20.02.2012 နေ့ဖတ်ရန်သတင်းများ

by Myanmar Journal on Monday, February 20, 2012 at 6:15am ·

 
တရုတ်ဒုတိယသမ္မတ အိုင်ယာလန်ကိုရောက်ရှိ

အိုင်ယာလန်နဲ့ ပူးပေါင်း ဆောင်ရွက်ဖို့ အတွက် စိတ်ဝင်စားတယ်လို့ ပြောပါတယ်
တရုတ် ဒုတိယ သမ္မတ ရှီ ဂျင်ပင်းဟာ အိုင်ယာလန်နိုင်ငံနဲ့ စီးပွားရေးဆိုင်ရာ ပူပေါင်း ဆောင်မှုတွေ လုပ်နိုင်ရေး အလားအလာတွေ အတွက် စုံစမ်းလေ့လာဖို့ အိုင်ယာလန်နိုင်ငံ ကိုရောက်ရှိနေပါတယ်။
တရုတ်နိုင်ငံရဲ့ နောက်တက်မယ့် ခေါင်းဆောင်လို့ ယူဆရတဲ့ မစ္စတာရှီက တရုတ်နိုင်ငံအနေနဲ့ ဥရောပမှာ အခုလက်ရှိ ရင်ဆိုင်နေရတဲ့ စီးပွားရေး ပြဿနာတွေကို ကူညီ ဖြေရှင်းပေးဖို့ ဆန္ဒရှိ တယ်လို့ ပြောကြားပါတယ်။

အထူးသဖြင့်တော့ ဇီဝနည်းပညာ၊ စိုက်ပျိုးမွေးမြူရေးနဲ့ ဆက်သွယ်ရေးလုပ်ငန်းတွေမှာ အိုင်ယာလန်နဲ့ ပူးပေါင်းပြီး ဆောင်ရွက်ဖို့အတွက် စိတ်ဝင်စားတယ်လို့ ပြောပါတယ်။
မစ္စတာ ရှီဟာ စီးပွားရေး လုပ်ငန်းရှင် ၁၅၀ နဲ့အတူ ဝါရှင်တန်က အစည်းအဝေးကို တက်ရောက်ခဲ့ပြီး အပြန်မှာ ဥရောပသမဂ္ဂ အဖွဲ့ဝင် အိုင်ယာလန်နိုင်ငံကို တထောက် ဝင်ခဲ့တာ ဖြစ်ပါတယ်။

အီရန် နျူးကလီးယား အစီအစဉ် တိုးချဲ့မယ့်ပုံရှိ
အီရန် သမ္မတ နယူး ကလီးယား စက်ရုံတွေ လှည့်လည် ကြည့်ရှု
အီရန်က ယူရေနီယံ သန့်စင်ရာမှာ မရှိ မဖြစ် လိုအပ်တဲ့ စက်ပစ္စည်း အမြောက် အမြားကို ကွမ်းမြို့နားက မြေအောက် နျူး ကလီးယား စက်ရုံ တခုမှာ တပ်ဆင်ဖို့ အသင့် ဖြစ်နေပြီလို့ အိုင်အေအီးအေ သံတမန် တယောက်က ပြောလိုက်ပါတယ်။
ရာနဲ့ချီတဲ့ စင်ထရီဖြူ ကိရိယာတွေကို တပ်ဆင် ပြီးတဲ့ အခါ အီရန် အနေနဲ့ ယူရေနီယံ သြဇာ ဖြည့် လုပ်ငန်းတွေကို သိသိသာသာ အရှိန်မြှင့် လုပ်ဆောင်နိုင်မှာ ဖြစ်ပါတယ်။
အစောပိုင်းကတော့ ဗြိတိသျှ နိုင်ငံခြားရေး ဝန်ကြီး ဝီလီယံဟိတ်က အီရန်မှာ နျူးကလီး ယား နည်းပညာ ရှိသွားပြီ ဆိုရင် အရှေ့ အလယ်ပိုင်းက တခြား နိုင်ငံတွေကလည်း နျူးကလီးယား အပြိုင် တပ်ဆင်တာမျိုး ဖြစ်လာနိုင်တယ်လို့ သတိပေးလိုက်ပါတယ်။
သန့်စင်ထားတဲ့ ယူရေနီယံဟာ စွမ်းအင် ထုတ်လုပ်တဲ့ နေရာမှာ သုံးနိုင်သလို လက်နက် ထုတ်လုပ်ဖို့လည်း သုံးနိုင်ပါတယ်။
တဘက်မှာ ခုရက်ပိုင်းတွေ အတွင်းမှာ အီရန် သမ္မတ အာမက် ဒီနေဂျက်က အီရန်ဟာ တိုးတက်မှုကြီးတွေ ရနေပြီဆိုပြီး ထုတ်ဖော် ပြောဆိုခဲ့ပါတယ်။
နိုင်ငံတကာက အီရန်ကို နျူးကလီးယား သန့်စင်မှုတွေ ရပ်ဖို့ ဖိအား ပေးနေပေမယ့် ခု ရထားတဲ့ စင်ထရီဖြူ ကိရိယာတွေ တပ်ဖို့ ပြင်နေပြီဆိုတဲ့ သတင်းတွေ အတည်ဆိုရင် အီရန်ဟာ နိုင်ငံတကာက ဖိအားပေးမှုတွေကို နားထောင်ပုံ မရတာကို ပြနေပါတယ်။
အီရန် နိုင်ငံသား အများ အပြားကတော့ သူတို့ နိုင်ငံ နျူးကလီးယား နည်းပညာ ပိုင်တဲ့ နိုင်ငံ ဖြစ်လာမှာကို ဂုဏ်ယူနေပါတယ်။
တချို့ကလည်း ဂျပန်ပုံစံမျိုး၊ နျူးကလီးယားလက်နက် လက်ဝယ်ပိုင်ဆိုင်တာမျိုး မဟုတ်ပဲ နည်းပညာ ပိုင်ထားပြီး ထုတ်ချင်တဲ့ အချိန် ကောက်ထုတ်လို့ ရတဲ့ အနေ အထားကိုလည်း စဉ်းစားကောင်း စဉ်းစားနေနိုင်ပါတယ်။

