05.06.2012 နေ့ဖတ်ရန်သတင်းများ

by Myanmar Journal on Monday, June 4, 2012 at 6:08pm ·

တောင်ကုတ်မြို့အဝင်တောင်ကုတ်တွင် လူ၁၀ယောက်ကို လူအုပ်ကြီးက သတ်ဖြတ်

နောက်ဆုံး ရေးသားချိန် 4 ဇွန်လ 2012 - 17:24 GMT

မနေ့ကညနေလေးနာရီလောက်မှာ တောင်ကုတ် မြို့ကိုဝင်လာတဲ့ ရိုးမသစ္စာ သံတွဲရန်ကုန် အဝေးပြေးကားပေါ်မှာပါတဲ့ မူဆလင်တွေနဲ့ ဒေသခံရခိုင်လူမျိုး တွေ ပဋိပက္ခ ဖြစ်ခဲ့ပြီး မူဆလင် ၁၀ ဦးသေဆုံးသွားခဲ့ပါတယ်။ ဒီအခင်းဖြစ်ပွားတဲ့အချိန်ဟာ ရမ်းဗြဲဒေသ ကျောက်နီမော်ရွာမှာ ရခိုင်အမျိုးသမီးတဦးကို မူဆလင်သုံးဦးက မုဒိမ်းကျင့် သတ်ဖြတ်ခဲ့တဲ့အတွက်၊ ရခိုင်တိုင်းရင်းသားတွေကြားမှာ အမျက်ဒေါသထွက်နေတဲ့အချိန်ဖြစ်ပါတယ်။

မနေ့ ညနေက အဖြစ်အပျက်ဘယ်လိုစခဲ့တယ်ဆိုတာကိုတိတိကျကျ မသိရသေးပါဘူး။ သေဆုံးသွားတဲ့အထဲမှာပါတဲ့ ကိုညီညီထွန်း ရဲ့မိတ်ဆွေဖြစ်သူ ကိုဖြူက ကားဟာ ညနေ၄နာရီခွဲမှာ တောင်ကုတ်ကို ရောက်လာပြီးအဲဒီမှာ လက်ကမ်း ကြော်ညာတွေဝေထားကြောင်း ကားကို ဆိုင်ကယ်၁၀၀လောက်က အတင်းရပ်ခိုင်းပြီး လမ်းဆုံရောက်တဲ့အခါမှာ ရိုက်သတ်ခဲ့ရာ သူ့သူငယ်ချင်းဖြစ်သူ ကားအုံနာရဲ့ယောက်ဖ ကိုညီညီထွန်းလည်းပါသွားတယ်လို့ ဘီဘီစီကိုပြောပါတယ်။အခင်းဖြစ်တဲ့နေရာကို သွားခဲ့တဲ့ တောင်ကုတ်မြို့ခံတဦးကလည်း ထောင်နဲ့ချီပြီးစုဝေးနေတဲ့ လူအုပ်ကိုတွေ့ခဲ့ရကြောင်း နဲ့တောင်ကုတ်မြို့ခံတွေကြားမှာ မူဆလင်တွေအပေါ်မကျေနပ်မှုတွေ ရှိနေတယ်လို့ ပြောပါတယ်။သေဆုံးသူတွေထဲမှာ တောင်တွင်းကြီးက၆ ဦး၊ မြောင်းမြက ၂ ဦးနဲ့ သံတွဲက ၂ ဦးတို့ပါဝင်ပါတယ်။ သူတို့ရဲ့အလောင်း တွေကို သံတွဲမြို့ကိုသယ်ဆောင်လာခဲ့ပြီး တနင်္လာနေ့မွန်းလွဲပိုင်းမှာ ဘာသာရေးဓလေ့ထုံးစံနဲ့အညီ သင်္ဂြိုဟ်ခဲ့ကြပါတယ်။ ဒီဖြစ်ရပ်နောက်ပိုင်း တောင်ကုတ်မြို့မှာ အခြေအနေတွေတည်ငြိမ်နေတယ်လို့ မြို့ခံတွေကပြောပေမယ့် စစ်တွေကနေ လုံခြုံရေးတပ်ဖွဲ့တွေ ထပ်မံစေလွှတ်ထားတယ်လို့လည်းဆိုပါတယ်။ သံတွဲမြို့ ဂျီတီစီ စက်မှုသိပ္ပံကျောင်းမှာ ပညာသင်နေ တဲ့ကျောင်းသူကျောင်းသား တချို့ကိုလည်း လုံခြုံရေးအတွက်စိုးရိမ်တဲ့ သူတို့ရဲ့မိဘတွေက နေရပ်ကိုပြန်ခေါ်ထားတယ် လို့သိရပါတယ်။ ဒီအခင်းဖြစ်ပွားပုံနဲ့ပတ်သက်ပြီး မေးမြန်းဖို့အတွက် တောင်ကုတ်ရဲစခန်းကိုဘီဘီစီကကြိုးစားဆက်သွယ် ခဲ့ပေမယ့် ဆက်သွယ်လို့မရသေးပါဘူး။

အစိုးရမီဒီယာတွေမှာတော့ အခုဖြစ်စဉ်နဲ့ပတ်သက်လို့တရားဥပဒေနဲ့အညီ ဖြစ်စေဖို့ စုံစမ်းဖေါ်ထုတ်သွားမှာဖြစ်ကြောင်း ရပ်ရွာအေးချမ်းတည်ငြိမ်ရေးအတွက် တာဝန်ရှိသူများနဲ့ရပ်မိရပ်ဖများက ပူးပေါင်းဆောင်ရွက်လျက်ရှိတယ်လို့ ကြေညာသွားပါတယ်။

စစ်တွေ ဆန္ဒပြမှု ၁၁ ဦး ဒဏ်ရာရ

နောက်ဆုံး ရေးသားချိန် 4 ဇွန်လ 2012 - 17:02 GMT

ဆန္ဒပြမှုဟာ နောက်ပိုင်းမှာ တော့ ပဋိပက္ခ အသွင် ဆောင်ခဲ့ပါတယ်

တနင်္ဂနွေနေ့က စစ်တွေမြို့ ရဲစခန်းရှေ့မှာ ဆန္ဒပြ ခဲ့ကြသူ တွေနဲ့ ရဲတွေ ပဋိပက္ခ ဖြစ်ခဲ့ ကြရာမှာ ရဲတွေက သေနတ် ပစ်ဖောက်ပြီး လူစုခွဲ ခဲ့တဲ့အတွက် လူ ၁၁ ဦးဒဏ်ရာရသွား ကြပါတယ်။

စစ်တွေမြို့ နာဇီဈေး မှာ အခွန်အကောက် တွေလျှော့ ပေးဖို့ အတွက် ဈေးသူဈေးသား တွေဖက်က ဝင်ရောက် ကူညီခဲ့တဲ့ ဦးအောင်သန်းဝေ အသတ်ခံရပြီး အလောင်းဖျောက်ဖျက် ခံရတယ် ဆိုတဲ့ သတင်းတွေ ထွက်ခဲ့တာကြောင့် ဒေသခံတွေက ရဲစခန်းကို သွားဝိုင်းပြီး ဆန္ဒပြ ခဲ့ကြ တာပါ။

ဦးအောင်သန်းဝေဟာ ရခိုင်တိုင်းရင်းသားများတိုးတက်ရေး ပါတီ (RNDP) ကစည်းရုံးရေးမှူး တဦးဖြစ်တာကြောင့် ပါတီဥက္ကဌ ဖြစ်တဲ့ ဒေါက်တာအေးမောင် အပါအဝင် ပါတီခေါင်းဆောင်တွေက ဝင်ရောက်ဖြေရှင်း ပေးဖို့ကြိုးစား ခဲ့ကြပါတယ်။

