24.06.2012 နေ့ဖတ်ရန်သတင်းများ

by Myanmar Journal on Saturday, June 23, 2012 at 2:58pm ·

ပါကစ္စတန်မှာ ဝန်ကြီးချုပ်သစ် ရွေးချယ်ခန့်အပ်

ရာဂျာ ပါဗက်ဇ် အရှရက်ဖ်ကို ပါလီမန်မှာ မဲအရေ အတွက် ၃၄၀ ကျော် ရှိတဲ့ အနက် ၂၀၀ ကျော်ရဲ့ ထောက်ခံမှုနဲ့ ရွေးချယ်ခဲ့တာပါ

ပါကစ္စတန် နိုင်ငံမှာ တရားရုံး အမိန့်အာဏာကို ဖီဆန်မှုနဲ့ ဖယ်ရှား ခံခဲ့ရတဲ့ ဝန်ကြီးချုပ်ဟောင်း ယူဆွတ်ဖ် ရာဇာ ဂီလာနီရဲ့ နေရာမှာ အာဏာရ PPP ပါတီကဘဲ ဖြစ်တဲ့ ရာဂျာ ပါဗက်ဇ် အရှရက်ဖ် ကို ရွေးချယ်တင်မြှောက်လိုက်ကြပါပြီ။

ဝန်ကြီးချုပ်သစ် ဖြစ်လာတဲ့ ရာဂျာ ပါဗက်ဇ် အရှရက်ဖ်ကို ပါလီမန်ထဲမှာ မဲအရေ အတွက် ၃၄၀ကျော်ရှိတဲ့ အနက် ၂၀၀ ကျော်ရဲ့ ထောက်ခံမှုနဲ့ ရွေးချယ်ခဲ့တာပါ။

ဒါပေမယ့် သူ့ထက်ဦးစားပေးပြီး ရွေးချယ်ခံရနိုင်တဲ့ Makhdoom Shahabuddin ကိုတော့ တားမြစ်ထားတဲ့ ဆေးဝါးတွေ ပြည်ပက တရားမဝင် တင်သွင်းမှုနဲ့ပတ်သက်တယ်ဆိုပြီး တရားရုံး က ဖမ်းဝရမ်း ထုတ်ခဲ့ပြီးတဲ့နောက် အက်ရှရက်ဖ်ကို ရွေးချယ်ခဲ့ ကြတာပါ။

ဝန်ကြီးချုပ်သစ် ဖြစ်လာတဲ့ သူ့အနေနဲ့ အရပ်ဖက် အစိုးရရယ်၊ တရားရုံးရယ်၊ စစ်တပ်ရယ်ကြားမှာ အမြဲဖြစ်နေတဲ့ အားပြိုင်မှု ပြဿနာတွေကို အမွေဆက်ခံ လိုက်ရပါတယ်။

သူရင်ဆိုင်ရမယ့် အဓိက အခက်အခဲ တခုကတော့ အရင်ဝန်ကြီးချုပ် ဟောင်း ယူဆွတ်ဖ် ရာဇာ ဂီလာနီ တုန်းကလိုဘဲ သမ္မတ Zadari ကို အဂတိ လိုက်စားမှု စွပ်စွဲချက်တွေ အတွက် စစ်ဆေးဖို့ ကိစ္စ ဖြစ်ပါတယ်။

မစ္စတာ ဂီလာနီက အဲဒီလို စုံစမ်းစစ်ဆေး ဖို့ငြင်းဆန်ခဲ့တဲ့ အတွက် တရားရုံးက သူ့ကို အာဏာဖီဆန်မှုနဲ့ တာဝန်က ဖယ်ရှားခဲ့တာပါ။ မစ္စတာ ဂီလာနီကတော့ သမ္မတမှာ အဲဒီလို စုံစမ်း စစ်ဆေးမှု ကနေ ကင်းလွတ်ခွင့် ရှိတယ်လို့ ဆိုခဲ့ပါတယ်။

သမ္မတ ဇာဒါရီဟာ သူ့ဇနီး ဘနာဇီယာဘူတို ဝန်ကြီးချုပ် ဖြစ်ခဲ့စဉ်တုန်းက လာဘ်ငွေတွေကို ဆွစ်ဇ်ဘဏ်တွေမှာ သိမ်းထားတယ်လို့ စွပ်စွဲ ခံနေရတာပါ။ သမ္မတ ဇာဒါရီကတော့ ဒါဟာ နိုင်ငံရေး အရ လုပ်ကြံ စွပ်စွဲချက်သာ ဖြစ်တယ်လို့ တုံ့ပြန်ခဲ့ ပါတယ်။

အခုလို ပြဿနာတွေ အပြင် တိုင်းပြည် စီးပွားရေး အကျပ် အတည်း ဖြစ်နေတာ၊ အမေရိကန် အစိုးရနဲ့ ဆက်ဆံရေး မပြေလည်တာနဲ့ အာဖဂန် နယ်စပ်မှာ လူမျိုးစု သူပုန်ထမှုတွေနဲ့ ရင်ဆိုင် နေရ တာ တွေကိုပါ ဖြေရှင်းရဖို့ ရှိနေတာမို့ ဝန်ကြီးချုပ် သစ် ရာဂျာပါဗက်ဇ် အရှရက်ဖ် အဖို့ ရှေ့နှစ် ကျင်းပဖို့ရှိတဲ့ ရွေးကောက်ပွဲ အထိ လက်ရှိ အစိုးရ တည်မြဲအောင် အတော်ကို ကြိုးစားရမယ့် သဘောရှိပါတယ်။

