“လွမ်းနေတဲ့ ငါးတစ်ကောင်”

by ရင်နင့်အောင် on Saturday, June 16, 2012 at 2:05am  

“မေယုရယ် …

ငါဟာ ရေကိုကြောက်တဲ့ ငါးတစ်ကောင်အဖြစ်

လက်လွတ်စပယ် ထ ထ ပျံသန်းနေတဲ့ ကောင်ပါ”

တကယ်တော့ ဒီလိုအချိန်မှာမှ လာရွာတဲ့ မိုးက ငါ့အလွမ်းတွေအတွက် အကောင်းဆုံး ဇာတ်ပို့တစ်ခုပါ မေယုရယ်။ တိမ်တွေပြေးနေကြသလား မေယု။ ငါ့အလွမ်းတွေ မိုးစိုခဲ့ပြီလေ။ ဒါဟာ တလောကလုံးမှာ မင်းအတွက် အကောင်းဆုံး ဟာသတစ်ပုဒ်ဖြစ်ချင်ဖြစ်နေပါလိမ့်မယ် မေယု။ ဖြစ်ခွင့်လည်း သေချာပေါက် ရှိနေတာပဲမဟုတ်လား။ နင်ရယ်လိုက်ပါ မေယု။ နင်ရယ်သာ… ရယ်လိုက်စမ်းပါ။ ငါ့မနက်ခင်းလေးကို တံခါးဖွင့်ကြည့်တယ်။ ဆည်းလည်းသံတွေမြည်နေပေမယ့် နင်မရောက်လာဘူး။ အင်းလေ… နင်ရောက်လာစရာ အကြောင်းကလည်း နင်နဲ့ ငါကြားမှာ မရှိတော့ဘူး ထင်တယ် မေယု။

တစ်နေ့ကပဲ နင်သင်ပေးခဲ့ဖူးတဲ့ ကြယ်လေးတွေ ငါခေါက်နေလိုက်သေးတယ်။ ဒီနေ့ အဲဒီကြယ်လေးတွေ ကြွေခဲ့ရပြီကော။ မေယု…။ ဒီဇင်ဘာရဲ့ တစ်ခုသော နံနက်ခင်းမှာ ငါ့ပုခုံးကို နင်မှီပြီး ဆိုခဲ့တဲ့ သီချင်း..။ ချစ်သုဝေရဲ့ တကယ်ဆိုရင်တဲ့လား။ ငါနောက်တစ်ကျော့ပြန်လွမ်းလိုက်ပါတယ်မေယုရယ်။

“နင့်အတွက်ဆို

အမြဲ ခန်းခြောက်ဖို့ အသင့်ဖြစ်နေတဲ့ နွေ

ဒီတစ်ဆောင်းမှာ နှင်းတစ်သိုက်လောက်နဲ့

လက်မြောက်ရမယ်တဲ့လား

ဒါမဖြစ်နိုင်ပါဘူး

ကောင်းကင်က ဘာကြောင့်ကွေးနေခဲ့လဲ

နင်မသိလိုက်တဲ့ ငါ့ရင်ခုန်သံတွေ တုန်ခါနေဆဲ

ရုတ်တရက် နင့်မျက်တောင်လေးကို လွမ်းတာ

ငါမှားသလား မေယု…”

သံယောဇဉ်…။ ငါနားမလည်အောင် နင်ရှင်းပြခဲ့ဖူးတဲ့ သံယောဇဉ်ဆိုတာလေး….။ အခု ငါနားလည်နေပါပြီ မေယုရယ်။ နင့်အိပ်မက်တွေကတော့ အရောင်ပြောင်းခဲ့လေရော့သလား မေယု။ ဆောင်းနံနက်ခင်း ငါးခုလောက် ဖြတ်သန်းအပြီးမှာ နင်ဟာ အရှင်လတ်လတ် နွေလိုပူလောင်သွားခဲ့တယ်နော်။ မေယု။ ဘ၀ဆိုတာ တွေ့ပြီးရင်တော့ ခွဲရမှာပဲလေ။ ငါသိပါတယ် မေယုရယ်။ နင်နဲ့ငါ အပျော်သွားမေးခဲ့ဖူးတဲ့ ဗေဒင်ဆရာက ငါတို့နှစ်ယောက်ဟာ ရှင်ခွဲ ခွဲရကိန်းရှိတယ်။ ယတြာခြေရမယ်တဲ့။ နင်နဲ့ ငါ အပြန်မှာ ယတြာမခြေဘဲ ရယ်မောပစ်ခဲ့ကြတယ်နော်။