ဦးအောင်သန်းဝေ ကိုသွားခေါ်လာပြီး ဆန္ဒပြနေတဲ့ လူအုပ်ကို စကားပြောဖို့ စီစဉ် ပေးခဲ့ပေမယ့် ဆန္ဒပြသူတွေ ဖက်က အဲဒီလူဟာ ဦးအောင်သန်းဝေ မဟုတ်ဘူးလို့ စွပ်စွဲပြီး လက်မခံခဲ့ ကြကြောင်း ဒေါက်တာအေးမောင်က ပြောပါတယ်။

နောက်ပိုင်းမှာတော့ ဆန္ဒပြသူ တွေဘက်က ရဲစခန်းကို ခဲတွေ ပုလင်းတွေနဲ့ ပစ်ပေါက်တာတွေ လုပ်လာခဲ့တယ်လို့ ဆိုပါတယ်။

ရဲက ပထမတော့ သေနတ်ကို မိုးပေါ်ထောင်ဖောက် ပြီးလူစုခွဲဖို့ ကြိုးစား ခဲ့ပေမယ့် မထိမ်းနိုင်တာကြောင့် နောက်ပိုင်းမှာ လုံထိမ်းတပ်ဖွဲ့တွေကို အကူအညီ ခေါ်ခဲ့ပုံရတယ်လို့ အခင်းဖြစ်ပွားချိန်မှာရဲ့စခန်း တွင်းမှာ ရှိနေတဲ့ ဒေါက်တာ အေးမောင်က ပြောပြပါတယ်။

နောက်ပိုင်းမှာတော့ လမ်းတွေပေါ်မှာ မီးခိုးဗုံး၊ ဒါမှမဟုတ် မျက်ရည်ယို ဗုံးတွေ နဲ့ ရော်ဘာကျည်ဆန် တွေကို အသုံးပြုပြီး လူစုခွဲခဲ့တယ်လို့ သတင်းတွေ ကြားရကြောင်း၊ မနက်လင်းလို့ ဆေးရုံကို သွားကြည့်တဲ့ အခါမှာတော့ ဒဏ်ရာရ ထားတဲ့သူ ၁၁ ဦးကိုတွေ့ခဲ့ရတယ်လို့ ဆိုပါတယ်။

ဒီကိစ္စနဲ့ ပတ်သက်ပြီး လူ ၉ ဦးကိုရဲက ခေါ်ယူစစ်ဆေး ခဲ့ပြီး နောက်ပိုင်းမှာ သုံးဦးကို ပတ်သက်မှုမရှိတဲ့ အတွက် ပြန်လွှတ်ပေး လိုက်တယ်လို့ ဆိုပါတယ်။

ကျန်တဲ့ ၆ ဦးကိုလည်း စစ်ဆေးပြီးတဲ့ အခါ ပြန်လွှတ်ပေးမှာ ဖြစ်တယ်လို့ တာဝန်ရှိသူ တွေက ပြောကြောင်း ဒေါက်တာ အေးမောင်က ပြောပြ ခဲ့ပါတယ်။

ဗွီအိုအေရုံးဖွင့်ဖို့ သူရဦးရွှေမန်း တိုက်တွန်းမည်

By ကိုအောင်လွင်ဦး

• မြန်မာနိုင်ငံမှာ ဗွီအိုအေ အမေရိကန်အသံရဲ့ မီဒီယာလုပ်ငန်းတွေ လုပ်ကိုင်နိုင်ဖို့ ထောက်ခံမှုပေးသွားမယ် လို့ ပြည်သူ့လွှတ်တော် ဥက္ကဋ္ဌသူရဦးရွှေမန်းက ပြောလိုက်ပါတယ်။ မြန်မာနိုင်ငံ ခရီးစဉ်အဖြစ် နေပြည်တော် ကို ဒီကနေ့ ရောက်လာတဲ့ ဗွီအိုအေ ညွန်ကြားရေးမှူး David Ensor နဲ့ တွေ့ဆုံချိန်မှာ ပြောဆိုလိုက်တာပါ။ အပြည့်အစုံကိုတော့ ဗွီအိုအေ ညွှန်ကြားရေးမှူးနဲ့ ဆက်သွယ်မေးမြန်းထားတဲ့ ကိုအောင်လွင်ဦး ကပြောပြပေးမှာ ဖြစ်ပါတယ်။

မြန်မာနိုင်ငံက သတင်းအချက်အလက်တွေကို ကွင်းဆင်း အကဲခတ်တင်ပြနိုင်ဖို့ လိုလားနေတာမို့ ဗွီအိုအေ အမေရိကန်အသံက တရားဝင် ဌာနခွဲတခုဖွင့်လှစ်နိုင်ရေး တင်ပြထားတာ ဖြစ်ပါတယ်။ ဒီအစီအစဉ်ဟာ ဆိုရင် ဒီမိုကရေစီထွန်းကားရေးအတွက် အထောက်အကူဖြစ်စေတဲ့ လုပ်ရပ်တခုအဖြစ် အားပေးမှာ ဖြစ်တယ်လို့ ပြည်သူ့လွှတ်တော် ဥက္ကဋ္ဌ သူရဦးရွှေမန်းက နေပြည်တော်မှာ တွေ့ဆုံ စဉ် ပြောခဲ့တယ်လို့ ဗွီအိုအေ ညွှန်ကြားရေးမှူး David Ensor က ဗွီအိုအေ မြန်မာပိုင်းကို ပြောပြခဲ့တာပါ။

“ဗွီအိုအေအနေနဲ့ ဌာနခွဲတခု ဖွင့်လှစ်သွားဖို့ ဆုံးဖြတ်ရမှာဟာ သူ့တာဝန်မဟုတ်ပေမဲ့လည်း ဒါကို သူကတော့ အားပေးမယ်လို့ ပြောပါတယ်။ ဒီလို ထောက်ခံမှု ပေးတယ်ဆိုတဲ့ အကြောင်းကိုလည်း အစိုးရတွင်းက တခြားလုပ်ဖော်ကိုင်ဘက်တွေကို သူပြောပြမယ်လို့ ပြောပါတယ်။

မြန်မာနိုင်ငံမှာ ပြီးခဲ့တဲ့နှစ်က အရပ်သား အစိုးရတရပ်အဖြစ် တက်လာပြီးတဲ့နောက် နိုင်ငံရေး အပြောင်း အလဲတွေနဲ့အတူ သတင်းမီဒီယာ အပေါ် ထိန်းချုပ်မှုတချို့ကိုလည်း လျှော့ပေါ့လာခဲ့တာပါ။ ဗွီအိုအေ အပါအ၀င် ပြည်ပသတင်းဌာနတွေရဲ့အင်တာနက် ၀ဘ်ဆိုဒ်တွေကို အရင်က ပိတ်ပင်ထားတာတွေကို လည်း ဖွင့်ပေးခဲ့တာ ဖြစ်ပါတယ်။ ဒီနောက်မှာလည်း ပြည်တွင်းမှာ သတင်းယူခွင့်တွေ ပေးလာတာလို့ အခြေအနေတွေနဲ့အတူ ပူးပေါင်းဆောင်ရွက်ဖို့ စိတ်ဝင်စားမှုတွေလည်း ပြသလာခဲ့တာပါ။ ဗွီအိုအေရဲ့ မြန်မာနိုင်ငံခရီးစဉ်အဖြစ် မြန်မာပိုင်း အစီအစဉ်ရဲ့ဌာနမှူး ဦးသန်းလွင်ထွန်းနဲ့အတူ အစိုးရ ရုံးစိုက်ရာ နေပြည်တော်မှာ ရောက်နေစဉ် ဒီကိစ္စတွေကို မြန်မြန်ဆန်ဆန် အကောင်အထည်ဖော်နိုင်အောင် ဆွေးနွေးမှာဖြစ်တယ်လို့လည်း ညွှန်ကြားရေးမှူး David Ensor ကပြောပါတယ်။