အာဏာရ PPP ပါတီရဲ့ အဓိက ရည်ရွယ်ချက်က ပါကစ္စတန်မှာ ပထမဦးဆုံး ငါးနှစ်သက်တမ်း ပြည့်တာဝန်ယူ နိုင်တဲ့ အစိုးရ တရပ်ဖြစ်လာဖို့ပါ။ တကယ်လို့ ရွေးကောက်ပွဲ ရောက်တဲ့ အထိ ထိန်းထား နိုင်မယ်ဆိုရင်၊ တရားရုံးနဲ့ စစ်တပ်တို့က ဝိုင်းပြီး ဖိအားပေး ခံနေရတယ်လို့ မြင်နေကြသူ အများအပြားရဲ့ ထောက်ခံမဲတွေကို ရလိမ့်မယ်လို့ စောင့်ကြည့် လေ့လာသူ တချို့က သုံးသပ်နေကြပါတယ်။

မူဆလင်ရပ်ကွက်ကလူတွေကို စစ်တွေမြို့ပြင်မှာ ရွှေ့ပြောင်း နေရာချ

ပြဿနာတွေ ထပ်မဖြစ်အောင် မွတ်ဆလင်တွေကို သက်ဆိုင်ရာက ပြောင်းရွှေ့ နေရာချခဲ့တာလို့ ဆို

ရခိုင်ပြည်နယ် စစ်တွေမြို့ အောင်မင်္ဂလာ ရပ်ကွက် မှာ ရှိတဲ့ မွတ်ဆလင်တွေကို သက်ဆိုင်ရာက စစ်တွေမြို့ပြင်မှာ ရွှေ့ပြောင်း နေရာချထားလိုက်ပါတယ်။

အကြမ်းဖက်မှုတွေ ဖြစ်ပွားစဉ် အချိန်တုန်းက အဲဒီ ရပ်ကွက်က နေအိမ်အတော်များများ မီးရှို့ခံခဲ့ရတာ ဖြစ်ပါတယ်။

မွတ်ဆလင်တွေနဲ့ ရခိုင်လူမျိုးတွေ ခြံစည်းရုံးချင်း ကပ် ရောနှော နေထိုင်နေကြတဲ့ အောင်မင်္ဂလာရပ်ကွက်မှာ လုံခြုံရေးတွေ ချထားပေမယ့် မလိုလားအပ်တဲ့ ပြဿနာတွေ ပေါ်လာနိုင်တဲ့အတွက် နှစ်ဘက် ညှိနှိုင်းပြီး စစ်တွေ မြို့ပြင်က အောက်သဲချောင်းရပ်ကို ယာယီ ရွှေ့ထားပေးတာ ဖြစ်တယ်လို့ စစ်တွေမြို့ ကွပ်ကဲရေးရုံး ပြန်ကြားရေး တာဝန်ခံ ဦးဝင်းမြိုင်က ဘီဘီစီကို ပြောပါတယ်။

သောကြာနေ့က စလို့ မွတ်ဆလင် ၆၄၀လောက် ရွှေ့ထားပေးပြီးဖြစ်ပြီး စနေနေ့ မှာလည်း နောက်ထပ် ရွှေ့ပြောင်း နေရာချမှုတွေ ဆက်လုပ်နေတယ်လို့ ဆိုပါတယ်။

ရွှေ့ပြောင်း နေရာချထားမှုကို မြို့နယ် အုပ်ချုပ်ရေးမှူး၊ ရပ်ကွက် အုပ်ချုပ်ရေးမှူးနဲ့ လူဝင်မှု ကြီးကြပ်ရေး ဌာန တာဝန်ရှိ ပုဂ္ဂိုလ်တွေက ဦးစီး ဆောင်ရွက်နေရာမှာ အဲဒီလူတွေထဲမှာ မှတ်ပုံတင် မရှိပဲ နေထိုင်နေသူတွေကို စိစစ် တွေ့ရှိခဲ့တာကြောင့် လူဝင်မှု ကြီးကြပ်ရေး ဌာနက ဆက်လက် ကိုင်တွယ် ဆောင်ရွက်နေတယ်လို့ သူက ပြောပါတယ်။

စစ်တွေမြို့မှာ အခြေအနေတွေ အေးဆေး တည်ငြိမ်နေပြီး ကယ်ဆယ်ရေး စခန်း တွေနဲ့ ဘုန်းကြီးကျောင်းတွေမှာ ခိုလှုံနေသူတွေ ကိုယ့်အိမ် ကိုယ်ပြန်နေ နိုင်အောင် အစိုးရက ကြိုးပမ်းနေတယ်လို့ ဆိုပါတယ်။

အခုချိန်ဟာ လယ်ယာ စိုက်ပျိုးချိန် ရောက်နေပြီမို့ လယ်ယာ စိုက်ပျိုးလို့ ရတဲ့အထိ လုံခြုံမှု ဆောင်ရွက်ပေးဖို့ အစိုးရက စီစဉ်ထားတယ်လို့လည်း ဦးဝင်းမြိုင်က ဘီဘီစီ ကို ပြောပါတယ်။

