21.02.2012 နေ့ဖတ်ရန်သတင်းများ

by Myanmar Journal on Tuesday, February 21, 2012 at 4:54am ·

 

 

 ချင်းပြည်နယ်နေ့ ကျင်းပမှု ဒေသခံများ မကျေနပ်နော်ဝေရောက် ချင်းလူမျိုးများကလဲ ချင်းအမျိုးသား နေ့ကို ပျော်ရွှင်စွာ ဆင်နွှဲကြပါတယ်
ဒီကနေ့ ဖေဖေါ်ဝါရီ ၂၀ ရက်နေ့မှာ ကျရောက်တဲ့ ၆၄ ကြိမ်မြောက် ချင်းအမျိုးသား နေ့ကို ချင်းအမျိုးသား တွေ အားလုံး တောင်းဆိုတဲ့ ကြားကပဲ လက်ရှိ ချင်းပြည်နယ် အစိုးရက ချင်းပြည်နယ်နေ့ အဖြစ်ပဲ ဟားခါးမြို့ ပြည်သူ့ အားကစား ကွင်းမှာ ကျင်းပ ပေးခဲ့ ပါတယ်။

၁၉၄၈ လွတ်လပ်ရေး ရပြီး နောက်ပိုင်း တိုင်းအုပ်ချုပ်ရေး စနစ်ကို ဖျက်ပြီး ဒီမိုကရေစီ စနစ်နဲ့ အစားထိုး တဲ့နေ့ကို ချင်းအမျိုးသားနေ့ အဖြစ် သတ်မှတ် ပြီးတော့ ၁၉၇၄ ခုနစ် အခြေခံ ဥပဒေ အရ ချင်းဒေသတိုင်းကို ချင်းပြည်နယ်အဖြစ် သတ်မှတ်ခဲ့တဲ့ ဇန်နဝါရီလ (၃) ရက်နေ့ ကို ချင်းပြည်နယ်နေ့ အဖြစ် သတ်မှတ်တာ ဖြစ်ပြီး ဖေဖော်ဝါရီ ၂၀ ရက်နေ့ကိုတော့ ချင်းအမျိုးသားနေ့လို့ ခံယူထား တာကြောင့် ဒေသခံတွေက မကျေနပ် ကြဘူးလို့ ဟားခါးမြို့ခံ ဦးဘန်လျန်းက ဘီဘီစီကို ပြောပြခဲ့ပါတယ်။
ချင်းပြည် နယ်မှာ ချင်း အမျိုးသား နေ့ ကျင်းပခွင့် မရပေမယ့် အိန္ဒိယ နိုင်ငံကို ရောက်နေတဲ့ ချင်းတိုင်းရင်းသား တွေကတော့ ချင်းအမျိုးသားနေ့ကို နယူးဒေလီ အနောက်ပိုင်းက ဘန်ဒါပူရ် အရပ်မှာ တနင်္လာနေ့က ကျင်းပခဲ့ပါတယ်။
မြန်မာပြည်မှာ ချင်းအမျိုးသားနေ့ ကျင်းပခွင့် မရတာဟာ အစိုးရက ချင်းလူမျိုးတွေရဲ့ အမျိုးသားရေး လုပ်ငန်းတွေကို ချေဖျက်တဲ့ လုပ်ရပ် ဖြစ်တယ်လို့ ဒီအခမ်းအနားမှာ တက်ရောက်ခဲ့တဲ့ မကြာခင်က မြန်မာ အစိုးရနဲ့ ပဏာမ ငြိမ်းချမ်းရေး သဘော တူညီမှု ယူထားတဲ့ ချင်းအမျိုးသား တပ်ဦး CNF ရဲ့ ဗဟို ကော်မတီဝင် ဗိုလ်မှုးကြီး ဆော်လမွန်က ပြောပါတယ်။

တက်ရောက် လာတဲ့ နိုင်ငံရေး ခေါင်းဆောင် လက်နက်ကိုင် ခေါင်းဆောင် အသီးသီး ကလည်း စည်းလုံး ညီညွတ်ကြဖို့ အမှာစကားတွေ ပြောသွားကြပြီး ချင်းတိုင်းရင်းသား တွေက ရိုးရာအက ရိုးရာ သီချင်းတွေကို သီဆို ဖျော်ဖြေ ခဲ့ကြပါတယ်။
နယူးဒေလီမှာ ကျင်းပတဲ့ ချင်းအမျိုးသားနေ့ အခမ်းအနားမှာ အိန္ဒိယကို အကြောင်း အမျိုးမျိုးကြောင့် ရောက်နေတဲ့ ချင်းတိုင်းရင်သား မျိုးစုံ ၁ထောင်ကျော်ဟာ သူတိုရဲ့ ရိုးရာ ၀တ်စုံတွေ ကိုယ်ဆီ ၀တ်ပြီး တက်ရောက် ခဲ့ပါတယ်။
အလားတူပဲ ချင်းအမျိုးသားနေ့ကို နိုင်ငံတကာရောက် ချင်းလူမျိုးတွေက မိမိတို့ ရောက်ရာ နိုင်ငံတွေမှာ ပြုလုပ် ကျင်းပခဲ့ပါတယ်။

တောင်ကိုးရီးယားရဲ့ စစ်ရေး လေ့ကျင့်ပစ်ခတ်မှုတောင်ကိုးရီးယား စစ်ရေးလေ့ကျင့်မှု ဝေဖန်ခံရ
တောင်ကိုးရီးယား နဲ့ မြောက်ကိုးရီးယား ၂ နိုင်ငံ အငြင်းပွား မှုတွေ ဖြစ်ခဲ့တဲ့ မြောက် ကိုးရီးယား နယ်စပ်မှာ တောင် ကိုးရီးယား နိုင်ငံက စစ်ရေး လေ့ကျင့်မှု တရပ်ကို လုပ်ဆောင် ခဲ့ပါတယ်။
မြောက်ကိုးရီးယား နိုင်ငံရဲ့ တားမြစ် ထားတဲ့ ကြားက အခုလို လုပ်ဆောင် ခဲ့တဲ့ စစ်ရေး လေ့ကျင့်မှု မှာ အမြောက်တွေ၊ မော်တာတွေ အပြင် ရဟတ်ယာဉ်တွေနဲ့ ပစ်ခတ် တိုက်ခတ် မှုတွေ ပါဝင်ပါတယ်။
မြောက်ကိုးရီးယားက ဗုံးကြဲ တိုက်ခိုက်မှုကြောင့် တောင်ကိုးရီးယား နိုင်ငံသား ၄ ဦး သေဆုံးခဲ့တဲ့ ကျွန်းတခု အနီးမှာ အခုလို စစ်ရေး လေ့ကျင်မှု တွေကို တောင်ကိုးရီးယားက လုပ်ဆောင် ခဲ့တာ ဖြစ်ပါတယ်။
ဒီစစ်ရေး လေ့ကျင့်မှုတွေ မလုပ်ခင်မှာ ဒေသံအနီးမှာ နေထိုင်တဲ့ လူထောင်ပေါင်း များစွာဟာ ဗုံးခို ကျင်းတွေထဲ ဝင်ရောက် ပုန်းခို ခဲ့ကြ ပါတယ်။
တောင်ကိုးရီးယား နိုင်ငံကတော့ ဒီစစ်ရေး လေ့ကျင့်မှု တွေဟာ ပုံမှန်စစ်ရေး လေ့ကျင့်မှု တခုလို ဆိုနေပေမဲ့ မြောက်ကိုးရီးယား နိုင်ငံကတော့ ဒီလုပ်ရပ်ဟာ ကြိုတင် စီစဉ်မှု တခု ဖြစ်တယ်လို့ စွပ်စွဲ ပြောကြား လိုက်ပါတယ်။

