဂ္ဂဟာ အမျိုးသား ဒီမိုကရေစီ အဖွဲ့ချုပ်နဲ့လည်း သက်ဆိုင်ခြင်း မရှိဘူးလို့ ဆိုပါတယ်။

အီဂျစ် ဘောလုံးပွဲ ရန်ပွဲ ၇၀ ကျော်သေ
ဒိုင် ပွဲသိမ်း ခရာ မှုတ်ပြီးပြီးချင်း အိမ်ရှင် ပရိသတ်က တဘက် အသင်း ပရိသတ်ကို ပြေးပြီး ရိုက်နှက်ခဲ့
အီဂျစ် အရှေ့ပိုင်းမှာ ဘောလုံးပွဲ တခု အတွင်း ပရိသတ်တွေ ရန်ဖြစ်ရိုက်နှက် ရာကနေ လူခုနှစ်ဆယ်ကျော် သေဆုံးပြီး ထောင်နဲ့ချီ ဒဏ်ရာရ သွားပါတယ်။
ပွဲအပြီးမှာ အိမ်ရှင် ပရိသတ်တွေက ပြိုင်ဘက် အသင်း ပရိသတ်တွေဆီ ပြေးပြီး ရိုက်နှက်ကြ ရာကနေ ရဲနှစ်ယောက် အပါအဝင် အနည်းဆုံး ၇၃ ယောက် သေဆုံးတယ်လို့ အစိုးရက ကြေညာပါတယ်။
ဒိုင်ပွဲသိမ်း ခရာမှုတ်တာနဲ့ အိမ်ရှင် အသင်း ပရိသတ်တွေက ကိုင်ရို အခြေစိုက် အဝေးကွင်း လာကစားတဲ့ အသင်းရဲ့ ကစားသမားတွေနဲ့ ပရိသတ်တွေဆီ ပြေးပြီး ရိုက်ပါတယ်။
သိပ်မကြာခင်ပဲ တဘက်နဲ့ တဘက် ခဲတွေ မီးကွင်းတွေနဲ့ ပစ်ပြီး ရုပ်ရုပ်သဲသဲနဲ့ အင်မတန်မှ အရုပ်ဆိုးတဲ့ အခြေအနေ တခုကို ပြောင်းလဲ သွားပါတော့တယ်။
ဒီအဖြစ် အပျက်နဲ့ ပတ်သက်ပြီး မေးနေကြတာက ဒီရန်ပွဲရဲ့ နောက်ကွယ်မှာ နိုင်ငံရေး ပယောဂ တခုခု ရှိနေမလား ဆိုတဲ့ မေးခွန်းတွေပဲ ဖြစ်ပါတယ်။
အီဂျစ်မှာ ဘောလုံး ဝါသနာအိုးတွေဟာ အင်မတန်မှ ဒေါသ ထွက်လွယ်သူတွေ ဖြစ်ပါတယ်။
အထူးသဖြင့် အဝေးကွင်း လာကစားတဲ့ အယ်လအာခလီ အသင်း ပရိသတ်တွေဟာ ထစ်ခနဲ ရှိ ရိုက်တတ် နှက်တတ်သူတွေ အဖြစ် နံမယ်ကြီးရုံမက မကြာခင်က ကိုင်ရိုမှာ ရဲနဲ့ ရိုက်ကြတဲ့ ပွဲတွေမှာ ရှေ့တန်းက ပါဝင်သူတွေ အဖြစ် သိကြပါတယ်။
ဒီတော့ လုံခြုံရေးတွေ၊ ရဲတွေက ကိုင်ရိုတုန်းက အဖြစ်အပျက်တွေ အတွက် လက်စား ချေချင်လို့ တမင် ရိုက်တာ ဖြစ်နိုင်တယ်ဆိုတဲ့ ထင်ကြေးပေး ပြောဆိုမှုတွေ ရှိနေပါတယ်။
အီဂျစ် သတင်းထောက် တယောက် ပြောပြတာကတော့ အီဂျစ်က လက်ရှိ အခြေအနေဟာ အရမ်းကို ပေါက်ကွဲလွယ်တဲ့ အခြေအနေမျိုး၊ ဘယ်တုန်းကနဲ့မှ မတူတဲ့ အခြေ အနေမျိုးလို့ သူက ပြောပါတယ်။
ပြောနေကြတာကတော့ အရင် အစိုးရ အဖွဲ့ဟောင်းက လူတွေဟာ ခု မွတ်စလင်ညီအကို တော်များ အဖွဲ့ အာဏာရလာပြီ ဆိုတာ သိတော့ အခြေအနေကို မတည် မငြိမ် ဖြစ်အောင် တမင် လုပ်နေတာလို့ ယူဆသူက ယူဆပါတယ်။
တချို့ကလည်း ရဲဟာ ပြီးခဲ့တဲ့ ဆန္ဒ ပြပွဲတွေကို မထိန်းနိုင်တဲ့ အတွက် ကိုယ့်ကိုယ်ကို ယုံ ကြည်ချက် ကျပြီး မလုပ်ရဲ မကိုင်ရဲ ဖြစ်နေတယ်လို့ ယူဆသူတွေ ရှိပါတယ်။
လူတွေက ရဲကို အရင်ကလို မကြောက်တော့ဘူး ဆိုတဲ့ အမြင်မျိုး ရှိလာတယ်၊ ခုလို ကလေ ကချေ မင်းမဲ့ စရိုက်ဆန်ဆန် လုပ်ရပ်တွေကို ရဲက ဘာမှ မလုပ်ရဲဘူးလို့ ယူဆပြီး အတင့်ရဲ လာတာ ဖြစ်နိုင်တယ်လို့ ပြောသူလည်း ရှိပါတယ်။
တချို့ကလည်း ခု အဖြစ်အပျက်မှာ ကိုင်ရို ဘောလုံးကလပ်အသင်း ပရိသတ် အချခံရအောင် သက်သက် ဘာမှ မလုပ်ဘဲ ရပ်ကြည့်နေတာဆိုတဲ့ ပြောဆိုမှုတွေလည်း ရှိနေတယ်လို့ ကိုင်ရို အခြေစိုက် သတင်းထောက်က ဘီဘီစီကို ပြောပြခဲ့ပါတယ်။

ဘိုကိုဟာရမ်အဖွဲ့ ရဲ့ ဖေါက်ခွဲရေးပစ္စည်းဘိုကိုဟာရမ် ပြောခွင့်ရ အရာရှိ ဖမ်းမိ
နိုက်ဂျီးရီးယား မှ ဘိုကိုဟာရမ် အစ္စလမ် အဖွဲ့ရဲ့ ပြောခွင့်ရ ပုဂ္ဂိုလ် ကို ဖမ်းဆီး မိပြီ ဖြစ်တဲ့ အကြောင်း ရဲ က ပြောပါတယ်။ ပြီးခဲ့တဲ့ လ မှာတင် လူပေါင်း ၂ဝဝ ကို သတ်ဖြတ် ခဲ့မှု မှာ သူတို့ တာဝန် ရှိ ကြောင်း ဘိုကိုဟာရမ် က ထုတ်ပြောခဲ့ပါတယ်။
