Facebook နှင့် သင့်ဘဝ

by စတုထ္ထလှိုင်း on Thursday, February 23, 2012 at 2:00am ·

 

Facebook သည် Social Website တစ်ခုဖြစ်သည်။ Facebook ပေါ်၌ ဝါသနာတူမိတ်ဆွေများရှာ၍ အကျိုးတူ ပူးပေါင်းဆောင်ရွက်နိုင်သည်၊ ဝေးလံသောနေရာဒေသများမှ မိတ်ဆွေများရနိုင်သည်၊ သင်ပေးချင် သော Message တစ်ခုကိုလည်း အချိန်တိုအတွင်း အထိရောက်ဆုံး ဖြန့်ဝေပေးနိုင်သည်။ သင်သိချင်သော မေးခွန်းများကိုလည်း အချိန်တိုအတွင်း အမြန်ဆုံးပြန်လည်ဖြေကြားမည့် မိတ်ဆွေများရှိ်သည်။ ဗဟုသုတ ပွားများရန် မိတ်ဆွေများနှင့် စကားပြောနိုင်သည်။
Topic တစ်ခုကိုအဖွဲ့လိုက် ဆွေးနွေးနိုင်သည်။ ဒါတွေသည် Facebook ၏ ကောင်းကျိုးများပင်ဖြစ်သည်။ သို့ဆိုလျှင် ဆိုးကျိုးများရောမရှိနိုင်ဘူးလား ဟု သုံးသပ်ဖွယ်ရှိသည်။

မိတ်ဆွေရှာရလွယ်ကူသော Facebook သည် ပြင်ပလောက၌ အပေါင်းအသင်းရှားသူအတွက် စွဲလမ်းစရာ နေရာပင်ဖြစ်သည်။ ပြင်ပလောက (Real World) ၌ ပြုလုပ်၍မရနိုင်သော၊ မပြောဆိုအပ်သော ကိစ္စများကို Facebook ၌ပြောနိုင်သည်။ သင်၏ စကားနည်းသောအကျင့်သည် ဤနေရာ၌ Chatting စွဲသောလူ တစ်ယောက်အဖြစ် တွန်းပို့လိမ့်မည်။ အပြင်၌ Popular ဖြစ်ချင်သော မိန်းကလေးတစ်ယောက်သည် သူ၏ ဓါတ်ပုံများကို နိစ္စဓူဝတင်နေမည်ဖြစ်သည်။ ပြင်ပလောက၌ မပြည့်စုံသော မိမိဖြစ်ချင်သည့် ဆန္ဒများသည် Facebook ၌ပေါက်ကွဲထွက်လာမည်ဖြစ်သည်။

မိမိဆန္ဒများ ပွင့်အံထွက်ရာ Facebook သည် ဆိတ်ကွယ်ရာဖြစ်၏လော။ Facebook သည် Real World မဟုတ်သော်လည်း ပြင်ပကမ္ဘာမှလူများဖြင့် သက်ဝင်လှုပ်ရှားနေသော နေရာဖြစ်သည်။ တစ်နည်းအားဖြင့် ပြင်ပကမ္ဘာဖြင့် အဆက်အသွယ်ရှိသည်။ ဤသို့ဖြစ်ခြင်းသည် ကောင်းကျိုးများရှိသကဲ့သို့ ဆိုးကျိုးများ လည်းရှိ၏။

Facebook တွင် သင်သိရှိနေသော Friend များထဲတွင် ပြင်ပမှသိပြီးသား မိတ်ဆွေများပါ၏။ ထိုနည်းတူ လက်ရှိ Facebook တွင်သာသိရှိနေသော Friend ဟုခေါ်သော သူစိမ်းများ နှင့်လည်း နောင်ကာလတွင် ပြင်ပလောက၌ မသိရှိနိုင်ဟု အတပ်မပြောနိုင်။ Facebook မှစတင်၍ခင်မင်ကာ ပြင်ပ၌မိတ်ဆွေ ဖြစ်သွားသော သာဓကများသည် အများအပြားရှိ၏။ ထိုကဲ့သို့ ပြင်ပလောက နှင့် ဆက်နွယ်မှုရှိသောကြောင့် ကျွန်ုပ်တို့သည် Facebook ကိုသတိပြုကြရတော့မည်။