DKBA နဲ့ BGF အကြား တိုက်ပွဲများ ဆက်ဖြစ်
ကရင် ပြည်နယ် လှိုင်းဘွဲ မြို့နယ် မြိုင်ကြီးငူ ဒေသမှာ ဘီဂျီအက်ဖ် နယ်ခြား စောင့်တပ်နဲ့ ဒီကေဘီအေ တပ်တွေ ဒီနေ့လည်း နှစ်ဖက် ကြားမှာ ပစ်ခတ် ကြလို့ ဒီကေဘီအေ အရာရှိ တစ်ယောက် ဒါဏ်ရာ ရသွား ပါတယ်။
တနင်္ဂနွေနေ့က ဘီဂျီအက်ဖ် နယ်ခြားစောင့် တပ်တွေ ဒီကေဘီအေဆီက သိမ်းသွားတဲ့ လက်နက်တွေကို ၂ ရက် အတွင်း ပြန်မပေးရင် ဒီကေဘီအေက ဘီဂျီအက်ဖ် တွေကို တိုက်ခိုက် သွားမယ်လို့ ဒီကေဘီအေ ဗိုလ်မှူးကြီး စောဆန်းအောင်က ပြောကြား လိုက်ပါတယ်။
မကြာခင်တုံးကပဲ မြိုင်ကြီးငူ ဒေသက ဘီဂျီအက်ဖ် နယ်ခြား စောင့် တပ်ဖွဲ့ ၀င်တွေ ကို မြိုင်ကြီးငူ ဆရာတော်ကဒီကေဘီအေ အဖြစ် အသွင် ပြောင်းခိုင်းတာကို မနာခံတဲ့ အတွက် ဘီဂျီအက်ဖ် တပ်ဖွဲ့ဝင် တချို့ရဲ့ လက်နက်တွေကို ဆရာတော် အမိန့်နဲ့ သိမ်းဆည်းလိုက် ပါတယ်။
အခု ဒီကေဘီအေ လက်နက်တွေကို ဘီဂျီအက်ဖ်က သိမ်းယူတာဟာ အဲဒီကိစ္စကို လက်စား ချေတာဖြစ် နိုင်တယ်လို့ ဒီကေဘီအေ ဗိုလ်မှူး စောဆန်းအောင်က ပြော ပါတယ်။
တနင်္ဂနွေနေ့က မြိုင်ကြီးငူ အခြေစိုက် ဘီဂျီအက်ဖ် နယ်ခြား စောင့်တပ်ကနေ အဲဒီ အနား တဝိုက်မှာ လှုပ်ရှားနေတဲ့ ဒီကေဘီအေ ကလို့ထူးလား တပ်ဖွဲ့ဝင် ၄၀ ဆီက သေနတ် အလက် ၄၀ ကို သိမ်းယူ လိုက်ပါ တယ်။
အဲဒါကြောင့် စစ်ကူ လိုက်သွားတဲ့ ဒီကေဘီအေနဲ့ ဘီဂျီအက်ဖ်တွေ တိုက်ခိုက် ကြလို့ နှစ်ဖက် ကြားမှာ ၃ ယောက် သေပြီး ၆ ယောက် ဒါဏ်ရာ ရသွားတယ်လို့ ဒီကေဘီအေက ပြောပါ တယ်။


မဏ္ဍပ်ဗုံးခွဲမှုကိစ္စ ရှေ့နေတွေ တရားစွဲခံရ
 ၂၀၁၀ခုနှစ် သင်္ကြန်မဏ္ဍပ် ဗုံးပေါက်ကွဲမှု အတွင်း အနည်းဆုံး လူ၈ဦး သေဆုံးခဲ့
၂၀၁၀ ခုနှစ်တုန်းက X2O သင်္ကြန် မဏ္ဍပ် ဗုံးခွဲခဲ့မှုနဲ့ တရားစွဲခံထားရသူ ကိုဖြိုးဝေ အောင်နဲ့ သူ့အမှုကို လိုက်ပေးနေတဲ့ ရှေ့နေ တွေ ဖြစ်တဲ့ ဦးကျော်ဟိုးနဲ့ ဒေါ်တင်ဇာလှိုင် တို့ကို တရားရေး ဆောင်ရွက်နေသူ ပြည်သူ့ ဝန်ထမ်းတွေကို စော်ကားနှောင့်ယှက်မှုနဲ့ တရားစွဲဆိုဖို့ တရားရုံးက အမိန့် ချမှတ် လိုက်ပါတယ်။
တရားလိုပြ သက်သေရဲ့ ကြိုတင်ထွက်ချက်ကို အမှုစစ် ရဲအရာရှိနဲ့ တာဝန်ရှိ ဥပဒေ အရာရှိတွေ က တရားရုံးမှာ သက်သေခံ တင်ပြမှု မလုပ်ခဲ့တာဟာ တမင် ထိန်ချန်ထားတာလားလို့ မေးခွန်း ထုတ်စရာ ရှိတယ် ဆိုပြီး ကိုဖြိုးဝေအောင်က သူ့ကို ရုံးထုတ် စစ်ဆေးစဉ်မှာ ထွက်ဆိုသွားခဲ့ကြောင်း၊ ဥပဒေ အရာရှိက ဒါဟာ အစိုးရ ဝန်ထမ်းတွေကို တမင် ပုတ်ခတ် စော်ကားတာ၊ တရားစီရင်မှုကို နှောင့်ယှက်တာ ဆိုပြီး ပုဒ်မ ၂၂၈ နဲ့ ကိုဖြိုးဝေအောင်ကိုရော၊ သူ့ရှေ့နေတွေ ဖြစ်တဲ့ ဦးကျော်ဟိုးနဲ့ ဒေါ် တင်ဇာလှိုင်တို့ကိုပါ တရားစွဲဆိုဖို့ တင်ပြခဲ့တယ်လို့ ရှေ့နေ ဦးကျော်ဟိုးက ဘီဘီစီကို ပြောပါတယ်။
တရားခံတဦးဟာ အခြေခံ ဥပဒေအရ လွတ်လွတ်လပ်လပ် ခုခံ ချေပခွင့် ရှိတာမို့ ဒီလို တရား စွဲလို့ မရဘူးဆိုတာကို သူတို့ဖက်က တင်ပြခဲ့ပေမယ့် တရားသူကြီးက လက်မခံပဲ တရားစွဲဖို့ အမိန့်ချမှတ်လိုက်တာ ဖြစ်တယ်လို့ ဦးကျော်ဟိုးက ပြောပါတယ်။
ပုဒ်မ ၂၂၈နဲ့ ပြစ်မှု ထင်ရှားရင် ထောင်ဒဏ် ၆လနဲ့ ဒဏ်ငွေ ချမှတ် ခံရနိုင်တယ်လို့လည်း ဆိုပါတယ်။
တရားခံဘက်က ထွက်ဆိုစရာတွေ ကျန်ပါသေးတယ် ဆိုတာကို တရားသူကြီးက ခွင့်မပြုပဲ နောက်ရုံးချိန်းမှာ ထွက်ဆိုခွင့် မပေးဖို့ အမိန့်ချခဲ့တာကို ကြည့်ခြင်းအားဖြင့် ကိုဖြိုးဝေအောင် ရဲ့ အမှုကို မြန်မြန် တရားစီရင်ချက် ချမယ့် အလားအလာ ရှိတယ်လို့ ယူဆရကြောင်း ရှေ့နေ ဦးကျော်ဟိုးက ပြောပါတယ်။