တူရကီ စစ်လေယာဉ် ဆီးရီးယား ပစ်ချ

တူရကီ စစ်လေယာဉ် ပစ်ချမိကြောင်း ဆီးရီးယား ဝန်ခံ

ဆီးရီးယား တူရကီ နယ်စပ်မှာ တူရကီ စစ်လေယာဉ် တစင်းကို ပစ်ချ ခဲ့တယ်လို့ ဆီးရီးယားက ဝန်ခံ လိုက်ပါပြီ။

သောကြာ နေ့က ဆီးရီးယား လေပိုင်နက်ထဲ ဝင်လာတဲ့ ပစ်မှတ် တခုကို လေကြောင်း ခံစစ် အနေနဲ့ ပစ်ချ ခဲ့တယ်လို့ ဆီးရီးယား စစ်ဘက်က ဆိုပါတယ်။

နောက်မှ တူရကီ တိုက်လေယာဉ် ဖြစ်နေမှန်း သိရတယ်လို့ သူတို့က ဆိုပါတယ်။

ပစ်ချ ခံရစဉ်က လေယာဉ် ဘယ်နေရာ ရောက်နေတယ် ဆိုတာ အပါအဝင် ဖြစ်ရပ် နောက်ခံ အသေးစိတ် ကို အားလုံး စဉ်းစား ပြီးမှ တုံ့ပြန်ဖို့ ဆုံးဖြတ်မယ်လို့ တူရကီ ဝန်ကြီးချုပ် ရီဆပ် အာဒိုဂန်က အရေးပေါ် အစည်း အဝေး အပြီးမှာ ပြောကြား ခဲ့ပါတယ်။

ဘယ်လို တုံ့ပြန်မှာလဲ မရှင်းလင်းဘူးလို့ သတင်းထောက် တွေက ဆိုပါတယ်။

 ပစ်ချခံရတဲ့ တူရကီလေယာဉ် လမ်းမှားသွားတာ ဖြစ်

ဆီးရီးယားနိုင်ငံတဲ့ တမင်သက်သက် ဝင်ရောက်တာ မျိုး မဟုတ်ဘူးလို့ တူရကီသမ္မတက ပြောပါတယ်

ဆီးရီးယားနိုင်ငံ ကနေ သောကြာနေ့ တုန်းက ပစ်ချလိုက်တဲ့ တူရကီ တိုက်ခိုက်ရေး လေယာဉ် တစင်းဟာ ဆီးရီးယား လေပိုင်နက်ထဲ လမ်းမှား ဝင်ရောက် သွားခဲ့ပုံ ပေါ်တယ်လို့ တူရကီ နိုင်ငံက ပြောကြား လိုက်ပါတယ်။

ဂျက်တိုက်လေယာဉ်တွေ အရမ်း မြန်တာကြောင့် တခြားနိုင်ငံထဲကို တခါတရံမှာ လမ်းမှား ဝင်ရောက် သွာတာဟာ ဖြစ်လေ့ဖြစ်ထ ရှိကြောင်းနဲ့၊ ဒါဟာ တမင်သက်သက် ဝင်ရောက်တာမျိုး မဟုတ်ဘူး လို့ တူရကီ သမ္မတ အက်ဘ်ဒူလာ ဂူးလ်က ပြောကြားပါတယ်။

ဒါပေမယ်လို့ သူက ဆက်ပြောတာက အခု ဖြစ်ရပ်နဲ့ ပတ်သက်ပြီး အတိအကျ ဘာတွေ ဖြစ်ခဲ့တယ် ဆိုတာကို အသေအချာ မသိရ သေးခင်တော့ တူရကီ အနေနဲ့ အသေးစိတ် သတင်း ထုတ်ပြန်မှုတွေ လုပ်မှာ မဟုတ်သေးဘူးလို့ ဆိုပါတယ်။

တူရကီ အစိုးရဟာ ဆီးရီးယားနဲ့ ဆက်သွယ် မေးမြန်းမှုတွေ လုပ်နေတယ်လို့လည်း မစ္စတာ ဂူးလ်က ပြောပါတယ်။

၂ နိုင်ငံ ရေတပ်တွေ ဟာလည်း အခု ပျောက်ဆုံးသွားတဲ့ ပိုင့်လော့ တွေကို ပူးတွဲ ရှာဖွေမှုတွေ လုပ်နေကြပါတယ်။

ရခိုင်ပြည်နယ်မှာ ကူညီပေးရေး နောက်ဆုံးအခြေအနေ

ကုလသမဂ္ဂနဲ့ အန်ဂျီအိုတွေကို အစွန်းရောက် အဖွဲ့ အစည်းတွေနဲ့ ဆက်နွယ် နေတယ် ဆိုပြီး စွပ်စွဲ ပြောဆိုမှုတွေ ရှိနေတာ အံ့သြစရာပါ

ရခိုင်ပြည်နယ်မှာ အရင်ကတည်းက ရုံးတွေ ဖွင့်လှစ်ပြီးကူညီနေတဲ့ Meltesar အန်ဂျီအို အဖွဲ့ က ရန်ကုန်မြို့မှာ ရှိနေတဲ့ မြန်မာနိုင်ငံ ဆိုင်ရာ တာဝန်ခံ ဘီယာကာ ကို ဆက်သွယ်ပြီး လတ်တလော ဘာတွေလိုအပ် နေပြီး ဘယ်လို အကူညီတွေ ပေးနေသလဲ ဆိုတာ ဆက်သွယ် မေးမြန်းထားပါတယ်။

