10.02.2012 နေ့ဖတ်ရန်သတင်းများ

by Myanmar Journal on Friday, February 10, 2012 at 6:47am ·

 
အင်္ဂလန် နည်းပြ ကပ်ပယ်လို ရာထူးက နှုတ်ထွက် 
အင်္ဂလန် နည်းပြ ကပ်ပဲလို ရာထူးက နှုတ်ထွက်

အင်္ဂလန် ဘောလုံး အသင်း နည်းပြ ဖယ်ဘီရီ ကပ်ပယ်လိုဟာ မနေ့က နည်းပြ တာဝန်ကနေ နှုတ်ထွက် သွားပါတယ်။
အင်္ဂလန် ကပ္ပတိန် ဂျွန်တယ်ရီကို အင်္ဂလိပ် ဘောလုံး အဖွဲ့ချုပ်က ကပ်ပယ်လိုကို အသိ မပေးဘဲ ကပ္ပတိန် အရာကနေ ဖယ်ရှားလိုက်ပြီး နောက် ကပ်ပယ်လိုက သူ့ရဲ့ မကျေနပ်မှုကို လူသိ ရှင်ကြား ထုတ်ပြောခဲ့ပါတယ်။

မနေ့က သူနဲ့ အင်္ဂလိပ် ဘောလုံး အဖွဲ့ချုပ်က တာဝန်ရှိသူတွေ ဝင်ဘလီမှာ တွေ့ကြပြီး နောက်မှာ ကပ်ပယ်လိုက ရာထူးက နှုတ်ထွက်ပြီ ဆိုပြီး ကြေညာခဲ့ပါတယ်။
ကပ်ပယ်လိုဟာ ၂၀၀၈ ခုနှစ်မှာ အင်္ဂလန် နည်းပြ ဖြစ်လာခဲ့ပြီး ခုယူရို ၂၀၁၂ အပြီးမှာ သူရဲ့ အင်္ဂလန် နည်းပြ စာချုပ်သက်တမ်း ကုန်ဆုံးမှာ ဖြစ်ပါတယ်။
ကပ်ပယ်လို လက်ထက်မှာ အင်္ဂလန် အသင်းဟာ ကမ္ဘာ့ ဖလားမှာ ဒုတိယ အဆင့်ကနေ အိမ်ပြန် လာခဲ့ရပါတယ်။
အင်္ဂလန်ကို ယူရို ခြေစစ်ပွဲ အောင်အောင် စွမ်းဆောင် ပေးခဲ့ပါတယ်။
သူ့နေရာကို ဘယ်သူ ဆက်ခံမလဲ မသိရသေးပေမယ့် လက်ရှိ တော်တင်ဟမ် နည်းပြ ဟယ်ရီ ရက်နက်ကို ခန့်နိုင်တယ်လို့ ကျယ်ကျယ် ပြန့်ပြန့် ထင်ကြေးပေး ပြောဆို နေပါတယ်။

ဖယ်ရှားခံ သမ္မတ မိုဟာမက် နာရှိဒ်မော်လ်ဒိဗ် နိုင်ငံ မငြိမ်မသက်ဖြစ်
မော်လ်ဒိဗ် နိုင်ငံ မာလီမြို့ မှာ သမ္မတဟောင်း မိုဟာမက် နာရှိဒ် ကို ထောက်ခံတဲ့ လူထု စုရုံး စည်းဝေးပွဲ ကို လုံခြုံရေး တပ်ဖွဲ့တွေ ကနေ နံပါတ်ဒုတ်တွေ၊ မျက်ရည်ယို လက်နက်တွေ နဲ့ ပစ်ခတ်ယင်း ဖြိုခွဲ လိုက်ပါတယ်။
အဲဒီ အတွက် အများအပြား ဒဏ်ရာရကြပြီး ပါတီ ခေါင်းဆောင်ပိုင်းတွေ လည်း အဖမ်းခံလိုက်ရပါတယ်။
အခုဖြစ်ပျက်တဲ့ မငြိမ်မသက်မှု ဟာ အဒ္ဒူကျွန်း နဲ့ သင်နက်ဒူ ကျွန်းတွေ အထိ ကူးစက်သွားရာမှာ ဆန္ဒပြသူတွေ က ရဲစခန်းတွေ ကို တိုက်ခိုက် ဖျက်ဆီးကြပါတယ်။
စောစောပိုင်းကလည်း မစ္စတာနာရှိဒ် က သူ့ကို သေနတ် နဲ့ တေ့ပြီး အဓမ္မ ရာထူးက ဆင်းခိုင်းကြောင်း လူထု ကို ပြောရာမှာ လက်ရှိ သမ္မတ မိုဟာမက် ဝါဟစ် ဟာဆန်က မဟုတ် မမှန်ကြောင်း ငြင်းဆိုခဲ့ပါတယ်။

ရခိုင်ပြည်နယ်ကနေ ယူနန်ကို ဆက်သွယ်မယ့် ဓာတ်ငွေ့ ပိုက်လိုင်းဓာတ်ငွေ့ ပိုက်လိုင်းကြောင့် စိုက်ခင်းပျက်စီး
ရခိုင်ပြည်နယ်ကနေ တရုတ်ကို သွယ်တန်း မယ့် သဘာဝ ဓာတ်ငွေ့ ပိုက်လိုင်း ဖောက် လုပ်နေရာမှာ ချောင်းတွေကို ပိတ်ပြီး ပိုက်လိုင်းမြှတ်၊ ကားလမ်း ဖေါက်ဖို့ အတွက် ရေတွေ စုပ်ထုတ်တာကြောင့် မကွေးတိုင်း ရေနံချောင်း မြို့နယ်က ကြက်သွန် စိုက်ခင်း ဧက ရာချီ ပျက်စီး ကုန်တယ်လို့ သတင်း ရရှိပါတယ်။
တရုတ်ပိုက်လိုင်း စီမံကိန်းဖြတ်သွားတဲ့ မကွေး တိုင်း အတွင်းက ပင်းချောင်းကို ဖြတ်ပြီးဖေါက် တဲ့ လုပ်ငန်းခွင်က စုပ်ထုတ်လိုက်တဲ့ ရေတွေကြောင့် ရေနံချောင်း မြို့နယ်က ဥသျှစ်ကုန်း၊ ဝါးရိုး၊ မုံကန်နဲ့ ရွှေထုပ်ကန် ရွာက တောင်သူတွေ ပိုင်တဲ့ ကြက်သွန်နီ စိုက်ခင်း ဧက တရာ ကျော် ရေဝင်ပြီးတော့ ပျက်စီးကုန် တယ်လို့ သတင်း ရရှိပါတယ်။
ဝါးရိုးကွင်း၊ မုံရွာကွင်း ရွှေတုတ်ကန် ကွင်းတွေ စနစ်ပြီး နစ်လို့ မနိုင်တဲ့ အတွက် ရေစုပ်စက်နဲ့ မြောင်းဖောက်ရာကနေ မြောင်းကျိုးပြီး ဥသျှစ်ကုန်း ကွင်းထဲထိ ရေအကုန် ဝင်ကုန်တယ်လို့ ဥသျှစ်ကုန်း ရွာသား တယောက်က ပြောပါတယ်။
ကြက်သွန်ခင်းတွေ ရေဝင်ကုန်တဲ့ ကိစ္စကို မြို့နယ် အာဏာပိုင်တွေကို တင်ပြတော့ ကွင်းဆင်း စစ်ဆေးမှု လာလုပ်ပေမယ့် ဒါဟာ တောင်သူတွေဂရုမစိုက်လို့ဖြစ်တာ ဆိုပြီး အရေး ယူမပေး ဘူးလို့ ဆိုပါတယ်။
တောင်သူတွေဘက်ကတော့ စီမံကိန်း တာဝန် ရှိသူတွေဟာ ရေလွှဲတဲ့ နေရာမှာ အသေအချာ မလုပ်လို့ ဖြစ်ရတာလို့ ဒေသခံ တောင်သူ နောက်တယောက်က ပြောပြပါတယ်။
ဥသျှစ်ကုန်းရွာ တရွာတည်းတင် ရေမြုပ်တဲ့ ကြက်သွန်ခင်းရှင်ပေါင်း ၁၇ ဦး ရှိပြီး ဆုံးရှုံးတဲ့ အရင်းအနှီး ပမာဏ သိန်း ၇၀ ကျော် ရှိတယ်လို့ ဒေသခံက ပြောပါတယ်။
ကျန်တဲ့ ကြက်သွန်ခင်းတွေကလည်း စိမ့်ရေတွေကြောင့် အပင် လုံးဝ မဖြစ်တော့ဘဲ ဆုံးရှုံး ရတော့မယ့် အခြေအနေ ဆိုက်နေတယ်လို့ သိရပါတယ်။
ဆုံးရှုံးသွားတဲ့ တောင်သူတွေက သက်ဆိုင်ရာ ကျေးရွာ အုပ်ချုပ်ရေးမှူးတွေနဲ့ အတူ မြို့နယ် အုပ်ချုပ်ရေးမှူးထိ တိုင်ကြားထားပေမယ့် ဘာမှ အကြောင်း မထူးတာကြောင့် အထက် အ ဆင့်ဆင့်ထိ ဆက်လက် တိုင်ကြား သွားမယ်လို့ သတင်း ရရှိပါတယ်။

