ကလေးများရဲ့ ဘ၀ကို အကျိုးတက်ရောက်စေနိုင်သည့် မိဘများ၏လေသံများ

 

 

Aung Ko Latt added 2 new photos.

ကလေးတွေဟာမိဘများရဲ့အသိအမှတ်ပြုမူနဲ့ အားပေးကူညီမူကို အလွန်လိုလားတောင့်တကြပါတယ်။ ကလေးတွေဘယ်လောက်ပဲမှားမှား၊ လွန်လွန်ကျူးကျူး အပြစ်ပေးတာမျိုး မိဘတိုင်းရှောင်ရှားသင့်ပါတယ်။ မိဘများရဲ့ကလေးအပေါ် ပြောဆိုဆက်ဆံတဲ့လေသံတွေဟာ ကလေးရဲ့တစ်ဘ၀လုံးကို အကျိုး သက်ရောက်နိုင်တယ်လို့ ပညာရှင်တွေကထောက်ပြကြပါတယ်။
မိဘများသုံးသင့်တဲ့လေသံများ........

ယုံကြည်တဲ့လေသံ
============
ကလေးတိုင်းဟာ မိဘရဲ့ယုံကြည်မူကို အလွန်လိုလားကြပါတယ်။ ဒါကြောင့်မို့လို့ ကလေးတွေနဲ့ ဆက်ဆံပြောဆိုတဲ့အခါမှာ ယုံကြည်တဲ့လေသံမျိုးနဲ့ ပြောဆိုသင့်ပါတယ် ။ ဥပမာ၊ ကလေးကကြက်တောင်ရိုက်ချင်တယ်ဆိုပါစို့၊ “သမီး၊ ကြိုးစားရင်အကုန်ဖြစ်တယ်။ ကောင်းကောင်းတာရိုက်၊ ငါ့သမီးကောင်းကောင်းရိုက်တတ်သွားမှာ ” စသည်ဖြင့် အားပေးယုံကြည်တဲ့စကားမျိုး ပြောဆိုအားပေးသင့်ပါတယ်။
တကယ်လို့များ “ သမီး၊ တကယ်ရိုက်ချင်မှရိုက်၊ ဘာပဲလုပ်လုပ် ငါ့သမီးကဇွဲကိုမရှိဘူး၊ အစတုန်းကတော့ ဟုတ်မလိုလိုနဲ့ အဖျားရှူးရှူး သွားတာ အဖေမကြိုက်ဘူး ” စတဲ့စကားတွေကို ပြောမိခဲ့ရင် ကြက်တောင်ရိုက်တတ်ဖို့ မလွယ်လှတော့ပါ။

လေးစားတဲ့လေသံ
============
ကလေးတွေအသက်နှစ်နှစ် သုံးနှစ်လောက်ရောက်လာတဲ့အချိန်ကစလို့ သူတို့လေးတွေဟာ မိမိကိုယ်မိမိ စတင်အသိဝင်လာတတ်ပါပြီ။ အသက်တဖြေးဖြေးလေး ကြီးလာတာနဲ့အမျှ ကလေးတွေဟာ ကိုယ့်အယူအဆလေးတွေ၊ ကိုယ့်အမြင်လေးတွေ ရှိလာတတ်ကြပါတယ်။ တစ်ခါတစ်လေ သူ့အမြင်နဲ့ကိုယ့်အမြင် ဖီလာဆန့်ကျင်ခဲ့တယ်ဆိုရင်တောင်မှ ဒါအာခံတာပဲ၊ ဒါမိဘကိုမိဘမှန်း မသိတတ်တာပဲ စသည်ဖြင့် ဒေါသတကြီးနဲ့ မတုန့်ပြန်ဖို့ လိုပါလိမ့်မယ်။
ဥပမာ ကလေးကို အိမ်စာလုပ်ခိုင်းတာ၊ ကလေးက ခဏဆော့ချင်သေးတယ်လို့ ပူဆာလာတယ်ဆိုပါစို့၊ “ အေး ဆော့နေ၊ ဆော့နေ၊ အခုတောင်မှ မိဘစကားကို နားမထောင်ချင်တော့ဘူး၊ မင်းကြီးလာရင်ဘယ်လွယ်တော့မလဲ ” ဆိုတဲ့စကားမျိုး ပြောမည့်အစား
“ အေးအေး၊ သားတအားဆော့ချင်တယ်ဆိုရင် ခဏဆော့၊ ပြီးရင်တော့ စာလုပ်ရမယ်နော်” အဲလိုပြောရင် အများကြီးပိုထိရောက်တတ်ပါတယ်။

ဆွေးနွေးတဲ့လေသံ
==============
လူသားများရဲ့ပင်ကိုယ်သဘာဝအရ လူတိုင်းလူတိုင်းဟာ ကိုယ့်ကိုကိုအထင်ကြီးတတ်တဲ့ စိတ်ရှိကြပါတယ်။ ကလေးတွေလည်းအတူတူပါပဲ၊ ကလေးကိုတစ်ခုခု လုပ်ခိုင်းချင်ရင် ဆွေးနွေးတဲ့လေသံမျိုးနဲ့ ပြောရင် သူတို့လေးတွေ ပိုမိုစိတ်ပါပြီး လုပ်တတ်ကြပါတယ်။ “ သား၊ အရုပ်လေးတွေအဲလိုလျှောက်မပစ်ရဘူးလေ၊ လာလာ အမေနဲ့အတူသိမ်းကြရအောင်” စသည်ဖြင့် စည်းရုံးသိမ်းသွင်းပြီး ဆွေးနွေးတဲ့လေသံနဲ့ ဖြေးဖြေးလေ့ကျင့်ပျိုးထောင်ပေးလို့ရပါတယ်။ “ မင်းလုပ်လို့ ရူပ်ပွနေတာပဲ၊ မင်းသိမ်းရင်ပြန်သိမ်း၊ မသိမ်းမဆည်းနဲ့ဆိုရင် နောက်တစ်ခါမင်းကိုလုံးဝပေးမကစားတော့ဘူး” လို့ ပြောတာမျိုး ရှောင်ရှားသင့်ပါတယ်။

