01.02.2012 နေ့ဖတ်ရန်သတင်းများ

by Myanmar Journal on Wednesday, February 1, 2012 at 8:54am

 

 
တိဘက် အရေး လုံခြုံရေး တွေ ထပ်တိုးချထား

တိဘက် မှာ မငြိမ်သက်မှု တွေ မကြာခဏ ဖြစ်လေ့ရှိ
တရုတ်နိုင်ငံ၊ တိဘက်မှာ ဆူပူ မငြိမ် သက်မှု တွေ ဖြစ်မလာဖို့အတွက် အာဏာပိုင်တွေက တိဘက် ဘုန်းကြီးကျောင်း တွေနဲ့ အဓိက လမ်းမတွေ ပေါ်မှာ လုံခြုံရေးကို တိုးမြှင့် ချထား လိုက်ပါတယ်။
တကယ်လို့ ပြဿနာဖြစ်လာရင် တရားဟော ဘုန်းကြီးတွေကို နေရာ က ဖယ်ရှား အရေးယူ မယ် လို့ လည်း တိဘက် ဒေသ က တရုတ် ကွန်မြူနစ်ပါတီ အတွင်း ရေးမှူး က ပြောပါတယ်။

တိဘက်က တရုတ်ကွန်မြူနစ်ပါတီ အတွင်းရေးမှူး ချီ ကျားလာ က အစိုးရ ရဲ့ သတင်း အေဂျင်စီ ရှင်ဟွာ ထဲကနေ အခုလို တိဘက် ဘုန်းကြီးတွေကို သတိပေး ပြောကြား တာကို ကြည့်မယ် ဆိုရင်တော့ တိဘက် အရေး နဲ့ ပတ်သက်ပြီး မငြိမ်သက်မှုတွေ ဆက်လက် ပြန့်ပွား လာမှာကို တရုတ် အစိုးရက ပိုပြီး စိုးရိမ်လာပုံ ရ ပါတယ်။
ပြီးခဲ့တဲ့ သီတင်းပတ် အတွင်း တိဘက် ဒေသ နဲ့ ကပ်ရက် ပြည်နယ် ဖြစ်တဲ့ စီချွမ်း ပြည်နယ် တွင်းက တိဘက် အများစု နေတဲ့ နေရာတွေမှာ ဆန္ဒပြမှုတွေ ဖြစ်ခဲ့ ပါတယ်။
ဆန္ဒပြမှု သုံးကြိမ် ဖြစ်ပွားရာမှာ အာဏာပိုင်တွေ အပြောအရတော့ လူ ၂ ဦး သေဆုံးတယ်လို့ ဖော်ပြပါတယ်။
ဒါပေမယ့် တိဘက်အရေး တက်ကြွ လှုပ်ရှားသူ တွေ ပြောတာကတော့ သေဆုံးသူ အရေအတွက်က ဒီထက် ပိုများ နိုင်တယ်လို့ ဆိုပါတယ်။
လုံခြုံရေး တပ်ဖွဲ့တွေဟာ ငြိမ်းချမ်းစွာ ဆန္ဒပြသူတွေကို ပစ်ခတ်တယ်လို့ တက်ကြွ လှုပ်ရှားသူ တွေ ဘက်က ပြောသလို အာဏာပိုင် တွေဘက်က ပြောတာကလည်း ဆန္ဒပြ လူအုပ်က ရဲစခန်းတွေကို တိုက်ခိုက်ခဲ့တယ်လို့ ဆိုပါတယ်။
ဒီလို လူသေဆုံးတဲ့အထိ ဆန္ဒပြ အဓိကရုဏ်း ဖြစ်တဲ့ အရေး ဟာ တရုတ်နိုင်ငံမှာ ၄နှစ် အတွင်း အပြင်းထန်ဆုံးဖြစ်ပါတယ်။
စီချွမ်းက ဆန္ဒပြသူတွေကို တရုတ် အစိုးရက ပစ်ခတ် နှိမ်နင်းတဲ့ ဖြစ်ရပ်ဟာ နိုင်ငံတကာ မျက်နှာစာ မှာလည်း အကျည်းတန် စေခဲ့ ပါတယ်။
အမေရိကန်နဲ့ ဗြိတိန်တို့က စိုးရိမ်ကြောင်း ထုတ်ဖော် ပြောဆိုခဲ့ပါတယ်။
တရုတ်မှာ နိုင်ငံရေး ခေါင်းဆောင်သစ်တွေ အပြောင်းအလဲ လုပ်မယ့်နှစ် မှာ အာဏာပိုင်တွေ ဘက်ကတော့ တည်ငြိမ်မှု ရှိဖို့ ဆိုတာကို အလေးပေး ပြောနေပါတယ်။
ဒါပေမယ့် ပြီးခဲ့တဲ့ မတ်လနောက်ပိုင်းကတည်းက တိဘက်ဘုန်းကြီး အပါအဝင် တိဘက်အရေး လှုပ်ရှားသူ အနည်းဆုံး ၁၆ ဦးဟာ သူတို့ရဲ့ ယဉ်ကျေးမှုနဲ့ ဘာသာရေး ထုံးတမ်းတွေကို တရုတ်အစိုးရက ဟန့်တား ဖျက်ဆီးနေတယ်ဆိုပြီး ကိုယ့်ကိုယ်ကို မီးရှို့ဆန္ဒပြမှုတွေ လုပ်ခဲ့ကြပါတယ်။
အခု လောလောဆယ် စီချွမ်းပြည်နယ် အတွင်းကို နိုင်ငံခြား သတင်းထောက်တွေ ကိုတော့ ဝင်ခွင့် ပိတ်ပင်ထား ပါတယ်။

အမေရိကန် လေကြောင်းထိုးစစ်ဆင်တာလီဘန်တွေကို အမေရိကန်က လေကြောင်း ထိုးစစ်ဆင်
ယီမင် ကလာတဲ့ သတင်းတွေအရ အမေရိကန် လေကြောင်းတိုက်ခိုက်မှု တခု ကြောင့် အာဘရန် ပြည်နယ် တောင်ပိုင်း မှာ အယ်လ်ခိုင်းဒါး စစ်သွေးကြွ အနည်းဆုံး ၁၃ ဦးသေဆုံး ခဲ့တယ်လို့ သိရပါတယ်။
သေဆုံးခဲ့တဲ့ သူအများစုဟာ အစည်းအဝေး လုပ်နေတုန်း မှာ အခုလို တိုက်ခိုက် ခံခဲ့ရတာလို့ ဒေသခံ အာဏာပိုင်တွေ က ပြောကြား ခဲ့ ပါတယ်။
နောက်ထပ် လေကြောင်းပစ်ခတ်မှု တခုမှာတော့ အယ်လ်ခိုင်းဒါး မော်တော်ယာဉ် တစ်စီးကို လည်း ထိမှန်ခဲ့ပါတယ်။
ဒီစစ်ဆင်ရေးမှာ အမေရိကန်က မောင်းသူမဲ့ လေယာဉ် များကိုလဲ အသုံးပြုခဲ့တယ် လို့ ယီမင် လုံခြုံရေးဌာန က ပြောပါတယ်။
နိုင်ငံရေး မငြိမ်သက်မှု ဖြစ်ပွားခဲ့တဲ့ နောက်ပိုင်းမှာ စစ်သွေးကြွ တွေက အာဘရန် ပြည်နယ် အတော်များများ ကို ထိန်းချုပ်ထားပါတယ်။