“ဒီမှာရောက်နေခိုက် တခြားအစိုးရ တာဝန်ရှိသူ အများအပြားနဲ့လည်း တွေ့ဆုံသွားမှာပါ။ အခု လည်း ရောက်ရောက်ချင်း တွေ့ဆုံနေတာ ဖြစ်ပါတယ်။ ပြန်ကြားရေး ၀န်ကြီးဌာနနဲ့ အစိုးရ သတင်းဌာနကလူတွေနဲ့လည်း မနက်ဖြန်မှာ တွေ့ဖြစ်ပါလိမ့်မယ်။ နိုင်ငံခြားရေးဝန်ကြီးနဲ့ လည်း တွေ့ဖြစ်မယ်လို့ မျှော်လင့်ထားပါတယ်။ ဒီတွေ့ဆုံ ဆွေးနွေးမှုတွေဟာ စိတ်ဝင်စားစရာ လည်း ဖြစ်ပါလိမ့်မယ်။”

ကြာသပတေးနေ့ ခရီးစဉ် အဆုံးမသတ်မီမှာတော့ နိုင်ငံရေးပါတီတွေနဲ့လည်း တွေ့ဆုံသွားဖို့ မျှော်လင့် ထားတဲ့အကြောင်း ဗွီအိုအေ ညွှန်ကြားရေးမှူး David Ensor က ပြောပါတယ်။ မြန်မာအစိုးရ အရာရှိတွေနဲ့ ဗွီအိုအေ တာဝန်ရှိသူတွေ တွေ့ဆုံတဲ့ ခရီးစဉ်အတွင်းမှာတော့ ရန်ကုန် အခြေစိုက် အမေရိကန်သံရုံး ဒုတိယတာဝန်ခံ Eleanor Nagy အပါအ၀င် တာဝန်ရှိသူတွေလည်း လိုက်ပါခဲ့ကြတာပါ။ မြန်မာနိုင်ငံ မှာ နိုင်ငံရေး အပြောင်းအလဲတွေအပေါ် တုံ့ပြန်တဲ့အနေနဲ့ အမေရိကန် ပြည်ထောင်စုက ဆက်ဆံရေးတွေ တိုးမြှင့်ပြီး အပြန်အလှန် သံအမတ်ကြီးတွေ ခန့်အပ်ဖို့လည်း ကြေညာထားတာဖြစ်သလို မြန်မာနိုင်ငံဆိုင်ရာ အထူးအာဏာကုန် လွှဲအပ်ခံရတဲ့ သံအမတ်ကြီးအဖြစ်နဲ့ အမေရိကန်ရဲ့ မြန်မာနိုင်ငံဆိုင်ရာ မူဝါဒ ညှိနှိုင်းရေးမှူး DerekMitchell ကို ခန့်အပ်တဲ့အကြောင်း ပြီးခဲ့တဲ့ မေလလယ်မှာပဲ ကြေညာခဲ့ တာလည်း ဖြစ်ပါတယ်။

ရခိုင်အဓိကရုဏ်း အစိုးရသတိပေး

By ကိုမိုးဇော်

• မြန်မာနိုင်ငံ အနောက်ဘက်ခြမ်း ရခိုင်ပြည်နယ်တွင်းမှာ ဒီရက်ပိုင်း ဖြစ်ပွားတဲ့ အဓိကရုဏ်းတွေအတွင်း လူ ၁၀ ဦးအထိ သေဆုံးခဲ့တယ်လို့ ဒေသခံတွေက ပြောပါတယ်။ သွေးထွက်သံယို ပဋိပက္ခတွေ ဖြစ်ပွားခဲ့တဲ့ အပေါ်မှာတော့ တရားဥပဒေ စိုးမိုးမှု အားနည်းချက်အဖြစ် နိုင်ငံရေးခေါင်းဆောင်တွေက ထောက်ပြနေကြ တာပါ။ ရခိုင်ပြည်နယ်က အဓိကရုဏ်းတွေရဲ့ နောက်ဆုံးအခြေအနေတွေကိုတော့ ဆက်သွယ်စုံစမ်းထားတဲ့ ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။

ရခိုင်ပြည်နယ်၊ သံတွဲကနေ ရန်ကုန်ကိုထွက်ခွာလာတဲ့အဝေးပြေးကားပေါ်မှာ လိုက်ပါလာသူ အစ္စလာမ် ဘာသာဝင်တွေကို တနင်္ဂနွေနေ့ ညနေပိုင်းက တောင်ကုတ်မြို့ခံတွေက သံတွဲ၊တောင်ကုတ် ကားလမ်း ဆုံမှာ တားဆီးသတ်ဖြတ်ခဲ့ပါတယ်။ သေဆုံးသူ အရေအတွက်နဲ့ပတ်သက်လို့ အာဏာပိုင်တွေ ဘက်က တစုံတရာ ထုတ်ပြန်ထားတာ မရှိသေးပါဘူး။ အခင်းဖြစ်ပွားပုံကို တောင်ကုတ်မြို့ခံတယောက်က အခုလို ပြောပါတယ်။

“ညနေ လေးနာရီခွဲလောက်က သံတွဲကရောက်တဲ့ကား၊ ရိုးမသစ္စာကားပေါ်မှာ မွတ်စလင် ဗလီဆရာ ၇ ယောက်ပါလာတယ်။ အဲဒါ သူတို့ကို တောင်ကုတ်ကအဖွဲ့တွေ ကားထဲမှာပဲ သတ်မယ်၊ ဖြတ်မယ်ဆိုလို့ ကားဂိတ်ကအတင်း ကားကို ထွက်ခိုင်းတာနဲ့ ကားကထွက်သွားတယ်၊ ထွက်သွားလို့ လမ်းမှာ ဆိုင်ကယ်နဲ့ လိုက်သွားကြပြီးတော့ သံတွဲလမ်းဆုံမှာ ကားကို ရပ်ခိုင်းပြီး ဗလီဆရာတွေကို ဝိုင်းပြီး ရိုက်သတ်ပစ်လိုက်ကြ တယ်။ ဗလီဆရာတွေက ၇ ယောက်၊ ကားမောင်းတဲ့ ဒရိုင်ဗာနဲ့စပယ်ယာ ၂ ယောက်ပေါ့နော်။  ”

နောက်ဆုံးရတဲ့ သတင်းအရဆိုသတ်ခံရသူစုစုပေါင်း ၁၀ ယောက်ဖြစ်ပါတယ်။ ဒီသတ်ဖြတ်ခံရသူတွေထဲမှာ ကားမောင်းသူနဲ့ ယာဉ်နောက်လိုက် ၂ ယောက်အပါအ၀င် တောင်တွင်းကြီးမြို့က ၆ ယောက်၊ မြောင်းမြမြို့ က ၂ ယောက်တို့ ဖြစ်တယ်လို့ တခြားဒေသခံတွေက ပြောပါတယ်။

ဒီသတ်ဖြတ်မှုဟာ ရမ်းမြဲမြို့နယ် ကျောက်နီမော်ရွာက မသီတာထွေးခေါ် ရခိုင်အမျိုးသမီးတယောက် ကို မေလ ၂၈ ရက်နေ့က အစ္စလာမ်ဘာသာဝင် လူငယ် ၃ ယောက်က အဓမ္မပြုကျင့်သတ်ဖြတ်မှုနဲ့ ဆက်စပ်ဖြစ်ပေါ်လာတာဖြစ်ပါတယ်။  မသီတာထွေး သတ်ဖြတ်ခဲ့ရပြီးတဲ့နောက်မှာ ကျောက်နီမော်ရွာ၊ ရမ်းဗြဲမြို့နဲ့ ကျောက်ဖြူမြို့က လူထုက ကန့်ကွက်ဆန္ဒပြတာတွေ တောက်လျှောက်ဖြစ်ခဲ့ပါတယ်။

တောင်ကုတ်မြို့မှာ သတ်ဖြတ်မှုမဖြစ်ပွားခင် မနက်ခင်းကလည်း လူမျိုးရေးအရ လှုံ့ဆော်တာတွေ ဖြစ်ပွားခဲ့ တယ်လို့ တောင်ကုတ်မြို့ခံက ပြောပါတယ်။

