ရွှေဥ မဥချင်သော ငန်း

by Han Thit Nyeim on Tuesday, March 22, 2011 at 7:26am

(Source: http://en.wikipedia.org/wiki/The_Goose_That_Laid_the_Golden_Eggs)
..........................................................

တစ်ခါတုန်းက မထူးဆန်းသော လူတစ်ယောက်ရှိလေသည်။ (မထူးဆန်းသောကြောင့် သာမန်လူဟုသာ ယူဆကြပါကုန်။) ထိုသူ့ထံတွင် ထူးဆန်းသော ငန်းတစ်ကောင်ရှိ၏။ ထူးဆန်းရခြင်းမှာ ထိုငန်းသည် ရွှေဥဥသော ကြောင့် ဖြစ်လေသည်။ (ထိုထက်မက ထူးဆန်းသည်ကို ဆက်လက်ဖတ်ရှုလျှင် တွေ့ပါဦးမည်)

ငန်းမှာ ထိုသို့ ရွှေဥဥသည် ဆိုသော်လည်း အီစွတ်၏ “The Goose That Laid the Golden Eggs” ပုံပြင်ထဲက ငန်းလို တစ်နေ့တစ်လုံး ဥသည် မဟုတ်ချေ။ ထိုငန်းတစ်သက်တာတွင် ဥတစ်လုံးသာ ဥခဲ့ဖူးလေသည်။ ထို့ကြောင့် “တစ်လုံးတည်း ရွှေဥ” လို့ပင် တင်စားရမည့် ငန်းလည်း ဖြစ်သည်။


ငန်းပိုင်ရှင်ကလည်း အီစွတ်ပုံပြင်ထဲက လူလို ငတုံး ငပြိန်း မဟုတ်ချေ။ ငန်း၏ တန်ဖိုးကို သူကောင်းစွာ သိလေသည် ထို့ကြောင့် ငန်းကို စားကောင်းသောက်ကောင်းများ သေချာစွာ ကျွေးမွေးပြီး နေ့စဉ်လည်း သန့်ရှင်းသုတ်သင်ပေးလေသည်။

သည်လိုနှင့် ရက်မှလ၊ လမှ နှစ်သို့ပင် ကြာညောင်းလာခဲ့တော့သည်။ ထိုထူးဆန်းသော ငန်းသည် ထူးဆန်းစွာပင် ရွှေဥ တစ်လုံးသာ ဥပြီး မည်သည့်ဥကိုမှ ဆက်လက်၍ မဥချေ။ ငန်းပိုင်ရှင်လည်း ဒီနေ့ဥနိုးနိုး၊ မနက်ဖြန် ဥနိုးနိုးနှင့် စောင့်ရင်း နေ့ရက်တို့သာ ကုန်လွန်လာတော့သည်။

တစ်နေ့ သည်းမခံနိုင်သည့်အဆုံးမှာတော့ ငန်းပိုင်ရှင်သည် ဒေါသဖြင့် အီစွတ်ပုံပြင်စာအုပ်ကို ယူ၍ တစ်စစီစုတ်ဖြဲပြီး မီးပုံထဲ ပစ်ထည့်လိုက်တော့သည်။ ထို့နောက် ဓားတစ်ချောင်းကို ယူ၊ ငန်းလှောင်အိမ်ရှေ့မှာ ဆောင့်ကြောင့်ထိုင်ပြီး ငန်း၏လည်ပင်းကို ဖမ်းဆုပ်လိုက်သည်။

ငန်း။ ။ ဟ၊ ဟ... နေ... နေပါဦးဗျ

ပိုင်ရှင်။ ။ အလို... အထူးအဆန်းပါလား၊ မင်းက စကားပြောတယ်...။။။

ငန်း။ ။ ဒါဘာထူးဆန်းလဲဗျ။ ခင်ဗျားကိုတောင် ရွှေဥ တစ်လုံးပေးခဲ့သေးတာပဲ မဟုတ်လား။

ပိုင်ရှင်။ ။ ဟုတ်ပါပြီလေ... ထားကွာ... မင်းက လူလိုနားလည်တယ်ဆိုတော့ လူလိုပဲ ငါပြောမယ်... ရွှေဥတွေ ထပ်လိုချင်တယ်... ဥပေးကွာ...