အဆိုပါ ပြောခွင့်ရ အဘူကာကာ ကို နိုင်ငံ အရှေ့မြောက်ဘက်၊ ဘောနို ပြည်နယ်၊ မေဒူဂူရီ မြို့မှာ ရဲက ဖမ်းဆီးမိတာ ဖြစ်ကြောင်း အစိုးရ အရာရှိက အတည်ပြု ပြောကြားခဲ့တါပါ။
ပြီးခဲ့တဲ့ ခရစ္စမတ်နေ့ တုန်းက အဘူဂျာမြို့တော် ဘုရားရှိခိုးကျောင်း မှာ ဖေါက်ခွဲတဲ့ ဗုံးဒဏ်ကြောင့် လူပေါင်း ၄၃ ဦး သေဆုံးမှု မှာလည်း ဘိုကိုဟာရမ် က သူတို့ လက်ချက် လို့ ပြောပါတယ်။

ကင်တားနား နေပြည်တော်မှာ ဆွေးနွေး
မြန်မာနိုင်ငံ ကို ရောက်နေတဲ့ မြန်မာနိုင်ငံ ဆိုင်ရာ လူ့အခွင့်အရေး ကိုယ်စားလှယ် တောမတ်စ် အိုဟဲ ကင်တားနား ဟာ ပြီးခဲ့တဲ့ နေ့ က နေပြည်တော် မှာ ပြည်ထဲရေး ဝန်ကြီး ဒုတိယ ဗိုလ်ချုပ်ကြီး ကိုကိုလှိုင်၊ ကာကွယ်ရေး ဝန်ကြီး ဒုတိယ ဗိုလ်ချုပ်ကြီး လှမင်း၊ နယ်စပ်ရေးရာ နဲ့ မြန်မာ့ စက်မှု ဖွံ့ဖြိုးရေး ဝန်ကြီး ဒုတိယ ဗိုလ်ချုပ်ကြီး သိန်းဌေး တို့ကို နေပြည်တော် မှာ သီးခြားစီ တွေ့ဆုံ ဆွေးနွေးခဲ့ ပါတယ်။
မြန်မာနိုင်ငံ တွင်းမှာ အမျိုးသား ပြန်လည်သင့်မြတ်ရေး အခြေအနေ၊ နိုင်ငံရေး တိုးတက်ပြောင်းလဲမှု ကိစ္စရပ်၊ လူ့အခွင့်အရေး ဆိုင်ရာ လုပ်ဆောင်မှု နဲ့ လူသားချင်း စာနာမှု အတွက် အကူအညီ ပေးရေး အပိုင်းတွေ မှာ ပူးပေါင်း ဆောင်ရွက်ရေး တွေ ဆွေးနွေးခဲ့ကြောင်း မြန်မာ ရုပ်မြင်သံကြား သတင်းမှာ တင်ပြသွားပါတယ်။

အီဂျစ် ဘောလုံးရန်ပွဲ နောက်ဆက်တွဲ ဆက်တင်းမာနေ
ဗုဒ္ဓဟူးနေ့က ပို့ဆက် မြို့မှာ ဖြစ်ခဲ့တဲ့ အကြမ်း ဖက်မှုနဲ့ ဥပဒေမဲ့ ဖြစ်ရပ် တွေကြောင့် အီဂျစ် တစ်နိုင်ငံလုံးမှာ အထိတ် တလန့် ဖြစ်ပြီး တင်းမာ နေပါတယ်။
စိတ်ဆိုး နေကြတဲ့ ဘောလုံး ပရိတ်သတ် တွေက ဖြစ်ခဲ့တဲ့ ရုန်းရင်း ဆန်ခတ်မှုကို ရဲတွေက ကိုင်တွယ် ပုံ အပေါ် မကျေနပ်တဲ့ အတွက် ကိုင်ရို မြို့တော် မှာ ရှိတဲ့ Tahrir ရင်ပြင်နဲ့ အီဂျစ် ရုပ်မြင်သံကြား ဌာန တို့ကို ပိတ်ဆို့ ထားကြပါတယ်။
ဆန္ဒပြသမား တွေက ရင်ပြင်ကို ပိတ်ဆို့ဖို့ သံတုတ်တွေ ကားတွေကို သုံးခဲ့ကြ တာပါ။ မကြာခင် သူတို့က ပြည်ထဲရေး ဝန်ကြီး ဌာနကို ချီတက်သွားကြမှာ ဖြစ် ပါတယ်။
အဓိကရုဏ်းမှာ သေဆုံး သွားခဲ့ကြသူတွေ အတွက် ဝမ်းနည်းခြင်း အထိမ်း အမှတ် နေ့ သုံးရက် သတ်မှတ် ကြေညာထား ပါတယ်။
ကြာသပတေးနေ့မှာ အရေးပေါ်ခေါ်တဲ့ ပါလီမန် ကိုလည်း တစ်မိနစ် ငြိမ်သက်ပြီး ဖွင့်လှစ်ခဲ့ပါတယ်။ ပါလီမန် ဥက္ကဌ က ဖြစ်ခဲ့တဲ့ အဓိကရုဏ်းကို မကောင်းမှု လုပ်သူတွေက လုပ်ခဲ့တာ ဖြစ်ပြီး ဒီလုပ်ရပ်ကြောင့် အီဂျစ် တော်လှန်ရေးကို အန္တရာယ် ဖြစ်စေတယ်လို့ ပြောပါတယ်။
သေဆုံးသွားသူတွေ အတွက် ဈပန ကိုတော့ ကြာသပတေးနေ့ အီဂျစ် စံတော်ချိန် မွန်းလွဲပိုင်းက ပို့ဆက် မြို့မှာ ပြုလုပ် ဖို့ စီစဉ် ထားခဲ့ကြ ပါတယ်။
Port Said မှာ ဖြစ်ခဲ့တဲ့ အဲဒီ အကြမ်းဖက်မှုနဲ့ ပတ်သက်ပြီး တကယ်တန်း ဘာဖြစ်ခဲ့တယ် ဆိုတာ စုံစမ်း စစ်ဆေးဖို့ကိုလည်း အီဂျစ်ကို လက်ရှိ အုပ်ချုပ် နေတဲ့ စစ်ကောင်စီ က အမိန့် ထုတ်ထားပါ တယ်။
စိတ်ဆိုးနေကြတဲ့ Al Ahly သို့မဟုတ် Ultras အသင်းကို အားပေးကြသူ အများ ထဲက တချို့ အတွက်တော့ ဒီလို လုပ်ရုံနဲ့ မလုံလောက် ဘူးလို့ ယူဆ ပြီး Tahrir ရင်ပြင်ကို ပိတ်ဆို့ ဆန္ဒပြ နေခဲ့ကြတာပါ။
အီဂျစ် နိုင်ငံရဲ့ အကြီးဆုံး နိုင်ငံရေး လှုပ်ရှားမှု အဖွဲ့ ဖြစ်တဲ့ မူဆလင် ညီနောင်များ အဖွဲ့ ကလည်း စစ်တပ်က လုံ့ခြုံရေး ပေးဖို့ ပျက်ကွက်ခဲ့တယ်၊ သူတို့ အကျိုး အတွက် အခြေ အနေတွေ ဝရုန်းသုံးကား ဖြစ်ပြီး အေးအေးချမ်းချမ်း အာ ဏာလွှဲ ပြောင်းပေးရေးကို ဟန့်တား နိုင် အောင် ဖြစ်တယ်လို့ စွပ်စွဲ ပြောဆိုခဲ့ပါတယ်။

