14.06.2012 နေ့ဖတ်ရန်သတင်းများ

by Myanmar Journal on Wednesday, June 13, 2012 at 4:53pm ·

ရခိုင်ဒေသ ဒုက္ခသည်တွေကို ကုလ အထူးသံတမန် သွားရောက်အားပေး

စစ်တွေမြို့မှာ နေအိမ်တွေကနေထွက်ပြေးခဲ့ကြရသူ ဒုက္ခသည် တစ်သောင်းလောက်ရှိ

မြန်မာနိုင်ငံမှာ ရောက်ရှိနေတဲ့ မြန်မာနိုင်ငံ ဆိုင်ရာ ကုလသမဂ္ဂ အထူးသံတမန် ဗီဂျေ နမ်ဘီးယားဟာ အကြမ်းဖက် ပဋိပက္ခတွေ ဖြစ်ပွားနေတဲ့ ရခိုင်ပြည်နယ် စစ်တွေမြို့ကို ဗုဒ္ဓဟူးနေ့က ရောက်ရှိလာခဲ့ပြီး မောင်တော မြို့က ဒုက္ခသည် ကယ်ဆယ်ရေး စခန်းတွေဆီ သွားရောက် ကြည့်ရှု အားပေးခဲ့ပါတယ်။

မစ္စတာ နမ်ဘီးယားနဲ့အတူ ပြည်ထောင်စု ဝန်ကြီး ဗိုလ်ချုပ်ကြီး သိန်းဌေး အပါအဝင် အစိုးရ တာဝန်ရှိ ပုဂ္ဂိုလ်တွေ လိုက်ပါ သွားခဲ့ပါတယ်။

 မောင်တောမြို့မှာ ဒုက္ခသည်တွေ ခိုလှုံနေတဲ့ ကယ်ဆယ်ရေးစခန်း ၄ခု ရှိပြီး အလှူရှင်တွေ လာရောက် လှူဒါန်းကြတာမျိုး ရှိပေမယ့် အစားအသောက်နဲ့ အဝတ်အထည်တွေ လိုအပ်နေဆဲပဲလို့ မောင်တောမြို့ခံတဦးက ပြောပါတယ်။

နေအိမ်တွေ မီးရှို့ခံခဲ့ရတဲ့အတွက် ဒုက္ခသည်တွေ အနေနဲ့ ပြန်စရာ နေရာ မရှိကြ တော့ပဲ ဒုက္ခသည်စခန်းတွေမှာ အခြေကျနိုင်ဖို့ကလည်း အချိန် အတော်ယူ ရဦးမယ်လို့ ဆိုပါတယ်။

စစ်တွေမြို့နဲ့ မြို့တဝိုက်မှာလည်း အကြမ်းဖက်မှု ပဋိပက္ခတွေကြောင့် နေအိမ် စွန့်ပြီး ထွက်ပြေးလာကြတဲ့ ဒုက္ခသည်ပေါင်း တစ်သောင်းလောက်ကို ကယ်ဆယ်ထားတဲ့ စခန်း ပေါင်း ၃၀ကျော် ရှိနေပါတယ်။

အဲဒီ ဒုက္ခသည်တွေကို ရုပ်ရှင်သရုပ်ဆောင်တွေနဲ့ ဘောလုံး အဖွဲ့ချုပ် ဥက္ကဌ ဦးဇော်ဇော် အပါအဝင် အလှူ့ရှင်တွေက ကယ်ဆယ်ရေး ပစ္စည်းတွေ ဗုဒ္ဓဟူးနေ့က လာရောက် လှူဒါန်းခဲ့ကြပါတယ်။

အရင်ရက်တွေက မီးရှို့မှုတွေ၊ တဖက်နဲ့ တဖက် ရိုက်နှက်မှုတွေ ရှိခဲ့တဲ့ စစ်တွေမြို့မှာ မိုးသည်းသည်းထန်ထန် ရွာသွန်းနေတဲ့အတွက် အပြန်အလှန် အကြမ်းဖက် တိုက်ခိုက်မှုတွေ မရှိပဲ အခြေအနေ တည်ငြိမ်နေတယ်လို့ စစ်တွေ မြို့မှာ ရှိနေတဲ့ ရခိုင်အမျိုးသား တိုးတက်ရေး ပါတီ အတွင်းရေးမှူး ဦလှစောက ဘီဘီစီကို ပြောပါတယ်။

စစ်တွေမြို့မှာ လူ၅ယောက်ထက် ပိုတဲ့ လူစုလူဝေးနဲ့ သွားလာခွင့် မပြုကြောင်း ဒီကနေ့မနက် က လိုက်လံ ကြေညာနေတယ်လို့လည်း မြို့ခံတွေက ပြောပြပါတယ်။

ရခိုင်ပြည်နယ်ကို လုံခြုံရေး တိုးချ

စစ်တွေမှာ လုံခြုံရေး အရ ရဲတွေက နေရာ ရွှေ့ ပြောင်း ပေးတာတွေ ရှိခဲ့

ရခိုင်ပြည်နယ်မှာ လက်ရှိ ဖြစ်နေတဲ့ အခြေ အနေကိုထိန်းသိမ်းနိုင်ဖို့ အစိုးရက လုံခြုံရေး တွေကို တိုးမြှင့် ချထားလိုက်ပါတယ်။

သောကြာ နေ့က စတင်ခဲ့တဲ့ ပဋိပက္ခ တွေကြောင့် ရခိုင်ပြည်နယ် အတွင်းမှာ အရေးပေါ် အခြေ အနေ ကြေညာ ထားခဲ့တာ နှစ်ရက် ကြာခဲ့ပြီ ဖြစ်ပေမဲ့ မီးရှို့ တိုက်ခိုက်မှုတွေ ဆက်လက် ဖြစ်ပွားနေပြီး တဘက်နဲ့ တဘက် အပြန် အလှန် စွပ်စွဲ ပြောဆို မှုတွေ ရှိနေပါတယ်။

ဒေသခံတွေ ကြားမှာလည်း စိုးရိမ်မှုတွေ ရှိနေပါတယ်။ လုံခြုံရေး အားနည်းတဲ့ နေရာတွေမှာ မီးရှို့ တိုက်ခိုက်တာ တွေ ရှိတဲ့ အတွက် ဇွန်လ ၁၂ ရက်နေ့ ကပဲ မောင်တောနဲ့ စစ်တွေ တို့မှာ လုံခြုံရေး အင်အား ပိုတိုးချထား လိုက်တယ် မတည်မငြိမ် ဖြစ်နေတဲ့ နေရာ တွေမှာ စုစုပေါင်း တပ်ရင်း ၁၃ ရင် ချထားပြီး ဖြစ်တယ်လို့ နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။

