11.02.2012 နေ့ဖတ်ရန်သတင်းများ

by Myanmar Journal on Sunday, February 12, 2012 at 10:42am ·

 
တရုတ်ဘက် ရောင်းစားခံရမှု ရာနှုန်း များပြား

၂၀၁၁ ခုနှစ် အတွင်း ဖြစ်ခဲ့တဲ့ လူကုန်ကူးမှု ၆၉ ရာခိုင်နှုန်းဟာ တရုတ် နိုင်ငံကို ရောင်းစား ခံခဲ့ကြရတာ ဖြစ်တယ်လို့ လူကုန်ကူးမှု ကာကွယ် တားဆီးရေး ဗဟို အဖွဲ့က တာဝန်ရှိသူ တစ်ယောက် ဖြစ်တဲ့ နိုင်ငံ ဖြတ်ကျော် မှုခင်း ဌာနမှူး ရဲမှူးကြီး ဦးစိုးမြိုင်က ဘီဘီစီကို ပြောပါတယ်။
တရုတ်မှာ မိန်းကလေး ရှားပါးမှုက မြန်မာ အမျိုးသမီးတွေ ရောင်းစားခံရတဲ့ အကြောင်း တစ်ရပ်ဖြစ်
ပြီးခဲ့တဲ့ နှစ် အတွင်း မှာ အရေးယူ ခဲ့တဲ့ အမှုပေါင်း ၁၃၅ မှု ရှိပြီး တရားခံ ၃၅၀ ကျော်ကို ဖမ်းဆီး အရေးယူ ခဲ့တဲ့ အပြင် လူကုန်ကူးခံရသူ ၂၆၅ ယောက် ကိုလည်း ကယ်တင်နိုင် ခဲ့တယ်လို့ သူက ပြောပါတယ်။

မနှစ်က လူကုန်ကူးခံရတဲ့ အမှုတွေ ထဲမှာ တရုတ်နိုင်ငံဘက်ကို သူတို့ သမီးအဖြစ် ရောင်းစား ခံခဲ့ရတာ အများဆုံး ဖြစ်ပြီး ဒုတိယ အများဆုံးက ပြည်တွင်းမှာပဲ ဖြစ်ခဲ့ကြတာလို့ ရဲမှူးကြီးက ပြောပါတယ်။
တရုတ် နိုင်ငံဘက်ကို ရောင်းစားတဲ့ ဖြစ်ရပ် အဖြစ်များ ရတာက သူတို့ ဘက်က အမျိုးသား အမျိုးသမီး အချိုး အစား မမျှတဲ့ အတွက် အမျိုးသားတွေ အိမ်ထောင်ဘက် ရှာရတာ မလွယ်လို့ အိမ်နီးချင်း နိုင်ငံဘက်က သူတို့သမီး ဝယ်ယူတဲ့ ဓလေ့ ရှိနေတာက တကြောင်း မြန်မာ နိုင်ငံဘက် ကလည်း ယဉ်ကျေးမှုချင်း နီးစပ်တဲ့ ရှမ်းပြည် မြောက်ပိုင်းလို ဒေသက အမျိုး သမီး တွေက လွဲမှားတဲ့ အယူ အဆမျိုးရှိနေတာက တကြောင်း တို့ကြောင့် ဖြစ်တယ်လို့ ရဲမှူးကြီး ဦးစိုးမြိုင်က ပြောပါတယ်။
လူကုန်ကူး ခံရမှုတွေ ပပျောက်ရေး အတွက် အထူး အဖွဲ့တွေ ဖွဲ့စည်းထားပြီး အလိုအပ်ဆုံး နေရာတွေမှာ အထူး စီမံကိန်းတွေ အပါအဝင် အသိပညာ လွဲမှားမှု တွေကို ပညာပေးတဲ့ လုပ်ငန်းတွေမှာ အစိုးရပိုင်းကရော အစိုးရမဟုတ်တဲ့ NGO အဖွဲ့တွေကပါ ပူးပေါင်း ဆောင်ရွက် နေတယ်လို့ ဆိုပါတယ်။
ဘယ်သူမဆို လူကုန်ကူး ခံရသူ အဖြစ် မသင်္ကာဘူးဆိုရင် အစိုးရက ဖွင့်လှစ်ထားတဲ့ အထူး တယ်လီဖုန်း တွေကို ခေါ်ဆို အကြောင်းကြားရင် ချက်ချင်း အရေးယူဆောင်ရွက်ပေး ပါ့မယ်လို့လည်း ရဲမှူးကြီး ဦးစိုးမြိုင်က ပြောပါတယ်။
ဆက်သွယ် တိုင်ကြားနိုင်တဲ့ တယ်လီဖုန်း နံပတ်တွေကတော့ ရန်ကုန် အတွက် ၀၉၄၉၅၅၅၈၈၈၊ ၀၉၄၉၅၅၅၉၉၉ ကို ဆက်သွယ်နိုင်သလို နေပြည်တော် အတွက်၀၆၇၄၁၂၅၅၅၊ ၀၆၇၄၁၂ ၆၆၆ ကို ဆက်သွယ်နိုင် ပါတယ်။ မန္တလေး အတွက်တော့ ၀၉၄၉၅၅၅၇၇၇ ကို ဆက်သွယ်နိုင်ပြီး မူဆယ် အတွက် ဆိုရင် ၀၉၄၉၅၅၅၆၆၆ ကို ဆက်သွယ် တိုင်ကြား နိုင်တယ်လို့ လည်း သူက ပြောပါတယ်။

အရှင် ဂမ္ဘီရအား သက်ဆိုင်ရာမှပြန်လွှတ်
၂၀၀၇ သံဃာ့လှုပ်ရှားမှု ခေါင်းဆောင် တပါးဖြစ်တဲ့ အရှင်ဂမ္ဘီရကို သောကြာနံနက်လင်းအားကြီးအချိန်က သာသနာရေး ဌာနအပါအဝင် အာဏာပိုင်တွေက ကားသုံးစီးနဲ့ ခေတ္တ သတင်းသုံးတဲ့ လယ်တီ ဝိပဿနာ ကျောင်းကနေခေါ်ဆောင်သွားပါတယ်။
ဆရာတော်ရဲ့အကိုဖြစ်သူက တိုင်းရုံးအပါအဝင် အာဏာပိုင်အဖွဲ့အစည်းတွေကိုစုံစမ်းလို့မရဘူးလို့ပြောပါတယ်။
ည၉နာရီလောက်မှာတော့ ကျောင်းကိုပြန်ရောက်လာတယ်လို့အရှင် ဂမ္ဘီရက ဖုံးဆက်လာကြောင်း ဆရာတော်ရဲ့ အမခင်သူဌေးကပြောပါတယ်။
ပြီးခဲ့တဲ့ ဇန္နဝါရီလ ၁၃ရက်နေ့ရက်နေ့က ပြန်လွတ်လာတဲ့အရှင်ဂမ္ဘီရကို မဂ္ဂင်ကျောင်းတိုက်အား ချိပ်ပိတ်ထားတာ ဝင်ရောက်နေထိုင်မှုနဲ့ သံဃာ့မဟာနာယက အဖွဲ့ကသုံးကြိမ်တိုင် ခေါ်ပေမယ့် သွားမတွေ့တဲ့အတွက် သက်ဆိုင်ရာက ခေါ်ယူတာဖြစ်မယ်လို့ ဆရာတော်ဦးဣဿရိယက ဘီဘီစီကို ပြောအပါတယ်။
အရှင်ဂမ္ဘီရက မဟနဆရာတော်ကြီးတွေနဲ့တွေ့ခဲ့ရပြီး ဘယ်မှာတွေ့ရတယ် ဆိုတာတော့ အသေးစိပ်မသိရသေးပါဘူး။
မွန်းလွဲပိုင်းမှာတော့ ကျောင်းချိပ်ပိတာကို ပြန်ဖွင့်ပေးလိုက်တယ်လို့ မဂ္ဂင်ကျောင်း ဆရာတော် ဦးဣန္ဒိက ကဘီဘီစီကို မိန့်ကြားသွားပါတယ်။

