ဗုဒ္ဓဘာသာ ဇစ်မြစ် ( ၉ )

September 13, 2013 at 1:01am

 

ချစ်မေတ္တာ သုို့မဟုတ် တပ်မက်မှုရာဂသည် နည်းလမ်းမှန်အောင်အသုံးပြုပါက သာမညဒါနကောင်းမှု စသည့် ကာမာဝစရကုသုိုလ်ကုိုသာရနုိုင်သည်မဟုတ်၊ နိဗ္ဗာန်အထိရောက်စေနုိုင်ကြောင်းကုို ပဋ္ဌာန်းတရားဒေသနာတော် ပဥှာဝါရ ဥပနိဿယပစ္စည်း အကု+ကု၌ ဤသုို့ဆုိုပါ၏။
ရာဂံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ ဈာနံ ဥပ္ဗါဒေတိ၊ ဝိပဿနံ ဥပ္ဗါဒေတိ၊ မဂ္ဂံ ဥပ္ဗါဒေတိ၊ အဘိညံ ဥပ္ဗါဒေတိ၊ သမာပတ္တိံဥပ္ဗါဒေတိ၊ ရာဂေါ သဒ္ဓါယ သီလဿ သုတဿ စာဂဿ ပညာယ ဥပနိဿယပစ္စယေန ပစ္စယော ဟူသတည်း။ ဆုိုလုိုရင်း အဓိပ္ဗါယ်မှာ ဤသုို့ဖြစ်၏။ အချစ် သုို့မဟုတ် ချစ်ခင်နှစ်သက်မှု သုို့မဟုတ် တပ်မက်မှုရာဂကြောင့် ပေးလှု၏၊ စွန့်လွှတ်နုိုင်၏။ ကိုယ်ကျင့်တရားကုို ကောင်းစွာဆောက်တည်၏။ ဥပုသ်သီလကုိုဆောက်တည်၏။ ဈာန်တရားကုို ရရှိအောင် အားထုတ်၏။ ဝိပဿနာကုို အားထုတ်၏။ မဂ်ကုိုရအောင် အားထုတ်၏။ အဘိညာဉ်ကုိုဖြစ်စေ၏။ သမာပတ်ကုိုဖြစ်စေ၏။ အချစ် သုို့မဟုတ် ချစ်ခင်နှစ်သက်မှု သုို့မဟုတ် တပ်မက်မှုရာဂသည် လေးစားယုံကြည်မှု၊ ကြည်ညိုမှု၊ ကုိုယ်ကျင့်တရားကုို ကျင့်စေမှု၊ အတတ်ပညာနှင့် အသိပညာကုိုရရှိအောင် အားထုတ်မှု၊ စွန့်လွှတ်ပေးဆပ်မှုနှင့် မဂ်ဖုိုလ်နိဗ္ဗာန်ကုိုထုိုးထွင်းသိမြင်နုိုင်သော ဓမ္မပညာကုို ဖြစ်စေနုိုင်မှုတုို့အတွက် အလွန်အားကြီးသော အကြောင်းတရားစွမ်းအားဖြင့် ကျေးဇူးပြု၏။ ဖြစ်စေ၏။ ထုိုဖြစ်ပြီးသောတရားများကုိုလည်း အလွန်အားကြီးသော စွမ်းအားဖြင့်တည်ရှိနေစေရန် ကျေးဇူးပြု၏။ ထောက်ပံ့၏။ ဟု အကျဉ်းချုပ်အဓိပ္ဗါယ်ဖြစ်၏။