“မိုးလင်းကာစကနေပြီးတော့ တောင်ကုတ်မြို့ရဲ့ဈေးပတ်ဝန်းကျင်မှာ စာတွေဖြန့်ကြတယ်၊ လှုံ့ဆော်ကြ တယ်။ ကုလားတွေ မြို့ဝင်တာ၊ ထွက်တာတွေကို လက်မခံဖို့၊ တွေ့ရင်သတ်ကြဖို့ အဲဒါတွေကို လှုံ့ဆော်တဲ့ စာတွေ - အဲဒီ ကျောက်နီမော်မှာဖြစ်တဲ့ ကလေးမလေးရဲ့ဓာတ်ပုံတွေနဲ့ပူးပြီးတော့ လှုံ့ဆော်ထားတာတွေ ရှိတယ်။”

ဒီတိုက်ခိုက်မှုမှာ လူ ၂၀၀ လောက်ပါဝင်တယ်လို့ ဒေသခံတွေက ခန့်မှန်းပါတယ်။ အခုချိန်ထိတော့ တစုံ တရာ ဖမ်းဆီးအရေးယူတာ မရှိသေးပါဘူး။ သေဆုံးသွားသူတွေရဲ့ ရုပ်အလောင်းတွေကိုတော့ ဒီကနေ့ သံတွဲမြို့မှာ သင်္ဂြိုဟ်တယ်လို့ ပြောပါတယ်။

တောင်ကုတ်မြို့၊ အစ္စလာမ်ဘာသာဝင်တွေသတ်ဖြတ်ခံရတာဟာ တရားဥပဒေစိုးမိုးမှုရဲ့ အားနည်း တာကြောင့်ဖြစ်တယ်လို့ တောင်ကုတ်မြို့ အမျိုးသား ဒီမိုကရေစီအဖွဲ့ချုပ်က အတွင်းရေးမှူး ဦးခင်လှက ပြောပါတယ်။

“ကျနော့အနေနဲ့ပြောရမယ်ဆိုရင်တော့ တရားဥပဒေစိုးမိုးမှု မရှိလို့ ဖြစ်တာလို့ မြင်တယ်။ ဘာလို့လဲဆိုတော့ အချိန်က စောစောကြီးပဲ၊ လေးနာရီခွဲ လောက်ပဲ ရှိတယ်။ ဖြစ်တဲ့ကိစ္စမှာလည်း တချက်တည်း ခုတ်၊ ထိုး၊ သတ်ပြီးတော့ လူတယောက်ကို ထွက်ပြေးသွားတာမျိုးမဟုတ်ဘူးပေါ့နော်။ တိုင်းပြည်ကို ငြိမ်ဝပ်ပိပြားဖို့ ဥပဒေစိုးမိုးဖို့ ကိုင်တွယ်နေတဲ့ ပုဂ္ဂိုလ်တွေမှာတော့ တာဝန်ရှိတယ်လို့ ကျနော်ထင်တယ်။”

ဦးခင်လှက ဒီမိုကရေစီနိုင်ငံထူထောင်နေချိန်မှာတော့ လူမျိုးရေး၊ ဘာသာရေး အမုန်းတရားတွေ၊ အာဃတတွေနဲ့လုပ်ဆောင်လို့ မရနိုင်ကြောင်းလည်း ထောက်ပြပါတယ်။ ရခိုင်တိုင်းရင်းသားများတိုးတက်ရေးပါတီ ဥက္ကဋ္ဌ ဒေါက်တာအေးမောင်ကလည်း အခုလို သုံးသပ်ပါတယ်။

“တောင်ကုတ်မှာ ဖြစ်သွားတဲ့ကိစ္စကလည်းပဲ ဒါ လူအုပ်စုနဲ့ ထိန်းမနိုင် သိမ်းမရ ဖြစ်ပြီးကာမှ၊ တရားဥပဒေ စိုးမိုးမှု၊ ဆင်ခြင်စွာထိန်းသိမ်းနိုင်မှု အင်္ဂါရပ်တွေမှာ တစုံတခု အတိုင်းအတာအထိ ယိုယွင်းသွားတယ်လို့ သုံးသပ်ပါတယ်။ နောင် ဒါမျိုး ဖြစ်စဉ်တွေ မဖြစ်ပေါ်နိုင်အောင် ဘာသာအသီးသီးက ပုဂ္ဂိုလ်ကြီးတွေနဲ့ လူထုကို ချပြ၊ ဘာသာရပ်ဆိုင်ရာအရ ဆွေးနွေး၊ ညှိညှိနှိုင်းနှိုင်းနဲ့ ထိန်းထိန်းသိမ်းသိမ်းဖြစ်ဖို့ မေတ္တာ ရပ်ခံခဲ့ပါတယ်။”

မနေ့ညပိုင်းကလည်း စစ်တွေမြို့မှာ နာဇီဈေး ဈေးကောက်နှုန်းမြင့်တက်လာတာကို ဦးဆောင်ဆန္ဒပြခဲ့ သူ ပျောက်ဆုံးတာနဲ့ပတ်သက်ပြီး ရဲစခန်းကို ၀ိုင်းဝန်းဆန္ဒပြရာက လူထုနဲ့ ရဲတပ်ဖွဲ့အကြားမှာ အခင်းဖြစ်ပွားခဲ့ပါတယ်။ ဆန္ဒပြလူထုက ရဲစခန်းကို ပုလင်းတွေ၊ ခဲတွေနဲ့ ပစ်ပေါက်ခဲ့တာကြောင့် ရဲတပ်ဖွဲ့ဘက်ကလည်း မိုးပေါ်ကို သေနတ်ပစ်ဖောက်သတိပေးပြီး နောက်ပိုင်းမှာ လူအုပ်အကြား ပစ်ခတ်ဖြိုခွင်းခဲ့ပါတယ်။

ရခိုင်တိုင်းရင်းသားများတိုးတက်ရေးပါတီရဲ့ ပြည်နယ်လွှတ်တော်ကိုယ်စားလှယ် ဦးအောင်မြကျော်ကတော့ ထိခိုက်ဒဏ်ရာရသူ ၁၃ ယောက်ရှိပြီး ဒဏ်ရာကြီးမားတာမရှိကြောင်း ပြောပါတယ်။

ဒီနေ့မှာတော့ တောင်ကုတ်ရော စစ်တွေမြို့မှာပါ ပုံမှန်အခြေအနေတိုင်းငြိမ်သက်နေခဲ့တယ် လို့ ဒေသခံတွေက ပြောပါတယ်။

မြန်မာအစိုးရ ပြန်ကြားရေးဝန်ကြီးဌာန အင်တာနက်စာမျက်နှာမှာတော့ ရခိုင်ပြည်နယ်အတွင်း ဖြစ်ပွားနေတဲ့ အခြေအနေတွေကို အစိုးရက တရားဥပဒေနဲ့ အညီဆောင်ရွက်သွားမှာဖြစ်ကြောင်းနဲ့ ပြည်သူတွေအနေနဲ့ တည်ငြိမ်အေးချမ်းမှုနဲ့ တရားဥပဒေစိုးမိုးမှုကို ထိခိုက်စေမယ့် အပြုအမှုတွေကို ရှောင်ရှားဖို့နဲ့ ဥပဒေနဲ့အညီ နေထိုင်ဆောင်ရွက်ကြဖို့ တိုက်တွန်းထားပါတယ်။