ဆီးရီးယားက ၁၁ လကြာ အကြမ်းဖက်မှုတွေ ကြောင့် လူပေါင်း ထောင်နဲ့ချီ သေဆုံးခဲ့ပြီဆီးရီးယားဆိုင်ရာ အီဂျစ်သံအမတ်ကို ပြန်ခေါ်
ဆီးရီးယား နိုင်ငံဆိုင်ရာ အီဂျစ်သံအမတ်ကို အီဂျစ်နိုင်ငံက ပြန်ခေါ်လိုက်ပြီ ဖြစ်ပါ တယ်။ အီဂျစ်လူထုကြားမှာလည်း အခုလို ပြန်ခေါ်ဖို့ အတွက် သဘောထားတွေ များလာနေတာကို အစိုးရက တုံ့ပြန် ဆောင်ရွက်လိုက်တာလည်း ဖြစ်ပါတယ်။
ပင်လယ်ကွေ့နိုင်တွေရဲ့ ဆီးရီးယား ကိုယ်စား လှယ် အဖွဲ့ကို ဆီးရီးယား ကနေ ပြန်ရုပ်ခဲ့ပြီး ဆီးရီးယား သံအမတ်တွေကို အခုလ အစောပိုင်းက မောင်းထုတ်ခဲ့ပြီး နောက် အခု အီဂျစ်သံအမတ်ကို ပြန်ခေါ်တာကိုကြည့်ရင် ဒါဟာ ဆီးရီးယား သမ္မတ ဘာရှား အဲလ်အာဆတ်အပေါ် ဖိအားပေးမှုတွေ တိုးပွားလာ နေတာ ဖြစ်တယ်လို့ ရှု့မြင်ရပါတယ်။
ဆီးရီးယားနိုင်ငံထဲမှာတော့ နိုင်ငံပိုင် သတင်းအေဂျင်စီကနေ နိုင်ငံ အနောက်မြောက်ဘက် ပိုင်းမှာ အမှုလိုက် ရှေ့နေတဦးနဲ့ တရားသူကြီးတဦး သတ်ဖြတ်ခံလိုက် ရတယ်လို့ ကြေညာသွားပါတယ်။
အဲဒီသတင်းဌာနရဲ့ အဆိုအရ လက်နက်ကိုင် အကြမ်းဖက် အုပ်စုတွေက အစ်ဒ်လစ်ဘ် မြို့ကို သွားနေတဲ့ ရှေ့နေနဲ့ တရားသူကြီးတို့ရဲ့ ယာဉ်ကို သေနတ်နဲ့ ဝိုင်းပစ်ခဲ့တာ ဖြစ်တယ်လို့ ဆိုပါတယ်။
ဒါပေမယ့်လည်း အတိုက်အခံ တက်ကြွလှုပ်ရှားသူတွေကတော့ ဒါဟာ အစိုးရ လုံခြုံရေး တပ်ဖွဲ့တွေရဲ့ လုပ်ကြံ သတ်ဖြတ်မှု ဖြစ်တယ်လို့ စွပ်စွဲပြောကြားပါတယ်။
အစိုးရတပ်ဖွဲ့တွေဟာ ဟုမ်းစ်မြို့ကိုလည်း အမြောက်တွေနဲ့ ထပ်မံ ပစ်ခတ်နေတယ်လို့ တက်ကြွလှုပ်ရှားသူတွေက ပြောပါတယ်။
နိုင်ငံရဲ့ တတိယအကြီးဆုံး မြို့ဖြစ်တဲ့ အဲဒီ ဟုမ်းစ်မြို့မှာ Free Syrian Army လို့ခေါ်တဲ့ ဆီးရီးယားလွတ်မြောက်ရေး တပ်ဖွဲ့တွေ ခြေကုပ်ယူထားကြတာ ဖြစ်ပါတယ်။

မွန်ပြည်သစ် တပ်သားများ စစ်ရေး လေ့ကျင့်မွန်ပြည်သစ်ပါတီ အရေးပေါ်အစည်းအဝေး ကျင်းပ
မွန်ပြည်သစ် ပါတီရဲ့ အရေးပေါ် ဗဟို ကော်မတီ အစည်းအဝေး ကျင်းပနေရာမှာ ဖေဖော်ဝါရီ ၁ ရက် ကဆွေးနွေးထားတဲ့ အ စိုးရနဲ့ ဘဘော တူညီချက်တွေကို ဆွေးနွေး နေပါတယ်။
အပစ် အခတ် ရပ်စဲရေး နဲ့ ပတ်သက်ပြီး မွန် ပြည်သစ် ပါတီရဲ့ အဌမအကြိမ် ပါတီ ညီလာခံရဲ့ မူ ၃ ချက်ရှိပါတယ်။
တပြည်လုံး အပစ်အခတ် ရပ်ဆဲရေး၊ နိုင်ငံရေး အရ အမြန်ဆုံး တွေ့ဆုံရေး နဲ့ တိုင်းရင်းသား အဖွဲ့တွေ စုပေါင်း တွေ့ဆုံရေးတွေ ဖြစ်ပါတယ်။
ဒီအချက်တွေကို စံထားပြီးတော့ အခု အစိုးရနဲ့ သဘော တူထားတဲ့ အချက်တွေကို ဆွေး နွေးကြမှာ ဖြစ်တယ်လို့ မွန်ပြည်သစ် ပါတီ အထွေထွေ အတွင်းရေးမှူး နိုင်ဟံသာ က ပြောပါတယ်။
နိုင်ဟံသာက အစိုးရနဲ့ ဆက်ပြီး ဆွေးနွေး သွားမယ့် အကြောင်း နဲ့ ဗဟို ကော်မတီ အစည်း အဝေးရဲ့ ဆုံးဖြတ်ချက် ပေါ်မှာ မူတည် ပြီး အပစ် အခတ်ရပ်စဲရေး ဆက်လုပ် မလုပ်ကို ဆုံးဖြတ်မယ်လို့ ပြောသွား ပါတယ်။
အစိုးရ ဘက်ကလဲ ဒီ ဖေဖော်ဝါရီ လ အတွင်းမှာ ထပ်မံ တွေ့ဆုံ ဖို့ လိုလား နေတာ ဖြစ်ပါ တယ်။
မွန်ပြည်သစ် ပါတီဘက်က မွန် အမျိုးသား နေ့ ကျင်းပရေး ကိစ္စ အတွက် အလုပ်များ နေလို့ အခုမှ အစည်းအဝေးကို ကျင်းပနိုင်ခဲ့ တာ ဖြစ်ပါတယ်။
အစိုးရနဲ့ ပဏာမ သဘောတူ ထားတဲ့ ၅ ချက်ကတော့ အပစ်အခတ် ရပ်ဆဲရေး၊ ပြည်ထောင်စု အဆင့် ငြိမ်းချမ်းရေး ဆွေးနွေးရေး အဖွဲ့နဲ့ ဆွေးနွေးဖို့ မွန်ပြည်သစ် ပါတီ ကိုယ်စားလှယ် အဖွဲ့ တရားဝင် ဖွဲ့စည်းဖို့ နဲ့ ဆွေးနွေးမယ့် နေ့ရက် နဲ့ အချိန်၊ နေရာတွေကို ညှိနှိုင်းဖို့ ဖြစ် ပါတယ်။
ဒါတွေကို ဆွေးနွေးရမယ့် အကြောင်းနဲ့ အခြေအနေ အားလုံးကို သုံးသတ်ပြီး မှ ဆုံးဖြတ် နိုင်မယ်လို့ လဲ နိုင်ဟံသာက ပြောပါတယ်။
တကယ်တော့ မွန်ပြည်သစ် ပါတီဟာ ၁၉၉၅ ခုနှစ် မှာ အစိုးရနဲ့ အပစ် ရပ်စဲခဲ့ ပြီး ၂၀၁၀ ခုနှစ် အောက်တိုဘာလ မှာ နယ်ခြားစောင့် တပ်ပြဿနာ ကြောင့် အပစ်အခတ် ရပ်ဆဲရေး ပျက်ပြား သွားခဲ့ ပါတယ်။
ဒီအခြေအနေ ကနေ ၂၀၁၁ ခုနှစ် အောက်တိုဘာ လမှာ မွန်ပြည်နယ် ရေးမြို့မှာ နှစ်ဖက် ပြန်လည် ဆွေးနွေး ခဲ့ကြရာက အခုလို ပဏာမ သဘောတူ ညီချက်တွေ ပြန်လည် ရရှိခဲ့တာ ဖြစ်ပါတယ်။

