15.06.2012 နေ့ဖတ်ရန်သတင်းများ

by Myanmar Journal on Thursday, June 14, 2012 at 4:16pm 

ရခိုင်မှာ အခြေ အနေ ထိန်းနိုင်ပေမဲ့ စိတ်မချရသေး

မစ္စတာ နမ်ဘီးယားက ဥပဒေ စိုးမိုးရေး လုပ်ဆောင် တာ ပြဖို့ အစိုးရကို တိုက်တွန်း

ကုလ သမဂ္ဂ အတွင်း ရေးမျူးချုပ်ရဲ့ မြန်မာ နိုင်ငံဆိုင်ရာ အထူး အကြံပေး ပုဂ္ဂိုလ် ဗီဂျေး နမ်ဘီယားက ရခိုင် တိုင်းရင်းသား တွေနဲ့ ရခိုင် ဒေသက မွတ်ဆလင်တွေကြား ပြီးခဲ့တဲ့ သောကြာနေ့က အကြမ်း ဖက်မှုတွေ စတင် ဖြစ်ခဲ့ရာ ရခိုင်ပြည်နယ်မှာ အခြေ အနေတွေ တည်ငြိမ်မှု ရလာ ပေမဲ့ စိတ်ချရတဲ့ အနေ အထားတော့ မဟုတ် သေးဘူးလို့ ပြောပါတယ်။

ရခိုင်ပြည်နယ်ကို ကိုယ်တိုင် သွားရောက်ခဲ့တဲ့ မစ္စတာ နမ်ဘီယာက အဲဒီမှာ စစ်တပ်ကတော့ တည်ငြိမ်မှု ရအောင် ထိန်းထား နိုင်ပြီလို့ ပြောပါတယ်။

ဒါပေမဲ့ ဘူးသီးတောင် မောင်းတော ဘက်မှာ လူတွေက သူတို့ နေအိမ် တွေကို ပြန်ကြဖို့ အသင့် မဖြစ်ကြသေးဘဲ ကယ်ဆယ်ရေး စခန်းတွေမှာပဲ နေနေ ကြတယ်လို့ ပြောပါတယ်။

အခု ဖြစ်နေတဲ့ တင်းမာမှုတွေ လျော့ကျ လာအောင် အစိုးရ အနေနဲ့ ဥပဒေစိုးမိုးရေး နဲ့ တည်ငြိမ်မှု ရအောင် ခိုင်ခိုင် မာမာ လုပ်ဆောင်နေ တယ်ဆိုတာကို ပြသ နိုင်ဖို့ လိုတယ် လို့လည်း မစ္စတာ နမ်ဘီးယားက ပြောပါတယ်။။ နောက်ပြီး အခုဖြစ်တဲ့ ဘက်နှစ်ဘက်စလုံးက အဆင့်ဆင့်သော လူတွေနဲ့ အစိုးရဘက်က တွေ့ဆုံဆွေးနွေးပြီး သူတို့ စိတ်ချလက်ချနေလို့ရတဲ့အထိ အစိုးရဘက်က လုပ်ဆောင်နေပါတယ်ဆိုတာ ပြောပြဖို့ လိုပါတယ်။ အခု ကျွန်တော့်ရခိုင်ခရီးစဉ်မှာလည်း နယ်စပ်ရေးရာ ဝန်ကြီးအပြင် အစ္စလမ်ဘာသာရေး ခေါင်းဆောင်တွေ လိုက်ပါလာပြီး သူတို့က လူတွေနဲ့ တွေ့ဆုံပြီး အားပေးတာတွေ လုပ်ပါတယ်။ ဒါတွေ ဆက်လုပ်ရမှာပါ။

အခုရခိုင်မှာ ဖြစ်တဲ့ ပဋိပက္ခက မြန်မာနိုင်ငံက နိုင်ငံရေးပြုပြင်ပြောင်းလဲမှုအတွက် အနှောက်အယှက်ဖြစ်နိုင်မယ်ထင်ပါလား။ကျွန်တော် ကတော့ ဒီလိုပဲ ထင်ချင်ပါတယ်။ အခုဖြစ်တဲ့ ကိစ္စက ရခိုင်ပြည်မှာပဲ ဖြစ်တဲ့ ကိစ္စဖြစ် တယ်။ နောက်ပြီး မြန်မာနိုင်ငံတဝန်းကို ကူးစက်နိုင်တဲ့ ဘာသာရေးနှစ်ခုကြား ဖြစ်တဲ့ အဓိဂရုဏ်းလည်း မ ဟုတ်ဘူးလို့ပဲ မြင်လိုပါတယ်။ နောက်ပြီး အခု ဖြစ်တဲ့ ပြဿနာမှာ တစ်ဘက်ကတော့ ဒေသခံတွေနဲ့ နောက်တဘက်က ရွေ့ပြောင်းအခြေချ လာသူတွေကြား မကြည်လင်မှုတွေ ရှိတာကလည်း အခြေအနေကို ပိုတင်းမာသွားစေခဲ့ပါတယ်။ ဒါကြောင့် ဒေသတခုမှာပဲ ဖြစ်လို့ မြန်မာ့နိုင်ငံက နိုင်ငံရေး ပြုပြင်ပြောင်းလဲမှုတွေကို မထိခိုက်နိုင်ဘူးလို့ ထင်ပါတယ်။ အခု တိုင်းရင်းသားဒေသတွေက ပဋိပက္ခ တွေနဲ့ပတ်သက်လို့တော့ အစိုးရအနေနဲ့ ဆက်လက် လုပ်ဆောင်ရမှာ ဖြစ်ပါတယ်။ ဒါကိုလည်း နိုင်ငံတကာက စောင့်ကြည့်နေပါတယ်။

အခု ဖြစ်နေတဲ့ ပြဿနာ တွေဟာ ရခိုင်ပြည်နယ် တစ်ခုထဲမှာသာ ဖြစ်နေပြီး ဒီပြဿနာကြောင့် တိုင်းပြည်ရဲ့ ဒီမိုကရေစီ ပြုပြင်ပြောင်းလဲရေး လုပ်ငန်းစဉ် ကတော့ လမ်းချော် သွားနိုင်ဖွယ် မရှိဘူးလို့ လည်း မစ္စတာ နမ်ဘီးယားက ပြောပါတယ်။

မီဒီယာ ကျင့်ဝတ် စုံစမ်းမှု ဗြိတိန် ဝန်ကြီးချုပ် သက်သေထွက်

အခုလို စစ်ဆေး ခံရတာ ရှင်းပြ ချင်တာ ရင်ဖွင့် နိုင်တဲ့ အခွင့် အရေးလို့ ဝန်ကြီးချုပ်ပြော

ဗြိတိန် နိုင်ငံမှာ မီဒီယာ ကျင့်ဝတ်နဲ့ ပတ်သက်လို့ လူထု ရှေ့မှောက် ကြားနာ စစ်ဆေးမှု ပြုလုပ် နေရာမှာ ဗြိတိန် ဝန်ကြီးချုပ် ဒေးဗစ် ကင်မရွန်း ကိုယ်တိုင် သက်သေ ထွက်ဆို ခဲ့ရပါတယ်။