တိဘက်ဒေသ မတည်ငြိမ်မှု ကြောင့် အရာရှိတွေကို ရာထူးဖြုတ်
တိဘက်ဒေသတွင်း မတည်ငြိမ်မှုတွေဟာ ၄ နှစ် အတွင်း အဆိုးဝါးဆုံး ဖြစ်ပွားနေပါတယ်
တရုတ်နိုင်ငံ တိဘက်ဒေသတွင်း တည်ငြိမ်မှု ရှိအောင် မဆောင်ရွက်နိုင်ခဲ့တဲ့ အတွက် အဲဒီဒေသရဲ့ တရုတ်ကွန်မြူနစ်ပါတီ အကြီးအကဲက အစိုးရ အရာရှိ ၆ ဦးကို ရာထူးကနေ ထုတ်ပယ်လိုက်ပါတယ်။
အဲဒီအထဲက လေးဦးကတော့ နှစ်သစ်ကူး ပွဲတော်အတွင်းက သူတို့ရဲ့ တာဝန်တွေကို မထမ်းဆောင်ခဲ့လို့ ဆိုပြီး ထုတ်ပစ်လိုက်တာ ဖြစ်ကြောင်း အစိုးရ တရားဝင်ထုတ်ပြန်တဲ့ တိဘက်နေ့စဉ် သတင်းစာမှာ ဖေါ်ပြထား ပါတယ်။
တိဘက်လူမျိုးတွေ အများစုရှိကြတဲ့ ဒေသတွေမှာ ၄ နှစ်အတွင်း မတည်ငြိမ်မှုတွေ အဆိုး ဝါးဆုံး ဖြစ်ပွားနေတဲ့ အခုလိုအချိန်မှာ အစိုးရ အရာရှိတွေကို ရာထူးက ထုတ်ပယ်မှုတွေ ပြုလုပ်နေတာလည်းဖြစ်ပါတယ်။
အိမ်နီးချင်း ဆီချွန်ပြည်နယ်မှာတော့ တိဘက်အမျိုးသားတဦးဟာ တရုတ်အုပ်ချုပ်မှုကို ဆန့်ကျင်တဲ့ အနေနဲ့ ဗုဒ္ဓဟူးနေ့က ကိုယ့်ကိုကိုယ်မီးရှို့ ဆန္ဒပြခဲ့တယ်လို့ အဝေးရောက် တိဘက် အဖွဲ့အစည်းတွေက ပြောပါတယ်။
အခုလို မီးရှို့ဆန္ဒပြမှုတွေဟာ အခုတကြိမ်ပါနဲ့ဆို တနှစ်အတွင်း အခါ ၂၀ ရှိခဲ့ပြီ ဖြစ်ပါတယ်။

ဆီးရီးယားသမ္မတနဲ့ ရုရှားနိုင်ငံခြားရေးဝန်ကြီးဆီးရီးယားတပ်ဖွဲ့တွေက ဆက်ချေမှုန်းနေ
ဆီးရီးယားအစိုးရတပ်ဖွဲ့တွေဟာ ဟုမ်းစ်မြို့မှာရှိတဲ့ လက်နက်ကိုင် အတိုက်အခံ တွေကို ဖြိုခွဲဖို့အတွက် ၆ ရက်မြောက်နေ့အဖြစ် မြို့ကို အမြောက်နဲ့ တွေနဲ့ အကြီးအကျယ် ထပ်မံ ပစ်ခတ် တိုက်ခိုက်မှုတွေ ပြုလုပ်ခဲ့ပါတယ်။
အမြောက်နဲ့ပစ်လို့ ဒီကနေ့မှာ မိသားစု ၃ ဦး နေတဲ့အိမ်ကို အိမ်ပြိုကျသွားတဲ့ပြီး အပျက်အစီးတွေ အောက်မှာ ၃ ဦးစလုံး သေဆုံးသွားကြပါတယ်။ ကြာသပတေးတရက်ထဲမှာဘဲလူပေါင်း ၂၀ကျော်သေတယ်လို့ တိုက်ပွဲဝင်သူတွေကပြောပါတယ်။
ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်းက ဆီးရီးယားက သွေးထွက်သံယို ဖြစ်နေမှုတွေ အဆုံးသတ်စေရေး အတွက် လုံခြုံရေးကောင်စီအဖွဲ့ဝင်နိုင်ငံတွေ အနေနဲ့ တသံတည်း မထွက်နိုင်တဲ့အတွက် အလွန်အမင်း ဝမ်းနည်းမိကြောင်းနဲ့ ဒါဟာ ဆီးရီးယား ပြည်သူတွေကို ဘေးဒုက္ခရောက် စေလိမ့်မယ်လို့ လည်းပြောကြား သွားပါတယ်။
နိုင်ငံရေး အပြောင်းအလဲတွေ အတွက် သမ္မတအာဆတ်က သူ့လက်ထောက်ကို အာဏာလွှဲပြောင်းပေးရေး ပါဝင်တဲ့ အာရပ်အဖွဲ့ချုပ်ရဲ့ ဆုံးဖြတ်ချက်မူကြမ်းကို လုံခြုံရေးကောင်စီမှာ ရုရှားနဲ့ တရုတ်တို့က ကန့်ကွက်ခဲ့ပါတယ်။
အတိုက်အခံတွေနဲ့အာဆတ်အစိုးရစကားပြောဖို့ ရုရှားနိုင်ငံက တိုက်တွန်းချက်ကို အမေရိကန်ကပယ်ချလိုက်ပါတယ်။
ဆီးရီးယားမှာအခြေအနေဆိုးဝါးနေတာကို နိုင်ငံတကာက ဖြေရှင်းဖို့အဖြေရှာနေစဉ်မှာဘဲ အရပ်သားများအပါအဝင် လူများအပြား သေဆုံးနေရပါတယ်။