ရွှေညဝါ ဆရာတော် ဦးပညာသီဟရွှေညဝါဆရာတော် မှော်ဘီ မှာ စတင်သီတင်းသုံး
ရန်ကုန်မြို့ ကြည့်မြင်တိုင် နတ်စင်လမ်း ရှိ သာဓု ပရိယတ္တိ စာသင်တိုက် မှ စာချ ရွှေညဝါ ဆရာတော် အရှင်ပညာသီဟ ကို နိုင်ငံတော် သံဃ မဟာနာယက အဖွဲ့ မှ ဆိုဆုံးမ ခက်ခဲတဲ့ ဒုဗ္ဗစ ပုဂ္ဂိုလ် ဖြစ်တဲ့အတွက် သာဓု ကျောင်းတိုက်မှ နှင်ထုတ်ခဲ့ပါတယ်။
ဆရာတော်ဟာ ကျောင်းသင်္ကန်း နေရာသစ် အဖြစ် မှော်ဘီမြို့ဘက် ပြောင်းရွှေ့ သီတင်းသုံးဖို့ ဝါးကျောင်း ဆောက်လုပ်နေပြီ ဖြစ်တဲ့ အကြောင်း ဘီဘီစီ ကို မိန့်ခဲ့ပါတယ်။ ကျောင်းသစ် ရွှေ့ရာမှာ ရဟန်းသံဃာတွေ၊ ဒါယိကာ ဒါယိကာမ တပည့်ရင်းတွေ အပြင်၊ အရှင် ဂမ္ဘီရ၊ ၈၈ မျိုးဆက် ကျောင်းသားအဖွဲ့ဝင် တွေ လာရောက်နှုတ်ဆက်၊ အားပေး စကား လျှောက်ကြကြောင်း ဆရာတော်က ရှင်းပြပါတယ်။
တရားဟောခွင့်ပါ ဆရာတော်ကို ပိတ်ပင် ထားတဲ့ အတွက် ဆရာတော် အနေနဲ့ ဆွမ်းကျွေး ရေစက်ချ အလှူ ပင့်ဖိတ်ကြတဲ့ အခါမှာ ပင် တရားမဟောတော့ဘူး လို့ မိန့်ပါတယ်။ သို့သော်လည်း ခြေလှမ်းသစ် အနေ နဲ့ သာသနာ နဲ့ နိုင်ငံ့ အကျိုး အတွက် အကျိုးပြု လုပ်ငန်း တွေမှာ ဆက်လက် ဆောင်ရွက်မယ် လို့ ဆရာတော်က မိန့်ပါတယ်။
ပြည်ပ နိုင်ငံတွေဘက် ခရီးလှည့်ဖို့ အစီအစဉ် ထဲမှာ အမေရိကန် ပြည်ထောင်စု ကို စဉ်းစားထားကြောင်း၊ အရင်က ထိုင်း၊မလေးရှား၊ ဂျပန် စတဲ့ နိုင်ငံတွေဘက် ကြွခဲ့ဖူး ကြောင်း လည်း၊ ရွှေညဝါ ဆရာတော် ဦးပညာသီဟ က ဘီဘီစီ ကို မိန့်ခဲ့ပါတယ်။

အရှင်ဂမ္ဘီရကို အရေးယူတော့မယ်
ရှင်ဂမ္ဘီရဟာ နိုင်ငံရေး မှိုင်းမိကာ ထင်ရာစိုင်း နေသူ ဖြစ်တယ်လို့လည်း စွပ်စွဲထားပါတယ်
၂၀၀၇ သံဃာလှုပ်ရှားမှု ဦးဆောင် ဆရာတော်တပါး ဖြစ်တဲ့ အရှင်ဂမ္ဘီရဟာ ပြစ်မှုဆိုင်ရာ ဥပဒေတွေကို ချိုးဖေါက်ပြီး နိုင်ငံတော် သံဃာ့ မဟာ နာယက အဖွဲ့ မဟနကိုပါ စော်ကားတဲ့အတွက် အရေးယူ ဆောင်ရွက်မှုတွေ လုပ်တော့မယ်လို့ ဒီကနေ့ထုတ် အစိုးရ သတင်းစာတွေမှာ ရေးသား ဖေါ်ပြထားပါတယ်။
နောက်ပြီး ဘာသာအကျိုး၊ သာသနာအကျိုးနှင့် သာသနာတော် သန့်ရှင်းရေး အလို့ငှာ အရှင် ဂမ္ဘီရကို ဓမ္မစက်ဖြင့် ဆောင်ရွက်ရန် မဖြစ်နိုင်တော့တဲ့ အတွက် အာဏာစက်နဲ့ ဆောင်ရွက် ရမှာ ဖြစ်ကြောင်းကိုလည်း ဖေါ်ပြထားပါတယ်။
မဟန ဆရာတော်ကြီး တွေကလည်း ဓမ္မစက်နဲ့ ဆောင်ရွက်လို့ မရတော့တဲ့ အတွက် အာဏာစက်နဲ့ ဆောင်ရွက်စေဖို့ ဆန္ဒရှိနေတယ်လို့လည်း ဖေါ်ပြထားပါတယ်။
အရှင်ဂမ္ဘီရဟာ ရဟန်းနဲ့ မအပ်စပ်တဲ့ နိုင်ငံရေးမှိုင်းမိကာ ထင်ရာစိုင်းနေသူ ဖြစ်တယ်လို့ လည်း စွပ်စွဲထားပါတယ်။
မကြာသေးခင်က လွတ်ငြိမ်းချမ်းသာခွင့်နဲ့ ပြန်လည် လွတ်မြောက်လာတဲ့ အရှင်ဂမ္ဘီရဟာ သင်္ကန်းကျွန်းမြို့နယ်က ချိပ်ပိတ်ထားတဲ့ သူ့ရဲ့ မဂ္ဂင် ကျောင်းတိုက်ကို ဒေသခံ အာဏာပိုင်တွေနဲ့ ညှိနှိုင်းပြီး ပြန်ဖွင့်ကာ သီတင်းသုံး နေထိုင်ခဲ့တာ ဖြစ်ပါတယ်။
နောက်ပြီး ဝိနည်းတော်နဲ့အညီ နေထိုင်ပါ့မယ်ဆိုတာကိုလည်း မဟန ဆရာတော်တွေရှေ့မှာ အရှင်ဂမ္ဘီရဟာ ဝန်ခံကတိ လက်မှတ်ထိုးခဲ့ပါတယ်။