အကူညီပေးရေးနဲ့ ပတ်သက်လို့ ကျွန်မတို့ Maltesar အပါအဝင် ကယ်ဆယ်ရေး အဖွဲ့တွေက ထောက်ပံ့မှုတွေ ပေးနေပါတယ်။ ဥပမာ ကျွန်မတို့ အဖွဲ့ဆိုရင် စားစရာ မဟုတ်တဲ့ တခြား ပစ္စည်းတွေကို ထောက်ပံ့ ပေးနေတာရှိ သလို စိတ်ပိုင်း ဆိုင်ရာအရ Psycho-Social ကူညီ စောင့်ရှောက်မှုတွေ ကိုလည်း လုပ်ပေးနေပါတယ်။

အစိုးရကနေလည်း အကူညီတွေကို မွတ်ဆလင်ရော ရခိုင်ဒုက္ခသည်တွေ အတွက်ပါ ထောက်ပံ့ပေးနေပါတယ်။ လောလောဆယ် အရေးတကြီး လိုအပ်နေတာ ကတော့ စားနပ်ရိက္ခာ၊ ဆေးဝါး၊ သောက်ရေ နဲ့ သန့်ရှင်းရေး ဆိုင်ရာပစ္စည်းတွေပါ။ ဒီအတွက် ဘယ်အဖွဲ့က ဘာတွေပေးနိုင်မလဲ ဆိုတာကို အချင်းချင်း ညှိနှိုင်းနေကြပါတယ်။

ဒုက္ခသည် စခန်းမှာ ရှိမနေတဲ့ သူတွေ အတွက်လည်း အကူညီပေးနေ တာတွေရှိပါတယ်။ ပြီးတော့ အကူညီပေးတဲ့ အစီအစဉ်က အဆင့်ဆင့်ရှိပါတယ်။ နိုင်ငံရေး အဆင့်မှာတော့ အစိုးရနဲ့၊ တခြား အဖွဲ့အစည်း တွေကြား အကူညီပေးဖို့ ပူးပေါင်း ဆောင်ရွက်ရေး အတွက် ဆောင်ရွက်နေပါတယ်။

ဒါ့အပြင်ကျွန်မတို့ Maltesar အဖွဲ့ အနေနဲ့ လွန်ခဲ့တဲ့ ၉ နှစ် ကတည်းက မြန်မာနိုင်ငံမှာ ကူညီ ဆောင်ရွက်နေတဲ့ အစီအစဉ်တွေ ရှိတဲ့ အတွက် ရှိပြီးသား အစီအစဉ် တွေကို လက်ရှိ လိုအပ်ချက်နဲ့ ကိုက်ညီအောင် ပုံစံပြောင်းပြီး ဆောင်ရွက်ပေးနေတဲ့ အပိုင်းလည်း ရှိပါတယ် ဆိုပြီး ဘီယာကာက ပြောပါတယ်။

လတ်တလော နယ်မြေအခြေအနေ

လတ်တလောမှာတော့ နေအိမ် စွန့်ပြီး ထွက်ပြေးရသူတွေ အများစုဟာ မြို့တွေ ပေါ်မှာ ရှိနေပါတယ်။ အစိုးရ အရာရှိတွေ အပြောအရ အဲဒီလူ အရေအတွက်ဟာ ၅၃၀၀၀ ရှိတယ်လို့ ဆိုပါတယ်။ အတည်မပြုနိုင်သေးတဲ့ ပြင်ပ ခန့်မှန်းချက်ကတော့ ကိုးသောင်းအထိ ရှိနိုင်ပါတယ်။ ဒုက္ခသည်စခန်း ၆၆ ခုဟာ ပဋိပက် ခဖြစ်ပွားနေတဲ့ ရခိုင်ပြည်နယ်က မြို့နယ် ၇ ခုမှာရှိနေ ပါတယ်။

ဝေးလံတဲ့ ကျေးရွာတွေက အခြေအနေတွေနဲ့ ပတ်သက်လို့တော့ သတင်း အချက်အလက် သိပ်မရပါဘူး။ ကျွန်မတို့ အဖွဲ့အစည်းက ဒေသခံ ဝန်ထမ်းတွေဟာလည်း အပြင်ကို ထွက်ဖို့ စိုးရိမ်နေကြပါတယ်။ ဘင်္ဂလားဒေ့ရ်ှနဲ့ နယ်ချင်းကပ် နေတဲ့ မောင်တောမြို့ မြောက်ပိုင်းမှာတော့ နှိုင်းယှဉ်ချက်အရတော့ အခြေအနေတွေ တည်ငြိမ်နေပါတယ်။ ဒါပေမယ့် စစ်တွေ တဝိုက်နဲ့ စစ်တွေနဲ့ ဘူးသီးတောင်ကြားမှာတော့ ရွာတွေ အတော်များများ မီးရှို့ခံခဲ့ရပြီး၊ သေဆုံးမှုတွေလည်း အတော်များများ ရှိနိုင်ပါတယ်။