ငန်း။ ။ အေးဆေးလေဗျာ... တစ်လုံး ဥပေးပြီးပြီပဲ...။

ပိုင်ရှင်။ ။ ဘာကွ... ငါ့မှာဖြင့် မင်းကို ကျွေးလိုက်မွေးလိုက်၊ ရေမိုးချိုးပေးခဲ့ရတာတွေ... နှစ်နဲ့တောင် ချီနေပြီကွ...။

ငန်း။ ။ အဲဒီတော့... ဘာဖြစ်လဲဗျ

ပိုင်ရှင်။ ။ ဟ... ငါနစ်နာတာပေါ့ကွ...

ငန်း။ ။ အံမယ်... စောင့်ရတာကိုပဲ နစ်နာရတယ်ရှိသေး... ဒီမှာ... လဘက်ကောင်းစားချင်ရင် ပလောင်တောင်တက် နှေးတယ်ဆိုတာ မကြားဖူးဘူးလား။

ပိုင်ရှင်။ ။ တော်စမ်းကွာ... ဥပမာတွေ၊ ဥပမာတာတွေ မလိုချင်ဘူး... ဥပါတာပဲ လိုချင်တယ်... မင်းအခု ဥပေးမလား မဥပေးဘူးလား... ဒီမှာ ဓားနော်... အီစွတ်ပုံပြင်ထဲကလို ဖြစ်သွားမယ် ဘာမှတ်နေလဲ...

ငန်း။ ။ အဟား... ဟား... ဟား... လုပ်လေဗျာ... လုပ်လိုက်စမ်းပါ။ ခင်ဗျားလည်း အီစွတ်ပုံပြင်ထဲက လူပြိန်းလို ဖြစ်သွားမှာပေါ့ဗျ...

ပိုင်ရှင်။ ။ ငါမလုပ်ရဲဘူး ထင်လို့လား...

ငန်း။ ။ ကျွန်တော်ကကော မသေရဲဘူး ထင်လို့လား... လုပ်လိုက်စမ်းပါဗျ... ဟား... ဟား... ဟား... ဟား...

ပိုင်ရှင်။ ။ တောက်... ငါနော်...

ငန်း။ ။ ဟား... ဟား... ဟား... ဟား...

ပိုင်ရှင်။ ။ တော်ကွာ... အရင်က ရွှေဥတစ်လုံးမျက်နှာထောက်ထားပြီး ခု သက်ညှာလိုက်မယ်။ ဒါပေမဲ့ ဒါဟာ ပထမဆုံးနဲ့ နောက်ဆုံးအကြိမ်ပဲ ဖြစ်ပါစေ... မနက်ဖြန်ကစပြီး တစ်နေ့ တစ်လုံး ပုံမှန်ဥပေးဖို့လိုတယ်... ဒါပဲ။

ငန်း။ ။ အောင်မယ်... လာ လာချည်သေး၊ ကျုပ်ဥပေးမှ ခင်ဗျားရမှာပါဗျ...

ပိုင်ရှင်။ ။ ဘာကွ... တောက်... ငါလုပ်မိမယ်နော်...

ငန်း။ ။ လုပ်လေဗျာ... လုပ်လိုက်... ဟား... ဟား... ဟား... ဟား...

ပိုင်ရှင်။ ။ တောက်...။။။

ငန်း၏ ခြောက်ကပ်ကပ်ရယ်သံနှင့်အတူ ငန်းပိုင်ရှင်၏ တစ်နေ့တာလုံးသည် ခြောက်ကပ်တိတ်ဆိတ် သွားလေတော့သည်။ သူ့ခမျာ တစ်နေကုန်တစ်နေခန်း ဘယ်မှ မသွားနိုင်ဘဲ ငန်းကို ဥဥအောင် မည်သို့လုပ်ရမည်ကို ထိုင်စဉ်းစားလေတော့သည်။

ဘဲဥအစ ရှာမရသလို ငန်းဥအစ ရှာရသည်မှာလည်း အတော်ပင် ခက်လှပေသည်။ ငန်းကို ဥဥအောင် တိုင်းရင်းဆေးပဲ တိုက်ရမလိုလို၊ ဝမ်းနှုတ်ဆေးပဲ ကျွေးရမလိုလို။ လူသိမခံလိုသဖြင့် တိရစ္ဆာန်ဆရာဝန်၊ ဘာညာတွေလည်း သူသွားမပြချင်။ ငန်းပိုင်ရှင်အတွက် အတော်ပင် ခေါင်းခြောက်သည့် ကိစ္စဖြစ်တော့သည်။ ဒီလိုနဲ့ တစ်နေ့နဲ့ တစ်ညတိတိ စဉ်းစားပြီးသောအခါ ငန်းကို မည်သို့ ပညာပေးရမည်ကို သူစိတ်ကူးရလာတော့သည်။