အီရန်က ရေနံချက် စက်ရုံများပြင်သစ်နဲ့ဗြိတိန်ကို အီရန်ရေနံအရောင်းရပ်
အီရန်နိုင်ငံရဲ့ ရေနံတင်ပို့မှုတွေကို ဥရောပ သမဂ္ဂက လာမဲ့ ဇူလိုင်လက စပြီး ပိတ်ပင် လိုက်တာကို တုန့်ပြန်တဲ့ အနေနဲ့ အီရန် ကလည်း သူ့ရဲ့ ရေနံတွေကို ပြင်သစ်နဲ့ ဗြိတိန် နိုင်ငံတွေကို ရောင်းချနေတာကို ရပ်တန့် လိုက်ပါတယ်။
အီရန်ရေနံ ဝန်ကြီးဌာန ကပြောခွင့် ရသူက အီရန်အနေနဲ့ နောက်ထပ် ဝယ်သူ အသစ်တွေ ရှာလို့ ရောင်းချသွား မယ်လို့ ဆိုပါတယ်။
အဲဒီ အကြောင်းကို အီရန် ရုပ်မြင်က ကြေငြာသွား ရာမှာ ပြင်သစ်နဲ့ ဗြိတိသျှ ကုမ္ပဏီ တွေကို ရေနံ တင်ပို့ ရောင်းချ မှုတွေကို တဟီရန် ကရပ်လိုက် ကြောင်း၊ ဗြိတိသျှ နဲ့ ပြင်သစ် ကုမ္ပဏီ တွေရဲ့ နေရာမှာ အစား ဖြည့်ဖို့ အီရန် ရဲ့ ရေနံ ကို ဝယ်မဲ့ ဝယ်လက်အသစ် တွေနဲ့ အစားထိုး သွားမယ်လို့ ပြောခွင့်ရသူ က ပြောသွားတဲ့ အကြောင်း၊ ဥရောပ သမဂ္ဂ က အီရန် နိုင်ငံ ရဲ့ နျူကလီးယား စွမ်းအင် စီမံကိန်းနဲ့ ပတ်သက်ပြီး ရေနံတင်ပို့မှုတွေကို ပိတ်ပင်ဖို့ ပြီးခဲ့တဲ့ ဇန်နဝါရီလက ကြေငြာခဲ့ ပေမယ့် အီရန်ကတော့ အမှုမထားကြောင်းနဲ့ အမေရိကန် ကလဲ တရုတ်အပါအဝင် တခြားနိုင်ငံတွေကို အီရန်က ရေနံ မဝယ်ယူဖို့ တားမြစ်ဖို့ ကြိုးစားခဲ့သေး တဲ့အကြောင်း တွေကို ပြောကြား သွားပါတယ်။
ဒါပေမယ့်လည်း အီရန်ရဲ့ လုပ်ရပ်ဟာ တကယ်တန်းမှာတော့ ဘာမှ ထိရောက်မှု သိပ်ရှိမှာ မဟုတ်ဘူးလို့ သတင်းထောက်တွေ က သုံးသတ်ကြပါတယ်။ ပြီးခဲ့တဲ့ နှစ်က ဆိုရင် ပြင်သစ် နိုင်ငံက သူ့ရဲ့ ရေနံ လိုအပ်မှုရဲ့ ၃ ရာခိုင်နှုန်းသာ ဝယ်ယူခဲ့ပြီး၊ ဗြိတိန်ရဲ့ တင်သွင်းမှု ကလည်း ဒီထက်တောင် နည်းပါသေးတယ်။
အီးယူ ဘက်ကလည်း အီရန်ဟာ နျူကလီးယား လက်နက် ထုတ်လုပ်ဖို့ ကြိုးပမ်းနေတယ်လို့ စိုးရိမ်တဲ့ အတွက် ပိတ်ဆို့ မှုတွေကို ပိုမို အရှိန်မြှင့် လာခဲ့ပါတယ်။

နယ်ခြားစောင့်တပ်နဲ့ ဒီကေဘီအေ တိုက်ပွဲဖြစ်
ဒီကေဘီအေ တပ်တချို့ဟာ နယ်ခြားစောင့်တပ် အသွင်ကို ပြောင်းခဲ့ကြပါပြီ
မြိုင်ကြီးငူ အခြေစိုက် နယ်ခြားစောင့်တပ်ဖွဲ့ (BGF) က၊ ဒီကေဘီအေ ကလို့ထူးလား စစ်ကွပ်ကဲရေး အဖွဲ့က ဗိုလ်မှူး စောစိုးဝင်း ရဲ့တပ်ဖွဲ့ တချို့ဆီကနေ လက်နက် ဖြုတ်သိမ်းဖို့ ကြိုးစား တဲ့အတွက် တိုက်ပွဲ ဖြစ်ခဲ့တယ်လို့ ဒီကေဘီအေ ဖက်က ပြောပါတယ်။
မြိုင်ကြီးငူ ဒေသတဝိုက်မှာ တနင်္ဂနွေနေ့ မွန်းလွဲပိုင်း ကတည်းက တိုက်ပွဲတွေ ဖြစ်နေပြီး ညပိုင်း အထိ သေနတ်သံတွေကို မကြာမကြာ ကြားခဲ့ရ ပါတယ်။
ဒီကေဘီအေ ဘက်က ပစ်ခတ်တဲ့ အတွက် နယ်ခြားစောင့်တပ် ကားတစင်းကို ထိမှန်သွားတယ်လို့ ဒီကေဘီအေ နိုင်ငံခြားဆက်ဆံရေး တာဝန်ခံ ဗိုလ်မှူး စောလုံလုံက ဘီဘီစီကို ပြောပါတယ်။ ဒါပေမယ့် နှစ်ဖက် ထိခိုက်မှု စာရင်းကိုတော့ တိတိကျကျ မသိရ ပါဘူး။
နယ်ခြားစောင့် တပ်ဖွဲ့ ဘက်က ဒီကေဘီအေ ကို လက်နက် ဖြုတ်သိမ်းဖို့ ဘာကြောင့် ကြိုးပမ်း ခဲ့သလဲဆို တာကိုလည်း ရှင်းရှင်း လင်းလင်း မသိရ ပါဘူး။
အစိမ်းရောင် ဖားစည်လို့ ခေါ်တဲ့ ဒီကေဘီအေ ကလို့ထူးလား အဖွဲ့ကို ဗိုလ်မှူးကြီး စောဘီခို့ ကဦးဆောင်ပြီး ဗိုလ်ချုပ်နှုတ်ခမ်းမွေး အဖွဲ့က အစိုးရကို ပြန်တိုက် စဉ်မှာ နယ်ခြားစောင့် တပ်ကနေ ခွဲထွက်ပြီး ပူးပေါင်းခဲ့တာ ဖြစ်ပါတယ်။