ဖိလစ်ပိုင် အကြမ်းဖက် ခေါင်းဆောင် အသေမိ
ဂျမား အစ္စလား မီးယား ထိပ်တန်း ခေါင်းဆောင် မာဝမ်ကို အသေမိ
အယ်လ်ခိုင်းဒါးနဲ့ အဆက်အသွယ်ရှိတဲ့ ဖိလစ်ပိုင် စစ်သွေးကြွ အဘူ ဆာယစ် နဲ့ ဂျမား အစ္စလား မီးယား အဖွဲ့တွေက အလိုရှိဆုံး ခေါင်းဆောင် ၃ ယောက်ကို ဖိလစ်ပိုင် စစ်တပ်က အသေမိခဲ့တယ်လို့ ဆိုပါတယ်။
ဂျိုလိုကျွန်းပေါ်က သူတို့အခြေစိုက်စခန်းကို ဝင်စီးချိန်မှာ သေဆုံးခဲ့တာလို့ ပြောခွင့်ရ ပုဂ္ဂိုလ် တယောက်က ဆိုပါတယ်။
အသေမိမိ အရှင်မိမိ ဒေါ်လာ ၅ သန်း ပေးမယ်လို့ အမေရိကန်က ဆုငွေထုတ် ထားတဲ့ မလေးရှား လူမျိုး မာဝမ် ကိုလည်း အသေမိခဲ့တယ်လို့ သူက ဆိုပါတယ်။
အဘူ ဆာယစ်အဖွဲ့က အနှစ် ၂၀ ကျော်အတွင်း ဖိလစ်ပိုင်မှာ ဗုံးခွဲ ပြန်ပေးဆွဲ ခေါင်းဖြတ်သတ်မှု များစွာ ကျူးလွန်ခဲ့တယ်လို့ သိရပါတယ်။

ဦးရွှေမန်းနဲ့ နိုင်ငံရေး အကျဉ်းသား ကိစ္စ ဆွေးနွေးကင်တားနား အကျဉ်းသား အရေး ဆွေးနွေး
ကုလ သမဂ္ဂ လူ့အခွင့်အရေး ကိုယ်စားလှယ် မစ္စတာ သောမတ်စ် အိုဟေး ကင်တားနား ဟာ နေပြည်တော်မှာ ပြည်သူ့ လွှတ်တော် ဥက္ကဋ္ဌ ဦးရွှေမန်းနဲ့ တွေ့ဆုံပြီး နိုင်ငံရေး အကျဉ်းသား ဆက်လွှတ်ပေးဖို့ ရှိမရှိ ဆွေးနွေးခဲ့ပါတယ်။
NLD တင်ပြတဲ့ စာရင်းအတိုင်း လွှတ်ပေးပြီး ဖြစ်ကြောင်း၊ ကျန်သေးတယ်ဆိုရင် NLD ဘက်က ထပ်တင်ပြလာရင် စိစစ် ညှိနှိုင်းပြီး ဆက်လွှတ်ပေး သွားမယ်လို့ ဦးရွှေမန်းက သတင်းထောက်တွေကို ပြောပါတယ်။
ပြည်သူ့လွှတ်တော် ဒီမိုကရေစီနဲ့ လူ့အခွင့်အရေး ကော်မတီ ဥက္ကဋ္ဌ ဦးဌေးဦးနဲ့လည်း ဘင်္ဂလားဒေ့ရှ် နယ်စပ်ကိစ္စတွေ ရှင်းလင်းခဲ့ကြတယ်လို့ သိရပါတယ်။
ရွေးကောက်ပွဲ ကော်မရှင် ဥက္ကဋ္ဌ၊ သမ္မတ အကြံပေးတွေနဲ့လည်း မစ္စတာ ကင်တားနား တွေ့ဆုံခဲ့ပါတယ်။
မြန်မာနိုင်ငံကို အင်္ဂါနေ့က စပြီး ၆ ရက်ကြာ သွားရောက်နေတဲ့ မစ္စတာ ကင်တားနားဟာ သောကြာနေ့မှာ နိုင်ငံရေး ခေါင်းဆောင်တချို့နဲ့ တွေ့ဆုံမှာ ဖြစ်ပါတယ်။

အိန္ဒိယ ဖုန်းလိုင်စင် အမှု ဆုံးဖြတ်
လိုင်စင်အလွဲ ရောင်းချမှုကြောင့် ဒေါ်လာ ဘီလျံနဲ့ ချီ နစ်နာ
အိန္ဒိယရဲ့ အကြီးဆုံး ခြစားမှုကြီး တခု ဖြစ်တဲ့ အရင် ၄ နှစ်က ဆက်သွယ်ရေး ကုမ္ပဏီတချို့ကို ထုတ်ရောင်းခဲ့တဲ့ လက်ကိုင်ဖုန်း လိုင်စင်တွေကို ပယ်ဖျက်ဖို့ အိန္ဒိယ တရား လွှတ်တော်ချုပ်က စီရင်ချက် ချခဲ့ပါတယ်။
လိုင်စင်အလွဲ ရောင်းချမှုတွေကြောင့် ဘဏ္ဍာရေး ဌာနမှာ ဒေါ်လာ ဘီလျံနဲ့ ချီ နစ်နာခဲ့တယ်လို့ အိန္ဒိယ အစိုးရ စာရင်းစစ် တွေက ဆိုပါတယ်။
လိုင်စင်ရောင်းခဲ့တဲ့ ဝန်ကြီးကတော့ လာဘ်ယူမှုနဲ့ တရားစွဲခံနေရပါတယ်။ သူ့အမှား မရှိဘူး လို့လည်း ငြင်းနေပါတယ်။
ဒီအရှုပ်တော်ပုံကြောင့် အစိုးရလာဘ်စားမှုအပေါ် မကျေနပ်ဒေါသတွေ တိုးပွား လာတယ်လို့ သတင်းထောက် တွေက ဆိုပါတယ်။

မြန်မာ့ နိုင်ငံခြား ကြွေးမြီ ဒေါ်လာ ၁၁ ဘီလျံကျော်
လွှတ်တော်မှာ နိုင်ငံတော် ဘတ်ဂျက် အရေး ဆွေးနွေး နေ
မြန်မာ နိုင်ငံရဲ့ ပြည်ပ ကြွေးမြီ ပမာဏ ဟာ အမေရိကန် ဒေါ်လာ ၁၁ ဘီလျံ ကျော် ရှိနေတယ် လို့ ဘဏ္ဍာရေး နဲ့ အခွန် ဝန်ကြီး ဦးလှထွန်း က ပြည်ထောင်စု လွှတ်တော် ကို ပြောခဲ့ ပါတယ်။
အဲဒီထဲမှာ ၁၉၈၈ ခုနှစ် မတိုင်ခင်က ချေးငွေ ဒေါ်လာ ၈.၄ ဘီလျံနဲ့ အဲဒီနှစ်နောက်ပိုင်း ချေးငွေ ဒေါ်လာ၂.၆ ဘီလျံကျော် ပါဝင် ပါတယ်။
