24.02.2012 နေ့ဖတ်ရန်သတင်းများ
|
10:11 PM |
No မှတ်ချက် |
မကျေမနပ် ဆန္ဒပြကြသူများအာဖဂန်ဆန္ဒပြမှု နေတိုးတပ်ဖွဲ့ဝင် နှစ်ဦးသေ
အာဖဂန်နစ္စတန်နိုင်ငံမှာ အစ္စလာမ် ဘာသာဝင်တွေရဲ့ ကိုရမ် ကျမ်းစာကို အမေရိကန် တပ်ဖွဲ့ဝင်တွေက မီးရှို့ ဖျက်ဆီးခဲ့ကြတယ် ဆိုတဲ့ သတင်းကြောင့် မကျေမနပ် ဆန္ဒပြမှုတွေ ၃ရက်ကြာ ဖြစ်ပွားနေရာမှာ အာဖဂန် နိုင်ငံသား အနည်းဆုံး ၆ ဦးနဲ့ နေတိုး တပ်ဖွဲ့ဝင် ၂ဦး သေဆုံးခဲ့ပါတယ်။ အတော် များများလည်း ဒဏ်ရာ ရသွားပါတယ်။
အကြမ်းဖက်မှုတွေဆီထိ ဦးတည်လာတဲ့ ဒီလို ဆန္ဒပြမှုတွေဟာ အာဖဂန်နစ္စတန်နိုင်ငံ အရှေ့ပိုင်းကနေ အနောက်ပိုင်းထိ ပြန့်နှံ့သွားခဲ့ပါပြီ။
အဲဒီထဲမှာ အဆိုးဝါးဆုံး ဖြစ်ရပ်ကတော့ နိုင်ငံ အရှေ့ပိုင်း နဲန်ဂါဟာ ပြည်နယ်မှာပါ။ အဲဒီမှာ ဆန္ဒပြသူတွေက အမေရိကန်နဲ့ အာဖဂန် ပူးတွဲ စစ်စခန်းတခုကို တိုက်ခိုက်ခဲ့ကြရာမှာ အာဖဂန် စစ်ဝတ်စုံ ဝတ်ထားသူတဦးက အဲဒီမှာ ရှိတဲ့ နိုင်ငံခြား တပ်ဖွဲ့ဝင်တွေကို သေနတ်နဲ့ပစ်ခတ်ခဲ့တယ်လို့ အာဖဂန် တာဝန်ရှိ ပုဂ္ဂိုလ်တွေက ပြောပါတယ်။
နေတိုးတပ်ဖွဲ့ဝင် ၂ဦး သေဆုံးသွားကြောင်းကို နေတိုးအဖွဲ့က အတည်ပြု ပြောပါတယ်။
အပြန်အလှန် ပစ်ခတ်မှုတွေ ရှိခဲ့ရာမှာ အနည်းဆုံး ဆန္ဒပြသူ ၂ဦးလည်း သေဆုံးခဲ့တယ်လို့ အာဖဂန် တာဝန်ရှိသူတွေက ပြောပါတယ်။
နိုင်ငံတဝန်းက တခြားနေရာတွေမှာလည်း ဆန္ဒပြမှုတွေ ဖြစ်ခဲ့ရာမှာ လူသေဆုံးမှုတွေ ရှိခဲ့ပါတယ်။ ကာဘူးမြို့ အရှေ့ဘက်က ပြင်သစ် စစ်စခန်းတခုကိုလည်း ဆန္ဒပြသူတွေက တိုက်ခိုက်ခဲ့ကြတယ်လို့ သတင်းတွေက ဆိုပါတယ်။
တင်းမာနေမှုတွေ လျော့ပါးသွားအောင် ကြိုးပမ်းတဲ့အနေနဲ့ အာဖဂန် သမ္မတ ဟာမစ် ကာဇိုင်းဟာ လူမျိုးစု ခေါင်းဆောင်တွေ၊ နိုင်ငံရေး သမားတွေနဲ့ တွေ့ဆုံဖို့ ရှိပါတယ်။
အာဖဂန် လုံခြုံရေး တပ်ဖွဲ့တွေအနေနဲ့ အကြမ်းဖက်မှုကို အသုံးမပြုပဲ အရပ်သားတွေရဲ့ အသက်စည်းစိမ်ကို ကာကွယ်သင့်တယ်လို့ သမ္မတ ကာဇိုင်းက အစောပိုင်းက ပြောပါတယ်။
တခြားမြို့ကြီးမြို့ငယ်တွေမှာလည်း ဒီကိစ္စအပေါ် မကျေနပ်ကြောင်း ဖေါ်ထုတ် ပြသကြဖို့ ဖိအားပေး ပြောဆိုမှုတွေ ရှိနေတာကြောင့် ဆန္ဒပြမှုတွေ နောက်ထပ် ပျံ့နှံ့ သွားမှာကို အာဖန် လုံခြုံရေး တာဝန်ရှိ ပုဂ္ဂိုလ်တွေက စိုးရိမ်နေကြပါတယ်။
အခုအခါ ဒီကိစ္စနဲ့ ပတ်သက်လို့ စုံစမ်း စစ်ဆေးမှုတွေ လုပ်နေပြီလို့ နေတိုးတပ်ဖွဲ့က ပြောပါတယ်။
အဌမအကြိမ် ပါတီညီလာခံကနေ မူ (၃) ချက် ချမှတ်ထားပါတယ်မွန်ပြည်သစ်ပါတီ အရေးပေါ်အစည်းအဝေး ပြီးစီးမွန်ပြည်သစ်ပါတီရဲ့ အရေးပေါ် ဗဟို ကော်မီတီ အစည်းအဝေး ပြီးစီးသွား ပြီဖြစ်ပြီး၊ လာမယ့် ဖေဖေါ်ဝါရီလ (၂၅) ရက်နေ့မှာ အစိုးရနဲ့ အပစ်ရပ်ရေး မော်လမြိုင်မြို့ မှာ ထပ်မံ တွေ့ဆုံ ဆွေးနွေးကြမှာ ဖြစ်ပါတယ်။
ပြီးခဲ့တဲ့ ဖေဖေါ်ဝါရီလ တရက်နေ့က အပစ်အခတ် ရပ်စဲရေးအတွက် အစိုးရနဲ့ ဆွေးနွေးခဲ့တဲ့ အချက် (၅) ချက်ကို အခု အရေးပေါ် အစည်းအဝေးမှာ ဆွေးနွေးခဲ့ ကြပါတယ်။
လောလောဆယ် ဆုံးဖြတ်ချက် အတိအကျ မရှိသေးတဲ့ အတွက် လက်မှတ်ထိုးနိုင်မလား ဆိုတာ ကိုတော့ မပြောနိုင်သေးဘူးလို့ မွန်ပြည်သစ်ပါတီ ဗဟိုကော် မီတီဝင် တဦးက ပြောပါတယ်။
၂၅ ရက်နေ့ တွေ့ဆုံပွဲမှာ အစိုးရဘက်က ရထားပို့ဆောင်ရေး ပြည်ထောင်စုဝန်ကြီး ဦးအောင်မင်းဦးစီးတဲ့ နိုင်ငံတော် ငြိမ်းချမ်းရေး ဖေါ်ဆောင်ရေးအဖွဲ့နဲ့ မွန်ပြည်သစ်ပါတီ ဘက်ကတော့ အရင် အဖွဲ့ဟောင်းထဲက ပါတီဒုဥက္ကှဌ နိုင်ရော့စကဘဲ ဦးဆောင်မှာ ဖြစ်ပါတယ်။
မွန်ပြည်သစ်ပါတီ အနေနဲ့ UNFC ခေါ်တဲ့ သွေးစည်း ညီညွတ်သော တိုင်းရင်သား လူမျိုးများ ဖက်ဒရယ်ကောင် စီအဖွဲ့ဝင်တွေ ဖြစ်ကြတဲ့ ရှမ်း၊ ကချင် ကရင်စတဲ့ အဖွဲ့ တွေ့နဲ့လည်း တွေ့ဆုံညှိနှိုင်းဖို့ ရှိတယ်လို့ ဆိုပါတယ်။