ရွေးကောက်ပွဲဝင်ဦးမယ့် ပြင်သစ် သမ္မတ ဆာကိုဇီပြင်သစ် သမ္မတ ဆာကိုဇီ မဲဆွယ်ပွဲ စပြီ
ပြင်သစ် တောင်ပိုင်း မှာရှိတဲ့ မာဆေးလ် ဆိပ်ကမ်း မြို့မှာတော့ သမ္မတ နစ်ကိုးလပ်စ် ဆာကိုဇီ က ပထမဆုံးမဲဆွယ် စည်းရုံးရေး လှုပ်ရှားမှုမှာ သူ့ရဲ့ စီးပွားရေး မူဝါဒတွေနဲ့ ပတ်သက်လို့ ကာကွယ် ပြောကြားသွားခဲ့ ပါတယ်။
သူ နောက်ထပ် သက်တမ်း တကြိမ် အတွက် ပြန်လည် အရွေးခံမယ်လို့ ကြေငြာခဲ့ပြီး ၄ ရက် မြောက်နေ့မှာ မစ္စတာ ဆာကိုဇီက သူ့အစိုးရဟာ စီးပွားရေး ကျဆင်းနေတဲ့ ကာလမှာ စီးပွားပျက် ကပ်မျိုးနဲ့ မကြုံရအောင် ရှောင်လွှဲ ပေး နိုင်ခဲ့တယ်လို့ ဆိုပါတယ်။
ဆက်လက်ပြီး သူက ပြင်သစ် အထက်တန်း လွှာတွေ အတွက်သာ မကဘဲ ပြင်သစ် နိုင်ငံသား အားလုံးရဲ့ ခေါင်းဆောင် ဖြစ်လိုကြောင်း လဲ ကြေငြာသွား ပါတယ်။
နောက်ဆုံးကောက်ခံထားတဲ့သဘောထား စစ်တမ်းတွေအရတော့ ဆိုရှယ်လစ်သမ္မတလောင်း ဖရန်ဆွာ အိုလန်းဒ် ရဲ့ လူကြိုက်များမှုဟာ မသိမသာ ပိုများနေဆဲဖြစ်ပြီး သူပဲ အနိုင်ရသွားဖို့ ဖြစ်နိုင်တယ် လို့လဲ ခန့်မှန်း နေကြပါတယ်။

ဒုက္ခသည် စခန်းတခုက ဆီးရီးယား ဒုက္ခသည်များဂျော်ဒန်က ဆီးရီးယားနဲ့ နယ်စပ်မှာ ဒုက္ခသည် စခန်းဆောက်
ဂျော်ဒန် နိုင်ငံက သူ့ရဲ့ မြောက်ဘက်က ဆီးရီးယား နိုင်ငံနဲ့ နယ်စပ် အနားမှာ ဆီးရီးယားပြည်တွင်းကတိုက်ပွဲတွေကြောင့် အများအပြား ထွက်ပြေးလာ ကြမယ်လို့ ခန့်မှန်းထားတဲ့ ဆီးရီးယား ပြည်သူတွေ အတွက် ဒုက္ခသည် စခန်း ကိုတည်ဆောက် နေပါတယ်။
နယ်စပ်ရဲ့တောင်ပိုင်းက ကီလိုမီတာ ၂၀ လောက် အကွာမှာ တည်ရှိတဲ့ ဒီဒုက္ခသည်စခန်းဟာ လာမဲ့ သတင်း ၂ပတ်အတွင်း မှာပဲ အသင့် ဖြစ်လာနိုင် မှာဖြစ်တယ်လို့ အဲဒီ စခန်းရဲ့ တည်ဆောက်ရေး တာဝန်ခံက ပြောပါတယ်။
ဒီ စခန်း တည်ဆောက် ပြီးစီးသွားတဲ့ အခါမှာ ဒုက္ခသည် မိသားစုတွေ နေထိုင်နိုင်မဲ့ တဲပေါင်း ၁၀၀၀ လောက် ဝင်ဆံ့မှာ ဖြစ်ပါတယ်။ ဒီ စခန်း တည်ဆောက်ရေး လုပ်ငန်း ဟာ ကုလသမဂ္ဂ နဲ့ ဂျော်ဒန် အစိုးရတို့ ပူးပေါင်း တည်ဆောက်ကြတာ ဖြစ်ပါတယ်။

မဲပေးဖို့ စောင့်နေကြတဲ့ အီဂျစ်ပြည်သူများအီဂျစ် ရွေးကောက်ပွဲ ရက်သတ်မှတ်လို့ မရသေး
အီဂျစ်နိုင်ငံမှာ မူဘာရက် ခေတ်လွန်မှာ ပထမဆုံး အကြိမ်အဖြစ် ကျင်းပမဲ့ သမ္မတ ရွေးကောက်ပွဲ အတွက် ရက်သတ်မှတ် ရာမှာ အာဏာပိုင်တွေ အကြား သဘောတူ ညီမှု မရရှိခဲ့ ပါဘူး။
အီဂျစ် ရွေးကောက်ပွဲ ကော်မရှင် ဥက္ကဌက ရက် သတ်မှတ်မှုနဲ့ ပတ်သက်တဲ့ ကြေငြာချက် တခု ထုတ်ပြန် ခါနီးမှာ မီဒီယာ ကို ဘာကြေငြာချက် မှ ထုတ်ပြန်ဖို့ မရှိကြောင်း ကို ပြောကြား သွားခဲ့ တာဖြစ် ပါတယ်။ အရာရှိ တဦးကတော့ မေလထဲမှာ ရွေးကောက်ပွဲ လုပ်သွား မယ်လို့ ပြောခဲ့ သလို၊ နောက်ထပ် တယောက်ကလဲ ဇွန်လကျမှ သာလုပ်ဖြစ် မယ်လို့ ဆိုပြန်ပါတယ်။
ဒါကို ကြည့်ခြင်းအားဖြင့် အရပ်သားအစိုးရကို အာဏာလွှဲပေးဖို့အတွက် အီဂျစ် နိုင်ငံကို အုပ်ချုပ် နေတဲ့ စစ်ခေါင်းဆောင် တွေအကြား ပြဿနာ တွေရှိနေတာ ဖြစ်နိုင်တယ်လို့ ဘီဘီစီ သတင်းထောက် က သုံးသတ်ထား ပါတယ်။
ဖွဲ့စည်းပုံ ဥပဒေခုံရုံး ရဲ့ အကြီးအကဲ ဖြစ်တဲ့ ဖာရုခ် ဆူလ်တန်က တော့ ပြည်ပရောက် အီဂျစ် ကျွမ်းကျင်သူ တွေရဲ့ မဲဆန္ဒ တွေကိုပါ ရေတွက် နိုင်ဖို့ အတွက် အခုလို လုပ်ခဲ့တာ ဖြစ်တယ်လို့ သတင်းထောက် တွေကို ပြောပါတယ်။
သူက ကော်မတီက ဒီနေ့မှာ ရွေးကောက်ပွဲအချိန်စာရင်း နဲ့ပတ်သက်လို့ သဘောတူညီချက် ရမှ ကြေငြာချက် ထုတ်ပြန်ဖို့ ရက်ရွှေ့ဆိုင်း ထားလိုက်တာ ဖြစ်တဲ့ အကြောင်းနဲ့ ပြည်ပကို ရောက်ရှိနေတဲ့ အီဂျစ် လူမျိုးတွေပါ မဲပေးဖို့ အချိန် တွေအဆင်ပြေအောင် လုပ်ပေးချင်တဲ့ အတွက် ဖြစ်ကြောင်း ပြောကြားသွား ပါတယ်။

