အမေပဲ ကျန်တော့တယ်

ကွန်ဆူး မား

တစ်ခါက ရွာ တစ်ရွာမှာ သမီး ၃ ယောက်မွေးထားတဲ့ အဒေါ်ကြီး တစ်ယောက်ရှိသတဲ့...။
အဲဒီရွာမှာပဲ မြို့ က ရောက်လာတဲ့ အင်မတန် အပြောကောင်းပြီး အလုပ်မလုပ်ပဲ လိမ်ညာ စားသောက်နေတဲ့ ပတ်ချွဲ နှပ်ချွဲ လူရှုပ်တစ်ယောက်လည်း ရှိသတဲ့။
ကျေးလက်ဒေသရဲ့ ဓလေ့ စရိုက်အရ ရွာသူရွာသားတွေဟာ အင်မတန်လည်း ရိုးသားကြပါတယ်တဲ့...။

ဒီလိုနဲ့ အဒေါ်ကြီးရဲ့ သမီးအကြီးဆုံးဟာ လူရှုပ်နဲ့ အကြောင်းပါလေပါရော...။
လူရှုပ်လူလည်ကလည်း သူ့ထုံးစံအတိုင်း ယောက်ခမကိုရော ခယ်မတွေပါ အဆင်ပြေအောင် ပြောဆိုစည်းရုံးပြီး တစ်အိမ်လုံးရဲ့ မေတ္တာကို ရအောင်ယူထားနိုင်ခဲ့ပါတယ်။
ဒီလိုနဲ့ တစ်နေ့မှာ လူရှုပ်ရဲ့ ဇနီးဟာ အမျိုးသမီးရောဂါနဲ့ ရုတ်တရက်ကွယ်လွန်ပါတယ်...။
မိန်းမဖြစ်သူရဲ့ အသုဘမှာ လူရှုပ်ဟာ အမျိုးမျိုးသော အလွမ်းအဆွေး တမ်းတမှုတွေနဲ့ ကျူကျူပါအောင် ငိုပါတယ်....
ယောက်ခမ၊ ခယ်မတွေသာမက အသုဘလာကြတဲ့ ပရိသတ်ကြီးလည်း လူရှုပ်ရဲ့ အလွမ်းအသော လေးတွေကို နားထောင်ရင်း ကရုဏာ ဖြစ်မိကြတယ်။
ဒီလိုနဲ့ အသုဘကိစ္စပြီးလို့ ရက်လည်ဆွမ်းသွပ်တဲ့ အခါ အမျှဝေရင်း လူရှုပ်က သူရဲ့ နောက်ဆုံး ငိုကြွေး တမ်းတခြင်းကို ဟန်အပြည့်နဲ့ လုပ်ဆောင်ခဲ့ပါတယ်...
`` ဟမ်မာလေး မောင့် အချစ်ရဲ့ မင်းနောက်ဆုံး အချိန်မှာ တတွတ်တွတ် မှာကြားခဲ့တဲ့စကားကို မောင်မပြောရက်ပါဘူး မောင့်ကို ခွင့်လွှတ်ပေးပါတော့.. နောက်ဘ၀မှသာ အပြစ်တွေ ကျေအောင်ဆပ်ပါရစေ.... ကောင်းမွန်ရာ ဘုံဘ၀မှာ မောင့်ကိုစောင့်နေပါ မောင်အရောက်လာခဲ့ပါ့မယ်... တို့နှစ်ဦးဆုံတဲ့အခါမှသာ မောင့်ကို အပြစ်တင်ပါတော့ မောင့်အချစ်ရဲ့´´ ဆိုပြီး ၄-၅ ကြိမ် အသံပြာအောင် အော်ဟစ်ငိုယိုပါလေရော..။
ပရိသတ်တွေနဲ့ ဆွမ်းစားကြွတဲ့ သံဃာတော်တွေလည်း ကရုဏာသက်ရင်း ပြန်သွားကြပါသတဲ့။
ဒီလိုနဲ့ ကိစ္စပြီးတော့ ယောက်ခမကြီးက သမီးဖြစ်သူရဲ့ နောက်ဆုံး ဆန္ဒကို လိုက်လျောချင်တာကြောင့် သားမက်တော်ကိုခေါ်ပြီး
``သမီး နောက်ဆုံး ဘာမှာခဲ့သလဲသား၊ အားမနာနဲ့ အမေ့ကိုပြောပါ ဘာဖြစ်ဖြစ် လုပ်ပေးပါ့မယ် အမေ့သမီးလေး သူ့ခရီးကို ကောင်းကောင်းသွားပါစေကွယ်´´ လို့ ပြောသတဲ့။
သားမက်ဖြစ်သူကလည်း အပူရုပ်ကို ဟန်လုပ်ရင်း
`` ကျွန်တော် မပြောရက်ပါဘူး အမေရယ်´´ လို့ မျက်ရည်လေး တစမ်းစမ်း၊ အသံ တိုးတိုးညင်းညင်းလေးနဲ့ ပြောရှာသတဲ့။
ဒီလိုနဲ့ ကြိမ်ဖန်များစွာ အားနာဖို့ မလိုကြောင်း ယောက်ခမဖြစ်သူကပြောလေတော့ ဘေးက ခယ်မ အလတ်လေးကို လှမ်းကြည့်ရင်း...
