အရိပ်များနှင့် တွေ့ဆုံခြင်း
|
9:34 PM |
No မှတ်ချက် |
နံနက်ရှစ်နာရီပင် ဖြစ်သော်လည်း နွေဦးကာလ၏ နေက တော်တော်မြင့်နေပြီ။ တော်တော်လေးလည်း ပူအိုက်စ ပြုနေပြီ။ နွေဦး၏ အငွေ့အသက်နှင့်အတူ ဥသြ ဥသြ ဟူသော အသံက လွမ်းချင်စရာ။ ငယ်ငယ်က ကျက်ခဲ့ဖူးသော နေရောင်ခြည်သည် ရောဂါပိုးများကို သေစေ၏ ဟူသော စကားကို ပြန်သတိရကာ လမ်းလျှောက်ထွက်ချင်စိတ် ဖြစ်လာခဲ့သည်။
ပိတ်ရက်မို့ အိမ်မှာ လူစုံတက်စုံဖြင့် ဆူဆူညံညံ၊ ထိုအသံများနှင့်စာလျှင် နေရောင်နွေးနွေးအောက်မှာ တစ်ယောက်တည်း အေးအေးေးဆေး လမ်းလျှောက်နေရသည်က အဆင်ပြေလိမ့်မည်ဟု တွေးထင်မိသည်။
အမှန်ဆိုလျှင်ညက အိပ်မပျော်။ သည်မနက်မှာ အလုပ်မသွားရသည့်အတူတူ နောက်ကျ နေမြင့်သည်အထိ အိပ်ရန် တွေးထားခဲ့သည်။ သို့သော်လည်း အခြေအနေက မပေး… ထို့ကြောင့် ရေမိုးချိုး အဝတ်အစားလဲကာ ကော်ဖီတစ်ခွက်သောက်ပြီး အောက်ကို ဆင်းလာခဲ့သည်။ ညက အိပ်မပျော်သည့်အကြောင်းကို တွေးမိချိန်တွင် လင်းလင်းရှင်းရှင်း လမ်းမကျယ်နံဘေး ပလက်ဖေါင်းပေါ်တွင် ရပ်လျှက်က ဘေးဘီ ဝဲယာကို မလုံမလဲလိုက်ကြည့်မိသေးသည်။ ခက်တော့ ခက်နေပါပြီ။
ပြောရလျှင်ညက မအိပ်ခင်မှာ အီးမေးလ်ဖွင့်မိသည်။ သူငယ်ချင်းတစ်ယောက်က E Book တချို့ပို့ထားသည်။ စာဖတ်ဝါသနာပါသော်လည်း အင်တာနက်မှ ရသော ပီဒီအက်ဖ်များကို ဒေါင်းလုပ်ချရန် အလွန်ပျင်းတတ်သည့် ကိုယ့်အကြောင်းကို သိနေသော သူငယ်ချင်းက သူဒေါင်းထားသမျှကို မကြာခဏ ပို့ပေးလေ့ရှိသည်။ ညကလည်း သူ ပို့ပေးသော စာစုများထဲမှ စိတ်ဝင်စားစရာ ခေါင်းစဉ် ခပ်ဆန်းဆန်းတစ်ခုကို ဖတ်လိုက်မိသည်။ ခေါင်းစဉ်က အရိပ်များနှင့် တွေ့ဆုံခြင်း ဟူ၏။