တိုက်ခိုက်မှုတွေကြောင့် ဖားကန့်ကျောက်တွင်းတွေပိတ်

By နန္ဒာချမ်း

• မြန်မာအစိုးရနဲ့ ကချင်လွတ်မြောက်ရေးအဖွဲ့ KIO အကြား မကြာသေးခင်ရက်ပိုင်းက တွေ့ဆုံဆွေးနွေး ခဲ့ကြပေမဲ့ ကချင်ပြည်နယ်တွင်းမှာတော့ တိုက်ပွဲတွေ ဆက်ပြီး ဖြစ်ပွားနေဆဲပါ။ အခုလည်း ကချင်ပြည်နယ်၊ ဖားကန့်ဒေသမှာ အခြေအနေတွေမတည်ငြိမ်တာကြောင့် အာဏာပိုင်တွေကနေ ကျောက်တူးတဲ့ လုပ် ငန်းတွေကို ပိတ်ခိုင်းလိုက်တဲ့အတွက် ကျောက်လုပ်သားတွေ အားလုံး နေရပ်ပြန်နေကြတယ် လို့ ဒေသခံတွေက ပြောပါတယ်။ ဒီအခြေအနေမျိုးမှာ မြစ်ကြီးနားဘက်မှာလည်း တပြည်နယ်လုံး အတိုင်းအတာနဲ့ စစ်ပွဲရပ်စဲရေး တောင်းဆိုဖို့ ပြင်ဆင်နေကြ ပါတယ်။ အသေးစိတ်ကိုတော့ ဆက်သွယ်မေးမြန်းထားတဲ့ မနန္ဒာချမ်းက တင်ပြပေးထားပါတယ်။

ကချင်ပြည်နယ် ကျောက်စိမ်းထွက်ရှိရာ ဖားကန့်ဒေသတ၀ိုက်မှာ တိုက်ပွဲငယ်လေးတွေ ဖြစ်ပွားနေပြီး နေ့ စဉ်လိုလို သေနတ်သံ၊ လက်နက်ကြီးသံတွေကို ကြားနေရတယ်လို့ ဒေသ ခံတွေက ပြောပါတယ်။ ဒါ့အပြင် ပြီးခဲ့တဲ့ ရက်ပိုင်းတွင်းမှာပဲ ဖားကန့်ဒေသမှာရှိတဲ့ ကျောက်စိမ်းတွင်း ကုမ္ပဏီတွေကလည်း အစိုးရ သတ္ထုတွင်း ၀န်ကြီးဌာနရဲ့ စေခိုင်းချက်အရလို့ပြောပြီး အလုပ်တွေရပ်ဆိုင်းခဲ့တာကြောင့် ကျောက် တွင်း အလုပ်သမားတွေအားလုံး အခုဆိုရင် နေရပ်ဒေသတွေဆီ ပြန်နေကြ တာကြောင့် ကားခတွေလည်း အဆမတန် ဈေးတက်ကုန်တယ်လို့ ဖားကန့် ဒေသခံတဦးက ဗွီအိုအေကို အခုလို ပြောပြပါတယ်။

“အခု လောလောဆယ်တော့ ဖားကန့်မှာ အားလုံးသိတဲ့အတိုင်းပဲ။ ကုမ္ပဏီတွေက ပြော တယ်။ နေပြည်တော် သတ္ထုတွင်းဌာနက လုပ်ငန်းတွေ အားလုံး ရပ်ခိုင်းတယ်။ ရပ်ပြီးမှ နေ့တိုင်းလိုလို ဒီကခေါက်စားသမားတွေ၊ ရေမဆေးသမားတွေနဲ့ ကုမ္ပဏီမှာလုပ်တဲ့ အလုပ်သမားတွေ အားလုံးတော့ မြစ်ကြီးနား၊ မန္တလေး၊ ရန်ကုန် နေရပ်ရင်းမြို့ကို ပြန်သွားကြတာပေါ့။ အားလုံးကို ပိတ်တာ။ ရေမဆေးသမားတွေ ရေမဆေး ကောက်လို့ မရဘူး။ ရေမဆေးသမားတွေ ရေမဆေးကောက်ရင် ရဲတွေနဲ့ ရပ်ကွက်လူကြီးတွေနဲ့ဖမ်းတယ်။ ဘာကြောင့်လဲဆိုတာတော့ အကြောင်းစုံတော့ အသေးစိတ် ကျနော်တို့ မသိတော့ဘူးဗျာ။ အလုပ်သမားတွေကျတော့ သူတို့ ဈေးပေါပေါနဲ့ သူတို့ ကုမ္ပဏီကားတွေ၊ ကုန်ကားတွေနဲ့ ဆင်းကြတယ်။ ဒါပေမယ့် ဘင်ကားက အများဆုံး ၈ သောင်း၊ ၇ သောင်း၊ အရင်ကတော့ ၂ သောင်း- ၂ သောင်း ၅ ထောင်၊ ၃ သောင်းက အများဆုံးပဲ။ အခု ဈေးတက်တာက လေးငါးရက်လောက် ပဲ ရှိသေးတယ်။”

ဖားကန့်ဒေသခံတဦး ပြောပြခဲ့တာပါ။ ဒါ့အပြင် အခုလို ကျောက်စိမ်းတွင်းမှာ အလုပ်လုပ်ကြတဲ့ အလုပ် သမားတွေ ပြန်ကုန်ကြတဲ့အတွက် ဖားကန့် ဒေသမှာ နေ့စဉ် အရောင်းအ၀ယ်လုပ်ငန်းတွေလည်း အတော်လေး ပါးသွားသလို တချို့နေရာတွေမှာ လုယက်မှုဖြစ်တာတွေလည်း ရှိလာတယ်လို့ ဖားကန့်ဒေသခံတချို့ကလည်း ပြောပါတယ်။

KIO ကချင်လွတ်မြောက်ရေးအဖွဲ့နဲ့ မြန်မာအစိုးရ ငြိမ်းချမ်းရေးကိုယ်စားလှယ် မီးရထားဝန်ကြီး ဦးအောင်မင်း ခေါင်းဆောင်တဲ့အဖွဲ့တို့ဟာ ပြီးခဲ့တဲ့ သောကြာနေ့ ဇွန်လ ၁ ရက်နေ့ကပဲ ကချင်ပြည်နယ် လိုင်ဇာမြို့အနီးမှာ တွေ့ဆုံခဲ့ကြပြီး အပစ်အခတ်ရပ်စဲရေးအပါအ၀င် ငြိမ်းချမ်းရေးအတွက် နှစ်ဘက် အဆင်မပြေဖြစ်နေတဲ့ တပ်စခန်းချထားရေး၊ တပ်ရုပ်သိမ်းရေးနဲ့ တိုက်ပွဲရပ်ဆိုင်းရေးကိစ္စတွေကို ညှိနှိုင်း ဆွေးနွေးခဲ့ကြပါတယ်။

ဒါပေမဲ့လည်း တိုက်ပွဲကြီး မဟုတ်ပေမဲ့ ဒီနေ့အထိ တိုက်ပွဲငယ်လေးတွေကတော့ ကချင်ပြည်နယ် ထဲမှာ ဖြစ်ပွားနေတာပါ။ အခုလို KIO နဲ့ မြန်မာအစိုးရတပ်တွေအကြား အပစ်အခတ်ရပ်စဲရေး ပျက်ပြယ်ပြီး တိုက်ပွဲတွေ ပြန်စခဲ့တာ မကြာခင် ရက်ပိုင်းမှာပဲ တနှစ်တင်းတင်း ပြည့်တော့မှာလည်း ဖြစ်ပါတယ်။ ဒီတိုက်ပွဲတွေကြားမှာ ဒေသခံကချင်ပြည်သူတွေ အတော်လေး ဒုက္ခရောက်ခဲ့ကြပြီး စစ်ပြေး ဒုက္ခသည် ဦးရေဟာဆိုရင်လည်း တစ်သိန်းနီးပါး ရှိနေပြီဖြစ်တယ်လို့ ဒုက္ခသည်အရေး ကူညီဆောင်ရွက်ပေးနေသူတွေက ပြောကြပါတယ်။

ဒီလို အပြစ်မဲ့ အရပ်သားပြည်သူတွေ ထိခိုက်ရတဲ့ စစ်ပွဲတွေ ရပ်စဲရေး လာမယ့်တနင်္ဂနွေနေ့မှာ တပြည် နယ်လုံး အတိုင်းအတာအရ ဆန္ဒပြ တောင်းဆိုကြဖို့ မြစ်ကြီးနားမြို့မှာရှိတဲ့ စစ်ပွဲရပ်စဲရေးကော်မတီက လုပ်ဆောင်နေတဲ့အကြောင်း ကော်မတီဥက္ကဋ္ဌဖြစ်သူ ဦးဝင်းဘိုက ပြောပြပါတယ်။