ထိုင်းနိုင်ငံက ရွှေ့ပြောင်းအလုပ်သမားတွေ လုပ်ခွင့်သက်တမ်းတိုးမယ်
ယာယီနိုင်ငံကူးလက်မှတ် လျှောက်မထား သူတွေ ကိုတော့ သက်တမ်းတိုးပေးမှာ မဟုတ်
ထိုင်းနိုင်ငံမှာ အခုလကုန်ပိုင်း အလုပ် လုပ်ခွင့် သက်တမ်းကုန်တော့မယ့် မြန်မာ၊ လောနဲ့ ကမ္ဘောဒီးယား နိုင်ငံသား အလုပ် သမားတွေကို ထိုင်းနိုင်ငံ အလုပ်သမား ဝန်ကြီးဌာနက ကန့်သတ်ချက်နဲ့ သက်တမ်း ၄ လ တိုးပေးဖို့ရှိကြောင်း သိပါတယ်။
အလုပ်လုပ်ခွင့် သက်တမ်းကုန်တော့မယ့် အဲ့ဒီအလုပ်သမားတွေထဲက ၁ သိန်းကျော်ဟာ သက်ဆိုင်ရာနိုင်ငံတွေက ယာယီ နိုင်ငံကူး လက်မှတ်တွေ မရသေးတဲ့ လူတွေ ဖြစ်ကြပါတယ်။
သူတို့ကို ယာယီနိုင်ငံနိုင်ငံကူးလက်မှတ် မရသေးတဲ့ကာလအကြား အလုပ်သမားလက်မှတ် ကို ဇွန်လ ၁၄ ရက်နေ့အထိ သက်တမ်းတိုးပေးဖို့ ရှိတယ်လို့ ထိုင်း အလုပ်သမား ဝန်ကြီးဌာန ညွှန်ကြားရေးမှူးချုပ် ပရာ့ဝစ် ခီးယန်းဖွန်က ရှင်းပြပါတယ်။
ယာယီနိုင်ငံကူးလက်မှတ် လျှောက်လွှာ တင်မထားတဲ့သူတွေကိုတော့ သက်တမ်းတိုးပေးမှာ မဟုတ်ဘူးလို့ သူက ဆက်ပြောပါတယ်။
အခုအချိန်အထိတော့ ယာယီနိုင်ငံကူးလက်မှတ်ရထားတဲ့ အလုပ်သမား ၇ သိန်းကျော် ရှိပြီလို့ ညွှန်ကြားရေးမှူးချုပ်က ပြောပါတယ်။
မြန်မာအလုပ်သမားတွေကို နိုင်ငံသားစိစစ်ပြီး ယာယီနိုင်ငံကူးလက်မှတ် ထုတ်ပေးမယ့် ရုံးတွေကို ဘန်ကောက်၊ ချင်းမိုင် အပါအဝင် နေရာ ၅ နေရာမှာ အခုလကုန်ပိုင်း ရုံးဖွင့်ပြီး၊ လုပ်ပေးနိုင်မှာဖြစ်လို့ သက်တမ်းတိုးပေးထားတဲ့ ၄ လ အတွင်းမှာ အလုပ်သမား အားလုံးကို ယာယီနိုင်ငံကူး လက်မှတ် ထုတ်ပေးနိုင်မယ်လို့လည်း ညွှန်ကြားရေးမှူးချုပ်က ခန့်မှန်း ပြောသွားပါတယ်။
အဲ့ဒီနောက်ပိုင်းမှာတော့ သက်ဆိုင်ရာနိုင်ငံကနေ ယာယီနိုင်ငံကူး လက်မှတ်နဲ့ တရားဝင် လာရောက် အလုပ်မယ့်သူတွေကိုဘဲ ထိုင်းက လက်ခံတော့မှာဖြစ်တယ်။
ရန်ကုန်ကနေ လေယာဉ်ပျံနဲ့ တိုက်ရိုက်လာရောက်နိုင်အောင်လည်း နှစ်နိုင်ငံ အစိုးရတွေ ပြင်ဆင်နေတယ်လို့ ထိုင်းအလုပ်သမား ဝန်ကြီးဌာန ညွှန်ကြားရေးမှူးချုပ် ပရာ့ဝစ် ခီးယန်းဖွန်က ပြောပါတယ်။

ABSDF ကျောင်းသားတပ်မတော်နဲ့ အစိုးရ ဆွေးနွေး
ရန်ကုန်မှာ ဆွေးနွေးဖို့ အစီအစဉ်လည်း ရှိတယ်လို့ ကိုမျိုးဝင်းကပြောပါတယ်
မြန်မာအစိုးရ ငြိမ်းချမ်းရေး ဖေါ်ဆောင် ရေး အဖွဲ့က ဦးစောခင်စိုး ဦးဆောင်တဲ့ ကိုယ်စားလှယ်ဖွဲ့နဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး ABSDF ရဲ့ ကိုယ်စားလှယ်တွေဟာ မဲဆောက်မြို့မှာ ကြာသပတေးနေ့က ငြိမ်းချမ်းရေးအတွက် ပဏာမ တွေ့ဆုံ ဆွေးနွေးခဲ့ကြပါတယ်။
ငြိမ်းချမ်းရေးကိစ္စ၊ ဒီမိုကရေစီဖေါ်ဆောင်ရေး ကိစ္စ၊ နိုင်ငံရေးပြဿနာတွေကို နိုင်ငံရေး နည်းအရ အဖြေရှာရေး ကိစ္စတို့အတွက် နှစ်ဘက်အကြား တန်းတူညီတူ ဘယ်လို ဆွေးနွေး နိုင်ကြမလဲ ဆိုတဲ့ အခြေခံတွေနဲ့ ပတ်သက်ပြီး အဓိက ညှိနှိုင်းခဲ့ကြတာ ဖြစ်တယ်လို့ ABSDF ကိုယ်စားလှယ်အဖွဲ့ ခေါင်းဆောင်ဖြစ်တဲ့ ABSDF ဒုတိယဥက္ကဌ ကိုမျိုးဝင်းက ဘီဘီစီကို ပြောပါတယ်။
နောက်ပြီး၊ စစ်မှန်တဲ့ငြိမ်းချမ်းရေးနဲ့ စစ်မှန်တဲ့ နိုင်ငံရေး ပြုပြင်ပြောင်းလဲမှုတွေ ဆောင်ရွက် နိုင်ရေးအတွက်ကို ငြိမ်းချမ်းရေး စားပွဲမှာ တန်းတူညီတူ ဆွေးနွေးနိုင်ဖို့ အတွက်လည်း သဘောတူခဲ့ကြတယ်လို့ ကိုမျိုးဝင်းက ဆက်ပြောပါတယ်။
အခုဆွေးနွေးမှုတွေမှာ နှစ်ဘက်အကြား ပွင့်ပွင့်လင်းလင်းနဲ့ ရိုးရိုးသားသား ဆွေးနွေးနိုင် ခဲ့တယ်လို့ ယုံကြည်ကြောင်းကိုလည်း ကိုမျိုးဝင်းက ပြောပါတယ်။
ဆွေးနွေးမှုတွေ ဆက်လုပ်ဖို့ စီစဉ်ဆောင်ရွက်သွားမှာ ဖြစ်ပြီး၊ နောက်တကြိမ်ကျရင်တော့ ရန်ကုန်မှာ ဆွေးနွေးဖို့ အစီအစဉ်ရှိတယ်လို့ သူကပြောပါတယ်။
နောက်တခါ တွေ့ဆုံဆွေးနွေးဖို့အတွက် လောလောဆယ်တော့ နှစ်ဦးနှစ်ဘက် အဆင်ပြေမယ့် အချိန်ကို ညှိရဦးမှာ ဖြစ်တယ်လို့ ဆိုပါတယ်။