အရိပ်များကို တင်စိတ်ဝင်စားမိသည့် အဓိက အကြောင်းရင်းမှာ ကင်မရာ စ ကိုင်စဉ်အခါက ဖြစ်သည်။ အချို့ အချို့သော အရာဝတ္ထုများသည် သူ့အတိုင်းဆိုလျှင် သိပ်စိတ်ဝင်စားစရာ မကောင်းတတ်သော်လည်း နေရောင် (သို့) မီးရောင်တစ်ခုခုနှင့် အနေအထား အချိုးတကျ ဖြစ်သွားလျှင် လှပသော အရိပ်ကလေးများဖြင့် အလွန် စိတ်ဝင်စားစရာကောင်းသော ဓါတ်ပုံတစ်ပုံ ဖြစ်ပေါ်လာသည်ကို လက်တွေ့သိလိုက်ရအပြီးမှာ အရိပ်များကို စိတ်ဝင်စားစွာဖြင့် နှစ်သက်လာရခြင်း ဖြစ်သည်။ ထို့ကြောင့် အရိပ်ခေါင်းစဉ်ဖြင့် စာစုကို ရွေးချယ်ဖတ်ရှုမိခြင်းပင်။ သို့သော် စာစုကထင်သလို ချစ်စဖွယ် အရိပ်ကလေးများအကြောင်း မဟုတ်။ သရဲလိုလို တစ္ဆေလိုလို မကောင်းဆိုးဝါးများကြောင့် ဖြစ်ပေါ်လာသော အရိပ်တွေ အကြောင်းသာ။ သို့သော် စိတ်ဝင်စားစရာတော့ ကောင်းနေသည်မို့ အဆုံးအထိအောင် ဖတ်လိုက်မိသည်။ ပြဿနာက အဲဒီက စတာဖြစ်သည်။
ကျွန်မအကြောင်းကိုပြောရလျှင် အလွန်ကြောက်တတ်သော ဟူသည့် နာမဝိသေသနကို ထိပ်ဆုံးနေရာက ထည့်ဖို့လိုပါလိမ့်မည်။ ငယ်ငယ်က ကျောင်းမှာ သူများတွေပြောကြသော ခြေကလိမ်မ ဆိုသူကို ကြောက်သည်။ ခြေကလိမ်မ ဆိုသည်မှာ ဘာမှန်း ညာမှန်း မသိသော်လည်း အိမ်သာထဲမှာ ခြေကလိမ်မ ရှိသည်ဆိုသော စကားကို ကြားအပြီးမှာ ကျောင်းမှ အိမ်သာကို ခြေဦးပင်မလှည့်တော့။ ကိစ္စကြီး ငယ်များကို ဒုက္ခခံကာ အိမ်ရောက်မှ ဖြေရှင်းသည်။ ညနေဖက် ကျောင်းကားစောင့်ချိန်များတွင် မလှမ်မကမ်းမှ ညောင်ပင်အိုကြီး အနောက်ကွယ်တွင် ပုန်းနေသော ကျောပေါက်ကြီး တစ်ယောက်ရှိသည် ဆိုသော စကားကို ကြားရစဉ်ကလည်း အသည်းခိုက်အောင် ကြောက်ရွံ့နေခဲ့ဖူးသည်။ မိုးရွာ လေတိုက်၍ သစ်ကိုင်းများ လှုပ်ယမ်းနေလျှင်လည်း စောင်ကို ခေါင်းလုံအောင် ဆွဲခြုံကာ တတ်သမျှ မှတ်သမျှ ဘုရားစာများကို ရေရွတ်ရင်း အိပ်ရသည်။
ထိုမျှသာမက ပိုးကောင် မွှားကောင်များကိုလည်း သေမတတ် ကြောက်သည်၊ ပိုးဟပ်ကိုမူ အကြောက်ဆုံး ဖြစ်သည်။ မြွေဆိုလျှင် ဓါတ်ပုံကိုပင် ရဲရဲမကြည့်ရဲ။ နောက်ဆုံးနှစ် ကျောင်းအပြီး ဘီပီအိုင်မှာ လက်တွေ့ ကွင်းဆင်းခဲ့ရစဉ်က မြွေဆိပ်ထုတ်နည်းကို ပြသစဉ်မှာ ထိုအဆောက်အဦး အပြင်ဖက် နေပူကြဲကြဲမှာ တစ်ယောက်တည်း ရပ်ကျန်ရစ်ရင်းက ရှေ့ နောက် ဘေးဘီဝဲ ယာကို မူးနေအောင် ချာချာလည် လှည့်ပတ်ကြည့်ရှုကာ ဘယ်အချိန်များ ခြေထောက်နားကို မြွေတစ်ကောင်တစ်လေ ရောက်လာမလဲဟု တွေးနေခဲ့ဖူးသည်။ မြွေများထားသော ထိုမြွေရုံအနီးမှာ ထိန်သိမ်းထားရာမှ လွတ်ထွက်လာသော မြွေ တစ်ကောင် မရှိနိုင်ပါဟု ဘယ်သူက အာမခံနိုင်မည်လဲ။
အလားတူပင်ည အမှောင်ကိုလည်း ကြောက်တတ်သည်။ သရဲကားများဆိုလျှင် အနားတောင် မသီဝံ့။ တစ်ခါက အီးမေးလ်မှ ရောက်လာသော Spot the different Game ကို စိတ်ပါဝင်စားစွာ တူရာ တူရာပစ္စည်းများကို လိုက်ရှာနေစဉ် ဝုန်းဆို ရုပ်ဆိုးဆိုး အကောင်ပုံကြီး ရုတ်တရက် မော်နီတာမှာ ပေါ်လာတုန်းက ထိတ်လန့်တကြားဖြစ်သွားပြီး တစ်ပတ်တိတိ ဖျားနာခဲ့ဖူးသည်။ ထိုသို့အကြောက်ကြီး ကြောက်တတ်သူဖြစ်သည်။ အခုလည်း ထို စာစုကို ဖတ်အပြီးမှာ လူက အတော်လေးတုန်လှုပ် ခြောက်ခြားနေပေပြီ။ သည်အရွယ်ကြီးကျမှ ဝတ္ထုဖတ်ပြီး ကြောက်သည်ဟု သွားပြောလျှင် ဟားတိုက် ရယ်မော လှောင်ပြောင်ကြမည်ပင်။ ထိုသို့ လူအများ ရယ်မောစရာအဖြစ်မျိုးကို မနှစ်မြို့သောကြောင့် စိတ်ကို တင်းကာ မီးမှိန်မှိန်ဖွင့်ထားရင်း အိပ်ခဲ့ရသည်။ သို့သော် နှစ်နှစ်ခြိုက်ခြိုက်ကား အိပ်မပျော်… လန့် လန့်နိုးသည်မှာ အကြိမ်ကြိမ်။ သည်လိုနှင့် မိုးသာ လင်းသွားသည် အိပ်ရေးကား မဝခဲ့ချေ။
ဟိုတွေး ဒီတွေး တွေးကာ လမ်းကို ဖြေးဖြေးမှန်မှန် လျှောက်ရင်း ညက ဖတ်ခဲ့သော စာထဲမှ အကြောင်းများကို ကြိုးစားမေ့ဖျောက်နေစဉ် နံဘေးမှ တစ်စုံတစ်ယောက် အပြေးတပိုင်းဖြင့် ဖြတ်ကျော်သွားသည်။ စိတ်ထဲ တမျိုးဖြစ်သွားပြီး ထိုသူ၏ ကျောပြင်ကို တချက်လှမ်းကြည့်လိုက်ရာ အနက်ရောင် တီရှပ်ပေါ်တွင် ဒိုင်နိုဆောနှင့် ဆင်ဆင်တူသော အရုပ်ဆိုးဆိုး အကောင်ကြီးတစ်ကောင် ပါးစပ်ဟကာ ဒေါသတကြီး မန်ဖီနေသောပုံကို တွေ့လိုက်ရသဖြင့် ပုခုံးကို တချက် တွန့်လိုက်မိပြီး ခြေလှမ်းများ အလိုလိုနှေးသွားခဲ့သည်။ ကြောက်စိတ်တချို့ ဖြင့် လူက တုန်ခါသွားပြီး အသက်ရှုကြပ်လာသလိုလို။