မွန်ပြည်သစ်ပါတီရဲ့ အဌမအကြိမ် ပါတီညီလာခံကနေ အပစ်အခတ်ရပ်စဲရေးကိစ္စနဲ့ ပါတ်သက်ပြီး မူ (၃) ချက်ချ မှတ်ထားပါတယ်။
အဲဒါတွေကတော့ တပြည်လုံး အပစ်အခတ်ရပ်စဲရေး၊ နိုင်ငံရေးအရ အမြန်တွေ့ဆုံရေးနဲ့ တဖွဲ့ချင်းထက် တိုင်းရင်းသားအဖွဲ့တွေ စုပေါင်းပြီး၊ တွေ့ဆုံရေးဆိုတဲ့ မူတွေပဲ ဖြစ်ပတယ်။
မြန်မာဒုက္ခသည်စခန်းမှာ မီးလောင်မှု ဖြစ်ပွားမြန်မာနိုင်ငံသား ဒုက္ခသည် အိမ်ခြေ ၃၆၀၀ ကျော် ရှိပြီး၊ လူဦးရေ ၁၉၀၀၀ ကျော် ရှိပါတယ်
ထိုင်းနိုင်ငံ မဲဆောက်မြို့တောင်ဖက် ကီလို မီတာ ၁၀၀ နီးပါးက အုန်းပြန့် မြန်မာ ဒုက္ခသည်စခန်းမှာ ကြာသပတေးနေ့ မနက် ၁၁ နာရီလောက်က မီးလောင်လောင်မှု ဖြစ်ပွားခဲ့ရာ အိမ်ခြေ တထောင်နီးပါး မီးထဲပါသွားပါတယ်။
အုန်းပြန့် ဒုက္ခသည်စခန်း ဇုံဘီက ရပ်ကွက် လူကြီးအိမ်မှာ မုန့်ကြော်နေရာက မီးစလောင် တာဖြစ်ပြီး၊ ဇုံဘီရဲ့ ရပ်ကွက် ၆ ၊ ၇ ၊ ဂ ၊ ၉ နဲ့ ၁၀ က အိမ်ခြေ တဝက်လောက် အပါအဝင် အိမ်ခြေ ၉ ရာကျော် လောက်မီးထဲ ပါသွားပါတယ်လို့ ဒုက္ခသည်တွေက ပြောပါတယ်။
၁၁ နာရီလောက်က စတင်ခဲ့တဲ့မီးဟာ ၃ နာရီကျော် ကြာအောင် လောင်ကျွမ်းသွားခဲ့တာ ဖြစ်တယ်လို့ အုန်းပြန့် ဒုက္ခသည်စခန်းက ကိုယ်တိုင်ကြုံတွေ့ရသူ တဦးကလည်း ဘီဘီစီကို ပြောပါတယ်။
မီးလောင်နေတဲ့ အုန်းပြန့်ဒုက္ခသည်စခန်းကို ရောက်သွားတဲ့ တာခ်ခရိုင်ရဲချုပ် ရဲဗိုလ်ချုပ် ဆုမ်ဖွန် အပ်ခရဒေချိုချိုင်က မီးဘေးဒုက္ခသည်ကို ကူညီရမယ့် ကိစ္စတွေကို ဆောင်ရွက် သွားမယ်လို့ ပြောပါတယ်။
တာခ်ခရိုင်အုပ်ချုပ်ရေးဌာန စာရင်းအရ အုန်းပြန့်ဒုက္ခသည် စခန်းမှာ လက်ရှိ မြန်မာနိုင်ငံ သား ဒုက္ခသည် အိမ်ခြေ ၃၆၀၀ ကျော်ရှိပြီး၊ လူဦးရေ ၁၉၀၀၀ ကျော် ရှိပါတယ်။
၂၀၀၀ ခုနှစ်နောက်ပိုင်း ကစပြီးတော့ အုန်းပြန့်ဒုက္ခသည်စခန်းက ဒုက္ခသည်ထောင်နဲ့ချီပြီး အမေရိကန်၊ ဥရောပ၊ သြစတေးလျနဲ့ နယူးဇီလန် နိုင်ငံတွေကို အပြီးအပိုင် ပြောင်းရွှေ့သွား ကြပြီး ဖြစ်ပါတယ်။
အီရတ်နိုင်ငံ ဗုံးခွဲတိုက်ခိုက်မှု လူ ၅၀ သေဆုံးပေါက်ကွဲမှုအများဆုံး ကတော့ မြို့တော် ဘဂ္ဂဒက်မှာ ဖြစ်ပွားခဲ့တာပါ
အီရတ်နိုင်ငံမှာ ရှီရာမွတ်ဆလင်တွေနဲ့ ရဲတွေကို ပစ်မှတ်ထားပြီး ဗုံးခွဲ တိုက်ခိုက်မှုတွေ ဆက်တိုက် ဆိုသလို ဖြစ်ပွားခဲ့တဲ့ အတွက် လူ ၅၀ ထက် မနည်းသေဆုံးသွားပြီး၊ တခြား လူ ၂၀၀ ကျော် ကတော့ ဒဏ်ရာ ရရှိသွားကြ ပါတယ်။
ပြည်နယ်အတော်များများက မြို့ကြီးအများစုမှာ ပေါက်ကွဲမှုတွေ ဖြစ်ပွားခဲ့ကြတာ ဖြစ်ပြီး ပေါက်ကွဲမှုအများဆုံး ကတော့ မြို့တော် ဘဂ္ဂဒက်မှာ ဖြစ်ပွားခဲ့တာပါ။
အရင် တိုက်ခိုက်မှုတွေကို အီရတ် ဒုတိယ သမ္မတဖြစ်သူ ဆူနီလူမျိုး တာရတ် အဲလ် ဟတ်ရှီမီ က စီစဉ်ဆောင်ရွက်ခဲ့တာဆိုတဲ့ စွပ်စွဲမှုတွေအပေါ် စုံစမ်းစစ်ရေး အဖွဲ့ကလည်း ဟုတ်မှန် ကြောင်း ပြောဆိုခဲ့ပြီး တပတ်အကြာမှာ အခုလို တိုက်ခိုက်မှုတွေ ဖြစ်ပွားခဲ့တာပါ။
မစ္စတာ ဟတ်ရှီမီကတော့ မဟုတ်မှန်ကြောင်း ငြင်းဆိုထားပြီး၊ သူ့ကို ဒီဇင်ဘာလက ဖမ်းဝရမ်း ထုတ်ပြန်ထားတဲ့အတွက် ကာ့ဒ်လူမျိုးဒေသဘက်မှာ ပုန်းရှောင်နေတာ ဖြစ်ပါ တယ်။
အခုလို စွပ်စွဲချက်တွေဟာ နိုင်ငံရေးအရ ရည်ရွယ်လုပ်ဆော်တာ ဖြစ်တယ်လို့လည်း မစ္စတာ ဟတ်ရှီမီက ပြောပါတယ်။
ကချင်မှာ လူ ၇ သောင်းကျော် စစ်ပြေး နေရပြည်နယ်အခြေ မထူးသေးလူ့အခွင့်အရေး စောင့်ကြည့် HRW အဖွဲ့က မြန်မာနိုင်ငံ ဆိုင်ရာ သုတေသန ပညာရှင် ဒေးဗစ် မက်သီဆင် ရန်ကုန်ကို မကြာခင်က သွားခဲ့ပါတယ်။
ဆယ်နှစ်တွင်း ပထမဆုံး အကြိမ် ပြန်သွား တဲ့အခါ ကချင် ပြည်နယ်မှာ လူ ၇ သောင်းကျော် စစ်ပြေး နေရတာလို အခွင့်အရေး ချိုးဖောက် မှုတွေ အကြောင်း ပွင့်ပွင့် လင်းလင်း ဆွေးနွေး နိုင်ခဲ့တယ်လို့ သူက ဆိုပါတယ်။
