ဗုဒ္ဓဓမ္မနှင့်လူ့အခွင့်အရေး ( ၁၀ ) ဗြာဟ္မစုိုရ်တရားကုို လူ့အခွင့်အရေးခြင့် ချဉ်းကပ်ခြင်း ( ခ )
September 10, 2013 at 2:18pm
ဤဖွင့်ဆုိုချက်၏ ဆုိုလုိုရင်းမှာ ကရုဏာဟူသည် ကံဆုိုးမုိုးမှောင်ကျနေ၍ အတိဒုက္ခရောက်နေသောသူအား ထုိုဒုက္ခမှ ကယ်တင်ပေးလုိုသော ပြင်းပြသည့်ဆန္ဒ၊ ဒုက္ခရောက်နေသူအား နစ်နစ်နောနော စိတ်ပူပန်၍ လူသားဆန်စွာ လေးလေးနက်နက် သနားကြင်နာမှု ဟူ၍ဖြစ်၏။
ထုို့ပြင် Compassion နှင့်ပတ်သက်၍ အခြားသောဖွင့်ဆုိုချက်လည်းရှိသေး၏။ ဖွင့်ဆုိုချက်မှာ ဤသုို့။ Compassion need not be cultivated or developed - it is naturally present. Cultivated compassion is lifeless compared to the potent energy of innate altruism of that is available to everyone. True compassion is not about pity, yet feels everything deeply and responds to everything completely. Natural compassion fuels our responses with beneficial action, skillful means and heart connection with no need for contrivance. အဓိပ္ဗါယ်မှာ ကရုဏာကုို တမင်ပွါးများဘုို့မလုိုအပ်။ ၎င်းသည် သဘာဝလက်ဆောင်တစ်ခုဖြစ်သည်။ တမင်ပွါးများထားသော ကရုဏာသည် လူတုိုင်း၌ရှိသော ကုိုယ်ကျိူးမငဲ့သော မူလစိတ်စွမ်းအင်လောက် အသက်မဝင်၊ စစ်မှန်သော ကရုဏာသည် သနားခြင်းသက်သက်မျှသာမဟုတ်၊ အရာရာကုို နစ်နစ်နောနော ခံစားတတ်၍ ပြည့်ပြည့်ဝဝ တုန့်ပြန်ဆောင်ရွက်တတ်၏။ ထုို့ပြင် သဘာဝမူရင်း ကရုဏာသည် ဖန်တီးပြုပြင်မှုအလျဉ်းမရှိဘဲ ကောင်းကျိူးဖြစ်ထွန်းစေသော လုပ်ရပ်များ၊ ကျွမ်းကျင်လိမ္မာသော နည်းလည်းများနှင့် ဖြူစင်သော နှလုံးသားတုို့ဖြင့် မိမိတုို့၏ တုန့်ပြန်ဆောင်ရွက်မှုများကုို အားအင်ပြည့်စေ၏ ဟူသတည်း။
အထက်ပါဖွင့်ဆုိုချက်နှစ်ခုတွင် အောက်စဖုို့ အင်္ဂလိပ်အဘိဓာန်၏ ဖွင့်ဆုိုချက်သည် မူရင်းကရုဏာပုဒ်၏ အဓိပ္ဗါယ်နှင့် အလှမ်းဝေးနေ၏။ ဒုတိယဖွင့်ဆုိုချက်သည် အတော်အတန်နီးစပ်၏။ အမှန်စင်စစ် မူရင်း ကရုဏာဟူသော စကားလုံး၏အဓိပ္ဗါယ်မှာ သောကဗျာပါဒ အပူမီးများလုံးဝမရှိဘဲ တည်ငြိမ်အေးချမ်းစွာ သတ္တဝါတုို့၏ဆင်းရဲကုို ပယ်ဖျောက်ကယ်တင်ပေးလုိုသော လေးနက်မြင့်မြတ်ကြီးမားသော စိတ်စွမ်းအင်ဖြစ်၏။ ဥပမာဆုိုပါစုို့။ အသင်သည် လူတစ်ယောက်ကုို သနား၏။ သူ့အတွက် စိတ်ပူပန်မှုသောကလည်းဖြစ်၍ အေးငြိမ်းမှုမရ၊ ဤအခြေအနေ ဤစိတ်ထားမျိူးကုို ကရုဏာအစစ်ဟု မဆုိုရ။ ကရုဏာအတုဟုသာ ဆုိုရ၏။ အမှန်စင်စစ် သင်သည် လူတစ်ယောက် ဆင်းရဲဒုက္ခရောက်နေသည်ကုို သနား၏။ ထုိုသနားခြင်းသည် ထုိုသူ့အတွက် စိတ်ပူပန်မှု၊ ပျာယာခတ်ခတ်မှု၊ နာကျင်မှုအလျဉ်းမရှိ၊ သုို့သော် အလေးအနက်တန်ဘိုးထား၏။ အလွန်ကြင်နာသနား၏။ထုိုသနားခြင်းသည် ကြည်၏။ ငြိမ်း၏။ အေးချမ်း၏။ ပြည့်ဝ၏။ အသိပညာနှင့်စပ်ယှဉ်၏။ ထုိုအဓိပ္ဗါယ်များ ပါဝင်သော စိတ်ထားမျိူးဖြင့် တစုံတရာသော ကောင်းကျိူးများဖြစ်မြောက်သည်အထိ စွန့်လွှတ်အနစ်နာခံကာ ကူညီဆောင်ရွက်၏။ ကယ်ဆယ်ပေး၏။ ဤသည့်စိတ်ဓာတ်နှင့်လုပ်ရပ် နှစ်မျိူးပါဝင်မှုကုိုသာ ကရုဏာအစစ်ဟုခေါ်ဆုို၏။
တတိယမြောက် ဗြာဟ္မစုိုရ်တရားသည် မုဒိတာဖြစ်၏။ ဤမုဒိတာသည် သူများကြီးပွါးအောင်မြင်သည်ကုို မနာလုိုခြင်းမရှိ၊ မနာလုိုခြင်း၏ ဆန့်ကျင်ဘက်ဖြစ်၏။ မိမိ၏အောင်မြင်မှုနှင့် ပုိုင်ဆုိုင်မှုမှန်သမျှကုို သူတပါးအားမျှဝေမပေးလုိုသည် ဝန်တုိုခြင်းသဘောတရားတုို့၏ ဆန့်ကျင်ဘက်လည်းဖြစ်၏။ သူတပါးကြီးပွါးအောင်မြင်သည်ကုို ဝမ်းမြောက်တတ်သည့်သဘော ကျေနပ်တတ်သည့်သဘောဖြစ်၏။ ထုိုသုို့ဝမ်းမြောက်ကျေနပ်ရာတွင်လည်း မိမိ၏ မိသားစု သုို့မဟုတ် မိမိနှင့်နီးစပ်သူဖြစ်ခြင်းကြောင့် မဟုတ်မူဘဲ အားလုံးအပေါ်ဝယ် ကြီးပွါးရေး အောင်မြင်ရေးနှင့်ပတ်သက်၍ ဝမ်းမြောက်တတ်၏။ မိမိ၏ရန်သူ ဆန့်ကျင်ဘက်သဘောထားရှိသူတုို့အပေါ်သော်မှ ဝမ်းမြောက်နုိုင် ကျေနပ်နုိုင်၏။ အချုပ်အားဖြင့်ဆုိုရသော် သူတပါးအောင်မြင်ကြီးပွါးသည်ကုိုမနာလုိုခြင်းလည်းမရှိ၊ ဝမ်းလည်းမြောက်တတ်ခြင်းသည် မုဒိတာ၏ သဘောပင်ဖြစ်၏။ အလွန်မြင့်မြတ်လှသော သဘောတရားပင်တည်း။
စတုတ္ထမြောက် ဗြာဟ္မစုိုရ်တရားသည် ဥပေက္ခာဖြစ်၏။ ဥပေက္ခာ၏သဘောသည် အောင်မြင်ခြင်းကြောင့်လည်း ဝမ်းမမြောက်၊ ကျရှုံးခြင်းကြောင့်လည်း ဝမ်းမနဲ၊ စိတ်မချမ်းမသာ မဖြစ်၊ တည်ငြိမ်တည့်မတ်ခြင်း သဘောရှိ၏။ လောက၏ အမျိူးမျိူးသော ဖြစ်ရပ်လုပ်ရပ်တုို့ဖြင့် ခြောက်တုိုင်းလည်းမကြောက်၊ မြှောက်တုိုင်းလည်း မမြောက်မူဘဲ မူလသဘောသဘာဝအတုိုင်း အရှိကုိုအရှိအတုိုင်း တည်ငြိမ်တည့်မတ်စွာ နားလည်ခံစားတတ်ခြင်းသဘောတရားပင်တည်း။ လောက၏ ကောင်းကောင်းဆုိုးဆုိုး အမျိူးမျိူးသော လောကဓံတုို့ကုို သဘာဝအတုိုင်းရှုမြင်ခံစားနားလည်၍ တည်ငြိမ်ရင့်ကျက် တည့်မတ်စွာ ဆက်လက်လုပ်ကုိုင်ဆောင်ရွက်ခြင်းသဘောလည်းဖြစ်၏။ အထင်ရှားဆုံးသော ဥပမာကုိုဆုိုရလျှင် ဒေဝဒတ်သည် မြတ်ဗုဒ္ဓအပေါ် အမျိူးမျိူးမကောင်းကြံကာ လုပ်ကြံသတ်ဖြတ်သည်အထိ အတင့်ရဲကာကျူးလွန်ခဲ့၏။ သုို့သော် မြတ်ဗုဒ္ဓသည် ဒေဝဒတ်အပေါ်ဝယ် ဒေါသဖြစ်ကာ ဖြစ်ချင်ရာဖြစ်စေတော့ဟုသဘောပုိုက်၍ ဘာမှမပတ်သက် မပြောဆုိုတော့ဘဲ ကျောခုိုင်းပစ်ထားခြင်းလဲမဟုတ်၊ ဒေဝဒတ်နှင့်ပတ်သက်၍ ဟောစရာရှိက အရှိအတုိုင်း မူလသဘာဝအတုိုင်း သိရှိနားလည်အောင် ကောင်းကျိူးဖြစ်ထွန်းအောင် ဆက်လက်၍ ဟောပြော၏။ ရှင်းစရာရှိပါကရှင်း၏။ ငါ့စကားကုို နားမထောင်သူဟူ၍ ဒေါသအာဃာတ မလုိုမုန်းထားသော စိတ်ထားတုို့ဖြင့် ပစ်ပယ်လုိုက်ခြင်းလဲမဟုတ်ချေ။ သုို့သော် လူအများသည်ကား မိမိ၏သဘောနှင့်မတုိုက်ဆုိုင်တုိုင်း လုံးဝမဆက်ဆံဘဲ မကူညီတော့ဘဲ အရေးမထားတော့ဘဲ ကျောခုိုင်းလုိုက်ခြင်း ပစ်ပယ်လုိုက်ခြင်းကုို ဥပေက္ခာဟု ထင်မှတ်မှားနေကြ၏။ အလွန်သတိထားရမည့် အချက်ပင်တည်း။ ထုို့ကြောင့် ဥပေက္ခာဟူသည် ဒေါသကြောင့် ပစ်ပယ် ကျောခုိုင်းလုိုက်ခြင်းလည်းမဟုတ်၊ ချစ်ခင်ခြင်းကြောင့်လဲ ပုို၍ကြောင့်ကြစုိုက်ခြင်းမဟုတ်ဘဲ ဖြစ်စဉ်ဖြစ်ရပ်တုို့၏ မူလသဘောသဘာဝကုို အရှိအတုိုင်းခံစားနားလည်ကာ ကောင်းကျိူးဖြစ်ထွန်းအောင် လုပ်သင့်သည်တုို့ကုို အလေးအနက်ထားလျှက် အေးဆေးတည်ငြိမ်တည့်မတ်စွာ ဆက်လက်ကြိူးစားလုပ်ဆောင်တတ်သည့်သဘောပင်ဖြစ်၏။
ကုိုင်းအသင်စာရှုသူ အသင်သည် မေတ္တာ ကရုဏာ မုဒိတာ ဥပေက္ခာဟူသော ဗြာဟ္မစုိုရ်တရားတုို့၏ အဓိပ္ဗါယ်ကုို ယခုသိပေပြီ။ အပြည်ပြည်ဆုိုင်ရာ လူ့အခွင့်အရေးကြေငြာစာတမ်းပါ စာပုိုဒ်သုံးဆယ် ( ၃၀ ) လုံးကုိုလည်းသိပြီ။ ထုိုစာပုိုဒ် သုံးဆယ်လုံးသည် ဗြာဟ္မစုိုရ်တရားလေးပါးလောက် မကျယ်ပြန့် မလေးနက်ကြောင်းကုိုလည်း အသင်နားလည်လေပြီ။ ထုို့ပြင် ဤဗြာဟ္မစုိုရ်တရားများသည် နုိုင်ငံနယ်နိမိတ်ကုိုလည်းကျော်လွန်ကာ စကြာဝဠာအားလုံးသုို့ ပြန့်နှံ့ပါဝင်ကြောင်းကုိုလည်း အသင်သဘောပေါက်ပေပြီ။ ကုလသမဂ္ဂတွင် ကမ္ဘာနှင့်ချီ၍ ကမ္ဘာသူကမ္ဘာသားများအတွက်ဟုဆုိုကာ ဆွေးနွေးပြောဆုိုနေကြသော လူ့အခွင့်အရေးပြဿနာများကုို ဤဗြာဟ္မစုိုရ်လေးပါးဖြင့် အသက်သွင်းဖြေရှင်းလုိုက်ပါက လုံးဝပြီးပြတ်ပြေငြိမ်းသွားမည်သာဖြစ်သည်။ အမှန်စင်စစ် မြတ်ဗုဒ္ဓဖေါ်ထုတ်ရှင်းပြတော်မူခဲ့သော ဤဗြာဟ္မစုိုရ်တရားများသည် လူ့လောကအတွက် ချမှတ်ထားသော မည်သည့်စည်းကမ်းဥပဒေ မည်သည့်နည်းလမ်းထက်မဆုို