ခြေလှမ်းမှန်မှန်ဖြင့် လျှောက်လာရင်း လမ်းဆုံမီးပွိုင့်သို့ ရောက်လာခဲ့သည်။ အခုနက တီရှပ်အနက်နှင့်လူလည်း မီးပွိုင့်တွင် လမ်းကူးရန် စောင့်ဆိုင်းနေသည်ပဲ။ သူ့ အနောက်ဖက် ခပ်လှမ်းလှမ်းတွင် ရပ်ရင်း တစေ့တစောင်း အကဲခတ်မိသည်။ ဘုရားရေ… သူက ကလေးငယ်တစ်ယောက်ကို လက်ဆွဲထားပါလား…. အခုန ကျွန်မအနားမှ အပြေးတစ်ပိုင်းနှင့် ဖြတ်ကျော်သွားစဉ်အချိန်က ထိုသူ့လက်ထဲတွင် ကလေးငယ်တစ်ယောက် မပါမှန်း သေသေချာချာ မှတ်မိပါသည်။ ခြေလှမ်း နှစ်ဆယ်ခန့် ကွာသော မီးပွိုင့်တွင်မူ သူက ကလေးငယ်တစ်ယောက်ကို အကျအန လက်ဆွဲလျှက်။
ကလေးကိုကြည့်လိုက်သောအခါ ယောက်ျားလေးတစ်ယောက်ဖြစ်ပြီး တီရှပ် အနက်ရောင်နှင့် ဘောင်းဘီအတို အနီရောင်ကို ၀တ်ဆင်ထားပါသည်။ အသက် နှစ်နှစ် (သို့မဟုတ်) သုံးနှစ်ခန့် ရှိမည်ဟု ခန့်မှန်းမိပါသည်။ ကျွန်မသည် သူများ အသက်များကို ခန့်မှန်းရာတွင် ကျွမ်းကျင်သူ တစ်ယောက် မဟုတ်သော်လည်း ထိုကလေးကတော့ သုံးနှစ်ထက် ပိုမကြီးနိုင်ဟု သေချာနေပါသည်။ ဇဝေဇ၀ါအတွေးတို့ဖြင့် ငေးကြည့်နေစဉ်အချိန်မှာ ကလေးက ရုတ်တရက် ကိုယ့်ဖက်ကို လှည့်ကာ ပြုံးရယ် ပြလိုက်ပါသည်။ မျှော်လင့်မထားသော အဖြစ်အပျက်ကြောင့် ကျွန်မ လန့်သွားပါသည်။ ဆံပင်နက်ကောက်ကောက်၊ အသားဖြူဖြူနှင့်ချစ်စရာ လူငယ်လေး၏ မျက်နှာပေါ်တွင် ထူးဆန်းသည်က ဖြူကြည်ကြည် သွားတက် ချွန်ချွန်လေးများပင်။ သုံးနှစ်အရွယ် ကလေးငယ်တစ်ယောက်မှာ ထိုသို့သော သွားတက်တွေ ရှိနေနိုင်သည်လား။ စဉ်းစားနေတုန်းမှာပင် ကလေးက နောက်တစ်ကြိမ် ပြန်လှည့်လာကာ ပါးစပ်ကို ဟ ပြီး သွားများကို စေ့ရင်း ခွီး… ဟု မန်ဖီသော ပုံစံမျိုးလုပ်ပြပါသည်။ မြတ်စွာဘုရား… ဒီကလေးနှယ့်နော်… ဖြစ်ချင်တော့ မီးပွိုင့်ကလည်း ဒီတစ်ခါ စိမ်းခဲလိုက်တာ။ ကိုယ့်အကြောင်း ကိုယ်သိနေသော ကျွန်မ သူ့ကို ချက်ချင်း မျက်နှာလွှဲလိုက်ပါသည်။