ပေါက်တော၊ မြေပုံ မြောက်ဦး စတဲ့ မြို့နယ် တို့မှာ တော့ ကြိုတင် ကာကွယ်တဲ့ အနေနဲ့ အရင်ရက်တွေ ကတည်းက ချထားတယ် လို့လည်း သူက ပြောပါတယ်။

စစ်တွေမြို့မှာ ဆိုရင် နာဇီရွာလို နေရာမှာ ရခိုင်တိုင်းရင်းသား လူများစုတွေ ကြားထဲမှာ ရှိနေတဲ့ လူနည်းစု ဘင်္ဂါလီ မွတ်ဆလင် တွေကို ခေါ်ထုတ်ပြီး သူတို့ လူမျိုးတူ လူအများစု ရှိနေတဲ့ နေရာကို ခေါ်ဆောင် ရွှေ့ပြောင်း ပေးတယ်လို့ လည်း ဦးဇော်ဌေးက ပြောပါတယ်။

"ဟိုနေ့က ပေါက်တောမြို့မှာ စစ်တပ်ကို excecutive power (အုပ်ချုပ်ရေး အာဏာ) ပေးလိုက်တယ်၊ လွှဲပေး လိုက်တော့ တပ်က ခြောက်လှန့် ပြီးပစ်တာတွေ ရှိတယ်" လို့ ဦးဇော်ဌေးက ပြောပါတယ်။

ရခိုင်တိုင်းရင်းသား ပဲ ဖြစ်ဖြစ် မွတ်ဆလင်ပဲ ဖြစ်ဖြစ် မတရား အကြမ်းဖက်မှုတွေ ဖြစ်မလာအောင် ထိန်းဖို့ ပဲ လုပ်နေတာ ဖြစ်တယ်။ ကျည်ဆံ အစား တခြား အဓိကရုဏ်း နှိမ်နင်းတဲ့ နေရာမျာ သုံးတဲ့ ကျည်ဆံတွေ ကို သုံးဖို့ ဖြည့်တင်း ထားတယ်လို့ ပြောပါတယ်။

လာမယ့် ရက်ပိုင်း အတွင်း အခြေ အနေတွေကို ထိန်းနိုင်အောင် ကြိုးစား နေပြီး အဲဒီ နယ်မြေမှာ တပ်မတော် တပ်ရင်း ၁၀ ရင်း အရန် ရှိနေတယ်လို့ သမ္မတရုံး ညွှန်ကြား ရေးမှူးက ဘီဘီစီကို ပြောပါတယ်။

 ဥရောပ ဖလား ဘောပွဲ အဓိကရုဏ်း

ပိုလန် နိုင်ငံ ဝါဆောမှာ ဥရောပ ဖလား ဗိုလ်လုပွဲ အုပ်စု ၁ ကစားပွဲ မကျင်းပ ခင်မှာ အဓိကရုဏ်း နှိမ်နင်းရေး ရဲတွေက မီးသတ်ပိုက် မျက်ရည်ယို ဗုံးနဲ့ ရာဘာ ကျည်ဆန်တွေ သုံးပီး ပိုလန်နဲ့ ရုရှ ဘောလုံးသင်း ပရိသတ်ကို ဖြို ခွဲ ခဲ့ရပါတယ်။

အနည်းဆုံး ၁ဝ ယောက် ဒဏ်ရာရပီး လူ တရာကျော် အဖမ်း ခံ နေရပါတယ်။

ရုရှ အမျိုးသား နေ့မှာ ထောင်နဲ့ချီတဲ့ ရုရှ ဘောလုံး သင်း ပရိသတ်တွေ ဝါဆော မြို့ထဲ လှည့်လည် နေကြတာကို စော်ကားတာလို့ ယူဆတဲ့ ပိုလန် လူမျိုးတွေနဲ့ အချင်းများ ရာက ရန်ပွဲ စခဲ့တာပါ။

ရုရှ ကပိုလန်ကို ရာစု နှစ်တွေနဲ့ ချီပီး အုပ်စိုး လာခဲ့ တဲ့ အတွက် သမိုင်း ကြောင်းအရ မုန်းတီးမှု ရှိပါတယ်။

ဘောလုံးပွဲက တော့ တဂိုးစီနဲ့ သရေကျ သွားခဲ့ပါတယ်။

ဆီးရီးယား ပြည်တွင်းစစ် အနေအထား ရောက်ရှိ

အပစ်အခတ်တွေလဲ တအား ဆိုးလာ

ဆီးရီးယား ပဋိပက္ခ လက်ရှိ အခြေအနေဟာ ပြည်တွင်းစစ် လို့ ပြောလို့ရနေပီလို့ ကုလ သမဂ္ဂ ငြိမ်းချမ်းရေး ထိန်းသိမ်းရေး အဖွဲ့ အကြီးအကဲ ဟာ့ဗ် လဒ်ဆော့က ဆိုပါတယ်။

ကုလ သမဂ္ဂ အရာရှိ တယောက် ဆီက ပထမဆုံး တရားဝင် ထုတ်ပြောလိုက်တာ ဖြစ်ပါတယ်။

နိုင်ငံ နယ်မြေ အတော်များများကို ဆီးရီးယား အစိုးရ မထိန်းနိုင် တော့ဘဲ မြို့ကြီးတချို့ ဆိုရင် သူပုန်အောက် ရောက်နေပီ၊ အပစ်အခတ်တွေလဲ တအား ဆိုးလာပီလို့ မစ္စတာ လဒ်ဆော့က ဆိုပါတယ်။

ဆီးရီးယား အခြေအနေ ယိုယွင်း လာတဲ့အတွက် လူမှု ကယ်ဆယ်ရေးတွေ ဆောင်ရွက်လို့ မရတော့ဘူး လို့ နိုင်ငံတကာ ကြက်ခြေနီ အဖွဲ့ကလဲ ပြောကြား ခဲ့ပါတယ်။

ဆီးရီးယားက ကုလ သမဂ္ဂ စောင့်ကြည့်သူတွေ ဟက်ဖာ မြို့နား မရောက်ခင်မှာ အစိုးရ ဘက်သား လူအုပ်ကြီးက ကျောက်ခဲတွေနဲ့ ပစ်ပေါက် တိုက်ခိုက် ပီး တားဆီး ခံခဲ့ရတယ်လို့ ဆိုပါတယ်။

ဟက်ဖာက သူပုန် တပ်တွေကို အစိုးရ တပ်တွေက တင့်ကား တိုက်ခိုက်ရေး ရဟတ်ယာဉ် တွေ လက်နက်ကြီးတွေ နဲ့ ဝန်းရံ တိုက်ခိုက် နေတာပါ။

