ပဋိညဉ်ဝါဒ

October 14, 2014 at 4:37pm

Introduction to Contractarianism

ပဋိညဉ် ဟူသည်ကို စာချုပ်၊ ကတိက၀တ်၊ သဘောတူညီမှု စသဖြင့် နည်းလမ်းများစွာဖြင့် အဓိပ္ပါယ်ဖွင့်နိုင်၍ လူမှုပတ်ဝန်းကျင်တွင် မှတ်တမ်းတင်မထားသော ပဋိညဉ်၊ မှတ်တမ်းတင်ထားသော ပဋိညဉ် စသဖြင့် မျိုးစုံရှိနေနိုင်လေသည်။ သို့ ရာတွင် ပဋိညဉ် ဟုဆိုလိုက်လျှင် သဘောတူညီမှု consent ကား မရှိမဖြစ်ပါရတော့သည်သာဖြစ်၏။ ပဋိညဉ်တစ်ခု ပျက်ယွင်းခြင်း အသက်ဝင်ခြင်း တို့ သည် ၎င်းပဋိညဉ်ပါ တာဝန်ဝတ္တရားများ ရပိုင်ခွင့်များကို ဖေါ်ဆောင်ခြင်း၊ လိုက်နာခြင်းစသည်တို့ အပေါ်တွင် မူတည်လေ၏။

ပဋိညဉ်ဝါဒ ဟူသည်ကား  နိုင်ငံရေး အာဏာပိုင်တစ်ခု၏ တရားနည်လမ်းတကျဖြစ်မှုကို ရည်ညွှန်းသော နိုင်ငံရေးဒဿန သီအိုရီ တစ်ခု ဖြစ်သည်သာမက အကျင့်စာရိတ္တဆိုင်ရာ စံနှုန်းများ၏ မူရင်းဇစ်မြစ်ကိုဖွင့်ဆိုရှင်းလင်းသော ကိုယ်ကျင့်ဆိုင်ရာ သီအိုရီတစ်ခုလည်းဖြစ်၏။
ဤသီအိုရီ ၂ ခုစလုံးသည် လူမှုပဋိညဉ် social contract ယူဆချက်ပညတ်မှ ထွက်ပေါ်ဖွံ့ ဖြိုးလာခြင်းလည်းဖြစ်၏။ ၎င်းပညတ် အလိုအရ လူတို့ သည် လူ့ အဖွဲ့ အစည်းအတွင်း တည်ငြိမ်မှုနှင့် အေးချမ်းမှုကို ထိန်းသိမ်းရန်အလို့ ငှာ မိမိတို့ ၏ အကြွင်းမဲ့လွတ်လပ်မှုကိုအဆုံးရှုံးခံလျှက် အချို့သောရပိုင်ခွင့်များ၊ အခွင့်အရေးများကို အစိုးရအာဏာပိုင်တို့ အား အပ်နှင်းထားကြသည်ဟု ဆို၏။ တနည်းအားဖြင့် တရားနည်းလမ်းတကျဖြစ်သည့် နိုင်ငံတော်အာဏာဆိုသည်မှာ အုပ်စိုးခံပြည်သူတို့ ၏ လက်ခံကြည်ဖြူမှုမှ ဆင်းသက်လာရမည်ဟု ဆိုလိုရင်းဖြစ်၏။ ဤသို့ လက်ခံကြည်ဖြူမှု ရှိမှသာလျှင် အပြန်အလှန်သဘောတူညီချက် သို့ မဟုတ် ပဋ္ဋိညဉ်တစ်ခုကို ပုံစံအားဖြင့်ရော အနှစ်သာရအားဖြင့်ပါ ချုပ်ဆိုနိုင်မည်ဟုဆိုလိုပေ၏။
ပဋိညဉ်ဝါဒီ တို့ အလိုအားဖြင့် လူဟူသည် မူလအနေအားဖြင့် ကိုယ်ကျိုးစီးပွားကြည့်သည့် သဘောရှိ၏။ မိမိအကျိုး ရှိမရှိကို ဝေဖန်သုံးသပ်နိုင်စွမ်းလည်းရှိ၏။  သည့်အတွက်ကြောင့်ပင် သက်ဆိုင်ရာ အခင်းအကျင်းတစ်ခုသည် ၎င်းတို့ ၏အကျိုးစီးပွားကို အမြင့်ဆုံးရရှိစေနိုင်မည့် အကောင်းဆုံးနည်းလမ်းဖြစ်သည်ဟု အကဲဖြတ်လက်ခံပါက ၎င်းအခင်းအကျင်းက ပြဋ္ဋာန်းသော ကိုယ်ကျင့်ဆိုင်ရာနှင့်အညီ ၎င်းတို့ ကိုယ်တိုင် ပြုမူလာမည်ဖြစ်၏။  ဤသို့ ဖန်တီးပေးနိုင်သော အစိုးရအာဏာပိုင်တို့ အားလည်း ၎င်းတို့ ၏ သဘောညီမျှမှုကို အပ်နှင်းလာကြမည်ဟူ၍ဖြစ်၏။