Leveson စုံစမ်း စစ်ဆေးမှုလို့ သိကြတဲ့ ဒီကြားနာ စစ်ဆေးမှုဟာ အခု ဖျက်သိမ်းခဲ့ပြီး ဖြစ်တဲ့ News of the World သတင်းစာ တိုက်ကြီးရဲ့ ဖုန်းထဲ ကနေ တဆင့် သတင်း အချက်အလက်တွေ ခိုးယူခဲ့မှု အရှုပ်တော်ပုံကြီး ပေါ်ထွက်ခဲ့ အပြီး မီဒီယာ ကျင့်ဝတ်နဲ့ ပတ်သက်လို့ ကြားနာ စစ်ဆေးတာ ဖြစ်ပါတယ်။

အရောင်း သွက်တဲ့ အဲဒီ သတင်းစာတိုက်ကို ပိုင်တဲ့ ရူးပတ် မားဒေါ့ရဲ့ News Corporation အဖွဲ့နဲ့ နိုင်ငံရေး သမားတွေ သိပ်ရင်းနှီး လွန်းတယ် ဆိုတာကို ဝန်ကြီးချုပ်က အရင် ကတည်းက ဝန်ခံ ပြောခဲ့ပြီး ဖြစ်ပါတယ်။

ဝန်ကြီးချုပ် ကိုယ်တိုင်က ရဲရဲ့ စစ်ဆေး မေးမြန်း ခံနေရတဲ့ News International ကုမ္ပဏီရဲ့ အရေး ပါတဲ့ ပုဂ္ဂိုလ် နှစ်ဦးနဲ့ နီးစပ်တဲ့ ဆက်နွယ် ပတ်သက်မှုတွေ ရှိနေ ပါတယ်။

ဝန်ကြီးချုပ် ကင်မရွန်းဟာ ကုမ္ပဏီရဲ့ အမှုဆောင် ရီဘက်ကာ ဘရွတ်ခ်စ်နဲ့ အတော့်ကို ရင်းနှီးပြီး သူ့ဆီ ပို့တဲ့ text message တွေမှာ "အချစ် များစွာဖြင့်" ဆိုပြီးတောင် လက်မှတ်ထိုး ပို့လေ့ ရှိခဲ့ ပါတယ်။

သတင်း လောကကို ချုပ်ချယ် မထား သင့်ဘူးလို့ ဝန်ကြီးချုပ် ကင်မရွန်းက ကြာသပတေးနေ့ ကြားနာ စစ်ဆေးမှုမှာ ထွက်ဆို သွားသလို နိုင်ငံရေး သမားတွေ အနေနဲ့ မီဒီယာနဲ့ ရင်းနှီး နီးစပ် လွန်းရင်လည်း အန္တရာယ် ရှိနိုင်ပြီး ပြည်သူ လူထုကို အကျိုး ယုတ်နိုင်တယ်လို့ ပြောသွား ပါတယ်။

ဒါ့အပြင် ဝန်ကြီးချုပ် ကင်မရွန်း အနေနဲ့ News of the World ရဲ့ အယ်ဒီတာဟောင်း အန်ဒီ ကောင်လ်ဆန်ကို သူ့ရဲ့ အကြံပေး ပုဂ္ဂိုလ်အဖြစ် ဘာ့ကြောင့် ခန့်ခဲ့ တာလဲ ဆိုတာနဲ့ ပတ်သက်လို့လည်း အစစ် ခံခဲ့ရပါတယ်။

မစ္စတာ ကင်မရွန်း က မစ္စတာ ကောင်လ်ဆန် ကို သူအလုပ် ခန့်ခဲ့မှုဟာ အငြင်း ပွားစရာ ကိစ္စ ဖြစ်ခဲ့ပြီး အခုလည်း နောက်တပတ် ပြန်ကျော့ လာခဲ့ ပြန်ပြီလို့ ပြော ပါတယ်။

ဒါပေမဲ့ လည်း သူ့ကို အလုပ် ခန့်တုန်းက မစ္စတာ ကောင်လ်ဆန် က သူဟာ ဖုန်းထဲကနေ သတင်း အချက်အလက်တွေ ခိုးယူမှု ကိစ္စနဲ့ ပတ်သက်လို့ ဘာမှ မသိကြောင်း အာမ ခံခဲ့တယ်လို့ မစ္စတာ ကင်မရွန်းက အစစ်ခံ သွားခဲ့ ပါတယ်။

ဒီကြားနာ စစ်ဆေးမှုဟာ ရင်ဖွင့် ပြောခွင့်ရတဲ့ အချိန်အခါ ဖြစ်သလို ဆက်ဆံရေး ပြန်ညှိ နိုင်ဖို့ အခွင့် အလမ်း တရပ်လည်း ဖြစ်တယ်လို့ ဝန်ကြီးချုပ်က ပြောပါတယ်။

အီဂျစ် ဝန်ကြီးချုပ်ဟောင်း ရွေးကောက်ပွဲ ဝင်ခွင့်ရ

သမ္မတဟောင်း မူဘာရက် လက်ထက်က ဝန်ကြီးချုပ် ရွေးကောက်ပွဲ ပါခွင့်ရ

လာမယ့် သီတင်းပတ် ကုန်အတွင်း အီဂျစ် နိုင်ငံမှာ ပြန်လည် ကျင်းပမယ့် သမ္မတ ရွေးကောက်ပွဲ မှာ သမ္မတဟောင်း မူဘာရက် လက်ထက်က ဝန်ကြီးချုပ်ဖြစ်ခဲ့သူ အာမက် ရှာဖစ် Ahmed Shafiq ကို ဆက်လက် ပါဝင်ခွင့် ပေးဖို့ အခြေခံ ဥပဒေ ခုံရုံးက ဆုံးဖြတ်လိုက် ပါတယ်။

ယခင် အစိုးရ အဖွဲ့မှာ ပါဝင်ခဲ့သူတွေ ကို သမ္မတ ရွေးကောက်ပွဲ မှာ ပါဝင်ခွင့် မပြုရ ဆိုတဲ့ ဥပဒေကို ပြီးခဲ့တဲ့ ဧပြီလက စတင် ကျင့်သုံး ခဲ့ အပြီးမှာ သူပါဝင်ယှဉ်ပြိုင်ရေးနဲ့ ပတ်သက်ပြီး မေးခွန်း ထုတ်စရာ ဖြစ်လာ ပါတယ်။

အဲဒီ ဥပဒေ ဟာ ဖွဲ့စည်းပုံနဲ့ မကိုက်ညီဘူး လို့ တရားရုံးက ဆုံးဖြတ်ခဲ့ ပါတယ်။

ဆီးရီးယား နောက်ဆုံး အခြေ အနေ

တိုက်ခိုက်ခံခဲ့ ရတဲ့ ကုလသမဂ္ဂ ရဲ့ကားကို တွေ့ရစဉ်

ဆီးရီးယား အစိုးရ တပ်ဖွဲ့တွေ အကြီးအကျယ် ဗုံးကျဲ တိုက်ခိုက် ခဲ့ပြီးတဲ့နောက် အစိုးရကို ဆန့်ကျင်တဲ့ တိုက်ခိုက်ရေး သမားတွေ ထွက်ခွါ သွားခဲ့တဲ့ ဟာဖာ Haffa မြို့ကို ကုလ သမဂ္ဂ စောင့်ကြည့် လေ့လာ သူတွေ ဝင်ရောက် နိုင်ခဲ့ပြီ ဖြစ် ပါတယ်။