သို့သော် တစ်စုံတစ်ရာက ကျွန်မစိတ်ကို နှိုးဆော်လိုက်သည့်အလား… နောက်ထပ်တစ်ကြိမ် ကလေးငယ်ကို ဖျတ်ကနဲ ကျွန်မ လှမ်းကြည့်လိုက်မိပါသည်။ ထိုအခါ ကျွန်မကိုတည့်တည့်ကြီး စိုက်ကြည့်နေသော ကလေးငယ် မျက်ဝန်းတောက်တောက်များနှင့် ရုတ်တရက်ဆုံတွေ့လိုက်ပြီး… ဘုရားရေ။ ထိုစက္ကန့်ပိုင်းကလေးမှာပင် သူက ခွီး ဟု အသံပြုကာ နောက်တစ်ကြိမ် ကျွန်မကို ထပ်မံ ခြောက်လှန့်ပြန်ပါသည်။ သည်တစ်ကြိမ်မှာတော့ ကျွန်မခေါင်းထဲတွင် နောက်ကျိ မူးဝေလာသလိုပါ ခံစားရကာ အိမ်ဖက်ကို ပြန်လှည့်ဖို့ စဉ်းစားရတော့တာ ဖြစ်သည်။ စဉ်းစားပြီး နောက်ပြန်လည့်ချိန်နှင့် တပြိုင်နက်မှာပင် မီးပွိုင့် မီးစိမ်းသွားဟန်တူပါသည်။ ကျွန်မ မျက်နှာမူရာအရပ်ကို ဆန့်ကျင်ပြီး ကားများ စတင်မောင်းနှင်နေကြသည်ကို သတိထားလိုက်မိသည်။ သို့ဆိုလျှင် ဟိုသားအဖ ကားလမ်းကို ဖြတ်ကူးသွားလောက်ရောပေါ့ ဟု တွေးမိသည်။ ထိုအတွေးနှင့်အတူ လှည့်ကြည့်ချင်စိတ်ကို ကြောက်စိတ်က ထိန်းချုပ်ထားသောကြောင့် ကျွန်မလှည့်မကြည့်ဖြစ်ပါ။
ခြေလှမ်းဆယ်လှမ်းခန့်ရောက်ပြီးချိန်တွင် ကျွန်မနောက်မှ ခြေသံလိုလို ကြားသောကြောင့် အသာလှည့်ကြည့်လိုက်ရာ အသံထွက် အော်မိတော့မလို ဖြစ်သွားသည်။ ကျွန်မပါးစပ်ကို လက်ဖြင့် အမြန်အုပ်ကာ အချိန်မီ ပိတ်ပလိုက်ရသည်။ ခုနက လမ်းကူးတော့မည့် သားအဖ ဘယ်က ဘယ်လိုဖြစ်ပြီး ဘာအကြောင်းကြောင့် နောက်ကို ပြန်လှည့်လာခဲ့သည် မသိ။ ကျွန်မဘေးမှ ခပ်သွက်သွက် ဖြတ်ကျော်တက်သွားပြန်သည်။ ခုနက ကျွန်မကို တခွီးခွီးဖြင့် အော်ခဲ့သော ကလေးငယ်က ထိုလူ၏ ပုခုံးပေါ်တွင် နှစ်နှစ်ခြိုက်ခြိုက် အိပ်ပျော်လျက်သား။ ကျွန်မ ဘယ်နှစ်ကြိမ်မြောက်မှန်းမသိ ဘုရား တ မိ ပြန်သည်။ ကျွန်မ မီးပွိုင့်မှပြန်လှည့်လာသည်မှာ အချိန်အားဖြင့် နှစ်မိနစ် သုံးမိနစ်ခန့်သာ ကြာလိုက်သည်ထင်၏။ ထိုမိနစ်ပိုင်းကလေးတွင် ကလေးလေးက သေသေချာချာကြီး အိပ်မောကျသွားခဲ့သည်မှာ ဖြစ်နိုင်ပါသလား။ ထိုအတွေးတို့နှင့်အတူ နေရာမှာ ခြေစုံရက်လျက်သား ကျွန်မ၏ခြေထောက်များက ကြောက်စိတ်တို့ဖြင့် ယိမ်းယိုင်ကာ ပျော့ခွေပြီး လဲပြိုကျလုမတတ် ဖြစ်နေပေပြီ။ ကျွန်မ နေထိုင်သော အိမ်ကို လှမ်းမြင်နိုင်သော အကွာအဝေးဖြစ်သောကြောင့် အငှားကားတစ်စီးစီးကို တားပြီ အိမ်ပြန်ရအောင်ကလည်း အခက်။ လမ်းဆက်လျှောက်ရန်ကလည်း အားမရှိ။ လမ်းဘေး ရေမြောင်းကို ကာထားသော သံတိုင်များကို အသာမှီထိန်းထားရင်း ကျွန်မအသက်ကို ဝအောင် ရှူကာ ရှေ့တူရူသို့ မရဲတရဲ ကြည့်လိုက်သည်။
အချိန်ကားမနက် ကိုးနာရီ နီးနီးရှိနေမည်ဟု ခန့်မှန်းမိသည်။ နေရောင်ခြည်တို့၏ အနွေးဓါတ်မှာ အတန်ငယ် မြင့်မားလာသည်။ ချွေးထွက်စ ပြုလာသည်။ ကျွန်မ မျက်စိတဆုံး မြင်တွေ့နိုင်သော မြင်ကွင်းတလျောက်တွင် လူသူလေးပါး ကင်းရှင်းနေသည်။ ကျွန်မ ခြေထောက်နားမှာ ခြောက်သွေ့သွေ့ သစ်ရွက်အဟောင်းများကို တွေ့ရသည်။ လေနည်းနည်းတိုက်လိုက်သောအခါ သူတို့က ပေါ့ပေါ့ပါးပါး ဟိုဟုိုဒီဒီ ရွေ့လျား ပျော်ပါးလျက်။ ကျွန်မ ခေါင်းမော့ကြည့်လိုက်သောအခါ ပိတောက်ပင်အကြီးကြီးများမှ ဖြာကျလျှက်ရှိသော ပိတောက်ကိုင်းရှည်များကလည်း လေယူရာတိမ်း ယိမ်းနွဲ့လျက်။ လမ်းမပေါ်တွင် ကားရောင်စုံတို့က လမ်းပေါ်တွင် မနှေးလွန်းမမြန်လွန်း မောင်းနှင်လျက်။ သေချာချင်စိတ်ဖြင့် နောက်တစ်ကြိမ် သေသေချာချာ ကြည့်လိုက်သောအခါ အခုနက ကျွန်မဘေးနားက ဖြတ်သွားသော ကလေးချီထားသော လူကို အရိပ်အယောင်မျှပင် မတွေ့ရတော့။ အရာရာသည် စနစ်တကျ မှားယွင်းလျက်ရှိကြောင်း ကျွန်မ ရိပ်မိလိုက်သည်။
ကျွန်မအသက်ကို ဝအောင် ခပ်ပြင်းပြင်း ရှူသွင်းလုိုက်သည်။ အားအင်ကုန်ခမ်းကာ ချိနဲ့နဲ့ဖြစ်နေသော ခြေထောက်အစုံကို ကြိုးစား အားတင်းလိုက်စေသည်။ ထို့နောက် ဘယ်ကိုမှမကြည့်တော့ပဲ အိမ်ဖက်သို့ ဦးတည်ပြီးအပြေးတပိုင်း လျှောက်ပြန်လာခဲ့သည်။ အိမ်အောက်သို့ ရောက်သောအခါ အလွန်တရာမောဟိုက်နေသကဲ့သို့ ခံစားရသော်လည်း မနားနိုင်ပဲ ဓါတ်လှေခါးခလုတ်ကို နှိပ်ကာ အ်ိမ်ပေါ်သို့ တက်ခဲ့သည်။ မကုန်ဆုံးသေးသော ကြောက်စိတ်တစ်ချို့နှင့်အတူ ဓါတ်လှေခါးထဲတွင် ခုနက သားအဖ ရုတ်တရက်များ ပေါ်လာလိမ့်နို တွေးကာ အစီအစဉ်မကျလှသော ဘုရားစာများ ရွတ်ဆိုရင်း အသည်းတယားယား။