လုံခြုံရေးကောင်စီ မှာ ဆီးရီးယား အရေးဆွေးနွေးဆီးရီးယားအရေး လုံခြုံရေးကောင်စီ ဆွေးနွေး
ကုလသမဂ္ဂ လုံခြုံရေးကောင်စီ မှာ တင်ပြဖို့ရှိပြီး အနောက်နိုင်ငံ တွေက ထောက်ခံထားတဲ့ ဆီးရီးယား အရေး ဆုံးဖြတ်ချက် မူကြမ်း ဟာ ဆီးရီးယား ပြည်တွင်းစစ် ကို ဖြစ်စေနိုင် တယ် လို့ ရုရှားနိုင်ငံ က သတိပေးပြောကြားလိုက်ပြီး ဗီတို အာဏာ သုံးပြီး ပယ်ချ မယ် လို့ ခြိမ်းခြောက်ထားပါတယ်။
အာရပ်အဖွဲ့ချုပ် ရဲ့ အဆိုပြုချက်ကို အခြေခံ ထားတဲ့ ဒီ ဆုံးဖြတ်ချက် မူကြမ်း အဆိုပြုချက် ကို ထောက်ခံဖို့ ကုလသမဂ္ဂ အတွင်းရေးမှူး ဘန်ကီမွန်း က တိုက်တွန်း ပြောကြားထားပြီး အင်္ဂါနေ့ ညနေပိုင်းမှာ ဆွေးနွေးမှာ ဖြစ်ပါတယ်။
ဆီးရီးယား သမ္မတ ဘာရှား အယ်လ် အာဆတ် ကို ရာထူးက ဖြုတ်ချ ရုံ နဲ့ ညှိနှိုင်း အဖြေရှာနိုင်မှာ မဟုတ်ဘူး လို့ ရုရှား ဒုတိယ နိုင်ငံခြားရေးဝန်ကြီး ဂန်နဒီ ဂတ်တီလို က ရုရှား သတင်းဌာန Interfax ကိုပြောကြားခဲ့ပါတယ်။
ဆီးရီးယားမှာ အကြမ်းဖက်စစ်ပွဲများ ဆက်လက်ဖြစ်ပွားနေပြီး ပြီးခဲ့တဲ့ ၃ ရက်ကြာ တိုက်ပွဲ အပြီးမှာတော့ ဆီးရီးယားမြို့တော် ဒမားစကတ် ရဲ့ မြို့စွန်မှာ ခြေကုတ် ယူထား တဲ့ သူပုန်တွေ ကို ရှင်းလင်း လိုက်နိုင်ပြီလို့ ဆီးရီးယား အစိုးရ က ပြောကြား လိုက်ပါတယ်။
ဒါပေမဲ့ ဒါဟာ နည်းဗျူဟာ အရ ဆုတ်ခွာ မှုသာ ဖြစ်ပြီး ပြောက်ကျား တိုက်ခိုက်မှု တွေ လုပ်ဆောင်သွားမယ် လို့ ဆန့်ကျင် တိုက်ခိုက်သူတွေဖက် က ပြောကြားခဲ့ပါတယ်။
တက်ကြွလှုပ်ရှားသူ တဦးကတော့ အစိုးရတပ်တွေဟာ မြို့ စွန်ဖက်အိမ်တွေမှာ လုယူမှုတွေ လုပ်ပြီး လူ ရာပေါင်း များစွာ ကို လည်းဖမ်းဆီးခဲ့တယ် လို့ ပြောပါတယ်။
အစိုးရ ဆန့်ကျင်ရေး လှုပ်ရှားသူ တွေ ကတော့ နောက်ဆုံး ဖြစ်ပွားခဲ့တဲ့ တိုက်ခိုက်မှုမှာ လူပေါင်း ၁၀၀ လောက် သေဆုံးခဲ့တယ်လို့ ပြောပါတယ်။
ဟုမ်းစ် မြို့ဖက်မှာ လည်း တိုက်ပွဲ တွေ ဆက်လက် ဖြစ်ပွား နေပါတယ်။

ဆီးရီးယား အရေး လုံခြုံရေး ကောင်စီ ဆွေးနွေး
ဆီးရီးယား မြို့တော် ဒမတ်စကတ် မြို့ရပ်ကွက် တခု လက်ရှိ အခြေအနေ
ဆီးရီးယားကို အာရပ် အဖွဲ့ချုပ်ရဲ့ ငြိမ်း ချမ်းရေး အစီအစဉ်ကို လက်ခံဖို့ လုံခြုံရေး ကောင်စီကနေ ကြိုးပမ်းနေပါတယ်။
အာရပ် အဖွဲ့ချုပ် ဥက္ကဌက ဆီးရီးယားမှာ အ ကြမ်းဖက်မှုတွေ ဆက်ရှိနေတဲ့ အတွက် အ ခြေအနေ ပိုဆိုး လာတယ်လို့ ပြောလိုက်ပါ တယ်။
ဆီးရီးယားမှ လက်ရှိ အစိုးရ ဆန့်ကျင်ရေး ဆန္ဒပြမှုတွေ စတင် ဖြစ်ပွားချိန်ကနေ ကနေ့ထိ သေဆုံးသူ ငါးထောင်ကျော် ရှိသွားပြီလို့ ခန့်မှန်း ရပါတယ်။
ဒီအဖြစ်ဆိုးတွေကို အဆုံးသတ်ပြီး ငြိမ်းချမ်းရေး အတွက် အာရပ် အဖွဲ့ချုပ်ရဲ့ အစီအစဉ်ကို လက်ခံဖို့ ပြဌာန်း ဆုံးဖြတ်ချက်ကို လောလောဆယ် အခြေအတင် ဆွေးနွေး နေပါတယ်။
ဒီပြဌာန်း ဆုံးဖြတ်ချက်ထဲမှာ ဆီးရီးယား အစိုးရကို ပြစ်တင် ရှုံ့ချဖို့ပါ ပါဝင်တယ်လို့ ဘီဘီစီ သတင်းထောက် ဘာဘရာ ပလက်က နယူးယောက်ကနေ သတင်း ပေးပို့ပါတယ်။
ပြဌာန်း ဆုံးဖြတ်ချက်ထဲမှာ ဆီးရီးယား အစိုးရရဲ့ လူ့အခွင့် အရေး ချိုးဖောက်မှု၊ အကြမ်း ဖက် နှိမ်နင်းမှုတွေကို ပြစ်တင် ရှုံချ ထားပြီး ဒါတွေကို ရပ်ဖို့ တောင်းဆို ထားတယ်။
လက်နက် တင်ပို့ ရောင်းချမှု မပိတ်ပင်ပေမယ့် ဆီးရီးယားကို လက်နက်တွေ မပို့ဖို့တော့ တောင်းဆိုပါတယ်။
ဒါတွေကို ဆီးရီးယား အစိုးရက လက်မခံလျင် အရေးယူ လုပ်ဆောင်မယ်လို့ ချိမ်းခြောက် ထားပါတယ်။
အားလုံးထဲမှာ အဓိက အချက်ကတော့ အာရပ် အဖွဲ့ချုပ်ရဲ့ ငြိမ်းချမ်းရေး အစီအစဉ်ကို လက်ခံဖို့ပါ။ အဲဒိထဲမှာ ဆီးရီးယား သမ္မတ အာဆတ်က ဒုတိယ သမ္မတကို အာဏာ လွှဲဖို့ အပါအဝင် နိုင်ငံရေး အသွင်း ကူးပြောင်းရေး အစီအစဉ်တွေ ပါပါတယ်။
ဒီပြဌာန်း ဆုံးဖြတ်ချက် မူကြမ်းကို အမြဲတန်း အဖွဲ့ဝင် ဆယ့်ငါး နိုင်ငံမှာ ဆယ်နိုင်ငံက ဒီမူကြမ်းကို ထောက်ခံတယ်ဆိုပြီး အနောက် နိုင်ငံတွေရဲ့ သံတမန်တွေက ပြောပါတယ်။
ရုရှက ဒီမူကြမ်းကို အဓိက ဆန့်ကျင်သူ ဖြစ်ပြီး တရုတ်၊ အိန္ဒိယ၊ တောင်အာဖရိကနဲ့ ပါကစ္စတန်တို့ကလည်း ဒီဆုံးဖြတ်ချက် မူကြမ်းကို သံသယ ရှိကြပါတယ်။
မနေ့က နိုင်ငံခြားရေး ဝန်ကြီးတွေ ကိုယ်တိုင် ဆွေးနွေးပြီးနောက်မှာ ရုရှ အစိုးရ လက်ခံ နိုင်လောက်တဲ့ အနေအထား ရောက်အောင် မူကြမ်းကို ပြင်ဆင် တည်းဖြတ်နိုင်မယ်လို့ တချို့က မျှော်လင့်နေပါတယ်။
ရုရှက ဗီတို သုံးပြီဆိုလျင် မတိုးသာ မဆုတ်သာ အနေအထား ပြန်ရောက် သွားမှာပါ။
ခု ပြဌာန်း ဆုံးဖြတ်ချက်က ဆီးရီးယားနဲ့ ပတ်သက်ပြီး ဒုတိယ ဆုံးဖြတ်ချက်ပါ။
အရင် တကြိမ်နဲ့ ကွာတာက အရင် ပြဌာန်း ဆုံးဖြတ်ချက် မူကြမ်းက ဥရောပ နိုင်ငံတွေက တင်တာ ဖြစ်ပြီး ခုတခေါက်က အာရပ် နိုင်ငံတွေနဲ့ ဥရောပ နိုင်ငံတွေ ပေါင်းလုပ်တာပါ။
အာရပ် နိုင်ငံတွေဆီက တိုက်ရိုက် လာတာမို့ ရုရှရဲ့ ဆန့်ကျင်မှုကို ကျော်လွှားနိုင်မယ်လို့ အနောက် နိုင်ငံတွေက ယူဆနေပါတယ်။
ဒါပေမယ့် ဗီတို သုံးလာလျင်တော့ ပြောခဲ့သလို ရှေ့ဆက်လို့ မရတဲ့ အနေအထား ရောက် သွားမှာ ဖြစ်ပြီး ဆီးရီးယား ကိစ္စနဲ့ ပတ်သက်ပြီး လုံခြုံရေး ကောင်စီထဲမှာ ဘယ်လိုမှ ညှိလို့ မရဘူးဆိုတဲ့ အချက်ကိုလည်း ပြသရာ ရောက်လိမ့်မယ်လို့ ဘာဘရာ ပလက်က နယူး ယောက်ကနေ သတင်းပေးပို့ထားပါတယ်။