ဦးဂမ္ဘီရ အပေါ် အရေးယူဖို့ အာဏာပိုင်တွေ ပြင်ဆင်
By ကိုဇော်ဝင်းလှိုင်
သမ္မတ ဦးသိန်းစိန်ရဲ့ နိုင်ငံတော် လွတ်ငြိမ်းချမ်းသာခွင့်နဲ့ ဇန်န၀ါရီလ ၁၃ ရက်နေ့က ပြန်လွတ်လာတဲ့ အရှင်ဂမ္ဘီရဟာ နိုင်ငံတော် သံဃာ့မဟာနာယက အဖွဲ့ရဲ့ ညွှန်ကြားချက်အတိုင်း လိုက်နာဆောင်ရွက်ခြင်း မရှိဘူးဆိုတဲ့ စွပ်စွဲချက်နဲ့ ဓမ္မစက်နဲ့ အရေးယူလို့ မရနိုင်တော့တာကြောင့် အာဏာစက်နဲ့ အရေးယူတော့မှာ ဖြစ်တဲ့အကြောင်း မနေ့က သတင်းစာထဲမှာ တရားဝင် ထည့်သွင်း သတိပေးလိုက်ပါတယ်။ အရှင်ဂမ္ဘီရနဲ့ နိုင်ငံတော် သံဃာ့ မဟာနာယကအဖွဲ့ အကြား ဖြစ်ပေါ်နေတဲ့ မပြေလည်မှုတွေနဲ့ ပတ်သက်လို့ ကိုဇော်ဝင်းလှိုင်က တင်ပြထားပါတယ်။
အရှင်ဂမ္ဘီရဟာ သမ္မတရဲ့ လွတ်ငြိမ်းချမ်းသာခွင့်နဲ့ ပြန်လွတ်လာ လာချင်းပဲ သင်္ကန်း ချက်ချင်း ပြန်ဝတ်ခဲ့ပြီး သင်္ဃန်းကျွန်းမြို့က မဂ္ဂင်ကျောင်းတိုက်မှာ သတင်းသုံးနေခဲ့တာပါ။ ဒါပေမဲ့ အဲဒီလို သင်္ကန်း ပြန်ဝတ်တဲ့နေရာမှာ သက်ဆိုင်ရာ သံဃာ့အဖွဲ့အစည်းတွေကို အကြောင်းကြားခဲ့ခြင်း မရှိတာနဲ့ ခွင့်ပြုချက်မရဘဲ သင်္ကန်းကျွန်း မဂ္ဂင်ကျောင်းတိုက်မှာ ၀င်ရောက် သီတင်းသုံးတာတွေဟာ ဥပဒေကို ချိုးဖောက်ရာ ရောက်တယ်ဆိုပြီး အာဏာပိုင်တွေဘက်က ယူဆပြီး အရှင်ဂမ္ဘီရကို အာဏာစက်နဲ့ အရေးယူမယ့်အကြောင်း သတင်းစာထဲမှာ တရားဝင် ထုတ်ဖော် ရေးသားလာတာပါ။
ဒီကိစ္စနဲ့ပတ်လို့ အရှင်ဂမ္ဘီရကို ဗွီအိုအေက တိုက်ရိုက် ဆက်သွယ် မေးမြန်းဖို့ ကြိုးစားပေမဲ့ ဆက်သွယ်လို့ မရနိုင်တဲ့အတွက် အစ်ကိုဖြစ်သူ ဦးအောင်ကျော်ကျော်ကို ဆက်သွယ် မေးမြန်းခဲ့ပါတယ်။
“ကျနော်တို့ ပြောချင်တာကတော့ သူတို့ ပြန်လွတ်လာတဲ့အခါမှာ သံဃာတွေ သီတင်းသုံးစရာကျောင်း မရှိတဲ့အတွက် ကျောင်းတိုက်ကို ဖွင့်ပြီးတော့ နေလိုက်ကြတာပေါ့လေ။ အဲဒါနဲ့ ပတ်သက်ပြီး သူတို့ ပြဿနာ ရှိတာပေါ့။ ပြဿနာရှိတော့ တဘက်နဲ့ တဘက်က သည်းခံရမယ့် အတိုင်းအတာတွေ ရှိတယ်လို့ ကျနော် ယူဆပါတယ်။ တဘက်နဲ့ တဘက်က သည်းခံပြီး သွားရမယ်လို့ ကျနော် ယူဆပါတယ်။ ဘာဖြစ်လို့လဲ ဆိုတော့ မြန်မာနိုင်ငံမှာ လက်နက်ကိုင် ပဋိပက္ခတွေ၊ လက်နက်မကိုင်တဲ့ ပဋိပက္ခတွေ။ ပဋိပက္ခပေါင်း မျိုးစုံဟာ အခုချိန်မှာ ထိန်းသိမ်းသင့်ပါပြီ။ အဲဒီတော့ တဘက်နဲ့တဘက် ရင့်သည်းမိတာတွေ ပြောဆိုမိတာတွေ အစရှိသဖြင့်ပေါ့လေ ရှိကြပါလိမ့်မယ်။ သူတို့ကလည်း လွန်ချင်လွန်မယ်။ ဒီဘက်ကလည်း လွန်ချင်လွန်မယ်ပေါ့။ အဲဒါတွေကို အာဃာတမယူဘဲနဲ့ အပြစ်မယူဘဲနဲ့ တစ်ယောက်နဲ့တစ်ယောက် သည်းခံပြီးတော့မှ ပြေပြေလည်လည် ညှိညှိနှိုင်းနှိုင်းနဲ့ သွားကြမယ်ဆိုရင် ကျနော်တို့ မြန်မာနိုင်ငံဟာ ဖွံ့ဖြိုးတိုးတက်မှု အရှိန်အဟုန် ကောင်းကောင်း ရလာလိမ့်မယ်လို့ ကျနော် ယူဆပါတယ်ဗျ။”
အာဏာပိုင်တွေက အရှင်ဂမ္ဘီရကို အခုလ ၁၀ ရက်နေ့တုန်းက ထိန်းသိမ်းသွားခဲ့ပြီး နိုင်ငံတော် သံဃာ့ မဟာနာယက အဖွဲ့နဲ့ တွေ့ဆုံပေးတဲ့ အချိန်မှာလည်း ဆရာတော်ကြီးတွေနဲ့ အာဏာပိုင်တွေရဲ့ ညွှန်ကြားချက်အတိုင်း အရှင်ဂမ္ဘီရက ၀န်ခံလက်မှတ် ရေးထိုးခဲ့တယ် ဆိုတာကိုလည်း ဦးအောင်ကျော်ကျော်က ဆက်ပြောပြပါတယ်။
“၁၀ ရက်နေ့ည ၂ နာရီလောက်က ခေါ်သွားတုန်းက နောက်တစ်နေ့ ညနေမှာ မဟန ဆရာတော်ကြီးတွေနဲ့ တွေ့ပေးတယ်လို့ ပြောပါတယ်။ တွေ့ပေးတဲ့အခါမှာ မဟန ဆရာတော်ဘုရားကြီးတွေက ရဟန်းက ၀ိနည်းနဲ့အညီ နေရမယ်ဆိုတဲ့အချက်ကို လက်မှတ်ထိုးခိုင်းပါတယ်တဲ့။ အဲဒါကို ဆရာတော် ဦးဂမ္ဘီရက လက်မှတ်ထိုးခဲ့ပါတယ်။ အခြား ဥပဒေအညီ ဘာညာ ဆိုတဲ့ကိစ္စတွေ မပါပါဘူးတဲ့။ လူ ဥပဒေကိစ္စတွေ မပါပါဘူးတဲ့။ ရဟန်းဟာ ၀ိနည်းနဲ့အညီ နေရမယ်ဆိုတဲ့အချက်ကိုပဲ လက်မှတ်ထိုးခဲ့တာလို့ ပြောပါတယ်။ နောက်တစ်ချက် လက်မှတ်ထိုးခိုင်းတာက ရဟန်းဝတ်ခွင့် ပြန်လည် လျှောက်ထားဖို့ဆိုတဲ့ အချက်ကိုတော့ လက်မှတ် မထိုးခဲ့ဘူးလို့ ပြောပါတယ်။ အဲဒီလို မထိုးခဲ့ရတာကလည်း သူတို့ဟာ ထောင်ထဲကိုဝင်မသွားခင် တုန်းကလည်း ရဟန်းတွေဖြစ်တယ်၊ ၀င်သွားတော့လည်း ရဟန်းတွေပဲ။ ထောင်ထဲက ပြန်ထွက်လာတော့လည်း ရဟန်းတွေပဲလေ။ နောက် သူ မှတ်မှတ်ရရ ပြောတာကတော့ ရဟန်းဆိုတာဟာ စိတ်ထဲမှာ ရဟန်းဝတ်ချင်တဲ့ ရဟန်းဖြစ်နေတဲ့ အာသရ မပျက်သေးဘူးဆိုရင် ရဟန်းပါပဲလို့ သူ ပြောဖူးပါတယ်။ ဆရာတော်ကြီးတွေကလည်း အဲဒါကို လက်ခံပါတယ်။ ဒီ မဟန ဆရာတော်ဘုရားကြီးတွေ ကလည်း သူ့ရဲ့ လျှောက်ထားချက်ကို လက်ခံပါတယ်။ အဲဒီမှာ အခု သတင်းစာကနေမှ ဒီ ရဟန်းဝတ်ခွင့်ကို လက်မှတ်မထိုးလို့ ဆိုပြီး ဒါကို ပြဿနာတစ်ခု အနေနဲ့ ကျနော်တို့ ဖတ်ရတာပါ။”
နိုင်ငံတော် သံဃာ့ မဟာနာယက အဖွဲ့က ဆရာတော်ကြီးတွေနဲ့ တွေ့ဆုံစဉ်မှာ ဆရာတော်ကြီးတွေရဲ့ သြ၀ါဒကို ခံယူခဲ့ပေမဲ့ သံဃာ့နာယက အဖွဲ့က သူ့ထံ အကြောင်းကြားတဲ့ စာထဲမှာ “ခွင့်ပြုချက်မရှိဘဲ ပြစ်မှု ကျူးလွန်နေသော” ဆိုတဲ့အချက်ကို အရှင်ဂမ္ဘီရက ကန့်ကွက်ကြောင်း ပြန်လည် လျှောက်ထားခဲ့တယ်လို့ ဆိုပါတယ်။
ဒါ့အပြင် သမ္မတ လွတ်ငြိမ်း ချမ်းသာခွင့်နဲ့ ပြန်လွတ်လာကြတဲ့ အကျဉ်းသား ၄၁၅ ဦးထဲမှာ ပါလာတဲ့ သံဃာ ၄၃ ပါး ပြန်လည် လွတ်မြောက်ရေး အတွက် သံဃာ့နာယက အဖွဲ့က တစုံတရာ ဆောင်ရွက်ပေးခြင်း မရှိခဲ့တာ၊ ရွှေည၀ါဆရာတော် ဦးပညာသီဟ သီတင်းသုံးနေတဲ့ သာဓု ဗုဒ္ဓတက္ကသိုလ် ကျောင်းတိုက်ကနေ တစ်လအတွင်း ထွက်ခွာသွားဖို့ သံဃာ့နာယကအဖွဲ့က အမိန့်ထုတ်ခဲ့တဲ့ အပေါ် ကန့်ကွက်တာ အပါအ၀င် ကန့်ကွက်ချက် ၁၀ ချက်ကို သံဃာထုတစ်ရပ်လုံး ကိုယ်စား အရှင်ဂမ္ဘီရက တင်သွင်းခဲ့တယ်လို့ သိရပါတယ်။
အရှင် ဂမ္ဘီရဘက်က အခုလို ကန့်ကွက်စာ တင်သွင်းခဲ့တာနဲ့ သံဃာ့နာယက ဆရာတော်ကြီးတွေရဲ့ မိန့်ကြားချက်ကို လိုက်နာခြင်း မရှိတာတွေက သံဃာထုတစ်ရပ်လုံးရဲ့ ဂုဏ်သိက္ခာ ညှိုးနွမ်းအောင် လုပ်ဆောင်တာ ဆိုတဲ့ စွပ်စွဲချက်နဲ့ ဓမ္မစက်နဲ့ အရေးယူလို့ မရနိုင်တော့တာကြောင့် အာဏာစက်နဲ့ အရေးယူဖို့ ဆုံးဖြတ်လိုက်တာ ဖြစ်တဲ့အကြောင်း သတင်းစာထဲမှာ အတိအလင်း ဖော်ပြထားပါတယ်။