ကန့်သတ်ချက်ရှိရင် တရားမျှတမှုမရှိလို့ NLD ပြော
အမျိုးသား ဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်
လာမယ့် ဧပြီလ ၁ ရက်နေ့မှာ ပြုလုပ်မယ့် ကြားဖြတ် ရွေးကောက်ပွဲ အတွက် မဲဆွယ် ပွဲမှာ NLD ကို ကန့်သတ် ချက်တွေ လုပ်နေတာ ကြောင့် ရွေးကောက်ပွဲ တရား မျှတမှုကို ထိခိုက် နိုင်တယ်လို့ NLD က ဒီကနေ့ သတင်းစာ ရှင်းလင်းပွဲ လုပ်ပြီး ထုတ်ပြန် လိုက်ပါတယ်။
သတင်းစာ ရှင်းလင်း ပွဲကို NLD အတွင်းရေးမှူး အဖွဲ့ဝင် ဦးဉာဏ်ဝင်းက ဦးဆောင်ပြီး ပြုလုပ်တာ ဖြစ်တယ်။
ဒေါ်အောင်ဆန်း စုကြည် နယ်ထွက်ပြီး မဲဆွယ် ဟောပြော တဲ့အခါ ဘောလုံးကွင်းတွေ အသုံးပြုခွင့် မပေးတာ ကချင် ပြည်နယ် နမ္မတီးမှာ ဟောပြော ဖို့ကို လုံခြုံရေး အရ ခွင့်မပြုဘူး ဆိုတဲ့ ကန့်သတ်ချက် တွေကြောင့် တရား မျှတတဲ့ ရွေးကောက်ပွဲ မဖြစ်နိုင် ဘူးလို့ အတွင်း ရေးမှူး အဖွဲ့ဝင် ဦးဉာဏ်ဝင်းက က ပြောပါတယ်။
ဒါပေမဲ့ ဒီကချင် ပြည်နယ် ခရီးစဉ် ကို တနင်္လာနေ့ က ပြန်လည် ခွင့်ပြု လိုက်ပါတယ်။
အခုလို ခွင့်ပြုချက် ရသွားတဲ့ အတွက် ဒေါ်အောင်ဆန်း စုကြည်ဟာ လာမယ့် ဖေဖော်ဝါရီလ ၂၃ ရက်နေ့ နဲ့ ၂၄ ရက်နေ့မှာ မြစ်ကြီးနား၊ မိုကောင်း နဲ့ ဗန်းမော်ကို သွားရောက် စည်းရုံးဖို့ ရှိပါတယ်။
မတ်လ ၅ရက် နဲ့ ၆ ရက်နေ့တွေမှာ နေပြည်တော်၊ ထန်းတပင်၊ အုတ်တွင်း မြို့တွေကို သွားရောက် မဲဆွယ်ဖို့ ရှိပါတယ်။


နယ်ခြားစောင့်တပ်နဲ့ ဒီကေဘီအေ တိုက်ပွဲဖြစ်
ဒီကေဘီအေ တပ်တချို့ဟာ နယ်ခြားစောင့်တပ် အသွင်ကို ပြောင်းခဲ့ကြပါပြီ
မြိုင်ကြီးငူ အခြေစိုက် နယ်ခြားစောင့်တပ်ဖွဲ့ (BGF) က၊ ဒီကေဘီအေ ကလို့ထူးလား စစ်ကွပ်ကဲရေး အဖွဲ့က ဗိုလ်မှူး စောစိုးဝင်း ရဲ့တပ်ဖွဲ့ တချို့ဆီကနေ လက်နက် ဖြုတ်သိမ်းဖို့ ကြိုးစား တဲ့အတွက် တိုက်ပွဲ ဖြစ်ခဲ့တယ်လို့ ဒီကေဘီအေ ဖက်က ပြောပါတယ်။
မြိုင်ကြီးငူ ဒေသတဝိုက်မှာ တနင်္ဂနွေနေ့ မွန်းလွဲပိုင်း ကတည်းက တိုက်ပွဲတွေ ဖြစ်နေပြီး ညပိုင်း အထိ သေနတ်သံတွေကို မကြာမကြာ ကြားခဲ့ရ ပါတယ်။
ဒီကေဘီအေ ဘက်က ပစ်ခတ်တဲ့ အတွက် နယ်ခြားစောင့်တပ် ကားတစင်းကို ထိမှန်သွားတယ်လို့ ဒီကေဘီအေ နိုင်ငံခြားဆက်ဆံရေး တာဝန်ခံ ဗိုလ်မှူး စောလုံလုံက ဘီဘီစီကို ပြောပါတယ်။ ဒါပေမယ့် နှစ်ဖက် ထိခိုက်မှု စာရင်းကိုတော့ တိတိကျကျ မသိရ ပါဘူး။
နယ်ခြားစောင့် တပ်ဖွဲ့ ဘက်က ဒီကေဘီအေ ကို လက်နက် ဖြုတ်သိမ်းဖို့ ဘာကြောင့် ကြိုးပမ်း ခဲ့သလဲဆို တာကိုလည်း ရှင်းရှင်း လင်းလင်း မသိရ ပါဘူး။
အစိမ်းရောင် ဖားစည်လို့ ခေါ်တဲ့ ဒီကေဘီအေ ကလို့ထူးလား အဖွဲ့ကို ဗိုလ်မှူးကြီး စောဘီခို့ ကဦးဆောင်ပြီး ဗိုလ်ချုပ်နှုတ်ခမ်းမွေး အဖွဲ့က အစိုးရကို ပြန်တိုက် စဉ်မှာ နယ်ခြားစောင့် တပ်ကနေ ခွဲထွက်ပြီး ပူးပေါင်းခဲ့တာ ဖြစ်ပါတယ်။