သမိုင်းကြောင်းအနေဖြင့် ဤလူမှု ပဋိညဉ် သဘောတရားကို အစောဆုံး တင်ပြခဲ့သူမှာ ပလေတို Plato ဖြစ်၏။ ခရီတို"Crito"  အမည်ရှိ ဆိုကရေတီး အခြေအတင်ဆွေးနွေးခန်း တွင် လူတို့ သည် သက်ဆိုင်ရာ လူ့ အဖွဲ့ အစည်းအတွင်းတွင် နေထိုင်ရန်ရွေးခြယ်လိုက်အားခြင်းဖြင့် ၎င်းလူ့ အဖွဲ့အစည်း၏ လူမှုပဋိညဉ် ပါအချက်အလက်များကို အလိုလို လက်ခံပြီးသားဖြစ်သွားသည်ဟု ဆိုလေ၏။ ပလေတိုနှင့်မတူ အက်ပီကူးရပ်စ် Epicurus ကမူ တရားမျှတမှု ဟူသည် တစ်ဦးကိုတစ်ဦး ဘေးအန္တရာယ်မပြုရေး ပူးတွဲသဘောတူညီချက်မှ ထွက်ပေါ်လာခြင်းမျှသာဖြစ်သည်ဟု ပေါ်ပေါ်တင်တင် ထုတ်ဖေါ်ပြောဆိုခဲ့၏။

တိုင်းပြည်အုပ်ချုပ်မင်းလုပ်သူ တို့ သည် ဘုရားသခင်အပ်နှင်းထားသော ဘုန်းတန်ခိုးအရ အချုပ်အခြာအာဏာကို စွဲကိုင်နိုင်ကြသည်ဟု အစဉ်အလာအရ ယုံကြည်ခဲ့ကြသည်။ သို့ သော် ရီနေးဆန့်  Renaissance ခေါ် ပြန်လည်မွေးဖွားမှုကာလအတွင်းတွင်ကား တွေးခေါ်ပညာရှင် ဖရန်စစ် ဆူအဲရေး Francisco Suárez (1548 - 1617) က အကြွင်းမဲ့ဘုရင်စံနစ်ရှိ ဘုရားသခင်အပ်နှင်းသည့်အခွင့်အရေးများကို ကန့် သတ်ရန်ကြိုးစားသည့်အနေဖြင့် သဘာဝ ဥပဒေ natural law သီအိုရီကို ဖေါ်ထုတ်လာ၏။ ထို့ ပြင် ၁၇ ရာစုအစောပိုင်းတွင် ဒတ်ခ်ျလူမျိုး တွေးခေါ်ပညာရှင် ဟူးဂိုး ဂရော့တီးအပ်စ် Hugo Grotius (1583 - 1645) က ယနေ့ ခေတ် လူ့ အခွင့်အရေး human rights တို့ ၏ ရှေ့ပြေးဖြစ်သည့် သဘာဝ အခွင့်အရေးများ natural rights အယူအဆကို စတင်တင်ပြလာပြန်၏။ ၎င်းက ဤအခွင့်အရေးများသည် လူသားတို့ ၏ သဘာဝအလျောက်ရရှိသော အခွင့်အရေးများဖြစ်၍ ထာဝရ ဘုရားသခင် မရှိခဲ့လျှင်ပင် ဤဥပဒေ များသည် ဆက်လက်တည်ရှိနေလိမ့်မည်ဟု ရဲရဲဝံ့ဝံ့ ဆိုလေ၏။

မည်သို့ ဆိုစေ လူမှုပဋိညဉ် သီအိုရီအား ထင်ထင်ပေါ်ပေါ် နဲ့ ဆက်လက်ဖွံ့ ဖြိုးအောင် လုပ်ဆောင်ခဲ့သူမှာ ထောမတ်စ် ဟော့ဘ် Thomas Hobbes (1588-1679) ဖြစ်၏။ ၎င်းက ဆိုသည်မှာ သမိုင်းမတင်မှီခေတ် လူမှုအဆောက်အဦများ ပီပြင်ခြင်းမရှိသေးသည့်ကာလတွင် လူတို့ သည် အကန့် အသတ်မဲ့ သဘာဝလွတ်လပ်ခွင့်များ အပြည့်ရှိကြ၏။ ကိုယ်ကျိုးကြည့်သူများလည်းဖြစ်၍ အကောင်းအဆိုး ရွေးခြယ်နိုင်စွမ်းရှိ၏။ ၎င်းတို့ စိတ်ထင်သလို ပြုမူပြောဆို ဆက်ဆံကြ၏။ ဤအကြွင်းမဲ့လွတ်လပ်မှုတွင် မိမိကို ဘေးရန်ပြုနိုင်သည့် သူတို့ အားလည်းကောင်း မိမိအကျိုးစီးပွားကိုဖေါ်ဆောင်ရန်အတွက်လည်းကောင်း အခြားသောသူများကို အကြောင်းပေါင်းများစွာဖြင့် လွတ်လပ်စွာ ဘေးရန်ပြုခွင့်လည်း ရှိနေပြန်၏။ သည့်အတွက်ကြောင့် လူသားဟူသည် သဘာဝအနေအားဖြင့် ဆိုးသွမ်းကြမ်းတမ်း၍ သိမ်ဖျင်းသည်  nasty and mean ဟု ဟော့ဘ် ကမြင်၏။