EU ကော်မရှင်နာနဲ့ မြန်မာ သမ္မတ တွေ့ဖို့ရှိ
မစ္စတာ Piebalgs ဟာ သမ္မတ ဦးသိန်းစိန် နဲ့ တွေ့ဆုံမယ့် ပထမဆုံး EU ကော်မရှင်နာ ဖြစ်
ဖွံ့ဖြိုးတိုးတက်ရေး ဆိုင်ရာ ဥရောပသမဂ္ဂ ကော်မရှင်နာ မင်းကြီး Andris Piebalgs ဟာ ဖေဖော်ဝါရီ ၁၂ ရက်ကနေ ၁၄ ရက်နေ့ အထိ မြန်မာ နိုင်ငံကို သွားရောက်ဖို့ ရှိပါ တယ်။
သူ့ရဲ့ ခရီးစဉ်ဟာ EU ဥရောပ သမဂ္ဂ ကော်မရှင် နာ မင်းကြီး တစ်ယောက်ရဲ့ ပထမဆုံး မြန်မာ နိုင်ငံ ခရီးစဉ် မဟုတ်ပေမဲ့ သူဟာ သမ္မတ ဦးသိန်းစိန် နဲ့ တွေ့ဆုံမယ့် ပထမဆုံး ကော်မရှင် နာ ဖြစ်ပါတယ်။
မြန်မာနိုင်ငံမှာ သမ္မတ ဦးသိန်းစိန် ခေါင်းဆောင်တဲ့ အရပ်သား အစိုးရ တက်လာခဲ့ ပြီးတဲ့ နောက် နိုင်ငံရေး အရ ပြုပြင် ပြောင်းလဲမှုတွေကို EUက ထောက်ခံ ကြိုဆိုပြီး ဆက်လက် အားပေးသွားမယ်လို့လည်း ဥရောပ သမဂ္ဂရဲ့ ကြေညာချက် ထဲမှာ ဖော်ပြထားပါတယ်။
မြန်မာ အစိုးရ အနေနဲ့ အမှန်တကယ် ပြုပြင် ပြောင်းလဲရေး လုပ်နေပါတယ် ဆိုတာကို ပြသနိုင်ဖို့ ဧပြီလ ၁ ရက်နေ့မှာ ပြုလုပ်မယ့် ကြားဖြတ် ရွေးကောက်ပွဲဟာ လွတ်လပ်မျှတဖို့ အရေးကြီးတယ်လို့ မစ္စတာ Piebalgs က BBC World Today အစီအစဉ်နဲ့ တွေ့ဆုံ မေးမြန်း ခန်းမှာ ပြောပါတယ်။
တခါ မြန်မာ အစိုးရဘက်က ပွင့်လင်း မြင်သာတဲ့ လုပ်ဆောင်မှုတွေ ရှိနေသလို နောက်ထပ် ဆက်လက် လုပ်ဆောင်စရာတွေလည်း ကျန်နေသေးပြီး နိုင်ငံရေး အကျဉ်းသား တချို့ကို ပြန်လွှတ်ပေးဖို့ လိုနေသေးကြောင်း၊ ဒါကြောင့် သတိထား စောင့်ကြည့်ဖို့ လိုသေးတယ်လို့ ယူဆကြောင်း သူက ပြောပါတယ်။
EU ဘက်ကတော့ မြန်မာ အစိုးရရဲ့ လုပ်ဆောင်မှုတွေကို အခြေခံပြီး အပြုသဘော တုံ့ပြန် နေကြောင်း၊ မြန်မာ အစိုးရရဲ့ ပြုပြင်ပြောင်းလဲမှု ဖြစ်စဉ်တွေကို ကြည့်ပြီး တဆင့်ချင်းစီ လိုက်လျောတာတွေ လုပ်နေရာမှာ မကြာသေးခင်ကပဲ မြန်မာအစိုးရအဖွဲ့ ထိပ်တန်း ခေါင်းဆောင် တချို့ကို EUက ပြည်ဝင်ခွင့် ဗီဇာ ကန့်သတ်ချက်တွေ လျှော့ပေါ့ပေးခဲ့ကြောင်း မစ္စတာ Piebalgs က ပြောပါတယ်။
မြန်မာ နိုင်ငံမှာ အတိတ်က ဖြစ်ခဲ့တဲ့ လူ့ အခွင့် အရေး ချိုးဖောက်မှုတွေ ကို ထုတ်ဖော် အရေးယူဖို့ သင့်မသင့် ဆိုတာနဲ့ ပတ်သက်လို့တော့ အီးယူး ကော်မရှင်နာ မင်းကြီး က မြန်မာနိုင်ငံမှာ အမျိုးသား လူ့ အခွင့်အရေး ကော်မရှင် ထူထောင် လာတာကို အားပေး ထောက်ခံကြောင်းနဲ့ အနာဂတ်မှာ တိုးတက်မှုတွေ ရှိလာအောင် EU အနေနဲ့ ကူညီ ဆောင်ရွက် ပေးသွားမှာ ဖြစ်ကြောင်း၊ ဒါပေမဲ့ အတိတ်က ဖြစ်ခဲ့တဲ့ လူ့အခွင့် အရေး ချိုးဖောက်မှုတွေ ကိုလည်း ပြန်လည် ထုတ်ဖော် သင့်တယ်လို့ ယူဆကြောင်း ပြောသွား ပါတယ်။
တခါ ဒီကိစ္စမှာ မြန်မာ နိုင်ငံသားတွေ ကပဲ အဆုံးအဖြတ် ပေးသင့်တယ်လို့ ယူဆတယ်လို့ လည်း ဆိုပါတယ်။
ဖွံ့ဖြိုး တိုးတက်ရေး ဆိုင်ရာ ဥရောပ သမဂ္ဂ ကော်မရှင်နာမင်းကြီး Andris Piebalgs က သူ့ရဲ့ မြန်မာ ခရီးစဉ် အတွင်းမှာ EU အကူအညီပေးရေး စီမံကိန်းတွေ အကောင်အထည် ဖော်ရေး မှာ အဓိက ပူးပေါင်း လုပ်ဆောင် နေကြသူတွေနဲ့ တွေ့ဆုံဖို့ ရှိပြီး EUက ရန်ပုံငွေ ထောက်ပံ့ ထားတဲ့ ဆေးခန်းတွေကိုလည်း သွားရောက်မယ် လို့ ပြောပါတယ်။
မစ္စတာ Piebalgs ဟာ မြန်မာနိုင်ငံမှာ လူသား ရင်းမြစ် ဖွံ့ဖြိုး တိုးတက် စေရေး အတွက် နည်းလမ်း ရှာဖွေ ဆွေးနွေးမယ့် ဖွံ့ဖြိုးရေး ပေါ်လစီ ဆိုင်ရာ ညီလာခံ ကို ဂျာမန်စီးပွားရေး ပူးပေါင်း ဆောင်ရွက်ရေးနဲ့ ဖွံ့ဖြိုးရေး ဝန်ကြီးနဲ့ အတူ တက်ရောက်ပြီး မိန့်ခွန်း ပြောဖို့လည်း ရှိပါတယ်။
မြန်မာနိုင်ငံမှာ ဆင်းရဲမွဲတေမှု တိုက်ဖျက်ရေး အကူအညီပေးတဲ့အနေနဲ့ EU က အမေရိကန် ဒေါ်လာ သန်း ၂၀၀ နီးပါး လာမယ့် ၂ နှစ် အတွင်း ပေးဖို့ ရှိပါတယ်။

