အိမ်ပျက်ဟောင်း ပြင်ရန်မနှောင်းသေးပါ။

မနေ့ညက လေပြင်းမုန်တိုင်း ထန်ခဲ့သဖြင့် အိမ်အမိုးများ အတောင်မပေါက်ဘဲ ပျံသွားကြသည်။ အိမ်နံရံများလည်း ကွာသည့်နေရာကွာ ပဲ့သည့်နေရာ ပဲ့ကျကုန်သည်။ အိမ်တစ်အိမ်၏ ၀ိသေသလက္ခဏာများ ချို့ယွင်းပျောက်ဆုံးကာ နေလို့ မဖြစ်တော့၍ အမြန်ပြုပြင်မှဖြစ်တော့မည်။ သို့သော် လူအင်အား၊ ငွေအင်အား စသည့် အရင်းအမြစ်များ လိုအပ်သည်။ အိမ်ရှင်မှာ သူ့ပိုင်အိမ်ဖြစ်ငြား မျက်နှာလွှဲခဲပစ်နိုင်လှသည်။ အိမ်လခရလျှင်ပြီးရော ဆိုသည့် လူစားမျိုး။ အိမ်မှာနေသည့်လူတွေ ဘာဖြစ်ဖြစ် စိတ်ဝင်စားမည် မဟုတ်ပါ။


သို့ဖြစ်ပေရာ အိမ်မှာနေသည့်သူအားလုံး အိမ်ပြင်ကြရမည်။ အကောင်းဆုံးဖြစ်အောင် ပြုပြင်ရမည်။ အိမ်သည် အိမ်နှင့်တူရမည်။ မိသားစုသိုက်သိုက်ဝန်းဝန်း ၊ နွေးထွေးလုံခြုံမှုတွေ ပေးသည့်နေရာသည် “အိမ်” ဖြစ်သည်။ ဒီအိမ်ကို နေချင့်စဖွယ်ဖြစ်အောင် အိမ်သူ၊ အိမ်သား တိုင်းမှာ တာဝန်ရှိသည်။ အိမ်မှာနေသည့် မိသားစုတိုင်းမှာ တာဝန်ရှိသည်။ ကာယကံရှင်ဖြစ်သည့်အိမ်ရှင်မှာ တစ်ကိုယ်ကောင်းဆန်ဖို့သာ ဦးစားပေးပြီး ၊ ငွေရဖို့သာ ရှေ့တန်းတင်နေသည့်အတွက် သူ့အကူအညီမျှော်လင့်ရန် ထည့်သွင်းစဉ်းစားလို့ မရသောကိစ္စဖြစ်သည်။ သူ့မိသားစု တစ်စုစာသာ စဉ်းစားနေသည့်အတွက် အိမ်မှာနေသူတို့သည် ကိုယ်ထူကိုယ်ထဖြင့်သာ ထူရတော့မည် ဖြစ်သည်။

အိမ်ပြင်ရန်အတွက် ဘာတွေလိုအပ်သလဲ လေ့လာကြည့်သည်။ဒီအိမ်ကြီး ခိုင်မြဲဖို့ ၊ နေထိုင်သည့် မိသားစုဝင်အားလုံးမှာ တာဝန်ရှိသည်။ ဒီအိမ်မှာ နေပျော်ဖို့ ဘာတွေလုပ်မလဲ၊ သူများအိမ်တွေရဲ့ တည်ဆောက်မှုပုံစံကိုကြည့်၍ နည်းနာနိသျှတွေ ယူကြည့်သည်။ နေချင့်စဖွယ် အိမ်တစ်လုံးဖြစ်လာဖို့ အိမ်တိုင်းမှာ အဓိက အခြေခံ(၂) မျိုး သာရှိသည်ကို အံ့ဩစဖွယ် သွားတွေ့သည်။ယင်းတို့မှာ -