အဲဒီမြို့မှာ နောက်ထပ် အစုလိုက် အပြုံလိုက် သတ်ဖြတ် မှုတွေ လုပ်ဖို့ ကြံစည်ခဲ့ကြတယ်လို့ နှစ်ဘက် စလုံးက အပြန် အလှန် စွပ်စွဲ နေခဲ့ကြပါတယ်။

ဒမားစ်ကပ်စ် မြို့တော် ဆင်ခြေဖုံးက ရှီယာ မွတ်ဆလင် ဘုရားကျောင်းနဲ့ ရဲစခန်း အနားမှာ ကားဗုံး ပေါက်ကွဲမှု ဖြစ်ခဲ့ပြီး လူ ၁၀ ယောက် ဒဏ်ရာ ရခဲ့တယ်လို့ အစိုးရ သတင်းတွေမှာ ကြေညာခဲ့ ပါတယ်။

သံရေး တမန်ရေး အရ နောက်ဆုံး ကြိုးပမ်းမှု တစ်ရပ်မှာ ရုရှား နိုင်ငံ ဆိုင်ရာ ဆီးရီးယား သံအမတ်ကြီးက သူ့ အဆို ဆီးရီးယားကို နေတိုး မဟာမိတ် တပ်ဖွဲ့က ဗုံးကျဲ တိုက်ခိုက်မှာကို ရပ်တန့် ရေး ရုရှား အစိုးရက ကူညီ ဆောင်ရွက် နေတယ်လို့ ဘီဘီစီကို ပြော ပါတယ်။

ရွှေလုပ်သားများကို လုံထိန်းတပ် ဆက်လက်ပိတ်ဆို့၊ စားရေးနေရေး ခက်ခဲ

ဆန္ဒပြ အလုပ်သမားတွေကို လုံထိန်းတပ်က ဝိုင်းဝန်း ပိတ်ဆို့

ရမည်းသင်းမြို့နယ် မိုးထိမိုးမိတောင်က ရွှေလုပ် သားတွေဟာ အလုပ်သမားအခွင့်အရေးတွေအတွက် နေပြည်တော်အထိချီတက် ဆန္ဒပြဖို့ ထွက်ခွာလာရာမှာ ရမည်းသင်းမြို့ ရွှေမြင်တင် ဘုရားဝင်းအတွင်းနားခိုစဉ် လက်နက်ကိုင် လုံထိန်းတပ်က ပိတ်ဆို့ တားမြစ် ထားတာ ခံခဲ့ရပါတယ်။ အခုအခါ မှာတော့ တောင်းဆို ချက်တွေ မပြေလည် သေးရုံသာ မက ပိတ်ဆို့ တားမြစ် မှုကြောင့် စားသောက်ရေးနဲ့ နေထိုင်ရေး အတွက်ပါ အခက်အခဲ တွေရင်ဆိုင်နေ ရတယ်လို့ ဆိုပါတယ်။

ရွှေလုပ်သားတွေကို ကူညီဆောင်ရွက်ပေးနေတဲ့ ဉီးအေးသိန်းကို ဆက်သွယ် မေးမြန်းကြည့်ရာမှာ လုံထိန်းတပ်တွေက ရွှေမြင်တင် ဘုရားကို ပတ်ဝိုင်း ပိတ်ဆို့ထားတယ်လို့ ဆိုပါတယ်။ ပိတ်ဆို့ထားရာမှာ သူတို့ဆီကို အများပြည်သူ သွားရောက်တွေ့ဆုံကြဖို့ ခွင့်မပြုသလို သူတို့ကိုလည်း ဘုရားပရဝုဏ်ထဲက ထွက်ခွင့် မပေးဘူးလို့ ဆိုပါတယ်။

ဒါ့အပြင် သူတို့ကို ထမင်း၊ ရေနဲ့ အစားအစာတွေ ဖြတ်တောက်တာမျိုးတွေလုပ်တယ်လို့လည်း ဉီးအေးသိန်းက ဆိုပါတယ်။ ထမင်းရော ရေရော အစာရော ဖြတ်ထားတယ်ဆိုရာမှာ အစာရေစာ လာရောက်လှူဒါန်းတာတွေကို အထက်ခွင့်ပြုချက်မရလို့ဆိုပြီး ဝင်ခွင့် မပေးဘဲ ထားတာဖြစ်ပါတယ်။

ဒါပေမဲ့ အမျိုးသားကြီးပွားတိုးတက်ရေး ကုမ္ပဏီ အတွက် ပေးပို့တဲ့ အစားအသောက်တွေကိုတော့ ချက်ချင်း ပေးခွင့်ပြုခဲ့တဲ့ အတွက် အလုပ်သမားတွေက ကန့်ကွက်တောင်းဆိုမှုတွေလုပ်ခဲ့လို့ မနေ့က ညနေ ၃ နာရီလောက်ကျမှ အလုပ်သမားတွေအတွက် အစားအသောက်နဲ့ ရေကို သွင်းခွင့်ပေးခဲ့တယ်လို့ဆိုပါတယ်။

တောင်ခြေဟင်းလင်းပြင်ဖြစ်တဲ့ အတွက် ညဘက်မှာ လေတိုက်ပြီး ရာသီဥတု အေးနေပေမယ့် အလုပ်သမားတွေမှာ စောင်ခေါင်းအုံးတွေမပါဘဲ၊ ဇရပ်နဲ့ ညောင်ပင်တွေအောက်မှာ အိပ်ကြရတယ်လို့ ဆိုပါတယ်။ ရွှေမြင်တင်ဘုရားအတွင်း ရောက်နေတဲ့ ဆန္ဒပြသူတွေကို အပြင်ထွက်ခွင့် မပေးတဲ့ အတွက် ကိုယ်ဝန်ဆောင်အမျိုးသမီးတယောက် ဆေးရုံကို အချိန်မီ မရောက်ဘဲ ဒုက္ခရင်ဆိုင်ခဲ့ရတယ်လို့လည်း ဉီးအေးသိန်းက ပြောပါတယ်။

ဆန္ဒပြလုပ်သား ကိုမိုးကျော်ရဲ့ ဇနီးဖြစ်ပြီး ကိုယ်တိုင် ဆန္ဒပြရာမှာ ပါဝင်ခဲ့တဲ့ အပြင် ချီတက်ဆန္ဒပြရာမှာလည်း ပါဝင်တဲ့ အသက် ၃၂ နှစ်အရွယ်ရှိ မထွေးထွေးဟာ ကိုယ်ဝန်အရင့်အမာနဲ့ ဖြစ်ပါတယ်။ ဆန္ဒပြချိန်အတွင်း မီးဖွားချိန် စေ့ရောက်ပြီး ကမ္ဗဇလေ လှုပ်ခတ်လာချိန်မှာ ဆေးရုံကို အချိန်မီ မရောက်နိုင်ခဲ့တဲ့ အတွက် ကိုယ်ဝန်အနေအထား မမှန်မကန်ဖြစ်ပြီး ခွဲစိတ်မွေးဖွားခဲ့ရာမှာ သားသမီး ပျက်စီးခဲ့ပါတယ်။ မိခင်ဖြစ်သူလည်း သတိလစ်မေ့မျောခဲ့ပါတယ်။

