02.02.2012 နေ့ဖတ်ရန်သတင်းများ

by Myanmar Journal on Thursday, February 2, 2012 at 7:17am

 

 
တာလီဘန်ကို ပါကစ္စတန်က ကူညီနေ

တာလီဘန်တွေကို ပါကစ္စတန်က တိုက်ရိုက် ကူညီ နေတယ်လို့ NATO အစီရင်ခံစာ ကဆို
အာဖဂန် နစ္စတန်မှာ ရှိတဲ့ NATO မြောက်အတ္တလန်တိတ် စာချုပ် အဖွဲ့ရဲ့ လျှို့ဝှက် အစီရင် ခံစာတခုမှာ တာလီဘန် သူပုန် တွေကို ပါကစ္စတန် ထောက်လှမ်းရေး အဖွဲ့ ISI က တိုက်ရိုက် အကူအညီ တွေ ပေးနေပြီး တာလီဘန် တွေကို အာဖဂန် ပြည်သူ တွေက ကျယ်ကျယ် ပြန့်ပြန့် ထောက်ခံ နေတယ်လို့ ဖော်ပြထား ပါတယ်။

ဘီဘီစီက တွေ့ရှိခဲ့တဲ့ ဒီပေါက်ကြား လာတဲ့ အစီရင်ခံစာဟာ တာလီ ဘန်တွေရဲ့ ဖွဲ့စည်းပုံနဲ့ သူတို့ရဲ့ ယုံကြည်ချက်ကို ချပြလိုက် သလို ဖြစ်တယ်လို့ အာဖဂန်နစ္စတန် မှာ ရှိတဲ့ ဘီဘီစီ သတင်းထောက်က ဆိုပါတယ်။
ပါကစ္စတန်ဟာ တာလီဘန် တွေကို တက်တက်ကြွကြွ ထောက်ခံနေသလို တာလီဘန် ခေါင်းဆောင်ပိုင်းက ဘယ်မှာနေတယ် ဆိုတာကို လည်း သိနေတယ်လို့ အစီရင်ခံစာ ကဆိုပါတယ်။
တချို့ဆိုရင် ISI ထောက်လှမ်းရေး ရုံးတွေ အနားမှာကို နေနေကြပြီး တာလီဘန် အဖွဲ့ထဲကို ဝင်ထားတဲ့ ပါကစ္စတန် အစိုးရ အဖွဲ့ဝင်တချို့ တောင်ရှိတယ်လို့ ဆိုပါတယ်။
လက်ရှိအာဖဂန် သမ္မတ ဟာမစ်ခါဇိုင်း ဟာ အဂတိလိုက်စား တယ်လို့ အထင်ခံရ တဲ့အတွက် သူပုန် တွေရဲ့ လူထုကြားမှာ ကြည်ညိုမှု ရအောင် စည်းရုံး လှုပ်ရှား တာတွေ ဟာလည်း အောင်မြင်နေတယ်လို့ အစီရင်ခံစာက ဖော်ပြပါတယ်။
ပါကစ္စတန် နိုင်ငံခြားရေး ဝန်ကြီး ကတော့ ဒီအစီရင်ခံစာရဲ့ စွပ်စွဲချက် တွေဟာ အခြေအမြစ် မရှိဘူးလို့ တုံ့ပြန် ခဲ့ပါတယ်။

စစ်တပ် က အဖမ်းအဆီး ကိစ္စ တင်ပြမှု နဲ့ တရားလွှတ်တော်ချုပ်
ကချင် ဒေသတွင်း စစ်ပွဲတွေ ရပ်စဲဖို့ တောင်းဆို သူ တွေ
ကချင်ပြည်နယ်မှာ အစိုးရ စစ်တပ် တပ်ရင်းတခု က က ဖမ်းဆီး ထားတယ် ဆိုတဲ့ ကချင် အရပ်သား ၂ဦး ရဲ့ အရေး ကိစ္စ နဲ့ပတ်သက်ပြီး ရှေ့နေ တွေ က တရား ဥပဒေ ရဲ့ ရှေ့မှောက်မှာ တရားစီရင် နိုင်ရေး အတွက် ကြိုးပမ်းနေရာမှာ ဒီအမှု နဲ့ ပတ်သက်ပြီး တရားလွှတ်တော်ချုပ် ကို တင်ပြ ခဲ့တဲ့နောက် တရားလွှတ်တော်ချုပ် ကလည်း ပဏာမ အနေ နဲ့ လက်ခံထား လိုက်ပါတယ်။
ကချင်တိုင်းရင်းသား ဦးဘရန်ဆိုင်း နဲ့ ဦးဇော်ဆိုင်း တို့ ကို မြစ်ကြီးနား အရှေ့တောင်ဘက် မိုင် ၃၀ လောက် အကွာမှာ ရှိတဲ့ တာလောကြီးကျေးရွာ မှာ အစိုးရ စစ်တပ် ခလရ ၃၇ က တပ်ဖွဲ့ ဝင်တွေ က လွန်ခဲ့တဲ့ တလ လောက် ကဖမ်းဆီးခဲ့တယ်၊ သူတို့ ကို ဖမ်းဆီးစဉ် က ဘာအကြောင်းပြချက် မှ လည်း မပေးခဲ့ သလို အခုအချိန် ထိ လည်း ဘုန်းကြီးကျောင်း တခု မှာ ချုပ်ထား ကြောင်း ဒီအမှု အကြောင်း ကို သိနေတဲ့ ရှေ့နေ ဦးမြင့်သွင် က ဘီဘီစီ ကို ပြောပါတယ်။
ကချင် ဒေသ အတွင်း အစိုးရ တပ် နဲ့ ကချင် လွတ်မြောက်ရေးတပ် တို့ အကြား တိုက်ပွဲတွေ ရှိ နေပြီး အစိုးရ တပ် က လူ့အခွင့်အရေး ချိုးဖောက်မှု တွေ ရှိတယ် ဆိုတဲ့ သတင်း တွေ အရင်က ထွက်ပေါ်ခဲ့ပါတယ်။
ဒါကြောင့်မို့ သူတို့ရဲ့ အရေး တရားဥပဒေ နဲ့ အညီ ဖြစ်ဖို့ ကြိုးစား ကူညီ ပေးနေတဲ့ ရှေ့နေ ဦးမာခါး က ဇန်နဝါရီ လ ၂၅ ရက်နေ့မှာ နေပြည်တော် မှာ ရှိတဲ့ တရား လွှတ်တော်ချုပ် ကို ဒီအရေး နဲ့ ပတ်သက်ပြီး ရှေ့တော်သွင်း စာချွန်တော် တင်သွင်းတာ ကို တရားလွှတ်တော်ချုပ် က လက်ခံထားလိုက်ကြောင်း ဦးမြင့်သွင် က ပြောပါတယ်။
ဒီလို လက်ခံထားပြီးရင် နောက် တဆင့် အနေနဲ့ ဒီ အမှု ကို ကြားနာရန် သင့်မသင့် ၂ ဘက် လျှောက်လဲချက် တွေ ကို တရားလွှတ်တော်ချုပ် က နားထောင်ပြီး အမှု ကို ကြားနာ၊ မနာ ဆုံးဖြတ် မှာ ပါ။
အခုလို စစ်တပ် က လုပ်ဆောင်တဲ့ အမှု တွေ နဲ့ ပတ်သက်ပြီး အရင် က တရားလွှတ်တော်ချုပ် ကို တင်ပြတာမျိုး မလုပ် နိုင်ခဲ့ပေမယ့် လက်ရှိ ဖွဲ့စည်းပုံ အခြေခံ ဥပဒေ အခန်း ၁ ပုဒ်မ ၂၁ ပိုဒ်ခွဲ ခ အရ တင်ပြတာ လို့ ရှေ့နေ ဦးမြင့်သွင် က ဘီဘီစီ ကို ပြောပါတယ်။