အကြီးအကျယ် ဗုံးကြဲ ခံနေရတဲ့ အတွက် သူပုန်တွေ မြို့က ခွာနေပီလို့လဲ သတင်းတွေ ထွက်နေပါတယ်။

ဆီးရီးယား နိုင်ငံတဝှမ်း အပြန်အလှန် တိုက်ပွဲတွေ ပြင်းထန် နေပီး လူ ၆ဝ လောက် အနည်းဆုံး သေနေပီ လို့ အတိုက်အခံ တွေက ဆိုပါတယ်။

အိန္ဒိယ နိုင်ငံမှာ အမျိုးသမီးတွေ အခွင့် အရေး ထိခိုက်နေအမျိုးသမီးတွေ အတွက် ဘယ်နိုင်ငံ အကောင်းဆုံးလဲ

အမျိုးသမီးတွေ အတွက် ဘယ်နိုင်ငံ အကောင်းဆုံးလဲ ဆိုတဲ့ စစ်တမ်း ကောက်ယူ မှုကို ကမ္ဘာ့ အချမ်းသာဆုံး နိုင်ငံ ပေါင်း ၁၉ နိုင်ငံမှာ ပြုလုပ် ခဲ့ရာမှာ အိန္ဒိယ နိုင်ငံဟာ အမျိုးသမီးတွေ အတွက် အဆိုးဝါးဆုံး နိုင်ငံ ဖြစ်ပြီး ဆော်ဒီ အာရေဗျ နိုင်ငံက ဒုတိယ အဆိုးဆုံး ဖြစ်တယ်လို့ ဖော်ပြ ထားပါတယ်။

Thomson Reuters Foundation အဖွဲ့က ကောက်ယူတဲ့ စစ်တမ်းဟာ အမျိုးသမီးတွေ အတွက် ပညာရေးနဲ့ ကျန်းမာရေး စောင့်ရှောက်မှုက အစ အလုပ် အကိုင် အခွင့် အလမ်းနဲ့ အမျိုးသမီးတွေ အပေါ် အကြမ်းဖက်မှု စတဲ့ အကြောင်း ချင်းရာ အတော် များများကို လေ့လာ ခဲ့တာဖြစ် ပါတယ်။

အိန္ဒိယ နိုင်ငံက အနိမ့် ဆုံးနေရာမှာ ရှိနေ တာဟာ မိန်းကလေး မလိုချင်တဲ့ အတွက် မိန်းကလေးတွေကို မွေးကင်းစ အရွယ်မှာ သတ်ဖြတ်မှု၊ အရွယ် မရောက်ခင် အိမ်ထောင် ကျမှုနဲ့ ကျေးကျွန် ပြုမှု တို့ကြောင့် ဖြစ်တယ်လို့ စစ်တမ်း က ဆိုပါတယ်။

ကနေဒါ နိုင်ငံ ကတော့ အမျိုး သမီးတွေ အတွက် အကောင်းဆုံး နေရာ ဖြစ်တယ်လို့ စစ်တမ်းမှာ ဖော်ပြပါတယ်။

အီရတ် တိုက်ခိုက်မှု လူ ၈၀ သေဆုံး

အီရတ်မှာ ပေါက်ကွဲမှု တွေကြောင့် တွေ့ရတဲ့ အပျက် အစီးများ

အီရတ် နိုင်ငံ ဘဂ္ဂဒက် မြို့တော်နဲ့ နိုင်ငံ တောင်ပိုင်း မှာ ရှိတဲ့ ရှီအိုက် တွေကို အဓိက ပစ်မှတ်ထားတဲ့ ဗုံးခွဲ တိုက်ခိုက်မှု တွေကြောင့် လူပေါင်း ၈၀ ထက် မနည်း သေဆုံးပြီး ၂၀၀ ကျော် ဒဏ်ရာ ရခဲ့ပါတယ်။

ပေါက်ကွဲမှု တွေဟာ ရှာ မွတ်ဆလင်တွေ အတွက် အရေးကြီးတဲ့ ဘာသာရေး ပွဲတော် အတွက် စုရုံး ရောက်ရှိ နေကြတဲ့ ဘက်ဂ္ဂဒက် မြို့တော်က နေရာ ပေါင်း ၁၀ နေရာမှာ ဖြစ်ခဲ့ပါတယ်။

နိုင်ငံတောင်ပိုင်းက ဟေလာ(Hilla) မြို့မှာတော့ ရဲတွေ မကြာခဏ သွားလေ့ရှိတဲ့ စားသောက်ဆိုင် ရှေ့မှာ ကားဗုံး ပေါက်ကွဲမှု နှစ်ခု ဖြစ်ခဲ့တဲ့ အတွက် လူပေါင်း ၂၀ နီးပါး သေဆုံးခဲ့ ပါတယ်။

အီရတ် နိုင်ငံက ရှီယာ ဝန်ကြီးချုပ် နိုရီ အယ်လ် မာလီကီ Nouri al Maliki ကို အယုံအကြည် မရှိကြောင်း အဆိုတင်သွင်းဖို့ အတိုက်အခံ လွှတ်တော် အမတ်တွေ ကြိုးပမ်းနေ တဲ့ အတွက် နိုင်ငံရေး မတည်မငြိမ် ဖြစ်နေတဲ့ အချိန်မှာ ဒီတိုက်ခိုက်မှုတွေ ပေါ်ပေါက် လာတာလည်း ဖြစ်ပါတယ်။

ILO က မြန်မာ ကို တရားဝင် ပြန် လက်ခံတော့မယ်

ILO နဲ့ မြန်မာ အစိုးရကြား သိသာတဲ့ ပူးပေါင်း ဆောင်ရွက် မှုတွေ ရှိလာ

မြန်မာ နိုင်ငံကို ILO ကမ္ဘာ့ အလုပ်သမား အဖွဲ့ချုပ်ရဲ့ တင်းပြည့် အဖွဲ့ဝင် အဖြစ် ဇွန်လ ၁၃ ရက်နေ့က စတင်ပြီး ပြန်လည် အသိအမှတ် ပြုတော့မှာ ဖြစ်ပါတယ်။

အဓမ္မ လုပ်အား ခိုင်းစေမှု ပပျောက်ရေး ဆောင်ရွက်ချက် တွေနဲ့ လက်ရှိ နိုင်ငံရေး ပြုပြင် ပြောင်းလဲမှုတွေ ကြောင့် မြန်မာ နိုင်ငံ အပေါ် နည်းပညာ အကူအညီ အပါအဝင် ပူးပေါင်း ဆောင်ရွက်မှု တွေကို ရပ်ဆိုင်း ထားခဲ့ရာ ကနေ ပယ်ဖျက်ဖို့ ဆုံးဖြစ်ခဲ့တာ ဖြစ်တယ်လို့ ILO ညွှန်ကြား ရေးမှူး ချုပ်ရဲ့ အကြံပေး ပုဂ္ဂိုလ် ကာရီ တာပီယိုလာက ပြောပါတယ်။