ရွှေအလုပ်သမားတွေဘက်က တောင်းဆိုချက် ၆ ချက်တောင်းဆိုထားရာမှာ သတ္တုတွင်း ဝန်ကြီးဌာနအရာရှိတွေ၊ အမျိုးသားကြီးပွား တိုးတက်ရေး ကုမ္ပဏီဘက်က စီမံဌာန ညွှန်ကြားရေးမှူး ဗိုလ်မှူးကြီးဟောင်း ကြည်မိုး ခေါင်းဆောင်တဲ့ အဖွဲ့တို့က အလုပ်သမားတွေနဲ့ ညှိနှိုင်းပြီး ၅ ချက်ပေးဖို့ မနေ့မနက်က သဘောတူခဲ့တယ်လို့ ဆိုပါတယ်။ ဒါပေမဲ့ ရွှေလုပ်သားတွေဘက်က ရွှေလုပ်သားတွေကို ယခင်အတိုင်း အစုခွဲဝေခံစားခွင့်တောင်းဆိုချက်ကို မရတဲ့ အတွက် သဘောမတူခဲ့ဘူးလို့ဆိုပါတယ်။

မနေ့ကနေ့ခင်းပိုင်း ကုမ္ပဏီ ဥက္ကဌ ဉီးစိုးထွန်းရှိန်ရောက်လာတဲ့ အခါ သဘောတူထားတဲ့ ငါးချက်ထဲက အသေးစားကျောက်ကြိတ်စက်တွေကို ဗြုန်းကြိတ်ခွဲခွင့်ဆိုတဲ့ အချက်ကို ပါထပ်ပြီးပယ်ချခဲ့တဲ့ အတွက် ပြေလည်မှုမရှိဘဲ ပိုမိုတင်းမာလာပါတယ်။

မိုးမိမိုးထိရွှေလုပ်ငန်းမှာ အလုပ်သမားပေါင်း ၂ သိန်းကျော်ရှိပြီး အဲဒီအလုပ်သမားတွေကို မီခိုနေတဲ့လူဉီးရေကိုပါ ထည့်သွင်းတွက်ချက်ရင် လူပေါင်း ၅ သိန်းနီးပါး စားဝတ်နေရေး ပြသနာကို ရင်ဆိုင်နေရတာလို့လည်း ဉီးအေးသိန်းက ဆိုပါတယ်။

အလုပ်သမားတွေကို အစားအသောက်နဲ့ ရေထောက်ပံ့ပေးတဲ့ ရမည်းသင်း အမျိုးသားဒီမိုကရေစီ အဖွဲ့ချုပ်ရဲ့ ဥက္ကဌ ဉီးမျိုးသိန်းကိုလည်း ရွေးကောက်ပွဲကော်မရှင်က စာပေးပို့ခေါ်ယူထားတယ်လို့ ဆိုပါတယ်။

ရခိုင်ပြည်နယ် အကြမ်းဖက်ဖြစ်ရပ် လူမျိုးတုံး သတ်ဖြတ်မှု မဟုတ်

By ကိုကျော်ကျော်သိန်း

• ရခိုင်ပြည်နယ်မှာ ဖြစ်ပျက်ခဲ့တဲ့ ရုန်းရင်းဆန်ခတ် အကြမ်းဖက် ဖြစ်ရပ်တွေကို လူမျိုးတုန်း သတ်ဖြတ်မှု Genocide ဖြစ်ရပ်လို့ မခေါ်ဆိုနိုင်ကြောင်း ကုလသမဂ္ဂက ပြောလိုက်ပါတယ်။ ပဋိပက္ခဒဏ်သင့် လူထုဟာ ထိတ်လန့် ကြောက်ရွံ့နေဆဲ၊ မလုံခြုံမှုကို ခံစားနေရဆဲ ရှိတယ်လို့လည်း ကုလသမဂ္ဂ အတွင်းရေးမှူးချုပ်ရဲ့ အထူးအကြံပေး ပုဂ္ဂိုလ် ဗီဂျေး နမ်ဘီးယား (Vijay Nambiar) က ပြောပါတယ်။ ဒီအခြေအနေဟာ လက်ရှိ ပြုပြင် ပြောင်းလဲရေး လုပ်ငန်းစဉ်အပေါ် ထိခိုက်နိုင်တဲ့ အလားအလာ ရှိတာကြောင့် နိုင်ငံတကာစံနှုန်း စံထားတွေနဲ့ အညီ ကိုယ်တွယ်ဖို့ လိုသလို ဒီဖြစ်ရပ်အပေါ် မြန်မာအစိုးရရဲ့ ကိုင်တွယ်ပုံကိုလည်း ကုလ သမဂ္ဂက အသိအမှတ်ပြု ချီးကျူးပြောဆိုပါတယ်။ အပြည့်အစုံကို ဘန်ကောက်ကနေ ကိုကျော်ကျော်သိန်းက သတင်း ပေးပို့ထားပါတယ်။

မြန်မာနိုင်ငံမှာ ရောက်နေတဲ့ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူး အကြံပေးပုဂ္ဂိုလ် မစ္စတာ ဗီဂျေး နမ်ဘီးယားဟာ ရခိုင်ပြည်နယ်၊ မောင်းတောမြို့မှာ လှည့်လည် ကြည့်ရှုပြီးတဲ့နောက် ဇွန်လ ၁၄ ရက် ညနေပိုင်းက ရန်ကုန် လေဆိပ်မှာ ဆိုက်ရောက်ပြီး မိနစ်ပိုင်းအတွင်းမှာပဲ ဘန်ကောက်အခြေစိုက် ဗွီအိုအေသတင်းထောက် ဒန်နီယယ်လ် ဘန်းန်စတိုင်း (Danielle Bernstein) က သီးခြား ဆက်သွယ် မေးမြန်းတာကို ဖြေဆိုခဲ့တာပါ။

ရခိုင်ပြည်နယ်က ရုန်းရင်းဆန်ခတ် အခြေအနေကို တချို့က လူမျိုးတုန်း သတ်ဖြတ်မှုလို့ ပြောဆိုနေတာနဲ့ ပတ်သက်ပြီး သူ့အနေနဲ့ အဲဒီလို မယူဆကြောင်း မစ္စတာ နမ်ဘီးယားက ပြောပါတယ်။ 