၁၉၈၈ ခုမတိုင်ခင်တုန်းက မြန်မာနိုင်ငံကို ကမ္ဘာ့ဘဏ် က ချေးငွေ သန်း ၈၀၀ ကျော်၊ အာရှ ဖွံ့ဖြိုးရေး ဘဏ်ဆီက သန်း ၃၅၀ ကျော်ရှိ နေပြီး နိုင်ငံ တခုခြင်း အလိုက် မှာတော့ ဂျပန် နိုင်ငံ က သန်း ၆၄၀၀ နီးပါးနဲ့ အများဆုံး၊ ဂျာမနီက သန်း ၅၈၀ ကျော်နဲ့ ဒုတိယ အများဆုံး မြီရှင် ဖြစ်နေပါတယ်။
အဲဒီနှစ် နောက်ပိုင်းမှာတော့ မြန်မာကို ငွေအများဆုံး ချေးတဲ့ နိုင်ငံက တရုတ်နိုင်ငံ ဖြစ်လာပြီး ပမာဏ အားဖြင့်တော့ ဒေါ်လာသန်း ၂၁၀၀ ကျော်ရှိပါတယ်။
မြန်မာနိုင်ငံရဲ့ ကြွေးမြီ ပမာဏဟာ တကယ်တော့ နိုင်ငံ တခုအနေနဲ့ သိပ်မများ ဘူးလို့ လသာ မြို့နယ် အမျိုးသား လွှတ်တော် ကိုယ်စားလှယ် ဦးကြည်မြင့် ကဆိုပါတယ်။
ဒီအကြွေး တွေနဲ့ ပတ်သက်လို့ "ကျွန်တော်တို့က ဆပ်လိုက်ပြီ ဆိုရင် သူတို့ဘက်က နောက်ထပ် ထုတ်ချေးဖို့ ဆိုတဲ့ အနေအထားကို အော်တို ရောက်သွား တာလည်း ရှိတယ်၊ အဲဒီလို မရောက်တဲ့ အခါကျတော့ ကျွန်တော်တို့ ဘက်က ဒီအကြွေးကို မဆပ်သေး ဘဲနဲ့ ဆက်ပြီးတော့ ထုတ်ချေးဖို့ ဆိုတဲ့ကိစ္စမျိုး ဆွေးနွေး ညှိနှိုင်းမှု လုပ်နေတယ် ဆိုတဲ့ သဘောတော့ ဝန်ကြီးက ပြောသွားတယ်" လို့ ဦးကြည်မြင့်က ပြော ပါတယ်။
ထိုင်းနိုင်ငံ ချင်းမိုင်တက္ကသိုလ်က စီးပွားရေး ပညာရှင် ဒေါက်တာ ဇော်ဦး ကတော့ မြန်မာ နိုင်ငံရဲ့အကြွေး ပမာဏဟာ များတယ်လို့ ဆိုနိုင် ကြောင်း ပြောပါတယ်။
အဲဒီလိုများရတဲ့အကြောင်းက အရင်ကြွေးဟောင်း တွေကို ပြန်မဆပ်တဲ့အတွက် အတိုးနဲ့ ပေါင်းပြီး များလာတဲ့ အပိုင်းတွေလည်း ရှိတယ်လို့ သူက ဆိုပါတယ်။
အဲဒီကြွေးမြီတွေကို ပြန်ဆပ်ဖို့ ပြည်သူတွေ အပေါ် ဝန်ထုပ်ဝန်ပိုး ဖြစ်လာ နိုင်တာမို့ အစိုးရနဲ့ လူထု ခေါင်းဆောင်တွေ တွေ့ဆုံ ဆွေးနွေး အဖြေရှာ သင့်တယ်လို့ ဒေါက်တာ ဇော်ဦးက ပြောပါတယ်။
ဘဏ္ဍာရေး နဲ့ အခွန် ဝန်ကြီး က တနိုင်ငံ လုံးရဲ့ ကြွေးမြီ စုစုပေါင်းကို ပြောတာဖြစ်ပြီး တကယ်တန်း ကြွေးပြန်ဆပ် တဲ့အခါ သက်ဆိုင်ရာ ဝန်ကြီး ဌာန အလိုက် ဆောင်ရွက် ကြတာ ဖြစ်တယ်လို့ သင်္ဃန်းကျွန်း မြို့နယ် အမျိုးသား လွှတ်တော် အမတ် ဦးဖုန်းမြင့်အောင်က ဆိုပါတယ်။

HIV/AIDS ဝေဒနာရှင် စောင့်ရှောက်ရေး ရန်ပုံငွေ ဂီတပွဲကျင်းပ
ကိုရန်နိုင်
မြန်မာနိုင်ငံက HIV / AIDS ရောဂါ ဝေဒနာရှင်တွေကို ကူညီစောင့်ရှောက်ရေးအတွက် ရန်ပုံငွေ တေးဂီတ ဖျော်ဖြေပွဲကို ရန်ကုန်မြို့မှာ ဒီကနေ့ ကျင်းပခဲ့ပါတယ်။ နိုင်ငံတ၀န်းမှာရှိတဲ့ HIV / AIDS ကူညီစောင့်ရှောက် ရေးအဖွဲ့တွေ ရန်ပုံငွေ အခက်အခဲဖြစ်လာတာကို အကူအညီပေးနိုင်ဖို့ အတွက် အခုလို ကျင်းပခဲ့တာဖြစ်ပြီး၊ ဂီတ အနပညာရှင်ပေါင်းများစွာ ပါဝင်ခဲ့ကြပါတယ်။ ကိုရန်နိုင် တင်ပြထားပါတယ်။
HIV / AIDS ရောဂါ ဝေဒနာရှင်တွေကို ကုသစောင့်ရှောက်ပေးနေတဲ့ အဖွဲ့ ၇ ဖွဲ့ကို အကူအညီ ပေးနိုင်ဖို့  ရည်ရွယ်ပြီးတော့ ရန်ကုန်မြို့က ကန်တော်ကြီး မျှော်စင်ကျွန်းမှာ အခုလို ရန်ပုံငွေ ဂီတဖျော်ဖြေပွဲကို ကျင်းပ ခဲ့တာဖြစ်ပါတယ်။ မြန်မာနိုင်ငံအတွင်းက HIV / AIDS ကူညီစောင့်ရှောက်ရေးအဖွဲ့ ၇ ဖွဲ့ စုပေါင်း ဖွဲ့စည်း ထားတဲ့ အေးမြမေတ္တာ ကျန်းမာရေးစောင့်ရှောက်မှု ဖောင်ဒေးရှင်း နဲ့ အနုပညာရှင်တွေ ပူးပေါင်းလုပ်ခဲ့တာ ဖြစ်ပြီး၊ တိုင်းပြည်တွင်းလိုအပ်နေတာတွေကို စုပေါင်းလုပ်ဆောင်သွားဖို့ဖြစ်တယ်လို့ ဒီပွဲကို စီစဉ်သူတဦး ဖြစ်တဲ့ ကိုမြတ်စံ က ပြောပါတယ်။