“အခုပဲ စာတင်ပြီးပြန်ခဲ့တာ။ ပြည်နယ်အုပ်ချုပ်ရေးမှူး ဦးလဂျွန်တန်ဆိုင်းကို အဓိကတင်တယ်ပေါ့။ နောက် ကချင်ပြည်နယ် ရဲမင်းကြီး၊ အဲဒါပြီးတော့ စစ်ဘက်ရေးရာ လုံခြုံရေး ရုံးချုပ်ပေါ့- ကျနော်တို့က စစ်ပြေး ဒုက္ခသည် မဖြစ်တာတမယ်ပဲ၊ စစ်ပြေးဒုက္ခသည် မဖြစ်ဘူးဆိုပေမဲ့ ကျနော်တို့နေရာဒေသမှာ လောလော ဆယ် စစ်မြေပြင်လို ဖြစ်နေရတယ်။ ပြည်သူတွေကတော့ ကျီးလန့် စာစား မဟုတ်ဘူး။ ငတ်ကို ငတ်နေပြီ။ ကျနော်တို့ဘက်က လူတွေက ငတ်ကို ငတ်နေပြီ။ အစိုးရဘက်ကိုလည်း စစ်ပွဲတွေရပ်စဲရေး အမြန်ဆုံး ညှိနှိုင်း အကောင်အထည် ဖော်ပေးဖို့၊ KIA ဘက်ကိုလည်း လိုက်လျောသင့်တာလိုက်လျောပြီး စစ်ပွဲတွေ ရပ်စဲဖို့ အမြန်ဆုံးအဖြေရှာပြီး နေ့ချင်းညချင်း ဒီစစ်ပွဲတွေကို ကျနော်တို့က ရပ်စေချင်တယ်။”

KIO နဲ့ မြန်မာအစိုးရအကြား ၁၇ နှစ်ကြာ တည်ဆောက်ခဲ့တဲ့ အပစ်အခတ်ရပ်စဲရေးဟာ ၂၀၁၁ ခုနှစ် ဇွန်လကုန်မှာ ပျက်သွားခဲ့တာပါ။ ဒီတိုက်ပွဲတွေအတွင်း မြန်မာစစ်တပ်တွေဘက်ကနေ ဒေသခံ အရပ်သားတွေကို အဓမ္မ တပ်ပေါ်တာဆွဲတာ၊ ညှဉ်းပန်းနှိပ်စက်မှုတွေနဲ့ အမျိုးသမီးတွေအပေါ် မုဒိမ်းကျင့်မှု စတဲ့ လူ့အခွင့်အရေး ချိုးဖောက်မှုတွေကိုကျူးလွန်ခဲ့တယ်ဆိုပြီး ကချင်ဒုက္ခသည်အရေး ဆောင်ရွက်သူတွေ နဲ့ လူ့အခွင့်အရေးအဖွဲ့တွေက ပြောဆိုခဲ့ကြပါတယ်။ ဒါကြောင့်လည်း အပြစ်မဲ့ပြည်သူတွေ ဒုက္ခရောက်နေတဲ့ အခြေအနေတွေကနေ ရပ်တန့်သွားအောင် ဒီစစ်ပွဲတွေကို အမြန်ဆုံး ရပ်ဆိုင်းဖို့အတွက် ကုလသမဂ္ဂ အပါအ၀င် နိုင်ငံတကာကနေ အစိုးရကို ဖိအားပေး တိုက်တွန်းနေ တာလည်းဖြစ်ပါတယ်ရှင်။

တီယန်နန်ရင်ပြင် နှစ်ပတ်လည်

By ဗွီအိုအေ (မြန်မာဌာန)

• တရုတ်နိုင်ငံမှာ ၁၉၈၉ ခုနှစ်၊ တီယန်နန်ရင်ပြင် ဆန္ဒပြပွဲမှာ ပါဝင်ပတ်သက်လို့ ဖမ်းဆီးထားသူတွေအားလုံးကို လွှတ်ပေးဖို့နဲ့ တရုတ်ပြည်သူတွေရဲ့ ရပိုင်ခွင့်တွေနဲ့ ကာကွယ်စောင့်ရှောက်ရေးကို ပိုပြီးလုပ်ဆောင်ဖို့ အမေရိကန်နိုင်ငံက တောင်းဆိုလိုက်ပါတယ်။

ဆန္ဒပြသူတွေကို အကြမ်းဖက်နှိမ်နင်းမှုတွေအတွင်း သေဆုံးခဲ့ရသူတွေရဲ့ စာရင်းအပြည့်အစုံကို ထုတ်ပြန်ပေးဖို့ တရုတ်အစိုးရကို အမေရိကန်နိုင်ငံက ပန်ကြားလိုက်တာနဲ့အတူ ဒီလိုထုတ်ပြန်ရဲအောင် အားပေးတယ်လို့ တနင်္ဂနွေနေ့က အမေရိကန် နိုင်ငံခြားရေးဝန်ကြီးဌာန ပြောခွင့်ရ မာ့ခ် တိုနာက ကြေညာချက် ထုတ်ပြန်ပြီး ပြောဆိုလိုက်တာပါ။

ဒါ့အပြင် ဒီအရေးအခင်းမှာ ပါဝင်ပတ်သက်နေသူတွေကိုသာမက သူတို့ရဲ့ မိသားစုဝင်တွေကို အခုထိဆက်ပြီး ခြိမ်းခြောက် အကျပ်ကိုင်နေတာမျိုးတွေကို ရပ်တန်းကရပ်ဖို့လည်း တောင်းဆိုလိုက်ပါတယ်။ အခုလို အမေရိကန်ရဲ့တောင်းဆိုမှုအတွက် တကယ့်ကို မကျေမနပ်ဖြစ်ရတယ်လို့ တရုတ်အာဏာပိုင်တွေက ပြောကြားလိုက်ပါတယ်။

တရုတ်နိုင်ငံခြားရေးဝန်ကြီးဌာနပြောခွင့်ရ လျူဝေမင်းက အမေရိကန်နိုင်ငံဟာ တရုတ်နိုင်ငံရဲ့ ပြည် တွင်းရေးကို အကြီးအကျယ် ဝင်ရောက်စွက်ဖက်နေတဲ့အပြင် အခြေအမြစ်မရှိဘဲ တရုတ်အစိုးရကို စွပ်စွဲနေတယ်လို့ ဗွီအိုအေ တရုတ်မက်ဒရိန်းဌာနရဲ့ မေးမြန်းချက်ကို ဖြေကြားခဲ့ပါတယ်။

၁၉၈၉ ခုနှစ်၊ ဂျွန်လ ၄ ရက်နေ့က တရုတ်နိုင်ငံ၊ ဘေဂျင်းမှာရှိတဲ့ တီယန်နန်ရင်ပြင်မှာ ကျောင်းသားတွေ ဦးဆောင်ပြီး တရုတ်အစိုးရကို ဆန္ဒပြခဲ့ကြတာကို တရုတ်အစိုးရက သံချပ်ကာကားတွေ သုံးပြီးချေမှုန်းခဲ့တာပါ။

ဒီချေမှုန်းမှုမှာ သေဆုံးသူအရေအတွက်ကို အတိအကျ မသိရပေမယ့် ရာပေါင်းများစွာ၊ ထောင်ပေါင်း များစွာ သေဆုံးမယ်လို့ တွက်ဆကြတဲ့အပြင် နိုင်ငံတကာက ဝိုင်းဝန်းပြစ်တင် ရှုတ်ချတာကိုပါ တရုတ် အစိုးရ ခံခဲ့ရတာ ဖြစ်ပါတယ်။ တရုတ်အစိုးရကတော့ ၁၉၈၉ ခုနှစ်၊ ဒီ - တီယန်နန်ရင်ပြင် အရေးအခင်းနဲ့ ပတ်သက်ပြိး ကိုင်တွယ်ရာမှာ သူတို့ဘက်က တစုံတရာ ဘာမှ အမှားမလုပ်ခဲ့ဘူးလို့ ပြောဆိုနေတဲ့အပြင် ဒါက သူပုန်ထပြီး တန်ပြန်တော်လှန်ရေးလုပ်တာလို့ သတ်မှတ်ထားပါတယ်။