စစ်တွေမြို့မှာလည်း ဘူးသီးတောင်နဲ့ မောင်တောမြို့တွေမှာလို မဟုတ်ဘဲ တင်းမာမှုတွေ ဆက်ရှိနေပါတယ်။ လုံခြုံရေး အရာရှိတွေကတော့ ထိန်းပေးနေကြပါတယ်။ ဒါပေမယ့် ဈေးတွေနဲ့ ဈေးဆိုင်တွေ အားလုံးကို ပိတ်ထားပါတယ်။ အထူးသဖြင့် မနေ့က သောကြာနေ့ ဝတ်ပြုချိန် အပြီးမှာ ပြဿနာ ဖြစ်နိုင်တယ်ဆိုပြီး သတင်းတွေ ထွက်ပါတယ်။ လူတွေ အနေနဲ့ မလုံခြုံဘူးလို့ ခံစား နေကြရပါတယ်လို့ ပြောသွားပါတယ်။

ကြုံတွေ့နေရတဲ့ ပြဿနာ

နောက်ပြဿနာတခုက ကုလသမဂ္ဂနဲ့ နိုင်ငံတကာ အစိုးရ မဟုတ်တဲ့ အဖွဲ့အစည်းတွေနဲ့ ပတ်သက်တဲ့ ကောလဟာလ သတင်းတွေပါ။ ဒီအဖွဲ့အစည်းတွေဟာ အစွန်းရောက် အဖွဲ့အစည်းတွေနဲ့ ဆက်နွယ် နေတယ်ဆိုပြီး စွပ်စွဲ ပြောဆိုမှုတွေ ရှိပါတယ်။ သတင်းရေးသားဖော်ပြမှုတွေလည်းရှိနေပါတယ်။ ဒါဟာအံအားသင့်စရာပါ။

ဒီလို ကောလဟလတွေကို ရပ်သွားအောင် ကူညီဖို့ အစိုးရကိုလည်း ကျွန်မတို့က မေတ္တာ ရပ်ခံမှာပါ။ အခုအချိန် အထိတော့ အစိုးရကလည်း ကျွန်မတို့ လုပ်ငန်းတွေကို ဆောင်ရွက်နိုင်ဖို့ အတွက် ကူညီအားပေး နေပါတယ်။

ရခိုင်ပြည်နယ် ပြဿနာမှာ အစိုးရ၊ ကုလသမဂ္ဂနဲ့ အန်ဂျီအိုတွေ ကြားမှာ ပူးပေါင်း ဆောင်ရွက်မှုတွေလည်း အားကောင်းပါတယ်။ လတ်တလောမှာ လုံခြုံရေးနဲ့ လူသားချင်း စာနာ ကူညီမှုတွေကို ပေးနိုင်ရေး အတွက် လိုအပ်ချက်တွေကို ဆန်းစစ် လေ့လာနေပါတယ်လို့ Birke ဘီယာကာက ပြောပါတယ်။

ပါရာဂွေး သမ္မတ အဓိကရုဏ်း လူသေမှုနဲ့ ဖြုတ်

မျက်ရည်ယို ဗုံးနဲ့ သမ္မတ ထောက်ခံသူတွေ ဖြိုခွဲ

  သမ္မတ ဖာနန်ဒို လူဂိုကို ဖယ်ရှားဖို့ ပါရာဂွေး အထက်လွှတ်တော်က မဲခွဲ ဆုံးဖြတ် ခဲ့ပါတယ်။

ပါရာဂွေး နိုင်ငံရဲ့ ပထမဆုံး လက်ဝဲ သမ္မတ မစ္စတာ လူဂိုက ဒီ လုပ်ရပ်ဟာ ဥပဒေ ကို လှည့်စား ထားတယ်လို့ ပြောခဲ့ပေမယ့် ဆုံးဖြတ်ချက် ကို လက်ခံတယ်လို့ ဆိုပါတယ်။

လွှတ်တော် အပြင်ဘက်မှာ တော့ ရဲက ရာဘာ ကျည်ဆန်နဲ့ မျက်ရည်ယို ဗုံးတွေသုံးပြီး သမ္မတ ထောက်ခံသူ တွေကို ဖြိုခွဲ ခဲ့ရပါတယ်။

အရင် အပတ်က မြေယာမဲ့ လယ်သမား သပိတ် တလုံးကို ရဲက နှိမ်နင်း ရာမှာ ၁၇ ယောက် သေဆုံးမှု အတွက် သူ့ကို ဖြုတ်ချ ခဲ့တာ ဖြစ်ပါတယ်။

မကြာခင်မှာ လစ်ဘရယ် ဝါဒီ ဒု သမ္မတ ဖရက်ဒရစ်ကို ဖရန်ကို နိုင်ငံ့ဥသျှောင် သစ် အဖြစ် ကျမ်း ကျိန် ခဲ့ပါတယ်။

မစ္စတာ လူဂိုဟာ အနှစ် ၆ဝ ကြာ လက်ယာ ကြီးစိုးမှုကို ဖယ်ရှား ခဲ့တဲ့ သမ္မတလဲ ဖြစ်ပါတယ်။ 

တူရကီတိုက်လေယာဉ် ဆီးရီးယား လေပိုင်နက် ၀င်ခဲ့ဖွယ်ရှိ

By ဗွီအိုအေ (မြန်မာဌာန)