ဒါကြောင့် မြန်မာ နိုင်ငံ အနေနဲ့ ILO ရဲ့ လှုပ်ရှား ဆောင်ရွက်မှု တွေ အားလုံးမှာ ပါဝင်နိုင်တော့ မှာ ဖြစ်ပြီး နည်းပညာ ဆောင်ရွက်မှု အကူ အညီတွေလည်း ပြန်ရ တော့မယ်လို့ ဆိုပါတယ်။

အဓမ္မ လုပ်အား ခိုင်းစေမှု ပပျောက်ရေး ပူးတွဲ အစီ အစဉ်တွေ အပြင် လွတ်လပ်စွာ စုဝေးခွင့်နဲ့ တခြား ကိစ္စရပ် တွေကိုလည်း ဆက်လက် ဆောင်ရွက် သွားမယ်လို့ မစ္စတာ တာပီယိုလာက ပြောပါတယ်။

ဆုံးဖြတ်ချက် မူကြမ်းကို လက်ခံ ဆုံးဖြတ် ထားပြီး ဖြစ်ပြီး ဇွန်လ ၁၃ ရက်နေ့ ညနေ ILO ညီလာခံ မှာ တရားဝင် အသိအမှတ်ပြု ကြမှာ ဖြစ်တယ်လို့လည်း မစ္စတာ တာပီယိုလာ က ပြောပါတယ်။

ရခိုင်ပြည်နယ်မှာ တည်ငြိမ်မှု မရှိသေး

၎ ရက် အတွင်း သေဆုံးသူ ၂၁ ဦး ဒဏ်ရာရသူ ၂၁ ဦး ရှိပြီ ဖြစ်တယ်လို့ အစိုးရ ကြေညာပါတယ်

ဒေသခံ ရခိုင်တွေနဲ့ ရခိုင်ဒေသက မွတ်ဆလင်တွေ အကြား အဓိကရုဏ်း ဖြစ်ပွားနေရာမှာ အင်္ဂါနေ့က အိမ်တွေကို မီးရှို့တာတွေ အပြင် သေနတ် ပစ်ခတ်သံ တွေကိုပါ ကြားနေ ရတယ်လို့ သတင်းတွေ ရရှိ ပါတယ်။

ရခိုင်တွေ နဲ့ မွတ်ဆလင်တွေ နှစ်ဘက်စလုံးဟာ သူတို့ရဲ့ အိုးအိမ်တွေကို စွန့်ခွာ ထွက်ပြေး နေကြ ရတယ်လို့ ဆိုပါတယ်။

ရခိုင်ပြည်နယ် အတွင်း ရုံးရင်းဆန်ခတ် ဖြစ်တဲ့ ၈ ရက်နေ့ ကနေ ၁၁ ရက်နေ့ အထိ ၄ ရက် အတွင်း သေဆုံးသူ ၂၁ ဦး ဒဏ်ရာရသူ ၂၁ ဦး ရှိပြီး၊ လူနေအိမ် ၁၆၆၂ လုံး မီးလောင်ခဲ့ကာ ဆိုင်ခန်း ၆ ခန်း၊ ဆိုင်ကယ် ၁၈ စီး၊ ထော်လာဂျီ ၃ စီး၊ စက်ဘီး ၉ စီး ပျက်ဆီး သွားတယ်လို့ မြန်မာ့ ရုပ်မြင်သံကြားက ထုတ်ပြန် သွားပါတယ်။

စစ်တွေမြို့မှာ ဆိုရင် အင်္ဂါနေ့ မနက်ပိုင်းမှာ အိမ်ခြေတချို့ မီးလောင် နေတာတွေ ရှိပြီး သေနတ် ပစ်သံတွေလည်း ကြားနေရတယ်လို့၊ စစ်တွေမြို့ ကွပ်ကဲရေးရုံး ပြန်ကြားရေး အဖွဲ့ဝင် ဦးဝင်းမြိုင်က ပြောပါတယ်။

ညနေပိုင်းမှာတော့ စစ်တွေမြို့ကို တည်ငြိမ်မှု ရှိအောင် ရဲနဲ့ စစ်တပ်က ထိန်းထားနိုင်ပြီ ဖြစ်တယ်လို့လည်း ဦးဝင်းမြိုင်က ပြောပါတယ်။

စစ်တွေ တမြို့တည်းမှာတင် သေဆုံးသူ ၆ ဦးနဲ့ ဒဏ်ရာရသူ ၁၆ ဦး ရှိကြောင်း ကိုလည်း သူက ပြောပါတယ်။

ဘေးဒုက္ခ ရောက်ခဲ့ရတဲ့ ရခိုင် ဒေသခံတွေကိုရော၊ မွတ်စလင်တွေကိုပါ သီးခြား ကယ်ဆယ်ရေး စခန်းတွေမှာ နေရာ ချထားပေးတယ်လို့ ဆိုပါတယ်။

တင်္နလာနေ့က အစိုးရ ထုတ်ပြန်ချက် အရ ဒုက္ခသည် ၄ ထောင်ကျော်ရှိတယ်လို့ ဆိုပါတယ်။ ဘူးသီးတောင်နဲ့ မောင်တောမှာ ဆန်မရှိ တော့တဲ့ အတွက် လက်လုပ် လက်စားတွေ စားစရာ မရှိ ဖြစ်နေ ကြပြီလို့ သိရပါတယ်။

ရပ်ရွာ ပြန်လည်တည်ငြိမ် အေးချမ်းရေး အတွက်ကို အစိုးရက ရခိုင်ပြည်နယ်ကို အရေးပေါ် အခြေအနေ ကြေညာကာ တပ်ဖွဲ့ဝင်တွေကို ချထားပြီးလည်း ဖြစ်ပါတယ်။

ရခိုင်အခြေအနေငြိမ်သက်

By ကိုကျော်ကျော်သိန်း

ဒေသခံ ရခိုင်ဒုက္ခသည်များအား ပုဂ္ဂလိကအလှူရှင်များမှ ဆန်အိတ်ငယ်များ ပေးအပ်လှူဒါန်းနေစဉ်။ (ဂျွန် ၁၃ ရက်၊ ၂၀၁၂။)