ကျွန်မ နေထိုင်ရာ အထပ်အရောက်တွင် ဓါတ်လှေခါးထဲမှ အမြန် ပြေးထွက်ကာ ပွင့်နေသော အိမ်တံခါးမှတဆင့် အိမ်ထဲသို့ ပြေးဝင်လိုက်ပြီး တစ်စုံတစ်ယောက် လိုက်ဝင်လာတော့မည့်အလား တံခါးကိုမြန်မြန် ပြန်ပိတ်လိုက်မိသည်။ လမ်းလျှောက်သွားတာ မြန်လှချည်လား… ဘာစားဦးမလဲ…အစရှိသည်ဖြင့် တစ်ယောက်တစ်ခွန်း လှမ်းပြောနေသော စကားသံများ၊ မေးခွန်းများကို မည်သို့မျှ မတုံ့ပြန်နိုင်ပဲ အခန်းထဲ တန်းဝင်ကာ အိပ်ယာပေါ်သို့ အရုပ်ကြိုးပြတ် လှဲချလိုက်မိသည်။ အိပ်ယာဘေးတွင် ညက ဖွင့်ထားလက်စ ကွန်ပျူတာမှ မီးအစိမ်းလေးက မှိတ်တုတ် မှိတ်တုတ်နှင့် ကျွန်မကို လှောင်ပြောင်နေသလိုပင်။
ညကဖတ်ခဲ့သော စာစုကို ကွန်ပျူတာထဲမှ ဖျက်ပစ်ရန် သတိရပြီး ကျွန်မ အိပ်ယာမှ အားယူပြီး ထလိုက်သည်။ ထို့နောက် အရိပ်များနှင့် တွေ့ဆုံခြင်း စာစုကို ရှာပြီး ဖျက်လိုက်သည်။ မော်နီတာ ညာဖက်အောက်ခြေထောင့်နားမှ အမှိုက်ခြင်း ကိုပါ တဆက်တည်း ရှင်းကာ ကွန်ပျူတာကို ပိတ်ချလိုက်သည်။ သေချာစေရန် မီးခလုတ်ကိုပါ မမှီမကမ်းနှင့် လှမ်းပိတ်လိုက်သေးသည်။ စိတ်ထဲ အနည်းငယ် ပေါ့ပါးသွားသယောင်။ လူရော စိတ်ပါ အလွန်တရာ ပင်ပန်းနွမ်းနယ်နေသောကြောင့် ထိုအခိုက်အတံ့လေးတွင် နှစ်နှစ်ခြိုက်ခြိုက် အိပ်ပျော်သွားရန်သာ ကျွန်မ ဆန္ဒရှိနေခဲ့သည်။
နွေနံနက်ခင်းသည် လိုသည်ထက် ပိုမို ပူပြင်းလှသည်။ သွေ့ခြောက်ခြောက် နွေဦးနှင့်နေခြည်နွေးနွေးကို ချစ်ခင်နှစ်သက်သော်လည်း နောက်ရက်များတွင် ကျွန်မ လမ်းလျှောက်ဖြစ်မည် မထင်တော့ပါ။ ထို့အတူ ခေါင်းစဉ်လှလှတပ်ထားသော စာစုတိုင်းကိုလည်း ကျွန်မ ဖတ်ဖြစ်မည် မထင်တော့ပါ။
သက်ဝေ
(၀၂စက်တင်ဘာ ၂၀၁၄)
0 comments:
Post a Comment