သင်မည်သည့် အရာများကို Facebook ပေါ်တင်နေသည်ကို သတိပြုရမည်။ သင်အမှတ်မထင်တင် လိုက်သော ဓါတ်ပုံသည် သင်၏ ဥပဓိရုပ်ကို ပြနေသည်။ မိမိ၏ ကိုယ်လုံးပေါ်ပုံကိုသာတင်လိုက်သော်လည်း ဓါတ်ပုံ၏ နောက်ခံ (Background) ကိုကြည့်၍ သင်၏ လူနေမှုအဆင့်အတန်းနှင့် အသိုင်းအဝိုင်းကို ခန့်မှန်းသိရှိနိုင်သည်။ သင်ကိုယ်တိုင် ဓါတ်ပုံမတင်ခဲ့သည်ရှိသော်လည်း မိတ်ဆွေတစ်ဦးမှ သင်ပါဝင်သော ဓါတ်ပုံတစ်ခုခု၌ သင့်ကို Tag လုပ်ခဲ့သော် သင်၏ နောက်ခံသမိုင်းကြောင်း အနည်းငယ်ကို ရှာဖွေတွေ့ ရှိနိုင်သည်။

သင်တင်လိုက်သော ဆွေးနွေးစရာခေါင်းစဉ် (Topic) တစ်ခုသည် သင်၏ အတွေးအခေါ်ကို မှန်းဆရန် ပြတင်းပေါက်သဖွယ်ဖြစ်သည်။ ဆွေးနွေးမှု၊ ငြင်းခုံမှုတစ်ခုတွင် အမှတ်မထင်ရေးလိုက်သော Comment တစ်ခုကြောင့် သင်၏ သည်းခံမှုနှင့် စိတ်ခံစားတတ်မှုကို သိနိုင်သည်။ Group အသီးသီး များတွင် ဝင်ရောက်ဆွေးနွေးသော သင်၏ Comment များကိုကြည့်၍လည်း သင်၏အယူအဆများနှင့် ရပ်တည်မှုများကိုသိနိုင်သည်။

သင်မည်သည့်အရာကို Like လုပ်နေသည်ကိုလည်း သိကြမည်ဖြစ်သည်။ သင်၏ဝါသနာ၊ စိတ်ဝင်စားမှု အားလုံးကိုအလွယ်တကူသိနိုင်သည်။ သင်၏ ကြိုက်နှစ်သက်မှုများကို အခြားလူများမှ အလွယ်တကူ သိနိုင်ခြင်းသည် သင်နှင့် ရင်းနှီးမှုယူချင်သူများအတွက် လက်နက်ကောင်းများပင်ဖြစ်သည်။

သင်နှင့် ယခုမှအပြင်တွင်သိရှိသောသူသည် သင်၏ Facebook Name သို့မဟုတ် Gmail လိပ်စာ (တစ်ချို့သော User များသည် Facebook Name နှင့် Gmail User Name ကိုအတူတူထားတတ်ကြသည်) ကိုရရုံဖြင့် သင်၏အကျင့်စရိုက်၊ ဝါသနာ၊ အလေ့အထနှင့် စိတ်ပိုင်းဆိုင်ရာများကို Facebook သို့တက်ရောက်စုံစမ်းနိုင်သည်။ သင် Like လုပ်ထားမှုများ၊ Comment ရေးထားမှုများသည် သင်၏ စိတ်ပိုင်းဆိုင်ရာ နှင့် အကျင့်စရိုက်များကို ဖော်ပြနေသည်ဖြစ်သည်။ လုပ်ငန်းရှင်တစ်ဦးသည် မိမိထံသို့ အလုပ်လာလျှောက်သော ဝန်ထမ်း၏ အကျင့်စရိုက်ကို သိရှိလို၍ Facebook သို့ တက်ရောက်စုံစမ်းခြင်း မျိုးရှိနိုင်၏။

