ဗင်လတိုင်း လိုက်(ဖ်)ရှိုး

မိုးကြာညို မိုး and 3 other friends were tagged in Linaung Pyae's photo.

ချစ်သူတွေက
ဗင်လတိုင်းရဲ့ ရင်ခွင်ကျယ်ထဲမှာ
မြူးပျော်လို...။

ရုပ်ရှင်လက်မှတ်တန်းစီနေတဲ့ ဗင်လတိုင်း
ကားမှတ်တိုင်တွေရှေ့မှာ ဗင်လတိုင်း
တက္ကစီကားလေးတွေထဲမှာ ဗင်လတိုင်း
ဗန္ဓုလပန်းခြံထဲမှာ ဗင်လတိုင်း
ကန်တော်ကြီးနဲ့ အင်းယားကန်မှာ ဗင်လတိုင်း
ကော်ဖီဆိုင်လှလှလေးတွေထဲမှာ ဗင်လတိုင်း
....................ဗင်လတိုင်း
...................ဗင်လတိုင်း
..................ဗင်လတိုင်း
သွားချင်ရာ သွားခွင့်ရှိနေတဲ့ ဗင်လတိုင်း ။

မြင်ကွင်းတွေထဲမှာတော့
ဗင်လတိုင်းဟာ အကျီ င်္ဆင်တူဝတ်..လို့၊
ချောကလက်ကလေးတွေ အတူစား..လို့၊
မနိုင့်တနိုင် သိုးမွှေးရုပ်ကြီးတွေကို ချီမ..လို့ ၊
ကြည်မြတဲ့ အပြုံးချိုချိုတွေနဲ့
ဟိုဟို ဒီဒီလျှောက်လည်နေကြလေရဲ့ ။

ကြည့်ရသလောက်
တစ်ယောက်လက်မှာ
တစ်ယောက်အသက်ကို ဖောက်ထည့်ထားသလို...
တစ်ယောက်အတွေးမှာ
တစ်ယောက်အမေးကို မဖြေဘဲသိနေသလို...
တစ်ယောက်အကြိုက်မှာ
တစ်ယောက်အလိုက်ကို စောင့်ဖို့မလိုသလို...
တစ်ယောက်ပုခုံးဆီမှာ တစ်ယောက်ကအုံးမှီလို့
ဖေဖော်ဝါရီရဲ့ အလယ်တည့်တည့်မှာ
" (၁၄)ရက်နေ့ကို သိမ်းပိုက်ထားကြလေရဲ့ " ။

သူတို့အတွက်...
ဘာမဆို အဆင်သင့်ဖြစ်နေတဲ့အနေအထားနဲ့
ဗင်လတိုင်းဟာ...
အချစ်ကို အချစ်နဲ့တုန့်ပြန်ဖြေကြားလို့
နှစ်ကိုယ်ကြားက တတိုင်းတွေကို ရိုက်ချိုး
ဖေဖော်ဝါရီရဲ့ နှင်းခင်းကြီးထဲမှာ
ကျွန်တော်တို့လို ပရိတ်သတ်တွေအတွက်
လိုက်(ဖ်)ရှိုးကြီးတစ်ပွဲ ကျင်းပနေကြလေရဲ့....။

လင်းအောင်ပြည့်
(14.2.2014) ညနေ၅နာရီ

(ဗင်လတိုင်းရဲ့ ဘ၀တူပွဲကြည့် ပရိတ်သတ်များသို့ အထူးတလည်ရည်ညွှန်းပါသည်)