Orchid ဟိုတယ်ဝန်ထမ်း အရိုက်ခံရ
Orchid ဟိုတယ် ရဲ့ website စာမျက်နှာ
မြန်မာနိုင်ငံမှာ ရောက်နေတဲ့ ဂျပန် အမျိုးသားတဦးက ရန်ကုန်တိုင်း၊ ပုဇွန်တောင်မြို့နယ်မှာ ရှိတဲ့ Orchid ဟိုတယ်မှာ တည်းခိုနေထိုင်နေတုန်းမှာပဲ ဟိုတယ်ဝန်ထမ်းအမျိုးသမီးတဦးကို ရိုက်နှက်ခဲ့လို့ အခုတော့ ဥပဒအေရ အရေးယူဆောင်ရွက်ဖို့ ပြင်ဆင်နေကြ တယ်လို့ သိရပါတယ်။
ပြင်ပကနေ အမျိုးသမီးတဦးကို ခေါ်လာတဲ့ ဂျပန်အမျိုးသား ဧည့်သည်ကို တားမြစ်ခဲ့လို့ ဧည့်သည်ကနေ ရိုက်နှက်ခဲ့တာလည်း ဖြစ် ပါတယ်။
Orchid ဟိုတယ်ရဲ့ ရှယ်ယာပိုင်ရှင်တဦးဖြစ်သူနဲ့ ဟိုတယ်ရဲ့ တာဝန်ရှိသူ ဦးဌေးအောင်က တော့ သက်ဆိုင်ရာက ဥပဒေကြောင်းအရ အမှုကို တည်ဆောက်နေဆဲလို့ ပြောပါတယ်။
ပုဇွန်တောင်မြို့နယ်က ရဲအရာရှိတဦးက သူတို့အနေနဲ့ မြို့နယ် ဥပဒေရုံးကနေ ဥပဒေ အကြံဉာဏ်တွေ တောင်းထားကြောင်းနဲ့ ဆက်လက်ဆောင်ရွက်သွားမယ်လို့ ဆိုပါတယ်။
ဂျပန်နိုင်ငံသားဟာ မြန်မာနိုင်ငံမှာပဲ ရှိနေဆဲဖြစ်ပြီး၊ ရဲတပ်ဖွဲ့ကနေ ဖမ်းဆီးထားတာ မျိုးတော့ မရှိဘူးလို့ သိရပါတယ်။

ဦးဂမ္ဘီရကို အာဏာပိုင်တွေ ခေါ်ဆောင်သွား
မကြာခင်ကမှ ပြန်လွတ်လာတဲ့ ရွှေဝါရောင် သံဃာ့ လှုပ်ရှားမှုရဲ့ ဦးဆောင် သံဃာ တပါးဖြစ်သူ အရှင် ဂမ္ဘီရကို သောကြာနေ့ မနက် အစောကြီး ပိုင်းမှာ သူယာယီ သတင်း သုံးနေတဲ့ လယ်တီ တိုက်ကနေ အာဏာ ပိုင်တွေက လာခေါ်သွားတယ်လို့ ဆရာ တော်ရဲ့ အကို ဖြစ်သူက ဘီဘီစီကို ပြော ပြပါတယ်။
၂၀၀၇ သံဃာ့လှုပ်ရှားမှု မှာ ဦးဆောင်သူ တဦးအဖြစ် ပါဝင်ခဲ့ဘူးတဲ့ အရှင်ဂမ္ဘီရ ကို လာရောက် ခေါ်ဆောင်သွားသူ တွေ က သူတို့ ကိုယ် သူတို့ သာသနာရေး ဦးစီးဌာန က လို့ ပြောသူတွေလည်း ပါဝင်သလို ရန်ကုန်တိုင်းဒေသကြီး အစိုးရ က လို့ ပြောသူတွေ လည်း ပါဝင်ကြောင်း လယ်တီတိုက် က သံဃာ တပါး က ဘီဘီစီ ကို ပြောပါတယ်။
ဘယ်ကို ခေါ်သွားမှာလဲ ဆိုတာ ကို မပြောကြောင်းနဲ့ အရှင် ဂမ္ဘီရ ယူဆောင်သွားတဲ့ ဖုန်း ကို လည်း ဆက်သွယ်လို့ မရတော့ ကြောင်း လည်း အဲဒီ ဦးဇင်း က ပြောပါတယ်။
ဆရာတော် ဦးဂမ္ဘီရဟာ ဇန်နဝါရီ လ မှာ သူပြန်လွတ်လာပြီး တဲ့ နောက်ပိုင်း ချိတ်ပိတ် ခံထားရတဲ့ မဂ္ဂင်ကျောင်း အပါအဝင် ကျောင်းတိုက် တချို့ကို ပြန်လည် ဖွင့်လှစ် ပေးခဲ့ပါတယ်။
အဲဒီအတွက် မဂ္ဂင်ကျောင်းကို အာဏာပိုင်တွေက ပြီးခဲ့တဲ့ အပတ်က တခါ ပြန် ချိတ်ပိတ်ပြီး ဦးဂမ္ဘီရ အပါအဝင် သံဃာတော် တချို့နဲ့ ကပ္ပိယတွေကို ကျောင်းကနေ နှင်ထုတ်ခဲ့ပါတယ်။
အဲဒီနောက် ဆရာတော် ဦးဂမ္ဘီရနဲ့ သံဃာတော်တွေဟာ သင်္ဃန်းကျွန်းက လယ်တီကျောင်းမှာ ခေတ္တ သီတင်းသုံး နေထိုင်နေပြီး ခုအဲဒီ ကျောင်းကနေ အာဏာပိုင်တွေရဲ့ ခေါ်ဆောင်သွားခြင်း ကို ခံခဲ့ ရတာ ဖြစ်ပါတယ်။