NLD မဲဆွယ်စည်းရုံးရေး ကန့်သတ်မှု ကော်မရှင် ရုပ်သိမ်း
By မသိင်္ဂီထိုက
ကြားဖြတ် ရွေးကောက်ပွဲဟာ တရားမျှတမှု ရှိမယ့် အလားအလာ နည်းတယ် ဆိုပြီး ဒီကနေ့ အမျိုးသား ဒီမိုကရေစီအဖွဲ့ချုပ်က ပြောဆိုလိုက်ပါတယ်။ ပါတီခေါင်းဆောင် ဒေါ်အောင်ဆန်းစုကြည်ရဲ့ မဲဆွယ် ခရီးစဉ်တွေမှာ ကန့်သတ်မှုတွေ ကြုံတွေ့နေရတာ တွေကိုလည်း ပါတီက သတင်းစာ ရှင်းလင်းပွဲမှာ ပြောဆိုလိုက်ပါတယ်။ ဒီ သတင်းစာ ရှင်းလင်းပွဲ အပြီးမှာတော့ NLD ဘက်က တင်ပြထားတဲ့ ကန့်သတ်ချက်အားလုံးကို ရုပ်သိမ်းလိုက်ပြီ ဖြစ်တဲ့အကြောင်း ပြောဆိုပါတယ်။ ပြည်ထောင်စု ရွေးကောက်ပွဲ ကော်မရှင်က ပြောဆိုပါတယ်။ မသိင်္ဂီထိုက်က ဆက်သွယ် မေးမြန်းထားပါတယ်။
ဒေါ်အောင်ဆန်းစုကြည်ရဲ့ နိုင်ငံတ၀န်း ရွေးကောက်ပွဲ မဲဆွယ်ပွဲတွေ ပါတီ စည်းရုံးရေး ခရီးစဉ်တွေမှာ ကန့်သတ်မှုတွေ၊ အဟန့်အတားတွေ တွေ့ကြုံနေရတယ် ဆိုပြီး ဖေဖော်ဝါရီလ ၂၀ ရက်နေ့မှာ အန်အယ်လ်ဒီ ပါတီက ပြောဆိုလိုက်ပါတယ်။ ဒါကြောင့် လာမယ့် ကြားဖြတ် ရွေးကောက်ပွဲဟာ တရားမျှတမှု ရှိမယ့် အလားအလာ နည်းတယ် ဆိုပြီး ပါတီရဲ့  ရွေးကောက်ပွဲ အောင်နိုင်ရေး အဖွဲ့ ခေါင်းဆောင် ဦးဉာဏ်ဝင်းက ပြောဆိုလိုက်ပြီး နာရီပိုင်း အတွင်းမှာပဲ အရင်က ကန့်သတ်ထားတာတွေကို ရုပ်သိမ်းတဲ့အကြောင်း ပြည်ထောင်စု ရွေးကောက်ပွဲ ကော်မရှင်က အန်အယ်လ်ဒီ ပါတီကို အကြောင်းကြားလာတယ်လို့ ဦးဉာဏ်ဝင်းက တဆက်တည်း အခုလို ပြောပါတယ်။
“ကျနော်တို့ အဲဒီ အခက်အခဲ ကန့်သတ်မှုတွေက လွတ်လပ် တရားမျှတတဲ့ ရွေးကောက်ပွဲကို ထိခိုက်စေတယ်၊ ကျနော်တို့ အများကြီး စိုးရိမ်စေတယ် ဆိုတာကို ပြောတာပါ။ ဒီနေ့ ကျနော်တို့ ပြောလိုက်တဲ့ ကိစ္စတွေ အားလုံးကို ပြည်ထောင်စု ကော်မရှင်အနေနဲ့ လိုအပ်သလို ဆောင်ရွက်နိုင်ဖို့ တင်ပြတယ် ဆိုပြီး ကျနော်တို့ တင်ပြထားပါတယ်။ နောက် တဆက်တည်း ပြောရရင် Press conference လုပ်တာ ၁ နာရီလောက်မှာ ပြီးပါတယ်။ ၃ နာရီခွဲလောက်မှာ ကျနော်တို့ ပြန်ပြီး ဖုန်းရပါတယ်။ ကော်မရှင်က ဒီကန့်သတ်မှုတွေသည် ခွင့်မပြုဘူး ထုတ်ထားတဲ့အမိန့်တွေ အားလုံးကို ပယ်ဖျက်လိုက်ပါတယ်တဲ့။ ကျနော်တို့ နမ်းမတီးက ခွင့်မပြုတဲ့ဟာတွေကို ပယ်ပေးတယ်။ မကျသေးတဲ့ဟာတွေကို ခွင့်ပြုမယ်လို့ ပြောတယ်။ ဒီဟာတွေနဲ့ ပတ်သက်ပြီးတော့ သူတို့ ကန့်သတ်ချက်တွေ မရှိပါဘူးလို့ ပြောပါတယ်။ ဒီဟာနဲ့ပတ်သက်ပြီးတော့ ကျနော်က တယ်လီဖုန်းနဲ့ ဆက်ရတော့ အခုသိတာကို ရှင်းရှင်းလင်းလင်းတော့ ကျနော် မမေးရသေးပါဘူး။ ကျနော် မေးပြီးရင် ပြောပါ့မယ်။ NLD အပေါ်မှာ ကန့်သတ်ထားတာတွေကို လောလောဆယ် ဖယ်ပေးတယ်။ မဲဆွယ်စည်းရုံးရေးက အချက်အလက်တွေ ပါမပါကတော့ ကျနော် နောင်မှသိပါမယ်။ အဆင်ပြေသွားပါပြီလို့ ပြောချင်တာပါ။”
စည်းရုံးရေး ခရီးတွေအတွက် သက်ဆိုင်ရာ အားကစားကွင်းတွေကို လူထု စုရုံးဖို့ ရွေးကောက်ပွဲ ကော်မရှင်က အသုံးပြုခွင့် ပေးထားပေမဲ့ ပြည်ထောင်စု အားကစား ၀န်ကြီး ဦးတင့်ဆန်းက အသုံးပြုခွင့်ကို ပိတ်ပင် နေတယ်လို့လည်း ပါတီရဲ့ ပြောခွင့်ရ ဦးအုန်းကြိုင်က အခုလို ပြောပါတယ်။