ပြည်မကြီးသားတွေကို ဟောင်ကောင် ပုတ်ခတ်
ပြည်မကြီးသားတွေအတွက် ဟောင်ကောင်မှာ နေထိုင်ခွင့် တင်းမာ
ပြည်မကြီးက ဝင်လာသူတွေဟာ နှံကောင်တွေလိုပဲ ဟောင်ကောင်ထဲမှာ မွှေနှောက် နေတယ်လို့ ဟောင်ကောင် သတင်းစာမှာ ကြော်ငြာ ပါလာပါတယ်။
ဟောင်ကောင်ကို အပေါ်စီးက မိုးကြည့်နေတဲ့ ဧရာမနှံကောင်ကြီးက ဟောင်ကောင်သားတွေ တော်လောက်ပြီလို့ ပြောနေတဲ့ပုံနဲ့ ကြော်ငြာ ဟောင်ကောင် သတင်းစာတွေမှာ ပါလာပါတယ်။
ပြည်မကြီးက ဝင်လာတဲ့ သူတွေအတွက် သားသမီး မွေးဖွားခွင့်၊ ဟောင်ကောင်မှာ နေထိုင် အလုပ်လုပ်ခွင့် တင်းမာမှုတွေ ရှိနေပါတယ်။
အရင်လကပဲ တရုတ်ပြည်မက ပါမောက္ခတယောက်က ဟောင်ကောင်သားတွေဟာ သစ္စာဖောက်တွေ ကိုလိုနီ ကျေးကျွန်တွေလို့ ပြောဆိုခဲ့ပါတယ်။

တမူးမှာ ပေါက်ကွဲမှု ဖြစ်ပြီး ကလေးတစ်ဦးသေ
နယ်စပ် တမူးမြို့ဟာ မဏိပူ ကသည်း သူပုန်တွေ သွားလာ လှုပ်ရှားနေတဲ့ မြို့ဖြစ်
အိန္ဒိယ မြန်မာနယ်စပ် တမူးမြို့မှာ ဇန်နဝါရီလ ၃၁ရက် ညနေက ပေါက်ကွဲမှု တခုဖြစ်ခဲ့ရာမှာ ကလေးငယ်တဦး သေဆုံး ပြီး နောက်ကလေးငယ်တဦး အပြင်းအထန် ဒဏ်ရာရသွားပါတယ်။
စန္ဒကူးမြို့ အမှတ်၂ ရပ်ကွက်နေ ဒေါ်မသက် ရဲ့အိမ်မှာ ဗုံးလို့ ယူဆရတဲ့ အရာတခု ပေါက်ကွဲ ခဲ့ရာမှာ ဒေါ်မသက်ရဲ့သား အသက် ၃နှစ်အရွယ် မောင်ဝင်းကျော် နေရာမှာတင် ပွဲချင်းပြီး သေ ဆုံးသွားခဲ့ပါတယ်။
အသက် ၅နှစ်အရွယ် သမီး မဝင်းဝင်းခိုင်ကတော့ ဒဏ်ရာပြင်းထန်တဲ့အတွက် တမူးမြို့ ဆေးရုံမှာ အရေးပေါ် ကုသနေရတယ်လို့ သိရပါတယ်။
ဗုံးကွဲတဲ့အိမ်ဘေး ပတ်ဝန်းကျင်မှာ နေထိုင်သူတွေရဲ့ အဆိုအရ မြန်မာ ဘက်ခြမ်းမှာ ခိုလှုံ နေတဲ့ အိန္ဒိယ ခွဲထွက်ရေး မဏိပူ ကသည်းသူပုန်တွေနဲ့ ဆက်စပ်နေသူ တဦး အဲဒီအိမ်ကို လာအပြီး မကြာခင်မှာ ပေါက်ကွဲမှု ဖြစ်ခဲ့တာမို့ သူ့ကို နယ်မြေခံရဲတွေက လိုက်လံ ရှာဖွေ နေပြီး အိမ်ရှင်ကိုလည်း စစ်ဆေးနေတယ်လို့ သိရပါတယ်။
ဒီပေါက်ကွဲမှု ဖြစ်စဉ်နဲ့ ပတ်သက်လို့ မဏိပူ ကသည်းသူပုန်တွေနဲ့ ဆက်စပ်နိုင်တယ်လို့ ဒေသခံ အများစုက ယူဆနေကြတယ်လို့ တမူး ဒေသခံတဦးက ဘီဘီစီကို ပြောပါတယ်။
တမူးနဲ့ ကလေးမြို့ ပတ်ဝန်းကျင်မှာ အိန္ဒိယ ခွဲထွက်ရေး သူပုန်တွေကို မြန်မာ အာဏာပိုင် တွေက တရားဝင် နီးပါး ခိုလှုံခွင့် ပေးထားတာတကြောင်း၊ လက်နက်ကိုင် သူပုန်တွေ အမြဲတမ်း သွားလာလှုပ်ရှားနေတဲ့ နယ်စပ်မြို့ ဖြစ်တာမို့ သူတို့အချင်းချင်းကြား ပစ်ခတ်မှု၊ ဖေါက်ခွဲမှုတွေ ရံဖန်ရံခါ ဖြစ်တတ်တာကြောင့် တကြောင်း ဒေသခံတွေအနေနဲ့ လုံခြုံရေး အတွက် ပူပန်မှုတွေ ရှိနေတယ်လို့ သိရပါတယ်။