ဒါပေမယ့်လည်း မြန်မာ စစ်တပ်ဟာ အရင် အနှစ် ၆၀ မှာ ကျူးလွန်ခဲ့တဲ့ လိင်အရ အကြမ်းဖက်မှု၊ အရပ်သားတွေကို သတ်မှု၊ အဓမ္မ လုပ်အားပေး ခိုင်းမှုတို့လို အမှုတွေ ပြည်နယ်တွေမှာ ဆက်ကျူးလွန် နေဆဲလို့ မစ္စတာ မက်သီဆင်က ပြောပါတယ်။
ဝါရှင်တန်က ဝီလ်ဆင် သုတေသန စင်တာမှာ ပြောကြားခဲ့ တာပါ။
မြန်မာ စစ်တပ်ရဲ့ အမူအကျင့်တွေ လုံးဝ စွန့်မှာ မဟုတ်ဘူး ဆိုတာ သတိထား စရာပါလို့ မစ္စတာ မက်သီဆင်က သုံးသပ် ထားပါတယ်။
ဆိုမာလီ ဆွေးနွေးပွဲပြီးဆိုမာလီ တည်ငြိမ်ရေး အတွက် အလှည့်အပြောင်း
ဗြိတိသျှ ဝန်ကြီးချုပ် ဒေးဗစ် ကင်မရွန်းက ဆိုမာလီ လုံခြုံရေး ၊ ပင်လယ်ဓားပြ ကိစ္စ၊ လူမှု ကူညီရေးနဲ့ နိုင်ငံရေး ဖြစ်စဉ်လို အရေးကြီးတဲ့ ကိစ္စတွေ အတွက် သဘော တူညီချက်တွေ ရခဲ့တယ်လို့ ဆိုမာလီ အရေး နိုင်ငံတကာ ဆွေးနွေးပွဲကြီး ပိတ်ပွဲမှာ ပြောကြား ခဲ့ပါတယ်။
ဆိုမာလီ တည်ငြိမ်ရေးနဲ့ သာယာ ဝပြောရေး အတွက် အလှည့်အပြောင်းလို့ မစ္စတာ ကင်မရွန်းက လန်ဒန် အစည်း အဝေးမှာ ကြုံးဝါး ခဲ့ပါတယ်။
အမေရိကန် နိုင်ငံခြားရေး ဝန်ကြီး ဟီလာရီ ကလင်တန် ကတော့ ပြုပြင် ပြောင်းလဲရေးကို နှောင့်ယှက်သူ မှန်သမျှကို ပိတ်ဆို့ အရေးယူပြီး ခရီး သွားလာခွင့်တွေ ကန့်သတ်မယ်လို့ ခြိမ်းခြောက် ပါတယ်။
ဆိုမာလီ အသွင် ကူးပြောင်းရေး အစိုးရလည်း တက်ရောက်ပါတယ်။ ဒါပေမယ့် အယ်လ် ရှာဘတ် အစ္စလာမ်မစ် စစ်သွေးကြွ အုပ်စု ကတော့ အစည်းအဝေးကို ရှုတ်ချ ခဲ့ပါတယ်။
ဒေါ်အောင်ဆန်းစုကြည် ကချင်ခရီးစဉ်စတင်
အမျိုးသား ဒီမို ကရေစီ အဖွဲ့ချုပ် ဥက္ကဌ ဒေါ်အောင်ဆန်း စုကြည်ဟာ ကြာသပတေး နေ့မှာ ကချင် ပြည်နယ်ကို စည်းရုံးရေး ခရီးစဉ် အဖြစ် စတင် ရောက်ရှိနေ ပါတယ်။
သူဟာ မနက်ပိုင်းမှာ မြစ်ကြီးနားကို လေယာဉ်နဲ့ ရောက်ရှိ ခဲ့ပြီး နမ္မတီး နဲ့ မိုးကောင်း မြို့တွေဆီကို ဆက်လက် သွားရောက် ခဲ့ပါတယ်။
ညနေပိုင်းမှာ ဒေါ်အောင်ဆန်း စုကြည်ဟာ အန်အယ်ဒီ ပါတီ ကိုယ်စားလှယ် ဒေါ်ခင်ကြည် ရွေးကောက်ပွဲ ဝင်ရောက် ယှဉ်ပြိုင်မယ့် မိုးကောင်း မြို့နယ်မှာ မဲဆွယ် ဟောပြော ခဲ့ပါတယ်။
မိုးကောင်းမြို့က ဘောလုံးကွင်းမှာ ကျင်းပတဲ့ ဟောပြောပွဲကို ဖားကန့်၊ လုံးခင်း၊ နမ္မတီး နဲ့ မြစ်ကြီးနား အထိ အနယ်နယ် အရပ်ရပ်က လူတွေ လာရောက်ခဲ့ကြ တယ်လို့ မိုးကောင်းမြို့သူ မသီရိသွင်က ပြောပါတယ်။
ဒေါ်အောင်ဆန်း စုကြည်က အန်အယ်ဒီ ပါတီ အနေနဲ့ ရွေးကောက်ပွဲ ဝင်မယ့် ကိုယ်စားလှယ်လောင်း တွေကို ဘယ်လို ရွေးချယ် ခဲ့တယ် ဆိုတာကို ရှင်းပြ ခဲ့ပြီး ပြည်သူတွေ အနေ နဲ့လည်း ဘယ် ကိုယ်စားလှယ် ကို ဖြစ်ဖြစ် မေးခွန်း ထုတ်သင့်တယ် လို့ ဟောပြော ခဲ့ပါတယ်။
ဒေါ်အောင်ဆန်းစုကြည် ရောက်ရှိခဲ့တဲ့ ခရီးလမ်း တလျှောက် လူအများအပြားက ထွက်ပြီး ကြိုဆိုခဲ့ကြသလို မြစ်ကြီးနားလေဆိပ်မှာလည်း လူပင်လယ်ကြီးလို ထင်ရလောင်အောင် လူတွေ လာရောက်ခဲ့ကြတယ်လို့ မြစ်ကြီးနားမှာရောက်ရှိနေတဲ့ မန္တလေးတိုင်း NLD စည်းရုံးရေးကော်မီတီဝင် ဒေါ်ဝင်းမြမြက ပြောပါတယ်။
ဒေါ်အောင်ဆန်း စုကြည်မဲဆွယ် ဟောပြော ခဲ့တဲ့ မိုးကောင်း မြို့မှာ အန်အယ်ဒီ ပါတီ ကိုယ်စားလှယ် ဒေါ်ခင်ကြည် အပြင်၊ ကြံ့ခိုင် ဖွံ့ဖြိုးရေး ပါတီ၊ အမျိုးသား ဒီမိုကရေစီ အင်အားစု၊ ကျားဖြူ ပါတီ တို့က ကိုယ်စားလှယ် တွေလည်း အရွေးခံကြမှာဖြစ်ပြီး ၊ KIO ဒုတိယ ဥက္ကဌ ဟောင်း ဒေါက်တာ တူးဂျာ ကလည်း တသီး ပုဂ္ဂလ ကိုယ်စားလှယ် အနေနဲ့ ဝင်ရောက် ယှဉ်ပြိုင် မှာ ဖြစ်ပါတယ်။
မဲဆန္ဒရှင်တွေအနေနဲ့ ပါတီခေါင်းဆောင်ကို အဓိက မထားဘဲ လက်တွေ့ ရွေးချယ်ခံတဲ့ ကိုယ်စားလှယ်လောင်း တွေအပေါ်မှာ အဓိက ထားပြီး ရွေးချယ် ကြမယ့် အနေအထားကို တွေ့ရကြောင်း ဒေါက်တာတူးဂျာက ဘီဘီစီကို ပြောခဲ့ပါတယ်။
ကိုရန်(Qur’an) မီးရှို့မှု အိုဘားမားတောင်းပန်