• ဆီးရီးယား လေကြောင်းရန် ကာကွယ်ရေးတပ်ရဲ့ ပစ်ချမှုခံခဲ့ရတဲ့ တူရကီ တိုက်လေယာဉ်ဟာ ဆီးရီးယား လေကြောင်းပိုင်နက်ထဲကို ကျူးကျော် ဝင်ခဲ့ကောင်း ဝင်ခဲ့နိုင်တယ်လို့ တူရကီသမ္မတ Abdullah Gul က ပြောလိုက်ပါတယ်။ အရှိန်နဲ့ မောင်းနှင်ပျံသန်းကြတဲ့ တိုက်လေယာဉ်တွေဟာ လေကြောင်းပိုင်နက်ကို နည်းနည်းဝင်ရောက်တာ ဖြစ်လေ့ ဖြစ်ထရှိတယ်လို့ သမ္မတ Gul ကပြောပါတယ်။ အမေရိကန်လုပ် F-4 Jet လေယာဉ် တူရကီလေကြောင်း ပိုင်နက်ထဲမှာ ပစ်ချခံခဲ့ရတာလား ဆိုတာကို စုံစမ်းစစ်ဆေးနေတယ်လို့လည်း သူကပြောပါတယ်။

တိုက်လေယာဉ်ဟာ သောကြာနေ့က မြေထဲပင်လယ်ထဲမှာ ပစ်ချခံခဲ့ရတာဖြစ်ပါတယ်။ လေယာဉ်ကို ပစ်ချခဲ့တယ် ဆိုတာကို ဆီးရီးယားနိုင်ငံက အသိအမှတ်ပြုခဲ့ပြီး၊ လေယာဉ်ကို ပစ်ချချိန်က ဆီးရီးယား လေကြောင်းပိုင်နက်ထဲမှာ နိမ့်နိမ့်လေး ပျံသန်းနေတာဖြစ်တယ်လို့ ပြောပါတယ်။ ပစ်ချခံရတဲ့ လေယာဉ်ဟာ ကင်းထောက်လေယာဉ် ဖြစ်တယ်လို့ တူရကီ ဒုဝန်ကြီးချုပ် Bulen တဲရင့်ခ်ျ Bulent Arinc က ပြောပါတယ်။

ဆီရီးယားမှာ အစိုးရကို တော်လှန်နေကြတဲ့သူတွေကို တူရကီက ထောက်လှမ်းရေး သတင်းအချက်အလက်တွေ မျှဝေနေပြီး လက်နက်တွေ ထောက်ပံ့နေတာလို့ ဆီးရီးယားက အကြိမ်ကြိမ် စွပ်စွဲနေချိန်မှာ ခုလို လေယာဉ်ပစ်ချမှု ဖြစ်တာပါ။ ဆီးရီးယားဘက်က စွပ်စွဲချက်တွေကို တူရကီဘက်ကတော့ ငြင်းပါတယ်။

ပစ်ချခံရတဲ့ လေယာဉ်ပေါ်က လေယာဉ်မှူး ၂ ယောက်ကိုတော့ ဆီးရီးယားနဲ့ တူရကီတပ်တွေ ပေါင်းပြီး လိုက်လံ ရှာဖွေနေကြပါတယ်။ ဆီးရီးယား သမ္မတ Bashar al-Assad အပေါ် ဆန့်ကျင်နေသူတွေအပေါ် ရက်ရက်စက်စက် နှိမ်နှင်းနေမှုအပေါ် တူရကီက အပြစ်တင်ခဲ့ပြီးနောက် အိမ်နီးချင်း ၂ နိုင်ငံကြား ဆက်ဆံရေး တင်းမာခဲ့ပါတယ်။

ရခိုင်ပြည်ဒုက္ခသည်တွေအတွက် ကုလ အကူအညီထပ်လွှတ်

By ဒေါ်ခင်မျိုးသက်

• ရခိုင်ပြည်နယ်မှာ ဖြစ်ပွါးတဲ့ ဆူပူအကြမ်းဖက်မှုတွေကြောင့် အိုးအိမ်စွန့်ခွါ ထွက်ပြေးနေရသူတွေအတွက် UNHCR ကုလသမဂ္ဂ ဒုက္ခသည်များဆိုင်ရာအဖွဲ့က  အကူညီပေးဖို့ အဖွဲ့တဖွဲ့ ထပ်မံစေလွှတ်လိုက်သလို၊ အကူအညီတွေစပြီး ပေးနေပြီလို့ ဆိုပါတယ်။  ရခိုင်ပြည်နယ်ထဲမှာ  တချို့နေရာတွေမှာ အခြေနေတွေ ငြိမ်သက်နေပြီလို့ ဆိုနိုင်ပေမယ့်  အခြေနေတွေဟာ အခုထိ ပုံမှန်ပြန်မဖြစ် သေးတဲ့အတွက် ကုလသမဂ္ဂက စိုးရိမ်နေဆဲဖြစ်ပြီး  အထူးသဖြင့် ကျန်းမာရေးအတွက် စိုးရိမ်ရကြောင်းလည်း ပြောပါတယ်။

အပြည့်အစုံကို  ဒေါ်ခင်မျိုးသက် က ဆက်ပြီးတင်ပြထားပါတယ်။

ရခိုင်ပြည်နယ်ထဲမှာ  ဆူပူမှုကြီးကြီးမားမား မတွေ့ရတော့ပေမယ့်  မနေ့ကအထိ မီးရှို့မှုတွေရှိနေဆဲဖြစ်ပြီး အခြေနေဟာ ပုံမှန်မဖြစ်သေးတဲ့အတွက်  အိုးအိမ်ပစ်ပြီး  စိတ်ချလုံခြုံမယ် ထင်တဲ့နေရာတွေမှာ  သွားနေသူတွေ၊   ဒုက္ခသည်စခန်းတွေကနေ မပြန်ရဲသူတွေ အများအပြား ရှိနေဆဲပါ။   ဒီဒုက္ခသည်တွေအတွက် ကုလသမဂ္ဂဒုက္ခသည်များ ဆိုင်ရာအဖွဲ့က အကူညီပေးရေးအဖွဲ့တဖွဲ့ စစ်တွေကို သွားရောက်ပြီး အကူညီတွေ စပေးနေပြီလို့  ကုလသမဂ္ဂ အတွင်းရေးမှုးချုပ်ရုံးပြောခွင့်ရ Faren Haq ကပြောပါတယ်။