မြန်မာ့ လူ့အခွင့် အရေး နောက် ပြန်ဆုတ်နိုင်
မြန်မာ ဆိုင်ရာ ကုလ လူ့အခွင့် အရေး ကိုယ် စားလှယ် ကင်တားနား
မြန်မာ့ လက်ရှိ လူ့အခွင့် အရေး အခြေအ နေဟာ နောက်ပြန်ဆုတ်နိုင်တဲ့ ဖြစ်နိုင်ချေ ရှိနေသေးတယ်လို့ မြန်မာ နိုင်ငံ ဆိုင်ရာ ကုလ လူ့အခွင့် အရေး ကိုယ်စားလှယ် တောမတ် ကင်တားနားက ပြောလိုက်ပါ တယ်။
ခုနောက်ဆုံး တွေ့ရတဲ့ အစိုးရ လုပ်ဆောင်ချက် တွေက လူ့အခွင့် အရေး အခြေ အနေ တိုးတက် ကောင်းမွန်ဖို့ အပေါင်း လက္ခဏာ ဆောင်တဲ့ သက်ရောက်မှု ရှိစေ ပေမယ့် စိန်ခေါ်မှုတွေ ဆက်ရှိနေပြီး ခုရထားတဲ့ တိုးတက် ပြောင်းလဲမှု ဆိုတာတွေ နောက်ပြန် ဆုတ်သွားနိုင်တဲ့ အန္တရယ် ရှိနေသေးတယ်လို့ သူက ပြောပါတယ်။
အစိုးရက ယုံကြည်ချက်ကြောင့် အကျဉ်း ကျနေသူ အားလုံးကို ပြန်လွှတ် မပေးသေးသလို ကချင် ပြည်နယ် ဘက်မှာလည်း တိုက်ပွဲတွေ ဆက်ဖြစ်နေတဲ့ အတွက် အရပ်သားတွေရဲ့ လူ့အခွင့်အရေး ချိုးဖောက် ခံနေရပါတယ်။
အရေးကြီးဆုံး အချက်ကတော့ အမှီအခို ကင်းတဲ့၊ လွတ်လပ်တဲ့ တရား စီရင်ရေး စနစ် မရှိ သေးသလို အဲဒိ အတွက် ဥပဒေတွေ မရှိသေးပါဘူး။
မြန်မာနိုင်ငံမှာ အစိုးရသစ် တက်လာတယ် ပြောပေမယ့် အစိုးရကို ဝေဖန် သူတွေကို ဖမ်းဆီး ထောင်ချ အပြစ်ပေးနိုင်တဲ့ ဥပဒေတွေ ဆက်ရှိနေပါသေးတယ်။
ဒီထက် ပိုပြီး လေးနက်တဲ့ အချက်တခုက တရား စီရင်ရေး စနစ် အမှီအခို ကင်းဖို့၊ လွတ် လပ်ဖို့ လိုအပ်တာကို အသိအမှတ်ကို မပြုသလို လွတ်လပ်တဲ့ တရား စီရင်ရေး စနစ် လိုအပ် တဲ့ အချက်ကို သူတို့ အသိအမှတ် ပြုချင်စိတ် ရှိတာ မတွေ့ရဘူးလို့ ကင်တားနားက ပြော ပါတယ်။
အစိုးရက လူ့အခွင့်အရေး ချိုးဖောက်မှုတွေ လျော့ကျ သွားဖို့ လုပ်နေတယ် ဆိုပေမယ့် ဒီ ကြားထဲမှာ လူ့အခွင့် အရေး ချိုးဖောက် ခံရနိုင်ချေ ရှိတဲ့လူတွေ၊ ချိုးဖောက် ခံရသူတွေကို အကာအကွယ်ပေးဖို့ လုပ်ရမှာ ဖြစ်ပါတယ်။
အစိုးရ လူ့အခွင့်အရေး ကော်မရှင်ကတော့ သီးခြား လွတ်လပ်မှု မရှိသလို လုပ်ကိုင်နိုင် စွမ်းလည်း ရှိတာ မတွေ့ရသေးတဲ့ အတွက် အမျိုးသား လူ့အခွင့်အရေး ကော်မရှင်ဟာ လူ့အခွင့် အရေး ချိုးဖောက်မှုကြီးတွေကို ကိုင်တွယ် ဖြေရှင်းဖို့ အသင့် မဖြစ်သေးဘူးလို့ ကင်တားနားက ပြောပါတယ်။

အရှင်ဂမ္ဘီရ ဝန်ခံကတိ ပေးခဲ့ရသလား
ဝတ်နည်းတော်နဲ့ အညီနေပါ့မယ် ဆိုတာကို မဟနထံ မှာ လက်မှတ် ထိုးပေးခဲ့ရပါတယ်
ဖေဖေါ်ဝါရီ ၁၀ ရက် သောကြာနေ့ မနက် ၂ နာရီ လောက်က ရန်ကုန်တိုင်း အုပ်ချုပ်ရေး အဖွဲ့က ပင့်ဆောင်ခေါ်ယူသွားတဲ့ ၂၀၀၇ သံဃာ့လှုပ်ရှားမှုရဲ့ ဦးဆောင် ဆရာတော် တပါးဖြစ်သူ အရှင်ဂမ္ဘီရအနေနဲ့ ဝတ်နည်း တော်နဲ့အညီ နေပါ့မယ် ဆိုတာကို နိုင်ငံ တော် သံဃာ့မဟာနာယကထံမှာ လက်မှတ် ရေးထိုး ပေးခဲ့တယ်လို့ သိရပါတယ်။
ဦးဂမ္ဘီရကို အဲဒီနေ့က ရန်ကုန်တိုင်း အုပ်ချုပ်ရေး အဖွဲ့ရုံးမှာ ၂ နာရီ နီးပါး စစ်ဆေးခဲ့ပြီးနောက်၊ ညဖက် အချိန်ရောက်တော့ ကမ္ဘာအေး မဟနရုံးကို ခေါ်သွားကြောင်း အရှင်ဂမ္ဘီရရဲ့ အမတော် မခင်သူဌေးက ဘီဘီစီကိုပြောပါတယ်။
၂၀၀၇ ခုနှစ် သံဃာ့လှုပ်ရှားမှုနဲ့ ပတ်သက်တဲ့ အချက် ၁၀ ချက်ပါ လျှောက်ထားချက်ကို အရှင်ဂမ္ဘီရကနေ မဟနထံ လျှောက်ထားခဲ့တယ်လို့လည်း ပြောပါတယ်။
အဲဒီနောက်မှာတော့ မဟနက ရှင်ဂမ္ဘီရကို ဝိနည်းတော်နဲ့ အညီနေပါဆိုတာကို လက်မှတ် ထိုးခိုင်းရာမှာ အရှင်ဂမ္ဘီရကလည်း သူ့အနေနဲ့ အခုလည်း ဝိနည်းနဲ့အညီ နေထိုင် နေတာဖြစ်လို့ လက်မှတ်ထိုးပေးခဲ့ကြောင်း မခင်သူဌေးက ပြောပါတယ်။
ည ၉နာရီ လောက်မှာတော့ နှစ်ဘက်အကြား အားလုံးအဆင်ပြေသွားကြတဲ့အတွက် ရှင်ဂမ္ဘီရကို သူ သီတင်းသုံးတဲ့ သင်္ကန်းကျွန်း မဂ္ဂင်ကျောင်းတိုက်ဆီကို ပြန်ပို့ပေးခဲ့ ပါတယ်။
ဆရာတော် ဦးဂမ္ဘီရဟာ ၂၀၀၇ သံဃလှုပ်ရှားမှု အပြီး ထောင်ဒဏ် ၆၈ နှစ် ချမှတ် ခံရပြီး နောက် ဇန်နဝါရီလ ၁၃ ရက်နေ့ကမှ နိုင်ငံတော်သမ္မတရဲ့ လွတ်ငြိမ်း ချမ်းသာခွင့် နဲ့ ပြန်လည် လွတ်မြောက်လာတာ ဖြစ်ပါတယ်။
ဆရာတော် ထောင်ကနေလွတ်လာတော့ အာဏပိုင်တွေ ချိပ်ပိတ်ထားတဲ့ သူတို့မူလ သီတင်းသုံးတဲ့ မဂ္ဂင်ကျောင်းတိုက်ကို ကိုယ့်သဘောနဲ့ကိုယ် ချိပ်ဖွင့်ဝင်ရောက် နေထိုင်ခဲ့တာ ဖြစ်ပါတယ်။
ဒါ့အပြင် တခြားချိပ်ပိတ်ထားတဲ့ ကျောင်းသုံးကျောင်းကိုလည်း ချိပ်တွေဖွင့်ပြီး နေထိုင်စေခဲ့ တာကြောင့် နိုင်ငံတော် သံဃာ့မဟာနာယကက အရှင်ဂမ္ဘီရကို ၃ ကြိမ် တိုင်တိုင် ခေါ်ယူခဲ့ ပေမယ့်လည်း ဆရာတော်က မကြွရောက်တာကြောင့် ခုလိုခေါ်ယူ စစ်ဆေးခံရတာ ဖြစ်တဲ့ အကြောင်း အတူ သီတင်းသုံးဖေါ်တွေက မိန့်ပါတယ်။
သာသနာရေး ဦးစီးဌာနကတော့ သူတို့ခွင့်ပြုချက်မရဘဲ ချိပ်ဖွင့်ဝင်ရောက်နေထိုင်ခဲ့တဲ့ ကျောင်းတွေကို ဖေဖေါ်ဝါရီ ၄ ရက်နေ့က ပြန်လည် ချိပ်ပိတ်ခဲ့ပြီးတော့ သောကြာနေ့ ညနေပိုင်းမှာတော့ မဂ္ဂင်ကျောင်းတိုက် အပါအဝင် တခြားကျောင်းတွေကို တရားဝင် ပြန်လည် ဖွင့်လှစ်ပေးခဲ့တာဖြစ်ပါတယ်။