“အဓိက ကတော့ ဒေါ်အောင်ဆန်းစုကြည်ကနေ World Aids Day မှာ ပေးလိုက်တဲ့ အမှာစကား ခင်ဗျ။ စုပေါင်းစွမ်းအားနဲ့ ကိုယ်ခံစွမ်းအားတွေကို မြှင့်တင်ကြလို့ဆိုပါတယ်။ ကိုယ့်တိုင်းပြည်တွင်း မှာရှိတဲ့ပြဿနာတွေကို အားလုံး စုပေါင်းဖြေရှင်းကြမယ်ဆိုရင် ကျနော်တို့ အောင်မြင်နိုင်တယ် ဆိုတာ ယုံကြည်တဲ့မျှော်လင့်ချက်နဲ့ ဒီပွဲကို ကျင်းပတာပါ။”
မြန်မာနိုင်ငံအတွင်း ရောဂါ ၃ မျိုး တိုက်ဖျက်ရေးအတွက် အကူအညီပေးနေတဲ့ 3D Fund ရံပုံငွေ ထောက်ပံ့မှု တွေဟာ အခက်အခဲ တွေရှိနေတဲ့အတွက် အခုနှစ်မှာ ရပ်ဆိုင်းခဲ့တာဖြစ်ပါတယ်။ အဲဒီလိုအကူအညီတွေ ရပ်ဆိုင်း ခဲ့တာကြောင့်  မြန်မာနိုင်ငံထဲမှာရှိတဲ့ HIV / AIDS ကူညီစောင့်ရှောက်ရေးအဖွဲ့တွေဟာလည်း ရန်ပုံငွေတွေကို ကိုယ်ထူကိုယ်ထရှာဖွေဖို့လိုအပ်လာနေတာဖြစ်တယ်လို့ ကိုမြတ်စံက ပြောပါတယ်။
“ဒေသတွင်းမှာ HIV ကူးစက်ခံရတဲ့သူတွေကို ဆေးကျွေးရုံတင်မဟုတ်ဘူး၊ အဲဒီလူတွေကို စောင့် ရှောက်ရတဲ့လူတွေကို စောင့်ရှောက်ဖို့ အတွက် အခက်အခဲဖြစ်လာတယ်။ အဲတော့ အဲဒါနဲ့ ပတ်သက်ပြီး ကျနော်တို့ ၇ ဖွဲ့ စုပေါင်းပြီး ဒေါက်တာတင်မျိုးဝင်း နဲ့ တိုင်ပင်ပြီး ၊ သူရဲ့ ကရုဏာ လရိပ်အပါအ၀င် အေးမြမေတ္တာ ကျန်းမာရေးစောင့်ရှောက်မှုဖောင်ဒေးရှင်း ဆိုပြီးတော့ (၇) ဖွဲ့ စလုံးကို စုပေးပြီးတော့ ကျနော်တို့ ဂီတဖျော်ဖြေပွဲအတွက် အနုပညာရှင်တွေ၊ ဂီတပညာရှင်တွေ ၊ နောက် ပန်းချီ နဲ့ကာတွန်း ပညာရှင်တွေ ပူးပေါင်းပါဝင်ပြီးတော့ မျှော်စင်ကျွန်းမှာ ကျနော်တို့ ဖျော်ဖြေပွဲကို စလုပ်တာပေါ့။ ဖျော်ဖြေပွဲနဲ့ အတူ ရရှိလာတဲ့ ရန်ပုံငွေတွေကို အဖွဲ့ (၇) ဖွဲ့က ညီမျှ စွာခွဲယူပြီးတော့ သူတို့ရဲ့ ကျန်းမာရေးစောင့်ရှောက်မှုတွေကို ဆက်ပြီးတော့ အကူအညီ ဖြစ်အောင် အသုံးချသွားမယ်လို့ သိရပါတယ်။”
ကန်တော်ကြီး မျှော်စင်ကျွန်းမှာ ဒီကနေ့ညနေမှာ ကျင်းပတဲ့ ရံပုံငွေဖျော်ဖြေပွဲကို ခေတ်ဟောင်း အဆိုတော် တွေ၊ ဂီတပညာရှင်တွေအပြင် ၊ အခုခေတ်ပေါ် လူငယ် ရက်ပ် နဲ့ ဟစ်ဟော့ပ်အဆိုတော်တွေလည်း ပါဝင်ခဲ့ကြ သလို၊ ပန်းချီ နဲ့ အနုပညာတွေလည်း ပါဝင် ကူညီခဲ့ကြပါတယ်။ ဒါ့အပြင် ပြီးခဲ့တဲ့ ဇန်န၀ါရီလအတွင်းက သမ္မတရဲ့ လွတ်ငြိမ်းချမ်းသာခွင့် အမိန့်နဲ့ လွတ်မြောက်လာခဲ့တဲ့ အရင် ရွှေသံစဉ်တီးဝိုင်းရဲ့ ဂီတမှူးဖြစ်တဲ့ ကိုဝင်းမော်ကလည်း ဒီပွဲမှာ ပါဝင်ကူညီခွင့်ရတဲ့ အပေါ် အခုလို ပြောပါတယ်။
“၀မ်းသာတာပေါ့ဗျာ။ ဘာလို့လဲဆိုတော့ ကျနော်တို့ ပထမတကြိမ် ဒေါ်စုအတွက် သီချင်းတပုဒ်တီး ပေးပြီး ၆ နှစ်လောက်ကြာတော့ ပြန်ထွက်လာတော့ ရွှေသံစဉ်နာမည်သုံးခွင့်မရတော့ဘူးလေ။ အလင်္ကာဆိုတဲ့နာမည်နဲ့ တီးရတာကိုး။ အခုဒီတစ်ခေါက် လွန်ခဲ့တဲ့ ၂ ပတ်ကျော်လောက်က ပြန် လွတ်လာတော့ ပထမဦးဆုံး HIV ဝေဒနာရှင်တွေအတွက် ရန်ပုံငွေရှာပေးရတဲ့ ကိစ္စဖြစ်တာက တစ်ကြောင်း ၊ နောက် ကျနော်ရွှေသံစဉ်အဖွဲ့အနေနဲ့ ဒီနာမည်နဲ့ ပြန်ပြီး ပရိသတ်နဲ့ ပြန်ပြီးထိတွေ့ ခွင့် ရတာကတစ်ကြောင်း ၀မ်းသာတာပေါ့ဗျာ။”
အခုလိုမျိုး HIV / AIDS ဝေဒနာရှင်တွေကို အကူအညီပေးနိုင်ဖို့အတွက် ရည်ရွယ်တဲ့ ရံပုံငွေ ဂီတဖျော်ဖြေပွဲ တွေကို နောက်ပိုင်းမှာ သက်ဆိုင်ရာအဖွဲ့ ၇ ဖွဲ့ပါဝင်တဲ့ နယ်မြို့တွေဖြစ်တဲ့ ဘားအံ၊ မော်လမြိုင်၊ ရွှေဘို၊ မန္တလေး၊ ကျောက်ပန်းတောင်း စတဲ့ မြို့တွေမှာ လိုက်ပါဆောင်ရွက်သွားနိုင်တဲ့ ဂီတပညာရှင်တွေနဲ့ အတူ ကျင်းပပြီး ရန်ပုံငွေရှာဖွေတာတွေ၊ ပညာပေးတာတွေ လုပ်သွားဖို့ရှိတယ်လို့ ပြောပါတယ်။