By ဗွီအိုအေ (မြန်မာဌာန)
အာဖဂန်နစ္စတန် နိုင်ငံမှာရှိတဲ့ မြောက်အတ္တလန်တိတ် စာချုပ်အဖွဲ့ (NATO) စစ်စခန်းတခုမှာ အစ္စလာမ် ကိုရန်ကျမ်းစာတွေကို မီးရှို့ဖို့ ကြိုးပမ်းတယ်ဆိုတဲ့ ကိစ္စနဲ့ ပတ်သက်လို့ တမင်သက်သက် မရည်ရွယ်ဘဲ ဘာသာရေးပစ္စည်းတွေကို ထိခိုက်မိတဲ့ အဖြစ်အပျက်တခုအဖြစ် အမေရိကန် သမ္မတ ဘရက်ခ် အိုဘားမားက တောင်းပန်စာတစောင် ပေးပို့ခဲ့ကြောင်း အာဖဂန် သမ္မတ Hamid Karzai ရဲ့ ရုံးက ပြောပါတယ်။
အဖြစ်အပျက်နဲ့ ပတ်သက်လို့ မကျေမနပ် ဆန္ဒပြပွဲတွေ ဖြစ်ပွားနေချိန်မှာပဲ နိုင်ငံအရှေ့ပိုင်းမှာ အာဖဂန် စစ်ဝတ်စုံ ဝတ်ဆင်ထားသူ တယောက်ရဲ့ပစ်ခတ်မှုကြောင့် ညွန့်ပေါင်း တပ်ဖွဲ့ဝင် ၂ ဦး သေဆုံး သွားခဲ့ကြောင်းလည်း NATO တာဝန်ရှိသူတွေက ကြာသပတေးနေ့မှာ ပြောခဲ့တာပါ။
Nangarhar ပြည်နယ်မှာရှိတဲ့ ညွန့်ပေါင်းတပ်ဖွဲ့ စစ်စခန်း တခုရဲ့ပြင်ပမှာ ကြာသပတေးနေ့က တိုက်ခိုက်မှု ဖြစ်ခဲ့တာပါ။ မူဆလင်တွေ အထွဋ်အမြတ်ထားရာ ဘာသာရေးကျမ်းစာကို စော်ကား ဖျက်ဆီးတယ်ဆိုပြီး နိုင်ငံခြား ပစ်မှတ်တွေကို လက်တုံ့ပြန် တိုက်ခိုက်ကြဖို့ တာလီဘန်တွေက ကြာသပတေးနေ့ အစောပိုင်းမှာပဲ ကြေညာချက်တစောင် ထုတ်ပြန်ထားတာ ဖြစ်ပါတယ်။
အဖြစ်အပျက်ကို စုံစမ်းစစ်ဆေးနေတဲ့ အာဖဂန် ကိုယ်စားလှယ်အဖွဲ့ကတော့ အာဖဂန်လူထုအနေနဲ့ ထိန်းထိန်းသိမ်းသိမ်းနဲ့ အကြမ်းဖက်လုပ်ရပ်တွေကို ရှောင်ရှားကြဖို့၊ ဆန္ဒပြပွဲတွေအပေါ် ရန်သူတွေက အခွင့်ကောင်းယူတာမျိုး မဖြစ်စေဖို့ တိုက်တွန်းတဲ့ ကြေညာချက်တစောင် ထုတ်ပြန်ခဲ့တာပါ။
ဆန္ဒပြပွဲတွေ အင်္ဂါနေ့က စတင်ဖြစ်ပွားချိန်ကစလို့ လုံခြုံရေးတပ်ဖွဲ့တွေနဲ့ ဆန္ဒပြသူတွေကြား ပဋိပက္ခတွေကြောင့် အနည်းဆုံး လူ ၁၃ ယောက် သေဆုံးခဲ့ပြီးလည်း ဖြစ်ပါတယ်။
အမေရိကန် မြောက်ကိုရီးယား အချိန်ပို ဆွေးနွေး
By ဗွီအိုအေ (မြန်မာဌာန)
မြောက်ကိုရီးယား နျူကလီးယား အရေးနဲ့ ပတ်သက်လို့ အကျေအလည် လေးလေးနက်နက် ဆွေးနွေးဖြစ်တယ်လို့ ပြောဆိုခဲ့အပြီး နောက်တနေ့ဖြစ်တဲ့ ကြာသပတေးနေ့မှာပဲ အမေရိကန်နဲ့ မြောက်ကိုရီးယား ကိုယ်စားလှယ်တွေ အချိန်ပို ဆက်လက် ညှိနှိုင်းနေကြပါတယ်။
အမေရိကန် စေ့စပ်ဆွေးနွေးရေးမှူး Glyn Davies ကတော့ ၂ ဘက်အကြား ဆွေးနွေးမှုတွေ ခရီးတဝက် ရောက်နေပြီး ၂ ဘက် ကိုယ်စားလှယ်တွေ ညစာ အတူစားကြပြီး သောကြာနေ့မှာ ဆက်ဆွေးနွေးဦးမှာ ဖြစ်တယ်လို့ တရုတ်နိုင်ငံ ဘေဂျင်းမြို့တော်မှာ သတင်းထောက်တွေကို ပြောလိုက်တာပါ။
၂ ဘက် ကိုယ်စားလှယ်တွေ ကိစ္စရပ် အတော်များများကို ဆွေးနွေးဖြစ်တယ်လို့ ဆိုပေမဲ့ နျူကလီးယား သန့်စင်တဲ့ လုပ်ငန်းလို ရှေ့မတိုးနိုင်ဘဲ ဖြစ်နေရတာတွေနဲ့ ပတ်သက်လို့ အသေးစိတ် ပြောဆိုဖို့ ကိုတော့ အမေရိကန် ကိုယ်စားလှယ်က ငြင်းဆန်သွားပါတယ်။
ဒါဟာဆိုရင် ၂ ဘက်အကြား ပြီးခဲ့တဲ့နှစ် ဇူလိုင်လကစလို့ တတိယအကြိမ် ဆွေးနွေးပွဲတွေ ဖြစ်ပေမဲ့လည်း မြောက်ကိုရီးယား ခေါင်းဆောင်သစ် Kim Jong Un က ကွယ်လွန်သူ ဖခင်ရဲ့ အရိုက်အရာကို ဆက်ခံပြီး နောက်ပိုင်းမှာတော့ ပထမဆုံးအကြိမ် ဖြစ်ပါတယ်။
အမေရိကန် ကိုယ်စားလှယ်နဲ့ မြောက်ကိုရီးယား စေ့စပ်ညှိနှိုင်းသူ Kim Kye-gwan တို့ ၂ ဦးဟာ သူတို့ရဲ့လက်ထောက်တွေနဲ့အတူ မြောက်ကိုရီးယား သံရုံးမှာ ကြာသပတေးနေ့ မနက်ပိုင်းက ၂ နာရီကျော်ကြာ တွေ့ဆုံခဲ့ကြတာဖြစ်ပြီး နေ့လည်ပိုင်းမှာတော့ အမေရိကန် သံရုံးမှာ ဆက်လက် ဆွေးနွေးခဲ့ကြတာ ဖြစ်ပါတယ်။
ဆိုမာလီအရေး ကူညီဖို့ ကမ္ဘာ့ခေါင်းဆောင်တွေဆွေးနွေး ဗွီအိုအေ
British
Prime Minister David Cameron, bottom row third right, with delegates of
London Conference on Somalia, Lancaster House, London, Feb. 23, 2012.