“မန္တလေးမှာ ဗထူးကွင်းမှာလုပ်ဖို့ စီစဉ်ထားတယ်။ ကော်မရှင်က ခွင့်ပြုပေမဲ့လို့ ကွင်းအခက်အခဲကြောင့် ရွှေ့ဆိုင်းခဲ့ရတယ်။ လှည်းကူးကို သက်ဆိုင်ရာ အားကစားမှူးက ပေးထားပါတယ်။ ပေးထားပြီးတော့ အဲဒီနေ့ မနက်ပိုင်းကျတော့မှ အားကစားဝန်ကြီး ဦးတင့်ဆန်းကနေပြီးတော့ အားကစား ဘောလုံးကွင်းကို ဟောပြောပွဲကွင်းအဖြစ်နဲ့ အသုံးပြုခွင့် မပြုဘူးလို့ ပြောလာပါတယ်။ ဦးဉာဏ်ဝင်းကလည်း နေပြည်တော်ကို ရောက်နေတုန်း ဆိုတော့ အဲဒီမှာ ဦးဉာဏ်ဝင်းက နေပြည်တော်ကို ချက်ချင်းတင်ပြပါတယ်။ တင်ပြတော့မှ ကော်မရှင်ဥက္ကဋ္ဌက နေပြီးတော့ မူလအစီအစဉ်အတိုင်း လှည်းကူး ဘောလုံးကွင်းမှာ လုပ်ပါလို့ အမိန့်ပေးပါတယ်။ နောက် ဖျာပုံ ကျတဲ့အခါကျတော့ ကြိုတင် စီစဉ်ထားပြီးခါမှ ဖျာပုံ ဘောလုံးကွင်းကို သုံးခွင့်မရပါဘူး၊ အားကစားဝန်ကြီးက ကန့်သတ်တယ်လို့ ပြောတာနဲ့ပဲ ဖျာပုံမြို့နဲ့ နှစ်မိုင်လောက်ဝေးတဲ့ သဲကွင်းမှာ သွားပြီးတော့ ဟောပြောပွဲကို လုပ်ခဲ့ရပါတယ်။ မြစ်ကြီးနားဘက်ကို သွားဖို့ စီစဉ်ထားတယ်။ မိုးကောင်းမှာ ဒေါ်အောင်ဆန်းစုကြည် စည်းရုံး ဟောပြောဖို့ရှိတယ်။ အဲဒီမှာ နမ်းမတီးကွင်းကို ကျနော်တို့ တောင်းတဲ့အခါမှာ ကော်မရှင်ကနေပြီးတော့ လုံခြုံမှုမရှိလို့ အဲဒီကွင်းကို မပေးနိုင်ပါဘူးလို့ အဲဒီလို ပြောတာမျိုး၊ ၀န်ကြီး ဦးတင့်ဆန်းရဲ့ သားက မြောင်းမြမှာ ၀င်ပြီးတော့ အရွေးခံဖို့ရှိပါတယ်။ ကြံ့ခိုင်ဖွံ့ဖြိုးရေးက ဖြစ်နိုင်ပါတယ်။ အဲဒီမှာ သူက သူ အနိုင်ရလို့ရှိရင် ဆုပေးမယ် ဆိုတာမျိုး၊ ဥပမာ လမ်းခင်းပေးမယ်တို့၊ ဘာဆောက်ပေးမယ်တို့၊ ညာဆောက်ပေးမယ်တို့ ပြောတာမျိုးတွေဟာ ဒါဟာ ဥပဒေနဲ့ မညီညွတ်တဲ့အကြောင်း တင်ပြပြီးတော့ ကျနော်တို့ဘက်က အဲဒါတွေကို ပြည်သူသိအောင် တင်ပြတာ။”
ပါတီ ခေါင်းဆောင် ဒေါ်အောင်ဆန်းစုကြည်ရဲ့ ခရီးစဉ်တွေတင် မဟုတ်ဘဲ အန်အယ်လ်ဒီ ပါတီရဲ့ ကိုယ်စားလှယ်လောင်း တွေလည်း ခြိမ်းခြောက်ခံရမှုတွေ  ကန့်သတ်ခံရမှုတွေ ရှိနေပါတယ်။ အင်းတော် မြို့နယ်ရဲ့ အန်အယ်လ်ဒီ ကိုယ်စားလှယ်လောင်း ရွေးကောက်ပွဲ မဲဆွယ်မှု ပိတ်ပင်ခံရသလို မိတ္ထီလာက ပါတီရဲ့ ကိုယ်စားလှယ်လောင်း ဟာလည်း ပစ်စာတွေ ရေးသား ခြိမ်းခြောက် ခံရတယ်လိုလည်း ပါတီက ပြောပါတယ်။
ဒီအခြေအနေတွေကြောင့် လာမယ့် ကြားဖြတ် ရွေးကောက်ပွဲ  တရားမျှတမှု အပေါ်မှာ ဒေါ်အောင်ဆန်းစုကြည်က ဘယ်လို တုံ့ပြန် ပြောကြားသလဲ ဆိုတာကိုလည်း ဦးအုန်းကြိုင်က အခုလို ပြောပါတယ်။
“ဥက္ကဋ္ဌကတော့ သူ့ဆန္ဒကတော့ ပြည်သူလူထုနဲ့ တွေ့ချင်တယ်။ ပါတီ စည်းရုံးရေးလုပ်ငန်းတွေ ပြောချင်တယ်။ ပြီးတော့ ရွေးကောက်ပွဲ မဲဆွယ်လုပ်ငန်းတွေ ပြောချင်တယ်။ အဲဒါက တရားမျှတတဲ့ ရွေးကောက်ပွဲ ဖြစ်ဖို့၊ ဒီမိုကရေစီ သဘောတရားတွေပေါ့ဗျာ၊ ဒီမိုကရေစီ ကျင့်စဉ်တွေ ပိုပြီးတော့ ပျံ့နှံ့ဖို့။ သူက ဖြစ်နိုင်ရင်တော့ ရွေးကောက်ပွဲ လုပ်မယ့် ပြည်နယ်တိုင်း ၁၀ ခုက ရွေးကောက်ပွဲမှာ လစ်လပ်တဲ့နေရာဖြစ်တဲ့ ၄၈ နေရာ၊ အန်အယ်လ်ဒီ ၀င်ပြိုင်မယ့် ၄၈ နေရာ၊ မြို့နယ် ၄၈ မြို့နယ် အကုန်လုံးကို ရအောင် ကြိုးစားချင်ပါတယ်လို့ အဲဒီလိုတောင် ပြောပါတယ်။”
ရွေးကောက်ပွဲ မဲဆွယ်မှု ကန့်သတ်ခံရမှုတွေကို ကော်မရှင်ကို သုံးကြိမ် တင်ပြထားပြီး လူထုကို အခု ရှင်းပြတာ ဖြစ်တဲ့အကြောင်း၊ ဒါပေမဲ့ တရားဥပဒေကြောင်း အရ အမှုဖွင့်ဖို့တော့ အခြေအနေ မရှိသေးဘူးလို့လည်း ဒီကနေ့ သတင်းစာ ရှင်းလင်းပွဲမှာ ထုတ်ဖော် ပြောကြားပါတယ်။ အခု ကန့်သတ်မှုတွေဟာ အစိုးရအဖွဲ့ဝင် ၀န်ကြီး တစ်ဦးက လုပ်ဆောင်နေတာ ဖြစ်ပြီး အစိုးရအဖွဲ့က လုပ်ဆောင်နေတာလို့ မဆိုလိုဘူး လို့လည်း ဒီကနေ့ သတင်းစာ ရှင်းလင်းပွဲမှာ ဦးဉာဏ်ဝင်းက ထည့်သွင်း ပြောကြားသွားပါတယ်။