တမူးမှာ ပေါက်ကွဲမှု ဖြစ်ပြီး ကလေးတစ်ဦးသေ
နယ်စပ် တမူးမြို့ဟာ မဏိပူ ကသည်း သူပုန်တွေ သွားလာ လှုပ်ရှားနေတဲ့ မြို့ဖြစ်
အိန္ဒိယ မြန်မာနယ်စပ် တမူးမြို့မှာ ဇန်နဝါရီလ ၃၁ရက် ညနေက ပေါက်ကွဲမှု တခုဖြစ်ခဲ့ရာမှာ ကလေးငယ်တဦး သေဆုံး ပြီး နောက်ကလေးငယ်တဦး အပြင်းအထန် ဒဏ်ရာရသွားပါတယ်။
စန္ဒကူးမြို့ အမှတ်၂ ရပ်ကွက်နေ ဒေါ်မသက် ရဲ့အိမ်မှာ ဗုံးလို့ ယူဆရတဲ့ အရာတခု ပေါက်ကွဲ ခဲ့ရာမှာ ဒေါ်မသက်ရဲ့သား အသက် ၃နှစ်အရွယ် မောင်ဝင်းကျော် နေရာမှာတင် ပွဲချင်းပြီး သေ ဆုံးသွားခဲ့ပါတယ်။
အသက် ၅နှစ်အရွယ် သမီး မဝင်းဝင်းခိုင်ကတော့ ဒဏ်ရာပြင်းထန်တဲ့အတွက် တမူးမြို့ ဆေးရုံမှာ အရေးပေါ် ကုသနေရတယ်လို့ သိရပါတယ်။
ဗုံးကွဲတဲ့အိမ်ဘေး ပတ်ဝန်းကျင်မှာ နေထိုင်သူတွေရဲ့ အဆိုအရ မြန်မာ ဘက်ခြမ်းမှာ ခိုလှုံ နေတဲ့ အိန္ဒိယ ခွဲထွက်ရေး မဏိပူ ကသည်းသူပုန်တွေနဲ့ ဆက်စပ်နေသူ တဦး အဲဒီအိမ်ကို လာအပြီး မကြာခင်မှာ ပေါက်ကွဲမှု ဖြစ်ခဲ့တာမို့ သူ့ကို နယ်မြေခံရဲတွေက လိုက်လံ ရှာဖွေ နေပြီး အိမ်ရှင်ကိုလည်း စစ်ဆေးနေတယ်လို့ သိရပါတယ်။
ဒီပေါက်ကွဲမှု ဖြစ်စဉ်နဲ့ ပတ်သက်လို့ မဏိပူ ကသည်းသူပုန်တွေနဲ့ ဆက်စပ်နိုင်တယ်လို့ ဒေသခံ အများစုက ယူဆနေကြတယ်လို့ တမူး ဒေသခံတဦးက ဘီဘီစီကို ပြောပါတယ်။
တမူးနဲ့ ကလေးမြို့ ပတ်ဝန်းကျင်မှာ အိန္ဒိယ ခွဲထွက်ရေး သူပုန်တွေကို မြန်မာ အာဏာပိုင် တွေက တရားဝင် နီးပါး ခိုလှုံခွင့် ပေးထားတာတကြောင်း၊ လက်နက်ကိုင် သူပုန်တွေ အမြဲတမ်း သွားလာလှုပ်ရှားနေတဲ့ နယ်စပ်မြို့ ဖြစ်တာမို့ သူတို့အချင်းချင်းကြား ပစ်ခတ်မှု၊ ဖေါက်ခွဲမှုတွေ ရံဖန်ရံခါ ဖြစ်တတ်တာကြောင့် တကြောင်း ဒေသခံတွေအနေနဲ့ လုံခြုံရေး အတွက် ပူပန်မှုတွေ ရှိနေတယ်လို့ သိရပါတယ်။

ဒေါ်လာ တသောင်းဖိုးထိ လဲလှယ်ခွင့် ပြုမည်
တကြိမ် ဒေါ်လာ တသောင်းထိ ပုံစံ ဖြည့်စရာ မလိုဘဲ လဲနိုင်တော့မည်။
မြန်မာ နိုင်ငံက ငွေလဲ ဌာနတွေမှာ ဒီနေ့ ဖေဖော်ဝါရီလ တရက်နေ့က စပြီး ဒေါ်လာ တသောင်းနဲ့ ညီမျှတဲ့ နိုင်ငံခြားငွေကို စာ ရွက်စာတမ်း အထောက် အထား ပြစရာ မလိုပဲ လဲလှယ်ခွင့် ပြုသွားမှာ ဖြစ်ပါတယ်။
အိုင်အမ်အက်ဖ အပြည်ပြည် ဆိုင်ရာ ငွေကြေး ရံပုံငွေ အဖွဲ့ရဲ့ အကြံပြုချက်နဲ့ ခုလိုဆောင်ရွက် တာ ဖြစ်တယ်လို့ ကမ္ဘောဇဘဏ် ဒုတိယ ဥက္ကဌ ဦးသန်းလွင်က ပြောပါတယ်။
အမေရိကန် ဒေါ်လာ တသောင်းထိ အစစ် အဆေး မရှိ လဲပေးပြီး တသောင်း အထက် အ လဲအလှယ် လုပ်ချင်လျင်တော့ ပုံစံ စာရွက်မှာ အချက်အလက် တချို့ ဖြည့်ရမှာ ဖြစ်ပါ တယ်။
လောလောဆယ် ကမ္ဘာ တဝှမ်းက ဘဏ္ဍာရေး အဖွဲ့အစည်းတွေ လိုက်နာရတဲ့ စည်းမျဉ်းမှာ ဒေါ်လာ တသောင်း အထက် ထုတ်ချင်လျင် အလားတူ ပုံစံ ဖြည့်ရပါတယ်။
ဒါကလည်း ငွေကြေး ခဝါချမှု တားဆီးရေး ရည်ရွယ်ချက်ကြောင့် ဖြစ်ပါတယ်။
အမေရိကန် ဒေါ်လာအပြင် တခြား နိုင်ငံခြားငွေတွေလည်း လဲခွင့် ရှိမှာ ဖြစ်ပါတယ်။
လောလောဆယ် ပြည်တွင်းမှာ အကြွေး ကဒ်ပြားတွေ လက်မခံနိုင်သေးတဲ့ အတွက် ခုလို ငွေ အလွယ်တကူ လဲလှယ်နိုင်မှုဟာ နိုင်ငံခြားသား ခရီးသည်တွေ အတွက် အဆင် ပြေဖွယ် ရှိ တယ်လို့ ခန့်မှန်း ရပါတယ်။
နိုင်ငံခြားငွေ လဲချင်တဲ့ မြန်မာ နိုင်ငံသားတွေ အနေနဲ့လည်း ငွေဘယ်က ရလဲ ပြစရာ မလို တော့ဘူးလို့ သိရပါတယ်။