အကြမ်းဖက် ပဋိပက္ခတွေဖြစ်ခဲ့တဲ့ ရခိုင်ပြည်နယ်၊ စစ်တွေမြို့မှာ အစ္စလာမ်ဘာသာဝင်တွေကို စစ်တပ်ဝင်း အပါအ၀င် တခြား လုံခြုံတဲ့နေရာတွေဆီ လုံခြုံရေးတပ်ဖွဲ့တွေက ရွှေ့ပြောင်းပေးလိုက်ပြီးတဲ့နောက် အခြေအနေတွေ ငြိမ်သက်နေပါတယ်။ ပဋိပက္ခတွေအတွင်းမှာ ဒုက္ခရောက်သူတွေကိုလည်း တာဝန်ရှိသူတွေအပြင် ပုဂ္ဂလိကအလှူရှင်တွေက အကူအညီပေးနေပါတယ်။ တချိန်တည်းမှာပဲ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် ဗီဂျေး နမ်ဘီးယားဟာလည်း ရခိုင်ပြည်နယ်မှာရောက်နေပြီး စစ်တွေမြို့အပါအ၀င် အခင်းဖြစ်ခဲ့တဲ့မြို့တွေကို လိုက်လံ လေ့လာကြည့်ရှုနေပါတယ်။အခုလိုဖြစ်ပျက်ခဲ့တဲ့ အခြေအနေတွေအားလုံးကို ဘန်ကောက်ကနေ ဆက်သွယ်မေးမြန်းထားတဲ့ ကိုကျော်ကျော်သိန်း က တင်ပြပေးထားပါတယ်။

သုံးရက်နီးပါး ရုန်းရင်းဆန်ခတ်အခြေအနေတွေဖြစ်ခဲ့တဲ့ ရခိုင်ပြည်နယ်၊ စစ်တွေမြို့မှာ ဒီကနေ့တော့ အခြေအနေတွေ ငြိမ်သက် နေတာပါ။ အစ္စလာမ်ဘာသာဝင်တွေကို သူတို့နေထိုင်ရာ နေရာတွေကနေ တခြား ဘေးကင်းတဲ့နေရာတွေဆီ လုံခြုံရေး တပ်ဖွဲ့ဝင်တွေက မနေ့ကတည်းကစလို့ ရွှေ့ပြောင်းပေးခဲ့ပြီး ဒီကနေ့မှာလည်း ဆက်ပြီး ရွှေ့ပြောင်းပေးနေတာကြောင့် အခုလို အခြေအနေတွေ ငြိမ်သက်သွားတာဖြစ်တယ်လို့ စစ်တွေမြို့ခံ သတင်းထောက်တဦးက ဗွီအိုအေကို ပြောပါတယ်။

“လူထုလုံခြုံရေးအတွက် မနေ့က စစ်တပ်ထဲကို ပြောင်းလိုက်တာပေါ့။ စစ်တွေမြို့ပေါ် နာဇီရပ်ကွက်က အကုန်လုံးကို စစ်တပ်ထဲကို ပြောင်းရွှေ့လိုက်တယ်။ အဲဒီလိုပြောင်းရွှေ့လိုက်တဲ့အတွက် လောလောဆယ် ငြိမ်နေပါတယ်။”

ဒီကနေ့ထုတ် သတင်းစာတွေထဲမှာ အရပ်ဘက်နဲ့ စစ်ဘက် တာဝန်ရှိသူတွေ၊ တခြားအဖွဲ့အစည်းတွေနဲ့ တသီးပုဂ္ဂလတွေက ရုန်းရင်းဆန်ခတ်ဘေးဒဏ်သင့် ရခိုင်လူထုအတွက် အကူအညီတွေ ပေးနေကြတဲ့သတင်းတွေ တွေ့ရပါတယ်။ မြန်မာနိုင်ငံ ဘောလုံးအဖွဲ့ချုပ်ကလည်းဒီကနေ့မနက်ပိုင်းက စစ်တွေမြို့မှာ လှူဒါန်းငွေလာပေးသွားတယ်လို့ ဒေသခံ သတင်းထောက်က ပြောပါတယ်။

ဒီကနေ့မှာပဲ ဥရောပခရီးစဉ် စတင်ထွက်ခွာသွားပြီဖြစ်တဲ့ ဒေါ်အောင်ဆန်းစုကြည်ကလည်း အကူအညီပေး တာနဲ့ ပတ်သက်တဲ့ သူ့ရဲ့သဘောထားကို ခရီးမထွက်ခင်မှာ ပြောသွားတယ်လို့ အမျိုးသား ဒီမိုကရေစီ အဖွဲ့ချုပ် NLD ပြောရေးဆိုခွင့်ရှိသူ ဦးဉာဏ်ဝင်း က ဗွီအိုအေကိုပြောပါတယ်။

“ကျနော်တို့ ဒီမှာ အလှူရှင်တွေဆီကနေပြီးတော့ အတိဒုက္ခရောက်တဲ့သူတွေကို ကူညီဖို့ပေါ့လေ- အဲဒါကို သူက မှတ်ချက်ပေးပါတယ်။ ကူညီပါ-တဲ့၊ ဒါပေမဲ့ နှစ်ဘက်လုံးပါပစေ-တဲ့။ တဘက်ဘက်ကို ကူညီတယ် ဆိုတာမျိုး မဖြစ်ပါစေနဲ့-တဲ့။ ”

ရခိုင်ပြည်နယ်ထဲမှာ ရုန်းရင်းဆန်ခတ်အခြေအနေတွေဖြစ်အောင် သွေးထိုးလှုံ့ဆော်ပေးခဲ့တယ်ဆိုတဲ့ သံသယနဲ့ ဖမ်းဆီးထားသူ တွေ ရှိတယ်ဆိုတဲ့ သတင်းတွေ ထွက်နေတာမှာ စစ်တွေအခြေစိုက် အစိုးရမဟုတ်တဲ့ အဖွဲ့အစည်းတခုက ဒေါက်တာထွန်းအောင် နဲ့ သမီးဖြစ်သူတို့ကို ပြီးခဲ့တဲ့ရက်ပိုင်းက ဖမ်းဆီးခဲ့ပြီး အခုတခါ ဦးကျော်လှအောင်ဆိုသူကို ထပ်ပြီး ဖမ်းထားတယ်လို့ ရဲတပ်ဖွဲ့ တာဝန်ရှိသူတဦးက အတည်ပြု ပြောဆိုတာကို ဒေသခံ သတင်းထောက်က ပြောပြပါတယ်။

“သူ့ဆီကနေ စာရွက်စာတမ်းတွေ တွေ့တဲ့အတွက် အမှတ်(၁) ရဲစခန်းကနေ ဖမ်းဆီးပြီး စစ်ဆေးနေတယ် လို့ ပြောပါတယ်။ အယ်လ်ကိုင်းဒါးအဖွဲ့နဲ့ ဆက်သွယ်ထားတဲ့ စာရွက်စာတမ်းတွေ၊ အမှတ် (၁) ရဲစခန်းက ဒု-ရဲအုပ်တယောက်ကနေပြီးတော့ ပြောတာ။”