တရုတ်အစိုးရ ဆန့်ကျင်သူ တိဘက်လူငယ် မီးရှို့ဆန္ဒပြ
By ဗွီအိုအေ (မြန်မာဌာန)
အခုသီတင်းပတ်ထဲမှာ ကျရောက်တဲ့ တိဘက် နှစ်သစ်ကူးပွဲတော် မတိုင်ခင်မှာ တိဘက်လူမျိုးတွေ နေထိုင်ရာ ဒေသက တရုတ်အစိုးရ ဆန့်ကျင်တဲ့ တိဘက် တက်ကြွလှုပ်ရှားသူတွေကို တရုတ် အာဏာပိုင်တွေက ဆက်ပြီး နှိပ်ကွပ် နှိမ်နင်းနေတဲ့အတွက် နောက်ထပ် တိဘက်လူမျိုးတစ်ဦး ကိုယ့်ကိုယ်ကို မီးရှို့ဆန္ဒပြ သတ်သေသွားပါတယ်။
အိန္ဒိယနိုင်ငံကို ထွက်ပြေး နေထိုင်နေကြတဲ့ တိဘက်လူမျိုးတွေက ဗွီအိုအေနဲ့ တွေ့ဆုံရာမှာ တနင်္ဂနွေနေ့က Ngaba ဒေသက Zamthang ဘုန်းတော်ကြီးကျောင်းမှာ တိဘက်ဘုန်းကြီးတစ်ပါး မီးရှို့ သတ်သေသွားခဲ့တယ် ဆိုတဲ့ သတင်းကို ပြောဆိုခဲ့တာပါ။ ဆန္ဒပြ သေဆုံးသူဟာ အသက် ၁၈ နှစ်အရွယ် အမျိုးသားဖြစ်ပြီး တရုတ်နိုင်ငံရဲ့ တိဘက်အပေါ် ဆန့်ကျင်တဲ့ မူဝါဒကို ဆန့်ကျင်ဆန္ဒပြသူ ဖြစ်ပါတယ်။ တနင်္ဂနွေနေ့မှာပဲ သေဆုံးသူရဲ့ အလောင်းကို တရုတ်အာဏာပိုင်တွေ လာမသိမ်းခင်မှာ လူပေါင်း ၁,၀၀၀ လောက် ဘုန်းကြီးကျောင်းမှာ စုဝေးပြီး အသုဘ အခမ်းအနား အစီအစဉ်ကို အမြန်ဆုံး လုပ်ခဲ့ကြရပါတယ်။
စနေနေ့က Qinghai ပြည်နယ်မှာ တိဘက် ဘုန်းကြီးတစ်ပါး တရုတ် ရဲတပ်ဖွဲ့ဝင်တွေကို ဆန့်ကျင်ဆန္ဒပြပြီး သူ့ကိုယ်သူ မီးရှို့ အဆုံးစီရင်ခဲ့တာပါ။ ပြီးခဲ့တဲ့နှစ်ထဲမှာ သူတို့အဆို တိဘက်တွေရဲ့ ဘာသာရေးနဲ့ ယဉ်ကျေးမှုကို ဖိနှိပ်ဖို့ တရုတ်နိုင်ငံရဲ့ အားထုတ်မှုတွေကို ဆန့်ကျင်တဲ့အနေနဲ့ ကိုယ့်ကိုယ်ကို မီးရှို့ အဆုံးစီရင် ဆန္ဒပြခဲ့တဲ့ တိဘက်လူမျိုး စုစုပေါင်း ၂၀ လောက် ရှိပြီ ဖြစ်ပါတယ်။
အဲဒီလို မီးရှို့အဆုံးစီရင် ဆန္ဒပြမှုတွေ ရပ်တန်းကရပ်ကြဖို့ အကြီးတန်း တိဘက်အရာရှိတွေက တောင်းပန်ကြပါတယ်။ ခုလို မီးရှို့ အဆုံးစီရင်မှုဟာ အကြမ်းဖက်မှု ဖြစ်တယ်လို့ တရုတ် အာဏာပိုင်တွေက သတ်မှတ်ကြပါတယ်။ ပြည်ပရောက် တိဘက်ဘာသာရေး ခေါင်းဆောင် ဒလိုင်းလားမား (Dalai Lama) နဲ့ တခြား နိုင်ငံခြားက အဖွဲ့တွေက ခုလို တရုတ်အာဏာပိုင်တွေ အပေါ် အကြမ်းဖက်လုပ်ရပ်တွေ ပေါ်ပေါက်အောင် အားပေးအားမြှောက် လုပ်တယ်လို့လည်း တရုတ်ဘက်က စွပ်စွဲပါတယ်။
တရုတ် ရဲတပ်ဖွဲ့ဝင်တွေဟာ ဗုဒ္ဓဟူးနေ့က Sichuan ပြည်နယ်မှာနေတဲ့ တိဘက်စာရေးဆရာ Gangkye Drubpa Kyab ကို နေအိမ်ကနေ ဖမ်းဆီးသွားခဲ့တယ်လို့လည်း ပြည်ပရောက် တိဘက်လူမျိုးတွေက ပြောဆိုကြပါတယ်။