Nations must help Somalia's fragile leadership tackle terrorism, piracy
and hunger or be prepared to pay the price, Britain's leader warned
Thursday at an international conference on the troubled east African
nation's future. About 50 nations and international organizations
attended a one-day summit hosted by Prime Minister David Cameron in
London, including Somalia's Western-backed transitional government, U.S.
Secretary of State Hillary Rodham Clinton and United Nations
Secretary-General Ban Ki-moon. (AP Photo/Matt Dunham-Pool)ဆိုမားလီးယားနိုင်ငံက ဆယ်စုနှစ်ပေါင်းများစွာ တာရှည်တဲ့ နိုင်ငံမတည်ငြိမ်မှုတွေနဲ့ ပတ်သတ်ပြီး အတူတကွ ပူးပေါင်း ကူညီနိုင်ဖို့ ရည်ရွယ်တဲ့ ညီလာခံတရပ်အတွက် ကမ္ဘာ့ခေါင်းဆောင်တွေ ဗြိတိန်နိုင်ငံ လန်ဒန်မြို့တော်မှာ စုဝေး ရောက်ရှိ နေကြပါတယ်။
အမေရိကန်နိုင်ငံခြားရေးဝန်ကြီး Hillary Clinton နဲ့ ကုလသမဂ္ဂအတွင်းရေးမှုးချုပ် Ban Ki-moon တို့ အပါအဝင် နိုင်ငံ (၄၀) က ကိုယ်စားလှယ်တွေ ဒီညီလာခံကို တက်ရောက်ကြမှာ ဖြစ်ပါတယ်။ နိုင်ငံမှာ တည်ငြိမ်မှုရှိခဲ့တဲ့ အစိုးရ ၁၉၉၁ ခုနှစ်က ပြုတ်ကျသွားပြီးကတည်းက နှစ်ပေါင်း (၂၀) ကျော် ပြည်တွင်းစစ်ရဲ့ ဒဏ်တွေ၊ ဆင်းရဲမွဲတေမှုတွေနဲ့ ကြုံနေရတဲ့ ဆိုမားလီးယားနိုင်ငံအတွက် နိုင်ငံတကာရဲ့ ထောက်ပံ့ကူညီမှု တွေရရှိရေးအတွက် ကမ္ဘာ့ခေါင်းဆောင်တွေက ဒီတရက် တာ ညီလာခံမှာ ဆွဲဆောင်စည်းရုံးကြမှာဖြစ်ပါတယ်။
လတ်တလော ဆုံးရှုံးမှုအကြီးအကျယ်ဖြစ်နေရတဲ့ ငတ်မွတ် ခေါင်းပါးမှုနဲ့ ဒေသလုံခြုံရေးကို အန္တရာယ်ပေးနေတဲ့ ပင်လယ်ဓါးပြနဲ့ အစ္စလာမ်သူပုန်တွေ ပြဿနာကို ကိုင်တွယ် ဖြေရှင်းဖို့ လက်ရှိအသွင်ကူးပြောင်းလဲရေးအစိုးရက မနည်းကြိုးစားနေရတာပါ။ ဆိုမားလီးယား အသွင်ကူးပြောင်းရေး အစိုးရကို အနောက်နိုင်ငံတွေက ကျော ထောက် နောက်ခံပေးနေရဖြစ်ပါတယ်။
သူရ ဦးရွှေမန်း တရုတ်ခရီးစဉ် စတင်
By ဇော်ဝင်းလှိုင်
တရုတ်နိုင်ငံကို သွားရောက်တဲ့ ခရီးစဉ်ဟာ နှစ်နိုင်ငံအကြား ရှိရင်းစွဲ ချစ်ကြည် ရင်းနှီးမှုကို တိုးမြင့်ဖို့ သွားရောက်မှာ ဖြစ်တယ်လို့ ပြည်သူ့လွှတ်တော် ဥက္ကဌ သူရဦးရွှေမန်းက ပြောလိုက်ပါတယ်။ သူရ ဦးရွှေမန်းဟာ မနေ့က နေပြည်တော်ကနေ တရုတ်နိုင်ငံကို ၅ ရက်ကြာ ချစ်ကြည်ရေး ခရီးစဉ်အဖြစ် သွားရောက်တာဖြစ်ပါတယ်။ ကိုဇော်ဝင်းလှိုင်က အပြည့်အစုံကို တင်ပြပေးထားပါတယ်။
ပြည်သူ့လွှတ်တော် ဥက္ကဌ သူရဦးရွှေမန်းဟာ တရုတ်အမျိုးသား ပြည်သူ့ကွန်ဂရက် အမြဲတမ်းကော်မတီ ဥက္ကဌ Wu Bangguo ရဲ့ ဖိတ်ကြားချက်နဲ့ တရုတ်နိုင်ငံကို သွားရောက်တာဖြစ်သလို တရုတ်နိုင်ငံဟာ လိုအပ်တဲ့အချိန်မှာ မြန်မာနိုင်ငံအတွက် အိမ်နီးချင်းကောင်း ပီသစွာ ရပ်တည်ပေးခဲ့တဲ့အတွက် အခုလို သွားရောက်တာ ဖြစ်တယ်လို့ ပြောပါတယ်။
"တရုတ် - မြန်မာ နှစ်နိုင်ငံဟာ အင်မတန်မှ ချစ်ခင် ရင်းနှီးတဲ့ နိုင်ငံများ ဖြစ်ပါတယ်။ တရုတ်နိုင်ငံဟာ မြန်မာနိုင်ငံရဲ့ အိမ်နီးချင်းဟောင်း မိတ်ဆွေစစ် နိုင်ငံ ဖြစ်ပါတယ်။ အရေးကြုံလာလို့ ရှိရင်လည်း မြန်မာ နိုင်ငံဖက်က မှန်မှန် ကန်ကန် ရပ်တည် ဆောင်ရွက်ပေးတဲ့ နိုင်ငံဖြစ်တဲ့အတွက် ဒီတပတ် ခရီးစဉ်မှာ တရုတ်နိုင်ငံကို သွားရောက်ခြင်း ဖြစ်ပါတယ်။ မိမိတို့ နှစ်နိုင်ငံ ရှိရင်းစွဲ ချစ်ကြည် ရင်းနှီးမှုနဲ့ ပူးပေါင်း ဆောင်ရွက်မှုများ ပိုမို တိုးမြင့်စေရေးအတွက် ရည်ရွယ်ပါတယ်။"