“ဘာယတြာမှ မလိုဘူး

ငါတို့က ဘယ်တော့မှ မခွဲဘူးလေ

ဟုတ်တယ်မလား ရင်နင့်အောင်”

အဲဒီတုန်းက ငါဘာမှ ပြန်မပြောဖြစ်ခဲ့ဘူး မေယု။ ခုနေများ အချိန်မီသေးရင် အဲဒီယတြာ ငါခြေခွင့်ရှိနိုင်ဦးမလား။ ခက်ပါတယ် မေယုရယ်။ ငါဟာ နင့်အချစ်ကို ယတြာခြေပြီး မလိုချင်တဲ့သူပါ။ ခုတော့ ငါတစ်ယောက်တည်း ဒီလို မိုးရွာနေတဲ့ ညနေခင်းတစ်ခုမှာ တိမ်တောက်ဖို့ မေ့နေရပါပြီ မေယုရယ်။

“တို့တွေ လျှောက်တဲ့လမ်းမှာ

ကံကြမ္မာ အပြာရောင်တွေ သမ်းနေဆဲ

ဘယ်ကမှန်းမသိတဲ့ ခွေးအ ဟောင်သံတွေက

မိုးလုပ်ရွာကြမယ်ဆိုတာ

ငါမှ ကြိုမသိခဲ့ဘဲ မေယု”

-------------------------------------------------------------------

“ရင်နင့်အောင်

နင် ငါ့ကို မလိမ်နဲ့

နင် အရက်တွေ သောက်လာတယ်မလား…”

ဟုတ်ပါတယ် မေယု။ ငါနင့်ကို ဘယ်တော့မှ မလိမ်ချင်ခဲ့သူပါ။ နင်မကြိုက်တဲ့ အရက်ကို ခြောက်လတိတိ ငါဖြတ်ပြီးတော့ နင်ဆီက ရခဲ့တဲ့ လက်ဆောင်လေး…….။ မေယုရယ်..။ ခုတော့ ညနေခင်းတွေရဲ့ ထိုင်ခုံတိုင်းဟာ ငါ့တစ်ကိုယ်စာပဲ ကျန်ခဲ့လေသလား။ နင်မလိုချင်၊ မဖြစ်ချင်ရင်လည်း အစကတည်းက..လို့ ငါမတွေးချင်ပါဘူး။ အဲဒီ ငါဘ၀ထဲကို နင်မယုံကြည်စွာ လှမ်းခဲ့တဲ့ အချိန်ကာလတိုင်းကို ငါမြတ်နိုးတယ် မေယု။

“ရင်နင့်အောင်

ငါပြန်လို့မဖြစ်တော့ဘူး

နင်နဲ့ငါ တူတူနေရအောင်နော်”

ငါ့ဘ၀ထဲကို ဆယ်စုနှစ်ရဲ့ တစ်ဝက်စာ နင်ဝင်လာခဲ့တယ်မေယု။ နင်ထွက်သွားတော့ ငါတို့အတူနေခဲ့တဲ့ အိမ်လေးက နင်ဘာမှယူမသွားပေမယ့် ဘာမှ မကျန်တော့သလိုပါကွယ်။ နင်အကုန်ယူသွားတယ် မေယု။ ခု ဘာမှ မရှိတော့ဘူး။ ငါ့အလွမ်းတွေနဲ့ အိမ်လေးဟာ အထီးကျန်လွန်းလှပါတယ်ကွယ်။