အာဆီယံ အကြီးအကဲ မြန်မာနိုင်ငံရောက်
By ကိုရန်နိုင်
အာဆီယံအတွင်းရေးမှူးချုပ် မစ္စတာ ဆူရင်းပစ်ဆူဝမ် မြန်မာနိုင်ငံကို ဒီကနေ့ ရောက်လာတဲ့ တချိန်တည်းမှာပဲ အာဆီယံအဖွဲ့အနေနဲ့ မြန်မာနိုင်ငံမှာ အများ ယုံကြည် လက်ခံနိုင်လောက်ပြီး ပွင့်လင်းမြင်သာတဲ့ အမျိုးသား ပြန်လည် သင့်မြတ်ရေးနဲ့ ငြိမ်းချမ်းရေး လုပ်ငန်းစဉ် ဖြစ်ပေါ်လာအောင် အားပေးသင့်တယ်လို့ မြန်မာနိုင်ငံ ဆိုင်ရာ အာဆီယံ လွှတ်တော်အမတ်များ အဖွဲ့ (AIPMC) က တိုက်တွန်းလိုက်ပါတယ်။ မြန်မာအစိုးရက ဖော်ဆောင်နေတဲ့ ပြုပြင်ပြောင်းလဲရေး လုပ်ငန်းစဉ်နဲ့ လူ့အခွင့်အရေးတွေ နဲ့ပတ်သက်ပြီး တိုးတက်မှု နှေးကွေးနေတာဟာ စိုးရိမ်စရာ ဖြစ်နေတုန်းပဲလို့ ပြောလိုက်ပါတယ်။ ဒီအကြောင်းနဲ့ ပတ်သက်ပြီးတော့ စုံစမ်းမေးမြန်းထားတဲ့ ကိုရန်နိုင်က ပြောပြပေးမှာ ဖြစ်ပါတယ်။
အာဆီယံအဖွဲ့အနေနဲ့ မြန်မာအစိုးရက ဖော်ဆောင်နေတဲ့ ပြုပြင်ပြောင်းလဲရေး လုပ်ငန်းစဉ်တွေ သေချာ အခိုင်အမာ ဖြစ်လာနိုင်ဖို့အတွက် အကူအညီပေးသင့်တယ် မြန်မာနိုင်ငံဆိုင်ရာ အာဆီယံ လွှတ်တော် အမတ်များအဖွဲ့ (AIPMC) အဖွဲ့ ပြောခွင့်ရပုဂ္ဂိုလ် Agung Putri Astrid က ပြောလိုက်ပါတယ်။
“ဒေါက်တာ ဆူရင်းပစ်ဆူဝမ် အနေနဲ့ မြန်မာနိုင်ငံမှာ အများ ယုံကြည် လက်ခံနိုင်လောက်ပြီး ပွင့်လင်း မြင်သာတဲ့ အမျိုးသား ပြန်လည် သင့်မြတ်ရေး နဲ့ ငြိမ်းချမ်းရေး လုပ်ငန်းစဉ် ဖြစ်ပေါ်လာအောင် အားပေးသင့်ပါတယ်။ မစ္စတာ ဆူရင်း မြန်မာနိုင်ငံကို သွားရောက်တာဟာ အာဆီယံဥက္ကဋ္ဌ တစ်ယောက် ဖြစ်တဲ့ သူ့အတွက်တော့ အလွန်ကို အရေးပါတဲ့ အခွင့်အလမ်းတစ်ရပ် ဖြစ်ပါတယ်။ အာဆီယံအနေနဲ့ မြန်မာနိုင်ငံရေးမှာ ပါဝင်ပတ်သတ်နေတဲ့ သူတွေ အားလုံးနဲ့ ကျိန်းသေ ဆွေးနွေးနိုင်ဖို့အပြင် အာဆီယံအဖွဲ့ရဲ့ အခန်းကဏ္ဍကိုလည်း အပြည့်အ၀ အသုံးပြုရမှာ ဖြစ်ပါတယ်။ ဒါ့အပြင် မြန်မာနိုင်ငံအနေနဲ့ ဒီမိုကရေစီ အပြည့်အ၀ ဖြစ်လာဖို့အတွက် အသွင်ကူးပြောင်းမှုတွေ တိုးတက်လာဖို့အတွက် အစိုးရကိုလည်း အကူအညီ ပေးသွားလိုပါတယ်။”
အာဆီယံ အတွင်းရေးမှူးချုပ် ဒေါက်တာ ဆူရင်ပစ်ဆူဝမ်ဟာ မြန်မာနိုင်ငံကို ၂ ရက်ကြာ ခရီးအဖြစ်နဲ့ ဒီကနေ့မှာ စတင် ရောက်လာတာ ဖြစ်ပါတယ်။ မြန်မာ နိုင်ငံခြားရေး ၀န်ကြီး ဦးဝဏ္ဏမောင်လွင်က မြန်မာနိုင်ငံမှာ လက်ရှိ ဖြစ်ပေါ် တိုးတက်နေတဲ့ အခြေအနေတွေနဲ့ ပတ်သက်ပြီးတော့ လေ့လာဖို့အတွက် ဖိတ်ကြားချက်နဲ့ အခုလို လာရောက်ခဲ့တာ ဖြစ်ပါတယ်။
သမ္မတဦးသိန်းစိန်ရဲ့ အစိုးရသစ်က ပြုပြင်ပြောင်းလဲရေး လုပ်ငန်းတွေ လုပ်ဆောင်နေတယ် ဆိုပေမဲ့လည်း တဘက်မှာလည်း မြန်မာအစိုးရရဲ့ ပြုပြင်ပြောင်းလဲရေး လုပ်ငန်းစဉ်တွေဟာ စိုးရိမ်နေရဆဲဖြစ်ကြောင်း မစ္စ် Agung Putri Astrid က ပြောပါတယ်။
“လက်ရှိဖြစ်ပေါ်နေတဲ့ အပြောင်းအလဲတွေ အပေါ်မှာ ကျမတို့ အသိအမှတ် ပြုပါတယ်။ ဒါပေမဲ့ သမ္မတ ဦးသိန်းစိန်ရဲ့ မူဝါဒတွေဟာ သိပ်ပြီးတော့ ခိုင်မာမှုမရှိတဲ့ မူဝါဒတွေ အပေါ်မှာ တည်ဆောက်ထားတယ် ဆိုတာကိုလည်း ကျမတို့အနေနဲ့ ရှင်းရှင်းလင်းလင်း ပြောချင်ပါတယ်။ မြန်မာနိုင်ငံမှာ ခိုင်မာတည်ငြိမ်တဲ့ ဒီမိုကရက်တစ် အဖွဲ့အစည်းတွေကို ကျမတို့ မတွေ့ရပါဘူး။ အစိုးရတွင်းမှာရော ပါလီမန်အတွင်းမှာရော ၊ တခြား တနိုင်ငံလုံးမှာ ရှိတဲ့ အဖွဲ့အစည်းတွေမှာပါ မတွေ့ရသေးပါဘူး။ နိုင်ငံရေးမှာရော စီးပွားရေးမှာပါ တကယ်တမ်း အပြောင်းအလဲကို ဖော်ဆောင်ချင်တယ် ဆိုရင်တော့ ဒီမိုကရေစီစနစ်ကို အခိုင်အမာ တည်ဆောက်ဖို့ လိုပါတယ်။ ဒါကြောင့် လက်ရှိ ဖြစ်ပေါ်နေတဲ့ အပြောင်းအလဲတွေကလွဲပြီး ကျန်တဲ့ကိစ္စတွေမှာတော့ အာဆီယံအဖွဲ့ဟာ စိုးရိမ်မှုတွေ ရှိနေတုန်းပဲ ဖြစ်ပါတယ်။”
မြန်မာအစိုးရက တိုင်းရင်းသား လက်နက်ကိုင် အဖွဲ့တွေနဲ့ အပစ်အခတ် ရပ်စဲရေးတွေ လုပ်ပြီး ငြိမ်းချမ်းရေး အတွက် ဆွေးနွေး ပြောဆိုတာတွေ ရှိနေပေမဲလည်း တိုက်ပွဲတွေ ဆက်ဖြစ်နေတာ အဲဒီကနေ လူ့အခွင့်အရေး ချိုးဖောက်မှုတွေကို ဆက်ပြီး ကျူးလွန်တာတွေ ဖြစ်စေတယ်လို့ သူမက ပြောပါတယ်။
“မြန်မာအစိုးရနဲ့ တိုင်းရင်းသား အဖွဲ့တွေကြား ငြိမ်းချမ်းရေး ပြောဆိုဆွေးနွေး နေတာတွေဟာ အတော်လေးကို မြန်မြန်ဆန်ဆန်နဲ့ ဖြစ်နေတာကို ကျမတို့ တွေ့နေပါတယ်။ ဒါပေမဲ့ တဘက်မှာလည်း အဲဒီလို ဆွေးနွေးပြောဆိုတာဟာ တဘက်နဲ့ တဘက် အပြန်အလှန် သဘောတူညီမှုတွေ မရတာတွေကိုလည်း ကျမတို့ တွေ့နေရပါတယ်။ ဒီလုပ်ငန်းစဉ်တွေကို ဖော်ဆောင်တဲ့နေရာမှာ အစိုးရဘက်မှာလည်း ပွင့်လင်းမြင်သာမှု မရှိသလို ဘယ်လိုပုံစံမျိုးနဲ့ လုပ်မယ်ဆိုတဲ့ ရှင်းလင်းပြတ်သားတဲ့ အခြေခံမူ မရှိတာကိုလည်း တွေ့ရပါတယ်။ မြန်မာအစိုးရအနေနဲ့ တိုင်းရင်းသား ပြဿနာနဲ့ ပတ်သက်ပြီးတော့ ကျယ်ကျယ်ပြန့်ပြန့် ဖြေရှင်းဆောင်ရွက်မယ့် နည်းလမ်းတွေလိုအပ်ပါတယ်။ ဘာလို့လဲဆိုတော့ ဒီတိုင်းရင်းသားအရေး ကိစ္စက လူ့အခွင့်အရေး ချိုးဖောက်မှုတွေနဲ့ ဆက်စပ်နေလို့ ဖြစ်ပါတယ်။”
အာဆီယံအတွင်းရေးမှူးချုပ်ဟာ သူ့ရဲ့ ခရီးစဉ်အတွင်း မြန်မာအစိုးရ ထိပ်တန်း တာဝန်ရှိသူတွေနဲ့ နေပြည်တော်မှာ တွေ့ဆုံသွားဖို့ရှိသလို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့လည်း တွေ့ဆုံသွားဖို့ ရှိနေပါတယ်။ မြန်မာအစိုးရနဲ့ တွေ့ဆုံဆွေးနွေးစဉ်အတွင်းမှာ လာမယ့် ၂၀၁၄ ခုနှစ် ကျရင် မြန်မာနိုင်ငံအနေနဲ့ အာဆီယံ အလှည့်ကျ ဥက္ကဋ္ဌအဖြစ် ဆောင်ရွက်မယ့်ကိစ္စကို ဆွေးနွေးတဲ့အခါမှာ မြန်မာနိုင်ငံအနေနဲ့ အာဆီယံရဲ့ ပဋိညာဉ်ကို လိုက်နာပြီး အဖွဲ့ရဲ့ ဂုဏ်ကို ဆောင်နိုင်ဖို့ ဆွေးနွေးသွားဖို့ လိုတယ်လို့လည်း AIPMC က တိုက်တွန်းပါတယ်။ မစ္စတာ ဆူရင်း အနေနဲ့ သူ့ရဲ့ ဒီခရီးစဉ်အတွင်းမှာ အာဆီယံ အလှည့်ကျဥက္ကဋ္ဌ အဖြစ် ဆောင်ရွက်မယ့်ကိစ္စအပြင် ၂၀၁၃ ခုနှစ် မြန်မာနိုင်ငံမှာ ကျင်းပမယ့် အာဆီယံ အရှေ့တောင်အာရှ နိုင်ငံများ အားကစားပွဲကိစ္စ နဲ့ပတ်သက်ပြီးတော့ ဆွေးနွေး ပြောဆိုသွားဖို့ ရှိတယ်လို့ ပြောပါတယ်။