“အဲဒီ ဝေါဟာရဟာ ဒီသီးခြားဖြစ်ရပ်မှာ အသုံးပြုလို့ ရတယ်လို့ ကျနော် မယူဆပါဘူး။ ကျနော်တို့ရထားတဲ့ သတင်းတွေအရ အကြမ်းဖက်မှုတွေကြောင့် သေဆုံးသူ အရေအတွက်ဟာ ၂၁ ဦး ရှိပါ တယ်။ ဒီလို အကြမ်းဖက် ဖြစ်ရပ်တိုင်းမှာ သေဆုံးသူတိုင်းကို မသိနိုင်ဘူးဆိုတာ ကျနော် သဘောတူပါတယ်။ ဒါပေမဲ့လည်း အဲဒီ သေဆုံးမှုတွေကို လူမျိုးတုန်း သတ်ဖြတ်မှုလို့ ကျနော်တော့ မသတ်မှတ်ပါဘူး။” လို့ မစ္စတာ နမ်ဘီးယားက ပြောပါတယ်။

ကုလသမဂ္ဂ အတွင်းရေးမှူးချုပ်က မြန်မာသမ္မတဆီ ပါးလိုက်တဲ့ အမှာစကားထဲမှာ ရခိုင်ပြည်ဖြစ်ရပ်ဟာ လက်ရှိ အပြောင်းအလဲ လုပ်ငန်းစဉ်အပေါ် သက်ရောက်နိုင်တာကြောင့် သတိထား ကိုင်တွယ်ဖို့ အကြံပေးခဲ့ပြီးတော့ သမ္မတကလည်း ဒါကို အပြည့်အ၀ သတိပြုမိပြီး ကိုင်တွယ် ဖြေရှင်းခဲ့တယ်လို့ မစ္စတာ နမ်ဘီးယားက ယူဆပါတယ်။ 

“ဒီဖြစ်ရပ်ဟာ ပြုပြင်ပြောင်းလဲရေး လုပ်ငန်း စဉ်တခုလုံးအပေါ် သက်ရောက်နိုင်တဲ့ အလားအလာ ရှိတာကြောင့် အထူးသတိထားပြီးတော့ နိုင်ငံတကာ စံနှုန်း စံထားတွေနဲ့အညီ ကိုင်တွယ်ဖို့ လိုမယ်လို့ အတွင်းရေးမှူးချုပ်က အမှာစကား ပါးခဲ့ပါတယ်။ သမ္မတကလည်း တရားဥပဒေ စိုးမိုးရေးအတွက် အခိုင် အမာသန္နိဋ္ဌာန် ချထားတယ်လို့ ပြောသလို ဘေးဒဏ်သင့်တဲ့ လူမှုအဖွဲ့အစည်း အားလုံးကို လုံလောက်တဲ့ အထောက်အပံ့ ပေးသွား မယ်လို့ ပြောခဲ့တာကြောင့် အခြေအနေကို အပြည့်အ၀ သတိပြုမိပြီး တုန့််ပြန်ခဲ့တယ်လို့ ကျနော်ထင်ပါတယ်။” လို့ မစ္စတာ နမ်ဘီးယားက ပြောပါတယ်။

မစ္စတာ နမ်ဘီးယားဟာ ပြည်ထောင်စုအစိုးရ၊ နယ်စပ်ရေးရာဝန်ကြီး ဒုတိယ ဗိုလ်ချုပ်ကြီး သိန်းဌေးနဲ့ အတူ မောင်တောမြို့မှာ လှည့်လည် ကြည့်ရှုပြီး ပျက်စီးခဲ့တဲ့ နေရာတွေနဲ့ အိုးအိမ်စွန့် ထွက်ပြေးသူတွေ ခိုလှုံနေတဲ့ နေရာ လေးခုဆီသွားပြီး ဒုက္ခရောက်နေသူ တွေနဲ့ တွေ့ဆုံခဲ့ပါတယ်။

မောင်တောမှာ အခြေအနေတွေ တည်ငြိမ်နေပြီဖြစ်ပေမဲ့ ဘေးဒဏ်သင့် လူထုကတော့ အိမ်မပြန်ရဲကြသေးဘူးလို့ သူက ဆိုပါတယ်။ 

“သူတို့ထဲက အတော်များများဟာ ထိတ်လန့် ကြောက်ရွံ့နေဆဲဖြစ်ပြီး မလုံခြုံမှုကို အပြင်းအထန် ခံစားနေရဆဲ၊ လူတွေကြားမှာ ယုံကြည်မှု အားနည်းနေဆဲ၊ ဖျက်ဆီးခံရတဲ့ထဲမှာ သူတို့အိမ်တွေ ပါမသွားသူတွေတောင်မှပဲ အိမ်မပြန်ချင်ကြဘဲ ရှိနေပါသေးတယ်။” လို့ မစ္စတာ နမ်ဘီးယားက ပြောပါတယ်။

သူနဲ့အတူ လိုက်ပါပြီး တွေ့ဆုံ ဆွေးနွေးတာတွေမှာ အတူရှိနေခဲ့တဲ့ နယ်စပ်ရေးရာဝန်ကြီးရဲ့ စိတ်ရှည် သည်းခံစွာနဲ့ နှစ်ဘက်စလုံးက အသံတွေကို နားထောင်ချင်စိတ် ရှိပုံကိုလည်း သူက အသိအမှတ်ပြု ချီးကျူးခဲ့ပါသေးတယ်။

ရခိုင်ပြည်နယ်က ရုန်းရင်းဆန်ခတ် အကြမ်းဖက် ဖြစ်ရပ်တွေအပေါ် လူအများအပြားရဲ့ တုန့်ပြန်ပုံတွေထဲမှာ လူမျိုးရေးနဲ့ ဘာသာရေး အစွန်းရောက်စွာ တုန့်ပြန်တာတွေ ရှိနေတာကိုလည်း မစ္စတာ နမ်ဘီးယားက သတိပြုမိပုံ ရပါတယ်။ ဒါပေမဲ့လည်း လူတိုင်းဟာ သတိထားပြီးတော့ လူမျိုးရေး မုန်းတီးမှုအခြေခံနဲ့ တုန့်ပြန်တာမျိုးကို ပိုပိုပြီး ရှောင်ရှား လာနေကြပြီလို့ သူကထင်ပါတယ်။ 

“ဘာ့ကြောင့်လည်းဆိုတော့ ဒါဟာ ပြုပြင် ပြောင်းလဲရေး လုပ်ငန်းစဉ် တခုလုံးကို အန္တရာယ် ဖြစ်စေတယ်ဆိုတာ သူတို့ နားလည် လာကြပါတယ်။ ထိပ်ပိုင်း ခေါင်းဆောင်တွေက အလေးအနက်ထား ပြောနေတဲ့ အမှာစကားတွေဟာ အောက်ခြေအဆင့်ထိ ရောက်သွားဖို့ လိုမယ်လို့ ကျနော်ထင်ပါတယ်။ ပြီးတော့ လုပ်စရာတွေ အများကြီး ရှိနေပါသေးတယ်။ ဒီကိစ္စကို ဖြေရှင်း ဆောင်ရွက်ဖို့ လိုမယ်ဆိုတဲ့ သတိပြုမိမှုမျိုး ရှိနေပါတယ်။” လို့ ကုလသမဂ္ဂ အတွင်းရေးမှူးချုပ်ရဲ့ အထူး အကြံပေးပုဂ္ဂိုလ် မစ္စတာ ဗီဂျေး နမ်ဘီးယားက ဗွီအိုအေကို ပြောခဲ့ပါတယ်။