မွန်ပြည်သစ်နဲ့ ငြိမ်းချမ်းရေး သဘောတူ
မွန်ပြည်သစ်နဲ့ အစိုးရ ပြည်နယ်ဆင့် ငြိမ်းချမ်းရေး ပဏာမ သဘောတူ
ပြည်နယ်အဆင့် ငြိမ်းချမ်းရေး ဖော်ဆောင်ဖို့ မွန်ပြည်သစ်ပါတီနဲ့ အစိုးရပြည်နယ်ဆင့် ငြိမ်းချမ်းရေး ဖော်ဆောင်ရေး အဖွဲ့ကြား ပဏာမ သဘောတူညီချက်ရခဲ့ပါတယ်။
၂၀၁၂ ဗုဒ္ဓဟူးနေ့ မနက်က မော်လမြိုင် ကမ်းနား ဟိုတယ်မှာ ဆွေးနွေးခဲ့ပြီး အပစ်အခတ် ရပ်စဲရေး၊ ပြည်ထောင်စု အဆင့် ဆွေးနွေးရန် ကိုယ်စားလှယ် အဖွဲ့ ဖွဲ့ပေးရေး၊ နေရာ အချိန် ညှိနှိုင်းရေး၊ ဆက်ဆံရေး စခန်း ထားရှိရေး စတဲ့ အချက် ၅ ချက် သဘောတူညီခဲ့ပါတယ်။
မွန်ပြည်သစ်ဘက်က ဒုဥက္ကဋ္ဌ နိုင်ရောစ ဦးဆောင်ပြီး အစိုးရဘက်က ရထားဝန်ကြီး ဦးအောင်မင်း၊ ပြည်နယ် ဝန်ကြီးချုပ်နဲ့ အခြားဝန်ကြီးတွေ ပါပါတယ်။
မွန်ပြည်သစ် ဗဟိုကော်မတီကို ခွင့်ပြုချက် တောင်းပြီး ဖေဖော်ဝါရီ တတိယပတ်မှာ လက်မှတ်ထိုးမှာ ဖြစ်ပါတယ်။

လန်ဒန် စတော့အိပ်ချိန်းကို ဗုံးခွဲဖို့ကြံ
ဘင်္ဂလားဒေ့ရ်ှနဲ့ ပါကစ္စတန်နွယ်ဖွား ၄ ဦး လန်ဒန် စတော့အိပ်ချိန်းကို ဗုံးခွဲဖို့ ကြံခဲ့
လန်ဒန် စတော့အိပ်ချိန်းကို ဗုံးခွဲဖို့ ကြံခဲ့တယ်လို့ ဘင်္ဂလားဒေ့ရ်ှနဲ့ ပါကစ္စတန်နွယ်ဖွား ဗြိတိန် နိုင်ငံသား ၄ ဦးက ဝန်ခံခဲ့ပါတယ်။
အိမ်လုပ်ဗုံးတွေနဲ့ စတော့အိပ်ချိန်း သန့်စင်ခန်း တွေထဲ ဗုံးထောင်ဖို့ ကြံခဲ့တယ်လို့ သူတို့က ဝန်ခံခဲ့ပါတယ်။
သူတို့ကို ၂၀၁၀ ဒီဇင်ဘာက စုံထောက်တွေက ဖမ်းဆီးခဲ့ပါတယ်။
ဘစ်ဘင်နာရီစင်၊ ဝက်စ်မင်စတာ ဘုရားကျောင်းလို နေရာတွေကို ဖောက်ခွဲဖို့ ကြံသူတွေကိုပါ ဖမ်းဆီးခဲ့ပါတယ်။

မြောက်ကိုရီးယားနဲ့ ဆွေးနွေးမှု အမေရိကန်လမ်းဖွင့်
By ဗွီအိုအေ(မြန်မာဌာန)
အငြင်းပွားနေကြတဲ့ နျူကလီယားအစီအစဉ်နဲ့ပတ်သက်ပြီး အမေရိကန် ပြည်ထောင်စုက မြောက်ကိုရီးယားနိုင်ငံနဲ့ ဆွေးနွေးဖို့ သံတမန်ရေး လမ်းကြောင်းဖွင့်ထားတယ်လို့ အမေရိကန် အကြီးတန်း သံတမန်တဦးက ပြောဆိုလိုက်ပါတယ်။
ဒါပေမဲ့ မြောက်ကိုရီးယားအနေနဲ့ နျူကလီယားအရေး အရင်တုန်းက ပေးခဲ့တဲ့ကတိတွေနဲ့ တောင်ကိုရီးယားနဲ့ ဆက်ဆံရေး တိုးတက်အောင် ဆောင်ရွက်ရမှာဖြစ်တယ်လို့ အမေရိကန် လက်ထောက် နိုင်ငံခြားရေးဝန်ကြီး Kurt Campbell ကပြောဆိုလိုက် ပါတယ်။
“အမေရိကန်ပြည်ထောင်စုအနေနဲ့ တောင်ကိုရီးယားနိုင်ငံကတဆင့် မြောက်ကိုရီးယားနဲ့ ဆက်ဆံရေး တိုးတက်အောင်နဲ့ ဆွေးနွေးပွဲတွေ ပြန်လည်စတင်နိုင်ရေး၊ လမ်းကြောင်းဖွင့်ထားဖို့ ကျနော်တို့ သဘောတူထားပြီး ဖြစ်ပါတယ်။ တောင်ကိုရီးယားက တဆင့် ကြားခံပေးမယ့် လမ်း ကြောင်းကနေ ဆက်ဆံရေး တိုးတက်အောင်လုပ်ဖို့ ကျနော်တို့ ရှင်းရှင်း လင်းလင်း ပြောထားပြီးဖြစ်တယ်ဆိုတာကို ထပ်ပြီးပြောပါရစေ” 
တောင်ကိုရီးယားနိုင်ငံမှာရောက်ရှိနေတဲ့ အမေရိကန် လက်ထောက် နိုင်ငံခြားရေးဝန်ကြီး Kurt Campbell က တောင် ကိုရီးယား နျူကလီးယားရေးရာ အထူး ကိုယ်စားလှယ် Lim Sung Nam နဲ့ဆွေးနွေးအပြီး အခုလို ပြောဆိုလိုက်ပါတယ်။ နျူကလီယားအရေး ၆ ပွင့်ဆိုင် ဆွေးနွေးပွဲတွေ ပြန်မစမီ မြောက်ကိုရီးယားခေါင်းဆောင်သစ် Kim Jong Un အနေနဲ့ လိုအပ်ချက်တွေကို ပြင်ဆင်မှု ရှိမရှိ စောင့်ကြည့်နေတဲ့အကြောင်း ပြောပါတယ်။
အမေရိကန်နဲ့ တောင်ကိုရီးယားနိုင်ငံကတော့ ဆွေးနွေးပွဲပြန်မစခင် မြောက်ကိုရီးယားအနေနဲ့ ယူရေနီယမ်သန့်စင်ရေး ဓာတ်ပေါင်းဖိုကို ပိတ်ပစ်ရမယ်လို့ တိုက်တွန်းနေပါတယ်။ မြောက် ကိုရီးယားဘက်က ရိုးသားမှုကို ပြသနိုင်မှသာ ၆ ပွင့်ဆိုင် ဆွေးနွေးပွဲတွေ ပြန် စတင်နိုင်မှာဖြစ်တယ်လို့ တောင်ကိုရီးယား ဝန်ကြီးချုပ် Kim Hwang Sik က ဗုဒ္ဒဟူးနေ့က ပြောပါတယ်။