ရခိုင်ပြည်နယ်တွင်း တခြားမြို့တွေမှာလည်း အခြေအနေတွေ ငြိမ်သက်နေပေမဲ့ မြေပုံမြို့မှာတော့ မနေ့ကနဲ့ ဒီကနေ့ မနက်ပိုင်းမှာ အကြမ်းဖက်မယ့်အခြေအနေတချို့ ဖြစ်ခဲ့တာကြောင့် တာဝန်ရှိသူတွေက အချိန်မီ ထိန်းသိမ်းခဲ့ရပါတယ်။ ဒီအခြေအနေကို မြေပုံ မြို့နယ် ပြည်သူ့လွှတ်တော်ကိုယ်စားလှယ် ဦးဖေသန်းက ဗွီအိုအေကို ရှင်းပြပါတယ်။

“မြေပုံမြို့၊ မြို့ဦးကျောင်းမှာသွားပြီး စုကြတယ်။ လူ ၂၀၀ ကျော်လောက် ရှိမယ်ထင်ပါတယ်။ အဲဒီမှာ တပ်မတော်နဲ့ မြို့နယ် အုပ်ချုပ်ရေးမှူးက သွားပြီးတော့ အဲဒီအစုအဝေးကို ဖြိုခွဲလိုက်လို့ လူစုကွဲသွားပါတယ်။ နယ်ကတက်လာတဲ့အဖွဲ့တွေကိုလည်း မြို့ပေါ်က သွားတားလိုက်ပါတယ်။ အဲဒါ လောလောဆယ်တော့ ငြိမ်နေတယ်။ နောက် ဘယ်လို ဆက်ဖြစ်လာအုံးမလဲ မပြောတတ်ဘူးခင်ဗျ။”

ရုန်းရင်းဆန်ခတ်ဖြစ်ရတဲ့ အခြေအနေတွေအားလုံးရဲ့ အစပထမ ဖြစ်ရပ်တွေကတော့ ရမ်းဗြဲမြို့နယ်မှာ မသီတာထွေး အသတ်ခံခဲ့ရတဲ့ဖြစ်ရပ် နဲ့ တောင်ကုတ်မြို့မှာ အစ္စလာမ်ဘာသာဝင် ၁၀ ဦး အကြမ်းဖက် အသတ်ခံခဲ့ရတဲ့ ဖြစ်ရပ်တွေပါ။ အဲဒီဖြစ်ရပ်တွေအပေါ် အစိုးရပိုင် သတင်းစာတွေမှာ ရေးသားဖော်ပြခဲ့တဲ့ ပုံစံတွေကိုလည်း အစ္စလာမ်ဘာသာဝင်တွေက ဘ၀င်မကျဖြစ်ခဲ့ကြပါတယ်။

မသီတာထွေး အသတ်ခံရမှုကို ဒီကနေ့ ဆက် ကြားနာစစ်ဆေးနေပြီး သက်သေထွက်ဆိုချက်တွေ ပြီးဆုံးမယ်လို့ ကျောက်ဖြူ မြို့နယ် ပြည်သူ့လွှတ်တော်ကိုယ်စားလှယ် ဦးဘရှင်က ပြောပါတယ်။

“မနက်ပိုင်းမှာ သက်သေသုံးယောက်စစ်တယ်။ ညနေပိုင်း ၂ ယောက်ကျန်တယ်လို့ပြောတယ်။ ဒီနေ့ ၅ ယောက်လောက် စစ်မှာပေါ့။ သက်သေတွေ စစ်ပြီးရင် ဥပဒေအရာရှိက စွဲချက်တင်ဖို့ လျှောက်လဲချက်ပေးပါလိမ့်မယ်။ ဘယ်နေ့ ချိန်းမလဲတော့ မပြောတတ်ဘူး။ အမှုစစ်ဆေးလို့ပြီးတဲ့အချိန်တော့ ရုံးချိန်းပေးမယ်။”

မြန်မာနိုင်ငံမှာရောက်နေတဲ့ ကုလသမဂ္ဂအတွင်းရေးမှူးချုပ်ရဲ့ အထူးအကြံပေးပုဂ္ဂိုလ် မစ္စတာ ဗီဂျေး နမ်ဘီးယား (Vijay Nambia) ဟာ နယ်စပ်ရေးရာ ပြည်ထောင်စုဝန်ကြီး ဒုတိယဗိုလ်ချုပ်ကြီး သိန်းဌေး၊ မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့က ဘာသာရေးခေါင်းဆောင် ၁၅ ဦးတို့နဲ့အတူ စစ်တွေမြို့နဲ့ တခြားမြို့တွေမှာ လှည့်လည် လေ့လာ ကြည့်ရှုနေတယ်လို့ ဒေသခံ သတင်းထောက် ကရော၊ ပြည်တွင်းသတင်းတွေကပါ ပြောကြပါတယ်။

ရခိုင်ပြည်နယ်ထဲမှာ ဇွန်လ ၈ ရက်နေ့ကနေ ၁၁ ရက်နေ့အထိ ဖြစ်ပွားခဲ့တဲ့ ရုန်းရင်းဆန်ခတ် အခြေအနေတွေကြောင့် လူ ၂၁ ဦး သေဆုံး၊ ၂၁ ဦး ဒဏ်ရာရခဲ့ပြီး အိမ်ခြေ ၁၆၆၂ လုံး မီးလောင်ဆုံးရှုံး၊ ဆိုင်ခန်း ၆ ခန်း၊ ဆိုင်ကယ် ၁၈ စီး၊ ထော်လာဂျီ ၃ စီး၊ စက်ဘီး ၉ စီး ပျက်စီးခဲ့တယ်လို့ ဒီကနေ့ထုတ် အစိုးရပိုင် သတင်းစာတွေမှာ ဖော်ပြထားပါတယ်ခင်ဗျား။

ရခိုင်ပဋိပက္ခ ဒုက္ခသည်တွေ ကူညီရေး နိုင်ငံတကာ တိုက်တွန်း

By မခင်ဖြူထွေး

• ရခိုင်ပြည်နယ်တွင်း အကြမ်းဖက်မှုတွေနဲ့ အဓိကရုဏ်းတွေကြောင့် ထွက်ပြေး နေကြရတဲ့ ဒုက္ခတွေကို အိမ်နီးချင်း ဘင်္ဂလားဒေ့ရှ် နိုင်ငံအနေနဲ့ လက်ခံ ကူညီဖို့ အမေရိကန်ပြည်ထောင်စုက တိုက်တွန်းလိုက်ပါတယ်။ အလားတူပဲ ဒုက္ခသည်များဆိုင်ရာ ကုလသမဂ္ဂ အေဂျင်စီ UNHCR ကလည်း မြန်မာနိုင်ငံဘက်ကနေ ထွက်ပြေးလာတဲ့ ဒုက္ခသည်တွေကို ဘင်္ဂလားဒေ့ရ်ှအစိုးရက ပြန်နှင်ထုတ်ခဲ့တဲ့ အပေါ်မှာ စိုးရိမ်ကြောင်း ပြောဆိုပါတယ်။ အပြည့်စုံကို မခင်ဖြူထွေးက တင်ပြထားပါတယ်။