တရုတ်နိုင်ငံက လိုအပ်တဲ့အချိန်မှာ မြန်မာနိုင်ငံဘက်က ရပ်တည်ပေးခဲ့တယ် ဆိုပေမယ့် ဘယ်လို အခြေအနေ မျိုးတွေမှာ ရပ်တည်ပေးခဲ့တယ် ဆိုတာကိုတော့ လွှတ်တော်ဥက္ကဌ သူရ ဦးရွှေမန်းက ရှင်းရှင်းလင်းလင်း ပြောဆိုခဲ့ခြင်း မရှိပါဘူး။
တရုတ်နိုင်ငံအနေနဲ့ မကြာခင်ကပဲ မြန်မာလွှတ်တော်မှာ အသုံးပြုဖို့အတွက် ကွန်ပြူတာတွေကို လှုဒါန်း ခဲ့ပါတယ်။ အဲဒီမှာလည်း ပြည်သူ့လွှတ်တော် ဥက္ကဌ သူရဦးရွှေမန်းက မြန်မာနိုင်ငံဆိုင်ရာ တရုတ် သံအမတ်ကြီးကို လက်ခံတွေ့ဆုံပြီး တရုတ်နဲ့မြန်မာဟာ စစ်မှန်တဲ့ မိတ်ဆွေ နိုင်ငံတွေဖြစ်တယ်လို့ ပြောခဲ့ပါတယ်။
မြန်မာနိုင်ငံအနေနဲ့ မနှစ်ကစလို့ ပြုပြင် ပြောင်းလဲမှုတွေ လုပ်လာပြီးတဲ့နောက် အနောက်နိုင်ငံတွေ၊ အထူးသဖြင့် အမေရိကန်ပြည်ထောင်စုနဲ့ ဆက်ဆံရေး ကောင်းမွန်လာခဲ့ပါတယ်။
ဒါကြောင့်လည်း အိမ်နီးချင်း တရုတ်နဲ့ ဆက်ဆံရေးမှာ ထိခိုက်လေမလား တွက်ဆမှုတွေရှိလာခဲ့ပါတယ်။ အထူးသဖြင့်တော့ သမ္မတ ဦးသိန်းစိန်က သူ့အစိုးရ သက်တမ်းတလျောက် မြစ်ဆုံဆည် တည်ဆောက်ရေး ကိစ္စကို ယာယီ ရပ်ဆိုင်းထားဖို့ ရုတ်တရက် ဆုံးဖြတ်လိုက်တဲ့ ကိစ္စဟာ အခုအစိုးရသစ် သက်တမ်းအတွင်း တရုတ် မြန်မာ ဆက်ဆံရေးဟာ အနိမ့်ဆုံးအဆင့်ကို ရောက်သွားခဲ့တယ်လို့ ခန့်မှန်း ပြောဆိုမှုတွေ ထွက်လာနေတာပါ။
မြန်မာအာဏာပိုင်တွေဖက်ကတော့ အနောက်နိုင်ငံတွေနဲ့ ဆက်ဆံရေးကြောင့် တရုတ် မြန်မာဆက်ဆံရေးကို ထိခိုက်မှာမဟုတ်ဘူးလို့ တုန့်ပြန်ထားကြပါတယ်။
လွှတ်တော်ဥက္ကဌ သူရ ဦးရွှေမန်းဟာ ဗုဒ္ဓဟူးနေ့က တရုတ်ပြည်ကို မထွက်ခွာခင် အခုသီတင်းပတ်အတွင်း ကျင်းပနေတဲ့ လွှတ်တော် စည်းဝေးပွဲတွေမှာ ပြည်သူ့ဝန်ထမ်းလစာ တိုးပေးရေးကိစ္စကို အဆိုတင်သွင်း ထားပါတယ်။ ဒါ့အပြင် ရန်ကုန်တိုင်း ဒေသကြီး လွှတ်တော်အတွင်း မနေ့က ပြုလုပ်တဲ့ စည်းဝေးပွဲ အတွင်းမှာလည်း ပြည်သူ့လွှတ်တော်ကိုယ်စားလှယ်တွေ အနေနဲ့ ပြည်သူ့အကျိုး မကြည့်ဘူး၊ မဆောင်ရွက်ဘူး ဆိုရင် သူကိုယ်တိုင် အပါအ၀င် ဘယ်သူ့ကိုမှ ခွင့်မလွှတ်ကြဖို့ကိုလည်း တိုက်တွန်း ပြောဆိုခဲ့ပါတယ်။
တရုတ်အစိုးရနှိမ်နင်းမှု ရင်ဆိုင်ရင်း တိဘက်နှစ်ကူးပွဲတော် ကျရောက်
By VOA (မြန်မာပိုင်း)
တရုတ်အစိုးရရဲ့ အုပ်ချုပ်မှုကို ဆန့်ကျင်ပြီး ကိုယ့်ကိုယ်ကို အဆုံးစီရင် ဆန္ဒပြပွဲတွေ ဆက်တိုက်ဆိုသလို ကြုံခဲ့ရပြီးနောက် တရုတ်နိုင်ငံ အနောက်ဘက် ဒေသက တိဘက်လူမျိုးတွေ ဗုဒ္ဓဟူးနေ့မှာ နှစ်သစ်ကူး အခမ်းအနားတွေ ကျင်းပနေကြပါတယ်။
နှစ်သစ်ကူး အခမ်းအနားတွေ မကျင်းပမီ သီတင်းပတ်တွေ အတွင်းမှာတော့ တရုတ်အစိုးရက တိဘက်ဒေသ တခုနဲ့တခုကြား ဆက်သွယ်မှု ဖြတ်တောက်တာတွေ၊ တိဘက်လှုပ်ရှားမှုတွေရှိရာ မြို့ကြီးမြို့ငယ်တွေမှာ ရဲတပ်ဖွဲ့ဝင်ပေါင်း ထောင်ချီပြီး တိုးမြှင့် ချထားတာတွေ လုပ်ခဲ့ကြတာပါ။
တိဘက်လူမျိုးတွေရဲ့ ဘာသာရေးနဲ့ ယဉ်ကျေးမှုအပေါ် ဖိနှိပ်မှုတွေ ရှိတယ်ဆိုတဲ့ ခံယူချက်နဲ့ ကိုယ့်ကိုယ်ကို မီးရှို့အဆုံးစီရင်ရာက တိဘက် ဗုဒ္ဓဘာသာ ဘုန်းတော်ကြီးတွေ၊ သီလရှင်တွေနဲ့ နောက်လိုက် နောက်ပါ အရပ်သား စုစုပေါင်း ၂၀ လောက် သေဆုံးခဲ့တဲ့အထိ တနှစ်လောက်ကြာ ဆန္ဒပြပွဲတွေကို ထိန်းချုပ်ဖို့ ရည်ရွယ်ပြီး ကန့်သတ်မှုတွေ လုပ်ခဲ့တာ ဖြစ်ပါတယ်။
တရုတ်အစိုးရကတော့ ကိုယ့်ကိုယ်ကို အဆုံးစီရင်တာကို အကြမ်းဖက်လုပ်ရပ်အဖြစ် သတ်မှတ်ထားတာပါ။ အဝေးရောက် တိဘက် အစိုးရရဲ့အကြီးအကဲ Lobsang Sangay ကတော့ တိဘက်နှစ်သစ်ကူး အခါ သမယမှာ တရုတ်အစိုးရရဲ့ ဖိနှိပ် အုပ်ချုပ်မှုအောက် နေထိုင်ကြရသူတွေ အတွက် ဆုမွန်ကောင်းတောင်းရင်း ကုန်လွန်ကြဖို့ ဗုဒ္ဓဟူးနေ့မှာပဲ တိုက်တွန်း လိုက်ပါတယ်။