တရုတ်နိုင်ငံရေးခေါင်းဆောင် ခိုလှုံခွင့်ကိစ္စ တရုတ်အစိုးရငြင်း
ဗွီအိုအေ
တရုတ်နိုင်ငံရဲ့ အဆင်မြင့်နိုင်ငံရေးခေါင်းဆောင်တဦးဟာ အမေရိကန်ကောင်စစ်ဝန်ချုပ်ရုံးကို လာရောက်ခဲ့တဲ့ ဆိုတဲ့ ကိစ္စကို တရုတ်အစိုးရက ဒီနေ့ ကြာသာပတေးနေ့မှာ ငြင်းဆိုလိုက်ပါတယ်။
ချုံကင်းမြို့ ရဲချုပ်ဟောင်းလည်းဖြစ် ဒုတိယမြို့တော်ဝန်လည်းဖြစ်ခဲ့တဲ့ Wang Lijun ဟာ အခု သတင်းပတ် အစော ပိုင်းတုန်းက Chengdu မြို့မှာရှိတဲ့ အမေရိကန်ကောင်စစ်ဝန်ချုပ်ရုံးကို လာရောက်ခဲ့တယ်ဆိုတာကို အမေရိကန် အရာရှိ တွေက ဗုဒ္ဒဟူးနေ့က အတည်ပြုခဲ့ပါတယ်။ ဒါပေမယ့် ဘာတွေ ဆွေးနွေးပြောဆိုသလဲ အသေးစိတ်ကိုတော့ မထုတ်ပြန် ပါဘူး။ သတင်းအချို့မှာ သူဟာ အမေရိကန်သံရုံးမှာ နိုင်ငံရေး ခိုလှုံခွင့် တောင်းခံခဲ့တာဖြစ်တယ်လို့ ခန့်မှန်း ရေးသား နေကြပါတယ်။
တရုတ် ဒုတိယနိုင်ငံခြားရေးဝန်ကြီး Cui Tiankai ကတော့ ကြာသာပတေးနေ့မှာ ဒီကိစ္စကို ငြင်းဆိုပါတယ်။ ဒီပြဿနာကို ဖြေရှင်းထားပြီးဖြစ်သလို၊ လာမယ့် ရှေ့သတင်းပတ်ထဲ တရုတ် ဒု သမတ Xi Jinping အမေရိကန် ခရီးစဉ်အပေါ် ထိခိုက်မှုရှိမှာ မဟုတ်ဘူးလို့ တရုတ် ဒုနိုင်ငံခြားရေးဝန်ကြီးက ပြောပါတယ်။  Wang Lijun ကို ပြီးခဲ့တဲ့သတင်းပတ်က Chongqing ရဲချုပ်ရာထူးကနေ အနားပေးခဲ့ပါတယ်။
Chongqing မြို့ရဲ့ သြဇာရှိတဲ့ ကွန်မြူနစ်ပါတီအတွင်းရေးမှုး Bo Xilai နဲ့ မပြေမလည်ဖြစ်ခဲ့ပြီး အခုလို ရာထူး ကနေ အနားပေးခံရတာလို့ အတည်မပြုနိုင်တဲ့ သတင်းတွေ ထွက်ခဲ့ပါတယ်။ Wang ဟာ အလုပ် တာဝန်တွေ ဖိစီးမှုကြောင့် အနားယူရမယ့် အခြေအနေဖြစ်တယ်လို့ မြို့တော်အုပ်ချုပ်ရေးအဖွဲ့က ပြောလိုက်တဲ့နောက် ကောလဟာလသတင်းက ပိုကျယ်ပြန့်လာပါတယ်။ တရုတ်နိုင်ငံမှာ နိုင်ငံရေးအရ အနားပေးတယ် ရာထူးက ထုတ်ပယ်တယ်ဆိုရင် ကျန်းမာရေးကို အကြောင်းပြလေ့ရှိပါတယ်။