ဟုတ်ကဲ့ပါ။ မြန်မာနိုင်ငံ အနောက်ခြမ်း ရခိုင်ပြည်နယ်တွင်း ဖြစ်ပွားနေတဲ့ အကြမ်းဖက်မှုတွေနဲ့ အဓိကရုဏ်းတွေကြောင့် ထွက်ပြေးလာကြတဲ့ ဒုက္ခသည်တွေကို ဘင်္ဂလားဒေ့ရှ် အစိုးရက လမ်းကနေ ဖြတ်ပြီး ပင်လယ်ထဲ ပြန်လည် နှင်ထုတ်မှုတွေ ရှိခဲ့တယ် ဆိုတဲ့အပေါ်မှာ စိုးရိမ်မှု ဖြစ်ရကြောင်းကို အမေရိကန် ပြည်ထောင်စုကရော ကုလသမဂ္ဂ တို့ကပါ ထုတ်ဖော် ပြောဆိုခဲ့ကြတာပါ။ အမေရိကန် နိုင်ငံခြားရေးဌာနရဲ့ မနေ့က သတင်းစာရှင်းလင်းပွဲအတွင်း ပြောခွင့်ရသူ Victoria Nuland က အခုလို ပြောခဲ့ပါတယ်။

“မြန်မာနိုင်ငံတွင်း ဘာသာရေးနဲ့ လူမျိုးရေး အဓိကရုဏ်းတွေကြောင့် ထွက်ပြေးလာကြတဲ့ ဒုက္ခသည်တွေကို ဘင်္ဂလားဒေ့ရှ် အာဏာပိုင်တွေက လမ်းကနေဖြတ်ပြီး နှင်ထုတ်တာတွေ လုပ်ခဲ့တယ်ဆိုတဲ့ကိစ္စ ကျမတို့ အထူး စိုးရိမ်မှု ဖြစ်ပါတယ်။ ဒါကြောင့်လည်း ဘင်္ဂလားဒေ့ရှ် အစိုးရအနေနဲ့ ဒုက္ခသည်များဆိုင်ရာ သဘောတူစာချုပ်တွေနဲ့အညီ နိုင်ငံတကာ စည်းမျဉ်းစည်းကမ်းတွေကို လေးစားလိုက်နာဖို့ ကျမတို့ တိုက်တွန်းပါတယ်။ အကာအကွယ်မဲ့နေတဲ့ ဒုက္ခသည်တွေကို အန္တရာယ်ရှိတဲ့ မူရင်းဒေသကို ပြန်ပို့လို့မရဘူးဆိုတဲ့ အရင်ကတည်းကရှိလာခဲ့တဲ့ နိုင်ငံတကာမူဝါဒကို ဆက်ပြီး လေးစားလိုက်နာဖို့လည်း တိုက်တွန်းပါတယ်။”

လက်ရှိ ပဋိပက္ခကို အကြမ်းဖက်တဲ့နည်း မဖြေရှင်းဘဲ တွေ့ဆုံ ဆွေးနွေးမှုတွေကတဆင့် ဖြေရှင်းဖို့ အရေးကြီးတဲ့ အကြောင်းနဲ့ နှစ်ဘက်စလုံးက အကြမ်းဖက်မှုတွေ ရပ်တန့်ပြီး တွေ့ဆုံဆွေးနွေးကြဖို့ အမေရိကန်ပြည်ထောင်စုက တိုက်တွန်းနေတဲ့ အကြောင်းလည်း မစ် နျူလန်က ပြောသွားပါတယ်။

အလားတူပဲ ဒုက္ခသည်များဆိုင်ရာ ကုလသမဂ္ဂ အေဂျင်စီ UNHCR ကလည်း မြန်မာနိုင်ငံဘက်ခြမ်းက ထွက်ပြေးလာတဲ့ ဒုက္ခသည်တွေကို ဘင်္ဂလားဒေ့ရှ် နယ်ခြားစောင့်တပ်ဖွဲ့တွေက ပြန်လည် နှင်ထုတ်ခဲ့တယ် ဆိုတဲ့ သတင်းတွေနဲ့ ပတ်သက်လို့ စိုးရိမ်မှုဖြစ်ရကြောင်းနဲ့ ဒါနဲ့ပတ်သက်လို့ ဘင်္ဂလားဒေ့ရ်ှအစိုးရဘက်က ရှင်းလင်းချက် တောင်းခံထားတဲ့အကြောင်း UNHCR ပြောခွင့်ရပုဂ္ဂိုလ် Adrian Edwards က ဂျနီဗာမြို့မှာ ဇွန်လ ၁၂ ရက် သတင်းစာရှင်းလင်းပွဲအတွင်း ပြောသွားခဲ့ပါတယ်။ ဘင်္ဂလားဒေ့ရှ် အစိုးရအနေနဲ့ အရင်က ဒီလို ဒုက္ခသည်တွေကို ဆေးဝါးကုသခွင့် ပေးခဲ့တာတွေ ရှိခဲ့သလိုပဲ အခုလည်း အလားတူ ဆေးဝါးနဲ့ နေရာထိုင်ခင်း အကူအညီတွေ ပေးသွားဖို့ တိုက်တွန်း ပြောဆိုခဲ့ပါတယ်။့  မြန်မာနဲ့ ဘင်္ဂလားဒေ့ရှ် နယ်စပ် ဒုက္ခသည်တွေ အဓိက ၀င်ရောက်နိုင်တဲ့ ဂိတ်တွေမှာ စောင့်ကြပ် အကူအညီပေးနိုင်ဖို့ UNHCR က ကြိုးစားနေတယ်လို့လည်း ဆိုပါတယ်။

တချိန်တည်းမှာပဲ မြန်မာနိုင်ငံမှာ ရောက်နေတဲ့ ကုလသမဂ္ဂ အတွင်းရေးမှူးချုပ်ရဲ့ အထူး အကြံပေးပုဂ္ဂိုလ် Vijay Nambiar ကလည်း မနေ့က ရခိုင်ပြည်နယ်ကို သွားရောက် လေ့လာခဲ့တဲ့ အကြောင်း အတွင်းရေးမှူးချုပ် ဘန်ကီမွန်းရဲ့ ပြောခွင့်ရပုဂ္ဂိုလ် Martin Nesirky က ပြောပါတယ်။