အီရတ် အသေခံဗုံးခွဲမှု ၁၈ ဦး သေဆုံး
By ဗွီအိုအေ (မြန်မာဌာန)
အီရတ်နိုင်ငံ ဘက်ဂဒက်မြို့က ရဲသင်တန်းကျောင်းကို အသေခံ ဗုံးခွဲ တိုက်ခိုက်ခဲ့တာကြောင့် အနည်းဆုံး ၁၈ ယောက် သေဆုံးပြီး၊ ၂၆ ယောက်ကျော် ဒဏ်ရာ ရသွားတယ်လို့ အီရတ် ရဲတပ်ဖွဲ့က ပြောလိုက်ပါတယ်။
ဘက်ဂဒက်မြို့အရှေ့မြောက်ပိုင်းက ရဲသင်တန်းကျောင်းမှာ တနင်္ဂနွေနေ့ တုန်းက ရဲတပ်ဖွဲ့ဝင်တွေ ဂိတ်ပေါက်က ထွက်လာကြတဲ့ အချိန်မှာ ဗုံးခွဲသမားဟာ သူ့ရဲ့ကားကို အသေခံဗုံးခွဲ တိုက်ခိုက်ခဲ့တာ ဖြစ်တယ်လို့ အီရတ်ရဲဘက်က လာတဲ့ သတင်းတွေက ပြောပါတယ်။
ထိခိုက်ဒဏ်ရာရ သေဆုံးတာတွေနဲ့ ပတ်သက်ပြီးတော့ ဘက်ဂဒက် ဆေးရုံက တာဝန်ရှိသူတွေက အတည်ပြုပြောခဲ့သလို
သေဆုံးတဲ့သူတွေ အားလုံးဟာ ရဲအရာရှိတွေ နဲ့ ရဲအရာရှိလောင်းတွေ ဖြစ်တယ်လို့ ပြောပါတယ်။
အသေခံ ဗုံးခွဲသမားတွေဟာ အီရတ်နိုင်ငံတ၀ှမ်းမှာ ရှိတဲ့ လုံခြုံရေး ဂိတ်တွေနဲ့ တားထားတဲ့ အတားအဆီးတွေကို ဖြတ်ပြီး တိုက်ခိုက်တာတွေ လုပ်တာကြောင့် အီရတ်ရဲတပ်ဖွဲ့ဝင် အသစ်တွေဟာ ထပ်ခါတလဲလဲ တိုက်ခိုက်တာတွေ ခံခဲ့ရပါတယ်။
အခုလို အသေခံဗုံးခွဲ တိုက်ခိုက်ခဲ့တာကြောင့် အီရတ်နိုင်ငံမှာ အချိန်အနည်းငယ်ကြာ တည်ငြိမ်မှုတွေ ဖြစ်နေတာဟာ ပျက်စီးသွားခဲ့ပါတယ်။ မကြာသေးခင် သီတင်းပတ်အတွင်းကတော့ အီရတ်နိုင်ငံမှာ အကြမ်းဖက် တိုက်ခိုက်မှုတွေဟာ သိသိသာသာ လျော့ကျလာနေတာပါတယ်။