ပြည်ပထွက်မယ့် သံဃာတော်တွေကို စိစစ်နေ
၂၀၀၇ သံဃာ့ လှုပ်ရှားမှုကြီးအတွင်း ရဟန်းသံဃာ အများအပြား ပါဝင်ခဲ့ကြ
မြန်မာနိုင်ငံမှာ ရှိတဲ့ ရဟန်းတော်တွေ ပြည်ပကို ထွက်ခွာဖို့ နိုင်ငံကူးလက်မှတ် လုပ်တဲ့အခါမှာရော၊ သံရုံးတွေမှာ ဗီဇာ သွားလျှောက်တဲ့ အခါမှာပါ ပါတီနိုင်ငံရေး ကင်းရှင်းတယ် ဆိုတဲ့ သာသနာရေး ဦးစီးဌာနက ထောက်ခံချက်တွေ တောင်းခံ နေတဲ့အတွက် ရဟန်းတော်တွေ အခက်အခဲ ကြုံတွေ့နေကြရတယ်လို့ သိရပါတယ်။
အထူးသဖြင့် အာဆီယံနိုင်ငံတွေ ဖြစ်တဲ့ စင်္ကာပူ၊ ထိုင်း၊ မလေးရှား၊ အင်ဒိုနီးရှား စတဲ့ နိုင်ငံတွေ က သံရုံးတွေမှာ ဗီဇာ သွားလျှောက်ရင် ရဟန်းတော်တွေအနေနဲ့ ပါတီနိုင်ငံရေး ကင်းရှင်း ကြောင်း ကတိ ဝန်ခံချက်တွေ ရေးရတယ်လို့ ရန်ကုန်မြို့မှာ သီတင်းသုံးနေတဲ့ ဦးဇင်း တပါးက ဘီဘီစီကို မိန့်ကြားပါတယ်။
နိုင်ငံကူးလက်မှတ် လျှောက်တဲ့ အခါမှာလည်း ပါတီ နိုင်ငံရေးနဲ့ ကင်းရှင်းကြောင်း မြို့နယ် ရပ်ကွက်နဲ့ သံဃာ့ကောင်စီရဲ့ ထောက်ခံချက်၊ ကျောင်းထိုင် ဘုန်းကြီးရဲ့ ထောက်ခံချက်၊ ရဲစခန်းရဲ့ ထောက်ခံချက်နဲ့ သာသနာ ထွန်းကား ပြန့်ပွားရေး ဦးစီးဌာနက ညွှန်ကြားရေးမှူး ချုပ်ရဲ့ ထောက်ခံချက်တွေ လိုအပ်တယ်လို့ ဆိုပါတယ်။
သံဃာတော်တွေကို အခုလို တင်းကျပ် ကန့်သတ်မှုမျိုး မလုပ်သင့်ဘူးလို့လည်း အဲဒီဦးဇင်းက ပြောပါတယ်။
ကျန်းမာရေး အခြေအနေကြောင့် ပြည်ပထွက် ဆေးကုသခံမယ့် သံဃာတော်တွေအတွက် မလိုအပ်ပဲ နှောင့်နှေး ကြန့်ကြာမှုတွေ ကြုံနေကြရတယ်လို့လည်း ဆိုပါတယ်။
၂၀၀၇ သံဃာ့လှုပ်ရှားမှုကြီး ပြီးကတည်းက သံဃာတော်တွေအပေါ် အခုလို တင်းကျပ် ကန့်သတ်မှုတွေ လုပ်လာနေတာလို့ သိရပါတယ်။

မြန်မာ့မီဒီယာ တိုးတက်ရေး ဆွေးနွေးပွဲ ပြီးဆုံး
မြန်မာ့မီဒီယာ ပိုပြီး လွတ်လပ် လာဖို့ ဆွေးနွေး သူတွေက အကြံပေး
မြန်မာ နိုင်ငံမှာ မီဒီယာ ဖွံ့ဖြိုး တိုးတက်ရေး နဲ့ ပတ်သက်တဲ့ ၂ ရက်ကြာ အလုပ်ရုံ ဆွေးနွေးပွဲ တရပ်ကို ရန်ကုန်မြို့ အင်းယားကန် ဟိုတယ်မှာ ဒီကနေ့ ကျင်းပ ပြီးစီး ခဲ့ပြီ ဖြစ်ပါတယ်။
အဲဒီ အစည်းဝေး ကို မြန်မာ အစိုးရရဲ့ အစီအစဉ်နဲ့ ပြည်တွင်း ပြည်ပ သတင်းမီဒီယာ ဌာနတွေ၊ မီဒီယာ အကြောင်း ကျွမ်းကျင် သူတွေ တက်ရောက် ဆွေးနွေး ခဲ့ကြတာ ဖြစ်ပါတယ်။
ဒီဆွေးနွေး ပွဲမှာ အားလုံး ကိုယ့်အမြင် အယူအဆ တွေကို လွတ်လွတ် လပ်လပ် အပြန်အလှန် ဆွေးနွေးခွင့် ရခဲ့ပြီး၊ နိုင်ငံခြား သတင်းဌာန အကြီး အကဲ တွေနဲ့ မြန်မာ နိုင်ငံ စာပေ စိစစ်ရေးက အရာရှိတွေ အတူ ယှဉ်တွဲပြီး ဆွေးနွေးနိုင်ခဲ့ကြတယ်လို့ အစည်းဝေးမှာ စာတမ်း တစောင် တင်သွင်း ဖတ်ကြားခဲ့တဲ့ Living Colour Media က ဒုတိယ အယ်ဒီတာချုပ် ဦးဇေယျသူ က ပြောပါတယ်။
တကယ်တမ်းမြန်မာနိုင်ငံမှာမီဒီယာဖွံ့ဖြိုးတိုးတက်ဖို့အတွက် မီဒီယာဥပဒေ တရပ်ရှိဖို့ လိုသလား ဆိုတာနဲ့ ပတ်သက်ပြီး မေးတဲ့ အခါမှာ ဒီအကြောင်း အမြင်အမျိုးမျိုးနဲ့ ဆွေးနွေးခဲ့ ကြတာတွေ ရှိတယ်လို့ ဦးဇေယျသူ ဆိုပါတယ်။
အခု ကျင်းပခဲ့တဲ့ ဆွေးနွေးပွဲ ကနေ ဒီထက်ပိုပြီး လွတ်လပ်တဲ့ နောက်ထပ် ဆွေးနွေးပွဲ မျိုးတွေ ပေါ်ပေါက်လာဖို့ မျှော်လင့်ကြောင်း လည်း သူက ပြောပါတယ်။
ဆွေးနွေးပွဲ ရဲ့ ရလာဒ်တွေကို မြန်မာ နိုင်ငံမှာ မီဒီယာ ဥပဒေ ရေးဆွဲတဲ့ အခါ ထည့်သွင်း စဉ်းစားမယ် လို့လည်း ဆိုပါတယ်။