နိုင်ဂျီရီယား လေယာဉ်ပျက်ကျ ၁၅၃ ဦးသေဆုံး

By ဗွီအိုအေ (မြန်မာဌာန)

• နိုင်ဂျီးရီယားနိုင်ငံ Lagos မြို့က အဆောက်အဦးတခုအပေါ်ကို နိုင်ဂျီးရီယား ခရီးသည်တင် လေယာဉ်တစင်း ပျက်ကျသွားတာကြောင့် လေယာဉ်ပေါ်ပါလာတဲ့ ခရီးသည် ၁၅၃ ဦးစလုံး သေဆုံးသွားတယ်လို့ နိုင်ဂျီးရီးယား အာဏာပိုင်တွေက ပြောပါတယ်။ နိုင်ဂျီးရီယား သမ္မတ Goodluck Jonathan ကတော့ ဒီ အဖြစ်အပျက်ကို စုံစမ်းစစ်ဆေးမှုလုပ်ဖို့ အမိန့်ပေးလိုက်ပြီး သေဆုံးခဲ့သူတွေအတွက် နိုင်ငံတော်ရဲ့ ၀မ်းနည်းမှု အထိမ်းအမှတ် နိုင်ငံအ၀ှမ်း သုံးရက်ကြာ ပြုလုပ်ဖို့ ကြေညာ သတ်မှတ်လိုက်ပါတယ်။

Dana လေကြောင်းလိုင်းပိုင် အဲဒီ လေယာဉ်ဟာ တနင်္ဂနွေနေ့တုန်းက Abuja မြို့ကနေ Lagos မြို့ကို ပျံသန်းတာဖြစ်ပြီး၊ Lagos မြို့က လူနေထူထပ်တဲ့အရပ် နှစ်ထပ်တိုက် အဆောက်အဦးပေါ်ကို ထိုးကျသွားခဲ့တာလို့ နိုင်ဂျီးရီယား လေကြောင်း အာဏာပိုင်တွေက ပြောပါတယ်။ လေယာဉ်ပျက်ကျပြီးနောက် အနားက အခြား အဆောက်အဦးတွေလည်း မီးလောင်ကျွမ်း သွားခဲ့ပါတယ်။

လေယာဉ်ပေါ်ပါလာတဲ့ ခရီးသည် ၁၅၃ ဦးစလုံး သေဆုံးခဲ့ပါတယ်။ မြေပြင်ပေါ်မှာရှိတဲ့ သူတွေထဲက သေဆုံးသူရှိမရှိတော့ မသေချာသေးပါဘူး။ Dana လေကြောင်းလိုင်းဟာ နိုင်ဂျီးရီယား ပြည်တွင်းပြေးဆွဲတဲ့ လေကြောင်းလိုင်းဖြစ်ပြီး၊ အခု ပျက်ကျတဲ့ ဘိုရင်း MD 83 လေယာဉ်ဟာ Abuja မြို့ကနေ Lagos ကို ပြေးဆွဲနေတာပါ။

စစ်တွေ အဓိကရုဏ်း ထိခိုက်မှုရှိ

မနေ့ညပိုင်း ၁၀ နာရီလောက်မှာ ရခိုင်ပြည်နယ်၊ စစ်တွေမြို့ ရဲစခန်းရှေ့မှာ လူစုလူဝေးနဲ့ ဆူပူခဲ့ရာကနေ ပစ်ခတ်တဲ့အဆင့်အထိ ရောက်သွားခဲ့ရပြီး လူ တချို့ ဒဏ်ရာရခဲ့ပါတယ်။ ဖြစ်ပွားပုံကတော့ လွန်ခဲ့တဲ့တလက ဈေးကောက်နှုန်းကြီးမားမှုကို ဦးဆောင်ပြီး ဆန္ဒပြခဲ့သူတဦးကို ဆန့်ကျင်ဘက်အုပ်စုက ဝိုင်းရိုက်လို့ သေဆုံးသွားတယ်ဆိုတဲ့ သတင်းထွက်ပေါ်ခဲ့ရာကနေ ဆူပူမှု ဖြစ်လာခဲ့ရတာပါ။ အခုလို ဖြစ်ပျက်ရတဲ့ အခြေအနေကို ကိုယ်တိုင် မြင်တွေ့ခဲ့သူ လွှတ်တော်ကိုယ်စားလှယ် ဦးဖေသန်းက ဗွီအိုအေကို အခုလို ပြောပါတယ်။

“၁၀ နာရီကျော်ကျော်လောက်မှာ လူထုက ခဲနဲ့ ပေါက်တော့တာပါပဲ။ တအုပ်စုကို ၁၀၀ လောက်တော့ ရှိမယ်ဗျ။ ဟိုဘက် ၅၀၊ ဒီဘက် ၅၀ လောက်။ ရဲစခန်းကို ခဲနဲ့ ပေါက်ကြတာပေါ့။ ခဲနဲ့ပေါက်တော့ နာရီဝက်လောက် အထိကတော့ ဘာမှမလုပ်ပါဘူး။ ရဲက ဒီအတိုင်းကြည့်နေပါတယ်။ အဲဒါနဲ့တင် နောက် နာရီဝက်ကျော်ကျော်လောက် ကြာတော့ ရဲက သေနတ်နဲ့ မိုးပေါ်ထောင်ပစ်ပါတယ်။ ၁၁ နာရီခွဲလောက်မှာတော့ လူတွေကို တည့်တည့်ပစ်တော့တာပဲ။ အဲဒီမှာ လူ သုံးယောက် ကျနော့်ရှေ့တင်ပဲ ဒဏ်ရာ ရပြီးတော့ ဆိုင်ကယ်တွေနဲ့ တင်ပြီးတော့ ဆေးရုံကို အရေးပေါ်ပြေးသွားကြတယ်ခင်ဗျ။ ဒါပေမဲ့ လူအုပ်စုက ကွဲမသွားဘူး။ နောက်ထပ် ခဲနဲ့ ထပ်ပစ်နေကြတယ်။”

ဈေးကောက်ကိစ္စ ဖြစ်ပွားခဲ့တာက အရင်အခေါ် နာဇီကျေးရွာ၊ စက်ရုံစုကျေးရွာ ဈေးမှာ ဈေးကောက် အဆမတန် မြှင့်ကောက်ခဲ့လို့ ရခိုင် တိုင်းရင်းသားများ တိုးတက်ရေးပါတီရဲ့ စည်းရုံးရေးမှူး ဦးအောင်သန်းဝေ ဦးဆောင်တဲ့ ဈေးသည်တစုက ပြည်ထောင်စု ဝန်ကြီးချုပ်ရုံးရှေ့မှာ ဆန္ဒပြပြီး ဈေးကောက်နှုန်းတွေ လျှော့ပေါ့ပေးဖို့ တောင်းဆိုခဲ့ကြတာပါ။ အဲဒီတောင်းဆိုမှုကြောင့် ရခိုင်ပြည်ထောင်စု ဝန်ကြီးချုပ်က ချက်ချင်းပဲ ဈေးကောက် အပြောင်းအလဲတွေ လုပ်ပေးခဲ့ပါတယ်။