ပြည်ခိုင်ဖြိုး အနိုင်ရရေး ရပ်/ကျေး အုပ်ချုပ်ရေးမှူးများကို ဖိအားပေး
ကျော်ခ | သောကြာနေ့၊ ဖေဖေါ်ဝါရီလ ၁၇ ရက် ၂၀၁၂ ခုနှစ် ၁၉ နာရီ ၃၇ မိနစ်

ချင်းမိုင် (မဇ္ဈိမ) ။       ။ မြောင်းမြမြို့နယ်ရှိ ရပ်ကွက်နှင့်ကျေးရွာအားလုံးတွင် လာမည့် ကြားဖြတ်ရွေးကောက်ပွဲ၌ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ မဲအနိုင်မရပါက အဆိုပါ ရပ်/ကျေး အုပ်ချုပ်ရေးမှူးများကို ရာထူးမှ အနားယူဖို့ ပြင်ထားရန် မြောင်းမြမြို့နယ်အုပ်ချုပ်ရေးမှူး က ပြောဆိုကြောင်းသိရသည်။

ဧရာဝတီတိုင်း၊ မြောင်းမြမြို့ အမှတ် ၄ ရပ်ကွက်ရှိ မြရွှေဝါ ခန်းမကြီးတွင် ကြာသာပတေးနေ့က ပြုလုပ်သော ရပ်/ကျေး အုပ်ချုပ်ရေးမှူးများ အစည်းအဝေးတွင် မြို့နယ်အုပ်ချုပ်ရေးမှူး ဦးကိုကိုလတ် က တက်ရောက်လာသော ရပ်/ကျေး အုပ်ချုပ်ရေးမှူး တရာကျော်ကို ယင်းသို့ပြောဆိုကြောင်း တက်ရောက်ခဲ့သူများထံမှ သိရသည်။

“လာမယ့် ကြားဖြတ်ရွေးကောက်ပွဲမှာ ကြံ့ခိုင်ရေးမနိုင်ရင် မနိုင်တဲ့ ရပ်ကွက်၊ ကျေးရွာက လူတွေ ဖျာလိပ်ဖို့ ပြင်ထားလို့ ဦးကိုကိုလတ် က အစည်းအဝေးမှာ ဗြောင်ပြောသွားတယ်” ဟု အစည်းအဝေးတက်ရောက်ခဲ့သူ ကျေးရွာစု အုပ်ချုပ်ရေးမှူး တဦးက မဇ္ဈိမကို ပြောသည်။

အဆိုပါ ရပ်/ကျေး အစည်းအဝေးကို NLD ဥက္ကဋ္ဌ ဒေါ်အောင်ဆန်းစုကြည် ၏ ပထမအကြိမ် ဧရာဝတီတိုင်း စည်းရုံးရေး ခရီးအဖြစ် ဖေဖေါ်ဝါရီလ ၈ ရက်နေ့က မြောင်းမြမြို့ကို ရောက်ရှိခဲ့အပြီး တပါတ်အကြာတွင် ကျင်းပခဲ့ခြင်းဖြစ်သည်။

အစည်းအဝေးသို့ မြောင်းမြမြို့ပေါ်ရှိ ရပ်ကွက် ၁၄ ရပ်ကွက်လုံးမှ ရပ်ကွက် အုပ်ချုပ်ရေးမှူးများနှင့် မြို့နယ်အတွင်းရှိကျေးရွာ အုပ်စု ၁၁၆ စုမှ ကျေးရွာအုပ်ချုပ်ရေးမှူးများ တက်ရောက်ခဲ့ကြသည်။

ဦးကိုကိုလတ် ၏ အဆိုပါ စကားကို မကျေနပ်သူ ကျေးရွာအုပ်ချုပ်ရေးမှူး ၅ ဦးက ရာထူးမှ နှုတ်ထွက်ရန် ပြင်ဆင်နေကြပြီး မြောင်းမြမြို့ပေါ်ရှိ NLD ရုံးတွင် အဖွဲ့ဝင်လျှောက်လွှာများ သွားရောက်တင်ထားခဲ့ကြောင်း ကာယကံရှင်များ က ပြောသည်။

“လာမယ့် ဖေဖေါ်ဝါရီ ၂ဝ ရက်နေ့ကျရင်တော့ ကျနော်တို့ ဒီကျေးရွာ အုပ်ချုပ်ရေးမှူး ရာထူးကနေ နှုတ်ထွက်ကြမှာပါ NLD ရုံးမှာတော့ သွားတင်ထားတာပဲ။ သူတို့ကလည်း မေးမြန်းစုံစမ်းပြီးတော့ ကျနော်တို့ ဖေါင်(ပုံစံ)တွေ ဖြည့်ခဲ့ပြီးပါပြီ” ဟု အခြား ကျေးရွာ အုပ်ချုပ်ရေးမှူး တဦးက ပြောသည်။

မြောင်းမြမြို့ NLD ရုံးအဖွဲ့မှူး ဦးဝင်းဆွေ ကလည်း “ဟုတ်တယ် အစည်းအဝေးပြီးတာနဲ့ သူတို့ ဒီမှာလာပြီး အဖွဲ့ဝင်ဖို့ဖောင်လာ ဖြည့်တယ် ကျနော်တို့ လုပ်ပေးလိုက်ပါတယ်။ ဒီရုံးက ထောက်ခံချက်လည်း ယူသွားတယ်။ နောက်တပတ် ရုံးဖွင့်ရက်မှာ အဲဒါကိုပြပြီးတော့ နှုတ်ထွက်စာ တင်မလို့တဲ့” ဟု သူက မဇ္ဈိမကို ပြောသည်။

ဖေဖေါ်ဝါရီ လဆန်းပိုင်းက မြောင်းမြမြို့သို့ ရွေးကောက်ပွဲအောင်နိုင်ရေး စည်းရုံးရေး ခရီးစဉ်ဖြင့် ရောက်ရှိလာသည့်ဒေါ်အောင်ဆန်းစုကြည် က NLD ပါတီ၏ မူဝါဒများဖြစ်သည့် တရားဥပဒေ စိုးမိုးရေး၊ ပြည်တွင်းငြိမ်းချမ်းရေးနှင့်ပြည်သူများအကျိုးအတွက် ပြင်ဆင်ရန်လိုအပ်နေသည့် ၂ဝဝ၈ အခြေခံဥပဒေတချို့ကို ပြင်ဆင်ရေး စသည့် ရည်ရွယ်ချက်များကို မြောင်းမြမြို့ခံများကို ရှင်းလင်းပြောဆိုခဲ့သည်။

ထို့အတူ ဆင်းရဲမွဲတေမှု တိုက်ဖျက်နိုင်ရေးအတွက် ပြည်သူလူထု အလုပ်အကိုင်ရရှိရေး၊ ပညာရေးနှင့် ကျန်းမာရေး ဖွံ့ဖြိုးမှုများ လုပ်ဆောင်ပေးရန် ပါတီအနေဖြင့် ရည်ရွယ်ထားကြောင်း ဒေသခံတွေမိန့်ခွန်းပြောကြားရာတွင် ထည့်သွင်းပြောဆိုခဲ့သည်။

NLD က မြောင်းမြမြို့နယ်တွင် ၁၉၉ဝ ရွေးကောက်ပွဲတွင် ဝင်ရောက်ယှဉ်ပြိုင်ခဲ့သည့် အမတ်ဟောင်း ဦးဂျော်နီ ကပြန်လည်၍ ဝင်ရောက်ယှဉ်ပြိုင်မှာဖြစ်ပြီး မြို့နယ်နှင့် ကျေးရွာမဲအောင်နိုင်ရေး အဖွဲ့များ ဖွဲ့စည်းကာ နယ်လှည့် မဲဆွယ် စည်းရုံးမှုများ လုပ်ဆောင်နေလျက်ရှိကြောင်း မြောင်းမြ မြို့နယ် NLD ရုံးမှ သိရှိရသည်။