ကုသမဂ္ဂဒုက္ခသည်များဆိုင်ရာအဖွဲ့က နောက်ထပ်စေလွှတ်လိုက်တဲ့  အကူအညီပေးရေးအဖွဲ့ဟာ  ရခိုင်ပြည်နယ် စစ်တွေမြို့ကို  ရောက်သွားပြီမို့ အဲဒီမှာ  အရေးအခင်းဖြစ်နေချိန်တလျှောက်လုံး  တာဝန်ထမ်းဆောင်နေသူတွေနဲ့  ပူးပေါင်းပြီး အကူညီတွေပေးနေပါပြီ။ သူတို့ဟာ  အဲဒီက ဒုက္ခသည်တွေကို အကူညီပေးဖို့ ၊  အိုးအိမ်ရွှေ့ပြောင်းနေထိုင်ရသူတွေရဲ့ အခက်အခဲတွေကို ကူညီဖို့ လူ ၉ ထောင်စာ  အကူညီပေးရေး ပစ္စည်းတွေကို   ထရပ်ကားတွေနဲ့  ပို့ပေးနေပါတယ်။

ရာသီဥတု ဆိုးလာတဲ့အပြင် ဒုက္ခသည်တွေ အထူးသဖြင့် သက်ကြီး ရွယ်အိုတွေနဲ့ ကလေးငယ်တွေ  မြေပြင်မှာ အိပ်စက်နေရပြီး  စောင်နဲ့ ခြင်ထောင် ကောင်းကောင်းမရှိတဲ့အတွက်  ကုလသမဂ္ဂအနေနဲ့  သူတို့ရဲ့ ကျန်းမာရေးကို  အထူးစိုးရိမ်ကြောင်းလည်း ပြောပါတယ်

ကုလသမဂ္ဂအနေနဲ့  ဒီဒုက္ခသည်တွေအတွက် တခြားကူးစက်ရောဂါတွေ ဖြစ်မှာကို စိုးရိမ်နေပါတယ်။   ဒီဒေသထဲမှာ မိုးအရမ်းရွာနေတဲ့အပြင်၊ သန့်ရှင်းမှုမရှိဘဲ  သောက်ရေသုံးရေ  လုံလုံလောက်လောက် မရတဲ့အတွက် ကျန်းမာရေးဆိုင်ရာ  အထူးစိုးရိမ်ရပါတယ်။   အခုအချိန်မှာ  အိုးအိမ်ရွှေ့ပြောင်း နေထိုင်သူတွေအတွက်  ဒုက္ခသည်စခန်းက  ၇၀ ကျော် ရှိနေပါတယ်။   အခု UNHCR က  စစ်တွေမှာ ရှိတဲ့ ဒီဒုက္ခသည်  စခန်းတွေဆီသွားပြီး တတ်နိုင်သမျှ အကူညီတွေ ပေးနေတာပါ။

UNHCR အနေနဲ့ ဘူးသီးတောင်မောင်တောဒေသက ဒုက္ခသည်  ၄၅၀၀  အတွက်  စောင်၊ ခြင်ထောင်၊ ပလပ်စတစ်အခင်း အမိုးအကာနဲ့ မီးဖိုချောင်သုံးပစ္စည်းတွေ ပေးဝေခဲ့ပါတယ်။ အခု နောက်ထပ် လူပေါင်း  ၉ ထောင်အတွက် ပစ္စည်းတွေ ကို ထရပ်ကားတွေနဲ့ ပို့ပေးနေပြီဖြစ်ပြီး ပထမဆုံး ထရပ်ကားဟာ တနင်္ဂနွေနေ့မှာ ရောက်ရှိမှာ ဖြစ်ပါတယ်။

အခုလို ကုလသမဂ္ဂက ပြည်တွင်းမှာအကူအညီတွေ ပေးနေသလို  တဖက် အိမ်နီးချင်း Bangladesh နိုင်ငံဘက် ထွက်ပြေးခိုလှုံသူတွေ အတွက်လည်း  Bangladesh အစိုးရက ပြန်လည်နှင်ထုတ်နေမှုတွေ ရှိနေသေးတာမို့   သူတို့အတွက် စိုးရိမ်မှုတွေရှိတဲ့အပြင် သူတို့ကို တရားသဖြင့် ဆက်ဆံဖို့ပါ  အစိုးရပိုင်းနဲ့ ဆွေးနွေးနေတယ်လို့ ဆိုပါတယ်။

မြန်မာနိုင်ငံထဲကနေ  အဓိကရုန်းတွေရဲ့ ရန်ကိုကြောက်လို့ ထွက်ပြေးခိုလှုံလာသူတွေကို  မျှမျှတတ  တရားသဖြင့် ဆက်ဆံဖို့   ကုလသမဂ္ဂက  Bangladesh  အစိုးရနဲ့ ဆွေးနွေးပြောဆိုနေတာလည်း ရှိပါတယ်။