`` နားနဲ့ မနာ ဖ၀ါးနဲ့ နာပါအမေ... အမေ့သမီးက သူမရှိတဲ့ နောက်ပိုင်းမှာ ဒီအိမ်ကနေ ဘယ်ကိုမှ ထွက်မသွားပဲ.... ညီမလေးနဲ့ ကျွန်တော့်ကို လက်ထပ်ပါလို့ သေသေချာချာ မှာသွားတယ်.. ဒါပေမယ့် ကျွန်တော် ဘယ်လို ပြောရက်မှာလဲ အမေရယ်´´ လို့ ပြောရင်း ငိုချပါလေရော။
သမီးဖြစ်သူကို ချစ်ရတဲ့ ချစ်ခြင်းကြောင့် ယောက်ခမကြီးခမျာ မကြာခင်မှာပဲ သားမက်ဖြစ်သူကို သမီးအလတ်နဲ့ နေရာချပေးပါသတဲ့...
သားမက်တော် လူရှုပ်ကလည်း ရှေးကထက်တိုးလို့ ကွယ်လွန်သူ ဇနီးစကားကို အလေးထားပြီး မိသားစုအပေါ်မှာ အရင်ကထက်ပိုပြီး ကြင်ကြင်နာနာ ဆက်ဆံပါသတဲ့။
ဒီလိုနဲ့ မကြာခင်မှာ သမီးအလတ်လေးလည်း အမျိုးသမီးရောဂါ နဲ့ ကွယ်လွန်ပြန်ပါလေရောတဲ့...
အဲဒီအခါမှာတော့ သားမက်တော်ဟာ သူရဲ့ ငိုချင်းကို အရှိန်ပိုမြှင့်ပြီး သူ့ဘ၀ကံဆိုးကြောင်းတွေရော... သူ့ကို ကြင်နာသူမှန်သမျှ လူ့လောကကြီးက စောစော ထွက်သွားတတ်ကြောင်းတွေကိုရော... သူဟာ မကောင်းသော ဂြိုဟ်ကောင်ကြီးသာ ဖြစ်ကြောင်း... ဇနီးများရဲ့ ကိုယ်စား သူသာ သေသွားလိုက်ချင်ကြောင်းတွေကို စီကာပတ်ကုံး ဖွဲ့နွဲ့ ငိုကြွေး ပါသတဲ့။
ရွာသူရွာသားတွေလည်း မယားနှစ်ယောက် ဆက်တိုက်ယူနိုင်ခြင်းကို မေ့ပျောက်ပြီး ကောင်လေးကံဆိုးလိုက်တာ ဆိုတဲ့ မှတ်ချက်လေးပြုရင်း ကရုဏာ သက်ကြပြန်သတဲ့။
ဒီလိုနဲ့ အသုဘကိစ္စပြီးလို့ ရက်လည်ဆွမ်းသွပ်တဲ့ အခါ အမျှဝေရင်း လူရှုပ်က သူရဲ့ ဒုတိယမြောက် နောက်ဆုံး ငိုကြွေး တမ်းတခြင်းကို အရင်ကထက်ပိုတဲ့ ဟန်နဲ့ ထပ်ပြီး လုပ်ဆောင်ခဲ့ပြန်ပါတယ်။