မကြာသေးခင်က ဆန္ဒပြပွဲတွေ ကြုံခဲ့ရတဲ့ Gansu ပြည်နယ် Labrang ဘုန်းတော်ကြီး ကျောင်းမှာတော့ အင်္ဂါနေ့က အခြေအနေတွေ တည်တည်ငြိမ်ငြိမ် ရှိနေပေမဲ့ အမည်မဖော်လိုသူ တိဘက်ဘုန်းတော်ကြီး တပါးကတော့ နှစ်သစ်ကူး အခမ်းအနားကို တိဘက်လူမျိုး အများအပြား ဆင်နွှဲမှာ မဟုတ်ဘူးလို့ ပြောပါတယ်။
စည်းကမ်းမဲ့နိုင်ငံ မတိုးတက်နိုင် သူရ ဦးရွှေမန်းဝေဖန်
By မသင်းသီရိ
သူရဦးရွှေမန်း (လက်ယာဘက် အတွင်းပိုင်း ဒုတိယနေရာ)
ပြည်သူ့ဝန်ထမ်းလစာ တိုးရေးကိစ္စကို မဖြစ်မနေရအောင် ဆောင်ရွက်သွားမယ်လို့ ပြည်သူ့လွှတ်တော် ဥက္ကဋ္ဌ သူရဦးရွှေမန်းက ပြောပါတယ်။ ဒါ့အပြင် အစိုးရအနေနဲ့ကလည်း ပြည်သူ့အကျိုးကို ကြည့်ပြီးတော့ ကောင်းတဲ့အပြောင်းအလဲတွေ အမြန်ဆုံးဖော်ဆောင်သွားဖို့လည်း တိုက်တွန်းပါတယ်။ ရန်ကုန်တိုင်း ဒေသကြီး ပြည်သူ့လွှတ်တော်မှာ ဒီကနေ့ပြုလုပ်တဲ့ ဆွေးနွေးပွဲအတွင်း ဦးရွှေမန်းက အခုလို ပြောခဲ့တာဖြစ်ပါတယ်။ ဒီ အကြောင်း အပြည့်အစုံကိုတော့ မသင်းသီရိက ဆက်ပြီး တင်ပြပေးထားပါတယ်။
ရန်ကုန်တိုင်း ဒေသကြီးမှာ ဖေဖော်ဝါရီလ ၂၂ ရက်၊ ဗုဒ္ဓဟူးနေ့ မနက်က ပြည်သူ့လွှတ်တော် ဥပဒေ ရေးရာနဲ့ အထူးကိစ္စရပ်များ လေ့လာဆန်းစစ် သုံးသပ်ရေးကော်မတီနဲ့အတူ မြန်မာနိုင်ငံထဲက စီးပွားရေးလုပ်ငန်းရှင်တွေ၊ ဥပဒေပညာရှင်တွေအပြင် လွှတ်တော်ကိုယ်စားလှယ်တွေနဲ့ ပြည်သူ့ လွှတ်တော် ဥက္ကဋ္ဌ ဦးရွှေမန်းတို့ တွေ့ဆုံပြီးတော့ ဆွေးနွေးပွဲတစ်ရပ်လုပ်ပါတယ်။
မနက် ၉ နာရီ ခွဲကနေ နေ့လယ် ၁၂ နာရီ အထိလုပ်ခဲ့တဲ့ ဒီဆွေးနွေးပွဲမှာ ရှေ့လာမယ့် ဘဏ္ဍာနှစ် အတွင်း ပြည်သူ့ဝန်ထမ်းတွေကို လစာတိုးပေးဖို့ ကိစ္စတွေကို ရှင်းပြခဲ့သလို ဒီ အကြံပေး အဆိုပြုချက်တွေကို အကောင်အထည်ဖော်လာဖို့ကိုလည်း မဖြစ်မနေ လုပ်ဆောင်သွားမယ်ဆိုတာကို သူရ ဦးရွှေမန်းက ပြည်သူ့လွှတ်တော်ထဲမှာ ပြောသွားပါတယ်။
“သန့်ရှင်းသော အစိုးရ၊ ကောင်းမွန်သော အုပ်ချုပ်ရေး၊ အမှန်တကယ်ဖြစ်လာဖို့၊ ဖြစ်စေနိုင်ဖို့၊ နိုင်ငံသားများ၊ ဝန်ထမ်းများရဲ့ လုပ်ခလစာ၊ စရိတ်နှင့် ချီးမြှင့်ငွေများကို လာမည့် ဘက်ဂျက်နှစ်အစတွင် မဖြစ်မနေ တိုးပေးရေး- ကျနော့်ဘက်ကတော့ အခု လစာတိုးပေးမယ်။ ဘက်ဂျက် အစမှာ- အဲဒီလို တိုးပေးတဲ့အခါမှာ အခြားငွေ ရှာစရာမလိုဘဲနဲ့ ဘက်ဂျက်ကိုလည်း ဥပဒေ ပြုပေးပါလို့ ပြောတဲ့၊ စီမံကိန်းနဲ့ ဘက်ဂျက်များ ဥပဒေ ပြုပေးရေးနဲ့ ထိုသို့ မဟုတ်သော စီမံကိန်းများကို ငြင်းပယ်ခြင်း၊ သဘောကတော့ ဒီ စီမံကိန်း မလုပ်ပါနဲ့-ပြောတာပါ။ အကြွေးတွေကလည်း ထူနေတယ်။ ပြန်ကြည့်မယ်ဆိုရင် စိတ်ဓာတ်မကောင်းတဲ့ နိုင်ငံ၊ စည်းကမ်းမကောင်းတဲ့နိုင်ငံ ဘယ်တော့မှ မတိုးတက်နိုင်ဘူး။”
တခါ နိုင်ငံအတွက် အကျိုးမရှိတဲ့ ဥပဒေရပ်တွေကို ပြင်ဆင်ဖို့ ပြောခဲ့တဲ့အပြင် ဒီ ကောင်းတဲ့ အပြောင်းအလဲတွေကို အမြန်ဆုံး ဖော်ဆောင်ဖို့ကိုလည်း သူရ ဦးရွှေမန်းက တိုက်တွန်းသွားပါတယ်။
“ပြည်သူ့ကိုယ်စားလှယ်များအနေနဲ့ ကိုယ့်နိုင်ငံကောင်းလာအောင် ကိုယ့်အမျိုးသားများ ပိုကောင်း လာအောင် အကျိုးစီးပွားများ ပိုမို ဖြစ်ထွန်းလာအောင် အမှန်တကယ် ပြုပြင်ပြောင်းလဲရေး လုပ်ကြရပါမယ်။ ကောင်းတာဖြစ်ဖို့ ပြောင်းလဲကြရအောင်ပါ။