ဤသို့ သော သဘာဝအခြေအနေတွင် မိမိတို့ အားဘေးရန်တို့ မှကာကွယ်ရန်နှင့် မိမိတို့ ၏ အကျိုးစီးပွားအတွက်လက်တွေ့ အသုံးတည့်သော လူ့ အဖွဲ့ အစည်းတစ်ခုတည်ဆောက်ရန်အလို့ ငှာ ပုဂ္ဂလိကလူတစ်ဦးချင်းစီသည် မိမိတို့ ၏ကိုယ်ပိုင် အကြွင်းမဲ့လွတ်လပ်ခွင့်အား နိုင်ငံတော် သို့ မဟုတ် အစိုးရအာဏာပိုင်တို့ ဖြင့် အလဲအထပ်ပြုလျှက် လူမှုပဋိညဉ် တစ်ခုကို အပေးအယူသဘော ချုပ်ဆိုမိပြီးသားဖြစ်သွားသည်ဟု တင်ပြခဲ့၏။ တနည်းအားဖြင့် လူမှုအဆောက်အအုံများ social structures ၊ အရပ်ဖက်အခွင့်အရေးများ civil rights စသည်တို့ သည် လူသားသဘာဝ ကိုယ်ကျိုးရှာခြင်း၏ ရလဒ်မျှသာဖြစ်သည်ဟု ဟော့ဘ် က တင်ပြခဲ့ခြင်းဖြစ်၏။
သို့ ရာတွင် ဟော့ဘ် ၏ လူမှုပဋိညဉ် ၌ အကြွင်းမဲ့အာဏာပိုင် အစိုးရတစ်ရပ်သည် မရှိမဖြစ်လိုအပ်၏။ အဘယ်ကြောင့်ဆိုသော် ဟော့ဘ် အမြင်အရ လူတို့ သည် ယုံကြည်အပ်နှင်းထိုက်သောသူများမဟုတ်၍ဖြစ်၏။ လူတို့ ၏ လောဘသက္ကာရ သည် ကြီးမားပြင်းထန်လွန်းသဖြင့် ၎င်းတို့ အချင်းချင်းအကြားရှိ အတူတကွပူးပေါင်းဆောင်ရွက်မှုမှာ အချိန်မရွေးပျက်ဆီးလွယ်၏။ သို့ ဖြင့် အကျပ်ကိုင်လိုက်နာစေရေးအတွက် အချုပ်အခြာအာဏာပိုင်သည် မရှိမဖြစ်လိုအလပ်လာသည်ဟု ဆိုလေ၏။ သဘာဝအနေ လွတ်လပ်သောလူသား၏ ဘ၀သည် ထိတ်လန့် ကြောက်ရွံ့မှုအတိပြီး၏။ အထီးကျန်၍၊ ဆင်းရဲမွဲတေကာ၊ ရိုင်းစိုင်းကြမ်းတမ်းပြီးလျှင် သက်တမ်းလည်းတိုတောင်းကြသည်ဟု ဆိုလေ၏ “The state of nature is the state of war”။ သည့်အတွက်ကြောင့်ပင် အုပ်စိုးခံတို့ သည် ၎င်းတို့ ၏ အသက်ရှင်ရပ်တည်ရေးအတွက် အချုပ်အခြာအာဏာပိုင်တို့ အား အလုံးစုံအပ်နှင်းလိုက်နာကြရမည်ဟု ၁၆၅၇ တွင်ထုတ်ဝေသော ၎င်း၏ လဗိုင်းယန်သန် "Leviathan" စာအုပ်တွင်ရေးသားခဲ့လေသည်။ [[ ဟော့ဘ် ကျင်လည်ရာ ပတ်ဝန်းကျင်နှင့် ခေတ်အခြေအနေသည် ဘုရင့်ဘက်သားများနှင့် ဘုရင်ကို တော်လှန်သည့် ကရွမ်းဝဲ၏ ပါလီမန်တပ်များ တိုက်ခိုက်ကြသည့် အင်္ဂလန်ပြည်တွင်းစစ်အချိန်အခါဖြစ်၏။ ဟော့ဘ်သည် အကြွင်းမဲ့ဘုရင်စံနစ်ကိုလည်းမထောက်ခံ ရှေးဦးပါလီမန် ဒီမိုကရေစီကိုလည်း ဆန့် ကျင်၍ ဤဘက် ၂ ဘက်ကြား ညှိနှိုင်းလိုသည့် အမြင်ဖြင့် ၎င်း၏ သီအိုရီ ကိုထုတ်ဖေါ်ခဲ့ခြင်းလည်းဖြစ်၏။ ဤကား စကားချပ်။ ]]