ကုလသမဂ္ဂအတွင်းရေးမှုးချုပ်ရုံး ပြောခွင့်ရက ပြောသွားတာပါ။  ကုလသမဂ္ဂက လူသားချင်းစာနာမှုဆိုင်ရာ အကူညီပေးရေးအဖွဲ့ OCHA အပြင် WFP ကုလသမဂ္ဂ စားနပ်ရိက္ခာအဖွဲ့ကလည်း ဒုက္ခသည် ၈ သောင်းကျော်အတွက် စားနပ်ရိက္ခာ ကူညီမှုတွေနဲ့  ကုလသမဂ္ဂလူဦးရေနဲ့ ကလေးများ ရန်ပုံငွေအဖွဲ့တွေက ဆေးဘက်ကူညီမှုတွေကိုပါ ပေးအပ်ခဲ့ပါတယ်။

အခုလို ကုလသမဂ္ဂက အကူအညီတွေပေးနေသလို အစိုးရပိုင်းကရော လူမှုကူညီရေးအဖွဲ့တွေကပါ ကူညီမှုတွေပေးနေပေမယ့် လက်ရှိ အခြေနေမှာ ဒုက္ခသည်တွေအတွက် အကူအညီတွေ လိုအပ်နေစဲဖြစ်တယ်လို့ ဒေသခံတွေကပြောပါတယ်။

ဆင်းရဲမွဲတေမှု လျှော့ပါးအောင်လုပ်ဖို့ ကမ္ဘာ့နိုင်ငံတွေ ကတိပေး

By ဗွီအိုအေ

• ဇွန်လ (၂၂) ရက်နေ့က ဘရာဇီးနိုင်ငံ ရီအိုဒီဂျနေးရိုး (Rio de Janerio) မြို့မှာ ကျင်းပခဲ့တဲ့ ကုလသမဂ္ဂရဲ့ ပတ်ဝန်းကျင်ထိန်းသိမ်းမှုဆိုင်ရာ ညီလာခံကို အဆုံး သတ်လိုက်ပါပြီ။

ဒီညီလာခံကို တက်ရောက်လာခဲ့ကြတဲ့ နိုင်ငံပေါင်း ၁၉၀ ကျော်က ကိုယ်စားလှယ်တွေက၊  ကမ္ဘာကြီးအတွက် ဆက်လက်ဆောင်ရွက်နေတဲ့ ဖွံ့ဖြိုးတိုးတက်မှုတွေကို အဆင့်မြှင့်ကြဖို့နဲ့ သန်းပေါင်းထောင်ပေါင်းများစွာသော ဆင်းရဲမွဲတေနေကြတဲ့ လူသားတွေကို ဆင်းရဲတွင်းထဲကနေ ဆွဲထုတ်ကြဖို့ ကတိပြုခဲ့ကြပါတယ်။

မကြာသေးခင်က ကျင်းပပြီးစီးသွားခဲ့တဲ့ စက်မှုထွန်းကားပြီး G 20 နိုင်ငံ (၂၀) ထိပ်သီးအစည်းအဝေးက ကိုယ်စားလှယ်တွေပါ တက်ရောက်ခဲ့ကြတဲ့ ရီအိုဒီဂျနေးရိုး က ဒီညီလာခံရဲ့ တတိယနဲ့ နောက်ဆုံးနေ့ဖြစ်တဲ့ မနေ့က၊ အမေရိကန်နိုင်ငံခြားရေးဝန်ကြီး ဟီလာရီ ကလင်တန် (Hilary Clinton) က၊ ကမ္ဘာကြီးရဲ့ ပတ်ဝန်းကျင်ဆိုင်ရာ အရင်းအမြစ်တွေကို ဆက်ပြီး ထိန်းသိမ်းစောင့်ရှောက်ကြဖို့အတွက် အရင်နဲ့ မတူကွဲပြားခြားနားတဲ့ တွေးခေါ်စဉ်းစားမှု အသစ်တွေ ဖေါ်ထုတ်ကြဖို့ တောင်းဆိုလိုက်ပါတယ်။

ဒါဟာ မပျက်မကွက်လုပ်ဆောင်ကြရမယ့် ကိစ္စရပ်လည်း ဖြစ်တယ်လို့၊ ၀န်ကြီး ကလင်တန် က ဒီညီလာခံ တက်ရောက်လာကြတဲ့ ကမ္ဘာ့ခေါင်းဆောင်တွေကို နှိုးဆော်တိုက်တွန်းလိုက်ပါတယ်။ ပတ်ဝန်းကျင်ထိန်းသိမ်းရေး တက်ကြွလှုပ်ရှားသူတွေက ရီအိုဒီဂျနေးရိုး က ဒီညီလာခံဟာ အားပျော့ပြီး တိုးတက်မှုလည်းမရှိ  ကတိက၀တ်တွေကလည်း ခိုင်မာမှု မရှိဘူးလို့ အပြစ်တင်ကြပြီးတော့၊ ၀န်ကြီး ကလင် တန်ကတော့ အာဖရိကတိုက်မှာ စွမ်းအင်ဆိုင်ရာ သန့်ရှင်းရေး ဆောင်ရွက်ဖို့အတွက် အမေရိကန်က ဒေါ်လာ သန်း(၂၀) ထောက်ပံ့မယ်လို့ ကြေညာခဲ့ပါတယ်။