   မှန်၏။ သုမိတ္တာအမျိူးသမီးကောင်းလေးသည် သုမေဓာရှင်ရသေ့အပေါ်ဝယ် ရှေးရှေးသောဘဝများစွာ သံသရာတွင် တူနှစ်ဖြာ ဂဟေဆက်ခဲ့ကြရသည့် ချစ်ခြင်းမေတ္တာကုိုအခြေခံသော ယုံကြည်စိတ်တုို့ကြောင့်ပင် ယခုဘဝတွင်လည်း သုမေဓာရှင်ရသေ့ကုို မြင်လျှင်မြင်ခြင်း ချစ်မိ၏။ ယုံကြည်မိ၏။ အားထားလက်တွဲလုို၏။ ပြင်းပြင်းပြပြ သဒ္ဓါကြည်ညုိုလေးစားကာ ချစ်အားပုိုမိတော့၏။ ထုို့ကြောင့်ပင် အလွန်မြင့်မြတ်ကြီးကျယ်သော ပါရမီလုပ်ငန်းဝယ် အတူတွဲဘက်၍ ဖြည့်ဆည်းရန် ဆုံးဖြတ်ရဲခြင်းပင်ဖြစ်ပေသည်။ သူမ၏အချစ်သည် ဘုရားဖြစ်သည်အထိ ကောင်းကျိူးတွေပြုခဲ့သည်။ အထူးသဖြင့် စံနမူနာယူသင့်သည့်အချက်မှာ သုမိတ္တာ၏အချစ်သည် သူမ၏ပါရမီဖြည့်ဖက်အပေါ်ဝယ် အစွန်းရောက်သော မျက်ကန်းချစ်ဖြင့် ရူးရူးမုိုက်မုိုက်ချစ်ခဲ့သည့် အချစ်မျိူးမဟုတ်ချေ။ အမှန်စင်စစ် သူမသည် သုမေဓာရှင်ရသေ့အပေါ်ဝယ် ချစ်မြတ်နုိုးမှု၊ ယုံကြည်မှု ကြောင်းကျိူးကုိုဝေဘန်နုိုင်စွမ်းသော အသိပညာရှိမှုနှင့် သတ္တိတုို့ဖြင့် ချစ်ခဲ့ခြင်းဖြစ်သည်။  မှန်၏။ သူမသည် ရှင်ရသေ့ကုို ချစ်မြတ်နုိုးမှုကြောင့် ပေါင်းဖက်လုိုခဲ့သည်။ ယုံကြည်မှုကြောင့် အားထားလုိုခဲ့သည်။ ရှင်ရသေ့၏ အရည်အချင်းနှင့်သတ္တိသည် သူမအတွက်ရော လောကအတွက်ပါ ဘယ်တော့မှသစ္စာမဖောက်သော ကောင်းကျိူးပြုလုပ်ငန်းတုို့ကုို အဟုတ်တန်းလုပ်မည့်သူဖြစ်ကြောင်း ကောင်းကောင်းသိသော အသိပညာရှိမှုကြောင့် အတူလက်တွဲ၍ပါရမီဖြည့်ဘုို့ ဆုံးဖြတ်နုိုင်ခဲ့သည်။ ထုိုချစ်မြတ်နုိုးမှု၊ ယုံကြည်မှုနှင့် အသိပညာရှိမှုတုို့ကြောင့်ပင် နောက်မတွန့်သော သတ္တိများ အားပြည့်လာခဲ့သည်။