မြန်မာပုဂ္ဂလိကဘဏ် ၁၁ ခု နိုင်ငံခြားငွေရောင်းဝယ်ခွင့်ရ
စုမြတ်မွန်
မြန်မာနိုင်ငံမှာ နိုင်ငံခြားငွေအထုတ်အသွင်း လုပ်ခွင့်ရှိတဲ့ အစိုးရဘဏ်တွေက တဆင့်ဝင်လာတဲ့ ကိုယ့်ရဲ့ နိုင်ငံခြားငွေကို မြန်မာကျပ်ငွေအဖြစ် ပြောင်းလဲချင်သူတွေ၊ အဲဒီဘဏ်တွေကတဆင့် နိုင်ငံခြားငွေ အလွှဲ အပြောင်း လုပ်ချင်သူတွေအနေနဲ့ ဒီနေ့စလို့ ပုဂ္ဂလိကဘဏ် ၁၁ ခုမှာ ဘဏ်စာရင်း ပြောင်းနည်းနဲ့ ရောင်း ဝယ်နိုင်ပြီဖြစ်ပါတယ်၊ ပြည်တွင်းက ပုဂ္ဂလိက ဘဏ်တွေကို နိုင်ငံခြားဘဏ်လုပ်ငန်းလုပ်ကိုင်ဖို့ ပထမအဆင့် အနေနဲ့ အစိုးရက ခုလိုခွင့်ပြုလိုက်တာနဲ့ ပါတ်သက်လို့ ဘန်ကောက်ရုံးက မစုမြတ်မွန်က တင်ပြထား ပါတယ်။
အစိုးရဘဏ်တွေဖြစ်တဲ့ မြန်မာ့နိုင်ငံခြား ကုန်သွယ်မှုဘဏ် MFTB နဲ့ မြန်မာ့ ရင်းနှီးမြှုပ်နှံမှုနဲ့ ကူးသန်း ရောင်း ၀ယ်ရေးဘဏ် MICB တို့ မှာရှိတဲ့ ကိုယ့်ရဲ့ နိုင်ငံခြားငွေတွေကို အစိုးရခွင့်ပြုထားတဲ့ ပုဂ္ဂလိကဘဏ် ၁၁ ခုဆီ ကို ဒီနေ့ ကစလို့ လွှဲပြောင်း အရောင်းအဝယ်လုပ်လို့ ရသွားတာဖြစ်ပါတယ်၊ အလားတူပဲ ဒီဘဏ် တွေကနေ နိုင်ငံခြားငွေကို ဝယ်ယူလွှဲပြောင်းလို့ ရပြီ ဆိုတဲ့အကြောင်းကို မြန်မာ့ရှေ့ဆောင်ဘဏ်လိမိတက် ရဲ့ တာဝန်ရှိ သူတယောက်က ခုလို ရှင်းပြပါတယ်၊
“ကျနော်တို့ဆီမှာ နိုင်ငံခြားငွေကို အများဆုံးဝင်လာတဲ့ကိစ္စကိုပြောတာပေါ့နော်။ ၀င်လာတဲ့ကိစ္စတွေမှာဆို သံရုံးတွေရှိမယ်၊ နောက်တခါ International INGO တွေရှိမယ်။ Foreign Investment နဲ့ လာပြီးလုပ်တဲ့ ဟာတွေရှိမယ်။ ဆိုတော့ သူတို့ဝင်လာတဲ့ စာရင်းတွေတော်တော်များများဟာ MFTB, MICB မှာရှိတယ်ခင်ဗျ။  MFTB, MICB မှာရှိတဲ့ ငွေစာရင်းကို ပြည်တွင်းမှာသုံးဖို့ Domestic currency ကျပ်ကိုသုံးချင်တဲ့အခါ ပြောင်းချင်တဲ့အခါ ကျနော်တို့ဘဏ်တွေမှာ တရားဝင် ရောင်းချလို့ရပြီခင်ဗျ။ အဲဒါအ၀င်ပေါ့နော်၊ နိုင်ငံခြားငွေ ကို ကျနော်တို့ဆီမှာ ရောင်းတဲ့ကိစ္စပေါ့နော်။ နောက်တခါ ကျနော်တို့ Import လုပ်ချင်တဲ့ပုဂ္ဂိုလ်တွေပေါ့၊ နိုင်ငံခြားက ပစ္စည်းကိုသွင်းချင်တဲ့ပုဂ္ဂိုလ်တွေကျတော့သူ့ဆီမှာ နိုင်ငံခြားငွေမရှိဘူးခင်ဗျ။ မရှိတဲ့အခါကျတော့ ကျနော်ဘဏ်တွေမှာ နိုင်ငံခြားငွေကိုဝယ်ချင်ရင်ဝယ်လို့ရပြီ။”
အရင်ကဆိုရင် MFTB, MICB တို့ကတဆင့် ဝင်လာတဲ့ ကိုယ့်ရဲ့ နိုင်ငံခြားငွေတွေကို မြန်မာကျပ်ငွေအဖြစ် ပြောင်းချင်သူ အများစုက နိုင်ငံခြားငွေ မှောင်ခိုဈေးကွက်တွေမှာ ရောင်းချ ပြောင်းလဲကြရတာဖြစ်ပါတယ်၊ အခုတော့ ပုဂ္ဂလိက ဘဏ် တွေဆီကို ရွှေ့ပြောင်းပြီး နိင်ငံခြားငွေလဲ သိမ်ဖြူကောင်တာက သတ်မှတ်ပေးတဲ့ ဈေးနဲ့ မြန်မာငွေ ထုတ်နိုင်တော့မှာ ဖြစ်ပါတယ်၊ အဲဒီလို ဘဏ်စာရင်းပြောင်းနည်းနဲ့ အရောင်းအဝယ်လုပ်ဖို့ ဝန်ဆောင်ခကိုရော ပုဂ္ဂလိက ဘဏ်တွေက ဘယ်လိုယူပါသလဲ။
“လောလောဆယ် ကျနော်တို့ဆီမှာ ငွေဝယ်တာနဲ့ပတ်သက်ပြီးသော်၎င်း၊ ရောင်းတာနဲ့ ပတ်သက်ပြီးသော်၎င်း၊ ကျနော်တို့သတ်မှတ်တဲ့ နှုံးအတိုင်းဘဲဝယ်ပြီးတော့ တခြားဝန်ဆောင်ခဘာညာမရှိသေးပါဘူး။ အရင်တုံးက တော့ သိမ်ဖြူကောင်တာကနေပြီးတော့မှ ဒေါ်လညဆိုရင် ဘယ်လောက်ဝယ်၊ ဘယ်လောက်ရောင်းဆိုတဲ့ သတ်မှတ်ချက်ရှိပါတယ်။ ဒါပေမဲ့ ဒီနေ့ ၉ ရက်နေ့ကစပြီးတော့မှ အဲလိုမျိုးမသတ်မှတ်တော့ဘဲ သိမ်ဖြူ ကောင်တာကနေ ကြားနှုံးတခုသတ်မှတ်ပေးလိုက်ပါတယ်။ ဆိုကြပါစို့ ကျနော်တို့ ငွေပမာဏ ဘယ်လောက် ဆိုတာသတ်မှတ်ပေးတယ်။ အဲဒီမှာ အပေါင်းဖြစ်ဖြစ်၊ အနှုတ်ဖြစ်ဖြစ် ၀.၈% ဈေးကစားလို့ ရအောင် တွက် ပေးထားပါတယ်။ ဒီနေ့တော့ ၈၁၈ ကျပ်ဈေးသတ်မှတ်ပါတယ်။”
နိုင်ငံခြားငွေကို ရောင်းဝယ်ဖေါက်ကားခွင့် လိုင်စင်ရထားတဲ့ ပုဂ္ဂလိကဘဏ် ၁၁ ခုမှာ ခုလို နိုင်ငံခြား ငွေတွေ ကို ဘဏ်စာရင်းပြောင်းပြီး အရောင်းအဝယ် လုပ်နိုင်ပြီဆိုပေမဲ့ ပြည်တွင်းမှာ ရှိတဲ့ ဘဏ်တွေကြားမှာပဲ ငွေကို အရွှေ့ အပြောင်းလုပ်လို့ ရပါသေးတယ်၊ ဒီဘဏ်တွေကနေ တိုက်ရိုက်  နိုင်ငံခြားဘဏ်တွေဆီကို ငွေ အပြောင်းအရွှေ့တော့ လုပ်လို့ မရသေးပါဘူး၊
“ကျနော်ဘဏ်မှာရှိတဲ့ စာရင်းပိုင်ရှင်တယောက်က နိုင်ငံခြားကိုငွေလွှဲချင်တယ်ဆိုရင် ကျနော်တို့ဆီ မှာလာ ၀ယ်၊ လာဝယ်ပြီးတော့ MFTB, MICB ကတဆင့်ဘဲ လွှဲလို့ရအုံးမယ်ထင်တယ်။ တခြားပုဂ္ဂလိက ဘဏ်တွေ လည်း ဒီအတိုင်းပါဘဲခင်ဗျ၊ လောလောဆယ်ကျနော်တို့က ငွေလွှဲဖို့ Corresponding Banking ဘာညာ လုပ်ဖို့အတွက်က ကျနော်တို့က swift တွေဘာတွေ အခုမှ စပြီး လျှောက်နေဆဲကာလဖြစ်ပါတယ်။ နိုင်ငံခြားကို ကျနော်တို့ဘဏ်ကနေ တိုက်ရိုက်လွှဲဖို့ကိစ္စနဲ့ ပတ်သက်လို့ ပြင်ဆင်ဆဲကာလဖြစ်တဲ့အတွက် ဆောင်ရွက်လို့မရသေးတဲ့ကြားကာလမှာတော့ MFTB, MICB ကတဆင့်ဘဲဆောင်ရွက်ရမှာဖြစ်ပါတယ်။”
မေလဆန်းလောက်မှာတော့ မြန်မာ့ရှေ့ဆောင်ဘဏ်အနေနဲ့ နိုင်ငံခြားဘဏ်တွေနဲ့ တိုက်ရိုက် ချိတ်ဆက် ငွေအပြောင်း အရွှေ့လုပ်နိုင်မယ်လို့ မျှော်လင့်တယ်လို့လဲ ဆိုပါတယ်၊ ဘဏ်လုပ်ငန်းနဲ့ ငွေကြေးဆိုင်ရာ ပြုပြင် ပြောင်းလဲမှုတွေ လုပ်ဖို့ ကြိုးစားနေတဲ့ အစိုးရက နိုင်ငံခြားငွေကို ပြည်တွင်းမှာ တရားဝင်ကိုင်ဆောင်ခွင့် ပြုလိုက်တဲ့သဘောမျိုး တနေ့ ဒေါ်လာ ၁ သောင်းအထိ ဘယ်သူမဆို ငွေလဲကောင်တာတွေမှာ လဲခွင့်ပြု လိုက်ပြီးနောက်မှာ ခုလို နိုင်ငံခြားငွေတွေကို ပြည်တွင်း ပုဂ္ဂလိက ဘဏ်တွေမှာ ဘဏ်စာရင်းပြောင်း ရောင်းဝယ်ခွင့်ကို ပြုလိုက်တာလည်းဖြစ်ပါတယ်၊ ဒါဟာ ပုဂ္ဂလိကဘဏ် တွေကို နိုင်ငံခြားဘဏ်လုပ်ငန်းလုပ်ဖို့ ပထမဆုံးအဆင့် အဖြစ်နဲ့ ခွင့်ပြုလိုက်တာဖြစ်တယ်လို့ မြန်မာ့ရှေ့ဆောင် ဘဏ်လိမိတက်  တာဝန်ရှိသူက မြင်ပါတယ်၊
“အရင်တုံးကတော့ဒီလိုမျိုးနိုင်ငံခြားငွေ ကိုင်ဆောင်ရောင်းဝယ်ခွင့်ပြုပေးထားခြင်းမရှိခဲ့ဘူးပေါ့၊ နိုင်ငံခြားဘဏ် လုပ်ငန်းအတွက် ပထမဆုံးအနေနဲ့ ခွင့်ပြုပေးတာပေါ့ခင်ဗျ။ ဘဏ်တွေကို ဒီလိုမျိုး ရောင်းဝယ်ခြင်း လုပ်ငန်း တွေ တဖြည်းဖြည်းခွင့်ပြုပေးတယ်ဆိုတော့ တဖြည်းဖြည်းတရားဝင်ပိုဖြစ်လာပြီး ဘဏ်လုပ်ငန်းတွေ တိုးတက် လာမယ်လို့တော့ ကျနော်တို့မျှော်လင့်ပါတယ်။”
နိုင်ငံခြားငွေတွေကို လောလောဆယ် ပြည်တွင်းမှာပဲ ဘဏ်စာရင်း အပြောင်းအရွှေ့လုပ် ရောင်းဝယ်ခွင့်ရတဲ့ ပုဂ္ဂလိကဘဏ်တွေကတော့ မြဝတီဘဏ်၊ အင်းဝဘဏ်၊ ကမ္ဘောဇဘဏ်၊ အာရှစိမ်းလမ်းမှု ဖွံ့ဖြိုးရေးဘဏ်၊ မြန်မာ့ရှေ့ဆောင်ဘဏ် စတဲ့ နိုင်ငံခြားငွေလဲခွင့် လိုင်စင်ရထားတဲ့ ပုဂ္ဂလိကဘဏ် ၁၁ ခု ဖြစ်ပါတယ်။