၆၃ နှစ်မြောက် ကရင်တော်လှန်ရေးနေ့၆၃ ကြိမ်မြောက် ကရင်တော်လှန်ရေးနေ့ ကျင်းပ
ဇန်နဝါရီလ ၃၁ ရက်နေ့ဟာ KNU ကရင်အမျိုးသားအစည်းအရုံးက မြန်မာ အစိုးရ အဆက်ဆက်ကို လက်နက်ကိုင် ဆန့်ကျင်တိုက်ခိုက်ခဲ့တဲ့ ၆၃ နှစ်မြောက် ကရင်တော်လှန်ရေးနေ့ ဖြစ်ပါတယ်။
KNU ဥက္ကဌ ဗိုလ်ချုပ်ကြီး စောတာမလာဘော က မြန်မာအစိုးရနဲ့ ငြိမ်းချမ်းရေးပဏာမသဘော တူညီချက်ကို လက်မှတ်ထိုး နိုင်ခဲ့ပြီ ဖြစ်ပေမယ့် ဒါဟာ စစ်မှန်တဲ့ ပြည်ထောင်စု ဆီကို ဦးတည် ပြီး ဆောင်ရွက်ရမယ့် လုပ်ငန်းစဉ်တွေ အတွက် ခြေလှမ်းငယ်လေးမျှသာ ဖြစ်တယ် လို့ ကရင်တော်လှန်ရေး နေ့ အခမ်းအနား ကို ပေးပို့ တဲ့ သဝဏ်လွှာ မှာ ထဲမှာ ဆိုလိုက်ပါတယ်။
KNU နဲ့ မြန်မာအစိုးရ ဟာ ဇန်နဝါရီလ ၁၂ ရက်နေ့ က အပစ်အခတ် ရပ်စဲရေး သဘော တူညီ ခဲ့ပါတယ်။
ဒါပေမဲ့လည်း အဲဒီနောက်ပိုင်းမှာ ၂ ဘက်ကြား တိုက်ပွဲ ငယ်တွေ ဆက်လက် ဖြစ်ပွား နေပါသေး တယ် လို့ KNU ဒုဥက္ကဌ ဖဒို ဒေးဗစ် သာကပေါ က ဘီဘီစီ ကို ပြောပြ ပါတယ်။
အစိုးရ တပ်ဖွဲ့တွေ ရှေ့တန်း စခန်းထိုင် တွေ အတွက် ရိက္ခာ တင်ပို့တဲ့ စစ်ကြောင်း ဖြတ်သန်း မှု တွေ ကို တော့ KNU ထိန်းချုပ်ရာ နယ်မြေတွေ ထဲမှာ ခွင့်ပြု ထားကြောင်း သူ က ပြော ပါတယ်။
KNU ဖက်ကတော့ ခိုင်မာတဲ့ အပစ်အခတ်ရပ်စဲမှု ကို အရင်တည်ဆောက်ပြီး နိုင်ငံရေး ပြဿနာကို နိုင်ငံရေးနည်းနဲ့ ဆက်လက်ဖြေရှင်း ဆွေးနွေးသွားချင်တယ် လို့ ပြော ပါတယ်။

အမေရိကန်မြေပေါ်တွင် အီရန်တိုက်ခိုက်နိုင်ခြေ ပိုတိုးလာ
By ဗွီအိုအေ(မြန်မာဌာန)
အမေရိကန် မြေပေါ်မှာ အီရန် က တိုက်ခိုက်လာနိုင်ခြေ တိုးများလာနေတယ်လို့  အမေရိကန် ထောက်လှမ်းရေး အကြီးအကဲက ပြောလိုက်ပါတယ်။
အမေရိကန် အထက်လွှတ်တော် ထောက်လှမ်းရေး ကော်မီတီရဲ့ရှေ့မှောက်မှာ ကမ္ဘာတ၀ှမ်းက အမေရိကန် အမျိုးသား လုံခြုံရေးအပေါ် ခြိမ်းခြောက်လာနိုင်မယ့် အခြေအနေကို အစစ်ခံရာမှာ အမေရိကန်အမျိုးသား ထောက်လှမ်းရေး ညွှန်ကြားရေးမှူး James Clapper နှစ်စဉ် လုပ်နေကျ အကဲဖြတ်ချက်ကို တင်ပြသွားတာပါ။
ဆွေးနွေးချက်မှာ အီရန်က ထိပ်ဆုံးက ပါနေပါတယ်။
အမေရိကန်က အီရန်ကို ခြိမ်းခြောက်လာတယ်လို့ အီရန်က ယူဆရင် အမေရိကန်ကို တိုက်ခိုက်ဖို့ အီရန်ခေါင်းဆောင်တွေအနေနဲ့ ခုအခါမှာ ပိုပြီး ဆန္ဒရှိလာနေတယ်လို့ Clapper က ပြောပါတယ်။  အမေရိကန်ဆိုင်ရာ ဆော်ဒီအာရေဗျ သံအမတ်ကြီးကို အီရန်လူမျိုး ၂ ယောက်က လုပ်ကြံဖို့ ကြိုးစားရာမှာ အီရန်အစိုးရရဲ့ လက်ရာပါဝင်နေတယ်လို့ အမေရိကန် တရားရေးဌာနက အောက်တိုဘာလတုန်းက စွပ်စွဲခဲ့ပါတယ်။
အီရန်ခေါင်းဆောင်ပိုင်းဟာ နျူကလီယားလက်နက် ထုတ်လုပ်နိုင်မယ့် လမ်းကို ဖွင့်ထားဆဲ ဖြစ်တယ်လို့ သူက ပြောပါတယ်။  ဒီအချိန်မှာပဲ စက်ချွတ်ယွင်းသွားတဲ့ အီရန် ငါးဖမ်းသင်္ဘောတစ်စင်းက သင်္ဘောသားတွေကို ပါရှန်ပင်လယ်ကွေ့မှာ အမေရိကန်လေတပ်က ကူညီလိုက်ကြပါတယ်။
အမေရိကန်ရေတပ် သဘောင်္ USS Abraham Lincoln က ငါးဖမ်း သဘောင်္သား ၉ ယောက်ပါတဲ့ လှေ အင်ဂျင် ပျက်နေတာကို ပြန်လည် ပြုပြင်ပေးလိုက်တဲ့အတွက် ငါးဖမ်းသင်္ဘောဟာ သူ့ခရီးသူ ဆက်သွားနိုင်ခဲ့ပါတယ်။