Place လုပ်ဆောင်ချက်သည် သင်မည်သည့်နေရာဒေသသို့ရောက်နေသည်ကို ညွှန်ပြနေလိမ့်မည်။ မိမိမည်သည့်နေရာသို့ ခရီးသွားနေသည်ကို တစ်ကမ္ဘာလုံးကသိခြင်းသည် ကောင်းကျိုးထက်ဆိုးကျိုးကပို များမည်သာဖြစ်သည်။

မဖွယ်မရာသောပုံများတွင်ဖြစ်စေ လျှပ်ပေါ်လော်လီသော Comment များပေးခြင်းကိုလည်းသိနိုင်သည်။ ဤသည်များကို ကြည့်၍ သင်သည်မည်ကဲ့သို့ လူမျိုးဖြစ်သည်ကို အတော်အတန်မှန်းဆဆုံးဖြတ်နိုင်သည်။

ပြင်ပလောက နှင့် ဆက်နွယ်နေသော Facebook တွင် ဤကဲ့သို့ သင့်အကြောင်းများကို သိခြင်းသည် ပြင်ပလောကဆက်ဆံရေးအပေါ် တစ်ချိန်ချိန်တွင် အကျိုးသက်ရောက်လာမည်ဖြစ်သည်။ သင် Facebook အသုံးပြုသည့် ရည်ရွယ်ချက်အပေါ်မူတည်၍ ကောင်းကျိုးဆိုးပြစ် ပြန်လည်ခံစားရမည်ဖြစ်သည်။ ထို့ကြောင့် Facebook ကို အကျိုးရှိစွာ အသုံးချကြရမည်။

Facebook တွင် လူပေါင်းမြောက်များစွာရှိသည့်အလျှောက် သင့်အတွက် အကျိုးရှိသောလုပ်ရပ်များစွာ ပြုလုပ်နိုင်သည်။ ဝါသနာတူမိတ်ဆွေများဖွဲ့၍ Subject တစ်ခုကို လေ့လာနိုင်သည်။ ပြောဆိုဆွေးနွေး နိုင်သည်။ မိမိ၏အတွေ့အကြုံများကို ဝေငှနိုင်သည့်အပြင် တစ်ပါးသူများ၏ အတွေ့အကြုံများမှလည်း ပြန်လည်သင်ယူနိုင်သည်။ ထိုသို့ ဆွေးနွေးလေ့လာခြင်းအားဖြင့် သင်သည် သက်ဆိုင်ရာပညာရပ်တွင် ပြည့်ဝသူတစ်ယောက်ဖြစ်လာနိုင်သည်။

အကယ်၍ သင်သည်ဓါတ်ပုံရိုက်ခြင်းဝါသနာပါသူ Photographer တစ်ဦးဖြစ်ပါက သင်၏ လက်စွမ်းပြချက် များကို မိတ်ဆွေအများသို့ မိနစ်ပိုင်း စက္ကန့်ပိုင်းအတွင်းဖြန့်ချည်နိုင်သည်။ ထို့အပြင် ထိုပုံများကိုကြည့်သော မိတ်ဆွေများ၏ တုန့်ပြန်မှု (Feedback) ကိုလည်းအချိန်နှင့် တပြေးညီသိရှိနိုင်မည်ဖြစ်သည်။

Facebook သည် မိမိ၏ အယူအဆများကို မိတ်ဆွေများသို့ ဖြန့်ဝေပေးနိုင်သော နေရာကောင်းတစ်ခု လည်းဖြစ်သည်။ ထို့ကြောင့် သာသနာပြုလိုသူတစ်ဦးအတွက် သာသနာပြုနိုင်သော နေရာကောင်းလည်း ဖြစ်သည်။ ထို့အပြင် စာပေဝါသနာပါသူများနှင့် ကဗျာ၊ ဂီတ ဝါသနာပါသူများသည်လည်း မိမိတို့၏ ဖန်တီးမှုများကို အလွယ်တကူဖြန့်ဝေနိုင်သည်။ မိတ်ဆွေများဖြင့် အတူတကွ ဝေမျှခံစားနိုင်သည်။