ဖလော်ရီဒါမှာ Mitt Romney အနိုင်ရ
By ဗွီအိုအေ (မြန်မာဌာန)
ဒီနှစ်ကုန်ပိုင်းမှာကျင်းပမယ့် အမေရိကန် သမ္မတရွေးကောက်ပွဲမှာဝင်ပြိုင်ဖို့ ရီပါဘလစ်ကန်ပါတီက သမ္မတလောင်း ဝင်ရွေးကြမယ့် သူတွေထဲမှာ Mitt Romney က ဖလော်ရီဒါပြည်နယ် ပဏာမ ရွေးကောက်ပွဲမှာ အခိုင်အမာ အနိုင်ရခဲ့ပါတယ်။
သူ့ရဲ့အောင်ပွဲခံမိန့်ခွန်းမှာတော့ နိုင်ငံရဲ့စီးပွားရေးထိခိုက်ရတာ သမ္မတအိုဘားမားကြောင့်လို့ အပြစ်တင် ဝေဖန်ခဲ့ပါတယ်။ Mitt Romney က သမ္မတ အိုဘားမားရဲ့ကျန်းမာရေးစောင့်ရှောက်မှု ပြုပြင်ပြောင်းလဲရေး လုပ်ငန်းကိုလည်း ပျက်ပြယ်အောင်လုပ်မယ်လို့ ကတိပေးလိုက်ပါတယ်။
အသုံးစရိတ်တွေကိုထိန်းညှိပြီး အမေရိကန်ပြည်ထောင်စုကို ချမ်းသာကြွယ်ဝတဲ့ ခေတ်သစ်တခု ရောက်အောင် လုပ်ဆောင်မယ်လို့လည်း Mitt Romney က ဆိုပါတယ်။
မက်ဆာချူးဆက်စ်ပြည်နယ်အုပ် ချုပ်ရေးမှူးဟောင်း Mitt Romney ဟာ အမေရိကန် အရှေ့တောင်ပိုင်း၊ ဖလော်ရီဒါပြည်နယ်မှာ မဲတွေရဲ့ ၄၆ % နဲ့ မနေ့က အနိုင်ရခဲ့တာပါ။ သူနဲ့ အနီးကပ်ဆုံး ပြိုင်ဘက်ဖြစ်တဲ့ အောက်လွှတ်တော် သဘာပတိဟောင်း Newt Gingrich ကတော့ မဲ တွေရဲ့ ၃၂ % ပဲ ရခဲ့ပါတယ်။

အီဂျစ်ဘောလုံးပွဲ အများအပြား သေဆုံး
By VOA (မြန်မာပိုင်း)
အီဂျစ်နိုင်ငံမြောက်ပိုင်း Port Said မြို့က ဘောလုံးပွဲမှာ ဗုဒ္ဓဟူးနေ့က အဓိကရုဏ်း ဖြစ်ပွားရာမှာ လူပေါင်း ၇၃ ယောက်ထက်မနည်း သေဆုံးပြီး နောက်ထပ် လူရာပေါင်းများစွာ ထိခိုက်ဒဏ်ရာတွေ ရခဲ့ကြတဲ့ အကြောင်း ကျန်းမာရေး ၀န်ကြီးဌာန တာဝန်ရှိသူတွေက ပြောပါတယ်။

အီဂျစ်နိုင်ငံ ထိပ်တန်းအသင်းဖြစ်တဲ့ al-Ahly ကို ရှားရှားပါးပါး အနိုင်ရလိုက်တဲ့နောက် အိမ်ရှင် al-Masry အသင်းရဲ့ ပရိတ်သတ်တွေ ကွင်းထဲကို ၀င်လာခဲ့ကြပြီးနောက် ပြိုင်ဘက်အသင်းရဲ့ ဘောလုံးသမားတွေကို ခဲတွေ၊ မီးရှုး မီးပန်းတွေ၊ ပုလင်းတွေနဲ့ ပစ်ပေါက်ခဲ့ရာက ပဋိပက္ခဖြစ်ပွားပြီး လူတွေ စုပြုံ တိုးဝှေ့ ထွက်ပြေး ခဲ့ကြတာပါ။

ရုပ်မြင်သံကြား တိုက်ရိုက် ပြသမှုတွေမှာတော့ ကွင်းထဲမှာရှိတဲ့ ပြိုင်ဘက် al-Ahly အသင်း ကစားသမားတွေ နောက်ကို ပရိတ်သတ်တွေ ၀ိုင်းလိုက်နေတာတွေနဲ့ အားကစား ကွင်းထဲမှာ မီးလောင်နေတာတွေကိုလည်း တွေ့ရပါတယ်။ လုံထိန်းရဲတပ်ဖွဲ့ဝင် တချို့က ဘောလုံးသမားတွေကို ကာကွယ်ဖို့ ကြိုးစားခဲ့ပေမဲ့လည်း များပြားလှတဲ့ ပရိတ်သတ်တွေက သူတို့ကို ထိုးကြိတ် ကန်ကျောက်ပြီး ကျော်လွှားသွားခဲ့ကြတာပါ။

ဧည့်သည်အသင်းနဲ့ ပရိတ်သတ်တွေကို ဘောလုံးကွင်းကနေ သယ်ထုတ်ဖို့ အာဏာရ စစ်ကောင်စီ အကြီးအကဲ ဗိုလ်ချုပ်ကြီး Mohamed Tantawi က မြေထဲပင်လယ် ကမ်းရိုးတန်းမြို့ကို ရဟတ်ယာဉ် ၂ စင်း အမိန့်ပေး စေလွှတ်ခဲ့ကြောင်းလည်း ရိုက်တာ သတင်းက ဖော်ပြခဲ့တာပါ။ ဒဏ်ရာရသူတွေကို ရဟတ်ယာဉ်နဲ့ သယ်ပြီး စစ်ဆေးရုံကို ပို့မှာဖြစ်တယ်လို့လည်း ဆိုပါတယ်။