“ခက်တော့လည်း ခက်ပါတယ် မေယုရယ်

လောကဟာ စံပါယ်ပန်းကို ဆူးတပ်ပေးမထားခဲ့ဘူး

ငါ့မှာသာ နင့်ဆီက ကောက်ရထားတဲ့

အသေရောင် အနမ်းတွေနဲ့

ရှင်သန်ခြင်းကို ရေးဆွဲနေတုန်း

ဝတ်ရည်တွေ ရွာတဲ့ ပန်းတစ်ကောင်ရဲ့ ညကိုသာ

တပ်တပ်မက်မက် ခူးဆွတ်ခွင့်ပေးပါ”

-------------------------------------------------------------------

“မေယု ငါ့မှာ နင့်အတွက် အဆင်ပြေမှုတွေ မရှိဘူးနော်”

“နင်ကြိုးစားပေါ့ဟာ .. ငါသည်းခံနိုင်ပါတယ်”

မေယု။ နင် အခုသည်းမခံနိုင်တော့ဘူးလား။ နင်ထွက်သွားခဲ့ပြီ။ ငါတို့ ဘာတွေ မှားခဲ့ကြသလဲ။ ဘာတွေ လိုအပ်ခဲ့ကြသလဲ။ ငါ့အတွက် နင်ရှိနေရင် ပြည့်စုံခဲ့ပေမယ့် နင့်အတွက် ငါရှိနေရုံနဲ့ မပြည့်စုံခဲ့ဘူးလေ။ ငါနားလည်ပါတယ် မေယုရယ်။

လောကမှာ လူနှစ်မျိုးပဲ ရှိတယ်။ သစ္စာဖေါက်တဲ့သူနဲ့ သစ္စာဖေါက်ခံရတဲ့သူတဲ့ မေယု။ ထားသွားခဲ့တဲ့ နင့်ကိုကော ကျန်ခဲ့ရတဲ့ ငါကိုယ်တိုင်ပါ သစ္စာဖေါက်တယ်ဆိုတဲ့ စကားကို ငါခုထိ မသုံးရက်ပါဘူးကွယ်။ နင်ဘ၀ရဲ့ အဆင်ပြေမှုတစ်ခုကို ငါမပါဘဲ နင်သွားရှာမှ ဖြစ်မယ်ဆိုလည်း နင်သွားပါ မေယု။ ငါကျန်ခဲ့လိုက်ပါ့မယ်။

“မေယုရယ်

နင်နှုတ်ခမ်းမှာ မိုးရွာတုန်းက

အချစ်ဟာ လျှပ်စီးတစ်လက်စာ မြန်လွန်းလှပေါ့

လူတစ်ယောက်ကို မုန်တိုင်းတိုက်ပစ်ဖို့

နင့်အတွက် သိပ်ကို လွယ်လွန်းခဲ့သလား မေယု”

-------------------------------------------------------------------

“ရင်နင့်အောင်…..

ငါတို့ အိမ်ထောင်ရေးဟာ ဒီလောက်နဲ့ အဆုံးသတ်သင့်ပြီလို့ ငါထင်တယ်”

နင်ဟာ ငါ့ကို အသိပေးခဲ့တာပဲ။ အဖြေလိုချင်တာမှ မဟုတ်တာ။ ငါသိပါတယ် မေယုရယ်။ နင်လိုချင်တဲ့ အဖြေဟာ နင့်ရင်ထဲမှာပဲ ရှိနေခဲ့တာပဲ။ ကံကြမ္မာဟာ ဒီလောက်နဲ့ ဇာတ်သိမ်းဖို့ ဘယ်သူမှ မရေးခဲ့ဘူး မေယု။ နင်ကိုယ်တိုင်ပဲ ရေးခဲ့တာ မေယု။ နင်ကိုယ်တိုင်ပါပဲ။ ခုတော့ ငါလွမ်းနေရုံလေး ငြိမ်ငြိမ်လေး လွမ်းနေလိုက်ပါတယ်။