တိုင်ရီပဋိပက္ခ ဝါဏိဇ္ဇကို တင်မည်
ကိုပေါက် | တနင်္လာနေ့၊ ဖေဖေါ်ဝါရီလ ၂၀ ရက် ၂၀၁၂ ခုနှစ် ၂၃ နာရီ ၂၀ မိနစ်

နယူးဒေလီ (မဇ္ဈိမ) ။        ။ ရန်ကုန်တိုင်း၊ လှိုင်သာယာ စက်မှုဇုန်ရှိ တိုင်ရီဖိနပ်စက်ရုံမှ အလုပ်သမားများ၏ အခြေခံရပိုင်ခွင့် တောင်းဆိုချက်များအား ဝါဏိဇ္ဇပဋိပက္ခကော်မတီ ခုံရုံးသို့ ဗုဒ္ဓဟူးနေ့တွင် တင်သွင်း လျှောက်ထားတော့မည်ဟု သိရသည်။

အလုပ်သမား ၁၈၄၅ ဦး၏ တနင်္လာနေ့က သဘောတူဆုံးဖြတ်ချက်အရ မရမ်းကုန်းမြို့နယ် ဝါဏိဇ္ဇခုံရုံးသို့ တင်သွင်းမည် ဖြစ်ကြောင်း အလုပ်သမားများအား ကူညီဆောင်ရွက်ပေးနေသူ ရှေ့နေ ဦးဖိုးဖြူ က ပြောသည်။

“တင်သွင်းခွင့် ရမယ်ဆိုတဲ့အမိန့်စာ ကျနော်တို့လက်ထဲကို ရောက်လာတယ်ခင်ဗျ။ စာရွက်စာတန်းတွေနဲ့ အထောက် အထားတွေ ပြင်ဆင်နေတုန်း ရရှိလာတဲ့အတွက် အလုပ်သမား တော်တော်များများကလည်း ဝမ်းသာကြတယ်။ သဘက်ခါ ၁၀ နာရီလောက် တင်မယ်ခင်ဗျ” ဟု မဇ္ဈိမကို ပြောသည်။

၁၄ ရက်တာ သပိတ်မှောက် အလုပ်သမားများ၏

၂၀၁၀ ခုနှစ် ဖေဖေါ်ဝါရီလတွင် လှိုင်သာယာ စက်မှုဇုန် ၃ ရှိ စက်ရုံများတွင် လုပ်ခလစာ တိုးမြှင့်ပေးရန် အလုပ်သမားများ ဆန္ဒပြကြသည်ကို တွေ့ရစဉ် (ဓါတ်ပုံ မဇ္ဈိမ)

တောင်းဆိုချက်များဖြစ်သည့် လုပ်ခ တနာရီလျှင် ၁၅၀ ကျပ်၊ ရက်မှန်ကြေး ၈၀၀၀ ကျပ် ပေးရေး အပါအဝင် အခြား လူမှုဖူလုံရေးနှင့် လုပ်ငန်းခွင် သာယာရေး တောင်းဆိုချက်များ အား အလုပ်ရှင်ဘက်မှ လိုက်လျောခြင်း မရှိသေးပေ။

ဖေဖေါ်ဝါရီ ၆ ရက်နေ့က စတင်ခဲ့သော ထိုင်သပိတ်ဆန္ဒပြပွဲအား အာဏာပိုင်များဘက်မှ နှောက်ယှက်မှုတစုံတရာ မရှိခဲ့သော်လည်း တနင်္လာနေ့တွင်မူ လုံခြုံရေးရဲ၏ ထူးခြားချက်များ တွေ့လာရကြောင်း ဦးဖိုးဖြူကပြောသည်။

“ရဲအင်အားက အများကြီးတော့ မဟုတ်ပေမယ့် ဆိုင်ကယ်ဟိုဘက်ထိပ် ၇ စီး၊ ဒီဘက်ထိပ် ၇ စီးနဲ့ ဝတ်စုံပြည့် စစ်ရဲတွေ ၁၄ ယောက်လောက် ရှိတယ်ခင်ဗျ။ အရင်ရက်တွေက တုတ်တွေ မပါပေမယ့် ဒီနေ့တော့ တုတ်တွေ ပါလာတာကိုတွေ့ရတယ်ခင်ဗျ” ဟု ပြောသည်။

ယခုကဲ့သို့ တရားဥပဒေကြောင်းအရ အရေးဆိုမည်ဆိုပါက ဆက်လက်သပိတ်မှောက်ခွင့် မရှိတော့ကြောင်းနှင့် ဥပဒေအရ အကန့်အသတ်များလည်း ရှိနေကြောင်း “လူလည်း အဖြိုခွဲခံရမယ်။ ဝါဏိဇ္ဇကို သွားဖို့လမ်းလည်း အပိတ်ပင်ခံရမယ့်လမ်းကို အများစုက မရွေးချယ်ကြဘူးခင်ဗျ။ ဒါကို မကောင်းဘူးလို့ ဝေဖန်နေကြသူတွေကို ဒါကို မလုပ်ရင် ဘာကိုရွေးချယ်မလဲ။ အဲဒီရွေးချယ်မှုက ရလာတဲ့ ဆိုးကျိုးကောင်းပြစ် ရလဒ်တွေကို ဘယ်သူက တာဝန်ခံမလဲဆိုတဲ့ ကိစ္စကို ကျနော်က မေးခွန်းထုတ်ချင်ပါတယ်ဗျာ” ဟု ဦးဖိုးဖြူက ပြောသည်။

“အငြင်းပွားတဲ့ ကိစ္စရပ်တွေကို ဥပဒေကြောင်းအရ ဖြေရှင်းဖို့အတွက် ဆိုလွှာ၊ ချေလွှာတွေကို ခုံရုံးကနေ ကြားနာတာပဲဖြစ်ပါတယ်။ ခုံရုံးမှာ နှစ်ဖက် အပြန်အလှန် ခုခံချေပကြတဲ့ တင်သွင်းမှုတွေ ပြုလုပ်ကြတာ။ အရင်တုန်းက အလုပ်ရှင်/ အလုပ်သမား မှုခင်းတွေ ပြေလည်တာတွေလည်း ရှိတယ်။ မကျေနပ်ကြဘဲနဲ့ တိုင်းကို တက်ပြီး အယူခံဝင်ရတဲ့ အမှုခင်းတွေလည်း ရှိပါတယ်” ဟု ဦးဖိုးဖြူက ပြောသည်။

အလုပ်သမားများအား ဥပဒေရေးရာနှင့် ပတ်သက်၍ ဦးဖိုးဖြူအပြင် ဒူးဝါးခွန်မားမိုင်နှင့် ဥပဒေ လုပ်ဖော်ကိုင်ဖက်များ၊ရှေ့နေရှေ့ရပ် အသိုင်းအဝိုင်းက ကူညီဆောင်ရွက်ပေးနေကြကြောင်း သိရသည်။

တိုင်ရီစက်ရုံသည် တရုတ်နိုင်ငံသားပိုင် စက်ရုံဖြစ်ပြီး အခြေခံလစာ၊ အချိန်ပိုကြေးနှင့် အခြား တင်းကြပ်သည့် စည်းမျဉ်းများကြောင့် ၂၀၁၀ ခုနှစ်မှ စတင်ကာ ၃ နှစ်ဆက်တိုက် အလုပ်သမားများ၏ ဆန္ဒပြ တောင်းဆိုမှုများဖြင့် ကြုံတွေ့ ခဲ့ရပြီး ယခုအကြိမ် ဆန္ဒပြမှုသည် ရက်အရှည်ကြာဆုံး ဖြစ်သည်။