    ထုိုအစွန်းလွတ်ချစ်မေတ္တာကြောင့်သာလျှင် ကြားလေသွေးမှုနှင့် အခက်ခဲများစွာကြုံတွေ့ခဲ့ရသော်လည်း အချစ်မပြယ်ခဲ့ဘဲ တည်တံ့ခုိုင်မြဲကာ အေးချမ်းသာယာ၍ ကြည်နူးဘွယ်ရာအတိရှိသော အိမ်ထောင်ရေးဘဝကုို ဘဝဆက်တုိုင်းတည်ဆောက်နုိုင်ခဲ့သည်။ ထုိုပြင် လောက၏ ကောင်းကျိူးမှန်သမျှထက်ကျော်လွန်၍ လောက၏အထွဋ်ဆုံး အမြတ်ဆုံးဖြစ်သည့် ဘုရားအဖြစ်သုို့ရောက်သည့်တုိုင်အောင် ပါရမီလုပ်ငန်းများကုို အဟုတ်တန်းဖြည့်ဆည်းနုိုင်ခဲ့ပေသည်။ ဤသည်မှာ ချစ်မေတ္တာကုို နည်းလမ်းမှန်အောင် အသုံးချတတ်ခြင်းကြောင့် သုို့မဟုတ် နည်းလမ်းမှန်အောင်ချစ်တတ်ခြင်းကြောင့် သုို့မဟုတ် အစွန်းလွတ်သော မဇ္ဈိမပဋိပဒါအချစ်ကြောင့် လောကကောင်းကျိူးများထက် သာလွန်ကာ လောကုတ္တရာနိဗ္ဗာန်တုိုင်အောင် အနှိုင်းမဲ့ကောင်းကျိူးကုိုရရှိခြင်းဖြစ်ပေသည်။ အများစုက ထင်ထားကြသည်မှာ နှစ်ဘက်စွန်းလွတ်သော မဂ္ဂင်ရှစ်ဖြာကုို မဂ်ဖုိုလ်နိဗ္ဗာန်ရရေး အားထုတ်သောအခါတွင်မှသာ အသုံးတည့်သည်ထင်ကြ၏။ လောကီအရေးအရာများအတွက် သုံး၍မဖြစ် မသက်ဆုိုင်ဟု အထင်မှားနေကြ၏။ အမှန်စင်စစ် မဂ္ဂင်ရှစ်ဖြာသည် အချစ်ရေး အိမ်ထောင်ရေး နုိုင်ငံရေး လူမှုရေး စီးပွါးရေး စသည့်အရေးအရာအားလုံးတုို့၌ အသုံးချတတ်ပါက လူမှုလောကအတွက် အလွန်ပင်အသုံးတည့်လှပါသည်။ ထုိုမဂ္ဂင်လမ်းစဉ်ကုိုသာ လူမှုနယ်ပယ်အသီးသီး၌ အသုံးပြုကြလျှင် သုို့မဟုတ် လုိုက်နာကျင့်သုံးကြလျှင် ယနေ့ကမ္ဘာသည် ပျော်ရွှင်ဘွယ်ရာအတိဖြစ်နေမည်မှာ မြေကြီးလက်ခတ်မလွဲပင်ဖြစ်ပါသည်။

    ယနေ့လူသားအများစုအနေဖြင့်လည်း အစွန်းလွတ်သော မဂ္ဂင်လမ်းစဉ်ကုို အခြေခံ၍ ချစ်ကြစေချင်ပါ၏။ အစွန်းလွတ်သော မဂ္ဂင်လမ်းစဉ်ကုိုအခြေမခံဘဲ ချစ်ခဲ့ကြသော အိမ်ထောင်ရေးများ ကွဲပြဲခဲ့ကြဖူးပြီ။ ကွဲပြဲနေကြဆဲလည်းဖြစ်သည်။ နုိုင်ငံရေးတွင်လည်း အစွန်းလွတ်မဂ္ဂင်ကုိုအခြေမခံခဲ့သော ဂျာမဏီသည် အစွန်းရောက်သော အမျိူးချစ်စိတ်ကြောင့် နုိုင်ငံတစ်ခုလုံး စစ်ရှုံးကာ ကြေမွပျက်ဆီးခဲ့ရဖူးသည်။ ထုို့အတူ အစွန်းရောက်မျိူးချစ်သော ဂျပန်သည်လည်း မဟာဂျပန်ဖြစ်ရေးကြိူးစားရင်း တုိုင်းပြည်တစ်ခုလုံး ပြာပုံဖြစ်ခဲ့ဖူးသည်။ ထုို့ကြောင့် မဂ္ဂင်လမ်းစဉ်ကုို အခြေခံသော ပါရမီအိမ်ထောင်ရေး ပါရမီမိသားစု ပါရမီလူမှုအဖွဲ့အစည်း ပါရမီနုိုင်ငံရေးများဖြစ်စေချင်ပါ၏။ ဤသုို့သာဖြစ်ကြလျှင် ဤကမ္ဘာ ဤလောကသည် မည်မျှငြိမ်းချမ်းတုိုးတက်၍ မည်မျှပျော်ရွှင်ဖွယ်ကောင်းသော လောကကြီးဖြစ်လုိုက်မည်နည်း။ ထုိုပါရမီအချစ်နှင့်ပတ်သက်၍ ယသောဓရာထေရီအပါဒါန်တွင် ပရိနိဗ္ဗာန်စံဝင်ခါနီးဖြစ်သော ယသောဓရာထေရီအရှင်မကြီးသည် မရေမတွက်နုိုင်သော ဘဝများစွာ ကမ္ဘာအနန္တဝယ် မဂ္ဂင်လမ်းစဉ်ကုိုအခြေခံလျှက် သင်္ချာပြ၍မရနုိုင်လောက်အောင် အရာရာကုိုချစ်မေတ္တာဖြင့် ပေးဆပ်စွန့်လွှတ်အနစ်နာခံကာ ပါရမီဖြည့်ခဲ့ရပုံကုို ဒုက္ခအားလုံးချုပ်ဆုံးတော့မည့် ပရိနိဗ္ဗာန်ဝင်စံခါနီးဆဲဆဲ၌ ဘုရားရှင်အား ဤသုို့ရင်ဖွင့်နှုတ်ဆက်စကား လျှောက်ထားခဲ့လေသည်။