Facebook တွင် မိမိအတွက်ဖြစ်စေ အများအတွက်ဖြစ်စေ အကျိုးရှိသော လုပ်ရပ်များကိုသာ ပြုလုပ်သင့် သည်။ Facebook ဖြင့် အလဟဿ အချိန်မကုန်သင့်။ မိမိဝါသနာပါသော Subject များကိုဆွေးနွေးခြင်း၊ လိုအပ်သောအကြံဉာဏ်များကို မိတ်ဆွေများထံမှတောင်းခံခြင်း၊ မိမိကြိုက်နှစ်သက်သောစာပေများ၊ အနုပညာဖန်တီးမှုများ ဖြန့်ဝေခြင်း၊ စစ်မှန်သော သူငယ်ချင်းမိတ်ဆွေများရှာဖွေခြင်း စသည်တို့အပြင် မိမိလုပ်ငန်းကိုဖြစ်စေ ထုတ်ကုန်ကိုဖြစ်စေ ကြေငြာခြင်း တို့ဖြင့်အကျိုးရှိစွာအသုံးချသင့်သည်။

ထို့ကြောင့် Facebook ကိုလေးစားပါ။ ပြင်ပလောကကဲ့သို့ ဂရုပြုသုံးစွဲပါ။ Facebook သည် Tool တစ်ခုဖြစ်သည်။ Tool ဟူသည် သူ့ချည်းအားဖြင့် မည်သည့် ဂုဏ်သတ္တိမျှမရှိ။ အသုံးပြုသူအပေါ်မူတည်၍ အကျိုးရှိမှုကွာခြားမည်ဖြစ်သည်။ ထို့ကြောင့်အကျိုးရှိစွာသုံးစွဲပါ။ Facebook မသုံးခင် သင်၏ အကြောင်းကို မည်မျှပေးသိမည်ကို အရင်ဆုံးဖြတ်ပါ။ Privacy Setting ကို သေချာစွာအသုံးပြုပါ။ Tag လုပ်ဆောင်ချက်၊ Like လုပ်ဆောင်ချက်များကို စီစစ်ထိန်းချုပ်ပါ။ Place လုပ်ဆောင်ချက်ကို ပြန်လည်သုံးသပ်ပါ။ Chatting များဖြင့် Facebook စွဲခြင်း၊ ပြင်ပလောကမှထွက်ပြေးလို၍ Facebook တွင် အချိန်ဖြုန်းခြင်း မျိုးများသတိပြုပါ။ ဓါတ်ပုံများကို အရမ်းကာရောတင်ခြင်းမျိုးရှောင်ကြဉ်ပါ။

Comment ပေးခြင်းကို ပြင်ပတွင်ပြောသော အဖိုးတန်စကားများကဲ့သို့ အလေးထားပါ။ Facebook ကိုအပျော်သက်သက် မသုံးစွဲပဲ အကျိုးရှိစွာသုံးစွဲပါ။ Facebook Friends မှသည် ဘဝအတွက် အကူအညီရနိုင်သော မိတ်ဆွေစစ်များ ဖြစ်အောင်ပြုလုပ်ပါ။ Facebook သည် သင့်ဘဝအတွက် အကျိုးရှိသော Tool တစ်ခုဖြစ်ပါစေ။

အောင်မျိုးခန့် (မော်ကျွန်း)
၉၊ ၉၊ ၂၀၁၁ (သောကြာနေ့)
Internet Journal အတွဲ (၁၂) အမှတ် (၃၉) တွင် ဖော်ပြပြီး။

http://www.facebook.com/photo.php?fbid=246835345400706&set=a.246828115401429.60961.155495454534696&type=1 မှ ကောက်နှုတ်တင်ပြသည် ။