ရခိုင်ပြည်နယ်က လူမှု အ၀န်းအ၀ိုင်းတွေကြားထဲမှာ မယုံကြည်မှု ရှိနေပြီး အတော့်ကို သတိထား ကိုင်တွယ်ရမယ့် ကိစ္စ ဖြစ်ပြီးတော့ စိတ်ရှည် သည်းခံစွာ လုပ်ဆောင်မှုတွေကနေ တဆင့် အဲဒါကို ပြင်ဆင်သွားဖို့ လိုအပ်ပါတယ်လို့ မစ္စတာ နမ်ဘီးယားက ပြောခဲ့ပါတယ်။

မြန်မာနိုင်ငံမှာ ရိုဟင်ဂျာ လူဦးရေ ၈၀၀,၀၀၀ ၀န်းကျင်ရှိပြီး သူတို့ဟာ ကမ္ဘာပေါ်မှာ ဆိုးရွားစွာ ပြုမူဆက်ဆံမှုကို အခံစားရဆုံး သူတွေဖြစ်တယ်လို့ ကုလသမဂ္ဂက သတ်မှတ်ထားတာ ဖြစ်ပါတယ်။

ရခိုင်ပြည်နယ် ပဋိပက္ခ ဒီမိုကရေစီအရေး အတားအဆီးဟု ကွင်တားနား ပြော

မျိုးသန့် | ကြာသပတေးနေ့၊ ဇွန်လ ၁၄ ရက် ၂၀၁၂ ခုနှစ် ၁၇ နာရီ ၅၂ မိနစ်

ရန်ကုန် (မဇ္ဈိမ) ။        ။ ရခိုင်ပြည်နယ်အတွင်း ဗုဒ္ဓဘာသာဝင် ရခိုင်တိုင်းရင်းသားများနှင့် ဘင်္ဂါလီ ရိုဟင်ဂျာများ အကြား ဖြစ်ပွားနေသည့် ပဋိပက္ခများသည် နိုင်ငံ့အနာဂတ် ဒီမိုကရေစီရေးအတွက် ကြီးမားသည့် အတားအဆီးတခုဖြစ်လာနိုင်သည်ဟု ကုလသမဂ္ဂ လူ့အခွင့်အရေးဆိုင်ရာ အထူးသံတမန် သောမတ်စ် အိုဟေး ကွင်တားနား သတိပေး ပြောကြားလိုက်သည်။

“တင်းမာမှုများဟာ မြန်မာနိုင်ငံရဲ့ ဒီမိုကရေစီကူပြောင်းရေးနဲ့ တည်ငြိမ်ရေးတို့အတွက် အတားအဆီး ဖြစ်ပေါ်နေပြီး တရားဥပဒေကို လေးစားဖို့နဲ့ အကြမ်းဖက်မှုတွေ မလုပ်ကြဖို့ နှစ်ဘက်လုံးကို ကျနော် တိုက်တွန်းပါတယ်” ဟု ကွင်တားနား၏ ပြောကြားချက်ကို ကုလသမဂ္ဂ ပြန်ကြားရေးဌာန (ရန်ကုန်) ၏ အင်တာနက် စာမျက်နှာတွင် ဇွန်လ ၁၃ ရက်နေ့ နေ့စွဲဖြင့် ဖေါ်ပြထားသည်။

ရခိုင်ပြည်နယ်အတွင်းဖြစ်ပွားနေသည့် ပဋိပက္ခများအတွင်း ဇွန်လ ၈ ရက်နေ့မှ ၁၁ နေ့အထိ လူပေါင်း ၂၁ ဦးသေဆုံးခဲ့ ပြီး ၂၁ ဦး ဒဏ်ရာရရှိခဲ့သည်ဟု နိုင်ငံပိုင် သတင်းစာများက ရေးသားသည်။ ယင်းအပြင် လူနေအိမ် ၁၆၆၂ လုံး၊ ဆိုင်ခန်း ခြောက်ခန်း၊ ဆိုင်ကယ် ၁၈ စီး၊ ထော်လာဂျီ သုံးစီး၊ စက်ဘီး ကိုးစီးတို့လည်း ပျက်စီးခဲ့ရသည်ဟု ဆိုသည်။

တင်းမာမှုများဟာ မြန်မာနိုင်ငံရဲ့ ဒီမိုကရေစီကူပြောင်းရေးနဲ့ တည်ငြိမ်ရေးတို့အတွက် အတားအဆီး ဖြစ်ပေါ်နေပြီး တရားဥပဒေကို လေးစားဖို့နဲ့ အကြမ်းဖက်မှုတွေ မလုပ်ကြဖို့ နှစ်ဘက်လုံးကို ကျနော် တိုက်တွန်းပါတယ် ဟု ကွင်တားနား၏ ပြော (ဓါတ်ပုံ မဇ္ဈိမ)

အဆိုပါ ပဋိပက္ခ အခြေအနေများသည် ဒီမိုကရေစီဖေါ်ဆောင်ရေးနှင့် နိုင်ငံဖွံ့ဖြိုး တိုးတက်ရေးတို့အတွက် ထိခိုက် ဆုံးရှုံးမှုများစွာ ဖြစ်ပေါ်စေနိုင်သည်ဟုလည်း သမ္မတ ဦးသိန်းစိန်က ဇွန်လ ၁ဝ ရက်နေ့ မိန့်ခွန်းတွင် သတိပေးပြောကြားသွား သေးသည်။

“အသွင် ကူးပြောင်းစသာရှိသေးတဲ့ ကျနော်တို့နိုင်ငံရဲ့ တည်ငြိမ်အေးချမ်းရေး၊ ဒီမိုကရေစီ ဖေါ်ဆောင်ရေးနဲ့ နိုင်ငံဖွံ့ဖြိုး တိုးတက်ရေးအပေါ် ပြင်းပြင်းထန်ထန် ထိခိုက်ဆုံးရှုံးမှု ဖြစ်ပေါ်စေနိုင်တာကို မိဘပြည်သူများအားလုံး အထူး သတိထားကြစေချင်ပါတယ်” ဟု ပြောသွားသည်။

မေလ ၂၈ ရက်နေ့မှ အစပြုခဲ့သည့် ပဋိပက္ခများသည် ပိုမိုကျယ်ပြန့်လာခြင်းကြောင့် ဇွန်လ ၁ဝ ရက်နေ့မှစ၍ ရခိုင်ပြည်နယ်အတွင်း အရေးပေါ်အခြေအနေအဖြစ် အမိန့်အမှတ် ၁/၂၁၀၂ ကို ဦးသိန်းစိန်အစိုးရမှ ထုတ်ပြန်ကြေညာခဲ့ရသည်။

ရခိုင်ပြည်နယ်အတွင်း ဖြစ်ပေါ်နေသည့် အခြေအနေများအား ဘာသာရေး ပဋိပက္ခများအဖြစ် မီးမောင်းထိုး သတင်း ထုတ်ပြန်မှုမလုပ်ရန် ပြည်ပမီဒီယာများနှင့် ဗြိတိန်အခြေစိုက် NGO တခုကို အမျိုးသားရေးဝါဒီများက  ကြာသပတေးနေ့ နံနက်တွင် ရန်ကုန်မြို့ရှိ ဗြိတိန်သံရုံးရှေ့၌ ဆန္ဒပြ တောင်းဆိုမှုတခု ခေတ္တပြုလုပ်ခဲ့ကြသေးသည်။