တရုတ်တောင်ပိုင်း မြစ်ရေ ဓာတုအဆိပ်သင့်မှု လူ ခုနစ်ဦးကို ဖမ်းဆီး
By ဗွီအိုအေ(မြန်မာဌာန)
တရုတ်ပြည်တောင်ပိုင်းက မြစ်တစ်မြစ်ထဲမှာ စက်မှုလုပ်ငန်းတွေက အဆိပ်သင့် ဓာတုပစ္စည်း Cadmium စီးဝင်ခဲ့တာကြောင့် တာဝန်ရှိတဲ့ ကုမ္ပဏီတွေက အလုပ်အမှုဆောင် အရာရှိ ၇ ယောက်ကို ဖမ်းဆီးလိုက်တယ်လို့ တရုတ်က ပြောပါတယ်။  ခု ဖြစ်ရပ်ကြောင့် ဒေသခံ ပြည်သူ သန်းပေါင်းများစွာ အနေနဲ့ ရေသုံးစွဲမှု အန္တရာယ် ကြုံတွေ့နေရပါတယ်။
Liujiang မြစ်အတွင်း မှာ ဓာတုပစ္စည်း အဆိပ်သင့်တဲ့အတွက် ငါးတွေ သေကြတယ်လို့ တရုတ်နိုင်ငံ အစိုးရမီဒီယာတွေက သတင်းရေးသားခဲ့ကြပြီးတဲ့နောက် ၂ ပတ် အကြာ Guangxi ဒေသမှာ ခုလို ဖမ်းဆီးလိုက်တာပါ။
မြစ်ကြောင်းတလျှောက် မိုင် ၆၀ လောက် အဆိပ်သင့်စေခဲ့တဲ့ ဓာတုပစ္စည်းနဲ့ ပတ်သက်တဲ့ သတင်းအချက်အလက် အသေးစိတ်ကိုတော့ အာဏာပိုင်တွေက မထုတ်ပြန်ခဲ့ပါဘူး။
ခုလို အဆိပ်သင့်ခဲ့တာကြောင့် ဒေသခံတွေဟာ ရေပုလင်း၊ ရေဗူးတွေကို ထိတ်လန့်တကြား ၀ယ်ယူကြရတဲ့အဖြစ် ရောက်ခဲ့ရပါတယ်။  အဖမ်းခံလိုက်ရတဲ့ သူ ၇ ယောက်လုံး ဟာ Guangxi ဒေသ ဓာတုကုမ္ပဏီက တာဝန်ရှိသူတွေ ဖြစ်တယ်လို့ တရုတ်နေ့စဉ် သတင်းစာက အင်္ဂါနေ့က ဆိုပါတယ်။
ဓာတု ပစ္စည်း Cadmium ကို ဘက်ထရီတွေ လုပ်ရာမှာ အသုံးပြုပါတယ်။ အခြေအနေကို ထိန်းနိုင်ပြီလို့ တာဝန်ရှိသူတွေက ပြောပါတယ်။  ဒါပေမဲ့ ရေမှာ cadmium ဓာတု ပစ္စည်း ပါဝင်မှုက ဒေသခံ ရေအားလျှပ်စစ် စက်ရုံနားမှာရှိတဲ့ ရေလှောင်ကန်ရဲ့ အောက်ပိုင်း မြစ်ရေမှာ ၂၅ ဆ မြင့်မားနေမြဲ ဖြစ်နေပါတယ်။ ဓာတုပစ္စည်းပါဝင်မှုကို အဲဒီ ရေလှောင်ကန်မှာ စတွေ့ခဲ့တာပါ။

ဆီးရီးယားကို အရေးယူရေး လုံခြုံရေးကောင်စီကို ကလင်တန်တိုက်တွန်း
By ဗွီအိုအေ(မြန်မာဌာန)
ကုလသမဂ္ဂလုံခြုံရေးကောင်စီအနေနဲ့ အာရပ်အဖွဲ့ချုပ်ရဲ့ ဆီးရီးယားငြိမ်းချမ်းရေးအစီစဉ်ကို ထောက်ခံ ပါရန် အမေရိကန်နိုင်ငံခြားရေးဝန်ကြီးက တိုက်တွန်းဖို့ ပြင်ဆင်နေပါပြီ။ သမ္မတ Bashar al-Assad အစိုးရရဲ့ အကြမ်းဖက်မှုတွေကို အမေရိကန်အစိုးရက ပြင်းပြင်းထန်ထန် ရှုတ်ချလိုက်ပြီးတဲ့နောက် ၀န်ကြီးကလင်တန်က ခုလို စီစဉ်နေတာဖြစ်ပါတယ်။ ဒီကနေ့ အင်္ဂါနေ့မှာကျင်းပမယ့် ဆီးရီးယားအရေး ကုလသမဂ္ဂလုံခြုံရေးကောင်စီ အစည်းအဝေးကို ပြင်သစ်နဲ့ ဗြိတိန်နိုင်ငံက နိုင်ငံခြားရေးဝန်ကြီးတွေနဲ့ အတူ ၀န်ကြီးကလင်တန် တက်ရောက်မှာ ဖြစ်ပါတယ်။

ဆီးရီးယားအကျပ်အတည်းပြေလည်ရေး သမ္မတ al-Assad ရာထူးကနှုတ်ထွက်ပေးဖို့ တောင်းဆိုနေတဲ့ အာရပ်အဖွဲ့ ချုပ်ရဲ့ အဆိုပြုချက်ကို ကုလသမဂ္ဂ လုံခြုံရေးကောင်စီက ထပ်ဆင့် ထောက်ခံရေးအတွက် အနောက်နိုင်ငံကြီးတွေက စိုင်းပြင်းနေကြတာပါ။ အီရတ်အဖွဲ့ချုပ်ရဲ့ အဆိုပြုချက်ဟာ ဆီးရီးယားနိုင်ငံရဲ့ အချုပ်အခြာအာဏာကို ထိပါးတဲ့အတွက် လက်မခံနိုင်ဘူးဆိုပြီး ဆီးရီးယားနိုင်ငံကတော့ ပယ်ချနေပါတယ်။

လုံခြုံရေးကောင်စီအနေနဲ့ နိုင်ငံတကာအသိုင်းအ၀ိုင်းရဲ့ သဘောထားအမြင်တွေကို လေးစားတဲ့အနေနဲ့ ဆီးရီးယားအပေါ် အရေးယူမှဖြစ်မယ်လို့ ၀န်ကြီးကလင်တန်က မနေ့က တိုက်တွန်းထားပါတယ်။ လွန်ခဲ့တဲ့ ရက်ပိုင်းအတွင်းမှာပဲ  ဆီးရီးယားအစိုးရရဲ့ အကြမ်းဖက် ရက်ရက်စက်စက် နှိပ်ကွပ်မှုကြောင့် ရာနဲ့ ချီတဲ့ အရပ်သားတွေ သေဆုံးခဲ့ရလို့ အမေရိကန်ပြည်ထောင်စုက ပြစ်တင်ရှုတ်ချနေတာ ဖြစ်ပါတယ်။

