~~~~ ရုပ်ဝတ္ထုနှင့် ယဉ်ကျေးမှု ~~~~

Archangel AK's photo.

လွန်ခဲ့သောနှစ်မှစ၍ မြန်မာပြည်တွင် ကားများ အလွန်များပြားလာခဲ့ခြင်းနှင့်အတူ
ဖုန်များလည်း အလွန်ပေါများလာခဲ့ပါသည်။
ကားများပြားလာသောအခါ ကားမောင်းသူများပြားလာသကဲ့သို့ ဖုန်းပေါများလာသောအခါ ဖုန်းပြောသူများပြားလာလေတော့သည်။

ဤတွင် ပြဿနာကား " ကားမောင်းရင်းဖုန်းပြောသူများ " ပါ အလိုအလျောက်များပြားလာခြင်းပင်ဖြစ်သည်။

ရုပ်ဝတ္ထုပိုင်း တိုးတက်လာသောအခါ စိတ်ပိုင်းဆိုင်ရာ အမူအကျင့်များပါ ပိုမို တိုးတက်ယဉ်ကျေးလာရန်အထူးလိုအပ်ပါသည်။

နိုင်ငံတော်တော်များများတွင် ကားမောင်း
ရင်းဖုန်းပြောခြင်းကို တင်းကျပ်စွာတားမြစ်ပါသည်။ မြန်မာပြည်တွင် ကားနှင့်ဖုန်းများပေါများလာသော်လည်း ထိုဥပဒေ မရှိသေးပါ။

သို့သော် ဥပဒေထက် အသိတရားကိုသာ ပိုမိုဦးစားပေးစေလိုပါသည်။ အသက်ကိုဥာဏ်စောင့် ဟူသောစကားပုံအရ မိမိ ၏ အသက်ကို တာဝန်ယူရန်မှာ ကိုယ်တိုင်တာဝန်အရှိဆုံးပင်ဖြစ်ပေလိမ့်မည်။

လမ်းပိတ်ဆို့မှုနှင့် ယာဉ်စည်းကမ်း
လမ်းစည်းကမ်း ထိန်းသိမ်းမှုရော လိုက်နာမှုပါ အားနည်းသော ဤနိုင်ငံတွင် ယာဉ်မောင်းရခြင်းသည် လွယ်ကူသော ကိစ္စမဟုတ်ပါ။

အထူးသဖြင့် အမြန်နှုန်းနှင့် သဘောသဘာဝမတူညီသောယာဉ်များ ( ကား၊ ဆိုင်ကယ်၊ စက်ဘီး၊ ဘက်ထရီဆိုင်ကယ် စသည်ဖြင့် ) လမ်းပေါ်တွင် တိကျသော စည်းကမ်းမရှိဘဲ နားလည်မှု ဖြင့် အဆင်ပြေသလိုသွားလာနေခြင်းသည် ပိုမို အန္တရာယ်ကြီးမားစေပါသည်။

မျက်စိတစ်မှိတ် လျှပ်တစ်ပျက်
အတွင်းဘာမဆို ဖြစ်သွားနိုင်သောလမ်းများပေါ်တွင် ဖုန်းပြောရင်း ကားမောင်းနေ
ခြင်းသည် ကိုယ့်အသက်နှင့် ဖုန်း တစ် Call ကို လဲလှယ်ကာ သေမင်းကို စိန်ခေါ်နေ
ခြင်းပင်ဖြစ်ပါသည်။

ဖုန်းတစ် call သည် အရေးကြီးနိုင်သော်လည်း မိမိအသက် မိမိခန္ဓာထက်တော့ ပို၍ အလေးမထားသင့်ပါ။

အကယ်၍ မိမိတွင် အရေးကြီး phone call များ လာလေ့ရှိပါက ကားမောင်းစဉ် အသုံးပြုရန် သင့်တင့်သော bluetooth handfree တစ်ခုကိုဝယ်ယူထားသင့်ပါသည်။

သိန်းရာချီတန်သော ကားတစ်စီးကို
မောင်းနှင် နိုင်သူသည် ဆင်တစ်စီးလုံးဝယ်ပြီးချိန်တွင် ချွန်းအတွက် လက်မနှေးသင့်ပါ။

ကားမောင်းရင်းဖုန်းပြောနေသူများကိုမြင်မိတိုင်း စိတ်မသက်မသာခံစားမိလို့ စေတနာနှင့် ရေးခြင်းဖြစ်ပါသည်။

ထို့အတူ ကျွန်တော်တို့ ဖုန်းတွေပြောကြပါသည်။ ဖုန်းပြောလျှင် ဖုန်းယဉ်ကျေးမှု ရှိသင့်ပါသည်။

ကျွန်တော်တို့ မြန်မာနိုင်ငံတွင် မြင်မိသည်မှာ Busy tone send ခြင်း ယဉ်ကျေးမှု
မထွန်းကားခြင်းပင်ဖြစ်ပါသည်။

ဖုန်းတွင် Busy tone send ခြင်းနှင့် SMS ပေးပို့ကာ reject လုပ်ခြင်း 2 မျိုး သုံးနိုင်ပါသည်။

ဖုန်းခေါ်ဆိုသူသည် သူအဆင်ပြေချိန်တွင် ခေါ်ဆိုခြင်း ဖြစ်ပါသည်။ ဖုန်းလက်ခံသူ မည်သည့် အခြေသို့ ရောက်ရှိနေမှန်း မမြင်ရပါ။
ထို့ကြောင့် Phone လက်ခံသူသည်
ငြင်းဆိုသင့်လျှင် Call ကို reject လုပ်၍ နောက်မှပြန်လည် ခေါ်ဆိုသင့်ပါသည်။

Reject လုပ်ခြင်းဖြင့် မကြား၍ မဟုတ်ဘဲ ဖုန်းပြောရန် အခွင့်မသာ၍ ဆိုတာ ခေါ်ဆိုသူမှလည်း နားလည်ပေးသင့်ပါသည်။

မြန်မာပြည်တွင် အများစုမှာ ဖုန်းကို Busy tone send ခြင်းကို လက်မခံဘဲ

" ဘာဖြစ်လို့ ဖုန်းချပစ်လိုက်တာလဲ " ဟု ပြင်းထန်စွာ စိတ်ဆိုးရန်တွေ့တတ်ကြပါသည်။

ရုပ်ဝတ္ထုကိုလိုက်၍ စိတ်ယဉ်ကျေးမှုမတိုးတက်လာသောအခါ ဤအခြေအနေများကို ရင်ဆိုင်ကြရပါသည်။

ထို့ကြောင့် ကားမောင်းရင်း ပေါ့ပေါ့တန်တန် ဖုန်းပြောကြပါသည်။ မိမိ၏ လုံခြုံမှုထက်
ဖုန်း call တစ်ခုအား အရေးမပေးစေလိုပါ။

ဖုန်းပြောရင်း ကားမမောင်းသင့်ဟူသော အသိတရားနှင့် Busy tone send ခြင်းကို နားလည်လက်ခံပေးသာ ယဉ်ကျေးမှုကို ထွန်းကားစေလိုသည်မှာ ရင်ထဲမှဆန္ဒအမှန်ပင်ဖြစ်ပါတော့သည်။

Archangel AK 2.9.2013