အဖြစ်အပျက်နဲ့ ပတ်သက်လို့ ချက်ခြင်း စုံစမ်းစစ်ဆေးမှုတွေ လုပ်ဆောင်ဖို့ ပြည်နယ်တရားလို ရှေ့နေက ညွှန်ကြားလိုက်သလို၊ ဘောလုံး အဖွဲ့ချုပ်ကလည်း နှစ်စဉ်ချန်ပီယံ ဘောလုံးပွဲတွေကို အကန့်အသတ်မရှိ ဆိုင်းငံ့ဖို့ တောင်းဆိုလိုက်တာပါ။ လွှတ်တော်အရေးပေါ် အစည်းအဝေးတရပ် ခေါ်ယူဖို့လည်း စီစဉ် ထားပါတယ်။

ကုလလူ့အခွင့်အရေး ကိုယ်စားလှယ်နဲ့ မြန်မာအစိုးရ တာဝန်ရှိသူတွေ တွေ့ဆုံ
By သားညွန့်ဦး

• 

ွမြန်မာပြည်ကို ၆ ရက်ကြာ ခရီးစဉ်ရောက်လာတဲ့ မစ္စတာကင်တားနားကို မြန်မာအစိုးရတာဝန်ရှိသူတွေနဲ့အတူ တွေ့ရစဉ်။ (ဇန်နဝါရီလ ၃၁၊ ၂၀၁၂။)
မြန်မာနိုင်ငံကို ၆ ရက်ကြာခရီးစဉ် အဖြစ် ရောက်ရှိနေတဲ့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ သောမတ်အိုဟေး ကင်တာနားဟာ ဒီကနေ့ နေပြည်တော်မှာ အစိုးရခေါင်းဆောင်တွေ တွေ့ဆုံပါတယ်။ မစ္စတာကင်တာနားဟာ လွှတ်တော်ပိုင်းက ခေါင်းဆောင်တွေကို တွေ့ဆုံဖို့ရှိတဲ့အပြင် နို်င်ငံရေးပါတီကခေါင်းဆောင်တွေ လူမှုအဖွဲ့အစည်းတွေက ပုဂ္ဂိုလ်တွေနဲ့လည်း တွေ့မယ်လို့ သိရပါတယ်။ ကိုသားညွန့်ဦးက စုံစမ်းမေးမြန်းထားပါတယ်။
မစ္စတာကင်တာနားဟာ ဒီကနေ့မနက်ပိုင်း နေပြည်တော်ကိုရောက်ရှိပြီး အစိုးရပိုင်း တာဝန်ရှိ ဝန်ကြီးတွေနဲ့ တွေ့ဆုံခဲ့တာပါ။ လက်ရှိ မြန်မာနိုင်ငံတွင်းက အခြေအနေတွေ အထူးသဖြင့် ဝန်ကြီး ဌာနအလိုက် သက်ဆိုင်ရာ လူ့အခွင့်အရေးကိစ္စတွေကို ဆွေးနွေးခဲ့တယ်လို့ သိရပါတယ်။ သူ နေပြည်တော်မှာ ရှိစဉ်တော့ အစိုးရပိုင်း တာဝန်ရှိသူတွေကို အဓိကထား တွေ့ဆုံမှာဖြစ်တယ်လို့ ရန်ကုန် ကုလသမဂ္ဂရုံး ပြန်ကြားရေးအရာရှိ ဦးအေးဝင်းက ပြောပါတယ်။
“ဒီကနေ့ မစ္စတာကင်တာနား နေပြည်တော်ရောက်တယ်လေ။ ရောက်ရောက်ချင်းမှာပဲ နိုင်ငံခြားရေး ဒုဝန်ကြီး ဒေါက်တာမျိုးမြင့်၊ ကာကွယ်ရေးဝန်ကြီးဌာနက ဗိုလ်ချုပ်လှမင်းနဲ့တွေ့တယ်။ တခါ နယ်စပ် ဒေသ ဖွံ့ဖြိုးရေးဝန်ကြီးဌာနက ဗိုလ်ချုပ်သိန်းဌေးနဲ့တွေ့တယ်။ အခုနောက်ဆုံး ညနေက ပြည်ထဲရေး ဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကိုကိုနဲ့ တွေ့ခဲ့တယ်”
မစ္စတာကင်တာနားဟာ ပြီးခဲ့တဲ့ ၂၀၁၁ သြဂုတ်လအတွင်းက နောက်ဆုံးအကြိမ် မြန်မာနိုင်ငံကို လာရောက်ခဲ့တာပါ။ အဲဒီနောက်ပိုင်း ဖြစ်ပေါ်တိုးတက်မှုတွေနဲ့ လူ့အခွင့်အရေးအခြေအနေတွေကို အခု ခရီးစဉ်အတွင်းမှာ အကဲဖြတ်ဖို့ဖြစ်တယ်လို့ မြန်မာပြည်မလာခင်မှာ မစ္စတာကင်တာနားက ကြေညာချက်ထုတ်ပါတယ်။ လက်ရှိမြန်မာနိုင်ငံတွင်းမှာ သိသာထင်ရှားတဲ့တိုးတက်ပြောင်းလဲမှုတွေ မြင်နေရတဲ့အချိန်ဖြစ်တာမို့ အခုလို မြန်မာသမိုင်းမှာ အရေးကြီးအချိန်အခါနဲ့တိုက်ဆိုင်ပြီး သူ ရောက်ရှိလာတာဖြစ်တယ်လို့ ပြောခဲ့ပါတယ်။
အခုဒီခရီးစဉ်အတွင်းက လေ့လာတွေ့ရှိချက်တွေကိုတော့ လာမယ့် မတ်လ ၁၉ ကြိမ်မြောက် လူ့ အခွင့်အရေးကောင်စီကို အစီရင်ခံစာတင်သွင်းမှာဖြစ်ပါတယ်။ မစ္စတာကင်တာနားအနေနဲ့ မနက်ဖြန် နေပြည်တော်မှာပဲ လွှတ်တော်ပိုင်းက တာဝန်ရှိသူတွေနဲ့ တွေ့လိမ့်မယ်လို့ မျှော်လင့်ရပါတယ်။ ဒီနောက် ရန်ကုန်ကို သွားပြီး နိုင်ငံရေးပါတီတွေနဲ့ လူမှုအခြေပြုအဖွဲ့အစည်းက တာဝန်ရှိ ပုဂ္ဂိုလ်တွေနဲ့လည်း ဆုံတွေ့ဖို့ အစီအစဉ်ရှိပါတယ်။
မြန်မာနိုင်ငံ လူ့အခွင့်အရေးကော်မရှင် တာဝန်ရှိသူတွေနဲ့ တွေ့ဆုံဖို့ရှိတဲ့အပြင် ရန်ကုန်အပြင် တိုင်းရင်းသားဒေသအချို့ကိုလည်း သွားရောက် ကြည့်ရှုမယ်လို့ မျှော်လင့်ရပါတယ်။ မစ္စတာကင်တာနားဟာ ဖေဖဝါရီလ ၅ ရက်နေ့အထိ မြန်မာနိုင်ငံတွင်း ရှိမှာဖြစ်ပြီး ခရီးစဉ်အပြီးမှာတော့ သတင်းစာရှင်းလင်းပွဲတရပ်လုပ်ဖို့ အစီအစဉ်လည်းရှိတယ် ကုလသမဂ္ဂ ပြန်ကြားရေးအရာရှိက ပြောပါတယ်။
မစ္စတာကင်တာနားဟာ ၂ဝဝ၈ ခုနှစ် မေလကစပြီး မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ်အဖြစ် ခန့်အပ်ခြင်းခံခဲ့ရတာဖြစ်ပါတယ်။ အရင် မြန်မာစစ်အစိုးရကာလတုန်းက မြန်မာအစိုးရရဲ့ လူ့အခွင့်အရေးချိုးဖောက်မှုတွေကို ပြင်းပြင်းထန်ထန် ဝေဖန်ခဲ့တာကြောင့် နောက်ပိုင်း ကာလတွေမှာ မြန်မာနိုင်ငံတွင်း ဝင်ရောက်ခွင့်မရခဲ့ပါဘူး။ အရပ်သားအစိုးရသစ်တက်လာပြီးနောက် ပြီးခဲ့တဲ့နှစ်ကတော့ မြန်မာနိုင်ငံတွင်း ဝင်ရောက်ခွင့်ပြရပါတယ်။
မစ္စတာကင်တာနားအနေနဲ့ နိုင်ငံရေးအကျဉ်းသားတွေ လွတ်လာတာအပါအဝင် အခြား တိုးတက် ပြောင်းလဲမှုတွေကို ကြိုဆိုခဲ့ပေမယ့် လူ့အခွင့်အရေးဆိုင်ရာ လုပ်ဆောင်စရာတွေ ကျန်နေသေးတယ် လို့ ထောက်ပြခဲ့ပါတယ်။ ကျန်နေတဲ့ နိုင်ငံရေးအကျဉ်းသားတွေကို လွှတ်ပေးဖို့ပြောသလို ဖွဲ့စည်းထားတဲ့ မြန်မာနိုင်ငံလူ့အခွင့်အရေးကော်မရှင်ရဲ့ လွတ်လပ်မျှတမှုကို စောင့်ကြည့်မယ်လို့ ပြောခဲ့ပါတယ်။
ဒါ့အပြင် မြန်မာနိုင်ငံတွင်းဖြစ်ခဲ့တဲ့ ဆိုးဝါးလှတဲ့ လူ့အခွင့်အရေးချိုးဖောက်မှုတွေအပေါ်မှာ ဘယ်လို တာဝန်ယူ ဖြေရှင်း ကိုင်တွယ်မလဲ ဆိုတာကိုလည်း အခုအချိန်အထိ တွန်းအားပေး မေးခွန်းထုတ်နေသူ ဖြစ်ပါတယ်။