ဒေါ်အောင်ဆန်းစုကြည်ကို UNESCO ဆုချီးမြင့်
By မစုမြတ်မွန်
သည်းခံခြင်းနဲ့ အကြမ်းမဖက် နည်းတို့ကို ကျင့်သုံး အားပေးသူတို့အတွက် ကုလသမဂ္ဂရဲ့ ပညာရေး သိပ္ပံနဲ့ ယဉ်ကျေးမှုဆိုင်ရာ UNESCO အဖွဲ့ကပေးတဲ့ Madanjeet Singh ဆုကို အမျိုးသား ဒီမိုကရေစီ ခေါင်းဆောင် ရရှိပါတယ်။ တကယ်တော့ ဒီဆုကို ၂၀၀၂ ခုနှစ်ကတည်းက ဒေါ်အောင်ဆန်းစုကြည် ရရှိထားတာ ဖြစ်ပေမဲ့ ဒီနေ့ကျမှ UNESCO အကြီးအကဲ မစ္စတာ Ryuhei Hosoya က ဆုရုပ်ထုကို ဒေါ်အောင်ဆန်းစုကြည်ရဲ့ လက်ကို ပေးအပ်ခဲ့တာ ဖြစ်ပါတယ်။ အပြည့်အစုံကို ဘန်ကောက်ရုံးက မစုမြတ်မွန်က တင်ပြထားပါတယ်။
အကြမ်းမဖက် သည်းခံခြင်းတို့ကို သူရဲ့တစ်သက်လုံး ကျင့်သုံး ဆောင်ရွက်တဲ့ အိန္ဒိယစာရေးဆရာ လည်းဖြစ်၊ ပရဟိတ လုပ်ငန်းတွေကိုလည်း လုပ်ကိုင်နေတဲ့ UNESCO ရဲ့ အကျိုးဆောင် သံအမတ်ကြီး မစ္စတာ Madanjeet Singh ကို ဂုဏ်ပြုပြီး ပေးတဲ့ဆုကို ၂၀၀၂ ခုနှစ်ကတည်းက ဒေါ်အောင်ဆန်းစုကြည် ရရှိထားတာဖြစ်ပါတယ်။ ဒါပေမဲ့ ဆုရပြီး ၁၀ နှစ်အကြာ အခုမှပဲ ဒီဆုကို ဒေါ်အောင်ဆန်းစုကြည် လက်ခံယူနိုင်တာ ဖြစ်ပါတယ်။ ဒီဆုကို ဒေါ်အောင်ဆန်းစုကြည်ရဲ့ နေအိမ်မှာ လာရောက်ပေးခဲ့သူကတော့ UNSCEO ညွှန်ကြားရေးမှူးချုပ် ရုံးက အမှုဆောင် ဒါရိုက်တာ မစ္စတာ Ryuhei Hosoya ဖြစ်ပါတယ်။
“ဒီဆုဟာ သည်းခံနိုင်မှုနဲ့ အကြမ်းမဖက်မှု တို့အတွက် ပေးတဲ့ဆုဖြစ်ပါတယ်။ UNESCO ညွှန်ကြားရေးမှူးချုပ် ကိုယ်စား ဆုရုပ်တုကို ဒေါ်အောင်ဆန်းစုကြည်ကို ပေးခွင့်ရတဲ့အတွက် ဂုဏ်ယူပါတယ်။” လို့ မစ္စတာ Hosoya က ပြောခဲ့တာဖြစ်ပါတယ်။
အကြမ်းမဖက်နည်းကို အသက်ဆုံးတဲ့အထိ ကျင့်သုံးသွားခဲ့တဲ့ အိန္ဒိယ လွတ်လပ်ရေးဖခင်ကြီး မဟတ္တမဂန္ဒီ အသက် ၁၂၅ နှစ်ပြည်တဲ့ ၁၉၉၅ ခုနှစ်မှာ ကုလသမဂ္ဂက သည်းခံခြင်း နှစ်အဖြစ် သတ်မှတ်ခဲ့ပါတယ်။ အဲဒီနှစ်ကတည်းကစပြီး UNESCO က Madanjeet Singh ဆုကို စတင်ပေးခဲ့တာ ဖြစ်ပါတယ်။ ၂ နှစ် တစ်ခါပေးတဲ့ ဒီဆုကို ၂၀၀၂ ခုနှစ်မှာရခဲ့တဲ့ ဒေါ်အောင်ဆန်းစုကြည်ကို UNSCEO ညွှန်ကြားရေးမှူးချုပ် ရုံးက အမှုဆောင် ဒါရိုက်တာက ဒေါ်အောင်ဆန်းစုကြည်ကို ကိုယ်တိုင် လာရောက်ပေးတဲ့အပြင် ညွှန်ကြားရေးမှူးချုပ်ရဲ့ သတင်းစကားကိုလည်း သယ်ဆောင်လာခဲ့ပါတယ်။
ဆုနဲ့အတူ UNESCO ညွှန်ကြားရေးမှူးချုပ် ပါးလိုက်တဲ့ သတင်းစကားကတော့ UNSCEO အဖွဲ့ကြီး အနေနဲ့ရော၊ ညွှန်ကြားရေးမှူးချုပ် ကိုယ်တိုင်အတွက်ပါ မြန်မာနိုင်ငံဟာ အရေးပါတဲ့ နိုင်ငံတနိုင်ငံ အဖြစ်ရှိနေတဲ့ အကြောင်း၊ မြန်မာနိုင်ငံက ပြုပြင်ပြောင်းလဲမှုတွေ အမျိုးသား ပြန်လည် သင့်မြတ်ရေး ဆောင်ရွက်မှုတို့ အတွက် UNESCO အဖွဲ့ကြီးက အကူအညီတွေ ပေးသွားမယ့် အကြောင်းနဲ့ ဒေါ်အောင်ဆန်းစုကြည်နဲ့ အတူ မြန်မာနိုင်ငံအတွက် ရပ်တည်သွားမှာ ဖြစ်တဲ့အကြောင်းတွေကို UNSCEO ညွှန်ကြားရေးမှူးချုပ် ရုံးက အမှုဆောင် ဒါရိုက်တာ မစ္စတာ Ryuhei Hosoya က ပြောပါတယ်။
ဒေါ်အောင်ဆန်းစုကြည် ကတော့ သူ့ကို ဆုပေးတဲ့အတွက် UNESCO အဖွဲ့ကိုရော မစ္စတာ Madanjeet Singh ကိုပါ ကျေးဇူးတင်တဲ့ အကြောင်းနဲ့ မြန်မာနိုင်ငံ အရေးအတွက် နှစ်ပေါင်းများစွာ အရေးတစိုက်ရှိခဲ့တဲ့ အတွက် ကျေးဇူးတင်တယ်လို့ ပြောပါတယ်။ မြန်မာနိုင်ငံနဲ့ UNESCO အဖွဲ့ အရင်တွေထက်ကို နီးနီးကပ်ကပ် အတူတွဲ အလုပ်လုပ်နိုင်မယ့်နေ့ကို ရောက်ဖို့ မျှော်လင့်တယ်လို့ UNESCO ရဲ့ Madanjeet Singh ဆုရှင် ဒေါ်အောင်ဆန်းစုကြည်က ပြောပါတယ်။ UNESCO အဖွဲ့ကြီးဟာ မြန်မာနိုင်ငံမှာ ရှေးဟောင်း အမွေအနှစ် ထိန်းသိမ်းရေး ကာကွယ် စောင့်ရှောက်ရေး လုပ်ငန်းတွေကို ကူညီလုပ်ကိုင်ပေးနေတဲ့ ကုလသမဂ္ဂရဲ့ အဖွဲ့အစည်းတစ်ခု ဖြစ်ပါတယ်။