(၁)လူသားအရင်းအမြစ်

(၂) သဘာဝ အရင်းအမြစ်

လူသားအရင်းအမြစ်အတွက် ဘာတွေလိုအပ်သလဲ။ ပညာရေး ကောင်းရမည်။ ပညာရေးဆိုသည်မှာ ကျောင်းပညာ သင်ယူတတ်မြောက်မှ ပညာရေး မဟုတ်ပေ။သို့သော် ကျောင်းသည် ကျွန်မတို့အိမ်၏ ပညာရှာဖွေရာ အဓိက နေရာဖြစ်သည့်အတွက် တခြား ပညာရှာလို့ ရသည့်နေရာတွေ မှိုလိုပေါက်လာသည့်တိုင် မပျက်မကွက်တော့ တက်ရောက်သင့်သည့် နေရာဟု ယူဆမိပါသည်။ ပညာရေးတွင် ကျောင်းပညာရေး နှင့် ပြင်ပပညာရေး ဟူ၍ နှစ်မျိုးရှိသည်။

ပညာရေးကောင်းရန် ဆိုသည့် အထဲတွင် ကျောင်းပညာရေး သာမက ကျောင်းပြင်ပ ပညာရေးပါ ကောင်းမွန်အောင် ကြိုးစားကြရမည်။


ဥပမာ - (၁) ကလေးတွေကို စာသင်သည့် ဆရာများသည် ပရော်ဖက်ရှင်နယ် ကျရမည်၊ ဆရာဆိုသည့် သိက္ခာပုဒ်နှင့် အညီ ကလေးတွေကို ရှေ့ဆောင်လမ်းပြ ကောင်းကောင်းဖြစ်ရမည်။ မိမိပို့ချသော ဘာသာရပ်ကို တစ်ဖက်ကမ်းခတ် ထူးချွန်အောင် အမြဲလေ့လာနေရမည်။ မိမိတပည့်များကို မြေတောင်မြှောက်ပေးချင်စိတ် ရှိရမည်။ ဆရာများသည် စေတနာ နှင့် ဝါသနာနှစ်ရပ် ယှဉ်တွဲနေမှ တပည့်များအပေါ် ကောင်းမွန်စွာ သွန်သင်လမ်းပြနိုင်မည် ဖြစ်သည်။

ဥပမာ - (၂) ထမင်းချက်သည့်သူ ကလည်း တကယ် အဆင့်မြင့်မြင့် ချက်တတ်တာမျိုးဖြစ်အောင် လေ့လာ သင်ယူရမည်။ မိမိ အိမ်မှ ထမင်းဟင်းကို ပင် တီထွင်ဆန်းသစ်ကာ အကောင်းဆုံး ဖြစ်နေစေရမည်။ တီထွင်ဆန်းသစ်ခြင်းသည် တိုးတက်ရန်အတွက် အဓိက လိုအပ်ချက်တစ်ရပ်ဖြစ်သည်။

ဥပမာ - (၃) ဆံပင်ညှပ်သည့် ဆံသဆရာကလည်း ဆံပင်ညှပ်ပညာကို ပရော်ဖက်ရှင်နယ်ကျကျ တစ်ဖက်ကမ်းခတ် ကျွမ်းကျင်အောင်လေ့လာခြင်း ၊ ထိပ်တန်းရောက်အောင် စိတ်နှစ်ကြိုးစားခြင်းတို့ လုပ်ဆောင်သင့်ပေသည်။ အမြဲမပြတ်ဆည်းပူးလေ့လာခြင်း(Continuous Learning)ကသာ ယနေ့ခေတ်၏ တိုးတက်မှုကို ရင်ဘောင်တန်းလိုက်နိုင်မည် ဖြစ်သည်။

ဥပမာ -(၄) အင်္ကျီချုပ်သည့်သူကလည်း အင်္ကျီကို လက်ရာ အကောင်းဆုံးဖြစ်အောင် ဘယ်လို ချုပ်မလဲ ၊ သူများဘယ်လိုချုပ်သလဲ ၊ မိမိ ဘယ်လို ချုပ်မလဲ ၊ ခေတ်ကို မျက်ခြည်မပြတ် လိုက်ကာ တတ်နိုင်သမျှ မိမိ အတတ်ပညာကို မြင့်နေရန် ကြိုးစားအားထုတ်သင့်ပေသည်။စစ်ရှုံးဂျပန်၏ အစဉ်မပြတ် ကြံဆတီထွင်နေခြင်း ၊ တိုးတက်လိုသည့်စိတ်ရှိခြင်း စသည်တို့ကို အတုယူသင့်သည်။

ဥပမာ - (၅) ဘောလုံးသမားများကလည်း ဘောလုံးကို နည်းစနစ်တကျ ကန်တတ်အောင် အပတ်တကုပ် ကြိုးစားလေ့ကျင့်ခြင်း အပြင် ဘယ်လိုအကောင်းဆုံး ယှဉ်ပြိုင်နိုင်မလဲ အမြဲ စဉ်းစားကာ မိမိအလုပ်မှာစိတ်ကို နှစ်ထားခြင်းတို့ ကို ပြုလုပ်သင့်သည်။စည်းနှင့်ကမ်းနှင့် နည်းစံနစ်ကျကျ ကြိုးစားဖို့လည်း လိုအပ်ပေသေးသည်။

ကိုယ့်အလုပ်ကို သစ္စာရှိရှိ လုပ်ကြမည်။ ကိုယ်ထူ ကိုယ်ထ၊ ကိုယ့်အား ကိုယ်ကိုး ကြိုးစားကြမည်။ စိတ်ဓာတ်တွေ မြှင့်တင်ကြမည်။ စာရိတ္တတွေ သန့်စင်စေရမည်။ လူငယ်လူကြီး အပြန်အလှန် လေးစားစွာ လက်တွဲ အလုပ်လုပ်ကြမည်။ လူသားအရင်းအမြစ်ကို အကျိုးရှိစွာ အသုံးပြုကြမည်။ လူသား ၊ အိမ်သား တစ်ဦးချင်းစီ အရည်အချင်းပြည့်ဝအောင် ထူထောင်ကြရမည်။ ယခုအချိန်တွင် ကျွန်မတို့ အိမ်ကလေး သာယာလှပဖို့ လူသားအရင်းအမြစ်သည် အတော်ကို အရေးကြီးသော ကိစ္စပင်ဖြစ်နေသည်။

သဘာဝသယံဇာတ အရင်းအမြစ်ဆိုသည်မှာ လူတိုင်းသိထားသော မြစ်ချောင်း၊ အင်းအိုင်၊ တောတောင်ရေမြေများ၊ သစ်တောများ၊ ကျောက်မျက်ရတနာ အစရှိသည့် သဘာဝတွင်းထွက်များကို ဆိုလိုသည်။ သဘာဝ အရင်းအမြစ်ပေါများသော ကျွန်မတို့၏ နေအိမ်တွင် ဒါတွေကို ဘယ်လို အကျိုးရှိရှိ အသုံးချမလဲ ဆိုသည့် မေးခွန်းသည် သန္ဓေ တည်လာတာ ကြာမြင့်လှပြီဖြစ်သည်။ ရောင်းစားပစ်မလား၊ ကိုယ့်အိမ်သာယာဖို့ ရှေ့ရေးမျှော်တွေးပြီး လူသားအရင်းအမြစ်နဲ့ ပေါင်းစပ်အသုံးပြုမလား ၊ ဘယ်လို ပေါင်းစပ်အသုံးပြုမလဲ စသည်ဖြင့် သဘာဝ သယံဇာတ အရင်းအမြစ်များ (Natural Resources) အား မည်သို့ ကိုင်တွယ်အသုံးပြုမလဲ (handle and apply) ဟူသည့် မေးခွန်းများစွာရှိနေပေသည်။ ထိရောက်စွာ ကိုင်တွယ် အသုံးချနိုင်ဖို့ စဉ်းစားကြသည်ကို တွေ့ရငြားလည်း အိမ်သူ အိမ်သားတို့၏ ဆန္ဒ ပြည့်ဝရန် လိုအပ်ချက်တွေများနေဆဲ ဖြစ်ကြောင်း အိမ်အပြင်မှကြည့်သူက အလွယ်တကူ သဘောပေါက်နိုင်ပေသည်။