ဗွီအိုအေ နှစ် ၇၀ ပြည့်
By VOA (မြန်မာပိုင်း)
ဖော်ဖော်ဝါရီလ ၁ ရက်၊ ဗုဒ္ဓဟူးနေ့ဟာ ဗွီအိုအေ အမေရိကန်အသံ အသံလွှင့်ဌာနရဲ့ နှစ် ၇၀ ပြည့် မွေးနေ့ဖြစ်ပါတယ်။

ဂျပန်နိုင်ငံက အမေရိကန် ပုလဲဆိပ်ကမ်းကို ဗုံးကြဲပြီး ၂ လနီးပါးအကြာ အမေရိကန်တို့ ဒုတိယကမ္ဘာ့စစ်ထဲ စ၀င်အပြီး ၁၉၄၂ ခုနှစ် ဖေဖော်ဝါရီလ ၁ ရက်နေ့မှာ ဗွီအိုအေ အမေရိကန်အသံကို စတင် အသံလွှင့်ခဲ့တာပါ။

ဗွီအိုအေ အမေရိကန်အသံရဲ့ ပထမဆုံး အသံလွှင့် အစီအစဉ်ကိုတော့ နယူးယောက်မြို့ကနေ သတင်းထောက် William Harlan Hale က ဂျာမနီလို စတင်အသံလွှင့်လိုက်တာပါ။

“ဒီအသံဟာ အမေရိကန်ကနေ ထုတ်လွှင့်နေတဲ့ အသံဖြစ်ပါတယ်။ နေ့စဉ် ဒီအချိန်မှာ အမေရိကန်နိုင်ငံ အကြောင်းနဲ့ စစ်ပွဲအကြောင်းတွေကို ကျနော်တို့ ပြောပြသွားပါမယ်။ သတင်းတွေကတော့ ကောင်းတာလဲ ဖြစ်ချင်ဖြစ်မယ်၊ ဆိုးတာလဲ ဖြစ်ချင်ဖြစ်မယ်။ ဒါပေမယ့် ကျနော်တို့ အမှန်အတိုင်း ပြောပြသွားပါမယ်လို့ ပြောသွားပါတယ်။”

အဲဒီအသံတွေဟာ ဒီကနေ့အထိ အကျုံးဝင်နေတုန်းပါပဲလို့ ဗွီအိုအေ အသံလွှင့်ဌာနရဲ့ ညွှန်ကြားရေးမှူး David Ensor က ပြောပါတယ်။

ဗွီအိုအေအနေနဲ့ အီရန်လို သတင်းအမှောင်ချခံထားကြရတဲ့ နိုင်ငံတွေအတွက် ဖိဖိစီးစီး ရှေ့တိုး လုပ်ဆောင်သွားမယ်လို့ နှစ် ၇၀ ပြည့် အခမ်းအနားမှာ ဒေးဗစ် အန်ဆာ (David Ensor) က ပြောပါတယ်။ ၁၉၄၂ ခုနှစ်ကစလို့ ဗွီအိုအေက တဖြည်းဖြည်း တိုးချဲ့ အသံလွှင့်လာတာမှာ အခုဆိုရင် အပတ်စဉ် လူပေါင်း ၁၄၁ သန်းအတွက် အသံလွှင့်ပေးနေတာ ဖြစ်ပါတယ်။