EC ကော်မရှင်နာမင်းကြီး မြန်မာပြည်သွားမည်
By ၀င်းမင်း | ၀ါရှင်တန် ဒီစီ
EU ဥရောပသမဂ္ဂမှာ မူဝါဒတွေကို ထိထိရောက်ရောက်အကောင်အထည်ဖော်တဲ့ EC ကော်မရှင်နာမင်းကြီးဟာ ပထမဆုံးအကြိမ် မြန်မာသမတနဲ့ တွေ့ဆုံဖို့ရှိပါတယ်။ ကော်မရှင်မင်းကြီး Andris Piebalgs သွားမယ် ရှေ့သတင်းပတ် မြန်မာခရီးစဉ်ထဲမှာ မြန်မာနိုင်ငံဖွံဖြိုးရေးနဲ့ ဆင်းရဲမွဲတေမှု ပပျောက်ရေးလုပ်ငန်းတွေအတွက် အကူအညီသစ်တွေကို ကြေညာဖို့ရှိပြီး၊ နောက်ထပ်ပြီး ပေးမယ့် အကူအညီတွေအတွက်လည်း လေ့လာသုံးသပ်သွားဖို့ရှိပါတယ်။ ကိုဝင်းမင်းက စုံစမ်းမေးမြန်းထားပါတယ်။
EU ဥရောပသမဂ္ဂမှာ မူဝါဒတွေကို အကောင်အထည်ဖော်ပေးရတဲ့ EC ဥရောပကော်မရှင်က ကော်မရှင်မင်းကြီးဟာ ပထမဆုံးအကြိမ် မြန်မာ သမ္မတနဲ့ တွေ့ဖို့ရှိပါတယ်။
ကော်မရှင်မင်းကြီး Andris Piebalgs ရဲ. ရှေ.အပတ်ခရီးစဉ်ထဲမှာ မြန်မာနိုင်ငံ ဖွံဖြိုးရေးနဲ့ ဆင်းရဲမှု့ပပျောက်ရေး လုပ်ငန်းတွေအတွက် ပေးမဲ့ အကူအညီသစ်တွေကို ကြေငြာပြီး၊ နောင် ထပ်ပေးနိုင်မှာတွေအတွက်လဲ လေ့လာသုံးသပ်သွားမယ်လို့ EC ပြောရေးဆိုခွင့်ရှိသူက ဆိုပါတယ်။
ဒီအကူအညီတွေဟာ မြန်မာနိုင်ငံမှာ ပြုပြင်ပြောင်းလဲရေးတွေ စလုပ်လာတာကို ထောက်ခံပေးဖို့ ဖြစ်တယ်လို့လဲ ဒီ ပြောရေးဆိုခွင့်ရှိသူကဆိုပါတယ်။
ဥရောပကော်မရှင်မင်းကြီး Piebalgs ဟာ  ဖေဖေါ်ဝါရီ ၁၂ ကနေ ၁၄ အတွင်း မြန်မာနိုင်ငံကို သွားပြီး မြန်မာသမ္မတ ဦးသိန်းစိန် နဲ့ ပထမဆုံးအကြိမ်တွေ့ရာမှာ တိုင်းပြည်ထဲမှာ အပြောင်းအလဲစလုပ်လာတာတွေကို ထောက်ခံကြောင်းပြောဖို့နဲ့ ရှေ.ဆက်ပူးပေါင်းဆောင်ရွက်နိုင်တာတွေနဲ့ အကူအညီထပ်ပေးနိုင်တာတွေကို အသေးစိတ်ဆွေးနွေးဖို့ရှိပါတယ်။
EC ဥရောပကော်မရှင်ရဲ. ဖွံဖြိုးရေးဆိုင်ရာ ပြောရေးဆိုခွင့်ရှိသူ Catherine Ray က ဒီခရီးစဉ်ရဲ. ရည်ရွယ်ချက်နဲ့ ကူညီပေးမဲ့ အစီအစဉ်ကို ခုလိုရှင်းပြပါတယ်။
“ဒီနိုင်ငံထဲမှာ ပြုပြင်ပြောင်းလဲရေးတွေ လုပ်ဖို့ရှိတာကို ကျွန်မတို့အနေနဲ့ ထောက်ခံကြောင်းပြောပြချင်ပါတယ်။ နောက်နိုင်ငံရဲ. စိုက်ပျိုးရေး၊ ကျန်းမာရေးနဲ့ ပညာရေး ကဏ္ဏတွေအတွက် ယူယိုငွေသန်းပေါင်း ၁၅၀ နောက်ထပ်ထပ်ပြီး အကူအညီပေးမယ်ဆိုတာကိုလဲ ကြေညာဖို့ရှိပါတယ်။”
ဥရောပကော်မရှင်ရဲ. ပြောခွင့်ရ Mrs. Ray ကပဲ မြန်မာနိုင်ငံမှာ သမ္မတဦးသိန်းစိန် ဦးဆောင်တဲ့ အရပ်သားအစိုးရ တက်လာအပြီး ပြုပြင်ပြောင်းလဲရေးစလုပ်လာတာနဲ့ ဆက်လုပ်ဖို့ ပြောထားတာတွေက ချီးကြူးစရာကောင်းတဲ့အတွက် ခုလို ဆင်းရဲမှု့ပပျောက်ရေးနဲ့ ဖွံဖြိုးရေးလုပ်ငန်းတွေ အတွက် အကူအညီထပ်ပေးဖို့ လုပ်လာတာဖြစ်တယ်လို့ဆိုပါတယ်။
Mrs. Ray ကပဲ ခုလို အကူအညီတွေကို ၁၉၉၆ ထဲက စပေးလာတာဖြစ်ပြီး ယူယိုငွေသန်းပေါင်း ၁၇၀ ကျော်ပေးပြီးသွားပြီ၊ အခုပေးမှာက အခုလာမဲ့ ၂ နှစ်အတွက် နောက်ထပ်အသစ် ဖြစ်တယ်လို့ဆိုပါတယ်။
Mrs. Ray က ဒီကိစ္စတွေကို သမ္မတ ဦးသိန်းစိန်နဲ့ တွေ့ရာမှာ အဓိကဆွေးနွေးသွားမှာဖြစ်တယ်၊ ဒါ့အပြင် လာမဲ့ ၂၀၁၃မှာ ကဏ္ဏသစ်တွေမှာ တိုးချဲ.ပြီး နောက်ထပ် အကူအညီပေးနိုင်ဖို့လဲ လေ့လာသုံးသပ်သွားဖို့ ရှိတယ်လို့ ဆိုပါတယ်။
“လာမဲ့ ၂၀၁၃ ခုနှစ်မှလဲ ကျွန်မတို့ရဲ. အကူအညီတွေကို စွမ်းအင်မြှင့်တင်ရေးလိုမျိုးမှာ ထပ်တိုးချဲ.မလားဆိုတာကို စဉ်းစားသွားမှာပါ။ အဓိက ကတော့ နိုင်ငံထဲမှာ ကြေညာထားတဲ့ ပြုပြင်ပြောင်းလဲရေးလုပ်ငန်းတွေ အကောင်အထည်ဖော်ဖို့ နည်းလမ်းတွေကို ကူညီပေးနိုင်ဖို့ပါ။ ဒါတွေကို လာမဲ့ လပိုင်း နှစ်ပိုင်းတွေအတွင်းမှာ သုံးသပ်သွားမှာပါ။”
ခုလိုသုံးသပ်မှု့ဆက်လုပ်သွားရာမှာ  သမ္မတ ဦးသိန်းစိန်နဲ့ အစိုးရဝန်ကြီးတွေ အပြင် ဒေါ်အောင်ဆန်းစုကြည် အပါအဝင် နိုင်ငံရေးအတိုင်အခံတွေ၊ NGOတွေ၊ လူထုအဖွဲ့တွေနဲ့ ကုလသမဂ္ဂ အဖွဲ့တွေနဲ့ အသေးစိတ်တိုင်ပင်ဆွေးနွေးပြီးမှ လုပ်မှဖြစ်တယ်လို့ Mrs. Ray က ဆက်ပြောပါတယ်။
Mrs. Ray ကပဲ ခုလိုသုံးသပ်ရာမှာ အစိုးရက ပြောထားတဲ့ ပြုပြင်ပြောင်းလဲမှု့တွေ ဆက်လုပ်ပြတာနဲ့ လာမဲ့ရွေးကောက်ပွဲမှာ ကတိပေးထားသလို လွတ်လပ်တရားမျှတမှု့ရှိဖို့တွေကို မျှော်လင့်ထားတယ်လို့ ဆက်ပြောပါတယ်။
ဒါ့အပြင်ဒီခရီးစဉ်ထဲမှာ EC ကနေ အရင် ထောက်ပံပေးလာခဲ့တဲ့ NGO အဖွဲ့တွေနဲ့လဲ တွေ့ဖို့ရှိတယ်၊ နောက် တနင်္လာနေ့မှာ နေပြည်တော်မှာလုပ်မဲ့ ဖွံဖြိုးရေးပေါ်လစီရွေးချယ်မှု့ဆိုင်ရာ ဆွေးနွေးပွဲကိုလဲ တက်ရောက်ဖို့ရှိတာမို့ ဒီခရီးစဉ်က ပြီးပြည့်စုံပြီး အရေးပါတယ်လို့ Mrs. Ray က ဆိုပါတယ်။
EC ဥရောပကော်မရှင် အနေနဲ့ ၁၉၉၆ ကစပြီး Multi-Trust Fund ခေါ် နိုင်ငံအများပါဝင်တဲ့ ရံပုံငွေအဖွဲ့ တခုကို ထူထောင်ပြီး ဗြိတိန်၊ ဆွီဒင်၊ ဒိန်းမတ်၊ သြစတျေးလျနဲ့ ကုလသမ္မဂတို့က ငွေစိုက်ထုတ်ကူညီပေးလာခဲ့တာဖြစ်ပါတယ်။
ဒါ့အပြင် EC အနေနဲ့ မြန်မာနိုင်ငံမှာ 3-D Fund ခေါ် ရောဂါ ၃ခု တိုက်ဖျက်ရေး အဖွဲ့ဖွဲ့ပြီး AIDS၊ ဌက်ဖျားနဲ့ တီဘီ အဆုတ်နာရောဂါတွေ အတွက်လဲ ရံပုံငွေများစွာ ထောက်ပံ့ပေးလာခဲ့ပါတယ်။