    ဘုန်းတော်ကြီးတော်မူသော မြတ်စွာဘုရား တပည့်တော်မကား ရှင်တော်မြတ်ဘုရား၏ ကြင်ယာသက်ထားဖြစ်ခဲ့ဖူးသော ယသောဓရာပင်ဖြစ်ပါသည်။ ရှင်တော်မြတ်ဘုရား၏ ခြေတော်အစုံတုို့ကုို ဖူးမြှော်ဦးခုိုက်၍ နှုတ်ဆက်လုိုပါသည်။ တပည့်တော်မသည် ရှင်တော်ဘုရား၏ အထံတော်၌ အမြင့်မြတ်ဆုံးသော အဘိညာဉ်ငါးပါးလုံးကုို ထုိုးထွင်သိမြင်ရရှိခဲ့ပါပြီ။ ကိလေသာအာသဝေါကုန်ခန်း၍ အမြင့်မြတ်ဆုံးဖြစ်သော ရဟန္တာထေရီမအဖြစ်သုို့လည်း ယခုအခါရောက်ခဲ့ပါပြီ။ နောက်ထပ်တစ်ဖန် ဘဝသစ်၌ ပြန်လည်၍ ဖြစ်ဘွယ်ရာမရှိတော့ပါ။ အရှင်မြတ်ဘုရား၏ ခြေတော်ရင်း၌ပင် အလွန်ရနုိုင်ခဲလှသော ပဋိသမ္ဘိဒါလေးပါးကုိုလည်း ထုိုးထွင်းသိမြင်ရအပ်ခဲ့ပါပြီ။ ရဟန်းမြတ်ဖြစ်တော်မူသော မြတ်စွာဘုရား ရှေးရှေးသောဘုရားရှင်တုို့၏ အထံတော်၌ အရှင်ဘုရားနှင့်တပည့်တော်တုို့ အတူတကွပေါင်းဆုံမိကြပြီးလျှင် အရှင်ဘုရားအတွက် ဆုတောင်းပေးခဲ့သည်မှာလည်း များပြားလှပါပြီ။ လုံ့လကြီးတော်မူသော မြတ်စွာဘုရား ရှင်တော်မြတ်ဘုရားအကျိူးငှာ ကုိုသုိုလ်ကောင်းမှုများစွာကုို တပည့်တော်မဆည်းပူးခဲ့ပါပြီ။ ထုိုကုသုိုလ်ကောင်းမှုတုို့ကို အောက်မေ့တော်မူပါလော့။ ရှင်တော်မြတ်ဘုရား တပည့်တော်မသည် မပြုကျင့်သင့် မပြုကျင့်ထုိုက်သော အရာတုို့ကုို ရှောင်ကြဉ်ဖယ်ခွါတားမြစ်လျှက် အရှင်ဘုရားအကျိူးအတွက် အသက်ကုိုပင် ကျေနပ်စွာစွန့်လွှတ်ခဲ့ဖူးပါပြီ။

( ဆက်လက်ဖေါ်ပြပါမည် ) ။

Ven Pannasami

Director of Religious Education