ရွေးကောက်ပွဲစောလုပ်ဖို့ မော်လဒိုက်သမ္မတဟောင်း တောင်းဆို
By ဗွီအိုအေ (မြန်မာဌာန)
မော်လဒိုက်နိုင်ငံမှာ နိုင်ငံရေး အကျပ်အတည်းတွေ ကြီးထွားလာနေချိန်မှာ ရွေးကောက်ပွဲတွေ စောပြီးကျင်းပပေးဖို့ သမ္မတဟောင်း Mohamed Nasheed က တောင်းဆိုလိုက်သလို လမ်းပေါ်ထွက် ဆန္ဒပြပွဲတွေ ပြုလုပ်သွားမယ်လို့လည်း သတိပေးလိုက်ပါတယ်။ မြို့တော် မာလေးက သောကြာနေ့ ၀တ်ပြုပွဲကို တက်ရောက်အပြီး လုံခြုံရေး အစောင့်အရှောက်တွေ ထူထူထဲထဲကြားက သမ္မတဟောင်းက ပြောလိုက်တာပါ။
နေအိမ်မှာပဲ အချိန်အတော်များများ နေထိုင်နေတဲ့ သမ္မတဟောင်းက သူ့ကို အာဏာသိမ်းပြီး ရာထူးက အတင်းဖယ်ရှားခံခဲ့ရတာ လို့လည်း ပြောဆိုထားတာ ဖြစ်ပါတယ်။ သူ့အပေါ် ဖမ်းဝရမ်း ထုတ်ပြန်ထားပေမဲ့လည်း အိန္ဒိယသမုဒ္ဒရာထဲက တိုင်းပြည်ငယ်တစ်ခုဖြစ်တဲ့ မော်လဒိုက်နိုင်ငံရဲ့ ပထမဆုံး ဒီမိုကရေစီစနစ်နဲ့ ရွေးကောက် တင်မြှောက်ထားတဲ့ ခေါင်းဆောင်ဟောင်းကတော့ နိုင်ငံမှာပဲ ဆက်လက် နေထိုင်သွားမယ်လို့ ကြေညာထားတာပါ။
ကုလသမဂ္ဂ တာဝန်ရှိသူ တစ်ဦးဖြစ်တဲ့ Oscar Fernandez-Taranco ဟာ မော်လဒိုက်နိုင်ငံမှာ ရောက်ရှိနေပြီး နိုင်ငံရေးအရ မပြေမလည် ဖြစ်နေရတာတွေကို ဖြေရှင်းဖို့ ကြိုးပမ်းတဲ့ အနေနဲ့ သမ္မတသစ် Mohammad Washeed Hassan နဲ့သာမက သမ္မတဟောင်းနဲ့ပါ သောကြာနေ့က တွေ့ဆုံခဲ့ပါတယ်။ ခေါင်းဆောင် နှစ်ယောက်နဲ့ တွေ့ဆုံဖို့ အမေရိကန် လက်ထောက်နိုင်ငံခြားရေး ၀န်ကြီး တစ်ဦးဖြစ်သူ Robert Blake ဟာလည်း မော်လဒိုက်နိုင်ငံကို စနေနေ့မှာ ရောက်လာဖို့ စီစဉ်ထားတာပါ။ အမေရိကန် အနေနဲ့ သမ္မတသစ်ကို မော်လဒိုက်ရဲ့ တရားဝင် အစိုးရအဖြစ် အသိအမှတ် ပြုထားကြောင်း နိုင်ငံခြားရေးဝန်ကြီးဌာန ပြောခွင့်ရသူ Vitoria Nuland က ကြာသပတေးနေ့မှာ ပြောဆိုထားပါတယ်။

အီရန်အပေါ် ဖိအားသုံးဖို့ အိန္ဒိယကို EU တိုက်တွန်း
By ဗွီအိုအေ (မြန်မာဌာန)
အီရန်နိုင်ငံရဲ့ အငြင်းပွားဖွယ်ရာ နျူကလီးယား လက်နက် ပြဿနာအတွက် ဆွေးနွေး ညှိနှိုင်းမှုတွေ ပြန်လုပ်လာအောင် အိန္ဒိယက အီရန်ကို ဖိအားပေးဖို့ EU ဥရောပသမဂ္ဂက အိန္ဒိယအစိုးရကို တိုက်တွန်းလိုက်ပါတယ်။
အိန္ဒိယနိုင်ငံ နယူးဒေလီမှာ ကျင်းပတဲ့ အီးယူ အိန္ဒိယ ထိပ်သီးအစည်းအဝေးမှာ  ဥရောပကောင်စီ အကြီးအကဲ Herman Van Rompuy က နျူကလီးယား လက်နက်ထုတ်ဖို့ အီရန်ကလုပ်ဆောင်မှာ စိုးရိမ်စိတ်ပူကြောင်း ပြောကြားခဲ့ပါတယ်။ အီရန်နိုင်ငံက နျူကလီးယားဗုံး ထုတ်လုပ်ဖို့ကြိုးစားမှာကို  အနောက်နိုင်ငံအတွေက စိုးရိမ်နေကြတာပါ။
အီးယူက အီရန်အတွက် အရေးယူလုပ်ဆောင်ဖို့  အခုလို တိုက်တွန်းချက်နဲ့ပတ်သက်ပြီး အိန္ဒိယ၀န်ကြီးချုပ် မန်းမိုဟန်ဆင်းက တစုံတရာ တုံ့ပြန်မပြောကြားပေမဲ့ အီရန်ရဲ့ နျူကလီးယား အစီအစဉ်တွေမှာ ပြဿနာတွေ ရှိနေတယ် ဆိုတာကိုတော့ ၀န်ခံခဲ့ပါတယ်။
အိန္ဒိယအနေနဲ့ အီရန်နဲ့ ကုန်သွယ်ရေး တိုးမြှင့် လုပ်ဆောင်ဖို့ ဆန္ဒရှိနေကြောင်းလည်း ပြောကြားခဲ့ပါတယ်။ အမေရိကန်နဲ့ ဥရောပနိုင်ငံတွေက အီရန်ကို သူ့ရဲ့ နျူကလီးယား လုပ်ငန်းစဉ်တွေ ဆက်လက် လုပ်ဆောင်နေတာနဲ့ ပတ်သက်ပြီး အရေးယူတဲ့အနေနဲ့ ငွေကြေးဆိုင်ရာ ပိတ်ဆို့မှု အသစ်တွေ ချမှတ်ထားချိန်မှာပဲ ဒါကို အခွင့်ကောင်းယူတဲ့ အနေနဲ့ အိန္ဒိယက အီရန်နဲ့ ကုန်သွယ်ရေးတိုးမြှင့် လုပ်ဆောင်ချင်တဲ့ ဆန္ဒရှိတယ်လို့ အီးယူ အိန္ဒိယ ထိပ်သီး အစည်းအဝေး မတိုင်ခင်မှာပဲ အိန္ဒိယက ကြေညာချက် ထုတ်ပြန်ခဲ့ပါတယ်။ အိန္ဒိယ စီးပွားရေး လုပ်ငန်းရှင်များ အဖွဲ့တစ်ဖွဲ့ကိုလည်း မကြာခင်မှာ အီရန်ကို စေလွှတ်ဖို့ ရှိတယ်လို့ ကြာသပတေးနေ့မှာ အိန္ဒိယက ပြောကြားခဲ့ပါတယ်။