ဟော့ဘ် ၏  သဘာဝအနေ The state of nature အယူအဆနှင့်မတူ သော လူမှုပဋိညဉ်ကို ဆက်လက်တင်ပြခဲ့သူမှာ ဂျွန် လော့်ခ် John Locke (1632-1704)  ဖြစ်၏။ ၎င်း အလိုအရ အုပ်စိုးခံတို့ ၏ အထွေထွေအကျိုးစီးပွားနှင့်အလိုဆန္ဒ ကိုမဖေါ်ဆောင်နိုင်သမျှ ပဋိညဉ် သည် တရားနည်းလမ်းကျမှု မရှိနိုင်ဟု ဆို၏။ [ဟော့ဘ်အတွက်မူ အုပ်စိုးခံတို့ ၏ အသက်အိုးအိမ်ကို အကာအကွယ်ပေးနိုင်မှုတစ်ခုတည်းဖြင့်ပင် ပဋိညဉ်သည် တရားနည်းလမ်းကျသည်ဟု မြင်၏။]  လော့ခ် ၏ သဘာဝအနေလူသားသည် လွတ်လပ်မှုအပြည့်ရှိ၍ အခြားသောသူများ၏ ၀င်ရောက်စွက်ဖက်ခြင်းမှ အလျင်းကင်းသော ဘ၀ ကိုပိုင်ဆိုင်၏။ သဘာဝ အနေ တွင် လူသားတို့ သည် ဘုရားသခင်ပေးအပ်သော သဘာဝဥပဒေအောက်၌ အားလုံးခွင့်တူညီမျှဖြစ်သဖြင့်လည်း ဘုရားသခင်၏အလိုကိုဆန့် ကျင်လျှက် အခြားသူတို့ ၏ အသက်၊အိုးအိမ်၊စည်းစိမ်၊ ကျန်းမာရေး၊ လွတ်လပ်မှု တို့ ကို ဘေးရန်မပြုအပ်ဟု ဆိုလေ၏။
သို့ ရာတွင် လူတို့ သည် ပုဂ္ဂလိက ပိုင်ဆိုင်မှုနှင့်စပ်လျဉ်းပြီး တပါးသူ၏ အိမ်ယာအားကျော်နင်းမှု၊ ခိုးဝှက်မှု စသဖြင့် ပြုလုပ်လာကြသောအခါတွင်မှသာ သဘာဝအနေ state of nature မှ စစ်ပွဲအနေသို့  state of war သို့ ပြောင်းလဲလာခြင်းဖြစ်၏ဟု မြင်၏။ တနည်းအားဖြင့် သဘာဝအနေ လူသားတို့ တွင် နိုင်ငံရေးဆိုသည်မရှိသေးပဲ pre-political  ကိုယ်ကျင့်တရားသာရှိ၏ဟု ဆိုခြင်းဖြစ်၏။ သို့ ဖြင့် ယနေ့ ခေတ် နိုင်ငံရေးအဖွဲ့ အစည်းများနှင့် အစိုးရစသည်တို့ ကို တည်ထောင်လာသော လူသားတို့ တွင် သဘာဝအနေ တွင်မရှိသော အရာ ၃ ခုကို ပိုင်ဆိုင်လာရသည်ဟု ဆို၏။ ၎င်းတို့ မှာ အချုပ်အခြာအာဏာ၏ ခက်မ သုံးဖြာဖြစ်သည့် ဥပဒေများ [ဥပဒေပြုရေး]၊ တရားသူကြီးများ [တရားစီရင်ရေး]၊ ဥပဒေစိုးမိုးမှုကိုဖေါ်ဆောင်မည့် အစိုးရ [အုပ်ချုပ်ရေး] စသည်တို့ ဖြစ်၏ဟု လော့ခ်က ဆိုလေ၏။

လော့ခ် အလိုအရ ရပိုင်ခွင့် rights တို့  ဟူသည် ပဋိညဉ်အား သဘောတူလက်ခံခြင်းနှင့် ပဋိညဉ်ပါ တာဝန်ဝတ္တရားများအား လိုက်နာ ဆောင်ရွက်ခြင်းနည်းအားဖြင့်သာ ရရှိဖေါ်ဆောင်နိုင်ပေရာ ဤသို့ သော ပဋိညဉ်ပါလိုက်နာဖွယ်ရာများကို ပျက်ကွက်သူတို့ [ဥပမာ- ဒုစရိုက်မှုကျူးလွန်သူများ] သည် ၎င်းတို့ ၏ အခွင့်အရေးများကိုလည်း ဆုံးရှုံးထိုက်သောသူများဖြစ်သည်ဟု လော့ခ် က ဆိုလေ၏။ ဤသို့ ပဋိညဉ် ချိုးဖေါက်သူတို့ ကိုမူ အပြစ်ပေးခြင်းနည်းလမ်းအားဖြင့် ကျန်လူ့ အဖွဲ့အစည်းမှ မိမိကိုယ်မိမိ ကာကွယ်ရမည်ဟု တင်ပြခဲ့လေ၏။ [ ဥပမာ- ဒုစရိုက်မှုကျူးလွန်သူအား ထောင်ချလိုက်ခြင်းအားဖြင့် ၎င်း၏ လွတ်လပ်ခွင့်ဆုံးရှုံးသွားစေခြင်း]။ ထို့ ပြင်  ပဋိညဉ် ပျက်ယွင်းမှုများ ကြုံတွေ့ ရသည့်အခါတိုင်း ပြန်လည်ချုပ်ဆိုမှုပြု ရမည်ဟု လော့ခ်က မြင်၏။ ပြန်လည် စေ့စပ်ညှိုနှိုင်းရေးနည်းလမ်းများအနေဖြင့် ရွေးကောက်ပွဲများကျင်းပခြင်းနှင့် ဥပဒေပြုခြင်းတို့ ကို အသုံးပြုရမည်ဟု တင်ပြ၏။