“အင်္ဂါနေ့က မြန်မာအကြီးတန်း ခေါင်းဆောင်တွေနဲ့ နေပြည်တော်မှာ တွေ့ဆုံခဲ့ပြီးတဲ့နောက် အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူး အကြံပေးပုဂ္ဂိုလ် ဗီဂျေးနမ်ဘီးယားဟာ ဗုဒ္ဓဟူးနေ့က ရခိုင်ကြပည်နယ်ကို သွားရောက်ခဲ့ပါတယ်။ သူ့ခရီးစဉ် အဓိက ရည်ရွယ်ချက်ကတော့ ကုလသမဂ္ဂအနေနဲ့ ရခိုင်ပြည်နယ်တွင်း ဘယ်လို အကူအညီတွေ ဆက်ပြီး ပေးနိုင်မလဲ ဆိုတဲ့ အခြေအနေတွေကို သွားရောက် လေ့လာ စမ်းစစ်ဖို့ဖြစ်ပါတယ်။”

ဒါကတော့ မနေ့က ပုံမှန်သတင်းစာရှင်းလင်းပွဲမှာ အတွင်းရေးမှူးချုပ် ဘန်ကီမွန်းရဲ့ ပြောခွင့်ရပုဂ္ဂိုလ် Martin Nesirky ပြောသွားခဲ့တာ ဖြစ်ပါတယ်။

ရခိုင်ပြည်နယ်တွင်း ပဋိပက္ခတွေနဲ့ ပတ်သက်လို့ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် Tomas Ojea Quintana ကလည်း မနေ့က ဇွန်လ ၁၃ ရက်နေ့ နေ့စွဲနဲ့ ကြေညာချက် ထုတ်ပြန်ပါတယ်။ လက်ရှိ ဖြစ်ပွားနေတဲ့ ဘာသာရေးနဲ့ လူမျိုးရေး တင်းမာမှုတွေက မြန်မာနိုင်ငံရဲ့ ဒီမိုကရေစီအသွင်ကူးပြောင်းရေးနဲ့ တည်ငြိမ်ရေးကို ခြိမ်းခြောက်စေတယ်လို့ ကြေညာချက်မှာ ဖော်ပြထားပါတယ်။ နှစ်ဘက်စလုံးက ထိန်းထိန်းသိမ်းသိမ်း ရှိကြဖို့နဲ့ တရားဥပဒေကို လေးစားလိုက်နာပြီး အကြမ်းဖက်မှုတွေ ရှောင်ကြဉ်ကြဖို့ ကိုလည်း မစ္စတာ ကင်တားနားက တိုက်တွန်းထားပါတယ်။ လုံခြုံရေး ကိုင်တွယ်ဆောင်ရွက်မှုတွေဟာလည်း လူ့အခွင့်အရေး သတ်မှတ်ချက်စံညွန်းတွေနဲ့ အညီ ဖြစ်သင့်တဲ့အကြောင်းနဲ့ အကြမ်းဖက်မှုတွေ ပိုပြီးကြီးထွားမလာစေဖို့ တားမြစ်ရာမှာ တာဝန်သိ သတင်းမီဒီယာတွေရဲ့ အခန်းကဏ္ဍဟာလည်း အရေးကြီးတဲ့အကြောင်းတွေကိုလည်း မစ္စတာ ကင်တားနားက သူ့ရဲ့ ကြေညာချက်မှာ ထောက်ပြထားပါတယ်ရှင်။

အိန္ဒိယ-အမေရိကန် ဆက်ဆံရေးခိုင်မာ

By ဗွီအိုအေ (မြန်မာဌာန)

အမေရိကန်နဲ့ အိန္ဒိယနိုင်ငံတို့ရဲ့ ဆက်ဆံရေးဟာ အရင်ကနဲ့မတူ ပိုပြီးခိုင်မာလာပြီလို့ အိန္ဒိယနိုိင်ငံခြားရေး ၀န်ကြီး S.M. Krishna နဲ့ ဆွေးနွေးပွဲကျင်းပဖို့ ပြင်နေတဲ့ အမေရိကန် နိုင်ငံခြားရေးဝန်ကြီး Hillary Clinton က ပြောပါတယ်။

အိန္ဒိယနိုင်ငံကို ပြီးခဲ့တဲ့သီတင်းပတ်ထဲမှာ အမေရိကန် ကာကွယ်ရေးဝန်ကြီး လီယွန်ပန်နက်တာ (Leon Panetta) သွားရောက်ခဲ့ပြီးနောက်မှာ ၂ နိုင်ငံကြား အဆင့်မြင့် ခေါင်းဆောင်တွေရဲ့ နောက်ဆုံးဆွေးနွေးပွဲကို ဒီကနေ့ ၀ါရှင်တန်မှာ ကျင်းပမှာဖြစ်ပါတယ်။

မကြာသေးခင်ရက်တွေအတွင်းမှာပဲ အိုဘားမား အစိုးရအဖွဲ့က အီရန်ရဲ့ ရေနံတင်ပို့မှုကို ပိတ်ပင်ဖို့ တားဆီးတဲ့ ထဲမှာ အိန္ဒိယနိုင်ငံအတွက်  ပိတ်ဆို့မှုတွေ ကင်းလွတ်ခွင့်ပေးခဲ့တာ ဖြစ်ပါတယ်။  ၀န်ကြီးကလင်တန်ကလည်း အမေရိကန်နဲ့အိန္ဒိယ ၂ နိုင်ငံဟာ စံတန်ဖိုးထားမှုမှာရော  စီးပွားရေးစံနစ်နဲ့ သံတမန်ဦးတည်ချက်တွေမှာပါ တူညီကြတယ်လို့ မနေ့က ပြောပါတယ်။

အရင်ကနဲ့မတူ ပွင့်လင်းမှုရှိလာတာနဲ့အတူ မျှတတဲ့ ကမ္ဘာ့စီးပွားရေး စံနစ်တွေအတွက် လွတ်လပ်စွာ လုပ်ဆောင်ပြီး တောင်အာရှနဲ့ အာရှ ပစိဖိတ်ဒေသ တည်ငြိမ်ဖွံ့ဖြိုးရေးအတွက် ပိုလုပ်ဆောင်လာနိုင်တယ်လို့ ဆိုပါတယ်။ ၀န်ကြီးကလင်တန်က အခုလိုပြောနေပေမယ့်  အိန္ဒိယ နိုင်ငံမှာ ရင်းနှီး မြှုပ်နှံမှုတွေလုပ်ရတာဟာ  ခက်ခဲနေတုန်းပဲလို့ အမေရိကန်ကုမ္ပဏီ တွေက ပြောပါတယ်။