ငါတို့တွေ ကြိုးစားတည်ဆောက်ခဲ့ကြတဲ့ အိမ်လေး။ အဖိုးမထိုက်တန်လှတဲ့ အိမ်သေးသေးလေးပေမယ့် ဒါဟာ နင်နဲ့ငါ အတူတူ တည်ဆောက်ခဲ့ကြတာပါ။ နင့်အတွက် ဒီအိမ်လေးဟာ ဘာမှမဟုတ်တော့တဲ့အချိန်မှာ ငါ့အတွက်တော့ တစ်ချိန်က ပျော်စရာတွေကနေ ပြောင်းလဲသွားတဲ့ အလွမ်းအိမ်လေးပေါ့ မေယု။ နင်ချက်ကျွေးခဲ့ဖူးတဲ့ ထမင်းအိုး၊ နင်စားခဲ့ဖူးတဲ့ ထမင်းပန်းကန်၊ နင်သောက်ခဲ့ဖူးတဲ့ ကော်ဖီခွက်လေး…။ ငါရူးရပြီကွယ်။

“ငါကြိုးစားနေတယ် မေယု

နင်မစောင့်နိုင်တော့ဘူးလား…”

“အေး.. ဆောရီးပဲ .. ငါသွားတော့မယ်… ရင်နင့်အောင်

ငါ ဒီဘ၀မှာ ဘယ်လိုမှ

ဆက်မနေနိုင်တော့လို့ပါဟယ်

ဆောရီးပါ”

အော်..။ မေယု။ နင်ပြောခဲ့တဲ့ ဆောရီးနဲ့ ငါကျန်ရစ်ခဲ့ရတယ်။ ခုအဲဒီ ဆောရီးဟာ ငါ့ကို အလွမ်းမှ မပြေစေဘဲလေ။ ငါနင့်ကို မလွမ်းဘဲနေနိုင်အောင် လုပ်ပေးခဲ့သင့်တာ မေယု။

“တိမ်တွေ ခိုးနားထောင်တတ်တဲ့

ငှက်တွေရဲ့ တီးတိုးပြောသံမှာ

အချစ်ဆိုတာ ပျံသန်းခြင်းပါတဲ့

နှလုံးသားဝတ်ရုံမှာ ဘာအံဝှက်မှ မပါဘဲ

နင်ဟာ အချစ်ကို မျက်လှည့်ပြတတ်သူ

သံယောဇဉ်လိပ်စာပျောက်သွားတဲ့ ငါကလည်း

နင့်အိပ်မက်လမ်းထဲမှာ တ၀ဲလည်လည်

ခက်ချေရဲ့ မေယု

ငါအိပ်မက်တွေ အညိုရောင် မှိုင်းလာပြီ

ခဏလောက် လှည့်ပြီး စိမ်းပေးပါလား”

-------------------------------------------------------------------

မေယုရယ်။ တစ်ခါက အရင်းနှီးဆုံး သူစိမ်းနှစ်ယောက်ဟာ ဘာမှမသက်ဆိုင်တော့တဲ့ သူစိမ်းနှစ်ယောက်အဖြစ် နင်က လွယ်လွယ်ကူကူကြီး ပြောင်းလဲ ပစ်ခဲ့တယ်နော်..။

“တကယ်ပဲ ရေမနစ်ရင် သေမယ့်ငါးပေမယ့်

ငါဟာ ရေနစ်နေတဲ့ ငါးတစ်ကောင်ပါ

အချစ်ဟာ အေဘီစီဒီ သင်သလောက် မလွယ်သလို

နင်ဟာ ပေါင်းနှုတ်မြောက်စား ကျွမ်းကျင်လှသူ

ငရုတ်သီးပါးစပ်နဲ့ ဟမ်ဘာဂါစားချင်တဲ့ ငါက

လေထဲမှာ အတောင်မပါဘဲ ပျော်နေတဲ့ ငှက်လိုမျိုး

နင့် ဒိုင်ယာရီတွေ မီးနီပြနေတာတော့ မုန်းတီးတတ်ခဲ့ပြီ။

အလံဖြူပြထားတဲ့ နတ်ဆိုးပါ မေယုရယ်

နင့်ကို ငါချစ်တယ်” ။

ရင်နင့်အောင်