အမေရိကန်ကူညီမှုထိရောက်ရေး မြန်မာ့အရေးလှုပ်ရှားသူတွေ တိုက်တွန်း
ရန်နိုင်
အမေရိကန်အစိုးရကနေ မြန်မာနိုင်ငံကိုပေးမယ့် အကူအညီတွေကို ထိထိရောက်ရောက်ပေးနိုင်ဖို့အတွက် အမေရိကန်နိုင်ငံကိုရောက်ရှိနေတဲ့ မြန်မာ့ဒီမိုကရေစီရေးလှုပ်ရှားသူတွေက တိုက်တွန်းလိုက်ပါတယ်။
အမေရိကန်နိုင်ငံခြားရေးဝန်ကြီးဌာနမှာ ၀န်ကြီးကလင်တန်နဲ့ တွေ့ဆုံခဲ့စဉ် အတွင်း အခုလို တိုက်တွန်းပြော ဆိုလိုက်တာဖြစ်ပါတယ်။ ဒါ့အပြင် အဲဒီတွေ့ဆုံမှုအတွင်းမှာ နိုင်ငံရေးအကျဉ်းသားကိစ္စတွေ၊ တိုင်းရင်းသား ပြဿနာတွေ နဲ့ အမျိုးသမီးအရေးကိစ္စတွေကိုလည်း ဆွေးနွေးခဲ့ကြပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုရန်နိုင်က တင်ပြပေးထားပါတယ်။
မြန်မာနိုင်ငံက အပြောင်းအလဲ အခြေအနေတွေနဲ့ ပတ်သက်ပြီး ပြောဆိုဖို့အတွက် အမေရိကန်နိုင်ငံကို ရောက်ရှိနေတဲ့ မြန်မာ့ဒီမိုကရေစီရေး လှုပ်ရှားသူ ၃ ဦးဟာ အမေရိကန်နိုင်ငံခြားရေးဝန်ကြီး ဟီလရီ ကလင်တန် နဲ့ ဗုဒ္ဓဟူးနေ့က တွေ့ဆုံခဲ့ကြတာဖြစ်ပါတယ်။ နိုင်ငံရေး အကျဉ်းသား ဟောင်းတွေဖြစ်တဲ့ လူရွှင်တော် ကိုဇာဂနာ ၊ NLD အမျိုးသားဒီမိုကရေစီအဖွဲ့ချုပ်က ဒေါ်ခင်သန်းမြင့် နဲ့ NDF အမျိုးသား ဒီမိုကရေစီအင်အားစု ပါတီက ကချင်အမျိုးသမီးရေးဆောင်ရွက်သူ ဒေါ်ဘောက်ဂျာတို့ ၃ ဦးပါဝင်တဲ့ မြန်မာ ကိုယ်စားလှယ်အဖွဲ့ဟာ ၀ါရှင်တန်မှာရှိတဲ့ အမေရိကန် နိုင်ငံခြားရေးဝန်ကြီးဌာနမှာ ၀န်ကြီးကလင်တန် နဲ့ တွေ့ဆုံခဲ့ကြတာဖြစ်ပါတယ်။
အဲဒီ တွေ့ဆုံမှုအတွင်း အမေရိကန်က မြန်မာနိုင်ငံကို ပေးမယ့် အကူအညီတွေပေးရေးကိစ္စကို အဓိကထား ဆွေးနွေးဖြစ်ခဲ့တယ်လို့ ၀န်ကြီးကလင်တန်နဲ့ တွေ့ဆုံခဲ့တဲ့ ကိုဇာဂနာက ပြောပါတယ်။
"အဓိက အကျဆုံး အချက်ကတော့ အမေရိကန်အစိုးရအနေနဲ့ ကျနော်တို့ တိုင်းပြည်ကို အကူအညီ ပေးမယ်ဆိုလို့ ရှိရင် ဘယ်လိုပုံစံနဲ့ အကူအညီပေးသင့်သလဲ၊ အဓိက အကျဆုံးအချက် အဓိက ကတော့ဗျာ ထွက်လာမယ့် ရလဒ်ကို အဓိက အခြေပြုမယ့် အကူအညီပေးပုံမျိုးပေ့ါ၊ ပေးတော့ ပေးနေတာပဲ၊ ထွက်လာတဲ့ ရလဒ်က ဘာမှန်းမသိဘူး။ အဲဒီလို မဖြစ်စေချင်ဘူး။ အခုက ကြည့်လိုက်ရင် ပေးနေတာတွေက တော့ ဒလကြမ်းပေးနေတာဘဲ။ အခုဆိုရင် အမေရိကန် အစိုးရ အနေနဲ့ State Department ကနေပြီး ကျနော်တို့ တိုင်းပြည်ကိုပေးမှာ သန်းပေါင်း ၃၀ ကျော် ၄၀ နီးပါးရှိတယ်။ ဒါပေမဲ့ အဲဒီလောက်ပေးပြီးတော့ ထွက်လာမယ့် result က ဘာလဲ။ result-oriented ပေါ့လေ။ ကျနော်ကတော့ အဲဒီလိုမျိုးဖြစ်စေချင်တယ်။  အဲဒါမျိုးကို အဓိက ဆွေးနွေးခဲ့ပါတယ် ခင်ဗျ။ တော်တော်လည်း ကောင်းပါတယ်။ တိုးတက်မှုလည်း ရပါတယ်။"