အီရန် နျူကလီးယား အစီအစဉ်သစ်တွေ မကြာခင် ကြေညာမည်
By ဗွီအိုအေ (မြန်မာဌာန)
အီရန်နိုင်ငံဟာ အရေးကြီးတဲ့ နျူကလီးယား စီမံကိန်းတွေကို လာမယ့်ရက်ပိုင်းတွေအတွင်းမှာ ကြေညာမယ်လို့ တီဟီရန်မြို့တော်က အဇာဒီ လွတ်လပ်ရေး ရင်ပြင်မှာ လူထုကို မိန့်ခွန်းပြောကြားပြီးတော့ အီရန်သမ္မတ မာမွတ် အမာဒင်နဂျတ်က ပြောကြားသွားပါတယ်။ အီရန်နိုင်ငံမှာ ၁၉၇၉ ခုနှစ် အစ္စလာမ်မစ် တော်လှန်ရေး ဖြစ်ပွားတဲ့ (၃၃) နှစ်မြောက် အထိန်းအမှတ် အဖြစ်နဲ့ နိုင်ငံတလွှားမှာ အီရန်ပြည်သူ ထောင်ပေါင်းများစွာ စုဝေးခဲ့ကြတာပါ။
၁၉၇၉ အစ္စလာမ်မစ် တော်လှန်ရေးက အမေရိကန်တို့ ကျောထောက်နောက်ခံ ပေးထားတဲ့ သျှားဘုရင်ကို ပြုတ်ကျစေပြီး သဘောထား တင်းမာတဲ့ အစ္စလာမ်ဘာသာရေး ခေါင်းဆောင်တွေ လက်ထဲကို အာဏာရောက်သွားခဲ့တာပါ။ ဒီထက်ပိုပြီးတော့ သမ္မတ က နျူကလီးယား အစီအစဉ်နဲ့ ပတ်သက်ပြီး ကြေညာမယ်ဆိုတာထက် ပိုပြီး အသေးစိတ်ကို ပြောမသွားခဲ့ပါဘူး။ အီရန်နိုင်ငံရဲ့ အငြင်းပွားနေကြတဲ့ နျူကလီးယား လုပ်ငန်းရပ်တွေနဲ့ ပတ်သက်လို့ အီရန်နဲ့ အနောက် နိုင်ငံတွေကြားမှာ တင်းမာမှုတွေ မြင့်မားနေတာဖြစ်ပါတယ်။
စစ်ရေးအရရော အရပ်ဘက်အတွက်ပါ အသုံးဝင်မယ့် ယူရေနီယံသတ္ထု သန့်စင်မှုကို အီရန်အနေနဲ့ ဆက်မလုပ်ဖို့ ဖိအားပေးတဲ့ သဘောမျိုးနဲ့ အခု သီတင်းပတ်တွေမှာ အမေရိကန် ပြည်ထောင်စုနဲ့ ဥရောပ သမဂ္ဂက အီရန်ရဲ့ ဗဟိုဘဏ်နဲ့ ရေနံလုပ်ငန်းအပေါ်မှာ စီးပွားရေးအရ ဒဏ်ခတ်ပိတ်ဆို့မှုကို ပိုပြီးတင်ကျပ်လိုက်တာ ဖြစ်ပါတယ်။
အီရန်အရာရှိတွေဘက်ကတော့ နျူကလီးယားလက်နက် တည်ဆောက်ဖို့ လုပ်ဆောင်နေတာ မဟုတ်ပါဘူးလို့ ငြင်းဆိုနေပါတယ်။

ရန်ကုန်ဟိုတယ်တွေနဲ့ ကမ္ဘာလှည့်ခရီးတွေရဲ့ ဒုက္ခ
ဧရာဝတီ on February 11,
မကြာသေးခင်က ပြည်တွင်းမှာဖြစ်ခဲ့တဲ့ နိုင်ငံရေး အပြောင်းအလဲတွေဟာ နိုင်ငံခြားသားတွေကို မြန်မာပြည်ချက်ချင်း သွားချင်အောင် ဆွဲဆောင်ခဲ့ပါတယ်။ ဒါပေမယ့် နိုင်ငံရဲ့အခြေခံအဆောက်အအုံမှာ အကန့်အသတ်တွေရှိနေတာမို့ တချို့ခရီးသွားတွေအဖို့ တည်းခိုစရာဟိုတယ်ခန်း ရှာမတွေ့နိုင်တဲ့ အခက်အခဲနဲ့ ကြုံရနိုင်ပါတယ်။