အသိအမှတ်ပြုတဲ့လေသံ
================
ကလေးတိုင်းဟာ ကောင်းတဲ့အရည်အချင်းလေးကိုယ်စီ တစ်ခုမဟုတ်တစ်ခုတော့ ကောင်းကွက်လေးတွေရှိတတ်ကြပါတယ်။ ကလေးလည်းသူ့တို့ကောင်းကွက်လေးတွေကိုပြသချင်တာပါပဲ၊ အဲဒီကောင်းကွက်လေးတွေကို ရအောင်ရှာထုတ်ပြီး အသိအမှတ်ပြုပေးဖို့လိုပါတယ်။ “ သား၊ သားပြုံးလိုက်ရင် အရမ်းကြည့်လို့ကောင်းတာပဲ” လို့ခဏခဏ အသိအမှတ်ပြုခံရတဲ့ ကလေးဟာ ကြီးလာရင်အပြုံးပိုင်ရှင် ဖြစ်သွားနိုင်ပါတယ်။ ပြုံးတတ်ခြင်းဟာ ဘယ်လောက်အရေးကြီးတယ်ဆိုတာ စီးပွားရေးလုပ်သူတိုင်း သိကြပါတယ်။ကလေးကပုံကလေးဆွဲပြီး မိဘကိုလာပြတယ်ဆိုပါစို့၊ “ သား၊ ဒီပုံသိပ်မလှသေးဘူး၊ မသေသပ်ဘူး၊ ထပ်ဆွဲအုံး” လို့ပြောမည့်အစား “ ဟေ..သားတောင်ပန်းချီတော်တော်ဆွဲတတ်နေပြီပဲ၊ ကောင်းတယ်၊ ဆက်ကြိုးစား”လို့ပြောရင် ပိုမိုအကျိုးထိရောက်တတ်ပါတယ်။

အားပေးတဲ့လေသံ
============
ကလေးတိုင်းအမှားကင်းဖို့ဆိုတာ မဖြစ်နိုင်ပါဘူး၊ ကလေးတစ်ခုခုမှားခဲ့ရင် အပြစ်တင်မစောစေပဲ၊ သင်ခန်းစာယူတတ်ဖို့ ကူညီသင့်ပါတယ်။ ကလေးကရေနွေးခွက်ယူမိလို့ ကျကွဲသွားတယ်ဆိုပါစို့၊ “ ခွက်လေးတောင် မြဲအောင်မကိုင်နိုင်ဘူး၊ အဲဒါဘယ်လောက်ဈေးကြီးလဲ၊ မင်းသိလား” လို့ပြောမိရင် ကလေးနောက်တစ်ခါ အစမ်းလုပ်ဖို့ ဟန့်တားသလို ဖြစ်သွားနိုင်ပါတယ်။ “ သားသား၊ လက်ရှမိလား၊ နောက်တစ်ခါဆိုရင် ရေအရင်စမ်းကြည့် ပူရင်မကိုင်နဲ့” လို့ပြောရင် အတွေ့အကြုံပါတခါတည်း သင်ပေးပြီးသား ဖြစ်သွားနိုင်ပါတယ်။
------------------------------------------------------------------
အမှန်တော့ ဘာလေသံပဲ သုံးသုံး၊ သားသမီးပျိုးထောင်တဲ့ ရည်ရွယ်ချက်ဟာ သူတို့လေးတွေ ကျန်းကျန်းမာမာ၊ ပျော်ပျော်ရွှင်ရွှင်နဲ့ လူလားမြောက်စေချင်တာပါပဲ။ အဲဒီလူလားမြောက်ဖို့၊ ကျန်းမာပျော်ရွှင်ဖို့ ဆိုတာတွေက ကလေးတွေရဲ့ မိမိကိုယ်မိမိ အပြည့်အ၀ယုံကြည်စိတ်အပေါ်လုံးဝမှီတည်နေတတ်ပါတယ်။ အဲဒီယုံကြည်စိတ်မျိုးကို ငယ်စဉ်အခါကတဲက ပျိုးထောင်ပေးရပါတယ်။ တကယ်လို့ စိတ်ဆိုးတဲ့လေသံ၊ စိတ်ပျက်တဲ့လေသံ၊ သံသယရှိတဲ့လေသံ၊ မယုံကြည်တဲ့လေသံ၊ ဆိုဆုံးမတဲ့လေသံ တွေနဲ့ ကလေးတွေကို ဆိုဆုံးမမိပါက ဘာမဆိုနာခံ၊ ဘာမဆိုကြောက်ရွှံ တတ်ပြီး ကိုယ့်ကိုကို ယုံကြည်မူကင်းတဲ့ ကလေးများဖြစ်သွားနိုင်ပါတယ်။
မိဘများအတွက် အသုံးဝင်နိုင်ပါစေလို့ ဆုတောင်းပါတယ်။
Ref: WeChat