နိုင်ငံတော်အသုံးစရိတ်အဆိုပြုချက် လွှတ်တော်မှာ တင်သွင်း
လွှတ်တော် တတိယပုံမှန်အစည်းအဝေးမှာ နိုင်ငံတော်ဘဏ္ဍာငွေနဲ့ပတ်သက်ပြီး လွှတ်တော်ကိုယ်စားလှယ်တွေကို တင်သွင်းခဲ့ပါတယ်
By သားညွန့်ဦး
မြန်မာနိုင်ငံမှာ စုစုပေါင်း နိုင်ငံခြားကြွေးမြီစာရင်း ဒေါ်လာသန်းပေါင်း တသောင်းနှစ်ထောင်ကျော် တင်ရှိနေပြီး၊ နိုင်ငံခြားအရန်ငွေ ဒေါ်လာသန်းပေါင်း ၇ထောင်ကျော်ရှိတယ်လို့ အစိုးရကိန်းဂဏန်းတွေမှာ ဖော်ပြလိုက်ပါတယ်။ လွှတ်တော် တတိယပုံမှန်အစည်းအဝေးတွေ ကျင်းပနေရာမှာ ဒီကနေ့ ပြည်ထောင်စု လွှတ်တော်အစည်းအဝေး ခေါ်ယူပြီး၊ ၁၉၈၈ မတိုင်ခင်နဲ့ ၁၉၈၈ ခုနှစ်နောက်ပိုင်း နိုင်ငံတော်မှာ တင်ကျန် နေတဲ့ နိုင်ငံခြားကြွေးမြီစာရင်းကို လွှတ်တော်ကိုယ်စားလှယ်တွေကို တင်သွင်းသွားတာဖြစ်ပါတယ်။ ဒီကနေ့ ပြည်ထောင်စုလွှတ်တော်အတွင်းက နိုင်ငံတော်ဘဏ္ဍာငွေနဲ့ပတ်သက်ပြီး ကိုယ်စားလှယ်တွေကို အသိပေးတင်သွင်းထားတာတွေကို ကိုသားညွန့်ဦးက စုံစမ်းမေးမြန်းထားပါတယ်။
နိုင်ငံတော်မှာ တင်ရှိနေတဲ့ နိုင်ငံခြားကြွေးမြီပမာဏ၊ နိုင်ငံတော်မှာရှိတဲ့ နိုင်ငံခြားအရန်ငွေပမာဏာနဲ့ ဘတ်ဂျက်အသုံးစရိတ် အဆိုပြုချက်မူကြမ်းတွေကို ဒီကနေ့ ပြည်ထောင်စုလွှတ်တော်အစည်းအဝေးကို တင်သွင်းခဲ့ပြီး၊ ဆွေးနွေးတဲ့အဆင့်တော့ မရောက်သေးပါဘူး။
အခု လွှတ်တော် တတိယပုံမှန်အစည်းအဝေးမှာ နိုင်ငံတော်ဘတ်ဂျက်ကိစ္စကို အဓိကထား ဆွေးနွေးမှာမို့လို့လည်း ဖွဲ့စည်းပုံအရ နိုင်ငံတော်ဘတ်ဂျက်ကိစ္စမှာ အဆုံးအဖြတ်ပေးရမယ့် ပြည်ထောင်စုလွှတ်တော်ရဲ့ အခန်းကဏ္ဍက အခု လွှတ်တော်အစည်းအဝေးတွေမှာ ပို အရေးကြီး နေပါတယ်။ ဒီကနေ့ တင်ပြချက်အရ မြန်မာနိုင်ငံရဲ့ စုစုပေါင်း နိုင်ငံခြားကြွေးမြီစာရင်းဟာ ဒေါ်လာသန်းပေါင်း တသောင်းနှစ်ထောင်ကျော်ရှိတယ်လို့ ပြည်ထောင်စုလွှတ်တော်ကိုယ်စားလှယ် တဦးဖြစ်တဲ့ ရခိုင်ပြည်နယ် အမျိုးသားလွှတ်တော်အမတ် ဦးအေးမောင်က ဗွီအိုအေကို ပြောပါတယ်။
“ ၈၈ မတိုင်ခင်က ကြွေးမြီပေါင်း အမေရိကန်ဒေါ်လာသန်း ၈၄၀၈.၃၄၈ ရှိတယ်ဗျ။ အဲဒီထဲမှာ ဂျပန်က အများဆုံး၊ ၆၃၈၈.၃၂၀ သန်း နဲ့ ဒုတိယအများဆုံးက IDA ချေးငွေက ၈၀၁.၅၉၁ ပါ။ ဂျာမနီက ၅၈၁.၇၂၈။ ADP ကတော့ ၃၅၆.၉၃၅။ နောက်များတာက နော်ဝေးက ၃၇.၁၂၆။ သြစတြီးယားက ၃၀.၀၂၇၊ အင်္ဂလန်က ၃၆.၅၅၂။ အီတလီကတော့ ၆.၁၉၀ ပါ။ စုစုပေါင်း ၈၄၀၈.၃၄၈ သန်းက ၈၈မတိုင်ခင်ကပါ။”
“၈၈ နောက်ပိုင်းမှာ ချေးတဲ့ ပိုက်ဆံက ဒေါ်လာ ၂၆၁၄.၉၅၀ သန်းရှိတယ်။ အဲဒီမှာ အများဆုံးက တရုတ်နိုင်ငံက ချေးတာပါ။ ၂၁၃၈.၇၄၄ သန်းရှိတယ်။ နောက် ဒုတိယလိုက်တာက မလေးရှားပါ။ သန်း ၁၅၀ ရှိတယ်။ အိန္ဒိယကတော့ ၁၁၀.၃၈၉ သန်း ရှိပါတယ်။ စုစုပေါင်းလိုက်ရင် အမေရိကန်ဒေါ်လာ သန်းပေါင်း ၁၁၀၂၃. ၂၉၈ သန်း ချေးငွေနှစ်ရပ်အတွက် ပေးဆပ်ဖို့ အကြွေးရှိပါတယ်။ တဆက်တည်းမှာလည်း Foreign Reserve ဘယ်လောက်ရှိလဲဆိုတာလည်း သူတို့ ပြောသွားပါတယ်။ စုစုပေါင်း ၇၁၉၆.၄၅၄သန်း ရှိတယ်တဲ့။ ရှိတာအကုန်ဆပ်ရင် ၄၀၀လောက်တော့ ကျန်မှာပေါ့။”
နိုင်ငံခြားကြွေးမြီတွေနဲ့ပတ်သက်လို့တော့ ဂျပန်နဲ့အီတလီအစိုးရပိုင်းတွေကို ကြွေးမြီလျော့ပေါ့ပေးရေးကိစ္စ ဆွေးနွေးထားတယ်လို့ သိရတဲ့အကြောင်း ဦးအေးမောင်က ရှင်းပြပါတယ်။ အခုလို နိုင်ငံခြားကြွေးမြီ စာရင်းကို လွှတ်တော်ကိုယ်စားလှယ်တွေကို အသိပေးတာ ဒါ ပထမဆုံးအကြိမ်ဖြစ်တာမို့၊ မြန်မာလူထုအနေနဲ့ ဒါဟာ တရားဝင် ပထမဆုံးသိခွင့်ရတာလို့ ပြောနိုင်ပါတယ်။
ပြည်ထောင်စုလွှတ်တော်ကိုယ်စားလှယ်တွေကို တင်ပြတဲ့အထဲ အခုနှစ် ၂၀၁၁-၂၀၁၂ ဘဏ္ဍာရေးလိုအပ်ချက်ထပ်တိုးအဆိုပြုချက်မူကြမ်း၊ ၂၀၁၂-၂၀၁၃ နိုင်ငံတော်ဘတ်ဂျက်အဆိုမူကြမ်းတွေကိုလည်း တင်သွင်းခဲ့ပါတယ်။ ၀န်ကြီးဌာနအလိုက် အသုံးပြုမယ့်၊ အသုံးပြုခဲ့တဲ့ စာရင်းဇယားအသေးစိတ်တွေကို တင်သွင်းထားပြီး ဒီအပေါ်မှာတော့ သူတို့အနေနဲ့ ဆွေးနွေးစရာတွေရှိမယ်လို့ ဦးအေးမောင်က ပြောပါတယ်။
၂၀၁၁-၂၀၁၂ ဘတ်ဂျတ်မူကြမ်းအဆိုကို လာမယ့်ဖေဖ၀ါရီလ ၆ ရက်နေ့မှာ ဆွေးနွေးမှာဖြစ်ပြီး၊ ၁၀ရက်နေ့မှာ ၀န်ကြီးဌာနတခုချင်းအလိုက် အသုံးစရိတ်တွေကို ဆွေးနွေးဖို့ရှိပါတယ်။ ၂၀၁၂-၂၀၁၃ ဘတ်ဂျက်မူကြမ်းအဆိုကိုတော့ ဖေဖ၀ါရီလ ၁၇ ရက်နေ့မှာ ဆွေးနွေးကြမှာဖြစ်ပါတယ်။ ဘတ်ဂျက် အဆိုပြုချက်တွေထဲမှာ ကာကွယ်ရေးဝန်ကြီးဌာန အသုံးစရိတ်အဆိုပြုချက်က အများဆုံး ဖြစ်ပါတယ်။ ဒါတောင်မှ အရင်အသုံးစရိတ်ထက် လျှော့သွားတာတယ်။ ဒါပေမယ့်လည်း အခြားအရပ်ဖက်ဝန်ကြီးဌာနအောက် အသုံးစရိတ်တွေကတဆင့်၊ ကာကွယ်ရေးနဲ့ဆိုင်တဲ့ အသုံးစရိတ်တွေဆီကို သွားမယ့် အခြေအနေကိုတော့ ရှင်းလင်းကွဲပြားအောင်လုပ်ရလိမ့်မယ်လို့ ပြည်ထောင်စုလွှတ်တော်ကိုယ်စားလှယ် ဦးအေးမောင်က ပြောပါတယ်။
“ တခုပဲ ရှိတယ်။ ကာကွယ်ရေးအသုံးစရိတ်နဲ့ ပတ်သက်လို့ ။ ခုကာလမှာ ၀န်ကြီးဌာနတွေ နှစ်ခုလောက် ရှိတယ်။ ဥပမာ မြန်မာ့ စက်မှုလက်မှုဖွံ့ဖြိုးတိုးတက်ရေးဝန်ကြီးဌာနဆိုတာ ပေါ်လာတယ်။ ဥပမာ သိပ္ပံနဲ့ နည်းပညာဝန်ကြီးဌာနရှိတယ်။ သူ့ရဲ့ အောက်မှာ Atomic Energy နဲ့ ပတ်သက်တဲ့ ဌာနလေးရှိတယ်။ ခုနပြောသလို  သိပ္ပံနဲ့ နည်းပညာဝန်ကြီးဌာနအောက်မှာ ရှိသလို နယ်စပ်ဒေသ၀န်ကြီးဌာန အောက် မှာလည်း တချို့အသုံးစရိတ်တွေ ရှိပါတယ်။ အဲသလိုပဲ မြန်မာ့ စက်မှုလက်မှုဖွံ့ဖြိုးတိုးတက်ရေးဝန်ကြီးဌာနရဲ့ ကြီးမားကျယ်ပြန့်တဲ့ Project ကြီးတွေ ရှိတယ်။ အဲဒီမှာ ရုရှကလာတဲ့ တပ်မတော်ဘက်က ပုဂ္ဂိုလ်တွေလည်း အငြိမ်းစားပြီးကာမှ ၀င်ကောင်းဝင်နိုင်တယ်။ အဲတော့ အရပ်ဘက်အဖွဲ့အစည်းဖြစ်တဲ့ မြန်မာ့ စက်မှုလက်မှုဖွံ့ဖြိုးတိုးတက်ရေးဝန်ကြီးဌာနနဲ့ တပ်မတော်ပိုင်းနဲ့ ပြန်ပြီးချိတ်ဆက်မှု ရှိမရှိဆိုတာ ကျွန်တော်တို့ မသိဘူး။ မရှိအောင် ထိန်းကွပ်ပေးဖို့ရယ်၊ သူ့လိုင်းနဲ့သူ သွားပြီး ဘတ်ဂျက်ကို သုံးနိုင်အောင် လုပ်ဖို့ရယ်ကတော့ ကျွန်တော်တို့မှာ တာဝန်အများကြီး ရှိလာပါလိမ့်မယ်။ ခုမှလည်း ကာကွယ်ရေးဝန်ကြီးဌာနရဲ့ ဖြန့်ခွဲတဲ့ ရာခိုင်နှုန်းကို တွေ့တာကိုး။ ပြီးခဲ့တဲ့နှစ်က ဘတ်ဂျက်စုစုပေါင်း ၂၀% လောက်တော့ သုံးမယ်ထင်တယ်။ အခုကတော့ ၁၅%လောက်သုံးထားတာအကြမ်းတွေ့တယ်။ ကောလဟလဖြစ်နေတာကတော့ ရာခိုင်နှုန်း တ၀က်လောက်သုံးတယ်ပေါ့”
တကယ်တော့ နိုင်ငံတော်ဘဏ္ဍာငွေ ဘယ်လောက်ရှိတယ်၊ ဘယ်လို ခွဲဝေသုံးစွဲသွားမယ်ဆိုတာကို လူသိရှင်ကြား အသိပေး ဆွေးနွေးကြမယ့်ကိစ္စဟာ၊ ဆယ်စုနှစ်တွေအတွင်း ဒါဟာ ပထမဆုံးအကြိမ်လို့ ပြောနိုင်ပါတယ်။ အစိုးရအဖွဲ့နဲ့ ၀န်ကြီးဌာနတွေရဲ့ အဆိုပြုချက်တွေကို နိုင်ငံတော်ဘဏ္ဍာငွေ ခွဲဝေသုံးစွဲတဲ့ နေရာမှာ ပြည်သူလူထုအတွက် အကျိုးဘယ်လောက်ရှိမလဲဆိုတာတွေကို စီစစ်ပြီး ထောက်ခံ အကြံပြု ပြောင်းလဲသုံးစွဲမှုတွေကို ကြိုးစားလုပ်သွားမယ်ဆိုပြီးတော့လည်း ပြည်သူ့လွှတ်တော် ဥက္ကဋ္ဌ သူရဦးရွှေမန်းကတော့ လွှတ်တော် တတိယပုံမှန်အစည်းအဝေး ဖွင့်ပွဲမှာ ပြောသွားခဲ့ပါတယ်။