ကချင်ဒုက္ခသည်တချို့ ဆောင်တွင်း အအေးဒဏ်ကြောင့်သေဆုံး
နူးပန်

ကချင်ပြည်နယ်တွင်း တိုက်ပွဲများကြောင့် ထွက်ပြေးလာကြသည့် ဒေသခံ စစ်ပြေး ဒုက္ခသည်များ။
မြန်မာအစိုးရနဲ့ ကချင်ပြည်လွတ်လပ်ရေးအဖွဲ့ ကေအိုင်အိုကြားဖြစ်ပွားနေတဲ့ တိုက်ပွဲတွေကြောင့် ထွက်ပြေး တိမ်းရှောင်နေကြတဲ့ စစ်ပြေးဒုက္ခသည်တွေဟာ ရာသီဥတု အေးချမ်းမှုဒဏ်ကြောင့် ကျန်းမာရေးအခြေအနေ ဆိုးဝါးနေပြီး အသက်ဆုံးရှုံးမှုထိဖြစ်နေပါတယ်။ နှင်းတွေကျပြီး ပိုအေးလာချိန် အအေးဒဏ်ကို မခံနိုင်တဲ့ အတွက် သက်ကြီးပိုင်းနဲ့ ကလေးငယ်တွေ ပိုမိုထိခိုက်နေတယ်လို့ ဒုက္ခသည် စောင့်ကြည့်သူတွေက ပြောပါတယ်။ ရာသီဥတုအအေးဒဏ်ကြောင့် ဒုက္ခသည်တွေကြုံနေရတဲ့ ကျန်းမာရေးနဲ့ အခက်အခဲတွေကို ထိုင်းအခြေစိုက်ဗွီအိုအေ သတင်းထောက်နူးပန် သတင်းပို့ထားပါ တယ်။
အစိုးရစစ်တပ်ရဲ့ ထိုးစစ်ဆင်မှုကြောင့် တရုတ်ပြည်နယ်စပ်နဲ့ ကချင်လွတ်လပ်ရေးအဖွဲ့ ကေအိုင်အို နယ်မြေတွင်း ထွက်ပြေးတိမ်းရှောင်နေကြတဲ့ စစ်ပြေးဒုက္ခသည်တွေဟာ ပိုပြီးပြင်းထန်လာတဲ့ ဆီးနှင်း များကျလို့ အေးချမ်းတဲ့ဒဏ်ကိုမခံနိုင်တဲ့အတွက် ကျန်းမာရေးအခြေအနေ ဆိုးဝါးလာတာဖြစ်ပါတယ်။
အနယ်နယ် အရပ်ရပ်က ကိုယ့်နယ်ရပ် စွန့်ခွာပြီး ထွက်ပြေးတိမ်းရှောင်လာကြတဲ့ ဒုက္ခသည်တွေဟာ ရေမြေ ဒေသ ကွာခြားမှုကြောင့် ဆောင်းရာသီ ၃လ အတွင်းမှာ သက်ကြီးပိုင်းနဲ့ ကလေးငယ် ၁၀ ယောက်ကျော် သေဆုံးသွားခဲ့တယ်လို့ မိုင်ဂျာယန်ဒုက္ခသည်စောင့်ကြည့်သူ အဖွဲ့ဝင်တစ်ယောက်က ခုလို ပြောပါတယ်။
“ကျွန်တော်တို့မိုင်ဂျာယန်မှာကျတော့ ကျန်းမာရေးနဲ့ပတ်သက်ပြီးတော့ အသက်ဆုံးရှုံးဆိုရင် အသက်ကြီးတဲ့အပိုင်း တွေ ရှိပါတယ်။ ဒီသက်ကြီးပိုင်းဆုံးရှုံးရတဲ့ အပိုင်းကတော့ ဒီကနေ တွေ့ရှိရ တာ ကတော့ သူတို့နယ်မြေဒေသပေါ့နော်။ အဲဒီကနေ အခုပြန်လည်ပြောင်းရွှေ့နေရာနဲ့ သဟဇာတ မဖြစ်တဲ့အခါကျတော့ သူတို့ ခံနိုင်ရည်အပေါ်မူတည်မယ်ထင်တယ်။ ဒီသုံးလ အတွင်းမှာ ပေါ့နော် သေတာ ၁၆ ယောက်ရှိတယ် သက်ကြီးပိုင်းပေါ့နော်။ ကလေးတွေကတော့ သိပ်တော့မရှိပါဘူး။ ချောင်းဆိုး ရင်ကျပ်ဖျားနာတာတွေရှိတယ်။”
မိုင်ဂျာယန်နဲ့ အနီးတ၀ိုက် ဒုက္ခသည်စခန်းတွေထဲမှာ မှီခိုနေတဲ့ဒုက္ခသည်တွေက များaသာအားဖြင့် သက်ကြီး ပိုင်းတွေ ကျန်းမာရေးဆိုးဝါးနေသလို ကလေးငယ်တွေလည်းချောင်းဆိုးရင်ကျပ်ဖြစ်ပွားတဲ့ နေရာမှာ တစ် ပါတ် အတွင်း ၂ ယောက်သေဆုံးမှုဖြစ်ခဲ့တယ်လို့ပြောပါတယ်။
ခုလိုကလေးသူငယ်နဲ့ သက်ကြီး ရွယ်အိုတွေ အအေးမိ လေဖြတ်ပြီး သေဆုံးကြတာမျိုးတွေဟာ ပတ်ဝန်းကျင် ညစ်ညမ်းတဲ့အပြင် အေးလွန်းတာကြောင့်ဖြစ်တယ်လို့လည်း ပြောပါတယ်။
ပြီးခဲ့တဲ့လလယ်ထိ မိုင်ဂျာယန်နဲ့အနီးထိတိုက်ပွဲတွေပြင်းထန်ခဲ့တဲ့အတွက် ဒေသခံတွေ ထွက်ပြေး တိမ်းရှောင် နေရပြီး အခက်ခဲရင်ဆိုင်ခဲ့ရသလို ခုချိန်ပိုပြီး အေးလာတဲ့ရာသီဥတုဒဏ်ကြောင့် တခါ အခက်ခဲ ကြုံနေရ တယ်လို့လည်း မိုင်ဂျာယန်အနီး ဒေသခံ မိခင်တစ်ယောက်က ခုလိုပြောပါတယ်။
“ဆောင်းတွင်းဆိုတော့ နှင်းတွေ ရေခဲတွေကျ နှင်းမှုန်တွေကျဆိုတော့ ကလေးတွေက ဖိနပ်မပါ အနွေးထည်မပါ အဲဒီလိုမျိုး အခက်ခဲတွေနဲ့ ကလေးတွေကော ချမ်းတာနဲ့ အခုဆိုလို့ရှိရင် ကလေး တွေက နှာစေးချောင်းဆိုဖြစ်နေကြတာ။ ကလေး မအေတစ်ယောက်တောင်မှ ကလေး ၅ ယောက် ရှိတာ အဲဒါ ရင်ကျပ်တီဗီ အဆုပ်နဲ့ ကလေး ၅ ယောက်မအေက မနေ့က ဆုံးသွားတာ ဒီနေ့က ဆုံးပွဲ လုပ်တာပေါ့။”