သာလွန်မြင့်မြတ်လှ၏။ အမှန်စင်စစ် ဤဗြာဟ္မစုိုရ်တရားသည် Natural discipline, natural law which was discovered and formulated by the Buddha for all beings in the world ဟု ဆုိုရမည်သာဖြစ်၏။ ဤဗြာဟ္မစုိုရ်တရားတုို့ကုိုသာ ကျင့်သုံးပါက လူ့အခွင့်အရေးပြဿနာသာမက အခြားမည်သည့် ပြဿနာမဆုို ဖြေရှင်းနုိုင်ပါ၏။ ငြိမ်းအေးနုိုင်ပါ၏။ ကုလသမဂ္ဂစားပွဲဝုိုင်းတွင်လည်းကောင်း၊ လူမှုအဖွဲ့အစည်း အသီးသီးတွင်လည်းကောင်း၊ မိသားစုတုိုင်းတွင်လည်းကောင်း၊ လူတစ်ဦးချင်းစီတွင်လည်းကောင်း ဤဗြာဟ္မစုိုရ်တရားများ အသက်သွင်းပေးဘုို့လုိုအပ်ပါ၏။ ဤတရားများ အသက်မဝင်သရွေ့  ဤကမ္ဘာသည် ဘယ်သောအခါမျှ ပြဿနာငြိမ်းမည်မဟုတ်ပေ။ ဤတရားများ အသက်ဝင်လေ၊ ဤကမ္ဘာကြီး ငြိမ်းအေးလေလေ၊ ဤတရားများ အသက်မဲ့လေလေ၊ ဤကမ္ဘာကြီးဆူပွက်လေလေဖြစ်မည်သာတည်း။ သုို့ဖြစ်၍ ဤဗြာဟ္မစုိုရ်တရားများ အသက်ဝင်ကာ ဤကမ္ဘာကြီး အေးချမ်းပါစေဟု မေတ္တာ ဗြာဟ္မစုိုရ်အသက်သွင်းလုိုက်ပါ၏။
ထုို့ကြောင့်ဗြာဟ္မစုိုရ်တရားတုို့ကုို အသက်သွင်းဘုို့မကြိူးစားဘဲ စားပွဲဝုိုင်းတွင်ဆွေးနွေးကာ အမျိူးမျိူးသောစည်းကမ်းများကုို ချမှတ်ရုံမျှဖြင့် လူ့အခွင့်အရေးပြဿနာများသည် လုံးဝမပြေလည်နုိုင်ကြောင်းမှာ ယနေ့ကမ္ဘာတွင်လက်တွေ့ဖြစ်နေသည်။ အကြောင်းမှာ ဗြာဟ္မစုိုရ်တရားမရှိလျှင် လူသားများသည် စည်းကမ်းချမှတ်လေလေ ချိူးဖောက်လေလေပင်ဖြစ်နေမည်ဖြစ်သောကြောင့်ပင်တည်း။ ထုိုသုို့ချိူးဖောက်နေကြကြောင်းကုိုလည်း ယနေ့ကမ္ဘာ့နုိုင်ငံတုိုင်းတွင် အထူးသဖြင့် လူ့အခွင့်အရေးကုို လေးစားတန်ဘုိုးထားပါသည်ဟု တကြော်ကြော်အော်နေကြသော နုိုင်ငံကြီးများ၌ပင် အပြောနှင့်အလုပ်မညီသည့် ကိစ္စများကုို အသေအချာလေ့လာကြည့်ပါက အထင်အရှားပင်တွေ့နုိုင်ပေမည်။ သုို့ဖြစ်၍ မိမိတစ်ဦးတည်း၏ အမြင်ကုိုဆုိုရပါလျှင် ဆွေးနွေးဝုိုင်းများမှ စည်းကမ်းများကုိုလည်းချမှတ်သကဲ့သုို့ ထုိုစည်းကမ်းများကုို အသက်ဝင်နုိုင်စေရန် ကမ္ဘာအရပ်ရပ်ရှိ ကျောင်းများအားလုံး၌ ဗြာဟ္မစုိုရ်အကြောင်းများကုို ပြဋ္ဌာန်းကာသင်ကြားခြင်း၊ လက်တွေ့လူမှုနယ်ပယ်၌ တုိုက်ရုိုက်ကျင့်သုံးတတ်အောင် လေ့ကျင့်ခြင်းများကုို နုိုင်ငံတော်အစုိုးရများမှ ဦးဆောင်အကောင်အထည်ဖေါ်သင့်သည်ဟု ထင်မြင်ယူဆမိပါသည်။
( ဆက်လက်ဖေါ်ပြပါမည် ) ။
Director of Religious Education
0 comments:
Post a Comment