ကျွန်မတို့အိမ်ထဲရှိ သဘာဝသယံဇာတများသည် အိမ်ဝန်းထဲ၌ နေထိုင်သောမိသားစုများ၏ ရှေ့ရေးကောင်းစားဖို့ သဘာဝတရားကြီးမှ ပေးအပ်ထားသော လက်ဆောင်ဖြစ်သည်။ လူသားအရင်းအမြစ်အောက်ရှိ နည်းပညာကို သဘာဝအရင်းအမြစ်ထဲ ဆွဲယူကာ စပ်ယှက် အသုံးပြုလိုက်လျှင် အလွန်ကောင်းမွန်ကြောင်း ပညာရှင်တို့လည်း သိမည်ပင်။ သို့သော် ဘာကြောင့်၊ ဘယ်လို ဆိုသည့် အဖြေခက်သော မေးခွန်းများလည်း ရှိနိုင်ပေသေးသည်။ ယင်းမေးခွန်းများအတွက် အိမ်ရှင်၏ အဖြေပေးချက်ကို စောင့်မျှော်နေသည်မှာလည်း ကြာမြင့်လှပြီဖြစ်သည်။

ထိုမေးခွန်းများကိုလည်း အဖြေညှိရင်း ၊ လတ်တလော လေမုန်တိုင်းမိထားသော အိမ်ပြုပြင်ရန်ကိစ္စကိုလည်း ပူပန်ရင်း ၊ ပိုအရေးကြီးနေသော အိမ်ပြင်မည့်ကိစ္စအား ဦးစားပေး စဉ်းစားရတော့မည် ဖြစ်သည်။ မိမိအိမ်ကို အိမ်ရှိလူအား နှင့် မိမိတို့၏ အစွမ်းနှင့် ပြုပြင်ရန် လိုအပ်နေကြောင်း ဦးစွာ သတိချပ်အသိကပ်ရပေမည်။ အမိုးကို ပြုပြင်၊ အကာအဆွေး အပေါက်တွေကို လဲလှယ်၊ ခြံဝင်းလေးကို ရှင်းလင်းကာ အလှဆင်ကြမည်။ အိမ်ကလေးပြင်လို့ပြီးလျှင် ကျွန်မတို့၏ အိမ်ကလေးသည် သာယာလှပမှုတွေနှင့်ပြည့်စုံကာ ရှုမငြီးနိုင်စရာ အပြည့်ဖြင့် လုံခြုံနွေးထွေးမှုတွေ ပေးမည်ဟု အိမ်ရှိလူတိုင်းက စိတ်ထဲတွင် စူးနစ်စွာ ယုံကြည်ထားကြရပေမည်။

အမှန်တော့ အိမ်ဆိုသည်မှာ အိမ်သားအားလုံးအတွက် ပျော်ရွှင်မှု၊ နွေးထွေးမှု၊လုံခြုံမှု ၊ တိုးတက်မှုတို့ ပေးစွမ်းနိုင်သည့် တစ်ခုတည်းသော နေရာပင် ဖြစ်ချေသည်။ ယင်းကြောင့် ယနေ့ယခုလက်ရှိ အချိန်သည် အိမ်ရှင်၏ ဥပက္ခာရငြား အိမ်သား အားလုံး တစ်ယောက်တစ်လက် ကိုယ်စီကိုယ်ငှ ကိုယ်ထူကိုယ်ထ စွမ်းဆောင်ကြရမည့် အခါသမယပင်ဖြစ်ချေသည်။


စာဖတ်သူရင်ထဲကို တစ်ခုခုပေးနိုင်မည်ဟု မျှော်လင့်လျက်......
မေသိမ့်သိမ့်ကျော်

www.maytheint2kyaw.com