သတင်းမီဒီယာများ၏ ဖေါ်ပြချက်များနှင့် ပတ်သက်၍လည်း “အကြမ်းဖက်မှုများ ဖြစ်ပွားခြင်းမှ ကာကွယ်ရန် သတင်း မီဒီယာများအနေဖြင့်လည်း တာဝန်သိစိတ်ဖြင့် သတင်းများ ရေးသားရန် လိုအပ်ပါတယ်” ဟု ကွင်တားနားက သတိပေး ပြောဆိုလိုက်သည်။

အခြေခံလစာအပေါ် အလုပ်သမားဌာနနှင့် အလုပ်ရှင်သဘောထား

ဝေစန္ဒာ | ကြာသပတေးနေ့၊ ဇွန်လ ၁၄ ရက် ၂၀၁၂ ခုနှစ် ၂၁ နာရီ ၂၅ မိနစ်

ရန်ကုန် (မဇ္ဈိမ) ။        ။ အလုပ်သမားများ၏ အခြေခံ လုပ်ခလစာ တပြေးညီ သတ်မှတ်ပေးရန် အလုပ်သမား ဦးစီးဌာနမှ အလုပ်ရှင်များကို ခေါ်ယူညှိနှိုင်းထားကြောင်း ညွှန်ကြားရေးမှူး ဦးကျော်ကျော်လွင် က ပြောသည်။

“တပြေးညီ မသတ်မှတ်ရသေးပါဘူး။ အဲလိုသတ်မှတ်ပေးဖို့ ဆွေးနွေးခိုင်းထားတာပါ။ နိုင်ငံတော်က အစိုးရဝန်ထမ်းတွေ ပေးထားတဲ့နေ့ကြေးက ၁,၁ဝဝ၊ ထောက်ပံ့ကြေးက ၁,ဝဝဝ ပေးတယ်။ အဲဒီလိုမျိုး တနေ့ ၂,၁ဝဝ ပေးတာမျိုးပေးဖို့ ဆွေးနွေးခိုင်းတာပါ။ ဌာနက သတ်မှတ်ပေးလို့ မရပါဘူး။ ဆွေးနွေးခိုင်းထားတဲ့ အဆင့်ပဲ ရှိပါတယ်” ဟု မဇ္ဈိမကို ပြောသည်။

ထိုသို့ သတ်မှတ်ပေးရန် အထည်ချုပ်လုပ်ငန်းရှင်များအသင်း၊ ဆောက်လုပ်ရေး လုပ်ငန်းရှင်များအသင်း၊ ရေထွက် လုပ်ငန်းရှင်များအသင်းစသည့် လုပ်ငန်းပေါင်း ၅၉ ခုကို ဆွေးနွေးကြရန် ညွှန်ကြားထားကြောင်း သိရသည်။

ရန်ကုန်တိုင်း၊ လှိုင်သာယာ အမှတ် ၂ စက်မှုဇုန်ရှိ Myanmar Sunny အထည်ချုပ် စက်ရုံမှ အလုပ်သမားများ ၁,၂ဝဝ ခန့်က လုပ်ခလစာ တိုးမြှင့်ပေးရေးအတွက် အရေးဆိုဆန္ဒပြနေကြစဉ်။ (ဓါတ်ပုံ - မင်းမင်းဦး၊ မဇ္ဈိမ)

“လုပ်ငန်းအသီးသီးက ကိုယ့်ဘာသာ ဆွေးနွေးကြပေးဖို့ ပြောထားပြီးပြီ။ ပြီးရင် စာပြန်တင်ပေးဖို့ ပြောထားတယ်။ အဲဒီနှုန်းနဲ့ပဲ ခုဖြစ်နေတဲ့ အလုပ်သမား ပဋိပက္ခတွေ ရှင်းဖို့ ပြောထားလို့ ခေါ်ယူပြီး ဆွေးနွေးခိုင်းထားတာပါ” ဟု ဦးကျော်ကျော်လွင် က ပြောသည်။

ထိုသို့ ဆွေးနွေးခိုင်းပြီးဖြစ်သော်လည်း တရားဝင် စာပြန်မပို့ကြသေးကြောင်း သိရသည်။

“ဒါကို ဘယ်လောက်ပေးလို့ ဌာနအနေနဲ့ သတ်မှတ်ပေးလို့ မရပါဘူး။ ကလေးတွေ (အလုပ်သမားတွေ) လိုချင်တဲ့နှုန်း ကို ခေါ်ယူညှိပေးတာပါ။ သတင်းတွေမှာ ဌာနက သတ်မှတ်တယ်လို့ ရေးနေကြတယ်။ အဲဒါ မှားတယ်။ သတ်မှတ်ပေး လို့မရပါဘူး။ တချို့က ပေးနိုင်တယ်။ တချို့က မပေးနိုင်ဘူး။ ဒါပေမယ့် ဒီလိုလေး သတ်မှတ်မှ ဖြစ်မှာမို့ ဒါကို ညှိနှိုင်းခိုင်းတာပါ။ တချို့က ဒီထက်ပိုပေးတာ ရှိတယ်။ ပိုပေးရင်တော့ ပိုပေးတာ ယူဖို့ ပြောထားတယ်” ဟု ညွှန်ကြားရေးမှူး က ပြောသည်။

အလုပ်သမားများက အခြေခံလစာ ၃၀,၀၀၀ သတ်မှတ်ပေးရန် တောင်းဆိုထားသည်။ လာမည့် လွှတ်တော်တွင် အနိမ့်ဆုံးလစာနှင့် ပတ်သက်၍ ဥပဒေတခု တင်ပြရန်ရှိပြီး ထိုဥပဒေ အတည်မပြုသေးမီ ထိုသို့ ယာယီညှိနှိုင်းပေးခြင်းဖြစ်ကြောင်း သိရသည်။

ထိုဥပဒေ ထွက်ရှိလာပါက အခြေခံလစာ သတ်မှတ်ချက်ကို အလုပ်သမားဝန်ကြီးဌာနမှ သတ်မှတ်ပေးမှာမဟုတ်ဘဲ ဘဏ္ဍာရေးနှင့် အခွန်ဝန်ကြီးဌာနကသာ သတ်မှတ်ပေးမှာ ဖြစ်ကြောင်း သိရသည်။

အထည်ချုပ် လုပ်ငန်းရှင်များအသင်းကလည်း ၎င်းတို့အလုပ်သမားများ၏ day ကြေး ခံစားခွင့်ကို အစိုးရ နေ့စား ဝန်ထမ်း၏ တရက်ကြေး ရရှိမှုပမာဏနှင့်အညီ ပေးရန် စီစဉ်ဆောင်ရွက်နေသည်ဟု ဆိုသည်။