တနည်းအားဖြင့် လူအဖွဲ့ အစည်းဟူသည် “အပြန်အလှန်ဖိအားပေးအကျပ်ကိုင်ခြင်းနှင့် အပြန်အလှန်သဘောတူညီမှုရယူခြင်း” check & balance နည်းအားဖြင့် အလုပ်လုပ်ရမည်ဟုဆိုခြင်းလည်းဖြစ်၏။ ဤသို့ သောအကြောင်းကြောင့်ပင် အုပ်စိုးခံပြည်သူတို့ မှအပ်နှင်းထားသော ပဋိညဉ်ပါ အခွင့်အာဏာကို ၎င်းတို့ ၏ပျက်ဆီးရာပျက်ဆီးကြောင်းအတွက် အသုံးပြုသည့် အာဏာရှင်မင်းဆိုးမင်းညစ်တို့ ပေါ်ပေါက်လာပါက တော်လှန်ပုန်ကန်ခွင့်သည် တရားမျှတသည့် တုန့် ပြန်မှုဖြစ်၏ဟု လော့ခ် ကဆို၏။ [[ လော့ခ်သည် ဟော့ဘ် နောက်မရှေးမနှောင်း ပေါ်ထွန်းခဲ့၍ ဘုရင်ကို တော်လှန်သည့် ကရွမ်းဝဲ၏ ပါလီမန်တပ်များဘက်မှ ရပ်တည်သည့် အမြင်ကြောင့် အင်္ဂလန်မှထွက်ပြေးရသူဖြစ်၏။ ဤရပ်တည်ချက်ဖြင့်ပင် ၎င်း၏ သီအိုရီ ကိုထုတ်ဖေါ်ခဲ့ခြင်းလည်းဖြစ်၏။ ဤကား စကားချပ်။ ]]
စင်စစ် လော့ခ် ၏ လူမှုပဋိညဉ် အမြင်သည် ပုဂ္ဂလိကလွတ်လပ်ခွင့်ကိုဇောင်းပေးသော လစ်ဘရယ်အစဉ်အလာတွင် အခြေတည်၍ ဂန္ထ၀င် လစ်ဘရယ်ဝါဒ ဖွံ့ ဖြိုးပေါ်ပေါက်လာမှုနဲ့ ခေတ်ပေါ်ဒီမိုကရေစီ အယူအဆတို့ အပေါ်တွင် များစွာသြဇာသက်ရောက်ခဲ့လေသည်။ ထို့ ပြင် လော့်ခ်၏ သီအိုရီ သည် အင်္ဂလိပ်လက်အောက်မှ လွတ်မြောက်ရန်ကျိုးပမ်းမှုဖြစ်သည့် အမေရိကန်တော်လှန်ရေး American Revolution ၏ ပင်မမောင်းနှင်အား ဖြစ်ခဲ့၍ အမေရိကန်ပြည်ထောင်စု၏ အခြေခံဥပဒေကို ရေးဆွဲခဲ့သူများအပေါ်တွင် များစွာလွှမ်းမိုးခဲ့လေသည်။

လူမှု ပဋိညဉ် သီအိုရီအား တင်ပြခဲ့သူများထဲတွင် ပြင်သစ် တွေးခေါ်ပညာရှင် ယန်းယက်ခ် ရူးဆိုး Jean-Jacques Rousseau သည် အဓိကနေရာမှပါဝင်၏။ စင်စစ် လူမှု ပဋိညဉ် "social contract" ဆိုသည့် ဝေါဟာရ ကို ရူဆိုး၏ သီအိုရီ ဖြင့်သာ အများဆုံးဆက်စပ်နားလည်ကြခြင်းလည်းဖြစ်၏။ ၁၇၆၂ တွင်ထုတ်ဝေသော ၎င်း၏ “လူမှုပဋိညဉ်” "Du contrat social" အမည်ရှိ စာတမ်းထဲတွင် လူထုကြိုက်အချုပ်အခြာအာဏာ အယူအဆကို အခြေတည်လျှက် ပုဂ္ဂလိက၀ါဒအမြင်ထက် အစုအပါင်းဝါဒဘက်သို့  ပိုယိမ်းသော ပဋိညဉ် သီအိုရီ တစ်ခုကို ရူးဆိုးက တင်ပြခဲ့လေသည်။ တိုက်ရိုက်ဒီမိုကရေစီ ကိုထောက်ခံသူဖြစ်သည့်အားလျော်စွာ နိုင်ငံတော်အစိုးရတစ်ရပ်၏ တရားနည်းလမ်းတကျဖြစ်မှုဟူသည် နိုင်ငံရေးအာဏာအားလုံး၏ ပင်မရင်းမြစ်ဖြစ်သော ပြည်သူပြည်သားများ၏ သဘောတူကြည်ဖြူမှုဖြင့်သာလျှင် ဖန်တီးနိုင်သည်ဟု ရူးဆိုး ကယုံကြည်၏။ ဟော့ဘ်နှင့် ဖြောင့်ဖြောင့်ဆန့် ကျင်လျှက် ရူးဆိုးက သဘာဝအနေ လူသားသည် ကောင်းမြတ်၏။ စည်လုံး၏။ ရှုပ်ထွေးမှုကင်းမဲ့သောဘ၀ရှိ၍  ၎င်းတို့ ၏နည်းပါးလှသော လိုအင်တို့ ကို ဖြည့်ဆည်းရန်အတွက် သဘာဝအရင်းအမြစ်များသည် လုံလောက်စွာရှိ၏။ သဘာဝအရ လူသားတိုင်းသည် ခွင့်တူညီမျှဖြစ်၏။ ရူဆိုးအတွက် သဘာဝအနေ သည် ငြိမ်းချမ်းသော၊ ရိုမန်တစ်ဆန်သော ကာလဖြစ်၍ အချိန်ကြာလာသည်နှင့်အမျှ လူဦးရေတိုးပွားလာခြင်း၊ ယဉ်ကျေးမှုဖြစ်စဉ်၊ နှင့် လူ့ အဖွဲ့ အစည်းတို့ ပေါ်ပေါက်လာပြီးလျှင် ပုဂ္ဂလိက ပိုင်ဆိုင်မှု သဘောကိုဖန်တီးလာသည့်အခါတွင်မူ လောဘတရားများ၊ ယှဉ်ပြိုင်အနှိုင်ယူမှုများ၊ မညီမျှမှုနှင့် ဒုစရိုက်တရားများပေါ်ပေါက်လာကာ လူသားဖြစ်တည်မှု၏ ဂုဏ်ကြက်သရေ သည်လည်းဆိုယုတ်ပျက်ဆီးသွားတော့၏ ဟုဆိုလေသည်။ တနည်းအားဖြင့် တိုးတက်ဖွံ့ ဖြိုးလိုသော၊ ယဉ်ကျေးလိုသော လူသား၏ ပေးဆပ်လိုက်ရသောတန်ဖိုးမှာ ၎င်း၏ သဘာဝရိုးသားဖြူစင်မှုနှင့်အေးချမ်းမှုပင်ဖြစ်သည်ဟု ဆိုလိုပေသည်။