ခုချိန် စခန်းတွေမှာလည်း ဆေးဝါးနဲ့စားနပ်ရိက္ခာ မဖူလုံတဲ့အပြင် အနွေးထည်စောင်တွေလိုအပ်နေပြီး ရှို့ထင်း တွေလည်းမရှိတဲ့အတွက် အအေးဒဏ်ကို ပိုမိုခံနေရခြင်းလည်းဖြစ်တယ်လို့ ပြောပါတယ်။
ကချင် လွတ်လပ်ရေးအဖွဲ့ကေအိုင်အို နယ်မြေနဲ့ တရုတ်နယ်စပ်မှာ ထွက်ပြေး တိမ်းရှောင်နေတဲ့ ဒုက္ခ သည် ငါးသောင်းကျော်ရှိပြီး နယ်စပ်တလျှောက် စခန်းပေါင်း သုံးဆယ်ကျော်ရှိပါတယ်။ ဒီဒုက္ခသည် တွေကို ကေအိုင်အို အပါအ၀င် ဘာသာရေးအဖွဲ့တချို့နဲ့ လူမှုရေးအဖွဲ့များ WFP ကမ္ဘာ့စားနှပ်ရိပ်က္ခာ အဖွဲ့နဲ့ မြန်မာပြည်က ပရဟိတအဖွဲ့တွေက အကူညီတွေပေးနေတာဖြစ်ပါတယ်။
လတ်တလော မြန်မာအစိုးရနဲ့ ကေအိုင်အိုကြား နိုင်ငံရေးဆွေးနွေးမှုတွေ စတင်နေပြီဖြစ်ကြောင်း ကေအိုင်အို က လူထုကို ပြောခဲ့ရာမှာ ဒုက္ခသည်များလည်း အိမ်ပြန်ရဖို့မျှော်လင့်နေပေမယ့် ပြန်ဖို့ အခြေအနေ မရှိသေး ကြောင်းပြောဆိုခဲ့ပါတယ်။

ဘောလုံးရန်ပွဲ မတားနိုင်မှု အီဂျစ်လူထုရှုတ်ချ
By ဗွီအိုအေ (မြန်မာဌာန)
အီဂျစ်နိုင်ငံမြောက်ပိုင်း Port Said မြို့က ဘောလုံးပွဲ အဓိကရုဏ်းကြောင့် လူ ၇၄ ယောက် သေဆုံးပြီး ရာချီ ထိခိုက်ဒဏ်ရာတွေ ရခဲ့ကြတဲ့အထိ ဖြစ်ခဲ့ရတဲ့အတွက် အာဏာရ စစ်ကောင်စီနဲ့ လုံခြုံရေး တပ်ဖွဲ့တွေကို ပြစ်တင်ရှုတ်ချပြီး ကိုင်ရိုမြို့တော်မှာ လူထောင်ပေါင်းများစွာ ဆန္ဒပြခဲ့ကြပါတယ်။
ဆန္ဒပြသူတချို့ကတော့ မြို့တော်မှာရှိတဲ့ Tahrir ရင်ပြင်မှာ ကြာသပတေးနေ့က စုဝေးခဲ့ကြသလို ပြည်ထဲရေး ဝန်ကြီးဌာန အနီးကို ချီတက်သွားသူတွေကိုတော့ လုံထိန်းတပ်ဖွဲ့တွေက မျက်ရည်ယို ဗုံးတွေနဲ့ ပစ်ခတ်ဟန့်တားခဲ့တာပါ။ ဗုဒ္ဓဟူးနေ့ အဓိကရုဏ်းအတွင်း ဒဏ်ရာရခဲ့သူတွေအပါအဝင် လွတ်မြောက်လာသူတွေ ပြန်လည် ရောက်ရှိလာကြတဲ့ ကိုင်ရိုဘူတာ အနီးမှာလည်း လူအုပ်တအုပ်က စစ်အစိုးရကို ဆန့်ကျင်တဲ့ ကြွေးကြော်သံတွေကို အော်ဟစ်ခဲ့ကြပါတယ်။
အားကစား ရာဇဝင်မှာ အဆိုးရွားဆုံး ကြုံခဲ့ရတဲ့ အဖြစ်အပျက်အတွက် အစိုးရက အီဂျစ်ဘောလုံး အဖွဲ့ချုပ် ဘုတ်အဖွဲ့ကို အလုပ်ဖြုတ်လိုက်သလို Port Said မြို့ အုပ်ချုပ်ရေးမှူးနဲ့ လုံခြုံရေးတာဝန်ရှိသူ အကြီးအကဲတွေကိုလည်း တာဝန်က ရပ်စဲထားလိုက်ပြီလို့လည်း စစ်တပ်က ခန့်အပ်ထားတဲ့ ဝန်ကြီးချုပ် Kamal al-Ganzuri က ပြောလိုက်တာပါ။ အပြစ်ပေး အရေးယူဖို့ ဆုံးဖြတ်ချက်ကိုတော့ လွှတ်တော် အရေးပေါ် အစည်းအဝေးအတွင်း ကြေညာခဲ့တာလို့လည်း ပြောပါတယ်။
အီဂျစ် စစ်ကောင်စီ အစိုးရရဲ့ခေါင်းဆောင် ဗိုလ်ချုပ်ကြီး Mohamed Tantawi ကတော့ နိုင်ငံတော် ဝမ်းနည်းခြင်း အထိမ်းအမှတ်အဖြစ် ၃ ရက်ကြာ သတ်မှတ်ဖို့ ကြေညာလိုက်သလို တာဝန်ရှိသူတွေကို ဖော်ထုတ်မယ်လို့လည်း ပြောခဲ့တာပါ။ ရဲတပ်ဖွဲ့ကတော့ လောလောဆယ် သံသယရှိသူ လူ ၄၇ ယောက်ကို ဖမ်းဆီးထားပါတယ်။

ကင်တားနား မြန်မာအစိုးရ ခေါင်းဆောင်ပိုင်းနဲ့ တွေ့ဆုံ
VOA မြန်မာပိုင်း  
မြန်မာနိုင်ငံကို ၆ ရက်ကြာခရီးရောက်ရှိနေတဲ့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ် သောမတ်အိုဟေး ကင်တာနားဟာ ဒီကနေ့ နေပြည်တော်မှာ အစိုးရခေါင်းဆောင်တွေနဲ့ တွေ့ဆုံခဲ့ပါတယ်။