“အစိုးရ နေ့စားဝန်ထမ်းက တရက်ကို ၁,၁ဝဝ ရတယ်။ အဲဒီအတိုင်း ပေးဖို့ ညှိနှိုင်းနေတယ်။ အရင် ဟိုကြေး၊ ဒီကြေးပေးတာ အနည်းဆုံး ခုနစ်ခု၊ ရှစ်ခုရှိတယ်။ ဒီမှာတော့ အဲဒီလို မဟုတ်ဘူး။ အခြေခံလစာရယ်၊ အခြေခံလစာပေါ်တွက် တဲ့ Over Time ကြေးရယ်၊ ရှားပါးစရိတ်၊ ရက်မှန်ကြေး၊ ထုတ်လုပ်မှုအတွက် ရတဲ့ ရာခိုင်နှုန်းရယ်။ ဒါတွေကိုပဲ ပေး သွားမှာပါ။ Day ကြေးကို ၁,ဝဝဝ၊ ၁,၁ဝဝ၊ ၁,၂၅ဝ အဲဒီလို ပေးသွားနိုင်ဖို့လည်း ညှိနှိုင်းထားတယ်” ဟု အသင်းဥက္ကဋ္ဌ ဦးမြင့်စိုးက ပြောသည်။

ထိုသို့အလုပ်သမားများ၏ Day ကြေး ခံစားခွင့် တိုးမြှင့်ပေးရန်အတွက် အထည်ချုပ် လုပ်ငန်းရှင်အသင်းမှ အသင်းဝင် ၁၅ဝ ဦးက ညှိနှိုင်းကာ ဆုံးဖြတ်ထားခြင်း ဖြစ်ကြောင်း သိရသည်။

ထိုအတိုင်းဆိုလျှင် အထည်ချုပ်လုပ်ငန်းရှိ အနိမ့်ဆုံးဝန်ထမ်း Helper များမှာ တလလျှင် အခြေခံလစာ ၃၃,ဝဝဝ နှင့် အဆိုပါလစာအပေါ် တွက်ချက်မည့် ခံစားခွင့် Overtime ကြေး၊ ရှားပါးစရိတ်၊ ရက်မှန်ကြေး၊ ထုတ်လုပ်မှုအတွက် ခံစားခွင့်များဖြင့် တလလျှင် ၆ဝ,ဝဝဝ ကျော် ရရှိမည် ဖြစ်သည်။

“Helper ကို ဒီလိုပေးတယ် ဆိုပေမယ့် ဘာမှ မလုပ်တတ်၊ အစအဆုံး သင်ရမယ့် လူကတော့ ဒီလစာနဲ့ ခံစားခွင့်ပေးမှာမဟုတ်ဘူး။ ၄၃,ဝဝဝ လောက်ပဲ ရပါမယ်။ ခု ညှိနှိုင်းလစာထက် မနည်းအောင် ညှိနှိုင်းပေးတာပါ။ တကယ်လို့ ဥပဒေ ထွက်လို့ အဲဒီ ဥပဒေက သတ်မှတ်တာများရင် များတဲ့ဘက်ကို ပေးသွားမှာပါ’’ ဟု ဦးမြင့်စိုး က ပြောသည်။

အထည်ချုပ်စက်ရုံများတွင် ဝန်ထမ်းခန့်ထားမှုမှာ အလုပ်သင်၊ Helper ၊ Operator ၊ စစ်ဆေးရေးမှူး နှင့် စက်ရုံ မန်နေဂျာစသည်ဖြင့် အဆင့်ဆင့်ရှိသည်။

ဇွန်လ ၃ ရက်နေ့က ပြုလုပ်သည့် အလုပ်သမား ပြဿနာနှင့်ပတ်သက်သည့် အလုပ်ရုံဆွေးနွေးပွဲတခုတွင် စက်မှု ဝန်ကြီး ဦးစိုးသိန်း က “ဘာလို့ ဖိနပ်ချွတ်ရလဲ။ ဖိနပ်ချွတ်တဲ့တိုင်းပြည် မရှိဘူး။ စီးရမယ်။ ဖုန်မတက်တဲ့ ဖိနပ်မျိုး စီးရမှာပေါ့။ ထိုင်ရမှာပေါ့။ ခရာမှုတ်ပြီး Break Time ပေးရမှာပေါ့။ စာဖတ်ချိန် ပေးရမှာပေါ့။ လူတွေပဲ၊ လူတွေ။ တိုင်းရင်းသားတွေ၊ မြန်မာတွေ” ဟု ပြောဆိုခဲ့သည့်အပေါ် အထည်ချုပ် လုပ်ငန်းရှင်များ အသင်းက ပြန်လည်ချေပ ရှင်းလင်းလိုက်သည်။

“ကျနော်တို့ အထည်ချုပ် လုပ်ငန်းတွေမှာ သနပ်ခါးမလိမ်းရ၊ ဖိနပ်မဝတ်ရစတဲ့ မထုတ်သင့်တဲ့ စည်းမျဉ်းတွေ ထုတ်တယ်လို့ ပြောတယ်။ ဘာကြောင့် သနပ်ခါး မလိမ်းရလဲ။ ဒီသနပ်ခါးမှုန့်ဟာ ချုပ်ထည် ပေါ်ကျတယ်။ ဒီလိုကပ်ပါသွားရင် မှာတဲ့နိုင်ငံတွေက လက်မခံဘူး။ ဂျပန်ဆို ပိုဆိုးတယ်။ အထုပ်လိုက် ပြန်ပို့ပါတယ်။ ဒါဆို ဘယ်သူနစ်နာလဲ။ ဖိနပ်မစီးရမို့ အဝတ်ဖိနပ်ဝယ် ပေးပါတယ်” ဟု ဥက္ကဋ္ဌ ဦးမြင့်စိုးက ပြောသည်။

မြန်မာနိုင်ငံ၌ နိုင်ငံ ခြားသား တဦးတည်းပိုင်ကုမ္ပဏီ၊ နိုင်ငံခြားသားနှင့် ပြည်တွင်း ဖက်စပ်ကုမ္ပဏီများမှာ ၆ဝ ရာခိုင်နှုန်းရှိပြီး နိုင်ငံသားပိုင် လုပ်ငန်းမှာ ၄ဝ ရာခိုင်နှုန်း ရှိကြောင်း ၎င်းအသင်း စာရင်းများအရ သိရသည်။

၂ဝ၁၂ ခုနှစ်၊ မေလအတွင်း စက်ရုံပေါင်း ၅၇ ရုံမှ အလုပ်သမား ၃၆,၈၁ဝ ဦးက လစာတိုးပေးရန် ဆန္ဒပြ တောင်းဆိုခဲ့ ရာ စက်ရုံ ၃၈ ရုံရှိ အလုပ်သမား ၂၂,၄၈၇ အတွက် ညှိနှိုင်းဖြေရှင်းပြီး စက်ရုံ ၁၉ ရုံမှ လုပ်သား ၁၄,၃၂၃ ဖြေရှင်းပေး ရန် ကျန်ရှိနေသေးကြောင်း အလုပ်သမားဝန်ကြီးဌာနက ထုတ်ပြန်သည်။ ထိုအထဲမှ Global Footware ဖိနပ်စက်ရုံနှင့် The Myth Appearl အထည်ချုပ်စက်ရုံတို့မှာ ဒုတိယအကြိမ် ဆန္ဒပြမှု ဖြစ်ပွားဖြစ် ဖြစ်သည်။