ယနေ့ ခေတ် ယဉ်ကျေးသောလူတို့ သည် တစ်ဦးချင်းအနေဖြင့် အတ္တသမားများ ဖြစ်၍ အများအကျိုးထက် ကိုယ်ကျိုးစီးပွားကိုသာဖေါ်ဆောင်ရန် အာရုံညွတ်နိုင်၏ဟုလည်း ၎င်းက ဆို၏။ သို့ ရာတွင် အဆိုပါ ပုဂ္ဂလိကတစ်ဦးချင်းသည် အစုအဖွဲ့ တစ်ခု၏ အစိတ်အပိုင်းဖြစ်လာလျှင်မူ ၎င်းတို့ ၏ ကိုယ်ကျိုးကို ဘေးချိတ်၍ လူ့ အဖွဲ့ အစည်းအတွင်း တန်းတူညီမျှမှု၊ လွတ်လပ်မှု အစရှိသည့် အများအကျိုး "general will" ကို လုပ်ဆောင်လိမ့်မည်ဟုဆို၏။ ဤသို့ အများကျိုးမဖေါ်ဆောင်လိုသော သူတို့ ကိုမူ လွတ်လပ်မှုအတွက် ဖိအားပေးရမည် အပြစ်ပေးရမည်ဟု ဆို၏။ သို့ ဖြင့် ရူးဆိုး၏ သီအိုရီများသည် ၁၇၈၉ ခုတွင်ဖြစ်ပွားသော ပြင်သစ်တော်လှန်ရေး နှင့် ဆက်တိုက်ဆိုသလိုဖြစ်လာသော ဆိုရှယ်လစ်လှုပ်ရှားမှုတို့ အပေါ်တွင် ကြီးမားစွာ သြဇာလွှမ်းမိုးခဲ့လေသည်။

ထို့ ပြင် အုပ်စိုးသူမဲ့ဝါဒ အမြင်ဖြင့် ပဋညဉ် ၀ါဒ ကို ဖေါ်ဆောင်ခဲ့သူကား ပရူဒွန် Pierre-Joseph Proudhon (1809 - 1865) ဖြစ်၏။ ၎င်း၏ အမြင်တွင် ပဋိညဉ် ဟူသည် ပုဂ္ဂလိကအချင်းချင်းကြားတွင်သာရှိရမည်ဖြစ်၍ နိုင်ငံတော်နှင့် ပုဂ္ဂလိကတစ်ဦးချင်းကြားထားရှိရမည့် အရာမဟုတ်ဟူ၍ ဖြစ်၏။ ရန်လိုမှုကင်းမဲ့သော၊ အုပ်စိုးသူကင်းမဲ့သော နိုင်ငံတော်နှင့်အစိုးရကင်းမဲ့သော သို့ သော် တစ်ဦးချင်းလွတ်လပ်မှုအပြည့်ရှိသော လူ့ အဖွဲ့ အစည်းတစ်ခုကို တည်ဆောက်ရန်အတွက်မူ ပုဂ္ဂလိက လူသားအချင်းချင်းကြားတွင်သာ တစ်ဦးအပေါ်တစ်ဦး အနိုင်အထက်မပြုရေး၊ လွှမ်းမိုးချုပ်ကိုင်မှုမပြုရေး သဘောညီမျှမှုကို ရယူရမည်ဟု ပရူဒွန် က ဆိုလေ၏။

အရေးကြီးဆုံးသော လက်ရှိ လူမှုပဋိညဉ် သီအိုရီပညာရှင်ကား ဂျွန် ရောလ်စ် John Rawls (1921 - 2002) ဖြစ်၏။ ရောလ်စ် သည် ၂၀ ရာစု နှောင်း လူမှုပဋိညဉ် သီအိုရီကို ထိထိရောက်ရောက် ပြန်လည်အသက်သွင်းခဲ့သူလည်းဖြစ်၏။ လူမှုပဋိညဉ် သီအိုရီ၏ အယူအဆဟောင်းပေါ်တွင် ဆင့်လျှက် လွတ်လပ်မှု liberty နှင့် ညီမျှမှု equality သဘောတရားများ ကို ကိုယ်ကျင့်နယ်ပယ်အတွင်း ကျကျနန လမ်းသစ်ထွင်ပေါင်းစည်းပေးနိုင်ခဲ့သူလည်းဖြစ်ပေသည်။ စင်စစ် ရောလ်စ် ၏ လူမှုပဋိညဉ် သီအိုရီ သည် အကောင်အထည်နှင့်လက်ဆုပ်လက်ကိုင်ပြုမရသော နက်နက်နဲနဲတွေးခေါ်ချက်များဖြင့်တည်ဆောက်ထားခြင်းဖြစ်၏။ ရောလ်စ်၏ သီအိုရီ ကို နားလည်ရန်မှာ မူလအထိုင် the original position  မသိမှုလိုက်ကာ the veil of ignorance နှင့် တရားမျှတမှု၏ စည်းမျဉ်းများ principles of justice  ဟူသောယူဆချက်ပညတ်များကို နားလည်ရန်လိုအပ်၏။
ရောလ်စ် အရင် ပဋိညဉ်ဝါဒီတို့ သည် လူမှုပဋ္ဋိညဉ် ကို သဘာဝအရိုင်းမှ လူ့ အဖွဲ့ အစည်းနှင့်ယဉ်ကျေးလာသော လူ့ သမိုင်းဖြစ်ပေါ်တိုးတက်မှု၏ ရလဒ်အဖြစ်မြင်ကြ၏။ ဒေးဗစ် ဟျူးမ် David Hume က ဤသမိုင်းအမြင်အား ဝေဖန်သည်မှာ လူတစ်ဦးသည် မိဘဘိုးဘွားများ၏ သဘောတူ ကြည်ဖြူမှု ကို အမွေဆက်ခံ၍ ဤပဋိညဉ်ကို ဆက်လက်ထိန်းသိမ်းနေခြင်းမှာ ခိုင်လုံမှုမရှိဟူ၍ဖြစ်၏။ သဘာဝအနေ state of nature သည် ယူဆချက်သက်သက် ဖြစ်နိုင်ခြေသက်သက်မျှမဖြစ်နိုင်သလောဟု မေးခွန်းထုတ်၏။