ရန်ကုန်မြို့က သက်တမ်းလည်းကြာ၊ နာမည်လည်းကြီးတဲ့ စထရင်းဟိုတယ် (ဓာတ်ပုံ - Colin Hinshelwood)
မြန်မာတနိုင်ငံလုံးမှာ ဟိုတယ် ၇၃၁ လုံးပဲ ရှိပါတယ်၊ အခန်းစုစုပေါင်းကတော့ ၂၅၀၀၀ ပါ။ မြို့တော်ဟောင်းလည်းဖြစ်၊ အခုအချိန်ထိလည်း အများစုက နိုင်ငံထဲကို ဝင်လမ်းထွက်လမ်းအဖြစ် အသုံးပြုနေကြတဲ့ ရန်ကုန်မြို့မှာဆိုရင်လည်း အခန်း ၈၀၀၀ ပဲ ရှိပါတယ်။
အဲ့ဒီအခန်း ၈၀၀၀ မှာ ၃၀၀၀ ပဲ “ကမ္ဘာလှည့် ခရီးသည်တွေအတွက် သင့်တော်တယ်” လို့ ပြည်ထောင်စု မြန်မာနိုင်ငံ ခရီးသွားလုပ်ငန်းအဖွဲ့ (UMTA) ရဲ့ လက်ရှိဥက္ကဌနဲ့ မြန်မာနိုင်ငံ ခရီးသွားလုပ်ငန်းဘုတ်အဖွဲ့ (MTB) ရဲ့ ဒု ဥက္ကဌဖြစ်သူ ဦးမောင်မောင်ဆွေက ဆိုပါတယ်။
ရန်ကုန်က ဟိုတယ်နဲ့ တည်းခိုခန်းတွေဟာ ခရီးသွားတွေကို လက်ခံဖို့ အဆင်သင့်ဖြစ်နေကြတဲ့အပြင် အများစုက အရင်ထက် ဈေးနှုန်းနှစ်ဆ ဒါမှမဟုတ် သုံးဆ တင်ထားကြပါတယ်။ မြို့လယ်မှာရှိတဲ့ ဝိုင်အမ်စီအေနဲ့ ဗိုလ်ချုပ်အောင်ဆန်း လမ်းပေါ်မှာရှိတဲ့ စင်ထရယ်ဟိုတယ် (Central Hotel) တွေဟာ လာမယ့်ရက်သတ္တပတ်အထိ အခန်းအားလုံးပြည့်နေပြီလို့ ဟိုတယ်တာဝန်ရှိသူတွေက ဖေဖော်ဝါရီလ ၁ ရက်နေ့မှာ ပြောပါတယ်။
“အခန်းရှာရင်း နောက်ဆုံးမှာ လမ်းကြားထဲက ဈေးတော်တဲ့ တည်းခိုခန်းရလိုက်တယ်။ တညကို ၂၅ ဒေါ်လာပေးရတယ်။ ဒါပေမယ့်ဗျာ အခန်းကမှောင်ပြီး ညစ်ပတ်နေတဲ့အပြင် မျက်နှာကြက်ပေါ်မှာလည်း ခိုတွေ အသိုက်ဖွဲ့နေကြသေးတယ်” လို့ စိတ်ပျက်လက်ပျက်ဖြစ်နေတဲ့ ကျောပိုးအိတ်လွယ်ခရီးသည် ကနေဒါနိုင်ငံသားက ပြောပြပါတယ်။
ဘယ်လိုပဲဖြစ်နေနေ ရန်ကုန်က ဟိုတယ်ခန်း အရေအတွက်ကတော့ နိုင်ငံခြားခရီးသွား ဧည့်သည်တွေအတွက် လုံလောက်မှု မရှိသေးပါဘူး။ စီးပွားရေးလုပ်ငန်းရှင်တွေ၊ သံတမန်အဖွဲ့တွေ၊ NGO ဝန်ထမ်းတွေနဲ့ မြန်မာနိုင်ငံမှာ အခွင့်အလမ်းအသစ်တွေ ပေါ်လာပြီဆိုတဲ့ မက်လုံးကြောင့် နိုင်ငံထဲကိုလာကြတဲ့ လုပ်ငန်းကိစ္စကြားခံ ဆောင်ရွက်ပေးသူမျိုးစုံဟာ ရန်ကုန်က ဟိုတယ်ခန်းအများစုကို ယူထားကြတယ်လို့ ဒေသခံတွေ အဆိုအရ သိရပါတယ်။
မြန်မာနိုင်ငံမှာ ပထမဆုံး ခရီးသွားလုပ်ငန်းလိုင်စင်ရတဲ့ ဆွစ်ဇာလန်နိုင်ငံသား အာမင် ရှော့ဂ် (Armin Schoch) ကတော့ အမေရိကန် နိုင်ငံခြားရေးဝန်ကြီး မြန်မာပြည်ရောက်တဲ့ ဒီဇင်ဘာလတုန်းက သူနဲ့ တခြားဧည့်သည် အတော်များများဟာ သူတို့တည်းနေတဲ့ ကြယ်ငါးပွင့်အမျိုးအစား ချက်ထရီယမ်ဟိုတယ် (Chatrium Hotel) ကနေ မဖြစ်မနေ ထွက်ပေးဖို့ အပြောခံခဲ့ရတယ်လို့ ဆိုပါတယ်။
“ကျနော်တို့ကို ဟိုတယ်ကနေ ချက်ချင်းပြောင်းပေးဖို့ ပြောတယ်။ ကလင်တန် (Cliton) နဲ့ သူ့အဖွဲ့က ဟိုတယ်အပေါ်ထပ် သုံးခုကို ယူလိုက်တယ်။ တထပ်ကတော့ လက်နက်ကိုင် လုံခြုံရေးတွေအတွက် ဖြစ်တယ်။ ကျနော်လည်း တခြားဟိုတယ် ရှာမတွေ့တာနဲ့ မိတ်ဆွေအိမ်မှာ သွားတည်းလိုက်ရတယ်” လို့ သူက ပြောပါတယ်။
ဟိုတယ်ခန်း လိုအပ်ချက်က တစတစ မြင့်မားလာတာမို့ လက်ရှိအရေအတွက်ဟာ ဒီနှစ်လိုအပ်ချက်ကို ဖြည့်ဆည်းနိုင်မှာ မဟုတ်ပါဘူး။ ၂၀၁၁ မှာ မြန်မာပြည်ကို ဧည့်ဗီဇာနဲ့ လာလည်သူ ၃ သိန်းနဲ့ ၄ သိန်းကြား ရှိပါတယ်။ အဲဒီအထဲမှာ တရုတ်က ၆၅၀၀၀၊ ထိုင်းက ၆၁၀၀၀ နဲ့ အများဆုံးဖြစ်ပါတယ်။ အစိုးရအရာရှိတွေရဲ့အဆိုအရ ၂၀၁၂ မှာ နိုင်ငံခြား ဧည့်သည်အရေအတွက် အနည်းဆုံး ၃၀ ရာခိုင်နှုန်း တက်လာဖို့ မျှော်လင့်ထားတယ်လို့ သိရပါတယ်။
New Yourk Times သတင်းစာ၊ Conde Nast Traveller မဂ္ဂဇင်း၊ CNN သတင်းဌာနနဲ့ Lonely Planet အပါအဝင် သြဇာကြီးတဲ့သတင်းဌာနနဲ့ ခရီးသွားလမ်းညွှန်များကလည်း မြန်မာပြည်ဟာ ၂၀၁၂ မှာ အလည်အပတ် သွားရောက်သင့်တဲ့ ထိပ်တန်းနိုင်ငံတခုအဖြစ် အကြံပြုထားတာမို့ အရင်ကထက် ပိုများတဲ့ အနောက်နိုင်ငံသား အရေအတွက်ကို ဒီနှစ်မှာ “ရွှေမြေ” ဆီ ဆွဲဆောင်နိုင်လိမ့်မယ်လို့ မျှော်လင့်ရပါတယ်။
“၂၀၁၂ မှာ ရန်ကုန် နိုင်ငံတကာလေဆိပ်ကနေ ကမ္ဘာလှည့်ခရီးသည် ၅ သိန်းကို လက်ခံ ကြိုဆိုရလိမ့်မယ်လို့ ကျနော်တို့ ခန့်မှန်းထားပါတယ်။ ပြီးတော့ ၂၀၁၅ မှာ ခရီးသည် ၁ သန်းကျော် လာလိမ့်မယ်လို့လည်း မျှော်လင့်ထားပါတယ်” လို့ ဟိုတယ်နှင့် ခရီးသွားလာရေးဝန်ကြီးဌာန၊ ရန်ကုန်တိုင်းဒေသကြီး လက်ထောက်ညွှန်ကြားရေးမှူး ဦးအုံးမြင့်က ပြောပါတယ်။
ဒါပေမယ့် ခရီးသွားဧည့်သည် အတော်များများကတော့ မြန်မာပြည်ကို လေကြောင်းကနေ သွားလို့မဖြစ်နိုင်တဲ့ အခက်အခဲနဲ့ ကြုံကောင်းကြုံရနိုင်ပါတယ်။ လက်ရှိအခြေအနေမှာ နိုင်ငံထဲကို တိုက်ရိုက်ပျံသန်းတဲ့ နိုင်ငံတကာလေကြောင်း အနည်းငယ်ပဲရှိတာမို့ သွားမယ့်သူအများစုဟာ သူတို့ခရီးစဉ်ကို ဘန်ကောက်ကနေတဆင့် စီစဉ်နေကြရပါတယ်။ မြန်မာပြည်က တခြား “နိုင်ငံတကာလေဆိပ်” ဆိုတဲ့ မန္တလေး၊ ပုဂံနဲ့ နေပြည်တော် လေဆိပ်တွေဟာလည်း လေဆိပ်အနေအထားအရ ခရီးစဉ်မဖြစ်စလောက်ကိုပဲ စီမံခန့်ခွဲနိုင်တာပါ။
အတိုက်အခံ အမျိုးသားဒီမိုကရေစီအဖွဲ့ချုပ် (NLD) ရဲ့ အရင်က စွဲကိုင်ခဲ့တဲ့ ကြိုတင်စီစဉ်ခရီးသွားလာမှု (Package tours and cruises) မှုဆိုင်ရာ “မြန်မာပြည်သပိတ်မှောက်ရေး” လှုပ်ရှားမှုကို လက်တဆုပ်စာ နိုင်ငံတကာ NGO တွေက ထောက်ခံဆဲဖြစ်ပါတယ်။ ဒါပေမယ့် တသီးပုဂ္ဂလ ခရီးသွားတွေနဲ့ ကျောပိုးအိတ်လွယ် ခရီးသည်တွေကိုတော့ ကိုယ့်ဘာသာကိုယ်သွားကြဖို့ တိုက်တွန်းတာမို့ ခရီးသည် အတော်များများဟာ သူတို့ရဲ့ အခွင့်အလမ်းကို အသုံးချဖို့ ကြိုးစားကြမှာဖြစ်ပြီး တည်းခိုစရာတွေ ကြိုတင်ပြင်ဆင်မှုမရှိဘဲ မြန်မာပြည်ထဲကို ရောက်လာကြပါလိမ့်မယ်။
“အဲဒီလိုလာရင်တော့ သူတို့တွေ လမ်းပေါ်မှာ တညလုံး လမ်းလျှောက်ရင်လျှောက် ဒါမှမဟုတ်လည်း ဘုန်းကြီးကျောင်းမှာ အိပ်ရတာမျိုး ဖြစ်နိုင်တယ်။ သူတို့အတွက် အိပ်ရာရှိမှာ မဟုတ်ဘူး” လို့ ရန်ကုန်မှာနေတဲ့ ခရီးသွားလုပ်ငန်း လုပ်ကိုင်သူတယောက်က ဆိုပါတယ်။
အခုလို အခက်အခဲဖြစ်နေတဲ့ အခြေအနေမှာတောင်မှပဲ ရန်ကုန်မြို့ခံတွေဟာ ကိုယ့်အိမ်ခန်းကို ငှားစားတာ ဒါမှမဟုတ် နိုင်ငံခြားဧည့်သည်ကို လိုအပ်လို့ အခန်းပေးတည်းလိုက်တာမျိုး လုပ်လို့မရပါဘူး။ နိုင်ငံတကာက အလည်အပတ် လာရောက်သူတွေဟာ ဘယ်သူ့အိမ်မှာဖြစ်ဖြစ် မတည်းခင် သက်ဆိုင်ရာ အာဏာပိုင်ထံ အကြောင်းကြား ခွင့်ပြုချက်ယူရမယ်ဆိုတဲ့ ဥပဒေရှိနေဆဲမို့ ဖြစ်ပါတယ်။ ပြီးတော့ အမေရိကန်နိုင်ငံသား ဂျွန် ဒဗလျူ ယက်ထော (John W. Yettaw) ဒေါ်အောင်ဆန်းစုကြည်ရဲ့ အင်းလျားကန်စောင်းကအိမ်ကို တညမှာ သူ့သဘောနဲ့သူ ရေးကူးပြီး သွားလိုက်လို့ “နိုင်ငံခြားသားကို ခိုလှုံခွင့်ပေးတယ်” ဆိုတဲ့အမှုနဲ့ ဒေါ်အောင်ဆန်းစုကြည် အပြစ်ဒဏ်ပေးခံရတဲ့ မျက်မြင်သာဓကကိုလည်း ဘယ်သူမှ မမေ့ဘဲရှိနေသေးပါတယ်။
ဒါပေမယ့် အားလုံးကတော့ အဆိုးကြီး မဟုတ်သေးပါဘူး။ ရန်ကုန်က အရာရှိတွေဟာ ရင်းနှီးမြှုပ်နှံသူတွေကို ဆွဲဆောင်နိုင်ဖို့ လုပ်ငန်းခွင့်ပြုချက်နဲ့ လျှောက်လွှာတွေကို အမြန်ပြင်ဆင် ရေးဆွဲနေကြပါတယ်။ ဒေသခံ လုပ်ခံရှင်တွေကိုလည်း ဟိုတယ်တွေ ဖွင့်ကြဖို့ ဖိတ်ခေါ်ထားပါတယ်။ ဒါ့အပြင် ရန်ကုန်မှာရှိတဲ့ ကိုလိုနီခေတ် အဆောက်အအုံဟောင်းတွေကိုလည်း ဟိုတယ်လုပ်ငန်းအတွက် လျာထားပြီး ဟိုတယ်ပိုင်ရှင်တွေကို ကမ်းလှမ်းကောင်း ကမ်းလှမ်းနိုင်ပါတယ်။
ရှာရတန် (The Sheraton)၊ ဝက်စတင် (The Westin) နဲ့ လီ မာရီဒီယန်း (Le Meridien) လိုမျိုး နိုင်ငံတကာဟိုတယ် ကွန်ယက်ကို ကိုယ်စားပြုတဲ့ စတားဝုဒ်ဟိုတယ်နှင့် အပန်းဖြေရာနေရာများ (Starwood Hotels and Resorts) က မြန်မာနိုင်ငံမှာ ရင်းနှီးမြှုပ်နှံဖို့ ရည်ရွယ်ထားတယ်လို့ ပြီးခဲ့တဲ့လ ဆွစ်ဇာလန်နိုင်ငံ ဒါဗို့စ် (Davos) မြို့မှာကျင်းပတဲ့ ကမ္ဘာ့ စီးပွားရေးဖိုရမ် (World Economic Forum) မှာ ပြောခဲ့ပါတယ်။ တခြားကွန်ယက်တချို့ကလည်း အလားတူ ရင်းနှီးမြှုပ်နှံမှုမျိုးတွေလုပ်ဖို့ ကတိပြုကြသေးတယ်လို့ ဦးမောင်မောင်ဆွေက ဆိုပါတယ်။
“မာရီရော့တ် (Marriott) လိုမျိုး တချို့ဟိုတယ်တွေ အရင်က ရင်းနှီးမြှုပ်နှံခဲ့ဖူးတယ်။ ဒါပေမယ့် သူတို့အစိုးရတွေရဲ့ ဖိအားကြောင့် ရင်းနှီးမြှုပ်နှံမှုတွေ ပြန်ရုပ်သိမ်းသွားတယ်လို့ ကျနော်ယူဆတာပဲ။ အခုဆိုရင် သူတို့အားလုံး ပြန်လာချင်နေတယ်ထင်တယ်။ လိုအပ်တဲ့ ကြိုတင်လေ့လာမှုတွေ ဒီနှစ်စလုပ်ကြမယ်လို့လည်း ယူဆတယ်။ ဒါပေမယ့် ၂၀၁၃ အထိတော့ အဲ့ဒီဟိုတယ်တွေ ပြန်လာကြဦးမှာ မဟုတ်ဘူး” လို့လည်း သူက ပြောပါတယ်။