မြန်မာပြုပြင်ပြောင်းလဲမှုတွေ ဆက်လုပ်ဖို့ EU တိုက်တွန်း
အီးယူ ဥရောပသမဂ္ဂရဲ့ အမြင့်ဆုံးအဆင့်ဖြစ်တဲ့ ဥရောပကောင်စီ အကြီးအကဲက မြန်မာနိုင်ငံမှာ ပြုပြင်ပြောင်းလဲရေး လုပ်လာတာကို ထူးထူးခြားခြား ကြိုဆိုလိုက်ပါတယ်။
By VOA
အီးယူ ဥရောပသမဂ္ဂရဲ့ အမြင့်ဆုံးအဆင့်ဖြစ်တဲ့ ဥရောပကောင်စီ အကြီးအကဲက မြန်မာနိုင်ငံမှာ ပြုပြင်ပြောင်းလဲရေး လုပ်လာတာကို ထူးထူးခြားခြား ကြိုဆိုလိုက်ပါတယ်။ ဥရောပသမဂ္ဂအဖွဲ့ဝင် ၂၇ နိုင်ငံရဲ့ အကြီးအကဲ တွေကို ကိုယ်စားပြုတဲ့ ဥရောပကောင်စီဟာ ဇန်နဝါရီလ ၃၀ ရက်နေ့ မှာ ဥရောပမှာ အဓိက ကြုံနေရတဲ့ စီးပွားရေး အကျပ်အတည်းတွေကို ဆွေးနွေးတိုင်ပင် အပြီးမှာ အခုကို ဥက္ကဋ္ဌရဲ့ ကြေငြာချက်ကို ထုတ်ပြန်လိုက်တာပါ။ ဒီအစည်းအဝေးကို တက်ရောက်ခဲ့တဲ့ ဒေးဗစ်ကင်မရွန်းကလည်း မြန်မာနိုင်ငံကို သွားဖို့ လမ်းဖွင့်ထားတယ်လို့ ဆိုပါတယ်။ ဒီအကြောင်းကို ကိုဝင်းမင်းက ဆက်သွယ်မေးမြန်းတင်ပြထားပါတယ်ခင်ဗျာ။
++++++
ဥရောပသမဂ္ဂ နိုင်ငံအကြီးအကဲတွေဟာ သူတို့ ရဲ့ ဒီ ထိပ်သီးအစည်းအဝေးမှာ အရေးပေါ်ဖြစ်နေတဲ့ ဥရောပ စီးပွားရေး အကျပ်အတည်းကို ဖြေရှင်းဖို့ ကြိုးစားဆွေးနွေးနေချိန်မှာပဲ ကမ္ဘာမှာ အရေးအပါဆုံး နိုင်ငံခြားရေး ကိစ္စရပ်ကြီး သုံးခုကိုလည်း ထည့်သွင်းပြောကြားခဲ့ကြပါတယ်။ ဒီ ကမ္ဘာ့ ထိပ်တန်းရောက် ကိစ္စသုံးခုထဲမှာ မြန်မာနိုင်ငံ ကိစ္စကလည်း တခုပါဝင်နေပီး အခြား နှစ်ခုကတော့ အီရန် နျူးကလီးယားအရေးနဲ့ ဆီးရီးယား ပြဿနာတွေဖြစ်ပါတယ်။
မြန်မာနိုင်ငံမှာ ဦးသိန်းစိန် အစိုးရ တက်လာအပြီး ပြုပြင်ပြောင်းလဲမှုတွေ ဖြစ်ပေါ်လာခဲ့တဲ့ အပေါ် ဥရောပကောင်စီ ဥက္ကဋ္ဌ Van Rompuy က အားပါးတရ ကြိုဆိုလိုက်ပါတယ်။