ဟျူးမ်၏ ဤဝေဖန်ချက်အပေါ်တွင် မူတည်၍ ရောလ်စ်က သဘာဝအနေ နေရာတွင် မူလအထိုင် the original position ယူဆချက်ဖြင့်အစားထိုးကာ အတွေးစမ်းသပ်ချက် thought experiment တစ်ခုတင်ပြ၏။ မိမိတို နေထိုင်မည့် လူ့ အဖွဲ့ စည်းတစ်ခုကိုလူတို့ အား ရွေးခြယ်ခိုင်းသည်ဆိုပါစို့ ။ ထိုသူတို့ အား မသိမှုလိုက်ကာဖြင့်လည်း ဖုံးလွှမ်းထားသည်ဟုဆိုပါစို့ ။ ဤသို့ ဖုံကွယ်ထားခံရသည့်အတွက် ၎င်းတို့ သည်  မိမိတို့ ၏  လိင်၊ လူမျိုး၊ ပါရမီအစွမ်းအစ၊ အသက်၊ လူမှုရေးအဆင့်အတန်း၊ မိမိရှင်သန်နေထိုင်ရှင်သန်ရမည့်လူ့ အဖွဲ့ အစည်း၏ အနေအထား စသည့် အခြေအနေအရပ်ရပ်ကို အလျင်းမဝေဖန်မစစ်ကြောနိုင်ဘဲ ရှိသည်ဆိုပါစို့ ။ တနည်းအားဖြင့် ပေးထားချက်အခြေအနေကို အမြတ်ထုတ်နိုင်သည့် ကိုယ်ပိုင်အားသာချက်အားနည်းချက်တို့ ကို မိမိကိုယ်တိုင်မသိနိုင်စွမ်းရှိအောင် ဖန်တီးထားသည်ဟုဆိုလို၏။ သို့ ရာတွင် ၎င်းတို့ သည် အကျိုးအပြစ်နှင့် သင့်မသင့် ဆုံးဖြတ်နိုင်၍ အခြားသူတို့ ၏ ကောင်းကျိုးအတွက် စိတ်မ၀င်စားသော သူချည်းသာဖြစ်သည်ဆိုပါစို့ ။ စင်စစ် ဤပေးထားချက်သည် လူတိုင်းအတွက် မျှမျှတတအရှိဆုံးအခြအနေဖြစ်၍ မိမိတို့ ရွေးခြယ်မှုအတွက် ဈေးဆစ်ခွင့်အလျော့အတင်းလုပ်ခွင့်မပေးသော အနေအထားလည်းဖြစ်၏။ ဤသို့ သော မူလအထိုင်တွင် တရားမျှတသည့်လူ့ အဖွဲ့ အစည်းတစ်ခု၏ စည်းမျဉ်းများကို ရွေးခြယ်ခိုင်းသည်ဆိုပါစို့ ။