ဗွီအိုအေဟာ နေ့စဉ် ဘာသာစကားပေါင်း ၄၃ ခုနဲ့ ကမ္ဘာတလွှားက ပြည်သူတွေကို ရေဒီယို၊ တယ်လီဗေးရှင်းနဲ့ အင်တာနက်တို့ကနေ ထုတ်လွှင့်ပေးနေတာ ဖြစ်ပါတယ်။

နေမျိုးဇင် အပြစ်မရှိကြောင်း တရားရုံးဆုံးဖြတ်
By မအေးအေးမာ
ပြည်ထဲရေးဝန်ကြီးဌာနလက်အောက်ခံ အကျဉ်းဦးစီးဌာနကနေ အကျဉ်းထောင် အက်ဥပဒေပုဒ်မ ၄၂ အရ ဗိုလ်ကြီးဟောင်း နေမျိုးဇင်ကို တရားစွဲဆိုထားတဲ့ တရားမဝင်ပစ္စည်း ခိုးသွင်းမှုကို ဒီကနေ့မှာ အင်းစိန်မြို့နယ်တရားရုံးကနေ အပြစ်မရှိကြောင်း ဆုံးဖြတ်ချက် ချမှတ်ခဲ့ပါတယ်။ ဗိုလ်ကြီးဟောင်း နေမျိုးဇင်ကို ပြီးခဲ့တဲ့လက နိုင်ငံတော် လွတ်ငြိမ်းချမ်းသာခွင့်နဲ့ ပြန်လွှတ်ပေးခဲ့တဲ့နေ့မှာပဲ ပုဒ်မ ၄၂ နဲ့ ပြန်ပြီးတော့ တရားစွဲဆိုခဲ့တာ ဖြစ်ပါတယ်။ သူ့ကို အပြစ်မရှိကြောင်း တရားရုံးရဲ့ ဆုံးဖြတ်ချက်နဲ့ ပတ်သက်ပြီးတော့ အပြည့်အစုံကို ဆက်သွယ်မေးမြန်းထားတဲ့ ထိုင်း အခြေစိုက်၊ ဗွီအိုအေ သတင်းထောက် မအေးမာက တင်ပြပေးထားပါတယ်။
ပြည်တဲရေးဝန်ကြီးဌာနလက်အောက်၊ အကျဉ်းစီးဦးဌာနကနေ တရားလိုလုပ်တိုင်ကြားပြီး အမှုဖွင့် ခဲ့တာကတော့  ဗိုလ်ကြီးဟောင်းနေမျိုးဇင်ဟာ ဗိုလ်ချုပ်အောင်ဆန်းပုံပါ အင်္ကျီနဲ့ ဒေါ်အေင်ဆန်းစုကြည်ပုံပါ သော့ချိတ်ကို အင်းစိန်ထောင်ထဲ ယူဆောင်လာတယ်ဆိုပြီး အမှုဖွင့် တရားစွဲခဲ့တာပါ။
ဒီနေ့တရားရုံးထုတ်ချိန်မှာ အင်းစိန်မြို့နယ်တရားရုံးကနေ အပြစ်မရှိဘူးဆိုတဲ့အမိန့်ကိုချမှတ်ခဲ့တယ်လို့ ဗိုလ်ကြီးဟောင်း နေမျိုးဇင်က ပြောပါတယ်။
“အင်းစိန်မြို့နယ်တရားရုံးမှာပါ။ တရားသူကြီးရဲ့ တရားခွင်မှာ NLD ပါတီဝင်လူငယ်တွေရော၊ စိတ်ပါဝင်စားတဲ့ သူတွေရော တော်တော်များများလာရောက် နားထောင်ပါတယ်။ နောက် တရားသူကြီးက စတင်ဖတ်ကြားပါတယ်။ လျှောက်လဲချက်တွေနဲ့ စွဲဆိုချက်တွေကိုတော့ မပြောတော့ပါဘူးတဲ့- မပြောတော့ဘဲနဲ့ သုံးသပ်ချက်နဲ့ အမိန့်ကိုပဲ ဖတ်ပြပါတယ်။ သုံးသပ်ချက်ကို ဖတ်ပြရာမှာလည်း တရားလို အရာရှိတွေ တင်သွင်းလာတဲ့ ဗိုလ်ချုပ်ပုံပါတဲ့ အင်္ကျီတွေ၊ ဒေါ်အောင်ဆန်းစုကြည်ပုံပါတဲ့ သော့ချိတ်တွေဟာ တရားမဝင်ဘူးဆိုတဲ့အကြောင်း လုံလောက်တဲ့ အထောက်အထားမရှိပါဘူး၊ နောက်ပြီး ဥပဒေပုဒ်မတွေလည်း မရှိပါဘူးတဲ့။ အကျဉ်းထောင်တွေထဲမှာ ပြဌာန်းထားတဲ့အထဲမှာလည်း မပါပါဘူးတဲ့။
ပြီးတော့ ကျနော်က သူတို့စွပ်စွဲသလို ခိုးသွင်းဖို့ ကြိုးစားတာ မဟုတ်တဲ့အပြင် ဒီပစ္စည်းတွေကလည်း တရားမဝင်ပစ္စည်း မဟုတ်ဘူးဆိုပြီးတော့ ပေါ်လွင်ထင်ရှား တွေ့ရှိရတဲ့အတွက်ကြောင့် ကွင်းလုံးကျွတ် လွှတ်လိုက်ပါတယ်တဲ့။ ကျနော်အပြစ်မရှိဘူးလို့ ဆုံးဖြတ်ပါတယ်တဲ့” 
ဒါဟာ ပြည်တဲရေးဝန်ကြီးဌာနလက်အောက်မှာ တရားရုံးကနေ အပြစ်မရှိဘူးလို့ ဆုံးဖြတ်တာဟာ ဖြစ်တောင့်ဖြစ်ခဲ အမှုကိစ္စ ဖြစ်ပြီး သူရဲ့အမှုဟာ ပထမဦးဆုံးတောင် ဖြစ်နိုင်တယ်လို့ ကိုနေမျိုးဇင်က ပြောပါတယ်။