`` ဟမ်မာလေး ညီမလေးရဲ့ မင်းလည်း မင်းအစ်မလို အစ်ကို့ကို နောက်ဆုံး အချိန်မှာ တတွတ်တွတ် မှာကြားခဲ့တဲ့စကားကို အစ်ကို ဘယ်လိုပြောထွက်ပါ့မတုန်း.. အစ်ကို့ကို ခွင့်လွှတ်ပေးပါတော့.. နောက်ဘ၀မှသာ အပြစ်တွေ ကျေအောင်ဆပ်ပါရစေ.... ကောင်းမွန်ရာ ဘုံဘ၀မှာ အစ်ကို့ကိုစောင့်နေပါ အစ်ကိုတို့ ဆုံတဲ့အခါမှသာ အပြစ်တင်ပါတော့´´ ဆိုပြီး ရှေးနည်းအတိုင်း ၄-၅ ကြိမ် အသံပြာအောင် အော်ဟစ်ငိုယိုပြန်ပါသတဲ့....။
ပရိသတ်တွေနဲ့ ဆွမ်းစားကြွတဲ့ သံဃာတော်တွေလည်း ယခင်အတိုင်း ကရုဏာသက်ရင်း ပြန်သွားကြပါသတဲ့။
ဒီလိုနဲ့ ကိစ္စပြီးတော့ ယောက်ခမကြီးက သမီးဖြစ်သူရဲ့ နောက်ဆုံး ဆန္ဒကို ရိပ်စား မိတာကြောင့် သားမက်တော်ကို ခေါ်ရင်း...
`` သူ့အစ်မလိုပဲ မှာခဲ့သလားသား´´ လို့ မေးရှာသတဲ့..
သားမက်တော်လည်း မျက်ဝန်းတစ်ဝိုက်က မခြောက်သေးတဲ့ မျက်ရည်စက်တွေကို အင်္ကျီ လက်နဲ့ သုတ်ရင်း... ငိုသံလေးနဲ့
`` ဟုတ်ကဲ့ပါ အမေ´´လို့ ပြောရင်း တရှုံ့ ရှုံ့ ငိုကြွေးပါသတဲ့...
မိခင်ကြီးကလည်း `` ဘယ်တတ်နိုင်မလဲကွယ် သွားလေသူတွေရဲ့ ဆန္ဒကိုတော့ လိုက်လျောပေးရမှာပေါ့´´လို့ ပြောရင်း သားမက်တော် လူရှုပ်ကို သမီးအငယ်ဆုံးလေးနဲ့ နေရာချထားပေးပြန်သတဲ့...။
ဒီလိုနဲ့ မင်္ဂလာဆောင်ပြီးတဲ့ ည အိပ်ခန်း မ၀င်မီမှာ မိခင်ဖြစ်သူက သမီးနဲ့ သားမက်တော်ကို ခေါ်ရင်း...
`` သမီးလေး အခု အမေ့မှာလည်း သမီးတစ်ယောက်ပဲ ရှိတော့တယ်၊
သမီး ကျန်းမာရေးကို အထူးဂရုစိုက်ပါ၊
ကျန်းမာအောင် နေပါ...
အမေ အထူးမှာချင်တာကတော့ တကယ်လို့ သမီးလည်း သမီးအစ်မတွေလို သေဆုံးခဲ့ရမယ်ဆိုရင်...
နောက်ဆုံးစကားကိုလည်း ဆင်ဆင်ခြင်ခြင် ပြောခဲ့ပါ...
သမီးသေဆုံးသွားရင် အမေပဲကျန်ခဲ့တော့မှာ...
မလုပ်ကောင်းတာတွေကို မမှာခဲ့ပါနဲ့ သမီး´´လို့ ဆုံးမ စကားကို ပြောကြားလိုက်လေသတည်း.....
ပြုံးနိုင်ကြပါစေဗျာ....
(ကွန်ဆူးမား)(၁၆-၁၀-၂၀၁၄)