မသိမှုလိုက်ကာကို ဖယ်ရှားလိုက်ပါက မိမိရွေးခြယ်လိုက်သော တရားမျှတမှုစည်းမျဉ်းများနှင့်တည်ဆောက်ထားသော လူ့ အဖွဲ့ အစည်းတွင် မိမိ ကိုယ်တိုင်ပင် ကိုယ်ကျိုးနည်းရသည့်အဖြစ်ကိုတွေ့ ရနိုင်သည်ဟု ရောလ်စ် က တင်ပြလေ၏။ ဥပမာအားဖြင့်- မသိမှုလိုက်ကာ၏ နောက်ကွယ်တွင် မိမိ၏ လိင် ကို သိခွင့်မရသဖြင့် ယောကျာ်းကြီးစိုးသော လူ့ အဖွဲ့ အစည်းတစ်ခုအား ရွေးခြယ်မိသည့် မိန်းမတစ်ယောက်၏ အဖြစ်မျိုး။ သို့ ရာတွင် ဤမိန်းမသည် မူလအထိုင်၏ မျှမျှတတရှိမှုအခြေအနေတွင် တရားမျှတမှုစည်းမျဉ်းများကို ၎င်းစိတ်ကြိုက်ရွေးခြယ်ခဲ့သည်သာဖြစ်၏။ တနည်းအားဖြင့် တရားမျှတမှုရှိခြင်း justice ဟူသည် ဗမာစကားတွင်ပါသည့်အတိုင်း မျှမျှတတရှိခြင်း fairness မှ ဆက်လက်ဖြစ်ထွန်းလာသည်ဟု ရောလ်စ် က ဆိုခြင်းဖြစ်၏ “justice as fairness.” ။
မသိမှုလိုက်ကာကို မဖယ်ရှားမှီ မူလအထိုင်တွင် လူတို့ ရွေးခြယ်နိုင်သော တရားမျှတမှု၏ စည်းမျဉ်း ၂ မျိုး ၂စား the Two Principles of Justice ရှိသည်ဟု ရောလ်စ်က ဆို၏။ ပထမ တစ်မျိုးမှာ အခြေခံ အရပ်ဖက် လွတ်လပ်ခွင့်များ basic civil liberties ကို များနိုင်သမျှ များများ ရရှိစေရေးနှင့် တချိန်တည်းမှာပင် တန်းတူညီမျှ ရရှိစေရေးဖြစ်၏။ ဒုတိယ အမျိုးအစားမှာ လူမှုရေး၊ စီးပွားရေး အကျိုးကျေးဇူးများ ရရှိစေမှုဖြစ်၏။ ဤ နေရာ၌ လူမှုရေး၊ စီးပွားရေးမညီမျှမှုများ social and economic inequalities တည်ရှိနေခြင်းသည် တရားမျှတမှုမရှိခြင်းမဟုတ် တရားမျှတသော လူ့ အဖွဲ့ အစည်းသာဖြစ်၏ ဟုဆိုလေသည်။ အဘယ်ကြောင့်ဆိုသော် ဤမညီမျှမှုများသည် မျှမျှတတရှိရှိသော မူလအထိုင်မှ ဖန်တီးထုတ်လုပ်လိုက်သောကြောင့်ဖြစ်၏။ လိုအပ်သည်မှာ လူ့ အဖွဲ့ အစည်း၏ အကျိုးခံစားခွင့်အနည်းဆုံးသောသူများပင်လျှင်အများနည်းတူ ဤလူမှုစီးပွားအခွင့်အလမ်းများကို ညီတူညီမျှ ရရှိနိုင်စေရေး လမ်းဖွင့်ပေးထားဖို့ သာဖြစ်၏ဟု ရောလစ်က ဆို၏။ သည့်အတွက်ကြောင့်ပင် ဤဒုတိယစည်းမျဉ်းအား ကွာဟမှုစည်မျဉ်း Difference Principle ဟုသုံးစွဲခဲ့လေသည်။ [[ အမေရိကန် သမ္မတ ကနေဒီ ဆိုခဲ့သည့် လူတိုင်းသည် အစွမ်းအစမတူကြ။ သို့ သော် ၎င်းတို့ ၏ မတူညီသော အစွမ်းအစများဖွံ့ ဖြိုးစေရေးအတွက်ကား တူညီသောပတ်ဝန်းကျင်တစ်ခုကို ဖန်တီးပေးရမည် ဟူသည့် စကားကို အမှတ်ရဖွယ်ဖြစ်၏။ ဤကားစကားချပ်။]]

နောက်ဆုံးအနေဖြင့် ဟော့ဘ်၏ အမြင်ကိုဆန်းသစ် ၍လူမှုပဋိညဉ် ၀ါဒ တစ်မျိုးကို ထုတ်ဖေါ်ခဲ့သူကား ဒေးဗစ် ဂိုသီရေး David Gauthier ဖြစ်၏။ ၎င်း အမြင်အရ ဟော့ဘ် ဆိုခဲ့သကဲ့သို့ လူတို့ အတူတကွ ပူးပေါင်းလုပ်ဆောင်စေရေးအတွက် ပြင်ပ ဖိအားမလိုအပ်။ ကိုယ်ကျိုးကြည့်တတ်ခြင်းနှင့် သင့်မသင့်ဆုံးဖြတ်နိုင်စွမ်းရည်ကပင် ပူးပေါင်းဆောင်ရွက်စေရေးအတွက် လုံလောက်သော အချက်ဖြစ်၏ဟု မြင်လေသည်။ ဂိုသီရေး က လူတိုင်းသည် ကိုယ်ပုံစံဖြင့်ကိုယ် ရော်ဘင်ဆန်ခရူးဆိုးဖြစ်နေကြခြင်းသာဖြစ်၏ဟု ဆိုလေ၏။ သို့ ရာတွင် ဤ ခရူးဆိုးတို့ သည် ကိုယ်ကျိုးစီးပွားအတွက် အချင်းချင်း ညှိနှိုင်း၍ ပူးပေါင်းဆောင်ရွက်နိုင်၏။ ကုန်စည်နှင့်ဝန်ဆောင်မှုများကို ဖလှယ်နိုင်ကြသည်ဟု ဆိုလေ၏။ စင်စစ် ဂိုသီရေး က အကျဉ်းသား အကျပ်အတည်း Prisoners’ Dilemma နှင့် ဆင်ခြင်တုံရွေးခြယ်မှုသီအိုရီ Rational Choice Theory တို့ ကို အားကိုးအားထားပြု၍ ကိုယ်ကျိုးအတွက် လူတို့ အကြား သူမနာ ကိုယ်မနာ  ပူးပေါင်းဆောင်ရွက်နိုင်ပုံ လူမှုပဋိညဉ် တစ်မျိုးကို တင်ပြခဲ့ခြင်းလည်းဖြစ်၏။

References & Readings:
http://www.philosophybasics.com/branch
http://www.iep.utm.edu/soc-cont/ 
http://plato.stanford.edu/entries/contractarianism-contemporary/ 
http://lsolum.typepad.com/legal_theory_lexicon/2006/09/contractarianis.html 
http://www.britannica.com/EBchecked/topic/550994/social-contract