“ပြည်ထဲရေးဝန်ကြီးဌာန ဝန်ထမ်းယန္တရားကနေ တရားလိုပြုပြီးတော့ စွဲတင်တဲ့အမှုမှာ တရားခံအဖြစ် စွပ်စွဲခံရသူ လွတ်တယ်ဆိုတာ မရှိသလောက် ရှားခဲ့ပါတယ်- ကျနော်တို့ သမိုင်းမှာ။ ကျနော်သိ သလောက်ပေ့ါနော် - ကျနော် ထမဆုံးပဲ ဖြစ်မလားတော့ မသိပါဘူး။ ပြည်ထဲရေးဝန်ကြီးဌာနက စွဲဆိုတဲ့ အမှုတခုကို တရားရုံးက အပြစ်မရှိကြောင်းဆိုပြီးတော့ ကွင်းလုံးကျွတ် လွှတ်လိုက်တဲ့အမှုဟာ။ ကျနော်တို့ ဝမ်းမြောက်ပါတယ်။ ဂုဏ်ယူပါတယ်။ ဘာလို့လဲဆိုတော့ ကျနော်တို့ရင်ထဲမှာ ကျနော်တို့ေ လးစားရတဲ့ ဗိုလ်ချုပ်အောင်ဆန်းနဲ့ ပတ်သက်ပြီးတော့ တရားမဝင်ဘူးလို့ သုံးနှုံးစွပ်စွဲလာတာကိုခံရတဲ့ အမှုကြီးပေါ့နော်” 
တရားမဝင် ပစ္စည်းလို့ အကျဉ်းထောင်က သတ်မှတ်ခဲ့တာက ဗိုလ်ချုပ်အောင်ဆန်းပုံ ပါတီရှပ်နဲ့ ဒေါ် အောင်ဆန်းစုကြည်ပုံပါ သော့ချိတ်ဖြစ်နေတဲ့အတွက် ဒါဟာ မဖြစ်သင့်တဲ့အမှုဖြစ်တဲ့အတွက် ပြစ်ဒဏ်ကနေ လွှတ်ပေးလိုက်တယ်လို့ ယူဆတယ်လို့လည်း ပြောပါတယ်။
“အားလုံး အထွေထွေ ပါပါလိမ့်မယ် ခင်ဗျ၊ အားလုံးက ဝိုင်းဝန်း စိတ်ဝင်တစား စောင့်ကြည့် နေတာလည်း ပါပါတယ်။ ပြီးတော့ ဒီအမှုဖြစ်စဉ်ကိုကလည်း မဖြစ်သင့် မဖြစ်ထိုက်တဲ့အကြောင်း တရားသူကြီးတွေ ကိုယ်တိုင်ကလည်း လေးလေးနက်နက် ယုံကြည်တာလည်း ပါပါမယ်။ တရားသူကြီးတွေမှာ ချုပ်ခြယ်လွှမ်းမိုးခံရခြင်း မရှိဘဲ လွတ်လပ်စွာ၊ တည့်မတ်စွာစီရင်ပိုင်ခွင့် သူတို့မှာ ရရှိသွားလို့လည်း ပါပါမယ်ခင်ဗျ” 
မြန်မာနိုင်ငံရဲ့တရားစီရင်ရေး မဏ္ဍိုင်တည့်မတ်စေဖို့အတွက် မတရားပြစ်ဒဏ်ချထာတဲ့အမှုတွေကို လည်း ဆက်လက်စိစစ်ပေးဖို့ ဗိုလ်ကြီးဟောင်းနေမျိုးဇင်က တောင်းဆိုပါတယ်။
“အစိုးရသစ်ရဲ့လက်ထက်မှာ ကျနော်ဟာ ပထမဆုံးအဖမ်းခံရတဲ့ နိုင်ငံရေးအကျဉ်းသားလည်း ဖြစ်ခဲ့ ပါတယ်။ လွတ်ငြိမ်းချမ်းသာခွင့်နဲ့ လွတ်တဲ့နေ့မှာပဲ နောက်တမှုနဲ့အစွဲခံရပြီးတော့ ထပ်ပြီးအစွဲခံရ သူလည်း ဖြစ်ပါတယ်။ ဒါပေမယ့် အခု ၂ ပတ်ကျော် အကြာမှာပေါ့- နောက်ဆုံးစီရင်ချက် ချတဲ့ အချိန်မှာ ကျနော့်ကို ကွင်းလုံးကျွတ် လွှတ်လိုက်တယ် ဆိုတဲ့ အတွက်ကြောင့် ဒီ လပိုင်း အတောအတွင်းမှာ တရားစီရင်ရေး မဏ္ဍိုင်အနေနဲ့တော့ တည့်မတ်မှန်ကန်လာတယ်၊ ဆုံးဖြတ်ချက်တွေ မှန်ကန်လာတယ်လို့တော့ ပြောချင်ပါတယ်။
ဒါပေမယ့် ဆုံးဖြတ်ခဲ့ပြီးသော အမိန့်များ- အဲဒါက လက်ရှိ ထောင်ထဲမှာ လက်ရှိ အကျဉ်းကျခံနေရတဲ့ အမှုများကို၊ တရားစီရင်ရေးစနစ်ဟောင်းမှာ ဖမ်းဆီးထားခံရတဲ့သူများကို ပြန်လည်စစ်ဆေး ဖော်ထုတ်ပြီးတော့ မတရားဖမ်းဆီးထားခံရသူများအရေးကိုလည်း အစိုးရသစ်အနေနဲ့ ဆောင်ရွက်စေချင်ပါတယ်။ ဘာကြောင့်လဲဆိုတော့ လက်ရှိဖြစ်နေတဲ့ အမှုတခုခုကို မှန်ကန်စွာ ဆုံးဖြတ်လိုက်ရုံနဲ့ တရားစီရင်ရေး မဏ္ဍိုင် တည့်မတ်သွားမှာ မဟုတ်ပါဘူး” 
ဗိုလ်ကြိးဟောင်းနေမျိုးဇင်ဟာ အီလက်ထရောနစ် ဆက်သွယ်ဆောင်ရွက်ရေးဥပဒေနဲ့ ထောင်ဒဏ် ၁ဝ နှစ်ချမှတ်ခံရပြီး မကြာခင်ကမှ ပြန်လွတ်လာခဲ့တဲ့ နိုင်ငံရေးအကျဉ်းသားဖြစ်ပါတယ်။
သူဟာ သွေးအကူအညီပေးရေးနဲ့ တခြား လူမှုရေးလုပ်ငန်းတွေကို လုပ်ကိုင်ရင်း အဖမ်းဆီးခံခဲ့ရပြီး နောက် လွတ်ငြိမ်းချမ်းသာခွင့်အမိန့်နဲ့ ဇန်နဝါရီလ ၁၃ ရက်နေ့မှာ ပြန်လွတ်လာခဲ့ပြီး ဒီအမှုကတော့  ပြန်လွတ်တဲ့နေ့မှာပဲ တရားစွဲဆိုခံခဲ့ရတဲ့အမှုလည်း ဖြစ်ပါတယ်ရှင်။