ရုပ်ရှင်ထဲမှာ မြင်ရမယ့် ရန်ကုန်တက္ကသိုလ်နဲ့ ဖွင့်လှစ်တော့မယ့် ဗိုလ်ချုပ်ရုပ်ရှင် ရုံးခန်း
By featured, မစပ်စု on February 11, 2012 11:00 am in သတင်း / 47 comments,  Hits: 18,928
 ရန်ကုန်တက္ကသိုလ်ကို ရုပ်ရှင်တွေထဲ ပြန်မြင်ရတော့မလား
မြန်မာ့ရုပ်ရှင်၊ ဗီဒီယို ဇာတ်ကားတွေကို ကြည့်လိုက်ရင် တက္ကသိုလ်နဲ့ ပတ်သက်တဲ့ ရိုက်ကွင်း ရိုက်ကွက်တွေ၊ ကျောင်းသားကျောင်းသူတွေရဲ့ ပုံရိပ်တွေကို ပြမယ်ဆိုရင်တော့ ဘယ်နေရာမှ သွားမရှာလေနဲ့၊ လှိုင်မြို့နယ်မှာရှိတဲ့ MICT Park ၀န်းထဲမှာ ဖြစ်ချင်ဖြစ် ဒါမှမဟုတ် ယခင်က ယဉ်ကျေးမှုတက္ကသိုလ် ယခု အမျိုးသားယဉ်ကျေးမှုနဲ့ အနုပညာတက္ကသိုလ် ဝန်းထဲမှာသာ ဖြစ်ပါလိမ့်မယ်။
အရာရာပြောင်းလဲ လွတ်လပ်လာပြီလို့ ဆိုရမယ့် မြန်မာနိုင်ငံအနေနဲ့ မကြာသေးခင်က ရန်ကုန် တက္ကသိုလ် ၀န်းအတွင်း ရုပ်ရှင်ဇာတ်ကားတွေ ရိုက်ကူးခွင့်ပြုတော့မယ်လို့ ရန်ကုန်တိုင်းဒေသကြီး အစိုးရအဖွဲ့ ထံကနေ သိရတယ်လို့ ပြည်တွင်းထုတ် Transport ဂျာနယ်မှာ ရေးသားထားပါတယ်။