ကိုယ့်နိုင်ငံ၊ ကိုယ့်နိုင်ငံသားများကို တကယ်ချစ်ရင် ပါတီစွဲ၊ ဝါဒစွဲ၊ ဒေသစွဲ၊ လူမျိုးစွဲ၊ ကိုယ်အသိဘာသာ အယူအဆ အစွဲမထားဘဲ စီမံဆောင်ရွက်ကြရအောင်ပါ။ သန်း ၆၀ သော ပြည်သူလူထု၏မျက်နှာနဲ့ အကျိုးစီးပွားကို ကြည့်ကြရအောင်ပါ။ ပြည်သူ့ ကိုယ်စားလှယ်များက ပြည်သူ့အကျိုး မကြည့်ဘူး၊ မဆောင်ရွက်ဘူးဆိုရင် ခွင့်မလွှတ်ကြပါနဲ့။ ကျနော့်ကိုလည်း ခွင့်မလွှတ်ပါနဲ့။”
ဒါကတော့ ပြည်သူ့လွှတ်တော် ဥက္ကဋ္ဌ သူရဦးရွှေမန်းက ဒီနေ့ ရန်ကုန်လွှတ်တော်ထဲမှာ ပြောခဲ့တဲ့ မိန့်ခွန်းထဲက တစိတ်တပိုင်းပါရှင်။ ဒါ့အပြင် ဖေဖော်ဝါရီလ ၇ ရက်နေ့က ပြည်ထောင်စု လွှတ်တော်ထဲမှာ ဒီ ဝန်ထမ်းတွေ လစာတိုးပေးရေးနဲ့ပတ်သက်ပြီး သူပြောခဲ့တဲ့ မိန့်ခွန်းကို ရေဒီယိုနဲ့ ရုပ်သံတွေမှာ ပြန်လွှင့်တဲ့အခါ ဆင်ဆာဖြတ်တောက်မှု ရှိတယ်ဆိုတာကိုလည်း ဒီ ဆွေးနွေးပွဲအပြီး သတင်းထောက်တွေ နဲ့ တွေ့ဆုံရာစဉ်မှာ ပြောခဲ့တယ်လို့ ဒီဆွေးနွေးပွဲကို တက်ရောက်ခဲ့တဲ့ သတင်း အယ်ဒီတာ တစ်ဦးကပြောပါတယ်။
“သူ့ မိန့်ခွန်းထဲမှာ ထူးဆန်းတာက ဒီ ပြည်သူ့လွှတ်တော်မှာ ဝန်ထမ်းလစာ တိုးပေးဖို့ဟာကို သူပြောတယ်မို့လား။ အဲဒါတွေကို ရုပ်မြင်သံကြားက ဖြတ်တယ်။ သတင်းစာကလည်း ဖြတ်တယ်။ အတိအကျမပါဘူး-ဘယ်မှာမှ ပေါ့နော်။ အဲဒီတော့ အစိုးရက ဖျက်လိုက်တယ်ပေ့ါနော်။
အဲဒီလို ပြောပြီးတော့ သတင်းစာ ရှင်းလင်းပွဲအပြီးမှာ စာရေးဆရာ ဖေမြင့်က မေးတယ်ပေ့ါနော်။ ဒီမိုကရေစီသာပြောတာ- စတုတ္ထမဏ္ဍိုင်က ဘာလို့ အဲဒီလိုတွေ လုပ်နေတာလဲဆိုတာကို ဒီ လွှတ်တော်ရဲ့ အမြင်ပေါ့နော်- ပြည်သူ့လွှတ်တော် ဥက္ကဋ္ဌရဲ့အမြင်ကို ပြန်ပြီးတော့ မေးတယ်။ သူကတော့ အခု ခင်ဗျားတို့ မြင်တဲ့ အတိုင်းပဲပေါ့နော်၊ ကြားတဲ့ အတိုင်းပေါ့၊ ဒီလောက်ပါပဲ။”
တခါ နိုင်ငံထဲမှာ ပြင်ဆင်ဖို့လိုနေတဲ့ စီးပွားရေးဆိုင်ရာ လုပ်ငန်းအကြောင်းတွေ ဥပဒေရေးရာ ကိစ္စတွေကိုလည်း တခြားတက်ရောက်ခဲ့တဲ့လူတွေက ဆွေးနွေးခဲ့တယ်လို့ ဒီဆွေးနွေးပွဲကို တက်ရောက်ခဲ့သူ စီးပွားရေးလုပ်ငန်းရှင် ဒေါက်တာစိုးထွန်းက ပြောပါတယ်။
“ဥပဒေနဲ့ ပတ်သက်ရင် ကျနော်တို့ ဆီက အများကြီး လိုနေတာပေ့ါ။ အသေးစိတ်ဆွေးနွေးတာတော့ အများကြီးပေါ့။ ကျနော်တို့ အချိန်မရတဲ့ လူတွေကလည်း စာနဲ့တင်တာပေ့ါ။ ကျနော်တို့ကတော့ ဥပဒေတွေလည်း ပြုပြင်ပြောင်းလဲဖို့ ကျနော်တို့လည်း တိုက်တွန်းတာပေ့ါနော်။
ကျနော်တို့ဆီမှာ တကယ်တမ်းကျတော့ ဥပမာ တိုက်ခန်းဆိုလို့ရှိရင် တိုက်ခန်း ပိုင်ဆိုင်မှုဥပဒေ မရှိတဲ့ အခါကျတော့ ကျနော်တို့ လက်မှတ်ထိုးတဲ့အခါကျလို့ရှိရင် မြေရှင်ကို 5 percent (၅%)ပေးရတယ်။ ရပ်ကွက် အုပ်ချုပ်ရေးမှူးက သက်သေလက်မှတ်ထိုးရတာ ပေးရတယ်ပေ့ါ။ ဒါတွေကို သူရဲ့ Protection (ကာကွယ်မှု-ဆိုင်ရာ) ဥပဒေ ပေါ်လာရင်တော့ ဒီပေးဆောင်ရမယ့်ဟာ နိုင်ငံတော်က ပိုက်ဆံရတာပေ့ါ။
နောက် လက်ရှိဖြစ်နေတဲ့ မြန်မာနိုင်ငံမှာ ဖြစ်ပွားနေတဲ့ အမှုအခင်း ၅၀ ရာခိုင်နှုန်းကျော်က တိုက်ခန်း ပိုင်ဆိုင်မှု အငြင်းပွားတာကြောင့်ဖြစ်နေတယ်။ ထုတ်ကုန်သွင်းကုန် ဥပဒေတို့၊ နိုင်ငံခြားငွေ ကိုင်ဆောင်ခွင့် ဥပဒေပေါ့နော်။ ဒါတွေပေါ့နော်။ ပြောရရင် အများကြီးပေါ့နော်၊ ဥပဒေတွေ တော်တော်များများ၊ ခေတ်နဲ့မလျော်ညီတာတွေ ပြင်ဆင်ဖို့။”
ဒေါက်တာ စိုးထွန်းပါရှင်။ ဒီကနေ့ ရန်ကုန်ပြည်သူ့ လွှတ်တော်ထဲမှာ ပြုလုပ်ခဲ့တဲ့ ဒီဆွေးနွေးပွဲ အတွင်းမှာလည်း စီးပွားရေး လုပ်ငန်းရှင်တွေက ဒီ ဝန်ထမ်းတွေရဲ့ ဘဝ ရပ်တည်ရေး ခက်ခဲတဲ့ အကြောင်းကို ပြောပြသွားသလို ဒီဝန်ထမ်းတွေ လစာတိုးရေး ကိစ္စကိုလည်း အလေးအနက် တိုက်တွန်းသွားတယ်လို့လည်း ပြောပါတယ်ရှင်။
0 comments:
Post a Comment