နောက်တစ်နေ့ မနက်မှာ ရေသန့်ဗူးခွံတစ်ခုရယ်၊ ကြိုးတစ်ခွေရယ်နဲ့ အလုပ်ရှုပ်နေတဲ့ ငန်းပိုင်ရှင်ကို တွေ့ရတော့သည်။ သူက ရေသန့်ဗူးအောက်ခြေကနေ သုံးချိုးတစ်ချိုးလောက် အမြင့်ထိကို ဓားနဲ့ ဖြတ်လိုက်တယ်။ ပြီးတော့ အနားလေးဘက်မှာ အပေါက်လေးခုဖောက်ပြီး ကြိုးလေးချောင်းတပ်လိုက်တယ်။ ပြီးတဲ့အခါမှာတော့ ငန်းရှိရာကို ခပ်ပြုံးပြုံးနဲ့ ရောက်လာတယ်။

ငန်း။ ။ မင်္ဂလာပါဗျာ... နံနက်စာလည်း မစားရသေးပါလားဗျ။

ပိုင်ရှင်။ ။ လာမယ်... လာမယ်... နံနက်စာမလာခင် မင်းကို ဝတ်စုံအရင် ဆင်မြန်းပေးမလို့...

ငန်း။ ။ ဟ၊ ဟ... ဘာကြီးလဲဗျ။ မဟုတ်တာတွေ လုပ်မယ် မကြံနဲ့နော်...

ပိုင်ရှင်က ချက်ချင်းပဲ ငန်းကိုဖမ်းပြီး ရေသန့်ဗူးခွံကို ငန်းရဲ့ဖင်မှာစွပ်ပြီး ကြိုးတွေကို ငန်းရဲ့ ကိုယ်နဲ့ လည်ပင်းတွေမှာ ပတ်သိုင်းချည်လိုက်တယ်။

ပိုင်ရှင်။ ။ ဟဲ... ဟဲ... ငါ့ကို ဥ ဥမပေးချင်တဲ့ကောင်... ခု မင်းကို ဖင်ပိတ်ပလိုက်ပြီ... မဥပေးချင်လည်း နေကွာ... ကိစ္စမရှိဘူး... ဖင်ပိတ်ငြင်းချင်လည်းငြင်းပေရော့...။

ငန်း။ ။ ဟ... ဟ... အဲလိုတော့ မလုပ်နဲ့လေဗျာ...

ပိုင်ရှင်။ ။ မရှည်နဲ့ ရော့... နံနက်စာ... ဝအောင် မြိုဆို့... အဝင်သာလိုချင်တဲ့ မင်းကိုယ်ခန္ဓာအတွက် ထွက်ပေါက်ဆိုတာလည်း မရှိဘူးလို့သာမှတ်...

ဒီလိုနဲ့ တစ်နေ့နဲ့ တစ်ည ကျော်လွန်သွားလို့ နောက်တစ်နေ့မနက်ခင်းကို ရောက်လာပြန်ပါတော့တယ်။ ငန်းရှိရာ အိမ်ရှေ့ခန်းကိုထွက်လိုက်တော့ သူ့ကို မချိုမချဉ်မျက်နှာပေးနဲ့ တအီအီလုပ်နေတဲ့ ငန်းကို တွေ့ရပါတော့တယ်။

ငန်း။ ။ ဆရာသခင်...

ပိုင်ရှင်။ ။ ဘာ၊ ခုမှ ဆရာသခင်လဲ...

ငန်း။ ။ ဟုတ်ကဲ့ပါ ဆရာ... ဖင်ပိတ်ပြီးတော့လည်း ထပ်မငြင်းတော့ပါဘူး။ ဖင်ကိုတော့ ပိတ်မထားပါနဲ့ဗျာ။ ခံရခက်လွန်းလို့ပါ… ဥ ဆိုလည်း ဥပေးပါ့မယ်ဗျာ...။

ပိုင်ရှင်။ ။ အေး... အဲဒီလို လိမ်မာမှပေါ့ကွ... ဟား၊ ဟား...

ဤသို့ဖြင့် မထူးဆန်းသော ငန်းပိုင်ရှင်သည် ထူးဆန်းစွာ ရွှေဥဥသော ငန်းကြောင့် ထူးဆန်းစွာ သူဌေးဖြစ်သွားလေတော့သတည်း။

ပုံပြင်လေးကတော့ ဒါပါပဲ။ ယုံချင်မှ ယုံကြပါ။

မေတ္တာဖြင့်
ဟန်သစ်ငြိမ်