ရဲစခန်းရှေ့ကို ရောက်လာသူတွေက အရိုက်ခံရသူ ဦးအောင်သန်းဝေ သေဆုံးသွားတယ်၊ အလောင်းကို ကားပေါ်တင်သွားတယ်ဆိုတဲ့ သတင်းတွေကြောင့် ရဲစခန်းရှေ့မှာသွားပြီး အလောင်းရှာပေးဖို့၊ တရားခံတွေကို ဖမ်းပေးဖို့ တောင်းဆိုခဲ့ကြတာပါ။ ဒါကြောင့် ကာယကံရှင် ဦးအောင်သန်းဝေ ကိုယ်တိုင်က သူ ဘာမှ မဖြစ်တဲ့အကြောင်း ရဲစခန်းရှေ့ကို ကိုယ်တိုင်လာရောက် ဖြေရှင်းပုံနဲ့ပတ်သက်လို့ အခုလို ပြောပြပါတယ်။

“လူထုက ကျနော့်ကို မတွေ့ရရင် မကျေနပ်တဲ့ သဘောမျိုး ဖြစ်နေတာ။ အဲဒါ လူထုကိုတော့ ကျနော် အကျိုးအကြောင်း ပြောပြလိုက်တာပေါ့။ သူတို့ ဦးအောင်သန်းဝေ အစစ် ဟုတ်မဟုတ်ဆိုတာ သူတို့လည်း သေချာ မသိကြဘူးလေ။ ကျနော့် မှတ်ပုံတင်ကဒ်ပြားတို့၊ ပါတီဝင်ကဒ်ပြားတို့ အကုန်ထုတ်ပြပါတယ်။ တချို့ကတော့ နားလည်ပြီး ပြန်သွားတယ်။ တချို့ကတော့ အဲဒီမှာ အစ်မရယ် မူးယစ်သောက်စားထားတဲ့သူတွေ ပါတာပေါ့။ အဲဒီလူတွေကတော့ ခပ်ရိုင်း     ရိုင်းပေါ့။ အကြမ်းဖက်ချင်တဲ့ ဆန္ဒသဘောထားတွေ တွေ့ရတယ်ခင်ဗျ။ ကျနော်တောင်မှ မနေ့က ဟိုကောင်တွေ သတ်လို့မသေဘဲ ဒီက ကျနော့်တို့လူပါဆိုပြီးမှ ပါလာတဲ့ မသမာတဲ့သူတွေရဲ့ လက်ချက်ကြောင် မသေတာ ကံကောင်းပဲဗျ။ အုပ်ခဲတွေရော ဘာတွေရော ပျံနေတပဲ။ ဒီက ရဲစခန်းမှာ။”

ဦးအောင်သန်းဝေကတော့  ရဲစခန်းအတွင်းမှာပဲ ရခိုင်ပြည်နယ်၊ အမျိုးသားလွှတ်တော် အမတ် ဒေါက်တာအေးမောင်နဲ့အတူ ရှိနေတာပါ။ အခုလို ပစ်ခတ်မှုတွေ စတင်ပုံနဲ့ ပတ်သက်လို့ ရဲစခန်းထဲမှာ ရောက်နေတဲ့ ဒေါက်တာအေးမောင်က ဗွီအိုအေကို အခုလို ပြောပါတယ်။

“ဒီဘက်က ရဲစခန်းဝင်းထဲကို တံခါးဖွင့်ဖို့ လုပ်ကြတာ ရှိတာပေါ့နော်။ အဲဒီမှာ ရဲတွေနဲ့ တော်တော်များများ ပစ်ကြခတ်လိုက်ကြတာတော့ ကျနော်တို့ ကြားပါတယ်။ ကျနော်တို့ကတော့ လုံခြုံတဲ့နေရာမှာ ရှိတာပေါ့နော်။ အဲဒီ အကြာကြီးပေါ့နော်။ ခဲတွေနဲ့ ပစ်၊ ပုလင်းတွေနဲ့ ပစ်တဲ့အသံတွေ ကြားလိုက်ရပါတယ်။ အဲဒီနောက်မှာ အချက်ပေါင်း တော်တော်များများဟာ မိုးကို ထောင်ပစ်တဲ့သဘော ကြားပါတယ်။ အဲဒီနောက်မှာ တံခါးတခု ပွင့်သွားတယ်ဆိုတဲ့ အသံလည်း ကြားပါတယ်။ တံခါးရဲ့ လူဝင်ပေါက်လေး ပွင့်သွားတယ် ဆိုတဲ့အခါမှာ ဒီဘက်ကို ကျော်ဝင်လာမှာစိုးလို့ ထောင်ပစ်တဲ့သဘောလို့လည်း ကျနော်တို့ ကြားတာပေါ့ဗျာ။”

စစ်တွေမြို့နယ်၊ အမှတ် (၁) ရဲစခန်းထဲမှာ ရှိနေတဲ့ ဒေါက်တာအေးမောင်ကို ဗွီအိုအေက ဆက်သွယ် မေးမြန်းခဲ့တာပါ။ ကျမတို့ ဆက်သွယ် မေးမြန်းချိန်ဟာ ည သန်းကောင်ကျော်အချိန် ဖြစ်နေပြီး အဲဒီအချိန်မှာ လက်ရှိဖြစ်နေတဲ့ အခြေအနေကိုလည်း ဒေါက်တာအေးမောင်က အခုလို ပြောပြပါတယ်။

“အခု ကြားနေရတဲ့အသံက ရှေ့ကို မတက်လာဖို့ပေါ့ဗျာ။ နောက် လူတွေ ကွယ်နေပါ ဆိုတာကို ရခိုင်လို ပြောနေကြတာပါ။ ရဲဘက်က တာဝန်ရှိတဲ့ ပုဂ္ဂိုလ်တွေ ထင်ပါတယ်။”

ညပိုင်း ၁၁ နာရီလောက်မှာ လူ သုံးယောက် ဒဏ်ရာရတယ်လို့ သိထားရပေမဲ့ အခု တနင်္လာနေ့ မနက်ဘက် ၁ နာရီဝန်းကျင်မှာတော့ စစ်တွေမြို့ထဲ နောက်ထပ် ပစ်ခတ်မှုတွေ ရှိနေတယ်ဆိုတဲ့အကြောင်း မြို့ခံတဦးက ပြောပါတယ်။

“ကျနော်တို့ ဖြစ်တာက ပထမက ၉ နာရီ ၀န်းကျင်လောက်ကနေ မိုးပေါ်ကို ထောင်ပစ်သံတွေ ကြားတာပေါ့။ အခုကျတော့ ည ၁ နာရီ ၀န်းကျင်လောက်မှာ လူအုပ်ကို လှမ်းပစ်တဲ့အသံတွေ ကြားလာတယ်။ နောက်ပြီးတော့ လမ်းကြားတွေထဲအထိ လိုက်ပစ်တယ်၊ နေရာအနှံ့အပြားကနေ သေနတ်သံတွေ ထွက်တာပေါ့နော်။ စောစောပိုင်းကတော့ ကျနော်တို့ ရဲစခန်းဘက်ကို ခဲနဲ့ ထုတယ် ဆိုတဲ့ အသံတွေ ကြားရတယ်ပေါ့လေ။ အဲဒီနောက်ပိုင်း ရဲစခန်းကနေ မိုးပေါ်ထောင်ပစ်တယ်။ နောက်ပြီးတဲ့အခါကျတော့ အခု နေရာအနှံ့အပြားကနေ လူအုပ်တွေထဲအထိ လိုက်ပစ်တာပေါ့။ ရဲကားတွေကလည်း လမ်းကြားတွေထဲအထိ ရောက်လာတယ်။ အခု ၇ ယောက်လောက် ဆေးရုံတင်ထားရတယ် ဆိုတဲ့ သတင်းတွေတော့ ကြားနေရတယ်။ ကျနော်တို့ သိထားသလောက်ပေါ့။ ကိုယ်တိုင်တော့ မမြင်ရသေးဘူးပေါ့နော်။ ၁ နာရီ ၀န်းကျင်လောက်မှာ ပစ်တဲ့အခါကျတော့ အဆောက်အဦးတွေပါ မှန်တယ်။ ကျနော်တို့ အိမ် အပေါ်ထပ်တွေဘာတွေ မှန်တယ်။ သေနတ်မှန်တယ်။”