မစ္စတာကင်တာနားဟာ  ရွေးကောက်ပွဲ ကော်မရှင် ဥက္ကဋ္ဌ ဦးတင်အေး၊ ပြည်သူ့ လွှတ်တော်ဥက္ကဌ သူရ ဦးရွှေမန်း တို့ အဝင် အစိုးရပိုင်းတာဝန်ရှိသူတွေ တခြားအာဏာပိုင်တွေနဲ့ တွေ့ဆုံခဲ့ပြီး အမျိုးသား လွှတ်တော်ဥက္ကဋ္ဌ ဦးခင်အောင်မြင့်နဲ့ မနက်ဖြန် တွေ့ဆုံဖို့ရှိပါတယ်။
အဲဒါပြီးရင် ရန်ကုန်မြို့ကို ပြန်လာပြီး မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည်နဲ့ တွေ့ဆုံဖို့ရှိ သလို ၈၈ မျိုးဆက်ကျောင်းသားခေါင်းဆောင်တွေနဲ့လည်း တွေ့ဆုံမှာဖြစ်ပါတယ်။ သူဟာ လူမှု အခြေပြု အဖွဲ့အစည်းက တာဝန်ရှိ ပုဂ္ဂိုလ်တွေနဲ့ လည်းဆုံတွေ့ဖို့ အစီအစဉ်ရှိသလို အင်းစိန်အကျဉ်းထောင်ဆီ လည်း သွားရောက်ကြည့်ရှုမှာပါ။
ရန်ကုန်အပြင် ကရင်နဲ့ မွန်ပြည်နယ်တွေဆီ သွားရောက် ကြည့်ရှုဖို့လည်း ရှိပါတယ်။  မစ္စတာကင်တာနားဟာ ဖေဖဝါရီလ ၅ ရက်နေ့အထိ  မြန်မာနိုင်ငံတွင်း ရှိမှာဖြစ်ပြီး ခရီးစဉ်အပြီးမှာတော့ သတင်းစာရှင်းလင်းပွဲ တရပ်လုပ်ဖို့ အစီအစဉ်လည်း ရှိတယ်လို့ ကုလသမဂ္ဂ ပြန်ကြားရေးအရာရှိ ဦးအေးဝင်းက ပြောပါတယ်။
“ဒီနေ့မနက်အစောကြီးမှာ ပညာရေးဒုဝန်ကြီး ဦးဘရွှေနဲ့တွေ့ပါတယ်။ နောက်တရားသူကြီးချုပ် ဦးထွန်း ထွန်းဦး နဲ့ တွေ့တယ်။ ပြီးတော့ ရှေ့နေချုပ် ဒေါက်တာထွန်းရှင်နဲ့တွေ့ပါတယ်။ ရွေးကောက်ပွဲ ကော်မရှင် ဥက္ကဋ္ဌ ဦးတင်အေးနဲ့ တွေ့တယ်။  နောက်တခါ သမ္မတရဲ့ တရားရေးအကြံပေးအဖွဲ့ဝင် ဦးစစ်အေးနဲ့တွေ့တယ်။ နေ့လည်ကျတော့ လွှတ်တော်မှာ ပြည်သူ့လွှတ်တော် ဥက္ကဋ္ဌ သူရဦးရွှေမန်း၊ ပြန်ကြားရေးဝန်ကြီးဋ္ဌာန ဒုတိယ ၀န်ကြီး ဦးစိုးဝင်းနဲ့တွေ့တယ်။ ညနေပိုင်းမှာတော့အလုပ်သမား ဒုဝန်ကြီးဦးမြင့်သိန်းနဲ့ တွေ့ပါတယ်။ ဒီညနေ မှာတော့ ရထားပို့ဆောင်ရေး ၀န်ကြီး ဦးအောင်မင်းနဲ့တွေ့ပါတယ်။ မနက်ဖြန် ရန်ကုန်သွားမှာပါ။ သန်ဘက်ခါ ကျရင်တော့ ဘားအံနဲ့ မော်လမြိုင်ကိုသွားဖို့ စီစဉ်ထားပါတယ်။ နောက် ရန်ကုန်မှာ အင်းစိန်ထောင် ကိုလည်း သွားပြီးလေ့လာမှာပါ။”
သူ့ရဲ့ အခုဒီခရီးစဉ်အတွင်းက လေ့လာတွေ့ရှိချက်တွေကိုတော့ လာမယ့် မတ်လ ၁၉ ကြိမ်မြောက် လူ့ အခွင့်အရေး ကောင်စီကို အစီရင်ခံစာတင်သွင်းမှာဖြစ်ပါတယ်။ ၂ဝဝ၈ ခုနှစ် မေလကစပြီး မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ်အဖြစ် ခန့်အပ်ခြင်းခံခဲ့ရတဲ့ မစ္စတာကင်တာနားဟာ အရင် မြန်မာစစ်အစိုးရ လက်ထက်တုန်း က မြန်မာအစိုးရရဲ့ လူ့အခွင့်အရေးချိုးဖောက်မှုတွေကို ပြင်းပြင်းထန်ထန် ဝေဖန်ခဲ့တာကြောင့် နောက်ပိုင်း ကာလတွေမှာ မြန်မာနိုင်ငံတွင်း ဝင်ရောက်ခွင့်မရခဲ့ပါဘူး။
အရပ်သားအစိုးရသစ်တက်လာပြီးနောက် ပြီးခဲ့တဲ့နှစ်ကတော့ မြန်မာနိုင်ငံတွင်း ဝင်ရောက်ခွင့်ရပါတယ်။ မစ္စတာ ကင်တာနားအနေနဲ့ နိုင်ငံရေးအကျဉ်းသားတွေ လွတ်လာတာအပါအဝင် အခြား တိုးတက် ပြောင်းလဲ မှုတွေကို ကြိုဆိုခဲ့ပေမယ့် လူ့အခွင့်အရေးဆိုင်ရာ လုပ်ဆောင် စရာတွေ ကျန်နေသေးတယ်လို့ ထောက်ပြခဲ့ ပါတယ်။ ကျန်နေတဲ့ နိုင်ငံရေးအကျဉ်းသားတွေကို လွှတ်ပေးဖို့ပြောသလို ဖွဲ့စည်းထားတဲ့ မြန်မာနိုင်ငံ လူ့အခွင့်အရေးကော်မရှင်ရဲ့ လွတ်လပ်မျှတမှုကို စောင့်ကြည့်မယ်လို့ ပြောခဲ့ပါတယ်။ ဒါ့အပြင် မြန်မာနိုင်ငံ တွင်းဖြစ်ခဲ့တဲ့ ဆိုးဝါးလှတဲ့ လူ့အခွင့်အရေး ချိုးဖောက်မှုတွေအပေါ်မှာ ဘယ်လို တာဝန်ယူ ဖြေရှင်း ကိုင်တွယ် မလဲ ဆိုတာကိုလည်း အခုအချိန်အထိ တွန်းအားပေး မေးခွန်းထုတ်နေသူ ဖြစ်ပါတယ်။